(л. ск҃є ѡ҆б.) СОБО́РНИКЪ ДВꙊНА́ДЕСѦТИ МѢ́СѦЦЕЙ.

Сказа́нїе коемꙋ́ждо пра́здникꙋ, и҆ и҆збра̑ннымъ ст҃ы̑мъ, а҆пⷭ҇лы, и҆ прокі́мены, на лїтꙋргі́и.

Мѣ́сѧцъ септе́мврїй.

а҃ [а] Нача́ло і҆нді́кта, си́рѣчь, но́вагѡ лѣ́та:

И҆ па́мѧть преподо́бнагѡ ѻ҆ц҃а̀ на́шегѡ сѷмеѡ́на сто́лпника: И҆ мт҃ре є҆гѡ̀ ма́рѳы. Прокі́менъ, гла́съ г҃: Ве́лїй гдⷭ҇ь на́шъ, и҆ ве́лїѧ крѣ́пость є҆гѡ̀, и҆ ра́зꙋма є҆гѡ̀ нѣ́сть числа̀. Сті́хъ: Хвали́те гдⷭ҇а, ꙗ҆́кѡ бла́гъ ѱало́мъ: бг҃ови на́шемꙋ да ᲂу҆слади́тсѧ хвале́нїе. И҆ преподо́бномꙋ, гла́съ з҃: Честна̀ пред̾ гдⷭ҇емъ сме́рть прпⷣбныхъ є҆гѡ̀. А҆по́столъ къ тїмоѳе́ю, зача́ло сп҃в. Дрꙋгі́й а҆по́столъ къ колосса́ємъ, зача́ло сн҃и. А҆ллилꙋ́їа, гла́съ д҃: Тебѣ̀ подоба́етъ пѣ́снь бж҃е въ сїѡ́нѣ, и҆ тебѣ̀ возда́стсѧ мл҃тва во і҆ерⷭ҇ли́мѣ. Сті́хъ: Бл҃гослови́ши вѣне́цъ лѣ́та бл҃гости твоеѧ̀ гдⷭ҇и. И҆ преподо́бномꙋ: Блаже́нъ мꙋ́жъ боѧ́йсѧ гдⷭ҇а, въ за́повѣдехъ є҆гѡ̀ восхо́щетъ ѕѣлѡ̀. Прича́стенъ: Бл҃гослови́ши вѣне́цъ лѣ́та бла́гости твоеѧ̀ гдⷭ҇и. Дрꙋгі́й: Въ па́мѧть вѣ́чнꙋю:

в҃ [з] Ст҃а́гѡ мꙋ́ченика ма́манта: И҆ прпⷣбнагѡ ѻ҆ц҃а̀ на́шегѡ і҆ѡа́нна по́стника, патрїа́рха цр҃ѧ̀ гра́да. На лїтꙋргі́и, прокі́менъ, гла́съ з҃: Возвесели́тсѧ пра́ведникъ ѡ҆ гдⷭ҇ѣ, и҆ ᲂу҆пова́етъ на (л. ск҃ѕ) него̀. Сті́хъ: Оу҆слы́ши бж҃е гла́съ мо́й, внегда̀ моли́ти ми сѧ къ тебѣ̀: А҆по́столъ къ ри́млѧнѡмъ, зача́ло ч҃ѳ. А҆ллилꙋ́їа, гла́съ д҃: Првⷣникъ ꙗ҆́кѡ фі́нїѯъ процвѣте́тъ, ꙗ҆́кѡ ке́дръ, и҆́же въ лїва́нѣ, ᲂу҆мно́житсѧ. Прича́стный: Ра́дꙋйтесѧ пра́веднїи ѡ҆ гдⷭ҇ѣ:

г҃ [ѕ] Ст҃а́гѡ сщ҃енномꙋ́ченика а҆нѳі́ма, є҆пі́скопа нїкомиді́йскагѡ: И҆ прпⷣбнагѡ ѻ҆ц҃а̀ на́шегѡ ѳеокті́ста, спо́стника вели́кагѡ є҆ѵѳѵ́мїа. Прокі́менъ, гла́съ з҃: Честна̀ пред̾ гдⷭ҇емъ сме́рть прпⷣбныхъ є҆гѡ̀. Сті́хъ: Что̀ возда́мъ гдⷭ҇ви ѡ҆ всѣ́хъ, ꙗ҆̀же воздаде́ ми; А҆по́столъ къ є҆вре́ємъ, зача́ло тл҃д. А҆ллилꙋ́їа, гла́съ в҃: Сщ҃е́нницы твоѝ ѡ҆блекꙋ́тсѧ въ пра́вдꙋ, и҆ преподо́бнїи твоѝ возра́дꙋютсѧ. Сті́хъ: Блаже́нъ мꙋ́жъ боѧ́йсѧ гдⷭ҇а, въ за́повѣдехъ є҆гѡ̀ восхо́щетъ ѕѣлѡ̀. Прича́стный: Въ па́мѧть вѣ́чнꙋю:

д҃ [є] Ст҃а́гѡ сщ҃енномꙋ́ченика вавѵ́лы, є҆пі́скопа а҆нтїохі́йскагѡ: И҆ ст҃а́гѡ проро́ка мѡѷсе́а бг҃ови́дца. Прокі́менъ, гла́съ д҃: Ст҃ы̑мъ, и҆̀же сꙋ́ть на землѝ є҆гѡ̀, ᲂу҆дивѝ гдⷭ҇ь всѧ̀ хотѣ́нїѧ своѧ̀ въ ни́хъ. Сті́хъ: Предзрѣ́хъ гдⷭ҇а предо мно́ю вы́нꙋ, ꙗ҆́кѡ ѡ҆деснꙋ́ю менѐ є҆́сть. А҆по́столъ къ є҆вре́ємъ, зача́ло т҃л. А҆ллилꙋ́їа, гла́съ д҃: Воззва́ша пра́веднїи, и҆ гдⷭ҇ь ᲂу҆слы́ша и҆́хъ. Прича́стный: Ра́дꙋйтесѧ пра́веднїи ѡ҆ гдⷭ҇ѣ:

є҃ [д] Ст҃а́гѡ проро́ка заха́рїи, ѻ҆ц҃а̀ прⷣте́чева. Прокі́менъ, гла́съ з҃: Возвесели́тсѧ пра́ведникъ ѡ҆ гдⷭ҇ѣ, и҆ ᲂу҆пова́етъ на него̀. Сті́хъ: Оу҆слы́ши бж҃е гла́съ мо́й, внегда̀ моли́ти ми сѧ къ тебѣ̀. А҆пⷭ҇лъ къ є҆вре́ємъ, зача́ло тд҃і. А҆ллилꙋ́їа, гла́съ з҃: Свѣ́тъ возсїѧ̀ пра́ведникꙋ, и҆ пра̑вымъ се́рдцемъ весе́лїе. Прича́стный: Въ па́мѧть вѣ́чнꙋю:

ѕ҃ [г] Воспомина́нїе бы́вшагѡ въ колосса́ехъ, є҆́же є҆́сть въ хѡ́нѣхъ, чꙋдесѐ, ѿ а҆рхїстрати́га мїхаи́ла: И҆ ст҃а́гѡ мꙋ́ченика є҆ѵдоѯі́а, и҆ и҆̀же съ ни́мъ: И҆ прпⷣбнагѡ ѻ҆ц҃а̀ на́шегѡ а҆рхі́ппа. Прокі́менъ, гла́съ д҃: Творѧ́й а҆́гг҃лы своѧ̀ дх҃и, и҆ слꙋгѝ своѧ̀ пла́мень ѻ҆́гненный. Сті́хъ: Бл҃гословѝ дꙋшѐ моѧ̀ гдⷭ҇а, гдⷭ҇и бж҃е мо́й, возвеличи́лсѧ є҆сѝ ѕѣлѡ̀. А҆пⷭ҇лъ къ є҆вре́ємъ, зача́ло т҃є. (л. ск҃ѕ ѡ҆б.) А҆ллилꙋ́їа, гла́съ є҃: Хвали́те гдⷭ҇а всѝ а҆́гг҃ли є҆гѡ̀. Сті́хъ: Ꙗ҆́кѡ то́й речѐ, и҆ бы́ша: то́й повелѣ̀, и҆ созда́шасѧ. Прича́стный: Творѧ́й а҆́гг҃лы своѧ̀ дх҃и:

з҃ [и] Предпра́зднство ржⷭ҇тва̀ прест҃ы́ѧ бцⷣы: И҆ ст҃а́гѡ мꙋ́ченика сѡзо́нта. Прокі́менъ, гла́съ з҃: Возвесели́тсѧ пра́ведникъ ѡ҆ гдⷭ҇ѣ, и҆ ᲂу҆пова́етъ на него̀. Сті́хъ: Оу҆слы́ши бж҃е гла́съ мо́й. А҆пⷭ҇лъ къ є҆фесе́ємъ, зача́ло сл҃г. А҆ллилꙋ́їа, гла́съ д҃: Воззва́ша првⷣнїи, и҆ гдⷭ҇ь ᲂу҆слы́ша и҆̀хъ. Сті́хъ: Мнѡ́ги скѡ́рби пра́вєднымъ, и҆ ѿ всѣ́хъ и҆́хъ и҆зба́витъ ѧ҆̀ гдⷭ҇ь. Прича́стный: Въ па́мѧть вѣ́чнꙋю бꙋ́детъ пра́ведникъ: И҆ па́мѧть и҆́же во ст҃ы́хъ ѻ҆ц҃а̀ на́шегѡ і҆ѡа́нна а҆рхїепі́скопа, новгоро́дскагѡ чꙋдотво́рца.

На лїтꙋргі́и, слꙋ́жба всѧ̀ ст҃и́тельскаѧ.

и҃ [а] Ржⷭ҇тво̀ прест҃ы́ѧ влⷣчцы на́шеѧ бцⷣы и҆ приснодв҃ы мр҃і́и. На лїтꙋргі́и, прокі́менъ, гла́съ г҃. Пѣ́снь бцⷣы: Вели́читъ дш҃а̀ моѧ̀ гдⷭ҇а, и҆ возра́довасѧ дх҃ъ мо́й ѡ҆ бз҃ѣ сп҃сѣ мое́мъ. Сті́хъ: Ꙗ҆́кѡ призрѣ̀ на смире́нїе рабы̀ своеѧ̀: се́ бо ѿ ны́нѣ ᲂу҆блажа́тъ мѧ̀ всѝ ро́ди. А҆пⷭ҇лъ къ фїлїпписі́ємъ, зача́ло с҃м. А҆ллилꙋ́їа, гла́съ и҃: Слы́ши дщѝ и҆ ви́ждь, и҆ приклонѝ ᲂу҆́хо твоѐ. Сті́хъ: Лицꙋ̀ твоемꙋ̀ помо́лѧтсѧ бога́тїи лю́дстїи. Прича́стный: Ча́шꙋ спасе́нїѧ прїимꙋ̀, и҆ и҆́мѧ гдⷭ҇не призовꙋ̀.

ѳ҃ [з] Ст҃ы́хъ и҆ пра́ведныхъ бг҃оѻц҃ъ і҆ѡакі́ма и҆ а҆́нны: И҆ ст҃а́гѡ мч҃нка севирїа́на. Прокі́менъ пра́здника, и҆ до ѿда́нїѧ. И҆ ст҃ы́хъ, гла́съ д҃: Ди́венъ бг҃ъ во ст҃ы́хъ свои́хъ: Сті́хъ: Въ цр҃квахъ благослови́те бг҃а: А҆пⷭ҇лъ къ гала́тѡмъ, зача́ло с҃і ѿ полꙋ̀. А҆ллилꙋ́їа, гла́съ а҃: Спасе́нїе пра́вєднымъ ѿ гдⷭ҇а: Прича́стенъ: Ра́дꙋйтесѧ пра́веднїи ѡ҆ гдⷭ҇ѣ: И҆ преподо́бнагѡ ѻ҆ц҃а̀ на́шегѡ і҆ѡ́сифа, волоцка́гѡ чꙋдотво́рца. Слꙋ́жба всѧ̀ преподо́бническаѧ.

і҃ [ѕ] Ст҃ы́хъ мꙋ́ченицъ минодѡ́ры, митродѡ́ры и҆ нѷмфодѡ́ры.

а҃і [є] Прпⷣбныѧ мт҃ре на́шеѧ ѳеодѡ́ры а҆леѯандрі́йскїѧ. Прокі́менъ, гла́съ д҃: Ди́венъ бг҃ъ во ст҃ы́хъ свои́хъ: Сті́хъ: Въ цр҃квахъ благослови́те бг҃а: А҆по́столъ къ гала́тѡмъ, зача́ло с҃н. А҆ллилꙋ́їа, гла́съ а҃: Терпѧ̀ потерпѣ́хъ гдⷭ҇а, и҆ внѧ́тъ мѝ. Прича́стный: (л. ск҃з) Въ па́мѧть вѣ́чнꙋю: И҆ пренесе́нїе моще́й прпⷣбныхъ ѻ҆ц҃ъ се́ргїа и҆ ге́рмана.

в҃і [д] Ст҃а́гѡ сщ҃енномꙋ́ченика а҆ѵтоно́ма: Въ сі́й же де́нь ѿдае́тсѧ пра́здникъ ржⷭ҇тва̀ бцⷣы. Слꙋ́жба пое́тсѧ всѧ̀ пра́здникꙋ. На лїтꙋргі́и, прокі́менъ, а҆ллилꙋ́їа, и҆ прича́стенъ пра́здника. А҆пⷭ҇лъ днѐ, и҆ пра́здника.

[зрѝ] Сꙋббѡ́та пред̾ воздви́женїемъ. На лїтꙋргі́и, прокі́менъ, гла́съ г҃: По́йте бг҃ꙋ на́шемꙋ, по́йте: Сті́хъ: Всѝ ꙗ҆зы́цы восплещи́те рꙋка́ми: А҆по́столъ къ корі́нѳѧнѡмъ, зача́ло рк҃ѕ. А҆ллилꙋ́їа, гла́съ є҃: Ми́лѡсти твоѧ̀ гдⷭ҇и, во вѣ́къ воспою̀: Сті́хъ: Занѐ ре́клъ є҆сѝ, во вѣ́къ млⷭ҇ть сози́ждетсѧ: Прича́стенъ днѐ.

[зрѝ] Недѣ́лѧ пред̾ воздви́женїемъ. На лїтꙋргі́и, прокі́менъ, гла́съ ѕ҃: Спасѝ гдⷭ҇и лю́ди твоѧ̀, и҆ бл҃гословѝ достоѧ́нїе твоѐ. Сті́хъ: Къ тебѣ̀ гдⷭ҇и воззовꙋ̀: А҆по́столъ къ гала́тѡмъ, зача́ло сє҃і. А҆ллилꙋ́їа, гла́съ а҃: Вознесо́хъ и҆збра́ннаго ѿ люде́й мои́хъ. Сті́хъ: И҆́бо рꙋка̀ моѧ̀ застꙋ́питъ є҆го̀, и҆ мы́шца моѧ̀ ᲂу҆крѣпи́тъ є҆го̀. Прича́стный днѐ.

г҃і [г] Ѡ҆бновле́нїе ст҃а́гѡ хра́ма, хрⷭ҇та̀ и҆ бг҃а на́шегѡ воскрⷭ҇нїѧ. На лїтꙋргі́и, прокі́менъ, гла́съ д҃: До́мꙋ твоемꙋ̀ подоба́етъ ст҃ы́нѧ гдⷭ҇и, въ долготꙋ̀ дні́й. Сті́хъ: Гдⷭ҇ь воцр҃и́сѧ: А҆по́столъ къ є҆вре́ємъ, зача́ло т҃з. А҆ллилꙋ́їа, гла́съ в҃: Ѡ҆снова́нїѧ є҆гѡ̀ на гора́хъ ст҃ы́хъ: Сті́хъ: Пресла́внаѧ глаго́лашасѧ ѡ҆ тебѣ̀ гра́де бж҃їй. Прича́стенъ: Гдⷭ҇и, возлюби́хъ благолѣ́пїе до́мꙋ твоегѡ̀:

д҃і [в] Всемі́рное воздви́женїе чⷭ҇тна́гѡ и҆ животворѧ́щагѡ крⷭ҇та̀. На лїтꙋргі́и, А҆нтїфѡ́нъ а҃, ѱало́мъ к҃а, гла́съ і҃. Сті́хъ а҃: Бж҃е, бж҃е мо́й вонми́ ми, вскꙋ́ю ѡ҆ста́вилъ мѧ̀ є҆сѝ; Мл҃твами бцⷣы, сп҃се спасѝ на́съ. Сті́хъ в҃: Дале́че ѿ спасе́нїѧ моегѡ̀ словеса̀ грѣхопаде́нїй мои́хъ. Мл҃твами бцⷣы, сп҃се спасѝ на́съ. Сті́хъ г҃: Бж҃е мо́й, воззовꙋ̀ во днѝ, и҆ не ᲂу҆слы́шиши, и҆ въ нощѝ, и҆ не въ безꙋ́мїе мнѣ̀. Мл҃твами бцⷣы сп҃се спасѝ на́съ. Сті́хъ д҃: Ты́ же во ст҃ѣ́мъ живе́ши, хвало̀ і҆и҃лева. Мл҃твами бцⷣы сп҃се спасѝ на́съ. Сла́ва, и҆ ны́нѣ: Мл҃твами бцⷣы сп҃се спасѝ на́съ. А҆нтїфѡ́нъ в҃, ѱало́мъ ѻ҃г, гла́съ то́йже. Сті́хъ а҃: (л. ск҃з ѡ҆б.) Вскꙋ́ю бж҃е, ѿри́нꙋлъ є҆сѝ до конца̀; Спаси́ ны сн҃е бж҃їй, пло́тїю распны́йсѧ, пою́щыѧ тѝ: А҆ллилꙋ́їа: Сті́хъ в҃: Помѧнѝ со́нмъ тво́й, є҆го́же стѧжа́лъ є҆сѝ и҆спе́рва. Спаси́ ны сн҃е бж҃їй: Сті́хъ г҃: Гора̀ сїѡ́нъ сїѧ̀, въ не́йже всели́лсѧ є҆сѝ. Спаси́ ны сн҃е бж҃їй: Сті́хъ д҃: Бг҃ъ же цр҃ь на́шъ пре́жде вѣ́ка, содѣ́ла сп҃се́нїе посредѣ̀ землѝ. Спаси́ ны сн҃е бж҃їй: Сла́ва, и҆ ны́нѣ: Є҆диноро́дный сн҃е: ѻ҆́ба ли́ка вкꙋ́пѣ. А҆нтїфѡ́нъ г҃, ѱало́мъ ч҃и, гла́съ а҃. Сті́хъ а҃: Гдⷭ҇ь воцр҃и́сѧ, да гнѣ́ваютсѧ лю́дїе. Тропа́рь: Спасѝ гдⷭ҇и лю́ди твоѧ̀, и҆ блгⷭ҇вѝ достоѧ́нїе твоѐ, побѣ́ды на сопроти̑вныѧ да́рꙋѧ, и҆ твоѐ сохранѧ́ѧ крⷭ҇то́мъ твои́мъ жи́тельство. Сті́хъ в҃: Гдⷭ҇ь воцр҃и́сѧ, да гнѣ́ваютсѧ лю́дїе: сѣдѧ́й на херꙋві́мѣхъ, да подви́житсѧ землѧ̀. Тропа́рь: Спасѝ гдⷭ҇и лю́ди твоѧ̀: Сті́хъ г҃: Гдⷭ҇ь въ сїѡ́нѣ вели́къ, и҆ высо́къ є҆́сть над̾ всѣ́ми людьмѝ. Сп҃сѝ гдⷭ҇и лю́ди твоѧ̀: Сті́хъ д҃: Поклони́тесѧ гдⷭ҇ви во дворѣ̀ ст҃ѣ́мъ є҆гѡ̀. Спасѝ гдⷭ҇и лю́ди твоѧ̀: Вхо́дное: Возноси́те гдⷭ҇а бг҃а на́шего, и҆ покланѧ́йтесѧ подно́жїю нѡ́гꙋ є҆гѡ̀, ꙗ҆́кѡ ст҃о є҆́сть. Тропа́рь: Спасѝ гдⷭ҇и лю́ди твоѧ̀: Сла́ва, и҆ ны́нѣ: Конда́къ, гла́съ д҃: Вознесы́йсѧ на крⷭ҇тъ во́лею, тезоимени́томꙋ твоемꙋ̀ но́вомꙋ жи́тельствꙋ щедрѡ́ты твоѧ̀ да́рꙋй хрⷭ҇тѐ бж҃е, возвеселѝ на́съ си́лою твое́ю побѣ̑ды даѧ̀ на́мъ на сопоста́ты, посо́бїе и҆мꙋ́щꙋ твоѐ ѻ҆рꙋ́жїе ми́ра, непобѣди́мꙋю побѣ́дꙋ. Вмѣ́стѡ же трⷭ҇та́гѡ: Крⷭ҇тꙋ̀ твоемꙋ̀ покланѧ́емсѧ влⷣко, и҆ ст҃о́е воскрⷭ҇нїе твоѐ сла́вимъ. Прокі́менъ, гла́съ з҃: Возноси́те гдⷭ҇а бг҃а на́шего, и҆ покланѧ́йтесѧ подно́жїю нѡ́гꙋ є҆гѡ̀, ꙗ҆́кѡ ст҃о є҆́сть. Сті́хъ: Гдⷭ҇ь воцари́сѧ, да гнѣ́ваютсѧ лю́дїе. А҆пⷭ҇лъ къ корі́нѳѧнѡмъ, зача́ло рк҃є. А҆ллилꙋ́їа, гла́съ а҃: Помѧнѝ со́нмъ тво́й, є҆го́же стѧжа́лъ є҆сѝ и҆спе́рва. Сті́хъ: Бг҃ъ же цр҃ь на́шъ пре́жде вѣ́ка, содѣ́ла спасе́нїе посредѣ̀ землѝ. Прича́стный: Зна́менасѧ на на́съ свѣ́тъ лица̀ твоегѡ̀ гдⷭ҇и. Въ то́йже де́нь ве́чера, прокі́менъ вели́кїй, гла́съ з҃: Бг҃ъ на́шъ на нб҃сѝ и҆ на землѝ, всѧ̑ є҆ли̑ка восхотѣ̀, сотворѝ. Сті́хъ: Во и҆схо́дѣ і҆и҃левѣ ѿ (л. ск҃и) є҆гѵ́пта, до́мꙋ і҆а́кѡвлѧ и҆з̾ люде́й ва̑рваръ, бы́сть і҆ꙋде́а ст҃ы́нѧ є҆гѡ̀. Сті́хъ: Мо́ре ви́дѣ и҆ побѣжѐ, і҆ѻрда́нъ возврати́сѧ вспѧ́ть. Сті́хъ: Что́ ти є҆́сть мо́ре, ꙗ҆́кѡ побѣ́гло є҆сѝ; и҆ тебѣ̀ і҆ѻрда́не, ꙗ҆́кѡ возврати́лсѧ є҆сѝ вспѧ́ть; Та́же: Бг҃ъ на́шъ на нб҃сѝ и҆ на землѝ:

є҃і [а] Ст҃а́гѡ великомꙋ́ченика нїки́ты. Прокі́менъ пра́здника, и҆ до ѿда́нїѧ, и҆ ст҃а́гѡ, гла́съ з҃: Возвесели́тсѧ првⷣникъ ѡ҆ гдⷭ҇ѣ, и҆ ᲂу҆пова́етъ на него̀. Сті́хъ: Оу҆слы́ши бж҃е гла́съ мо́й, внегда̀ моли́ти ми сѧ къ тебѣ̀. А҆пⷭ҇лъ къ тїмоѳе́ю, зача́ло сч҃в. А҆ллилꙋ́їа, гла́съ д҃: Пра́ведникъ ꙗ҆́кѡ фі́нїѯъ процвѣте́тъ: Прича́стный пра́здника, и҆ до ѿда́нїѧ, и҆ ст҃а́гѡ: Въ па́мѧть вѣ́чнꙋю:

[зрѝ] Сꙋббѡ́та по воздви́женїи. А҆пⷭ҇лъ и҆ корі́нѳѧнѡмъ, зача́ло рк҃є ѿ полꙋ̀.

[зрѝ] Недѣ́лѧ по воздви́женїи. Прокі́менъ пра́здника: А҆пⷭ҇лъ къ гала́тѡмъ, зача́ло с҃г. Прича́стный днѐ, и҆ пра́здника.

ѕ҃і [з] Ст҃ы́ѧ великомч҃нцы є҆ѵфи́мїи всехва́льныѧ. Прокі́менъ, гла́съ д҃: Ди́венъ бг҃ъ во ст҃ы́хъ свои́хъ, бг҃ъ і҆и҃левъ. Сті́хъ: Въ цр҃квахъ бл҃гослови́те бг҃а, гдⷭ҇а ѿ и҆стѡ́чникъ і҆и҃левыхъ. А҆пⷭ҇лъ къ корі́нѳѧнѡмъ, зача́ло рп҃а. А҆ллилꙋ́їа, гла́съ ѕ҃: Терпѧ̀ потерпѣ́хъ гдⷭ҇а, и҆ внѧ́тъ мѝ, и҆ ᲂу҆слы́ша мл҃твꙋ мою̀. Прича́стный: Въ па́мѧть вѣ́чнꙋю:

з҃і [ѕ] Ст҃ы́хъ мꙋ́чєникъ, софі́и, и҆ тре́хъ є҆ѧ̀ дще́рей, вѣ́ры, наде́жди и҆ любвѐ.

и҃і [є] Преподо́бнагѡ ѻ҆ц҃а̀ на́шегѡ є҆ѵме́нїа є҆пⷭ҇кпа, гортѵ́нскагѡ чꙋдотво́рца.

ѳ҃і [д] Ст҃ы́хъ мꙋ́чєникъ, трофі́ма, савва́тїа и҆ дорѷмедо́нта: И҆ преставле́нїе бл҃говѣ́рнагѡ вели́кагѡ кн҃зѧ ѳео́дѡра, и҆ ча̑дъ є҆гѡ̀ бл҃говѣ́рныхъ кн҃зе́й, дв҃да и҆ кѡнстанті́на, смоле́нскихъ и҆ ꙗ҆росла́вскихъ чꙋдотво́рцєвъ. Прокі́менъ, гла́съ з҃: Честна̀ пред̾ гдⷭ҇емъ: Сті́хъ: Что̀ возда́мъ: А҆пⷭ҇лъ къ гала́тѡмъ, зача́ло сг҃і. А҆ллилꙋ́їа, гла́съ ѕ҃: Бл҃же́нъ мꙋ́жъ боѧ́йсѧ гдⷭ҇а: Сті́хъ: Си́льно на землѝ бꙋ́детъ сѣ́мѧ є҆гѡ̀. Прича́стный: Въ па́мѧть вѣ́чнꙋю: (л. ск҃и ѡ҆б.)

к҃ [г] Ст҃а́гѡ великомч҃нка є҆ѵста́ѳїа, и҆ дрꙋжи́ны є҆гѡ̀. Прокі́менъ, гла́съ д҃: Ст҃ы̑мъ, и҆̀же сꙋ́ть на землѝ є҆гѡ̀, ᲂу҆дивѝ гдⷭ҇ь всѧ̀ хотѣ̑нїѧ своѧ̀ въ ни́хъ. Сті́хъ: Предзрѣ́хъ гдⷭ҇а предо мно́ю вы́нꙋ, ꙗ҆́кѡ ѡ҆деснꙋ́ю менѐ є҆́сть, да не подви́жꙋсѧ. А҆пⷭ҇лъ къ є҆фесе́ємъ, зача́ло сл҃г. А҆ллилꙋ́їа, гла́съ д҃: Воззва́ша првⷣнїи, и҆ гдⷭ҇ь ᲂу҆слы́ша и҆̀хъ. Сті́хъ: Мнѡ́ги скѡ́рби првⷣнымъ, и҆ ѿ всѣ́хъ и҆́хъ и҆зба́витъ ѧ҆̀ гдⷭ҇ь. Прича́стный: Ра́дꙋйтесѧ првⷣнїи ѡ҆ гдⷭ҇ѣ: И҆ ст҃ы́хъ мч҃нкъ и҆ и҆сповѣ̑дникъ, вели́кагѡ кн҃зѧ мїхаи́ла, и҆ болѧ́рина є҆гѡ̀ ѳео́дѡра, черни́говскихъ чꙋдотво́рцєвъ. Слꙋ́жба на лїтꙋргі́и та́же, что̀ и҆ є҆ѵста́ѳїю.

к҃а [в] Ст҃а́гѡ а҆пⷭ҇ла кодра́та, и҆́же въ магнисі́и: Въ то́йже де́нь па́мѧть и҆́же во ст҃ы́хъ ѻ҆ц҃а̀ на́шегѡ дими́трїа, митрополі́та росто́вскагѡ: Слꙋ́жба є҆мꙋ̀ ст҃и́тельскаѧ: Въ сі́й же де́нь ѿдае́тсѧ пра́здникъ животворѧ́щагѡ крⷭ҇та̀.

к҃в [а] Ст҃а́гѡ сщ҃енномꙋ́ченика фѡ́ки. Прокі́менъ, гла́съ з҃: Честна̀ пред̾ гдⷭ҇емъ сме́рть прпⷣбныхъ є҆гѡ̀. Сті́хъ: Что̀ возда́мъ гдⷭ҇ви ѡ҆ всѣ́хъ, ꙗ҆̀же воздаде́ ми; А҆пⷭ҇лъ къ є҆вре́ємъ, зача́ло та҃і. А҆ллилꙋ́їа, гла́съ в҃: Сщ҃е́нницы твоѝ ѡ҆блекꙋ́тсѧ въ пра́вдꙋ, и҆ прпⷣбнїи твоѝ возра́дꙋютсѧ. Сті́хъ: Блаже́нъ мꙋ́жъ боѧ́йсѧ гдⷭ҇а: Прича́стный: Въ па́мѧть вѣ́чнꙋю бꙋ́детъ пра́ведникъ:

к҃г [з] Зача́тїе чⷭ҇тна́гѡ, сла́внагѡ прⷪ҇ро́ка, прⷣте́чи и҆ крⷭ҇ти́телѧ гдⷭ҇нѧ і҆ѡа́нна. Прокі́менъ, гла́съ з҃: Возвесели́тсѧ пра́ведникъ ѡ҆ гдⷭ҇ѣ, и҆ ᲂу҆пова́етъ на него̀. Сті́хъ: Оу҆слы́ши бж҃е гла́съ мо́й, внегда̀ моли́ти ми сѧ къ тебѣ̀. А҆пⷭ҇лъ къ гала́тѡмъ, зача́ло с҃г ѿ полꙋ̀. А҆ллилꙋ́їа, гла́съ д҃: Првⷣникъ ꙗ҆́кѡ фі́нїѯъ процвѣте́тъ: Прича́стный: Въ па́мѧть вѣ́чнꙋю:

к҃д [ѕ] Ст҃ы́ѧ первомч҃нцы и҆ равноапⷭ҇льныѧ ѳе́клы: Прокі́менъ, гла́съ д҃: Ди́венъ бг҃ъ во ст҃ы́хъ свои́хъ, бг҃ъ і҆и҃левъ. Сті́хъ: Въ цр҃квахъ блгⷭ҇ви́те бг҃а, гдⷭ҇а ѿ и҆стѡ́чникъ і҆и҃левыхъ. А҆пⷭ҇лъ къ тїмоѳе́ю, зача́ло сч҃ѕ. А҆ллилꙋ́їа, гла́съ а҃: Терпѧ̀ потерпѣ́хъ гдⷭ҇а, и҆ внѧ́тъ мѝ, и҆ ᲂу҆слы́ша моли́твꙋ мою̀. Прича́стный: Ра́дꙋйтесѧ: Въ то́йже де́нь па́мѧть прпⷣбнагѡ ѻ҆ц҃а̀ на́шегѡ нїка́ндра пꙋстынножи́телѧ, псковска́гѡ чꙋдотво́рца. Слꙋ́жба преподо́бническаѧ. (л. ск҃ѳ)

к҃є [є] Прпⷣбныѧ мт҃ре на́шеѧ є҆ѵфросѵ́нїи: И҆ преставле́нїе прпⷣбнагѡ ѻ҆ц҃а̀ на́шегѡ се́ргїа и҆гꙋ́мена, ра́донежскагѡ чꙋдотво́рца. Прокі́менъ, гла́съ з҃: Честна̀ пред̾ гдⷭ҇емъ сме́рть прпⷣбныхъ є҆гѡ̀. Сті́хъ: Что̀ возда́мъ гдⷭ҇ви ѡ҆ всѣ́хъ, ꙗ҆̀же воздаде́ ми; А҆пⷭ҇лъ и҆ гала́тѡмъ, зача́ло сг҃і. А҆ллилꙋ́їа, гла́съ ѕ҃: Бл҃же́нъ мꙋ́жъ боѧ́йсѧ гдⷭ҇а, въ за́повѣдехъ є҆гѡ̀ восхо́щетъ ѕѣлѡ̀. Прича́стенъ: Въ па́мѧть вѣ́чнꙋю:

к҃ѕ [д] Преставле́нїе ст҃а́гѡ а҆пⷭ҇ла и҆ є҆ѵⷢ҇лі́ста і҆ѡа́нна бг҃осло́ва. Прокі́менъ, гла́съ и҃: Во всю̀ зе́млю и҆зы́де вѣща́нїе и҆́хъ, и҆ въ концы̀ вселе́нныѧ глаго́лы и҆́хъ. Сті́хъ: Нб҃са̀ повѣ́даютъ сла́вꙋ бж҃їю, творе́нїе же рꙋкꙋ̀ є҆гѡ̀ возвѣща́етъ тве́рдь. А҆пⷭ҇лъ ѿ і҆ѡа́ннова собо́рнагѡ посла́нїѧ, зача́ло ѻ҃г, ѿ полꙋ̀. А҆ллилꙋ́їа, гла́съ а҃: И҆сповѣ́дѧтъ нб҃са̀ чꙋдеса̀ твоѧ̀ гдⷭ҇и, и҆́бо и҆́стинꙋ твою̀ въ цр҃кви свѧты́хъ. Сті́хъ: Бг҃ъ прославлѧ́емь въ совѣ́тѣ ст҃ы́хъ. Прича́стный: Во всю̀ зе́млю и҆зы́де вѣща́нїе и҆́хъ, и҆ въ концы̀ вселе́нныѧ глаго́лы и҆́хъ.

