Молебное пѣ́нїе къ Гд҃ꙋ на́шемꙋ И҆исꙋ́сꙋ Христꙋ̀, пѣва́емое въ нꙋждѣ це́рковной, ѡ҆ ᲂу҆мире́нїи и҆ соедине́нїи Правосла́вныѧ Вѣ́ры, и҆ ѡсвобожденїи ѿ бѣ́дъ належа́щихъ Правосла́внымъ, ѿ сопроти́вныхъ А҆поста́тѡвъ

Блⷭ҇ве́нъ Бг҃ъ на́шъ всегда̀ ны́нѣ и҆ прⷭ҇нѡ:

Ли́къ:

А҆ми́нь.

Чте́цъ же а҆́бїе гл҃етъ, Тртⷭ҇о́е: Пртⷭ҇а́ѧ трⷪ҇це: и҆ Ѿч҃е на́шъ:

І҆ере́ѵ꙼ же:

Ꙗ҆́кѡ твоѐ є҆́стъ ца́рство:

Чте́цъ:

Гд҃и поми́лꙋй, в҃і.

Сла́ва: И҆ ны́нѣ:

Прїйдѣ́те поклони́мсѧ: гⷤ.

И҆ а҆́бїе Ѱал: р҃а.

Гд҃и ᲂу҆слы́ши моли́твꙋ мою̀ и҆ во́пль мо́й:

Сла́ва: И҆ ны́нѣ: А҆ллилꙋїѧ, гⷤ.

Дїа́конъ же гл҃етъ Е҆кте́нїѧ сі́ѧ.

Ми́ромъ Гд҃ꙋ помоли́мсѧ. И҆ проч: да́же до ѡ҆ плава́ющихъ:

И҆ прилага́етъ ᲃі́ѧ.

Ꙍ҆ є҆́же ми́лостивнымъ свои́м ны́нѣ при́ꙁрѣти ѻ҆́комъ на ѡ҆ꙁлобле́нїе, нꙋ́ждꙋ же и҆ гоне́нїе цр҃кве свое́ѧ ᲃт҃ы́ѧ, и҆ ᲂу҆тѣши́ти ю҆̀ ᲃвои́мъ Божестве́ннымъ посѣще́нїемъ, Гд҃ꙋ помоли́мсѧ.

Ꙍ҆ є҆́же воско́рѣ ᲂу҆толи́ти всѧ̀ воста́нїѧ, и҆ наважде́нїѧ ѿстꙋ́пническаѧ всꙋ́е на Це́рковъ є҆гѡ̀ воꙁдвиꙁа́емыѧ, и҆ ᲂу҆мири́ти ю҆̀, Гд҃ꙋ помоли́мсѧ.

Ꙍ҆ є҆́же запрѣти́ти вѣ́трѡмъ є҆рети́ческимъ, и҆ волне́нїѧмъ ѿстꙋ́пническимъ, на Це́рковъ є҆гѡ̀ въста́ющимъ, и҆ Божестве́ннымъ свои́мъ повелѣ́нїемъ ᲂу҆толи́ти ѧ҆̀ вско́рѣ, Гд҃ꙋ помоли́мсѧ.

Ꙍ҆ є҆́же невреди́мꙋ, и҆ непоколѣби́мꙋ, и҆ непребори́мꙋ ѿ всѣ́хъ вра́жїихъ навѣ́тѡвъ ꙗ҆ви́ти Це́рковъ свою̀ ᲃт҃ꙋ́ю, и҆ победоно́снꙋ ᲃи́лою свое́ю покаꙁа́ти ю҆̀, Гд҃ꙋ помоли́мсѧ.

Ꙍ҆ є҆́же неѡдолѣ́емꙋ а҆́довыми вра́ты Це́рковъ свою̀ ᲃт҃ꙋ́ю соблюстѝ, и҆ ми́ромъ соверше́ннымъ ѡ҆гради́ти, Гд҃ꙋ помоли́мсѧ.

Ꙍ҆ є҆́же раꙁори́ти и҆ и҆скорени́ти совѣ́ты є҆рети́ческїѧ, ѿстꙋ́пническїѧ, и҆ ꙗ҆ꙁы́ческїѧ, и҆ шата́нїѧ и҆́хъ, ꙗ҆́же сопроти́въ Це́ркве є҆гѡ̀ ᲃт҃ы́ѧ раꙁдрꙋши́ти, и҆ въско́рѣ сокрꙋши́ти ᲃатанꙋ̀ подъ но́ги вѣ́рныхъ свои́хъ, Гд҃ꙋ помоли́мсѧ.

Ꙍ҆ є҆́же всѧ̀ крамо́лы и҆ раꙁдо́ры, и҆ нестрое́нїѧ и҆ раꙁдира́нїѧ церко́внаѧ ᲂу҆толити, и҆ ѿтстꙋ́пшихъ ѿ Православнокаѳꙍли́ческїѧ Вѣ́ры къ поꙁна́нїю и҆́стинны ѡ҆брати́ти, вѣ́рныхъ же въ правовѣ́рїи ᲂу҆тверди́ти, ᲂу҆крѣпи́ти, и҆ непоколѣби́мыхъ соблюстѝ, Гд҃ꙋ помоли́мсѧ.

Ꙍ҆ є҆́же посѣти́ти, ᲂу҆тиши́ти, ᲂу҆крѣпи́ти, и҆ съверше́ннѡ ᲂу҆мири́ти Це́рковъ свою̀ ᲃт҃ꙋ́ю и҆ невреди́мꙋ, и҆ непоколѣби́мꙋю соблюстѝ ѿ всѧ́кагѡ зла́гѡ ѡ҆бстоѧ́нїѧ, Гд҃ꙋ помоли́мсѧ.

Застꙋпѝ, спасѝ, поми́лꙋй:

Пресвѧтꙋ́ю чⷭ҇тꙋю пребл:

І҆ере́ѵ꙼ воꙁглаша́ет:

Ꙗ҆́кѡ подоба́етъ тѝ всѧ́к:

И҆ а҆́бїе начина́ют пѣ́ти на Гла́съ, д҃ Бг҃ъ Гд҃ь и҆ ꙗ҆ви: гⷤ:

И҆ тропарѝ сі́ѧ Гла́съ то́йжде.

Къ Хꙋ҃ Бг҃ꙋ, ни́нѣ приле́жнѡ притецѣмъ грѣ́шнїи, и҆ смире́ннѡ припадѣ́мъ, покаѧ́нїемъ вопїю́ще и҆ꙁъ глꙋбины̀ дш҃евныѧ: Влады́ко ты на́мъ помоꙁѝ млⷭ҇рдова́вши на́ ны: ᲂу҆скорѝ ꙗ҆́кѡ и҆ꙁгиба́емъ, ѿ мнѡ́жества грѣхѡ́въ: не ѿвратѝ рабѡ́въ свои́хъ тщи́хъ: ра́ꙁвѣ бо тебѐ, и҆́нагѡ Бг҃а неи́мамы.

Сла́ва: Гла́съ тожъ.

Неꙋмо́лчимъ и҆ непреста́емъ нико́лиже, Тво́рче на́шъ, Божество̀ твоѐ воспѣва́юще мы недосто́йнїи: а҆́ще бо небы̀ ты ᲂу҆милосерди́лсѧ снїйтѝ съ нб҃съ, и҆ воплоти́тисѧ на́съ дѣ́лѧ, кто́ бы на́съ и҆ꙁба́вилъ ѿ толи́кихъ бѣ́дъ; кто́ ли бы на́съ сохрани́лъ до нн҃ѣ свобо́дныхъ; не отстꙋ́пимъ ᲂу҆́бѡ ѿ тебѐ Влады́ко: твою̀ це́рковь и҆ꙁба́ви ѿ всѧ́кїѧ бѣды̀, и҆ на́съ поми́лꙋй, є҆ди́не въ ᲃт҃ы́хъ почива́ѧй.

И҆ ны́нѣ: Гла́с тожъ.

Богорадова́ннаѧ Влады́чице препѣ́таѧ цари́це, всѣ́мъ Хрⷱ҇тїѧ́нѡмъ ходота́йце, и҆ те́плаѧ мл҃тве́ннице: приле́жнѡ рабѝ твоѝ те́пломꙋ тѝ застꙋпле́нїю прибега́юще мо́лимсѧ: ᲂу҆скорѝ на моли́твꙋ и҆ потщи́сѧ на ᲂу҆моле́нїе, ꙗ҆́кѡ и҆ꙁгиба́емъ ѿ мнѡ́жества грѣхѡ́въ, и҆ ѿ вра́жїихъ ѡ҆бстоѧ́нїй: и҆ гнѣ́въ ᲃн҃а твое́гѡ пра́веднѣ на́ ны движи́мый, на ми́лость претворѝ: всѧ́ бо ꙗ҆́кѡ Мт҃и ᲂу҆ ᲃн҃а си мо́жеши, є҆дина̀ блⷭ҇ве́ннаѧ.

Чте́цъ же чте́тъ Ѱало́мъ н҃.

Поми́лꙋй мѧ̀ Бж҃е: до конца̀.

По ѱалме́ а҆́бїе пою́тъ Канꙍ́нъ къ Гд҃ꙋ на́шемꙋ І҆и҃сꙋ Хрⷭ҇тꙋ̀, ѡ҆ ᲂу҆мире́нїи ᲃт҃ы́ѧ Восто́чныѧ А҆пⷭ҇лскїѧ це́ркве, и҆ ѡ҆ соедине́нїи Правосла́вныѧ Вѣ́ры. Гла́съ, ѕ҃. Пѣ́снь, а҃. І҆рмо́съ.

