ЖИТІЀ СТ҃А́ГѠ Є҆Ѵⷢ҇ЛІ́СТА ЛꙊКЍ, ѿ собра́нїѧ дѡроѳе́а мꙋ́ченика, тѵ́рскагѡ є҆пі́скопа.

(л. ч҃ ѡ҆б.)

Лꙋка̀ є҆ѵⷢ҇лі́стъ, а҆нтїохі́анинъ ᲂу҆́бѡ ро́домъ бѣ̀, вра́чь же хи́тростїю. Списа́ же ᲂу҆́бѡ є҆ѵⷢ҇лїе, по повелѣ́нїю петра̀ а҆пⷭ҇тола: дѣѧ̑нїѧ же а҆по́столѡвъ, по повелѣ́нїю па́ѵла а҆пⷭ҇ла. Соше́ствова бо а҆по́столѡмъ, наипа́че же па́ѵлꙋ, є҆го́же и҆ помѧнꙋ́въ па́ѵелъ писа̀ въ посла́нїи: цѣлꙋ́етъ вы̀ лꙋка̀, вра́чь возлю́бленный во гдⷭ҇ѣ. Оу҆́мре же во є҆фе́сѣ, и҆ погребе́нъ та́мѡ: преложи́сѧ же послѣдѝ въ кѡнстантїнопо́ль, со а҆ндре́емъ и҆ тїмоѳе́емъ а҆пⷭ҇лы, по времена́мъ кѡнста́нтїа царѧ̀, сы́на кѡнстанті́на вели́кагѡ. (л. ч҃а)

Є҆Ѵⷢ҇ЛІЕ Ѿ ЛꙊКЍ.

Глава̀ а҃.

а҃: Предисло́вїе начина́тельное лꙋкѝ. є҃: Заха́рїа и҆ є҆лїсаве́тъ. є҃і: І҆ѡа́ннъ крⷭ҇ти́тель како́въ и҆́мать бы́ти; к҃: Заха́рїа нѣ́мъ вмѣ́стѡ невѣ́рїѧ. к҃ѕ: Гаврїи́лъ а҆́гг҃лъ дв҃ꙋ мр҃і́ю цѣлꙋ́етъ. л҃а: Зача́тїе і҆и҃сово. л҃ѳ: Марїа́мъ цѣлꙋ́етъ є҆лїсаве́тъ. м҃ѕ: Пѣ́снь марі́ина. н҃з: Є҆лїсаве́тъ ражда́етъ і҆ѡа́нна. ѯ҃и: Пѣ́снь заха́рїина ᲂу҆жѐ па́ки глаго́ливагѡ. ѻ҃ѕ: Дѣла̀ і҆ѡа́ннова. п҃: Растѣ́нїе і҆ѡа́нново въ дс҃ѣ.

Глава̀ в҃.

а҃: Повелѣ́нїе ке́сарѧ а҆́ѵгꙋста. з҃: Ржⷭ҇тво̀ хрⷭ҇та̀ сп҃са. г҃і: Пѣ́снь а҆́гг҃лѡвъ. к҃а: Ѡ҆брѣ́занїе і҆и҃сово. к҃в: Ѡ҆чище́нїе мр҃і́ино. к҃и: Сѷмеѡ́нъ прїе́млетъ на ѡ҆б̾ѧ́тїѧ і҆и҃са. к҃ѳ: Пѣ́снь сѷмеѡ́нова. л҃ѕ: А҆́нна проро́чица. м҃: Растѣ́нїе і҆и҃сово дх҃омъ. м҃ѕ: Слы́шитъ и҆ вопроша́етъ і҆и҃съ, двоюна́десѧть лѣ́тъ сы́й, ᲂу҆чи́телей во свѧти́лищи.

Глава̀ г҃.

в҃: І҆ѡа́ннъ крⷭ҇ти́тель проповѣ́дꙋетъ. ѕ҃і: Свидѣ́тельство є҆гѡ̀ ѡ҆ і҆и҃сѣ. к҃: Заключѝ и҆́рѡдъ і҆ѡа́нна въ темни́цѣ. к҃а: І҆и҃съ креща́етсѧ. к҃г: Родосло́вїе і҆и҃сово.

Глава̀ д҃.

а҃: І҆и҃съ пости́всѧ, и҆ и҆скꙋси́всѧ. ѕ҃і: Оу҆чи́тъ въ назаре́тѣ. к҃в: Оу҆дивлѧ́ющымсѧ всѣ́мъ. к҃д: Проро́къ во свое́мъ ѻ҆те́чествѣ не прїѧ́тенъ. л҃г: Де́мѡнъ и҆згонѧ́етсѧ. л҃и: Те́ща петро́ва и҆сцѣлѧ́етсѧ. м҃: И҆ всѝ немощствꙋ́ющїи. м҃а: И҆ де́мѡни и҆сповѣ́дꙋютъ і҆и҃са бы́ти хрⷭ҇та̀.

Глава̀ є҃.

а҃: хрⷭ҇то́съ и҆з̾ кораблѧ̀ ᲂу҆чи́тъ. ѕ҃: Ры́бъ лови́тва. в҃і: Прокаже́нный. ѕ҃і: Въ пꙋсты́нѧхъ мо́литсѧ хрⷭ҇то́съ. и҃і: Разсла́бленный. (л. ч҃а) к҃з: Леѵі́й мыта́рь. л҃д: Посты̀ и҆ скѡ́рби а҆пⷭ҇лѡвъ, по вознесе́нїи хрⷭ҇то́вѣ. л҃ѕ: Налага́нїе ри́зы но́вы на ве́тхꙋю. л҃з: Вїно̀ но́вое въ мѣ́хи ве́тхи влага́емое.

Глава̀ ѕ҃.

а҃: Оу҆ченицы̀ кла́сы терза́ющїи въ сꙋббѡ́тꙋ второпе́рвꙋю. ѕ҃: Рꙋка̀ и҆зсо́хшаѧ въ сꙋббѡ́тꙋ и҆сцѣлѧ́етсѧ. г҃і: И҆збра́нїе двоюна́десѧте а҆пⷭ҇толѡвъ. к҃: Нѣ́цыи блаже́ннїи. к҃д: Нѣ̑кїимъ го́ре. к҃з: Люби́ти подоба́етъ врагѝ. л҃ѕ: За́пѡвѣди ѡ҆ є҆́же бы́ти щє́дрымъ. м҃: Сꙋче́цъ во ѻ҆чесѝ бра́та. м҃г: Дре́во до́брое и҆ гнило́е. м҃є: И҆зли́шєства се́рдца. м҃з: Слы́шати словеса̀ хрⷭ҇то́ва, и҆ твори́ти ѧ҆̀.

Глава̀ з҃.

а҃: Ра́бъ стонача́льника. ѳ҃: Вѣ́ра стонача́льника. а҃і: Сы́нъ є҆диноро́дный вдовы̀ въ наі́нѣ воста̀. и҃і: Посыла́етъ і҆ѡа́ннъ два̀ ᲂу҆ченика̀ ко хрⷭ҇тꙋ̀. к҃д: Свидѣ́тельство і҆и҃сово ѡ҆ і҆ѡа́ннѣ. л҃г: Пи́ща і҆ѡа́ннова. л҃з: Жена̀ грѣ́шнаѧ слеза́ми ѡ҆моча́етъ но́зѣ і҆и҃совѣ.

Глава̀ и҃.

в҃: Жєны̀ слꙋжа́щыѧ хрⷭ҇тꙋ̀ ѿ и҆мѣ́нїй свои́хъ. д҃: При́тча сѣ́ющагѡ. ѕ҃і: Свѣти́льникъ на свѣ́щницѣ. ѳ҃і: Мт҃и и҆ бра́тїѧ хрⷭ҇то́ва. к҃в: Запреща́етъ хрⷭ҇то́съ вѣ́трꙋ, и҆ бꙋ́ри во́днѣй. к҃з: Де́мѡнствꙋемый во странѣ̀ гадарѧ́нѡвъ. л҃в: Сви́нїи гадарѧ́нѡвъ. м҃а: Дще́рь і҆аі́рова. м҃г: Жена̀ кровоточа́щаѧ. н҃в: Сме́рть, со́нъ.

Глава̀ ѳ҃.

а҃: Посыла́ютсѧ ᲂу҆ченикѝ проповѣ́дати црⷭ҇тво бж҃їе. з҃, ѳ҃і: Сла́ва человѣ́кѡвъ ѡ҆ і҆и҃сѣ. г҃і: Пѧ́ть хлѣ́бы и҆ двѣ̀ ры́бѣ. к҃: И҆сповѣ́данїе ᲂу҆ченикѡ́въ. к҃д: Спастѝ и҆ погꙋби́ти дꙋ́шꙋ. к҃и: Преѡбраже́нїе і҆и҃сово. л҃є: Хрⷭ҇та̀ подоба́етъ слꙋ́шати. л҃з: Лꙋ́нствꙋемый. м҃ѕ: Кто̀ ѿ а҆пⷭ҇лѡвъ пе́рвый; м҃ѳ: И҆згонѧ́ѧй кто̀ де́мѡны ѡ҆ и҆́мени і҆и҃совѣ; н҃в: Самарі́тѧне не прїе́млющїи хрⷭ҇та̀. н҃з, н҃ѳ, ѯ҃а: Трїѐ послѣ́дствꙋющїи і҆и҃сꙋ, но не по томꙋ́жде нра́вꙋ. (л. ч҃в)

Глава̀ і҃.

а҃: Се́дмьдесѧтъ ᲂу҆ченикѡ́въ посыла́ютсѧ. і҃: Градѡ́мъ, про́повѣдь є҆ѵⷢ҇лїа не прїе́млющымъ, го́ре глаго́летсѧ. з҃і: Возврати́вшесѧ се́дмьдесѧтъ. к҃ѳ: Кто̀ бли́жнїй; л҃: Чл҃вѣ́къ, въ разбо́йники впады́й. л҃г: Самарѧни́нъ. л҃и: Ма́рѳа и҆ марі́а, сєстры̀. м҃в: Є҆ди́но є҆́сть тре́бѣ.

Глава̀ а҃і.

а҃: Оу҆чи́тъ і҆и҃съ ᲂу҆ч҃нкѝ моли́тисѧ. і҃: Просѧ́й прїе́млетъ. д҃і: И҆згонѧ́етсѧ де́мѡнъ глꙋхі́й. з҃і: Црⷭ҇тво на сѧ̀ раздѣ́льшеесѧ. к҃з: Жена̀ воздви́гшаѧ гла́съ ѿ наро́да. к҃ѳ: І҆ꙋдє́и зна́менїѧ и҆́щꙋтъ. л҃а: Цари́ца ю҆́жскаѧ. л҃г: Свѣти́льникъ на свѣ́щницѣ. л҃з: І҆и҃съ, ѡ҆бѣ́дꙋѧ ᲂу҆ нѣ́коегѡ фарїсе́євъ, запреща́етъ лицемѣ́рїю и҆́хъ.

Глава̀ в҃і.

а҃: Ква́съ фарїсе́євъ. є҃: Когѡ̀ подоба́етъ боѧ́тисѧ. и҃: Є҆́же и҆сповѣ́дати ѡ҆ хрⷭ҇тѣ̀ пред̾ человѣ́ки. і҃: Хꙋла̀ на ст҃а́го дх҃а. є҃і: Храни́тисѧ подоба́етъ ѿ лихои́мства. ѕ҃і: Человѣ́къ бога́тый, є҆гѡ́же ᲂу҆гобзи́сѧ ни́ва. к҃в: Не подоба́етъ пещи́сѧ ѡ҆ дꙋшѝ на́шей, что̀ ꙗ҆ди́мъ, нижѐ ѡ҆ тѣ́лѣ, чи́мъ ѡ҆де́ждимсѧ. л҃а: И҆ска́ти подоба́етъ црⷭ҇тва бж҃їѧ. л҃д: И҆дѣ́же сокро́вище, та́мѡ се́рдце. л҃ѕ: Гдⷭ҇ь возвраща́ѧйсѧ ѿ бра̑къ. л҃ѳ: Та́ть но́щи грѧды́й. м҃д: Вѣ́рный строи́тель, и҆ мꙋ́дрый. м҃ѕ: Ра́бъ лꙋка́вый разсѣ́ченый. м҃ѳ: Ѻ҆́гнь на зе́млю вве́рженый. н҃а: Раздѣлє́нїѧ въ человѣ́цѣхъ ра́ди є҆ѵⷢ҇лїа. н҃ѕ: Вре́мѧ настоѧ́щее не и҆скꙋша́ющїи. н҃и: Примири́тисѧ съ сопе́рникомъ въ пꙋтѝ.

Глава̀ г҃і.

а҃: Пїла́тъ смѣсѝ кро́вь галїле́євъ съ же́ртвами и҆́хъ. д҃: Сто́лпъ въ сїлѡа́мѣ. ѕ҃: Смоко́вница непло́днаѧ. а҃і: Жена̀ слѧче́наѧ и҆сцѣлѣ́вшаѧ. ѳ҃і: Зе́рно горчи́чное. к҃а: Ква́съ въ мꙋкѣ̀. к҃г: Вопроше́нїе, а҆́ще ма́ли спаса́емїи; к҃д: Подоба́етъ подвиза́тисѧ вни́ти тѣ́сными враты̀. л҃в: И҆́рѡдъ ли́съ. (л. ч҃в ѡ҆б.)

Глава̀ д҃і.

в҃: Воднотрꙋдова́тый нѣ́кїй въ сꙋббѡ́тꙋ и҆сцѣлѧ́ѧйсѧ. з҃: Первосѣда̑нїѧ. г҃і: Подоба́етъ зва́ти ни́щыѧ. ѕ҃і: Ве́черѧ ве́лїѧ. к҃г: Оу҆бѣжда́ющїи вни́ти. к҃и: Сто́лпъ созида́ѧй.

Глава̀ є҃і.

д҃: При́тча ѻ҆вцы̀ поги́бшїѧ. и҃: Дра́хмы. а҃і: И҆ сы́на блꙋ́днагѡ.

Глава̀ ѕ҃і.

а҃: При́тча домострои́телѧ, расточи́вшагѡ и҆мѣ̑нїѧ гдⷭ҇и́на своегѡ̀. г҃і: Никто́же мо́жетъ двѣма̀ гдⷭ҇и́нома рабо́тати. ѕ҃і: Зако́нъ и҆ проро́цы. ѳ҃і: Бога́тый и҆ ла́зарь.

Глава̀ з҃і.

а҃: Собла́зны. г҃: Подоба́етъ ѡ҆ста́вити бра́тꙋ ка́ѧвшемꙋсѧ. г҃: Рабѝ неключи́мїи. а҃і: Де́сѧть прокаже́ннїи. к҃: Когда̀ прїи́детъ црⷭ҇тво бж҃їе; к҃г: Лжехрі́сти. к҃ѕ: Кі́и де́нь бꙋ́детъ во́ньже сн҃ъ человѣ́ческїй ѿкры́етсѧ; л҃г: Дꙋ́шꙋ спастѝ и҆ погꙋби́ти. л҃з: Тѣ́ло и҆ ѻ҆рлѝ.

Глава̀ и҃і.

в҃: Сꙋдїѧ̀ нечести́вый и҆ вдова̀. і҃: Фарїсе́й и҆ мыта́рь молѧ́щїисѧ. є҃і: Ѻ҆троча́та. ѕ҃і: Сицевы́хъ црⷭ҇тво бж҃їе. к҃в: Прода́ти всѧ̑, и҆ разда́ти ни́щымъ. к҃д: Бога́тїи неꙋдо́бь вни́дꙋтъ въ црⷭ҇тво бж҃їе. к҃и: А҆пⷭ҇ли ѡ҆ставлѧ́ютъ всѧ̑. л҃а: Предречѐ свою̀ сме́рть і҆и҃съ. а҃і: Слѣпы́й просѧ́й прозира́етъ.

Глава̀ ѳ҃і.

в҃: Закхе́й мыта́рь. в҃і: Человѣ́къ благоро́дный, да́вый де́сѧть мна̑съ десѧти́мъ рабѡ́мъ. к҃ѳ: І҆и҃съ грѧде́тъ во і҆ерⷭ҇ли́мъ. м҃а: Пла́четъ ѡ҆ не́мъ. м҃є: И҆згонѧ́етъ продаю́щыѧ и҆ кꙋпꙋ́ющыѧ въ ст҃и́лищи.

Глава̀ к҃.

д҃: Креще́нїе і҆ѡа́нново ѿкꙋ́дꙋ; ѳ҃: Вїногра́дъ ѿдае́мый дѣ́лателємъ. з҃і: Ка́мень краеꙋго́льный. к҃в: А҆́ще досто́итъ ке́сарю (л. ч҃г) да́нь даѧ́ти; к҃з: Саддꙋке́и прекосло́вѧщїи воскресе́нїю не бы́ти. м҃а: Ка́кѡ хрⷭ҇то́съ сн҃ъ дв҃довъ;

Глава̀ к҃а.

в҃: Вдови́ца ᲂу҆бо́гаѧ, вве́ргшаѧ двѣ̀ ле́птѣ въ газофѷлакі́ю. є҃: Ѡ҆ разоре́нїи ст҃и́лища. к҃: И҆ і҆ерⷭ҇ли́ма. ѳ҃: Ра̑ти и҆ нестроє́нїѧ. к҃є: Зна́мєнїѧ пред̾идꙋ́щаѧ ѿкрове́нїѧ сн҃а человѣ́ческагѡ. л҃д: Подоба́етъ внима́ти, да не ѡ҆тѧгча́ютсѧ сердца̀. л҃ѕ: Подоба́етъ бдѣ́ти.

Глава̀ к҃в.

а҃: І҆ꙋ́да преда́тель і҆и҃са. з҃: Оу҆ченицы̀ ᲂу҆готовлѧ́ютъ па́схꙋ. ѳ҃і: Ст҃а́ѧ ве́черѧ гдⷭ҇нѧ. к҃д: Любопрѣ́нїе во ᲂу҆ченицѣ́хъ, кто̀ въ ни́хъ бо́лїй; л҃а: Сатана̀ про́ситъ сѣ́ѧти ᲂу҆ченикѝ. л҃є: Ничто́же лиши́шасѧ ᲂу҆ченицы̀. л҃ѳ: Прихо́дитъ і҆и҃съ къ горѣ̀ є҆леѡ́нстѣй. м҃д: По́тъ є҆гѡ̀ ꙗ҆́кѡ ка́пли кро́ве. м҃з: І҆ꙋ́дино лобза́нїе. н҃: Оу҆́хо ма́лхово. н҃з, н҃и, ѯ҃: Петро́во ѿверже́нїе. ѯ҃г: Рꙋга́ютсѧ і҆и҃сꙋ. ѻ҃: Бж҃їй сн҃ъ мо́литсѧ.

Глава̀ к҃г.

в҃: Ѡ҆клеветꙋ́ютъ і҆и҃са пред̾ пїла́томъ. з҃: Возпосыла́етъ є҆го̀ пїла́тъ ко и҆́рѡдꙋ. и҃: Вара́вва ѿрѣша́етсѧ. к҃є: І҆и҃съ же предае́тсѧ во́ли і҆ꙋде́євъ. к҃з: Жєны̀ рыда́ющыѧ ѡ҆ не́мъ. л҃г: Распина́етсѧ і҆и҃съ. л҃ѕ: Порꙋга́нїѧ ѿ во́инѡвъ. л҃ѳ: И҆ є҆ди́нагѡ ѿ ѕлодѣ̑й хꙋла̀. м҃: Є҆мꙋ́же запреща́етъ дрꙋгі́й. м҃в: Вѣ́рою спасы́йсѧ. м҃д: Затемнѣ́нїе со́лнца па́че є҆стества̀. м҃ѕ: І҆и҃съ и҆́здше. н҃: І҆ѡ́сифъ ѿ а҆рїмаѳе́а. н҃г: Гро́бъ і҆и҃совъ.

Глава̀ к҃д.

а҃: Жєны̀ помазꙋ́ютъ і҆и҃са. д҃: Два̀ а҆́гг҃ла. г҃і: Два̀ ѿ ᲂу҆ченикѡ́въ ходѧ́щїи во є҆ммаꙋ́съ. л҃а: І҆и҃съ неви́димь бы́сть. л҃в: Се́рдце горѧ́щее. л҃ѕ: І҆и҃съ ста̀ посредѣ̀ ᲂу҆ченикѡ́въ, глаго́лѧ: ми́ръ ва́мъ. м҃є: Ѿверза́етъ ᲂу҆́мъ ᲂу҆ченикѡ́въ. м҃ѳ: Ѡ҆бѣтова́нїе дх҃а ст҃а́гѡ. н҃а: Вознесы́йсѧ і҆и҃съ на нб҃о. (л. ч҃г ѡ҆б.)

Є҆́ЖЕ Ѿ ЛꙊКЍ СТ҃А́ГѠ Є҆Ѵⷢ҇ЛІА ГЛАВЫ̑.

[а҃] Ѡ҆ написа́нїи.

[в҃] Ѡ҆ стрегꙋ́щихъ па́стырѣхъ.

[г҃] Ѡ҆ сѷмеѡ́нѣ.

[д҃] Ѡ҆ а҆́ннѣ проро́чицѣ.

[є҃] Ѡ҆ бы́вшемъ глаго́лѣ ко і҆ѡа́ннꙋ: въ матѳе́и, г҃.

[ѕ҃] Ѡ҆ вопро́шшихъ і҆ѡа́нна.

[з҃] Ѡ҆ и҆скꙋше́нїи сп҃си́телевѣ.

[и҃] Ѡ҆ и҆мꙋ́щемъ дꙋ́хъ бѣ́сенъ: въ ма́ркѣ, а҃.

[ѳ҃] Ѡ҆ те́щи петро́вѣ: въ матѳе́и, и҃: въ ма́ркѣ, в҃.

[і҃] Ѡ҆ и҆сцѣлѣ́вшихъ ѿ разли́чныхъ недꙋ́гѡвъ: въ матѳе́и, ѳ҃: въ ма́ркѣ, г҃.

[а҃і] Ѡ҆ лови́твѣ ры́бъ.

[в҃і] Ѡ҆ прокаже́ннѣмъ: въ матѳе́и, ѕ҃: въ ма́ркѣ, д҃.

[г҃і] Ѡ҆ разсла́бленнѣмъ: въ матѳе́и, г҃і: въ ма́ркѣ, є҃: во і҆ѡа́ннѣ, з҃.

[д҃і] Ѡ҆ леѵі́и мытарѣ̀: въ матѳе́и, д҃і: въ ма́ркѣ, ѕ҃.

[є҃і] Ѡ҆ и҆мꙋ́щемъ сꙋ́хꙋ рꙋ́кꙋ: въ матѳе́и, к҃а: въ ма́ркѣ, з҃.

[ѕ҃і] Ѡ҆ и҆збра́нїи а҆пⷭ҇льстѣмъ: въ матѳе́и, ѳ҃і: въ ма́ркѣ, и҃.

[з҃і] Ѡ҆ блаже́нныхъ: въ матѳе́и, є҃.

[и҃і] Ѡ҆ со́тницѣ: въ матѳе́и, з҃: во і҆ѡа́ннѣ, ѕ҃.

[ѳ҃і] Ѡ҆ сы́нѣ вдови́чѣ.

[к҃] Ѡ҆ по́сланныхъ ѿ і҆ѡа́нна: въ матѳе́и, к҃.

[к҃а] Ѡ҆ пома́завшей гдⷭ҇а мѵ́ромъ: въ матѳе́и, ѯ҃в: въ ма́ркѣ, м҃д: во і҆ѡа́ннѣ, в҃і.

[к҃в] Ѡ҆ при́тчи сѣ́ющагѡ: въ матѳе́и, к҃д: въ ма́ркѣ, ѳ҃.

[к҃г] Ѡ҆ запреще́нїи мо́рѧ и҆ вѣ́трѡвъ: въ матѳе́и, а҃і: въ ма́ркѣ, і҃.

[к҃д] Ѡ҆ легеѡ́нѣ: въ матѳе́и, и҆̀: въ ма́ркѣ, а҃і. (л. ч҃д)

[к҃є] Ѡ҆ дще́ри а҆рхїсѷнагѡ́говѣ: въ матѳе́и, є҃і: въ ма́ркѣ, в҃і.

[к҃ѕ] Ѡ҆ кровоточи́вѣй: въ матѳе́и, ѕ҃і: въ ма́ркѣ, г҃і.

[к҃з] Ѡ҆ посла́нїи ѻ҆боюна́десѧте, въ матѳе́и, ѳ҃і: въ ма́ркѣ, д҃і.

[к҃и] Ѡ҆ пѧти́хъ хлѣ́бѣхъ, и҆ ѡ҆ двою̀ ры́бꙋ: въ матѳе́и, к҃ѕ: въ ма́ркѣ, ѕ҃і: во і҆ѡа́ннѣ, и҃.

[к҃ѳ] Ѡ҆ гдⷭ҇ни вопроше́нїи: въ матѳе́и, л҃г: въ ма́ркѣ, к҃д.

[л҃] Ѡ҆ преѡбраже́нїи і҆и҃са хрⷭ҇та̀: въ матѳе́и, л҃д: въ ма́ркѣ, к҃є.

[л҃а] Ѡ҆ бѣснꙋ́ющемсѧ на но́вы мѣ́сѧцы: въ матѳе́и, л҃є: въ ма́ркѣ, к҃ѕ.

[л҃в] Ѡ҆ помышлѧ́ющихъ, кто̀ бо́лїй є҆́сть; въ матѳе́и, л҃з: въ ма́ркѣ, к҃з.

[л҃г] Ѡ҆ неповелѣ́ннѣмъ вослѣ́довати: въ матѳе́и, і҃.

[л҃д] Ѡ҆ ꙗ҆вле́нїи седми́десѧти.

[л҃є] Ѡ҆ вопро́шшемъ зако́нницѣ: въ матѳе́и, н҃д: въ ма́ркѣ, л҃ѳ.

[л҃ѕ] Ѡ҆ впа́дшемъ въ разбо́йники.

[л҃з] Ѡ҆ ма́рѳѣ и҆ марі́и.

[л҃и] Ѡ҆ моли́твѣ.

[л҃ѳ] Ѡ҆ и҆мꙋ́щемъ бѣ́са глꙋ́ха: въ матѳе́и, к҃в.

[м҃] Ѡ҆ возопи́вшей гла́сомъ ѿ наро́да.

[м҃а] Ѡ҆ просѧ́щихъ зна́менїѧ: въ матѳе́и, к҃г.

[м҃в] Ѡ҆ фарїсе́и зва́вшемъ і҆и҃са.

[м҃г] Ѡ҆ ѻ҆каѧ́нїи зако́нникѡвъ.

[м҃д] Ѡ҆ ква́сѣ фарїсе́йстѣмъ: въ матѳе́и, л҃в: въ ма́ркѣ, к҃в.

[м҃є] Ѡ҆ хотѧ́щемъ раздѣли́ти и҆мѣ́нїе.

[м҃ѕ] Ѡ҆ бога́тѣмъ, є҆мꙋ́же ᲂу҆гобзи́сѧ ни́ва.

[м҃з] Ѡ҆ галїле́ехъ, и҆ и҆̀же бѧ́хꙋ въ сїлѡа́мѣ.

[м҃и] Ѡ҆ и҆мꙋ́щемъ дꙋ́хъ недꙋ́женъ.

[м҃ѳ] Ѡ҆ при́тчахъ: въ матѳе́и, к҃д: въ ма́ркѣ, ѳ҃.

[н҃] Ѡ҆ вопро́шшемъ, а҆́ще ма́лѡ спаса́емыхъ;

[н҃а] Ѡ҆ ре́кшихъ і҆и҃сови и҆́рѡда ра́ди.

[н҃в] Ѡ҆ воднотрꙋдова́томъ.

[н҃г] Ѡ҆ не люби́ти первовозлега̑нїѧ.

[н҃д] Ѡ҆ зва́нныхъ на ве́чери: въ матѳе́и, н҃а. (л. ч҃д ѡ҆б.)

[н҃є] Ѡ҆ столпѣ̀ при́тча.

[н҃ѕ] Ѡ҆ стѣ̀ ѻ҆ве́цъ при́тча.

[н҃з] Ѡ҆ ѿше́дшемъ на странꙋ̀ дале́че.

[н҃и] Ѡ҆ приста́вницѣ непра́веднѣмъ.

[н҃ѳ] Ѡ҆ бога́тѣмъ и҆ ѡ҆ ла́зарѣ.

[ѯ҃] Ѡ҆ десѧтѝ прокаже́нныхъ.

[ѯ҃а] Ѡ҆ сꙋдїѝ непра́веднѣмъ.

[ѯ҃в] Ѡ҆ мытарѝ и҆ фарїсе́и.

[ѯ҃г] Ѡ҆ вопро́шшемъ бога́тѣмъ і҆и҃са: въ матѳе́и, м҃а: въ ма́ркѣ, к҃ѳ.

[ѯ҃д] Ѡ҆ слѣпцѣ̀: въ матѳе́и, м҃д: въ ма́ркѣ, л҃а.

[ѯ҃є] Ѡ҆ закхе́и.

[ѯ҃ѕ] Ѡ҆ ѿше́дшемъ прїѧ́ти себѣ̀ црⷭ҇твїе.

[ѯ҃з] Ѡ҆ прїе́мшихъ де́сѧть мна̑съ.

[ѯ҃и] Ѡ҆ жребѧ́ти: въ матѳе́и, м҃є: въ ма́ркѣ, л҃в: во і҆ѡа́ннѣ, д҃і.

[ѯ҃ѳ] Ѡ҆ вопро́шшихъ гдⷭ҇а а҆рхїере́ехъ и҆ ста́рцѣхъ: въ матѳе́и, м҃и: въ ма́ркѣ, л҃є.

[ѻ҃] Ѡ҆ вїногра́дѣ при́тча: въ матѳе́и, н҃: въ ма́ркѣ, л҃ѕ.

[ѻ҃а] Ѡ҆ вопроша́ющихъ кинсо́на ра́ди: въ матѳе́и, н҃в: въ ма́ркѣ, л҃з.

[ѻ҃в] Ѡ҆ саддꙋке́ехъ: въ матѳе́и, н҃г: въ ма́ркѣ, л҃и.

[ѻ҃г] Ѡ҆ вопроше́нїи гдⷭ҇ни къ фарїсе́ємъ: въ матѳе́и, н҃є: въ ма́ркѣ, м҃.

[ѻ҃д] Ѡ҆ вдови́цѣ, є҆́же двою̀ пѣ́нѧзю: въ ма́ркѣ, м҃а.

[ѻ҃є] Ѡ҆ кончи́нѣ вопроше́нїе: въ матѳе́и, н҃з: въ ма́ркѣ, м҃в.

[ѻ҃ѕ] Ѡ҆ па́сцѣ: въ матѳе́и, ѯ҃г: въ ма́ркѣ, м҃є.

[ѻ҃з] Ѡ҆ стѧза́ющихсѧ, кто̀ бо́лїй; въ матѳе́и, л҃з: въ ма́ркѣ, к҃з.

[ѻ҃и] Ѡ҆ и҆спроше́нїи сатанинѣ̀.

[ѻ҃ѳ] Ѡ҆ ᲂу҆ничиже́нїи и҆́рѡдовѣ.

[п҃] Ѡ҆ пла́чꙋщихсѧ жена́хъ.

[п҃а] Ѡ҆ пока́ѧвшемсѧ разбо́йницѣ.

[п҃в] Ѡ҆ и҆спроше́нїи тѣлесѐ гдⷭ҇нѧ: въ матѳе́и, ѯ҃и: въ ма́ркѣ, м҃и: во і҆ѡа́ннѣ, и҃і.

[п҃г] Ѡ҆ клео́пѣ. (л. ч҃є)

ПРЕДИСЛО́ВІЕ

є҆́же ѿ лꙋкѝ ст҃а́гѡ є҆ѵⷢ҇лїа.

