Мл҃твы въ нача́лѣ По́ста ᲃт҃ы́ѧ м҃ца, ꙗ҆́же ᲃщ҃е́нникъ свои́мъ Парохїѧ́нѡмъ въ Понеде́локъ первый ᲃт҃а́гѡ Вели́кагѡ По́ста, и҆лѝ въ и҆́ный дн҃ь пе́рвыѧ По́стныѧ Седми́ци

Въ Цр҃кви по Оу҆трни, и҆лѝ по Часѣ́хъ, вꙁе́мъ на себѐ Епітра́хиль чте́тъ. Пе́рвѣе ᲂу҆́бѡ поꙋчи́въ и҆́хъ є҆́же ка́кѡ приꙋготовлѧ́ти себѐ ко пе́рвомꙋ и҆сповѣда́нїю всѣ́хъ грѣхѡ́въ свои́хъ: и҆ ка́кѡ кі́йждѡ и҆́хъ, съкрꙋше́нное и҆мѣ́ти ᲃердце и҆ болѣ́ꙁненнѡ ѡ҆ ᲃвои́хъ грѣсе́хъ, и҆ смѣре́ннѡ всѧ̀ и҆сповѣда́ти ничто́же ᲂу҆таева́ѧ, тве́рдое же и҆мѣ́ѧ предложе́нїе є҆́же ктомꙋ̀ не воꙁврати́тисѧ къ ни́мъ, долженъ є҆́стъ: и҆ ка́кѡ по си́лѣ по́ститисѧ, Мл҃твы съ колѣнопреклоне́нїемъ твори́ти, и҆ къ Цр҃кви на Мл҃твꙋ на всѧ́къ дн҃ь приходи́ти, дово́лнѡ накаꙁа́въ и҆́хъ, повелѣва́етъ и҆́мъ колѣ́на пре́дъ Гдⷭ҇емъ преклони́ти, и҆ приле́жнѡ въ сокрꙋше́нномъ ᲃе́рдци Мл҃твꙋ ᲃі́ю послꙋша́ти. Ре́къ же

Гд҃ꙋ помоли́мсѧ.

и҆ Кли́рꙋ:

Гд҃и поми́лꙋй.

Чте́тъ Мл҃твꙋ сі́ю съ всѧ́кимъ ᲂу҆миле́нїемъ.

Гд҃и І҆и҃с Хє҃ Бж҃е на́шъ, ᲂу҆пова́нїе всѣ́мъ кѡ́нцемъ землѝ, и҆ сꙋ́щимъ на мо́ри дале́че, пронарекі́й ᲃт҃ы́ѧ днѝ ᲃі́ѧ по́стныѧ за́кономъ и҆ Прⷪ҇рѡ́ки, ѻ҆́браꙁъ на́мъ покаѧ́нїѧ и҆ стра́стемъ ᲂу҆мерщвле́нїѧ предлагаѧ:

Са́мъ же ᲃобо́ю въ и҆сполне́нїи вре́менъ, пло́тїю на землѝ ꙗ҆ви́сѧ, сі́ѧ въꙁакони́лъ и҆ ѡ҆ст҃и́лъ є҆сѝ, четырдесѧ́тъ днѝ и҆ но́щи, постивсѧ: ꙗ҆́кѡ щедръ и҆ млⷭ҇тивъ, бл҃говолѝ всѣ́мъ на́мъ въ покаѧ́нїи съверше́нномъ, въ смѣре́нїи нелицемѣ́рномъ, въ мл҃твахъ приле́жныхъ, въ а҆́лчбѣ и҆ жа́ждѣ, въ колѣ́нномъ ча́стомъ преклоне́нїи, и҆ въ се́рдци сокрꙋше́нномъ ᲃт҃ы́ѧ днѝ ᲃі́ѧ нача́ти, и҆ беꙁъ поро́ка въ чⷭ҇той ᲃо́вѣсти тече́нїе и҆́хъ съверши́ти, Вѣ́рꙋ нераꙁлꙋ́чнꙋю съблюстѝ, и҆ побѣди́телемъ грѣха̀ ꙗ҆ви́тисѧ.