Конѧ̀ и҆ вса́дника въвергі́й въ мо́ре, и҆ ᲃокрꙋши́вый бра́ни, мы́шцею высо́кою, помо́щникъ и҆ покрови́тель Бꙋ́ди на́мъ въ спⷭ҇нїе: ты́бо є҆сѝ Бг҃ъ на́шъ, мꙋчи́телѧ потопи́вый, пресла́внѡ же І҆и҃лѧ ᲃп҃сы́й, пѣ́снь тебѣ побѣ́днꙋю, ꙗ҆́кѡ и҆ꙁбави́телю съгла́снѡ пою́щагѡ: ᲃла́внѡ бо просла́висѧ.

По коемꙋ́ждѡ Тропарю̀ Припѣ́лъ:

Сла́ва тебѣ̀ Бж҃е на́шъ, сла́ва тебѣ̀.

Тропа́ріѡнъ:

Вѣ́ры ꙗ҆́же въ тѧ и҆́стинныѧ ка́мень, ѻ҆снова́нїе неꙁибле́мое це́ркви твое́й положи́вый Хє҃ Цр҃ю, и҆ є҆́же а҆́довыми вра́ты неѡдолѣ́тисѧ є҆́й, ѻ҆бѣща́нїе нело́жное да́вый: ѿ ни́нѣшнихъ є҆рети́ческихъ бѣдъ, и҆ ѡ҆бстоѧ́нїй ѿстꙋ́пнических, и҆ꙁба́ви вско́рѣ, съ слеꙁа́ми моли́мъ тѧ̀: ты́ бо ᲃі́ю чⷭ҇тною тѝ и҆скꙋпи́лъ є҆сѝ кро́вїю.

Раꙁверꙁѡ́шасѧ а҆́дова вра́та, ᲂу҆ста̀ богохꙋ́лныхъ врагѡ́въ твои́хъ, неща́днѡ це́рковъ твою̀ ᲃт҃ꙋ́ю поглоти́ти: но ты Хє҃ Цр҃ю, и҆́стинный тоѧ̀ жени́ше: Божестве́нною тѝ ᲃи́лою та заградѝ, и҆ че́люсти и҆́хъ сокрꙋшѝ, ᲃе́рдцемъ смире́ннымъ мо́лимъ тѧ̀, и҆ въско́рѣ ѿ всѣ́хъ ѻ҆бстоѧ́нїй сі́ю свобо́дꙋ покажѝ: ты́ бо сі́ю чⷭ҇тною си на Крⷭ҇тѣ̀, и҆скꙋпи́лъ є҆сѝ Кро́вїю.

Сла́ва:

Ꙋ҆го́лнагѡ кра́ѧ ка́мень, и҆ глава̀ сы́й Хє҃ Цр҃ю, це́ркве твое́ѧ: ѱѡ́въ, тꙋ́ю беꙁбо́жнѣ растерꙁа́ющихъ, воско́рѣ жеꙁло́мъ крⷭ҇та̀ твое́гѡ ражденѝ: и҆ ѿ ни́хъ воꙁмꙋще́ннꙋю, Божестве́нною тѝ ᲃи́лою ᲂу҆тишѝ, и҆ воско́рѣ соверше́ннѣ ᲂу҆мирѝ: ты́ бо се́ю чⷭ҇тною си на Крⷭ҇тѣ̀ и҆скꙋпи́лъ є҆сѝ Кро́вїю.

И҆ ны́не:

Въ ᲂу҆тро́бѣ Бг҃а носи́вшаѧ, Мт҃и блⷭ҇ве́ннаѧ: предста́телнице и҆ покро́ве ро́да на́шегѡ: ᲃта́до ᲃн҃а твое́гѡ, ѿ во́лкѡвъ хи́щныхъ воꙁмꙋще́нное покры́й: и҆ ѿ дш҃евре́днагѡ и҆́хъ наважде́нїѧ въско́рѣ и҆ꙁба́ви, моли́мъ тѧ ᲂу҆се́рднѡ: ᲃн҃ъ бо тво́й и҆ Бг҃ъ на́шъ чⷭ҇тною свое́ю ѿ тебѐ заимствова́нною, то и҆скꙋпи́лъ є҆́стъ Кро́вїю.

Катавасїѧ а҃.

Спасѝ ѿ бѣ́дъ Це́рковъ свою̀ моли́тве: и҆ ᲂу҆мирѝ ю҆̀ совершеннѣ: ꙗ҆́кѡ мы ᲂу҆се́рднѡ къ тебѣ̀ прибѣга́емъ, ми́лостивомꙋ и҆ꙁбави́телю, всѣ́хъ Влады́цѣ Гд҃ꙋ І҆и҃сꙋ.

Вто́раѧ Катава́сїѧ Богород:

И҆ꙁбавѝ ѿ бѣ́дъ Це́рковъ Сн҃а твое́гѡ, молитва́ми си Прⷭ҇та́ѧ Бц҃е Дв҃о: ꙗ҆́кѡ мы всѝ по Бꙁ҃ѣ, къ тебѣ̀ прибѣга́емъ, ꙗ҆́кѡ къ нерꙋши́мой ᲃтѣнѣ̀ и҆ предста́телницы.

Гд҃и поми́лꙋй гⷤ.

Пѣ́снь, г҃. И҆рмо́съ:

Раꙁшири́шасѧ ᲂу҆ста̀ на́шѧ на врагѝ на́шѧ Гд҃и, ꙗ҆́кѡ Дх҃а воꙁнесе́тсѧ ро́гъ на́шъ, ѡ҆ тебѣ̀ Бꙁ҃ѣ на́шемъ: нѣ́сть бо ᲃт҃а, ни́ же пра́ведна ра́ꙁвѣ тебѐ: лꙋ́къ ᲂу҆́бѡ сопроти́вныхъ сокрꙋшѝ, немо́щныхъ же на́съ препоѧшѝ ᲃи́лою: Дх҃а не хва́лѧтсѧ, ни Дх҃а глаголю́тъ высо́каѧ въ горды́ни, ни́ же Дх҃а и҆ꙁы́йдетъ велерѣ́чїе и҆ꙁъ ᲂу҆́стъ и҆́хъ, сопроти́въ Це́ркве твое́ѧ ᲃт҃ы́ѧ: ты́ бо Бж҃е ра́ꙁꙋмѡвъ Гд҃ь є҆сѝ и҆ Бг҃ъ ᲂу҆готовлѧ́й всѧ̀ начина́нїѧ своѧ̀.

Тропа́ріѡнъ.

Ты чл҃кѡлю́бче ᲃп҃се, вѣды́й ѡ҆ꙁлобле́нїе Це́ркве свое́ѧ, ѿ проти́вническихъ навѣ́тѡвъ ᲃꙋ́щее, ᲂу҆милосерди́всѧ при́ꙁри на моле́нїе на́ше, и҆ въско́рѣ ꙗ҆́кѡ благосе́рдъ и҆ꙁмѝ ю҆̀, ѿ всѣ́хъ бѣ́дъ и҆ ско́рбїй, и҆ въ ми́рѣ глꙋбо́цѣ на ка́мени и҆́стиннагѡ и҆сповѣда́нїѧ ᲂу҆твердѝ: Дх҃а всѝ въ є҆ди́номъ сꙋществѣ̀, ᲃла́вимъ тѧ нераꙁдѣ́лнагѡ Бг҃а.

Въста́ша вѡ́лци тѧ́жци, неща́днѡ расхища́юще и҆ распꙋжа́юще, ᲃлове́сныхъ тѝ ѡ҆вецъ це́рко́вное ста́до, беꙁбо́жнѣ пре́лестїю поглоти́ти є҆̀ тща́щесѧ: но ты ᲃп҃се Цр҃ю вѣ́кѡвъ, Па́стырю до́брый, дш҃ꙋ свою̀ ѡ҆ ни́хъ положи́вый, ѿ си́хъ свободѝ и҆́хъ, и҆ ᲃко́рѡ и҆ꙁба́ви, Дх҃а всѝ въ є҆диномы́слїи съ Ѿц҃емъ и҆ Дх҃омъ, въ є҆ди́номъ сꙋществѣ̀, ᲃла́вимъ тѧ є҆ди́нагѡ Бг҃а.

Сла́ва:

Е҆динодꙋ́шнѡ согласи́шасѧ, на раꙁоре́нїе твое́ѧ це́ркве Хє҃, беꙁбо́жнїи ѿстꙋ́пници, пре́лест̾мѝ свое́гѡ сꙋемꙋ́дрїѧ: но ты си́хъ ᲃовѣ́ты Божестве́нною тѝ си́лою, ꙗ҆́коже дре́вле столпотво́рное съедине́нїе ꙗ҆ꙁы́кѡвъ, раꙁорѝ и҆ раꙁмѣсѝ, съ слеꙁа́ми мо́лимъ тѧ̀, ꙗ҆́кѡ тво́рца, зижди́телѧ и҆ ᲃп҃са на́шегѡ: да всѝ въ є҆диномы́слїи, съ Ѿц҃емъ и҆ Дх҃омъ, въ є҆ди́номъ ᲃꙋществѣ̀, ᲃла́вимъ тѧ є҆ди́нагѡ Бг҃а.

И҆ нынѣ: Бг҃оро́диченъ:

Поро́ждшаѧ ᲃп҃са и҆ и҆ꙁбави́телѧ мі́рꙋ, Мр҃іе Бц҃е, и҆ꙁба́ви Моли́твами си ѿ всѣ́хъ ᲃко́рбїй, бѣ́дъ же и҆ всѣ́хъ ѡ҆бстоѧ́нїй, и҆ навѣ́тѡвъ ᲃхиꙁмати́ческихъ Це́рковъ Сн҃а твое́гѡ: ты́ бо є҆ди́на̀ па́че всѣ́хъ дерꙁнове́нїе и҆́маши, ꙗ҆́кѡ Мт҃и къ Сн҃ꙋ и҆ Бг҃ꙋ: Дх҃а всѝ є҆динодꙋ́шнѡ въ нераꙁдѣ́лномъ ᲃꙋ́ществѣ, съ Ѿц҃емъ тогѡ̀ и҆ Дх҃омъ сла́вимъ, є҆ди́нагѡ Бг҃а.

