Чи́нъ сщ҃е́нныѧ и҆
бж҃е́ственныѧ лїтꙋргі́и во ст҃ы́хъ ѻ҆тца̀ на́шегѡ і҆ѡа́нна златоꙋстагѡ: ка́кѡ подоба́етъ слꙋжи́ти а҆рхїере́ємъ
Егда бывает праздник, приспе́вшу времени Божественныя литургии, и еже ити́ архиерею ко святому храму, приходит ко архиерею примики́рий (свещеносец) с лампадою, архиерею еще в дому́ су́щу со архимандри́ты, священники, диаконы, клирики и сано́вными. Примики́рий же, став пред архиереем с лампадою возжже́ною, сотворяет поклон архиерею. Архиерей же востает от места своего и и́дет ко храму, и предходят ему сано́внии, та́же диакони и священницы, клирицы же, иду́ще, поют стих праздника. Та́же примики́рий и́дет пред архиереем, нося лампаду вели́ку возжже́ну, мало по стране́ десне́й архиереа. Архидиакон же или́ протодиакон близ архиереа позади́ со страны. Та́же последуют архиерею архимандрити, игумени, священномонаси, два два.
[В прочыя же дни, кроме́ великих праздников. примикирий с лампадою не приходит в дом архиере́ов, и клирицы не предходят, но во врате́х храма сретает архиереа примикирий со диаконы и покланя́ется архиерею.]
Егда же прибли́жится архиерей и имать вни́ти во врата храма, сретают его два диакони с кадильницами, и начинают певцы пети косно и со сладкопением: Досто́йно есть я́ко вои́стину блажи́ти Тя, Богоро́дицу: до конца. Аще же есть Владычний праздник, поют ирмос 9-я песни.
Архиерей же, входя во храм, глаголет тихим гласом:
Вни́дꙋ въ до́мъ тво́й, поклоню́сѧ ко хра́мꙋ ст҃о́мꙋ твоемꙋ̀ во стра́сѣ твое́мъ: гдⷵи, наста́ви мѧ̀ пра́вдою твое́ю, вра̑гъ мои́хъ ра́ди и҆справи пред̾ тобо́ю пꙋ́ть мо́й.
Приходя же станет пред святыми две́рьми олтаря́ у амвона на орлеце. Архимандрити же, игумени, протопресвитери и иере́е станут позади архиереа по чину, на о́бе страны.
Архиерей же, сотворив три поклоны, глаголет:
Бл҃гослове́нъ бг҃ъ на́шъ всегда̀, ны́нѣ и҆ при́снѡ и҆ во вѣ́ки вѣкѡ́въ.
И протодиакон, стоя́ близ его, глаголет: Ами́нь. Таже, Царю́ Небе́сный: Трисвятое, по Отче наш:
Архиерей: Ꙗкѡ твоѐ єсть црⷵтво:
И умилительныя тропари глаголет:
Поми́лꙋй на́съ гдⷵи, поми́лꙋй на́съ, всѧ́кагѡ бо ѿвѣ́та недоꙋмѣ́юще, сїю́ ти мл҃твꙋ ꙗкѡ влⷣце грѣ́шнїи прино́симъ: поми́лꙋй на́съ.
Протодиакон: Сла́ва Отцу́ и Сы́ну, и Свято́му Ду́ху.
Архиерей, тропарь:
Гдⷵи, поми́лꙋй на́съ, на тѧ́ бо ѹ҆пова́хомъ, не прогнѣ́вайсѧ на ны̀ ѕѣлѡ̀, нижѐ помѧнѝ беззако́нїй на́шихъ, но при́зри и҆ ны́нѣ ꙗкѡ бл҃гоꙋтро́беиъ, и҆ и҆зба́ви ны̀ ѿ вра̑гъ на́шихъ: ты́ бо є҆сѝ бг҃ъ на́шъ, и҆ мы̀ лю́дїе твоѝ, всѝ дѣла̀ рꙋкꙋ̀ тво́ею, и҆ имѧ твоѐ призыва́емъ.
Протодиакон: И ны́не и при́сно, и во ве́ки веко́в. Ами́нь.
Архиерей:
Милосе́рдїа двє́ри ѿве́рзи на́мъ бл҃гослове́ннаѧ бцⷣе, надѣ́ющїиса на тѧ̀ да не поги́бнемъ, но да и҆зба́вимса тобо́ю ѿ бѣ́дъ: ты́ бо є҆сѝ спасе́нїе ро́да хрїстїанскагѡ.
Таже приближився архиерей ко Владычней святей иконе, Господа нашего Иисуса Христа, сущей на десне́й стране, и сотворив поклон, глаголет тропарь:
Пречⷵтомꙋ твоемꙋ̀ ѻбразꙋ покланѧ́емса бл҃гі́й, просѧ́ще проще́нїѧ прегрѣше́нїй на́шихъ хрⷵтѐ бж҃е, во́лею бо бл҃говоли́лъ є҆сѝ пло́тїю взы́ти на крⷵтъ, да и҆зба́виши, ꙗже созда́лъ є҆сѝ, ѿ рабо́ты вра́жїѧ. тѣ́мъ бл҃года́рственнѡ вопїе́мъ тѝ: ра́дости и҆спо́лнилъ є҆сѝ всѧ̑ сп҃се на́шъ, прише́дый спастѝ мі́ръ.
И целует святую икону.
Таже и́дет на левую страну, пред икону Богоматере, и, сотворив поклон, глаголет тропарь:
Млⷵрдїѧ сꙋ́щи и҆сто́чникъ, ми́лости сподо́би на́съ бцⷣе, при́зри на лю́ди согрѣши́вшыѧ, ꙗ҆вѝ ꙗкѡ при́снѡ си́лꙋ твою̀, на тѧ́ бо ѹ҆пова́юще, ра́дꙋйса, вопїе́мъ тѝ, ꙗкѡже и҆ногда̀ гаврїи́лъ, безпло́тныхъ а҆рхїстрати́гъ.
И целует святую икону.
Таже и́дет ко иконе храма и праздника, глаголя тропарь, и целует икону, творя поклоны по чину, и по обычаю. Певцы же поют безпрестанно: Досто́йно есть:
Приходит же архиерей посреди пред святыя двери олтаря, на преждереченное место, зря на восток, и, приклонив главу, молится, глаголя:
Гдⷵи, низпослѝ рꙋ́кꙋ твою̀ съ высоты̀ ст҃а́гѡ жили́ща твоегѡ̀ и҆ ѹ҆крѣпѝ мѧ̀ въ предлежа́щꙋю слꙋ́жбꙋ твою̀, да не ѡ҆сꙋжде́ннѡ предста́нꙋ стра́шномꙋ прⷵто́лꙋ твоемꙋ̀ и҆ безкро́вное сщ҃еннодѣ́йствїе совершꙋ̀. ꙗкѡ твоѧ̀ єсть си́ла и҆ сла́ва во вѣ́кн вѣкѡ́въ. А҆ми́нь.
И, восклоняся, обращается к народу и осеняет обе́ма рука́ма, держа пастырский жезл.
Тогда певцы поют со сладкопением:
Тон дэспо́тин кэ архиере́а имо́н, Ки́рие, фи́латтэ. Ис полла́ э́ти, дэ́спота. Три́щи. [Пети не все трищи. то́кмо: Ис полла́ э́ти, дэ́спота.]
Таже восходит на уготованное место (кафедру), последуют же ему и иму́щии сослужити, по два, архимандрити, и прочии, сотворяюще поклон архиерею, седя́щему на месте, держащу ему и пастырский жезл в левой руце́, и целуют святую его десницу, и, отшедше, паки сотворяют поклон архиерею. Он же, седя́, осеняет я́ рукою крестовидно, и входят во святый олта́рь, северными и южными две́рьми, по чину, и облачаются во священныя одежды. Уготовляют же кли́рицы архиерейския одежды.
Хотящии же облачати архиереа протодиакон и вто́рствуяй диаконов, со прочими диаконы, восходят на место: ов убо от десны́х, ов же от левых, ини́и же диакони стоят ни́зу пред местом проти́во архиереа, держаще оба кадильницы. Архиерей востает от места и даст пастырский жезл единому чтецу, иже и держи́т и́ обе́ма рука́ма, мало подъе́м, ви́сящу на нем и пла́ту златошве́нному (суло́к), и стоит мало созади́ архиереа. Приемлют же протодиакон и вторствуяй диаконов клобу́к архиерейский, мантию и панаги́ю, и ра́су (рясу) и полагают на ми́су (блюдо).И певцы начинают пети:
Свы́ше проро́цы Тя предвозвести́ша, Отрокови́це: ста́мну, жезл, скрижа́ль, киво́т, све́щник, трапе́зу, го́ру несеко́мую, злату́ю кади́льницу и ски́нию, дверь непрохо́дную, пала́ту и ле́ствицу, и престо́л Царе́в.
Или́: Царь Небе́сный: или и́но что дне, или праздника.
Прочии же клириков е́млют от угото́вленных священных одежд, и со благочинием приносят, и приемлют диакони, и облачают архиереа, приемлюще стихарь (подри́зник). Диакон, кадя, глаголет: Го́споду помо́лимся.
Протодиакон же, кадя, глаголет стихи, изменяя ко второму лицу архиере́ову, ясным гласом:
Да возра́дуется душа́ твоя о Го́споде: облече́ бо тя в ри́зу спасе́ния, и оде́ждею весе́лия оде́я тя, я́ко жениху́ возложи́ ти вене́ц, и я́ко неве́сту украси́ тя красото́ю.
Архиерей, благословляя стихарь, целует, диакони же облачают его. Косно же глаголет протодиакон речения, яко бы имети время, е́же облачити благочинно. Приносят же и епитрахилий, и приемлют.
И днакон глаголет, кадя: Го́споду помо́лимся.
Протодиакон же, кадя, глаголет:
Благослове́н Бог, излива́яй благода́ть Свою́ на архиере́и Своя́, я́ко ми́ро на главе́, сходя́щее на браду́, браду́ Ааро́ню, сходя́щее на оме́ты оде́жди его́.
И благословив архиерей, целует епитрахи́лий, и возлагают на вы́ю (шею) его. И на пояс подобне творят. Архиерей благословляет пояс крестовидно, и целует и́, и опоясу́ют его, глаголющу протодиакону:
Благослове́н Бог, препоясу́яй тя си́лою, и положи́т непоро́чен путь твой, соверша́яй но́зе твои́ яко еле́ни, и на высо́ких поставля́яй тя.
Подобне творят и на прочыя одежды. Диакон, кадя, глаголет токмо: Го́споду помо́лимся.
Протодиакон же речения по обычаю, и архиерей благословляет и целует ку́юждо.
На десну́ю (правую) нарука́вницу (по́руч) глаголет: Десни́ца Твоя́, Го́споди, просла́вися в кре́пости, десна́я Твоя́ рука́, Ѓосподи, сокруши́ враги́ и мно́жеством сла́вы Твоея́ стерл еси́ супоста́ты.
На левую: Ру́це Госпо́дни сотвори́сте тя и созда́сте тя, вразуми́ тя, и научи́шися за́поведем Его́.
На са́ккос глаголет: Архиере́е Твои́, Го́споди, облеку́тся в пра́вду, и преподо́бнии Твои́ ра́достию возра́дуются всегда́, ны́не и при́сно, и во ве́ки веко́в. Ами́нь.
На наколе́нник (па́лицу): Препоясу́йся ору́жием твои́м по бедре́ твое́м, си́льне, красото́ю твое́ю, и добро́тою твое́ю, и наляцы́, и успева́й, и ца́рствуй, и́стины ра́ди, и кро́тости, и пра́вды, и наста́вит тя ди́вно десни́ца твоя́ всегда́, ны́не и при́сно, и во ве́ки веко́в. Ами́нь.
На омофо́рий глаголет: На ра́мех, Христе́, заблу́ждшее взяв естество́, возне́слся еси́, Бо́гу и Отцу́ приве́л еси́ всегда́, ны́не и при́сно, и во ве́ки веко́в. Ами́нь.
На нане́дренник (панаги́ю) глаголет: Сердце чи́сто сози́ждет в тебе́ Бог, и дух прав обнови́т во утро́бе твое́й всегда́, ны́не и при́сно, и во ве́ки веко́в. Ами́нь.
[На вторы́й нанедренник глаголет: Да отры́гнет се́рдце твое́ сло́во бла́го, глаго́лешн дела́ твоя́ Царе́ви всегда, ны́не и при́сно, и во ве́ки веко́в. Ами́нь.]
[На крест глаголет: А́ще кто хо́щет после́довати Мне, да отве́ржется себе́, рече́ Госпо́дь, и во́зьмет крест свой, и после́дует Мне всегда́, ны́не и при́сно, и во ве́ки веко́в. Ами́нь.]
На шапку (ми́тру) глаголет: Положи́ Го́сподь на главу́ твою́ вене́ц от ка́мений драги́х, живота́ проси́л еси́, и даст ти долготу́ дни́й всегда́, ны́не и при́сно, и во ве́ки веко́в. Ами́нь.
И сходят протодиакон и вторствуяй диаконов ни́зу, и приемлют у клириков трисве́щие (трики́рий) и двосве́щие (дики́рий), и подносят архиерею.
Протодиакон глаголет:
Та́ко да просвети́тся свет твой пред челове́ки, я́ко да ви́дят до́брая дела́ твоя́ и просла́вят Отца́ на́шего, Иже есть на небесе́х, всегда́, ны́не и при́сно, и во ве́ки веко́в. Ами́нь.
Таже певцы поют:
Тон дэспо́тин кэ архиере́а имо́н, Ки́рие, фи́латтэ. Ис полла́ э́ти:
И архиерей благословляет крестовидно с трисвещием и двосвещием, к востоку, к западу, к полудню и к северу.
Певцы же поют косно: Ис полла́ э́ти, дэ́спота. Трищи.
И, отдав трикирий и дикирий протодиакону и вторствующему диаконов, сядет, протодиакон же и диакони целуют святую десницу его.
Тогда держа́й пастырский жезл, и примикирий с лампадою, покланяются архиерею и отходят. И с жезло́м у́бо стои́т пред святою иконою Владыки нашего Господа Иисуса Христа. Примикирий же с лампадою стоит по левой стране близ великих лампад [и в малом и великом вхо́бдех, предъи́дут держай жезл и примикирий с лампадою, ничто́ глаголюще.]
Потом приносят лаха́нь и рукоумыва́ло, и умывает руки седя́, аще не есть хиротони́а чтеца, и певца и иподиакона. Аще же есть хиротониа, тогда подносит лахань хиротонису́емый по облачении в стихарь, по описанному в чине рукоположения их.
Протодиакон же чтет:
Умы́ю в непови́нных ру́це мои́ и обы́ду же́ртвенннк Твой, Го́споди, е́же услы́шати ми глас хвалы́ Твоея́ и пове́дати вся чудеса́ Твоя́. Го́споди, возлюби́х благоле́пие до́му Твоего́ и ме́сто селе́ния сла́вы Твоея́, да не погуби́ши с нечести́выми ду́шу мою́, и с му́жи крове́й живота́ моего́, и́хже в рука́х беззако́ния, десни́ца их испо́лнися мзды. Аз же незло́бием мои́м ходи́х, изба́ви мя, Го́споди, и поми́луй мя. Нога моя́ ста на правоте́, в це́рквах благословлю́ Тя, Го́споди.
Та́же начинают часы. [Тогда служа́щии архимандрити, игумени и протопресвитери, облачившеся, исходят из олтаря южною и северною две́рьми и, поклонившеся архиерею, стоят на десне́й и на ле́вей стране по чину, токмо проскоми́дствуяй действует во святем олтари́.
Стоя́щии же во церкви при архиереи архимандрити, игумени и протопресвитеры ничтоже проскомидии глаголют. Иере́е же служа́щии в церкви при архиере́и не стоят, но во олтари́.]
Егда же глаголются часы, архиерей седи́т, востае́т же токмо на Аллилу́иа, и на Трисвятое, и на Честнейшую.
И при совершении часов, востав, покланяется архиерей со всеми вку́пе, три́щи, глаголя:
Цр҃ю нбⷵный, ѹ҆тѣ́шителю, дш҃е истины, иже вездѣ̀ сы́й и҆ всѧ̑ и҆сполнѧ́ѧй, сокро́вище бл҃ги́хъ и҆ жи́зни пода́телю, прїидѝ и҆ всели́сѧ въ ны̀, и҆ ѡ҆чи́сти ны̀ ѿ всѧ́кїѧ скве́рны, и҆ спасѝ бл҃же, дꙋ́шы на́шѧ.
Сла́ва въ вы́шнихъ бг҃ꙋ, и҆ на землѝ ми́ръ, въ чл҃вѣ́цѣхъ бл҃говоле́нїе. Два́щи
Гдⷵи ѹ҆стнѣ̀ моѝ ѿве́рзеши, и҆ ѹ҆ста̀ моѧ̀ возвѣстѧ́тъ хвалꙋ̀ твою̀.
Еди́нощи, по чину.
[То́жде действует и священник во олтари, егда́ покры́ет Свята́я.]
Таже приходят протодиакон со диаконы ко архиерею и, прикло́нше главы́, глаголют: Вре́мя сотвори́ти Го́сподеви, Влады́ко Преосвяще́ннейший, благослови́.
Архиерей же благословляет обе́ма рука́ма крестовидно, глаголя:
Бл҃гослове́нъ бг҃ъ на́шъ всегда̀, ны́нѣ и҆ при́снѡ и҆ во вѣ́ки вѣкѡ́въ.
Протодиакону отвеща́ющу: Ами́нь.
И зна́менует на главе́ протодиакона.
Таже глаголют ему: Помоли́ся о нас, Влады́ко святы́й.
И архиерей зна́менует по главе протодиакона, глаголя:
Да и҆спра́витъ гдⷵь стопы̑ ва́шѧ.
Паки глаголют ему: Помяни́ нас, Влады́ко святы́й.
Он же зна́менует диакона по главе, глаголя:
Да помѧне́тъ ва́съ гдⷵь бг҃ъ во цⷵртвїи свое́мъ всегда̀, нн҃ѣ и҆ при́снѡ и҆ во вѣ́ки вѣкѡ́въ.
И отвещают: Ами́нь. И целуют протодиакон и диакони святую его десницу и, отшедше, покланя́ются. Таже от первых архимаидрит, или игумен, или протопресвитер покло́нится архиерею и и́дет во святый олтарь, южною дверию и, вшед, повелит диакону царская врата́ отве́рсти. Протодиакон же и́дст ко святым две́рем и начинает велегласно: Благослови́, Влады́ко.
Архимаидрит же или игумен, или протопресвитер, взем священное Евангелие обе́ма рука́ма и мало воздвиг е́, творя крест, глаголет: Благослове́но Ца́рство Отца́, и Сы́на, и Свята́го Ду́ха, ны́не и при́сно, и во ве́ки веко́в. Певцы: Ами́нь.
И полагаст Святое Евангелие на святей трапе́зе. Сотворяет же и архиерей поклон.
Протодиакону же глаголющу ми́рная (великую ектению), тогда архиерей сядет и, взем Книгу литургийную, внегда́ глаголет протодиакон мирная, прочитает архиерей молитвы предложения, седя́: Бо́же, Боже наш, Небе́сный: Подобне прочитает и прочыя три молитвы – согласия. В возгла́сы же то́кмо востает архиерей. [В греческих страна́х тако де́йствуется.]
Протодиакон же, держа треми́ пе́рсты ора́рий, глаголет ми́рная, благоговейно и косно, мерным гласом:
Ми́ром Го́споду помо́лимся.
Лик: Го́споди, поми́луй.
О свы́шнем ми́ре и спасе́нни душ на́ших Го́споду помо́лимся.
Лик: Го́споди, поми́луй.
О ми́ре всего́ ми́ра, благостоя́нии Святы́х Бо́жиих Церкве́й и соедине́нии всех Го́споду помо́лимся.
Лик: Го́споди, поми́луй.
О святе́м хра́ме сем и с ве́рою, благогове́нием и стра́хом Бо́жиим входя́щих в онь Го́споду помо́лимся.
Лик: Го́споди, поми́луй.
Архиерей же молитву предложсния:
Бж҃е, бж҃е на́шъ, нбⷵный хлѣ́бъ, пи́щꙋ всемꙋ̀ мі́рꙋ, гдⷵа на́шего и҆ бг҃а і҆и҃са хрⷵта посла́вый, сп҃са и҆ и҆зба́вителѧ и҆ бл҃годѣ́телѧ, бл҃гословѧ́ща и҆ ѡ҆свѧща́юща на́съ: са́мъ благословѝ предложе́нїе сїѐ и҆ прїимѝ є҆ въ пренбⷵный тво́й же́ртвенникъ: помѧнѝ, ꙗкѡ бл҃гъ и҆ человѣколю́бецъ, прине́сшихъ, и҆ ихже ра́ди принесо́ша, и҆ на́съ неѡсꙋжде́ны сохранѝ во сщ҃еннодѣ́йствїи бж҃е́ственныхъ твои́хъ та̑инъ. Ꙗкѡ свѧти́са и҆ просла́виса пречⷵтное и҆ великолѣ́пое имѧ твоѐ, ѻ҆ц҃а̀ и҆ сн҃а и҆ ст҃а́гѡ дх҃а, ны́нѣ и҆ при́снѡ и҆ во вѣ́ки вѣкѡ́въ. А҆ми́нь.
О Вели́ком Господи́не и Отце́ на́шем Святе́йшем Патриа́рсе Пимене и о Господи́не на́шем Преосвяще́ннейшем митрополи́те [или́: архиепи́скопе, или: епи́скопе] [имярек], честне́м пресви́терстве, во Христе́ диа́констве, о всем при́чте и лю́дех Го́споду помо́лимся.
Лик: Го́споди, поми́луй.
О Богохрани́мей стране́ на́шей, власте́х и во́инстве ея́ Го́споду помо́лимся.
Лик: Го́споди, поми́луй.
О гра́де сем [или: о ве́си сей, или: о святе́й оби́тели сей], всяком гра́де, стране́ и ве́рою живу́щих в них Го́споду помо́лимся.
Лик: Го́споди, поми́луй.
О благорастворе́нии возду́хов, о изоби́лии плодо́в земны́х и вре́менех ми́рных Го́споду помо́лимся.
Лик: Го́споди, поми́луй.
О пла́вающих, путеше́ствующих, неду́гующих, стра́ждущих, плене́нных и о спасе́ннн их Го́споду помо́лимся.
Лик: Го́споди, поми́луй.
О изба́витися нам от вся́кия ско́рби, гне́ва и ну́жды Го́споду помо́лимся.
Лик: Го́споди, поми́луй.
Заступи́, спаси́, поми́луй и сохрани́ нас, Бо́же, Твое́ю блаюда́тию.
Лик: Го́споди, поми́луй.
Пресвяту́ю, Пречи́стую, Преблагослове́нную, Сла́вную Владычи́цу на́шу Богоро́дицу и Присноде́ву Мари́ю, со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м. Лик: Тебе́, Го́споди.
Молитва перваго антифо́на:
Гдⷵи бж҃е на́шъ, є҆гѡ́же держа́ва несказа́нна и҆ сла́ва непостижи́ма, є҆гѡ́же млⷵть безмѣ́рна и҆ чл҃вѣколю́бїе неизрече́нно: са́мъ влⷣко, по бл҃гоꙋтро́бїю твоемꙋ̀, при́зри на ны̀ и҆ на ст҃ы́й хра́мъ се́й и҆ сотворѝ съ на́ми и҆ молѧ́щимиса съ на́ми бога̑тыѧ ми́лѡсти твоѧ̑ и҆ щедрѡ́ты
твоѧ̑.
Возглашение глаголет начина́яй:
Яко подоба́ет Тебе вся́кая слава, честь и поклоне́ние, Отцу и Сыну, и Свято́му Ду́ху, ны́не и при́сно, и во ве́ки веко́в. Лик: Ами́нь.
И, обратився, покло́нится архиерею. Таже поют изобрази́тельная на оба лика. И и́ный диакон покланя́ется архиерею и, став на обычное место, глаголет ектению́:
Па́ки и па́ки ми́ром Го́споду помо́лимся.
Лик: Го́споди, поми́луй.
Заступи́, спаси́, поми́луй и сохрани́ нас, Бо́же, Твое́ю благодатию.
Лик: Го́споди, поми́луй.
Пресвяту́ю, Пречи́стую, Преблагослове́нную, Сла́вную Влады́чицу нашу Богоро́дицу и Присноде́ву Мари́ю, со все́мн святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м. Лик: Тебе́, Го́споди.
Таже вторы́й архимаидрит или игумен, или протопресвитер покланяется архиерею и идет во святый олтарь северною дверию, и глаголет молитву у святаго престола:
Гдⷵ>и бж҃е на́шъ, спасѝ лю́ди твоѧ̀ и҆ бл҃гословѝ достоѧ́нїе твоѐ, и҆сполне́нїе цр҃кве твоеѧ̀ сохранѝ, ѡ҆свѧтѝ лю́бѧщыа бл҃голѣ́пїе до́мꙋ твоегѡ̀: ты̀ тѣ́хъ воспросла́ви бж҃е́ственною твое́ю си́лою и҆ не ѡ҆ста́ви на́съ ѹ҆пова́ющихъ на тѧ̀.
Возглашение: Яко Твоя́ держа́ва и Твое́ есть Ца́рство и си́ла, и сла́ва, Отца́ и Сы́на, и Свята́го Ду́ха, ны́не и при́сно, и во ве́ки веко́в. Лик: Ами́нь.
Певцы же поют паки на оба лика изобразительная. Егда же поют певцы, оба ли́ки вку́пе: Единоро́дный Сы́не: тогда архиерей востает и стои́т, до́ндеже поют. Паки и́ный диакон покланяется архиерею и глаголет ектению:
Па́ки и па́ки ми́ром Го́споду помо́лимся.
Лик: Го́споди, поми́луй.
Заступи́, спаси́, поми́луй и сохрани́ нас, Бо́же, Твое́ю благода́тию.
Лик: Го́споди, поми́луй.
Пресвяту́ю, Пречи́стую, Преблагослове́нную, Сла́вную Владычи́цу на́шу Богоро́дицу и Присноде́ву Мари́ю, со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.
Лик: Го́споди, поми́луй.
И ин архимаидрит или священник покланяется архиерею и идет во святый олтарь южною дверию, и глаголет молитву:
Иже ѻбщыѧ сїѧ̑ и҆ согла̑сныѧ дарова́вый на́мъ мл҃твы, иже и҆ двѣма̀ и҆лѝ трє́мъ, согласꙋ́ющымсѧ ѡ҆ имени твое́мъ, прошє́нїа пода́ти ѡ҆бѣща́вый: са́мъ и҆ ны́нѣ ра̑бъ твои́хъ прошє́нїа къ поле́зномꙋ и҆спо́лни, подаѧ̀ на́мъ въ настоѧ́щемъ вѣ́цѣ позна́нїе твоеѧ̀ истины и҆ въ бꙋ́дꙋщемъ живо́тъ вѣ́чный да́рꙋѧ.
Возглашение: Яко благ и Человеколю́бец Бог еси, и Тебе́ сла́ву возсыла́ем, Отцу́ и Сы́ну, и Свято́му Ду́ху, ны́не и при́сно, и во ве́ки веко́в.
Лик: Ами́нь.
Певцы же поют Блаженны по чину, на о́ба лика. Приходят протодиакон, со диаконы, и покланяются ку́пно. Таже архимандрити, игумени и протопресвитери, предстоя́щии, еди́ни от десны́я, втори́и от левыя страны, и творят метание (поклон) архиерею, и входят во святый олтарь, едини десно́ю, друзи́и левою дверию. [Никтоже бо может вни́ти посрсде́ в царския двери, присутствующу архиерею, разве егда́ вси входят в малом и великом входе, и по заамво́нней молитве.] [Архимандрити же не входят во святый олтарь, но стоя́т на ме́стех своих, до́ндеже внидут вку́пе с архиереем.]
Егда же поет первый лик: Слава Отцу́ и Сы́ну, и Свято́му Ду́ху: первый архимандрит или иерей дает протодиакону Святое Евангелие. Архиерей же востает, [аще же есть прору́чество архимандрита или игумена, или протопресвитера, тогда архиерей не востает, до́ндеже над прору́чествованным на́чнет молитву глаголати] и исходят от святаго олтаря́ диакони с кадильницами, иподиакони предходят с трикирием и дикирием, чтецы же со двема́ подсве́щники. Протодиакон же носит священное Евангелие благоговейно, обема рукама. Архимандрити, игумени, протопресвитери и иерее и́дут за ним и станут по чину о десную и о левую страну, и прикло́ньше главы́ вси: подобне и архиерей приклоня́ет. Глаголет протодиакон: Го́споду помо́лимся, тихим гласом, ели́ко слышати то́чию архиерею.
И архиерей глаголет молитву входа, тихим же гласом:
Влⷣко гдⷵи бж҃е на́шъ, ѹ҆ста́вивый на нб҃сѣ́хъ чи́ны и҆ вѡ́инства агг҃лъ и҆ а҆рха̑гг҃лъ въ слꙋже́нїе твоеѧ̀ сла́вы: сотворѝ со вхо́домъ на́шимъ вхо́дꙋ ст҃ы́хъ агг҃лѡвъ бы́ти, сослꙋжа́щихъ на́м̾ и҆ сославосло́вѧщихъ твою̀ бл҃гость.
Ꙗкѡ подоба́етъ тебѣ̀ всѧ́каѧ сла́ва, че́сть и҆ поклоне́нїе, ѻ҆цꙋ̀ и҆ сн҃ꙋ и҆ ст҃омꙋ дх҃ꙋ, ны́нѣ и҆ при́снѡ и҆ во вѣ́ки вѣкѡ́ъ.
Таже воздвигнет главу́. И протодиакон, держа орарий десно́ю рукою, показу́ет на восток, глаголя тихим же гласом: Благослови́, Преосвяще́ннейший Влады́ко, святы́й вход.
И архиерей благословляет единою рукою на восток, глаголя:
Бл҃гослове́нъ вхо́дъ ст҃ы́хъ твои́хъ всегда̀, ны́нѣ и҆ при́снѡ и҆ во вѣ́ки вѣкѡ́въ.
Таже архиерей сходит на край степе́не рундука́ (кафедры) и целует священное Евангелие. Протодиакон же целует святую десницу его, придержа́щуюся священному Евангелию, и, возвра́щься, зря на восток, и воздвиза́ет Святое Евангелие, мало кре́ствуя и глаголя: Прему́дрость, про́сти. Приносят же иподиакони трикирий, и приемлет архиерей десною рукою, ю́же и целует иподиакон. Дикирий же приемлет левою рукою, и целует ю́. И поет архиерей со сослужа́щими архимандриты, и иереи, и диаконы, косно, и со сладкопением: Прииди́те, поклони́мся: Егда́ же глаголет: И припаде́м ко Христу́: приклоня́ет архиерей, и прочии, главы благоговейно, поюще: Спаси́ ны, Сы́не Бо́жий: и благословляет архиерей обема рукама, держа трикирий и дикирий, к востоку, таже к западу, полудню и северу. Архиерей же, входя во святый олтарь, косно и тихо, [держи́мь под ру́ки двема́ архимандриты или́ игумены, до царских врат,] благословляет народ о десную и о левую страну. Певцы же поют: Спаси́ ны, Сы́не Бо́жий: на правом, и паки то́жде поют и на левом клиросех. Предъиду́щии же диакони кадят Святое Евангелие. И егда внидет архиерей во святыя двери святаго олтаря, отдав протодиакону трикирий, целует я на де́сно и на лево.
И глаголет, входя:
Вни́дꙋ бъ до́мъ тво́й, поклоню́сѧ ко хра́мꙋ ст҃о́мꙋ твоемꙋ̀ во стра́сѣ твое́мъ.
И, вшед во олтарь, архиерей целует престол и поет со сослужа́щими: Спаси́ ны, Сы́не Бо́жий: [В Госпо́дския же праздники, егда́ поются антифо́ны, протодиакон возглашает: Прему́дрость, про́сти. И пото́м приглашает и вхо́дный стих праздника. Тогда архиерей поет со сослужащими: Прииди́те, поклони́мся: и прочая по чину, я́коже всегда на литурги́ах поется.] Таже поют певцы во олтари: Ис полла́ э́ти, дэ́спота.
Архиерей же, прии́м кадильницу, кади́т святую трапе́зу окру́г и предложение (жертвенник) и весь олтарь, держа в левой руце́ дикирий. Таже исходит пред святыя двери и кадит Владыки Христа образ и Пресвятыя Богородицы, и народ, и сущыя во олтари кадит стоя́ пред святою трапе́зою. Таже вне певцы поют обычныя тропари и кондаки, по чину и по дню.
Архиерей же, стоя́ пред святою трапе́зою, поет вку́пе с предстоя́щими сослужители последний кондак по чину.
Посем глаголет протодиакон: Благослови́, Влады́ко, вре́мя Трисвята́го.
И, стоя́ пред две́рьми, глаголет: Го́споду помо́лимся.
Архиерей:
Ꙗкѡ ст҃ъ є҆сѝ бж҃е на́шъ, и҆ тебѣ̀ сла́вꙋ возсыла́емъ, ѻ҆ц҃ꙋ и҆ снꙋ и҆ ст҃омꙋ дх҃ꙋ, ны́нѣ и҆ при́снѡ
И протодиакон близ двере́й, держа орарий треми́ пе́рсты и показу́я к народом, глаголет: И во ве́ки веко́в. И первый лик приглаголет: Ами́нь. Таже поет: Святы́й Бо́же: со сладкопением.
И архиерей прочитает молитву Трисвятаго тайно, приклони́в мало главу:
Бж҃е ст҃ы́й, иже во ст҃ы́хъ почива́ѧй, иже трист҃ы́мъ гла́сомъ ѿ серафі́мѡвъ воспѣва́емый и҆ ѿ херꙋві́мѡвъ славосло́вимый и҆ ѿ всѧ́кїѧ нбⷵныѧ си́лы покланѧ́емый: иже ѿ небытїѧ̀ во єже бы́ти приведы́й всѧ́чєскаѧ: созда́вый по ѻбразꙋ твоемꙋ̀ и҆ по подо́бїю и҆ всѧ́кимъ твои́мъ дарова́нїемъ ѹ҆краси́вый: даѧ́й просѧ́щмꙋ премрⷣсть и҆ ра́зꙋмъ и҆ не презира́ѧй согрѣша́ющаго, но полага́ѧй на спасе́нїе покаѧ́нїе: сподо́бивый на́съ смире́нныхъ и҆ недосто́йныхъ ра̑бъ твои́хъ и҆ въ ча́съ се́й ста́ти пред̾ сла́вою ст҃а́гѡ твоегѡ̀ же́ртвенника и҆ до́лжное тебѣ̀ поклоне́нїе и҆ славословїе приноси́ти: са́мъ влⷣко, прїимѝ и҆ ѿ ѹстъ на́съ грѣ́шныⷯⸯ трист҃ꙋю пѣ́снь и҆ посѣти́ ны бл҃гостїю твое́ю, простѝ на́мъ всѧ́кое согрѣше́нїе, во́льное же и҆ нево́льное, ѡ҆ст҃ѝ иа́шѧ дꙋ́шы и҆ тѣлеса̀ и҆ да́ждь на́мъ въ преподо́бїи слꙋжи́ти тебѣ̀ всѧ̑ дни̑ живота̀ на́шегѡ, мл҃твами ст҃ы́ѧ бцⷣы и҆ всѣ́хъ ст҃ы́хъ, ѿ вѣ́ка тебѣ̀ бл҃гоꙋгодившихъ. Ꙗкѡ ст҃ъ є҆сѝ бж҃е на́шъ, и҆ тебѣ̀ сла́вꙋ возсыла́емъ, ѻ҆ц҃ꙋ и҆ сн҃ꙋ и҆ ст҃о́мꙋ дх҃ꙋ, ны́нѣ и҆ при́снѡ и҆ во вѣ́ки ѣкѡ́въ.
Cовершившейся же молитве, прием архиерей дикирий, поет вку́пе со сослужа́щими сладкопесненно: Святы́й Бо́же: И держа архиерей дикирий в десне́й руце́, творит крест над Святым Евангелием, таже и мета́ние творит. И паки певцы поют: Святы́й Бо́же: второе. Внегда́ же певцы сие поют, архиерей, вознеся очи на небо и дикирий держа и Крест, и зря к народу, глаголет:
При́зри съ небесѐ, бж҃е, и҆ посѣтѝ вїногра́дъ се́й, и҆ ѹ҆твердѝ и, є҆гоже насадѝ десни́ца твоѧ̀.
Мерным гласом, яко бы слышати предстоящым. По петии же лика второе: Святы́й Бо́же: стои́т архиерей вне святых двере́й, держа в десни́це дикирий, в левой Крест, зря к народу, поющым сослужа́щым со сладкопением: Святы́й Бо́же: архиерей благословляет обема рукама посреди́ к западу. Егда поют: Святы́й Кре́пкий: благословляет десну́ю страну. Егда поют: Святы́й Безсме́ртный, поми́луй нас, благословляет левую страну. И входит во олтарь. Певцы же поют тре́тие: Святы́й Бо́же:
Протодиакон глаголет архиерею: Повели́, Преосвяще́ннейший Влады́ко.
И архиерей глаголет:
Бл҃гослове́нъ грѧды́й во имѧ гдⷵне.
Протодиакон, держа орарий десно́ю рукою и показу́я го́рнее место за святою трапе́зою, глаголет: Благослови, Преосвяще́ннейший Влады́ко, го́рнее ме́сто.
Архиерей глаголет:
Блгⷵве́нъ є҆сѝ на прⷵто́лѣ сла́вы црⷵтвїѧ твоегѡ̀, сѣдѧ́й на херꙋві́мѣхъ, препѣ́тый и҆ превозноси́мый во вѣ́ки.
И восходит архиерей на горнее место, и стои́т, зря на запад, и отдает дикирий диакону. Протодиакон же возжигает трикирий и подает архиерею, глаголя тропарь:
Тро́ицы явле́ние во Иорда́не бысть, Са́мо бо Пребоже́ственное естество́ Оте́ц возгласи́: Сей Креща́емый Сын Возлю́бленный мой: Дух же прии́де к Подо́бному, Его́же благословя́т лю́дие и превозно́сят во вся ве́ки.
И приим архиерей трикирий, и паки поют во святом олтари́: Святы́й Бо́же: Архиерей благословляет с трикирием, трижды, по чину. Таже отдает трикирий, и поют певцы вне: Сла́ва Отцу́ и Сы́ну, и Свято́му Ду́ху, и ны́не и при́сно, и во ве́ки веко́в. Ами́нь. Святы́й Безсме́ртный: Таже [ди́намис:] Святы́й Бо́же: и посем приидет учине́нный чтец посреди́ церкве пред святыя двери олтаря, и творит поклон, держа и Апостол затворе́н (согбе́н). Протодиакон же посреди́ двере́й, зря к чтецу и держа орарий, и к нему показу́я, глаголет: Во́нмем.
Архиерей: Ми́ръ всѣ̑мъ.
Чтец: И ду́хови твоему́. Тогда архиерей отдает омофорий, и изоблача́ют его диакони, и держи́т един диакон обема рукама, и сядет архиерей на горнем месте, и всем сослужителем, стоя́щым на обе́их страна́х, повелит се́сти по-степе́нно. Протодиакон: Прему́дрость. Чтец: Проки́мен: псало́м Дави́дов. И поют прокимен Апостола, прилучившагося дне на глас. Аще же есть и святаго, глаголет и о́наго Апостола прокимен. Подобне и Апостол. Таже протодиакон: Прему́дрость. И чтец, надписание Апостола. Протодиакон: Во́нмем. Чтец прочитает Апостол гласом высоким, и косно.
И по исполнении глаголет архиерей: Миръ тѝ.
Чтец: И ду́хови твоему́. Протодиакон: Прему́дрость. Чтец: Аллилу́иа. И поет вторый лик: Аллилуиа, со сладкопением. И чтец, сотворив поклон, отходит. Егда же чтется Апостол, тогда протодиакон, прием кадильницу, ини́й диакон фимиа́м, приходят к архиерею. И архиерей влагает фимиам в кадильницу, глаголя молитву кадила:
Кади́ло тебѣ̀ прино́симъ, хрⷵтѐ бж҃е на́шъ, въ воню̀ бл҃гоꙋха́нїѧ дх҃о́внагѡ, єже прїе́мъ въ пренбⷵный тво́й же́ртвенникъ, возниспослѝ на́мъ бл҃года́ть прест҃а́гѡ твоегѡ̀ дх҃а.
И, прием благослонение от него, кадит святую трапе́зу окру́г, и предложение, и святилище все. Таже исходит пред святыя двери и кадит Владыки Христа святый образ и Пресвятыя Богородицы: и архиереа, по чину, три́щи. Таже кадит и предстоя́щыя служители, архимандриты, иереи вся, и кли́росы, и весь народ. Внегда́ же кадит, певцы поют: Аллилуиа.
Архиерею на горнем месте стоя́щу, глаголет един диаконов: Го́споду помо́лимся.
Архиерей прочитает молитву тайно.
Молитва прежде Евангелиа:
Возсїѧ́й въ сердца́хъ на́шихъ чл҃колю́бче влⷣко, твоегѡ̀ бг҃оразꙋ́мїѧ нетлѣ́нный свѣ́тъ и҆ мы́слєнныѧ на́шй ѿве́рзи ѻчи во є҆ѵⷢ҇льских̾ твои́хъ проповѣ́данїй разꙋмѣ́нїе, вложѝ въ на́съ и҆ стра́хъ бл҃же́нныхъ твоихъ за́повѣдей, да, плотскі̑ѧ по́хѡти всѧ попра́вшс, дх҃о́вное жи́тельство про́йдемъ, всѧ̑ ꙗже ко бл҃гоꙋгожде́нїю твоемꙋ̀ и҆ мꙋ́дрствꙋюще и҆ дѣ́юще. ты́ бо є҆сѝ просвѣще́нїе дꙋ́шъ и҆ тѣле́съ на́шихъ, хрⷵтѐ бж҃е, и҆ тебѣ̀ сла́вꙋ возсыла́емъ, со безна́чальнымъ твои́мъ ѻ҆ц҃е́мъ, и҆ всест҃ы́мъ и҆ бл҃ги́мъ и҆ животворѧ́щимъ твои́мъ дх҃омъ, ны́нѣ и҆ при́снѡ и҆ во вѣ́ки вѣкѡ́въ. А҆минь.
Таже протодиакон, отдав кадильницу, приходит ко престолу и, приим Святое Евангелие от перваго архимандрита или от протопресвитера, приходит к архиерею и приклоня́ет главу, держа́ священное Евангелие, и глаголет: Благослови́, Преосвяще́ннейший Влады́ко, благовести́теля свята́го сла́внаго апо́стола и евангели́ста, имярек. Архиерей же, сходя, полагает десницу свою на главу протодиакона и, зна́менав его крестовидно, глаголет:
Бг҃ъ мл҃твами ст҃а́гѡ, сла́внагѡ, всехва́льнагѡ а҆пⷵла и҆ є҆ѵⷢ҇лі́ста, имⷬ҇къ, да да́стъ тебѣ̀ глаго́лъ бл҃говѣствꙋ́ющемꙋ си́лою мно́гою, во и҆сполне́нїе є҆ѵⷢ҇лїа возлю́бленнагѡ сн҃а своегѡ̀, гⷵда на́шегѡ і҆и҃са хрⷵта̀.
И архиерей восходит паки на горнее место. Протодиакон же, глаголя: Ами́нь, творит метание и, целовав руку архиереа, отходит, предходя́щу пред Святым Евангелием единому диаконов, иму́щу омофорий архиерейский на обе́их рука́х просте́рт, и два иподиакона предхо́дят, держаще един трикирий и ин дикирий. Последуст им протодиакон, неся Святое Евангелие, держа и орарий кра́йними пе́рсты. Вне же святых двере́й стоя́т два чтецы с подсвещники возжеными, и предходят до амвона, или́ на учине́нное место, и восходит протодиакон, и ин диакон со омофорием, иподиакони с трикирием и дикирием, и чтецы с подсвещники, обшедше анало́гий: и возвращается диакон со омофорием во святый олтарь, иподиакони же с трикирием и дикирием стоя́т пред царскими две́рьми. И чтецы, поставивше подсвещники по обе́их страна́х аналогиа, отходят и стоят у амвона. Тогда диакон, держай омофорий внутрь святаго олтаря, стоит пред святыми две́рьми, зря к народом, глаголет: Прему́дрость, про́сти, услы́шим Свята́го Ева́нгелиа. И стоит на урече́нном месте у царских врат на правой стране.
Архиерей, стоя́ на горнем месте и осеняя руками, глаголет:
Ми́ръ всѣ̑мъ.
Лик: И ду́хови твоему́. Протодиакон: От, имярек, Свята́го Ева́нгелиа чте́ние. Лик: Сла́ва Тебе́, Го́споди, сла́ва Тебе́. Ины́й диакон из святаго олтаря глаголет: Во́нмем. [Во Святое Евангелие архиерей шапки не отлагает, то́кмо отлагают архимандрити.] И опу́стят вси фело́ни. Протодиакон же прочитает Святое Евангелие косно и чисто, крепча́йшим гласом, яко бы слышати всем предстоя́щым. Аще же есть и празднуемый святый, прочитает и о́наго Евангелие. И по исполнении Евангелиа поют певцы: Сла́ва Тебе́, Господи, сла́ва Тебе́.
И архиерей сходит с горняго моста, [держи́мь под ру́ки двема́ архимандриты или игумены, провождаемь до царских врат, и благословляет я́ рукою,] и, изшед пред святыя двери, приемлет трикирий и дикирий и благословляет народ по обычаю. Певцы поют косно: Ис полла́ э́ти, дэ́спота. Таже идет архиерей во олтарь, осеня́я сущыя во олтари, и, отдав трикирий и дикирий, целует Святое Евангелие, и глаголет ко протодиакону:
Ми́ръ тѝ бл҃говѣствꙋ́ющмꙋ.
Протодиакон же целует десницу его. И, приим архиерей священное Евангелие из рук протодиакона, полагает на учине́нном месте святыя трапе́зы, на горней стране выше антими́нсиа, прочии же сослужащии в то время Евангелиа не целуют. И изшед из северных двере́й вторствуяй, или ин диакон, станет на обычном месте амвона и глаголет ектению:
Рце́м вси́ от всея́ души́ и от всего́ помышле́ния на́шего рце́м.
Лик: Го́споди, помилуй.
Диакон: Го́споди Вседержи́телю, Бо́же оте́ц на́ших, мо́лим Ти ся, услы́ши и поми́луй.
Лик. Го́споди, поми́луй, трижды.
Диакон: Поми́луй нас, Боже, по вели́цей ми́лости Твое́й, мо́лим Ти ся, услы́ши и поми́луй. Лик: Го́споди, поми́луй, трижды.
Молитва прилежнаго моления:
Гдⷵи бж҃е на́шъ, прилѣ́жное сїѐ моле́нїе прїимѝ ѿ твои́хъ ра̑бъ и҆ поми́лꙋй на́съ по мно́жествꙋ млⷵти тбоеѧ̀: и҆ щедрѡ́ты твоѧ̑ низпослѝ на ны и҆ на всѧ̑ лю́ди твоѧ̑, ча́ющыа ѿ тебѐ бога́тыѧ ми́лости.
Диакон: Еще́ мо́лимся о Вели́ком Господи́не и Отце́ на́шем Святе́йшем Патриа́рсе Пи́мене и о Господи́не на́шем Преосвяще́ннейшем митрополи́те [или: архиепи́скопе, или: епи́скопе] [имярек], и все́й во Христе́ бра́тии на́шей.
Лик: Го́споди, поми́луй, трижды.
Диакон: Еще́ мо́лимся о Богохрани́мей стране́ на́шей, влаете́х и во́инстве ея́, да ти́хое и безмо́лвное житие́ поживе́м во вся́ком благоче́стии и чистоте́. Лик: Го́споди, поми́луй, трижды.
Диакон: Еще́ мо́лимся о бра́тиях на́ших, свяще́нницех, священномона́сех, и все́м во Христе́ бра́тстве на́шем.
Лик: Го́споди, поми́луй, трижды.
Диакон: Еще́ мо́лимся о блаже́нных и приснопа́мятных Святе́йших патриа́рсех правосла́вных и созда́телех свята́го хра́ма сего́, [аще во обители: святы́я оби́тели сея́] и о все́х пре́жде почи́вших отце́х и бра́тиях, зде́ лежа́щих и повсю́ду, правосла́вных.
Лик: Го́споди, поми́луй, трижды.
Диакон: Еще́ мо́лимся о плодонося́щих и доброде́ющих во святе́м и всечестне́м хра́ме сем, тружда́ющихся, пою́щих и предстоя́щих лю́дех, ожида́ющих от Тебе́ вели́кия и бога́тыя ми́лости.
Лик: Го́споди, поми́луй, трижды.
Архиерей возглашение:
Ꙗкѡ млⷵтивъ и҆ чл҃колю́бецъ бг҃ъ є҆сѝ, и҆ тебѣ̀ сла́вꙋ возсыла́емъ, ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, ны́нѣ и҆ при́снѡ и҆ во вѣ́ки вѣкѡ́въ. Лик: Аминь.
Аще же будст о усо́пших приношение, диакон глаголет ектению сию:
Поми́луй нас, Бо́же, по вели́цей ми́лости твое́й, мо́лимтися, услы́ши и поми́луй.
Лик: Го́споди, поми́луй, трижды.
Еще́ мо́лимся о упокое́нии душ усо́пших рабо́в Бо́жиих [имярек] и о е́же прости́тися им вся́кому прегреше́нию, во́льному же и нево́льному.
Лик: Го́споди, поми́луй, трижды.
Яко да Господь Бог учини́т ду́шы их, иде́же пра́веднии упокояются.
Лик: Го́споди, поми́луй, трижды.
Ми́лости Бо́жня, Ца́рства Небе́снаго и оставле́ния грехо́в их у Хрнста́, Безсме́ртного Царя́ и Бога на́шего, про́сим.
Лик: Пода́й, Го́споди.
Диакон: Го́споду помо́лимся.
Архиерей молитву:
Бж҃е дꙋхѡ́въ и҆ всѧ́кїѧ пло́ти, сме́рть попра́вый и҆ дїа́вола ѹ҆праздни́вый и҆ живо́тъ мі́рꙋ твоемꙋ̀ дарова́вый: са́мъ гдⷵи, поко́й дш҃ы ѹ҆со́пшихъ ра̑бъ твои́хъ, имⷬ҇къ, въ мѣ́стѣ свѣ́тлѣ, въ мѣ́стѣ зла́чнѣ, въ мѣ́стѣ поко́йнѣ, ѿню́дꙋже ѿбѣжѐ болѣ́знь, печа́ль и҆ воздыха́нїе. всѧ́кое согрѣше́нїе, содѣ́ѧнное ими сло́вомъ, и҆лѝ дѣ́ломъ, и҆лѝ помышле́нїемъ, ꙗкѡ бл҃гі́й чл҃вѣколю́бецъ бг҃ъ, простѝ, ꙗкѡ нѣ́сть человѣ́къ, иже жи́въ бꙋ́детъ и҆ не согрѣши́тъ: ты́ бо є҆ди́нъ кромѣ̀ грѣха̀, пра́вда твоѧ̀ пра́вда во вѣ́ки, и҆ сло́во твоѐ истина.
Архиерей возгла́с: Ꙗкѡ ты́ є҆си воскрⷵнїе, и҆ живо́т̾, и҆ поко́й ѹ҆со́пшихъ ра̑бъ твои́хъ, имⷬ҇къ, хрⷵтѐ бж҃е на́шъ, и҆ тебѣ̀ сла́вꙋ возсыла́емъ, со безнача́льнымъ твои́мъ ѻ҆ц҃е́мъ, и҆ прест҃ы́мъ и҆ бл҃ги́мъ и҆ животворѧ́щимъ твои́мъ дх҃омъ, ны́нѣ и҆ при́снѡ и҆ во вѣ́ки вѣ́кѡ́въ.
Лик: Ами́нь.
Таже ин диакон: Помоли́теся, оглаше́ннии, Го́сподеви.
Лик: Го́споди, помил́уй.
Вернии, о оглаше́нных помо́лимся, да Госпо́дь поми́лует их.
Лик: Го́споди, помил́уй.
Огласи́т их сло́вом и́стины.
Лик: Го́споди, помил́уй.
Откры́ет им Ева́нгелие пра́вды.
Лик: Го́споди, помил́уй.
Соедини́т их Святе́й Свое́й Собо́рней и Апосто́льстей Це́ркви.
Лик: Го́споди, помил́уй.
Спаси́, поми́луй, заступи́ и сохрани́ их, Бо́же, Твое́ю блаюда́тию.
Лик: Го́споди, помил́уй.
Оглаше́ннии, главы́ ва́шя Го́сподеви приклони́те.
Лик: Тебе́, Го́споди.
Молитву архиерей о оглашенных, прежде святаго возношения:
Гдⷵи бж҃е на́шъ, иже на высо́кихъ живы́й и҆ на смирє́нныѧ призира́ѧй, иже спасе́нїе ро́дꙋ чл҃вѣ́ческомꙋ низпосла́вый, є҆диноро́днаго сн҃а твоего̀ и҆ бг҃а, гдⷵа на́шего і҆и҃са хрⷵта̀: при́зри на рабы̑ твоѧ̑ ѡ҆глашє́нныѧ, подкло́ншыѧ тебѣ̀ своѧ̑ вы̑ѧ, и҆ сподо́би ѧ во вре́мѧ благополꙋ́чное ба́ни пакибытїѧ, ѡ҆ставле́нїа гртѣхѡ́въ и҆ ѻ҆де́жди нетлѣ́нїѧ: соединѝ ихъ ст҃ѣ́й твое́й, собо́рнѣй и҆ а҆пⷵльст҃ѣй цр҃кви и҆ сопричтѝ ихъ и҆збра́нномꙋ твоемꙋ̀ ста́дꙋ.
Возгла́с же глаголет архимандрит: Да и ти́и с на́ми сла́вят пречестно́е и великоле́пое Имя Твое́, Отца́ и Сы́на, и Свята́го Ду́ха, ны́не и при́сно, и во ве́ки веко́в.
Лик: Ами́нь.
Внегда́ глаголется сей возгла́с, простирают антими́нсий сослужа́щии, касается же и архиерей десно́ю рукою: и приемлет му́су, си́речь гу́бу, и творит ею крест на антими́нсии, и, целовав, полагает в десно́м краи́ антиминсиа горе́.
Таже протодиакон, внутрь сый святаго олтаря, глаголет: Ели́цы оглаше́ннии, изыди́те.
Ин диакон, вне сый, отвещает, глаголя: Оглаше́ннии, изыди́те.
Внутрь паки глаголет ин диакон: Ели́цы оглаше́ннии, изыди́те.
Вне паки: Да никто́ от оглаше́нных, ели́цы ве́рнии, па́ки и па́ки ми́ром Го́споду помо́лимся.
Лик: Го́споди, помил́уй.
Архиерей глаголет молитву верных, по еже распростре́ти антиминсий:
Благодари́мъ тѧ̀ гдⷵи бж҃е си́лъ, сподо́бившаго на́съ предста́ти и҆ ны́нѣ ст҃о́мꙋ твоемꙋ̀ же́ртвенникꙋ и҆ припа́сти ко щедро́тамъ твои́мъ ѡ҆ на́шихъ грѣсѣ́хъ и҆ ѡ҆ людски́хъ невѣ́дѣнїихъ. прїимѝ бж҃е, моле́нїе на́ше, сотвори́ ны досто́йны бы́ти, єже приноси́ти тебѣ̀ молє́нїѧ и҆ мольбы̑ и҆ жє́ртвы безкрѡ́вныѧ ѡ҆ всѣ́хъ лю́дехъ твои́хъ: и҆ ѹ҆довлѝ на́съ, ихже положи́лъ є҆сѝ въ слꙋ́жбꙋ твою̀ сїю̀, си́лою дх҃а твоегѡ̀ ст҃а́гѡ, неѡсꙋжде́ннѡ и҆ непреткнове́ннѡ въ чи́стѣмъ свидѣ́тельствѣ со́вѣсти на́шеѧ, призыва́ти тѧ̀ на всѧ́кое вре́мѧ и҆ мѣ́сто: да, послꙋ́шаѧ на́съ, млⷵтивъ на́мъ бꙋ́деши, во мно́жествѣ твоеѧ̀ бл҃гости.
Диакон: Заступи́, спаси́, поми́луй и сохрани́ нас, Бо́же, Твое́ю благода́тию.
Лик: Го́споди, помил́уй.
Диакон: Прему́дрость.
Возгла́с же глаголет вторы́й архимандрит или игумсн: Яко подоба́ет Тебе́ вся́кая сла́ва, че́сть и поклоне́ние, Отцу́ и Сы́ну, и Свято́му Ду́ху, ны́не и при́сно, и во ве́ки веко́в.
Лик: Аминь.
Диакон: Па́ки и па́ки ми́ром Го́споду помо́лимся.
Лик: Го́споди, помил́уй.
О свы́шнем ми́ре и спасе́нии душ на́ших Го́споду помо́лимся.
Лик: Го́споди, помил́уй.
О ми́ре всего́ ми́ра, благостоя́нии Святы́х Бо́жиих Церкве́й и соедин́нии всех Го́споду помо́лимся.
Лик: Го́споди, помил́уй.
О святе́м хра́ме сем и с ве́рою, благогове́нием и стра́хом Бо́жиим входя́щих в онь Го́споду помо́лимся.
Лик: Го́споди, помил́уй.
О изба́витися нам от вся́кия ско́рби, гне́ва и ну́жды Го́споду помолимся.
Лик: Го́споди, помил́уй.
Молитва верных вторая:
Па́ки и҆ мно́гажды тебѣ̀ припа́даемъ и҆ тебѣ̀ мо́лимсѧ, бл҃гі́й и҆ человѣколю́бче, ꙗкѡ да, призрѣ́въ на моле́нїе на́ше, ѡ҆чи́стиши на́шѧ дꙋ́шы и҆ тѣлеса̀ ѿ всѧ́кїѧ скве́рны пло́ти и҆ дх҃а и҆ да́си на́мъ непови́нное и҆ неѡсꙋжде́нное предстоѧ́нїе ст҃а́гѡ твоегѡ̀ же́ртвенника. да́рꙋй же бж҃е, и молѧ́щымса съ на́ми преспѣ́ѧнїе житїѧ̀ и҆ вѣ́ры и҆ ра́зꙋма дх҃о́внагѡ. да́ждь имъ, всегда̀ со стра́хомъ и҆ любо́вїю слꙋжа́щымъ тебѣ̀, непови́ннѡ и҆ неѡсꙋжде́ннѡ причасти́тисѧ ст҃ы́хъ твои́хъ та̑инъ и҆ нбⷵнагѡ твоегѡ̀ црⷵтвїѧ сподо́битиса.
Диакон глаголет: Заступи́, спаси́, поми́луй и сохрани́ нас, Бо́же, Твое́ю благода́тию.
Лик: Го́споди, помил́уй.
Диакон: Прему́дрость.
Возгла́с, егоже глаголет архиерей:
Ꙗкѡ да под̾ держа́вою твое́ю всегда̀ храни́ми́, тебѣ̀ сла́вꙋ возсыла́емъ, ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, ны́нѣ и҆ при́снѡ и҆ во вѣ́ки вѣкѡ́въ.
Лик: Ами́нь.
И поет первый лик Херуви́мскую песнь, косно и со сладкопением.
Архиерей же, мало приклони́в главу, глаголет молитву тайно:
Никто́же достои́нъ ѿ свѧза́вшихсѧ плотски́ми похотьмѝ и҆ сластьмѝ приходи́ти и҆лѝ прибли́житисѧ, и҆лѝ слꙋжи́ти тебѣ̀ цр҃ю̀ сла́вы: єже бо слꙋжи́ти тебѣ̀ вели́ко и҆ стра́шно и҆ самѣ́мъ нбⷵным си́ламъ. Но ѻ҆ба́че, неизрече́ннагѡ ра́ди и҆ безмѣ́рнагѡ твоегѡ̀ человѣколю́бїѧ непрело́жнѡ и҆ неизмѣ́ннѡ бы́лъ є҆сѝ чл҃кѣ́къ и҆ а҆рхїере́й на́мъ бы́лъ є҆сѝ, и҆ слꙋже́бныѧ сеѧ̀ и҆ безкро́вныѧ же́ртвы сщ҃еннодѣ́йствїе пре́далъ є҆сѝ на́мъ, ꙗкѡ влⷣка всѣ́хъ: ты́ бо є҆ди́нъ гдⷵи бж҃е на́шъ, влады́чествꙋеши нбⷵнымн и҆ земны́ми, иже на прⷵто́лѣ херꙋві́мстѣ носи́мый, иже серафі́мѡвъ гдⷵь и҆ цр҃ь і҆и҃левъ, иже є҆ди́нъ ст҃ъ и҆ во ст҃ы́хъ почива́ѧй. Тѧ̀ ѹбѡ молю̀ є҆ди́наго бл҃га́го и бл҃гопослꙋшли́ваго: при́зри на мѧ̀ грѣ́шнаго и҆ непотре́бнаго раба̀ твоего̀ и҆ ѡ҆чи́сти мою̀ дꙋ́шꙋ и҆ се́рдце ѿ со́вѣсти лꙋка́выѧ и҆ ѹ҆довли́ мѧ си́лою ст҃а́гѡ твоегѡ̀ дх҃а, ѡ҆блече́нна бл҃года́тїю сщ҃е́ства, предста́ти ст҃ѣ́й твое́й се́й трапе́зѣ и҆ сщ҃еннодѣ́йствовати ст҃о́е и҆ пречⷵтое твоѐ тѣ́ло и҆ чⷵтнꙋ́ю кро́вь, къ тебѣ́ бо прихождꙋ̀, прикло́нь мою̀ выю̀, и҆ молю́ ти сѧ, да не ѿврати́ши лица̀ твоегѡ̀ ѿ менѐ, нижѐ ѿри́неши менѐ ѿ ѻтрѡкъ твои́хъ но сподо́би принесє́ннымъ тебѣ̀ бы́ти мно́ю грѣ́шнымъ и҆ недосто́йнымъ рабо́мъ твои́мъ дарѡ́мъ си̑мъ: ты́ бо є҆сѝ приносѧ́й и҆ приноси́мый, и҆ прїе́млѧй и҆ раздава́емый, хрⷵтѐ бж҃е на́шъ, и҆ тебѣ̀ сла́вꙋ возсыла́емъ, со безнача́льнымъ твои́мъ ѻ҆ц҃е́мъ, и҆ прест҃ы́мъ и҆ бл҃ги́мъ и҆ животворѧ́щимъ твои́мъ дх҃омъ, ны́нѣ и҆ при́снѡ и҆ во вѣ́ки вѣкѡ́въ.
Таже приносят иполиакони архиерею иред царския двери лаха́нь с рукоумывалом, и архиерей, умывая руки, молитву глаголет:
Гдⷵи бж҃е на́шъ, ѡ҆ст҃и́вый стрꙋи̑ і҆ѻрда̑нскїѧ сп҃си́тельнымъ твои́мъ ꙗ҆вле́нїемъ: са́мъ и҆ ны́нѣ низпослѝ бл҃года́ть ст҃а́гѡ твоегѡ̀ дх҃а и҆ бл҃гословѝ во́дꙋ сїю̀, ко ѡ҆сщ҃е́нїю всѣ́хъ люде́й твои́хъ, ꙗкѡ блгⷵве́нъ є҆сѝ во вѣ́ки вѣкѡ́въ. А҆ми́нь.
И совершившу архиерею молитву, приносит протодиакон омофорий и полагает на ра́мех архиерейских [ки́сти (тре́сны) же да будут в левой стране́]. И покланя́ется архиерей пред святою трапезою трижды, глаголя:
Иже херꙋві́мы та́йнѡ ѡ҆бразꙋ́юще и҆ животворѧ́щей трⷪ҇цѣ трист҃ꙋ́ю пѣ́снь припѣва́юще, всѧ́кое ны́нѣ жите́йское ѿложи́мъ попече́нїе.
Ꙗкѡ да цр҃ѧ̀ всѣ́хъ под̾и́мемъ, агг҃льскими неви́димѡ дорѷноси́ма чи́нми: а҆ллилꙋ́їа. Три́щи.
Подобне и прочии сослужа́щии творят. Таже диакон, взем кадильницу и фимиам, приходит ко архиерею и, взем благословение по обычаю, кадит святую трапе́зу окру́г и святое предложеиие, и святыя иконы, и архиереа, и вся по обычаю. И приходит архиерей ко святому предложению и, взем обе́ма рука́ма ае́р (возду́х) полагает на ра́му (плечо) единаго диаконов. [Аще есть хиротонису́емый иерей, полагает аер на его рамо.] И иерей открывает святый дискос, имея слипу просфору́ готову и святое копие́. Поклонився убо архиерей трижды, глаголет:
Бж҃е, ѡ҆чи́сти мѧ̀ грѣ́шнаго.
Таже отлагаст шапку и, взем просфору левою рукою, десною же святое копие, изыма́ет ча́стицы, глаголя пе́рвее:
Поми́лꙋй на́съ бж҃е, по вели́цѣй млⷵти тбое́й, мо́лимъ ти сѧ, ѹ҆слы́ши и҆ поми́лꙋй.
И поминает архиерей Святейшаго Патриарха и прочыя православныя христиа́ны, я́же хо́щет, живы́я. И первый архимандрит поминает о здравии архиереа.
Таже и про́чии сослужитсли приходят близ архиерса и сотворяют метание, и глаголют: За моли́тв свята́го Влады́ки на́шего, Го́споди, Иису́се Христе́, Бо́же наш, поми́луй нас. И поминают, я́же хо́щут, живы́я, глаголюще то́кмо имена́. Архиерей же сечет ча́стицы на дискос, глаголя непрестанно:
Помѧнѝ гдⷵи, до́ндеже совсрши́т имена́.
Последи же глаго́ляй имена́ глаголет: Помяни́, Го́споди, и мене́, гре́шнаго и недостойнаго раба́ Твоего́ [имярек].
И архиерей, взем ча́стицу, глаголет:
Помѧнѝ гдⷵи, раба̀ твоего̀, имⷬ҇къ, а҆рхїере́а и҆лѝ: і҆ере́а].
И, паки сотворив метание, целует ра́мо архиереево и отходит. И ки́йждо творит та́кожде. Совершив же архиерей ча́стицы живых, приемлет вторую просфору, о усо́пших, и сечет ча́стицы на дискос, до́ндеже совершит имена усопших. Совершив же ча́стицы, отдает омофорий единому диаконов, и кадит архиерей предложенис три́щи, и отдает кадильницу диакону. Протодиакон же, прибли́жився архиерею и сотворив метание, глаголет: Возьми́, Преосвяще́ннейший Влады́ко. И архиерей, взем обе́ма рука́ма дискос, целуя, полагает на главу протодиакона, глаголя:
Въ ми́рѣ возми́те рꙋ́ки ва́шѧ во ст҃а̑ѧ и҆ бл҃гослови́те гдⷵа.
