Благодаре́нїе ѡ҆ полꙋче́нїи проше́нїѧ, и҆ ѡ҆ всѧ́кѡмъ бл҃годѣѧ́нїи Бж҃іимъ
Вѣ́стнѡ бꙋ́ди всѧ́комꙋ правовѣ́рномꙋ Хрістїѧ́нинꙋ, ꙗ҆́кѡ и҆́мже ѡ҆́браꙁомъ до́лжни є҆смы̀ ѡ҆ всѧ̀ потре́бнаѧ на́мъ, дш҃евнаѧ же и҆ тѣле́снаѧ, та́йнѣ въ свое́мъ клѣ́тѣ, и҆ ꙗ҆́вѣ въ Це́ркви, Бг҃а ꙗ҆́кѡ всѣ́хъ бл҃ги́хъ пода́телѧ проси́ти, ᲃи́це ѡ҆ полꙋче́нїи свое́гѡ проше́нїѧ, и҆ ѡ҆ всѧ́комъ Бж҃іимъ бл҃годѣѧ́нїи на́мъ и҆лѝ ѻ҆́бще всѣ́мъ, и҆лѝ є҆динстве́ннѣ є҆ди́номꙋ ѿ на́съ быва́ющомꙋ, до́лжни є҆смы̀ всѧ́кѡ и҆ ѡ҆со́бнѣ въ себѣ̀ самы́хъ, и҆ въ клѣ́техъ свои́хъ всегда̀, и҆ наро́днѣ ꙗ҆́вѣ въ Це́ркви, Бг҃ꙋ ꙗ҆́кѡ бл҃годѣ́телю на́шемꙋ, бл҃годаре́нїе сотвори́ти: да не ка́кѡ небл҃года́рни ѡ҆ бл҃годѣѧ́нїи є҆гѡ̀ є҆́же къ на́мъ ꙗ҆ви́вшесѧ, ꙗ҆́коже ѡ҆́нъ лѣни́вый и҆ небл҃года́рный ра́бъ Тала́нтъ бл҃годѣѧ́нїѧ Гд҃а свое́гѡ въ землѝ сокри́вый, постра́ждемъ, и҆ не то́чїю полꙋ́ченнагѡ бл҃годѣѧ́нїѧ лю́то ѡ҆тщети́мсѧ, но и҆ вѣ́чныѧ ка́ꙁни пови́нни ѡ҆брѧ́щемсѧ. Тѣ́мже ѽ І҆ере́е ва́мъ достои́тъ лю́ди Бж҃іѧ ва́мъ врꙋч́нныѧ, ꙗ҆́же Бг҃ꙋ сꙋ́тъ бл҃гоꙋго́днаѧ ᲂу҆чи́ти твори́ти, ѿ ва́шихъ бо рꙋ́къ кро́вь поги́бели и҆́хъ дꙋ́шъ лю́тѣ вꙁы́щетсѧ.
Полꙋчи́въ ᲂу҆́бѡ кто̀ ѿ Бг҃а бл҃годѣѧ́нїе коѐ, а҆́бїе до́лженъ є҆́стъ прибѣ́гнꙋти къ Це́ркви, и҆ І҆ере́ѧ проси́ти є҆́же бл҃годаре́нїе Бг҃ꙋ ѿ негѡ̀ воꙁда́ти, си́мъ ѡ҆́браꙁомъ.
А҆́ще на Бжⷭ҇твенной Лѵтꙋ́ргїи сі́е быва́єтъ: по Блгⷭ҇вено црⷭ҇тво: Е҆кте́нїѧ ѡ҆быч: къ ни́мъ же прилага́ютсѧ благодарстве́ннаѧ.
По Вохо́дѣ же Тропарѝ послѣдꙋ́ющїѧ, и҆ по дне́вномъ Проки́менѣ благодарстве́нный, и҆ по А҆пⷭ҇лѣ дне́вномъ, А҆пⷭ҇лъ благодаре́нїю, на А҆ллил: стіхѝ благодаре́нїѧ: та́кожде и҆ по дне́вномъ Е҆ѵⷢ҇лїи чте́тсѧ благодаре́нїю.