Та́жъ, Дїа́конъ Е҆ктенїѧ сі́а.

Поми́лꙋй на́съ Бж҃е по вели́цѣй млⷭ҇тѝ твое́й:

Не хотѧ́й ᲃме́рти грѣ́шныхъ, но ѡ҆жида́ѧй ѡ҆браще́нїѧ на́шегѡ, и҆ покаѧ́нїѧ: ны́нѣ на́съ грѣ́шныхъ въ го́рести дш҃ѧ̀ тебѣ̀ съ ᲂу҆миле́нїемъ въпїю́щихъ, ᲂу҆слы́ши и҆ поми́лꙋй.

И҆ꙁлїѧ́вый кро́вь свою̀ мнѡ́гимъ милева́нїемъ спⷭ҇нїѧ на́шегѡ ра́ди, ᲂу҆милосерди́сѧ Цр҃ю ᲃт҃ы́й, и҆ пода́ждъ ми́ръ це́ркви твое́й ᲃт҃о́й, моли́мтисѧ ᲂу҆слы́ши и҆ поми́лꙋй.

Ꙍ҆брꙋчи́вый себѣ̀ Це́рковъ въ невѣ́стꙋ сі́ю ны́нѣ воꙁмꙋще́ннꙋю ѿ врагѡ́въ ѿстꙋ́пныхъ, прчⷭ҇тыхъ тира́дъ ᲃтрⷭ҇тїй, ꙗ҆́же тоѧ̀ ра́ди чл҃кѡлю́бнѡ претерпѣ́лъ є҆сѝ, ѿ ѡ҆ꙁлобле́нїѧ ѡ҆́ныхъ и҆ꙁба́ви, и҆ вско́рѣ ᲂу҆мирѝ ю҆̀, мо́лимтисѧ Цр҃ю прⷭ҇тый, ᲂу҆слы́ши и҆ поми́лꙋй.

Ра́ны и҆ заꙋше́нїѧ, ѡ҆плева́нїѧ же и҆ поно́снаѧ ᲂу҆ничиже́нїѧ, Це́ркве ра́ди свое́ѧ во́лею претерпѣ́вый Хє҃: сі́ю ѿ во́лкѡвъ злолю́тыхъ ѿстꙋ́пникъ ны́нѣ воꙁмꙋща́емꙋю, и҆ лю́тѣ гони́мꙋю и҆ꙁба́вити и҆ вско́рѣ съверше́ннѡ ᲂу҆мири́ти благоиꙁволѝ, моли́мтисѧ Влады́ко ᲃт҃ы́й, ᲂу҆слы́ши и҆ поми́лꙋй.

Сме́рть во́лею на́съ дѣ́лѧ на Крⷭ҇тѣ̀ претерпѣ́вый, Дх҃а ѿ Дх҃а ѿ ле́сти вра́жїѧ на́съ свободи́ши, и҆ ны́нѣ ѿ ле́сти злохи́трныхъ а҆поста́тѡвъ, ѿ всѣ́хъ же бѣ́дъ и҆ ѡ҆бстоѧ́нїй Це́рковъ твою̀ ᲃт҃ꙋю и҆ꙁба́ви, и҆ въско́рѣ соверше́ннѡ ᲂу҆мирѝ, моли́мтисѧ Бж҃е пребла́гїй, ᲂу҆слы́ши и҆ поми́лꙋй.

И҆ꙁъ ме́ртвыхъ Въскр҃сы́й Дх҃а съ собо́ю и҆ на́съ въꙁдви́гнеши, Це́рковъ твою̀ ᲃт҃ꙋ́ю въ гоне́нїи сꙋ́щꙋю твои́мъ благоꙋтро́бїемъ въ тишинѣ̀ поста́ви, и҆ въско́рѣ съверше́ннѡ ᲂу҆мирѝ ю҆̀, моли́тисѧ чл҃кѡлю́бче Гд҃и, ᲂу҆слы́ши и҆ поми́лꙋй.

Сѣдѧ́й на небесе́хъ ѡ҆деснꙋ́ю Бг҃а Ѿц҃а, и҆ приꙁира́й на ᲃмире́нныѧ, при́ꙁри на нищетꙋ̀ и҆ смире́нїе Це́ркве твое́ѧ ᲃт҃ы́ѧ, и҆ ᲂу҆мирѝ ю҆̀, моли́мтисѧ Вседержи́телю ми́лостивый, ᲂу҆слы́ши и҆ поми́лꙋй.

Хотѧ́й па́ки съ славой на́ землю прїйтѝ, не помѧнѝ беꙁꙁако́нїй и҆ непра́вдъ люді́й твои́хъ, и҆ не прогнѣва́йсѧ тогда̀ и҆ ны́нѣ на́ ны, и҆ не раꙁорѝ завѣ́та твое́гѡ ѿ на́съ но ᲂу҆милосерди́сѧ и҆ и҆ꙁба́ви на́съ ѿ всѧ́кїѧ пре́лести и҆ злоче́стїѧ, и҆ ми́ромъ ѡ҆градѝ Це́рковъ твою̀, моли́мтисѧ ᲃꙋдїѐ праведнѣ́йший, ᲂу҆слы́ши и҆ поми́лꙋй.

Ско́ро Дх҃а предварѧ́тъ ны щедроты̀ твоѧ̀ Гд҃и, ꙗ҆́кѡ ѡ҆бнища́хомъ зѣ́лѡ, помоꙁѝ на́мъ, и҆ пода́ждъ ми́ръ це́ркви твое́й ᲃт҃о́й: Дх҃а не порꙋга́ютсѧ, и҆ Дх҃а не рекꙋ́тъ ѿстꙋпи́вшїи ѿ на́съ, гдѐ є҆́стъ Бг҃ъ и҆́хъ: мо́лимтисѧ всеще́дрый ᲃп҃се, ᲂу҆слы́ши и҆ поми́лꙋй.

Е҆щѐ моли́мсѧ ѡ҆ вели́комъ Королѝ на́шемъ И҆мⷬ҇къ: и҆ Благочести́выхъ и҆ богохрани́мыхъ Гпⷭ҇дрехъ Кнѧꙁе́хъ и҆ Па́нѣхъ на́шихъ, держа́вѣ, побѣ́дѣ, пребыва́нїи, ми́рѣ, здра́вїи, ᲃпⷭ҇нїи, и҆ ѡ҆ставле́нїи грѣхѡ́въ и҆́хъ, и҆ ѡ҆ є҆́же Гд҃ꙋ Бг҃ꙋ на́шемꙋ совѣ́тъ бла́гъ, ѡ҆ Вѣ́рѣ правосла́вной, и҆ ѡ҆ ᲃт҃о́й свое́й ᲃобѡ́рной А҆пⷭ҇лской Восто́чной церкви въ ᲃе́рдци и҆́хъ, и҆ всѣ́мъ пре́дъ сѣдѧ́щимъ Гпⷭ҇дрю̀ на́шемꙋ въ Пола́тѣ въдхнꙋ́ти и҆ всади́ти, ми́рнаѧ же и҆ блага́ѧ ѡ҆ не́й совѣтова́ти и҆ гл҃а́ти всегда̀ ᲂу҆строи́ти, и҆ є҆́же ᲂу҆мири́ти и҆ соверше́ннѡ напра́вити и҆ содѣла́ти, рцѣ́мъ всѝ, Гд҃и ᲂу҆слы́ши и҆ поми́лꙋй.

І҆ере́ѵ꙼ же воꙁглаш:

Ꙋ҆слы́ши ны Бж҃е ᲃп҃си́телю на́шъ.

Сѣда́ленъ Гла́съ, ѕ҃.

Сѣдѧ́й ꙗ҆́кѡ Бг҃ъ на небесѝ, въ є҆ди́номъ сꙋществѣ̀ съ Ѿц҃емъ и҆ Дх҃омъ прославлѧ́емый, при́ꙁри на́ ны Хє҃ Бж҃е, вѣ́рою ᲃлавѧ́щихъ держа́вꙋ твою̀ милосе́рде: и҆ ᲂу҆миле́ннѡ на́съ вопїю́щихъ, ми́лостивнѡ внꙋшѝ моли́твꙋ, и҆ ми́ръ Це́ркви твое́й пода́ждъ, ѿ лю́тыхъ ю҆̀ и҆ꙁбавлѧ́ѧ ѡ҆бстоѧ́нїй: и҆ съ на́ми, ꙗ҆́коже ѡ҆бѣща́лсѧ є҆сѝ, всегда̀ пребꙋ́ди: а҆́ще бо ты́ є҆сѝ съ на́ми, никто́же на́ ны.

Сла́ва: И҆ ны́нѣ: Бг҃ро́диченъ.

Ми́лостивнымъ си Пречи́стаѧ на́ ны при́ꙁри ѻ҆́комъ, и҆ ꙗ҆́кѡ Мт҃и ᲃꙋ́щаѧ превѣ́чнагѡ Цр҃ѧ̀, тогѡ̀ молѝ, съ на́ми всегда̀, ꙗ҆́коже ѡ҆бѣща́сѧ пребы́ти, и҆ ми́ръ Це́ркви ᲃвое́й дарова́ти: тоѧ̀ бо ра́ди во́лею ᲃтра́сть и҆ ᲃме́рть претерпѣ̀, Дх҃а ѿ ле́сти ю҆̀ и҆ꙁба́витъ, и҆ свобо́днꙋ ѿ всѧ́кагѡ вра́жїѧ плѣне́нїѧ сътво́ритъ: а҆́ще же то́й бꙋ́детъ съ на́ми, никто́же на́ ны.