И протодиакон целует архиерееву ру́ку. И отшедшу мало протодиакону, приходит архимандрит первый или ин предстоятель священников ко архиерею и, поклон сотворив, приемлет от архиереа святый поти́р и целует его и руку архиерейскую. Прочии же иерее носят крест, лави́ду (лжи́цу), копие́, гу́бу и и́но чт́о священных сосудов и целуют архиерееву руку. И исходит протодиакон северною дверию, последующым ему двум диаконом, нося́щым коему́ждо рипи́ду над святым дискосом вышше, и ве́ющым ими. Таже последует со святым потиром: подобне иму́ще диакони две рипиды над ним, ве́ют ими. Прочии же диакони предходят с кадильницами, с шапкою и омофорием. Вне же пред северною дверию угото́вани суть два подсвещники с лампадами, я́же и предхо́дят. Подобне предходит и нося́й пастырский жезл. И примикирий со возженою лампадою пред всеми и́дет. Протодиакон, исходя из двери, глаголет ничесо́же.
И приходят чтец, нося́й жезл, и примикирий с лампадою пред царская врата, и архиерей поклоня́ются и станут по о́бе страны́ царских врат. Таже приходят диакони, нося́ще шапку, и архиерей целует ю́, и входят во олтарь левою страною. Ини́и же диакони со омофорием, и архиерей целует омофорий, и входят во олтарь десно́ю страною. [Прочих же сослужа́щих архимандритов диакони входят во олтарь десною и левою страною по чину.] Пришед же протодиакон проти́ву архиереа, глаголет: Архиере́йство твое́ да помяне́т Господь Бог во Ца́рствии Свое́м всегда́, ны́не и при́сно, и во ве́ки веко́в. И архиерей исходит пред царская врата и кадит святый дискос три́щи, по чину, и, сотворив метание, глаголет тайно:
Бл҃гослове́нъ грѧды́й во имѧ гдⷵне.
Таже прие́м дискос от главы протодиакона, целует и, показу́я к народу и моляся, глаголет:
Вели́каго господи́на и҆ ѻ҆ц҃а̀ на́шего пі́мена, свѧтѣ́йшаго патрїа́ха моско́вскаго и҆ всеѧ̀ рꙋсѝ, и прочая.
И, вшед во святый олтарь, архиерей не отдает дискоса архимандритам, но сам и́дет от царских врат со святым дискосом до святаго престола, поддержи́мь ими под ру́ки, и поставляет и́ на святей трапе́зе, глаголя:
Бл҃гоѡбра́зный і҆ѡ́сифъ, съ дре́ва сне́мъ, пречⷵтое твоѐ тѣ́ло, плащани́цею чⷵтою ѡ҆бви́въ и҆ бл҃гоꙋха́ньми во гро́бѣ но́вѣ здкры́въ, положѝ.
И паки изыдет архиерей. Нося́й же потир глаголет, якоже и протодиакон: Архиере́йство твое́ да помяне́т Госпо́дь Бог во Ца́рствии Свое́м всегда́, ны́не и при́сно, и во ве́ки веко́в. И взем архиерей кадильницу, кадит еди́нощи и, сотворив метание, приемлет потир и целует и́, и, показуя к народу, глаголет, якоже обычай.
И входит паки во алтарь, и поставляет сам святый потир на святей трапезе по обычаю, глаголя:
Во гро́бѣ пло́тски, во адѣ же съ дш҃е́ю, ꙗкѡ бг҃ъ, въ раи́ же съ разбо́йникомъ и҆ на прⷵто́лѣ бы́лъ є҆сѝ хрⷵтѐ, со ѻ҆ц҃е́мъ и҆ дх҃омъ, всѧ̑ и҆сполнѧ́ѧй неѡпи́санный.
Ꙗкѡ живоно́сецъ, ꙗкѡ раѧ̀ краснѣ́йшїй, вои́стиннꙋ и҆ всѧ́кагѡ черто́га црⷵкагѡ ꙗ҆ви́сѧ свѣтлѣ́йшїй хрⷵтѐ, гро́бъ тво́й, и҆сто́чникъ на́шегѡ воскресе́нїѧ.
Прочии же архимандрити, игумени и протопресвитери, и иере́е входят во святый олтарь, глаголюще тайно: Архиере́йство твое́ да помяне́т Госпо́дь Бог во Ца́рствии Свое́м. И архиерей от места, иде́же стои́т, благословляет я́, коего́ждо входя́ща во святый олтарь. и е́млет покро́вы от святаго дискоса и от святаго потира, и полагает я́ на место по обычаю, и взем ае́р от ра́ма протодиаконова или ина́го диакона, надно́сит на кадильницу мало, и со благоуханисм покрывает Святая. Взем же покровы, покрывает ае́ром Святая и глаголет:
Блдгоѻбра́зный і҆ѡ́сифъ, съ дре́ва сне́мъ, пречⷵтое твоѐ тѣ́ло, плащани́цею чи́стою ѡ҆бви́въ и благоꙋха́ньми во гро́бѣ но́вѣ закры́въ, положѝ.
И взем архиерей кадильницу, кадит то́кмо Святая и, покланяяся трижды, глаголет:
Ѹ҆бл҃жѝ гдⷵи, благоволе́нїемъ твои́мъ сїѡ́на, и҆ да сози́ждꙋтсѧ стѣ́ны і҆ерꙋсали̑мскїѧ: тогда̀ благоволи́ши же́ртвꙋ пра́вды, возноше́нїе и҆ всесожега́ємаѧ, тогда̀ возложа́тъ на ѻ҆лта́рь тво́й тельцы̀. Трижды.
И а́бие отдает кадильницу, никого́же кадя́. И покланяется архиерей, трижды. И обращаяся к десной стране, к сослужа́щым глаголет:
Бра́тїе и҆ сослꙋжи́телїе, а҆рхїмандрі́ти и҆ і҆ере́є, помоли́тесѧ ѡ҆ мнѣ̀.
И, опустивше фело́ни, отвещают вси, глаголюще: Ду́х Святы́й на́йдет на тя, и си́ла Вы́шняго осени́т тя.
Архиерей глаголет:
То́йже дх҃ъ ст҃ы́й содѣ́йствꙋетъ на́мъ и҆ ва́мъ, всѧ̑ дни̑ живота̀ на́шигѡ.
Таже протодиакон глаголет, и прочии: Помоли́ся о нас, Влады́ко святы́й.
Архиерей: Да ѹ҆пра́витъ гдⷵь стопы̑ ва́шѧ.
Паки глаголют: Помяни́ нас, Влады́ко святы́й.
И архиерй: Да помѧне́тъ ва́съ гдⷵь бг҃ъ во црⷵтвїи свое́мъ всегда̀, ны́нѣ и҆ при́снѡ и҆ во вѣ́ки вѣкѡ́въ.
Аще есть хиротони́а иерейская, совершается по чину [по хиротони́и же бывает осенение]. Аще же не есть хиротони́а, по положении Святых Даров на святей трапезе бывает по обычаю осенение. Диакон же, изшед из олтаря и став на обычном месте, глаголет:
Испо́лним моли́тву на́шу Го́сподеви.
Лик: Го́споди, поми́луй.
Диакон: О предложе́нных Честны́х Даре́х Го́споду помо́лимся.
Лик: Го́споди, поми́луй.
Диакон: О святе́м хра́ме сем и с ве́рою, благогове́нием и стра́хом Бо́жиим входя́щих в онь Го́споду помо́лимся.
Лик: Го́споди, поми́луй.
Диакон: О изба́вится нам от вся́кия ско́рби, гне́ва и ну́жды Го́споду помо́лимся.
Лик: Го́споди, поми́луй.
Молитва проскомидии по поставлении Божественных Даров на святей трапезе:
Гд҃и бж҃е вседержи́телю, є҆ди́не ст҃е, прїе́млѧй же́ртвꙋ хвале́нїѧ ѿ призыва́ющихъ тѧ̀ всѣ́мъ се́рдцемъ: прїимѝ и҆ на́съ грѣ́шныхъ моле́нїе и҆ принесѝ ко ст҃о́мꙋ твоемꙋ̀ же́ртвенннкꙋ: и҆ ѹ҆довлѝ на́съ приноси́ти тебѣ̀ да́ры же и҆ жє́ртвы дх҃о́вныѧ ѡ҆ на́шихъ грѣсѣ́хъ и҆ ѡ҆ людски́хъ невѣ́дѣнїихъ: и҆ сподо́би на́съ ѡ҆брѣстѝ бл҃года́ть пред̾ тобо́ю , єже бы́ти тебѣ̀ бл҃гопрїѧ́тнѣй же́ртвѣ на́шей и҆ всели́тисѧ дх҃ꙋ бл҃года́ти твоеѧ̀ бл҃го́мꙋ въ на́съ, и҆ на предлежа́щихъ дарѣ́хъ си́хъ, и҆ нд всѣ́хъ лю́дехъ твои́хъ.
Диакон: Заступи́, спаси́, поми́луй и сохрани́ нас, Бо́же, Твое́ю благода́тию.
Лик: Го́споди, поми́луй.
Диакон: Дне всего́ соверше́нна, свя́та, ми́рна и безгре́шна у Го́спода про́сим.
Лик: Пода́й,Го́споди.
Диакон: А́нгела ми́рна, ве́рна наста́вника, храни́теля душ и теле́с наши́х у Го́спода про́сим.
Лик: Пода́й,Го́споди.
Диакон: Проще́ния и оставле́ния грехо́в и прегреше́ний на́ших у Го́спода про́сим.
Лик: Пода́й,Го́споди.
Диакон: До́брых и поле́зных душа́м на́шым и ми́ра ми́рови у Го́спода про́сим.
Лик: Пода́й,Го́споди.
Диакон: Про́чее вре́мя живота́ на́шего в ми́ре и покая́нии сконча́ти у Го́спода про́сим.
Лик: Пода́й,Го́споди.
Диакон: Христна́нския кончи́ны живота́ на́шего, безболе́зненны, непосты́дны, ми́рны и до́браго отве́та на стра́шнем суди́щи Христо́ве про́сим.
Лик: Пода́й,Го́споди.
Диакон: Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.
Лик: Тебе́,Го́споди.
И архиерей позглашение:
Щедро́тамн є҆диноро́днагѡ сн҃а твоегѡ̀, съ ни́мже бл҃гослове́нъ є҆сѝ, со прест҃ымъ и҆ бл҃ги́мъ и҆ животворѧ́щмъ твои́мъ дх҃омъ, ны́нѣ и҆ при́снѡ и҆ во вѣ́ки вѣкѡ́въ.
Лик: Ами́нь.
Таже: Ми́ръ всѣ̑мъ.
Лик: И ду́хови твоему́.
Архиерей исходит и осеняет народ обе́ма рука́ма крестовидно.
Диакон: Возлю́бим дру́г дру́га, да единомы́слием испове́мы.
Лик: Отца́ и Сы́на, и Свята́го Ду́ха, Тро́ицу Единосу́щную и Неразде́льную.
Тогда архиерей, и вси сослужа́щии, покланяются трижды. И в кийждо поклон глаголют:
Возлюблю́ тѧ гдⷵи, крѣ́посте моѧ̀ гдⷵь ѹ҆твержде́нїе моѐ и҆ прибѣ́жище мое. Трижды.
Таже архиерей отлагает шапку и целует святый дискос, глаголя тайно:
Ст҃ы́й бж҃е, И святый потир целует, глаголя: Ст҃ы́й крѣ́пкїй [покры́ты су́ща]. И святую трапезу целует, глаголя: Ст҃ы́й безсме́ртный, поми́лꙋй на́съ.
Таже архиерей приемлет шапку. Присутствующии же архимандрити приходят чином, отложивше шапки, целуют и ти́и Святая, якоже и архиерей. Такожде целуются и со архисреем, по обычаю, глаголюще: Христо́с посреде́ нас.
Отвещает: И҆ єсть, и҆ бꙋ́детъ.
И стоят близ его по чину. Таже прии́дет хиротониса́нный, зане́ и́мать первенство всех иереев, и по нем прочии иерее. И целовавше Святая, и архиереа в ра́мена, и десницу по обычаю, глаголюще же: Христо́с посреде́ нас: и стоя́т по чину, целующе друг друга, глаголюще: Христо́с посреде́ нас, отвещава́юще: И е́сть, и бу́дет.
И диакони цслуют ора́рии своя́. Архиерей отлагает шапку. Таже, пришедше архимандрити и иерее, взимают ае́р с десну́ю и левую страну́. Приклони́вшу же главу архиерею, покрывают ю́ свы́ше ае́ром, яко бы не касатися ему. Вне же стоя́й диакон, зря, яко гото́ви суть внутрь, приклони́в мало главу, целует орарий свой, иде́же есть креста образ, и воздвиг мало десну́ю руку, держа треми́ пе́рсты орарий, глаголет: Две́ри, две́ри, прему́дростию во́нмем. Глаголют вне благоговейно, ме́рным гласом, Симво́л:
Ве́рую во Еди́наго Бо́га Отца́, Вседержи́теля, Творца́ не́бу и земли́, ви́димым же всем и неви́димым. И во Еди́наго Го́спода Иисуса Христа́, Сы́на Бо́жия, Единоро́днаго, Иже от Отца́ рожде́ннаго пре́жде всех век. Све́та от Све́та, Бо́га и́стинна от Бо́га и́стинна, рожде́нна, несотворе́нна, Единосу́щна Отцу́, Имже вся бы́ша. Нас ра́ди, челове́к, и на́шего ра́ди сласе́ния сше́дшаго с небе́с и воплоти́вшагося от Ду́ха Свя́та и Мари́и Де́вы, и вочелове́чшася. Распя́таго же за ны при Понти́йстем Пила́те и страда́вша, и погребе́на. И воскре́сшаго в тре́тий день, по Писа́нием. И возше́дшаго на небеса́, и седя́ща одесну́ю Отца́. И па́ки гряду́щаго со сла́вою суди́ти живы́м и ме́ртвым, Его́же Ца́рствию не бу́дет конца́.
И в Ду́ха Свята́го, Го́спода, Животворя́щаго, Иже от Отца исходя́щаго, Иже со Отце́м и Сы́ном спокланя́ема и ссла́вима, глаго́лавшаго проро́ки. Во Еди́ну Святу́ю Собо́рную и Апо́стольскую Це́рковь. Испове́дую еди́но креще́ние во оставле́ние грехо́в. Ча́ю воскресе́ния ме́ртвых. И жи́зни бу́дущаго ве́ка. Ами́нь.
Подобне же глаголет и архиерей вку́пе со сослужи́тельми внутрь святаго олтаря. Совершивше же Симво́л, вземлют ае́р, согну́вше и целовавше, полагают на святей трапе́зе, иде́же суть и прочии покровцы. Архиерей же вземлет шапку. И един диаконов, взем рипи́ду или един покро́вец [аще не суть рипи́ды], ве́ет Святая благоговейно. Таже диакон вне глаголет: Ста́нем до́бре, ста́нем со стра́хом, во́нмем, свято́е возноше́ние в ми́ре приноси́ти. Лик: Ми́лость ми́ра, же́ртву хвале́ния.
Поклони́вся, внидет во святый олтарь.
И архиерей возгласит, глаголя, обратився к народу со трикирием и дикирием:
Бл҃года́ть гдⷵа на́шегѡ і҆и҃са хрⷵта̀, и҆ любы̀ бг҃а и҆ ѻ҆ц҃а̀, и҆ прича́стїе ст҃а́го дх҃а бꙋ́ди со всѣ́ми ва́ми.
Сие́ глаголя, архиерей осеняет со трикирием и дикирием народ, и́же на западней стране.
Лик поет: И со ду́хом твои́м.
Архиерей, руки и очи вознес горе́, вкупе и мысль, глаголет велегласно:
Горѣ̀ и҆мѣ́имъ сердца̀. Осеняет южную страну.
Лик поет: Имамы ко Го́споду.
Архиерей осеняет северную страну, глаголя:
Бл҃годари́мъ гдⷵа.
Лик поет: Досто́йно и пра́ведно есть покланя́тися Отцу́ и Сы́ну, и Свято́му Ду́ху, Тро́ице Единосу́щней и Неразде́льней.
Входя же во олтарь, осеняет предстоя́щыя сослужители на восток.