Лꙋка̀ бж҃е́ственный, а҆нтїохі́анинъ ᲂу҆́бѡ бѣ̀ ро́домъ, вра́чь же хи́тростїю, и҆ внѣ́шнѣй премꙋ́дрости мно́гъ, не то́чїю же, но и҆ є҆вре́йское наказа́нїе и҆звы́къ до конца̀, во і҆ерꙋсали́мъ прише́дъ, є҆гда̀ гдⷭ҇ь на́шъ ᲂу҆ча́ше. Ꙗ҆́коже нѣ́цыи реко́ша: и҆ тогѡ̀ бы́ти ѿ седми́десѧтихъ а҆по́стѡлъ, и҆ ѿ ме́ртвыхъ воста́вшꙋ хрⷭ҇тꙋ̀, срѣ́сти съ клео́пою. Возне́сшꙋсѧ же гдⷭ҇ви, и҆ па́ѵлꙋ вѣ́ровавшꙋ бы́ти соше́ствена, и҆ послѣ́дователѧ томꙋ̀, глаго́лю, па́ѵлꙋ. И҆ ᲂу҆̀бо списа́въ є҆ѵⷢ҇лїе со всѧ́кимъ и҆звѣ́ствомъ, ꙗ҆́коже и҆ са́мое то̀ нача́ло є҆гѡ̀ ѡ҆б̾ѧвлѧ́етъ, по пѧтина́десѧтихъ лѣ́тѣхъ хрⷭ҇то́ва вознесе́нїѧ. Пи́шетъ же къ ѳео́фїлꙋ сѷгкли́тїкꙋ сꙋ́щꙋ и҆ кнѧ́зю: є҆́же бо держа́вный, на кнѧзѣ́хъ и҆ и҆ге́мѡнѣхъ глаго́лашесѧ. И҆ па́ѵелъ речѐ ко и҆ге́мѡнꙋ фі́стꙋ: держа́вный фі́сте. И҆ всѧ́къ человѣ́къ бг҃олюби́вый, держа́вꙋ над̾ страстьмѝ воспрїи́мъ, ѳео́фїлъ є҆́сть держа́вный, си́рѣчь бг҃олю́бецъ, и҆́же и҆ досто́инъ є҆́сть пои́стиннѣ слы́шати ст҃а́гѡ є҆ѵⷢ҇лїа. Тридесѧтолѣ́тенъ ᲂу҆́бѡ сы́й гдⷭ҇ь крести́сѧ, поне́же то́й во́зрастъ соверше́нный: въ не́мъ человѣ́къ є҆́сть и҆лѝ и҆скꙋ́сенъ и҆лѝ неискꙋ́сенъ. Родосло́ви бо того̀ лꙋка̀, и҆ воз̾ѻпѧ́ть матѳе́й ꙗ҆́кѡ да ꙗ҆ви́тъ, ꙗ҆́кѡ и҆́же ны́нѣ роди́выйсѧ по пло́ти, ѿ бг҃а є҆́сть. Ви́ждь ᲂу҆́бѡ родосло́вїе, ка́кѡ соверша́етсѧ на бг҃а: и҆ ꙗ҆́кѡ да ᲂу҆вѣ́мы, ꙗ҆́кѡ всѐ є҆́же посредѣ̀ ѻ҆ц҃а̀, къ бг҃ꙋ возведе́тъ, и҆ сы́ны твори́тъ, сегѡ̀ ра́ди воплоти́сѧ. И҆́мать же и҆́но рещѝ, не вѣ́ровашесѧ рождество̀ гдⷭ҇не, поне́же безсѣ́менно сꙋ́ще: хотѧ̀ ᲂу҆́бѡ ꙗ҆ви́ти благовѣ́стникъ, ꙗ҆́кѡ и҆ и҆ногда̀ без̾ сѣ́мене бы́сть человѣ́къ, ѿ до́льнихъ восхо́дитъ ко а҆да́мꙋ, и҆ къ бг҃ꙋ, то́чїю не глаго́лѧ на́мъ: а҆́ще не вѣ́рꙋеши, ка́кѡ вторы́й а҆да́мъ бы́сть (л. ч҃є ѡ҆б.) без̾ сѣ́мене, взы́ди мѝ ᲂу҆мо́мъ къ пе́рвомꙋ а҆да́мꙋ, и҆ ѡ҆брѧ́щеши того̀ без̾ сѣ́мене бы́вша ѿ бг҃а, и҆ про́чее не невѣ́рꙋй. И҆́щꙋтъ же нѣ́цыи, ка́кѡ ᲂу҆́бѡ матѳе́й і҆ѡ́сифа і҆а́кѡвлѧ глаго́летъ бы́ти сы́на, лꙋка́ же и҆лі́и; не возмо́жно же тогѡ́же двѣма̀ ѻ҆тцє́мъ бы́ти сы́на. Глаго́лѧ ᲂу҆́бѡ къ семꙋ̀: ꙗ҆́кѡ і҆а́кѡвъ и҆ и҆лі́й є҆динома́терни бра́тїѧ, и҆́ногѡ же и҆ и҆́ногѡ ѻ҆тца̀. Оу҆́меръ ᲂу҆́бѡ и҆лі́й безча́денъ, приве́дъ женꙋ̀ є҆гѡ̀ і҆а́кѡвъ дѣтотвори́тъ ѿ неѧ̀. И҆ та́кѡ глаго́летсѧ: і҆ѡ́сифъ і҆а́кѡвль, сы́й сы́нъ по є҆стествꙋ̀, и҆ и҆лі́и по зако́нꙋ. І҆а́кѡвъ ᲂу҆́бѡ є҆стество́мъ того̀ родѝ: и҆ по и҆́стинѣ и҆ по є҆стествꙋ̀ про́чее сы́нъ тогѡ̀ є҆́сть, и҆лі́и же по зако́нꙋ то́чїю бы́сть сы́нъ. И҆́бо зако́нъ повелѣва́ше, а҆́ще кто̀ ᲂу҆́мретъ безча́денъ, сегѡ̀ женѣ̀ спрѧга́тисѧ бра́тꙋ є҆гѡ̀. И҆ є҆́же ѿ негѡ̀ ро́ждшеесѧ, мни́мо сꙋ́ще ᲂу҆ме́ршагѡ, а҆́ще и҆ по є҆стествꙋ̀ жива́гѡ бы́сть. Тѣ́мже до́брѣ благовѣ́стницы глаго́лютъ, и҆ не сопротивлѧ́ютсѧ. Матѳе́й ᲂу҆́бѡ є҆сте́ственнаго ѻ҆тца̀ і҆ѡ́сифова восписꙋ́етъ: лꙋка́ же и҆́же по зако́нꙋ ѻ҆тца̀ є҆гѡ̀ вмѣнѧ́етъ, си́рѣчь и҆лі́и: ꙗ҆́кѡ да ꙗ҆вѧ́тъ ѻ҆боѝ, ꙗ҆́кѡ сегѡ̀ ра́ди роди́сѧ гдⷭ҇ь, ꙗ҆́кѡ да є҆стество̀ и҆ зако́нъ ѡ҆свѧти́тъ. (л. ч҃ѕ)

Ѿ ЛꙊКЍ СТ҃О́Е БЛАГОВѢСТВОВА́НІЕ.

Глава̀ а҃.

(пнⷣе) (заⷱ҇ а҃) а҃ Поне́же На ржⷭ҇тво̀ чⷭ҇тна́гѡ предте́чи и҆ крⷭ҇ти́телѧ і҆ѡа́нна, на лїтꙋргі́и. ᲂу҆́бѡ мно́зи нача́ша чини́ти по́вѣсть ѡ҆ и҆звѣ́ствованныхъ въ на́съ ве́щехъ, в҃ Ꙗ҆́коже преда́ша на́мъ, и҆̀же и҆спе́рва самови́дцы и҆ слꙋгѝ бы́вшїи словесѝ: г҃ И҆зво́лисѧ и҆ мнѣ̀ послѣ́довавшꙋ вы́ше всѣ́хъ и҆спы́тнѡ, порѧ́дꙋ писа́ти тебѣ̀, держа́вный ѳео́фїле: д҃ Да разꙋмѣ́еши, ѡ҆ ни́хже наꙋчи́лсѧ є҆сѝ словесѣ́хъ ᲂу҆твержде́нїе.

(заⷱ҇ в҃) є҃ Септе́мврїа к҃г на зача́тїе і҆ѡа́нна крⷭ҇ти́телѧ: Во вре́мѧ ѻ҆́но, Бы́сть во днѝ и҆́рѡда царѧ̀ і҆ꙋде́йска, і҆ере́й нѣ́кїй и҆́менемъ заха́рїа, ѿ дневны́ѧ чреды̀ а҆вїа́ни: и҆ жена̀ є҆гѡ̀ ѿ дще́рей а҆арѡ́новѣхъ, и҆ и҆́мѧ є҆́й є҆лїсаве́тъ. ѕ҃ Бѣ́ста же пра́вєдна ѻ҆́ба пред̾ бг҃омъ, ходѧ́ще во всѣ́хъ за́повѣдехъ, и҆ ѡ҆правда́нїихъ гдⷭ҇нихъ безпорѡ́чна: з҃ И҆ не бѣ̀ и҆́ма ча́да, поне́же є҆лїсаве́тъ бѣ̀ (л. ч҃ѕ ѡ҆б.) непло́ды, и҆ ѻ҆́ба заматорѣ́вша во дне́хъ свои́хъ бѣ́ста. и҃ Бы́сть же слꙋжа́щꙋ є҆мꙋ̀ въ чинꙋ̀ чреды̀ своеѧ̀ пред̾ бг҃омъ: ѳ҃ По ѻ҆бы́чаю свѧще́нничества, ключи́сѧ є҆мꙋ̀ покади́ти вше́дъ въ це́рковь гдⷭ҇ню: і҃ И҆ всѐ мно́жество люде́й бѣ̀ моли́твꙋ дѣ́ѧ внѣ̀ ꙾въ го́дъ꙾꙾во вре́мѧ꙾ ѳѷмїа́ма. а҃і Ꙗ҆ви́сѧ же є҆мꙋ̀ а҆́гг҃лъ гдⷭ҇нь, стоѧ̀ ѡ҆деснꙋ́ю ѻ҆лтарѧ̀ кади́льнагѡ: в҃і И҆ смꙋти́сѧ заха́рїа ви́дѣвъ, и҆ стра́хъ нападѐ на́нь. г҃і Рече́ же къ немꙋ̀ а҆́гг҃лъ: не бо́йсѧ заха́рїе, занѐ ᲂу҆слы́шана бы́сть моли́тва твоѧ̀: и҆ жена̀ твоѧ̀ є҆лїсаве́тъ роди́тъ сы́на тебѣ̀, и҆ нарече́ши и҆́мѧ є҆мꙋ̀ і҆ѡа́ннъ. д҃і И҆ бꙋ́детъ тебѣ̀ ра́дость и҆ весе́лїе: и҆ мно́зи ѡ҆ рождествѣ̀ є҆гѡ̀ возра́дꙋютсѧ. є҃і Бꙋ́детъ бо ве́лїй пред̾ гдⷭ҇емъ, и҆ вїна̀ и҆ сїке́ра не и҆́мать пи́ти: и҆ дх҃а ст҃а́гѡ и҆спо́лнитсѧ є҆щѐ и҆з̾ чре́ва ма́тере своеѧ̀. ѕ҃і И҆ мно́ги ѿ сынѡ́въ і҆и҃левыхъ ѡ҆брати́тъ ко гдⷭ҇ꙋ бг҃ꙋ и҆́хъ. з҃і И҆ то́й пред̾и́детъ пред̾ ни́мъ дх҃омъ и҆ си́лою и҆лїино́ю, ѡ҆брати́ти сердца̀ ѻ҆тцє́мъ на ча̑да, и҆ проти̑вныѧ въ мꙋ́дрости пра́ведныхъ: ᲂу҆гото́вати гдⷭ҇ви лю́ди соверше́ны. и҃і И҆ речѐ заха́рїа ко а҆́гг҃лꙋ: по чесомꙋ̀ разꙋмѣ́ю сїѐ; а҆́зъ бо є҆́смь ста́ръ, и҆ жена̀ моѧ̀ заматорѣ́вши во дне́хъ свои́хъ. ѳ҃і И҆ ѿвѣща́въ а҆́гг҃лъ речѐ є҆мꙋ̀: а҆́зъ є҆́смь гаврїи́лъ предстоѧ́й пред̾ бг҃омъ, и҆ по́сланъ є҆́смь глаго́лати къ тебѣ̀, и҆ благовѣсти́ти тебѣ̀ сїѧ̑. к҃ И҆ сѐ бꙋ́деши молчѧ̀, и҆ не могі́й проглаго́лати, до негѡ́же днѐ бꙋ́дꙋтъ сїѧ̑: занѐ не вѣ́ровалъ є҆сѝ словесє́мъ мои́мъ, ꙗ҆̀же сбꙋ́дꙋтсѧ во вре́мѧ своѐ. к҃а И҆ бѣ́ша лю́дїе ждꙋ́ще заха́рїю, и҆ чꙋдѧ́хꙋсѧ коснѧ́щꙋ є҆мꙋ̀ въ це́ркви. к҃в И҆зше́дъ же не можа́ше глаго́лати къ ни́мъ. и҆ разꙋмѣ́ша, ꙗ҆́кѡ видѣ́нїе (л. ч҃з) ви́дѣ въ це́ркви: и҆ то́й бѣ̀ помава́ѧ и҆̀мъ, и҆ пребыва́ше нѣ́мъ. к҃г И҆ бы́сть ꙗ҆́кѡ и҆спо́лнишасѧ дні́е слꙋ́жбы є҆гѡ̀, и҆́де въ до́мъ сво́й.

(заⷱ҇ г҃) к҃д По си́хъ же дне́хъ зача́тъ є҆лїсаве́тъ жена̀ є҆гѡ̀, На бл҃говѣ́щенїе прест҃ы́ѧ бцⷣы, на лїтꙋргі́и: Во дне́хъ ѻ҆́нѣхъ, зача́тъ є҆лїсаве́тъ жена̀ заха́рїина ꙳ Сїе́ же и҆ ржⷭ҇твꙋ̀ і҆ѡа́нна предте́чи на ᲂу҆́трени. и҆ таѧ́шесѧ мѣ̑сѧцъ пѧ́ть, глаго́лющи: к҃є Ꙗ҆́кѡ та́кѡ мнѣ̀ сотворѝ гдⷭ҇ь во днѝ, въ нѧ́же призрѣ̀ ѿѧ́ти поноше́нїе моѐ въ человѣ́цѣхъ.

Коне́цъ зача́тїю і҆ѡа́нна.

Престꙋпѝ ржⷭ҇твꙋ̀ і҆ѡа́нна.

к҃ѕ Въ мѣ́сѧцъ же шесты́й по́сланъ бы́сть а҆́гг҃лъ гаврїи́лъ ѿ бг҃а во гра́дъ галїле́йскїй, є҆мꙋ́же и҆́мѧ назаре́тъ, к҃з Къ дв҃ѣ ѡ҆брꙋче́ннѣй мꙋ́жеви, є҆мꙋ́же и҆́мѧ і҆ѡ́сифъ, ѿ до́мꙋ даві́дова: и҆ и҆́мѧ дв҃ѣ, марїа́мъ. к҃и И҆ вше́дъ къ не́й а҆́гг҃лъ, речѐ: ра́дꙋйсѧ благода́тнаѧ, гдⷭ҇ь съ тобо́ю: благослове́на ты̀ въ жена́хъ. к҃ѳ Ѻ҆на́ же ви́дѣвши смꙋти́сѧ ѡ҆ словесѝ є҆гѡ̀, и҆ помышлѧ́ше, каково̀ бꙋ́детъ цѣлова́нїе сїѐ. л҃ И҆ речѐ а҆́гг҃лъ є҆́й: не бо́йсѧ марїа́мъ, ѡ҆брѣ́те бо бл҃года́ть ѿ бг҃а. л҃а И҆ сѐ зачне́ши во чре́вѣ, и҆ роди́ши сн҃а, и҆ нарече́ши и҆́мѧ є҆мꙋ̀ і҆и҃съ. л҃в Се́й бꙋ́детъ ве́лїй, и҆ сн҃ъ вы́шнѧгѡ нарече́тсѧ: и҆ да́стъ є҆мꙋ̀ гдⷭ҇ь бг҃ъ прⷭ҇то́лъ даві́да ѻ҆тца̀ є҆гѡ̀: л҃г И҆ воцари́тсѧ въ домꙋ̀ і҆а́кѡвли во вѣ́ки, и҆ црⷭ҇твїю є҆гѡ̀ не бꙋ́детъ конца̀. л҃д Рече́ же марїа́мъ ко а҆́гг҃лꙋ: ка́кѡ бꙋ́детъ сїѐ, и҆дѣ́же мꙋ́жа не зна́ю; л҃є И҆ (л.ч҃з ѡ҆б.) ѿвѣща́въ а҆́гг҃лъ, речѐ є҆́й: дх҃ъ ст҃ы́й на́йдетъ на тѧ̀, и҆ си́ла вы́шнѧгѡ ѡ҆сѣни́тъ тѧ̀. тѣ́мже и҆ ражда́емое ст҃о, нарече́тсѧ сн҃ъ бж҃їй. л҃ѕ И҆ сѐ є҆лїсаве́тъ ю҆́жика твоѧ̀, и҆ та̀ зача́тъ сы́на въ ста́рости свое́й: и҆ се́й мцⷭ҇ъ шесты́й є҆́сть є҆́й, нарица́емѣй непло́ды. л҃з Ꙗ҆́кѡ не и҆знемо́жетъ ѿ бг҃а всѧ́къ глаго́лъ. л҃и Рече́ же марїа́мъ: сѐ раба̀ гдⷭ҇нѧ, бꙋ́ди мнѣ̀ по глаго́лꙋ твоемꙋ̀, и҆ ѿи́де ѿ неѧ̀ а҆́гг҃лъ.

Коне́цъ бл҃говѣ́щенїю на лїтꙋргі́и.

(заⷱ҇ д҃) л҃ѳ Воста́вши же марїа́мъ во днѝ ты́ѧ, На бл҃говѣ́щенїе, на ᲂу҆́трени: Во днѝ ѻ҆́ны воста́вши марїа́мъ, ꙳ Сїе́ же и҆ на и҆ны́ѧ пра́здники прест҃ы́ѧ бцⷣы. и҆́де въ гѡ́рнѧѧ со тща́нїемъ, во гра́дъ і҆ꙋ́довъ. м҃ И҆ вни́де въ до́мъ заха́рїинъ, и҆ цѣлова̀ є҆лїсаве́тъ. м҃а И҆ бы́сть, ꙗ҆́кѡ ᲂу҆слы́ша є҆лїсаве́тъ цѣлова́нїе марі́ино, взыгра́сѧ младе́нецъ во чре́вѣ є҆ѧ̀: и҆ и҆спо́лнисѧ дх҃а ст҃а є҆лїсаве́тъ. м҃в И҆ возопѝ гла́сомъ ве́лїимъ, и҆ речѐ: благослове́на ты̀ въ жена́хъ, и҆ благослове́нъ пло́дъ чре́ва твоегѡ̀. м҃г И҆ ѿкꙋ́дꙋ мнѣ̀ сїѐ, да прїи́де мт҃и гдⷭ҇а моегѡ̀ ко мнѣ̀; м҃д Се́ бо ꙗ҆́кѡ бы́сть гла́съ цѣлова́нїѧ твоегѡ̀ во ᲂу҆́шїю мое́ю, взыгра́сѧ младе́нецъ ра́дощами во чре́вѣ мое́мъ: м҃є И҆ блаже́нна вѣ́ровавшаѧ, ꙗ҆́кѡ бꙋ́детъ соверше́нїе глагѡ́ланнымъ є҆́й ѿ гдⷭ҇а. м҃ѕ И҆ речѐ марїа́мъ: вели́читъ дꙋша̀ моѧ̀ гдⷭ҇а, м҃з И҆ возра́довасѧ дх҃ъ мо́й ѡ҆ бз҃ѣ сп҃сѣ мое́мъ: м҃и Ꙗ҆́кѡ призрѣ̀ на смире́нїе рабы̀ своеѧ̀: се́ бо ѿ ны́нѣ ᲂу҆блажа́тъ мѧ̀ всѝ ро́ди. м҃ѳ Ꙗ҆́кѡ сотворѝ мнѣ̀ вели́чїе си́льный, и҆ ст҃о и҆́мѧ є҆гѡ̀. (л. ч҃и)

Престꙋпѝ бцⷣѣ.

н҃ И҆ млⷭ҇ть є҆гѡ̀ въ ро́ды родѡ́въ боѧ́щымсѧ є҆гѡ̀. н҃а Сотворѝ держа́вꙋ мы́шцею свое́ю, расточѝ гѡ́рдыѧ мы́слїю се́рдца и҆́хъ. н҃в Низложѝ си̑льныѧ со престѡ́лъ, и҆ вознесѐ смирє́нныѧ. н҃г А҆́лчꙋщыѧ и҆спо́лни бла̑гъ и҆ богатѧ́щыѧсѧ ѿпꙋстѝ тщы̀. н҃д Воспрїѧ́тъ і҆и҃лѧ ѻ҆́трока своего̀, помѧнꙋ́ти ми́лѡсти: н҃є Ꙗ҆́коже глаго́ла ко ѻ҆ц҃є́мъ на́шымъ, а҆враа́мꙋ, и҆ сѣ́мени є҆гѡ̀ до вѣ́ка.

Чтѝ бцⷣѣ:

н҃ѕ Пребы́сть же марїа́мъ съ не́ю ꙗ҆́кѡ трѝ мѣ́сѧцы: и҆ возврати́сѧ въ до́мъ сво́й.

Коне́цъ бцⷣѣ.

Чтѝ рождествꙋ̀ і҆ѡа́нна:

н҃з Є҆лїсаве́ти же и҆спо́лнисѧ вре́мѧ роди́ти є҆́й, и҆ родѝ сы́на. н҃и И҆ слы́шаша ѻ҆́крестъ живꙋ́щїи, и҆ ᲂу҆́жики є҆ѧ̀, ꙗ҆́кѡ возвели́чилъ є҆́сть гдⷭ҇ь млⷭ҇ть свою̀ съ не́ю: и҆ ра́довахꙋсѧ съ не́ю. н҃ѳ И҆ бы́сть во ѻ҆смы́й де́нь, прїидо́ша ѡ҆брѣ́зати ѻ҆троча̀. и҆ нарица́хꙋ є҆̀ и҆́менемъ ѻ҆тца̀ є҆гѡ̀, заха́рїю. ѯ҃ И҆ ѿвѣща́вши ма́ти є҆гѡ̀ речѐ: нѝ, но да нарече́тсѧ і҆ѡа́ннъ. ѯ҃а И҆ рѣ́ша къ не́й: ꙗ҆́кѡ никто́же є҆́сть въ родствѣ̀ твое́мъ, и҆́же нарица́етсѧ и҆́менемъ тѣ́мъ. ѯ҃в И҆ помава́хꙋ ѻ҆тцꙋ̀ є҆гѡ̀, є҆́же ка́кѡ бы хотѣ́лъ нарещѝ є҆̀; ѯ҃г И҆ и҆спро́шъ дщи́цꙋ, написа̀ глаго́лѧ: і҆ѡа́ннъ бꙋ́детъ и҆́мѧ є҆мꙋ̀: и҆ чꙋдѧ́хꙋсѧ всѝ. ѯ҃д Ѿверзо́шасѧ же ᲂу҆ста̀ є҆гѡ̀ а҆́бїе, и҆ ѧ҆зы́къ є҆гѡ̀, и҆ глаго́лаше бл҃гословѧ̀ бг҃а. ѯ҃є И҆ бы́сть на всѣ́хъ стра́хъ живꙋ́щихъ ѻ҆́крестъ и҆́хъ, и҆ во все́й странѣ̀ і҆ꙋде́йстѣй (л. ч҃и ѡ҆б.) повѣ́даеми бѧ́хꙋ всѝ глаго́ли сі́и. ѯ҃ѕ И҆ положи́ша всѝ слы́шавшїи въ се́рдцѣ свое́мъ, глаго́люще: что̀ ᲂу҆́бѡ ѻ҆троча̀ сїѐ бꙋ́детъ; и҆ рꙋка̀ гдⷭ҇нѧ бѣ̀ съ ни́мъ. ѯ҃з И҆ заха́рїа ѻ҆те́цъ є҆гѡ̀ и҆спо́лнисѧ дх҃а ст҃а, и҆ проро́чествова, глаго́лѧ: ѯ҃и Бл҃гослове́нъ гдⷭ҇ь бг҃ъ і҆и҃левъ, ꙗ҆́кѡ посѣтѝ, и҆ сотворѝ и҆збавле́нїе лю́демъ свои́мъ.

Престꙋпѝ рождествꙋ̀ і҆ѡа́нна.

ѯ҃ѳ И҆ воздви́же ро́гъ спасе́нїѧ на́мъ, въ домꙋ̀ даві́довѣ ѻ҆́трока своегѡ̀: ѻ҃ Ꙗ҆́коже глаго́ла ᲂу҆сты̀ ст҃ы́хъ сꙋ́щихъ ѿ вѣ́ка прорѡ́къ є҆гѡ̀. ѻ҃а Спасе́нїе ѿ вра̑гъ на́шихъ, и҆ и҆з̾ рꙋкѝ всѣ́хъ ненави́дѧщихъ на́съ: ѻ҃в Сотвори́ти ми́лость со ѻ҆тцы̀ на́шими, и҆ помѧнꙋ́ти завѣ́тъ ст҃ы́й сво́й: ѻ҃г Клѧ́твꙋ, є҆́ю клѧ́тсѧ ко а҆враа́мꙋ ѻ҆тцꙋ̀ на́шемꙋ, да́ти на́мъ, ѻ҃д Без̾ стра́ха, и҆з̾ рꙋкѝ вра̑гъ на́шихъ и҆зба́вльшымсѧ, ѻ҃є Слꙋжи́ти є҆мꙋ̀ преподо́бїемъ и҆ пра́вдою пред̾ ни́мъ всѧ̀ днѝ живота̀ на́шегѡ.

Чтѝ ржⷭ҇твꙋ̀ і҆ѡа́нна:

ѻ҃ѕ И҆ ты̀ ѻ҆троча̀, проро́къ вы́шнѧгѡ нарече́шисѧ: пред̾и́деши бо пред̾ лице́мъ гдⷭ҇нимъ, ᲂу҆гото́вати пꙋти̑ є҆гѡ̀.

Престꙋпѝ ржⷭ҇твꙋ̀ і҆ѡа́нна.

ѻ҃з Да́ти ра́зꙋмъ спасе́нїѧ лю́демъ є҆гѡ̀, во ѡ҆ставле́нїе грѣ̑хъ и҆́хъ: ѻ҃и Млⷭ҇рдїѧ ра́ди млⷭ҇ти бг҃а на́шегѡ, въ ни́хже посѣти́лъ є҆́сть на́съ восто́къ свы́ше: ѻ҃ѳ Просвѣти́ти во тмѣ̀ и҆ сѣ́ни сме́ртнѣй сѣдѧ́щыѧ, напра́вити но́ги на́шѧ на пꙋ́ть ми́ренъ. (л. ч҃ѳ)

Чтѝ ржⷭ҇твꙋ̀ і҆ѡа́нна:

п҃ Ѻ҆троча́ же растѧ́ше и҆ крѣплѧ́шесѧ дх҃омъ: и҆ бѣ̀ въ пꙋсты́нѧхъ до днѐ ꙗ҆вле́нїѧ своегѡ̀ ко і҆и҃лю.

Коне́цъ ржⷭ҇твꙋ̀ і҆ѡа́нна, на ᲂу҆́трени и҆ на лїтꙋргі́и.

Глава̀ в҃.

(заⷱ҇ є҃) [а҃] а҃ Бы́сть же во днѝ ты́ѧ, Въ на́вечерїе ржⷭ҇тва̀ хрⷭ҇то́ва и҆ на г҃ часѣ̀: Во дне́хъ ѻ҆́нѣхъ и҆зы́де повелѣ́нїе ѿ ке́сарѧ а҆́ѵгꙋста, написа́ти всю̀ вселе́ннꙋю. в҃ Сїѐ написа́нїе пе́рвое бы́сть, владѧ́щꙋ сѷрі́ею кѷрині́ю. г҃ И҆ и҆дѧ́хꙋ всѝ написа́тисѧ, ко́ждо во сво́й гра́дъ. д҃ Взы́де же и҆ і҆ѡ́сифъ ѿ галїле́и, и҆з̾ гра́да назаре́та во і҆ꙋде́ю, во гра́дъ даві́довъ, и҆́же нарица́етсѧ виѳлее́мъ, занѐ бы́ти є҆мꙋ̀ ѿ до́мꙋ и҆ ѻ҆те́чества даві́дова, є҃ Написа́тисѧ съ марі́ею ѡ҆брꙋче́ною є҆мꙋ̀ жено́ю, сꙋ́щею непра́здною. ѕ҃ Бы́сть же є҆гда̀ бы́ша та́мѡ, и҆спо́лнишасѧ дні́е роди́ти є҆́й. з҃ И҆ родѝ сн҃а своего̀ пе́рвенца, и҆ пови́тъ є҆го̀, и҆ положѝ є҆го̀ въ ꙗ҆́слехъ: занѐ не бѣ̀ и҆̀мъ мѣ́ста во ѻ҆би́тели. [в҃] и҃ И҆ па́стырїе бѣ́хꙋ въ то́йже странѣ̀ бдѧ́ще, и҆ стрегꙋ́ще стра́жꙋ нощнꙋ́ю ѡ҆ ста́дѣ свое́мъ. ѳ҃ И҆ сѐ а҆́гг҃лъ гдⷭ҇нь ста̀ въ ни́хъ, и҆ сла́ва гдⷭ҇нѧ ѡ҆сїѧ̀ и҆̀хъ: и҆ ᲂу҆боѧ́шасѧ стра́хомъ ве́лїимъ. і҃ И҆ речѐ и҆̀мъ а҆́гг҃лъ: не бо́йтесѧ, се́ бо благовѣствꙋ́ю ва́мъ ра́дость ве́лїю, ꙗ҆́же бꙋ́детъ всѣ́мъ лю́демъ. а҃і Ꙗ҆́кѡ роди́сѧ ва́мъ дне́сь сп҃съ, и҆́же є҆́сть хрⷭ҇то́съ гдⷭ҇ь, во гра́дѣ даві́довѣ. в҃і И҆ сѐ ва́мъ зна́менїе: ѡ҆брѧ́щете младе́нецъ пови́тъ, лежа́щъ въ ꙗ҆́слехъ. г҃і И҆ (л. ч҃ѳ ѡ҆б.) внеза́пꙋ бы́сть со а҆́гг҃ломъ мно́жество вѡ́й нбⷭ҇ныхъ, хва́лѧщихъ бг҃а, и҆ глаго́лющихъ: д҃і Сла́ва въ вы́шнихъ бг҃ꙋ, и҆ на землѝ ми́ръ, во чл҃вѣ́цѣхъ бл҃говоле́нїе. є҃і И҆ бы́сть ꙗ҆́кѡ ѿидо́ша ѿ ни́хъ на нб҃о а҆́гг҃ли, и҆ чл҃вѣ́цы па́стырїе рѣ́ша дрꙋ́гъ ко дрꙋ́гꙋ: пре́йдемъ до виѳлее́ма, и҆ ви́димъ глаго́лъ се́й бы́вшїй, и҆́же гдⷭ҇ь сказа̀ на́мъ. ѕ҃і И҆ прїидо́ша поспѣ́шшесѧ, и҆ ѡ҆брѣто́ша марїа́мъ же и҆ і҆ѡ́сифа: и҆ младе́нецъ лежа́щъ во ꙗ҆́слехъ. з҃і Ви́дѣвше же сказа́ша ѡ҆ глаго́лѣ глаго́ланномъ и҆̀мъ ѡ҆ ѻ҆троча́ти се́мъ. и҃і И҆ всѝ слы́шавшїи диви́шасѧ ѡ҆ глаго́ланныхъ ѿ па́стырей къ ни́мъ. ѳ҃і Марїа́мъ же соблюда́ше всѧ̀ глаго́лы сїѧ̀, слага́ющи въ се́рдцы свое́мъ.

(заⷱ҇ ѕ҃) к҃ И҆ возврати́шасѧ На ѡ҆брѣ́занїе гдⷭ҇не, на лїтꙋргі́и: Во вре́мѧ ѻ҆́но возврати́шасѧ па́стырїе, сла́вѧще и҆ хва́лѧще бг҃а ѡ҆ всѣ́хъ, ꙗ҆̀же слы́шаша и҆ ви́дѣша, ꙗ҆́коже глаго́лано бы́сть къ ни́мъ.

Коне́цъ на́вечерїю ржⷭ҇тва̀ хрⷭ҇то́ва, и҆ г҃-мꙋ часꙋ̀.

к҃а И҆ є҆гда̀ и҆спо́лнишасѧ ѻ҆́смь дні́й, да ѡ҆брѣ́жꙋтъ є҆го̀, и҆ нареко́ша и҆́мѧ є҆мꙋ̀ і҆и҃съ, нарече́нное а҆́гг҃ломъ, пре́жде да́же не зача́тсѧ во чре́вѣ.

Престꙋпѝ ѡ҆брѣ́занїю.

к҃в И҆ є҆гда̀ и҆спо́лнишасѧ дні́е ѡ҆чище́нїѧ є҆ю̀ по зако́нꙋ мѡѷсе́овꙋ,

(заⷱ҇ з҃) Вознесо́ста є҆го̀ ꙳꙳ На срѣ́тенїе гдⷭ҇не, на лїтꙋргі́и: Во вре́мѧ ѻ҆́но, вознесо́ста роди́тєлѧ ѻ҆троча̀ і҆и҃са ꙳꙳ во і҆ерꙋсали́мъ, поста́вити є҆го̀ пред̾ гдⷭ҇емъ. к҃г [Ꙗ҆́коже є҆́сть пи́сано въ зако́нѣ (л. р҃) гдⷭ҇ни: ꙗ҆́кѡ всѧ́къ младе́нецъ мꙋ́жеска по́лꙋ, разверза́ѧ ложесна̀, ст҃о гдⷭ҇ви нарече́тсѧ.] к҃д И҆ є҆́же да́ти же́ртвꙋ, по рече́нномꙋ въ зако́нѣ гдⷭ҇ни: два̀ го́рличища и҆лѝ два̀ птенца̀ голꙋби́на.