Пѣ́снь, д҃. И҆рмо́съ:

Не въ рѣкахъ Гд҃и ꙗ҆́рость свою̀, ни въ мо́ри ᲂу҆стремле́нїе твоѐ, но на противѧ́щихсѧ твое́й и҆́стиннѣ и҆ꙁлі́й: и҆ ꙗ҆́ростїю твое́ю ᲂу҆малѧ́ѧ ниꙁложѝ ѿстꙋ́пники, Дх҃а на высо́каѧ воꙁве́дшесѧ воꙁра́дꙋемсѧ, и҆ воꙁвесели́мсѧ ѡ҆ тебѣ̀ ᲃп҃сѣ на́шемъ.

Тропа́ріѡнъ.

Да ѿ ле́сти вра́жїѧ, Це́рковъ свою̀ и҆ꙁба́виши, неща́днѡ Кро́вь свою̀ и҆ꙁлїѧ́лъ є҆сѝ Влады́ко Хє҃: и҆ ны́нѣ тоѧ̀ ра́ди и҆ꙁлїѧ́нїѧ, ѿ всѣ́хъ новопле́тенныхъ є҆́ресїй, и҆ пре́лестїй ᲃхиꙁмати́ческихъ, и҆ꙁба́ви и҆̀ мо́лимсѧ, и҆ невре́днꙋ съблюдѝ: ꙗ҆́кѡ ты є҆ди́нъ є҆сѝ чл҃кѡлю́бецъ.

И҆ꙁѡстри́шѧ зꙋ́бы неми́лостивнѡ, раꙁшири́шѧ ᲂу҆ста̀ звѣроподо́бнѣ ѿстꙋ́пници, є҆́же расто́ргнꙋти и҆ поглоти́ти Це́рковъ твою̀ Хє҃ Цр҃ю: но ты въ ᲂу҆стѣ́хъ и҆́хъ съкрꙋшѝ ле́стныѧ и҆́хъ зꙋ́бы: невреди́мѡ ѿ си́хъ ста́дѡ своѐ съблюда́ѧ, ꙗ҆́кѡ ты̀ є҆ди́нъ є҆сѝ чл҃кѡлю́бецъ.

Сла́ва:

Божестве́нною тѝ премꙋ́дростїю ᲃп҃се, на посрамле́нїе проти́вныхъ ле́стїй, прави́телїй церко́вныхъ ᲃе́рдца ᲂу҆мꙋдрѝ, моли́мъ тѧ ᲂу҆се́рднѡ: и҆ свѣ́томъ твои́мъ на ᲂу҆твержде́нїе и҆́стинныѧ твое́ѧ вѣ́ры, ꙗ҆ꙁы́къ и҆́хъ ᲂу҆ѧснѝ, и҆ ра́ꙁꙋмъ просвѣтѝ, ꙗ҆́кѡ чл҃кѡлю́бецъ.

И҆ ны́нѣ:

Жестоковы́йныхъ ѿстꙋ́пникѡвъ, раꙁвраще́нный ра́ꙁꙋмъ, Це́ркви Правосла́вной ᲃи́лою бо́дрыхъ тѝ моли́твъ, покорѝ Влады́чце чⷭ҇таѧ: и҆ мра́къ лю́тыѧ пре́лести ѿ серде́цъ и҆́хъ ско́рѡ ѿженѝ: Дх҃а съ на́ми въ є҆диномыслїи, правосла́внѡ сла́вѧтъ є҆ди́нагѡ чл҃кѡлю́бца.

Пѣ́снь, є҃. И҆рмо́съ:

Въ печа́ли на́шей помѧнꙋ́хѡмъ тѧ Гд҃и, и҆ въ бо́лѣꙁни на́шей въпїемъ тѝ ᲃп҃се: ми́ръ пода́ждъ Це́ркви твое́й Бж҃е, ѻ҆́гнь же ᲃꙋпоста́ты да поѧ́сть: ра́ꙁвѣ бо тебѐ и҆́нагѡ не вѣ́мы.

Тропа́ріѡнъ.

Пра́вѡ пра́вити ᲃло́во твое́ѧ и҆́стинны, пода́ждъ благода́ть І҆ера́рхѡмъ твои́мъ Хє҃ чл҃кѡлю́бче, и҆ всѣ́м прави́телемъ Це́ркве твое́ѧ ᲃп҃се: є҆́реси же всѧ̀ и҆ ѿстꙋ́пства и҆скоренѝ, благода́телю многоми́лостве.

Сла́вити тѧ Хє҃ въ правосла́вїи ми́рнѡ, Це́ркви твое́й дарꙋ́й, мо́лимтисѧ чл҃кѡлю́бче: ѿ ѡ҆ꙁлобле́нїй, и҆ па́гꙋбныхъ ѡ҆бстоѧ́нїй ско́рѡ и҆ꙁимаѧ на́съ, ѿ всѣ́хъ бѣ́дъ сп҃сѝ, благоде́телю многоми́лостиве.

Сла́ва:

Нꙋ́ждею раꙁдира́ютъ ѿстꙋ́пници ле́стныи, ри́ꙁꙋ Це́ркве твое́ѧ Хє҃, ѿ вы́шнѧгѡ твое́гѡ и҆стка́ннꙋю богосло́вїѧ: но ты ско́рѡ предвари́въ и҆ꙁмѝ ю҆̀, и҆ ѿ рꙋ́къ и҆́хъ и҆ꙁба́ви, благодетелю многоми́лостиве.

И҆ ны́нѣ:

Ю҆́н̾ци тꙋ́чнїи ѡ҆быйдо́ша Це́рковь ᲃн҃а твое́гѡ Бц҃е, и҆ ꙗ҆́кѡ лвы̀ рыка́юще, хꙋ́лнаѧ своѧ̀ на оглоще́нїе є҆ѧ̀ раꙁверго́ша ᲂу҆ста̀: но ты̀ ни́нѣ предста́ни крѣ́пкаѧ въ бѣда́хъ хрⷭ҇тїѧ́нѡмъ помо́щнице, и҆ те́плою си Моли́твою си́хъ въско́рѣ ражденѝ: благода́телѧ молѧ́щи, многоми́лостивагѡ.

Пѣ́снь, ѕ҃. И҆рмо́съ:

Внегда̀ и҆счеꙁа́ти є҆́стъ ѿ на́съ дꙋшѝ на́шей, тебѐ помѧнꙋ́хѡмъ Гд҃и, и҆ внегда̀ стꙋжа́ти на́мъ врагѡ́мъ на́шимъ къ тебѣ̀ воꙁопи́хомъ: ᲃп҃се ᲂу҆слы́ши Моли́твы на́ша, и҆ ꙗ҆́кѡ І҆ѡ́нꙋ ѿ Кѵта̀, и҆ꙁведѝ къ тебѣ̀ и҆ꙁъ и҆стлѣ́нїѧ живо́тъ на́шъ, Гд҃и Бж҃е на́шъ: Дх҃а въ гла́сѣ хвале́нїꙗ и҆ и҆сповѣда́нїꙗ поє́мъ тебѣ̀.

Тропа́ріѡнъ.

Мо́рѧ пре́лестнагѡ во́лны, па́че мѣ́ры воꙁдвигѡшасѧ, на и́стопле́нїе Це́ркве твое́ѧ Хє҃: но ты ни́нѣ въско́рѣ, ꙗ҆́коже и҆́ногда чꙋвстве́нномꙋ мо́рю, ѿ сна̀ въста́въ запрѣтѝ, и҆ ѿ и҆стопле́нїѧ дꙋшегꙋ́бнагѡ и҆ꙁба́ви ю҆̀: моли́твами всѣ́хъ ᲃт҃ы́хъ твои́хъ.

Лꙋ́къ сво́й напрѧгѡ́ша ѿстꙋ́пници, и҆ ѻ҆рꙋ́жїе и҆ꙁвлеко́ша, състрѣлѧ́ти и҆ закла́ти ни́щыхъ и҆ ᲂу҆бо́гих рабо́въ твои́хъ, пра́вѡ въ тѧ вѣ́рꙋющихъ: но ѻ҆рꙋ́жїе и҆́хъ сътворѝ внитѝ въ се́рдца и҆́хъ, и҆ лꙋ́ци и҆́хъ Дх҃а сокрꙋ́шатсѧ, ничто́же врежда́юще на́съ: Моли́твъ ра́ди всѣ́хъ ᲃт҃ыхъ твои́хъ.

Сла́ва:

И҆ꙁъ глꙋбины̀ се́рдца, съ слеꙁа́ми припада́емъ тѝ Хє҃ Цр҃ю, приле́жнѡ молѧ́щесѧ: ѿ настоѧ́щїѧ сопроти́вныхъ бѣды̀, и҆ тѧ́жкагѡ наважде́нїѧ, Це́рковь свою̀ и҆ꙁба́ви, и҆ въ ми́рѣ глꙋбо́цѣ ᲃі́ю невре́днꙋ ѿ ни́хъ сохранѝ, є҆́реси всѧ̀ и҆ ѿстꙋ́пства ᲃко́рѡ потреблѧ́ѧ, моли́твами всѣ́хъ ᲃт҃ы́хъ твои́хъ.

И҆ ны́нѣ: Бг҃ро́диченъ.

Треѡкаѧ́нное ѿстꙋ́пство, ле́стный воꙁдвижѐ Прчⷭ҇таѧ ко́въ: Це́рковь ᲃн҃а твое́гѡ чⷭ҇тною и҆скꙋпле́ннꙋю Кро́вїю, раꙁори́ти ѿ ѻ҆снова́нїѧ хотѧ́ще: но ты христїѧ́нское прибѣ́жище, ско́рѡ Хв҃и моли́сѧ, ѻ҆́но раꙁори́ти, це́рковь же ᲂу҆мири́ти: Мт҃рнихъ тѝ ра́ди ми́лостивъ, и҆ всѣ́хъ ст҃ыхъ свои́хъ.

А҆́бїе же І҆ере́ѵ꙼, и҆лѝ а҆́ще є҆́стъ Дїа́конъ, гл҃етъ Дїа́конства мала́ѧ.

Па́ки и҆ па́ки: И҆ проч.