По Е҆ѵⷢ҇лїи же и҆ по ѡ҆бы́чныхъ Е҆кте́нїѧхъ прилага́ютсѧ благодаре́нїю.
Прича́стие дне́ви, благодаре́нїю же ᲃе́й: Воспою҃ Гв҃и бл҃годѣѧ́вшомꙋ мнѣ, и҆ пою̀ и҆менѝ Гд҃а вы́шнѧгѡ: А҆л҃лꙋ́іѧ.
По за А҆мбꙍ́нной же Мл҃твѣ чте́тъ І҆ере́ѵ꙼ Мл҃твꙋ благодаре́нїѧ, и҆ пое́тсѧ Славосло́вїе вели́кое посре́дъ Це́ркве, ꙗ҆́коже и҆ на Ꙋ҆́трни. И҆лѝ а҆́ще и҆ꙁво́лѧтъ, вмѣ́сто Славосло́вїѧ пою́тъ, Тебѐ Бг҃а хва́лимъ:
А҆́ще же не въ Лѵтꙋ́ргїи, но по Ꙋ҆́трни, и҆лѝ по Вече́рни ᲃі́е приключитсѧ соверши́ти, ᲃи́це быва́етъ: І҆ере́ѵ꙼ ѡ҆болче́нъ въ Е҆пїтра́хиль и҆ Фелꙍнъ, ста́въ пре́дъ ᲃт҃о́ю Тра́пеꙁою, и҆ ᲃі́ю крⷭ҇таѡ́браꙁнѡ покади́въ, тво́ритъ нача́ло ᲃі́е:
Сла́ва ᲃт҃о́й, и҆ є҆диносꙋ́щной, и҆ нераꙁдѣли́мой Трⷪ҇ци, всегда̀ ны́нѣ и҆ прⷭ҇нѡ І҆ере́ѵ꙼ въ вѣ́ки вѣ́кѡвъ.
Ли́къ:
А҆ми́нь.
И҆ чтꙋ́тъ, Трⷭ҇то́е: Ѻ҆ч҃е на́шъ: Гд҃и поми́лꙋй, в҃і.
Сла́ва: И҆ ны́нѣ: Прїйдѣ́те поклон: гⷤ. и҆ ѱал: рз҃і:
И҆сповѣ́дайтесѧ Гд҃ви, ꙗ҆́кѡ бл҃гъ: А҆л҃лꙋ́іа, гⷤ, ᲃла́ва тебѣ̀ Бж҃е.
Дїа́конъ же чтетъ Е҆кте́нїѧ ѡ҆бы́чнаѧ.
Ми́ромъ Гд҃ꙋ помоли́мсѧ. И҆ про́ч: да́же до ѡ҆ плава́ющихъ.
И҆ а҆́бїе прилага́єтъ сі́ѧ благода́рнаѧ Е҆ктен:
Ꙍ҆ є҆́же млⷭ҇твнѡ ны́нѣшнее благодаре́нїе, и҆ мо́лбꙋ на́съ недосто́йныхъ рабѡ́въ свои́хъ въ пренебⷭ҇ный сво́й жерто́вникъ прїѧ́ти, и҆ бл҃гоꙋтро́бнѡ поми́ловати на́съ, Гд҃ꙋ помоли́мсѧ.
Ꙍ҆ є҆́же не воꙁгнꙋша́тисѧ благодаре́нїемъ на́съ непотре́бныхъ рабѡ́въ свои́хъ, є҆́же ѡ҆ прїѧ́тыхъ ѿ не́гѡ бл҃годѣѧ́нїихъ, въ смире́нномъ ᲃе́рдци принѡ́симъ: но ꙗ҆́кѡ кади́ло бл҃гово́нное, и҆ всесожеже́нїе тꙋ́чное бл҃гопрїѧтное є҆мꙋ̀ да бꙋ́детъ, Гд҃ꙋ помоли́мсѧ.
