№ 18. 1660 г., февраля 27. Соборное определение о проверке сказок, поданных разными лицами духовного звания, по поводу оставления Никоном патриаршего престола; о разрешении выписки из Номоканона и соборных правил об архиереях, самовольно оставляющих свои престолы. Из сего собор извлёк заключение: «что правила Св. Отец согласно все невозбранно повелевают на отрёкшегося своей епископии, или отшедшего без богословной вины вящше 6 месяцев, епископа вместо его иного поставлять»

В лето от создания мира 7168, от воплощения же Господа Бога и Спаса нашего Иисуса Христа 1660-е, повелением благочестивейшего великого государя царя и великого князя Алексея Михайловича, всея Великой и Малой и Белой Росии самодержца, собрались преосвященные митрополиты и архиепископы, и епископы, архимандриты и игумены и весь освященный собор.

Собрались же по той причине: поскольку пред сим летом вышеуказанной восьмой тысячи во 166-е случилось святейшему Никону, патриарху Московскому и всея Росии, свой патриаршеский престол оставить, и в нынешнее вышеуказанное лето, Февраля в 16 день предстал весь преосвященный собор пред лицом великого государя царя и великого князя Алексея Михайловича, всея Великой и Малой и Белой Росии самодержца, и слыша от святых уст его велико попечение, зане святая соборная церковь пастыря и жениха не имеет, да преосвященный собор о сем крепко и единодушно праведно, не имея кто ненависти и тщетной любви, по правилам святых апостол и святых отец, рассуждают, памятуя каждый страшный суд и воздаяние каждому по делам его. Они же преосвященный собор, слыша премудрейшее его великого государя повеление, пришли в крестовую патриаршую палату, и на утро, Февраля в 17 день, по его великого государя царя и великого князя Алексея Михайловича, всея Великой и Малой и Белой Росии самодержца указу, боярин Пётр Михайлович Салтыков принёс на собор сказки письменные. И преосвященный собор, приняв сказки и свидетелей, против сказок на соборе допрашивали священного чина по священству, а прочих по святой Христовой евангельской заповеди.

В сказках преосвященного Питирима, митрополита Сарского и Подонского, и боярина князя Алексея Никитича Трубецкого написано: патриарх Никон патриаршества своего отречеся с клятвою; а в прочих сказках во всех о отречении патриаршества его написано: отречеся патриарх патриаршества своего во всех согласно, и впредь на патриаршестве обещася не быти.

И преосвященный собор, сказок слушав, познали: святейший патриарх Никон оставил свой патриаршеский престол своею волею, и о том посылал доложить великого государя царя и великого князя Алексея Михайловича, всея Великой и Малой и Белой Росии самодержца, боярина Петра Михайловича Салтыкова об указе. И боярин Пётр Михайлович, придя на собор, сказал, что великий государь царь и великий князь Алексей Михайлович, всея Великой и Малой и Белой Росии самодержец, указал преосвященному собору выписать из правил святых апостол и святых отец о отшествии бывшего патриарха Никона; а у выписки указал великий государь быть преосвященному архиепископу Маркелу, Вологодскому и Белоозерскому, и преосвященному архиепископу Илариону, Рязанскому и Муромскому, и преосвященному Макарию, архиепископу Псковскому (и) Изборскому, Чудова монастыря архимандриту Павлу, Александрова монастыря Свирского игумену Симону.

И по указу великого государя царя и великого князя Алексея Михайловича, всея Великой и Малой и Белой Росии самодержца, преосвященный собор велели выписать из правил святых апостол и святых отец, а у выписки велели быть преосвященным архиепископом Маркелу, Илариону и Макарию и архимандриту Павлу и игумену Симону.

Выписано из правил святых отец из Кормчей книги.

Первого и второго собора в церкви святых апостол правило 16, лист 221.

Ни по которому же образу да не взыдет кто на епископию, еяже епископ жив есть; подобает бо вину изыскать, его же хотят изгнать, и по извержении его другого поставить. Аще который епископ нерадит о своём стаде, ни болезнью, ни церковным повелением, ни патриарховым одержим, вящше шести месяц время от своей церкви отшед сотворит, епископского сана и чести да будет чюж.

В Матвееве книге иеромонаха сие же правило сице писано:

Состава 4, лист 87.

Карфагенского собора правило 88-е, лист 153.