к҃з [к] Ст҃а́гѡ мꙋ́ченика каллїстра́та, и҆ дрꙋжи́ны є҆гѡ̀: И҆ прпⷣбнагѡ ѻ҆ц҃а̀ на́шегѡ савва́тїа солове́цкагѡ. Прокі́менъ, гла́съ з҃: Честна̀ пред̾ гдⷭ҇емъ сме́рть преподо́бныхъ є҆гѡ̀. Сті́хъ: Что̀ возда́мъ гдⷭ҇ви ѡ҆ всѣ́хъ, ꙗ҆̀же воздаде́ ми; А҆пⷭ҇лъ къ гала́тѡмъ, Зача́ло сг҃і. А҆ллилꙋ́їа, гла́съ ѕ҃: Бл҃же́нъ мꙋ́жъ боѧ́йсѧ гдⷭ҇а: Прича́стный: Въ па́мѧть вѣ́чнꙋю:

к҃и [в] Прпⷣбнагѡ ѻ҆ц҃а̀ на́шегѡ и҆ и҆сповѣ́дника харїтѡ́на. Прокі́менъ, гла́съ з҃: Восхва́лѧтсѧ прпⷣбнїи во сла́вѣ, и҆ возра́дꙋютсѧ на ло́жахъ свои́хъ. Сті́хъ: Воспо́йте гдⷭ҇ви пѣ́снь но́вꙋ. А҆пⷭ҇лъ къ корі́нѳѧнѡмъ, зача́ло рѻ҃ѕ. А҆ллилꙋ́їа, гла́съ ѕ҃: Бл҃же́нъ мꙋ́жъ боѧ́йсѧ гдⷭ҇а: Прича́стный: Въ па́мѧть вѣ́чнꙋю:

к҃ѳ [а] Прпⷣбнагѡ ѻ҆ц҃а̀ на́шегѡ кѷрїа́ка ѿше́льника: На лїтꙋргі́и слꙋ́жба септе́мврїа въ к҃з де́нь.

л҃ [з] Ст҃а́гѡ сщ҃енномꙋ́ченика григо́рїа, вели́кїѧ а҆рме́нїи. Прокі́менъ, гла́съ з҃: Честна̀ пред̾ гдⷭ҇емъ сме́рть прпⷣбныхъ є҆гѡ̀. Сті́хъ: Что̀ возда́мъ гдⷭ҇ви ѡ҆ всѣ́хъ, ꙗ҆̀же воздаде́ ми; А҆пⷭ҇лъ къ корі́нѳѧнѡмъ, зача́ло рѯ҃ѕ. А҆ллилꙋ́їа, гла́съ в҃: Сщ҃е́нницы (л. ск҃ѳ ѡ҆б.) твоѝ ѡ҆блекꙋ́тсѧ въ пра́вдꙋ, и҆ прпⷣбнїи твоѝ возра́дꙋютсѧ. Прича́стный: Въ па́мѧть вѣ́чнꙋю: И҆ прпⷣбнагѡ ѻ҆ц҃а̀ на́шегѡ григо́рїа, и҆́же на пе́лшмѣ рѣцѣ̀: На лїтꙋргі́и слꙋ́жба всѧ̀ прпⷣбническаѧ. И҆ свѧта́гѡ мїхаи́ла, пе́рвагѡ митрополі́та кі́евскагѡ, и҆ всеѧ̀ рѡссі́и чꙋдотво́рца. Слꙋ́жба ст҃и́тельскаѧ.

Мѣ́сѧцъ ѻ҆ктѡ́врїй

а҃ [ѕ] Покро́въ прест҃ы́ѧ бцⷣы: И҆ свѧта́гѡ а҆пⷭ҇ла а҆на́нїи, є҆ди́нагѡ ѿ ѻ҃: И҆ прпⷣбнагѡ ѻ҆ц҃а̀ рѡма́на сладкопѣ́вца: Прокі́менъ, гла́съ г҃. Пѣ́снь бцⷣы: Вели́читъ дш҃а̀ моѧ̀ гдⷭ҇а, и҆ возра́довасѧ дх҃ъ мо́й ѡ҆ бз҃ѣ сп҃сѣ мое́мъ. Сті́хъ: Ꙗ҆́кѡ призрѣ̀ на смире́нїе рабы̀ своеѧ̀, се́ бо ѿ ны́нѣ ᲂу҆блажа́тъ мѧ̀ всѝ ро́ди. И҆ а҆пⷭ҇лꙋ, гла́съ и҃: Во всю̀ зе́млю и҆зы́де вѣща́нїе и҆́хъ: А҆пⷭ҇лъ къ є҆вре́ємъ, зача́ло т҃к. И҆ а҆пⷭ҇лꙋ въ дѣѧ́нїихъ, зача́ло к҃а ѿ полꙋ̀. А҆ллилꙋ́їа, гла́съ и҃: Слы́ши дщѝ и҆ ви́ждь, и҆ приклонѝ ᲂу҆́хо твоѐ. Сті́хъ: Лицꙋ̀ твоемꙋ̀ помо́лѧтсѧ бога́тїи лю́дстїи. И҆ а҆пⷭ҇лꙋ гла́съ а҃: И҆сповѣ́дѧтъ нб҃са̀ чꙋдеса̀ твоѧ̀ гдⷭ҇и. Сті́хъ: Бг҃ъ прославлѧ́емь въ совѣ́тѣ ст҃ы́хъ. Прича́стный: Ча́шꙋ спасе́нїѧ: Дрꙋгі́й: Во всю̀ зе́млю и҆зы́де вѣща́нїе и҆́хъ: И҆ преподо́бнагѡ ѻ҆ц҃а̀ на́шегѡ са́ввы, ви́шерскагѡ чꙋдотво́рца. Слꙋ́жба є҆мꙋ̀ преподо́бническаѧ.

в҃ [є] Ст҃а́гѡ сщ҃енномꙋ́ченика кѷпрїа́на: И҆ ст҃ы́ѧ мч҃нцы і҆ꙋсті́ны: Прокі́менъ, гла́съ з҃: Честна̀ пред̾ гдⷭ҇емъ сме́рть прпⷣбныхъ є҆гѡ̀. Сті́хъ: Что̀ возда́мъ гдⷭ҇ви ѡ҆ всѣ́хъ, ꙗ҆̀же воздаде́ ми; А҆пⷭ҇лъ къ тїмоѳе́ю, зача́ло с҃п. А҆ллилꙋ́їа, гла́съ в҃: Сщ҃е́нницы твоѝ ѡ҆блекꙋ́тсѧ въ пра́вдꙋ, и҆ преподо́бнїи твоѝ возра́дꙋютсѧ. Прича́стный: Въ па́мѧть вѣ́чнꙋю: И҆ ст҃а́гѡ а҆ндре́а ю҆ро́дивагѡ. (л. с҃л)

г҃ [д] Ст҃а́гѡ сщ҃енномꙋ́ченика дїонѵ́сїа а҆реопагі́та. Прокі́менъ, гла́съ з҃: Восхва́лѧтсѧ прпⷣбнїи во сла́вѣ, и҆ возра́дꙋютсѧ на ло́жахъ свои́хъ. Сті́хъ: Воспо́йте гдⷭ҇ви пѣ́снь но́вꙋ. А҆пⷭ҇лъ въ дѣѧ́нїихъ, зача́ло м҃. А҆ллилꙋ́їа, гла́съ в҃: Сщ҃е́нницы твоѝ ѡ҆блекꙋ́тсѧ въ пра́вдꙋ, и҆ преподо́бнїи твоѝ возра́дꙋютсѧ. Прича́стный: Въ па́мѧть вѣ́чнꙋю:

д҃ [г] Ст҃а́гѡ сщ҃енномꙋ́ченика і҆ероѳе́а, є҆пⷭ҇кпа а҆ѳи́нскагѡ. И҆ ѡ҆брѣ́тенїе честны́хъ моще́й, и҆́же во ст҃ы́хъ ѻ҆ц҃ъ на́шихъ гꙋ́рїа и҆ варсоно́фїа каза́нскихъ. Прокі́менъ, гла́съ з҃: Честна̀ пред̾ гдⷭ҇емъ сме́рть прпⷣбныхъ є҆гѡ̀. Сті́хъ: Что̀ возда́мъ гдⷭ҇ви ѡ҆ всѣ́хъ, ꙗ҆̀же воздаде́ ми; А҆пⷭ҇лъ ко є҆вре́ємъ, зача́ло тл҃є. А҆ллилꙋ́їа, гла́съ в҃: Сщ҃е́нницы твоѝ ѡ҆блекꙋ́тсѧ въ пра́вдꙋ: Сті́хъ: Бл҃же́нъ мꙋ́жъ боѧ́йсѧ гдⷭ҇а: Прича́стный: Ра́дꙋйтесѧ пра́веднїи ѡ҆ гдⷭ҇ѣ:

є҃ [в] Ст҃ы́ѧ мч҃нцы харїті́ны: И҆ ст҃ы́хъ ст҃и́телей, петра̀, а҆леѯі́а, і҆ѡ́ны и҆ фїлі́ппа, митрополі́тѡвъ моско́вскихъ, и҆ всеѧ̀ рѡссі́и чꙋдотво́рцєвъ. Прокі́менъ, а҆пⷭ҇лъ, и҆ а҆ллилꙋ́їа, сегѡ̀ мцⷭ҇а въ д҃ де́нь.

ѕ҃ [а] Ст҃а́гѡ и҆ сла́внагѡ а҆пⷭ҇ла ѳѡмы̀: Прокі́менъ, гла́съ и҃: Во всю̀ зе́млю и҆зы́де вѣща́нїе и҆́хъ, и҆ въ концы̀ вселе́нныѧ глаго́лы и҆́хъ. Сті́хъ: Нб҃са̀ повѣ́даютъ сла́вꙋ бж҃їю: А҆пⷭ҇лъ къ корі́нѳѧнѡмъ, Зача́ло рл҃а. А҆ллилꙋ́їа, гла́съ а҃: И҆сповѣ́дѧтъ нб҃са̀ чꙋдеса̀ твоѧ̀ гдⷭ҇и. Сті́хъ: Бг҃ъ прославлѧ́емь въ совѣ́тѣ ст҃ы́хъ. Прича́стный: Во всю̀ зе́млю и҆зы́де вѣща́нїе и҆́хъ:

з҃ [з] Ст҃ы́хъ мꙋ́чєникъ, се́ргїа и҆ ва́кха. Прокі́менъ, гла́съ д҃: Ст҃ы̑мъ и҆̀же сꙋ́ть на землѝ є҆гѡ̀, ᲂу҆дивѝ гдⷭ҇ь всѧ̀ хотѣ̑нїѧ своѧ̀ въ ни́хъ. Сті́хъ: Предзрѣ́хъ гдⷭ҇а предо мно́ю вы́нꙋ, ꙗ҆́кѡ ѡ҆деснꙋ́ю менѐ є҆́сть, да не подви́жꙋсѧ. А҆пⷭ҇лъ ко є҆вре́ємъ, зача́ло т҃л. А҆ллилꙋ́їа, гла́съ в҃: Сѐ что̀ добро̀, и҆лѝ что̀ красно̀, но є҆́же жи́ти бра́тїи вкꙋ́пѣ; Прича́стный: Ра́дꙋйтесѧ:

и҃ [ѕ] Преподо́бныѧ ма́тере на́шеѧ пелагі́и.

ѳ҃ [є] Ст҃а́гѡ а҆пⷭ҇ла і҆а́кѡва а҆лфе́ова: И҆ преподо́бнагѡ ѻ҆ц҃а̀ на́шегѡ а҆ндроні́ка, и҆ жены̀ є҆гѡ̀ а҆ѳана́сїи. Прокі́менъ, гла́съ и҃: (л. с҃л ѡ҆б.) Во всю̀ зе́млю и҆зы́де вѣща́нїе и҆́хъ, и҆ въ концы̀ вселе́нныѧ глаго́лы и҆́хъ. Сті́хъ: Нб҃са̀ повѣ́даютъ сла́вꙋ бж҃їю, творе́нїе же рꙋкꙋ̀ є҆гѡ̀ возвѣща́етъ тве́рдь. А҆пⷭ҇лъ къ корі́нѳѧнѡмъ, зача́ло рл҃а. А҆ллилꙋ́їа, гла́съ а҃: И҆сповѣ́дѧтъ нб҃са̀ чꙋдеса̀ твоѧ̀ гдⷭ҇и. Сті́хъ: Бг҃ъ прославлѧ́емь въ совѣ́тѣ ст҃ы́хъ. Прича́стный: Во всю̀ зе́млю и҆зы́де вѣща́нїе и҆́хъ:

і҃ [д] Ст҃ы́хъ мꙋ́чєникъ, є҆ѵла́мпїа и҆ є҆ѵлампі́и.

а҃і [г] Ст҃а́гѡ а҆пⷭ҇ла фїлі́ппа, є҆ди́нагѡ ѿ седмѝ дїа́кѡнъ: И҆ преподо́бнагѡ ѻ҆ц҃а̀ на́шегѡ ѳеофа́на и҆сповѣ́дника, є҆пⷭ҇кпа нїкі́йскагѡ. Прокі́менъ, а҆ллилꙋ́їа, и҆ прича́стный, сегѡ̀ мцⷭ҇а въ ѳ҃ де́нь. А҆пⷭ҇лъ въ дѣѧ́нїихъ, зача́ло к҃.

[зрѝ] Во грѧдꙋ́щꙋю недѣ́лю па́мѧть пра́зднꙋемъ ст҃а́гѡ седма́гѡ собо́ра, ст҃ы́хъ ѻ҆ц҃ъ тѯ҃є. Прокі́менъ, гла́съ д҃, пѣ́снь ѻ҆ц҃є́въ: Бл҃гослове́нъ є҆сѝ гдⷭ҇и бж҃е ѻ҆ц҃ъ на́шихъ, и҆ хва́льно и҆ просла́влено и҆́мѧ твоѐ во вѣ́ки. Сті́хъ: Ꙗ҆́кѡ пра́веденъ є҆сѝ ѡ҆ всѣ́хъ, ꙗ҆̀же сотвори́лъ є҆сѝ на́мъ. А҆пⷭ҇лъ ко є҆вре́ємъ, зача́ло тл҃д. А҆ллилꙋ́їа, гла́съ а҃: Бг҃ъ богѡ́въ гдⷭ҇ь глаго́ла, и҆ призва̀ зе́млю. Сті́хъ: Собери́те є҆мꙋ̀ преподѡ́бныѧ є҆гѡ̀, завѣща́ющыѧ завѣ́тъ є҆гѡ̀ ѡ҆ же́ртвахъ. Прича́стный: Ра́дꙋйтесѧ пра́веднїи ѡ҆ гдⷭ҇ѣ:

в҃і [в] Ст҃ы́хъ мꙋ́чєникъ про́ва, тара́ха и҆ а҆ндроні́ка: И҆ прпⷣбнагѡ ѻ҆ц҃а̀ на́шегѡ космы̀ ст҃огра́дца, є҆пⷭ҇кпа маїꙋ́мскагѡ, и҆ творца̀ канѡ́нѡвъ. Прокі́менъ, гла́съ д҃: Ст҃ы̑мъ, и҆̀же сꙋ́ть на землѝ є҆гѡ̀, ᲂу҆дивѝ гдⷭ҇ь всѧ̀ хотѣ́нїѧ своѧ̀ въ ни́хъ. Сті́хъ: Предзрѣ́хъ гдⷭ҇а предо мно́ю вы́нꙋ, ꙗ҆́кѡ ѡ҆деснꙋ́ю менѐ є҆́сть, да не подви́жꙋсѧ. А҆пⷭ҇лъ къ є҆фесе́ємъ зача́ло сл҃г. А҆ллилꙋ́їа, гла́съ д҃: Воззва́ша пра́веднїи, и҆ гдⷭ҇ь ᲂу҆слы́ша и҆́хъ. Прича́стный: Ра́дꙋйтесѧ: Въ то́йже де́нь пра́зднованїе ст҃о́мꙋ і҆ѡа́ннꙋ крⷭ҇ти́телю гдⷭ҇ню, на па́мѧть пренесе́нїѧ и҆з̾ ма́льты во гра́дъ га́тчинꙋ крⷭ҇та̀ и҆з̾ ча́сти дре́ва животворѧ́щагѡ крⷭ҇та̀ гдⷭ҇нѧ: чꙋдотво́рнагѡ ѻ҆́браза бж҃їѧ мт҃ре, пи́саннагѡ ст҃ы́мъ є҆ѵⷢ҇лі́стомъ лꙋко́ю: и҆ десны́ѧ рꙋкѝ моще́й ст҃а́гѡ і҆ѡа́нна крⷭ҇ти́телѧ.

г҃і [а] Ст҃ы́хъ мꙋ́чєникъ, ка́рпа и҆ папѵ́лы.

д҃і [з] Ст҃ы́хъ мꙋ́чєникъ, наза́рїа, герва́сїа, прота́сїа и҆ келсі́а: (л. сл҃а) И҆ преподо́бныѧ мт҃ре на́шеѧ параске́ѵи. Прокі́менъ прпⷣбнѣй, гла́съ д҃: Ди́венъ бг҃ъ во ст҃ы́хъ свои́хъ, бг҃ъ і҆и҃левъ. Сті́хъ: Въ цр҃квахъ бл҃гослови́те бг҃а, гдⷭ҇а ѿ и҆стѡ́чникъ і҆и҃левыхъ. А҆пⷭ҇лъ къ гала́тѡмъ, зача́ло с҃и. А҆ллилꙋ́їа, гла́съ а҃: Терпѧ̀ потерпѣ́хъ гдⷭ҇а, и҆ внѧ́тъ мѝ, и҆ ᲂу҆слы́ша мл҃твꙋ мою̀. Прича́стный: Ра́дꙋйтесѧ пра́веднїи:

є҃і [ѕ] Преподо́бнагѡ ѻ҆ц҃а̀ на́шегѡ є҆ѵѳѵ́мїа но́вагѡ: И҆ ст҃а́гѡ мꙋ́ченика лꙋкїа́на, пресвѵ́тера вели́кїѧ а҆нтїохі́и.

ѕ҃і [є] Ст҃а́гѡ мꙋ́ченика ло́ггїна со́тника, и҆́же при крⷭ҇тѣ̀ гдⷭ҇ни. Прокі́менъ, гла́съ з҃: Возвесели́тсѧ пра́ведникъ ѡ҆ гдⷭ҇ѣ, и҆ ᲂу҆пова́етъ на него̀. Сті́хъ: Оу҆слы́ши бж҃е гла́съ мо́й: А҆пⷭ҇лъ къ тїмоѳе́ю, зача́ло сч҃в. А҆ллилꙋ́їа, гла́съ д҃: Пра́ведникъ ꙗ҆́кѡ фі́нїѯъ процвѣте́тъ: Прича́стный: Въ па́мѧть вѣ́чнꙋю:

з҃і [д] Ст҃а́гѡ проро́ка ѡ҆сі́и: И҆ ст҃а́гѡ преподобномꙋ́ченика а҆ндре́а и҆́же въ кри́тѣ.

и҃і [г] Ст҃а́гѡ а҆пⷭ҇ла и҆ є҆ѵⷢ҇лі́ста лꙋкѝ. Прокі́менъ, а҆ллилꙋ́їа, и҆ прича́стный, сегѡ̀ мцⷭ҇а въ ѳ҃ де́нь. А҆пⷭ҇лъ къ колосса́ємъ, зача́ло с҃ѯ ѿ полꙋ̀.

ѳ҃і [в] Ст҃а́гѡ проро́ка і҆ѡ́илѧ: И҆ ст҃а́гѡ мч҃нка ᲂу҆а́ра: И҆ прпⷣбнагѡ ѻ҆ц҃а̀ на́шегѡ і҆ѡа́нна ры́льскагѡ. Слꙋ́жба є҆мꙋ̀ прпⷣбническаѧ.

к҃ [а] Ст҃а́гѡ великомч҃нка а҆рте́мїа. Прокі́менъ, а҆пⷭ҇лъ, а҆ллилꙋ́їа, и҆ прича́стный, сегѡ̀ мцⷭ҇а въ ѕ҃і де́нь.

к҃а [з] Преподо́бнагѡ ѻ҆ц҃а̀ на́шегѡ і҆ларїѡ́на вели́кагѡ. Прокі́менъ, гла́съ з҃: Честна̀ пред̾ гдⷭ҇емъ сме́рть преподо́бныхъ є҆гѡ̀. Сті́хъ: Что̀ возда́мъ гдⷭ҇еви ѡ҆ всѣ́хъ: А҆пⷭ҇лъ къ корі́нѳѧнѡмъ, зача́ло рп҃и. А҆ллилꙋ́їа, гла́съ ѕ҃: Бл҃же́нъ мꙋ́жъ боѧ́йсѧ гдⷭ҇а: Прича́стный: Въ па́мѧть вѣ́чнꙋю: И҆ пренесе́нїе моще́й, и҆́же во ст҃ы́хъ ѻ҆ц҃а̀ на́шегѡ і҆ларїѡ́на, є҆пі́скопа мегли́нскагѡ. Слꙋ́жба є҆мꙋ̀ ст҃и́тельскаѧ.

к҃в [ѕ] Ст҃а́гѡ равноапо́стольнагѡ а҆ве́ркїа є҆пі́скопа, і҆ерапо́льскагѡ чꙋдотво́рца: И҆ ст҃ы́хъ седмѝ ѻ҆трокѡ́въ, и҆̀же во є҆фе́сѣ. Прокі́менъ, гла́съ а҃: Оу҆ста̀ моѧ̀ возгл҃ютъ премꙋ́дрость, и҆ поꙋче́нїе се́рдца моегѡ̀ ра́зꙋмъ. Сті́хъ: Оу҆слы́шите сїѧ̑ всѝ (л. сл҃а ѡ҆б.) ꙗ҆зы́цы, внꙋши́те всѝ живꙋ́щїи по вселе́ннѣй. А҆пⷭ҇лъ къ є҆вре́ємъ, зача́ло ти҃і. А҆ллилꙋ́їа, гла́съ в҃: Оу҆ста̀ пра́веднагѡ поꙋча́тсѧ премꙋ́дрости: Прича́стный: Въ па́мѧть вѣ́чнꙋю: Въ то́йже де́нь пра́зднꙋемъ прест҃ѣ́й бцⷣѣ чꙋдотво́рныѧ і҆кѡ́ны каза́нскїѧ. Прокі́менъ, гла́съ г҃, пѣ́снь бцⷣы: Вели́читъ дш҃а̀ моѧ̀ гдⷭ҇а, и҆ возра́довасѧ дх҃ъ мо́й ѡ҆ бз҃ѣ сп҃сѣ мое́мъ. Сті́хъ: Ꙗ҆́кѡ призрѣ̀ на смире́нїе рабы̀ своеѧ̀: се́ бо ѿ ны́нѣ ᲂу҆блажа́тъ мѧ̀ всѝ ро́ди. А҆пⷭ҇лъ къ фїлїпписі́ємъ, зача́ло с҃м. А҆ллилꙋ́їа, гла́съ и҃: Слы́ши дщѝ и҆ ви́ждь, и҆ приклонѝ ᲂу҆́хо твоѐ. Сті́хъ: Лицꙋ̀ твоемꙋ̀ помо́лѧтсѧ бога́тїи лю́дстїи. Прича́стный: Ча́шꙋ спасе́нїѧ прїимꙋ̀, и҆ и҆́мѧ гдⷭ҇не призовꙋ̀.

к҃г [є] Ст҃а́гѡ а҆пⷭ҇ла і҆а́кѡва бра́та бж҃їѧ. Прокі́менъ, гла́съ и҃: Во всю̀ зе́млю и҆зы́де вѣща́нїе и҆́хъ, и҆ въ концы̀ вселе́нныѧ глаго́лы и҆́хъ: Сті́хъ: Нб҃са̀ повѣ́даютъ сла́вꙋ бж҃їю: А҆пⷭ҇лъ къ гала́тѡмъ, зача́ло с҃. А҆ллилꙋ́їа, гла́съ а҃: И҆сповѣ́дѧтъ нб҃са̀ чꙋдеса̀ твоѧ̀ гдⷭ҇и. Сті́хъ: Бг҃ъ прославлѧ́емь въ совѣ́тѣ ст҃ы́хъ. Прича́стный: Во всю̀ зе́млю: И҆ ст҃а́гѡ и҆ бл҃же́ннагѡ і҆а́кѡва борови́цкагѡ, но́вагѡ чꙋдотво́рца. Слꙋ́жба є҆мꙋ̀ преподо́бническаѧ.

к҃д [д] Ст҃а́гѡ мч҃нка а҆ре́ѳы, и҆ и҆̀же съ ни́мъ. Прокі́менъ, гла́съ д҃: Ст҃ы̑мъ, и҆̀же сꙋ́ть на землѝ є҆гѡ̀, ᲂу҆дивѝ гдⷭ҇ь всѧ̀ хотѣ̑нїѧ своѧ̀ въ ни́хъ. Сті́хъ: Предзрѣ́хъ гдⷭ҇а предо мно́ю вы́нꙋ, ꙗ҆́кѡ ѡ҆деснꙋ́ю менѐ є҆́сть. А҆пⷭ҇лъ къ є҆вре́ємъ, зача́ло т҃л. А҆ллилꙋ́їа, гла́съ д҃: Воззва́ша пра́веднїи, и҆ гдⷭ҇ь ᲂу҆слы́ша и҆̀хъ. Прича́стный: Ра́дꙋйтесѧ пра́веднїи:

к҃є [г] Ст҃ы́хъ мч҃нкъ и҆ нотарі́й, маркїа́на и҆ мартѵ́рїа. Прокі́менъ, гла́съ д҃: Ди́венъ бг҃ъ во ст҃ы́хъ свои́хъ, бг҃ъ і҆и҃левъ. Сті́хъ: Въ цр҃квахъ бл҃гослови́те бг҃а, гдⷭ҇а ѿ и҆стѡ́чникъ і҆и҃левыхъ. А҆пⷭ҇лъ къ є҆фесе́ємъ, зача́ло ск҃д ѿ полꙋ̀. А҆ллилꙋ́їа, гла́съ д҃: Воззва́ша пра́веднїи, и҆ гдⷭ҇ь ᲂу҆слы́ша и҆́хъ. Прича́стный: Ра́дꙋйтесѧ:

к҃ѕ [в] Ст҃а́гѡ и҆ сла́внагѡ великомꙋ́ченика дими́трїѧ мѷрото́чца: И҆ воспомина́нїе вели́кагѡ и҆ стра́шнагѡ трѧсе́нїѧ. Прокі́менъ, гла́съ ѕ҃: Спасѝ гдⷭ҇и лю́ди твоѧ̀, и҆ блгⷭ҇вѝ достоѧ́нїе твоѐ. (л. сл҃в) Сті́хъ: Къ тебѣ̀ гдⷭ҇и воззовꙋ̀, бж҃е мо́й, да не премолчи́ши ѿ менѐ. И҆ ст҃а́гѡ, гла́съ з҃: Возвесели́тсѧ пра́ведникъ ѡ҆ гдⷭ҇ѣ, и҆ ᲂу҆пова́етъ на него̀. А҆пⷭ҇лъ трѧсе́нїѧ, къ є҆вре́ємъ, зача́ло тл҃а ѿ полꙋ̀: И҆ ст҃а́гѡ, къ тїмоѳе́ю, зача́ло сч҃в. А҆ллилꙋ́їа, гла́съ д҃: Бж҃е, ѿри́нꙋлъ ны̀ є҆сѝ, и҆ низложи́лъ є҆сѝ на́съ. Сті́хъ: Стрѧ́слъ є҆сѝ зе́млю, и҆ смꙋти́лъ є҆сѝ ю҆̀: и҆сцѣлѝ сокрꙋше́нїе є҆ѧ̀, ꙗ҆́кѡ подви́жесѧ. И҆ ст҃а́гѡ: Пра́ведникъ ꙗ҆́кѡ фі́нїѯъ процвѣте́тъ, ꙗ҆́кѡ ке́дръ и҆́же въ лїва́нѣ ᲂу҆мно́житсѧ. Прича́стенъ: Хвали́те гдⷭ҇а съ нб҃съ: Дрꙋгі́й: Въ па́мѧть вѣ́чнꙋю:

к҃з [а] Ст҃а́гѡ мꙋ́ченика не́стора. На лїтꙋргі́и слꙋ́жба мꙋ́ченикѡмъ ѻ҆́бщаѧ. А҆пⷭ҇лъ къ є҆фесе́ємъ, зача́ло сл҃г. Прича́стный: Въ па́мѧть вѣ́чнꙋю:

к҃и [з] Ст҃ы́хъ мꙋ́чєникъ, тере́нтїа и҆ неоні́лы: И҆ прпⷣбнагѡ ѻ҆ц҃а̀ на́шегѡ стефа́на савваі́та, и҆ творца̀ канѡ́нѡвъ: И҆ и҆́же во ст҃ы́хъ ѻ҆ц҃а̀ на́шегѡ а҆рсе́нїа, а҆рхїепⷭ҇кпа се́рбскагѡ: Слꙋ́жба а҆рсе́нїю ст҃и́тельскаѧ. И҆ ст҃ы́ѧ мч҃нцы параске́ѵи. Мꙋ́ченицѣ: Прокі́менъ, гла́съ д҃: Ди́венъ бг҃ъ во ст҃ы́хъ свои́хъ, бг҃ъ і҆и҃левъ. Сті́хъ: Въ цр҃квахъ бл҃гослови́те бг҃а, гдⷭ҇а ѿ и҆стѡ́чникъ і҆и҃левыхъ. А҆пⷭ҇лъ къ корі́нѳѧнѡмъ, зача́ло рп҃а. А҆ллилꙋ́їа, гла́съ а҃: Терпѧ̀ потерпѣ́хъ гдⷭ҇а, и҆ внѧ́тъ мѝ. Прича́стный: Въ па́мѧть вѣ́чнꙋю.

к҃ѳ [ѕ] Ст҃ы́ѧ прпⷣбномꙋ́ченицы а҆настасі́и ри́млѧныни: И҆ прпⷣбнагѡ ѻ҆ц҃а̀ на́шегѡ а҆вра́мїа затво́рника: И҆ прпⷣбнагѡ ѻ҆ц҃а̀ на́шегѡ а҆вра́мїа а҆рхїмандрі́та, росто́вскагѡ чꙋдотво́рца. Прокі́менъ, гла́съ з҃: Честна̀ пред̾ гдⷭ҇емъ сме́рть преподо́бныхъ є҆гѡ̀. Сті́хъ: Что̀ возда́мъ гдⷭ҇ви: ѡ҆ всѣ́хъ, ꙗ҆̀же воздаде́ ми; А҆пⷭ҇лъ къ гала́тѡмъ, зача́ло сг҃і. А҆ллилꙋ́їа, гла́съ ѕ҃: Бл҃же́нъ мꙋ́жъ боѧ́йсѧ гдⷭ҇а, въ за́повѣдехъ є҆гѡ̀ восхо́щетъ ѕѣлѡ̀. Прича́стный: Въ па́мѧть вѣ́чнꙋю: Слꙋ́жба а҆вра́мїю росто́вскомꙋ та́ѧжде.

л҃ [є] Ст҃ы́хъ мꙋ́чєникъ, зино́вїа и҆ зинові́и.

л҃а [д] Ст҃ы́хъ а҆пⷭ҇лъ, стахѵ́а, а҆мплі́а, и҆ и҆̀же съ ни́ми: И҆ ст҃а́гѡ мꙋ́ченика є҆пїма́ха. (л. сл҃в ѡ҆б.)

Мѣ́сѧцъ ное́мврїй.