(заⷱ҇ и҃) [г҃] к҃є И҆ сѐ На срѣ́тенїе гдⷭ҇не, на ᲂу҆́трени, и҆ на па́мѧть сѷмеѡ́на бг҃опрїи́мца: Во вре́мѧ ѻ҆́но, бѣ̀ человѣ́къ во і҆ерꙋсали́мѣ, є҆мꙋ́же и҆́мѧ сѷмеѡ́нъ: и҆ человѣ́къ се́й пра́веденъ, и҆ благочести́въ, ча́ѧ ᲂу҆тѣ́хи і҆и҃левы: и҆ дх҃ъ бѣ̀ ст҃ъ въ не́мъ. к҃ѕ И҆ бѣ̀ є҆мꙋ̀ ѡ҆бѣща́но дх҃омъ ст҃ы́мъ, не ви́дѣти сме́рти, пре́жде да́же не ви́дитъ хрⷭ҇та̀ гдⷭ҇нѧ. к҃з И҆ прїи́де дх҃омъ въ цр҃ковь, и҆ є҆гда̀ введо́ста роди́тєлѧ ѻ҆троча̀ і҆и҃са, сотвори́ти и҆́ма по ѻ҆бы́чаю зако́нномꙋ ѡ҆ не́мъ: к҃и И҆ то́й прїе́мъ є҆го̀ на рꙋкꙋ̀ свое́ю, и҆ бл҃гословѝ бг҃а, и҆ речѐ: к҃ѳ Ны́нѣ ѿпꙋща́еши раба̀ твоего̀ влⷣко, по глаго́лꙋ твоемꙋ̀ съ ми́ромъ: л҃ Ꙗ҆́кѡ ви́дѣстѣ ѻ҆́чи моѝ спасе́нїе твоѐ, л҃а Є҆́же є҆сѝ ᲂу҆гото́валъ пред̾ лице́мъ всѣ́хъ люде́й: л҃в Свѣ́тъ во ѿкрове́нїе ꙗ҆зы́кѡмъ, и҆ сла́вꙋ люде́й твои́хъ і҆и҃лѧ.

Коне́цъ срѣ́тенїю на ᲂу҆́трени.

л҃г И҆ бѣ̀ і҆ѡ́сифъ и҆ мт҃и є҆гѡ̀ чꙋдѧ́щасѧ ѡ҆ глаго́лемыхъ ѡ҆ не́мъ. л҃д И҆ бл҃гословѝ ѧ҆̀ сѷмеѡ́нъ, и҆ речѐ къ мр҃і́и мт҃ри є҆гѡ̀: сѐ лежи́тъ се́й на паде́нїе, и҆ на воста́нїе мнѡ́гимъ во і҆и҃ли, и҆ въ зна́менїе прерѣка́емо: л҃є [И҆ тебѣ́ же само́й дꙋ́шꙋ про́йдетъ ѻ҆рꙋ́жїе,] ꙗ҆́кѡ ᲂу҆́бѡ да ѿкры́ютсѧ ѿ мнѡ́гъ серде́цъ помышлє́нїѧ. [д҃] л҃ѕ И҆ бѣ̀ а҆́нна проро́чица, дщѝ фанꙋ́илева, ѿ (л. р҃ ѡ҆б.) колѣ́на а҆си́рова: сїѧ̀ заматорѣ́вши во дне́хъ мно́зѣхъ, жи́вши съ мꙋ́жемъ се́дмь лѣ́тъ ѿ дѣ́вства своегѡ̀: л҃з И҆ та̀ вдова̀ ꙗ҆́кѡ лѣ́тъ ѻ҆́смьдесѧтъ и҆ четы́ри, ꙗ҆́же не ѿхожда́ше ѿ це́ркве, посто́мъ и҆ моли́твами слꙋжа́щи де́нь и҆ но́щь. л҃и И҆ та̀ въ то́й ча́съ приста́вши, и҆сповѣ́дашесѧ гдⷭ҇ви, и҆ глаго́лаше ѡ҆ не́мъ всѣ̑мъ ча́ющымъ и҆збавле́нїѧ во і҆ерꙋсали́мѣ.

Коне́цъ ст҃о́мꙋ.

л҃ѳ И҆ ꙗ҆́кѡ сконча́шасѧ всѧ̑ по зако́нꙋ гдⷭ҇ню, возврати́шасѧ въ галїле́ю, во гра́дъ сво́й назаре́тъ.

Чтѝ ѡ҆брѣ́занїю.

м҃ Ѻ҆троча́ же растѧ́ше, и҆ крѣплѧ́шесѧ дх҃омъ, и҆сполнѧ́ѧсѧ премꙋ́дрости: и҆ бл҃года́ть бж҃їѧ бѣ̀ на не́мъ.

Коне́цъ срѣ́тенїю на лїтꙋргі́и.

м҃а И҆ хожда́ста роди́тєлѧ є҆гѡ̀ на всѧ́ко лѣ́то во і҆ерꙋсали́мъ, въ пра́здникъ па́схи. м҃в И҆ є҆гда̀ бы́сть двоюна́десѧте лѣ́тꙋ, восходѧ́щымъ и҆̀мъ во і҆ерꙋсали́мъ по ѻ҆бы́чаю пра́здника: м҃г И҆ сконча́вшємъ днѝ, и҆ возвраща́ющымсѧ и҆̀мъ, ѡ҆ста̀ ѻ҆́трокъ і҆и҃съ во і҆ерꙋсали́мѣ, и҆ не разꙋмѣ̀ і҆ѡ́сифъ и҆ мт҃и є҆гѡ̀. м҃д Мнѣ́вша же є҆го̀ во дрꙋжи́нѣ сꙋ́ща, преидо́ста днѐ пꙋ́ть, и҆ и҆ска́ста є҆го̀ во сро́дницѣхъ, и҆ въ зна́емыхъ. м҃є И҆ не ѡ҆брѣ́тша є҆го̀, возврати́стасѧ во і҆ерꙋсали́мъ, взыска́юща є҆го̀. м҃ѕ И҆ бы́сть по трїе́хъ дне́хъ, ѡ҆брѣто́ста є҆го̀ въ це́ркви, сѣдѧ́ща посредѣ̀ ᲂу҆чи́телей, и҆ (л. р҃а) послꙋ́шающа и҆́хъ, и҆ вопроша́юща и҆̀хъ. м҃з Оу҆жаса́хꙋсѧ же всѝ послꙋ́шающїи є҆гѡ̀, ѡ҆ ра́зꙋмѣ и҆ ѡ҆ ѿвѣ́тѣхъ є҆гѡ̀. м҃и И҆ ви́дѣвша є҆го̀, диви́стасѧ, и҆ къ немꙋ̀ мт҃и є҆гѡ̀ речѐ: ча́до, что̀ сотворѝ на́ма та́кѡ; сѐ ѻ҆те́цъ тво́й, и҆ а҆́зъ болѧ́ща и҆ска́хома тебѐ. м҃ѳ И҆ речѐ къ ни́ма: что̀ ꙗ҆́кѡ и҆ска́ста менѐ; не вѣ́ста ли, ꙗ҆́кѡ въ тѣ́хъ, ꙗ҆̀же ѻ҆ц҃а̀ моегѡ̀, досто́итъ бы́ти мѝ; н҃ И҆ та̀ не разꙋмѣ́ста глаго́ла, и҆́же глаго́ла и҆́ма. н҃а И҆ сни́де съ ни́ма, и҆ прїи́де въ назаре́тъ, и҆ бѣ̀ повинꙋ́ѧсѧ и҆́ма: и҆ мт҃и є҆гѡ̀ соблюда́ше всѧ̀ глаго́лы сїѧ̀ въ се́рдцы свое́мъ. н҃в И҆ і҆и҃съ преспѣва́ше премꙋ́дростїю и҆ во́зрастомъ, и҆ благода́тїю ѿ бг҃а и҆ человѣ̑къ.

Коне́цъ ѡ҆брѣ́занїю.

Глава̀ г҃.

(заⷱ҇ ѳ҃) а҃ Въ пѧ́тое же Въ на́вечерїе бг҃оѧвле́нїѧ: Въ пѧ́тое꙳ на́десѧте лѣ́то влады́чества тїве́рїа ке́сарѧ: ѡ҆блада́ющꙋ понті́йскомꙋ пїла́тꙋ і҆ꙋде́ею, и҆ четвертовла́стствꙋющꙋ галїле́ею и҆́рѡдꙋ: фїлі́ппꙋ же, бра́тꙋ є҆гѡ̀, четвертовла́стствꙋющꙋ тѷрі́ею и҆ трахоні́тскою страно́ю: и҆ лѷса́нїю а҆вїлині́ею четвертовла́стствꙋющꙋ: [є҃] в҃ При а҆рхїере́и а҆́ннѣ и҆ каїа́фѣ, бы́сть глаго́лъ бж҃їй ко і҆ѡа́ннꙋ, заха́рїинꙋ сы́нꙋ, въ пꙋсты́ни. г҃ И҆ прїи́де во всю̀ странꙋ̀ і҆ѻрда́нскꙋю, проповѣ́даѧ креще́нїе покаѧ́нїѧ, во ѡ҆ставле́нїе грѣхѡ́въ. д҃ Ꙗ҆́коже є҆́сть пи́сано въ кни́зѣ слове́съ и҆са́їи проро́ка, глаго́люща: гла́съ вопїю́щагѡ въ пꙋсты́ни, ᲂу҆гото́вайте пꙋ́ть гдⷭ҇нь, пра́вы твори́те стєзѝ є҆гѡ̀. (л. р҃а ѡ҆б.) є҃ Всѧ́ка де́брь и҆спо́лнитсѧ, и҆ всѧ́ка гора̀ и҆ хо́лмъ смири́тсѧ: и҆ бꙋ́дꙋтъ стропѡ́тнаѧ въ пра̑ваѧ и҆ ѻ҆́стрїи въ пꙋтѝ гла́дки. ѕ҃ И҆ ᲂу҆́зритъ всѧ́ка пло́ть спасе́нїе бж҃їе. з҃ Глаго́лаше же и҆сходѧ́щымъ наро́дѡмъ крести́тисѧ ѿ негѡ̀: порождє́нїѧ є҆хі́днова, кто̀ сказа̀ ва́мъ бѣжа́ти ѿ грѧдꙋ́щагѡ гнѣ́ва; и҃ Сотвори́те ᲂу҆́бѡ плоды̀ досто́йны покаѧ́нїѧ, и҆ не начина́йте глаго́лати въ себѣ̀: ѻ҆тца̀ и҆́мамы а҆враа́ма. глаго́лю бо ва́мъ, ꙗ҆́кѡ мо́жетъ бг҃ъ ѿ ка́менїѧ сегѡ̀ воздви́гнꙋти ча̑да а҆враа́мꙋ. ѳ҃ Оу҆же́ бо и҆ сѣки́ра при ко́рени дре́ва лежи́тъ: всѧ́ко ᲂу҆́бѡ дре́во, не творѧ́щее плода̀ добра̀, посѣка́етсѧ, и҆ во ѻ҆́гнь вмета́етсѧ. [ѕ҃] і҃ И҆ вопроша́хꙋ є҆го̀ наро́ди, глаго́люще: что̀ ᲂу҆́бѡ сотвори́мъ; а҃і Ѿвѣща́въ же, глаго́ла и҆̀мъ: и҆мѣ́ѧй двѣ̀ ри́зѣ, да пода́стъ неимꙋ́щемꙋ, и҆ и҆мѣ́ѧй бра̑шна, та́кожде да твори́тъ. в҃і Прїидо́ша же и҆ мытарѝ крести́тисѧ ѿ негѡ̀, и҆ рѣ́ша къ немꙋ̀: ᲂу҆чи́телю, что̀ сотвори́мъ; г҃і Ѻ҆́нъ же речѐ къ ни́мъ: ничто́же бо́ле ѿ повелѣ́ннагѡ ва́мъ твори́те. д҃і Вопроша́хꙋ же є҆го̀ и҆ во́ини, глаго́люще: и҆ мы̀ что̀ сотвори́мъ; и҆ речѐ къ ни́мъ: никого́же ѡ҆би́дите, ни ѡ҆клеветава́йте: и҆ дово́льни бꙋ́дите ѡ҆бро́ки ва́шими. є҃і Ча́ющымъ же лю́демъ, и҆ помышлѧ́ющымъ всѣ́мъ въ сердца́хъ свои́хъ ѡ҆ і҆ѡа́ннѣ, є҆да̀ то́й є҆́сть хрⷭ҇то́съ; ѕ҃і Ѿвѣщава́ше і҆ѡа́ннъ всѣ̑мъ глаго́лѧ: а҆́зъ ᲂу҆́бѡ водо́ю креща́ю вы̀: грѧде́тъ же крѣ́плїй менѐ, є҆мꙋ́же нѣ́смь досто́инъ ѿрѣши́ти реме́нь сапогꙋ̀ є҆гѡ̀, то́й вы̀ крести́тъ дх҃омъ ст҃ы́мъ и҆ ѻ҆гне́мъ. з҃і Є҆мꙋ́же лопа́та въ рꙋкꙋ̀ є҆гѡ̀, и҆ потреби́тъ гꙋмно̀ своѐ, и҆ собере́тъ (л. р҃в) пшени́цꙋ въ жи́тницꙋ свою̀: плє́вы же сожже́тъ ѻ҆гне́мъ негаса́ющимъ. и҃і Мнѡ́га же ᲂу҆́бѡ и҆ и҆́на, ᲂу҆тѣша́ѧ, благовѣствова́ше лю́демъ.

Коне́цъ на́вечерїю бг҃оѧвле́нїѧ.

(заⷱ҇ і҃) ѳ҃і И҆́рѡдъ же четвертовла́стникъ ѡ҆блича́емь ѿ негѡ̀ Понедѣ́льникъ и҃і недѣ́ли: Во вре́мѧ ѻ҆́но, и҆́рѡдъ четвертовла́стникъ ѡ҆блича́емь ѿ і҆ѡа́нна ѡ҆ и҆рѡдїа́дѣ женѣ̀ бра́та своегѡ̀, и҆ ѡ҆ всѣ́хъ, ꙗ҆̀же сотворѝ ѕла̑ѧ и҆́рѡдъ: к҃ Приложѝ и҆ сїѐ над̾ всѣ́ми, и҆ затворѝ і҆ѡа́нна въ темни́цѣ. к҃а Бы́сть же є҆гда̀ крести́шасѧ всѝ лю́дїе, и҆ і҆и҃сꙋ кре́щшꙋсѧ и҆ молѧ́щꙋсѧ, ѿве́рзесѧ нб҃о. к҃в И҆ сни́де дх҃ъ ст҃ы́й тѣле́снымъ ѻ҆́бразомъ, ꙗ҆́кѡ го́лꙋбь на́нь, и҆ гла́съ съ нб҃сѐ бы́сть, глаго́лѧ: ты̀ є҆сѝ сн҃ъ мо́й возлю́бленный, ѡ҆ тебѣ̀ благоволи́хъ.

Коне́цъ понедѣ́льникꙋ.

(заⷱ҇ а҃і) к҃г И҆ то́й бѣ̀ і҆и҃съ ꙳꙳ Вто́рникъ и҃і недѣ́ли: Во вре́мѧ ѻ҆́но, бѣ̀ і҆и҃съ ꙳꙳ ꙗ҆́кѡ лѣ́тѡмъ три́десѧть начина́ѧ, сы́й, ꙗ҆́кѡ мни́мь, сн҃ъ і҆ѡ́сифовъ, и҆лі́евъ, к҃д Матѳа́товъ, леѵі́инъ, мелхі́инъ, і҆анна́евъ, і҆ѡ́сифовъ, к҃є Маттаѳі́евъ, а҆мѡ́совъ, наꙋ́мовъ, є҆слі́мовъ, нагге́овъ, к҃ѕ Маа́ѳовъ, маттаѳі́евъ, семеі́евъ, і҆ѡ́сифовъ, і҆ꙋ́динъ, к҃з І҆ѡанна́новъ, риса́евъ, зорова́велевъ, салаѳїи́левъ, нирі́евъ, к҃и Мелхі́евъ, а҆дді́евъ, кѡса́мовъ, є҆лмѡда́мовъ, и҆́ровъ, к҃ѳ І҆ѡсі́евъ, є҆лїезе́ровъ, і҆ѡрі́мовъ, матѳа́товъ, леѵі́инъ, л҃ Сѷмеѡ́новъ, і҆ꙋ́динъ, і҆ѡ́сифовъ, і҆ѡна́новъ, є҆лїакі́мовъ, (л. р҃в ѡ҆б.) л҃а Мелеа́евъ, маїна́новъ, маттаѳа́евъ, наѳа́новъ, даві́довъ, л҃в І҆ессе́овъ, ѡ҆ви́довъ, воо́зовъ, салмѡ́новъ, наассѡ́новъ, л҃г А҆мїнада́вовъ, а҆ра́мовъ, і҆ѡра́мовъ, є҆срѡ́мовъ, фаре́совъ, і҆ꙋ́динъ, л҃д І҆а́кѡвль, і҆саа́ковъ, а҆враа́мовъ, ѳара́новъ, нахѡ́ровъ, л҃є Серꙋ́ховъ, рага́вовъ, фале́ковъ, є҆ве́ровъ, сала́новъ, л҃ѕ Каїна́новъ, а҆рфаѯа́довъ, си́мовъ, нѡ́евъ, ламе́ховъ, л҃з Маѳꙋса́левъ, є҆нѡ́ховъ, і҆а́редовъ, малелеи́ловъ, каїна́новъ, л҃и Є҆нѡ́совъ, си́ѳовъ, а҆да́мовъ, бж҃їй.

Глава̀ д҃.

(заⷱ҇ в҃і) [з҃] а҃ І҆и҃съ же и҆спо́лнь дх҃а ст҃а, возврати́сѧ Среда̀ и҃і недѣ́ли: Во вре́мѧ ѻ҆́но, возврати́сѧ і҆и҃съ и҆спо́лнь дх҃а ст҃а ѿ і҆ѻрда́на, и҆ ведѧ́шесѧ дх҃омъ въ пꙋсты́ню,

Коне́цъ вто́рникꙋ.

в҃ Дні́й четы́ридесѧть и҆скꙋша́емь ѿ дїа́вола, и҆ не ꙗ҆́стъ ничесѡ́же во днѝ ты́и: и҆ сконча́вшымсѧ и҆̀мъ, послѣдѝ взалка̀. г҃ И҆ речѐ є҆мꙋ̀ дїа́волъ: а҆́ще сн҃ъ є҆сѝ бж҃їй, рцы̀ ка́меневи семꙋ̀, да бꙋ́детъ хлѣ́бъ. д҃ И҆ ѿвѣща́въ і҆и҃съ къ немꙋ̀, глаго́лѧ: пи́сано є҆́сть, ꙗ҆́кѡ не ѡ҆ хлѣ́бѣ є҆ди́номъ жи́въ бꙋ́детъ человѣ́къ, но ѡ҆ всѧ́комъ глаго́лѣ бж҃їи. є҃ И҆ возве́дъ є҆го̀ дїа́волъ на горꙋ̀ высокꙋ̀, показа̀ є҆мꙋ̀ всѧ̑ црⷭ҇твїѧ вселе́нныѧ въ ꙾часѣ̀꙾꙾чертѣ̀꙾ вре́меннѣ. ѕ҃ И҆ речѐ є҆мꙋ̀ дїа́волъ: тебѣ̀ да́мъ вла́сть сїю̀ всю̀, и҆ сла́вꙋ и҆́хъ, ꙗ҆́кѡ мнѣ̀ предана̀ є҆́сть, и҆ є҆мꙋ́же а҆́ще хощꙋ̀ да́мъ ю҆̀. з҃ Ты̀ ᲂу҆́бѡ а҆́ще поклони́шисѧ предо мно́ю, бꙋ́дꙋтъ тебѣ̀ всѧ̑. (л. р҃г) и҃ И҆ ѿвѣща́въ речѐ є҆мꙋ̀ і҆и҃съ: и҆дѝ за мно́ю сатана̀. пи́сано є҆́сть: поклони́шисѧ гдⷭ҇ꙋ бг҃ꙋ твоемꙋ̀, и҆ томꙋ̀ є҆ди́номꙋ послꙋ́жиши. ѳ҃ И҆ ведѐ є҆го̀ во і҆ерꙋсали́мъ, и҆ поста́ви є҆го̀ на крилѣ̀ церко́внѣмъ, и҆ речѐ є҆мꙋ̀: а҆́ще сн҃ъ є҆сѝ бж҃їй, ве́рзисѧ ѿсю́дꙋ до́лꙋ. і҃ Пи́сано бо є҆́сть, ꙗ҆́кѡ а҆́г҃глѡмъ свои́мъ заповѣ́сть ѡ҆ тебѣ̀, сохрани́ти тѧ̀: а҃і И҆ на рꙋка́хъ во́з̾мꙋтъ тѧ̀, да не когда̀ преткне́ши ѡ҆ ка́мень но́гꙋ твою̀. в҃і И҆ ѿвѣща́въ речѐ є҆мꙋ̀ і҆и҃съ: ꙗ҆́кѡ рече́но є҆́сть, не и҆скꙋ́сиши гдⷭ҇а бг҃а твоегѡ̀. г҃і И҆ сконча́въ всѐ и҆скꙋше́нїе дїа́волъ, ѿи́де ѿ негѡ̀ до вре́мене. д҃і И҆ возврати́сѧ і҆и҃съ въ си́лѣ дх҃о́внѣй въ галїле́ю, и҆ вѣ́сть и҆зы́де по все́й странѣ̀ ѡ҆ не́мъ. є҃і И҆ то́й ᲂу҆ча́ше на со́нмищахъ и҆́хъ, сла́вимь всѣ́ми.

Коне́цъ средѣ̀.

(заⷱ҇ г҃і) ѕ҃і И҆ прїи́де Четверто́къ и҃і недѣ́ли: Во вре́мѧ ѻ҆́но, прїи́де і҆и҃съ ꙳ Сїе́ же и҆ септе́мврїа а҃, но́вомꙋ лѣ́тꙋ. въ назаре́тъ, и҆дѣ́же бѣ̀ воспита́нъ: и҆ вни́де по ѻ҆бы́чаю своемꙋ̀ въ де́нь сꙋббѡ́тный въ со́нмище, и҆ воста̀ честѝ. з҃і И҆ да́ша є҆мꙋ̀ кни́гꙋ и҆са́їи проро́ка, и҆ разгнꙋ́въ кни́гꙋ, ѡ҆брѣ́те мѣ́сто, и҆дѣ́же бѣ̀ напи́сано: и҃і Дх҃ъ гдⷭ҇нь на мнѣ̀, є҆гѡ́же ра́ди пома́за мѧ̀ благовѣсти́ти ни́щымъ, посла́ мѧ, и҆сцѣли́ти сокрꙋшє́нныѧ се́рдцемъ, проповѣ́дати плѣнє́ннымъ ѿпꙋще́нїе, и҆ слѣпы̑мъ прозрѣ́нїе, ѿпꙋсти́ти сокрꙋшє́нныѧ во ѿра́дꙋ. ѳ҃і Проповѣ́дати лѣ́то гдⷭ҇не прїѧ́тно. к҃ И҆ согнꙋ́въ кни́гꙋ, ѿда́въ слꙋзѣ̀, сѣ́де: и҆ (л. р҃г ѡ҆б.) всѣ̑мъ въ со́нмищи ѻ҆́чи бѣ́хꙋ зрѧ́ще на́нь. к҃а И҆ нача́тъ глаго́лати къ ни́мъ: ꙗ҆́кѡ дне́сь сбы́стсѧ писа́нїе сїѐ во ᲂу҆́шїю ва́шею. к҃в И҆ всѝ свидѣ́тельствовахꙋ є҆мꙋ̀.

(заⷱ҇ д҃і) И҆ дивлѧ́хꙋсѧ ѡ҆ словесѣ́хъ благода́ти, и҆сходѧ́щихъ и҆з̾ ᲂу҆́стъ є҆гѡ̀.

Коне́цъ четверткꙋ̀ и҆ но́вомꙋ лѣ́тꙋ.

Пѧто́къ и҃і недѣ́ли: Во вре́мѧ ѻ҆́но, дивлѧ́хꙋсѧ наро́ди ѡ҆ словесѣ́хъ бл҃года́ти, и҆сходѧ́щихъ и҆з̾ ᲂу҆́стъ і҆и҃совыхъ ꙳ Сїе́ же и҆ проро́кꙋ и҆лїѝ. и҆ глаго́лахꙋ: не се́й ли є҆́сть сн҃ъ і҆ѡ́сифовъ; к҃г И҆ речѐ къ ни́мъ: всѧ́кѡ рече́те мѝ при́тчꙋ сїю̀, врачꙋ̀ и҆сцѣли́сѧ са́мъ: є҆ли̑ка слы́шахомъ бы̑вшаѧ въ капернаꙋ́мѣ, сотворѝ и҆ здѣ̀ во ѻ҆те́чествїи свое́мъ. к҃д Рече́ же: а҆ми́нь глаго́лю ва́мъ, ꙗ҆́кѡ ни кото́рый проро́къ прїѧ́тенъ є҆́сть во ѻ҆те́чествїи свое́мъ. к҃є Пои́стиннѣ же глаго́лю ва́мъ: мно́ги вдови̑цы бѣ́ша во днѝ и҆лїины̀ во і҆и҃ли, є҆гда̀ заключи́сѧ не́бо трѝ лѣ̑та и҆ мцⷭ҇ъ ше́сть, ꙗ҆́кѡ бы́сть гла́дъ вели́къ по все́й землѝ. к҃ѕ И҆ ни ко є҆ди́ной и҆́хъ по́сланъ бы́сть и҆лїа̀, то́кмѡ въ саре́птꙋ сїдѡ́нскꙋю, къ женѣ̀ вдови́цѣ. к҃з И҆ мно́зи прокаже́ни бѣ́хꙋ при є҆лїссе́и проро́цѣ во і҆и҃ли: и҆ ни є҆ди́нъ же ѿ ни́хъ ѡ҆чи́стисѧ, то́кмѡ неема́нъ сѷрїани́нъ. к҃и И҆ и҆спо́лнишасѧ всѝ ꙗ҆́рости въ со́нмищи, слы́шавшїи сїѧ̑. к҃ѳ И҆ воста́вше, и҆згна́ша є҆го̀ во́нъ и҆з̾ гра́да: и҆ ведо́ша є҆го̀ до верхꙋ̀ горы̀, на не́йже гра́дъ и҆́хъ со́зданъ бѧ́ше, да бы́ша є҆го̀ низри́нꙋли. л҃ Ѻ҆́нъ же проше́дъ посредѣ̀ и҆́хъ и҆дѧ́ше.

Коне́цъ пѧткꙋ̀ и҆ ст҃о́мꙋ. (л. р҃д)

(заⷱ҇ є҃і) [и҃] л҃а И҆ сни́де въ капернаꙋ́мъ, гра́дъ галїле́йскїй: и҆ бѣ̀ ᲂу҆чѧ̀ и҆̀хъ въ сꙋббѡ́ты. Сꙋббѡ́та и҃і недѣ́ли: Во вре́мѧ ѻ҆́но, сни́де і҆и҃съ въ капернаꙋ́мъ гра́дъ галїле́йскїй, и҆ бѣ̀ ᲂу҆чѧ̀ наро́ды въ сꙋббѡ́ты л҃в И҆ ᲂу҆жаса́хꙋсѧ ѡ҆ ᲂу҆че́нїи є҆гѡ̀, ꙗ҆́кѡ со вла́стїю бѣ̀ сло́во є҆гѡ̀. л҃г И҆ въ со́нмищи бѣ̀ человѣ́къ, и҆мы́й дꙋ́хъ бѣ́са нечи́ста, и҆ возопѝ гла́сомъ ве́лїимъ, л҃д Глаго́лѧ: ѡ҆ста́ви, что̀ на́мъ и҆ тебѣ̀ і҆и҃се назарѧни́не; прише́лъ є҆сѝ погꙋби́ти на́съ: вѣ́мъ тѧ̀, кто̀ є҆сѝ ст҃ы́й бж҃їй. л҃є И҆ запретѝ є҆мꙋ̀ і҆и҃съ, глаго́лѧ: премолчѝ, и҆ и҆зы́ди и҆з̾ негѡ̀. и҆ пове́ргъ є҆го̀ бѣ́съ посредѣ̀, и҆зы́де и҆з̾ негѡ̀, ника́коже вреди́въ є҆го̀. л҃ѕ И҆ бы́сть ᲂу҆́жасъ на всѣ́хъ, и҆ стѧза́хꙋсѧ дрꙋ́гъ ко дрꙋ́гꙋ, глаго́люще: что̀ сло́во сїѐ, ꙗ҆́кѡ вла́стїю и҆ си́лою вели́тъ нечи́стымъ дꙋховѡ́мъ, и҆ и҆схо́дѧтъ;

Коне́цъ сꙋббѡ́тѣ.

(заⷱ҇ ѕ҃і) [ѳ҃] л҃з И҆ и҆схожда́ше гла́съ ѡ҆ не́мъ во всѧ́ко мѣ́сто страны̀. л҃и Воста́въ же и҆з̾ со́нмища, вни́де въ до́мъ сі́мѡновъ. ꙳꙳ Понедѣ́льникъ ѳ҃і недѣ́ли: Во вре́мѧ ѻ҆́но, вни́де і҆и҃съ въ до́мъ сі́мѡновъ, и҆ и҆схожда́ше гла́съ ѡ҆ не́мъ во всѧ́кое мѣ́сто страны̀. ꙳꙳ те́ща же сі́мѡнова бѣ̀ ѡ҆держи́ма ѻ҆гне́мъ ве́лїимъ, и҆ моли́ша є҆го̀ ѡ҆ не́й. л҃ѳ И҆ ста́въ над̾ не́ю, запретѝ ѻ҆гню̀, и҆ ѡ҆ста́ви ю҆̀: а҆́бїе же воста́вши слꙋжа́ше и҆̀мъ. м҃ Заходѧ́щꙋ же со́лнцꙋ, всѝ є҆ли́цы и҆мѣ́ѧхꙋ болѧ́щыѧ недꙋ́ги разли́чными, привожда́хꙋ и҆̀хъ къ немꙋ̀: ѻ҆́нъ же на є҆ди́номъ коегѡ́ждо и҆́хъ рꙋ́цѣ (л. р҃д ѡ҆б.) возло́жъ, и҆сцѣлѧ́ше и҆̀хъ. м҃а И҆схожда́хꙋ же и҆ бѣ́си ѿ мно́гихъ вопїю́ще и҆ глаго́люще: ꙗ҆́кѡ ты̀ є҆сѝ хрⷭ҇то́съ сн҃ъ бж҃їй. и҆ запреща́ѧ не даѧ́ше и҆̀мъ глаго́лати, ꙗ҆́кѡ вѣ́дѧхꙋ хрⷭ҇та̀ самаго̀ сꙋ́ща. м҃в Бы́вшꙋ же днѝ и҆зше́дъ и҆́де въ пꙋ́сто мѣ́сто: и҆ наро́ди и҆ска́хꙋ є҆го̀, и҆ прїидо́ша до негѡ̀, и҆ держа́хꙋсѧ є҆гѡ̀, да не бы̀ ѿше́лъ ѿ ни́хъ. м҃г Ѻ҆́нъ же речѐ къ ни́мъ: ꙗ҆́кѡ и҆ дрꙋги́мъ градовѡ́мъ благовѣсти́ти мѝ подоба́етъ црⷭ҇твїе бж҃їе, ꙗ҆́кѡ на сѐ по́сланъ є҆́смь. м҃д И҆ бѣ̀ проповѣ́даѧ на со́нмищахъ галїле́йскихъ.

Коне́цъ понедѣ́льникꙋ.

Глава̀ є҃.

(заⷱ҇ з҃і) [а҃і] а҃ Бы́сть же належа́щꙋ є҆мꙋ̀ наро́дꙋ, да бы́ша слы́шали сло́во бж҃їе, и҆ то́й бѣ̀ стоѧ̀ Недѣ́лѧ и҃і: Во вре́мѧ ѻ҆́но, стоѧ́ше і҆и҃съ при є҆́зерѣ геннисаре́тстѣ: в҃ И҆ ви́дѣ два̀ кораблѧ̀ стоѧ́ща при є҆́зерѣ: ры́барїе же ѿше́дше ѿ нею̀, и҆змыва́хꙋ мрє́жи. г҃ Влѣ́зъ же въ є҆ди́нъ ѿ кораблю̀, и҆́же бѣ̀ сі́мѡновъ, молѝ є҆го̀ ѿ землѝ ѿстꙋпи́ти ма́лѡ: и҆ сѣ́дъ ᲂу҆ча́ше и҆з̾ кораблѧ̀ наро́ды. д҃ Ꙗ҆́коже преста̀ глаго́лѧ, речѐ къ сі́мѡнꙋ: постꙋпѝ во глꙋбинꙋ̀, и҆ вве́рзите мрє́жи ва́шѧ въ лови́твꙋ. є҃ И҆ ѿвѣща́въ сі́мѡнъ речѐ є҆мꙋ̀: наста́вниче, ѡ҆бно́щь всю̀ трꙋ́ждшесѧ, ничесѡ́же ꙗ҆́хомъ: по глаго́лꙋ же твоемꙋ̀ вве́ргꙋ мре́жꙋ. ѕ҃ И҆ сѐ сотво́рше, ꙗ҆́ша мно́жество ры́бъ мно́го, протерза́шесѧ же мре́жа и҆́хъ. з҃ И҆ поманꙋ́ша прича́стникѡмъ, и҆̀же бѣ́хꙋ во дрꙋзѣ́мъ (л. р҃є) кораблѝ, да прише́дше помо́гꙋтъ и҆̀мъ: и҆ прїидо́ша, и҆ и҆спо́лниша ѻ҆́ба кораблѧ̀, ꙗ҆́кѡ погрꙋжа́тисѧ и҆́ма. и҃ Ви́дѣвъ же сі́мѡнъ пе́тръ, припадѐ къ колѣ́нома і҆и҃совома, глаго́лѧ: и҆зы́ди ѿ менѐ, ꙗ҆́кѡ мꙋ́жъ грѣ́шенъ є҆́смь, гдⷭ҇и. ѳ҃ Оу҆́жасъ бо ѡ҆держа́ше є҆го̀ и҆ всѧ̑ сꙋ́щыѧ съ ни́мъ, ѡ҆ лови́твѣ ры́бъ, ꙗ҆̀же ꙗ҆́ша: і҃ Та́кожде же і҆а́кѡва и҆ і҆ѡа́нна, сы́на зеведе́ѡва, ꙗ҆̀же бѣ́ста ѡ҆бе́щника сі́мѡнови. и҆ речѐ къ сі́мѡнꙋ і҆и҃съ: не бо́йсѧ, ѿсе́лѣ бꙋ́деши человѣ́ки ловѧ̀. а҃і И҆ и҆звле́кше ѻ҆́ба кораблѧ̀ на зе́млю, ѡ҆ста́вльше всѧ̑ въ слѣ́дъ є҆гѡ̀ и҆до́ша.

Коне́цъ недѣ́ли.

(заⷱ҇ и҃і) в҃і И҆ бы́сть є҆гда̀ Вто́рникъ ѳ҃і недѣ́ли: Во вре́мѧ ѻ҆́но, бѣ̀ і҆и҃съ во є҆ди́номъ ѿ градѡ́въ, и҆ сѐ мꙋ́жъ и҆спо́лнь прокаже́нїѧ: и҆ ви́дѣвъ і҆и҃са, па́дъ ни́цъ молѧ́сѧ є҆мꙋ̀, глаго́лѧ: гдⷭ҇и, а҆́ще хо́щеши, мо́жеши мѧ̀ ѡ҆чи́стити. г҃і И҆ просте́ръ рꙋ́кꙋ, коснꙋ̀ є҆гѡ̀, ре́къ: хощꙋ̀, ѡ҆чи́стисѧ. и҆ а҆́бїе прока́за ѿи́де ѿ негѡ̀. д҃і И҆ то́й заповѣ́да є҆мꙋ̀ никомꙋ́же повѣ́дати: но ше́дъ покажи́сѧ і҆ере́ови, и҆ принесѝ ѡ҆ ѡ҆чище́нїи твое́мъ, ꙗ҆́коже повелѣ̀ мѡѷсе́й, во свидѣ́тельство и҆̀мъ. є҃і Прохожда́ше же па́че сло́во ѡ҆ не́мъ: и҆ схожда́хꙋсѧ наро́ди мно́зи слы́шати, и҆ цѣли́тисѧ ѿ негѡ̀ ѿ недꙋ̑гъ свои́хъ. ѕ҃і То́йже бѣ̀ ѿходѧ̀ въ пꙋсты́ню, и҆ молѧ́сѧ.

Коне́цъ вто́рникꙋ. (л. р҃є ѡ҆б.)

(заⷱ҇ ѳ҃і) з҃і И҆ бы́сть во є҆ди́нъ ѿ дні́й, и҆ то́й бѣ̀ ᲂу҆чѧ̀: Сꙋббѡ́та ѳ҃і недѣ́ли: Во вре́мѧ ѻ҆́но, бѣ̀ ᲂу҆чѧ̀ і҆и҃съ и҆ бѣ́хꙋ сѣдѧ́ще фарїсе́є и҆ законоꙋчи́телїе, и҆̀же бѣ́хꙋ пришлѝ ѿ всѧ́кїѧ ве́си галїле́йскїѧ, и҆ і҆ꙋде́йскїѧ, и҆ і҆ерꙋсали́мскїѧ: и҆ си́ла гдⷭ҇нѧ бѣ̀ и҆сцѣлѧ́ющи и҆̀хъ. [г҃і] и҃і И҆ сѐ мꙋ́жїе носѧ́ще на ѻ҆дрѣ̀ человѣ́ка, и҆́же бѣ̀ разсла́бленъ: и҆ и҆ска́хꙋ внестѝ є҆го̀, и҆ положи́ти пред̾ ни́мъ. ѳ҃і И҆ не ѡ҆брѣ́тше кꙋдѣ̀ внестѝ є҆го̀, наро́да ра́ди, взлѣ́зше на хра́мъ, сквозѣ̀ ꙾скꙋде́лы꙾꙾кро́въ скꙋде́льный꙾ низвѣ́сиша є҆го̀ со ѻ҆дро́мъ на средꙋ̀ пред̾ і҆и҃са. к҃ И҆ ви́дѣвъ вѣ́рꙋ и҆́хъ, речѐ є҆мꙋ̀: человѣ́че, ѡ҆ставлѧ́ютъ ти сѧ грѣсѝ твоѝ. к҃а И҆ нача́ша помышлѧ́ти кни́жницы и҆ фарїсе́є, глаго́люще: кто́ є҆сть се́й, и҆́же глаго́летъ хꙋлы̑; кто̀ мо́жетъ ѡ҆ставлѧ́ти грѣхѝ, то́кмѡ є҆ди́нъ бг҃ъ; к҃в Разꙋмѣ́въ же і҆и҃съ помышлє́нїѧ и҆́хъ, ѿвѣща́въ речѐ къ ни́мъ: что̀ помышлѧ́ете въ сердца́хъ ва́шихъ; к҃г Что́ є҆сть ᲂу҆до́бѣе рещѝ: ѡ҆ставлѧ́ютъ ти сѧ грѣсѝ твоѝ; и҆лѝ рещѝ: воста́ни и҆ ходѝ; к҃д Но да ᲂу҆вѣ́сте, ꙗ҆́кѡ вла́сть и҆́мать сн҃ъ человѣ́ческїй на землѝ ѿпꙋща́ти грѣхѝ, речѐ разсла́бленномꙋ: тебѣ̀ глаго́лю, воста́ни и҆ воз̾мѝ ѻ҆́дръ тво́й, и҆ и҆дѝ въ до́мъ тво́й. к҃є И҆ а҆́бїе воста́въ пред̾ ни́ми, взе́мъ на не́мже лежа́ше, и҆́де въ до́мъ сво́й, сла́вѧ бг҃а. (втоⷬ҇) к҃ѕ И҆ ᲂу҆́жасъ прїѧ́тъ всѧ̑, и҆ сла́влѧхꙋ бг҃а, и҆ и҆спо́лнишасѧ стра́ха, глаго́люще: ꙗ҆́кѡ ви́дѣхомъ пресла̑внаѧ дне́сь.

Коне́цъ сꙋббѡ́тѣ. (л. р҃ѕ)

(заⷱ҇ к҃) [д҃і] к҃з И҆ посе́мъ и҆зы́де, и҆ ᲂу҆зрѣ̀ Сꙋббѡ́та к҃ недѣ́ли: Во вре́мѧ ѻ҆́но, преходѧ̀ і҆и҃съ, ᲂу҆зрѣ̀ мытарѧ̀, и҆́менемъ леѵі́ю, сѣдѧ́ща на мы́тницѣ, и҆ речѐ є҆мꙋ̀ и҆дѝ по мнѣ̀. к҃и И҆ ѡ҆ста́вль всѧ̑, воста́въ во слѣ́дъ є҆гѡ̀ и҆́де. к҃ѳ И҆ сотворѝ чрежде́нїе ве́лїе леѵі́й є҆мꙋ̀ въ домꙋ̀ свое́мъ, и҆ бѣ̀ наро́дъ мытаре́й мно́гъ, и҆ и҆нѣ́хъ, и҆̀же бѧ́хꙋ съ ни́мъ возлежа́ще. л҃ И҆ ропта́хꙋ кни́жницы на него̀ и҆ фарїсе́є, ко ᲂу҆ч҃нкѡ́мъ є҆гѡ̀ глаго́люще: почто̀ съ мытарѝ и҆ грѣ́шники ꙗ҆́сте и҆ пїе́те; л҃а И҆ ѿвѣща́въ і҆и҃съ речѐ къ ни́мъ: не тре́бꙋютъ здра́вїи врача̀, но болѧ́щїи. л҃в Не прїидо́хъ призва́ти пра́ведныхъ, но грѣ̑шныѧ въ покаѧ́нїе.

Коне́цъ сꙋббѡ́тѣ.

(заⷱ҇ к҃а) л҃г Ѻ҆ни́ же рѣ́ша къ немꙋ̀: ꙳꙳ Среда̀ ѳ҃і недѣ́ли: Во вре́мѧ ѻ҆́но, пристꙋпи́ша фарїсе́и ко і҆и҃сꙋ, глаго́люще: ꙳꙳ почто̀ ᲂу҆ченицы̀ і҆ѡа́нновы постѧ́тсѧ ча́стѡ, и҆ моли̑твы творѧ́тъ, та́кожде и҆ фарїсе́йстїи, а҆ твоѝ ꙗ҆дѧ́тъ и҆ пїю́тъ; л҃д Ѻ҆́нъ же речѐ къ ни́мъ: є҆да̀ мо́жете сы́ны бра́чныѧ, до́ндеже жени́хъ съ ни́ми є҆́сть, сотвори́ти пости́тисѧ; л҃є Прїи́дꙋтъ же дні́е, є҆гда̀ ѿѧ́тъ бꙋ́детъ ѿ ни́хъ жени́хъ, и҆ тогда̀ постѧ́тсѧ въ ты́ѧ днѝ. л҃ѕ Глаго́лаше же и҆ при́тчꙋ къ ни́мъ: ꙗ҆́кѡ никто́же приставле́нїѧ ри́зы но́вы приставлѧ́етъ на ри́зꙋ ве́тхꙋ: а҆́ще ли же нѝ, и҆ но́вꙋю раздере́тъ, и҆ ве́тсѣй не согласꙋ́етъ є҆́же ѿ но́вагѡ. л҃з И҆ никто́же влива́етъ вїна̀ но́ва въ мѣ́хи ве́тхи: а҆́ще ли же нѝ, (л. р҃ѕ ѡ҆б.) расто́ргнетъ но́вое вїно̀ мѣ́хи, и҆ са́мо и҆злїе́тсѧ, и҆ мѣ́си поги́бнꙋтъ. л҃и Но вїно̀ но́вое въ мѣ́хи но́вы ꙾влива́ти꙾꙾влива́ти подоба́етъ꙾, и҆ ѻ҆боѐ соблюде́тсѧ. л҃ѳ И҆ никто́же пи́въ ве́тхое, а҆́бїе хо́щетъ но́вомꙋ: глаго́летъ бо, ве́тхое лꙋ́чше є҆́сть.

Коне́цъ средѣ̀.

Глава̀ ѕ҃.

(заⷱ҇ к҃в) а҃ Бы́сть же въ сꙋббѡ́тꙋ второпе́рвꙋю и҆тѝ є҆мꙋ̀ Сꙋббѡ́та к҃а недѣ́ли: Во вре́мѧ ѻ҆́но, хожда́ше і҆и҃съ въ сꙋббѡ́тꙋ сквозѣ̀ сѣ̑ѧнїѧ: и҆ восторга́хꙋ ᲂу҆чн҃цы̀ є҆гѡ̀ кла́сы, и҆ ꙗ҆дѧ́хꙋ, стира́юще рꙋка́ми. в҃ Нѣ́цыи же ѿ фарїсє́й рѣ́ша и҆̀мъ: что̀ творитѐ, є҆гѡ́же не досто́итъ твори́ти въ сꙋббѡ́ты; г҃ И҆ ѿвѣща́въ і҆и҃съ речѐ къ ни́мъ: ни лѝ сегѡ̀ члѝ є҆стѐ, є҆́же сотворѝ дв҃дъ, є҆гда̀ взалка́сѧ са́мъ, и҆ и҆̀же съ ни́мъ сꙋ́щїи; д҃ Ка́кѡ вни́де въ до́мъ бж҃їй, и҆ хлѣ́бы предложе́нїѧ взе́мъ, и҆ ꙗ҆дѐ, и҆ дадѐ и҆ сꙋ́щымъ съ ни́мъ, и҆́хже не досто́ѧше ꙗ҆́сти, то́кмѡ є҆ди́нѣмъ і҆ере́ємъ; є҃ И҆ глаго́лаше и҆̀мъ: ꙗ҆́кѡ гдⷭ҇ь є҆́сть сн҃ъ чл҃вѣ́ческїй и҆ сꙋббѡ́тѣ. ѕ҃ Бы́сть же и҆ въ дрꙋгꙋ́ю сꙋббѡ́тꙋ вни́ти є҆мꙋ̀ въ со́нмище, и҆ ᲂу҆чи́ти: [є҃і] и҆ бѣ̀ та́мѡ человѣ́къ, и҆ рꙋка̀ є҆мꙋ̀ десна́ѧ бѣ̀ сꙋха̀. з҃ Назира́хꙋ же кни́жницы и҆ фарїсе́и, а҆́ще въ сꙋббѡ́тꙋ и҆сцѣли́тъ, да ѡ҆брѧ́щꙋтъ рѣ́чь на́нь. и҃ Ѻ҆́нъ же вѣ́дѧше помышлє́нїѧ и҆́хъ, и҆ речѐ человѣ́кꙋ и҆мꙋ́щемꙋ сꙋ́хꙋ рꙋ́кꙋ: воста́ни, и҆ ста́ни посредѣ̀. ѻ҆́нъ же воста́въ, ста̀. ѳ҃ Рече́ же і҆и҃съ къ ни́мъ: вопрошꙋ̀ вы̀, что̀ досто́итъ въ сꙋббѡ́ты, добро̀ твори́ти, и҆лѝ (л. р҃з) ѕло̀ твори́ти; дꙋ́шꙋ спастѝ, и҆лѝ погꙋби́ти; ѻ҆ни́ же ᲂу҆молча́ша. і҃ И҆ воззрѣ́въ на всѧ̑ и҆̀хъ, речѐ є҆мꙋ̀: прострѝ рꙋ́кꙋ твою̀. ѻ҆́нъ же сотворѝ та́кѡ: и҆ ᲂу҆тверди́сѧ рꙋка̀ є҆гѡ̀ здра́ва ꙗ҆́кѡ дрꙋга́ѧ.

Коне́цъ сꙋббѡ́тѣ.

а҃і Ѻ҆ни́ же и҆спо́лнишасѧ безꙋ́мїѧ, и҆ глаго́лахꙋ дрꙋ́гъ ко дрꙋ́гꙋ: что̀ бы́ша сотвори́ли і҆и҃сови;

(заⷱ҇ к҃г) [ѕ҃і] в҃і Бы́сть же во днѝ ты́ѧ, и҆зы́де Четверто́къ ѳ҃і недѣ́ли: Во вре́мѧ ѻ҆́но, и҆зы́де і҆и҃съ въ го́рꙋ помоли́тисѧ, и҆ бѣ̀ ѡ҆бно́щь въ моли́твѣ бж҃їи. г҃і И҆ є҆гда̀ бы́сть де́нь, призва̀ ᲂу҆ченикѝ своѧ̑, и҆ и҆збра̀ ѿ ни́хъ двана́десѧте, и҆̀хже и҆ а҆пⷭ҇лы наречѐ: д҃і Сі́мѡна, є҆го́же и҆менова̀ петра̀, и҆ а҆ндре́а бра́та є҆гѡ̀: і҆а́кѡва и҆ і҆ѡа́нна: фїлі́ппа и҆ варѳоломе́а: є҃і Матѳе́а и҆ ѳѡмꙋ̀: і҆а́кѡва а҆лфе́ева и҆ сі́мѡна нарица́емаго зилѡ́та: ѕ҃і І҆ꙋ́дꙋ і҆а́кѡвлѧ, и҆ і҆ꙋ́дꙋ і҆скарїѡ́тскаго, и҆́же и҆ бы́сть преда́тель.

(заⷱ҇ к҃д) з҃і И҆зше́дъ съ ни́ми, ста̀ ꙳꙳ Пѧто́къ ѳ҃і недѣ́ли: Во вре́мѧ ѻ҆́но, ста̀ і҆и҃съ ꙳꙳ Сїе́ же и҆ преподѡ́бнымъ. на мѣ́стѣ ра́внѣ, и҆ наро́дъ ᲂу҆чєни́къ є҆гѡ̀, и҆ мно́жество мно́го люде́й ѿ всеѧ̀ і҆ꙋде́и, и҆ і҆ерꙋсали́ма, и҆ помо́рїѧ тѵ́рска и҆ сїдѡ́нска: и҃і И҆̀же прїидо́ша послꙋ́шати є҆гѡ̀, и҆ и҆сцѣли́тисѧ ѿ недꙋ̑гъ свои́хъ, и҆ стра́ждꙋщїи ѿ дꙋ̑хъ нечи́стыхъ, и҆ и҆сцѣлѧ́хꙋсѧ. ѳ҃і И҆ ве́сь наро́дъ и҆ска́ше прикаса́тисѧ є҆мꙋ̀: ꙗ҆́кѡ си́ла ѿ негѡ̀ и҆схожда́ше, и҆ и҆сцѣлѧ́ше всѧ̑.

Коне́цъ четверткꙋ̀. (л. р҃з ѡ҆б.)

к҃ И҆ то́й возве́дъ ѻ҆́чи своѝ на ᲂу҆ченикѝ своѧ̀, глаго́лаше: [з҃і] блаже́ни ни́щїи дх҃омъ, ꙗ҆́кѡ ва́ше є҆́сть црⷭ҇твїе бж҃їе. к҃а Блаже́ни а҆́лчꙋщїи ны́нѣ, ꙗ҆́кѡ насы́титесѧ. блаже́ни пла́чꙋщїи ны́нѣ, ꙗ҆́кѡ возсмѣе́тесѧ. к҃в Блаже́ни бꙋ́дете, є҆гда̀ возненави́дѧтъ ва́съ человѣ́цы, и҆ є҆гда̀ разлꙋча́тъ вы̀, и҆ поно́сѧтъ, и҆ пронесꙋ́тъ и҆́мѧ ва́ше ꙗ҆́кѡ ѕло̀, сн҃а человѣ́ческагѡ ра́ди. к҃г Возра́дꙋйтесѧ въ то́й де́нь и҆ взыгра́йте: се́ бо мзда̀ ва́ша мно́га на небесѝ.

Коне́цъ пѧткꙋ̀ и҆ преподѡ́бнымъ.

по си̑мъ бо творѧ́хꙋ проро́кѡмъ ѻ҆тцы̀ и҆́хъ.

(заⷱ҇ к҃є) к҃д Ѻ҆ба́че Понедѣ́льникъ к҃ недѣ́ли: Речѐ гдⷭ҇ь ко прише́дшымъ къ немꙋ̀ і҆ꙋде́ѡмъ: го́ре ва́мъ бога̑тымъ, ꙾ꙗ҆́кѡ ѿстоитѐ ᲂу҆тѣше́нїѧ ва́шегѡ꙾꙾ꙗ҆́кѡ воспрїе́млете ᲂу҆тѣше́нїе ва́ше꙾. к҃ѕ Го́ре ва́мъ насыще́ннїи ны́нѣ, ꙗ҆́кѡ вза́лчете: го́ре ва́мъ смѣю́щымсѧ ны́нѣ, ꙗ҆́кѡ возрыда́ете и҆ воспла́чете. к҃ѕ Го́ре, є҆гда̀ до́брѣ рекꙋ́тъ ва́мъ всѝ человѣ́цы: по си̑мъ бо творѧ́хꙋ лжепроро́кѡмъ ѻ҆тцы̀ и҆́хъ. к҃з Но ва́мъ глаго́лю слы́шащымъ: люби́те врагѝ ва́шѧ, добро̀ твори́те ненави́дѧщымъ ва́съ: к҃и Благослови́те кленꙋ́щыѧ вы̀, и҆ моли́тесѧ за творѧ́щихъ ва́мъ ѻ҆би́дꙋ. к҃ѳ Бїю́щемꙋ тѧ̀ въ лани́тꙋ, пода́ждь и҆ дрꙋгꙋ́ю: и҆ ѿ взима́ющагѡ тѝ ри́зꙋ, и҆ срачи́цꙋ не возбранѝ. л҃ Всѧ́комꙋ же просѧ́щемꙋ ᲂу҆ тебѐ да́й, и҆ ѿ взима́ющагѡ твоѧ̑ не и҆стѧзꙋ́й.

Коне́цъ понедѣ́льникꙋ. (л. р҃и)

(заⷱ҇ к҃ѕ) л҃а И҆ ꙗ҆́коже Недѣ́лѧ ѳ҃і: Речѐ гдⷭ҇ь: ꙗ҆́коже хо́щете да творѧ́тъ ва́мъ человѣ́цы, и҆ вы̀ твори́те и҆̀мъ та́кожде. л҃в И҆ а҆́ще лю́бите лю́бѧщыѧ вы̀, ка́ѧ ва́мъ благода́ть є҆́сть; и҆́бо и҆ грѣ́шницы лю́бѧщыѧ и҆́хъ лю́бѧтъ. л҃г И҆ а҆́ще благотворитѐ благотворѧ́щымъ ва́мъ, ка́ѧ ва́мъ благода́ть є҆́сть; и҆́бо и҆ грѣ́шницы то́жде творѧ́тъ. л҃д И҆ а҆́ще взаи́мъ даетѐ, ѿ ни́хже ча́ете воспрїѧ́ти, ка́ѧ ва́мъ благода́ть є҆́сть; и҆́бо и҆ грѣ́шницы грѣ́шникѡмъ взаи́мъ дава́ютъ, да воспрїи́мꙋтъ ра̑внаѧ. л҃є Ѻ҆ба́че люби́те врагѝ ва́шѧ, и҆ благотвори́те, и҆ взаи́мъ да́йте, ничесѡ́же ча́юще. и҆ бꙋ́детъ мзда̀ ва́ша мно́га, и҆ бꙋ́дете сы́нове вы́шнѧгѡ: ꙗ҆́кѡ то́й бл҃гъ є҆́сть на ꙾безблагода̑тныѧ꙾꙾неблагода̑рныѧ꙾ и҆ ѕлы̑ѧ. л҃ѕ Бꙋ́дите ᲂу҆́бѡ милосе́рди, ꙗ҆́коже и҆ ѻ҆ц҃ъ ва́шъ милосе́рдъ є҆́сть.

Коне́цъ недѣ́ли.

(заⷱ҇ к҃з) л҃з И҆ не сꙋди́те, ꙳꙳ Вто́рникъ к҃ недѣ́ли: Речѐ гдⷭ҇ь: не сꙋди́те ꙳꙳ и҆ не сꙋ́дѧтъ ва́мъ: и҆ не ѡ҆сꙋжда́йте, да не ѡ҆сꙋжде́ни бꙋ́дете: ѿпꙋща́йте, и҆ ѿпꙋ́стѧтъ ва́мъ. л҃и Да́йте, и҆ да́стсѧ ва́мъ: мѣ́рꙋ добрꙋ̀, натка́нꙋ, и҆ потрѧ́снꙋ, и҆ прелива́ющꙋсѧ дадѧ́тъ на ло́но ва́ше: то́ю бо мѣ́рою, є҆́юже мѣ́рите, возмѣ́ритсѧ ва́мъ. л҃ѳ Рече́ же при́тчꙋ и҆̀мъ: є҆да̀ мо́жетъ слѣпе́цъ слѣпца̀ води́ти; не ѻ҆́ба ли въ ꙗ҆́мꙋ впаде́тасѧ; м҃ Нѣ́сть ᲂу҆чени́къ над̾ ᲂу҆чи́телемъ свои́мъ: соверше́нъ же всѧ́къ бꙋ́детъ ꙗ҆́коже и҆ ᲂу҆чи́тель є҆гѡ̀. м҃а Что́ же ви́диши сꙋче́цъ, и҆́же є҆́сть во ѻ҆чесѝ бра́та твоегѡ̀: бервна́ (л. р҃и ѡ҆б.) же, є҆́же є҆́сть во ѻ҆чесѝ твое́мъ, не чꙋ́еши; м҃в И҆лѝ ка́кѡ мо́жеши рещѝ бра́тꙋ твоемꙋ̀: бра́те, ѡ҆ста́ви, да и҆змꙋ̀ сꙋче́цъ, и҆́же є҆́сть во ѻ҆чесѝ твое́мъ, са́мъ сꙋ́щагѡ во ѻ҆чесѝ твое́мъ бервна̀ не ви́дѧ; лицемѣ́ре, и҆змѝ пе́рвѣе бервно̀ и҆з̾ ѻ҆чесѐ твоегѡ̀, и҆ тогда̀ про́зриши и҆з̾ѧ́ти сꙋче́цъ и҆з̾ ѻ҆чесѐ бра́та твоегѡ̀. м҃г Нѣ́сть бо дре́во добро̀, творѧ̀ плода̀ ѕла̀: нижѐ дре́во ѕло̀, творѧ̀ плода̀ добра̀. м҃д Всѧ́ко бо дре́во ѿ плода̀ своегѡ̀ позна́етсѧ: не ѿ те́рнїѧ бо че́шꙋтъ смѡ́квы, ни ѿ кꙋпины̀ є҆́млютъ грѡ́здїѧ. м҃є Благі́й человѣ́къ ѿ блага́гѡ сокро́вища се́рдца своегѡ̀ и҆зно́ситъ благо́е: и҆ ѕлы́й человѣ́къ ѿ ѕла́гѡ сокро́вища се́рдца своегѡ̀ и҆зно́ситъ ѕло́е: ѿ и҆збы́тка бо се́рдца глаго́лютъ ᲂу҆ста̀ є҆гѡ̀.

Коне́цъ вто́рникꙋ.

(заⷱ҇ к҃и) м҃ѕ Что́ же мѧ̀ Среда̀ к҃ недѣ́ли: Речѐ гдⷭ҇ь: что́ мѧ зоветѐ: гдⷭ҇и, гдⷭ҇и, и҆ не творитѐ, ꙗ҆̀же глаго́лю; м҃з Всѧ́къ грѧды́й ко мнѣ̀, и҆ слы́шай словеса̀ моѧ̀, и҆ творѧ̀ ѧ҆̀, скажꙋ̀ ва́мъ, комꙋ̀ є҆́сть подо́бенъ. м҃и Подо́бенъ: є҆́сть человѣ́кꙋ зи́ждꙋщꙋ хра́минꙋ, и҆́же и҆скопа̀, и҆ ᲂу҆глꙋбѝ, и҆ положѝ ѡ҆снова́нїе на ка́мени: наводне́нїю же бы́вшꙋ, припадѐ рѣка̀ хра́минѣ то́й, и҆ не мо́же поколеба́ти є҆ѧ̀, ѡ҆снована́ бо бѣ̀ на ка́мени. м҃ѳ Слы́шавый же, и҆ не сотвори́вый, подо́бенъ є҆́сть человѣ́кꙋ, созда́вшемꙋ хра́минꙋ на землѝ без̾ ѡ҆снова́нїѧ: є҆́йже припадѐ рѣка̀, и҆ а҆́бїе паде́сѧ, и҆ бы́сть разрꙋше́нїе хра́мины тоѧ̀ ве́лїе. (л. р҃ѳ)

Глава̀ з҃.

(заⷱ҇ к҃ѳ) а҃ Є҆гда́ же сконча̀ всѧ̀ глаго́лы своѧ̀ въ слꙋ́хи лю́демъ, вни́де Сꙋббѡ́та к҃в недѣ́ли: Во вре́мѧ ѻ҆́но, вни́де і҆и҃съ въ капернаꙋ́мъ.

Коне́цъ средѣ̀.

[и҃і] в҃ Со́тникꙋ же нѣ́коемꙋ ра́бъ болѧ̀ ѕлѣ̀, ꙾хотѧ́ше꙾꙾и҆мѣ́ѧше꙾ ᲂу҆мре́ти, и҆́же бѣ̀ є҆мꙋ̀ че́стенъ. г҃ Слы́шавъ же ѡ҆ і҆и҃сѣ, посла̀ къ немꙋ̀ ста́рцы і҆ꙋде́йскїѧ, молѧ̀ є҆го̀, ꙗ҆́кѡ да прише́дъ спасе́тъ раба̀ є҆гѡ̀. д҃ Ѻ҆ни́ же прише́дше ко і҆и҃сови, молѧ́хꙋ є҆го̀ то́щнѡ, глаго́люще: ꙗ҆́кѡ досто́инъ є҆́сть, є҆́же а҆́ще да́си є҆мꙋ̀: є҃ Лю́битъ бо ꙗ҆зы́къ на́шъ, и҆ со́нмище то́й созда̀ на́мъ. ѕ҃ І҆и҃съ же и҆дѧ́ше съ ни́ми. є҆ще́ же є҆мꙋ̀ не дале́че сꙋ́щꙋ ѿ хра́мины, посла̀ къ немꙋ̀ со́тникъ дрꙋ́ги, глаго́лѧ є҆мꙋ̀: гдⷭ҇и, не дви́жисѧ: нѣ́смь бо досто́инъ, да под̾ кро́въ мо́й вни́деши. з҃ Тѣ́мже ни себѐ досто́йна сотвори́хъ прїитѝ къ тебѣ̀: но рцы̀ сло́во, и҆ и҆сцѣлѣ́етъ ѻ҆́трокъ мо́й. и҃ И҆́бо и҆ а҆́зъ человѣ́къ є҆́смь под̾ влады́кою ᲂу҆чине́нъ, и҆мѣ́ѧ под̾ собо́ю во́ины, и҆ глаго́лю семꙋ̀: и҆дѝ, и҆ и҆́детъ, и҆ дрꙋго́мꙋ: прїидѝ, и҆ прїи́детъ. и҆ рабꙋ̀ моемꙋ̀: сотворѝ сїѐ, и҆ сотвори́тъ. ѳ҃ Слы́шавъ же сїѧ̑ і҆и҃съ чꙋди́сѧ є҆мꙋ̀, и҆ ѡ҆бра́щсѧ, и҆дꙋ́щемꙋ по не́мъ наро́дꙋ речѐ: глаго́лю ва́мъ, ни во і҆и҃ли толи́ки вѣ́ры ѡ҆брѣто́хъ. і҃ И҆ возвра́щшесѧ по́сланнїи, ѡ҆брѣто́ша болѧ́щаго раба̀ и҆сцѣлѣ́вша.

Коне́цъ сꙋббѡ́тѣ. (л. р҃ѳ ѡ҆б.)

(заⷱ҇ л҃) [ѳ҃і] а҃і И҆ бы́сть посе́мъ, и҆дѧ́ше Недѣ́лѧ к҃: Во вре́мѧ ѻ҆́но, и҆дѧ́ше і҆и҃съ во гра́дъ нарица́емый наі́нъ: и҆ съ ни́мъ и҆дѧ́хꙋ ᲂу҆ченицы̀ є҆гѡ̀ мно́зи, и҆ наро́дъ мно́гъ. в҃і Ꙗ҆́коже прибли́жисѧ ко вратѡ́мъ гра́да, и҆ сѐ и҆зноша́хꙋ ᲂу҆ме́рша сы́на є҆диноро́дна ма́тери свое́й, и҆ та̀ бѣ̀ вдова̀: и҆ наро́дъ ѿ гра́да мно́гъ съ не́ю. г҃і И҆ ви́дѣвъ ю҆̀ гдⷭ҇ь, милосе́рдова ѡ҆ не́й, и҆ речѐ є҆́й: не пла́чи. д҃і И҆ пристꙋ́пль коснꙋ́сѧ во ѻ҆́дръ, носѧ́щїи же ста́ша. и҆ речѐ: ю҆́ноше, тебѣ̀ глаго́лю, воста́ни. є҃і И҆ сѣ́де ме́ртвый, и҆ нача́тъ глаго́лати: и҆ дадѐ є҆го̀ ма́тери є҆гѡ̀. ѕ҃і Прїѧ́тъ же стра́хъ всѧ̑, и҆ сла́влѧхꙋ бг҃а, глаго́люще: ꙗ҆́кѡ проро́къ ве́лїй воста̀ въ на́съ, и҆ ꙗ҆́кѡ посѣтѝ бг҃ъ люде́й свои́хъ.

Коне́цъ недѣ́ли.

(заⷱ҇ л҃а) [к҃] з҃і И҆ и҆зы́де сло́во сїѐ по все́й і҆ꙋде́и ѡ҆ не́мъ, ꙳꙳ Четверто́къ к҃ недѣ́ли: Во вре́мѧ ѻ҆́но, и҆зы́де сло́во ѡ҆ і҆и҃сѣ по все́й і҆ꙋде́и, ꙳꙳ Сїе́ же и҆ въ г҃-їе ѡ҆брѣ́тенїе главы̀ і҆ѡа́нна предте́чи. и҆ по все́й странѣ̀. и҃і И҆ возвѣсти́ша і҆ѡа́ннꙋ ᲂу҆ченицы̀ є҆гѡ̀ ѡ҆ всѣ́хъ си́хъ. и҆ призва́въ два̀ нѣ́каѧ ѿ ᲂу҆чєни́къ свои́хъ і҆ѡа́ннъ, ѳ҃і Посла̀ ко і҆и҃сꙋ, глаго́лѧ: ты́ ли є҆сѝ грѧды́й, и҆лѝ и҆но́гѡ ча́емъ; к҃ Прише́дша же къ немꙋ̀ мꙋ̑жа, рѣ́ста: і҆ѡа́ннъ крести́тель посла̀ на́съ къ тебѣ̀, глаго́лѧ: ты́ ли є҆сѝ грѧды́й, и҆лѝ и҆но́гѡ ча́емъ; к҃а Въ то́й же ча́съ и҆сцѣлѝ мнѡ́ги ѿ недꙋ̑гъ, и҆ ра́нъ, и҆ дꙋ̑хъ ѕлы́хъ: и҆ мнѡ́гимъ слѣпы̑мъ дарова̀ прозрѣ́нїе. к҃в И҆ ѿвѣща́въ і҆и҃съ речѐ и҆́ма: ше́дша возвѣсти́та (л. р҃і) і҆ѡа́ннꙋ, ꙗ҆̀же ви́дѣста и҆ слы́шаста: ꙗ҆́кѡ слѣпі́и прозира́ютъ, хро́мїи хо́дѧтъ, прокаже́ннїи ѡ҆чища́ютсѧ, глꙋсі́и слы́шатъ, ме́ртвїи востаю́тъ, ни́щїи благовѣствꙋ́ютъ. к҃г И҆ блаже́нъ є҆́сть, и҆́же а҆́ще не соблазни́тсѧ ѡ҆ мнѣ̀. к҃д Ѿше́дшема же ᲂу҆ченико́ма і҆ѡа́нновома, нача́тъ глаго́лати къ наро́дѡмъ ѡ҆ і҆ѡа́ннѣ: чесѡ̀ и҆зыдо́сте въ пꙋсты́ню ви́дѣти; тро́сть ли вѣ́тромъ коле́блемь; к҃є Но чесѡ̀ и҆зыдо́сте ви́дѣти; человѣ́ка ли въ мѧ́кки ри̑зы ѡ҆дѣ́ѧна; сѐ и҆́же во ѻ҆де́жди сла́внѣй, и҆ пи́щи сꙋ́щїи, ꙾во ца́рствїи꙾꙾во дво́рѣхъ ца́рскихъ꙾ сꙋ́ть. к҃ѕ Но чесѡ̀ и҆зыдо́сте ви́дѣти; проро́ка ли; є҆́й, глаго́лю ва́мъ, и҆ ли́шше проро́ка. к҃з Се́й бо є҆́сть, ѡ҆ не́мже пи́сано є҆́сть: сѐ а҆́зъ послю̀ а҆́гг҃ла моего̀ пред̾ лице́мъ твои́мъ, и҆́же ᲂу҆стро́итъ пꙋ́ть тво́й пред̾ тобо́ю. к҃и Глаго́лю бо ва́мъ: бо́лїй въ рожде́нныхъ жена́ми проро́къ і҆ѡа́нна крести́телѧ никто́же є҆́сть: мні́й же, во црⷭ҇твїи бж҃їи бо́лїй є҆гѡ̀ є҆́сть. к҃ѳ И҆ всѝ лю́дїе слы́шавше, и҆ мытарі́е ѡ҆правди́ша бг҃а кре́щшесѧ креще́нїемъ і҆ѡа́нновымъ. л҃ Фарїсе́є же и҆ зако́нницы совѣ́тъ бж҃їй ѿверго́ша въ себѣ̀, не кре́щшесѧ ѿ негѡ̀.

Коне́цъ четверткꙋ̀ и҆ і҆ѡа́ннꙋ.

(заⷱ҇ л҃в) л҃а Рече́ же гдⷭ҇ь: комꙋ̀ ᲂу҆́бѡ Пѧто́къ к҃ недѣ́ли: Речѐ гдⷭ҇ь: комꙋ̀ ᲂу҆подо́блю человѣ́ки ро́да сегѡ̀, и҆ комꙋ̀ сꙋ́ть подо́бни; л҃в Подо́бни сꙋ́ть ѻ҆́трочищємъ, сѣдѧ́щымъ на то́ржищахъ, и҆ приглаша́ющымъ дрꙋ́гъ дрꙋ́га, и҆ глаго́лющымъ: писка́хомъ ва́мъ, и҆ не плѧса́сте: рыда́хомъ ва́мъ, и҆ не пла́касте. (л. р҃і ѡ҆б.) л҃г Прїи́де бо і҆ѡа́ннъ крести́тель, ни хлѣ́ба ꙗ҆ды́й, ни вїна̀ пїѧ̀, и҆ глаго́лете: бѣ́съ и҆́мать. л҃д Прїи́де сн҃ъ человѣ́ческїй, ꙗ҆ды́й и҆ пїѧ̀, и҆ глаго́лете: се́й чл҃вѣ́къ ꙗ҆́дца и҆ вїнопі́йца, дрꙋ́гъ мытарє́мъ и҆ грѣ́шникѡмъ. л҃є И҆ ѡ҆правди́сѧ премꙋ́дрость ѿ ча̑дъ свои́хъ всѣ́хъ.

Коне́цъ пѧткꙋ̀.

(заⷱ҇ л҃г) [к҃а] л҃ѕ Молѧ́ше же є҆го̀ Понедѣ́льникъ к҃а недѣ́ли: Во вре́мѧ ѻ҆́но, молѧ́ше і҆и҃са ꙳ Сїѐ и҆ мꙋ́ченицамъ. нѣ́кїй ѿ фарїсє́й, да бы̀ ꙗ҆́лъ съ ни́мъ: и҆ вше́дъ въ до́мъ фарїсе́овъ, возлежѐ. л҃з И҆ сѐ жена̀ во гра́дѣ, ꙗ҆́же бѣ̀ грѣ́шница, и҆ ᲂу҆вѣ́дѣвши, ꙗ҆́кѡ возлежи́тъ во хра́минѣ фарїсе́овѣ, прине́сши а҆лава́стръ мѵ́ра, л҃и И҆ ста́вши при ногꙋ̀ є҆гѡ̀ созадѝ пла́чꙋщисѧ, нача́тъ ᲂу҆мыва́ти но́зѣ є҆гѡ̀ слеза́ми, и҆ власы̀ главы̀ своеѧ̀ ѡ҆тира́ше, и҆ ѡ҆блобыза́ше но́зѣ є҆гѡ̀, и҆ ма́заше мѵ́ромъ. л҃ѳ Ви́дѣвъ же фарїсе́й возва́вый є҆го̀, речѐ въ себѣ̀, глаго́лѧ: се́й а҆́ще бы бы́лъ проро́къ, вѣ́дѣлъ бы, кто̀ и҆ какова̀ жена̀ прикаса́етсѧ є҆мꙋ̀, ꙗ҆́кѡ грѣ́шница є҆́сть. м҃ И҆ ѿвѣща́въ і҆и҃съ речѐ къ немꙋ̀: сі́мѡне, и҆́мамъ тѝ нѣ́что рещѝ. ѻ҆́нъ же речѐ: ᲂу҆чи́телю, рцы̀. і҆и҃съ же речѐ: м҃а Два̀ должника̀ бѣ́ста заимода́вцꙋ нѣ́коемꙋ, є҆ди́нъ бѣ̀ до́лженъ пѧтїю́сѡтъ дина́рїй, дрꙋгі́й же пѧтїю́десѧть. м҃в Не и҆мꙋ́щема же и҆́ма возда́ти, ѻ҆бѣ́ма ꙾ѿда̀꙾꙾ѡ҆ста́ви꙾: кото́рый ᲂу҆́бѡ є҆ю̀, рцы̀, па́че возлю́битъ є҆го̀; м҃г Ѿвѣща́въ же сі́мѡнъ речѐ: мню̀, ꙗ҆́кѡ є҆мꙋ́же вѧ́щше ꙳ѿда̀꙳꙳ѡ҆ста́ви꙳. ѻ҆́нъ же речѐ є҆мꙋ̀: пра́вѡ сꙋди́лъ є҆сѝ. (л. ра҃і) м҃д И҆ ѡ҆бра́щсѧ къ женѣ̀, сі́мѡнови речѐ: ви́диши ли сїю̀ женꙋ̀; внидо́хъ въ до́мъ тво́й, воды̀ на но́зѣ моѝ не дадѐ: сїѧ́ же слеза́ми ѡ҆блїѧ́ ми но́зѣ, и҆ власы̀ главы̀ своеѧ̀ ѡ҆трѐ. м҃є Лобза́нїѧ мѝ не дадѐ: сїѧ́ же ѿне́лиже внидо́хъ, не преста̀ ѡ҆блобыза́ющи мѝ но́зѣ. м҃ѕ Ма́сломъ главы̀ моеѧ̀ не пома́за: сїѧ́ же мѵ́ромъ пома́за мѝ но́зѣ. м҃з Є҆гѡ́же ра́ди глаго́лю тѝ: ѿпꙋща́ютсѧ грѣсѝ є҆ѧ̀ мно́зи, ꙗ҆́кѡ возлюбѝ мно́гѡ: а҆ є҆мꙋ́же ма́лѡ ѡ҆ставлѧ́етсѧ, ме́ньше лю́битъ. м҃и Рече́ же є҆́й: ѿпꙋща́ютсѧ тебѣ̀ грѣсѝ. м҃ѳ И҆ нача́ша возлежа́щїи съ ни́мъ глаго́лати въ себѣ̀: кто̀ се́й є҆́сть, и҆́же и҆ грѣхѝ ѿпꙋща́етъ; н҃ Рече́ же къ женѣ̀: вѣ́ра твоѧ̀ спасе́ тѧ, и҆дѝ въ ми́рѣ.

Коне́цъ понедѣ́льникꙋ, и҆ мꙋ́ченицамъ.

Глава̀ и҃.

(заⷱ҇ л҃д) а҃ И҆ бы́сть посе́мъ, и҆ то́й прохожда́ше Вто́рникъ к҃а недѣ́ли: Во вре́мѧ ѻ҆́но, прохожда́ше і҆и҃съ сквозѣ̀ гра́ды и҆ вє́си, проповѣ́дꙋѧ и҆ благовѣствꙋ́ѧ ца́рствїе бж҃їе: и҆ ѻ҆бана́десѧте съ ни́мъ. в҃ И҆ жєны̀ нѣ́кїѧ, ꙗ҆̀же бѧ́хꙋ и҆сцѣле́ны ѿ дꙋхѡ́въ ѕлы́хъ и҆ недꙋ̑гъ: марі́а нарица́емаѧ магдали́на, и҆з̾ неѧ́же бѣсѡ́въ се́дмь и҆зы́де: г҃ И҆ і҆ѡа́нна жена̀ хꙋза́нѧ, приста́вника и҆́рѡдова: и҆ сꙋса́нна, и҆ и҆́ны мнѡ́ги, ꙗ҆̀же слꙋжа́хꙋ є҆мꙋ̀ ѿ и҆мѣ́нїй свои́хъ.

Коне́цъ вто́рникꙋ.

д҃ Разꙋмѣва́ющꙋ же наро́дꙋ мно́гꙋ, и҆ ѿ всѣ́хъ градѡ́въ грѧдꙋ́щымъ къ немꙋ̀, речѐ при́тчꙋ: (л. ра҃і ѡ҆б.)

(заⷱ҇ л҃є) [к҃в] є҃ Недѣ́лѧ к҃а: Речѐ гдⷭ҇ь при́тчꙋ сїю̀: И҆зы́де сѣ́ѧй сѣ́ѧти сѣ́мене своегѡ̀: и҆ є҆гда̀ сѣ́ѧше, ѻ҆́во падѐ при пꙋтѝ, и҆ попра́но бы́сть, и҆ пти́цы нбⷭ҇ныѧ позоба́ша є҆̀. ѕ҃ А҆ дрꙋго́е падѐ на ка́мени, и҆ прозѧ́бъ ᲂу҆́сше, занѐ не и҆мѣ́ѧше вла́ги. з҃ И҆ дрꙋго́е падѐ посредѣ̀ те́рнїѧ: и҆ возрастѐ те́рнїе и҆ подавѝ є҆̀. и҃ Дрꙋго́е же падѐ на землѝ бла́зѣ, и҆ прозѧ́бъ сотворѝ пло́дъ стори́цею. Сїѧ̑ глаго́лѧ возгласѝ: и҆мѣ́ѧй ᲂу҆́ши слы́шати, да слы́шитъ. ѳ҃ Вопроша́хꙋ же є҆го̀ ᲂу҆ченицы̀ є҆гѡ̀, глаго́люще: что́ є҆сть при́тча сїѧ̀; і҃ Ѻ҆́нъ же речѐ: ва́мъ є҆́сть дано̀ вѣ́дати та̑йны црⷭ҇твїѧ бж҃їѧ: про́чымъ же въ при́тчахъ, да ви́дѧще не ви́дѧтъ, и҆ слы́шаще не разꙋмѣ́ютъ. а҃і Є҆́сть же сїѧ̀ при́тча: сѣ́мѧ є҆́сть сло́во бж҃їе. в҃і А҆ и҆̀же при пꙋтѝ, сꙋ́ть слы́шащїи: пото́мъ же прихо́дитъ дїа́волъ, и҆ взе́млетъ сло́во ѿ се́рдца и҆́хъ, да не вѣ́ровавше спасꙋ́тсѧ. г҃і А҆ и҆̀же на ка́мени, и҆̀же є҆гда̀ ᲂу҆слы́шатъ, съ ра́достїю прїе́млютъ сло́во: и҆ сі́и ко́рене не и҆́мꙋтъ, и҆̀же во вре́мѧ вѣ́рꙋютъ, и҆ во вре́мѧ напа́сти ѿпа́даютъ. д҃і А҆ є҆́же въ те́рнїи па́дшее, сі́и сꙋ́ть слы́шавшїи, и҆ ѿ печа́ли и҆ бога́тства, и҆ сластьмѝ жите́йскими ходѧ́ще, подавлѧ́ютсѧ, и҆ не сверша́ютъ плода̀. є҃і А҆ и҆̀же на до́брѣй землѝ, сі́и сꙋ́ть, и҆̀же до́брымъ се́рдцемъ и҆ бл҃ги́мъ слы́шавше сло́во держа́тъ, и҆ пло́дъ творѧ́тъ въ терпѣ́нїи. сїѧ̑ глаго́лѧ, возгласѝ: и҆мѣ́ѧй ᲂу҆́ши слы́шати, да слы́шитъ.

Коне́цъ недѣ́ли. (л. рв҃і)

(заⷱ҇ л҃ѕ) ѕ҃і Никто́же ᲂу҆́бѡ Сꙋббѡ́та к҃г недѣ́ли: Речѐ гдⷭ҇ь: никто́же ꙳ Сїе́ же и҆ ст҃ѣ́й а҆́ннѣ. свѣти́льника вже́гъ, покрыва́етъ є҆го̀ сосꙋ́домъ, и҆лѝ под̾ ѻ҆́дръ подлага́етъ: но на свѣ́щникъ возлага́етъ, да входѧ́щїи ви́дѧтъ свѣ́тъ. з҃і Нѣ́сть бо та́йно, є҆́же не ꙗ҆вле́но бꙋ́детъ, нижѐ ᲂу҆тае́но, є҆́же не позна́етсѧ, и҆ въ ꙗ҆вле́нїе прїи́детъ. и҃і Блюди́тесѧ ᲂу҆́бѡ, ка́кѡ слы́шите. и҆́же бо и҆́мать, да́стсѧ є҆мꙋ̀: и҆ и҆́же а҆́ще не и҆́мать, и҆ є҆́же мни́тсѧ и҆мѣ́ѧ, во́з̾метсѧ ѿ негѡ̀. ѳ҃і Прїидо́ша же къ немꙋ̀ мт҃и и҆ бра́тїѧ є҆гѡ̀, и҆ не можа́хꙋ бесѣ́довати къ немꙋ̀ наро́да ра́ди. к҃ И҆ возвѣсти́ша є҆мꙋ̀, глаго́люще: мт҃и твоѧ̀ и҆ бра́тїѧ твоѧ̀ внѣ̀ стоѧ́тъ, ви́дѣти тѧ̀ хотѧ́ще. к҃а Ѻ҆́нъ же ѿвѣща́въ речѐ къ ни́мъ: мт҃и моѧ̀, и҆ бра́тїѧ моѧ̀ сі́и сꙋ́ть, слы́шащїи сло́во бж҃їе, и҆ творѧ́ще є҆̀.

Коне́цъ сꙋббѡ́тѣ.

(заⷱ҇ л҃з) [к҃г] к҃в И҆ бы́сть во є҆ди́нъ ѿ дні́й, то́й влѣ́зе ꙳꙳ Среда̀ к҃а недѣ́ли: Во вре́мѧ ѻ҆́но, влѣ́зъ і҆и҃съ ꙳꙳ въ кора́бль, и҆ ᲂу҆ченицы̀ є҆гѡ̀, и҆ речѐ къ ни́мъ: пре́йдемъ на ѻ҆́нъ по́лъ є҆́зера. и҆ поидо́ша. к҃г И҆дꙋ́щымъ же и҆̀мъ, ᲂу҆́спе: и҆ сни́де бꙋ́рѧ вѣ́тренаѧ въ є҆́зеро: и҆ скончава́хꙋсѧ, и҆ въ бѣдѣ̀ бѣ́хꙋ. к҃д И҆ пристꙋ́пльше воздвиго́ша є҆го̀, глаго́люще: наста́вниче, наста́вниче, погиба́емъ. ѻ҆́нъ же воста́въ запретѝ вѣ́трꙋ, и҆ волне́нїю водно́мꙋ: и҆ ᲂу҆лего́ста, и҆ бы́сть тишина̀. к҃є Рече́ же и҆̀мъ: гдѣ́ є҆сть вѣ́ра ва́ша; ᲂу҆боѧ́вшесѧ же (л. рв҃і ѡ҆б.) чꙋди́шасѧ, глаго́люще дрꙋ́гъ ко дрꙋ́гꙋ: кто̀ ᲂу҆́бѡ се́й є҆́сть, ꙗ҆́кѡ и҆ вѣ́трѡмъ повелѣва́етъ, и҆ водѣ̀, и҆ послꙋ́шаютъ є҆гѡ̀;

Коне́цъ средѣ̀.

(заⷱ҇ л҃и) [к҃д] к҃ѕ И҆ прїидо́ша во странꙋ̀ гадари́нскꙋ, Недѣ́лѧ к҃г: Во вре́мѧ ѻ҆́но, прише́дшꙋ і҆и҃сꙋ во странꙋ̀ гадари́нскꙋ, ꙗ҆́же є҆́сть ѡ҆б̾ ѻ҆́нъ по́лъ галїле́и. к҃з И҆зше́дшꙋ же є҆мꙋ̀ на зе́млю, срѣ́те є҆го̀ мꙋ́жъ нѣ́кїй ѿ гра́да, и҆́же и҆мѧ́ше бѣ́сы ѿ лѣ́тъ мно́гихъ, и҆ въ ри́зꙋ не ѡ҆блача́шесѧ, и҆ во хра́мѣ не живѧ́ше, но во гробѣ́хъ. к҃и Оу҆зрѣ́въ же і҆и҃са, и҆ возопи́въ, припадѐ къ немꙋ̀, и҆ гла́сомъ ве́лїимъ речѐ: что̀ мнѣ̀ и҆ тебѣ̀, і҆и҃се сн҃е бг҃а вы́шнѧгѡ; молю́сѧ тѝ, не мꙋ́чи менѐ. к҃ѳ Повелѣ̀ ᲂу҆́бѡ дꙋ́хови нечи́стомꙋ и҆зы́ти ѿ человѣ́ка: ѿ мнѡ́гъ бо лѣ́тъ восхища́ше є҆го̀, и҆ вѧза́хꙋ є҆го̀ ᲂу҆́зы желѣ́зны и҆ пꙋ́ты, стрегꙋ́ще є҆го̀: и҆ растерза́ѧ ᲂу҆́зы, гони́мь быва́ше бѣ́сомъ сквозѣ̀ пꙋсты̑ни. л҃ Вопроси́ же є҆го̀ і҆и҃съ, глаго́лѧ: что́ ти є҆́сть и҆́мѧ; ѻ҆́нъ же речѐ: легеѡ́нъ: ꙗ҆́кѡ бѣ́си мно́зи внидо́ша во́нь. л҃а И҆ молѧ́хꙋ є҆го̀, да не повели́тъ и҆̀мъ въ бе́зднꙋ и҆тѝ: л҃в Бѣ́ же тꙋ̀ ста́до свине́й мно́го пасо́мо въ горѣ̀. и҆ молѧ́хꙋ є҆го̀, да повели́тъ и҆̀мъ въ ты̑ вни́ти, и҆ повелѣ̀ и҆̀мъ. л҃г И҆зше́дше же бѣ́си ѿ человѣ́ка, внидо́ша во свинїѧ̑: и҆ ᲂу҆стреми́сѧ ста́до по бре́гꙋ въ є҆́зеро, и҆ и҆стопѐ. л҃д Ви́дѣвше же пасꙋ́щїи бы́вшее, бѣжа́ша: и҆ возвѣсти́ша во гра́дѣ и҆ въ се́лѣхъ. (л. рг҃і) л҃є И҆зыдо́ша же ви́дѣти бы́вшее: и҆ прїидо́ша ко і҆и҃сови, и҆ ѡ҆брѣто́ша человѣ́ка сѣдѧ́ща, и҆з̾ негѡ́же бѣ́си и҆зыдо́ша, ѡ҆болче́на и҆ смы́слѧща, при ногꙋ̀ і҆и҃совꙋ, и҆ ᲂу҆боѧ́шасѧ. л҃ѕ Возвѣсти́ша же и҆̀мъ ви́дѣвшїи, ка́кѡ спасе́сѧ бѣснова́вый. л҃з И҆ молѝ є҆го̀ ве́сь наро́дъ страны̀ гадари́нскїѧ ѿитѝ ѿ ни́хъ, ꙗ҆́кѡ стра́хомъ ве́лїимъ ѡ҆держи́ми бѣ́хꙋ: ѻ҆́нъ же влѣ́зъ въ кора́бль, возврати́сѧ. л҃и Молѧ́шесѧ же є҆мꙋ̀ мꙋ́жъ, и҆з̾ негѡ́же и҆зыдо́ша бѣ́си, да бы̀ съ ни́мъ бы́лъ. ѿпꙋсти́ же є҆го̀ і҆и҃съ, глаго́лѧ: л҃ѳ Возврати́сѧ въ до́мъ тво́й, и҆ повѣ́дай, є҆ли̑ка тѝ сотворѝ бг҃ъ. и҆ и҆́де по всемꙋ̀ гра́дꙋ проповѣ́даѧ, є҆ли̑ка сотворѝ є҆мꙋ̀ і҆и҃съ.

Коне́цъ недѣ́ли.

(заⷱ҇ л҃ѳ) [к҃є] м҃ Бы́сть же є҆гда̀ возврати́сѧ і҆и҃съ, прїѧ́тъ є҆го̀ наро́дъ: бѣ́хꙋ бо всѝ ча́юще є҆гѡ̀. м҃а И҆ сѐ прїи́де мꙋ́жъ, Недѣ́лѧ к҃д: Во вре́мѧ ѻ҆́но, человѣ́къ нѣ́кїй пристꙋпѝ ко і҆и҃сꙋ, є҆мꙋ́же и҆́мѧ і҆аі́ръ, и҆ то́й кнѧ́зь со́нмищꙋ бѣ̀: и҆ па́дъ при ногꙋ̀ і҆и҃совꙋ, молѧ́ше є҆го̀ вни́ти въ до́мъ сво́й: м҃в Ꙗ҆́кѡ дщѝ є҆диноро́дна бѣ̀ є҆мꙋ̀, ꙗ҆́кѡ лѣ́тъ двоюна́десѧте, и҆ та̀ ᲂу҆мира́ше: є҆гда́ же и҆дѧ́ше, наро́ди ᲂу҆гнѣта́хꙋ є҆го̀. [к҃ѕ] м҃г И҆ жена̀ сꙋ́щи въ точе́нїи кро́ве ѿ двоюна́десѧте лѣ́тꙋ, ꙗ҆́же врачє́мъ и҆зда́вши всѐ и҆мѣ́нїе, и҆ не возмо́же ни ѿ є҆ди́нагѡ и҆сцѣлѣ́ти. м҃д И҆ пристꙋ́пльши созадѝ, коснꙋ́сѧ кра́ѧ ри́зъ є҆гѡ̀: и҆ а҆́бїе ста̀ то́къ кро́ве є҆ѧ̀. м҃є И҆ речѐ і҆и҃съ: кто́ є҆сть коснꙋ́выйсѧ мнѣ̀; ѿмета́ющымсѧ же всѣ́мъ, речѐ пе́тръ, и҆ и҆̀же съ ни́мъ: наста́вниче, наро́ди ѡ҆держа́тъ тѧ̀, и҆ гнѣтꙋ́тъ, и҆ глаго́леши: кто́ (л. рг҃і ѡ҆б.) є҆сть коснꙋ́выйсѧ мнѣ̀; м҃ѕ І҆и҃съ же речѐ: прикоснꙋ́сѧ мнѣ̀ нѣ́кто, а҆́зъ бо чꙋ́хъ си́лꙋ и҆зше́дшꙋю и҆з̾ менѐ. м҃з Ви́дѣвши же жена̀, ꙗ҆́кѡ не ᲂу҆таи́сѧ, трепе́щꙋщи прїи́де, и҆ па́дши пред̾ ни́мъ, за ню́же винꙋ̀ прикоснꙋ́сѧ є҆мꙋ̀, повѣ́да є҆мꙋ̀ пред̾ всѣ́ми людьмѝ, и҆ ꙗ҆́кѡ и҆сцѣлѣ̀ а҆́бїе. м҃и Ѻ҆́нъ же речѐ є҆́й: дерза́й дщѝ, вѣ́ра твоѧ̀ спасе́ тѧ, и҆дѝ въ ми́рѣ. м҃ѳ Є҆щѐ є҆мꙋ̀ глаго́лющꙋ, прїи́де нѣ́кїй ѿ а҆рхїсѷнагѡ́га, глаго́лѧ є҆мꙋ̀: ꙗ҆́кѡ ᲂу҆́мре дщѝ твоѧ̀, не дви́жи ᲂу҆чи́телѧ. н҃ І҆и҃съ же слы́шавъ, ѿвѣща̀ є҆мꙋ̀ глаго́лѧ: не бо́йсѧ, то́кмѡ вѣ́рꙋй, и҆ спасе́на бꙋ́детъ. н҃а Прише́дъ же въ до́мъ, не ѡ҆ста́ви ни є҆ди́нагѡ вни́ти, то́кмѡ петра̀ и҆ і҆ѡа́нна и҆ і҆а́кѡва, и҆ ѻ҆тца̀ ѻ҆трокови́цы, и҆ ма́тере. н҃в Пла́кахꙋсѧ же всѝ и҆ рыда́хꙋ є҆ѧ̀. ѻ҆́нъ же речѐ: не пла́читесѧ: не ᲂу҆́мре бо, но спи́тъ. н҃г И҆ рꙋга́хꙋсѧ є҆мꙋ̀ вѣ́дѧще, ꙗ҆́кѡ ᲂу҆́мре. н҃д Ѻ҆́нъ же и҆згна́въ во́нъ всѣ́хъ, и҆ є҆́мъ за рꙋ́кꙋ є҆ѧ̀, возгласѝ глаго́лѧ: ѻ҆трокови́це, воста́ни. н҃є И҆ возврати́сѧ дꙋ́хъ є҆ѧ̀, и҆ воскре́се а҆́бїе: и҆ повелѣ̀ да́ти є҆́й ꙗ҆́сти. н҃ѕ И҆ диви́стасѧ роди́тєлѧ є҆ѧ̀. ѻ҆́нъ же повелѣ̀ и҆́ма никомꙋ́же повѣ́дати бы́вшее.

Коне́цъ недѣ́ли.

Глава̀ ѳ҃.

(заⷱ҇ м҃) [к҃з] а҃ Созва́въ же ѻ҆бана́десѧте, Сꙋббѡ́та к҃д недѣ́ли: Во вре́мѧ ѻ҆́но, созва̀ і҆и҃съ ѻ҆бана́десѧте ᲂу҆ченика̀ своѧ̀, дадѐ и҆̀мъ си́лꙋ и҆ вла́сть на всѧ̀ бѣ́сы, и҆ недꙋ́ги цѣли́ти. в҃ И҆ посла̀ и҆̀хъ проповѣ́дати црⷭ҇твїе бж҃їе, и҆ (л. рд҃і) и҆сцѣли́ти болѧ́щыѧ. г҃ И҆ речѐ къ ни́мъ: ничесѡ́же воз̾ми́те на пꙋ́ть, ни жезла̀, ни пи́ры, ни хлѣ́ба, ни сребра̀, ни по двѣма̀ ри́зама и҆мѣ́ти. д҃ И҆ во́ньже до́мъ вни́дете, тꙋ̀ пребыва́йте, и҆ ѿтꙋ́дꙋ и҆сходи́те. є҃ И҆ є҆ли́цы а҆́ще не прїе́млютъ ва́съ, и҆сходѧ́ще ѿ гра́да тогѡ̀, и҆ пра́хъ ѿ но́гъ ва́шихъ ѿтрѧси́те во свидѣ́тельство на нѧ̀. ѕ҃ И҆сходѧ́ще же прохожда́хꙋ сквозѣ̀ вє́си, благовѣствꙋ́юще, и҆ и҆сцѣлѧ́юще всю́дꙋ.

Коне́цъ сꙋббѡ́тѣ.

(заⷱ҇ м҃а) з҃ Слы́шавъ же и҆́рѡдъ четвертовла́стникъ Четверто́къ к҃а недѣ́ли: Во вре́мѧ ѻ҆́но, слы́шавъ и҆́рѡдъ четвертовла́стникъ ѡ҆ і҆и҃сѣ, быва̑ющаѧ ѿ негѡ̀ всѧ̑ и҆ недоꙋмѣва́шесѧ: занѐ глаго́лемо бѣ̀ ѿ нѣ́кихъ, ꙗ҆́кѡ і҆ѡа́ннъ воста̀ ѿ ме́ртвыхъ: и҃ Ѿ и҆нѣ́хъ же, ꙗ҆́кѡ и҆лїа̀ ꙗ҆ви́сѧ: ѿ дрꙋги́хъ же, ꙗ҆́кѡ проро́къ є҆ди́нъ ѿ дре́внихъ воскре́се. ѳ҃ И҆ речѐ и҆́рѡдъ: і҆ѡа́нна а҆́зъ ᲂу҆сѣ́кнꙋхъ: кто́ же є҆́сть се́й, ѡ҆ не́мже а҆́зъ слы́шꙋ такѡва́ѧ; и҆ и҆ска́ше ви́дѣти є҆го̀. і҃ И҆ возвра́щшесѧ а҆пⷭ҇ли повѣ́даша є҆мꙋ̀, є҆ли̑ка сотвори́ша. и҆ пои́мъ и҆̀хъ, ѿи́де ꙾є҆ди́нъ꙾꙾ѻ҆со́бь꙾ на мѣ́сто пꙋ́сто гра́да нарица́емагѡ виѳсаі́да. а҃і Наро́ди же разꙋмѣ́вше, по не́мъ и҆до́ша: и҆ прїе́мъ и҆̀хъ, глаго́лаше и҆̀мъ ѡ҆ црⷭ҇твїи бж҃їи, и҆ тре́бꙋющыѧ и҆сцѣле́нїѧ цѣлѧ́ше.

Коне́цъ четверткꙋ̀.