Не повелевает иже под оглаголанием бывшего епископа от епископства изринути, Дóндеже еже о нем разрешится судилище. Тажде и шестонадесят глаголемаго первого и второго собора правило яве заповедает, не хиротонисать кого повелевая в церкви, ейже епископ еще жив есть, и не оу своея совершение отвержен бысть чести. Аще и от некиих о гресех обвинен бысть и малодушествовал негли остави епископство, крамолы бо и смущения виновно. Се убо подобает же церковным всяко любоненавистие паче отлагати, но правильно, яже о нем изтязовати. И аще по слову, рекше по правде, оставление епископства бысть, или правильно за согрешения извержен бысть, абие иного во епископство поставлять. Но и аще кто по своей чести добре утвержен не хощет пасти своя люди, но своего отступил стада более шести месяцев, во ином провождает месте не некоей нужды удерживающей, епископии и седалища праведно отъят будет.

Того же книги состава 5, глава 28, лист 110.

От епистолия, яже к Домну, Кирила об отречении епископов.

Сим святый присуждает Кирил в третьей главе, иже к Домну епистолия. Отрицать бо ся, рече, священнодействующим своих церковь церковным не угодно есть уставам. Достойни бо убо суще служити не подобает творить отречение; аще ли ж недостойны, не от отречения да исходят, но от указанных наших согрешений; аще ли же и отречься кому епископства приключится и вверенное ему стадо оставить, держаться службы к тому несть убо праведно. Неразумно бо и неискусно трудное убо и неболезненное отрицаться председания учения глаголю.

И люди к лучшему придание и елико по сим возбраняти еже на горшее сих поношение и елика же почесть приносят и похвалу содержати и усвояти. Небрежение и о множайшем еже о душах прилежание сотворшу. Показуетжеся и от 16 правила глаголемаго перваго и втораго собора излишно иже сице судящих безумие, еже мощи явие яко архиереом епископства убо отрещися священства ж и еще паки содержати. Сие бо правило и еже множае шести месяц от своея отшедшаго епископия нужною некоторою виною, и невозбраняема отпадати повелевает, и епископства и священства. Да аще убо иже менши согрешивый, сице осужден бысть, како иже отнюдь отрекийся епископства, и еже о стаде попечения во всем житии пренебрег, не паче же множайше томим будет, елико по того воли влеком оставль вверенное ему от первого пастыря Христа священное стадо. Сему ж точию яко не томиму, но паче яко честь тому подаватися яже священства старейшинства, еже есть не по правилех и законех, о нем же и десятое правило святого сказует Деонисия. Аще в предстателство люцкое призываемый правила отлучатися, аще не повинутся, повелевают, кто убо от иже ум имущих без вины поставленных архиерей приимет отречение, а не последнее, елико убо силен будет сих мучить. Инако же еже епископства имя вещи есть и действа явителна, отрясый же волею действо, отпаде яве яко и звания, епископ же зватися не будет, како священства держатися может? Какож и иерарх назовется, еже есть и священником начальник. Иже бо причет не имый и под собою, ниже убо начало будет священником. А ему ж несть иераршества имяна и много ж паче подобает ниже действа. Иже бо именю не причастен, колми паче вещи. Неприятно убо да будет просте отречение, разве аще недостойна себе кто священству исповесть. Сему же указану бывшу вкупе со отречением и всякаго священническаго достоинства отрицаяйся отпадет.

Вселенского собора 9-е, лист 91.

Терпеть подобает Евстафиеви во епископии крепко: се бо всякому епископу должно есть; он же плещи дав неполезно отречеся, Феодор же в того место поставлен бысть; он же плачася и моляся чести прося неповинен; поставлей же в него место, имый яве того отречение, без греха есть.

Толкование.

Сей Еустафий, епископ Памфилийский, Памфилия же область есть Итталийская, убог сый и немогий церковных вещей правити и находящаго нам попечения строити и управляти, таковых отречеся церковных вещей правленья, рекше остави епископию писанием, и поставлен бысть в него место ин, именем Феодор; и потом на Ефеский собор прииде, моляся и кланяяся, не епископию хотяше паки прияти; аще бо бы и просил епископию паки, не Быша его послушали единою тоя отрекшася и уже в него место иному в ней поставлену суще; но честь епископскую прося имети и общение. И оправдан бысть в ней от святаго собора без всякаго прекословия, якоже и епископом именоватися ему и честь святителскую и седалище имети и служити и поставляти презвитеры и дияконы, не по своему господству, ни своею волею егда хощет, но егда брат некий епископ повелит ему в своей церкве служити, или поставити кого по предложению и любове ради Христовы. Милосердием же сего святаго собора отцы и сие слово приложиша к сущему в Памфилии собору рекше, аще же о нем лучше нечто совещаете, или ныне или по сем. Се же есть или в праздну церковь не имущу епископа ввести того, или инако некако дарованием помощи ему.