а҃ [г] Ст҃ы́хъ и҆ чꙋдотво́рцєвъ безсре́бреникѡвъ космы̀ и҆ дамїа́на, и҆̀же ѿ а҆сі́и. Прокі́менъ, гла́съ д҃: Ст҃ы̑мъ, и҆̀же сꙋ́ть на землѝ є҆гѡ̀, ᲂу҆дивѝ гдⷭ҇ь всѧ̑ хотѣ̑нїѧ своѧ̀ въ ни́хъ. Сті́хъ: Предзрѣ́хъ гдⷭ҇а предо мно́ю вы́нꙋ, ꙗ҆́кѡ ѡ҆деснꙋ́ю менѐ є҆́сть, да не подви́жꙋсѧ. А҆пⷭ҇лъ къ корі́нѳѧнѡмъ, зача́ло рн҃г. А҆ллилꙋ́їа, гла́съ в҃: Сѐ что̀ добро̀, и҆лѝ что̀ красно̀, но є҆́же жи́ти бра́тїи вкꙋ́пѣ. Прича́стный: Ра́дꙋйтесѧ:

в҃ [в] Ст҃ы́хъ мꙋ́чєникъ: а҆кїндѵ́на, пига́сїа, а҆фѳо́нїа, є҆лпїдїфо́ра и҆ а҆немподі́ста. Прокі́менъ, гла́съ д҃: Ст҃ы̑мъ, и҆̀же сꙋ́ть на землѝ є҆гѡ̀, ᲂу҆дивѝ гдⷭ҇ь всѧ̑ хотѣ̑нїѧ своѧ̀ въ ни́хъ. Сті́хъ: Предзрѣ́хъ гдⷭ҇а предо мно́ю вы́нꙋ, ꙗ҆́кѡ ѡ҆деснꙋ́ю менѐ є҆́сть: А҆пⷭ҇лъ къ є҆фесе́ємъ, зача́ло сл҃г. А҆ллилꙋ́їа, гла́съ д҃: Воззва́ша пра́веднїи, и҆ гдⷭ҇ь ᲂу҆слы́ша и҆̀хъ: Сті́хъ: Мнѡ́ги скѡ́рби пра́вєднымъ: Прича́стный: Ра́дꙋйтесѧ:

г҃ [а] Ст҃ы́хъ мꙋ́чєникъ, а҆кеѱѵ́мы є҆пⷭ҇кпа, і҆ѡ́сифа пресвѵ́тера, и҆ а҆їѳала̀ дїа́кона. И҆ ѡ҆бновле́нїе хра́ма, ст҃а́гѡ великомꙋ́ченика геѡ́ргїа, и҆́же въ лѵ́дѣ, и҆дѣ́же положено̀ чⷭ҇тно́е тѣ́ло є҆гѡ̀. Прокі́менъ, а҆пⷭ҇лъ, а҆ллилꙋ́їа и҆ прича́стенъ, сегѡ̀ мцⷭ҇а во в҃ де́нь. А҆́ще хра́мъ, и҆лѝ настоѧ́тель и҆зво́литъ пра́здновати геѡ́ргїю: на лїтꙋргі́и слꙋ́жба а҆прі́ллїа въ к҃г де́нь.

д҃ [з] Преподо́бнагѡ ѻ҆ц҃а̀ на́шегѡ і҆ѡанні́кїа вели́кагѡ: И҆ ст҃ы́хъ мꙋ́чєникъ, нїка́ндра є҆пⷭ҇кпа мѵ́рскагѡ, и҆ є҆рмі́а пресвѵ́тера. Прокі́менъ преподо́бномꙋ, гла́съ з҃: Честна̀ пред̾ гдⷭ҇емъ сме́рть преподо́бныхъ є҆гѡ̀. Сті́хъ: Что̀ возда́мъ гдⷭ҇ви ѡ҆ всѣ́хъ, ꙗ҆̀же воздаде́ ми; А҆пⷭ҇лъ къ гала́тѡмъ, зача́ло сг҃і. А҆ллилꙋ́їа, гла́съ ѕ҃: (л. сл҃г) Блаже́нъ мꙋ́жъ боѧ́йсѧ гдⷭ҇а: Сті́хъ: Си́льно на землѝ бꙋ́детъ сѣ́мѧ є҆гѡ̀: Прича́стный: Въ па́мѧть вѣ́чнꙋю:

є҃ [ѕ] Ст҃ы́хъ мꙋ́чєникъ, галактїѡ́на и҆ є҆пїсти́ми: И҆ преставле́нїе и҆́же во ст҃ы́хъ ѻ҆ц҃а̀ на́шегѡ і҆ѡ́ны а҆рхїепⷭ҇кпа, новогоро́дскагѡ чꙋдотво́рца. Слꙋ́жба є҆мꙋ̀ ст҃и́тельскаѧ.

ѕ҃ [є] И҆́же во ст҃ы́хъ ѻ҆ц҃а̀ на́шегѡ па́ѵла и҆сповѣ́дника, патрїа́рха царѧгра́да: И҆ прпⷣбнагѡ и҆ бг҃оно́снагѡ ѻ҆ц҃а̀ на́шегѡ варлаа́ма новогоро́дскагѡ чꙋдотво́рца, и҆́же на хꙋ́тынѣ. Прокі́менъ и҆сповѣ́дникꙋ, гла́съ з҃: Восхва́лѧтсѧ преподо́бнїи во сла́вѣ, и҆ возра́дꙋютсѧ на ло́жахъ свои́хъ. Сті́хъ: Воспо́йте гдⷭ҇ви пѣ́снь но́вꙋ. А҆пⷭ҇лъ къ є҆вре́ємъ, зача́ло тн҃i ѿ полꙋ̀. А҆ллилꙋ́їа, гла́съ в҃: Сщ҃е́нницы твоѝ ѡ҆блекꙋ́тсѧ въ пра́вдꙋ, и҆ преподо́бнїи твоѝ возра́дꙋютсѧ. Прича́стный: Въ па́мѧть вѣ́чнꙋю: Варлаа́мꙋ слꙋ́жба сегѡ̀ мцⷭ҇а въ д҃ де́нь.

з҃ [д] Ст҃ы́хъ мч҃нкъ л҃г, и҆̀же въ мелїті́нѣ: И҆ прпⷣбнагѡ ѻ҆ц҃а̀ на́шегѡ и҆ чꙋдотво́рца ла́зарѧ, въ галїсі́йстѣй горѣ̀ пости́вшагѡсѧ. Слꙋ́жба сегѡ̀ мцⷭ҇а въ д҃ де́нь.

и҃ [г] Собо́ръ ст҃а́гѡ а҆рхїстрати́га мїхаи́ла, и҆ про́чихъ безпло́тныхъ си́лъ. Слꙋ́жба септе́мврїа въ ѕ҃ де́нь.

ѳ҃ [в] Ст҃ы́хъ мꙋ́чєникъ, ѻ҆нисі́фора и҆ порфѵ́рїа: И҆ прпⷣбныѧ мт҃ре на́шеѧ матрѡ́ны: И҆ прпⷣбныѧ ѳеокті́сты, ꙗ҆́же ѿ ле́звы.

і҃ [а] Ст҃ы́хъ а҆пⷭ҇тѡлъ: є҆ра́ста, ѻ҆лѵ́мпа, рѡдїо́на и҆ сѡсїпа́тра, и҆ про́чихъ.

а҃і [з] Ст҃ы́хъ мꙋ́чєникъ, ми́ны, ві́ктора и҆ вїке́нтїа: И҆ ст҃ы́ѧ мч҃нцы стефані́ды: И҆ прпⷣбнагѡ ѻ҆ц҃а̀ на́шегѡ и҆ и҆сповѣ́дника ѳео́дѡра стꙋді́йскагѡ. Проⷦ҇ мч҃нкѡмъ, гла́съ д҃: Ст҃ы̑мъ, и҆̀же сꙋ́ть на землѝ є҆гѡ̀, ᲂу҆дивѝ гдⷭ҇ь всѧ̑ хотѣ̑нїѧ своѧ̀ въ ни́хъ. Сті́хъ: Предзрѣ́хъ гдⷭ҇а предо мно́ю вы́нꙋ, ꙗ҆́кѡ ѡ҆деснꙋ́ю менѐ є҆́сть. А҆пⷭ҇лъ къ є҆фесе́ємъ, зача́ло сл҃г. и҆ прпⷣбномꙋ, а҆пⷭ҇лъ къ є҆вре́ємъ, зача́ло тл҃є. А҆ллилꙋ́їа, гла́съ д҃: Воззва́ша првⷣнїи, и҆ гдⷭ҇ь ᲂу҆слы́ша и҆̀хъ. Сті́хъ: Бл҃же́нъ мꙋ́жъ боѧ́йсѧ гдⷭ҇а: Прича́стенъ: Ра́дꙋйтесѧ пра́веднїи ѡ҆ гдⷭ҇ѣ: И҆ (л. сл҃г ѡ҆б.) преставле́нїе ст҃а́гѡ и҆ бл҃же́ннагѡ маѯі́ма, хрⷭ҇та̀ ра́ди ю҆ро́дивагѡ, моско́вскагѡ чꙋдотво́рца. Слꙋ́жба сегѡ̀ мцⷭ҇а въ д҃ де́нь.

в҃і [ѕ] И҆́же во ст҃ы́хъ ѻ҆ц҃а̀ на́шегѡ і҆ѡа́нна ми́лостивагѡ, а҆рхїепⷭ҇кпа а҆леѯандрі́йскагѡ: И҆ прпⷣбнагѡ ѻ҆ц҃а̀ на́шегѡ ні́ла. Прокі́менъ, гла́съ з҃: Честна̀ пред̾ гдⷭ҇емъ: Сті́хъ: Что̀ возда́мъ гдⷭ҇ви: А҆пⷭ҇лъ къ є҆вре́ємъ, зача́ло та҃і. А҆ллилꙋ́їа, гла́съ в҃: Оу҆ста̀ пра́веднагѡ поꙋча́тсѧ премꙋ́дрости, и҆ ѧ҆зы́къ є҆гѡ̀ возглаго́летъ сꙋ́дъ. Сті́хъ: Зако́нъ бг҃а є҆гѡ̀ въ се́рдцѣ є҆гѡ̀: Прича́стный: Въ па́мѧть вѣ́чнꙋю:

г҃і [є] И҆́же во сті́хъ ѻ҆ц҃а̀ на́шегѡ і҆ѡа́нна, а҆рхїепⷭ҇кпа кѡнстанті́нѧ гра́да, златоꙋ́стагѡ. Прокі́менъ, гла́съ а҃: Оу҆ста̀ моѧ̀ возглаго́лютъ премꙋ́дрость, и҆ поꙋче́нїе се́рдца моегѡ̀ ра́зꙋмъ. Сті́хъ: Оу҆слы́шите сїѧ̑ всѝ ꙗ҆зы́цы, внꙋши́те всѝ живꙋ́щїи по вселе́ннѣй. А҆пⷭ҇лъ къ є҆вре́ємъ, зача́ло ти҃і. А҆ллилꙋ́їа, гла́съ в҃: Оу҆ста̀ пра́веднагѡ поꙋча́тсѧ премꙋ́дрости: Сті́хъ: Зако́нъ бг҃а є҆гѡ̀ въ се́рдцѣ є҆гѡ̀, и҆ не за́пнꙋтсѧ стѡпы̀ є҆гѡ̀. Прича́стный: Въ па́мѧть вѣ́чнꙋю:

д҃і [д] Ст҃а́гѡ и҆ всехва́льнагѡ а҆пⷭ҇ла фїлі́ппа. Прокі́менъ, гла́съ и҃: Во всю̀ зе́млю и҆зы́де вѣща́нїе и҆́хъ: Сті́хъ: Нб҃са̀ повѣ́даютъ сла́вꙋ бж҃їю, творе́нїе же рꙋкꙋ̀ є҆гѡ̀ возвѣща́етъ тве́рдь. А҆пⷭ҇лъ къ корі́нѳѧнѡмъ, зача́ло рл҃а. А҆ллилꙋ́їа, гла́съ а҃: И҆сповѣ́дѧтъ нб҃са̀ чꙋдеса̀ твоѧ̀ гдⷭ҇и. Сті́хъ: Бг҃ъ прославлѧ́емь въ совѣ́тѣ ст҃ы́хъ. Прича́стный: Во всю̀ зе́млю:

є҃і [г] Ст҃ы́хъ мꙋ́чєникъ и҆ и҆сповѣ́дникъ, гꙋ́рїа, самѡ́на и҆ а҆ві́ва. Прокі́менъ, гла́съ д҃: Ст҃ы̑мъ, и҆̀же сꙋ́ть на землѝ є҆гѡ̀, ᲂу҆дивѝ гдⷭ҇ь всѧ̑ хотѣ̑нїѧ своѧ̀ въ ни́хъ. Сті́хъ: Предзрѣ́хъ гдⷭ҇а предо мно́ю вы́нꙋ, ꙗ҆́кѡ ѡ҆деснꙋ́ю менѐ є҆́сть, да не подви́жꙋсѧ. А҆пⷭ҇лъ къ є҆фесе́ємъ, зача́ло сл҃г. А҆ллилꙋ́їа, гла́съ д҃: Воззва́ша пра́веднїи, и҆ гдⷭ҇ь ᲂу҆слы́ша и҆̀хъ. Сті́хъ: Мнѡ́ги скѡ́рби пра́вєднымъ: Прича́стный: Ра́дꙋйтесѧ:

ѕ҃і [в] Ст҃а́гѡ а҆пⷭ҇ла и҆ є҆ѵⷢ҇лі́ста матѳе́а. Прокі́менъ, а҆пⷭ҇лъ, а҆ллилꙋ́їа, и҆ прича́стенъ, сегѡ̀ мцⷭ҇а въ д҃і де́нь.

з҃і [а] И҆́же во ст҃ы́хъ ѻ҆ц҃а̀ на́шегѡ григо́рїа є҆пⷭ҇кпа, неокесарі́йскагѡ (л. сл҃д) чꙋдотво́рца: Прокі́менъ, гла́съ з҃: Честна̀ пред̾ гдⷭ҇емъ сме́рть прпⷣбныхъ є҆гѡ̀. Сті́хъ: Что̀ возда́мъ гдⷭ҇ви ѡ҆ всѣ́хъ, ꙗ҆̀же воздаде́ ми; А҆пⷭ҇лъ къ корі́нѳѧнѡмъ, зача́ло рн҃а. А҆ллилꙋ́їа, гла́съ в҃: Сщ҃е́нницы твоѝ ѡ҆блекꙋ́тсѧ въ пра́вдꙋ, и҆ прпⷣбнїи твоѝ возра́дꙋютсѧ. Прича́стный: Въ па́мѧть вѣ́чнꙋю: И҆ преподо́бнагѡ ѻ҆ц҃а̀ на́шегѡ ні́кѡна чꙋдотво́рца, ᲂу҆ченика̀ ст҃а́гѡ се́ргїа. Слꙋ́жба сегѡ̀ мцⷭ҇а въ д҃ де́нь.

и҃і [з] Ст҃ы́хъ мꙋ́чєникъ, платѡ́на и҆ рѡма́на.

ѳ҃і [и] Ст҃а́гѡ проро́ка а҆вді́а: И҆ ст҃а́гѡ мꙋ́ченика варлаа́ма: И҆ преподо́бныхъ ѻ҆ц҃ъ на́шихъ, варлаа́ма и҆ і҆ѡаса́фа цр҃е́вича вели́кїѧ і҆нді́и. На лїтꙋргі́и, прокі́менъ, гла́съ з҃: Возвесели́тсѧ пра́ведникъ ѡ҆ гдⷭ҇ѣ, и҆ ᲂу҆пова́етъ на него̀. Сті́хъ: Оу҆слы́ши бж҃е гла́съ мо́й, внегда̀ моли́ти ми сѧ къ тебѣ̀. А҆пⷭ҇лъ къ колосса́ємъ, зача́ло с҃н. А҆ллилꙋ́їа, гла́съ є҃: Воззва́ша пра́веднїи: Сті́хъ: Мно́ги скѡ́рби пра́вєднымъ: Прича́стный: Въ па́мѧть вѣ́чнꙋю:

к҃ [є] Предпра́зднство вхо́да въ хра́мъ прест҃ы́ѧ бцⷣы: И҆ прпⷣбнагѡ ѻ҆ц҃а̀ на́шегѡ григо́рїа декаполі́та: И҆ и҆́же во ст҃ы́хъ ѻ҆ц҃а̀ на́шегѡ про́кла, патрїа́рха цр҃ѧ̀ гра́да. Прокі́менъ, а҆пⷭ҇лъ, а҆ллилꙋ́їа, и҆ прича́стенъ, сегѡ̀ мѣ́сѧца въ г҃і де́нь.

к҃а [д] Вхо́дъ во хра́мъ прест҃ы́ѧ бцⷣы. Прокі́менъ, гла́съ г҃, пѣ́снь бцⷣы: Вели́читъ дш҃а̀ моѧ̀ гдⷭ҇а, и҆ возра́довасѧ дх҃ъ мо́й ѡ҆ бз҃ѣ сп҃сѣ мое́мъ. Сті́хъ: Ꙗ҆́кѡ призрѣ̀ на смире́нїе рабы̀ своеѧ̀, се́ бо ѿ ны́нѣ ᲂу҆блажа́тъ мѧ̀ всѝ ро́ди. А҆по́столъ но є҆вре́ємъ, зача́ло т҃к. А҆ллилꙋ́їа, гла́съ и҃: Слы́ши дщѝ и҆ ви́ждь, и҆ приклонѝ ᲂу҆́хо твоѐ. Сті́хъ: Лицꙋ̀ твоемꙋ̀ помо́лѧтсѧ бога́тїи лю́дстїи. Прича́стный: Ча́шꙋ спасе́нїѧ прїимꙋ̀:

к҃в [г] Ст҃а́гѡ а҆пⷭ҇ла фїлимо́на, и҆ и҆̀же съ ни́мъ: Слꙋ́жба сегѡ̀ мцⷭ҇а въ д҃і де́нь. А҆пⷭ҇лъ къ фїлимо́нꙋ, послѣдѝ т҃в-гѡ зача́ла. И҆ ᲂу҆бїе́нїе свѧта́гѡ благовѣ́рнагѡ вели́кагѡ кн҃зѧ мїхаи́ла тферска́гѡ. Прокі́менъ, гла́съ з҃: Возвесели́тсѧ пра́ведникъ ѡ҆ гдⷭ҇ѣ, и҆ ᲂу҆пова́етъ на него̀. Сті́хъ: Оу҆слы́ши бж҃е гла́съ мо́й, внегда̀ моли́ти ми сѧ къ тебѣ̀. А҆пⷭ҇лъ къ ри́млѧнѡмъ, зача́ло ч҃ѳ. (л. сл҃д ѡ҆б.) А҆ллилꙋ́їа, гла́съ д҃: Пра́ведникъ ꙗ҆́кѡ фі́нїѯъ процвѣте́тъ, ꙗ҆́кѡ ке́дръ, и҆́же въ лїва́нѣ, ᲂу҆мно́житсѧ. Сті́хъ: Насажде́ни въ домꙋ̀ гдⷭ҇ни: Прича́стный: Въ па́мѧть вѣ́чнꙋю:

к҃г [в] И҆́же во свѧты́хъ ѻ҆ц҃ъ на́шихъ а҆мфїло́хїа, є҆пі́скопа і҆коні́йскагѡ: И҆ григо́рїа, є҆пⷭ҇кпа а҆краганті́йскагѡ: Прокі́менъ, и҆ а҆ллилꙋ́їа, сегѡ̀ мцⷭ҇а въ з҃і де́нь. А҆по́столъ ко є҆вре́ємъ, зача́ло тл҃д. Прича́стенъ: Ра́дꙋйтесѧ: И҆ ст҃а́гѡ благовѣ́рнагѡ вели́кагѡ кн҃зѧ а҆леѯа́ндра не́вскагѡ: Слꙋ́жба сегѡ̀ мцⷭ҇а въ д҃ де́нь. И҆ па́мѧть пе́рвагѡ воро́нежскагѡ ст҃и́телѧ митрофа́на, въ схимона́сѣхъ мака́рїа.

к҃д [а] Свѧты́ѧ великомꙋ́ченицы є҆катері́ны: И҆ свѧта́гѡ мꙋ́ченика меркꙋ́рїа: Прокі́менъ, гла́съ д҃: Ди́венъ бг҃ъ во свѧты́хъ свои́хъ, бг҃ъ і҆и҃левъ. Сті́хъ: Въ цр҃квахъ блгⷭ҇ви́те бг҃а, гдⷭ҇а ѿ и҆стѡ́чникъ і҆и҃левыхъ. А҆по́столъ къ є҆фесе́ємъ, зача́ло сл҃г. А҆ллилꙋ́їа, гла́съ а҃: Воззва́ша пра́веднїи, и҆ гдⷭ҇ь ᲂу҆слы́ша и҆̀хъ. Прича́стный: Ра́дꙋйтесѧ пра́веднїи ѡ҆ гдⷭ҇ѣ: И҆ ст҃а́гѡ мꙋ́ченика меркꙋ́рїа смоле́нскагѡ. Слꙋ́жба є҆мꙋ̀ мꙋ́ченическаѧ.

к҃є [з] И҆̀же во свѧты́хъ ѻ҆ц҃ъ на́шихъ и҆ свѧщенномꙋ́чєникъ, кли́мента, па́пы ри́мскагѡ, и҆ петра̀ а҆леѯандрі́йскагѡ: Въ се́й же де́нь ѿдае́тсѧ пра́здникъ вхо́да прест҃ы́ѧ бцⷣы. Прокі́менъ, а҆пⷭ҇лъ, а҆ллилꙋ́їа, и҆ прича́стный пра́здника, и҆ ст҃ы̑мъ, гла́съ з҃: Честна̀ пред̾ гдⷭ҇емъ сме́рть преподо́бныхъ є҆гѡ̀. Сті́хъ: Что̀ возда́мъ гдⷭ҇ви ѡ҆ всѣ́хъ, ꙗ҆̀же воздаде́ ми; А҆по́столъ къ фїлїпписі́ємъ, зача́ло см҃ѕ. Сті́хъ: Сщ҃е́нницы твоѝ ѡ҆блекꙋ́тсѧ въ пра́вдꙋ, и҆ преподо́бнїи твоѝ возра́дꙋютсѧ. Прича́стный: Въ па́мѧть вѣ́чнꙋю:

к҃ѕ [ѕ] Преподо́бнагѡ ѻ҆ц҃а̀ на́шегѡ а҆лѵ́пїа сто́лпника: И҆ ѡ҆свѧще́нїе хра́ма свѧта́гѡ великомꙋ́ченика геѡ́ргїа, и҆́же въ кі́евѣ, пред̾ враты̀ свѧты́ѧ софі́и: И҆ па́мѧть преставле́нїѧ свѧти́телѧ і҆нноке́нтїа, пе́рвагѡ є҆пⷭ҇кпа і҆ркꙋ́тскагѡ, чꙋдотво́рца. На лїтꙋргі́и, прокі́менъ, гла́съ з҃: Возвесели́тсѧ пра́ведникъ ѡ҆ гдⷭ҇ѣ, и҆ ᲂу҆пова́етъ на него̀. Сті́хъ: Оу҆слы́ши бж҃е гла́съ мо́й, внегда̀ моли́ти ми сѧ къ тебѣ̀. А҆по́столъ къ тїмоѳе́ю, зача́ло сч҃в. (л. сл҃є) А҆ллилꙋ́їа, гла́съ д҃: Пра́ведникъ ꙗ҆́кѡ фі́нїѯъ процвѣте́тъ: Прича́стный: Въ па́мѧть вѣ́чнꙋю:

к҃з [є] Свѧта́гѡ великомꙋ́ченика і҆а́кѡва пе́рсѧнина: Слꙋ́жба є҆мꙋ̀ пи́сана сегѡ̀ мцⷭ҇а во в҃ де́нь. Въ то́йже де́нь пра́зднꙋемъ ѡ҆ бз҃ѣ бы́вшее зна́менїе прест҃ы́ѧ бцⷣы, є҆́же въ вели́комъ новѣ̀ гра́дѣ: Слꙋ́жба сегѡ̀ мцⷭ҇а въ к҃а де́нь. И҆ во ст҃ы́хъ ѻ҆ц҃а̀ на́шегѡ і҆а́кѡва є҆пⷭ҇кпа, росто́вскагѡ чꙋдотво́рца. Слꙋ́жба є҆мꙋ̀ всѧ̀ ст҃и́тельскаѧ.

к҃и [д] Ст҃а́гѡ прпⷣбномч҃нка стефа́на но́вагѡ. Прокі́менъ, гла́съ з҃: Восхва́лѧтсѧ преподо́бнїи во сла́вѣ, и҆ возра́дꙋютсѧ на ло́жахъ свои́хъ. Сті́хъ: Воспо́йте гдⷭ҇ви пѣ́снь но́вꙋ: А҆по́столъ къ тїмоѳе́ю, зача́ло сч҃а. А҆ллилꙋ́їа, гла́съ и҃: Блаже́нъ мꙋ́жъ боѧ́йсѧ гдⷭ҇а: Сті́хъ: Си́льно на землѝ бꙋ́детъ сѣ́мѧ є҆гѡ̀. Прича́стный: Въ па́мѧть вѣ́чнꙋю:

к҃ѳ [г] Ст҃а́гѡ мꙋ́ченика парамо́на: И҆ ст҃а́гѡ мꙋ́ченика фїлꙋме́на: И҆ прпⷣбнагѡ а҆ка́кїа, и҆́же въ лѣ́ствицѣ свидѣ́тельствованнагѡ.

л҃ [в] Свѧта́гѡ а҆по́стола а҆ндре́а первозва́ннагѡ. Прокі́менъ, а҆пⷭ҇лъ, а҆ллилꙋ́їа, и҆ прича́стный, сегѡ̀ мцⷭ҇а въ д҃і де́нь.

Мѣ́сѧцъ деке́мврїй.

а҃ [а] Ст҃а́гѡ проро́ка наꙋ́ма: И҆ ст҃а́гѡ фїларе́та ми́лостивагѡ.

в҃ [з] Ст҃а́гѡ проро́ка а҆ввакꙋ́ма.

г҃ [ѕ] Ст҃а́гѡ проро́ка софо́нїа: И҆ преподо́бнагѡ ѻ҆ц҃а̀ на́шегѡ са́ввы стороже́вскагѡ. Слꙋ́жба ное́мврїа въ д҃ де́нь.

д҃ [є] Ст҃ы́ѧ великомч҃нцы варва́ры: И҆ преподо́бнагѡ ѻ҆ц҃а̀ на́шегѡ і҆ѡа́нна дамаскина̀. Прокі́менъ, гла́съ д҃: Ди́венъ бг҃ъ во ст҃ы́хъ свои́хъ, бг҃ъ і҆и҃левъ. Сті́хъ: Въ цр҃квахъ благослови́те бг҃а: (л. сл҃є ѡ҆б.) А҆по́столъ къ гала́тѡмъ, зача́ло с҃и. А҆ллилꙋ́їа, гла́съ а҃: Терпѧ̀ потерпѣ́хъ гдⷭ҇а, и҆ внѧ́тъ мѝ, и҆ ᲂу҆слы́ша моли́твꙋ мою̀. Прича́стный: Ра́дꙋйтесѧ:

є҃ [д] Прпⷣнагѡ и҆ бг҃оно́снагѡ ѻ҆ц҃а̀ на́шегѡ, са́ввы ѡ҆свѧще́ннагѡ. Слꙋ́жба ное́мврїа въ д҃ де́нь.

ѕ҃ [г] И҆́же во ст҃ы́хъ ѻ҆ц҃а̀ на́шегѡ нїкола́а а҆рхїепⷭ҇кпа, мѵ́ръ лѷкі́йскихъ чꙋдотво́рца. Прокі́менъ, гла́съ з҃: Возвесели́тсѧ пра́ведникъ ѡ҆ гдⷭ҇ѣ, и҆ ᲂу҆пова́етъ на него̀. Сті́хъ: Оу҆слы́ши бж҃е гла́съ мо́й: А҆пⷭ҇лъ ко є҆вре́ємъ, зача́ло тл҃є. А҆ллилꙋ́їа, гла́съ д҃: Сщ҃е́нницы твоѝ ѡ҆блекꙋ́тсѧ въ пра́вдꙋ: Прича́стенъ: Въ па́мѧть вѣ́чнꙋю:

з҃ [в] И҆́же во ст҃ы́хъ ѻ҆ц҃а̀ на́шегѡ а҆мвро́сїа, є҆пⷭ҇кпа медїола́нскагѡ: И҆ прпⷣбнагѡ ѻ҆ц҃а̀ на́шегѡ а҆нтѡ́нїа, сі́йскагѡ чꙋдотво́рца: И҆ преставле́нїе преподо́бнагѡ ѻ҆ц҃а̀ на́шегѡ ні́ла, и҆́же на є҆́зерѣ селиге́рѣ, на ѻ҆́стровѣ зово́момъ столобно́е, но́вагѡ чꙋдотво́рца. Слꙋ́жба преподо́бническаѧ.

и҃ [а] Преподо́бнагѡ ѻ҆ц҃а̀ на́шегѡ пата́пїа.

ѳ҃ [з] Зача́тїе ст҃ы́ѧ а҆́нны, є҆гда̀ зача́тъ ст҃ꙋ́ю бцⷣꙋ. Слꙋ́жба септе́мврїа въ ѳ҃ де́нь.

і҃ [ѕ] Ст҃ы́хъ мꙋ́чєникъ, ми́ны, є҆рмоге́на и҆ є҆ѵгра́фа. Прокі́менъ, гла́съ д҃: Ст҃ы̑мъ, и҆̀же сꙋ́ть на землѝ є҆гѡ̀, ᲂу҆дивѝ гдⷭ҇ь всѧ̑ хотѣ̑нїѧ своѧ̀ въ ни́хъ. Сті́хъ: Предзрѣ́хъ гдⷭ҇а предо мно́ю вы́нꙋ, ꙗ҆́кѡ ѡ҆деснꙋ́ю менѐ є҆́сть, да не подви́жꙋсѧ. А҆по́столъ къ є҆фесе́ємъ, зача́ло сл҃г. А҆ллилꙋ́їа, гла́съ д҃: Воззва́ша првⷣнїи, и҆ гдⷭ҇ь ᲂу҆слы́ша и҆̀хъ. Сті́хъ: Мно́ги скѡ́рби пра́вєднымъ, и҆ ѿ всѣ́хъ и҆́хъ и҆зба́витъ ѧ҆̀ гдⷭ҇ь. Прича́стный: Ра́дꙋйтесѧ:

а҃і [є] Преподо́бнагѡ ѻ҆ц҃а̀ на́шегѡ данїи́ла сто́лпника.

в҃і [д] Преподо́бнагѡ ѻ҆ц҃а̀ на́шегѡ спѷрїдѡ́на чꙋдотво́рца, є҆пі́скопа трїмѷфі́йскагѡ. Прокі́менъ, гла́съ а҃: Оу҆ста̀ моѧ̀ возгл҃ютъ премⷣрость: Сті́хъ: Оу҆слы́шите сїѧ̑ всѝ ꙗ҆зы́цы, внꙋши́те всѝ живꙋ́щїи по вселе́ннѣй. А҆пⷭ҇лъ ко є҆вре́ємъ, зача́ло тл҃є. А҆ллилꙋ́їа, гла́съ в҃: Оу҆ста̀ првⷣнагѡ поꙋча́тсѧ премꙋ́дрости, и҆ ѧ҆зы́къ є҆гѡ̀ возглаго́летъ сꙋ́дъ. Сті́хъ: Зако́нъ бг҃а є҆гѡ̀ въ се́рдцѣ є҆гѡ̀. Прича́стенъ: Въ па́мѧть вѣ́чнꙋю бꙋ́детъ пра́ведникъ: (л. сл҃ѕ)

г҃і [г] Свѧты́хъ великомꙋ́чєникъ: є҆ѵстра́тїа, а҆ѵѯе́нтїа, є҆ѵге́нїа, марда́рїа и҆ ѻ҆ре́ста: И҆ ст҃ы́ѧ мꙋ́ченицы лꙋкі́и дѣви́цы. Слꙋ́жба и҆̀мъ сегѡ̀ мцⷭ҇а въ і҃ де́нь.

д҃і [в] Ст҃ы́хъ мч҃нкъ, ѳѵ́рса, леѵкі́а, фїлимо́на, и҆ и҆̀же съ ни́ми.

є҃і [а] Ст҃а́гѡ сщ҃енномч҃нка є҆леѵѳе́рїа: И҆ прпⷣбнагѡ ѻ҆ц҃а̀ на́шегѡ па́ѵла, и҆́же въ ла́трѣ: И҆ и҆́же во ст҃ы́хъ ѻ҆ц҃а̀ на́шегѡ стефа́на и҆сповѣ́дника, а҆рхїепⷭ҇кпа сꙋро́жскагѡ. Слꙋ́жба сегѡ̀ мцⷭ҇а во в҃і де́нь. А҆по́столъ ко є҆вре́ємъ, зача́ло ти҃і.

ѕ҃і [з] Ст҃а́гѡ проро́ка а҆гге́а.

з҃і [ѕ] Ст҃а́гѡ проро́ка данїи́ла: И҆ ст҃ы́хъ трїе́хъ ѻ҆трокѡ́въ, а҆на́нїи, а҆за́рїи и҆ мїсаи́ла. Прокі́менъ, гла́съ д҃: Ди́венъ бг҃ъ во ст҃ы́хъ свои́хъ, бг҃ъ і҆и҃левъ. Сті́хъ: Въ цр҃квахъ благослови́те бг҃а, гдⷭ҇а ѿ и҆стѡ́чникъ і҆и҃левыхъ. А҆пⷭ҇лъ ко є҆вре́ємъ, зача́ло т҃а. А҆ллилꙋ́їа, гла́съ д҃: Воззва́ша пра́веднїи, и҆ гдⷭ҇ь ᲂу҆слы́ша и҆̀хъ. Сті́хъ: Мно́ги скѡ́рби пра́вєднымъ, и҆ ѿ всѣ́хъ и҆́хъ и҆зба́витъ ѧ҆̀ гдⷭ҇ь. Прича́стный: Ра́дꙋйтесѧ пра́веднїи:

[зрѝ] Недѣ́лѧ ст҃ы́хъ пра̑ѻц҃ъ. Прокі́менъ, гла́съ д҃. Пѣ́снь ѻ҆ц҃є́въ: Блгⷭ҇ве́нъ є҆сѝ гдⷭ҇и бж҃е ѻ҆ц҃ъ на́шихъ, и҆ хва́льно и҆ просла́влено и҆́мѧ твоѐ во вѣ́ки. Сті́хъ: Ꙗ҆́кѡ пра́веденъ є҆сѝ ѡ҆ всѣ́хъ, ꙗ҆̀же сотвори́лъ є҆сѝ на́мъ. А҆пⷭ҇лъ къ колосса́ємъ, зача́ло сн҃з. А҆ллилꙋ́їа, гла́съ д҃: Мѡѷсе́й и҆ а҆арѡ́нъ во і҆ере́ехъ є҆гѡ̀, и҆ самꙋ́илъ въ призыва́ющихъ и҆́мѧ є҆гѡ̀. Сті́хъ: Призыва́хꙋ гдⷭ҇а, и҆ то́й послꙋ́шаше и҆̀хъ. прича́стный: Ра́дꙋйтесѧ:

[зрѝ] Сꙋббѡ́та пред̾ ржⷭ҇тво́мъ хрⷭ҇то́вымъ. Прокі́менъ днѐ, а҆пⷭ҇лъ къ гала́тѡмъ, зача́ло с҃є.

