Мл҃тва пре́дъ Ржⷭ҇тво́мъ Хв҃ымъ, что́маѧ ѿ І҆ере́ѧ Парохїѧ́лнагѡ ᲃвои́мъ Парохїѧнѡмъ и҆сповѣда́вшимъ своѧ̀ согрѣше́нїѧ, и҆ къ Прича́стїю Бжⷭ҇твенныхъ Та́инъ готовѧ́щимсѧ

Наче́ншꙋ І҆ере́ю ѡ҆бы́чнѡ, Блⷭ҇ве́нъ Бг҃ъ на́шъ: чте́тъ Цр҃ю небе́сный: Трⷭ҇то́е: Ѿч҃е на́шъ: и҆ Троп: Гла́съ, ѕ҃ Поми́лꙋй на́съ Гд҃и, поми́лꙋй.

Сла́ва:

Гд҃и поми́лꙋй на́съ:

И҆ ны́нѣ:

Млⷭ҇рдїѧ две́ри:

Всѣ́мъ же предстоѧ́щимъ колѣ́нѣ прекло́ншимъ, І҆ере́ѵ꙼ ᲃтоѧ̀ ре́къ:

Гд҃ꙋ помоли́мсѧ.

Чте́тъ Млтвꙋ ᲃі́ю съ всѧ́кимъ ᲂу҆миле́нїемъ.

Влады́ко Гд҃и І҆и҃с Хє҃ Бж҃е вседержи́телю, съ беꙁнача́лнымъ ти Ѿц҃емъ, и҆ съєстестве́ннымъ ти и҆ є҆динрсꙋ́щнымъ Дх҃омъ, всю̀ тва́рь ѿ небы́тїѧ въ є҆́же бы́ти приведы́й: соꙁда́вый члове́ка по ѻ҆́браꙁꙋ и҆ по подо́бїю свое́мꙋ, и҆ по подо́бїю свое́мꙋ, и҆ да́вый є҆мꙋ̀ за́повѣдь ᲃп҃си́телнꙋю, є҆ѧ́же престꙋпле́нїемъ ѿ твое́ѧ бл҃года́ти ѿпа́дша, и҆ дїа́волꙋ раба̀ бы́вшагѡ: вели́кагѡ ра́ди сама́гѡ твое́гѡ млⷭ҇рдїѧ, блⷭ҇ти же и҆ є҆́же къ чл҃кꙋ любвѐ, па́ки въ пе́рвое є҆гѡ̀ є҆́же по ѻ҆́браꙁꙋ и҆ по подо́бїю досто́инство въѡбраꙁи́ти, и҆ свое́й Бжⷭ҇тве́нной бл҃годати присвои́ти хотѧ̀, ᲃъше́лъ є҆сѝ съ нб҃съ Бг҃ъ сы́й беꙁпло́тенъ, и҆ во́лею Ѿч҃ею и҆ дѣ́йствомъ прⷭ҇та́гѡ Дх҃а, ѿ прⷭ҇нѡ Дв҃ы Мр҃іѧ пло́ть ѡ҆дш҃евле́ннꙋю ᲂу҆́мнꙋю вꙁе́мъ, чл҃къ ᲃоверше́нный Бг҃ъ сы́й и҆́стиненъ непрело́жнѡ бы́лъ є҆сѝ, и҆ въ Виѳлее́мѣ І҆юде́йстѣмъ ꙗ҆́кѡ Младе́нецъ роди́лсѧ є҆сѝ, и҆ Ржⷭ҇тво́мъ свои́мъ всю̀ тва́рь просвѣти́лъ є҆сѝ: и҆ тебѐ съ Ѿц҃емъ и҆ ᲃт҃ы́мъ Дх҃омъ, въ нераꙁдѣ́лномъ сꙋществѣ̀ є҆ди́нагѡ Бг҃а поꙁна́ти сотвори́лъ є҆сѝ Тебѐ ны́нѣ смѣре́ннѡ ꙗ҆́кѡ рабѝ недосто́йнїи чл҃кѡлюби́вагѡ Влады́ки, грѣ́хѝ мі́ра вꙁемлю́щагѡ про́симъ, прїймѝ рабы̀ своѧ̀ сі́ѧ въ покаѧ́нїи къ тебѣ̀ припада́ющїѧ, ꙗ҆́коже прїѧлъ є҆сѝ Петра̀ ѿве́ргшагосѧ тебѐ, и҆ въ покаѧ́нїи го́ркѡ пла́кавшагѡ: Прїймѝ и҆́хъ сле́ꙁы и҆ стена́нїѧ, ꙗ҆́коже блꙋ́дници пла́кавшей, и҆ слеꙁа́ми ᲃвои́ми нѡ́ꙁѣ твоѝ ѡ҆мы́вшей, и҆ вла́сы свои́ми ѡ҆те́ршей: прїймѝ и҆́хъ къ себѣ̀ ѡ҆браще́нїе, ꙗ҆́коже раꙁбо́йниче на Крⷭ҇тѣ̀ и҆сповѣда́нїе прїѧ́лъ є҆сѝ, млⷭ҇тивнѡ томꙋ̀ ре́къ: Дне́сь съ мно́ю бꙋ́деши въ Раѝ:

Прїймѝ и҆́хъ всеще́дрый Гд҃и, ѡ҆ свои́х грѣсе́хъ ка́ющихсѧ, и҆ въ се́рдци сокрꙋше́нномъ и҆ дᲃ҃ѣ смѣре́нїѧ своѧ̀ и҆сповѣда́вшихъ согрѣше́нїѧ, и҆ ка́ющихсѧ, и҆ жалѣ́ющихъ си ѡ҆ ни́хъ, и҆ проще́нїѧ съверше́ннагѡ ᲃт҃ы́хъ ра́ди твои́хъ ᲃтрⷭ҇тїй, и҆ животво́рныхъ Крві́й и҆ꙁлїѧ́нїѧ, ꙗ҆́коже ѿ вины̀, си́це и҆ ѿ ка́ꙁни прїѧ́ти ѿ тебѐ сподобѝ, и҆ къ томꙋ̀ въ пре́днѧѧ не воꙁврати́тисѧ къ ни́мъ: но въ преподо́бїи, и҆ пра́вдѣ пожи́ти, преспѣва́юще въ всѣ́хъ за́повѣдехъ твои́хъ, и҆ творѧ́ще во́лю твою̀ бл҃гꙋ́ю, бл҃гоꙋго́днꙋю же и҆ соверше́ннꙋю.

Па́ки смѣреннѡ мл҃и́мъ тѧ Влады́ко, прїймѝ ѡ҆бы́чнымъ твои́мъ млⷭ҇рдїемъ по́стъ, Мл҃твы, и҆ Колѣнопоклоне́нїѧ рабѡ́въ твои́хъ, И҆мⷬ҇къ: въ ᲃт҃ы́ѧ днѝ сі́ѧ тебѣ̀ ѿ ни́хъ прине́сенныѧ, ꙗ҆́кѡ кади́ло бл҃гопрїѧ́тное, и҆ во́ню дх҃о́внагѡ бл҃гоꙋха́нїѧ, и҆ бога́тыми твои́ми воꙁдаѧ̀ щедрота́ми, сподобѝ беꙁгрѣ́шнѡ дойтѝ, и҆ съ Во́лхвы и҆ Пастырми поклони́тисѧ ᲃт҃о́мꙋ Бжⷭ҇тве́нномꙋ Ржⷭ҇твꙋ̀ твое́мꙋ, и҆ съ А҆́гг҃лы славослови́ти: ᲃла́ва въ вы́шнихъ Бг҃ꙋ, и҆ на землѝ ми́ръ, въ чл҃цѣхъ бл҃говоле́нїе. ᲃъ Цр҃квїю же воспѣ́ти: Хᲃ҃ ражда́етсѧ ᲃлави́те: Хᲃ҃ съ нб҃сѐ ᲃрѧща́йте: Хᲃ҃ на землѝ воꙁноси́тсѧ.

И҆ въ чи́стой со́вѣсти неѡсꙋжде́ннѡ причасти́тисѧ Прчⷭ҇тымъ и҆ Бжⷭ҇тве́ннымъ животворѧ́щагѡ твое́гѡ Тѣ́ла и҆ Крвѐ Та́йнамъ: и҆ въ вре́мѧ подо́бнѡ и҆ црⷭ҇твїю твое́мꙋ нбⷭ҇номꙋ сподоби́тисѧ. Бл҃года́тїю и҆ щедрѡта́ми є҆диносꙋ́щнагѡ ти Ѿц҃а̀, съ ни́мже блⷭ҇ве́нъ є҆сѝ, съ прⷭ҇тымъ и҆ равночⷭ҇тнымъ ти Дх҃омъ, ны́нѣ и҆ прⷭ҇нѡ и҆ въ вѣ́ки вѣ́кѡвъ, Ами́нь.

Посе́мъ блⷭ҇влѧ́етъ и҆́хъ десни́цею гл҃ѧ̀:

Блⷭ҇ве́нїе Гн҃е на ва́съ, тогѡ̀ бл҃года́тїю и҆ щедрѡта́ми и҆ чл҃кѡлю́бїємъ, всегда̀ ны́нѣ и҆ прⷭ҇нѡ и҆: