Господину благовѣрному князю Георгию Дмитреевичю – Кирилище, чернечище грѣшный, со своею братицею. На твоей, господине, на частой еже къ намъ, нищымъ, милостыне много челомъ бием. Радуемся, господине, видя и слыша твое доброе произволение, – что от всея душа уповаеш на Бога и на Пречистую Его Матерь и от нас, воистину недостойных и грѣшных, посланное к тебѣ слово твориши приятно.
А что, господине, скорбишъ о своей княгине, что въ недузе лежит, ино господине, воистинну вѣмы, яко нѣчто смотрѣние Божие и человѣколюбие Его бысть на вас, – чтобы есте исправились к Нему. И вы, господине, посмотрите себѣ, покайтеся от всея душа своея, и отъ того бы престати. Занеже, господине, аще кто и милостыню творит, аще и молити Бога за себя велит, а сам не отстанетъ неподобных дѣл своих, ничтоже ползует себѣ, ниже Богъ благоволит от таковых приношения. И вы, господине, посмотрите себѣ, исправитеся къ Богу невозвратно. И аще, господине, сице обратитеся к Богу, и аз грѣшный поручаюсь, яко проститъ вамъ благодатию Своею вся согрѣшения ваша и избавитъ вас от всякия скорби и бѣды, а княгиню твою здраву сотворит.
Мы, господине, грѣшнии отъ всея душа своея ради Бога молити о ней, чтобы ея помиловал и облехчил от болѣзни тоя тяжкия. И аще ли, господине, тако пребудет в недузе том, то воистинну, господине, вѣждь, яко нѣчто добродѣтели ея хощетъ Богъ упокоити ю отъ маловременныя сея и болѣзненыя жизни ко оному нестареющемуся блаженству.
Ты же, господине, не скорби о сем, видя сию идущу в безконечный покой, в свѣтлость святых, в неизреченную славу Божию, и тамо зрѣти пресладкаго лица Его и со Христомъ быти и, обрѣтъ Его, радоватися во странѣ живущих, идѣже глас веселящихся. Но надеемся, господине, на милость Божию, яко не оскорбитъ Господь, но благодатию Своею помилуетъ и утѣши тя.
И Пречистая Госпожа Богородица и Царица наша поможет ти, что нас, господине, нищих ея, не забываешъ, в пустом семъ мѣсте собравшихся во обитель ея, но часто призираеши доволными милостынми своими. О всѣх же сих, господине, мы грѣшнии ничтоже можемъ воздати тебѣ, но Пречистая Богородица воздастъ ти множае в сий вѣкъ и в будущий. А язъ, господине, грѣшный со своею братицею ради Бога молити и Пречистую Матерь о твоемъ здравии и спасении, и твоей княгине, и о твоихъ дѣтках, и о всѣх християнех, порученных тебѣ.
А что еси, господине князь Юрье, писал ко мнѣ грѣшному, яко: «Издавна жадаю видѣтися с тобою», – ино, господине, Бога ради не мози того учинити, что ти к нам ѣхати, занеже, господине, вѣмъ, яко нѣчто моихъ ради грѣховъ то искушение приидет на мя, аще поѣдешь ко мнѣ. Занеже, господине, извѣстую ти: не мочно ти нас видѣти. Покиня, господине, и монастырь, да ступлю прочь, куды Богъ наставитъ. Понеже, господине, вы чаете мене здѣсе, что яз добръ и святъ, ано, господине, въистинну всѣх есми человѣкъ окаяннее и грѣшнее и всяго студа исполненъ.
И ты, господине князь Юрьи, не подиви на нас о семъ, понеже, господине, слышу, что божественное Писание самъ вконец разумѣеши и чтеши. Вѣдаешъ сам, каковъ намъ вред приходит от похвалы человѣчьския, наипаче же надстрастнымъ. Аще, господине, и кто воистинну святъ и чистъ сердцемъ, но и тѣмъ повреждение бываетъ от тоя тяготы. А намъ, господине, всякой страсти повинным, велика спона души от того.
Еще, господине, сам сего поразсуди: понеже твоея вотчины в сей стране нѣт, и толко ты, господине, поѣдешь семо, ино вси человѣцы начнут глаголати: «Кирила деля токмо поѣхалъ».
Былъ, господине, здѣсе брат твой, князь Ондрѣй;2 ино, господине: – его отчина, и намъ пришла нужа: нелзе намъ ему, своему господину, челом не ударити. А ты, господине, Бога ради не учини того, что ти к нам ѣхати.
Аз, господине, аще и грѣшен есмь, а рад Бога молити и Пречистую Его Матерь со своею братиицею о тебѣ, о нашемъ господине, и о твоей княгине, и о твоих дѣтках, и о всѣх християнехъ, иже под властию твоею, якоже ти, господине, и преже сего писах. А Пречистая Богородица, Владычица наша, помилует тя, и покрыетъ тя ризою своею честною, и наставитъ тя въ разумъ истинный, и управит тя во царствии Сына своего за молитвъ святых. Аминь.
* * *
Примечания
...ко князю Юрѣю Дмитреевичю. – Юрий Дмитриевич (1374–1434), сын Дмитрия Ивановича Донского, крестник Сергия Радонежского. По завещанию отца в 1389 г. получил в удел Звенигород, Галич, Рузу-городок и др. После смерти в 1425 г. своего старшего брата Василия начал борьбу за великокняжеский престол с его сыном Василием Васильевичем. Β 1428 г. вынужден был признать себя «младшим братом» своего племянника. He смирившись с этим, попытался в 1431 г. найти поддержку в Орде, сумел добиться лишь выморочного г. Дмитрова, но оттуда его наместники были изгнаны великим князем Василием. После оскорбления, нанесенного его сыну Василию Косому на свадьбе великого князя Софьей Витовтовной, Юрий Дмитриевич с галицким войском нанес в 1433 г. поражение Василию Васильевичу, дал ему в удел Коломну, но затем сам предложил ему вернуться на великокняжеский стол и ушел из Москвы в Галич. Дети Юрия Дмитриевича с помощью его воевод и людей нанесли в том же году еще одно поражение великому князю, за что тот на следующий год взял и сжег Галич, а затем в третий раз был разбит дядей. Юрий Дмитриевич вступил в Москву, послал вдогонку за Василием Васильевичем своих сыновей, но тут, 5 июня 1434 г., скоропостижно скончался.
...брат твой, князь Ондрѣй... – См. след. коммент.