[зрѝ] Недѣ́лѧ пред̾ ржⷭ҇тво́мъ хрⷭ҇то́вымъ, ст҃ы́хъ ѻ҆ц҃ъ. Прокі́менъ, пи́санъ въ недѣ́лю пра́ѻц҃ъ. А҆пⷭ҇лъ ко є҆вре́ємъ, зача́ло тк҃и. А҆ллилꙋ́їа, гла́съ д҃: Бж҃е, ᲂу҆ши́ма на́шима ᲂу҆слы́шахомъ, и҆ ѻ҆ц҃ы̀ на́ши возвѣсти́ша на́мъ. Сті́хъ: Спа́слъ є҆сѝ на́съ ѿ стꙋжа́ющихъ на́мъ, и҆ ненави́дѧщыѧ на́съ посрами́лъ є҆сѝ. Прича́стенъ: Хвали́те гдⷭ҇а съ нб҃съ: Дрꙋгі́й: Ра́дꙋйтесѧ пра́веднїи ѡ҆ гдⷭ҇ѣ:

и҃і [є] Ст҃а́гѡ мꙋ́ченика севастїа́на, и҆ дрꙋжи́ны є҆гѡ̀.

ѳ҃і [д] Ст҃а́гѡ мꙋ́ченика вонїфа́тїа. (л. сл҃ѕ ѡ҆б.)

к҃ [г] Предпра́зднство є҆́же по пло́ти ржⷭ҇тва̀ гдⷭ҇а бг҃а и҆ сп҃са на́шегѡ і҆и҃са хрⷭ҇та̀: И҆ ст҃а́гѡ сщ҃енномч҃нка і҆гна́тїа бг҃оно́сца, а҆рхїепⷭ҇кпа а҆нтїохі́йскагѡ. Прокі́менъ, гла́съ з҃: Возвесели́тсѧ пра́ведникъ ѡ҆ гдⷭ҇ѣ, и҆ ᲂу҆пова́етъ на него̀. Сті́хъ: Оу҆слы́ши бж҃е гла́съ мо́й, внегда̀ моли́ти ми сѧ къ тебѣ̀. А҆пⷭ҇лъ ко є҆вре́ємъ, зача́ло та҃і. А҆ллилꙋ́їа, гла́съ д҃: Пра́ведникъ ꙗ҆́кѡ фі́нїѯъ процвѣте́тъ: Сті́хъ: Насажде́ни въ домꙋ̀ гдⷭ҇ни: Прича́стный: Въ па́мѧть вѣ́чнꙋю:

к҃а [в] Предпра́зднство хрⷭ҇то́ва ржⷭ҇тва̀: И҆ ст҃ы́ѧ мч҃нцы і҆ꙋлїані́и, ꙗ҆́же въ нїкомиді́и: И҆ преставле́нїе во ст҃ы́хъ ѻ҆ц҃а̀ на́шегѡ петра̀ митрополі́та, всеѧ̀ рѡссі́и чꙋдотво́рца. Прокі́менъ, гла́съ а҃: Оу҆ста̀ моѧ̀ возглаго́лютъ премⷣрость, и҆ поꙋче́нїе се́рдца моегѡ̀ ра́зꙋмъ. Сті́хъ: Оу҆слы́шите сїѧ̑ всѝ ꙗ҆зы́цы, внꙋши́те всѝ живꙋ́щїи по вселе́ннѣй. А҆пⷭ҇лъ ко є҆вре́ємъ, зача́ло ти҃і. А҆ллилꙋ́їа, гла́съ в҃: Оу҆ста̀ пра́веднагѡ поꙋча́тсѧ премꙋ́дрости, и҆ ѧ҆зы́къ є҆гѡ̀ возглаго́летъ сꙋ́дъ. Сті́хъ: Зако́нъ бг҃а є҆гѡ̀ въ се́рдцѣ є҆гѡ̀: Прича́стный: Въ па́мѧть вѣ́чнꙋю:

к҃в [а] Предпра́зднство хрⷭ҇то́ва ржⷭ҇тва̀: И҆ ст҃ы́ѧ великомꙋ́ченицы а҆настасі́и ᲂу҆зорѣши́тельницы. Прокі́менъ, гла́съ д҃: Ди́венъ бг҃ъ во ст҃ы́хъ свои́хъ, бг҃ъ і҆и҃левъ. Сті́хъ: Въ цр҃квахъ благослови́те бг҃а, гдⷭ҇а ѿ и҆стѡ́чникъ і҆и҃левыхъ. А҆пⷭ҇лъ къ гала́тѡмъ, зача́ло с҃и. А҆ллилꙋ́їа, гла́съ а҃: Терпѧ̀ потерпѣ́хъ гдⷭ҇а, и҆ внѧ́тъ мѝ, и҆ ᲂу҆слы́ша моли́твꙋ мою̀. Прича́стный: Въ па́мѧть вѣ́чнꙋю:

к҃г [з] Предпра́зднство хрⷭ҇то́ва ржⷭ҇тва̀: И҆ ст҃ы́хъ мч҃нкъ десѧтѝ, и҆̀же въ кри́тѣ. Слꙋ́жба сегѡ̀ мцⷭ҇а въ і҃ де́нь.

к҃д [ѕ] Предпра́зднство хрⷭ҇то́ва ржⷭ҇тва̀: И҆ ст҃ы́ѧ преподобномч҃нцы є҆ѵге́нїи.

Въ на́вечерїи ржⷭ҇тва̀ хрⷭ҇то́ва:

На а҃-мъ часѣ̀, а҆пⷭ҇лъ ко є҆вре́ємъ, зача́ло т҃г.

На г҃-мъ часѣ̀, а҆пⷭ҇лъ къ гала́тѡмъ, зача́ло с҃и.

На ѕ҃-мъ часѣ̀, а҆пⷭ҇лъ ко є҆вре́ємъ, зача́ло т҃д.

На ѳ҃-мъ часѣ̀, а҆пⷭ҇лъ ко є҆вре́ємъ, зача́ло т҃ѕ. (л. сл҃з)

На лїтꙋргі́и прокі́менъ, гла́съ а҃: Гдⷭ҇ь речѐ ко мнѣ̀: сн҃ъ мо́й є҆сѝ ты̀, а҆́зъ дне́сь роди́хъ тѧ̀. Сті́хъ: Просѝ ѿ менѐ, и҆ да́мъ тѝ ꙗ҆зы́ки достоѧ́нїе твоѐ, и҆ ѡ҆держа́нїе твоѐ концы̀ землѝ. А҆пⷭ҇лъ ко є҆вре́ємъ, зача́ло т҃г. А҆ллилꙋ́їа, гла́съ є҃: Речѐ гдⷭ҇ь гдⷭ҇ви моемꙋ̀: сѣдѝ ѡ҆деснꙋ́ю менѐ, до́ндеже положꙋ̀ врагѝ твоѧ̀ подно́жїе нога́ма твои́ма. Сті́хъ: Же́злъ си́лы по́слетъ тѝ гдⷭ҇ь ѿ сїѡ́на, и҆ гдⷭ҇ьствꙋй посредѣ̀ врагѡ́въ твои́хъ. Сті́хъ: И҆з̾ чре́ва пре́жде денни́цы роди́хъ тѧ̀, клѧ́тсѧ гдⷭ҇ь, и҆ не раска́етсѧ. Прича́стенъ: Хвали́те гдⷭ҇а: А҆́ще прилꙋчи́тсѧ сꙋббѡ́та, и҆лѝ недѣ́лѧ, а҆пⷭ҇лъ къ гала́тѡмъ, зача́ло с҃з.

к҃є [є] Є҆́же по пло́ти ржⷭ҇тво̀ гдⷭ҇а бг҃а и҆ сп҃са на́шегѡ і҆и҃са хрⷭ҇та̀: На лїтꙋргі́и, а҆нтїфѡ́нъ а҃, ѱало́мъ р҃і, гла́съ в҃. Сті́хъ а҃: И҆сповѣ́мсѧ тебѣ̀ гдⷭ҇и, всѣ́мъ срⷣцемъ мои́мъ, повѣ́мъ всѧ̀ чꙋдеса̀ твоѧ̀. Мл҃твами бцⷣы, сп҃се, спасѝ на́съ. Сті́хъ в҃: Въ совѣ́тѣ пра́выхъ и҆ со́нмѣ, вє́лїѧ дѣла̀ гдⷭ҇нѧ. Мл҃твами бцⷣы, сп҃се, спасѝ на́съ. Сті́хъ г҃: И҆зы́скана во всѣ́хъ во́лѧхъ є҆гѡ̀. Мл҃твами бцⷣы сп҃се, спасѝ на́съ. Сті́хъ д҃: И҆сповѣ́данїе и҆ великолѣ́пїе дѣ́ло є҆гѡ̀, и҆ пра́вда є҆гѡ̀ пребыва́етъ во вѣ́къ вѣ́ка. Мл҃твами бцⷣы сп҃се, спасѝ на́съ. Та́же ѻ҆́ба ли́ка: Сла́ва, и҆ ны́нѣ: Мл҃твами бцⷣы сп҃се, спасѝ на́съ. А҆нтїфѡ́нъ в҃, ѱало́мъ ра҃і, гла́съ в҃. Сті́хъ а҃: Блаже́нъ мꙋ́жъ боѧ́йсѧ гдⷭ҇а, въ за́повѣдехъ є҆гѡ̀ восхо́щетъ ѕѣлѡ̀. Сп҃си́ ны сн҃е бж҃їй, рожде́йсѧ ѿ дв҃ы пою́щыѧ тѝ: А҆ллилꙋ́їа. Сті́хъ в҃: Си́льно на землѝ бꙋ́детъ сѣ́мѧ є҆гѡ̀, ро́дъ пра́выхъ благослови́тсѧ. Спаси́ ны сн҃е бж҃їй, рожде́йсѧ ѿ дв҃ы: Сті́хъ г҃: Сла́ва и҆ бога́тство въ домꙋ̀ є҆гѡ̀, и҆ пра́вда є҆гѡ̀ пребыва́етъ во вѣ́къ вѣ́ка. Спаси́ ны сн҃е бж҃їй, рожде́йсѧ ѿ дв҃ы: Сті́хъ д҃: Возсїѧ̀ во тмѣ̀ свѣ́тъ пра̑вымъ, млⷭ҇тивъ и҆ ще́дръ и҆ првⷣнъ. Спаси́ ны сн҃е бж҃їй, рожде́йсѧ ѿ дв҃ы: Та́же ѻ҆́ба ли́ка вкꙋ́пѣ: Сла́ва, и҆ ны́нѣ: Є҆диноро́дный сн҃е и҆ сло́ве бж҃їй: А҆нтїфѡ́нъ г҃, ѱало́мъ р҃ѳ, гла́съ д҃. Сті́хъ а҃: Речѐ гдⷭ҇ь гдⷭ҇ви моемꙋ̀: сѣдѝ (л. сл҃з ѡ҆б.) ѡ҆деснꙋ́ю менѐ. Тропа́рь: Ржⷭ҇тво̀ твоѐ хрⷭ҇тѐ бж҃е на́шъ, возсїѧ̀ мі́рови свѣ́тъ ра́зꙋма: въ не́мъ бо ѕвѣзда́мъ слꙋжа́щїи, ѕвѣздо́ю ᲂу҆ча́хꙋсѧ, тебѣ̀ кла́нѧтисѧ сл҃нцꙋ пра́вды, и҆ тебѐ вѣ́дѣти съ высоты̀ восто́ка: гдⷭ҇и сла́ва тебѣ̀. Сті́хъ: До́ндеже положꙋ̀ врагѝ твоѧ̀ подно́жїе но́гъ твои́хъ. Ржⷭ҇тво̀ твоѐ хрⷭ҇тѐ бж҃е на́шъ: Сті́хъ г҃: Же́злъ си́лы по́слетъ тѝ гдⷭ҇ь ѿ сїѡ́на, и҆ гдⷭ҇ьствꙋй посредѣ̀ врагѡ́въ твои́хъ. Ржⷭ҇тво̀ твоѐ хрⷭ҇тѐ бж҃е на́шъ: Сті́хъ д҃: Съ тобо́ю нача́ло въ де́нь си́лы твоеѧ̀, во свѣ́тлостехъ ст҃ы́хъ твои́хъ. Ржⷭ҇тво̀ твоѐ хрⷭ҇тѐ бж҃е на́шъ: Вхо́дное: И҆з̾ чре́ва пре́жде денни́цы роди́хъ тѧ̀, клѧ́тсѧ гдⷭ҇ь, и҆ не раска́етсѧ: ты̀ і҆ере́й во вѣ́къ по чи́нꙋ мелхїседе́ковꙋ. Тропа́рь: Ржⷭ҇тво̀ твоѐ хрⷭ҇тѐ бж҃е на́шъ: Сла́ва, и҆ ны́нѣ: Конда́къ, гла́съ г҃: Дв҃а дне́сь пресꙋ́щественнаго ражда́етъ, и҆ землѧ̀ верте́пъ непристꙋ́пномꙋ прино́ситъ: а҆́гг҃ли съ па́стырьми славосло́вѧтъ, волсви́ же со ѕвѣздо́ю пꙋтеше́ствꙋютъ. на́съ бо ра́ди роди́сѧ ѻ҆троча̀ мла́до, превѣ́чный бг҃ъ. Вмѣ́стѡ же трист҃а́гѡ: Є҆ли́цы во хрⷭ҇та̀ крести́стесѧ, во хрⷭ҇та̀ ѡ҆блеко́стесѧ. А҆ллилꙋ́їа. Прокі́менъ, гла́съ г҃: Всѧ̀ землѧ̀ да покло́нитсѧ тебѣ̀, и҆ пое́тъ тебѣ̀, да пое́тъ же и҆́мени твоемꙋ̀ вы́шнїй. Сті́хъ: Воскли́кните гдⷭ҇ви всѧ̀ землѧ̀, по́йте же и҆́мени є҆гѡ̀, дади́те сла́вꙋ хвалѣ̀ є҆гѡ̀. А҆пⷭ҇лъ къ гала́тѡмъ, зача́ло с҃ѳ. А҆ллилꙋ́їа, гла́съ а҃: Нб҃са̀ повѣ́даютъ сла́вꙋ бж҃їю, творе́нїе же рꙋкꙋ̀ є҆гѡ̀ возвѣща́етъ тве́рдь. Сті́хъ: Де́нь днѝ ѿрыга́етъ глаго́лъ, и҆ но́щь но́щи возвѣща́етъ ра́зꙋмъ. Прича́стенъ: И҆збавле́нїе посла̀ гдⷭ҇ь лю́демъ свои́мъ. А҆ллилꙋ́їа. Въ то́йже де́нь ве́чера, прокі́менъ вели́кїй, гла́съ з҃: Кто̀ бг҃ъ ве́лїй, ꙗ҆́кѡ бг҃ъ на́шъ: ты̀ є҆сѝ бг҃ъ творѧ́й чꙋдеса̀. Сті́хъ: Сказа́лъ є҆сѝ въ лю́дехъ си́лꙋ твою̀, и҆зба́вилъ є҆сѝ мы́шцею твое́ю лю́ди твоѧ̀. Сті́хъ: И҆ рѣ́хъ: ны́нѣ нача́хъ, сїѧ̀ и҆змѣ́на десни́цы вы́шнѧгѡ. Сті́хъ: Помѧнꙋ́хъ дѣла̀ гдⷭ҇нѧ, ꙗ҆́кѡ помѧнꙋ̀ ѿ нача́ла чꙋдеса̀ твоѧ̀. Та́же: Кто̀ бг҃ъ ве́лїй: А҆́ще ли є҆́сть сꙋббѡ́та, глаго́лемъ прокі́менъ: Гдⷭ҇ь воцр҃и́сѧ, въ лѣ́потꙋ ѡ҆блече́сѧ. Со стїхѝ є҆гѡ̀. (л. сл҃и)

к҃ѕ [д] Собо́ръ прест҃ы́ѧ бцⷣы: И҆ па́мѧть ст҃а́гѡ сщ҃енномꙋ́ченика є҆ѵѳѵ́мїа, є҆пі́скопа сарді́йскагѡ. Вхо́дное: Спаси́ ны сн҃е бж҃їй, рожде́йсѧ ѿ дв҃ы, пою́щыѧ тѝ: А҆ллилꙋ́їа. Си́це пое́мъ и҆ до ѿда́нїѧ. Прокі́менъ, гла́съ г҃, пѣ́снь бцⷣы: Вели́читъ дш҃а̀ моѧ̀ гдⷭ҇а, и҆ возра́довасѧ дх҃ъ мо́й ѡ҆ бз҃ѣ сп҃сѣ мое́мъ. Сті́хъ: Ꙗ҆́кѡ призрѣ̀ на смире́нїе рабы̀ своеѧ̀, се́ бо ѿ ны́нѣ ᲂу҆блажа́тъ мѧ̀ всѝ ро́ди. А҆пⷭ҇лъ ко є҆вре́ємъ, зача́ло т҃ѕ. А҆ллилꙋ́їа, гла́съ и҃: Воскрⷭ҇нѝ гдⷭ҇и, въ поко́й тво́й, ты̀ и҆ кївѡ́тъ ст҃ы́ни твоеѧ̀. Сті́хъ: Клѧ́тсѧ гдⷭ҇ь дв҃дꙋ и҆́стиною, и҆ не ѿве́ржетсѧ є҆ѧ̀. Прича́стный: И҆збавле́нїе посла̀ гдⷭ҇ь лю́демъ свои́мъ. А҆ллилꙋ́їа.

[зрѝ] Сꙋббѡ́та, по ржⷭ҇твѣ̀ хрⷭ҇то́вѣ. Прокі́менъ, гла́съ д҃: Помѧнꙋ̀ и҆́мѧ твоѐ во всѧ́комъ ро́дѣ и҆ ро́дѣ. Сті́хъ: Слы́ши дщѝ и҆ ви́ждь, и҆ приклонѝ ᲂу҆́хо твоѐ. А҆пⷭ҇лъ къ тїмоѳе́ю, зача́ло сп҃и. А҆ллилꙋ́їа, гла́съ и҃: Воскрⷭ҇нѝ гдⷭ҇и, въ поко́й тво́й, ты̀, и҆ кївѡ́тъ ст҃ы́ни твоеѧ̀. Сті́хъ: Клѧ́тсѧ гдⷭ҇ь дв҃дꙋ и҆́стиною, и҆ не ѿве́ржетсѧ є҆ѧ̀. Прича́стный: Ча́шꙋ спасе́нїѧ:

[зрѝ] Недѣ́лѧ по ржⷭ҇твѣ̀ хрⷭ҇то́вѣ: Прокі́менъ, гла́съ д҃: Ди́венъ бг҃ъ во ст҃ы́хъ свои́хъ, бг҃ъ і҆и҃левъ. Сті́хъ: Въ цр҃квахъ благослови́те бг҃а, гдⷭ҇а ѡ҆ и҆стѡ́чникъ і҆и҃левыхъ. А҆пⷭ҇лъ къ гала́тѡмъ, зача́ло с҃. А҆ллилꙋ́їа, гла́съ д҃: Помѧнѝ гдⷭ҇и дв҃да и҆ всю̀ кро́тость є҆гѡ̀. Прича́стный: Хвали́те гдⷭ҇а съ нб҃съ: Дрꙋгі́й: Ра́дꙋйтесѧ пра́веднїи ѡ҆ гдⷭ҇ѣ:

к҃з [г] Ст҃а́гѡ а҆пⷭ҇ла первомч҃нка и҆ а҆рхїдїа́кона стефа́на: И҆ прпⷣбнагѡ ѻ҆ц҃а̀ на́шегѡ и҆ и҆сповѣ́дника ѳео́дѡра начерта́ннагѡ, бра́та ѳеофа́на творца̀ канѡ́нѡвъ. Прокі́менъ пра́здника и҆ до ѿда́нїѧ, и҆ прича́стный. И҆ ст҃а́гѡ, гла́съ и҃: Во всю̀ зе́млю и҆зы́де вѣща́нїе и҆́хъ, и҆ въ концы̀ вселе́нныѧ глаго́лы и҆́хъ. Сті́хъ: Нб҃са̀ повѣ́даютъ сла́вꙋ бж҃їю, творе́нїе же рꙋкꙋ̀ є҆гѡ̀ возвѣща́етъ тве́рдь. А҆пⷭ҇лъ въ дѣѧ́нїихъ, зача́ло з҃і. А҆ллилꙋ́їа, гла́съ а҃: И҆сповѣ́дѧтъ нб҃са̀ чꙋдеса̀ твоѧ̀ гдⷭ҇и. Сті́хъ: Бг҃ъ прославлѧ́емь въ совѣ́тѣ ст҃ы́хъ. Прича́стный: Во всю̀ зе́млю:

к҃и [в] Ст҃ы́хъ мꙋ́чєникъ двꙋ̀ тмꙋ̀, въ нїкомиді́и сожже́нныхъ. Прокі́менъ, гла́съ є҃: Ты̀ гдⷭ҇и, сохрани́ши ны̀, и҆ соблюде́ши (л. сл҃и ѡ҆б.) ны̀ ѿ ро́да сегѡ̀ и҆ во вѣ́къ. Сті́хъ: Спаси́ мѧ гдⷭ҇и, ꙗ҆́кѡ ѡ҆скꙋдѣ̀ преподо́бный. А҆пⷭ҇лъ къ ри́млѧнѡмъ, зача́ло ч҃ѕ ѿ полꙋ̀. А҆ллилꙋ́їа, гла́съ д҃: Воскли́кните гдⷭ҇ви всѧ̀ землѧ̀: Прича́стный: Ра́дꙋйтесѧ пра́веднїи ѡ҆ гдⷭ҇ѣ:

к҃ѳ [а] Ст҃ы́хъ младе́нєцъ д҃і ты́сѧщъ, хрⷭ҇та̀ ра́ди и҆збїе́нныхъ ѿ и҆́рѡда въ виѳлее́мѣ: И҆ прпⷣбнагѡ ѻ҆ц҃а̀ на́шегѡ марке́лла, и҆гꙋ́мена ѻ҆би́тели неꙋсыпа́емыхъ. Прокі́менъ, гла́съ ѕ҃: Хвали́те ѻ҆́троцы гдⷭ҇а, хвали́те и҆́мѧ гдⷭ҇не. Сті́хъ: Вселѧ́ѧй непло́довь въ до́мъ, ма́терь ѡ҆ ча́дѣхъ веселѧ́щꙋсѧ. А҆пⷭ҇лъ къ корі́нѳѧнѡмъ, зача́ло р҃п. А҆ллилꙋ́їа, гла́съ є҃: Пролїѧ́ша кро́вь и҆́хъ ꙗ҆́кѡ во́дꙋ. Прича́стный: Ра́дꙋйтесѧ првⷣнїи ѡ҆ гдⷭ҇ѣ:

л҃ [з] Ст҃ы́ѧ мꙋ́ченицы а҆нѵ́сїи: И҆ ст҃а́гѡ мꙋ́ченика и҆ пресвѵ́тера зѡ́тїка, сиротокорми́телѧ.

л҃а [ѕ] Преподо́бныѧ ма́тере на́шеѧ мела́нїи ри́млѧныни: Въ то́йже де́нь ѿдае́тсѧ пра́здникъ хрⷭ҇то́ва ржⷭ҇тва̀. Прокі́менъ, а҆ллилꙋ́їа, и҆ прича́стенъ пра́здника. А҆пⷭ҇лъ днѐ.

Мѣ́сѧцъ і҆аннꙋа́рїй.

а҃ [є] Є҆́же по пло́ти ѡ҆брѣ́занїе гдⷭ҇а бг҃а и҆ сп҃са на́шегѡ і҆и҃са хрⷭ҇та̀: И҆ па́мѧть и҆́же во ст҃ы́хъ ѻ҆ц҃а̀ на́шегѡ васі́лїа вели́кагѡ. Прокі́менъ, гла́съ ѕ҃: Спасѝ гдⷭ҇и лю́ди твоѧ̀, и҆ бл҃гословѝ достоѧ́нїе твоѐ. Сті́хъ: Къ тебѣ̀ гдⷭ҇и воззовꙋ̀, бж҃е мо́й, да не премолчи́ши ѿ менѐ. И҆ ст҃а́гѡ, гла́съ а҃: Оу҆ста̀ моѧ̀ возглаго́лютъ премꙋ́дрость, и҆ поꙋче́нїе се́рдца моегѡ̀ ра́зꙋмъ. А҆пⷭ҇лъ къ колосса́ємъ, зача́ло сн҃д. И҆ ст҃а́гѡ, къ є҆вре́ємъ, зача́ло ти҃і. А҆ллилꙋ́їа, гла́съ и҃: Пасы́й і҆и҃лѧ вонмѝ, наставлѧ́ѧй ꙗ҆́кѡ ѻ҆вча̀ і҆ѡ́сифа. Сті́хъ: Оу҆ста̀ пра́веднагѡ поꙋча́тсѧ премꙋ́дрости, и҆ ѧ҆зы́къ є҆гѡ̀ возглаго́летъ сꙋ́дъ. Прича́стный: Хвали́те гдⷭ҇а съ небе́съ: Дрꙋгі́й: Въ па́мѧть вѣ́чнꙋю бꙋ́детъ пра́ведникъ:

[зрѝ] Сꙋббѡ́та пред̾ просвѣще́нїемъ. Прокі́менъ днѐ. (л. сл҃ѳ) А҆пⷭ҇лъ къ тїмоѳе́ю, зача́ло сп҃д.

[зрѝ] Недѣ́лѧ пред̾ просвѣще́нїемъ. Прокі́менъ, гла́съ ѕ҃: Спасѝ гдⷭ҇и лю́ди твоѧ̀, и҆ бл҃гословѝ достоѧ́нїе твоѐ. Сті́хъ: Къ тебѣ̀ гдⷭ҇и воззовꙋ̀, бж҃е мо́й, да не премолчи́ши ѿ менѐ. А҆пⷭ҇лъ къ тїмоѳе́ю, зача́ло сч҃и. А҆ллилꙋ́їа, гла́съ и҃: Бж҃е, ᲂу҆ще́дри ны̀ и҆ бл҃гослови́ ны, просвѣтѝ лицѐ твоѐ на ны̀, и҆ поми́лꙋй ны̀. Прича́стный: Хвали́те гдⷭ҇а съ небе́съ:

в҃ [д] Предпра́зднство просвѣще́нїѧ: И҆ па́мѧть и҆́же во ст҃ы́хъ ѻ҆ц҃а̀ на́шегѡ сїльве́стра, па́пы ри́мскагѡ. Слꙋ́жба деке́мврїа, въ к҃а де́нь.

г҃ [г] Предпра́зднство просвѣще́нїѧ: И҆ ст҃а́гѡ проро́ка малахі́и: И҆ ст҃а́гѡ мꙋ́ченика горді́а. Прокі́менъ, гла́съ з҃: Возвесели́тсѧ пра́ведникъ ѡ҆ гдⷭ҇ѣ, и҆ ᲂу҆пова́етъ на него̀: Сті́хъ: Оу҆слы́ши бж҃е гла́съ мо́й, внегда̀ моли́ти ми сѧ къ тебѣ̀. А҆пⷭ҇лъ къ тїмоѳе́ю, зача́ло сч҃в. А҆ллилꙋ́їа, гла́съ д҃: Пра́ведникъ ꙗ҆́кѡ фі́нїѯъ процвѣте́тъ: Прича́стный: Въ па́мѧть вѣ́чнꙋю:

д҃ [в] Предпра́зднство просвѣще́нїѧ: И҆ собо́ръ ст҃ы́хъ седми́десѧти а҆пⷭ҇лъ: И҆ преподо́бнагѡ ѻ҆ц҃а̀ на́шегѡ ѳеокті́ста и҆гꙋ́мена, и҆́же въ кꙋкꙋ́мѣ сїкелі́йстѣмъ. Прокі́менъ, гла́съ и҃: Во всю̀ зе́млю и҆зы́де вѣща́нїе и҆́хъ, и҆ въ концы̀ вселе́нныѧ глаго́лы и҆́хъ. Сті́хъ: Небеса̀ повѣ́даютъ сла́вꙋ бж҃їю, творе́нїе же рꙋкꙋ̀ є҆гѡ̀ возвѣща́етъ тве́рдь. А҆пⷭ҇лъ къ ри́млѧнѡмъ, зача́ло ч҃ѕ. А҆ллилꙋ́їа, гла́съ а҃: И҆сповѣ́дѧтъ небеса̀ чꙋдеса̀ твоѧ̀ гдⷭ҇и, и҆́бо и҆́стинꙋ твою̀ въ це́ркви ст҃ы́хъ. Сті́хъ: Бг҃ъ прославлѧ́емь въ совѣ́тѣ ст҃ы́хъ: Прича́стный: Во всю̀ зе́млю:

є҃ [а] Предпра́зднство просвѣще́нїѧ: И҆ ст҃ы́хъ мч҃нкъ, ѳеопе́мпта и҆ ѳеѡ́ны: И҆ преподо́бныѧ сѷгклитїкі́и.

Въ на́вечерїи просвѣще́нїѧ:

На а҃-мъ часѣ̀, а҆пⷭ҇лъ въ дѣѧ́нїихъ, зача́ло л҃г.

На г҃-мъ часѣ̀, а҆пⷭ҇лъ въ дѣѧ́нїихъ, зача́ло м҃в.

На ѕ҃-мъ часѣ̀, а҆пⷭ҇лъ къ ри́млѧнѡмъ, зача́ло ч҃а.

На ѳ҃-мъ часѣ̀, а҆пⷭ҇лъ къ ті́тꙋ, зача́ло т҃в.

На лїтꙋргі́и прокі́менъ, гла́съ г҃: Гдⷭ҇ь просвѣще́нїе моѐ и҆ сп҃си́тель мо́й, когѡ̀ ᲂу҆бою́сѧ; Сті́хъ: Гдⷭ҇ь защи́титель (л. сл҃ѳ ѡ҆б.) живота̀ моегѡ̀, ѿ когѡ̀ ᲂу҆страшꙋ́сѧ; А҆пⷭ҇лъ къ корі́нѳѧнѡмъ, зача́ло рм҃г. А҆́ще ли нѣ́сть по́стъ, начина́емъ є҆го̀ ѿ полꙋ̀. А҆ллилꙋ́їа, гла́съ ѕ҃: Ѿры́гнꙋ се́рдце моѐ сло́во бла́го, глаго́лю а҆́зъ дѣла̀ моѧ̀ цр҃е́ви. Сті́хъ: Красе́нъ добро́тою па́че сынѡ́въ человѣ́ческихъ. Прича́стный: Хвали́те гдⷭ҇а съ небе́съ: На ѡ҆свѧще́нїе воды̀, прокі́менъ, и҆ сті́хъ то́йжде. А҆пⷭ҇лъ къ корі́нѳѧнѡмъ, зача́ло рм҃г, ѿ полꙋ̀. А҆ллилꙋ́їа, гла́съ д҃: Гла́съ гдⷭ҇нь на вода́хъ: бг҃ъ сла́вы возгремѣ̀, гдⷭ҇ь на вода́хъ мно́гихъ.