А в Матфееве книге ермонаха состава 5, глава 28, тоже слово сице:

Но и от иже к сущим Памфилия послания святаго и вселенскаго третияго собора о некоем Евстафии показуется, иже праве сматряющим отрицающихся церковь обоего вкупе отпадати и епископства и священства. К сему ж еще и еже свесма отрицатися архиереом епископства не быти безгрешно. Сей бо Евстафие, епископ сый Памфилийский, в напасть впад и стужив сый от малодушея и неискуства, с написанием отречеся епископства. И ту убо ин поставлен бысть. Он же, плачася, священному приступи собору. По сих не церковь вспять иский, не имущему ея чесо пристужая, имя же и почесть имети епископскии прося. Они же и слез и глубокую старость устыдевшися Евстафиеву и да не ему нечто прилучится от безмерныя печали, убоявшеся, имя епископско имети оправдиша, и почесть и приобщение якоже внутрь святаго жертвенника входящу причащатися, ниже убо священнодействовати ему ниже хиритонию творити, аще не повелено ему будет от поместного епископа; сия же неправильне речена Быша святыми, но строение сотворшим и необычно снисхождение, якож иже епистолию опасне прочитая яве уведети имать.

Поместного собора Сардикийского правило 18, лист 114.

О епископстем закоснении и о презвитерстем и дияконстем изложеныя заповеди да имут силу.

Толкование.

Да никоторый же епископ своего стада не оставляет и во ином граде вящше трех недель не пребывает. Се убо и презвитером и диаконом се правило повелевает, да и тии боле трех недель не оставляют своих церквей.

Кирила, архиепископа Александрийского, правило 3, лист 273.

Чрез церковныя заповеди еже писанием отрицатися епископии и приносити таковая писания неким святителем, аще бо достойни суть святителства да служат, аще ли ни, да не отрицаются; но обличени бывше о злых своих дел судом да извергутся, егоже некогда Прокл от беды и страха и прещения неких, якоже реша, отречеся.

Карфагенского собора правило 72, лист 148.

Не подобает ни единому же епископу оставити господское седалище и на ини переселитися. Или во своих вещах упражняющуся, о своем престоле нерадети.

Толкование.

Не токмо от града во град преходити епископу различными правилы возбранено есть, но ни ветхия епископии оставити, идеже бе искони престол церкве его, и в другую церковь сущую в пределе его преити, и оныя честь в сию преложити правило се не прощает. Но ни в своих особных вещах упражнятися ему, паче потребы не оставляет и о попечении и о учителстве людей своих нерадети возбраняет.

Василия Великого правило 17, лист 231.

Презвитер Вианор кленся и раскаявся за ускорение таковыя клятвы.

Толкование.

Сей презвитер Вианор от некоего притуждаем и не могий того стужении терпети, и от смущения клятся к тому не служити, и потом раскаявся служити восхоте. И вопрошен быв о сем Великий Василий, аще приятель есть; и повелевает, аще кается о ускорении клятвы – прияти его. Обаче не в соборных церквах служити ему, да не будет соблазн многим, но особно презвитерская действовати; рекше служити.

Из книги Григория Богослова. От предисловия 14.

Сто и пятьдесят епископов, повелением царя Феодосия Великого, приидоша от различных областей в Константин град на Македония духоборца преже составления еже о нем беседу, зело удивишася Григорию Богослову о богословья высоте и житья его чистоте и наречением общим престол Константина града сему утвердиша, едва повинушася многими молбами царевыми. Посем уведев некия от египетских епископ еще завидящих и наречением ругающимся, и три епископа того имянующа. Зависть убо уведев, умысли изыти, яко да не прочим епископом и роду смущенье к египецким будет его ради, и убо старость непщевав и недуг и невежество и неискуство и ины вины, и предлежащее изгласи слово. И много молив царя и собора, едва отпущен бысть к своему отечеству. Таже хиротонисавше Нектария, в его место, и прочая.

