Источник

Чи́нъ, быва́емый на произведе́нїе и҆гꙋ́мена

Име́яй произвести́ся игу́мен приводи́мь бывает протодиаконом или двема́ диаконы ко архиерею среди церкве, иде́же архиерей стои́т во время входа со Евангелисм, аще сам архиерей литургиса́ет. Аще же ни, приносят архиерею епитрахи́лий, нарука́вницы и омофорий, и облачи́тся, стоя́ на месте. Производимый же игумен приводится к месту его и покланяется архиерею до пояса, три́щи, и приклоняет главу. Архиерей же, седя́, знаменует его рукою по главе, три́щи. И, востав, полагает на главу его руку, протодиакону глаголющу: Го́споду помо́лимся.

Архиерей глаголет молитву сию́:

Бж҃е, всегда̀ человѣ́кѡвъ спасе́нїѧ про́мыслъ творѧ́й и҆ слове́снꙋю сїю̀ па́ствꙋ кꙋ́пнѡ во є҆ди́но собра́вый, са́мъ влⷣко всѧ́ческихъ, безмѣ́рнымъ твои́мъ чл҃вѣколю́бїемъ непоро́чнꙋ сїю̀ соблюдѝ, твоѧ̑ за́пѡвѣди непреста́ннѡ хранѧ́щꙋ, ко єже не поги́бнꙋти ѿ неѧ̀ ниєди́номꙋ ѻ҆вча́ти и҆ ѿ во́лка противорастлѣ́тисѧ. и҆ раба̀ твоего̀ сего̀, є҆го́же бл҃говоли́лъ є҆сѝ поста́вити над̾ не́ю и҆гꙋмена, досто́йна покажѝ твоеѧ̀ бла́гости и҆ всѧ́кими добродѣ́тельми ѹ҆красѝ, чрез̾ сво́йствєннаѧ дѣла̀, благі́й ѡбразъ сꙋ́щымъ под̾ ни́мъ быва́ющъ: ꙗкоже тѣ̑мъ ревни́телємъ бы́ти непоро́чнагѡ є҆гѡ̀ жи́тельства и҆ съ ни́мъ неѡсꙋжде́ннѡ ста́ти стра́шномꙋ твоемꙋ̀ сꙋди́щꙋ.

Возглас: Ꙗкѡ твоѐ єсть црⷵтво, и҆ си́ла, и҆ сла́ва, ѻ҆ц҃а̀ и҆ сн҃а и҆ ст҃а́гѡ дх҃а, ны́нѣ и҆ при́снѡ и҆ во вѣ́ки вѣкѡ́въ. Певцы: Ами́нь. Архиерей: Ми́ръ всѣ̑мъ.

Певцы: И ду́хови твоему́.

Протодиакон: Главы́ ва́шя Го́сподеви приклони́те. Певцы: Тебе́, Го́споди.

Архиерей молится тайно:

Приклонѝ гдⷵи, ѹхо твоѐ, и҆ ѹ҆слы́ши моле́нїе на́ше, и҆ покажѝ раба̀ твоего̀ сего̀ и҆гꙋ́мена сеѧ̀ честны́ѧ ѻ҆би́тели, вѣ́рна и҆ мꙋ́дра і҆коно́ма ввѣ́рившїѧсѧ є҆мꙋ̀ ѿ твоеѧ̀ бл҃года́ти слове́сныѧ па́ствы, творѧ́ща во всѣ́хъ во́лю твою̀ и҆ досто́йна нбⷵнагѡ твоегѡ̀ црⷵтвїѧ быва́емаго.

Возгла́с:

Бл҃года́тїю и҆ щедро́тами, и҆ чл҃вѣколю́бїемъ є҆диноро́днагѡ сн҃а твоегѡ̀, съ ни́мже бл҃гословенъ є҆сѝ, со всест҃ы́мъ и бл҃ги́мъ и҆ животворѧ́щимъ твои́мъ дх҃омъ, ны́нѣ и҆ при́снѡ и҆ во вѣ́ки вѣкѡ́въ. А҆ми́нь.

И глаголет протодиакон велегла́сно: ІІовели́, Влады́ко.

Архиерей глаголет велегласно же:

Бл҃года́ть всест҃а́гѡ дх҃а чрез̾ на́шꙋ мѣ́рность произво́дитъ тѧ̀ и҆гꙋ́мена чⷵтны́ѧ ѻ҆би́тели гдⷵа бг҃а и҆ сп҃са на́шегѡ і҆и҃са хрⷵта̀, имⷬ҇къ, є҆гѡ́же єсть хра́мъ и҆лѝ: прест҃ы́ѧ влⷣчцы на́шеѧ бцⷣы, є҆ѧ́же єсть хра́мъ, имⷬ҇къ, и҆лѝ: ст҃а́гѡ, имⷬ҇къ, є҆гѡ́же єсть хра́мъ].

Таже возложа́ руку архиерей на главу его, возглашаст: Аѯїосъ, три́щи.

И певцы поют: Аксиос, три́щи.

Посем произведенный игумен целует архиереов омофор, в правое и левое ра́мо, и, отводи́мь, поставляется с прочими игумены по чину, и и́дут во олтарь царскими две́рьми, и действует со служа́щими по чину.


Источник: Чиновник архиерейского священнослужения : Кн. 1. - Москва: Издание Московской Патриархии, 1982. - 252 с.

Комментарии для сайта Cackle