ѕ҃ [з] Ст҃о́е бг҃оѧвле́нїе гдⷭ҇а бг҃а и҆ сп҃са на́шегѡ і҆и҃са хрⷭ҇та̀. На лїтꙋргі́и, А҆нтїфѡ́нъ а҃, ѱало́мъ рг҃і, гла́съ а҃. Сті́хъ а҃: Во и҆схо́дѣ і҆и҃левѣ ѿ є҆гѵ́пта, до́мꙋ і҆а́кѡвлѧ и҆з̾ люде́й ва̑рваръ. Мл҃твами бцⷣы сп҃се, спасѝ на́съ. И҆ дрꙋгі́й ли́къ, Сті́хъ в҃: Бы́сть і҆ꙋде́а ст҃ы́нѧ є҆гѡ̀, і҆и҃ль ѻ҆́бласть є҆гѡ̀. Мл҃твами бцⷣы сп҃се, спасѝ на́съ. Сті́хъ г҃: Мо́ре ви́дѣ и҆ побѣжѐ, і҆ѻрда́нъ возврати́сѧ вспѧ́ть. Мл҃твами бцⷣы сп҃се, спасѝ на́съ. Сті́хъ д҃: Что́ ти є҆́сть мо́ре, ꙗ҆́кѡ побѣ́гло є҆сѝ; и҆ тебѣ̀ і҆ѻрда́не, ꙗ҆́кѡ возврати́лсѧ є҆сѝ вспѧ́ть; Мл҃твами бцⷣы сп҃се, спасѝ на́съ. Сла́ва, и҆ ны́нѣ: Мл҃твами бцⷣы сп҃се, спасѝ на́съ. А҆нтїфѡ́нъ в҃, ѱало́мъ рд҃і, гла́съ в҃. Сті́хъ а҃: Возлюби́хъ, ꙗ҆́кѡ ᲂу҆слы́шитъ гдⷭ҇ь гла́съ моле́нїѧ моегѡ̀. Сп҃си́ ны сн҃е бж҃їй, во і҆ѻрда́нѣ крести́выйсѧ, пою́щыѧ тѝ: А҆ллилꙋ́їа. Сті́хъ в҃: Ꙗ҆́кѡ приклонѝ ᲂу҆́хо своѐ мнѣ̀, и҆ во днѝ моѧ̀ призовꙋ̀. Спаси́ ны сн҃е бж҃їй: Сті́хъ г҃: Ѡ҆б̾ѧ́ша мѧ̀ болѣ̑зни смє́ртныѧ, бѣды̀ а҆́довы ѡ҆брѣто́ша мѧ̀: ско́рбь и҆ болѣ́знь ѡ҆брѣто́хъ, и҆ и҆́мѧ гдⷭ҇не призва́хъ. Сп҃си́ ны сн҃е бж҃їй: Сті́хъ д҃: Ми́лостивъ гдⷭ҇ь и҆ пра́веденъ, и҆ бг҃ъ на́шъ ми́лꙋетъ. Спаси́ ны сн҃е бж҃їй: Сла́ва, и҆ ны́нѣ: Є҆диноро́дный сн҃е и҆ сло́ве бж҃їй: А҆нтїфѡ́нъ г҃, ѱало́мъ рз҃і, гла́съ а҃. Сті́хъ а҃: И҆сповѣ́дайтесѧ гдⷭ҇ви, ꙗ҆́кѡ бл҃гъ, ꙗ҆́кѡ въ вѣ́къ ми́лость є҆гѡ̀. Тропа́рь: Во і҆ѻрда́нѣ креща́ющꙋсѧ тебѣ̀ гдⷭ҇и, трⷪ҇ческое ꙗ҆ви́сѧ поклоне́нїе, роди́телевъ бо гла́съ свидѣ́тельствоваше тебѣ̀, возлю́бленнаго тѧ̀ сн҃а и҆менꙋ́ѧ: и҆ дх҃ъ въ ви́дѣ голꙋби́нѣ, и҆звѣ́ствоваше (л. с҃м) словесѐ ᲂу҆твержде́нїе. ꙗ҆вле́йсѧ хрⷭ҇тѐ бж҃е, и҆ мі́ръ просвѣще́й, сла́ва. тебѣ̀. Сті́хъ в҃: Да рече́тъ ᲂу҆́бѡ до́мъ і҆и҃левъ, ꙗ҆́кѡ бл҃гъ, ꙗ҆́кѡ въ вѣ́къ ми́лость є҆гѡ̀. Во і҆ѻрда́нѣ креща́ющꙋсѧ тебѣ̀ гдⷭ҇и: Сті́хъ г҃: Да рече́тъ ᲂу҆́бѡ до́мъ а҆арѡ́нь, ꙗ҆́кѡ бл҃гъ, ꙗ҆́кѡ въ вѣ́къ ми́лость є҆гѡ̀. Во і҆ѻрда́нѣ креща́ющꙋсѧ тебѣ̀ гдⷭ҇и: Сті́хъ д҃: Да рекꙋ́тъ ᲂу҆́бѡ всѝ боѧ́щїисѧ гдⷭ҇а, ꙗ҆́кѡ бл҃гъ, ꙗ҆́кѡ въ вѣ́къ ми́лость є҆гѡ̀. Во і҆ѻрда́нѣ креща́ющꙋсѧ тебѣ̀ гдⷭ҇и: Вхо́дное: Блгⷭ҇ве́нъ грѧды́й во и҆́мѧ гдⷭ҇не, бл҃гослови́хомъ вы̀ и҆з̾ до́мꙋ гдⷭ҇нѧ, бг҃ъ гдⷭ҇ь и҆ ꙗ҆ви́сѧ на́мъ. Тропа́рь: Во і҆ѻрда́нѣ креща́ющꙋсѧ тебѣ̀ гдⷭ҇и: Сла́ва, и҆ ны́нѣ: Конда́къ, гла́съ д҃: Ꙗ҆ви́лсѧ є҆сѝ дне́сь вселе́ннѣй, и҆ свѣ́тъ тво́й гдⷭ҇и зна́менасѧ на на́съ, въ ра́зꙋмѣ пою́щихъ тѧ̀: прише́лъ є҆сѝ и҆ ꙗ҆ви́лсѧ є҆сѝ свѣ́тъ непристꙋ́пный. Вмѣ́стѡ же трист҃а́гѡ: Є҆ли́цы во хрⷭ҇та̀ крести́стесѧ, во хрⷭ҇та̀ ѡ҆блеко́стесѧ. А҆ллилꙋ́їа. Прокі́менъ, гла́съ д҃: Бл҃гослове́нъ грѧды́й во и҆́мѧ гдⷭ҇не, бг҃ъ гдⷭ҇ь и҆ ꙗ҆ви́сѧ на́мъ. Сті́хъ: И҆сповѣ́дайтесѧ гдⷭ҇ви, ꙗ҆́кѡ бл҃гъ, ꙗ҆́кѡ въ вѣ́къ ми́лость є҆гѡ̀. А҆пⷭ҇лъ къ ті́тꙋ, зача́ло т҃в. А҆ллилꙋ́їа, гла́съ д҃: Принеси́те гдⷭ҇ви сы́нове бж҃їи, принеси́те гдⷭ҇ви сы́ны ѻ҆́вни. Сті́хъ: Гла́съ гдⷭ҇нь на вода́хъ, бг҃ъ сла́вы возгремѣ̀, гдⷭ҇ь на вода́хъ мно́гихъ. Прича́стный: Ꙗ҆ви́сѧ бл҃года́ть бж҃їѧ спаси́тельнаѧ всѣ́мъ человѣ́кѡмъ. А҆ллилꙋ́їа. Въ то́йже де́нь ве́чера, прокі́менъ вели́кїй, гла́съ з҃: Бг҃ъ на́шъ на нб҃сѝ и҆ на землѝ, всѧ̀ є҆ли̑ка восхотѣ̀ сотворѝ. Сті́хъ: Въ и҆схо́дѣ і҆и҃левѣ ѿ є҆гѵ́пта, до́мꙋ і҆а́кѡвлѧ и҆з̾ люде́й ва̑рваръ. Сті́хъ: Мо́ре ви́дѣ и҆ побѣжѐ, і҆ѻрда́нъ возврати́сѧ вспѧ́ть. Сті́хъ: Что́ ти є҆́сть мо́ре, ꙗ҆́кѡ побѣ́гло є҆сѝ; и҆ тебѣ̀ і҆ѻрда́не, ꙗ҆́кѡ возврати́лсѧ є҆сѝ вспѧ́ть; И҆ па́ки: Бг҃ъ на́шъ на небесѝ и҆ на землѝ:

з҃ [ѕ] Собо́ръ ст҃а́гѡ сла́внагѡ проро́ка предте́чи и҆ крⷭ҇ти́телѧ гдⷭ҇нѧ і҆ѡа́нна. Вхо́дное: Спаси́ ны сн҃е бж҃їй во і҆ѻрда́нѣ крести́выйсѧ пою́щыѧ тѝ: А҆ллилꙋ́їа. Си́це пое́мъ и҆ до ѿда́нїѧ. Прокі́менъ, гла́съ з҃: Возвесели́тсѧ пра́ведникъ ѡ҆ гдⷭ҇ѣ, и҆ ᲂу҆пова́етъ на него̀. Сті́хъ: Оу҆слы́ши бж҃е гла́съ мо́й, внегда̀ моли́ти ми сѧ (л. с҃м ѡ҆б.) тебѣ̀. А҆пⷭ҇лъ въ дѣѧ́нїихъ, зача́ло м҃в. А҆ллилꙋ́їа, гла́съ є҃: Свѣ́тъ возсїѧ̀ пра́ведникꙋ, и҆ пра̑вымъ се́рдцемъ весе́лїе. Сті́хъ: Весели́тесѧ пра́ведникꙋ, ѡ҆ гдⷭ҇ѣ, и҆ и҆сповѣ́дайте па́мѧть ст҃ы́ни є҆гѡ̀. Прича́стенъ: Ꙗ҆ви́сѧ бл҃года́ть бж҃їѧ: Дрꙋгі́й: Въ па́мѧть вѣ́чнꙋю:

[зрѝ] Сꙋббѡ́та по просвѣще́нїи. Прокі́менъ, а҆ллилꙋ́їа, и҆ прича́стенъ пра́здникꙋ. А҆пⷭ҇лъ ко є҆фесе́ємъ, зача́ло сл҃г.

[зрѝ] Недѣ́лѧ по просвѣще́нїи. Прокі́менъ, гла́съ а҃: Бꙋ́ди гдⷭ҇и, ми́лость твоѧ̀ на на́съ, ꙗ҆́коже ᲂу҆пова́хомъ на тѧ̀. Сті́хъ: Ра́дꙋйтесѧ првⷣнїи ѡ҆ гдⷭ҇ѣ, пра̑вымъ подоба́етъ похвала̀. А҆пⷭ҇лъ ко є҆фесе́ємъ, зача́ло ск҃д ѿ полꙋ̀. А҆ллилꙋ́їа, гла́съ є҃: Млⷭ҇ти твоѧ̀ гдⷭ҇и, во вѣ́къ воспою̀, въ ро́дъ и҆ ро́дъ возвѣщꙋ̀ и҆́стинꙋ твою̀ ᲂу҆сты̀ мои́ми. Сті́хъ: Занѐ ре́хъ є҆сѝ: въ вѣ́къ млⷭ҇ть сози́ждетсѧ, на нб҃сѣ́хъ ᲂу҆гото́витсѧ и҆́стина твоѧ̀. Прича́стный: Ꙗ҆ви́сѧ благода́ть бж҃їѧ: Дрꙋгі́й: Хвали́те гдⷭ҇а съ нб҃съ:

и҃ [є] Преподо́бнагѡ ѻ҆ц҃а̀ на́шегѡ геѡ́ргїа хозеві́та: И҆ прпⷣбныѧ ма́тере на́шеѧ домні́ки: И҆ є҆мїлїа́на и҆сповѣ́дника.

ѳ҃ [д] Ст҃а́гѡ мꙋ́ченика полѷе́ѵкта. И҆ и҆́же во ст҃ы́хъ ѻ҆ц҃а̀ на́шегѡ фїлі́ппа, митрополі́та моско́вскагѡ и҆ всеѧ̀ рѡссі́и чꙋдотво́рца. Слꙋ́жба деке́мврїа въ к҃а де́нь. А҆пⷭ҇лъ ко є҆вре́ємъ, зача́ло тл҃є.

і҃ [г] И҆́же во ст҃ы́хъ ѻ҆ц҃а̀ на́шегѡ григо́рїа, є҆пⷭ҇кпа нѷссі́йскагѡ: И҆ преподо́бнагѡ дометїа́на, є҆пⷭ҇кпа мелїті́йскагѡ: И҆ прпⷣбнагѡ маркїа́на, пресвѵ́тера и҆ і҆коно́ма вели́кїѧ цр҃кве: Преподо́бнагѡ ѻ҆ц҃а̀ на́шегѡ па́ѵла ѡ҆бно́рскагѡ. Прокі́менъ, григо́рїю, гла́съ з҃: Честна̀ пред̾ гдⷭ҇емъ сме́рть преподо́бныхъ є҆гѡ̀. Сті́хъ: Что̀ возда́мъ гдⷭ҇еви ѡ҆ всѣ́хъ, ꙗ҆̀же воздаде́ ми; А҆пⷭ҇лъ къ корі́нѳѧнѡмъ, зача́ло рн҃а. А҆ллилꙋ́їа, гла́съ в҃: Сщ҃е́нницы твоѝ ѡ҆блекꙋ́тсѧ въ пра́вдꙋ, и҆ преподо́бнїи твоѝ возра́дꙋютсѧ. Сті́хъ: Бл҃же́нъ мꙋ́жъ боѧ́йсѧ гдⷭ҇а: Прича́стный: Въ па́мѧть вѣ́чнꙋю: Преподо́бномꙋ па́ѵлꙋ слꙋ́жба ное́мврїа въ д҃ де́нь.

а҃і [в] Прпⷣбнагѡ и҆ бг҃оно́снагѡ ѻ҆ц҃а̀ на́шегѡ ѳеодо́сїа, ѻ҆бщежи́тїи нача́льника: Прокі́менъ, гла́съ з҃: Честна̀ пред̾ гдⷭ҇емъ сме́рть (л. см҃а) прпⷣбныхъ є҆гѡ̀. Сті́хъ: Что̀ возда́мъ гдⷭ҇ви ѡ҆ всѣ́хъ, ꙗ҆̀же воздаде́ ми; А҆пⷭ҇лъ къ корі́нѳѧнѡмъ, зача́ло рѻ҃ѕ. А҆ллилꙋ́їа, гла́съ ѕ҃: Бл҃же́нъ мꙋ́жъ боѧ́йсѧ гдⷭ҇а: Сті́хъ: Си́льно на землѝ бꙋ́детъ сѣ́мѧ є҆гѡ̀. Прича́стный: Въ па́мѧть вѣ́чнꙋю: И҆ прпⷣбнагѡ ѻ҆ц҃а̀ на́шегѡ мїхаи́ла кло́пскагѡ, новогоро́дскагѡ чꙋдотво́рца. Прокі́менъ, а҆ллилꙋ́їа, и҆ прича́стный, пи́санъ вы́ше ѳеодо́сїю. А҆пⷭ҇лъ къ корі́нѳѧнѡмъ, зача́ло рл҃а.

в҃і [а] Ст҃ы́ѧ мꙋ́ченицы татїа́ны. И҆ и҆́же во ст҃ы́хъ ѻ҆ц҃а̀ на́шегѡ са́ввы, а҆рхїепі́скопа се́рбскагѡ. Слꙋ́жба сегѡ̀ мцⷭ҇а въ і҃ де́нь. А҆пⷭ҇лъ ко є҆вре́ємъ, зача́ло ти҃і.

г҃і [з] Ст҃ы́хъ мꙋ́чєникъ, є҆рмѵ́ла и҆ стратоні́ка.

д҃і [ѕ] Преподо́бныхъ ѻ҆ц҃ъ на́шихъ, въ сїна́и и҆ раі́ѳѣ и҆збїе́нныхъ. Прокі́менъ, гла́съ з҃: Честна̀ пред̾ гдⷭ҇емъ сме́рть прпⷣбныхъ є҆гѡ̀. Сті́хъ: Что̀ возда́мъ гдⷭ҇ви ѡ҆ всѣ́хъ, ꙗ҆̀же воздаде́ ми; А҆пⷭ҇лъ къ ри́млѧнѡмъ, зача́ло ч҃ѳ. А҆ллилꙋ́їа, гла́съ д҃: Воззва́ша пра́веднїи, и҆ гдⷭ҇ь ᲂу҆слы́ша и҆̀хъ: Прича́стный: Ра́дꙋйтесѧ: И҆ па́мѧть преставле́нїѧ ст҃ы́ѧ равноапⷭ҇льныѧ ні́ны: Въ сі́й де́нь ѿдае́тсѧ пра́здникъ бг҃оѧвле́нїѧ.

є҃і [є] Прпⷣбныхъ ѻ҆ц҃ъ на́шихъ, па́ѵла ѳиве́йскагѡ и҆ і҆ѡа́нна кꙋ́щника. Прокі́менъ, гла́съ и҃: Восхва́лѧтсѧ преподо́бнїи во сла́вѣ, и҆ возра́дꙋютсѧ на ло́жахъ свои́хъ. Сті́хъ: Воспо́йте гдⷭ҇ви пѣ́снь но́вꙋ: А҆пⷭ҇лъ къ гала́тѡмъ, зача́ло сг҃і. А҆ллилꙋ́їа, гла́съ ѕ҃: Бл҃же́нъ мꙋ́жъ боѧ́йсѧ гдⷭ҇а: Сті́хъ: Си́льно на землѝ бꙋ́детъ сѣ́мѧ є҆гѡ̀. Прича́стный: Въ па́мѧть вѣ́чнꙋю:

ѕ҃і [д] Поклоне́нїе честны́хъ вери́гъ ст҃а́гѡ всехва́льнагѡ а҆пⷭ҇ла петра̀. Прокі́менъ, гла́съ и҃: Во всю̀ зе́млю и҆зы́де вѣща́нїе и҆́хъ, и҆ въ концы̀ вселе́нныѧ глаго́лы и҆́хъ. Сті́хъ: Нб҃са̀ повѣ́даютъ сла́вꙋ бж҃їю: А҆пⷭ҇лъ въ дѣѧ́нїихъ, зача́ло к҃ѳ. А҆ллилꙋ́їа, гла́съ а҃: И҆сповѣ́дѧтъ нб҃са̀ чꙋдеса̀ твоѧ̀ гдⷭ҇и. Прича́стный: Во всю̀ зе́млю:

з҃і [г] Преподо́бнагѡ и҆ бг҃оно́снагѡ ѻ҆ц҃а̀ на́шегѡ а҆нтѡ́нїа вели́кагѡ. Прокі́менъ, гла́съ з҃: Честна̀ пред̾ гдⷭ҇емъ: Сті́хъ: Что̀ возда́мъ гдⷭ҇ви ѡ҆ всѣ́хъ: А҆пⷭ҇лъ ко є҆вре́ємъ, зача́ло тл҃є. А҆ллилꙋ́їа, (л. см҃а ѡ҆б.) гла́съ ѕ҃: Бл҃же́нъ мꙋ́жъ боѧ́йсѧ гдⷭ҇а: Сті́хъ: Си́льно на землѝ бꙋ́детъ сѣ́мѧ є҆гѡ̀. Прича́стный: Въ па́мѧть вѣ́чнꙋю:

и҃і [в] И҆̀же во ст҃ы́хъ ѻ҆ц҃ъ на́шихъ а҆рхїепⷭ҇кпѡвъ а҆леѯандрі́йскихъ, а҆ѳана́сїа вели́кагѡ и҆ кѷрі́лла. Прокі́менъ, гла́съ и҃: Восхва́лѧтсѧ прпⷣбнїи во сла́вѣ, и҆ возра́дꙋютсѧ на ло́жахъ свои́хъ. Сті́хъ: Воспо́йте гдⷭ҇ви пѣ́снь но́вꙋ, хвале́нїе є҆гѡ̀ въ цр҃кви преподо́бныхъ. А҆пⷭ҇лъ ко є҆вре́ємъ, зача́ло тл҃д. А҆ллилꙋ́їа, гла́съ в҃: Сщ҃е́нницы твоѝ ѡ҆блекꙋ́тсѧ въ пра́вдꙋ, и҆ прпⷣбнїи твоѝ возра́дꙋютсѧ. Прича́стный: Ра́дꙋйтесѧ пра́веднїи ѡ҆ гдⷭ҇ѣ:

ѳ҃і [а] Преподо́бнагѡ ѻ҆ц҃а̀ на́шегѡ мака́рїа є҆гѵ́птѧнина. Слꙋ́жба сегѡ̀ мцⷭ҇а въ з҃і де́нь. И҆ ѡ҆брѣ́тенїе чⷭ҇тны́хъ моще́й прпⷣбнагѡ са́ввы стороже́вскагѡ.

к҃ [з] Преподо́бнагѡ и҆ бг҃оно́снагѡ ѻ҆ц҃а̀ на́шегѡ є҆ѵѳѵ́мїа вели́кагѡ. Слꙋ́жба сегѡ̀ мцⷭ҇а въ з҃і де́нь.

к҃а [ѕ] Преподо́бнагѡ ѻ҆ц҃а̀ на́шегѡ маѯі́ма и҆сповѣ́дника: И҆ ст҃а́гѡ мꙋ́ченика неофѵ́та: И҆ ст҃ы́хъ мч҃нкѡвъ, є҆ѵге́нїа, кані́дїа, ᲂу҆алерїа́на и҆ а҆кѵ́лы. Слꙋ́жба деке́мврїа въ і҃ де́нь. А҆пⷭ҇лъ ко є҆вре́ємъ, зача́ло т҃л.

к҃в [є] Ст҃а́гѡ а҆пⷭ҇ла тїмоѳе́а: И҆ ст҃а́гѡ прпⷣбномч҃нка а҆наста́сїа пе́рсскагѡ. Прокі́менъ, гла́съ и҃: Во всю̀ зе́млю и҆зы́де вѣща́нїе и҆́хъ, и҆ въ концы̀ вселе́нныѧ глаго́лы и҆́хъ. Сті́хъ: Нб҃са̀ повѣ́даютъ сла́вꙋ бж҃їю, творе́нїе же рꙋкꙋ̀ є҆гѡ̀ возвѣща́етъ тве́рдь. А҆пⷭ҇лъ къ тїмоѳе́ю, зача́ло с҃ч, ѿ полꙋ̀. А҆ллилꙋ́їа, гла́съ а҃: И҆сповѣ́дѧтъ нб҃са̀ чꙋдеса̀ твоѧ̀ гдⷭ҇и. Сті́хъ: Бг҃ъ прославлѧ́емь въ совѣ́тѣ ст҃ы́хъ. Прича́стный: Во всю̀ зе́млю и҆зы́де вѣща́нїе и҆́хъ.

к҃г [д] Ст҃а́гѡ сщ҃енномч҃нка кли́мента, є҆пⷭ҇кпа а҆гкѵ́рскагѡ: И҆ ст҃а́гѡ мꙋ́ченика а҆гаѳагге́ла. Слꙋ́жба всѧ̀ септе́мврїа въ г҃ де́нь.

к҃д [г] Преподо́бныѧ ма́тере на́шеѧ ѯе́нїи ри́млѧныни.

к҃є [в] И҆́же во ст҃ы́хъ ѻ҆ц҃а̀ на́шегѡ григо́рїа бг҃осло́ва, а҆рхїепⷭ҇кпа кѡнстанті́нѧ гра́да. Прокі́менъ, гла́съ а҃: Оу҆ста̀ моѧ̀ возглаго́лютъ премꙋ́дрость, и҆ поꙋче́нїе се́рдца моегѡ̀ ра́зꙋмъ. Сті́хъ: Оу҆слы́шите сїѧ̑ всѝ ꙗ҆зы́цы: А҆пⷭ҇лъ къ корі́нѳѧнѡмъ, (л. см҃в) зача́ло рн҃а. А҆ллилꙋ́їа, гла́съ в҃: Внемли́те лю́дїе моѝ зако́нꙋ моемꙋ̀, приклони́те ᲂу҆́хо ва́ше во глаго́лы ᲂу҆́стъ мои́хъ. Прича́стный: Въ па́мѧть вѣ́чнꙋю:

к҃ѕ [а] Преподо́бнагѡ ѻ҆ц҃а̀ на́шегѡ ѯенофѡ́нта, и҆ дрꙋжи́ны є҆гѡ̀.

к҃з [з] Пренесе́нїе честны́хъ моще́й, во ст҃ы́хъ ѻ҆ц҃а̀ на́шегѡ і҆ѡа́нна златоꙋ́стагѡ, патрїа́рха цр҃ѧ̀ гра́да. Прокі́менъ, гла́са а҃: Оу҆ста̀ моѧ̀ возглаго́лютъ премꙋ́дрость, и҆ поꙋче́нїе се́рдца моегѡ̀ ра́зꙋмъ. Сті́хъ: Оу҆слы́шите сїѧ̑ всѝ ꙗ҆зы́цы, внꙋши́те всѝ живꙋ́щїи по вселе́ннѣй. А҆пⷭ҇лъ ко є҆вре́ємъ, зача́ло ти҃і. А҆ллилꙋ́їа, гла́съ в҃: Оу҆ста̀ првⷣнагѡ поꙋча́тсѧ премꙋ́дрости, и҆ ѧ҆зы́къ є҆гѡ̀ возглаго́летъ сꙋ́дъ. Сті́хъ: Зако́нъ бг҃а є҆гѡ̀ въ се́рдцѣ є҆гѡ̀, и҆ не за́пнꙋтсѧ стѡпы̀ є҆гѡ̀. Прича́стный: Въ па́мѧть вѣ́чнꙋю бꙋ́детъ пра́ведникъ:

к҃и [ѕ] Преподо́бнагѡ ѻ҆ц҃а̀ на́шегѡ є҆фре́ма сѵ́рина: Слꙋ́жба сегѡ̀ мцⷭ҇а въ з҃і де́нь. А҆пⷭ҇лъ къ гала́тѡмъ, зача́ло сг҃і. Въ то́йже де́нь па́мѧть прпⷣбнагѡ ѻ҆ц҃а̀ на́шегѡ ѳеодо́сїа, то́темскагѡ спасосꙋмо́рина монастырѧ̀ нача́льника и҆ ѡ҆снова́телѧ, новоѧвле́ннагѡ чꙋдотво́рца. А҆пⷭ҇лъ, зача́ло сг҃і.

к҃ѳ [є] Пренесе́нїе моще́й ст҃а́гѡ сщ҃енномч҃нка і҆гна́тїа бг҃оно́сца. Прокі́менъ, гла́съ з҃: Возвесели́тсѧ првⷣникъ ѡ҆ гдⷭ҇ѣ, и҆ ᲂу҆пова́етъ на него̀. Сті́хъ: Оу҆слы́ши бж҃е, гла́съ мо́й, внегда̀ моли́ти ми сѧ къ тебѣ̀. А҆пⷭ҇лъ ко є҆вре́ємъ, зача́ло та҃і. А҆ллилꙋ́їа, гла́съ д҃: Првⷣникъ ꙗ҆́кѡ фі́нїѯъ процвѣте́тъ: Прича́стный: Въ па́мѧть вѣ́чнꙋю:

л҃ [д] Ст҃а́гѡ сщ҃енномꙋ́ченика і҆пполѵ́та, па́пы ри́мскагѡ. И҆ и҆̀же во ст҃ы́хъ ѻ҆ц҃ъ на́шихъ трїе́хъ ст҃и́телей, васі́лїа вели́кагѡ, григо́рїа бг҃осло́ва и҆ і҆ѡа́нна златоꙋ́стагѡ. Прокі́менъ, гла́съ и҃: Во всю̀ зе́млю и҆зы́де вѣща́нїе и҆́хъ, и҆ въ концы̀ вселе́нныѧ глаго́лы и҆́хъ. Сті́хъ: Нб҃са̀ повѣ́даютъ сла́вꙋ бж҃їю, творе́нїе же рꙋкꙋ̀ є҆гѡ̀ возвѣща́етъ тве́рдь. А҆пⷭ҇лъ ко є҆вре́ємъ, зача́ло тл҃д. А҆ллилꙋ́їа, гла́съ д҃: И҆сповѣ́дѧтъ нб҃са̀ чꙋдеса̀ твоѧ̀ гдⷭ҇и. Прича́стный: Ра́дꙋйтесѧ: (л. см҃в ѡ҆б.)

л҃а [г] Ст҃ы́хъ чꙋдотво́рцєвъ и҆ безсре́бренникѡвъ, кѵ́ра и҆ і҆ѡа́нна: Слꙋ́жба ное́мврїа въ а҃ де́нь. И҆ па́мѧть и҆́же во ст҃ы́хъ ѻ҆ц҃а̀ на́шегѡ нїки́ты є҆пⷭ҇кпа, новогоро́дскагѡ чꙋдотво́рца. Слꙋ́жба ст҃и́телємъ ѻ҆́бща.

Мѣ́сѧцъ феѵрꙋа́рїй.

а҃ [в] Предпра́зднство срѣ́тенїѧ гдⷭ҇а на́шегѡ і҆и҃са хрⷭ҇та̀: И҆ ст҃а́гѡ мꙋ́ченика трѵ́фѡна. Прокі́менъ, и҆ а҆ллилꙋ́їа, і҆аннꙋа́рїа въ к҃ѳ де́нь. А҆пⷭ҇лъ къ ри́млѧнѡмъ, зача́ло ч҃ѳ.

в҃ [а] Срѣ́тенїе гдⷭ҇а бг҃а и҆ сп҃са на́шегѡ і҆и҃са хрⷭ҇та̀. На лїтꙋргі́и, вхо́дное: Сказа̀ гдⷭ҇ь спасе́нїе своѐ, пред̾ ꙗ҆зы́ки ѿкры̀ пра́вдꙋ свою̀. Та́же тропа́рь: Ра́дꙋйсѧ блгⷣтнаѧ: Прокі́менъ, гла́съ г҃: Пѣ́снь бцⷣы: Вели́читъ дꙋша̀ моѧ̀ гдⷭ҇а, и҆ возра́довасѧ дх҃ъ мо́й ѡ҆ бз҃ѣ сп҃сѣ мое́мъ. Сті́хъ: Ꙗ҆́кѡ призрѣ̀ на смире́нїе рабы̀ своеѧ̀: се́ бо ѿ ны́нѣ ᲂу҆блажа́тъ мѧ̀ всѝ ро́ди. А҆пⷭ҇лъ ко є҆вре́ємъ, зача́ло тѕ҃і. А҆ллилꙋ́їа, гла́съ и҃: Ны́нѣ ѿпꙋща́еши раба̀ твоегѡ̀ влⷣко, по глаго́лꙋ твоемꙋ̀ съ ми́ромъ. Сті́хъ: Свѣ́тъ во ѿкрове́нїе ꙗ҆зы́кѡвъ, и҆ сла́вꙋ люде́й твои́хъ і҆и҃лѧ. Прича́стный: Ча́шꙋ спасе́нїѧ прїимꙋ̀:

г҃ [з] Ст҃а́гѡ и҆ првⷣнагѡ сѷмеѡ́на бг҃опрїи́мца и҆ а҆́нны проро́чицы Прокі́менъ пра́здника, и҆ ст҃а́гѡ, гла́съ з҃: Возвесели́тсѧ првⷣникъ ѡ҆ гдⷭ҇ѣ, и҆ ᲂу҆пова́етъ на него̀. Сті́хъ: Оу҆слы́ши бж҃е гла́съ мо́й, внегда̀ моли́ти ми сѧ къ тебѣ̀. А҆пⷭ҇лъ ко є҆вре́ємъ, зача́ло тк҃а, ѿ полꙋ̀. А҆ллилꙋ́їа, гла́съ ѕ҃: Свѣ́тъ возсїѧ̀ пра́ведникꙋ: Прича́стный пра́здника, и҆ ст҃а́гѡ: Въ па́мѧть вѣ́чнꙋю:

д҃ [ѕ] Прпⷣбнагѡ ѻ҆ц҃а̀ на́шегѡ і҆сі́дѡра пилꙋсїѡ́та: И҆ вѣ́рнагѡ вели́кагѡ кн҃зѧ геѡ́ргїа. Слꙋ́жба мч҃нкѡвъ ѻ҆́бща. (л. см҃д) А҆пⷭ҇лъ къ є҆фесе́ємъ, зача́ло сл҃г. И҆ прпⷣбнагѡ ѻ҆ц҃а̀ на́шегѡ кѷрі́лла, новоезе́рскагѡ чꙋдотво́рца. Слꙋ́жба прпⷣбныхъ ѻ҆́бща.

є҃ [є] Ст҃ы́ѧ мꙋ́ченицы а҆га́ѳїи.

ѕ҃ [д] Преподо́бнагѡ ѻ҆ц҃а̀ на́шегѡ вꙋко́ла, є҆пі́скопа смѵ́рнскагѡ.

з҃ [г] Прпⷣбнагѡ ѻ҆ц҃а̀ на́шегѡ парѳе́нїа, є҆пі́скопа ламѱакі́йскагѡ: И҆ преподо́бнагѡ лꙋкѝ, и҆́же во є҆лла́дѣ.

и҃ [в] Ст҃а́гѡ великомч҃нка ѳео́дѡра стратила́та: И҆ ст҃а́гѡ прⷪ҇ро́ка заха́рїи. Прокі́менъ, гла́съ з҃: Возвесели́тсѧ пра́ведникъ ѡ҆ гдⷭ҇ѣ, и҆ ᲂу҆пова́етъ на него̀. Сті́хъ: Оу҆слы́ши бж҃е гла́съ мо́й, внегда̀ моли́ти ми сѧ къ тебѣ̀. А҆пⷭ҇лъ къ тїмоѳе́ю, зача́ло сч҃в. А҆ллилꙋ́їа, гла́съ д҃: Пра́ведникъ ꙗ҆́кѡ фі́нїѯъ процвѣте́тъ: Прича́стный: Въ па́мѧть вѣ́чнꙋю бꙋ́детъ пра́ведникъ:

ѳ҃ [а] Ст҃а́гѡ мꙋ́ченика нїки́фора: Въ сі́й де́нь ѿдае́тсѧ пра́здникъ срѣ́тенїѧ.

і҃ [з] Ст҃а́гѡ мꙋ́ченика харала́мпїа.

а҃і [ѕ] Ст҃а́гѡ свѧщенномꙋ́ченика вла́сїа, є҆пі́скопа севасті́йскагѡ: И҆ па́мѧть преподо́бнагѡ ѻ҆ц҃а̀ на́шегѡ дими́трїа, во́логодскагѡ чꙋдотво́рца. Слꙋ́жба і҆аннꙋа́рїа въ з҃і де́нь. А҆пⷭ҇лъ къ гала́тѡмъ, зача́ло сг҃і. И҆ преставле́нїе ст҃а́гѡ бл҃говѣ́рнагѡ вели́кагѡ кнѧ́зѧ все́волода, псковска́гѡ чꙋдотво́рца. Слꙋ́жба сегѡ̀ мцⷭ҇а во и҃ де́нь. А҆пⷭ҇лъ ко є҆вре́ємъ, зача́ло тл҃є.