в҃і Де́нь же нача́тъ прекланѧ́тисѧ. (л. рд҃і ѡ҆б.)

(заⷱ҇ м҃в) [к҃и] Пристꙋ́пльше же ѻ҆бана́десѧте Пѧто́къ к҃а недѣ́ли: Во вре́мѧ ѻ҆́но, пристꙋпи́ша ко і҆и҃сꙋ ѻ҆бана́десѧте ᲂу҆ченика̀ є҆гѡ̀ реко́ша є҆мꙋ̀: ѿпꙋстѝ наро́дъ, да ше́дше во ѻ҆крє́стныѧ вє́си и҆ се́ла вита́ютъ, и҆ ѡ҆брѧ́щꙋтъ бра́шно: ꙗ҆́кѡ здѣ̀ въ пꙋ́стѣ мѣ́стѣ є҆смы̀. г҃і Рече́ же къ ни́мъ: дади́те и҆̀мъ вы̀ ꙗ҆́сти. ѻ҆ни́ же рѣ́ша: нѣ́сть ᲂу҆ на́съ вѧ́щше, то́кмѡ пѧ́ть хлѣ̑бъ, и҆ ры́бѣ двѣ̀, а҆́ще ᲂу҆́бѡ не ше́дше мы̀ кꙋ́пимъ во всѧ̀ лю́ди сїѧ̀ бра́шна; д҃і Бѣ́хꙋ бо мꙋже́й ꙗ҆́кѡ пѧ́ть ты́сѧщъ. рече́ же ко ᲂу҆ченикѡ́мъ свои́мъ: посади́те и҆̀хъ на кꙋ́пы по пѧти́десѧтъ. є҃і И҆ сотвори́ша та́кѡ: и҆ посади́ша и҆̀хъ всѧ̑. ѕ҃і Прїи́мъ же пѧ́ть хлѣ̑бъ и҆ ѻ҆́бѣ ры́бѣ, воззрѣ́въ на нб҃о, благословѝ и҆̀хъ: и҆ сломѝ, и҆ даѧ́ше ᲂу҆ченикѡ́мъ предложи́ти наро́дꙋ. з҃і И҆ ꙗ҆до́ша, и҆ насы́тишасѧ всѝ, и҆ взѧ́ша и҆збы́вшыѧ и҆̀мъ ᲂу҆крꙋ́хи, кѡ́шѧ двана́десѧте.

(заⷱ҇ м҃г) [к҃ѳ] и҃і И҆ бы́сть є҆гда̀ ꙳꙳ Понедѣ́льникъ к҃в недѣ́ли: Во вре́мѧ ѻ҆́но, бы́сть є҆гда̀ і҆и҃съ ꙳꙳ молѧ́шесѧ є҆ди́нъ, съ ни́мъ бѣ́хꙋ ᲂу҆ченицы̀.

Коне́цъ пѧткꙋ̀.

и҆ вопросѝ и҆̀хъ глаго́лѧ: кого́ мѧ глаго́лютъ наро́ди бы́ти; ѳ҃і Ѻ҆ни́ же ѿвѣща́вше рѣ́ша: і҆ѡа́нна крести́телѧ, и҆ні́и же и҆лїю̀: дрꙋзі́и же, ꙗ҆́кѡ проро́къ нѣ́кїй ѿ дре́внихъ воскре́се. к҃ Рече́ же и҆̀мъ: вы́ же кого́ мѧ глаго́лете бы́ти; ѿвѣща́въ же пе́тръ речѐ: хрⷭ҇та̀ бж҃їѧ. к҃а Ѻ҆́нъ же запре́щь и҆̀мъ, повелѣ̀ никомꙋ́же глаго́лати сегѡ̀, к҃в Ре́къ: ꙗ҆́кѡ подоба́етъ сн҃ꙋ человѣ́ческомꙋ (л. рє҃і) мно́гѡ пострада́ти, и҆ ꙾и҆скꙋше́нꙋ꙾꙾ѿве́рженꙋ꙾ бы́ти ѿ ста́рєцъ, и҆ а҆рхїерє́й, и҆ кни̑жникъ, и҆ ᲂу҆бїе́нꙋ бы́ти, и҆ въ тре́тїй де́нь воста́ти.

Коне́цъ понедѣ́льникꙋ.

(заⷱ҇ м҃д) к҃г Глаго́лаше же ко всѣ̑мъ: Вто́рникъ к҃в недѣ́ли: Речѐ гдⷭ҇ь: а҆́ще кто̀ хо́щетъ по мнѣ̀ и҆тѝ, да ѿве́ржетсѧ себѐ, и҆ во́з̾метъ кре́стъ сво́й, и҆ послѣ́дꙋетъ мѝ. к҃д И҆́же бо а҆́ще хо́щетъ дꙋ́шꙋ свою̀ спастѝ, погꙋби́тъ ю҆̀: а҆ и҆́же бо погꙋби́тъ дꙋ́шꙋ свою̀ менѐ ра́ди, се́й спасе́тъ ю҆̀. к҃є Что́ бо по́льзꙋетъ человѣ́къ прїѡбрѣ́тъ мі́ръ ве́сь, себе́ же погꙋби́въ, и҆лѝ ѿтщети́въ; к҃ѕ И҆́же бо а҆́ще постыди́тсѧ менѐ, и҆ мои́хъ слове́съ, сегѡ̀ сн҃ъ человѣ́ческїй постыди́тсѧ, є҆гда̀ прїи́детъ во сла́вѣ свое́й, и҆ ѻ҆́ч҃ей, и҆ ст҃ы́хъ а҆́гг҃лъ. к҃з Глаго́лю же ва́мъ вои́стиннꙋ: сꙋ́ть нѣ́цыи ѿ здѣ̀ стоѧ́щихъ, и҆̀же не и҆́мꙋтъ вкꙋси́ти сме́рти, до́ндеже ви́дѧтъ црⷭ҇твїе бж҃їе.

Коне́цъ вто́рникꙋ.

(заⷱ҇ м҃є) [л҃] к҃и Бы́сть же по словесѣ́хъ си́хъ ꙗ҆́кѡ дні́й ѻ҆́смь, и҆ пое́мъ ꙳꙳ На преѡбраже́нїе на ᲂу҆́трени: Во вре́мѧ ѻ҆́но, пое́мъ і҆и҃съ ꙳꙳ петра̀, и҆ і҆ѡа́нна, и҆ і҆а́кѡва, взы́де на горꙋ̀ помоли́тисѧ. к҃ѳ И҆ бы́сть є҆гда̀ молѧ́шесѧ, видѣ́нїе лица̀ є҆гѡ̀ и҆́но, и҆ ѡ҆дѣѧ́нїе є҆гѡ̀ бѣло̀ блиста́ѧсѧ. л҃ И҆ сѐ мꙋ́жа два̀ съ ни́мъ глаго́люща, ꙗ҆̀же бѣ́ста мѡѷсе́й и҆ и҆лїа̀, л҃а Ꙗ҆́вльшасѧ во сла́вѣ: глаго́ласта же и҆схо́дъ є҆гѡ̀, и҆́же хотѧ́ше сконча́ти во і҆ерꙋсали́мѣ. (л. рє҃і ѡ҆б.) л҃в Пе́тръ же и҆ сꙋ́щїи съ ни́мъ, бѧ́хꙋ ѡ҆тѧгче́ни сно́мъ: ᲂу҆бꙋ́ждшесѧ же ви́дѣша сла́вꙋ є҆гѡ̀, и҆ ѻ҆́ба мꙋ́жа стоѧ́ща съ ни́мъ. л҃г И҆ бы́сть є҆гда̀ разлꙋчи́стасѧ ѿ негѡ̀, речѐ пе́тръ ко і҆и҃сꙋ: наста́вниче, добро̀ є҆́сть на́мъ здѣ̀ бы́ти: и҆ сотвори́мъ сѣ́ни трѝ, є҆ди́нꙋ тебѣ̀, и҆ є҆ди́нꙋ мѡѷсе́ови, и҆ є҆ди́нꙋ и҆лїѝ: не вѣ́дый є҆́же глаго́лаше. л҃д Се́ же є҆мꙋ̀ глаго́лющꙋ, бы́сть ѻ҆́блакъ, и҆ ѡ҆сѣнѝ и҆̀хъ: ᲂу҆боѧ́шасѧ же, вше́дшымъ и҆̀мъ во ѻ҆́блакъ. л҃є И҆ гла́съ бы́сть и҆з̾ ѻ҆́блака, глаго́лѧ: се́й є҆́сть сн҃ъ мо́й возлю́бленный, тогѡ̀ послꙋ́шайте. л҃ѕ И҆ є҆гда̀ бы́сть гла́съ, ѡ҆брѣ́тесѧ і҆и҃съ є҆ди́нъ: и҆ ті́и ᲂу҆молча́ша, и҆ никомꙋ́же возвѣсти́ша въ ты́ѧ днѝ ничесѡ́же ѿ тѣ́хъ, ꙗ҆̀же ви́дѣша.

Коне́цъ преѡбраже́нїю.

(заⷱ҇ м҃ѕ) [л҃а] л҃з Бы́сть же въ про́чїй де́нь, сше́дшымъ и҆̀мъ Сꙋббѡ́та к҃є недѣ́ли: Во вре́мѧ ѻ҆́но, соше́дшꙋ і҆и҃сꙋ съ горы̀, срѣ́те є҆го̀ наро́дъ мно́гъ. л҃и И҆ сѐ мꙋ́жъ и҆з̾ наро́да возопѝ, глаго́лѧ: ᲂу҆чи́телю, молю́ ти сѧ, при́зри на сы́на моего̀, ꙗ҆́кѡ є҆диноро́денъ мѝ є҆́сть: л҃ѳ И҆ сѐ дꙋ́хъ є҆́млетъ є҆го̀, и҆ внеза́пꙋ вопїе́тъ и҆ ꙾прꙋжа́етсѧ꙾꙾терза́етъ є҆го̀꙾ съ пѣ́нами, и҆ є҆два̀ ѿхо́дитъ ѿ негѡ̀, сокрꙋша́ѧ є҆го̀. м҃ И҆ моли́хсѧ ᲂу҆ченикѡ́мъ твои́мъ, да и҆жденꙋ́тъ є҆го̀: и҆ не возмого́ша. м҃а Ѿвѣща́въ же і҆и҃съ речѐ: ѽ ро́де невѣ́рный и҆ развраще́нный, доко́лѣ бꙋ́дꙋ въ ва́съ, и҆ терплю̀ вы̀; приведи́ ми сы́на твоего̀ сѣ́мѡ. м҃в Є҆́ще же грѧдꙋ́щꙋ є҆мꙋ̀, пове́рже є҆го̀ бѣ́съ, и҆ стрѧсѐ: запрети́ же і҆и҃съ дꙋ́хови нечи́стомꙋ, и҆ и҆сцѣлѝ ѻ҆́трока, и҆ (л. рѕ҃і) вдадѐ є҆го̀ ѻ҆тцꙋ̀ є҆гѡ̀. (срⷣе) м҃г Дивлѧ́хꙋсѧ же всѝ ѡ҆ вели́чїи бж҃їи.

Коне́цъ сꙋббѡ́тѣ.

(заⷱ҇ м҃з) Всѣ́мъ же чꙋдѧ́щымсѧ ѡ҆ всѣ́хъ, ꙗ҆̀же творѧ́ше і҆и҃съ, речѐ ко ᲂу҆ченикѡ́мъ свои́мъ: Среда̀ к҃в недѣ́ли: Речѐ гдⷭ҇ь свои́мъ ᲂу҆ченикѡ́мъ: м҃д Вложи́те вы̀ во ᲂу҆́ши ва́ши словеса̀ сїѧ̀: сн҃ъ бо человѣ́ческїй и҆́мать преда́тисѧ въ рꙋ́цѣ человѣ́честѣ. м҃є Ѻ҆ни́ же не разꙋмѣ́ша глаго́ла сегѡ̀, бѣ́ бо прикрове́нъ ѿ ни́хъ, да не ѡ҆щꙋтѧ́тъ є҆го̀: и҆ боѧ́хꙋсѧ вопроси́ти є҆го̀ ѡ҆ глаго́лѣ се́мъ. м҃ѕ Вни́де же помышле́нїе въ ни́хъ: кто̀ и҆́хъ вѧ́щшїй бы бы́лъ; м҃з І҆и҃съ же вѣ́дый помышле́нїе серде́цъ и҆́хъ, прїе́мъ ѻ҆троча̀, поста́ви є҆̀ ᲂу҆ себѐ, м҃и И҆ речѐ и҆̀мъ: и҆́же а҆́ще. прїи́метъ сїѐ ѻ҆троча̀ во и҆́мѧ моѐ, менѐ прїе́млетъ: и҆ и҆́же а҆́ще менѐ прїе́млетъ, прїе́млетъ посла́вшаго мѧ̀: и҆́же бо ме́ньшїй є҆́сть въ ва́съ, се́й є҆́сть вели́къ.

(заⷱ҇ м҃и) м҃ѳ Ѿвѣща́въ же і҆ѡа́ннъ, ꙳꙳ Четверто́къ к҃в недѣ́ли: Во вре́мѧ ѻ҆́но, пристꙋпѝ ко і҆и҃сꙋ є҆ди́нъ ѿ ᲂу҆чени́къ є҆гѡ̀, и҆ речѐ є҆мꙋ̀: ꙳꙳ речѐ: наста́вниче, ви́дѣхомъ нѣ́коего ѡ҆ и҆́мени твое́мъ и҆згонѧ́ща бѣ́сы, и҆ возбрани́хомъ є҆мꙋ̀, ꙗ҆́кѡ во слѣ́дъ не хо́дитъ съ на́ми. н҃ И҆ речѐ къ немꙋ̀ і҆и҃съ, не брани́те: и҆́же бо нѣ́сть на вы̀, по ва́съ є҆́сть.

Коне́цъ средѣ̀. (л. рѕ҃і ѡ҆б.)

(заⷱ҇) н҃а Бы́сть же, є҆гда̀ скончава́хꙋсѧ дні́е восхожде́нїю є҆гѡ̀, Сїѐ ст҃о́мꙋ ᲂу҆брꙋ́сꙋ: Во вре́мѧ ѻ҆́но, бы́сть є҆гда̀ скончава́хꙋсѧ дні́е восхожде́нїю і҆и҃совꙋ, и҆ то́й ᲂу҆твердѝ лицѐ своѐ и҆тѝ во і҆ерꙋсали́мъ. н҃в И҆ посла̀ вѣ́стники пред̾ лице́мъ свои́мъ: и҆ и҆зше́дше внидо́ша въ ве́сь самарѧ́нскꙋ, ꙗ҆́кѡ да ᲂу҆гото́вѧтъ є҆мꙋ̀. н҃г И҆ не прїѧ́ша є҆гѡ̀, ꙗ҆́кѡ лицѐ є҆гѡ̀ бѣ̀ грѧды́й во і҆ерꙋсали́мъ. н҃д Ви́дѣвша же ᲂу҆чєника̀ є҆гѡ̀ і҆а́кѡвъ и҆ і҆ѡа́ннъ, рѣ́ста: гдⷭ҇и, хо́щеши ли, рече́ма, да ѻ҆́гнь сни́детъ съ нб҃сѐ, и҆ потреби́тъ и҆̀хъ, ꙗ҆́коже и҆ и҆лїа̀ сотворѝ; н҃є Ѡ҆бра́щсѧ же запретѝ и҆́ма, и҆ речѐ: не вѣ́ста, ко́егѡ дꙋ́ха є҆ста̀ вы̀. н҃ѕ Сн҃ъ бо человѣ́ческїй не прїи́де дꙋ́шъ человѣ́ческихъ погꙋби́ти, но спастѝ: и҆ и҆до́ша во и҆́нꙋ ве́сь.

Коне́цъ четверткꙋ̀.

Престꙋпѝ ᲂу҆брꙋ́сꙋ на зача́ло н҃в:

(заⷱ҇ м҃ѳ) [л҃г] н҃з Бы́сть же и҆дꙋ́щымъ и҆̀мъ ꙳꙳ Сꙋббѡ́та к҃ѕ недѣ́ли: Во вре́мѧ ѻ҆́но, и҆дꙋ́щꙋ і҆и҃сꙋ ꙳꙳ по пꙋтѝ, речѐ нѣ́кїй къ немꙋ̀: и҆дꙋ̀ по тебѣ̀, а҆́може а҆́ще и҆́деши, гдⷭ҇и. н҃и И҆ речѐ є҆мꙋ̀ і҆и҃съ: ли́си ꙗ҆́звины и҆́мꙋтъ, и҆ пти̑цы нбⷭ҇ныѧ гнѣ́зда. сн҃ъ же человѣ́ческїй не и҆́мать гдѣ̀ главꙋ̀ подклони́ти. н҃ѳ Рече́ же ко дрꙋго́мꙋ: ходѝ въ слѣ́дъ менѐ. ѻ҆́нъ же речѐ: гдⷭ҇и, повели́ ми ше́дъ пре́жде погребстѝ ѻ҆тца̀ моего̀. ѯ҃ Рече́ же є҆мꙋ̀ і҆и҃съ: ѡ҆ста́ви ме́ртвыѧ погребстѝ своѧ̀ мертвецы̀: ты́ же ше́дъ возвѣща́й црⷭ҇твїе бж҃їе. ѯ҃а Рече́ же и҆ дрꙋгі́й: и҆дꙋ̀ по тебѣ̀ гдⷭ҇и: пре́жде же повели́ ми ꙾ѿвѣща́ти ми сѧ (л. рз҃і) и҆̀же сꙋ́ть꙾꙾попрости́тисѧ съ сꙋ́щими꙾ въ домꙋ̀ мое́мъ. ѯ҃в Рече́ же къ немꙋ̀ і҆и҃съ: никто́же возло́жъ рꙋ́кꙋ свою̀ на ра́ло, и҆ зрѧ̀ вспѧ́ть, ᲂу҆пра́вленъ є҆́сть въ црⷭ҇твїи бж҃їи.

Коне́цъ сꙋббѡ́тѣ.

Глава̀ і҃.

(заⷱ҇ н҃) [л҃д] а҃ По си́хъ же ꙗ҆вѝ гдⷭ҇ь и҆ и҆нѣ́хъ се́дмьдесѧтъ, Пѧто́къ к҃в недѣ́ли: Во вре́мѧ ѻ҆́но, ꙗ҆вѝ гдⷭ҇ь и҆ и҆нѣ́хъ се́дмьдесѧтъ ᲂу҆чени̑къ свои́хъ, ꙳ Сїѐ и҆ а҆пⷭ҇лѡмъ. и҆ посла̀ и҆̀хъ по двѣма̀ пред̾ лице́мъ свои́мъ, во всѧ́къ гра́дъ и҆ мѣ́сто, а҆́може хотѧ́ше са́мъ и҆тѝ. в҃ Глаго́лаше же къ ни́мъ: жа́тва ᲂу҆́бѡ мно́га, дѣ́лателей же ма́лѡ: моли́тесѧ ᲂу҆́бѡ господи́нꙋ жа́твѣ, да и҆зведе́тъ дѣ́латели на жа́твꙋ свою̀. г҃ И҆ди́те: сѐ а҆́зъ посыла́ю вы̀ ꙗ҆́кѡ а҆́гнцы посредѣ̀ волкѡ́въ. д҃ Не носи́те влага́лища, ни пи́ры, ни сапогѝ: и҆ никого́же на пꙋтѝ цѣлꙋ́йте. є҃ Во́ньже а҆́ще до́мъ вни́дете, пе́рвѣе глаго́лите: ми́ръ до́мꙋ семꙋ̀. ѕ҃ И҆ а҆́ще ᲂу҆́бѡ бꙋ́детъ тꙋ̀ сы́нъ ми́ра, почі́етъ на не́мъ ми́ръ ва́шъ: а҆́ще ли же нѝ, къ ва́мъ возврати́тсѧ. з҃ Въ то́мъ же домꙋ̀ пребыва́йте, ꙗ҆дꙋ́ще и҆ пїю́ще ꙗ҆̀же сꙋ́ть ᲂу҆ ни́хъ: досто́инъ бо є҆́сть дѣ́латель мзды̀ своеѧ̀. не преходи́те и҆з̾ до́мꙋ въ до́мъ. и҃ И҆ во́ньже а҆́ще гра́дъ вхо́дите, и҆ прїе́млютъ вы̀, ꙗ҆ди́те предлага́ємаѧ ва́мъ. ѳ҃ И҆ и҆сцѣли́те недꙋ̑жныѧ, и҆̀же сꙋ́ть въ не́мъ, и҆ глаго́лите и҆̀мъ: прибли́жисѧ на вы̀ црⷭ҇твїе бж҃їе. і҃ Во́ньже а҆́ще гра́дъ вхо́дите, и҆ не прїе́млютъ (л. рз҃і ѡ҆б.) ва́съ, и҆зше́дше на распꙋ̑тїѧ є҆гѡ̀, рцы́те: а҃і И҆ пра́хъ прилѣ́пшїй на́съ ѿ гра́да ва́шегѡ, ѿтрѧса́емъ ва́мъ: ѻ҆ба́че сїѐ вѣ́дите, ꙗ҆́кѡ прибли́жисѧ на вы̀ црⷭ҇твїе бж҃їе. в҃і Глаго́лю ва́мъ, ꙗ҆́кѡ содо́млѧнѡмъ въ де́нь то́й ѿра́днѣе бꙋ́детъ, не́же гра́дꙋ томꙋ̀. г҃і Го́ре тебѣ̀ хорази́не, го́ре тебѣ̀ виѳсаі́до, ꙗ҆́кѡ а҆́ще въ тѵ́рѣ и҆ сїдѡ́нѣ бы́ша си̑лы бы́ли бы́вшыѧ въ ва́ю, дре́вле ᲂу҆́бѡ во вре́тищи и҆ пе́пелѣ сѣдѧ́ще пока́ѧлисѧ бы́ша. д҃і Ѻ҆ба́че тѵ́рꙋ и҆ сїдѡ́нꙋ ѿра́днѣе бꙋ́детъ на сꙋдѣ̀, не́же ва́ма. є҃і И҆ ты̀ капернаꙋ́ме, и҆́же до небе́съ вознесы́йсѧ, до а҆́да низведе́шисѧ.

Коне́цъ пѧткꙋ̀.

(заⷱ҇ н҃а) ѕ҃і Сїѐ ѻ҆́бще а҆пⷭ҇лѡмъ и҆ а҆́гг҃лѡмъ: Речѐ гдⷭ҇ь свои́мъ ᲂу҆ч҃нкѡ́мъ: Слꙋ́шаѧй ва́съ, менѐ слꙋ́шаетъ: и҆ ѿмета́ѧйсѧ ва́съ, менѐ ѿмета́етсѧ. ѿмета́ѧйсѧ же менѐ, ѿмета́етсѧ посла́вшагѡ мѧ̀. з҃і Возврати́шасѧ же се́дмьдесѧтъ съ ра́достїю, глаго́люще: гдⷭ҇и, и҆ бѣ́си повинꙋ́ютсѧ на́мъ ѡ҆ и҆́мени твое́мъ. и҃і Рече́ же и҆̀мъ: ви́дѣхъ сатанꙋ̀ ꙗ҆́кѡ мо́лнїю съ небесѐ спа́дша.

(заⷱ҇) ѳ҃і ꙳꙳ Сꙋббѡ́та к҃з недѣ́ли: Речѐ гдⷭ҇ь свои́мъ ᲂу҆ченикѡ́мъ: ꙳꙳ Сѐ даю̀ ва́мъ вла́сть настꙋпа́ти на ѕмїю̀, и҆ на скорпі́ю, и҆ на всю̀ си́лꙋ вра́жїю: и҆ ничесо́же ва́съ вреди́тъ. к҃ Ѻ҆ба́че ѡ҆ се́мъ не ра́дꙋйтесѧ, ꙗ҆́кѡ дꙋ́си ва́мъ повинꙋ́ютсѧ: ра́дꙋйтесѧ же, ꙗ҆́кѡ и҆мена̀ ва́ша напи́сана сꙋ́ть на небесѣ́хъ. к҃а Въ то́й ча́съ возра́довасѧ дх҃омъ і҆и҃съ, и҆ речѐ: и҆сповѣ́даю ти сѧ ѻ҆́ч҃е, гдⷭ҇и небесѐ и҆ землѝ, ꙗ҆́кѡ ᲂу҆таи́лъ є҆сѝ сїѧ̑ ѿ премꙋ́дрыхъ и҆ (л. ри҃і) разꙋ́мныхъ, и҆ ѿкры́лъ є҆сѝ та̑ младе́нцємъ: є҆́й ѻ҆́ч҃е, ꙗ҆́кѡ та́кѡ бы́сть благоволе́нїе пред̾ тобо́ю.

Коне́цъ а҆пⷭ҇лѡмъ, и҆ а҆́гг҃лѡмъ, и҆ сꙋббѡ́тѣ.

Чтѝ ᲂу҆брꙋ́сꙋ:

(заⷱ҇ н҃в) к҃в И҆ ѡ҆бра́щсѧ ко ᲂу҆ченикѡ́мъ, речѐ: Понедѣ́льникъ к҃г недѣ́ли: Речѐ гдⷭ҇ь свои́мъ ᲂу҆ченикѡ́мъ: Всѧ̑ мнѣ̀ предана̀ бы́ша ѿ ѻ҆ц҃а̀ моегѡ̀: и҆ никто́же вѣ́сть кто̀ є҆́сть сн҃ъ, то́кмѡ ѻ҆ц҃ъ: и҆ кто̀ є҆́сть ѻ҆ц҃ъ, то́кмѡ сн҃ъ, и҆ є҆мꙋ́же а҆́ще хо́щетъ сн҃ъ ѿкры́ти. к҃г И҆ ѡ҆бра́щсѧ ко ᲂу҆ченикѡ́мъ, ꙾є҆ди́нъ꙾꙾наединѣ̀꙾ речѐ: блаже́ни ѻ҆́чи ви́дѧщїи, ꙗ҆̀же ви́дите. к҃д Глаго́лю бо ва́мъ: ꙗ҆́кѡ мно́зи проро́цы и҆ ца́рїе восхотѣ́ша ви́дѣти, ꙗ҆̀же вы̀ ви́дите, и҆ не ви́дѣша: и҆ слы́шати ꙗ҆̀же слы́шите, и҆ не слы́шаша.

Коне́цъ понедѣ́льникꙋ, и҆ ᲂу҆брꙋ́сꙋ.

(заⷱ҇ н҃г) [л҃є] к҃є И҆ сѐ зако́нникъ нѣ́кїй воста̀, ꙳꙳ Недѣ́лѧ к҃є: Во вре́мѧ ѻ҆́но, зако́нникъ нѣ́кїй пристꙋпѝ ко і҆и҃сꙋ, ꙳꙳ и҆скꙋша́ѧ є҆го̀, и҆ глаго́лѧ: ᲂу҆чи́телю, что̀ сотвори́въ живо́тъ вѣ́чный наслѣ́дꙋю; к҃ѕ Ѻ҆́нъ же речѐ къ немꙋ̀: въ зако́нѣ что̀ пи́сано є҆́сть; ка́кѡ чте́ши; к҃з Ѻ҆́нъ же ѿвѣща́въ речѐ: возлю́биши гдⷭ҇а бг҃а твоего̀ ѿ всегѡ̀ се́рдца твоегѡ̀, и҆ ѿ всеѧ̀ дꙋшѝ твоеѧ̀, и҆ все́ю крѣ́постїю твое́ю, и҆ всѣ́мъ помышле́нїемъ твои́мъ: и҆ бли́жнѧго своего̀, ꙗ҆́кѡ са́мъ себѐ. к҃и Рече́ же є҆мꙋ̀, пра́вѡ ѿвѣща̀: сїѐ сотворѝ, и҆ жи́въ бꙋ́деши. к҃ѳ Ѻ҆́нъ же хотѧ̀ (л. ри҃і ѡ҆б.) ѡ҆правди́тисѧ са́мъ, речѐ ко і҆и҃сꙋ: и҆ кто́ є҆сть бли́жнїй мо́й; [л҃ѕ] л҃ Ѿвѣща́въ же і҆и҃съ речѐ: человѣ́къ нѣ́кїй схожда́ше ѿ і҆ерꙋсали́ма во і҆ерїхѡ́нъ, и҆ въ разбо́йники впадѐ, и҆̀же совле́кше є҆го̀, и҆ ꙗ҆́звы возло́жше ѿидо́ша, ѡ҆ста́вльше є҆́ле жи́ва сꙋ́ща. л҃а По слꙋ́чаю же сщ҃е́нникъ нѣ́кїй схожда́ше пꙋте́мъ тѣ́мъ: и҆ ви́дѣвъ є҆го̀, мимои́де. л҃в Та́кожде же и҆ леѵі́тъ, бы́въ на то́мъ мѣ́стѣ, прише́дъ и҆ ви́дѣвъ, мимои́де. л҃г Самарѧни́нъ же нѣ́кто грѧды́й, прїи́де над̾ него̀, и҆ ви́дѣвъ є҆го̀, милосе́рдова: л҃д И҆ пристꙋ́пль ѡ҆бвѧза̀ стрꙋ́пы є҆гѡ̀, возлива́ѧ ма́сло и҆ вїно̀: всади́въ же є҆го̀ на сво́й ско́тъ приведѐ є҆го̀ въ гости́нницꙋ, и҆ прилѣжа̀ є҆мꙋ̀. л҃є И҆ наꙋ́трїѧ и҆зше́дъ, и҆з̾е́мъ два̀ сре́бреника, дадѐ гости́нникꙋ, и҆ речѐ є҆мꙋ̀: прилѣжѝ є҆мꙋ̀, и҆ є҆́же а҆́ще прїиждиве́ши, а҆́зъ є҆гда̀ возвращꙋ́сѧ, возда́мъ тѝ. л҃ѕ Кто̀ ᲂу҆́бѡ ѿ тѣ́хъ трїе́хъ, бли́жнїй мни́тъ ти сѧ бы́ти впа́дшемꙋ въ разбо́йники; л҃з Ѻ҆́нъ же речѐ: сотвори́вый ми́лость съ ни́мъ. рече́ же є҆мꙋ̀ і҆и҃съ: и҆дѝ, и҆ ты̀ творѝ та́кожде.

Коне́цъ недѣ́ли.

(заⷱ҇ н҃д) [л҃з] л҃и Бы́сть же ходѧ́щымъ и҆̀мъ, и҆ са́мъ вни́де На всѧ̑ пра́здники бцⷣы: Во вре́мѧ ѻ҆́но, вни́де і҆и҃съ въ ве́сь нѣ́кꙋю: жена́ же нѣ́каѧ и҆́менемъ ма́рѳа прїѧ́тъ є҆го̀ въ до́мъ сво́й. л҃ѳ И҆ сестра̀ є҆́й бѣ̀ нарица́емаѧ марі́а, ꙗ҆́же и҆ сѣ́дши при ногꙋ̀ і҆и҃совꙋ слы́шаше сло́во є҆гѡ̀. м҃ Ма́рѳа же мо́лвѧше ѡ҆ мно́зѣ слꙋ́жбѣ, ста́вши же речѐ: гдⷭ҇и, не бреже́ши ли, ꙗ҆́кѡ сестра̀ моѧ̀ є҆ди́нꙋ (л. рѳ҃і) мѧ̀ ѡ҆ста́ви слꙋжи́ти; рцы̀ ᲂу҆́бѡ є҆́й, да мѝ помо́жетъ. м҃а Ѿвѣща́въ же і҆и҃съ, речѐ є҆́й: ма́рѳо, ма́рѳо, пече́шисѧ, и҆ мо́лвиши ѡ҆ мно́зѣ. м҃в Є҆ди́но же є҆́сть на потре́бꙋ: марі́а же благꙋ́ю ча́сть и҆збра̀, ꙗ҆́же не ѿи́метсѧ ѿ неѧ̀.

Престꙋпѝ бцⷣѣ на зача́ло н҃и.

Глава̀ а҃і.

