Азбука веры Православная библиотека святитель Мелетий Александрийский Послание к православным жителям Рогатина с утешением в гонениях на них


святитель Мелетий Александрийский

Послание к православным жителям Рогатина с утешением в гонениях на них

21. 1601 Августа 5. Патриарх Мелетий утешает православных жителей Рогатина в гонениях на них и убеждает твердо стоять за Православие.

Мелетий, милостию Божиею папа и патриарх великого града Александрии и судия вселенский. Благочестивейшим и православным братиям с прочими православными, иже в Рогатине богохранимом граде обретаючимся христианом, свещенного же каталокга и мирского чина, с женами и чады, сыном о Господе возлюбленным, благодать, милость и мир от Господа и Бога и Спаса нашего Иисуса Христа.

Бдете (рече Спас священным своим учеником) и молитеся, да не внидите в искушение. Бе же убо искушение при дверех, буря от злейших оных архиерей и книжник на самого Спаса воздвизаема, яже и пастыра поразившая и расточившая овца его. Ея же ради вины и Господь о них Небесного Отца, яко Архиерей сый, умоляше сохранити сих. И погибе от них токмо сын погибельный. Рече же Спас, яко не о онех (тогда яве учеником) точию молил, но и о хотящих веровати онеми в самого Спаса; они же есте вы, о них же Спас и тогда и ныне по приличествующему образу молит Отца и нас увещевает: «молитеся, дабы напастей избегнути», от них же не у преста, ниже убо престанет когда, на церковь Христову воздвизаяй боритель. Весте ж всячески братие, яко Спас наш кафолицкая Глава Церкви Христос, якоже предрече своим, яко в мире скорбь имети будете; обаче же тако обеща, яко не оставлю вас сирых и яко с вами буду даже до скончания века. Сия убо имеюще заповеди и обещания, братие, усердно да держимся отеческих догмат и преданий, молящеся и верующе, яко не оставит вас искушенным быти Спас паче силы нашея, но даст силу и наступите на змию и скорпию и победите о возмогающем вас Христе всяку силу вражию, венцев оных имеяще сподобитися безсмертных, их же воздасть в он день, по Апостолу, праведный Судия, Его же милости со всеми вами. Аминь.

В Египте, 5 Августа 1601 г. Мелетий милостию Божиею папа и патриарх великого града Александрии. През праведных Исаака, иеродиакона и екклисиарха, и Иосафа, четца Александрийского, наших сынов.

Оттуда же.


Источник: Археографический сборник документов, относящихся к истории Северозападной Руси, издаваемый при управлении Виленскаго учебнаго округа. - Том второй. - Вильна, 1867. - №21. - С.19-20.

Вам может быть интересно:

1. Послание к Константинопольскому Патриарху [Митрофану] святитель Марк Эфесский

2. Послание ко многоучительному Николаю немчину преподобный Максим Грек

3. Послание, писанное из Ефеса, к аввам монашествующих святитель Кирилл Александрийский

4. Послание к папе Вигилию святитель Евтихий, патриарх Константинопольский

5. Послание Иоанну, пресвитеру и игумену святитель Тарасий, патриарх Константинопольский

6. Послания святитель Феофан III, митрополит Никейский

7. Иное повинное послание к великому князю Димитрию Иоанновичу Донскому святитель Дионисий Суздальский

8. Фрагмент из послания против Павла самосатского священномученик Дионисий Александрийский

9. Послание к Акакию Константинопольскому Феликс III

10. Послание ко Льву III, папе римскому святитель Никифор, патриарх Константинопольский, исповедник

Комментарии для сайта Cackle