в҃і [є] И҆́же во ст҃ы́хъ ѻ҆ц҃а̀ на́шегѡ меле́тїа, а҆рхїепⷭ҇кпа а҆нтїохі́йскагѡ: И҆ преставле́нїе во ст҃ы́хъ ѻ҆ц҃а̀ на́шегѡ а҆леѯі́а, митрополі́та моско́вскагѡ и҆ всеѧ̀ рѡссі́и чꙋдотво́рца. Прокі́менъ, гла́съ з҃: Честна̀ пред̾ гдⷭ҇емъ сме́рть: Сті́хъ: Что̀ возда́мъ гдⷭ҇ви ѡ҆ всѣ́хъ: А҆пⷭ҇лъ ко є҆вре́ємъ, зача́ло тл҃є. А҆ллилꙋ́їа, гла́съ ѕ҃: Воззва́ша првⷣнїи, и҆ гдⷭ҇ь ᲂу҆слы́ша и҆̀хъ: Сті́хъ: Мно́ги скѡ́рби пра́вєднымъ, и҆ ѿ всѣ́хъ и҆́хъ и҆зба́витъ ѧ҆̀ гдⷭ҇ь. Прича́стный: Въ па́мѧть вѣ́чнꙋю:

г҃і [д] Преподо́бнагѡ ѻ҆ц҃а̀ на́шегѡ мартїнїа́на.

д҃і [г] Преподо́бнагѡ ѻ҆ц҃а̀ на́шегѡ а҆ѵѯе́нтїа. И҆ преподо́бнагѡ ѻ҆ц҃а̀ на́шегѡ кѡнстанті́на фїло́софа, во мні́сѣхъ кѷрі́лла, ᲂу҆чи́телѧ слове́нскагѡ. (л. см҃г ѡ҆б.)

є҃і [в] Ст҃а́гѡ а҆пⷭ҇ла ѻ҆ни́сїма.

ѕ҃і [а] Ст҃ы́хъ мꙋ́чєникъ, памфі́ла и҆ порфѵ́рїа, и҆ и҆̀же съ ни́ми.

з҃і [з] Ст҃а́гѡ великомч҃нка ѳео́дѡра тѵ́рѡна. Прокі́менъ, гла́съ з҃: Возвесели́тсѧ пра́ведникъ ѡ҆ гдⷭ҇ѣ, и҆ ᲂу҆пова́етъ на него̀. Сті́хъ: Оу҆слы́ши бж҃е гла́съ мо́й, внегда̀ моли́ти ми сѧ къ тебѣ̀. А҆пⷭ҇лъ къ тїмоѳе́ю, зача́ло сч҃в. А҆ллилꙋ́їа, гла́съ д҃: Пра́ведникъ ꙗ҆́кѡ фі́нїѯъ процвѣте́тъ, ꙗ҆́кѡ ке́дръ и҆́же въ лїва́нѣ ᲂу҆мно́житсѧ. Сті́хъ: Насажде́ни въ домꙋ̀ гдⷭ҇ни, во дво́рѣхъ бг҃а на́шегѡ процвѣтꙋ́тъ: Прича́стный: Въ па́мѧть вѣ́чнꙋю бꙋ́детъ пра́ведникъ:

и҃і [ѕ] И҆́же во ст҃ы́хъ ѻ҆ц҃а̀ на́шегѡ льва̀ па́пы ри́мскагѡ.

ѳ҃і [є] Ст҃ы́хъ а҆пⷭ҇лъ, а҆рхі́ппа, фїлимо́на и҆ а҆пфі́и.

к҃ [д] И҆́же во ст҃ы́хъ ѻ҆ц҃а̀ на́шегѡ льва̀, є҆пі́скопа ката́нскагѡ.

к҃а [г] Преподо́бнагѡ ѻ҆ц҃а̀ на́шегѡ тїмоѳе́а, и҆́же въ сѷмво́лѣхъ: И҆ и҆́же во ст҃ы́хъ ѻ҆ц҃а̀ на́шегѡ є҆ѵста́ѳїа, а҆рхїепі́скопа вели́кїѧ а҆нтїохі́и.

к҃в [в] Ѡ҆брѣ́тенїе чⷭ҇тны́хъ моще́й ст҃ы́хъ мч҃нкъ, и҆̀же во є҆ѵге́нїи.

к҃г [а] Ст҃а́гѡ сщ҃енномꙋ́ченика полѷка́рпа, є҆пі́скопа смѵ́рнскагѡ.

к҃д [з] Пе́рвое и҆ второ́е ѡ҆брѣ́тенїе честны́ѧ главы̀ честна́гѡ и҆ сла́внагѡ прⷪ҇ро́ка и҆ предте́чи, крⷭ҇ти́телѧ гдⷭ҇нѧ і҆ѡа́нна. Прокі́менъ, гла́съ з҃: Возвесели́тсѧ пра́ведникъ ѡ҆ гдⷭ҇ѣ, и҆ ᲂу҆пова́етъ на него̀. Сті́хъ: Оу҆слы́ши бж҃е гла́съ мо́й, внегда̀ моли́ти ми сѧ къ тебѣ̀. А҆пⷭ҇лъ къ корі́нѳѧнѡмъ, зача́ло рѻ҃ѕ. А҆ллилꙋ́їа, гла́съ д҃: Првⷣникъ ꙗ҆́кѡ фі́нїѯъ процвѣте́тъ, ꙗ҆́кѡ ке́дръ и҆́же къ лїва́нѣ ᲂу҆мно́житсѧ. Сті́хъ: И҆́стина ѿ землѝ возсїѧ̀, и҆ пра́вда съ нб҃сѐ прини́че. Прича́стный: Въ па́мѧть вѣ́чнꙋю:

к҃є [ѕ] И҆́же во ст҃ы́хъ ѻ҆ц҃а̀ на́шегѡ тара́сїа, а҆рхїепі́скопа кѡнстанті́нѧ гра́да.

к҃ѕ [є] И҆́же во ст҃ы́хъ ѻ҆ц҃а̀ на́шегѡ порфѵ́рїа, а҆рхїепі́скопа га́зскагѡ. (л. см҃д)

к҃з [д] Прпⷣбнагѡ ѻ҆ц҃а̀ на́шегѡ и҆ и҆сповѣ́дника, проко́пїа декаполі́та.

к҃и [г] Преподо́бнагѡ ѻ҆ц҃а̀ на́шегѡ и҆ и҆сповѣ́дника васі́лїа, спо́стника проко́пїева.

к҃ѳ [в] Прпⷣбнагѡ ѻ҆ц҃а̀ на́шегѡ и҆ и҆сповѣ́дника, кассїа́на ри́млѧнина.

Мѣ́сѧцъ ма́ртъ.

а҃ [г] Ст҃ы́ѧ преподобномꙋ́ченицы є҆ѵдокі́и.

в҃ [в] Ст҃а́гѡ сщ҃енномꙋ́ченика ѳеодо́та, є҆пі́скопа кѷрине́йскагѡ: И҆ преставле́нїе и҆́же во ст҃ы́хъ ѻ҆ц҃а̀ на́шегѡ а҆рсе́нїа, є҆пі́скопа тферска́гѡ. Слꙋ́жба ст҃и́телей ѻ҆́бща. А҆пⷭ҇лъ ко є҆вре́ємъ, зача́ло та҃і ѿ полꙋ̀.

г҃ [а] Ст҃ы́хъ мꙋ́чєникъ, є҆ѵтро́пїа, клеоні́ка и҆ васїлі́ска.

д҃ [з] Преподо́бнагѡ ѻ҆ц҃а̀ на́шегѡ гера́сїма, и҆́же на і҆ѻрда́нѣ.

є҃ [ѕ] Ст҃а́гѡ мꙋ́ченика ко́нѡна градарѧ̀.

ѕ҃ [є] Ст҃ы́хъ мꙋ́чєникъ, четы́редесѧти двꙋ̀, и҆̀же во а҆ммѡрі́и.

з҃ [д] Ст҃ы́хъ сщ҃енномꙋ́чєникъ въ херсѡ́нѣ є҆пⷭ҇кпствовавшихъ, васі́лїа, є҆фре́ма, є҆ѵге́нїа, капі́тѡна, є҆ѳе́рїа, и҆ про́чихъ.

и҃ [г] Преподо́бнагѡ ѻ҆ц҃а̀ на́шегѡ и҆ и҆сповѣ́дника ѳеофѷла́кта, є҆пі́скопа нїкомиді́йскагѡ.

ѳ҃ [в] Ст҃ы́хъ великомꙋ́чєникъ четы́редесѧти, и҆̀же въ севасті́и. Прокі́менъ, гла́съ є҃: Ты̀ гдⷭ҇и сохрани́ши ны̀, и҆ соблюде́ши ны̀ ѿ ро́да сегѡ̀ и҆ во вѣ́къ. Сті́хъ: Спаси́ мѧ гдⷭ҇и, ꙗ҆́кѡ ѡ҆скꙋдѣ̀ преподо́бный. А҆пⷭ҇лъ ко є҆вре́ємъ, зача́ло тл҃а. А҆ллилꙋ́їа, гла́съ д҃: Воскли́кните гдⷭ҇ви всѧ̀ землѧ̀, по́йте же и҆́мени є҆гѡ̀: Сті́хъ: Ꙗ҆́кѡ и҆скꙋси́лъ ны̀ є҆сѝ бж҃е, разже́глъ ны̀ є҆сѝ, ꙗ҆́коже разжиза́етсѧ сребро̀. Прича́стный: Ра́дꙋйтесѧ пра́веднїи ѡ҆ гдⷭ҇ѣ:

і҃ [а] Ст҃а́гѡ мꙋ́ченика кодра́та, и҆ и҆̀же съ ни́мъ. (л. см҃д ѡ҆б.)

а҃і [з] И҆́же во ст҃ы́хъ ѻ҆ц҃а̀ на́шегѡ сѡфро́нїа, патрїа́рха і҆ерⷭ҇ли́мскагѡ: И҆ преставле́нїе и҆́же во ст҃ы́хъ ѻ҆ц҃а̀ на́шегѡ є҆ѵѳѵ́мїа а҆рхїепі́скопа новогоро́дскагѡ чꙋдотво́рца. Прокі́менъ, гла́съ а҃: Оу҆ста̀ моѧ̀ возгл҃ютъ премꙋ́дрость, и҆ поꙋче́нїе се́рдца моегѡ̀ ра́зꙋмъ. Сті́хъ: Оу҆слы́шите сїѧ̑ всѝ ꙗ҆зы́цы, внꙋши́те всѝ живꙋ́щїи по вселе́ннѣй. А҆пⷭ҇лъ ко є҆вре́ємъ, зача́ло ти҃і. А҆ллилꙋ́їа, гла́съ в҃: Оу҆ста̀ првⷣнагѡ поꙋча́тсѧ премꙋ́дрости, и҆ ѧ҆зы́къ є҆гѡ̀ возглаго́летъ сꙋ́дъ. Сті́хъ: Зако́нъ бг҃а є҆гѡ̀ въ се́рдцѣ є҆гѡ̀: Прича́стный: Въ па́мѧть вѣ́чнꙋю:

в҃і [ѕ] Прпⷣбнагѡ ѻ҆ц҃а̀ на́шегѡ и҆ и҆сповѣ́дника ѳеофа́на сїгрїа́нскагѡ.

г҃і [є] Пренесе́нїе моще́й, и҆́же во ст҃ы́хъ ѻ҆ц҃а̀ на́шегѡ нїки́фора, патрїа́рха цр҃ѧгра́да.

д҃і [д] Преподо́бнагѡ ѻ҆ц҃а̀ на́шегѡ венеді́кта.

є҃і [г] Ст҃а́гѡ мꙋ́ченика а҆га́пїа, и҆ съ ни́мъ шестѝ мꙋ́чєникъ.

ѕ҃і [в] Ст҃ы́хъ мꙋ́чєникъ, саві́на и҆ па́пы.

з҃і [а] Прпⷣбнагѡ ѻ҆ц҃а̀ на́шегѡ а҆леѯі́а чл҃вѣ́ка бж҃їѧ: И҆ преставле́нїе прпⷣбнагѡ ѻ҆ц҃а̀ на́шегѡ мака́рїа, колѧ́зинскагѡ чꙋдотво́рца. Прокі́менъ, гла́съ з҃: Честна̀ пред̾ гдⷭ҇емъ сме́рть прпⷣбныхъ є҆гѡ̀. Сті́хъ: Что̀ возда́мъ гдⷭ҇ви ѡ҆ всѣ́хъ, ꙗ҆̀же воздаде́ ми; А҆пⷭ҇лъ къ гала́тѡмъ, зача́ло сг҃і. А҆ллилꙋ́їа, гла́съ ѕ҃: Бл҃же́нъ мꙋ́жъ боѧ́йсѧ гдⷭ҇а: Сті́хъ: Си́льно на землѝ бꙋ́детъ сѣ́мѧ є҆гѡ̀. Прича́стный: Въ па́мѧть вѣ́чнꙋю:

и҃і [з] И҆́же во ст҃ы́хъ ѻ҆ц҃а̀ на́шегѡ кѷрі́лла, а҆рхїепⷭ҇кпа і҆ерⷭ҇ли́мскагѡ.

ѳ҃і [ѕ] Ст҃ы́хъ мꙋ́чєникъ, хрѷса́нѳа и҆ да́рїи.

к҃ [є] Преподо́бныхъ ѻ҆ц҃ъ на́шихъ, во ѻ҆би́тели ст҃а́гѡ са́ввы и҆збїе́нныхъ ѿ срацы́нъ.

к҃а [д] Преподо́бнагѡ ѻ҆ц҃а̀ на́шегѡ и҆ и҆сповѣ́дника і҆а́кѡва є҆пⷭ҇кпа.

к҃в [г] Ст҃а́гѡ сщ҃енномꙋ́ченика васі́лїа, пресвѵ́тера а҆гкѵ́рскїѧ цр҃кве.

к҃г [в] Ст҃а́гѡ прпⷣбномꙋ́ченика ні́кѡна, и҆ двꙋ̀ стꙋ̀ ᲂу҆чєни́къ є҆гѡ̀, съ ни́мъ мꙋ́чившихсѧ.

к҃д [а] Предпра́зднство бл҃говѣ́щенїѧ прест҃ы́ѧ бцⷣы: И҆ преподо́бнагѡ ѻ҆ц҃а̀ на́шегѡ заха́рїи. (л. см҃є)

к҃є [з] Бл҃говѣ́щенїе прест҃ы́ѧ влⷣчцы на́шеѧ бцⷣы, и҆ приснодв҃ы мр҃і́и. Прокі́менъ, гла́съ д҃: Бл҃говѣсти́те де́нь ѿ днѐ спасе́нїе бг҃а на́шегѡ. Сті́хъ: Воспо́йте гдⷭ҇ви пѣ́снь но́вꙋ, воспо́йте гдⷭ҇ви всѧ̀ землѧ̀. А҆пⷭ҇лъ ко є҆вре́ємъ, зача́ло т҃ѕ. А҆ллилꙋ́їа, гла́съ ѕ҃: Сни́детъ ꙗ҆́кѡ до́ждь на рꙋно̀, и҆ ꙗ҆́кѡ ка́плѧ ка́плющаѧ на зе́млю. Сті́хъ: Бꙋ́детъ и҆́мѧ є҆гѡ̀ блгⷭ҇ве́но во вѣ́ки, пре́жде со́лнца пребыва́етъ и҆́мѧ є҆гѡ̀. Прича́стный: И҆збра̀ гдⷭ҇ь сїѡ́на, и҆ и҆зво́ли є҆го̀ въ жили́ще себѣ̀.

к҃ѕ [ѕ] Собо́ръ а҆рхїстрати́га гаврїи́ла. Слꙋ́жба септе́мврїа въ ѕ҃ де́нь.

к҃з [є] Ст҃ы́ѧ мꙋ́ченицы матрѡ́ны, ꙗ҆́же въ солꙋ́нѣ.

к҃и [д] Преподо́бнагѡ ѻ҆ц҃а̀ на́шегѡ і҆ларїѡ́на но́вагѡ: И҆ ст҃а́гѡ стефа́на чꙋдотво́рца.

к҃ѳ [г] Преподо́бнагѡ ѻ҆ц҃а̀ на́шегѡ ма́рка, є҆пⷭ҇кпа а҆реѳꙋсі́йскагѡ, и҆ и҆̀же съ ни́мъ.

л҃ [в] Преподо́бнагѡ ѻ҆ц҃а̀ на́шегѡ і҆ѡа́нна, списа́телѧ лѣ́ствицы.

л҃а [а] Преподо́бнагѡ ѻ҆ц҃а̀ на́шегѡ ѵ҆па́тїа чꙋдотво́рца, є҆пⷭ҇кпа и҆́же въ га́ггрѣхъ.

Мѣ́сѧцъ а҆прі́лїй.

а҃ [з] Преподо́бныѧ мт҃ре на́шеѧ марі́и є҆гѵ́птѧныни: И҆ преподо́бнагѡ ѻ҆ц҃а̀ на́шегѡ є҆ѵѳѵ́мїа, сꙋ́ждальскагѡ чꙋдотво́рца: Прокі́менъ, гла́съ з҃: Честна̀ пред̾ гдⷭ҇емъ сме́рть преподо́бныхъ є҆гѡ̀. Сті́хъ: Что̀ возда́мъ гдⷭ҇ви ѡ҆ всѣ́хъ, ꙗ҆̀же воздаде́ ми; А҆пⷭ҇лъ къ гала́тѡмъ, зача́ло сг҃і. А҆ллилꙋ́їа, гла́съ ѕ҃: Блаже́нъ мꙋ́жъ боѧ́йсѧ гдⷭ҇а. Сті́хъ: Си́льно на землѝ бꙋ́детъ сѣ́мѧ є҆гѡ̀. Прича́стный: Въ па́мѧть вѣ́чнꙋю:

в҃ [ѕ] Преподо́бнагѡ ѻ҆ц҃а̀ на́шегѡ и҆ чꙋдотво́рца ті́та.

г҃ [є] Преподо́бнагѡ ѻ҆ц҃а̀ на́шегѡ и҆ и҆сповѣ́дника нїки́ты, и҆гꙋ́мена ѻ҆би́тели мидїкі́йскїѧ. (л. см҃є ѡ҆б.)

д҃ [д] Преподо́бныхъ ѻ҆ц҃ъ на́шихъ, і҆ѡ́сифа пѣснопи́сца, и҆ геѡ́ргїа и҆́же въ мале́и.

є҃ [г] Ст҃ы́хъ мꙋ́чєникъ, ѳеодꙋ́ла и҆ а҆гаѳопо́да, и҆ и҆̀же съ ни́ми.

ѕ҃ [в] И҆́же во свѧты́хъ ѻ҆ц҃а̀ на́шегѡ є҆ѵтѷхі́а, а҆рхїепі́скопа кѡнстантїнопо́льскагѡ. И҆ и҆́же во ст҃ы́хъ ѻ҆ц҃а̀ на́шегѡ меѳо́дїа, а҆рхїепⷭ҇кпа мора́вскагѡ.

з҃ [а] Преподо́бнагѡ ѻ҆ц҃а̀ на́шегѡ геѡ́ргїа, є҆пⷭ҇кпа мелїті́нскагѡ.

и҃ [з] Сті́хъ а҆по́стѡлъ, и҆рѡдїѡ́на, а҆га́ва, рꙋ́фа, и҆ и҆̀же съ ни́ми

ѳ҃ [ѕ] Ст҃а́гѡ мꙋ́ченика є҆ѵѱѷхі́а.

і҃ [є] Ст҃ы́хъ мꙋ́чєникъ, тере́нтїа и҆ помпиі́а, и҆ и҆̀же съ ни́ми.

а҃і [д] Ст҃а́гѡ сщ҃енномꙋ́ченика а҆нтѵ́пы, є҆пⷭ҇кпа перга́ма а҆сі́йскагѡ.

в҃і [г] Ст҃а́гѡ сщ҃енномꙋ́ченика и҆ и҆сповѣ́дника васі́лїа, є҆пі́скопа парі́йскагѡ.

г҃і [в] Ст҃а́гѡ сщ҃енномꙋ́ченика а҆рте́мѡна.

д҃і [а] И҆́же во ст҃ы́хъ ѻ҆ц҃а̀ на́шегѡ и҆ и҆сповѣ́дника марті́на, па́пы ри́мскагѡ.

є҃і [з] Ст҃ы́хъ а҆по́стѡлъ, а҆рїста́рха, пꙋ́да и҆ трофі́ма.

ѕ҃і [ѕ] Ст҃ы́хъ мꙋ́ченицъ, і҆ри́ны, а҆га́пїи и҆ хїоні́и.

з҃і [є] Преподо́бнагѡ ѻ҆ц҃а̀ на́шегѡ сѷмеѡ́на персі́дскагѡ: И҆ преподо́бнагѡ а҆ка́кїа, є҆пі́скопа мелїті́нскагѡ: И҆ преставле́нїе преподо́бнагѡ ѻ҆ц҃а̀ на́шегѡ зѡсі́мы и҆гꙋ́мена, солове́цкагѡ чꙋдотво́рца. Слꙋ́жба сегѡ̀ мцⷭ҇а въ а҃ де́нь.

и҃і [д] Преподо́бнагѡ ѻ҆ц҃а̀ на́шегѡ і҆ѡа́нна, ᲂу҆ченика̀ ст҃а́гѡ григо́рїа декаполі́та.

ѳ҃і [г] Преподо́бнагѡ ѻ҆ц҃а̀ на́шегѡ і҆ѡа́нна ветхопеще́рника.

к҃ [в] Преподо́бнагѡ ѻ҆ц҃а̀ на́шегѡ ѳео́дѡра трїхи́ны.

к҃а [а] Ст҃а́гѡ сщ҃енномꙋ́ченика і҆аннꙋа́рїа, и҆ дрꙋжи́ны є҆гѡ̀: И҆ ст҃а́гѡ сщ҃енномꙋ́ченика ѳео́дѡра, и҆́же въ пергі́и.

к҃в [з] Преподо́бнагѡ ѻ҆ц҃а̀ на́шегѡ ѳео́дѡра сѷкеѡ́та: И҆ пренесе́нїе моще́й ст҃а́гѡ благовѣ́рнагѡ кн҃зѧ все́волода, нарече́ннагѡ во ст҃о́мъ креще́нїи гаврїи́ла.

к҃г [ѕ] Ст҃а́гѡ сла́внагѡ великомꙋ́ченика, побѣдоно́сца и҆ чꙋдотво́рца геѡ́ргїа: И҆ ст҃ы́ѧ мꙋ́ченицы цр҃и́цы а҆леѯа́ндры. Прокі́менъ (л. см҃ѕ) пра́здника, и҆ ст҃а́гѡ, гла́съ з҃: Возвесели́тсѧ пра́ведникъ ѡ҆ гдⷭ҇ѣ, и҆ ᲂу҆пова́етъ на него̀. Сті́хъ: Оу҆слы́ши бж҃е гла́съ мо́й, внегда̀ моли́ти ми сѧ къ тебѣ̀. А҆по́столъ дѣѧ́нїй, зача́ло к҃ѳ. А҆ллилꙋ́їа, гла́съ д҃: Пра́ведникъ ꙗ҆́кѡ фі́нїѯъ процвѣте́тъ, ꙗ҆́кѡ ке́дръ, и҆́же въ лїва́нѣ, ᲂу҆мно́житсѧ. Сті́хъ: Насажде́ни въ домꙋ̀ гдⷭ҇ни, во дво́рѣхъ бг҃а на́шегѡ процвѣтꙋ́тъ. Прича́стенъ пра́здника, и҆ ст҃а́гѡ: Въ па́мѧть вѣ́чнꙋю бꙋ́детъ пра́ведникъ:

к҃д [є] Ст҃а́гѡ мꙋ́ченика са́ввы стратила́та.

к҃є [д] Ст҃а́гѡ а҆по́стола и҆ є҆ѵⷢ҇лі́ста ма́рка. Прокі́менъ, гла́съ и҃: Во всю̀ зе́млю и҆зы́де вѣща́нїе и҆́хъ, и҆ въ концы̀ вселе́нныѧ гл҃ы и҆́хъ. Сті́хъ: Нб҃са̀ повѣ́даютъ сла́вꙋ бж҃їю: А҆пⷭ҇лъ ѡ҆ петро́ва посла́нїѧ, зача́ло ѯ҃г. А҆ллилꙋ́їа, гла́съ а҃: И҆сповѣ́дѧтъ нб҃са̀ чꙋдеса̀ твоѧ̀ гдⷭ҇и. Сті́хъ: Бг҃ъ прославлѧ́емь въ совѣ́тѣ ст҃ы́хъ: Прича́стный: Во всю̀ зе́млю и҆зы́де:

к҃ѕ [г] Ст҃а́гѡ сщ҃енномч҃нка васі́лїа, є҆пі́скопа а҆масі́йскагѡ: И҆ и҆́же во ст҃ы́хъ ѻ҆ц҃а̀ на́шегѡ стефа́на, є҆пі́скопа пе́рмскагѡ. Прокі́менъ, гла́съ а҃: Оу҆ста̀ моѧ̀ возгл҃ютъ премꙋ́дрость, и҆ поꙋче́нїе се́рдца моегѡ̀ ра́зꙋмъ. Сті́хъ: Оу҆слы́шите сїѧ̑ всѝ ꙗ҆зы́цы: А҆по́столъ ко є҆вре́ємъ, зача́ло ти҃і. А҆ллилꙋ́їа, гла́съ в҃: Оу҆ста̀ пра́веднагѡ поꙋча́тсѧ премꙋ́дрости, и҆ ѧ҆зы́къ є҆гѡ̀ возглаго́летъ сꙋ́дъ. Сті́хъ: Зако́нъ бг҃а є҆гѡ̀ въ се́рдцѣ є҆гѡ̀, и҆ не за́пнꙋтсѧ стѡпы̀ є҆гѡ̀. Прича́стный: Въ па́мѧть вѣ́чнꙋю:

к҃з [в] Ст҃а́гѡ сщ҃енномꙋ́ченика сѷмеѡ́на, сро́дника гдⷭ҇нѧ. Слꙋ́жба сегѡ̀ мцⷭ҇а въ к҃є де́нь. А҆пⷭ҇лъ къ корі́нѳѧнѡмъ, зача́ло рл҃а.

к҃и [а] Ст҃ы́хъ а҆по́стѡлъ, і҆а́сѡна и҆ сѡсїпа́тра: И҆ ст҃ы́хъ мꙋ́чєникъ да́ды, маѯі́ма и҆ кїнтїлїа́на.

к҃ѳ [з] Ст҃ы́хъ девѧтѝ мꙋ́чєникъ, и҆̀же въ кѵ́зїцѣ: И҆ преподо́бнагѡ ѻ҆ц҃а̀ на́шегѡ ме́мнѡна чꙋдотво́рца.

л҃ [ѕ] Ст҃а́гѡ а҆пⷭ҇ла і҆а́кѡва, бра́та ст҃а́гѡ і҆ѡа́нна бг҃осло́ва. Слꙋ́жба сегѡ́ же мцⷭ҇а въ к҃є де́нь. А҆по́столъ дѣѧ́нїй, зача́ло к҃ѳ. (л. см҃ѕ ѡ҆б.)

Мѣ́сѧцъ ма́їй.

а҃ [є] Ст҃а́гѡ проро́ка і҆еремі́и: Прокі́менъ, і҆ꙋ́лїа въ к҃ де́нь. А҆пⷭ҇лъ къ корі́нѳѧнѡмъ, зача́ло рн҃ѕ. И҆ преставле́нїе прпⷣбнагѡ ѻ҆ц҃а̀ на́шегѡ пафнꙋ́тїа, бо́ровскагѡ чꙋдотво́рца. Слꙋ́жба а҆прі́ллїа въ а҃ де́нь.

в҃ [д] Пренесе́нїе моще́й и҆́же во ст҃ы́хъ ѻ҆ц҃а̀ на́шегѡ а҆ѳана́сїа вели́кагѡ, патрїа́рха а҆леѯандрі́йскагѡ. Прокі́менъ, гла́съ з҃: Честна̀ пред̾ гдⷭ҇емъ сме́рть прпⷣбныхъ є҆гѡ̀. Сті́хъ: Что̀ возда́мъ гдⷭ҇ви ѡ҆ всѣ́хъ, ꙗ҆̀же воздаде́ ми; А҆пⷭ҇лъ ко є҆вре́ємъ, зача́ло ти҃і. А҆ллилꙋ́їа, гла́съ в҃: Сщ҃е́нницы твоѝ ѡ҆блекꙋ́тсѧ въ пра́вдꙋ, и҆ прпⷣбнїи твоѝ возра́дꙋютсѧ. Прича́стный: Въ па́мѧть вѣ́чнꙋю:

г҃ [г] Ст҃ы́хъ мч҃нкъ, тїмоѳе́а и҆ ма́ѵры: И҆ преставле́нїе прпⷣбнагѡ ѻ҆ц҃а̀ на́шегѡ ѳеодо́сїа, и҆гꙋ́мена монастырѧ̀ пече́рскагѡ, нача́льника въ рѡссі́йстѣй землѝ мона́шескагѡ ѻ҆́бщагѡ житїѧ̀. Слꙋ́жба сегѡ́ же мцⷭ҇а въ а҃ де́нь, пафнꙋ́тїева. А҆по́столъ ко є҆вре́ємъ, зача́ло тл҃д.

д҃ [в] Ст҃ы́ѧ преподобномꙋ́ченицы пелагі́и.

є҃ [а] Ст҃ы́ѧ и҆ сла́вныѧ мꙋ́ченицы і҆ри́ны.

ѕ҃ [з] Ст҃а́гѡ и҆ пра́веднагѡ і҆́ѡва многострада́льнагѡ. Слꙋ́жба а҆прі́ллїа въ а҃ де́нь.

з҃ [ѕ] Воспомина́нїе на нб҃сѝ ꙗ҆́вльшагѡсѧ зна́менїѧ чⷭ҇тна́гѡ и҆ животворѧ́щагѡ крⷭ҇та̀, во ст҃ѣ́мъ гра́дѣ і҆ерꙋсали́мѣ, въ г҃ ча́съ днѐ, при царѣ̀ кѡнста́нтїи, сы́нѣ вели́кагѡ кѡнстанті́на: Слꙋ́жба септе́мврїа въ д҃і де́нь. И҆ ст҃а́гѡ мꙋ́ченика а҆ка́кїа. (л. см҃з)

и҃ [є] Ст҃а́гѡ сла́внагѡ и҆ всехва́льнагѡ а҆по́стола и҆ є҆ѵⷢ҇лі́ста і҆ѡа́нна бг҃осло́ва: И҆ преподо́бнагѡ ѻ҆ц҃а̀ на́шегѡ а҆рсе́нїа вели́кагѡ. Слꙋ́жба септе́мврїа въ к҃ѕ де́нь. А҆по́столъ, зача́ло ѯ҃и.

ѳ҃ [д] Ст҃а́гѡ проро́ка и҆са́їи: И҆ ст҃а́гѡ мꙋ́ченика хрїстофо́ра: И҆ пренесе́нїе чⷭ҇тны́хъ моще́й, и҆́же во ст҃ы́хъ ѻ҆ц҃а̀ на́шегѡ нїкола́а чꙋдотво́рца, ѿ мѵ́ръ въ ба́ръ гра́дъ. Прокі́менъ, гла́съ з҃: Восхва́лѧтсѧ преподо́бнїи во сла́вѣ, и҆ возра́дꙋютсѧ на ло́жахъ свои́хъ. Сті́хъ: Воспо́йте гдⷭ҇ви пѣ́снь но́вꙋ, хвале́нїе є҆гѡ̀ въ цр҃кви преподо́бныхъ. А҆по́столъ ко є҆вре́ємъ, зача́ло тл҃є. А҆ллилꙋ́їа, гла́съ в҃: Сщ҃е́нницы твоѝ ѡ҆блекꙋ́тсѧ въ пра́вдꙋ, и҆ преподо́бнїи твоѝ возра́дꙋютсѧ. Прича́стный: Въ па́мѧть вѣ́чнꙋю:

і҃ [г] Ст҃а́гѡ а҆пⷭ҇ла сі́мѡна зилѡ́та. Прокі́менъ, а҆ллилꙋ́їа и҆ прича́стенъ, а҆прі́ллїа въ к҃є де́нь. А҆пⷭ҇лъ къ корі́нѳѧнѡмъ, зача́ло рл҃а.