Ꙍ҆ є҆́же и҆ ны́нѣ послꙋша́ти гла́съ моле́нїѧ на́съ недосто́йныхъ рабѡ́въ свои́хъ, и҆ до́брое намѣре́нїе и҆ жела́нїе вѣ́рныхъ свои́хъ, бл҃го́е всегда̀ и҆спо́лнити, и҆ всегда̀ ꙗ҆́кѡ ще́дръ бл҃годѣѧ́ти на́мъ и҆ Цр҃кви свое́й ᲃт҃о́й, и҆ всѧ́комꙋ вѣ́рномꙋ свое́мꙋ рабꙋ̀ проше́нїѧ дарова́ти, Гд҃ꙋ помоли́мсѧ.
Ꙍ҆ є҆́же и҆ꙁба́вити Цр҃квъ свою̀ ᲃт҃ꙋ́ю, (и҆ рабѡ́въ свои́хъ, и҆лѝ раба̀ свое́гѡ, И҆мⷬ҇къ,) и҆ всѣ́хъ на́съ ѿ всѧкїѧ ско́рби, бѣды̀, гнѣ́ва, и҆ нꙋ́жды, и҆ ѿ всѣ́хъ вра́гъ ви́димыхъ и҆ неви́димыхъ, здра́вїемъ же, долгоде́нствїемъ, и҆ ми́ромъ, и҆ А҆гг҃лъ свои́хъ ѡ҆полче́нїемъ вѣ́рныхъ свои́хъ всегда̀ ѡ҆гради́ти, Гд҃ꙋ помоли́мсѧ.
Застꙋпѝ, ᲃпасѝ, поми́лꙋй, и҆ сохранѝ на́съ:
Прест҃ꙋ́ю, чⷭ҇тꙋю, пребл:
І҆ере́ѵ꙼ воꙁглаша́етъ:
Ꙗ҆́кѡ подоба́етъ ти всѧ́каѧ:
Ли́къ же пое́тъ:
Бг҃ъ Гдⷭ҇ь и҆ ꙗ҆вис: гⷤ. И҆ Троп: ᲃі́ѧ Гла́съ, д҃.
Благода́рни сꙋ́ще недосто́йнїи рабѝ твоѝ Гд҃и, ѡ҆ твои́хъ вели́кихъ бл҃годѣѧ́нїй на на́съ бы́вшихъ, славѧ́ще тѧ хва́лимъ, блⷭ҇вимъ, бл҃годари́мъ, пое́мъ и҆ велича́емъ твоѐ бл҃гоꙋтро́бїе, и҆ ра́бски любо́вїю вопїемъ ти: благоде́телю ᲃп҃се на́шъ сла́ва тебѣ̀.
Сла́ва: Гла́съ, г҃.
Твои́хъ бл҃годѣѧ́нїй, и҆ да́рѡвъ тꙋнѐ ꙗ҆́кѡ рабѝ непотре́бнїи сподо́бл̾шесѧ Влады́ко, къ тебѣ̀ ᲂу҆серднѡ притѣка́юще благодаре́нїе по си́лѣ принѡ́симъ, и҆ тебѐ ꙗ҆́кѡ благоде́телѧ и҆ тво́рца славѧ́ще, вопїемъ: сла́ва тебѣ Бж҃е преще́дрый.
И҆ ны́нѣ: Гла́съ то́йже.
Бц҃е хрⷭ҇тіѧ́нѡмъ помо́щнице, твоѐ застꙋпле́нїе стѧжа́вше рабѝ твоѝ, благода́рнѡ тебѣ̀ вопїемъ: ра́дꙋйсѧ Пречⷭ҇таѧ Бц҃е Дв҃о, и҆ ѿ всѣ́хъ на́съ бѣ́дъ твои́ми мл҃твами всегда̀ и҆ꙁба́ви, є҆ди́на въско́рѣ застꙋпа́ющаѧ.
