Чи́нъ, быва́емый на хїротоні́ю пресвѵ́тера

По е́же испо́лнитися Херувимской песни, име́яй поста́влен быти пресви́тер приводи́мь бывает архидиаконом или ины́м не́ким диаконов в царская врата́, ко святей трапе́зе пред архиереа с десны́я страны́. Архиерей же его осеня́ет рукою крестовидно, и води́мь бывает о́коло престола три́щи, якоже писано в хиротони́и диа́констей, поюще вси во олтари тропарь сей:

Святии́ му́ченицы, и́же до́бре страда́вше и венча́вшеся, моли́теся ко Го́споду спасти́ся душа́м на́шым. Еди́нощи.

Сла́ва Тебе́, Христе́ Бо́же, апо́столов похвало́ и му́чеников весе́лие, и́хже пропо́ведь Тро́ица Единосу́щная. Еди́нощи.

Таже: Иса́ие, лику́й: Де́ва име́ во чре́ве и роди́ Сы́на Емману́ила, Бо́га же и Челове́ка, Восто́к и́мя Ему́. Его́же велича́юще, Де́ву ублажа́ем. Единощи.

И приклоня́ет о́ба коле́на, и полагает дла́ни крестовидно на святую трапе́зу, приложи́т же и чело между́ рук ко святей трапезе. Архиерей полагает край омофориа на главу хиротонисуемаго и благословляет его по главс, трищи.

Возглашающу водя́щему иерею: Во́нмем,

Прочитает архиерей, возложи́в руку на главу его, в слух всех предстоящих во олтари́, возгла́сно:

Бжⷵтвеннаѧ бл҃года́ть, всегда̀ немощна̑ѧ врачꙋ́ющи и҆ ѡ҆скꙋдѣва̑ющаѧ восполнѧ́ющи, прорꙋчествꙋ́етъ, имⷬ҇къ, благоговѣ́йнѣйшаго дїа́кона во пресвѵ́тера: помо́лимсѧ ѹбѡ ѡ҆ не́мъ, да прїи́детъ на него̀ блгⷣть всест҃а́гѡ дх҃а.

И поют внутрь иере́е: Го́споди, поми́луй, три́щи, от десны́я страны. Та́же паки три́щи, от левыя страны.

Таже подобне певцы и вне, на правом и левом кли́росех: Ки́рие, еле́исон, по три́щи, косно, до́ндеже архиерей прочтет молитвы.

Архиерей паки благословляет его трищи, име́яй и руку на главс лежа́щу хиротонисуемаго. Протодиакон же глаголет: Го́споду помо́лимся, тихим гласом. Архиерей глаголет молитву тайно:

Бж҃е безнача́льный и҆ безконе́чный, всѧ́кагѡ зда́нїѧ старѣ́йшїй сы́й, нарица́нїемъ пресвѵ́тера почествова́вый во степе́ни се́мъ ѹ҆досто́ившыѧсѧ сщ҃еннодѣ́йствовати сло́во твоеѧ̀ истины! Са́мъ влⷣко всѣ́хъ, и҆ сего̀, є҆го́же бл҃говоли́лъ є҆сѝ прорꙋчествова́тисѧ ѿ менѐ, въ непоро́чномъ жи́тельствѣ и҆ некло́нной вѣ́рѣ, бл҃говолѝ под̾ѧ́ти вели́кꙋю сїю̀ бл҃года́ть ст҃а́гѡ твоегѡ̀ дх҃а, и҆ соверше́нна покажѝ раба̀ твоего̀, во всѣ́хъ бл҃гоꙋгожда́юща тебѣ̀ и҆ досто́йнѡ жи́тельствꙋюща дарова́вшїѧсѧ є҆мꙋ̀ ѿ твоеѧ̀ предзна́тельныѧ си́лы вели́кїѧ сеѧ̀ свѧще́нническїѧ че́сти.

Возглас:

Ꙗкѡ твоѧ̀ держа́ва, и҆ твоѐ єсть црⷵтво, и҆ си́ла, и҆ сла́ва, ѻ҆ц҃а̀ и҆ сн҃а и҆ ст҃а́гѡ дх҃а, ны́нѣ и҆ при́снѡ и҆ во вѣ́ки вѣкѡ́въ. Ами́нь.