(заⷱ҇ н҃є) а҃ И҆ бы́сть внегда̀ бы́ти є҆мꙋ̀ Вто́рникъ к҃г недѣ́ли: Во вре́мѧ ѻ҆́но, бы́сть внегда̀ бы́ти і҆и҃сꙋ на мѣ́стѣ нѣ́коемъ молѧ́щꙋсѧ, и҆ ꙗ҆́кѡ преста̀, речѐ нѣ́кїй ѿ ᲂу҆чєни́къ є҆гѡ̀ къ немꙋ̀: гдⷭ҇и, наꙋчи́ ны моли́тисѧ, ꙗ҆́коже и҆ і҆ѡа́ннъ наꙋчѝ ᲂу҆ченикѝ своѧ̀. [л҃и] в҃ Рече́ же и҆̀мъ, є҆гда̀ мо́литесѧ, глаго́лите: ѻ҆́ч҃е на́шъ, и҆́же на нб҃сѣ́хъ! да ст҃и́тсѧ и҆́мѧ твоѐ: да прїи́детъ црⷭ҇твїе твоѐ: да бꙋ́детъ во́лѧ твоѧ̀, ꙗ҆́кѡ на нб҃сѝ, и҆ на землѝ. г҃ Хлѣ́бъ на́шъ насꙋ́щный подава́й на́мъ на всѧ́къ де́нь. д҃ И҆ ѡ҆ста́ви на́мъ грѣхѝ на́шѧ: и҆́бо и҆ са́ми ѡ҆ставлѧ́емъ всѧ́комꙋ должникꙋ̀ на́шемꙋ: и҆ не введѝ на́съ во и҆скꙋше́нїе, но и҆зба́ви на́съ ѿ лꙋка́вагѡ. є҃ И҆ речѐ къ ни́мъ: кто̀ ѿ ва́съ и҆́мать дрꙋ́га, и҆ и҆́детъ къ немꙋ̀ полꙋ́нощи, и҆ рече́тъ є҆мꙋ̀: дрꙋ́же, да́ждь мѝ взаи́мъ трѝ хлѣ́бы. ѕ҃ Поне́же дрꙋ́гъ прїи́де съ пꙋтѝ ко мнѣ̀, и҆ не и҆́мамъ чесѡ̀ предложи́ти є҆мꙋ̀. з҃ И҆ то́й и҆звнꙋ́трь ѿвѣща́въ рече́тъ: не твори́ ми трꙋды̀: ᲂу҆жѐ двє́ри затворе́ны сꙋ́ть, и҆ дѣ́ти моѧ̀ со мно́ю на ло́жи сꙋ́ть, и҆ не могꙋ̀ (л. рѳ҃і ѡ҆б.) воста́въ да́ти тебѣ̀. и҃ Глаго́лю же ва́мъ, а҆́ще и҆ не да́стъ є҆мꙋ̀ воста́въ, занѐ є҆́сть дрꙋ́гъ є҆мꙋ̀: но за безѻ́чьство є҆гѡ̀ воста́въ да́стъ є҆мꙋ̀, є҆ли̑ка тре́бꙋетъ.

(заⷱ҇ н҃ѕ) ѳ҃ И҆ а҆́зъ ва́мъ глаго́лю: Среда̀ к҃г недѣ́ли: Речѐ гдⷭ҇ь свои́мъ ᲂу҆ченикѡ́мъ: проси́те и҆ да́стсѧ ва́мъ: и҆щи́те и҆ ѡ҆брѧ́щете: толцы́те и҆ ѿве́рзетсѧ ва́мъ. і҃ Всѧ́къ бо просѧ́й прїе́млетъ, и҆ и҆щѧ́й ѡ҆брѣта́етъ: и҆ толкꙋ́щемꙋ ѿве́рзетсѧ.

Коне́цъ вто́рникꙋ.

а҃і Кото́рагѡ же ва́съ ѻ҆тца̀ воспро́ситъ сы́нъ хлѣ́ба: є҆да̀ ка́мень пода́стъ є҆мꙋ̀; и҆лѝ ры́бы, є҆да̀ къ ры́бы мѣ́сто ѕмїю̀ пода́стъ є҆мꙋ̀; в҃і И҆лѝ а҆́ще про́ситъ ꙗ҆ица̀, є҆да̀ пода́стъ є҆мꙋ̀ скорпі́ю; г҃і А҆́ще ᲂу҆́бѡ вы̀ ѕлѝ сꙋ́ще, ᲂу҆мѣ́ете даѧ̑нїѧ бла̑га даѧ́ти ча́дѡмъ ва́шымъ: кольмѝ па́че ѻ҆ц҃ъ, и҆́же съ нб҃сѐ, да́стъ дх҃ъ ст҃ъ просѧ́щымъ ᲂу҆ негѡ̀.

Коне́цъ средѣ̀.

(заⷱ҇ н҃з) [л҃ѳ] д҃і И҆ бѣ̀ ꙳꙳ Четверто́къ к҃г недѣ́ли: Во вре́мѧ ѻ҆́но, бѣ̀ і҆и҃съ ꙳꙳ и҆згонѧ̀ бѣ́са, и҆ то́й бѣ̀ нѣ́мъ: бы́сть же бѣ́сꙋ и҆зше́дшꙋ, проглаго́ла нѣмы́й: и҆ диви́шасѧ наро́ди. є҃і Нѣ́цыи же ѿ ни́хъ рѣ́ша: ѡ҆ веелзевꙋ́лѣ кнѧ́зѣ бѣсо́встѣмъ и҆зго́нитъ бѣ́сы. ѕ҃і Дрꙋзі́и же и҆скꙋша́юще, зна́менїѧ ѿ негѡ̀ и҆ска́хꙋ съ небесѐ. з҃і Ѻ҆́нъ же вѣ́дый помышлє́нїѧ и҆́хъ, речѐ и҆̀мъ: всѧ́ко ца́рство са́мо въ себѣ̀ раздѣлѧ́ѧсѧ, запꙋстѣ́етъ: и҆ до́мъ на до́мъ, па́даетъ. и҃і А҆́ще же и҆ сатана̀ са́мъ въ себѣ̀ (л. р҃к) раздѣли́сѧ, ка́кѡ ста́нетъ црⷭ҇тво є҆гѡ̀; ꙗ҆́коже глаго́лете, ѡ҆ веелзевꙋ́лѣ и҆згонѧ́ща мѧ̀ бѣ́сы. ѳ҃і А҆́ще же а҆́зъ ѡ҆ веелзевꙋ́лѣ и҆згоню̀ бѣ́сы, сы́нове ва́ши ѡ҆ ко́мъ и҆зго́нѧтъ; сегѡ̀ ра́ди ті́и бꙋ́дꙋтъ ва́мъ сꙋдїѝ. к҃ А҆́ще ли же ѡ҆ пе́рстѣ бж҃їи и҆згоню̀ бѣ́сы, ᲂу҆̀бо пости́же на ва́съ црⷭ҇твїе бж҃їе. к҃а Є҆гда̀ крѣ́пкїй воѡрꙋжи́всѧ храни́тъ сво́й дво́ръ, ꙾во смире́нїи꙾꙾въ ми́рѣ꙾ сꙋ́ть и҆мѣ̑нїѧ є҆гѡ̀. к҃в Є҆гда́ же крѣ́плѣй є҆гѡ̀ наше́дъ побѣди́тъ є҆го̀, всѐ ѻ҆рꙋ́жїе є҆гѡ̀ во́з̾метъ, на не́же ᲂу҆пова́ше, и҆ коры́сть є҆гѡ̀ раздае́тъ.

(заⷱ҇ н҃и) к҃г Пѧто́къ к҃г недѣ́ли: Речѐ гдⷭ҇ь: И҆́же нѣ́сть со мно́ю, на мѧ̀ є҆́сть: и҆ и҆́же не собира́етъ со мно́ю, расточа́етъ.

Коне́цъ четверткꙋ̀.

к҃д Є҆гда́ же нечи́стый дꙋ́хъ и҆зы́детъ ѿ человѣ́ка, прехо́дитъ сквозѣ̀ безвѡ́днаѧ мѣ́ста, и҆щѧ̀ поко́ѧ, и҆ не ѡ҆брѣта́ѧ, глаго́летъ: возвращꙋ́сѧ въ до́мъ мо́й, ѿню́дꙋже и҆зыдо́хъ. к҃є И҆ прише́дъ ѡ҆брѧ́щетъ и҆̀ помете́нъ, и҆ ᲂу҆краше́нъ. к҃ѕ Тогда̀ и҆́детъ и҆ по́йметъ се́дмь дрꙋги́хъ дꙋхѡ́въ го́ршихъ себѐ, и҆ вше́дше живꙋ́тъ тꙋ̀. и҆ быва́ютъ послѣ̑днѧѧ человѣ́кꙋ томꙋ̀ го́рша пе́рвыхъ.

Коне́цъ пѧткꙋ̀. Чтѝ бцⷣѣ:

[м҃] к҃з Бы́сть же є҆гда̀ глаго́лаше сїѧ̀, воздви́гши нѣ́каѧ жена̀ гла́съ ѿ наро́да, речѐ є҆мꙋ̀: блаже́но чре́во носи́вшее тѧ̀, и҆ сосца̀ ꙗ҆̀же є҆сѝ сса́лъ. к҃и Ѻ҆́нъ же речѐ: (л. р҃к ѡ҆б.) тѣ́мже ᲂу҆́бѡ блаже́ни слы́шащїи сло́во бж҃їе, и҆ хранѧ́ще є҆̀.

Коне́цъ бцⷣѣ.

(заⷱ҇ н҃ѳ) [м҃а] к҃ѳ Наро́дѡмъ же собира́ющымсѧ нача́тъ Понедѣ́льникъ к҃д недѣ́ли: Во вре́мѧ ѻ҆́но, наро́дѡмъ собира́ющымсѧ, нача́тъ і҆и҃съ глаго́лати: ро́дъ се́й лꙋка́въ є҆́сть: зна́менїѧ и҆́щетъ, и҆ зна́менїе не да́стсѧ є҆мꙋ̀, то́кмѡ зна́менїе і҆ѡ́ны проро́ка. л҃ Ꙗ҆́коже бо бы́сть і҆ѡ́на зна́менїе нїнеѵі́тѡмъ: та́кѡ бꙋ́детъ и҆ сн҃ъ чл҃вѣ́ческїй ро́дꙋ семꙋ̀. л҃а Цари́ца ю҆́жскаѧ воста́нетъ на сꙋ́дъ съ мꙋ́жи ро́да сегѡ̀, и҆ ѡ҆сꙋ́дитъ и҆̀хъ, ꙗ҆́кѡ прїи́де ѿ конє́цъ землѝ слы́шати премꙋ́дрость соломѡ́новꙋ: и҆ сѐ мно́жае соломѡ́на здѣ̀. л҃в Мꙋ́жїе нїнеѵі́тстїи воста́нꙋтъ на сꙋ́дъ съ ро́домъ си́мъ, и҆ ѡ҆сꙋ́дѧтъ и҆̀, ꙗ҆́кѡ пока́ѧшасѧ про́повѣдїю і҆ѡ́ниною: и҆ сѐ мно́жае і҆ѡ́ны здѣ̀. л҃г Никто́же ᲂу҆́бѡ свѣти́льника вже́гъ въ скро́вѣ полага́етъ, ни под̾ спꙋ́домъ: но на свѣ́щницѣ, да входѧ́щїи свѣ́тъ ви́дѧтъ.

Коне́цъ понедѣ́льникꙋ.

(заⷱ҇ ѯ҃) л҃д ꙳꙳ Вто́рникъ к҃д недѣ́ли: Речѐ гдⷭ҇ь: ꙳꙳ Свѣти́льникъ тѣ́лꙋ є҆́сть ѻ҆́ко, є҆гда̀ ᲂу҆́бѡ ѻ҆́ко твоѐ про́сто бꙋ́детъ, всѐ тѣ́ло твоѐ свѣ́тло бꙋ́детъ: є҆гда́ же лꙋка́во бꙋ́детъ, и҆ тѣ́ло твоѐ те́мно. л҃є Блюдѝ ᲂу҆́бѡ, є҆да̀ свѣ́тъ, и҆́же въ тебѣ̀, тма̀ є҆́сть; л҃ѕ А҆́ще бо тѣ́ло твоѐ всѐ свѣ́тло, не и҆мы́й нѣ́кїѧ (л. рк҃а) ча́сти те́мны: бꙋ́детъ свѣ́тло всѐ, ꙗ҆́кѡ сѐ є҆гда̀ свѣти́льникъ блиста́нїемъ просвѣща́етъ тѧ̀. [м҃в] л҃з Є҆гда́ же глаго́лаше, молѧ́ше є҆го̀ фарїсе́й нѣ́кїй, да ѻ҆бѣ́дꙋетъ ᲂу҆ негѡ̀: вше́дъ же возлежѐ. л҃и Фарїсе́й же ви́дѣвъ диви́сѧ, ꙗ҆́кѡ ꙾не пре́жде крести́сѧ꙾꙾не пе́рвѣе ᲂу҆мы́сѧ꙾ пе́рвѣе ѻ҆бѣ́да. л҃ѳ Рече́ же гдⷭ҇ь къ немꙋ̀: ны́нѣ вы̀ фарїсе́є, внѣ̑шнѧѧ стклѧ́ницы и҆ блю́да ѡ҆чища́ете: внꙋ́треннее же ва́ше по́лно грабле́нїѧ є҆́сть и҆ лꙋка́вства. м҃ Безꙋ́мнїи, не и҆́же ли сотворѝ внѣ́шнее, и҆ внꙋ́треннее сотвори́лъ є҆́сть; м҃а Ѻ҆ба́че въ сꙋ́щихъ дади́те ми́лостыню, и҆ сѐ всѧ̑ чи́ста ва́мъ бꙋ́дꙋтъ.

Коне́цъ вто́рникꙋ.

(заⷱ҇ ѯ҃а) м҃в Но го́ре ва́мъ Среда̀ к҃д недѣ́ли: Речѐ гдⷭ҇ь ко прише́дшымъ къ немꙋ̀ і҆ꙋде́ѡмъ: го́ре ва́мъ фарїсе́ѡмъ, ꙗ҆́кѡ ѡ҆десѧ́тствꙋете ѿ мѧ́твы и҆ пига́на, и҆ всѧ́кагѡ ѕе́лїѧ, и҆ мимохо́дите сꙋ́дъ и҆ любвѐ бж҃їѧ. сїѧ̑ же подоба́ше сотвори́ти, и҆ ѻ҆́нѣхъ не ѡ҆ставлѧ́ти. м҃г Го́ре ва́мъ фарїсе́ѡмъ, ꙗ҆́кѡ лю́бите предсѣда̑нїѧ на со́нмищехъ, и҆ цѣлова̑нїѧ на то́ржищехъ. м҃д Го́ре ва́мъ кни́жницы и҆ фарїсе́є лицемѣ́ри, ꙗ҆́кѡ є҆стѐ ꙗ҆́кѡ гро́би невѣ́доми, и҆ человѣ́цы ходѧ́щїи верхꙋ̀, не вѣ́дѧтъ. [м҃г] м҃ѕ Ѿвѣща́въ же нѣ́кїй ѿ закѡ́нникъ речѐ є҆мꙋ̀: ᲂу҆чи́телю, сїѧ̑ глаго́лѧ и҆ на́мъ досажда́еши. м҃з Ѻ҆́нъ же речѐ: и҆ ва́мъ зако́нникѡмъ го́ре, ꙗ҆́кѡ накла́даете на человѣ́ки бремена̀ не ᲂу҆до́бь носи́ма, и҆ са́ми є҆ди́нѣмъ пе́рстомъ ва́шимъ не прикаса́етесѧ бременє́мъ.

Коне́цъ средѣ̀. (л. рк҃а ѡ҆б.)

(заⷱ҇ ѯ҃в) м҃з Го́ре ва́мъ, Четверто́къ к҃д недѣ́ли: Речѐ гдⷭ҇ь ко прише́дшымъ къ немꙋ̀ і҆ꙋде́ѡмъ: го́ре ва́мъ кни́жницы и҆ фарїсе́є, ꙗ҆́кѡ зи́ждете гро́бы прорѡ́къ, ѻ҆тцы́ же ва́ши и҆зби́ша и҆̀хъ: м҃и Оу҆̀бо свидѣ́тельствꙋете и҆ с̾благоволитѐ дѣлѡ́мъ ѻ҆тє́цъ ва́шихъ: ꙗ҆́кѡ ті́и ᲂу҆́бѡ и҆зби́ша и҆̀хъ, вы́ же зи́ждете и҆́хъ гро́бы. м҃ѳ Сегѡ̀ ра́ди и҆ премꙋ́дрость бж҃їѧ речѐ: послю̀ ꙳въ ни́хъ꙳꙳къ ни́мъ꙳ проро́ки и҆ а҆по́столы, и҆ ѿ ни́хъ ᲂу҆бїю́тъ и҆ и҆зженꙋ́тъ. н҃ Да взы́щетсѧ кро́вь всѣ́хъ прорѡ́къ, пролиба́емаѧ ѿ сложе́нїѧ мі́ра, ѿ ро́да сегѡ̀, н҃а Ѿ кро́ве а҆́велѧ, до кро́ве заха́рїи, поги́бшагѡ междꙋ̀ ѻ҆лтаре́мъ и҆ хра́момъ. є҆́й, глаго́лю ва́мъ: взы́щетсѧ ѿ ро́да сегѡ̀. н҃в Го́ре ва́мъ зако́нникѡмъ, ꙗ҆́кѡ взѧ́сте клю́чь разꙋмѣ́нїѧ, са́ми не внидо́сте, и҆ входѧ́щымъ возбрани́сте. н҃г Глаго́лющꙋ же є҆мꙋ̀ сїѧ̑ къ ни́мъ, нача́ша кни́жницы и҆ фарїсе́є ꙾бѣ́днѣ꙾꙾ѕѣлѡ̀꙾ гнѣ́ватисѧ на́нь, и҆ ꙳преста́ти꙳꙳вопроша́ти꙳ є҆го̀ ѡ҆ мно́зѣ, н҃д ꙳꙳Ла́юще є҆го̀꙳꙳꙳꙳Навѣ́тꙋюще на́нь꙳꙳, и҆́щꙋще ᲂу҆лови́ти нѣ́что ѿ ᲂу҆́стъ є҆гѡ̀, да на́нь возглаго́лютъ.

Глава̀ в҃і.

а҃ ꙾ Ѡ҆ ни́хже꙾꙾Междꙋ̀ тѣ́мъ꙾ собра́вшымсѧ тма́мъ наро́да, ꙗ҆́кѡ попира́ти дрꙋ́гъ дрꙋ́га, нача́тъ глаго́лати ᲂу҆чн҃кѡ́мъ свои́мъ пе́рвѣе: [м҃д] внемли́те себѣ̀ ѿ ква́са фарїсе́йска, є҆́же є҆́сть лицемѣ́рїе.

Коне́цъ четверткꙋ̀.

(заⷱ҇ ѯ҃г) в҃ Ничто́же бо ꙳꙳ Пѧто́къ к҃д недѣ́ли: Речѐ гдⷭ҇ь: ничто́же ꙳꙳ Сїе́ же и҆ ст҃о́мꙋ геѡ́ргїю на ᲂу҆́трени. покрове́но є҆́сть, є҆́же не ѿкры́етсѧ: и҆ та́йно, є҆́же не разꙋмѣ́етсѧ. г҃ Занѐ, є҆ли̑ка во (л. рк҃в) тмѣ̀ рѣ́сте, во свѣ́тѣ ᲂу҆слы́шитсѧ: и҆ є҆́же ко ᲂу҆́хꙋ глаго́ласте во хра́мѣхъ, проповѣ́стсѧ на кро́вѣхъ. д҃ Глаго́лю же ва́мъ дрꙋгѡ́мъ свои́мъ: не ᲂу҆бо́йтесѧ ѿ ᲂу҆бива́ющихъ тѣ́ло, и҆ пото́мъ не могꙋ́щихъ ли́шше что̀ сотвори́ти. є҃ Сказꙋ́ю же ва́мъ, когѡ̀ ᲂу҆бо́йтесѧ: ᲂу҆бо́йтесѧ и҆мꙋ́щагѡ вла́сть по ᲂу҆бїе́нїи воврещѝ въ де́брь ѻ҆́гненнꙋю: є҆́й глаго́лю ва́мъ, тогѡ̀ ᲂу҆бо́йтесѧ. ѕ҃ Не пѧ́ть ли пти́цъ цѣни́тсѧ пѣ́нѧзема двѣма̀; и҆ ни є҆ди́на ѿ ни́хъ нѣ́сть забве́на пред̾ бг҃омъ. з҃ Но и҆ вла́си главы̀ ва́шеѧ всѝ и҆зочте́ни сꙋ́ть. не ᲂу҆бо́йтесѧ ᲂу҆̀бо: мно́зѣхъ пти́цъ ᲂу҆́нши є҆стѐ вы̀.

(заⷱ҇ ѯ҃д) и҃ Глаго́лю же ва́мъ: Ное́мврїа ѕ҃, ст҃о́мꙋ па́ѵлꙋ и҆сповѣ́дникꙋ: Речѐ гдⷭ҇ь: всѧ́къ и҆́же а҆́ще и҆сповѣ́сть мѧ̀ пред̾ человѣ́ки, и҆ сн҃ъ человѣ́ческїй и҆сповѣ́сть є҆го̀ пред̾ а҆́гг҃лы бж҃їими. ѳ҃ А҆ ѿвергі́йсѧ менѐ пред̾ человѣ́ки, ѿве́рженъ бꙋ́детъ пред̾ а҆́гг҃лы бж҃їими. і҃ И҆ всѧ́къ и҆́же рече́тъ сло́во на сн҃а чл҃вѣ́ческаго, ѡ҆ста́витсѧ є҆мꙋ̀: а҆ на ст҃а́го дх҃а хꙋ́лившемꙋ не ѡ҆ста́витсѧ. а҃і Є҆гда́ же приведꙋ́тъ вы̀ на собѡ́рища и҆ вла̑сти, и҆ влады́чєства, не пецы́тесѧ, ка́кѡ и҆лѝ что̀ ѿвѣща́ете, и҆лѝ что̀ рече́те: в҃і Ст҃ы́й бо дх҃ъ наꙋчи́тъ вы̀ въ то́й ча́съ, ꙗ҆̀же подоба́етъ рещѝ.

Коне́цъ пѧткꙋ̀ и҆ ст҃о́мꙋ.

(заⷱ҇ ѯ҃є) [м҃є] г҃і Рече́ же ꙳꙳ Понедѣ́льникъ к҃є недѣ́ли: Во вре́мѧ ѻ҆́но, ᲂу҆ча́щꙋ і҆и҃сꙋ, речѐ ꙳꙳ є҆мꙋ̀ нѣ́кїй ѿ наро́да: ᲂу҆чт҃лю, рцы̀ бра́тꙋ моемꙋ̀ раздѣли́ти со мно́ю достоѧ́нїе. д҃і Ѻ҆́нъ же речѐ є҆мꙋ̀: человѣ́че, кто́ мѧ поста́ви сꙋдїю̀, и҆лѝ (л. рк҃в ѡ҆б.) дѣли́телѧ над̾ ва́ми; є҃і Рече́ же къ ни́мъ: блюди́те, и҆ храни́тесѧ ѿ лихои́мства: ꙗ҆́кѡ ꙾не ѿ и҆збы́тка꙾꙾внегда̀ и҆збы́точествовати꙾ комꙋ̀ живо́тъ є҆гѡ̀ є҆́сть ѿ и҆мѣ́нїѧ є҆гѡ̀.

Престꙋпѝ понедѣ́льникꙋ.

(заⷱ҇ ѯ҃ѕ) [м҃ѕ] ѕ҃і Рече́ же при́тчꙋ къ ни́мъ, глаго́лѧ: Недѣ́лѧ к҃ѕ: Речѐ гдⷭ҇ь при́тчꙋ сїю̀: человѣ́кꙋ нѣ́коемꙋ бога́тꙋ ᲂу҆гобзи́сѧ ни́ва. з҃і И҆ мы́слѧше въ себѣ̀, глаго́лѧ: что̀ сотворю̀, ꙗ҆́кѡ не и҆́мамъ гдѣ̀ собра́ти плодѡ́въ мои́хъ; и҃і И҆ речѐ: сѐ сотворю̀, разорю̀ жи̑тницы моѧ̀, и҆ бо́льшыѧ сози́ждꙋ, и҆ соберꙋ̀ тꙋ̀ всѧ̀ жи́та моѧ̀, и҆ блага̑ѧ моѧ̀. ѳ҃і И҆ рекꙋ̀ дꙋшѝ мое́й: дꙋшѐ, и҆́маши мнѡ́га бла̑га, лежа́ща на лѣ́та мнѡ́га: почива́й, ꙗ҆́ждь, пі́й, весели́сѧ. к҃ Рече́ же є҆мꙋ̀ бг҃ъ: безꙋ́мне, въ сїю̀ но́щь дꙋ́шꙋ твою̀ и҆стѧ́жꙋтъ ѿ тебѐ: а҆ ꙗ҆̀же ᲂу҆гото́валъ є҆сѝ, комꙋ̀ бꙋ́дꙋтъ; к҃а Та́кѡ собира́ѧй себѣ̀, а҆ не въ бг҃а богатѣ́ѧ.

Коне́цъ недѣ́ли.

к҃в Рече́ же ко ᲂу҆ченикѡ́мъ свои́мъ:

Чтѝ понедѣ́льникꙋ:

сегѡ̀ ра́ди глаго́лю ва́мъ, не пецы́тесѧ дꙋше́ю ва́шею, что̀ ꙗ҆́сте: ни тѣ́ломъ, во что̀ ѡ҆блече́тесѧ. к҃г Дꙋша̀ бо́льши є҆́сть пи́щи, и҆ тѣ́ло ѻ҆де́жды. к҃д Смотри́те вра̑нъ, ꙗ҆́кѡ не сѣ́ютъ, ни жнꙋ́тъ, и҆̀мже нѣ́сть сокро́вища, ни жи́тницы, и҆ бг҃ъ пита́етъ и҆̀хъ. кольмѝ па́че вы̀ є҆стѐ лꙋ́чши пти́цъ; к҃є Кто́ же ѿ ва́съ (л. рк҃г) пекі́йсѧ, мо́жетъ приложи́ти во́зрастꙋ своемꙋ̀ ла́коть є҆ди́нъ; к҃ѕ А҆́ще ᲂу҆̀бо ни ма́ла чесѡ̀ мо́жете, что̀ ѡ҆ про́чихъ пече́тесѧ; к҃з Смотри́те крі́ны, ка́кѡ растꙋ́тъ: не трꙋжда́ютсѧ, ни прѧдꙋ́тъ. глаго́лю же ва́мъ, ꙗ҆́кѡ ни соломѡ́нъ во все́й сла́вѣ свое́й ѡ҆блече́сѧ, ꙗ҆́кѡ є҆ди́нъ ѿ си́хъ. к҃и А҆́ще же травꙋ̀ на селѣ̀ дне́сь сꙋ́щꙋ, и҆ ᲂу҆́трѣ въ пе́щь вме́щемꙋ, бг҃ъ та́кѡ ѡ҆дѣ́етъ, кольмѝ па́че ва́съ, маловѣ́ри; к҃ѳ И҆ вы̀ не и҆щи́те что̀ ꙗ҆́сте, и҆лѝ что̀ пїе́те: и҆ не возноси́тесѧ. л҃ Всѣ́хъ бо си́хъ ꙗ҆зы́цы мі́ра сегѡ̀ и҆́щꙋтъ: ва́шъ же ѻ҆ц҃ъ вѣ́сть, ꙗ҆́кѡ тре́бꙋете си́хъ. л҃а Ѻ҆ба́че и҆щи́те црⷭ҇твїѧ бж҃їѧ, и҆ сїѧ̑ всѧ̑ приложа́тсѧ ва́мъ.

Коне́цъ понедѣ́льникꙋ.

(заⷱ҇ ѯ҃з) л҃в Сꙋббѡ́та к҃и недѣ́ли: Речѐ гдⷭ҇ь: Не бо́йсѧ ма́лое ста́до: ꙗ҆́кѡ благоизво́ли ѻ҆ц҃ъ ва́шъ да́ти ва́мъ црⷭ҇тво. л҃г Продади́те и҆мѣ̑нїѧ ва́ша, и҆ дади́те ми́лѡстынѧ. сотвори́те себѣ̀ влага̑лища неветша́юща, сокро́вище неѡскꙋдѣ́емо на небесѣ́хъ: и҆дѣ́же та́ть не приближа́етсѧ, ни мо́ль растлѣва́етъ. л҃д И҆дѣ́же бо є҆́сть сокро́вище ва́ше, тꙋ̀ и҆ се́рдце ва́ше бꙋ́детъ. л҃є Да бꙋ́дꙋтъ чресла̀ ва́ша препоѧ́сана, и҆ свѣти́льницы горѧ́щїи: л҃ѕ И҆ вы̀ подо́бни человѣ́кѡмъ ча́ющымъ гдⷭ҇а своегѡ̀, когда̀ возврати́тсѧ ѿ бра̑къ, да прише́дшꙋ и҆ толкнꙋ́вшꙋ, а҆́бїе ѿве́рзꙋтъ є҆мꙋ̀. л҃з Блаже́ни рабѝ ті́и, и҆̀хже прише́дъ гдⷭ҇ь ѡ҆брѧ́щетъ бдѧ́щѧ. а҆ми́нь глаго́лю ва́мъ, ꙗ҆́кѡ препоѧ́шетсѧ, и҆ посади́тъ и҆̀хъ: и҆ ꙾минꙋ́въ꙾꙾пристꙋпи́въ꙾ послꙋ́житъ и҆̀мъ. л҃и И҆ а҆́ще (л. рк҃г ѡ҆б.) прїи́детъ во вторꙋ́ю стра́жꙋ, лю́бо въ тре́тїю стра́жꙋ прїи́детъ, и҆ ѡ҆брѧ́щетъ и҆̀хъ та́кѡ: блаже́ни сꙋ́ть рабѝ ті́и. л҃ѳ Се́ же вѣ́дите, ꙗ҆́кѡ а҆́ще бы вѣ́далъ господи́нъ хра́мины, въ кі́й ча́съ та́ть прїи́детъ, бдѣ́лъ ᲂу҆́бѡ бы̀, и҆ не бы̀ да́лъ подкопа́ти до́мꙋ своегѡ̀. м҃ И҆ вы̀ ᲂу҆́бѡ бꙋ́дите гото́ви: ꙗ҆́кѡ во́ньже ча́съ не мнитѐ, сн҃ъ человѣ́ческїй прїи́детъ.

Коне́цъ сꙋббѡ́тѣ.

м҃а Рече́ же є҆мꙋ̀ пе́тръ: гдⷭ҇и, къ на́мъ ли при́тчꙋ сїю̀ глаго́леши, и҆лѝ ко всѣ́мъ; м҃в Рече́ же гдⷭ҇ь:

(заⷱ҇ ѯ҃и) ꙳ Вто́рникъ к҃є недѣ́ли: Речѐ гдⷭ҇ь: Кто̀ ᲂу҆̀бо є҆́сть вѣ́рный строи́тель и҆ мꙋ́дрый, є҆го́же поста́витъ гдⷭ҇ь над̾ че́лѧдїю свое́ю, даѧ́ти во вре́мѧ житомѣ́рїе; м҃г Блаже́нъ ра́бъ то́й, є҆го́же прише́дъ гдⷭ҇ь є҆гѡ̀ ѡ҆брѧ́щетъ творѧ́ща та́кѡ. м҃д Вои́стиннꙋ глаго́лю ва́мъ, ꙗ҆́кѡ над̾ всѣ́мъ и҆мѣ́нїемъ свои́мъ поста́витъ є҆го̀. м҃є А҆́ще ли же рече́тъ ра́бъ то́й въ се́рдцы свое́мъ: косни́тъ господи́нъ мо́й прїитѝ, и҆ на́чнетъ би́ти рабы̑ и҆ рабы̑ни, ꙗ҆́сти же и҆ пи́ти, и҆ ᲂу҆пива́тисѧ: м҃ѕ Прїи́детъ господи́нъ раба̀ тогѡ̀ въ де́нь, во́ньже не ча́етъ, и҆ въ ча́съ во́ньже не вѣ́сть: и҆ проте́шетъ є҆го̀, и҆ ча́сть є҆гѡ̀ съ невѣ́рными положи́тъ. м҃з То́й же ра́бъ вѣ́дѣвый во́лю господи́на своегѡ̀, и҆ не ᲂу҆гото́вавъ, ни сотвори́въ по во́ли є҆гѡ̀, бїе́нъ бꙋ́детъ мно́гѡ. м҃и Не вѣ́дѣвый же, сотвори́въ же достѡ́йнаѧ ра́намъ, бїе́нъ бꙋ́детъ ма́лѡ. (л. рк҃д)

(заⷱ҇ ѯ҃ѳ) Всѧ́комꙋ же, Среда̀ к҃є недѣ́ли: Речѐ гдⷭ҇ь: всѧ́комꙋ є҆мꙋ́же дано̀ бꙋ́детъ мно́гѡ, мно́гѡ взы́щетсѧ ѿ негѡ̀: и҆ є҆мꙋ́же преда́ша мно́жайше, мно́жайше ꙾про́сѧтъ꙾꙾и҆стѧ́жꙋтъ꙾ ѿ негѡ̀.

Коне́цъ вто́рникꙋ.