Дїа́конъ:
Во́нмѣмъ.
І҆ере́ѵ꙼:
Ми́ръ всѣ́мъ.
Чте́цъ:
И҆ дх҃ови Твое́мꙋ.
Дїа́конъ:
Премꙋ́дрость во́нмѣмъ.
Чте́цъ:
Проки́менъ. Гла́съ д҃.
Воспою Гв҃и бл҃годѣѧ́вшомꙋ мнѣ, и҆ пою̀ и҆менѝ Гд҃а вы́шнѧгѡ.
Сті́хъ:
Воꙁрадꙋетсѧ се́рдце моѐ ѡ҆ спⷭ҇нїи твое́мъ.
По се́мъ чте́тъ А҆пⷭ҇лъ, къ Е҆фесе́ѡмъ, Гла́ва є҃, Зач: ᲃк҃ѳ. Нача́ло є҆гѡ̀ сі́е:
Бра́тїе, ꙗ҆́кѡ ча́да свѣ́та хо́дитъ:
Конец же се́й:
Повинꙋ́ющесѧ дрꙋ́гъ дрꙋ́гꙋ въ стра́сѣ Бж҃іи. А҆ллил:
Гла́сꙋ. Сті́хъ а҃.
Восхвалю̀ и҆мѧ̀ Бг҃а мое́гѡ съ пѣ́снїю, и҆ воꙁвели́чꙋ є҆гѡ̀ въ хвале́нїи.
Сті́хъ в҃.
Ꙗ҆́кѡ ᲂу҆слы́ша ни́щїѧ Гд҃ь, и҆ ѡ҆кова́нных свои́хъ не ᲂу҆ничижитъ.
Е҆ѵⷢ҇лїе ѿ Лꙋкѝ, Глава̀, з҃і. Зач: п҃е. Нача́ло є҆гѡ̀ сі́е:
Въ вре́мѧ ѻ҆́но, Входѧ́щꙋ І҆и҃сови въ нѣ́кꙋю ве́сь, стрѣтѡ́шѧ є҆гѡ̀ де́сѧтъ прокаже́нных мꙋже́й:
Коне́цъ же се́й:
Въста́въ и҆дѝ, вѣ́ра твоѧ̀ спасе́ тѧ:
По Е҆ѵⷢ҇лїи же а҆́бїе Дїа́конъ гл҃етъ Е҆кте́нїѧ ᲃі́ѧ.
Поми́лꙋй на́съ Бж҃е по вели́цѣй млⷭ҇ти твое́й, моли́мъ тисѧ ᲂу҆слы́ши и҆ пом҃лꙋй.
Кли́ръ:
Гд҃и поми́лꙋй: гⷤ. Таж:
Благодарѧ́ще съ стра́хомъ и҆ тре́петомъ, ꙗ҆́кѡ рабѝ непотре́бныи твоемꙋ бл҃гоꙋтро́бїю ᲃп҃се и҆ Влады́ко на́шъ Гд҃и, ѡ҆ твои́хъ бл҃годѣѧ́нїихъ, ꙗ҆́же и҆ꙁлѣѧ́лъ є҆сѝ и҆ꙁѡ҆би́лнѡ на рабѣ́х твои́хъ и҆ припада́емъ и҆ ᲃлавосло́вїе тебѣ̀ ꙗ҆́кѡ Бг҃ꙋ прино́симъ, и҆ ᲂу҆миле́ннѡ вопїемъ, и҆ꙁба́ви ѿ всѣхъ бѣдъ рабы̀ своѧ̀, и҆ всегда̀ ꙗ҆́кѡ млⷭ҇тивъ и҆сполнѝ въ бл҃ги́хъ жела́нїе всѣ́хъ на́съ, приле́жнѡ моли́мъ тисѧ, ᲂу҆слы́ши и҆ поми́лꙋй.