Иерей же прочитаст ми́рная тихим гласом: Ми́ром Го́споду помо́лимся. Отвещают на ко́еждо прошение: Го́споди, поми́луй, единощи. О свы́шнем ми́ре: О ми́ре всего́ ми́ра: О архиере́и на́шем [имярек], свяще́нстве, защище́нии, пребыва́нии, ми́ре, здра́вии, спасе́нии его и де́ле рук его́ Го́споду помо́лимся. О рабе́ Бо́жием [имярек], ны́не проручеству́емом пресви́тере, и спасе́нии его́ Го́споду помо́лимся. Яко да Человеколю́бец Бог нескве́рно и непоро́чно ему́ свяще́нство да́рует Го́споду помо́лимся. О Вели́ком Господи́не и Отце́ на́шем: О Богохрани́мей стране́ на́шей: О гра́де сем: О изба́витися нам: Заступи́, спаси: Пресвяту́ю, Пречи́стую: Отвещают: Тебе́, Го́споди.

Архиерей, имея руку, лежа́щу на главе хиротонисуемаго, молится си́це:

Бж҃е вели́кїй въ си́лѣ и҆ неизслѣ́дный въ ра́зꙋмѣ, ди́вный въ совѣ́тѣхъ па́че сынѡ́въ человѣ́ческихъ, са́мъ гдⷵи, и҆ сего̀, є҆го́же бл҃говоли́мъ є҆сѝ на пресвѵ́терскїй воз̾ити степе́нь, и҆спо́лни ст҃а́гѡ твоегѡ̀ дх҃а да́ра, да бꙋ́детъ досто́инъ предстоѧ́ти непоро́чнѡ же́ртвенникꙋ твоемꙋ̀, вѣствова́ти є҆ѵⷢ҇лїе црⷵтвїѧ твоегѡ̀, сщ҃еннодѣ́йствовати сло́во истины твоеѧ̀, приноси́ти тебѣ̀ да́ры и҆ жє́ртвы дх҃о́вныѧ, возновлѧ́ти лю́дъ тво́й чре́зъ кꙋпѣ́ль пакирожде́нїѧ. ꙗкѡ и҆ се́й срѣ́тивъ во второ́мъ прише́ствїи вели́каго бг҃а и҆ сп҃са на́шего і҆и҃са хрⷵта̀, є҆диноро́днаго твоего̀ сн҃а, прїи́метъ мздꙋ̀ бл҃га́гѡ і҆коно́мства своегѡ̀ чи́на, во мно́жествѣ бл҃гости твоеѧ̀.

Возгла́с:

Ꙗкѡ бл҃гослови́сѧ и҆ просла́висѧ всечⷵтно́е и҆ великолѣ́пое имѧ твоѐ, ѻ҆ц҃а̀ и҆ сн҃а и҆ ст҃а́гѡ дх҃а, ны́нѣ и҆ прⷵнѡ и҆ во вѣ́ки вѣкѡ́въ. А҆ми́нь.

Таже воздвигнут его, и приносят епитрахи́лий, и взем ора́рий с хиротониса́ннаго, дает архиерей епитрахи́лий, благословив и́, и целует хиротонисанный епитрахилий и архиереову руку.

Архиерей же полагает на вы́ю его, глаголя велегласно: Аѯїосъ.

И поют во олтарй, три́щи: Аксиос. И вне певцы поют то́жде на оба лика. Подобно дает и пояс, и целует его, и архиереову руку, и опоясу́ется.

Архиерей же глаголет: Аѯїосъ. И поют во олтари́ и вне подобне.

Такожде творят и на фело́нь, и на Служебник. Архиерей же глаголет на ко́еждо: Аѯїосъ.

И поют по обычаю. И, целовав омофорий и архиереову руку, иерей хиротонису́емый отходит и целует архимандриты и сослужители вся в ра́мена, и стои́т со иере́и.


Вам может быть интересно:

1. Симфония по творениям святителя Григория Богослова – Бедные святитель Григорий Богослов 116,5K 

2. Вселенские соборы IV и V веков профессор Алексей Петрович Лебедев 277 

3. О причинах гонений на христиан во II, III и начале IV века профессор Алексей Петрович Лебедев 382 

4. Письма – 213. Поздравление в связи с возведением обители на степень монастыря преподобный Антоний Оптинский (Путилов) 18,7K 

5. Православная Богословская энциклопедия или Богословский энциклопедический словарь. Том V – Еклога профессор Александр Павлович Лопухин 147,1K 

6. Православная Богословская энциклопедия или Богословский энциклопедический словарь. Том V – Ефаплома профессор Александр Павлович Лопухин 147,1K 

7. О молитве – Слово первое святитель Иоанн Златоуст 153K 

8. Мои дневники. Выпуск 5 архимандрит Никон (Рождественский) 1,8K 

9. Памятники древнерусского канонического права – 14. Росписание степеней родства и свойства, препятствующих браку профессор Алексей Степанович Павлов 9,6K 

10. Толкование на Апокалипсис св. Иоанна Богослова – Глава 35 святитель Андрей Кесарийский 2,4K 

Комментарии для сайта Cackle