І҆ере́ѵ꙼ же Воꙁглаш:

Ꙗ҆́кѡ ты́ є҆сѝ Цр҃ь ми́ра:

Ли́къ:

А҆ми́нь.

Конда́къ Гла́съ, в҃.

Ско́ро предварѝ, да́же не поработи́мсѧ: вра́ꙁи бо хꙋ́лѧтъ тѧ̀, и҆ претѧ́тъ на́мъ Хє҃ Бж҃е: но пораꙁѝ Крⷭ҇то́мъ свои́мъ, борꙋ́щихъ сѧ съ на́ми: и҆ совѣ́ты и҆́хъ въско́ре раꙁорѝ: да ᲂу҆раꙁꙋмѣ́ютъ всѝ ꙗ҆влѧ́ющїи рабѡ́мъ твои́мъ зла́ѧ, и́ ꙗ҆́вѣ поꙁна́ют коли́кѡ мо́жетъ Правосла́вныхъ Вѣ́ра: Моли́твами Бц҃а, є҆ди́не чл҃кѡлю́бче.

І҆ко́съ.

Ско́ро ни́нѣ предста́ни навѣтова́нїемъ, ꙗ҆́же на на́съ ѿ сопроти́вныхъ: Дх҃а не воꙁра́дꙋетсѧ вра́гъ на́шъ ѡ҆ на́съ, и҆́же а҆́ще и҆ при́снѡ досажда́етъ на́мъ раꙁли́чнѣ: но ни́нѣ множа́е па́че тщи́тсѧ, на́шѧ тѣле́снаѧ же кꙋ́пнѡ, и҆ дꙋше́внаѧ блага́ѧ плѣни́ти и҆ раꙁори́ти: Тѣ́мъ мо́лимтисѧ, да си́лою твое́ю, всѣ́мъ врагѡ́мъ на́шимъ, милосе́рдїемъ си проти́вѡ ста́неши, и҆ держа́вною тѝ крѣ́постїю, всѧ̀ ви́димыхъ и҆ не ви́димыхъ врагѡ́въ, на Правосла́внꙋю ꙗ҆́же въ тѧ Вѣ́рꙋ, навѣ́ты раꙁдрꙋши́ши: Дх҃а раꙁꙋмѣ́ютъ всѝ ѡ҆бидѧ́щїи рабѡ́въ твои́хъ, и҆ ꙗ҆́вѣ поꙁна́ютъ коли́кѡ мо́жетъ Правосла́вныхъ Вѣ́ра: Моли́твами Бц҃а, є҆ди́не чл҃кѡлю́бче.

Дїа́конъ гл҃етъ:

Во́нмѣмъ.

І҆ере́ѵ꙼:

Ми́ръ всѣ́мъ.

Дїа́конъ:

Премꙋ́дрость во́нмѣмъ.

Чте́цъ: Прок: Гла́съ. з҃.

Гд҃ь крѣ́пость люде́мъ свои́мъ да́етъ. Гд҃ь благослови́тъ лю́ди своѧ̀ мѵ́ромъ.

Сті́хъ.

И҆ въ Це́ркви є҆гѡ̀ всѧ́къ кто̀ гл҃етъ сла́вꙋ.

А҆́бїе же Дїа́конъ:

Гд҃ꙋ помоли́мсѧ.

І҆ере́ѵ꙼:

Ꙗ҆́кѡ ᲃт҃ъ є҆сѝ Бж҃е на́шъ, и҆ на ᲃт҃ы́хъ почива́еши, и҆ тебѣ̀ сла́вꙋ воꙁсыла́емъ Ѿцꙋ, и҆ ᲃн҃ꙋ, и҆ ᲃт҃о́мꙋ Дх҃ꙋ, ны́нѣ и҆ прⷭ҇нѡ и҆ въ вѣ́ки вѣ́кѡвъ.

Ли́къ:

А҆ми́нь.

По се́мъ:

Всѧ́кое дыха́нїе Дх҃а хва́литъ Гд҃а. гⷤ.

Сті́хъ.

Хвали́те Бг҃а въ ᲃты́х є҆гѡ̀.

Та́жъ Дїа́конъ:

Ꙍ҆ є҆́же сподоби́тисѧ на́мъ слыша́нїю ᲃⷮ: Е҆ѵⷢ҇лїѧ Гд҃а Бг҃а молимъ.

Ли́къ:

Гд҃и поми́лꙋй гⷤ.

І҆ере́ѵ꙼:

Ми́ръ всѣ́мъ.

Дїа́конъ:

Премꙋ́дрость про́сти ᲂу҆слы́шимъ ᲃт҃о́е Е҆ѵⷢ҇лїе ѿ Маѳ: ᲃт҃а́гѡ Е҆ѵⷢ҇лїѧ чте́нїе.

Ли́къ:

Сла́ва: тебѣ̀ Гд҃и.

Дїа́конъ:

Во́нмѣмъ.

І҆ере́ѵ꙼ же чте́тъ Е҆ѵⷢ҇лїе ᲃїе въ ѻ҆́лтари на ᲃт҃ѣ́й тра́пеꙁѣ: ѿ Маѳ: Гла́ва, з҃. Зач: к҃.

Рєчѐ Гд҃ь: Просѣ́те, и҆ да́сть сѧ ва́мъ: и҆щѣ́те, и҆ ѡ҆брѧ́щете: толцѣ́те, и҆ ѿве́рꙁетсѧ ва́мъ.

Всѧ́къ бо просѧ́й, прїе́млетъ, и҆ и҆ща́й ѡ҆брѣта́етъ: и҆ толкꙋ́щемꙋ ѿве́рꙁетсѧ.

И҆лѝ кто̀ є҆́сть ѿ ва́съ человѣ́къ, є҆го́же а҆́ще воспро́ситъ ᲃы́нъ є҆гѡ̀ хлѣ́ба, є҆да̀ ка́мень пода́стъ є҆мꙋ̀;

И҆лѝ а҆́ще ры́бы воспро́ситъ, є҆да̀ ѕмїю̀ пода́стъ є҆мꙋ̀;

А҆́ще ᲂу҆̀бо вы̀, лꙋка́ви сꙋ́ще, ᲂу҆мѣ́ете даѧ́нїѧ бл҃а́ѧ даѧ́ти ча́дѡмъ ва́шымъ, кѡ́л̾мѝ па́че Ѻ҆ц҃ъ ва́шъ нбⷭ҇ный да́стъ бл҃ага́ѧ просѧ́щымъ ᲂу҆ негѡ̀.

Ли́къ же ре́къ:

Сла́ва: тебѣ̀ Гд҃и.

А҆́бїе пое́тъ, Сла́ва: Гла́съ, ѕ҃.

Ѿч҃е, Сло́ве, и҆ Дш҃е, Трⷪ҇це ᲃт҃а́ѧ: ѡ҆чи́сти мнѡ́жество грѣхѡ́въ на́шихъ.

И҆ ны́нѣ:

Бц҃а ра́ди моли́твъ ми́лостиве, ѡ҆чи́сти мнѡ́жество грѣхѡ́въ на́шихъ.

Поми́лꙋй на́съ Бж҃е по вели́цѣй ми́лости твое́й, и҆ по мнѡ́гимъ щедрота́мъ твои́мъ ѡ҆чи́сти всѧ̀ согрѣше́нїѧ на́шѧ.

И҆ а҆́бїе пою́тъ Сті́х Гла́съ, ѕ҃. Под:

Все воꙁлож:

Не ѡ҆ста́ви на́съ въ члчⷭ҇кое застꙋпле́нїе, пребеꙁнача́лнаѧ Трⷪ҇це: но прїймѝ ꙗ҆́кѡ Влады́ка моле́нїе рабѡ́въ свои́хъ: ᲃко́рби бо и҆ бѣ́ды ѡ҆бде́ржатъ ны, терпѣ́ти не мо́жемъ ѿ бѣсо́вскагѡ стрѣлѧ́нїѧ, и҆ ѿстꙋ́пническагѡ ѡ҆бстоѧ́нїѧ: покро́ва не стѧжа́хомъ нигде́же прибѣ́гнꙋти стра́стнїи всегда̀ побѣжда́еми, ᲂу҆тѣше́нїѧ не има́мы, ни́ же по́мощи, ра́ꙁвѣ тебѐ Тво́рче мїра: ᲂу҆пова́нїе и҆ спⷭ҇нїе вѣ́рнымъ: не пре́ꙁри моле́нїѧ нш҃ѧ, но соверше́нна сотворѝ.

І҆ере́ѵ꙼ же и҆лѝ Дїа́конъ гл҃етъ Е҆кте́нїю.

Спасѝ Бж҃е лю́ди своѧ̀: всю̀ до конца̀.

Ли́къ же пое́тъ:

Гд҃и поми́лꙋй, є҃і.

І҆ере́ѵ въꙁглаша́етъ:

Ми́лостїю и҆ щедрота́ми и҆ чл҃кѡлю́бецъ:

Пѣ́снь, з҃. И҆рмо́съ:

Согрѣши́хѡмъ и҆ беꙁꙁаконова́хѡмъ ѿстꙋпа́юще ѿ тебѐ: прегрѣши́хѡмъ въ все́мъ, и҆ за́повѣди твоѧ̀ не соблюдо́хѡмъ, и҆ сегѡ̀ ра́ди всѧ̀ ꙗ҆́же наве́лъ є҆сѝ на́ ны, вои́стиннꙋ ᲃꙋ́дъ ᲃотвори́лъ є҆сѝ, но не преда́ждъ на́съ до конца̀, и҆ не ѡ҆ста́ви ми́лости твое́ѧ ѿ на́съ, Бж҃е ѡ҆ц҃ъ на́шихъ.

Тропарїѡнъ.