Ꙗ҆́коже ны́нѣ млⷭ҇твнѡ ᲂу҆слы́шалъ є҆сѝ мл҃твы рабѡ́въ твои́хъ Гд҃и, и҆ ꙗ҆ви́лъ є҆сѝ на ни́хъ бл҃гоꙋтро́бїе чл҃кѡлю́бїѧ твое́гѡ, си́це и҆ въ пре́днѧѧ не преꙁира́ѧ, и҆сполнѝ въ сла́вꙋ твою̀ всѧ̀ бл҃га́ѧ хотѣ́нїѧ вѣ́рныхъ твои́хъ, и҆ ꙗ҆вѝ всѣ́мъ на́мъ бога́тꙋю млⷭ҇ть твою̀, всѧ̀ на́мъ согрѣше́нїѧ преꙁира́ѧ: моли́мтисѧ ᲂу҆слы́ши, и҆ поми́лꙋй.
Бл҃гопрїѧ́тнѡ ꙗ҆́кѡ кади́ло бл҃гово́нное, и҆ ꙗ҆́кѡ тꙋ́чнаѧ всесожеже́нїѧ да бꙋ́детъ всѐбл҃гі́й Влады́ко благодаре́нїе сі́е на́ше пре́дъ вели́чествомъ ᲃла́вы твое́ѧ, и҆ ниꙁпослѝ всегда̀ ꙗ҆́кѡ ще́дръ рабѡ́мъ твои́мъ бога́тыѧ млⷭ҇ти, и҆ щедрѡты̀ твоѧ̀: и҆ всѣ́хъ съпротивле́нїй ви́димыхъ и҆ не ви́димыхъ врагѡ́въ Цр҃ковъ твою̀ ᲃт҃ꙋ́ю, (ѡ҆би́тель ᲃі́ю) и҆лѝ гра́дъ ᲃе́й, (и҆лѝ ве́сь ᲃі́ю,) и҆ꙁба́ви, люде́мъ же твои́мъ всѣ́мъ беꙁгрѣ́шное съ здра́вїемъ долгоде́нствїе, и҆ въ всѣ́хъ добродѣ́телехъ преспѣѧ́нїе да́рꙋй, мо́лимтисѧ всеще́дрый Цр҃ю, млⷭ҇тивнѡ ᲂу҆слы́ши, и҆ ско́рѡ поми́лꙋй.
І҆ере́ѵ꙼ же воꙁглаш:
Ꙋ҆слы́ши ны Бж҃е ᲃп҃си́телю на́шъ ᲂу҆пова́нїе всѣ́мъ:
И҆ покло́нсѧ гⷤ: пре́дъ ᲃт҃о́ю Тра́пеꙁою, Ре́кшꙋ Дїа́конꙋ:
Гд҃ꙋ помоли́мсѧ:
Кли́ръ:
Гд҃и поми́лꙋй.
Съ всѧ́кимъ внима́нїємъ и҆ ᲂу҆миле́нїємъ чте́тъ Мл҃твꙋ сі́ю велегла́снѡ.