И глаголет молитву:
Досто́йно и҆ пра́ведно тѧ̀ пѣ́ти, тѧ̀ бл҃гоглови́ти, тѧ̀ хвали́ти, тѧ̀ бл҃годари́ти, тебѣ̀ покланѧ́тиса на всѧ́комъ мѣ́стѣ влⷣчествїѧ твоегѡ̀. ты́ бо є҆сѝ бг҃ъ неизрече́ненъ, недовѣ́домь, неви́димь, непостижи́мь, при́снѡ сы́й, та́кожде сы́й ты̀, и҆ є҆диноро́дный тво́й сн҃ъ, и҆ дх҃ъ тво́й ст҃ы́й. ты̀ ѿ небыт҆ѧ̀ въ бытїѐ на́съ приве́лъ є҆сѝ, и҆ ѿпа́дшыѧ возста́вилъ є҆сѝ па́ки, и҆ не ѿстꙋпи́лъ є҆сѝ всѧ̑ творѧ̀, до́ндеже на́съ на нб҃о возве́лъ є҆сѝ и҆ црⷵтво твоѐ дарова́лъ є҆сѝ бꙋ́дꙋщее. ѡ҆ си́хъ всѣ́хъ бл҃годари́мъ тѧ̀, и҆ є҆диноро́днаго твоего̀ сн҃а, и҆ дх҃а твоего̀ ст҃а́го, ѡ҆ всѣ́хъ, ихже вѣ́мы, и҆ ихже не вѣ́мы, ꙗ҆вле́нныхъ и҆ неѧвле́нныхъ бл҃годѣѧ́нїихъ, бы́вшихъ на на́съ. бл҃годари́м̾ тѧ̀ и҆ ѡ҆ слꙋ́жбѣ се́й, юже ѿ рꙋ́къ на́шихъ прїѧ́ти и҆зво́лилъ є҆сѝ, аще и҆ предстоѧ́тъ тебѣ̀ ты̑сѧщи а҆рха́нгелѡвъ и҆ тмы̑ агг҃лѡвъ, херꙋві́ми и҆ серафі́ми, шестокрила́тїи, многоѻчи́тїи, возвыша́ющїисѧ, перна́тїи,
Таже диакон, глаго́лавый ектению, прии́м звезди́цу треми́ пе́рсты от святаго дискоса, глаголющу архиерсю возглашение:
Побѣ́днꙋю пѣ́снь пою́ще, вопїю́ще, взыва́юще и҆ глаго́люще:
[внегда́ же глаголет: поюще, вопиюще, взывающе и глаголюще:] творит креста образ на дискосе звездицею и, целовав ю́, полагает, иде́же и покровцы.
И певцы поют косно: Свя́т, Свя́т, Свя́т Госпо́дь Савао́ф, испо́лнь не́бо и земля́ сла́вы Твоея́, оса́нна в вы́шних, благослове́н Гряды́й во и́мя Госпо́дне, оса́нна в вы́шних.
Архиерей молитву:
Съ си́ми и҆ мы бл҃же́нными си́лами, влⷣко чл҃вѣколю́бче, вопїе́мъ и҆ глаго́лемъ: ст҃ъ є҆сѝ и҆ прест҃ъ ты̀, и҆ є҆диноро́дный тво́й сн҃ъ, и҆ дх҃ъ тво́й ст҃ы́й. ст҃ъ є҆сѝ и҆ прест҃ъ, и҆ великолѣ́пна сла́ва твоѧ̀, иже мі́ръ тво́й та́кѡ возлюби́лъ є҆сѝ, ꙗкоже сн҃а твоего̀ є҆диноро́днаго да́ти, да всѧ́к̾ вѣ́рꙋѧй въ него̀ не поги́бнетъ, но имать живо́тъ вѣ́чный. иже прише́дъ и҆ всѐ єже ѡ҆ на́съ смотре́нїе и҆спо́лнивъ, въ но́щь, въ ню́же предаѧ́шесѧ, па́че же са́мъ себѐ предаѧ́ше за мїрскі́й живо́тъ, прїе́мъ хлѣ́бъ во ст҃ы̑ѧ своѧ̑ и҆ пречⷵтыѧ и҆ непорѡ́чныѧ рꙋ́ки, благодари́въ и҆ бл҃гослови́въ, ѡ҆ст҃и́въ, преломи́въ, дадѐ ст҃ы̑мъ свои̑мъ ѹ҆чн҃кѡ́мъ и҆ а҆пⷵлѡмъ, ре́къ:
[И по молитве архиерей отлагает шапку и налагает омофорий. И, показу́я десно́ю рукою к дискосу [подобне и протодиакон показу́ет, держа и орарий треми́ пе́рсты десны́я руки́], глаголет архиерей: Приими́те,
яди́те: Ве́дательно же, яко ле́потствует сия́ Господня словеса́: Приими́те, яди́те: и: Пи́йте от нея́ вси́: глаголати над хлебом и вином всем сослужащым купногласно, тихим гласом, во едино слово с архиереем, и ниже́ еди́нем словом предвари́ти кому, или́ оста́тися архиереа, но яко из еди́нех уст всем ку́пно рещи́. Подобне купногласно же глаголати всем тайно над дискосом: И соткори́ у́бо Хле́б се́й: Та́кожде и над ча́шею: А е́же в Ча́ши се́й: и прочая. [Благословляти же рукою дискос и чашу единому то́кмо архиерею.]
Глаголет архиерей: Прїими́те, ꙗ҆ди́те, сїѐ єсть тѣ́ло моѐ, єже за вы̀ ломи́мое во ѡ҆ставле́нїе грѣхѡ́въ.
Лик: [творит поклон, поя]: Ами́нь.
Архиерей же тайно глаголет:
Подо́бнѣ и҆ ча́шꙋ по ве́чери, глаго́лѧ:
И показуя архиерей ко святому потиру, глаголет:
Пі́йте ѿ неѧ̀ всѝ, сїѧ̀ єсть кро́вь моѧ̀ но́вагѡ завѣ́та, ꙗже за вы̀ и҆ за мнѡ́гїѧ и҆злива́емаѧ во ѡ҆ставле́нїе грѣхѡ́въ.
Лик [покланяяся] поет: Ами́нь.
И архиерей молитву:
Помина́юще ѹбѡ спаси́тельнꙋю сїю̀ за́повѣдь и҆ всѧ̑ ꙗже ѡ҆ на́съ бы̑вшаѧ: крⷵтъ, гро́бъ, тридне́вное воскрⷵнїе, на нб҃са восхожде́нїе, ѡ҆деснꙋ́ю сѣдѣ́нїе, второ́е и҆ сла́вное па́ки прише́ствїе,
Таже пришед протодиакон и подъем мало святый дискос и святый потир,
Архиерей возглашает: Твоѧ̑ ѿ твои́хъ тебѣ̀ приносѧ́ще, ѡ҆ всѣ́ехъ и҆ за всѧ̑,
Лик [творит поклон, поя]: Тебе́ пое́м, Тебе́ благослови́м, Тебе благодари́м, Го́споди, и мо́лим Ти ся, Бо́же наш.
Архиерей глаголет молитву:
Е҆щѐ прино́симъ тѝ слове́снꙋю сїю̀ и҆ безкро́внꙋю слꙋ́жбꙋ и҆ про́симъ, и҆ мо́лимъ, и҆ ми́ли сѧ̀ дѣ́емъ, низпослѝ дх҃а твоего̀ ст҃а́го на ны̀ и҆ на предлежа́щыѧ да́ры сїѧ̑.
Таже покланяется архиерей, и вси сослужа́щии, и диакон отлагает рипиду, и покло́нится благоговейно, глаголюще вси:
Гдⷵи, иже прест҃а́го твоего̀ дх҃а въ тре́тїй ча́съ а҆пⷵлѡмъ твои̑мъ низпосла́вый, того̀ бл҃гі́й, не ѿимѝ ѿ насъ: но ѡ҆бновѝ на́съ молѧ́щихъ ти сѧ. Трижды, творяще и поклоны 3, протодиакону глаголющу стихи́: Се́рдце чи́сто сози́жди во мне́, Бо́же, и дух пра́в обнови́ во утро́бе мое́й. И: Не отве́ржи мене́ от лица́ Твоего́ и Ду́ха Твоего́ Свята́го не отыми́ от мене́.
Таже протодиакон, прибли́жився к архиерею и приклони́в главу, показу́я ко Святому Хлебу, держа в руце́ и орарь, глаголет архиерею: Благослови́, Влады́ко, Святы́й Хлеб.
Архиерей же, воздвиг очи на небо, благоговейно молится сице:
И҆ сотворѝ ѹбѡ хлѣ́бъ се́й – честно́е тѣ́ло хрⷵта твоегѡ̀.
И благословляет Святый Хлеб.
Протодиакон глаголет: Ами́нь. Паки то́йже: Благослови́, Влады́ко, Святую Чашу.
Архиерей: А҆ єже въ ча́ши се́й – чⷵтнꙋ́ю кро́вь хрⷵта̀ твоегѡ̀, И благословляет святый потир.
Протодиакон: Ами́нь. И паки протодиакон, показуя и обоя́ Святая, глаголет: Благослови́, Влады́ко святый, обоя́.
Архиерей же, благословляя обоя́ Святая крестовидно, глаголет:
Преложи́въ дх҃омъ твои́мъ ст҃ы́мъ,
Протодиакон: Ами́нь. Трижды. И глаголет архиерею: Помяни́ на́с, Влады́ко святы́й.
И архиерей: Да помѧне́тъ ва́съ гдⷵь бг҃ъ во црⷵтвїи свое́мъ всегда̀, ны́нѣ и҆ при́снѡ и҆ во вѣ́ки вѣкѡ́въ.
Протодиакон глаголет: Ами́нь. И веют диакони паки Святая, якоже и пе́рвее.
[И аще есть хиротонису́емый иерей, призывает его архиерей и, взем Святый Хлеб и отломи́в часть от Святаго Хлеба го́рнюю, яже есть Христос, дает ему, глаголя си́це:
Прїимѝ зало́гъ се́й и҆ сохранѝ є҆го̀ цѣ́лъ и҆ невреди́мъ до послѣ́днѧгѡ твоегѡ̀ и҆здыха́нїѧ, ѡ҆ не́мже имаши и҆стѧзанъ бы́ти во второ́е и҆ стра́шное прише́ствїе вели́кагѡ гдⷵа бг҃а и҆ сп҃са на́шегѡ і҆и҃са хрⷵта̀.
Он же, взем, целует руку архиереову и, отшед, стоит созади́ святыя трапезы, ру́ки убо положи́в на святую трапезу, моляся, глаголет: Поми́луй мя, Бо́же: весь до конца. Егда́ же и́мать рещи́: Свята́я святы́м, тогда хиротониса́нный отдает Святый Хлеб, и положи́т и́ архиерей на святый дискос. Причащается же первый ины́х иереев. Он же глаголет и заамвонмую молитву.]
Таже отлагает архиерей омоформй и приемлет шапку и, главу приклонив, глаголет молитву:
Ꙗкоже бы́ти причаща́ющымсѧ во трезвѣ́нїе дꙋшѝ, во ѡ҆тавле́нїе грѣхѡ́въ, въ приѡбще́нїе ст҃а́гѡ твоегѡ̀ дх҃а, во и҆сполне́нїе црⷵтвїѧ нбⷵнагѡ, въ дерзнове́нїе єже къ тебѣ̀, не въ сꙋ́дъ и҆лѝ во ѡ҆сꙋжде́нїе.
Е҆щѐ прино́симъ тѝ слове́снꙋю сїю̀ слꙋ́жбꙋ ѡ҆ иже въ вѣ́рѣ почи́вшихъ пра́ѻц̀ѣдъ ѻ҆ц҃ѣ́хъ, патрїа́рсѣхъ, прⷪ҇ро́цѣхъ, а҆пⷵлѣхъ, проповѣ́дницѣхъ, є҆ѵⷢ҇лі́стѣхъ, мч҃нцѣхъ, и҆сповѣ́дницѣхъ, возде́ржницѣхъ и҆ ѡ҆ всѧ́комъ дс҃ѣ првⷣнѣмъ, въ вѣ́рѣ сконча́вшемсѧ,
И по молитве, прием кадильницу с фимиамом, кадит святую трапе́зу,
Таже велегласно глаголет, кадя́: И҆зрѧ́днѡ ѡ҆ прест҃ѣ́й, пречтⷵѣй, преблгⷵве́ннѣй, сла́внѣй влⷣчцѣ на́шей бцⷣѣ и҆ приснодв҃ѣ мр҃і́и,
И поет лик: Досто́йно есть я́ко вои́стинну блажи́ти Тя, Богоро́дицу, Присноблаже́нную и Пренепоро́чную, и Ма́терь Бо́га на́шего. Честне́йшую Херуви́м и Сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу, Тя велича́ем.
Аще же есть Владычний праздник, поют ирмо́с 9-я песни.
И архиерей молитву:
Ѡ҆ ст҃ѣмъ і҆ѡа́ннѣ прⷪ҇роцѣ, прⷣте́чи и҆ крⷵти́тели, ѡ҆ ст҃ы́хъ сла́вныхъ и҆ всехва́льныхъ а҆пⷵлѣхъ: ѡ҆ ст҃ѣмъ имⷬ҇къ, є҆гѡ́же и҆ па́мѧть соверша́емъ, и҆ ѡ҆ всѣ́хъ ст҃ы́хъ твои́хъ, ихже мл҃твами посѣтѝ на́съ, бж҃е.
И҆ помѧнѝ всѣ́хъ ѹ҆со́пшихъ ѡ҆ надє́жди воскрⷵнїѧ жи́зни вѣ́чныѧ,
Зде же поминает, и́хже хо́щет, усопших по имено́м.
И҆ ѹ҆поко́й ихъ, и҆дѣ́же присѣща́етъ свѣ́тъ лица̀ твоегѡ̀.
Е҆щѐ мо́лимъ тѧ̀, помѧнѝ гдⷵи, всѧ́кое є҆пⷵкпство правосла́вныхъ, пра́вѡ пра́вѧщихъ сло́во твоеѧ̀ истины, всѧ́кое пресвѵ́терство, во хрⷵтѣ̀ дїа́конство и҆ всѧкїй сщ҃е́нническїй чи́нъ.
Е҆щѐ прино́симъ тѝ слове́снꙋю сїю̀ слꙋ́жбꙋ ѡ҆ вселе́ннѣй, ѡ҆ ст҃ѣ́й собо́рнѣй и҆ а҆пⷵльстѣй цр҃кви, ѡ҆ иже въ чистотѣ̀ и҆ честнѣ́мъ жи́тельствѣ пребыва́ющихъ, ѡ҆ бг҃охрани́мѣй странѣ̀ на́шей, властѣ́хъ и҆ во́инствѣ є҆ѧ̀. Да́ждь имъ, гдⷵи, ми́рное правле́нїе да и҆ мы̀ въ тишинѣ̀ ихъ ти́хое и҆ безмо́лвное житїѐ поживе́мъ во всѧ́комъ бл҃гочсе́тїи и҆ чистотѣ̀.
Преста́вшым же певцем поющым: Достойно есть: а́бие протодиакон, став во две́рех мало к стране, держа орарь треми́й пе́рсты десны́я руки и зря к народу, глаголет сице: И все́х, и вся́. И пост лик: И все́х, и вся́.
Таже возглашает архиерей сице:
Въ пе́рвыхъ помѧнѝ гдⷵи, вели́каго господи́на и҆ ѻ҆ц҃а̀ на́шего пі́мена, свѧтѣ́йшаго патрїа́рха моско́вскаго и҆ всеѧ̀ рꙋсѝ, є҆го́же да́рꙋй ст҃ы̑мъ твои̑мъ цр҃квамъ въ ми́рѣ, цѣ́ла, че́стна, здра́ва, долгоде́нствꙋюща, пра́вѡ пра́вѧща сло́во твоеѧ̀ истины.
Таже по архиере́и первый архимандрит или протопресвитер глаголет: Помяни́, Го́споди, и Господи́на на́шего Преосвященнейшаго [имярек] митрополи́та [или́: архиепи́скопа, или: епи́скопа] [егоже епа́рхиа – титул], его́же да́руй святы́м Твои́м це́рквам в ми́ре, це́ла, че́стна, здра́ва, долгоденствующа, пра́во пра́вяща сло́во Твоея́ и́стины.
И по возгла́се архиерей благословляет его и глаголет:
Сщ҃е́нство твоѐ да помѧне́тъ гдⷵь бг҃ъ: и прочая.
Архидиакон же или протодиакон, стоя́ при две́рех, глаголет велегласно великую похвалу, зря к народу: Господи́на на́шего Преосвяще́ннейшаго [имярек]. митрополи́та [или: архиепи́скопа, или: епи́скопа] [егоже епа́рхиа – титул], принося́щаго Святы́я Да́ры сия́ Го́сподеви Бо́гу на́шему: о Великом Господи́не и Отце́ на́шем Пи́мене, Святейшем Патриа́рсе Моско́встем и все́я Руси́, о Преосвяще́нных митрополи́тех, архиепи́скопех и епи́скопех и о все́м свяще́нничестем и и́ночестем чи́не, о Богохрани́мей стране́ на́шей, о власте́х и во́инстве ея́, о ми́ре всего́ ми́ра, о благостоя́нии Святы́х Бо́жиих Церкве́й, о спасе́нии и по́мощи со тща́нием и стра́хом Бо́жиим тружда́ющихся и служа́щих, о исцеле́нии в не́мощех лежа́щих, о успе́нин, осла́бе, блаже́нней па́мяти и оставле́нии грехо́в все́х преждепочи́вших правосла́вных, о спасе́нии люде́й предстоя́щих и о и́хже ки́йждо в помышле́нии и́мать, и о всех, и за вся.