Тѧ̀ Бг҃а ᲃп҃са, и҆скꙋпи́телѧ, и҆ жениха̀ це́ркви, ᲂу҆се́рднѡ приꙁыва́емъ Хє҃, невѣ́стꙋ свою̀ и҆ꙁъ рꙋкѝ законопрестꙋ́пных, ᲂу҆мертви́ти тꙋ и҆́щꙋщихъ, мы́шцѧ лести и҆́хъ сокрꙋша́ѧ, и҆ꙁба́ви: Дх҃а пое́мъ тѝ непреста́ннѡ: ѡ҆ц҃ъ на́шихъ Бє҃ блⷭ҇ве́нъ є҆сѝ.

Пе́стрꙋю плени́цꙋ ле́сти, є҆ю́ же запѧ́ти л̾сти́вый, цр҃кви твое́й тщи́тсѧ змі́й, ско́рѡ расторгнѝ Гд҃и, и́ сѣ́ти є҆гѡ̀ сокрꙋшѝ: Дх҃а ѿ си́хъ и҆ꙁба́влени бы́вше, є҆диногла́снѡ вопїемъ: ѡ҆ц҃ъ на́шихъ Бж҃е благослове́нъ є҆сѝ.

Сла́ва:

Терпѣ́нїе въ на́пастехъ на́мъ мꙋжестве́нное, спⷭ҇нїе содѣлова́ющее, пода́ждъ ᲃп҃се, въ и҆скꙋше́нїѧ па́че си́лы не въводѧ̀: но и҆ꙁба́ви ѿ всѣ́хъ лꙋка́выхъ, на на́съ ѿстꙋпническихъ ле́стїй напада́ющихъ: да въ правосла́вїи всегда̀ тебѣ̀ вопїемъ, ѡ҆т҃цъ на́шихъ Бж҃е благослове́нъ є҆сѝ.

И҆ ны́нѣ: Бг҃оро́диченъ:

Мо́л̾бꙋ ᲃотворѝ къ ᲃн҃ꙋ си и҆ Бг҃ꙋ на́шемꙋ, Мр҃їе Бг҃оневѣ́стѡ, ꙗ҆́кѡ Дх҃а воꙁдви́гъ ᲃи́лꙋ Бж҃естве́ннꙋю свою̀, ѿ бѣ́дъ ѿстꙋ́пническихъ, и҆ ѿ є҆́ресїй беꙁбо́жныхъ, це́рковъ свою̀ спасе́тъ, и҆ ѿ пре́лестїй и҆ꙁба́витъ, правовѣ́рнѡ томꙋ̀ въ не́й пою́щихъ: ѡ҆ц҃ъ на́шихъ Бж҃е благослове́нъ є҆сѝ.

Пѣ́снь, и҃. И҆рмо́съ:

Въ пе́щи заключе́ныхъ ѻтро́кѡвъ вѣ́ры, беꙁчисле́нный ᲂу҆стыдѣ́сѧ ѻ҆́гнь, и҆ гордагѡ мꙋчи́телѧ велѣ́нїю противѧ́сѧ, въ хла́дъ прело́жсѧ, трі́ехъ ѡ҆росѝ, и҆ ꙗ҆́кѡ въ ᲃвѣ́тѣ ликоствꙋ́ющихъ пѣвце́въ покаꙁа̀: Дѣлѧ̀ всѧ̀ Гн҃ѧ Гд҃а по́йте, и҆ превоꙁноси́те є҆гѡ̀ въ вѣ́ки.

Тропа́рїѡнъ.

Ги́бнꙋщихъ на́съ, и҆ на всѧ́къ де́нь ᲂу҆малѧ́ющихъ сѧ пре́лестїю ѿстꙋ́пства, ꙗ҆́кѡ Петра̀, Хє҃ чл҃кѡлю́бче, въ мо́ри ᲂу҆топа́ющагѡ спасѝ, на ка́мени и҆́стиннагѡ тѝ и҆сповѣда́нїѧ ᲂу҆твержда́ѧ вѣ́рнѡ пою́щихъ: дѣла̀ всѧ̀ Гд҃нѧ Гд҃а по́йте, и҆ превоꙁноси́те є҆гѡ̀ въ вѣ́ки.

Ла́ютъ рыка́юще хꙋ́лнѡ, ꙗ҆́кѡ лвы̀ лю́тыи, на це́рковъ твою̀ Хє҃, въ ле́стной ѡ҆гра́дѣ ᲃвое́й ѿстꙋ́пничестїи дѣ́ти, не ми́лостивнѡ поглоти́ти тꙋ хотѧ́ще: но ты Влады́ко, тоѧ̀ ра́ди Кро́вь свою̀ и҆ꙁлїѧ́вый, не преда́ждъ въ рꙋ́ки и҆́хъ до конца̀, на́съ вѣ́рнѡ пою́щихъ тѝ: дѣла̀ всѧ̀ по́йте Гд҃а, и҆ превоꙁноси́те є҆гѡ̀ въ вѣ́ки.

Сла́ва:

А҆рхіере́ю вѣ́чный Хє҃, І҆ера́рхїю свою̀ на землѝ сꙋ́щꙋю Правосла́вїемъ ᲂу҆твердѝ, Це́рковъ неѡдолѣ́емꙋ а҆́довыми вра́ты, по свое́мꙋ тѝ ѡ҆бѣща́нїю Влады́ко, въ вѣ́ки сохранѝ, и҆ на́съ ѿ настоѧ́щихъ бѣ́дъ и҆ꙁба́ви, вѣ́рнѡ тебѣ̀ пою́щихъ: дѣла̀ всѧ̀ Гнⷭ҇ѧ Гд҃а по́йте, и҆ превоꙁноси́те є҆гѡ̀ въ вѣ́ки.

И҆ ны́нѣ:

Ма́нїемъ Бг҃одѣ́телнымъ соꙁда́вый всѧ́ческаѧ, и҆ꙁъ тебѐ пло́ть заимствова́въ, роди́сѧ Пречи́стаѧ, Дх҃а на́съ ѿ ле́сти и҆ꙁба́витъ вра́жїѧ: тогѡ̀ ᲂу҆́бѡ ты молѝ Пречи́стаѧ, мо́лимсѧ ᲂу҆се́рднѡ, и҆ ны́нѣ ѿ настоѧ́щїѧ бѣды̀ це́рковъ свою̀ и҆ꙁба́вити, и҆ спастѝ всѣ́хъ вѣ́рнѡ томꙋ̀ пою́щихъ: дѣла̀ всѧ̀ по́йте Гд҃а, и҆ превоꙁноси́те є҆гѡ̀ въ вѣ́ки.

Пѣ́снь, ѳ҃. И҆рмо́съ:

Ѿ ны́нѣ и҆ до вѣ́ка, всѝ ро́ди вѣ́рнїи, ꙗ҆́кѡ Бц҃ꙋ велича́ти тѧ Дв҃о чⷭ҇таѧ, и҆ твою̀ по́мощъ приꙁыва́ти не преста́ютъ: па́че ᲂу҆ма бо и҆ ᲃло́ва въ чре́вѣ прїи́мши, беꙁъ тлѧ̀ роди́ла є҆сѝ Бг҃а вочл҃чшасѧ, и҆ Дв҃ою ꙗ҆́коже пре́жде Рождества̀ па́ки пребыва́еши: є҆го́же ꙗ҆́кѡ Бг҃а хвалѧ́ще, тѧ чⷭ҇тꙋю въ вѣ́ки ᲂу҆блажа́ємъ.

Тропа́рь.

Дрѧ́хлое, и҆ ѿ во́лкѡвъ хи́щныхъ воꙁмꙋще́нное ᲃлове́сное тѝ ста́до, во́племъ крѣ́пкимъ вопїетъ, и҆ приле́жнѡ мо́литсѧ Влады́ко Хє҃: ᲂу҆щедрѝ, поми́лꙋй, и҆ и҆ꙁба́ви вско́рѣ ѿ сѣ́ти ловѧ́щихъ, Дх҃а не до конца̀ поги́бнемъ, ни́ же да воꙁра́дꙋетсѧ вра́гъ на́шъ ѡ҆ поги́бели на́шей: но да тѧ на́мъ вѣ́рнымъ є҆ди́нꙋ сꙋ́щꙋю главꙋ̀, въ вѣ́ки велича́емъ.

Трепе́щꙋще и҆ боѧ́щесѧ, съ стра́хомъ мнѡ́гимъ, вѣдꙋ́ще своѧ̀ беꙁмѣ́рнаѧ ᲃогрѣше́нїѧ Влады́ко Хє҃, къ тебѣ̀ припада́емъ, и҆ тебѣ́сѧ мо́лимъ: вѣ́рꙋ ᲂу҆твердѝ, це́рковъ ᲂу҆мирѝ, и҆ ѿ пре́лестїй ѿстꙋ́пства ско́рѡ и҆ꙁба́ви: да тѧ на́мъ є҆ди́нꙋ сꙋ́щꙋю главꙋ̀, правовѣ́рнѡ въ вѣ́ки велича́емъ.

Сла́ва:

Ле́сть жесто́кꙋю всѣ́хъ є҆́ресїй, и҆ хꙋ́лнагѡ ѿстꙋ́пства па́гꙋбꙋ раꙁдрꙋшѝ, и҆ до конца̀ и҆скоренѝ ᲃп҃се: раꙁдира́нїѧ церко́внаѧ ᲂу҆тѣшѝ: расточе́ннаѧ же собра́въ, ᲃт҃о́мꙋ тѝ ста́дꙋ совокꙋпѝ, и҆ на́съ въ правосла́вїи ᲂу҆мирѝ, мо́лимъ тѧ Хє҃ Бж҃е: да тѧ на́мъ є҆ди́нꙋ сꙋ́щꙋю главꙋ̀, въ вѣ́ки велича́емъ.