В Никонове книге во главе 21.

Паки угодно бысть, яко никому ж лет были епископу оставили обласнаго своего седалища, и к некоей церкве, во строении сущей, ему отходити, или во своей вещи паче еже подобает намнозе упраздняющуся, нерадити попеченья и содержанья своего престола. Ниже в Сардикии собор в 11-м правиле глаголет о сих: Епископу кроме церкви его. Глаголет же к концу правила: Аще кто мирянин во граде живый три недели дний не входит в церковь, да отлучится от причащенья. Аще убо о простых людей се уставиша, нелепо есть ни подобает ниже ползует епископу, аще никуюже тяжчайшу нужду имать или вещь неудобну намнозе далече быти от церкве своея и опечалити вверенныя ему люди. Вси епископи рекоша: сему совету зело быти подобнейшу повелеваем. Зри сие правило в разум приводит таковых о приобщении епископом, иже кроме престола их, и о взыскании искомем во время мира, пачеж законоположения. Такожде и грацкий закон рече: да ни кий же епископ вящше лета от своея остает церкви; аще ли се сотворит и познан будет правилне отключимаго патриарха или митрополита и не приидет, да ижденется от епископства и другий да поставлен будет. И другое завещание глаголет: яко аще епископ время от своея церкве останет, да не подает ему потребная строитель. Но таковая потреба да дается на церковныя благочестивыя изветы. О сих вся глаголне и пространне последуя взаконеным изложи иже в Констянтине граде во святых апостол собор в 16 правиле глаголя:²⁶ Яко ради любопрений же и мятежа иже в Божии церкви случающихся, и се повеле нужно быти, еже ни единем же образом поставляти кого в церкви, ейже и еще настоятель жив есть, и во своей состоится чести, аще не сам епископства волею отречется. Подобает бо первее вине хотящему от епископства изгнану быть правилне истязуеме, в конец приводитися, и тако по извержении его другаго в него место на епископство производити. Аще ли кто от епископ во своей состояся чести, ни отрещися хощет, ниже своя паствити люди, не от своея отступити от епискония вяще шестих месяц во ином ходя месте своея епископия, чести же и сана оттуждится всячески, иже бо вверенаго ему небрегий стада, и во ином месте вящше шестих месяц времене пребывающа, повеле святый собор архиерейства, егож ради паствити учинен бысть, всячески чюжу быти и в того место епископа иного поставити. Обаче якож и пред рекохом во время мира о епископех предваршая взаконена Быша. Во время ж обдержания и власти иноязычных, ино имать божественная правила законоположение.

Тоя же главы.

Обретеся повестна книга, яко и выше воспомянухом. Яко от дний Ираклия, греческаго царя, по еже прияти Саракином престол Антиохийский 40 лет сотвори, не пришедшу в онь патриарху возбраняющим Саракином. Но патриархи антиохийскии по приятии бывающии в Констянтине граде живяху и по 40 летех оскудевающи патриархи повелением саракинским от стран сирских християном повелеша бывати патриархом. Еже и бысть. Дóндеже паки грецы прияша и по еже прияти греком первый патриарх Антиохийский блаженный кир Феодор, игумен монастыря кир-Антониева во арменистем. Тому царь Иван Цымисхий хрусовул дав, и утвердився уставленая, такожде и вся церкви и яже во Антиохии и яже окрест монастыря праведное патриархово сотвори, последуя божественным правилом, и иже его прежде законом, якоже и тии вси сказуют; приложи же царь иже по времени патриархом Антиохийским пребывалище в Констянтине граде обитель пресвятыя Богородицы Наставницы. И сотвори Полиект, святейший патриарх Константина града, повелително еже написано еже и служити и руце возлагати по времени патриархом во обителий своих, и в царьствующем же граде и во всех пределех его, идеже аще область наричется и воспоминати именование его; потом же Агапие, патриарх Антиохийский, отрекся. Вместо его поставляется блаженный Иоан. Раскаявжеся реченный Агапие о отречении; блаженный же Иоан убоявся, не пожда приити на престол свой, и от своих митрополит совершитися на святителство, но поспешением отдаст предпочтение Антиохийское. И оттоле уставлено бысть поставлятися от патриарха Констянтиня града. При блаженнем же патриарсе Антиохийстем, кир Петре, Христодул диякон святейшия церкве антиохийския Асии о Стефани той в Констентин град шед, к кувуклисии почтен бысть от святейшаго патриарха кир Михаила и во Антиохию прийде яко почтен быв от вселенскаго патриарха. Кир Петр же не восхоте церкви своея отдати праведная, диакона отгна и писание растерза. Патриарху ж написа с негодованием сказуя праведное, яко несть антиохийский апостолский престол под властию Константина града, но и поставление законопреступно имать Константинограцкий поспешением Иоанна святейшаго церковное предпочтение отдаст. И восписа Констянтинограцкий, прощения прося, яко чрез волю его от артофилака бысть писание; и патриарх о сем прости диякона. А в 31 главе тоя ж книги написано: Агапит, патриарх Антиохийский, отрекся, в негож место блаженный Иоан избран бысть, и прочая, так, якож выше писано о сем и о дияконе.