Гд҃и І҆и҃с Хє҃ Бж҃е на́шъ, Бж҃е всѧ́кагѡ млⷭ҇рдїѧ и҆ щедрѡ́тъ, є҆го́же млⷭ҇ть беꙁмѣ́рна, и҆ чл҃кѡлю́бїѧ неиꙁслѣди́маѧ пꙋчина̀, къ твое́мꙋ вели́чествꙋ припада́юще, съ стра́хѡмъ и҆ тре́петомъ ꙗ҆́кѡ рабѝ недосто́йнїи, бл҃годаре́нїе твое́мꙋ бл҃гоꙋтро́бїю ѡ҆ твои́хъ бл҃годѣѧ́нїихъ на рабѣ́хъ твои́хъ (и҆лѝ на рабѣ̀ твое́мъ) бы́вшихъ, ны́нѣ смире́ннѡ принѡсѧ́ще, ꙗ҆́кѡ Гд҃а, Влады́кꙋ, и҆ бл҃года́телѧ сла́вимъ, хва́лим, пое́мъ и҆ велича́емъ, и҆ припада́юще па́ки бл҃годари́мъ, твоѐ беꙁмѣ́рное и҆ неиꙁрече́нное млⷭ҇рдие смире́ннѡ мл҃ѧ́ше, да ꙗ҆́коже ны́нѣ мл҃енїѧ рабѡ́въ твои́хъ прїѧ́ти, и҆ млⷭ҇тивнѡ и҆спо́лнити сподоби́лъ є҆сѝ, и҆ въ пре́днѧѧ въ твое́й и҆ и҆́скрнѧгѡ любвѝ, и҆ въ всѣ́хъ добродѣ́телехъ преспѣва́ющихъ, твоѧ̀ бл҃годѣѧ́нїѧ всѣ́хъ вѣ́рныхъ твои́хъ полꙋчи́ти, Цр҃ковъ твою̀ ᲃт҃ꙋ́ю, и҆ гра́дъ се́й, (и҆лѝ ве́сь сі́ю, и҆лѝ Ѻ҆би́тель сі́ю) ѿ всѧ́кагѡ зла́гѡ ѡ҆бстоѧ́нїѧ и҆ꙁбавлѧ́ѧ, и҆ ми́ръ и҆ беꙁмѧте́жїе тѣ́мъ дарꙋ́ѧ, тебѣ̀ съ беꙁнача́лнымъ ти Ѿц҃емъ, и҆ Прⷭ҇ты́мъ и҆ бл҃ги́мъ, и҆ є҆диносꙋщнымъ ти Дх҃омъ, въ є҆ди́номъ ᲃꙋществѣ̀ ᲃлави́момꙋ Бг҃ꙋ, всегда̀ бл҃годаре́нїе приноси́ти и҆ пребл҃га́ѧ гл҃а́ти, и҆ воспѣ́ти сподоби́ши.
И҆ а҆́бїе велегласнѣйше воꙁглаш:
Сла́ва тебѣ̀ Бг҃ꙋ бл҃года́телю на́шемꙋ, въ вѣ́ки вѣ́кѡвъ.
Кли́ръ же стоѧ̀ посре́дъ Цр҃кве ре́къ:
А҆ми́нь.
А҆́бїе пое́тъ ᲃлавосло́вїе вели́кое, ᲃі́естъ:
Сла́ва въ вы́шнихъ Бг҃ꙋ: и҆ Ст҃ы́й Бж҃е: ѡ҆бы́чнѡ.
И҆лѝ а҆́ще и҆ꙁво́лѧтъ вмѣ́сто сегѡ̀, пою́тъ Пѣ́снь ᲃт҃а́гѡ А҆мвро́сїѧ Е҆пⷭ҇кпа Медіѡлѧнскагѡ, ᲃі́естъ:
Тебѐ Бг҃а хва́лимъ: Тебѐ Гд҃а и҆сповѣдꙋ́емъ: тебѐ превѣ́чнагѡ Ѿц҃а̀ всѧ̀ землѧ̀ велича́етъ. Тебѣ̀ всѝ А҆́гг҃ли: тебѣ̀ нб҃са̀, и҆ всѧ̀ ᲃи́лы: тебѣ̀ Херꙋві́ми и҆ Серафі́ми непреста́нными гла́сы воꙁыва́ютъ: ᲃт҃ъ, ᲃт҃ъ, ᲃт҃ъ, Гд҃ь Бг҃ъ Саваꙍ́ѳъ, по́лны сꙋ́тъ нб҃са̀ и҆ землѧ̀ вели́чества ᲃла́вы твое́ѧ.
Тебѐ пресла́вный А҆пⷭ҇лскїй Ли́къ.
Тебѐ Прⷪ҇ро́ческое хвале́бное число̀.