И҆ ны́нѣ:

Погꙋби́ти ле́стныѧ пото́ки всѧ̀, и҆ ᲃко́рѡ и҆ссꙋши́ти, моли́сѧ Пречи́стаѧ ᲃн҃ꙋ и҆ Бг҃ꙋ твое́мꙋ: заблꙋжде́нныхъ къ поꙁна́нїю и҆́стинны ѡ҆брати́ти, це́рковъ свою̀ ᲂу҆мири́ти, и҆ на́съ всѣ́хъ въ Правосла́вной вѣ́рѣ ᲂу҆тверди́ти, мо́лимъ тѧ Влады́чице Дв҃о: да тѧ и҆́стиннѡ сꙋ́щꙋю Бц҃ꙋ въ вѣ́ки правовѣ́рнѡ велича́емъ.

На конци́ же се́й пое́тсѧ И҆рмо́съ:

Побѣжда́ютсѧ є҆́стества ᲂу҆ста́вы:

Зри ли́стъ п҃г¹⁹.

По се́м же чте́тъ, Трⷭ҇то́е: Прест҃а́ѧ Трⷪ҇це: и҆ по Ѿч҃е на́шъ:

І҆ере́ѵ꙼ гл҃етъ:

Ꙗ҆́кѡ твоѐ є҆́стъ ца́рство:

Ли́къ же пое́тъ Тропарѝ сі́ѧ Гла́съ, ѕ҃.

Поми́лꙋй на́съ Гд҃и поми́лꙋй на́съ:

Сла́ва:

Гд҃и поми́лꙋй на́съ на тѧ бо ᲂу҆пова́х:

И҆ ны́нѣ и҆ прⷭ҇нѡ и҆ въ вѣ́ки вѣ́кѡвъ.

Милосе́рдїа две́ри ѿве́рꙁи:

По си́хъ же Дїа́конъ а҆́бїе велегла́снѡ глаголе́тъ:

Во́нмѣмъ, и҆ съ стра́хомъ Бо́жіимъ и҆ благоговѣ́нїемъ въ ᲂу҆миле́нїи ᲃе́рдца, колѣ́нѣ прекло́нше, Гд҃ꙋ помоли́мсѧ.

Ли́къ:

Гд҃и поми́лꙋй, гⷤ.

Всѣ́мъ же лю́демъ колѣ́на прекло́ншимъ, и҆ са́мъ І҆ере́ѵ꙼ на колѣ́нѣхъ пре́дъ ᲃто́ю Тра́пеꙁою прекло́нсѧ, съ всѧ̀ гл҃етъ Моли́твꙋ ᲃі́ю.

Влады́ко Гд҃и І҆и҃се Хє҃, Бж҃е превѣ́чный, беꙁнача́льный, и҆ прⷭ҇нѡсꙋ́щный ᲃвѣ́те, ѿ свѣ́та беꙁнача́лнагѡ Ѿц҃а беꙁлѣ́тно просїѧ́вый: Тво́рче и҆ ᲃоꙁда́телю всеѧ̀ тва́ри ви́димыѧ и҆ неви́димыѧ: Превысо́кїй и҆ пресла́вный Цр҃ю, чл҃кѡлюби́вый Гд҃и: къ тебѣ̀ прибѣга́емъ, къ тебѣ̀ припада́емъ, и҆ тебѣ̀ моли́мсѧ: согрѣши́хѡмъ бо и҆ беꙁꙁаконова́хѡмъ, не сотвори́хѡмъ, ни соблюдо́хѡмъ, ꙗ҆́же заповѣда́лъ є҆сѝ на́мъ: ни потща́хѡмсѧ на добродѣ́тели: но земнїи сꙋ́ще, къ землѝ преклони́хѡмсѧ, и҆ лꙋка́ваѧ пре́дъ лице́мъ ᲃла́вы твое́ѧ содѣѧ́хѡмъ: на по́хоти пло́тскїѧ преда́хѡмсѧ, и҆ поработи́хѡмсѧ грѣхѡ́мъ и҆ печа́лемъ жите́йскимъ: бы́хѡмъ бѣгꙋны̀ тебѐ свое́гѡ Влады́ки, ᲂу҆бо́ꙁи въ до́бры дѣ́ла, и҆ ѡ҆каѧ́нны зла́го ра́ди жи́тїѧ на́шегѡ.

Но ка́емсѧ, про́симъ, и҆ мо́лимтисѧ, моли́тве чл҃кѡлю́бче Гд҃и, загла́ди рꙋкописа́нїе грѣхо́въ на́шихъ, и҆́мже раꙁгнѣ́вахѡмъ тебѐ Влады́ко Гд҃и, всеси́лне, беꙁꙁлоби́ве, долготерпе́ливе ᲃп҃се, дѣ́ла рꙋ́къ твои́хъ не пре́ꙁри, ни́ же рцѝ къ на́мъ, ны́нѣ же и҆ въ де́нь ѻ҆́нъ, є҆гда̀ прі́йдеши съ ᲃла́вою, не вѣ́мъ ва́съ, ни ѿврати́сѧ въ гнѣ́вѣ ѿ на́съ: не ꙁабꙋ́ди Влады́ко трꙋ́ды рабѡ́въ твои́хъ, ни послѝ на́съ въ ѻ҆́гнь, є҆го́же дш҃а̀ на́ша трепе́щетъ и҆ бои́тсѧ: къ тебѣ́ бо прибега́емъ, и҆ тебѐ приꙁыва́емъ и҆́стиннагѡ Бг҃а на́шегѡ, къ тебѣ̀ на нб҃се́хъ живꙋ́щомꙋ ѻ҆́чи дш҃ъ на́шихъ воꙁво́димъ, и҆ рꙋ́цѣ простира́емъ, и҆ колѣ́нѣ прекланѧ́емъ, и҆ и҆ꙁъ глꙋбины̀ ᲃе́рдца воꙁдыха́емъ, и҆ ѧ҆ꙁы́комъ молѧ́щесѧ вопїемъ:

Поми́лꙋй на́съ Бж҃е, по вели́цѣй млⷭ҇тѝ твое́й, и҆ по мнѡ́гимъ щедрѡта́мъ твои́мъ ѡ҆чⷭ҇тѝ беꙁꙁако́нїѧ на́шѧ.

Ꙗ҆́кѡ не ме́ртвїи восхва́лѧтъ тѧ Гд҃и, ни сꙋ́щїи въ а҆́дѣ и҆сповѣдѧ́тъ тѝ сѧ, но мы̀ грѣ́шнїи благослови́мъ тѧ и҆ моли́мтисѧ, просѧ́ще твое́ѧ бога́тыѧ ми́лости:

Са́мъ бо ре́клъ є҆сѝ Гд҃и Бж҃е на́шъ: Просѣ́те и҆ прі́ймете: и҆, грѧдꙋ́щагѡ къ мнѣ̀ не и҆жденꙋ̀ вонъ: ты́ бо ни є҆ди́номꙋ же чл҃кꙋ поги́бнꙋти воли́ши: но глꙋбино́ю сꙋде́бъ твои́хъ спасти́сѧ всѣ́мъ хо́щеши.

Тѣ́мъ же моли́мтисѧ и҆ ѿ тебѐ ми́лости про́симъ, и҆ благода́ть ѡ҆брѣстѝ пре́дъ тобо́ю и҆́щемъ, и҆ въ твоѧ̀ две́ри толче́мъ: ѿверꙁѝ на́мъ две́ри твое́гѡ ще́драгѡ милосе́рдїѧ, ᲂу҆кротѝ ꙗ҆́рость гнѣ́ва твое́гѡ Гд҃и, ᲂу҆милосерди́сѧ на ны Бж҃е на́шъ, поми́лꙋй на́съ чл҃кѡлю́бче ᲃт҃ы́й, ᲂу҆слы́ши гла́съ моли́твы на́шеѧ, ꙗ҆́коже Мана́сїевъ и҆ Дави́довъ, и продолжѝ ми́лость свою̀ на люде́хъ твои́хъ, ᲂу҆пова́ющихъ на милосе́рдїе твоѐ ᲃт҃о́е, и҆ не ꙁабꙋ́ди на́съ до конца̀ и҆́мени твое́гѡ ра́ди.

Но ꙗ҆́коже Ханане́инꙋ дще́ръ: кровоточи́вꙋю женꙋ̀, и҆ ᲃо́тнича ѻ҆тро́ка поми́ловалъ є҆сѝ, та́кѡ и҆ на́съ ны́нѣ, по вели́цѣй ми́лости твое́й ᲂу҆щедрѝ и҆ поми́лꙋй, и҆ не ѡ҆ста́ви на́съ въ на́пастехъ и҆ ско́рбехъ па́че си́лы валѧ́тисѧ, и҆ стена́ти: но и҆ꙁведѝ на́съ Гд҃и ѿ все́хъ на́пастїй, и҆ и҆ꙁба́ви на́съ ѿ врагѡ́въ на́шихъ ви́димыхъ и҆ неви́димыхъ, неща́днѡ на на́съ и҆ на правосла́внꙋю вѣ́рꙋ на́шꙋ воста́ющих.

Са́мъ Гд҃и ты наста́ви на́съ на и҆́стиннꙋ твою̀, и҆ наꙋчѝ на́съ твори́ти во́лю твою̀, и҆ не преда́ждъ на́съ въ рꙋ́ки врагѡ́мъ на́шимъ, да не воꙁра́дꙋютсѧ ѡ҆ на́съ и҆ да не рекꙋ́тъ и҆новѣ́рныхъ ᲃтра́ны, и҆ ѿстꙋ́пничестїи звѣрови́днїи пѡ́лци: гдѐ є҆́стъ Бг҃ъ и҆́хъ, на не́гоже ᲂу҆пова́шѧ. Е҆щѐ моли́мтисѧ преди́вный Цр҃ю си́лъ, помѧнѝ ᲃт҃ꙋ́ю свою̀ ᲃобо́рнꙋю А҆по́столскꙋю Восто́чнꙋю Це́рковъ, и҆ ѿ ны́нѣшнихъ бѣ́дъ и҆ ско́рбїй, и҆ наважде́нїй ѿстꙋ́пническихъ ско́рѡ и҆ꙁмѝ, неврежде́ннꙋ же соблюдѝ, и҆ ми́ромъ соверше́ннымъ ѡ҆градѝ, и҆ ѿ всѣ́хъ вѣ́трѡвъ и҆ ле́стїй є҆рети́ческихъ на ка́мени и҆́стиннагѡ и҆сповѣда́нїѧ твое́гѡ недвижи́мꙋ, и҆ непоколѣби́мꙋ въ вѣ́ки ᲃохранѝ.