Тоя ж книги 30-го слова.

В предисловии о отречении епископстем, яко не повелевают божественная правила творити с писанием, но да истязуется, и аще есть достоин да пребывает; аще ли ни – да извержется.

О бывающих же ныне отречениих чрез правила. Во дни кир Феодосия, патриарха Антиохийскаго, истязано бысть се, в патрхархии обретеся сице. Яко обретается согрешив епископ и не хотя яве извержен быти, срам отрясая воображается, яко от произволения отрекся. И от сея вины прият силу обычай и в закон прииде и другий, еже о какове любо иной вине и отреченья с писаньем творити и убо о просто отречении сице. А о еже предати и наследствовати жив и еще или по смерти се ныне отнюдь не имать слово, но беззаконно есть, и сего ради не творится. Обаче убо речью глаголет святый Мефодий Констянтиня града во иже на Студитяне слове, яко ни бо епископ епископа на своем месте ни жив ни по смерти поставляет, и прочая.

И в нынешний же настоящий 168 год, Февраля в 27 день, по указу великого государя царя и великого князя Алексея Михайловича, всея Великой и Малой и Белой Росии самодержца, преосвященный собор о отречении патриаршества святейшего патриарха Никона правильной выписки слушали, и по выписке правильно рассуждали, боясь каждый страшного суда Божья и помня великого государя премудрейшее повеленье вышеписанное, крепце смотриша да не како неправильно управление сие составитися имать.

Привождаше на среду прошение великого государя царя и великого князя Алексея Михайловича, всея Великой и Малой и Белой Росии самодержца, к нему бывшему патриарху Никону чрез боярина своего князя Алексея Никитича Трубецкого. Он же бывший Никон патриарх ни мало внял прошению его, великого государя, ещё же и митрополитов и архиепископа и прочих обретшихся при отречении его патриаршества молению и также не внял. Не поведав же вины отречения своего великому государю, ниже архиереям, тут обретшимся, ниже купно священному собору писания оставив, коей ради вины отречеся, но последовал желанию своему невежества и грехов вину непщева отрёкся, уступил от престола своего, великого государя моление презрел и преосвященных архиереев и священных муж множество к тому же и прочих человек, обретшихся при отречении его, так же презрел.

И уже отречению его год и месяцев семь.

Свидетели же все пред освященным собором по Христовой евангельской заповеди допрашиваны все с евангельской клятвой сказали, яко сказки свои писали вправду.

В сказках же их во всех согласно, яко отречеся патриарх Никон патриаршества своего и потом не быть обещался.

К сим же свидетельство прислал великий государь царь и великий князь Алексей Михайлович, всея Великой и Малой и Белой Росии самодержец, с боярином своим с Петром Михайловичем Салтыковым на собор отписку писал к нему великому государю патриарх Никон, пишет Никон патриарх своей рукой так: «бывший Никон патриарх».

И преосвященный собор всё сие рассуждая, паче же прилежно правильную выписку прочитав, возложив сие на правила святых отец, понеже правила святых отец согласно все невозбранно повелевают на отрёкшегося своей епископии или отошедшего без богословной вины, вящше шести месяц, епископа вместо его иного поставлять.

На обороте: 168. Там же по склейкам: Смиренный Питирим, Божьей милостью, митрополит Великого Новгорода Великих Лук. Смиренный Питирим, Божьей милостью, митрополит Великого Новгорода и Великих Лук подписал рукою своею.