Лик поет: И о всех, и за вся.
И целует архиднакон или протодиакоп архиереову руку.
Таже глаголет архиерей молитву тайно:
Помѧнѝ гдⷵи, гра́дъ се́й, въ не́мже живе́мъ, и҆ всѧ́кїй гра́дъ и҆ странꙋ̀ и҆ вѣ́рою живꙋ́щихъ въ ни́хъ.
Помѧнѝ гдⷵи, пла́вающихъ, пꙋтеше́ствꙋющихъ, недꙋ́гꙋющихъ, стра́ждꙋщихъ, плѣне́нныхъ и҆ спасе́нїе ихъ.
Помѧнѝ гдⷵи, плодоносѧ́щихъ и҆ добротворѧ́щихъ во ст҃ы́хъ твои́хъ цр҃квахъ и҆ помина́ющихъ ѹ҆бѡ́гїа, и҆ на всѧ̑ ны̀ млⷵти твоѧ̑ низпослѝ.
И архиерей возгла́с: И҆ да́ждь на́мъ є҆ди́нѣми ѹ҆сты и҆ є҆ди́нѣмъ се́рдцемъ сла́вити и҆ воспѣва́ти прсчестно́е и҆ великолѣ́пое имѧ твоѐ, ѻ҆ца и҆ сн҃а и҆ ст҃а́гѡ дх҃а, ны́нѣ и҆ при́снѡ и҆ во вѣ́ки вѣкѡвъ.
Лик: Ами́нь.
Возглас: И҆ да бꙋ́дꙋтъ млⷵти вели́кагѡ бг҃а и҆ сп҃са на́шегш і҆и҃са хрⷵта̀ со всѣ́ми ва́ми.
Лик: И со ду́хом твои́м.
И обращается лицем к народу, и осеняет обе́ма рука́ма крестовидно, я́коже обы́чай.
Егда́ же хиротони́а, тогда последи́ хиротони́и осенение бывает с трикирием и дикирием. Аще есть хиротони́а диаконская, совершается по чину.
Аще же не есть хиротони́а, диакон, и́же и́мать глаголати ектснию́, сотворив метание, исходит и, став на учиненном мссте, глаголет:
Вся́ святы́я помяну́вше, па́ки и па́ки ми́ром Го́споду помо́лимся.
Лик: Го́споди, поми́луй.
О принесе́нных и освяще́нных Честны́х Даре́х Го́споду помо́лимся.
Лик: Го́споди, поми́луй.
Яко да Человеколю́бец Бог наш, прие́м я́ во святы́й и пренебе́сный, и мы́сленный Свой же́ртвенннк, в воню́ благоуха́ниа духо́внаго, возниспо́слет нам Боже́ственную благода́ть и дар Свята́го Ду́ха помо́лимся.
Лик: Го́споди, поми́луй.
О изба́витися нам от вся́кия ско́рби, гне́ва и ну́жды Го́споду помо́лимся.
Лик: Го́споди, поми́луй.
Архиерей же глаголет молитву:
Тебѣ̀ предлага́емъ живо́тъ на́шъ ве́сь и҆ наде́ждꙋ, влⷣко чл҃вѣколю́бче, и҆ про́симъ, и҆ мо́лимъ, и҆ ми́ли сѧ̀ дѣ́емъ: сподо́би на́съ причасти́тисѧ нбⷵныхъ твои́хъ и҆ стра́шныхъ та̑инъ, сеѧ̀ сщ҃е́нныѧ и҆ дх҃о́вныѧ трапе́зы, съ чи́стою со́вѣстїю, во ѡ҆ставле́нїе грѣхѡ́въ, въ проще́нїе согрѣше́нїй, во ѻ҆бще́нїе дх҃а ст҃а́гѡ, въ наслѣ́дїе црⷵтвїѧ нбⷵнагѡ, въ дерзнове́нїе єже къ тебѣ̀, не въ сꙋ́дъ и҆лѝ во ѡ҆сꙋжде́нїе.
Диакон: Заступи́, спаси́, поми́луй и сохрани́ нас, Бо́же, Твое́ю благода́тию.
Лик: Го́споди, поми́луй.
Диакон: Дне всего́ соверше́нна, свя́та, ми́рна и безгре́шна у Го́спода просим.
Лик: Пода́й,Го́споди.
Диакон: А́нгела ми́рна, ве́рна наста́вника, храни́теля душ и теле́с на́ших у Го́спода про́сим.
Лик: Пода́й, Го́споди.
Диакон: Проще́ния и оставле́ния грехо́в и прегреше́ний на́ших у Го́спода про́сим.
Лик: Пода́й, Го́споди.
Диакон: До́брых и поле́зных душа́м на́шым и ми́ра ми́рови у Го́спода про́сим.
Лик: Пода́й, Го́споди.
Диакон: Про́чее вре́мя живота́ на́шего в ми́ре и покая́нии сконча́ти у Го́спода про́сим.
Лик: Пода́й, Го́споди.
Диакон: Христна́нския кончи́ны живота́ на́шего, безболе́знены, непосты́дны, ми́рны и до́браго отве́та на стра́шнем суди́щи Христо́ве про́сим.
Лик: Пода́й, Го́споди.
Диакон: Соедине́ние ве́ры и прича́стие Свята́го Ду́ха испроси́вше, са́ми себе́ и друг дру́га, и весь живо́т наш Христу́ Бо́гу предади́м.
Лик: Тебе́, Го́споди.
Архиерей возглашение:
И҆ спсдо́би на́съ влⷣко, со дерзнове́нїемъ, неѡсꙋжде́ннѡ смѣ́ти призыва́ти тебѐ, нбⷵнаго бг҃а ѻ҆ц҃а̀, и҆ гл҃ати:
Людие: Отче на́ш, Иже еси́ на небесе́х! Да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на небеси́ и на земли́. Хле́б наш насу́щный да́ждь нам днесь и оста́ви нам до́лги на́шя, я́коже и мы оставля́ем должнико́м на́шым: и не введи́ нас во искуше́ние, но изба́ви нас от лука́ваго.
Подобне глаголет и архиерей, и прочии сослужа́щии тайно.
Таже возгла́с:
Ꙗкѡ твоѐ єсть црⷵтво, и҆ си́ла, и҆ сла́ва, ѻ҆ц҃а и҆ сн҃а и҆ ст҃а́гѡ дх҃а, ны́нѣ и҆ при́снѡ и҆ во вѣ́ки вѣкѡ́въ.
Лик: Ами́нь.
Архиерей: Ми́ръ всѣ̑мъ.
И осеняет обе́ма рука́ма народ.
Лик: И ду́хови твоему́.
Диакон: Главы́ ва́шя Го́сподеви приклони́те.
Лик: Тебе́, Го́споди.
Архиерей молитву:
Бл҃годари́мъ тѧ̀ цр҃ю̀ неви́димый, иже исисче́тною твое́ю си́лою всѧ̑ содѣ́тельствовалъ є҆сѝ и҆ мно́жествомъ ми́лости твоеѧ̀ ѿ небытїѧ̀ въ бытїѐ всѧ̑ приве́лъ є҆сѝ. са́мъ влⷣко, съ нб҃сѐ при́зри на подкло́ньшыѧ тебѣ̀ главы̑ своѧ̑: не бо̀ подклони́ша пло́ти и҆ кро́ви, но тебѣ̀ стра́шномꙋ бг҃ꙋ. ты̀ ѹбѡ влⷣко, предлежа̑щаѧ всѣмъ на́мъ во бл҃го́е и҆зравнѧ́й, по коегѡ́ждо свое́й потре́бѣ: пла́вающымъ спла́вай, пꙋтеше́ствꙋющымъ спꙋтеше́ствꙋй, недꙋ́гꙋющыѧ и҆сцѣлѝ, врачꙋ̀ дꙋ́шъ и҆ тѣле́съ.
Возглашение:
Бл҃годатїю и҆ щедро́тами и҆ чл҃вѣколю́бїемъ є҆диноро́днагѡ сн҃а твоегѡ̀, съ ни́мже бл҃гослове́нъ є҆сѝ, со прест҃ы́мъ и҆ бл҃ги́мъ и҆ животворѧ́щимъ твои́мъ дх҃омъ, ны́нѣ и҆ при́снѡ и҆ во вѣ́ки вѣкѡ́въ.
Лик: Ами́нь.
И паки архиерей молитву:
Вонмѝ гдⷵи і҆и҃се хрⷵтѐ бж҃е на́шъ, ѿ ст҃а́гѡ жили́ща твоегѡ̀ и҆ ѿ прⷵто́ла сла́вы црⷵтвїа твоегѡ̀ и҆ прїидѝ во єже ѡ҆ст҃и́ти на́съ, иже горѣ̀ со ѻ҆ц҃е́мъ сѣдѧ́й и҆ здѣ̀ на́мъ неви́димѡ спребыва́ѧй: и҆ сподо́би держа́вною твое́ю рꙋко́ю препода́ти на́мъ пречⷵтое тѣ́ло твоѐ и҆ чⷵтнꙋ́ю кро́вь, и҆ на́ми всѣ́мъ лю́демъ.
Таже приемлет архиерей омофорий и отлагает шапку. И поклоняется архиерей, и прочии, глаюлюще тайно:
Бж҃е, ѡ҆чи́сти мѧ̀ грѣ́шнаго.
Подобне и диакон вне, иде́же стоит. Архиерей же просте́р руки на святый дискос, е́же воздви́гнути Святый Хлеб, и диакон прспоя́сався ора́рием крестовидно и прсклони́в главу, глаголет: Во́нмем.
И затворяются царския двери.
И архиерей, взем Святый Хлеб, и воздвизает и́ мало над святым дискосом, о́браз же креста не творя им, глаголет:
Ст҃а̑ѧ ст҃ы̑мъ.
Лик: Еди́н Свя́т, Еди́н Госпо́дь Иису́с Христо́с, во сла́ву Бо́га Отца́. Ами́нь.
И внидет диакон во святый олтарь, протодиакон же, став близ архиереа, глаголет: Раздроби́, Влады́ко, Святы́й А́гнец.
Архиерей раздробляет его со многим вниманием, на четы́ри части, глаголя:
Раздроблѧ́етсѧ и҆ раздѣлѧ́етса агнецъ бж҃їй, раздроблѧ́емый и҆ нераздѣлѧ́емый, всегда ꙗ҆до́мый и҆ никогда́же и҆ждива́емый, но причаща́ющыѧсѧ ѡ҆свѧщ́аѧй.
Таже поют кинони́к (причастен) дне или святаго.
Архиерей же полагает четыри части крестовидно по обы́чаю: і҆и҃съ,_горе́:х҃е,_до́ле: нї,_де́сно: ка,_ле́во.
Протодиакон же, показу́я со орарием, глаголет: Испо́лни, Влады́ко, святы́й поти́р.
Архиерей же, взем кра́йними пе́рсты горе́ лежащую часть, творит ею крест над святым поти́рем и глаголет:
Исполне́нїе дх҃а ст҃а́гѡ.
И влагает ю́ во святый потир. И протодиакон глаголет: Ами́нь.
И, прие́м теплоту́, показу́ет ко архиерею, глаголя: Благослови́, Влады́ко, теплоту́.
И архиерей, благословляя, глаголет:
Бл҃гослове́на теплота̀ ст҃ы́хъ твои́хъ всегда́, ны́нѣ и҆ при́снѡ и҆ во вѣ́ки вѣкѡ́въ. А҆ми́нь.
И протодиакон вливает теплоту крестовидно внутрь святаго потира с разсуждением, ели́ко е́же не преодоле́ти вина́, си́речь, да не будет воды́ больше вина, глаголя: Теплота́ ве́ры, испо́лнь Ду́ха Свята́го. Ами́нь.
Таже взем архиерей часть, на не́йже зна́менано х҃с, раздробляет на многия ча́стицы, я́коже быти довольно причасти́тися всем сослужа́щым. Аще же не довольно будет части о́ныя, раздробляет и другую от дву́, глаголя:
Раздроблѧ́етсѧ и҆ раздѣлѧ́етсѧ агнецъ бж҃їй, и прочая до конца, мно́гащи, до́ндеже преста́нет раздробля́яй.
Таже архиерей творит прощение со сослужи́тели. И взем архиерей едину ча́стицу раздробля́емаго Святаго Хлеба в десну́ю руку, и приклонив главу́, молится по обычаю, глаголя:
Вѣ́рꙋю гдⷵи, и҆ и҆сповѣ́дꙋю, ꙗкѡ ты̀ є҆сѝ вои́стиннꙋ хрⷵто́съ, сн҃ъ бг҃а жива́гѡ, прише́дый въ мі́ръ грѣ̑шныѧ спастѝ, ѿ ни́хже пе́рвый єсмь азъ.
Е҆щѐ вѣ́рꙋю, ꙗкѡ сїе са́мое єсть пречⷵтое тѣ́ло твоѐ и҆ сїѧ̀ са́маѧ єсть чⷵтна́ѧ кро́вь твоѧ̀. молю́сѧ ѹбѡ тебѣ̀, поми́лꙋй мѧ̀ и҆ прости́ ми прегрѣшє́нїѧ моѧ̀ вѡ́льнаѧ и҆ невѡ́льнаѧ, ꙗже сло́вомъ, ꙗже дѣ́ломъ, ꙗже вѣ́дѣнїемъ и҆ невѣ́дѣнїемъ: и҆ сподо́би мѧ̀ неѡсꙋжде́ннѡ причасти́тисѧ пречⷵтыхъ твои́хъ та́инствъ, во ѡ҆ставле́нїе грѣхѡ́въ и҆ въ жи́знь вѣ́чнꙋю. Таже:
Ве́чери твоеѧ̀ та́йныѧ дне́сь, сн҃е бж҃їй, прича́стннка мѧ̀ прїимѝ: не бо̀ врагѡ́мъ твои̑мъ та́йнꙋ повѣ́мъ, ни лобза̑нїѧ тѝ да́мъ ꙗкѡ і҆ꙋ́да, но ꙗкѡ разбо́йникъ и҆сповѣ́даю тѧ̀: помѧни́ ма гдⷵи, во̀ црⷵтвїи твое́мъ. Да не въ сꙋ́дъ и҆ли во ѡ҆сꙋжде́нїе бꙋ́детъ мнѣ̀ причаще́нїе ст҃ы́хъ твои́хъ та̑инъ гдⷵи, но во и҆сцѣле́нїе дꙋшѝ и҆ тѣ́ла.
Таже, востав и пришед близ святаго дискоса и разгну́в руку, причащается Святаго Тела Господня со умилением и благоговением, глаголя:
Ч ⷵтно́е и҆ всест҃о́е, и҆ пречⷵтое тѣ́ло гдⷵа бг҃а и҆ сп҃са на́шегѡ і҆и҃са хрⷵта̀, преподае́тсѧ мнѣ̀ иедостойномꙋ, имⷬ҇къ, а҆рхїере́ю, во ѡ҆ставле́нїе мои́хъ грѣхѡ́въ, и҆ въ жи́знь вѣ́чнꙋю. [Во има ѻ҆ц҃а̀ и҆ сн҃а и҆ ст҃а́гѡ дх҃а. А҆ми́нь.]
Таже, взем гу́бу, отирает руку. И целовав гу́бу, положи́т на место.
Таже, взем священный покровец и потир обе́ма рука́ма с покровцем, причащается из него, трижды, по обычаю глаголя:
Ч ⷵтна́ѧ и҆ ст҃а́ѧ, и҆ живото́чнаѧ кро́вь гдⷵа бг҃а и҆ сп҆са на́шегѡ і҆и҃са хрⷵта̀, преподае́тсѧ мнѣ̀ недосто́йномꙋ, имⷬ҇къ, а҆рхїере́ю, во ѡ҆ставле́нїе мои́хъ грѣхѡ́въ, и҆ въ жи́знь вѣ́чнꙋю. [Во имѧ ѻ҆ц҃а̀ и҆ сн҃а и҆ ст҃а́гѡ дх҃а. А҆ми́нь.]
И тако устне́ свои и святый потир отирает покровцем, и́же в руках, глаголя:
Сѐ прикоснꙋ́сѧ ѹ҆стна́мъ мои̑мъ, и҆ ѿи́метъ беззакѡ́нїѧ моѧ̑, и грѣхѝ моѧ̑ ѡ҆чи́ститъ.
Таже, целуя святый потир, глаголет:
Сла́вд тебѣ̀ бж҃е. Трижды.
Таже архиерей возлагает шапку на главу свою. Протодиакон же призывает единаго коего́ждо архимаидритов, глаголя: Приступи́те.
И присту́пит един архимандрит левыя страны архиереа, приклони́в главу и положи́в длани крестовидно, десни́це су́щей горе́, глаголет: Се прихожду́ к Безсме́ртному Царю и Бо́гу на́шему. И: ІІренода́ждь ми, Влады́ко Преосвяще́ннейший, Честно́е и Свято́е Те́ло Го́спода и Бо́га и Спа́са на́шего Иису́са Христа́.