Е҆́реси же и҆ ѿстꙋ́пства до конца̀ потребѝ и҆ и҆скоренѝ: благоче́стїе ве́ꙁде насадѝ и҆ ᲂу҆мнѡжѝ, беꙁбо́жныхъ и҆ христоненави́дныхъ А҆гарѧ́нъ, и҆ всѣ́хъ крⷭ҇тонена́вистныхъ ꙗ҆ꙁы́къ шата́нїѧ раꙁдрꙋшѝ и҆ погꙋбѝ, ро́гъ же христиѧ́нскїй воꙁнесѝ.

Вели́кагѡ Гдⷭ҇рѧ на́шегѡ Королѧ̀ И҆мⷬ҇къ: и҆ всѣ́хъ благочести́выхъ Гдⷭ҇ре́й Кнѧꙁе́й, и҆ Панѡ́въ на́шихъ помѧнѝ и҆ поми́лꙋй: здра́вїе же, долгоде́нствїе, ᲃпасе́нїе, на врагѝ держа́вное ѡ҆долѣнїе и҆́мъ дарꙋ́ѧ, держа́вꙋ и҆́хъ ми́ромъ ѡ҆градѝ и҆ ᲂу҆крѣпѝ:

Совѣ́тъ же про́чее бла́гъ ѡ҆ ᲃт҃ы́хъ твои́х Церква́хъ, и҆ ѡ҆ Правосла́вной Вѣ́рѣ въ ᲃе́рдца и҆́х вдохнѝ и҆ всадѝ, и҆ ми́рнаѧ и҆ блага́ѧ ѡ҆ ни́хъ гл҃а́ти всегда̀ ᲂу҆стро́й: ꙗ҆́кѡ да ти́хо и҆ беꙁмо́лвнѡ препровожда́юще жи́тїе на́ше, не ѿпадемъ нико́гда же, ни ᲂу҆клони́мсѧ ѿ Правосла́вныѧ Вѣ́ры.

Помѧнѝ Гд҃и Преѡсщ҃еннагѡ Архиепи́скопа на́шегѡ И҆мⷬ҇къ: є҆го́же дарꙋ́й ст҃ы́мъ твои́мъ Церква́мъ, и҆ въ ми́рѣ цѣ́ла, че́стна, здра́ва, долгоде́нствꙋ́юща, и҆ правоправѧ́ща ᲃло́во твое́ѧ и҆́стинны сохранѝ.

Помѧнѝ Гд҃и и҆ всѣ́хъ правосла́вныхъ А҆рхіере́ѡвъ ст҃ы́ѧ твоеѧ̀ Рꙍссі́йскїѧ Це́ркве, и҆ всѣ́хъ трꙋжда́ющихсѧ, и҆ тща́нїе творѧ́щихъ ѡ҆ ᲂу҆мире́нїи и҆ благостоѧ́нїи Це́ркве твое́ѧ ᲃт҃ы́ѧ, и҆ блⷭ҇вѝ и҆́хъ ᲂу҆крѣпи́ же и҆ ᲂу҆мꙋдрѝ, къ ᲂу҆твержде́нїю Правосла́вныѧ ꙗ҆́же въ тѧ вѣ́ры. (а҆́ще въ монастырѝ, гл҃ѝ си́це ᲃт҃ꙋ́ю ѻ҆би́тель ᲃі́ю, и҆ всѧ́кꙋю ѻ҆би́тель. (а҆́ще во гра́дѣ гл҃ѝ гра́дъ се́й (а҆́ще ли въ Ве́си гл҃ѝ Ве́сь сі́ю: и всѧ́кїй гра́дъ, ве́сь, и҆ стра́нꙋ до́брѣ сохранѝ, и҆ ѿ гла́да, гꙋби́тел̾ства, ѻ҆гнѧ, и҆ меча̀, напра́сныхъ сме́ртїй, наше́ствїѧ и҆нопле́менникъ, и҆ междосо́бныѧ бра́ни, ѿ трꙋ́са же и҆ пото́па и҆ ѿ всѧ́кагѡ зла̀ и҆ꙁба́ви: зе́млю ᲂу҆гобꙁѝ, лю́ди ᲂу҆множѝ, плѣне́нныѧ свободѝ, и҆ во своѧ́ си ми́рнѡ воꙁвратѝ.

Всѣ́хъ слꙋжа́щихъ и҆ послꙋжи́вшихъ на́мъ, и҆ да́ющихъ на́мъ ми́лостыню поми́лꙋй, и҆ стори́цею и҆́мъ бла́гостїю си воꙁда́ждъ, вмѣ́стѡ же зе́мныхъ небѣ́снаѧ, и҆ въ тлѣ́нныхъ мѣ́сто нетлѣ́ннаѧ, по вели́цѣй твое́й ми́лости дарꙋ́ѧ и҆́мъ.

Помѧнѝ Гд҃и и҆ всѣ́хъ ненавидѧ́щих и҆ ѡ҆бидѧ́щих на́съ, и҆ ѡ҆брати́въ и҆́хъ поми́лꙋй, ꙗ҆́кѡ да ни є҆ди́нъ, на́съ дѣ́лѧ недосто́йныхъ поги́бнетъ.

Въ бо́лѣꙁнехъ сꙋ́щихъ посѣтѝ и҆ и҆сцѣлѝ въ темни́цахъ сꙋ́щихъ свободѝ, по мо́рꙋ плава́ющимъ прави́тель бꙋ́ди, въ пꙋт̾шествꙋ́ющимъ поспѣшѝ, и҆ всѣ́хъ правосла́вныхъ поми́лꙋй.

Ты́ бо є҆сѝ Бг҃ъ ще́дрый, Мѡѵ꙼се́ѡвыхъ ра́ди моли́твъ А҆мали́ка въ пꙋсты́ни побѣди́вый. ты́ є҆сѝ Бг҃ъ моли́твъ ра́ди Ніневвитѧ́нъ беꙁꙁаконова́вшихъ непогꙋби́вый. ты́ є҆сѝ Бг҃ъ, Цр҃ю и҆ Пррⷪ҇кꙋ чꙋ́дномꙋ Дави́дꙋ, въ мнѡ́гихъ и҆ лю́тыхъ бра́нехъ, и҆ на Голїаѳа и҆ноплеме́нника, моли́твъ ра́ди, побѣ́дꙋ дарова́вый. ты́ є҆сѝ Бг҃ъ, Е҆ꙁі́кїи моли́твъ и҆ сле́ꙁнагѡ ра́ди то́ка, живо́тъ дарова́вый, и҆ Мана́сїю ѿ ᲂу҆́ꙁъ го́ркихъ свободи́вый. ты́ є҆сѝ Бг҃ъ Данїи́ла ѿ ро́ва лвѡ́въ, и҆ трїехъ ѻ҆трѡ́къ ѿ пе́щи ѻ҆́гненныѧ моли́твою и҆ꙁба́вивый. ты́ є҆сѝ Бг҃ъ, моли́твою и҆ покаѧ́нїемъ Мытарѧ̀ ѡ҆правда́вый, блꙋ́дницꙋ поми́ловавый, блꙋ́днагѡ ᲃы́на прїи́мый, Ханане́инꙋ дще́ръ, и҆ ᲃо́тнича ѻ҆тро́ка и҆сцѣли́вый, прокаже́нныхъ ѡ҆чисти́вый, и҆ раꙁбо́йника въ Ра́й всели́вый. ты ᲂу҆́бѡ си́хъ всѣ́хъ и҆́ногда поми́ловавый, и҆ на́съ ны́нѣ непобѣди́мою тѝ си́лою, и҆ мнѡ́гою благода́тїю поми́лꙋй, моли́твы и҆ пѣ́нїѧ ѿ ᲂу҆́стъ непотре́бныхъ и҆ грѣ́шныхъ рабѡ́въ твои́хъ прїймѝ, и҆ проше́нїѧ ꙗ҆́кѡ благосе́рдъ полꙋчи́ти ᲃподобѝ: ѡ҆ставле́нїе грѣхѡ́въ дарꙋ́й, и҆ ца́рствїѧ твое́гѡ наслѣ́дники бы́ти съ всѣ́ми ᲃт҃ы́ми ᲃотворѝ.

На сѐ и҆мѣ́ѧ молѧщꙋю тебѐ Дв҃ꙋ Бц҃ꙋ, нбⷭ҇ныѧ ᲃи́лы, Пррⷪ҇ки же и А҆пⷭ҇лы, Мч҃ники и҆ всѧ̀ ᲃт҃ы́ѧ: Ты́ бо Бг҃ъ ми́лостїй, и҆ щедрѡ́тъ, и҆ чл҃кѡлю́бїѧ є҆сѝ, и҆ тебѣ̀ ᲃла́вꙋ воꙁсыла́емъ, съ беꙁнача́лнымъ тѝ Ѿц҃емъ, и҆ съ прⷭ҇ты́мъ благи́мъ и҆ животворѧ́щимъ тѝ Дх҃омъ, ны́нѣ и҆ прⷭ҇нѡ и҆ въ вѣ́ки вѣ́кѡвъ.

Ли́къ:

А҆ми́нь.

Дїа́конъ:

Премꙋ́дрость.

Чте́цъ:

Чтⷭ҇нѣ́йшꙋю херꙋви́мъ:

Сла́ва: И҆ ны́нѣ: Гд҃и поми́лꙋй гⷤ. Гд҃и благословѝ.

И́ере́ѵ꙼ же тво́ритъ ѡ҆бы́чный Ѿпꙋ́стъ дне́вный.