а҃і [в] Ѡ҆бновле́нїе цр҃ѧ̀ гра́да: И҆ ст҃а́гѡ сщ҃енномꙋ́ченика мѡкі́а: Прокі́менъ, гла́съ з҃: Возвесели́тсѧ пра́ведникъ ѡ҆ гдⷭ҇ѣ, и҆ ᲂу҆пова́етъ на него̀. Сті́хъ: Оу҆слы́ши бж҃е гла́съ мо́й, внегда̀ моли́ти ми сѧ къ тебѣ̀. А҆по́столъ къ тїмоѳе́ю, зача́ло сч҃в. Прича́стный: Въ па́мѧть вѣ́чнꙋю: И҆ и҆́же во ст҃ы́хъ ѻ҆ц҃ъ на́шихъ, равноапⷭ҇льныхъ меѳо́дїа и҆ кѷрі́лла, ᲂу҆чи́телей слове́нскихъ. Прокі́менъ, гла́съ з҃: Честна̀ пред̾ гдⷭ҇емъ сме́рть прпⷣбныхъ є҆гѡ̀. Сті́хъ: Что̀ возда́мъ гдⷭ҇еви ѡ҆ всѣ́хъ, ꙗ҆̀же воздаде́ ми; А҆пⷭ҇лъ ко є҆вре́ємъ, зача́ло ти҃і. А҆ллилꙋ́їа, гла́съ в҃: Сщ҃е́нницы твоѝ ѡ҆блекꙋ́тсѧ въ пра́вдꙋ, и҆ прпⷣбнїи твоѝ возра́дꙋютсѧ. Прича́стенъ: Въ па́мѧть вѣ́чнꙋю:

в҃і [а] И҆́же во ст҃ы́хъ ѻ҆ц҃ъ на́шихъ, є҆пїфа́нїа, а҆рхїепі́скопа кѵ́прскагѡ, и҆ ге́рмана, патрїа́рха кѡнстанті́нѧ гра́да. Слꙋ́жба деке́мврїа въ к҃а де́нь.

г҃і [з] Ст҃ы́ѧ мꙋ́ченицы глѷке́рїи.

д҃і [ѕ] Ст҃а́гѡ мꙋ́ченика і҆сі́дѡра: И҆ ст҃а́гѡ і҆сі́дѡра хрⷭ҇та̀ ра́ди ю҆ро́дивагѡ, росто́вскагѡ чꙋдотво́рца. Слꙋ́жба а҆прі́ллїа въ пе́рвый де́нь.

є҃і [є] Преподо́бнагѡ ѻ҆ц҃а̀ на́шегѡ пахѡ́мїа вели́кагѡ. Прокі́менъ, (л. см҃з ѡ҆б.) а҆ллилꙋ́їа, и҆ прича́стенъ, а҆прі́ллїа въ а҆ де́нь. А҆по́столъ къ корі́нѳѧнѡмъ, зача́ло рѻ҃ѕ. И҆ и҆́же во ст҃ы́хъ ѻ҆ц҃а̀ на́шегѡ и҆са́їи є҆пⷭ҇кпа, росто́вскагѡ чꙋдотво́рца. Слꙋ́жба деке́мврїа во в҃і де́нь. Въ то́йже де́нь ᲂу҆бїе́нїе бл҃говѣ́рнагѡ цр҃е́вича кн҃зѧ дими́трїа, моско́вскагѡ и҆ всеѧ̀ рѡссі́и чꙋдотво́рца. Слꙋ́жба ѻ҆ктѡ́врїа въ к҃ѕ де́нь.

ѕ҃і [д] Прпⷣбнагѡ ѻ҆ц҃а̀ на́шегѡ ѳео́дѡра ѡ҆сщ҃е́ннагѡ, ᲂу҆ч҃нка̀ ст҃а́гѡ пахѡ́мїа: И҆ прпⷣбнагѡ ѻ҆ц҃а̀ на́шегѡ є҆фре́ма переко́мскагѡ, новогоро́дскагѡ чꙋдотво́рца. Слꙋ́жба преподо́бническаѧ.

з҃і [г] Ст҃а́гѡ а҆пⷭ҇ла а҆ндроні́ка, и҆ и҆̀же съ ни́мъ.

и҃і [в] Ст҃а́гѡ мч҃нка ѳеодо́та, и҆́же во а҆гкѵ́рѣ: И҆ ст҃ы́хъ мч҃нкъ петра̀ и҆ дїонѵ́сїа, и҆ и҆̀же съ ни́ми: И҆ ст҃ы́хъ седмѝ дѣ́въ.

ѳ҃і [а] Ст҃а́гѡ сщ҃енномꙋ́ченика патрїкі́а, є҆пі́скопа прꙋ́сскагѡ, и҆ и҆̀же съ ни́мъ: И҆ прпⷣбнагѡ ѻ҆ц҃а̀ на́шегѡ корни́лїа, коме́льскагѡ чꙋдотво́рца. Слꙋ́жба преподо́бническаѧ.

к҃ [з] Ст҃а́гѡ мꙋ́ченика ѳалале́а: И҆ ѡ҆брѣ́тенїе честны́хъ моще́й, во ст҃ы́хъ ѻ҆ц҃а̀ на́шегѡ а҆леѯі́а митрополі́та моско́вскагѡ, и҆ всеѧ̀ рѡссі́и чꙋдотво́рца. Прокі́менъ, гла́съ а҃: Оу҆ста̀ моѧ̀ возглаго́лютъ премꙋ́дрость, и҆ поꙋче́нїе се́рдца моегѡ̀ ра́зꙋмъ. Сті́хъ: Оу҆слы́шите сїѧ̑ всѝ ꙗ҆зы́цы, внꙋши́те всѝ живꙋ́щїи по вселе́ннѣй. А҆пⷭ҇лъ ко є҆вре́ємъ, зача́ло тл҃є. А҆ллилꙋ́їа, гла́съ в҃: Оу҆ста̀ пра́веднагѡ поꙋча́тсѧ премꙋ́дрости, и҆ ѧ҆зы́къ є҆гѡ̀ возглаго́летъ сꙋ́дъ. Сті́хъ: Зако́нъ бг҃а є҆гѡ̀ въ се́рдцѣ є҆гѡ̀, и҆ не за́пнꙋтсѧ стѡпы̀ є҆гѡ̀. Прича́стный: Въ па́мѧть вѣ́чнꙋю:

к҃а [ѕ] Ст҃ы́хъ вели́кихъ цр҃е́й и҆ равноапⷭ҇лѡвъ кѡнстанті́на и҆ є҆ле́ны Прокі́менъ, гла́съ и҃: Во всю̀ зе́млю и҆зы́де вѣща́нїе и҆́хъ: Сті́хъ: Нб҃са̀ повѣ́даютъ сла́вꙋ бж҃їю: А҆пⷭ҇лъ къ гала́тѡмъ, зача́ло с҃. А҆́ще ли прилꙋчи́тсѧ внꙋ́трь н҃-цы: А҆пⷭ҇лъ въ дѣѧ́нїихъ, зача́ло м҃ѳ. А҆ллилꙋ́їа, гла́съ а҃: Вознесо́хъ и҆збра́ннаго ѿ люде́й мои́хъ. Сті́хъ: Гдⷭ҇и, си́лою твое́ю возвесели́тсѧ цр҃ь: Прича́стенъ: Во всю̀ зе́млю: Въ то́йже де́нь пра́зднꙋемъ срѣ́тенїе чꙋдотво́рныѧ і҆кѡ́ны прест҃ы́ѧ бцⷣы влади́мїрскїѧ. (л. см҃и) Слꙋ́жба всѧ̀ бцⷣы, септе́мврїа во и҃ де́нь. И҆ па́мѧть свѧта́гѡ благовѣ́рнагѡ кн҃зѧ кѡнстанті́на, и҆ ча́дъ є҆гѡ̀ мїхаи́ла и҆ ѳео́дѡра, мꙋ́ромскихъ чꙋдотво́рцєвъ. Слꙋ́жба пи́сана цр҃ю̀ кѡнстанті́нꙋ.

к҃в [є] Ст҃а́гѡ мꙋ́ченика васїлі́ска.

к҃г [д] Прпⷣбнагѡ ѻ҆ц҃а̀ на́шегѡ и҆ и҆сповѣ́дника, мїхаи́ла сѷна́дскагѡ: И҆ ѡ҆брѣ́тенїе честны́хъ моще́й и҆́же во ст҃ы́хъ ѻ҆ц҃а̀ на́шегѡ лео́нтїа є҆пⷭ҇кпа, росто́вскагѡ чꙋдотво́рца. Слꙋ́жба і҆аннꙋа́рїа въ к҃з де́нь. А҆пⷭ҇лъ ко є҆вре́ємъ, зача́ло ти҃і ѿ полꙋ̀.

к҃д [г] Преподо́бнагѡ ѻ҆ц҃а̀ на́шегѡ сѷмеѡ́на сто́лпника, и҆́же на ди́внѣй горѣ̀. Прокі́менъ, гла́съ з҃: Возвесели́тсѧ пра́ведникъ ѡ҆ гдⷭ҇ѣ, и҆ ᲂу҆пова́етъ на него̀. Сті́хъ: Оу҆слы́ши бж҃е гла́съ мо́й, внегда̀ моли́ти ми сѧ къ тебѣ̀. А҆пⷭ҇лъ къ колосса́ємъ, зача́ло сн҃и. А҆ллилꙋ́їа, гла́съ ѕ҃: Бл҃же́нъ мꙋ́жъ боѧ́йсѧ гдⷭ҇а: Прича́стный: Въ па́мѧть вѣ́чнꙋю: И҆ па́мѧть преподо́бнагѡ ѻ҆ц҃а̀ на́шегѡ нїки́ты сто́лпника, переасла́вскагѡ чꙋдотво́рца. Слꙋ́жба а҆прі́ллїа въ а҃ де́нь.

к҃є [в] Тре́тїе ѡ҆брѣ́тенїе честны́ѧ главы̀, честна́гѡ и҆ сла́внагѡ проро́ка и҆ предте́чи, крести́телѧ гдⷭ҇нѧ і҆ѡа́нна. Прокі́менъ, гла́съ з҃: Возвесели́тсѧ пра́ведникъ ѡ҆ гдⷭ҇ѣ, и҆ ᲂу҆пова́етъ на него̀. Сті́хъ: Оу҆слы́ши бж҃е гла́съ мо́й, внегда̀ моли́ти ми сѧ къ тебѣ̀. А҆пⷭ҇лъ къ корі́нѳѧнѡмъ, зача́ло рѻ҃ѕ. А҆ллилꙋ́їа, гла́съ є҃: Свѣ́тъ возсїѧ̀ пра́ведникꙋ, и҆ пра̑вымъ се́рдцемъ весе́лїе. Прича́стный: Въ па́мѧть вѣ́чнꙋю:

к҃ѕ [а] Ст҃а́гѡ а҆пⷭ҇ла ка́рпа, є҆ди́нагѡ ѿ седми́десѧти: Въ то́йже де́нь ст҃а́гѡ великомꙋ́ченика геѡ́ргїа но́вагѡ. Слꙋ́жба мꙋ́ченическаѧ.

к҃з [з] Свѧта́гѡ свѧщенномꙋ́ченика ѳерапо́нта: И҆ ѡ҆брѣ́тенїе моще́й преподо́бнагѡ ѻ҆ц҃а̀ на́шегѡ ні́ла, и҆́же на є҆́зерѣ селиге́рѣ, на ѻ҆́стровѣ зово́момъ столобно́е, но́вагѡ чꙋдотво́рца: Слꙋ́жба преподо́бническаѧ.

к҃и [ѕ] Преподо́бнагѡ ѻ҆ц҃а̀ на́шегѡ нїки́ты, є҆пⷭ҇кпа халкидо́нскагѡ: И҆ па́мѧть и҆́же во ст҃ы́хъ ѻ҆ц҃а̀ на́шегѡ і҆гна́тїа є҆пⷭ҇кпа, росто́вскагѡ чꙋдотво́рца. Слꙋ́жба ст҃и́тельскаѧ. (л. см҃и ѡ҆б.)

к҃ѳ [є] Ст҃ы́ѧ преподобномꙋ́ченицы ѳеодо́сїи дв҃ы: И҆ преставле́нїе свѧта́гѡ и҆ блаже́ннагѡ і҆ѡа́нна, хрⷭ҇та̀ ра́ди ю҆ро́дивагѡ, ᲂу҆́стюжскагѡ чꙋдотво́рца Слꙋ́жба є҆мꙋ̀ преподо́бническаѧ.

л҃ [д] Преподо́бнагѡ ѻ҆ц҃а̀ на́шегѡ і҆саа́кїа далма́тскагѡ.

л҃а [г] Свѧта́гѡ а҆пⷭ҇ла є҆рмі́а: И҆ свѧта́гѡ сщ҃енномꙋ́ченика є҆рме́а.

Мѣ́сѧцъ і҆ꙋ́нїй.

а҃ [в] Ст҃а́гѡ мч҃нка і҆ꙋсті́на фїлосо́фа: И҆ дрꙋга́гѡ мч҃нка і҆ꙋсті́на, и҆ и҆̀же съ ни́ми: И҆ преподо́бнагѡ ѻ҆ц҃а̀ на́шегѡ дїонѵ́сїа, глꙋши́цкагѡ чꙋдотво́рца. Прокі́менъ, гла́съ з҃: Честна̀ пред̾ гдⷭ҇емъ сме́рть преподо́бныхъ є҆гѡ̀. Сті́хъ: Что̀ возда́мъ гдⷭ҇еви ѡ҆ всѣ́хъ, ꙗ҆̀же воздаде́ ми; А҆пⷭ҇лъ къ гала́тѡмъ, зача́ло сг҃і. А҆ллилꙋ́їа, гла́съ ѕ҃: Блаже́нъ мꙋ́жъ боѧ́йсѧ гдⷭ҇а: Сті́хъ: Си́льно на землѝ бꙋ́детъ сѣ́мѧ є҆гѡ̀: Прича́стный: Въ па́мѧть вѣ́чнꙋю:

в҃ [а] И҆́же во свѧты́хъ ѻ҆ц҃а̀ на́шегѡ нїки́фора, патрїа́рха кѡнстанті́нѧ гра́да и҆сповѣ́дника: И҆ свѧта́гѡ великомꙋ́ченика і҆ѡа́нна но́вагѡ, мꙋ́ченагѡ въ вѣлѣ̀ гра́дѣ. Прокі́менъ, гла́съ з҃: Возвесели́тсѧ пра́ведникъ ѡ҆ гдⷭ҇ѣ, и҆ ᲂу҆пова́етъ на него̀. Сті́хъ: Оу҆слы́ши бж҃е гла́съ мо́й, внегда̀ моли́ти ми сѧ къ тебѣ̀. А҆пⷭ҇лъ ко є҆фесе́ємъ, зача́ло сл҃г. А҆ллилꙋ́їа, гла́съ д҃: Пра́ведникъ ꙗ҆́кѡ фі́нїѯъ процвѣте́тъ: Прича́стный: Въ па́мѧть вѣ́чнꙋю:

г҃ [з] Ст҃а́гѡ мꙋ́ченика лꙋкїллїа́на.

д҃ [ѕ] И҆́же во свѧты́хъ ѻ҆ц҃а̀ на́шегѡ митрофа́на, патрїа́рха кѡнстанті́нѧ гра́да.

є҃ [є] Свѧта́гѡ свѧщенномꙋ́ченика дѡроѳе́а є҆пⷭ҇кпа тѵ́рскагѡ: И҆ преставле́нїе свѧта́гѡ благовѣ́рнагѡ вели́кагѡ кн҃зѧ ѳео́дѡра ꙗ҆росла́вича. (л. см҃ѳ)

ѕ҃ [д] Преподо́бнагѡ ѻ҆ц҃а̀ на́шегѡ висарїѡ́на чꙋдотво́рца: И҆ преподо́бнагѡ і҆ларїѡ́на но́вагѡ ѻ҆би́тели далма́тскїѧ.

з҃ [г] Ст҃а́гѡ сщ҃енномꙋ́ченика ѳеодо́та, є҆пⷭ҇кпа а҆гкѵ́рскагѡ.

и҃ [в] Ст҃а́гѡ великомꙋ́ченика ѳео́дѡра стратила́та. Прокі́менъ, и҆ а҆ллилꙋ́їа, сегѡ̀ мцⷭ҇а во в҃ де́нь. А҆пⷭ҇лъ къ тїмоѳе́ю, зача́ло сч҃в.

ѳ҃ [а] И҆́же во ст҃ы́хъ ѻ҆ц҃а̀ на́шегѡ кѷрі́лла, а҆рхїепⷭ҇кпа а҆леѯандрі́йскагѡ: Слꙋ́жба ма́їа въ к҃ де́нь. А҆пⷭ҇лъ ко є҆вре́ємъ, зача́ло тл҃д. И҆ прпⷣбнагѡ ѻ҆ц҃а̀ на́шегѡ кѷрі́лла, бѣлоезе́рскагѡ чꙋдотво́рца. Слꙋ́жба сегѡ̀ мцⷭ҇а въ а҃ де́нь.

і҃ [з] Ст҃а́гѡ сщ҃енномꙋ́ченика тїмоѳе́а, є҆пⷭ҇кпа прꙋ́сскагѡ.

а҃і [ѕ] Ст҃ы́хъ а҆пⷭ҇лъ, варѳоломе́а и҆ варна́вы. Слꙋ́жба а҆прі́ллїа въ к҃є де́нь. А҆пⷭ҇лъ въ дѣѧ́нїихъ, зача́ло к҃и.

в҃і [є] Преподо́бнагѡ ѻ҆ц҃а̀ на́шегѡ ѻ҆нꙋ́фрїа вели́кагѡ: И҆ преподо́бнагѡ ѻ҆ц҃а̀ на́шегѡ петра̀ а҆ѳѡ́нскагѡ. Слꙋ́жба сегѡ̀ мцⷭ҇а въ а҃ де́нь. Прича́стный: Ра́дꙋйтесѧ пра́веднїи ѡ҆ гдⷭ҇ѣ: И҆ па́мѧть преподо́бнагѡ ѻ҆ц҃а̀ на́шегѡ а҆рсе́нїа, коне́вскагѡ чꙋдотво́рца.

г҃і [д] Ст҃ы́ѧ мꙋ́ченицы а҆кѷлі́ны: И҆ и҆́же во ст҃ы́хъ ѻ҆ц҃а̀ на́шегѡ трїфѵ́ллїа, є҆пⷭ҇кпа леѵкꙋсі́и кѵ́прскїѧ.

д҃і [г] Ст҃а́гѡ проро́ка є҆лїссе́а: И҆ и҆́же во ст҃ы́хъ ѻ҆ц҃а̀ на́шегѡ меѳо́дїа патрїа́рха кѡнстанті́нѧ гра́да. Слꙋ́жба і҆ꙋ́лїа въ к҃ де́нь.

є҃і [в] Ст҃а́гѡ проро́ка а҆мѡ́са: И҆ и҆́же во ст҃ы́хъ ѻ҆ц҃а̀ на́шегѡ і҆ѡ́ны митрополі́та моско́вскагѡ, и҆ всеѧ̀ рѡссі́и чꙋдотво́рца. Слꙋ́жба а҆прі́ллїа въ к҃ѕ де́нь.

ѕ҃і [а] Ст҃а́гѡ и҆ чꙋдотво́рца тѵ́хѡна а҆маѳꙋ́нтскагѡ.

з҃і [з] Ст҃ы́хъ мꙋ́чєникъ, манꙋ́ила, саве́ла и҆ і҆сма́ила. Прокі́менъ, гла́съ д҃: Ди́венъ бг҃ъ во ст҃ы́хъ свои́хъ, бг҃ъ і҆и҃левъ. Сті́хъ: Въ цр҃квахъ благослови́те бг҃а, гдⷭ҇а ѿ и҆стѡ́чникъ і҆и҃левыхъ. А҆пⷭ҇лъ ко є҆фесе́ємъ, зача́ло сл҃г. А҆ллилꙋ́їа, гла́съ д҃: Воззва́ша пра́веднїи, и҆ гдⷭ҇ь ᲂу҆слы́ша и҆̀хъ. Прича́стный: Ра́дꙋйтесѧ:

и҃і [ѕ] Ст҃а́гѡ мꙋ́ченика лео́нтїа. Слꙋ́жба сегѡ̀ мцⷭ҇а во в҃ де́нь. А҆пⷭ҇лъ въ дѣѧ́нїихъ, зача́ло к҃ѳ.

ѳ҃і [є] Ст҃а́гѡ а҆пⷭ҇ла і҆ꙋ́ды, бра́та гдⷭ҇нѧ по пло́ти. Прокі́менъ, гла́съ и҃: Во всю̀ зе́млю и҆зы́де вѣща́нїе и҆́хъ, и҆ въ концы̀ (л. см҃ѳ ѡ҆б.) вселе́нныѧ глаго́лы и҆́хъ. Сті́хъ: Нб҃са̀ повѣ́даютъ сла́вꙋ бж҃їю: А҆пⷭ҇лъ ѿ і҆ꙋ́дина собо́рнаго посла́нїѧ, зача́ло ѻ҃ѕ. А҆ллилꙋ́їа, гла́съ а҃: И҆сповѣ́дѧтъ нб҃са̀ чꙋдеса̀ твоѧ̀ гдⷭ҇и. Сті́хъ: Бг҃ъ прославлѧ́емь въ совѣ́тѣ ст҃ы́хъ. Прича́стный: Во всю̀ зе́млю:

к҃ [д] Ст҃а́гѡ свѧщенномꙋ́ченика меѳо́дїа є҆пі́скопа пата́рскагѡ.

к҃а [г] Ст҃а́гѡ мꙋ́ченика і҆ꙋлїа́на тарсѧни́на. Слꙋ́жба септе́мврїа въ к҃ де́нь. Прича́стный: Въ па́мѧть вѣ́чнꙋю:

к҃в [в] Ст҃а́гѡ свѧщенномꙋ́ченика є҆ѵсе́вїа, є҆пⷭ҇кпа самоса́тскагѡ.

к҃г [а] Ст҃ы́ѧ мꙋ́ченицы а҆грѷппі́ны: Въ сі́й де́нь пра́зднꙋемъ срѣ́тенїе прест҃ы́ѧ бцⷣы чꙋдотво́рныѧ і҆кѡ́ны влади́мїрскїѧ. Слꙋ́жба бцⷣы, септе́мврїа во и҃ де́нь.

к҃д [з] Ржⷭ҇тво̀ честна́гѡ сла́внагѡ проро́ка, предте́чи и҆ крести́телѧ і҆ѡа́нна. Прокі́менъ, гла́съ з҃: Возвесели́тсѧ пра́ведникъ ѡ҆ гдⷭ҇ѣ, и҆ ᲂу҆пова́етъ на него̀. Сті́хъ: Оу҆слы́ши бж҃е гла́съ мо́й, внегда̀ моли́ти ми сѧ къ тебѣ̀. А҆пⷭ҇лъ къ ри́млѧнѡмъ, зача́ло рв҃і. А҆ллилꙋ́їа, гла́съ г҃: Благослове́нъ гдⷭ҇ь бг҃ъ і҆и҃левъ, ꙗ҆́кѡ посѣтѝ и҆ сотворѝ и҆збавле́нїе лю́демъ свои́мъ. Сті́хъ: И҆ ты̀ ѻ҆троча̀ проро́къ вы́шнѧгѡ нарече́шисѧ. Прича́стный: Въ па́мѧть вѣ́чнꙋю:

к҃є [ѕ] Ст҃ы́ѧ прпⷣбномч҃нцы феѵрѡ́нїи. Слꙋ́жба септе́мврїа въ ѕ҃і де́нь. Въ то́йже де́нь ст҃ы́хъ чꙋдотво́рцєвъ мꙋ́ромскихъ, бл҃говѣ́рнагѡ кн҃зѧ петра̀ нарече́ннагѡ во и҆́ноцѣхъ дв҃да, и҆ благовѣ́рныѧ кн҃ги́ни феѵрѡ́нїи, нарече́нныѧ во и҆́нокинѧхъ є҆ѵфросѵ́нїи. Слꙋ́жба сегѡ̀ мцⷭ҇а въ а҃ де́нь. Прича́стный: Ра́дꙋйтесѧ првⷣнїи:

к҃ѕ [є] Преподо́бнагѡ ѻ҆ц҃а̀ на́шегѡ дв҃да, и҆́же въ селꙋ́нѣ: И҆ ꙗ҆вле́нїе і҆кѡ́ны прест҃ы́ѧ влⷣчцы на́шеѧ бцⷣы и҆ прⷭ҇нодв҃ы мр҃і́и, ти́хфинскїѧ. Слꙋ́жба септе́мврїа во и҃ де́нь.

к҃з [д] Прпⷣбнагѡ ѻ҆ц҃а̀ на́шегѡ самѱѡ́на страннопрїи́мца: Слꙋ́жба сегѡ̀ мцⷭ҇а въ а҃ де́нь. И҆ пра́здникъ ѡ҆ побѣ́дѣ бг҃омъ дарова́нной над̾ шве́дскимъ короле́мъ каро́ломъ вторымна́десѧть под̾ полта́вою, лѣ́та ѿ воплоще́нїѧ гдⷭ҇нѧ ҂аѱ҃ѳ. Прокі́менъ, гла́съ з҃: Гдⷭ҇ь крѣ́пость лю́демъ свои́мъ да́стъ, гдⷭ҇ь бл҃гослови́тъ лю́ди (л. с҃н) своѧ̀ ми́ромъ. Сті́хъ: Крѣ́пость моѧ̀ и҆ пѣ́нїе моѐ гдⷭ҇ь, и҆ бы́сть мнѣ̀ во спасе́нїе. И҆лѝ: Кто̀ бг҃ъ ве́лїй, ꙗ҆́кѡ бг҃ъ на́шъ, ты̀ є҆сѝ бг҃ъ творѧ́й чꙋдеса̀. А҆по́столъ, зача́ло ч҃ѳ. А҆ллилꙋ́їа. Сті́хъ: Гдⷭ҇ь си́лъ съ на́ми, застꙋ́пникъ на́шъ бг҃ъ і҆а́кѡвль. в҃: Бг҃ъ на́мъ прибѣ́жище и҆ си́ла: Прича́стный: Хвали́те гдⷭ҇а съ нб҃съ:

к҃и [г] Ст҃ы́хъ чꙋдотво́рцєвъ и҆ безсре́бреникѡвъ, кѵ́ра и҆ і҆ѡа́нна: Слꙋ́жба ное́мврїа въ пе́рвый де́нь. И҆ па́мѧть преподо́бныхъ ѻ҆ц҃ъ, се́ргїа и҆ ге́рмана, валаа́мскихъ чꙋдотво́рцєвъ.

к҃ѳ [в] Ст҃ы́хъ сла́вныхъ и҆ всехва́льныхъ первоверхо́вныхъ а҆по́стѡлъ, петра̀ и҆ па́ѵла. Прокі́менъ, гла́съ и҃: Во всю̀ зе́млю и҆зы́де вѣща́нїе и҆́хъ: и҆ въ концы̀ вселе́нныѧ глаго́лы и҆́хъ. Сті́хъ: Нб҃са̀ повѣ́даютъ сла́вꙋ бж҃їю, творе́нїе же рꙋкꙋ̀ є҆гѡ̀ возвѣща́етъ тве́рдь. А҆по́столъ къ корі́нѳѧнѡмъ, зача́ло рч҃г. А҆ллилꙋ́їа, гла́съ а҃: И҆сповѣ́дѧтъ нб҃са̀ чꙋдеса̀ твоѧ̀ гдⷭ҇и. Сті́хъ: Бг҃ъ прославлѧ́емь въ совѣ́тѣ ст҃ы́хъ. Прича́стный: Во всю̀ зе́млю:

л҃ [а] Собо́ръ ст҃ы́хъ сла́вныхъ и҆ всехва́льныхъ а҆пⷭ҇лъ в҃і. Прокі́менъ, а҆ллилꙋ́їа, и҆ прича́стный, сегѡ̀ мцⷭ҇а въ к҃ѳ. А҆по́столъ къ корі́нѳѧнѡмъ, зача́ло рл҃а.

Мѣ́сѧцъ і҆ꙋ́лїй.

а҃ [з] Ст҃ы́хъ и҆ чꙋдотво́рцєвъ безсре́бреникѡвъ, космы̀ и҆ дамїа́на, въ ри́мѣ пострада́вшихъ. Слꙋ́жба ное́мврїа въ а҃ де́нь.

в҃ [ѕ] Положе́нїе честны́ѧ ри́зы прест҃ы́ѧ влⷣчцы на́шеѧ бцⷣы, во влахе́рнѣ. Слꙋ́жба бцⷣы ное́мврїа въ к҃а де́нь.

г҃ [є] Ст҃а́гѡ мꙋ́ченика ѵ҆акі́нѳа: И҆ пренесе́нїе моще́й во ст҃ы́хъ ѻ҆ц҃а̀ на́шегѡ фїлі́ппа, митрополі́та моско́вскагѡ и҆ всеѧ̀ (л. с҃н ѡ҆б.) рѡссі́и чꙋдотво́рца. Слꙋ́жба ст҃и́тельскаѧ. А҆по́столъ ко є҆вре́ємъ, зача́ло тл҃є.

д҃ [д] И҆́же во ст҃ы́хъ ѻ҆ц҃а̀ на́шегѡ а҆ндре́а, а҆рхїепⷭ҇кпа кри́тскагѡ, і҆еросолѷмі́та. И҆ прпⷣбныѧ ма́рѳы, мт҃ре ст҃а́гѡ сѷмеѡ́на дивного́рца. Прокі́менъ, гла́съ з҃: Восхва́лѧтсѧ преподо́бнїи во сла́вѣ, и҆ возра́дꙋютсѧ на ло́жахъ свои́хъ. Сті́хъ: Воспо́йте гдⷭ҇ви пѣ́снь но́вꙋ, хвале́нїе є҆гѡ̀ въ це́ркви преподо́бныхъ. А҆пⷭ҇лъ ко є҆вре́ємъ, зача́ло ти҃і, ѿ полꙋ̀. А҆ллилꙋ́їа, гла́съ в҃: Сщ҃е́нницы твоѝ ѡ҆блекꙋ́тсѧ въ пра́вдꙋ, и҆ преподо́бнїи твоѝ возра́дꙋютсѧ. Прича́стный: Въ па́мѧть вѣ́чнꙋю:

є҃ [г] Прпⷣбнагѡ и҆ бг҃оно́снагѡ ѻ҆ц҃а̀ на́шегѡ а҆ѳана́сїа а҆ѳѡ́нскагѡ: Прокі́менъ, гла́съ з҃: Честна̀ пред̾ гдⷭ҇емъ сме́рть преподо́бныхъ є҆гѡ̀. Сті́хъ: Что̀ возда́мъ гдⷭ҇ви ѡ҆ всѣ́хъ, ꙗ҆̀же воздаде́ ми. А҆по́столъ къ гала́тѡмъ, зача́ло сг҃і. А҆ллилꙋ́їа, гла́съ ѕ҃: Блаже́нъ мꙋ́жъ боѧ́йсѧ гдⷭ҇а: Сті́хъ: Си́льно на землѝ бꙋ́детъ сѣ́мѧ є҆гѡ̀. Прича́стный: Въ па́мѧть вѣ́чнꙋю: И҆ ѡ҆брѣ́тенїе честны́хъ моще́й преподо́бнагѡ и҆ бг҃оно́снагѡ ѻ҆ц҃а̀ на́шегѡ се́ргїа и҆гꙋ́мена, ра́донежскагѡ чꙋдотво́рца. Слꙋ́жба ꙗ҆́же и҆ а҆ѳана́сїю.

ѕ҃ [в] Преподо́бнагѡ ѻ҆ц҃а̀ на́шегѡ сїсѡ́а вели́кагѡ.

з҃ [а] Преподо́бныхъ ѻ҆ц҃ъ на́шихъ, ѳѡмы̀, и҆́же въ мале́и: И҆ а҆ка́кїа, и҆́же въ лѣ́ствицѣ.

и҃ [з] Ст҃а́гѡ великомч҃нка проко́пїа: Прокі́менъ, гла́съ д҃: Ди́венъ бг҃ъ во ст҃ы́хъ свои́хъ, бг҃ъ і҆и҃левъ. Сті́хъ: Въ цр҃квахъ бл҃гослови́те бг҃а, гдⷭ҇а ѿ и҆стѡ́чникъ і҆и҃левыхъ. А҆пⷭ҇лъ къ тїмоѳе́ю, зача́ло сч҃в. А҆ллилꙋ́їа, гла́съ д҃: Пра́ведникъ ꙗ҆́кѡ фі́нїѯъ процвѣте́тъ: Прича́стный: Въ па́мѧть: И҆ ст҃а́гѡ проко́пїа, хрⷭ҇та̀ ра́ди ю҆ро́дивагѡ, ᲂу҆́стюжскагѡ чꙋдотво́рца: Слꙋ́жба прпⷣбническаѧ. Въ сі́й де́нь ꙗ҆вле́нїе і҆кѡ́ны прест҃ы́ѧ влⷣчцы на́шеѧ бцⷣы, во гра́дѣ каза́ни. Слꙋ́жба септе́мврїа во и҃ де́нь.

ѳ҃ [ѕ] Ст҃а́гѡ сщ҃енномч҃нка пагкра́тїа, є҆пⷭ҇кпа таѵромені́йскагѡ.

і҃ [є] Ст҃ы́хъ м҃є мꙋ́ченикъ, и҆̀же въ нїкопо́ли а҆рме́нстѣй: Въ то́йже де́нь пра́зднꙋемъ положе́нїе честны́ѧ и҆ многоцѣле́бныѧ ри́зы (л. сн҃а) гдⷭ҇а бг҃а и҆ сп҃са на́шегѡ і҆и҃са хрⷭ҇та̀: Слꙋ́жба септе́мврїа въ д҃і де́нь. И҆ преподо́бнагѡ ѻ҆ц҃а̀ на́шегѡ а҆нтѡ́нїа пече́рскагѡ кі́евскагѡ: Слꙋ́жба сегѡ̀ мцⷭ҇а въ є҃ де́нь. И҆ пра́зднованїе прест҃ѣ́й бцⷣѣ, ра́ди чꙋдотво́рныѧ є҆ѧ̀ і҆кѡ́ны въ коне́вской ѻ҆би́тели.

а҃і [д] Ст҃ы́ѧ мч҃нцы и҆ прехва́льныѧ є҆ѵѳѵ́мїи: Слꙋ́жба септе́мврїа въ ѕ҃і де́нь. И҆ преставле́нїе блаже́нныѧ ѻ҆́льги, кн҃ги́ни рѡссі́йскїѧ, во ст҃о́мъ креще́нїи нарече́нныѧ є҆ле́ны.

в҃і [г] Ст҃ы́хъ мꙋ́чєникъ, про́кла и҆ і҆ла́рїа: И҆ преподо́бнагѡ ѻ҆ц҃а̀ на́шегѡ мїхаи́ла малеина̀.

г҃і [в] Собо́ръ ст҃а́гѡ а҆рха́гг҃ла гаврїи́ла: Слꙋ́жба септе́мврїа въ ѕ҃ де́нь. И҆ преподо́бнагѡ ѻ҆ц҃а̀ на́шегѡ стефа́на савваі́та.

д҃і [а] Ст҃а́гѡ а҆по́стола а҆кѵ́лы.

є҃і [з] Ст҃ы́хъ мꙋ́чєникъ, ки́рѷка и҆ і҆ꙋлі́тты мт҃ре є҆гѡ̀. Прокі́менъ, гла́съ д҃: Ди́венъ бг҃ъ во ст҃ы́хъ свои́хъ: Сті́хъ: Въ цр҃квахъ бл҃гослови́те бг҃а, гдⷭ҇а ѿ и҆стѡ́чникъ і҆и҃левыхъ. А҆по́столъ къ корі́нѳѧнѡмъ, зача́ло рн҃д ѿ полꙋ̀. А҆ллилꙋ́їа, гла́съ з҃: И҆зоꙋ́стъ младе́нєцъ, и҆ ссꙋ́щихъ соверши́лъ є҆сѝ хвалꙋ̀. Причⷭ҇: Ра́дꙋйтесѧ: И҆ ст҃а́гѡ равноапⷭ҇ла, вели́кагѡ кн҃зѧ влади́мїра, нарече́ннагѡ во ст҃о́мъ кр҃ще́нїи васі́лїа. Прокі́менъ, гла́съ г҃: По́йте бг҃ꙋ на́шемꙋ, по́йте, по́йте цр҃е́ви на́шемꙋ, по́йте. Сті́хъ: Всѝ ꙗ҆зы́цы восплещи́те рꙋка́ми, воскли́кните бг҃ꙋ гла́сомъ ра́дованїѧ. А҆пⷭ҇лъ къ гала́тѡмъ, зача́ло с҃. А҆ллилꙋ́їа, гла́съ ѕ҃: Вознесо́хъ и҆збра́ннаго ѿ люде́й мои́хъ: Сті́хъ: И҆́бо рꙋка̀ моѧ̀ застꙋ́питъ є҆го̀. Прича́стный: Въ па́мѧть вѣ́чнꙋю:

ѕ҃і [ѕ] Ст҃а́гѡ сщ҃енномч҃нка а҆ѳиноге́на, и҆ десѧтѝ ᲂу҆чєни́къ є҆гѡ̀. Въ недѣ́лю по шестомна́десѧть числѣ̀ настоѧ́щагѡ мцⷭ҇а, па́мѧть соверша́емъ шестѝ собо́рѡвъ ст҃ы́хъ ѻ҆ц҃ъ. Прокі́менъ, гла́съ д҃. Пѣ́снь ѻ҆ц҃є́въ: Блгⷭ҇ве́нъ є҆сѝ гдⷭ҇и бж҃е ѻ҆ц҃ъ на́шихъ, и҆ хва́льно и҆ просла́влено и҆́мѧ твоѐ во вѣ́ки. Сті́хъ: Ꙗ҆́кѡ пра́веденъ є҆сѝ ѡ҆ всѣ́хъ, ꙗ҆̀же сотвори́лъ є҆сѝ на́мъ. А҆по́столъ ко є҆вре́ємъ, зача́ло тл҃д. А҆ллилꙋ́їа, гла́съ а҃: Бг҃ъ богѡ́въ гдⷭ҇ь глаго́ла, и҆ призва̀ зе́млю ѿ востѡ́къ со́лнца до за̑падъ. (л. сн҃а ѡ҆б.) Сті́хъ: Собери́те є҆мꙋ̀ прпⷣбныѧ є҆гѡ̀, завѣща́ющыѧ завѣ́тъ є҆гѡ̀ ѡ҆ же́ртвахъ. Прича́стный: Ра́дꙋйтесѧ пра́веднїи ѡ҆ гдⷭ҇ѣ:

з҃і [є] Ст҃ы́ѧ великомч҃нцы марі́ны. Слꙋ́жба септе́мврїа въ ѕ҃і де́нь.

и҃і [д] Ст҃а́гѡ мꙋ́ченика ѵ҆акі́нѳа, и҆́же во а҆мастрі́дѣ: И҆ ст҃а́гѡ мꙋ́ченика є҆мїлїа́на.

ѳ҃і [г] Преподо́бныѧ ма́тере на́шеѧ макрі́ны, сестры̀ вели́кагѡ васі́лїа: И҆ преподо́бнагѡ ѻ҆ц҃а̀ на́шегѡ ді́а.

к҃ [в] Ст҃а́гѡ сла́внагѡ проро́ка и҆лїѝ. Прокі́менъ, гла́съ д҃: Ты̀ і҆ере́й во вѣ́къ по чи́нꙋ мелхїседе́ковꙋ. Сті́хъ: Речѐ гдⷭ҇ь гдⷭ҇ви моемꙋ̀: сѣдѝ ѡ҆деснꙋ́ю менѐ, до́ндеже положꙋ̀ врагѝ твоѧ̀ подно́жїе но́гъ твои́хъ. А҆по́столъ ѿ і҆а́кѡвлѧ посла́нїѧ, зача́ло н҃з. А҆ллилꙋ́їа, гла́съ и҃: Мѡѷсе́й и҆ а҆арѡ́нъ во і҆ере́ехъ є҆гѡ̀, и҆ самꙋ́илъ въ призыва́ющихъ и҆́мѧ є҆гѡ̀. Прича́стный: Въ па́мѧть вѣ́чнꙋю:

к҃а [а] Преподо́бныхъ ѻ҆ц҃ъ на́шихъ, сѷмеѡ́на, хрⷭ҇та̀ ра́ди ю҆ро́дивагѡ: И҆ і҆ѡа́нна спо́стника є҆гѡ̀: И҆ ст҃а́гѡ проро́ка і҆езекі́илѧ.

к҃в [з] Ст҃ы́ѧ мѷроно́сицы, и҆ равноапⷭ҇льныѧ марі́и магдали́ны: И҆ возвраще́нїе моще́й ст҃а́гѡ сщ҃енномч҃нка фѡ́ки. Слꙋ́жба септе́мврїа въ ѕ҃і де́нь. А҆пⷭ҇лъ къ корі́нѳѧнѡмъ, зача́ло рм҃а. Прича́стный: Ра́дꙋйтесѧ пра́веднїи:

к҃г [ѕ] Ст҃ы́хъ мꙋ́чєникъ, трофі́ма и҆ ѳео́фїла, и҆ и҆̀же съ ни́ми.

к҃д [є] Ст҃ы́ѧ мꙋ́ченицы хрїсті́ны: Слꙋ́жба септе́мврїа въ ѕ҃і де́нь. И҆ ст҃ы́хъ мꙋ́чєникъ, бори́са и҆ глѣ́ба, нарече́нныхъ во ст҃о́мъ креще́нїи рѡма́на и҆ дв҃да. Слꙋ́жба мꙋ́ченикѡвъ ѻ҆́бща.

к҃є [д] Оу҆спе́нїе ст҃ы́ѧ а҆́нны, мт҃ре прест҃ы́ѧ бцⷣы: Слꙋ́жба септе́мврїа въ ѳ҃ де́нь. И҆ па́мѧть ст҃ы́хъ же́нъ, ѻ҆лѷмпїа́ды и҆ є҆ѵпраѯі́и: И҆ преподо́бнагѡ ѻ҆ц҃а̀ на́шегѡ мака́рїа ᲂу҆́нжескагѡ. Слꙋ́жба сегѡ̀ мцⷭ҇а въ є҃ де́нь.

к҃ѕ [г] Ст҃а́гѡ сщ҃енномꙋ́ченика є҆рмола́а, и҆ и҆̀же съ ни́мъ: И҆ ст҃ы́ѧ преподобномꙋ́ченицы параске́ѵи.

к҃з [в] Ст҃а́гѡ великомꙋ́ченика и҆ цѣли́телѧ пантелеи́мона. Слꙋ́жба і҆ꙋ́лїа во и҃ де́нь, великомꙋ́ченика проко́пїа.

к҃и [а] Ст҃ы́хъ а҆пⷭ҇лъ и҆ дїа́конѡвъ, про́хѡра, нїкано́ра, ті́мѡна и҆ (л. сн҃в) парме́на: Въ сі́й де́нь пра́зднꙋемъ ꙗ҆вле́нїе і҆кѡ́ны смоле́нскїѧ прест҃ы́ѧ влⷣчцы на́шеѧ бцⷣы, ѻ҆дїги́трїи. Слꙋ́жба бцⷣы, септе́мврїа во и҃ де́нь.

к҃ѳ [з] Ст҃а́гѡ мꙋ́ченика каллїні́ка.

л҃ [ѕ] Ст҃ы́хъ а҆пⷭ҇лъ, сі́лы и҆ сїлꙋа́на, и҆ и҆̀же съ ни́ми.

л҃а [є] Предпра́зднство происхожде́нїѧ честна́гѡ и҆ животворѧ́щагѡ крⷭ҇та̀ гдⷭ҇нѧ: И҆ ст҃а́гѡ и҆ пра́веднагѡ є҆ѵдокі́ма. Слꙋ́жба сегѡ̀ мцⷭ҇а, въ є҃ де́нь.

Мѣ́сѧцъ а҆́ѵгꙋстъ.

а҃ [д] Происхожде́нїе чⷭ҇тны́хъ дре́въ чⷭ҇тна́гѡ и҆ животворѧ́щагѡ крⷭ҇та̀: И҆ па́мѧть ст҃ы́хъ седмѝ мꙋ́чєникъ маккавє́й, и҆ ма́тере и҆́хъ соломѡні́и, и҆ ᲂу҆чи́телѧ и҆́хъ є҆леаза́ра. Прокі́менъ, гла́съ ѕ҃: Спасѝ гдⷭ҇и лю́ди твоѧ̀, и҆ блгⷭ҇вѝ достоѧ́нїе твоѐ. Сті́хъ: Къ тебѣ̀ гдⷭ҇и воззовꙋ̀, бж҃е мо́й, да не премолчи́ши ѿ менѐ. Ст҃ы̑мъ прокі́менъ, гла́съ д҃: Ст҃ы̑мъ, и҆̀же сꙋ́ть на землѝ є҆гѡ̀, ᲂу҆дивѝ гдⷭ҇ь всѧ̀ хотѣ̑нїѧ своѧ̀ въ ни́хъ. А҆пⷭ҇лъ къ корі́нѳѧнѡмъ, зача́ло рк҃є. И҆ ст҃ы̑мъ, ко є҆вре́ємъ, зача́ло т҃л. А҆ллилꙋ́їа, гла́съ д҃: Помѧнѝ со́нмъ тво́й, є҆го́же стѧжа́лъ є҆сѝ и҆спе́рва. Сті́хъ: Бг҃ъ же цр҃ь на́шъ пре́жде вѣ́ка, содѣ́ла спасе́нїе посредѣ̀ землѝ. Ст҃ы̑мъ: Воззва́ша пра́веднїи, и҆ гдⷭ҇ь ᲂу҆слы́ша и҆̀хъ. Прича́стный: Зна́менасѧ на на́съ: Дрꙋгі́й: Ра́дꙋйтесѧ пра́веднїи ѡ҆ гдⷭ҇ѣ:

в҃ [г] Пренесе́нїе моще́й ст҃а́гѡ первомꙋ́ченика и҆ а҆рхїдїа́кона стефа́на: Слꙋ́жба деке́мврїа въ к҃з де́нь. И҆ преставле́нїе ст҃а́гѡ блаже́ннагѡ васі́лїа, хрⷭ҇та̀ ра́ди ю҆ро́дивагѡ, моско́вскагѡ чꙋдотво́рца. На лїтꙋргі́и прокі́менъ, гла́съ з҃: Возвесели́тсѧ пра́ведникъ (л. сн҃в ѡ҆б.) ѡ҆ гдⷭ҇ѣ, и҆ ᲂу҆пова́етъ на него̀. Сті́хъ: Оу҆слы́ши бж҃е гла́съ мо́й, внегда̀ моли́ти ми сѧ къ тебѣ̀. А҆пⷭ҇лъ къ гала́тѡмъ, зача́ло сг҃і. А҆ллилꙋ́їа, гла́съ ѕ҃: Бл҃же́нъ мꙋ́жъ, боѧ́йсѧ гдⷭ҇а. Прича́стный: Въ па́мѧть вѣ́чнꙋю:

г҃ [в] Преподо́бныхъ ѻ҆ц҃ъ на́шихъ, і҆саа́кїа, далма́та и҆ фа́ѵста: И҆ преподо́бнагѡ ѻ҆ц҃а̀ на́шегѡ а҆нтѡ́нїа ри́млѧнина, новогоро́дскагѡ чꙋдотво́рца. Слꙋ́жба і҆ꙋ́лїа въ є҃ де́нь.

д҃ [а] Ст҃ы́хъ седмѝ ѻ҆трокѡ́въ, и҆̀же во є҆фе́сѣ: И҆ ст҃ы́ѧ преподобномꙋ́ченицы є҆ѵдокі́и.

є҃ [з] Предпра́зднство преѡбраже́нїѧ гдⷭ҇а бг҃а и҆ сп҃са на́шегѡ і҆и҃са хрⷭ҇та̀: И҆ ст҃а́гѡ мꙋ́ченика є҆ѵсѷгні́а.

ѕ҃ [ѕ] Преѡбраже́нїе гдⷭ҇а бг҃а и҆ сп҃са на́шегѡ і҆и҃са хрⷭ҇та̀. На лїтꙋргі́и, а҆нтїфѡ́нъ а҃, ѱало́мъ ѯ҃є, гла́съ в҃. Сті́хъ а҃: Воскли́кните гдⷭ҇ви всѧ̀ землѧ̀, по́йте же и҆́мени є҆гѡ̀, дади́те сла́вꙋ хвалѣ̀ є҆гѡ̀. Мл҃твами бцⷣы, сп҃се спасѝ на́съ. Дрꙋгі́й ли́къ то́йже сті́хъ: Воскли́кните гдⷭ҇ви: Мл҃твами бцⷣы: И҆ па́ки пе́рвый ли́къ, ѱало́мъ ѻ҃ѕ. Сті́хъ в҃: Гла́съ гро́ма твоегѡ̀ въ колесѝ, ѡ҆свѣти́ша мѡ́лнїѧ твоѧ̀ вселе́ннꙋю, подви́жесѧ и҆ тре́петна бы́сть землѧ̀. Мл҃твами бцⷣы, сп҃се спасѝ на́съ. Ѱало́мъ р҃г. Сті́хъ г҃: Во и҆сповѣ́данїе и҆ въ велелѣ́потꙋ ѡ҆бле́клсѧ є҆сѝ, ѡ҆дѣѧ́йсѧ свѣ́томъ ꙗ҆́кѡ ри́зою. Мл҃твами бцⷣы, сп҃се спасѝ на́съ. Сла́ва, и҆ ны́нѣ: Мл҃твами бцⷣы сп҃се спасѝ на́съ. А҆нтїфѡ́нъ в҃, ѱало́мъ м҃з. Сті́хъ а҃: Го́ры сїѡ́нскїѧ, ре́бра сѣ́верова, гра́дъ цр҃ѧ̀ вели́кагѡ. Спаси́ ны сн҃е бж҃їй преѡбрази́выйсѧ на горѣ̀, пою́щыѧ тѝ: а҆ллилꙋ́їа. Дрꙋгі́й ли́къ то́йже. Ѱало́мъ ѻ҃з. Сті́хъ в҃: И҆ введѐ ѧ҆̀ въ го́рꙋ ст҃ы́ни своеѧ̀, го́рꙋ сїю̀, ю҆́же стѧжа̀ десни́ца є҆гѡ̀. Спаси́ ны сн҃е бж҃їй, преѡбрази́выйсѧ на горѣ̀: Сті́хъ г҃: Го́рꙋ сїѡ́ню, ю҆́же возлюбѝ, и҆ созда̀ ꙗ҆́кѡ є҆диноро́га ст҃и́лище своѐ. Спаси́ ны сн҃е бж҃їй, преѡбрази́выйсѧ: Сла́ва, и҆ ны́нѣ: Є҆диноро́дный сн҃е и҆ сло́ве бж҃їй: А҆нтїфѡ́нъ г҃, ѱало́мъ рк҃д, гла́съ з҃. Сті́хъ а҃: Надѣ́ющїисѧ на гдⷭ҇а, ꙗ҆́кѡ гора̀ сїѡ́нъ не подви́житсѧ во вѣ́къ. Тропа́рь, гла́съ з҃: Преѡбрази́лсѧ є҆сѝ на горѣ̀ хрⷭ҇тѐ бж҃е, показа́вый (л. сн҃г) ᲂу҆чн҃кѡ́мъ твои́мъ сла́вꙋ твою̀, ꙗ҆́коже можа́хꙋ: да возсїѧ́етъ и҆ на́мъ грѣ́шнымъ свѣ́тъ тво́й присносꙋ́щный, моли́твами бцⷣы, свѣтода́вче сла́ва тебѣ̀. Сті́хъ: Го́ры ѻ҆́крестъ є҆гѡ̀, и҆ гдⷭ҇ь ѻ҆́крестъ люде́й свои́хъ, ѿ ны́нѣ и҆ до вѣ́ка. Тропа́рь: Преѡбрази́лсѧ є҆сѝ: Ѱало́мъ д҃і, сті́хъ г҃: Гдⷭ҇и, кто̀ ѡ҆бита́етъ въ жили́щи твое́мъ; и҆лѝ кто̀ всели́тсѧ во ст҃ꙋ́ю го́рꙋ твою̀; Тропа́рь: Преѡбрази́лсѧ є҆сѝ на горѣ̀: Ѱало́мъ к҃г, сті́хъ д҃: Кто̀ взы́детъ на го́рꙋ гдⷭ҇ню; и҆лѝ кто̀ ста́нетъ на мѣ́стѣ ст҃ѣ́мъ є҆гѡ̀; Тропа́рь: Преѡбрази́лсѧ є҆сѝ на горѣ̀: Вхо́дное: Гдⷭ҇и, послѝ свѣ́тъ тво́й, и҆ и҆́стинꙋ твою̀: та̀ мѧ̀ наста́виста, и҆ введо́ста мѧ̀ въ го́рꙋ ст҃ꙋ́ю твою̀. Тропа́рь: Преѡбрази́лсѧ є҆сѝ на горѣ̀: Сла́ва, и҆ ны́нѣ: Конда́къ, гла́съ то́йже: На горѣ̀ преѡбрази́лсѧ є҆сѝ, и҆ ꙗ҆́коже вмѣща́хꙋ ᲂу҆ченицы̀ твоѝ, сла́вꙋ твою̀ хрⷭ҇тѐ бж҃е ви́дѣша: да є҆гда́ тѧ ᲂу҆́зрѧтъ распина́ема, страда́нїе ᲂу҆́бѡ ᲂу҆разꙋмѣ́ютъ во́льное, мі́рови же проповѣ́дѧтъ, ꙗ҆́кѡ ты̀ є҆сѝ вои́стиннꙋ ѻ҆́ч҃ее сїѧ́нїе. Трист҃о́е. Прокі́менъ, гла́съ д҃: Ꙗ҆́кѡ возвели́чишасѧ дѣла̀ твоѧ̀ гдⷭ҇и, всѧ̀ премꙋ́дростїю сотвори́лъ є҆сѝ. Сті́хъ: Бл҃гословѝ дꙋшѐ моѧ̀ гдⷭ҇а, гдⷭ҇и бж҃е мо́й, возвели́чилсѧ є҆сѝ ѕѣлѡ̀. А҆пⷭ҇лъ ѿ петро́ва посла́нїѧ, зача́ло ѯ҃є. А҆ллилꙋ́їа, гла́съ и҃: Твоѧ̀ сꙋ́ть нб҃са̀, и҆ твоѧ̀ є҆́сть землѧ̀. Сті́хъ: Бл҃же́ни лю́дїе вѣ́дꙋщїи воскликнове́нїе. Прича́стный: Гдⷭ҇и, во свѣ́тѣ лица̀ твоегѡ̀ по́йдемъ, и҆ ѡ҆ и҆́мени твое́мъ возра́дꙋемсѧ во вѣ́ки. Въ то́йже де́нь ве́чера, прокі́менъ, гла́съ з҃: Бг҃ъ на́шъ на нб҃сѝ и҆ на землѝ: пи́санъ і҆аннꙋа́рїа въ ѕ҃ де́нь.

з҃ [є] Ст҃а́гѡ прпⷣбномч҃нка дометі́а: Прокі́менъ пра́здника, и҆ до ѿда́нїѧ. И҆ ст҃а́гѡ, гла́съ з҃: Честна̀ пред̾ гдⷭ҇емъ сме́рть прпⷣбныхъ є҆гѡ̀. Сті́хъ: Что̀ возда́мъ гдⷭ҇ви ѡ҆ всѣ́хъ, ꙗ҆̀же воздаде́ ми; А҆пⷭ҇лъ къ є҆фесе́ємъ, зача́ло сл҃г. А҆ллилꙋ́їа, гла́съ д҃: Првⷣникъ ꙗ҆́кѡ фі́нїѯъ процвѣте́тъ. Прича́стный пра́здника, и҆ ст҃а́гѡ: Въ па́мѧть вѣ́чнꙋю:

и҃ [д] Ст҃а́гѡ є҆мїлїа́на и҆сповѣ́дника, є҆пі́скопа кѷзі́ческагѡ.

ѳ҃ [г] Ст҃а́гѡ а҆пⷭ҇ла матѳі́а. Прокі́менъ, гла́съ и҃: Во всю̀ зе́млю (л. сн҃г ѡ҆б.) и҆зы́де вѣща́нїе и҆́хъ, и҆ въ концы̀ вселе́нныѧ глаго́лы и҆́хъ. Сті́хъ: Небеса̀ повѣ́даютъ сла́вꙋ бж҃їю: А҆пⷭ҇лъ въ дѣѧ́нїихъ, зача́ло в҃. А҆ллилꙋ́їа, гла́съ а҃: И҆сповѣ́дѧтъ нб҃са̀ чꙋдеса̀ твоѧ̀ гдⷭ҇и. Сті́хъ: Бг҃ъ прославлѧ́емь въ совѣ́тѣ ст҃ы́хъ. Прича́стный пра́здника, и҆ ст҃а́гѡ: Во всю̀ зе́млю и҆зы́де вѣща́нїе и҆́хъ:

і҃ [в] Ст҃а́гѡ мꙋ́ченика и҆ а҆рхїдїа́кона лаѵре́нтїа.

а҃і [а] Ст҃а́гѡ мꙋ́ченика и҆ а҆рхїдїа́кона є҆́ѵпла.

в҃і [з] Ст҃ы́хъ мꙋ́чєникъ, фѡ́тїа и҆ а҆нїки́ты.

г҃і [ѕ] Преподо́бнагѡ ѻ҆ц҃а̀ на́шегѡ маѯі́ма и҆сповѣ́дника. И҆ па́мѧть и҆́же во ст҃ы́хъ ѻ҆ц҃а̀ на́шегѡ тѵ́хѡна, є҆пⷭ҇кпа воро́нежскагѡ.

Въ сі́й де́нь ѿдае́тсѧ пра́здникъ преѡбраже́нїѧ.

д҃і [є] Предпра́зднство ᲂу҆спе́нїѧ прест҃ы́ѧ бцⷣы: И҆ ст҃а́гѡ прⷪ҇ро́ка мїхе́а.

є҃і [д] Оу҆спе́нїе прест҃ы́ѧ влⷣчцы на́шеѧ бцⷣы, и҆ приснодв҃ы мр҃і́и. Прокі́менъ, гла́съ г҃, пѣ́снь бцⷣы: Вели́читъ дꙋша̀ моѧ̀ гдⷭ҇а, и҆ возра́довасѧ дꙋ́хъ мо́й ѡ҆ бз҃ѣ сп҃сѣ мое́мъ. Сті́хъ: Ꙗ҆́кѡ призрѣ̀ на смире́нїе рабы̀ своеѧ̀, се́ бо ѿ ны́нѣ ᲂу҆бл҃жа́тъ мѧ̀ всѝ ро́ди. А҆пⷭ҇лъ къ фїлїпписі́ємъ, зача́ло с҃м. А҆ллилꙋ́їа, гла́съ в҃: Воскреснѝ гдⷭ҇и въ поко́й тво́й, ты̀ и҆ кївѡ́тъ ст҃ы́ни твоеѧ̀. Сті́хъ: Клѧ́тсѧ гдⷭ҇ь дв҃дꙋ и҆́стиною, и҆ не ѿве́ржетсѧ є҆ѧ̀. Прича́стный: Ча́шꙋ спасе́нїѧ:

ѕ҃і [г] Пренесе́нїе ѿ є҆де́са нерꙋкотворе́ннагѡ ѻ҆́браза гдⷭ҇а бг҃а и҆ сп҃са на́шегѡ і҆и҃са хрⷭ҇та̀, є҆́же є҆́сть ст҃ы́й ᲂу҆брꙋ́съ, въ ца́рскїй гра́дъ: И҆ ст҃а́гѡ мꙋ́ченика дїоми́да. Прокі́менъ, гла́съ д҃: Воспо́йте гдⷭ҇ви пѣ́снь но́вꙋ, ꙗ҆́кѡ ди́вна сотворѝ гдⷭ҇ь. Сті́хъ: Ви́дѣша всѝ концы̀ землѝ спасе́нїе бг҃а на́шегѡ. А҆пⷭ҇лъ къ колосса́ємъ, зача́ло с҃и, и҆лѝ къ корі́нѳѧнѡмъ, зача́ло рѻ҃г. А҆ллилꙋ́їа, гла́съ д҃: Гдⷭ҇и, во свѣ́тѣ лица̀ твоегѡ̀ по́йдемъ, и҆ ѡ҆ и҆́мени твое́мъ возра́дꙋемсѧ во вѣ́ки. Прича́стный: Гдⷭ҇и, въ свѣ́тѣ лица̀ твоегѡ̀ по́йдемъ, и҆ ѡ҆ и҆́мени твое́мъ возра́дꙋемсѧ во вѣ́ки. А҆ллилꙋ́їа.

з҃і [в] Ст҃а́гѡ мꙋ́ченика мѵ́рѡна.

и҃і [а] Ст҃ы́хъ мꙋ́чєникъ флѡ́ра и҆ ла́ѵра. Прокі́менъ пра́здника, и҆ до ѿда́нїѧ: И҆ ст҃ы̑мъ, слꙋ́жба деке́мврїа въ і҃ де́нь. (л. сн҃д)

ѳ҃і [з] Ст҃а́гѡ мꙋ́ченика а҆ндре́а стратила́та, и҆ и҆̀же съ ни́мъ пострада́вшихъ двꙋ̀ ты́сѧщъ, и҆ пѧтѝ сѡ́тъ, и҆ девѧти́десѧти и҆ тре́хъ. Слꙋ́жба деке́мврїа въ г҃і де́нь.

к҃ [ѕ] Ст҃а́гѡ проро́ка самꙋ́ила.

к҃а [є] Ст҃а́гѡ а҆пⷭ҇ла ѳадде́а: И҆ ст҃ы́ѧ мч҃нцы ва́ссы: Въ то́йже де́нь преставле́нїе преподо́бнагѡ ѻ҆ц҃а̀ на́шегѡ а҆вра́мїа а҆рхїмандрі́та, смоле́нскагѡ чꙋдотво́рца. Слꙋ́жба є҆мꙋ̀ преподо́бническаѧ.

к҃в [д] Ст҃а́гѡ мꙋ́ченика а҆гаѳоні́ка, и҆ и҆̀же съ ни́мъ.

к҃г [г] Ст҃а́гѡ мꙋ́ченика лꙋ́ппа. И҆ ѿдае́тсѧ пра́здникъ ᲂу҆спе́нїѧ прест҃ы́ѧ бцⷣы.

к҃д [в] Ст҃а́гѡ сщ҃енномч҃нка є҆ѵтѵ́ха, ᲂу҆ч҃нка̀ ст҃а́гѡ і҆ѡа́нна бг҃осло́ва: И҆ пренесе́нїе честны́хъ моще́й, и҆́же во ст҃ы́хъ ѻ҆ц҃а̀ на́шегѡ петра̀, митрополі́та кі́евскагѡ и҆ всеѧ̀ рѡссі́и чꙋдотво́рца. Слꙋ́жба деке́мврїа въ к҃а де́нь.

к҃є [а] Возвраще́нїе моще́й ст҃а́гѡ а҆пⷭ҇ла варѳоломе́а: И҆ па́мѧть ст҃а́гѡ а҆пⷭ҇ла ті́та. Прокі́менъ, гла́съ и҃: Во всю̀ зе́млю и҆зы́де вѣща́нїе и҆́хъ, и҆ въ концы̀ вселе́нныѧ глаго́лы и҆́хъ. Сті́хъ: Нб҃са̀ повѣ́даютъ сла́вꙋ бж҃їю, творе́нїе же рꙋкꙋ̀ є҆гѡ̀ возвѣща́етъ тве́рдь. А҆пⷭ҇лъ къ ті́тꙋ, зача́ло т҃. А҆ллилꙋ́їа, гла́съ а҃: И҆сповѣ́дѧтъ нб҃са̀ чꙋдеса̀ твоѧ̀ гдⷭ҇и. Прича́стный: Во всю̀ зе́млю и҆зы́де вѣща́нїе и҆́хъ:

к҃ѕ [з] Ст҃ы́хъ мꙋ́чєникъ, а҆дрїа́на и҆ ната́лїи: Въ сі́й де́нь пра́зднꙋемъ вослѣ́дованїе похва́льно срѣ́тенїѧ чꙋдотво́рныѧ і҆кѡ́ны влади́мїрскїѧ, прест҃ы́ѧ влⷣчцы на́шеѧ бцⷣы. Слꙋ́жба септе́мврїа въ и҃ де́нь.

к҃з [ѕ] Прпⷣбнагѡ ѻ҆ц҃а̀ на́шегѡ пі́мена вели́кагѡ. Слꙋ́жба і҆ꙋ́лїа въ є҃ де́нь.

к҃и [є] Преподо́бнагѡ ѻ҆ц҃а̀ на́шегѡ мѡѷсе́а мꙋ́рїна.

к҃ѳ [д] Оу҆сѣкнове́нїе чⷭ҇тны́ѧ главы̀ чⷭ҇тна́гѡ сла́внагѡ прⷪ҇ро́ка, прⷣте́чи и҆ крⷭ҇ти́телѧ гдⷭ҇нѧ і҆ѡа́нна. Прокі́менъ, гла́съ з҃: Возвесели́тсѧ првⷣникъ ѡ҆ гдⷭ҇ѣ и҆ ᲂу҆пова́етъ на него̀. Сті́хъ: Оу҆слы́ши бж҃е гла́съ мо́й, внегда̀ моли́ти ми сѧ къ тебѣ̀: А҆пⷭ҇лъ въ дѣѧ́нїихъ зача́ло л҃г. А҆ллилꙋ́їа, гла́съ д҃: Првⷣникъ ꙗ҆́кѡ фі́нїѯъ (л. сн҃д ѡ҆б.) процвѣте́тъ, ꙗ҆́кѡ ке́дръ, и҆́же въ лїва́нѣ ᲂу҆мно́житсѧ. Сті́хъ: Насажде́ни въ домꙋ̀ гдⷭ҇ни, во дво́рѣхъ бг҃а на́шегѡ процвѣтꙋ́тъ. Прича́стный: Въ па́мѧть вѣ́чнꙋю:

л҃ [г] И҆́же во ст҃ы́хъ ѻ҆ц҃ъ на́шихъ, патрїа́рхѡвъ кѡнстанті́нѧ гра́да, а҆леѯа́ндра, і҆ѡа́нна и҆ па́ѵла но́вагѡ: И҆ пренесе́нїе моще́й свѧта́гѡ благовѣ́рнагѡ вели́кагѡ кн҃зѧ а҆леѯа́ндра не́вскагѡ. Слꙋ́жба ное́мврїа въ к҃г де́нь.

И҆ ѡ҆брѣ́тенїе моще́й ст҃а́гѡ благовѣ́рнагѡ кнѧ́зѧ данїи́ла моско́вскагѡ. И҆ преставле́нїе преподо́бнагѡ ѻ҆ц҃а̀ на́шегѡ а҆леѯа́ндра, сви́рскагѡ чꙋдотво́рца. Слꙋ́жба і҆ꙋ́лїа въ є҃ де́нь.

л҃а [в] Положе́нїе честна́гѡ по́ѧса прест҃ы́ѧ влⷣчцы на́шеѧ бцⷣы въ халкопра́тїи, принесе́нꙋ ѿ є҆пⷭ҇ко́пїи зи́лы въ црⷭ҇твꙋющїй гра́дъ. Слꙋ́жба ное́мврїа въ к҃а де́нь.