Архиерей же, взем десною рукою, треми́ пе́рсты маргари́т (сокровище) Честна́го Тела Христова, полагает в руки приходящаго архимандрита или иереа, глаголя:
Преподае́тсѧ тебѣ̀, имⷬ҇къ, а҆рхїмандрі́те, и҆ли: і҆ере́ю, чⷵтно́е и҆ пречⷵто́е и҆ безсме́ртное тѣ́ло гдⷵа бг҃а и҆ сп҃са на́шегѡ і҆и҃са хрⷵта̀, во ѡ҆ставле́нїе грѣхѡ́въ твои́хъ и҆ въ жи́знь вѣ́чнꙋю. [Во имѧ ѻ҆ц҃а̀ и҆ сн҃а и ст҃а́гѡ дх҃а. А҆ми́нь.]
И, целовав руку и ра́мо архиереа, отходит на едину страну́ и, приклони́в главу над ру́ки, молится, якоже сотвори и архиерей.
Таже паки протодиакон призывает, якоже и прежде.
Ко иереем же глаголет сице: Иере́е, приступи́те. Ко диаконом же: Иеродна́кони, приступи́те.
И творят вси подобне, якоже предрсче́ся.
Диаконы причащати Честнаго Тела и преподавати им повелевает архимандриту. Архиерей же и́дет ко святому потиру причащати прочыя. Таже приходят по чину к десной стране архимандрити, и прочии, ко архиерею на учиненное место, и, стоя́ще, глаголют приходящии: Се прихожду́: и: Препода́ждь ми, Влады́ко: и прочая. Держа же архиерей святый потир с покровцем, и прибли́жится устна́ми хотя́й причаститися. Архиерей же глаголет:
Преподае́тсѧ тебѣ̀, имⷬ҇къ а҆рхїмандрі́тꙋ, и҆лѝ: і҆ере́ю, чⷵтна́ѧ и҆ пречⷵтаѧ и҆ животворѧ́щаѧ кро́вь гдⷵа бг҃а и҆ сп҃са на́шегѡ і҆и҃са хрⷵта̀, во ѡ҆ставле́нїе грѣхѡ́въ твои́хъ и҆ въ жи́знь вѣ́чнꙋю. Во имѧ ѻ҆ц҃а̀, и҆ сн҃а, и҆ ст҃а́гѡ дх҃а. А҆ми́нь. И причащает его трижды. Причаща́яйся же, взем священный покровец, отира́ет устне́ свои и святый потир.
Архиерей же глаголет: Сѐ прикоснꙋ́сѧ ѹ҆стна́мъ твои̑мъ, и҆ ѿи́метъ беззакѡ́нїѧ твоѧ̑, и҆ грѣхѝ твоѧ̑ ѡ҆чи́ститъ.
И, целовав святый потир, отходит. Сице творят вси до конца. Диаконы же причащает от святаго потира архимандрит.
Тогда убо архисрей, прием ана́фору, умывает руки и устне́. И, став мало ко стране святаго престола, глаголет молитву благодарения:
Бл҃годари́мъ тѧ̀ влⷣко чл҃вѣколю́бче, бл҃годѣ́телю дꙋ́шъ на́шихъ, ꙗкѡ и҆ въ настоѧ́щїй де́нь сподо́билъ є҆сѝ на́съ нбⷵныхъ твои́хъ и҆ безсме́ртныхъ та́инствъ. И҆спра́ви на́шъ пꙋ́ть, ѹ҆тверди́ ны во стра́сѣ твое́мъ всѧ̑, соблюдѝ на́шъ живо́тъ, ѹ҆твердѝ на́шѧ стѡпы̀, мл҃твами и҆ моле́ньми сла́вныѧ бцⷣы и҆ прⷵнодв҃ы мр҃і́и и҆ всѣ́хъ ст҃ы́хъ твои́хъ.
Протодиакон же, взем святый дискос, и надносит верху́ святаго потира, и отирает святою гу́бою, с великим вниманием, влагая Честно́е Тело и вся ча́стицы внутрь святаго потира. И целовав святый дискос, полагает близ святаго потира. Таже, взем и покровец, покрыва́ет святый потир, на святый же дискос полагает звезди́цу и покровцы, и ае́р, глаголя: Воскресе́ние Христо́во ви́девше, поклони́мся Свято́му Го́споду Иису́су, Еди́ному Безгре́шному. Кресту́ Твоему́ покланя́емся, Христе́, и Свято́е Воскресе́ние Твое́ пое́м и сла́вим. Ты бо еси́ Бо́г на́ш, ра́зве Тебе ино́го не зна́ем, и́мя Твое́ имену́ем. Прииди́те, вси́ ве́рнии, поклони́мся Свято́му Христо́ву Воскресе́нию: се бо прии́де Кресто́м ра́дость всему ми́ру. Всегда́ благословя́ще Го́спода, пое́м Воскрссе́ние Его́, распя́тие бо претерпе́в, сме́ртию сме́рть разруши́.
Свети́ся, свети́ся, Но́вый Иерусали́ме, сла́ва бо Госпо́дня на тебе́ возсия́. Лику́й ны́не и весели́ся, Сио́не. Ты же, Чи́стая, красу́йся, Богоро́дице, о воста́нии Рождества́ Твоего́.
О Па́сха ве́лия и свяще́ннейшая, Христе́! О Му́дросте, и Сло́ве Бо́жий, и Си́ло, подавай нам и́стее Тебе́ причаща́тися в невече́рнем дни́ Ца́рствия Твоего́.
Отмы́й, Го́споди, грехи́ помина́вшихся зде Кро́вию Твое́ю Честно́ю, моли́твами святы́х Твои́х.
И покланяется трижды. И отверзаются царския двери.
И взем архиерей святый потир и целовав его, отдает протодиакону. И прии́м обе́ма рука́ма, целует руку архиереову и приходит во святыя двери, и вознося́ святый потир, глаголет: Со стра́хом Бо́жиим и ве́рою приступи́те. Лик: Ами́нь. Благослове́н Гряды́й во и́мя Госпо́дне, Бо́г – Госпо́дь, и яви́ся нам.
Архиерей, изшед из царских врат, благословляет народ со трикирием и дикирисм, глаголя:
Спасѝ бже, лю́ди твоѧ̑ и҆ бл҃гословѝ достоѧ́нїе твоѐ.
Певцы: Ис полла́ э́ти, дэ́спота. Косно и со сладкопением.
И обращается паки ко святей трапезе, и осеня́ет сослужа́щыя, и отдает трикирий и дикирий.
И прием архиерей святый потир от рук протодиакона, поставляет на святей трапезе.
Таже прием кадильницу, кадит то́чию Святая, трижды, глаголя тихим гласом:
Вознеси́сѧ на нб҃са̀ бж҃е, и҆ по все́й землѝ сла́ва твоѧ̀.
И а́бие отдает кадильницу, никого́же кадя́.
И поют вне певцы: Ви́дехом све́т и́стинный, прия́хом Ду́ха Небе́снаго, обрето́хом ве́ру и́стинную, Неразде́льней Тро́ице покланя́емся, Та бо нас спасла́ есть.
Таже прие́м архисрей святый дискос, возлагает на главу́ протодиакона. Протодиакон же приемлет и́ обе́ма рука́ма и отходит в предложение, ничтоже глаголя, и поставляет и́ та́мо.
Святый же потир прием и целовав, архиерей отдает первому архимандриту или игумену, глаголя:
Бл҃гослове́нъ бг҃ъ нашъ: Тихо.
И приемлет архимандрит обема рукама и, целовав и́ и архиереову руку, обращается ко святым две́рем, зря к народу, и глаголет велегласно: Всегда́, ны́не и присно, и во ве́ки веко́в.
И отходит ко святому предложению, и поставляет и́ тамо.
Лик: Ами́нь. Да испо́лнятся уста́ на́ша хвале́ния Твоего́, Го́споди, я́ко да пое́м сла́ву Твою́, я́ко сподо́бил еси́ нас причасти́тися Святы́м Твои́м, Боже́ственным, Безсме́ртным и Животворя́щым Та́йнам. Соблюди́ нас ко Твое́й святы́ни, весь день поуча́тися пра́вде Твое́й. Аллилу́иа, аллилу́иа, аллилу́иа.
Таже протодиакон исходит серверными две́рьми и, став на обычном месте, глаголет:
Про́сти, прии́мше Боже́ственных, Святы́х, Пречи́стых, Безсме́ртых, Небе́сных и Животворя́щих, Стра́шных Христо́вых Та́ин, досто́йно благодари́м Го́спода.
Лик: Го́споди, поми́луй.
[Сей ектении́ глаго́лемей, слагает архиерей со сослужа́щими антиминс.]
Протодиакон: Заступи́, спаси́, поми́луй и сохрани́ нас, Бо́же, Твое́ю благода́тию.
Лик: Господи, помилуй.
Протодиакон: День весь соверше́н, свя́т, ми́рен и безгре́шен испроси́вше, са́ми себе́ и друг дру́га, и весь живо́т наш Христу́ Бо́гу предади́м.
Лик: Тебе́, Го́споди.
Архиерей. кре́ствуя Евангелием над антиминсом, возглашает:
Ꙗкѡ ты́ є҆си ѡ҆сщ҃е́нїе на́ше, и҆ тебѣ̀ сла́вꙋ возсыла́емъ, ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, ны́нѣ и҆ при́снѡ и҆ во вѣ́ки вѣкѡ́въ. Лик: Ами́нь.
Таже глаголет архисрей: Съ ми́ромъ и҆з̾и́демъ.
Лик: О и́мени Госпо́дни.
Протодиакон: Го́споду помо́лимся. Лик: Го́споди, поми́луй.
Иерей исходит и, став на обычном месте, глаголет заамвонную молитву:
Благословля́яй благословя́щыя Тя, Го́споди, и освяща́яй на Тя упова́ющыя, спаси́ лю́ди Твоя́ и благослови́ достоя́ние Твое́, исполне́ние Це́ркве Твоея́ сохрани́, освяти́ лю́бящыя благоле́пие до́му Твоего́: Ты тех возпросла́ви Боже́ственною Твое́ю си́лою и не оста́ви нас, упова́ющих на Тя. Мир ми́рови Твоему́ да́руй, Це́рквам Твои́м, свяще́нником, во́инству и всем лю́дем Твои́м: яко вся́кое дая́ние бла́го и всяк дар соверше́н – свы́ше есть, сходя́й от Тебе́, Отца́ све́тов, и Тебе́ сла́ву и благодаре́ние, и поклоне́нис возсыла́ем, Отцу́ и Сы́ну, и Свято́му Ду́ху, ны́не и при́сно, и во ве́ки веко́в.
Архиерсй же глаголет конечную молитву:
И҆сполне́нїе зако́на и҆ проро́кѡвъ са́мъ сы́й хрⷵтѐ бж҃е на́шъ, и҆сполнивый всѐ ѻ҆ч҃еское смотре́нїе, и҆спо́лни ра́дости и҆ весе́лїѧ сердца̀ на̑ша всегда̀, ны́нѣ и҆ при́снѡ и҆ во вѣ́ки вѣкѡ́въ.
Посем, изшед архиерей, восходит на амвон.
Таже поют: Бу́ди и́мя Госпо́дне: и псалом 33: Благословлю́ Го́спода: Архиерей же раздает анти́дор всему народу на благословение и очищение души́, освяще́н бо есть, и подобает его не я́дшым приима́ти. Аще же кто и мало ядя́ше или пия́ше, да не приемлет анти́дора. По раздаянии же антидора поучает архиерей слову Божию народ.
И по скончании поучения благословляет народ руками, глаголя:
Бл҃гослове́нїе гдⷵне на ва́съ, тогѡ̀ бл҃года́тїю и҆ чл҃вѣколю́бїемъ, всегда̀, ны́нѣ и҆ при́снѡ и҆ во вѣ́ки вѣкѡ́въ.
Лик: Ами́нь.
Архиерей: Сла́ва тебѣ̀ хрⷵтѐ бж҃е, ѹ҆пован́їе на́ше, сла́ва тебѣ̀.
Лик: Сла́ва, и ны́не: Го́споди, поми́луй, трижды. Влады́ко, благослови́.
И архиерей творит отпу́ст на амвоне по обычаю, и стои́т на том месте.
Приносят же ему трикирий и дикирий, он же приемлет я́. И певцы по отпу́сте поют: Ис полла э́ти, дэ́спота.
Тогда осеняет архиерей весь народ. Таже поют многолетие по обычаю.
И, отдав трикирий и дикирий, входит во святый олтарь, и изодея́ют его от архиерейския одежди пред святою трапезою, глаголюще: Ны́не отпуща́еши раба́ Твоего́, Влады́ко: Трисвятое, по Отче наш: Яко Твое́ есть Ца́рство:
И отпустительный тропарь Златоустаго, глас 8: Уст твои́х, я́коже све́тлость огня́, возсия́вши благода́ть, вселе́нную просвети́: не сребролю́бия ми́рови сокро́вища сниска́, высоту́ нам смиренному́дрия показа́. Но твои́ми словесы́ наказу́я, о́тче Иоа́ние Златоу́сте, моли́ Сло́ва Христа́ Бога́, спасти́ся душа́м на́шым.
Слава, кондак, глас 6. Подобен: Еже о нас: От небе́с прия́л еси́ Боже́ственную благода́ть и твои́ма устна́ма вся́ учи́ши покланя́тися в Тро́ице Еди́ному Бо́гу, Иоа́нне Златоу́сте, всеблаже́нне преподо́бне, досто́йно хва́лим тя: еси́ бо наста́вник, я́ко Боже́ственная явля́я.
И ныне, Богородичен, глас 6: Предста́тельство христиа́н непосты́дное, Хода́тайство ко Творцу́ непрело́жное, не пре́зри гре́шных моле́ннй гла́сы, но предвари́, я́ко Блага́я, на по́мощь нас, ве́рно зову́щих Ти: ускори́ на моли́тву и потщи́ся на умоле́ние, предста́тельствующи при́сно, Богоро́дице, чту́щих Тя.
Го́споди, поми́луй, 12. Честне́йшую Херуви́м: Сла́ва, и ны́не: Го́споди, поми́луй, трижды. Влады́ко святы́й, благослови́. И бывает меньший отпу́ст.
Изшед же святыми две́рьми, обращается ко святым иконам, держа пастырский жезл левою рукою, и покланяется трижды.
Таже обращается к народу и, благословляя, глаголет:
Да сохрани́тъ хрⷵто́съ бг҃ъ всѧ̑ вы̀ свое́ю бж҃е́ственною благода́тїю и҆ человѣколю́бїемъ всегда̀, ны́нѣ и҆ при́снѡ и҆ во вѣ́ки вѣкѡ́въ.
Певцы же поют тихим гласом: Ис полла́ э́ти, дэ́спота. Предстои́т же примикирий с лампадою возженою и предходит архиерею, аще праздник. Аще же ни, примикирий с лампадою не ходит. Прочии же предходят и последуют, якоже и пе́рвее. Входя́ же во архиерейский дом, станет архирей на не́коем высоком учиненном месте, яко да ви́димь будет всеми, и обращается архиерей к народу, обе́ма рука́ма держа́й жезл, осеняет весь народ, и входит в дом свой. Народ же исходит. иде́же хощет, мирно в путь.
Зна́менꙋй:
Яко омофо́рий изоблача́ет архиерей пред Апостолом, егда́ поют проки́мен. И облачается паки на Херувимской песни, егда изыма́ет ча́стицы, и паки сне́млют ко входу. По Херувимской же песни, аще есть хиротони́а пресви́терская, паки налагают, и по совершении хиротони́и снемлют. По молитве же: С си́ми и мы: паки налагают. И по призывании Святаго Духа, и по отдании части Святаго зало́га, аще есть иерей хиротониса́нный, паки снемлют. Аще же есть диаконская хиротони́а, тогда паки налагают, и по совершении хиротони́и снемлют. После же молитвы: Вонми́, Го́споди Иису́се Христе́: егда́ хощет диакон глаголати: Во́нмем, возлагают паки омофорий. И, поклонився. глаголет: Свята́я святы́м. И причащается сам со омофорием, и прочыя причащает, и но́сит его до отпу́ста.
Шапку же снемлют, егда ча́стицы изымает к Херувимскую песнь. Егда́ целует Святая по Херувимской песни, пред Симво́ла глаголанием. И в Симво́л. И егда глаголет: Приими́те, яди́те, сие́ есть Те́ло Мое́: И егда глаголет: Го́споди, Иже Пресвята́го Твоего́ Ду́ха в тре́тий час: И сотвори́ у́бо хле́б се́й: И егда причащается. По причастии же его возлагают шапку. И причащает прочыя, нося́ шапку, и до отпу́ста.
Аще же не есть хиротони́а пресви́тера, не возлагают на архиереа омофориа по Херувимской песни, токмо егда́ и́мать благословити Святая, и во время Святаго Причащения.