Тебѐ хва́литъ пресвѣ́тлое Мч҃ническое Во́инство.
Тебѐ по все́й вселе́нной и҆сповѣда́етъ ᲃт҃а́ѧ Цр҃ковъ.
Ѿц҃а̀ непостижи́магѡ вели́чества: покланѧ́емагѡ твое́гѡ и҆́стиннагѡ и҆ є҆динороднагѡ Сн҃а: и҆ ᲃт҃а́гѡ Ꙋ҆тѣши́телѧ Дх҃а.
Ты Цр҃ю ᲃла́вы Хє҃: ты Ѿц҃а̀ прⷭ҇носꙋ́щный Сн҃ъ є҆сѝ.
Ты къ и҆ꙁбавле́нїю прїемлѧ̀ чл҃ка, не воꙁгнꙋше́лсѧ є҆сѝ Дв҃ческагѡ чре́ва.
Ты ѡ҆долѣ́въ ᲃм҃рти жа́лꙋ, ѿве́рꙁлъ є҆сѝ вѣ́рꙋющимъ Црⷭ҇тво нбⷭ҇ное.
Ты ѡ҆деснꙋю Бг҃а сѣди́ши въ ᲃла́вѣ Ѿч҃ей. ᲃꙋдїѧ̀ прїйтѝ вѣ́ришисѧ.
Тебѐ ᲂу҆́бѡ про́симъ: помоꙁѝ рабѡ́мъ твои́мъ, и҆́хъ же чⷭ҇тною Кро́вїю ѿкꙋпи́лъ є҆сѝ.
Сподобѝ съ ᲃт҃ы́ми твои́ми въ вѣ́чной ᲃла́вѣ твое́й Црⷭ҇твова́ти.
Спасѝ лю́ди своѧ̀ Гд҃и, и҆ бл҃гословѝ достоѧ́нїе твоѐ: и҆спра́ви ѧ҆̀. и҆ воꙁнесѝ и҆́хъ въ вѣ́ки: въ всѧ̀ днѝ бг҃ослови́мъ тебѐ, и҆ восхвали́мъ и҆мѧ̀ твоѐ въ вѣ́къ, и҆ въ вѣ́къ вѣ́ка.
Сподобѝ Гд҃и въ дн҃ь ᲃе́й бе́ꙁъ грѣха̀ сохрани́тисѧ на́мъ: Поми́лꙋй на́съ Гд҃и пом҃лꙋй на́съ, бꙋ́ди млⷭ҇ть твоѧ̀ Гд҃и на на́съ, ꙗ҆́коже ᲂу҆пова́хѡмъ на́ тѧ. На́ тѧ Гд҃и ᲂу҆пова́хѡмъ, да не постыди́мсѧ въ вѣ́ки, А҆ми́нь.
По сконча́нїи же сегѡ̀, Дїа́конъ:
Премꙋ́дрост̾.
Чте́цъ:
Чтⷭ҇нѣйшꙋю Херꙋв:
Сла́ва: И҆ ны́нѣ:
Гд҃и поми́лꙋй: гⷤ: Блⷭ҇вѝ.
І҆ере́ѵ꙼ же тво́ритъ ѡ҆бы́чный дне́вный ѿпꙋ́стъ. И҆ по ѿпꙋ́стѣ десни́цею блⷭ҇влѧ́ѧ лю́ди, гл҃етъ:
Блⷭ҇ве́нїе Гдⷭ҇не на ва́съ, тогѡ̀ благода́тїю и҆ щедрѡта́ми, и҆ чл҃кѡлю́бїемъ всегда̀, ны́нѣ и҆ прⷭ҇нѡ и҆ въ вѣ́ки вѣ́кѡвъ, А҆ми́нь.
И҆ ѿло́жъ ᲃщ҃енныѧ ѡ҆де́жды, ѿхо́дѧтъ въ своѧ́ си, благодарѧ́ще и҆ пою́ще въ се́рдцахъ свои́хъ Гв҃и.