А҆́гг҃ла же ми́ра приста́ви животꙋ̀ на́шемꙋ ᲃъблюда́ти въхѡ́ды и҆ и҆схѡ́ды нш҃ѧ неврежде́нны и҆ непреткнове́нны ѿ всѣ́хъ вра́жїихъ навѣ́тѡвъ и҆ ѡ҆бстоѧ́нїй, наставлѧ́ѧ же на́съ къ дѣла́нїю всѣ́хъ добродѣ́телїй, на по́двиги же по́стныѧ ᲃи́лой твое́й ᲂу҆крѣплѧ́ѧ, къ воꙁдержа́нїю ᲃтра́стемъ, и҆ къ ѡ҆чище́нїю дш҃ѧ́мъ и҆ тѣ́лѡмъ, ꙗ҆́кѡ да сподоби́мсѧ неѡсꙋжде́ннѡ причасти́тисѧ Пречⷭ҇томꙋ ти Тѣ́лꙋ, и҆ чⷭ҇тной и҆ животворѧ́щей твое́й Крвѝ.

Ты́ бо є҆сѝ Бг҃ъ млⷭ҇тїй и҆ щедрѡ́тъ и҆ чл҃кѡлю́бїѧ, и҆ хотѧ́й всѣмъ спⷭ҇ти́сѧ: и҆ тебѣ̀ ᲃла́вꙋ воꙁсыла́емъ съ беꙁнача́лнымъ ти Ѿц҃емъ, и҆ съ прⷭ҇ты́мъ, и҆ бл҃ги́мъ, и҆ животворѧ́щимъ ти Дх҃омъ, ны́нѣ и҆ прⷭ҇нѡ и҆ въ вѣ́ки вѣ́кѡвъ.

Ли́къ:

А҆ми́нь.

Гд҃ꙋ помоли́мсѧ.

Ли́къ:

Гд҃и поми́лꙋй.

Блⷭ҇ве́нъ є҆сѝ Гд҃и Вседержи́телю, Бж҃е Ѿц҃ъ на́шихъ, А҆враа́мѡвъ, І҆саа́кѡвъ, и҆ І҆а́кѡва̀, сътвори́вый нб҃о и҆ зе́млю, и҆ всѧ̀ сꙋ́щаѧ въ ни́хъ: Положи́вый чл҃кѡмъ покаѧ́нїе въ спⷭ҇нїе, и҆ преꙁира́ѧй и҆́хъ прегрѣше́нїѧ: прїи́мый ᲃле́ꙁы раба̀ твое́гѡ Дв҃да Пррⷪ҇ка, и҆ да́вый є҆мꙋ̀ ѡ҆ставле́нїе грѣхѡ́въ ка́ющомꙋсѧ:

Мана́сїю ᲂу҆́ꙁами желѣ́ꙁными свѧ́ꙁаннагѡ, покаѧ́нїемъ же и҆сповѣда́вшаготисѧ, Мл҃твꙋ прїи́мый, и҆ грѣхѝ є҆гѡ̀ ѡ҆ста́вивый:

Блꙋ́дницꙋ поꙁна́вшꙋю млⷭ҇ть твою̀, и҆ и҆схѡ́дники прїи́мшꙋю, и҆ съ ми́ромъ пꙋсти́вшꙋю ᲃп҃сы́й:

Ꙋ҆слы́ши ни́нѣ мл҃енїе менѐ недосто́йнагѡ раба̀ твое́гѡ, и҆ пре́ꙁри ᲃъгрѣше́нїѧ си́хъ рабѡ́въ твои́хъ въ покаѧ́нїи къ тебѣ̀ прибѣга́ющихъ, и҆ да́ждъ и҆́мъ сердѣ́чное съкрꙋше́нїе и҆ бо́лѣꙁнь ѡ҆ грѣсе́хъ и҆́миже тебѐ тво́рца свое́гѡ прогнѣва́шѧ, могꙋ́щꙋю и҆́хъ ѿ грѣхѡ́въ ѡ҆чи́стити:

Да́ждъ и҆́мъ бл҃года́ть свою̀, ꙗ҆́кѡ да тое́ю воꙁбꙋжда́еми и҆ подкрѣплѧ́еми въ па́мѧт̾ зла́ѧ ᲃвоѧ́ дѣ́ла приведꙋ́тъ, и҆ ᲃі́ѧ всѧ̀ въ ᲃтра́сѣ твое́мъ Дх҃о́вномꙋ ᲃвое́мꙋ Ѿц҃ꙋ̀, ѿ тебе́ же ᲂу҆ставле́нномꙋ ᲃꙋдїѝ и҆́стиннѡ и҆сповѣ́сти, и҆ самѝ на себѐ ꙗ҆́кѡ на ви́нныхъ въ се́рдци сокрꙋше́нномъ и҆ смѣре́нномъ поимствова́ти, и҆ ка́ѧтисѧ и҆ жали́ти си ѡ҆ ни́хъ, и҆ съверше́ннагѡ проще́нїѧ и҆ ѿ ни́хъ раꙁдрѣше́нїѧ твои́мъ млⷭ҇рдїемъ чре́ꙁъ и҆́хъ дх҃о́вника твое́гѡ же ᲃꙋдїю, по нело́жномꙋ твое́мꙋ ѡ҆бѣща́нїю ᲃподобѝ:

Ты́ бо ре́клъ є҆сѝ: є҆́же а҆́ще раꙁдрѣши́те на землѝ, бꙋ́детъ раꙁдрѣше́ннѡ на нб҃се́х. Е҆́й Влады́ко Гд҃и І҆и҃с Хє҃ Бж҃е на́шъ, прїймѝ рабы̀ твоѧ̀ ка́ющїѧсѧ ѡ҆ свои́хъ грѣсе́хъ вѣ́домыхъ и҆ невѣ́домыхъ, во́лныхъ и҆ нево́лныхъ, и҆ сі́ѧ и҆сповѣда́ти по твое́мꙋ повелѣ́нїю предложи́вшихъ, и҆ твое́ю ᲃи́лою и҆ бл҃года́тїю прїи́мъ и҆́хъ млⷭ҇тивнѡ, ᲂу҆крѣпѝ, є҆́же ктомꙋ̀ не воꙁврати́тисѧ и҆́мъ къ грѣхꙋ̀, и҆ къ злы́мъ и҆ не подо́бнымъ дѣ́лѡмъ, въ ни́хъ же мнѡ́гажды въпадѡ́ша: но воꙁдвигнѝ и҆ застꙋпи и҆́хъ ѿ кѡ́ꙁнїй дїа́волскихъ, и҆ ѿ всѣ́хъ ᲃѣ́тїй непрїѧꙁне́нныхъ, ꙗ҆́кѡ да беꙁъ препѧ́тїѧ послꙋ́жатъ ти въ преподобїи и҆ пра́вдѣ въ всѧ̀ днѝ живота̀ свое́гѡ. Ты́ бо є҆сѝ Бг҃ъ на́шъ, въ мі́ръ прише́дый, не пра́ведныхъ приꙁва́ти, но грѣ́шныхъ на покаѧ́нїе, и҆ ᲃедмдесѧ́тъ кра́тъ седмери́цею впада́ющимъ въ грѣ́хъ, ѡ҆ставлѧ́ти ᲃъгрѣше́нїѧ, повелѣ́вый.

Ꙗ҆́коже ᲂу҆́бѡ женꙋ̀ въ прелюбодѣѧ́нїю ꙗ҆́тꙋю Фарісе́йми же и҆скꙋша́ющими тѧ приведе́ннꙋю, не ѡ҆сꙋди́лъ є҆сѝ, но млⷭ҇тивнѡ ре́клъ є҆сѝ: И҆дѝ, и҆ ѿсе́лѣ ктомꙋ̀ не съгрѣша́й: и҆ си́хъ не ѡ҆сꙋжда́й, но чл҃кѡлю́бнѡ пом҃лꙋй.

И҆ ꙗ҆́коже и҆ дрꙋгꙋю блꙋ́дницꙋ пла́чꙋщꙋюсѧ, и҆ ᲃлеꙁа́ми но́ѕѣ твою̀ ѡ҆мы́вшꙋю, и҆ главы̀ ᲃвое́ѧ вла́сы ѡ҆те́ршꙋю, поми́ловалъ є҆сѝ, млⷭ҇ти твое́ѧ ра́ди пода́ждъ и҆ си́мъ рабѡ́мъ твои́мъ не воꙁбра́нныѧ и҆ те́плыѧ въ и҆́стинномъ покаѧ́нїи ᲃле́ꙁы.

Ꙋ҆твердѝ и҆́хъ ᲂу҆́мъ и҆ се́рдце, зна́ти тебѐ є҆ди́нагѡ и҆́стиннагѡ ᲃн҃а Бж҃іа, вꙁемлю́щагѡ грѣхѝ мі́ра.

Прїймѝ и҆́хъ ꙗ҆́коже Петра̀ ѿве́ршагосѧ тебѐ, и҆ покаѧ́нїемъ и҆ го́ркими ᲃлеꙁа́ми ѡ҆бра́щшагосѧ прїѧ́лъ є҆сѝ, и҆ прострѝ десни́цꙋ твою̀ и҆ прїймѝ и҆́хъ, ꙗ҆́коже тогѡ̀ въ мо́ри ᲂу҆ста́ющагѡ прїѧ́лъ є҆сѝ: и҆ ᲂу҆крѣпѝ и҆́хъ на борꙋ́щагѡ и҆́хъ дїа́вола: ѡ҆чи́сти и҆́хъ дш҃ꙋ и҆ тѣ́ло ѿ всѧ́кїѧ скве́рны: ᲃа́мъ ре́клъ є҆сѝ бл҃гі́й Гд҃и, Не требова́ти здра́вымъ вра́ча, но болѧ́щимъ: и҆ прише́лъ є҆сѝ не ᲃп҃са́емыхъ ᲃпⷭ҇тѝ , но погиба́ющихъ.

Да́ждъ ᲂу҆́бѡ Гд҃и І҆и҃с Хє҃ Бж҃е на́шъ рабѡ́мъ твои́мъ си́мъ сконча́ти бе́ꙁъ поро́ка нача́тый се́й ᲃт҃ы́й по́стъ, и҆ въ не́мъ твоѧ̀ за́повѣди и҆сполнѧ́ти, въ мл҃твахъ же прилежа́ти, и҆ всѣ́ми добродѣ́телми тебѣ̀ въ всѧ̀ днѝ живота̀ ᲃвое́гѡ бл҃гоꙋгажда́ти: ꙗ҆́кѡ да въ чⷭ҇той ᲃо́вѣсти причасти́тисѧ неѡсꙋжде́ннѡ твое́мꙋ Бжⷭ҇тве́нномꙋ Тѣ́лꙋ и҆ животворѧ́щей Крвѝ, и҆ꙁлїѧ́нной за весъ мі́ръ въ ѡ҆ставле́нїе грѣхѡ́въ ᲃподобѧ́тсѧ, и҆ да побѣдѧ́тъ и҆ посрамѧ́тъ дїа́вола на ни́хъ вою́ющагѡ.

Ты́ бо є҆сѝ Бж҃е, Бг҃ъ ка́ющихсѧ, не хотѧ́й см҃рти грѣ́шнагѡ, но є҆́же ѡ҆брати́тисѧ и҆ жи́вꙋ бы́ти є҆мꙋ̀:

Не хо́щеши бо Влады́ко ᲃъꙁда́нїе свои́хъ рꙋ́къ погꙋби́ти: ни́же бл҃говоли́ши ѡ҆ поги́бели члчⷭ҇тѣй: но хо́щеши всѣ́мъ ᲃпⷭ҇ти́сѧ, и҆ въ ра́ꙁꙋмъ и҆́стинный прїйтѝ.

Тѣ́мъ же и҆ ны́нѣ Влады́ко, не ѿвратѝ лица̀ твое́гѡ ѿ ра́бъ твои́хъ си́хъ, но да́ждъ и҆́мъ и҆́стинное ѿ грѣхѡ́въ къ себѣ̀ ѡ҆браще́нїе, и҆ ѿ всѣ́хъ дѣ́лъ лꙋка́выхъ и҆ꙁбавле́нїе, и҆ сподобѝ всѣ́хъ на́съ въ ми́рѣ, и҆сполне́нныхъ дѣ́лъ бл҃ги́хъ дойтѝ и҆ поклони́тисѧ ᲃпаси́телнымъ ти Стрⷭ҇темъ, и҆ ᲃт҃о́мꙋ Воскрⷭ҇нїю: и҆ на кончинѣ̀ живота̀ на́шегѡ ра́дости вѣ́чныѧ съ всѣ́ми тебѣ̀ бл҃гоꙋгоди́вшшими полꙋчи́ти, въ тебѣ̀ Бѕ҃ѣ и҆ ᲃп҃си́телѣ на́шемъ: Ты́ бо є҆сѝ Бг҃ъ млⷭ҇темъ и҆ щедрѡ́тъ, и҆ чл҃кѡлю́бїѧ: и҆ тебѣ̀ ᲃла́вꙋ воꙁсыла́емъ, съ беꙁнача́лнымъ ти Ѿц҃емъ, и҆ съ Прⷭ҇ты́мъ, и҆ бл҃ги́мъ, и҆ животворѧ́щимъ ти Дх҃омъ, ны́нѣ и҆ прⷭ҇нѡ и҆ въ вѣ́ки вѣ́кѡвъ.

Ли́къ:

А҆ми́нь.

По се́мъ блⷭ҇влѧ́етъ и҆́хъ десни́цею, гл҃ѧ̀:

Блⷭ҇ве́нїе Гд҃не на ва́съ, тогѡ̀ бл҃года́тїю, и҆ щедрѡта́ми, и҆ чл҃кѡлю́бїемъ, всегда̀ ны́нѣ и҆ прⷭ҇нѡ, и҆ въ вѣ́ки вѣ́кѡвъ, А҆минъ.