Мл҃тва на о҆свѧще́нїе вингра́да

Бл҃гословѝ, гдⷵи, пло́дъ се́й ло́зный но́вый, иже бл҃горастворенїемъ воздꙋ́шнымъ, и҆ ка́плѧми дожде́вными, и҆ тишино́ю вре́менною въ се́й зрѣ́лѣйшїй прїитѝ ча́съ бл҃говоли́вый: да бꙋ́детъ въ на́съ ѿ тогѡ̀ рожде́нїѧ ло́знагѡ причаща́ющихсѧ въ весе́лїе, и҆ приноси́ти тебѣ̀ да́ръ во ѡ҆чище́нїе грѣхѡ́въ, сщ҃е́ннымъ и҆ ст҃ы́мъ тѣ́ломъ хрⷵта̀ твоегѡ̀, съ ни́мже бл҃гослове́нъ є҆сѝ, со прест҃ы́мъ и҆ бл҃ги́мъ и҆ животворѧ́щимъ твои́мъ дх҃омъ, ны́нѣ и҆ при́снѡ и҆ во вѣ́ки вѣкѡ́въ. Ами́нь.