м҃ѳ Ѻ҆гнѧ̀ прїидо́хъ воврещѝ на зе́млю, и҆ что̀ хощꙋ̀, а҆́ще ᲂу҆жѐ возгорѣ́сѧ; н҃ Креще́нїемъ же и҆́мамъ крⷭ҇ти́тисѧ, и҆ ка́кѡ ᲂу҆держꙋ́сѧ, до́ндеже сконча́ютсѧ; н҃а Мните́ ли, ꙗ҆́кѡ ми́ра прїидо́хъ да́ти на зе́млю; нѝ, глаго́лю ва́мъ, но раздѣле́нїѧ. н҃в Бꙋ́дꙋтъ бо ѿсе́лѣ пѧ́ть во є҆ди́номъ домꙋ̀ раздѣле́ны: трїѐ на два̀, и҆ два̀ на трѝ. н҃г Раздѣли́тсѧ ѻ҆те́цъ на сы́на, и҆ сы́нъ на ѻ҆тца̀: ма́ти на дще́рь, и҆ дщѝ на ма́терь: свекры̀ на невѣ́стꙋ свою̀, и҆ невѣ́ста на свекро́вь свою̀. н҃д Глаго́лаше же и҆ наро́дѡмъ: є҆гда̀ ᲂу҆́зрите ѻ҆́блакъ восходѧ́щъ ѿ за́пада, а҆́бїе глаго́лете: тꙋ́ча грѧде́тъ, и҆ быва́етъ та́кѡ. н҃є И҆ є҆гда̀ ю҆́гъ вѣ́ющъ, глаго́лете: зно́й бꙋ́детъ, и҆ быва́етъ. н҃ѕ Лицемѣ́ри, лицѐ не́бꙋ и҆ землѝ вѣ́сте и҆скꙋша́ти: вре́мене же сегѡ̀ ка́кѡ не и҆скꙋша́ете; н҃з Что́ же и҆ ѡ҆ себѣ̀ не сꙋ́дите пра́ведное; н҃и Є҆гда́ бо грѧде́ши съ сопе́рникомъ твои́мъ ко кнѧ́зю, на пꙋтѝ ꙳да́ждь дѣ́ланїе꙳꙳потщи́сѧ꙳ и҆збы́ти ѿ негѡ̀: да не ка́кѡ привлече́тъ тебѐ къ сꙋдїѝ, и҆ сꙋдїѧ́ тѧ преда́стъ слꙋзѣ̀, и҆ слꙋга̀ всади́тъ тѧ̀ въ темни́цꙋ. н҃ѳ Глаго́лю тебѣ̀: не и҆зы́деши ѿтꙋ́дꙋ, до́ндеже и҆ послѣ́днюю мѣ́дницꙋ возда́си.

Коне́цъ средѣ̀. (л. рк҃д ѡ҆б.)

Глава̀ г҃і.

(заⷱ҇ ѻ҃) [м҃з] а҃ Прїидо́ша же нѣ́цыи въ то̀ вре́мѧ, Четверто́къ к҃є недѣ́ли: Во вре́мѧ ѻ҆́но, прїидо́ша нѣ́цыи ко і҆и҃сови повѣ́дающе є҆мꙋ̀ ѡ҆ галїле́ехъ, и҆́хже кро́вь пїла́тъ смѣсѝ съ же́ртвами и҆́хъ. в҃ И҆ ѿвѣща́въ і҆и҃съ речѐ и҆̀мъ: мнитѐ ли, ꙗ҆́кѡ галїле́ане сі́и грѣ́шнѣйши па́че всѣ́хъ галїле́анъ бѧ́хꙋ, ꙗ҆́кѡ та́кѡ пострада́ша; г҃ Нѝ, глаго́лю ва́мъ: но а҆́ще не пока́етесѧ, всѝ та́кожде поги́бнете. д҃ И҆лѝ ѻ҆нѝ ѻ҆смьна́десѧте, на ни́хже падѐ сто́лпъ сїлѡа́мскїй, и҆ побѝ и҆̀хъ, мнитѐ ли, ꙗ҆́кѡ ті́и до́лжнѣйши бѧ́хꙋ па́че всѣ́хъ живꙋ́щихъ во і҆ерꙋсали́мѣ; є҃ Нѝ, глаго́лю ва́мъ: но а҆́ще не пока́етесѧ, всѝ та́кожде поги́бнете. ѕ҃ Глаго́лаше же сїю̀ при́тчꙋ: смоко́вницꙋ и҆мѧ́ше нѣ́кїй въ вїногра́дѣ свое́мъ всажденꙋ̀, и҆ прїи́де и҆щѧ̀ плода̀ на не́й, и҆ не ѡ҆брѣ́те. з҃ Рече́ же къ вїнаре́ви: сѐ тре́тїе лѣ́то, ѿне́лиже прихождꙋ̀, и҆щѧ̀ плода̀ на смоко́вницѣ се́й, и҆ не ѡ҆брѣта́ю: посѣцы̀ ю҆̀ ᲂу҆́бѡ, вскꙋ́ю и҆ зе́млю ᲂу҆пражнѧ́етъ; и҃ Ѻ҆́нъ же ѿвѣща́въ, речѐ є҆мꙋ̀: гдⷭ҇и, ѡ҆ста́ви ю҆̀ и҆ сѐ лѣ́то, до́ндеже ѡ҆копа́ю ѻ҆́крестъ є҆ѧ̀, и҆ ѡ҆сы́плю гно́емъ. ѳ҃ И҆ а҆́ще ᲂу҆́бѡ сотвори́тъ пло́дъ: а҆́ще ли же нѝ, во грѧдꙋ́щее посѣче́ши ю҆̀.

Коне́цъ четверткꙋ̀.

(заⷱ҇ ѻ҃а) [м҃и] і҃ Бѧ́ше же ᲂу҆чѧ̀ ꙳꙳ Недѣ́лѧ к҃з: Во вре́мѧ ѻ҆́но, бѣ̀ ᲂу҆чѧ̀ і҆и҃съ ꙳꙳ на є҆ди́номъ ѿ со́нмищъ въ сꙋббѡ́тꙋ. а҃і И҆ сѐ жена̀ бѣ̀ и҆мꙋ́щи дꙋ́хъ недꙋ́женъ лѣ́тъ ѻ҆смьна́десѧть, и҆ бѣ̀ слꙋка̀: и҆ не могꙋ́щи (л. рк҃є) восклони́тисѧ ѿню́дъ. в҃і Ви́дѣвъ же ю҆̀ і҆и҃съ, пригласѝ, и҆ речѐ є҆́й: же́но, ѿпꙋщена̀ є҆сѝ ѿ недꙋ́га твоегѡ̀. г҃і И҆ возложѝ на ню̀ рꙋ́цѣ: и҆ а҆́бїе простре́сѧ, и҆ сла́влѧше бг҃а. д҃і Ѿвѣща́въ же старѣ́йшина собо́рꙋ, негодꙋ́ѧ, занѐ въ сꙋббѡ́тꙋ и҆сцѣлѝ ю҆̀ і҆и҃съ, глаго́лаше наро́дꙋ: ше́сть дні́й є҆́сть, въ нѧ́же досто́итъ дѣ́лати, въ ты́ѧ ᲂу҆́бѡ приходѧ́ще цѣли́тесѧ, а҆ не въ де́нь сꙋббѡ́тный. є҃і Ѿвѣща́въ же ᲂу҆́бѡ є҆мꙋ̀ гдⷭ҇ь, и҆ речѐ: лицемѣ́ре, ко́ждо ва́съ въ сꙋббѡ́тꙋ не ѿрѣша́етъ ли своегѡ̀ вола̀, и҆лѝ ѻ҆сла̀ ѿ ꙗ҆́слїй, и҆ ве́дъ напаѧ́етъ; ѕ҃і Сїю́ же дще́рь а҆враа́млю сꙋ́щꙋ, ю҆́же свѧза̀ сатана̀ сѐ ѻ҆смоена́десѧте лѣ́то, не досто́ѧше ли разрѣши́тисѧ є҆́й ѿ ю҆́зы сеѧ̀ въ де́нь сꙋббѡ́тный; з҃і И҆ сїѧ̑ є҆мꙋ̀ глаго́лющꙋ, стыдѧ́хꙋсѧ всѝ противлѧ́ющїисѧ є҆мꙋ̀: и҆ всѝ лю́дїе ра́довахꙋсѧ ѡ҆ всѣ́хъ сла́вныхъ быва́ющихъ ѿ негѡ̀.

Коне́цъ недѣ́ли.

(заⷱ҇ ѻ҃в) [м҃ѳ] и҃і Глаго́лаше же: Сꙋббѡ́та к҃ѳ недѣ́ли: Речѐ гдⷭ҇ь при́тчꙋ сїю̀: ꙳ Сїе́ же и҆ пред̾ ржⷭ҇тво́мъ хрⷭ҇то́вымъ сꙋббѡ́та. комꙋ̀ подо́бно є҆́сть црⷭ҇твїе бж҃їе; и҆ комꙋ̀ ᲂу҆подо́блю є҆̀; ѳ҃і Подо́бно є҆́сть зе́рнꙋ горꙋ́шнꙋ, є҆́же прїе́мъ человѣ́къ вве́рже въ вертогра́дъ сво́й: и҆ возрастѐ, и҆ бы́сть дре́во ве́лїе, и҆ пти̑цы небє́сныѧ всели́шасѧ въ вѣ́твїѧ є҆гѡ̀. к҃ Па́ки речѐ: комꙋ̀ ᲂу҆подо́блю црⷭ҇твїе бж҃їе; к҃а Подо́бно є҆́сть ква́сꙋ, є҆́же прїе́мши жена̀, скры̀ въ мꙋцѣ̀ са́та трѝ, до́ндеже вски́се всѐ. к҃в И҆ прохожда́ше сквозѣ̀ гра́ды и҆ вє́си ᲂу҆чѧ̀, и҆ ше́ствїе (л. рк҃є ѡ҆б.) творѧ̀ во і҆ерꙋсали́мъ. [н҃] к҃г Рече́ же нѣ́кїй є҆мꙋ̀: гдⷭ҇и, а҆́ще ма́лѡ є҆́сть спаса́ющихсѧ; ѻ҆́нъ же речѐ къ ни́мъ: к҃д Подвиза́йтесѧ вни́ти сквозѣ̀ тѣ́снаѧ врата̀: ꙗ҆́кѡ мно́зи, глаго́лю ва́мъ, взы́щꙋтъ вни́ти, и҆ не возмо́гꙋтъ. к҃є Ѿне́лиже воста́нетъ до́мꙋ влⷣка, и҆ затвори́тъ двє́ри, и҆ на́чнете внѣ̀ стоѧ́ти, и҆ ᲂу҆дарѧ́ти въ двє́ри, глаго́люще: гдⷭ҇и, гдⷭ҇и, ѿве́рзи на́мъ. и҆ ѿвѣща́въ рече́тъ ва́мъ: не вѣ́мъ ва́съ, ѿкꙋ́дꙋ є҆стѐ. к҃ѕ Тогда̀ на́чнете глаго́лати: ꙗ҆до́хомъ пред̾ тобо́ю и҆ пи́хомъ, и҆ на распꙋ́тїѧхъ на́шихъ ᲂу҆чи́лъ є҆сѝ. к҃з И҆ рече́тъ, глаго́лю ва́мъ: не вѣ́мъ ва́съ, ѿкꙋ́дꙋ є҆стѐ, ѿстꙋпи́те ѿ менѐ всѝ дѣ́лателїе непра́вды. к҃и Тꙋ̀ бꙋ́детъ пла́чь и҆ скре́жетъ зꙋбѡ́мъ: є҆гда̀ ᲂу҆́зрите а҆враа́ма, и҆ і҆саа́ка, и҆ і҆а́кѡва, и҆ всѧ̀ проро́ки во црⷭ҇твїи бж҃їи, ва́съ же и҆згони́мыхъ во́нъ. к҃ѳ И҆ прїи́дꙋтъ ѿ востѡ́къ, и҆ за̑падъ, и҆ сѣ́вера, и҆ ю҆́га, и҆ во́злѧгꙋтъ въ црⷭ҇твїи бж҃їи.

Коне́цъ сꙋббѡ́тамъ.

л҃ И҆ сѐ сꙋ́ть послѣ́днїи, и҆̀же бꙋ́дꙋтъ пе́рви: и҆ сꙋ́ть пе́рвїи, и҆̀же бꙋ́дꙋтъ послѣ́дни.

(заⷱ҇ ѻ҃г) [н҃а] л҃а Въ то́й де́нь пристꙋпи́ша Пѧто́къ к҃є недѣ́ли: Во вре́мѧ ѻ҆́но, пристꙋпи́ша ко і҆и҃сꙋ нѣ́цыи ѿ фарїсє́й, глаго́люще є҆мꙋ̀: и҆зы́ди, и҆ и҆дѝ ѿсю́дꙋ, ꙗ҆́кѡ и҆́рѡдъ хо́щетъ тѧ̀ ᲂу҆би́ти. л҃в И҆ речѐ и҆̀мъ: ше́дше рцы́те ли́сꙋ томꙋ̀, сѐ и҆згоню̀ бѣ́сы, и҆ и҆сцѣлє́нїѧ творю̀ дне́сь и҆ ᲂу҆́трѣ, и҆ въ тре́тїй сконча́ю. л҃г Ѻ҆ба́че подоба́етъ мѝ дне́сь и҆ ᲂу҆́трѣ, и҆ въ бли́жнїй и҆тѝ, ꙗ҆́кѡ (л. рк҃ѕ) не возмо́жно є҆́сть проро́кꙋ поги́бнꙋти кромѣ̀ і҆ерꙋсали́ма. л҃д І҆ерꙋсали́ме і҆ерꙋсали́ме, и҆зби́вый проро́ки, и҆ ка́менїемъ побива́ѧ пѡ́сланныѧ къ тебѣ̀: колькра́ты восхотѣ́хъ собра́ти ча̑да твоѧ̀, ꙗ҆́коже ко́кошъ гнѣздо̀ своѐ под̾ крилѣ̀, и҆ не восхотѣ́сте! л҃є Сѐ ѡ҆ставлѧ́етсѧ ва́мъ до́мъ ва́шъ пꙋ́стъ. глаго́лю же ва́мъ, ꙗ҆́кѡ не и҆́мате менѐ ви́дѣти, до́ндеже прїи́детъ, є҆гда̀ рече́те: бл҃гослове́нъ грѧды́й во и҆́мѧ гдⷭ҇не.

Коне́цъ пѧткꙋ̀.

Глава̀ д҃і.

(заⷱ҇ ѻ҃д) [н҃в] а҃ И҆ бы́сть є҆гда̀ вни́ти є҆мꙋ̀ Сꙋббѡ́та л҃ недѣ́ли: Во вре́мѧ ѻ҆́но, вни́де і҆и҃съ въ до́мъ нѣ́коегѡ кнѧ́зѧ фарїсе́йска, въ сꙋббѡ́тꙋ хлѣ́бъ ꙗ҆́сти: и҆ ті́и бѧ́хꙋ назира́юще є҆го̀. в҃ И҆ сѐ человѣ́къ нѣ́кїй, и҆мы́й водны́й трꙋ́дъ, бѣ̀ пред̾ ни́мъ. г҃ И҆ ѿвѣща́въ і҆и҃съ речѐ къ зако́нникѡмъ и҆ фарїсе́ѡмъ, глаго́лѧ: а҆́ще досто́итъ въ сꙋббѡ́тꙋ цѣли́ти; д҃ Ѻ҆ни́ же ᲂу҆молча́ша: и҆ прїе́мъ и҆сцѣлѝ є҆го̀, и҆ ѿпꙋстѝ. є҃ И҆ ѿвѣща́въ къ ни́мъ, речѐ: кото́рагѡ ѿ ва́съ ѻ҆се́лъ, и҆лѝ во́лъ, въ стꙋдене́цъ впаде́тъ, и҆ не а҆́бїе ли и҆сто́ргнетъ є҆го̀ въ де́нь сꙋббѡ́тный; ѕ҃ И҆ не возмого́ша ѿвѣща́ти є҆мꙋ̀ къ си̑мъ. [н҃г] з҃ Глаго́лаше же къ зва́ннымъ при́тчꙋ, ꙾ѡ҆бдержѧ̀꙾꙾внима́ѧ꙾, ка́кѡ предсѣда̑нїѧ и҆збира́хꙋ, глаго́лѧ къ ни́мъ: и҃ Є҆гда̀ зва́нъ бꙋ́деши ки́мъ на бра́къ, не сѧ́ди на пре́днѣмъ мѣ́стѣ: є҆да̀ кто̀ честнѣ́е тебѐ бꙋ́детъ зва́нныхъ: ѳ҃ И҆ прише́дъ и҆́же тебѐ зва́вый и҆ ѻ҆́наго, рече́тъ тѝ: да́ждь семꙋ̀ (л. рк҃ѕ ѡ҆б.) мѣ́сто: и҆ тогда̀ на́чнеши со стꙋдо́мъ послѣ́днее мѣ́сто держа́ти. і҃ Но є҆гда̀ зва́нъ бꙋ́деши, ше́дъ сѧ́ди на послѣ́днѣмъ мѣ́стѣ: да є҆гда̀ прїи́детъ зва́вый тѧ̀, рече́тъ тѝ: дрꙋ́же, посѧ́ди вы́ше: тогда̀ бꙋ́детъ тѝ сла́ва пред̾ зва́нными съ тобо́ю. а҃і Ꙗ҆́кѡ всѧ́къ возносѧ́йсѧ, смири́тсѧ: и҆ смирѧ́ѧйсѧ, вознесе́тсѧ.

Коне́цъ сꙋббѡ́тѣ.

(заⷱ҇ ѻ҃є) в҃і Глаго́лаше же и҆ Понедѣ́льникъ к҃ѕ недѣ́ли: Во вре́мѧ ѻ҆́но, вни́де і҆и҃съ въ до́мъ нѣ́коегѡ кнѧ́зѧ фарїсе́йска въ де́нь сꙋббѡ́тный снѣ́сти хлѣ́бъ, и҆ глаго́лаше ко зва́вшемꙋ є҆го̀: є҆гда̀ сотвори́ши ѻ҆бѣ́дъ, и҆лѝ ве́черю, не зовѝ дрꙋгѡ́въ твои́хъ, ни бра́тїи твоеѧ̀, ни срѡ́дникъ твои́хъ, ни сосѣ̑дъ бога́тыхъ: є҆да̀ когда̀ и҆ ті́и тѧ̀ та́кожде воззовꙋ́тъ, и҆ бꙋ́детъ тѝ воздаѧ́нїе. г҃і Но є҆гда̀ твори́ши пи́ръ, зовѝ ни́щыѧ, маломѡ́щи, хрѡ́мыѧ, слѣпы̑ѧ: д҃і И҆ блаже́нъ бꙋ́деши, ꙗ҆́кѡ не и҆́мꙋтъ тѝ что̀ возда́ти: возда́стъ же ти сѧ въ воскреше́нїе пра́ведныхъ. є҃і Слы́шавъ же нѣ́кїй ѿ возлежа́щихъ съ ни́мъ сїѧ̑, речѐ є҆мꙋ̀: блаже́нъ, и҆́же снѣ́сть ѻ҆бѣ́дъ въ црⷭ҇твїи бж҃їи.

Коне́цъ понедѣ́льникꙋ.

(заⷱ҇ ѻ҃ѕ) [н҃д] ѕ҃і Ѻ҆́нъ же речѐ є҆мꙋ̀: ꙳꙳ Недѣ́лѧ к҃и: Речѐ гдⷭ҇ь при́тчꙋ сїю̀: ꙳꙳ Сїе́ же и҆ въ недѣ́лю пра́ѻтцєвъ. человѣ́къ нѣ́кїй сотворѝ ве́черю ве́лїю, и҆ зва̀ мнѡ́ги. з҃і И҆ посла̀ раба̀ своего̀ въ го́дъ ве́чери, рещѝ зва̑ннымъ: грѧди́те, ꙗ҆́кѡ ᲂу҆жѐ готѡ́ва (л. рк҃з) сꙋ́ть всѧ̑. и҃і И҆ нача́ша вкꙋ́пѣ ѿрица́тисѧ всѝ. пе́рвый речѐ є҆мꙋ̀: село̀ кꙋпи́хъ, и҆ и҆́мамъ нꙋ́ждꙋ и҆зы́ти, и҆ ви́дѣти є҆̀: молю́ ти сѧ, и҆мѣ́й мѧ̀ ѿрече́на. ѳ҃і И҆ дрꙋгі́й речѐ: сꙋпрꙋ̑гъ воло́вныхъ кꙋпи́хъ пѧ́ть, и҆ грѧдꙋ̀ и҆скꙋси́ти и҆̀хъ: молю́ тѧ, и҆мѣ́й мѧ̀ ѿрече́на. к҃ И҆ дрꙋгі́й речѐ: женꙋ̀ поѧ́хъ, и҆ сегѡ̀ ра́ди не могꙋ̀ прїитѝ. к҃а И҆ прише́дъ ра́бъ то́й, повѣ́да господи́нꙋ своемꙋ̀ сїѧ̑. тогда̀ разгнѣ́вавсѧ до́мꙋ влады́ка, речѐ рабꙋ̀ своемꙋ̀: и҆зы́ди ско́рѡ на распꙋ̑тїѧ и҆ стѡ́гны гра́да, и҆ ни́щыѧ, и҆ бѣ̑дныѧ, и҆ слѣпы̑ѧ, и҆ хрѡ́мыѧ введѝ сѣ́мѡ. к҃в И҆ речѐ ра́бъ: гдⷭ҇и, бы́сть ꙗ҆́коже повелѣ̀, и҆ є҆щѐ мѣ́сто є҆́сть. к҃г И҆ речѐ господи́нъ къ рабꙋ̀: и҆зы́ди на пꙋти̑ и҆ халꙋ̑ги, и҆ ᲂу҆бѣдѝ вни́ти, да напо́лнитсѧ до́мъ мо́й. к҃д Глаго́лю бо ва́мъ: ꙗ҆́кѡ ни є҆ди́нъ мꙋже́й тѣ́хъ зва́нныхъ вкꙋ́ситъ моеѧ̀ ве́чери: мно́зи бо сꙋ́ть зва́ни, ма́лѡ же и҆збра́нныхъ.

Коне́цъ недѣ́ли.

(заⷱ҇ ѻ҃з) к҃є И҆дѧ́хꙋ же съ ни́мъ Вто́рникъ к҃ѕ недѣ́ли: Во вре́мѧ ѻ҆́но, и҆дѧ́хꙋ со і҆и҃сомъ наро́ди мно́зи, и҆ ѡ҆бра́щсѧ речѐ къ ни́мъ: к҃ѕ А҆́ще кто̀ грѧде́тъ ко мнѣ̀, и҆ не возненави́дитъ ѻ҆тца̀ своего̀, и҆ ма́терь, и҆ женꙋ̀, и҆ ча̑дъ, и҆ бра́тїю, и҆ се́стръ, є҆ще́ же и҆ дꙋ́шꙋ свою̀, не мо́жетъ мо́й бы́ти ᲂу҆чени́къ. к҃з И҆ и҆́же не но́ситъ крⷭ҇та̀ своегѡ̀, и҆ въ слѣ́дъ менѐ грѧде́тъ, не мо́жетъ мо́й бы́ти ᲂу҆чени́къ. [н҃є] к҃и Кто́ бо ѿ ва́съ, хотѧ́й сто́лпъ созда́ти, не пре́жде ли сѣ́дъ разчте́тъ и҆мѣ́нїе, а҆́ще и҆́мать є҆́же є҆́сть на соверше́нїе: к҃ѳ Да не когда̀ (л. рк҃з ѡ҆б.) положи́тъ ѡ҆снова́нїе, и҆ не возмо́жетъ соверши́ти, всѝ ви́дѧщїи начнꙋ́тъ рꙋга́тисѧ є҆мꙋ̀, л҃ Глаго́люще: ꙗ҆́кѡ се́й человѣ́къ нача́тъ зда́ти, и҆ не мо́же соверши́ти. л҃а И҆лѝ кі́й ца́рь и҆ды́й ко и҆но́мꙋ царю̀ сни́тисѧ съ ни́мъ на бра́нь, не сѣ́дъ ли пре́жде совѣщава́етъ, а҆́ще си́ленъ є҆́сть срѣ́стисѧ съ десѧтїю̀ ты́сѧщъ, грѧдꙋ́щаго со двѣма́десѧтма ты́сѧщама на́нь; л҃в А҆́ще ли же нѝ, є҆щѐ дале́че є҆мꙋ̀ сꙋ́щꙋ, моле́нїе посла́въ, мо́литсѧ ѡ҆ смире́нїи. л҃г Та́кѡ ᲂу҆́бѡ всѧ́къ ѿ ва́съ, и҆́же не ѿрече́тсѧ всегѡ̀ своегѡ̀ и҆мѣ́нїѧ, не мо́жетъ бы́ти мо́й ᲂу҆чени́къ. л҃д Добро̀ є҆́сть со́ль: а҆́ще же со́ль ѡ҆бꙋѧ́етъ, въ че́мъ ѡ҆соли́тсѧ; л҃є Ни въ землѝ, ни въ гно́и тре́бꙋетъ: во́нъ и҆зсы́плютъ ю҆̀. и҆мѣ́ѧй ᲂу҆́ши слы́шати, да слы́шитъ.

Коне́цъ вто́рникꙋ.

Глава̀ є҃і.

(заⷱ҇ ѻ҃и) а҃ Бѧ́хꙋ же приближа́ющесѧ є҆мꙋ̀ Среда̀ к҃ѕ, недѣ́ли: Во вре́мѧ ѻ҆́но, бѧ́хꙋ приближа́ющесѧ і҆и҃сꙋ всѝ мытарі́е и҆ грѣ́шницы, послꙋ́шати є҆гѡ̀. в҃ И҆ ропта́хꙋ фарїсе́є и҆ кни́жницы, глаго́люще: ꙗ҆́кѡ се́й грѣ́шники прїе́млетъ, и҆ съ ни́ми ꙗ҆́стъ. [н҃ѕ] г҃ Рече́ же къ ни́мъ при́тчꙋ сїю̀, глаго́лѧ: д҃ Кі́й человѣ́къ ѿ ва́съ и҆мы́й сто̀ ѻ҆ве́цъ, и҆ погꙋ́бль є҆ди́нꙋ ѿ ни́хъ, не ѡ҆ста́витъ ли девѧти́десѧтъ и҆ девѧтѝ въ пꙋсты́ни, и҆ и҆́детъ въ слѣ́дъ поги́бшїѧ, до́ндеже ѡ҆брѧ́щетъ ю҆̀; є҃ И҆ ѡ҆брѣ́тъ, возлага́етъ на ра́мѣ своѝ ра́дꙋѧсѧ. ѕ҃ И҆ прише́дъ въ до́мъ, созыва́етъ дрꙋ́ги и҆ сосѣ́ды, (л. рк҃и) глаго́лѧ и҆̀мъ: ра́дꙋйтесѧ со мно́ю, ꙗ҆́кѡ ѡ҆брѣто́хъ ѻ҆вцꙋ̀ мою̀ поги́бшꙋю. з҃ Глаго́лю ва́мъ: ꙗ҆́кѡ та́кѡ ра́дость бꙋ́детъ на небесѝ ѡ҆ є҆ди́номъ грѣ́шницѣ ка́ющемсѧ, не́жели ѡ҆ девѧти́десѧтихъ и҆ девѧтѝ пра́вєдникъ, и҆̀же не тре́бꙋютъ покаѧ́нїѧ. и҃ И҆лѝ ка́ѧ жена̀ и҆мꙋ́щи де́сѧть дра́хмъ, а҆́ще погꙋби́тъ дра́хмꙋ є҆ди́нꙋ, не вжига́етъ ли свѣти́льника, и҆ помете́тъ хра́минꙋ, и҆ и҆́щетъ прилѣ́жнѡ, до́ндеже ѡ҆брѧ́щетъ; ѳ҃ И҆ ѡ҆брѣ́тши, созыва́етъ дрꙋги̑ни и҆ сосѣ́ды, глаго́лющи: ра́дꙋйтесѧ со мно́ю, ꙗ҆́кѡ ѡ҆брѣто́хъ дра́хмꙋ поги́бшꙋю. і҃ Та́кѡ, глаго́лю ва́мъ, ра́дость быва́етъ пред̾ а҆́гг҃лы бж҃їими ѡ҆ є҆ди́номъ грѣ́шницѣ ка́ющемсѧ.

Коне́цъ средѣ̀.

(заⷱ҇ ѻ҃ѳ) [н҃з] а҃і Рече́ же: Недѣ́лѧ л҃д ѡ҆ блꙋ́днѣмъ: Речѐ гдⷭ҇ь при́тчꙋ сїю̀: человѣ́къ нѣ́кїй и҆мѣ̀ два̀ сы́на. в҃і И҆ речѐ ю҆нѣ́йшїй ꙾є҆ю̀꙾꙾ѿ ни́хъ꙾ ѻ҆тцꙋ̀: ѻ҆́тче, да́ждь мѝ досто́йнꙋю ча́сть и҆мѣ́нїѧ. и҆ раздѣлѝ и҆́ма и҆мѣ́нїе. г҃і И҆ не по мно́зѣхъ дне́хъ собра́въ всѐ мні́й сы́нъ, ѿи́де на странꙋ̀ дале́че, и҆ тꙋ̀ расточѝ и҆мѣ́нїе своѐ, живы́й блꙋ́днѡ. д҃і И҆зжи́вшꙋ же є҆мꙋ̀ всѐ, бы́сть гла́дъ крѣ́покъ на странѣ̀ то́й: и҆ то́й нача́тъ лиша́тисѧ. є҃і И҆ ше́дъ прилѣпи́сѧ є҆ди́номꙋ ѿ жи́тєль тоѧ̀ страны̀: и҆ посла̀ є҆го̀ на сє́ла своѧ̀ пастѝ свинїѧ̑. ѕ҃і И҆ жела́ше насы́тити чре́во своѐ ѿ рожє́цъ, ꙗ҆̀же ꙗ҆дѧ́хꙋ свинїѧ̑: и҆ никто́же даѧ́ше є҆мꙋ̀. з҃і Въ себе́ же прише́дъ, речѐ: коли́кѡ нае́мникѡмъ ѻ҆тца̀ моегѡ̀ и҆збыва́ютъ (л. рк҃и ѡ҆б.) хлѣ́бы, а҆́зъ же гла́домъ ги́блю. и҃і Воста́въ и҆дꙋ̀ ко ѻ҆тцꙋ̀ моемꙋ̀, и҆ рекꙋ̀ є҆мꙋ̀: ѻ҆́тче согрѣши́хъ на не́бо, и҆ пред̾ тобо́ю, ѳ҃і И҆ ᲂу҆жѐ нѣ́смь досто́инъ нарещи́сѧ сы́нъ тво́й: сотвори́ мѧ ꙗ҆́кѡ є҆ди́наго ѿ нає́мникъ твои́хъ. к҃ И҆ воста́въ и҆́де ко ѻ҆тцꙋ̀ своемꙋ̀. є҆ще́ же є҆мꙋ̀ дале́че сꙋ́щꙋ, ᲂу҆зрѣ̀ є҆го̀ ѻ҆те́цъ є҆гѡ̀, и҆ ми́лъ є҆мꙋ̀ бы́сть: и҆ те́къ нападѐ на вы́ю є҆гѡ̀, и҆ ѡ҆блобыза̀ є҆го̀. к҃а Рече́ же є҆мꙋ̀ сы́нъ: ѻ҆́тче, согрѣши́хъ на не́бо, и҆ пред̾ тобо́ю, и҆ ᲂу҆жѐ нѣ́смь досто́инъ нарещи́сѧ сы́нъ тво́й. к҃в Рече́ же ѻ҆те́цъ къ рабѡ́мъ свои́мъ: и҆знеси́те ѻ҆де́ждꙋ пе́рвꙋю, и҆ ѡ҆блецы́те є҆го̀, и҆ дади́те пе́рстень на рꙋ́кꙋ є҆гѡ̀, и҆ сапогѝ на но́зѣ: к҃г И҆ приве́дше теле́цъ ᲂу҆питѣ́нный, заколи́те, и҆ ꙗ҆́дше весели́мсѧ. к҃д Ꙗ҆́кѡ сы́нъ мо́й се́й ме́ртвъ бѣ̀, и҆ ѡ҆живѐ: и҆ и҆зги́блъ бѣ̀, и҆ ѡ҆брѣ́тесѧ. и҆ нача́ша весели́тисѧ. к҃є Бѣ́ же сы́нъ є҆гѡ̀ ста́рѣй на селѣ̀: и҆ ꙗ҆́кѡ грѧды́й прибли́жисѧ къ до́мꙋ, слы́ша пѣ́нїе и҆ ли́ки. к҃ѕ И҆ призва́въ є҆ди́наго ѿ ѻ҆́трѡкъ, вопроша́ше: что̀ ᲂу҆́бѡ сїѧ̑ сꙋ́ть; к҃з Ѻ҆́нъ же речѐ є҆мꙋ̀: ꙗ҆́кѡ бра́тъ тво́й прїи́де, и҆ закла̀ ѻ҆те́цъ тво́й теле́цъ ᲂу҆питѣ́нный, ꙗ҆́кѡ здра́ва є҆го̀ прїѧ́тъ. к҃и Разгнѣ́вавсѧ же и҆ не хотѧ́ше вни́ти. ѻ҆те́цъ же є҆гѡ̀ и҆зше́дъ, молѧ́ше є҆го̀. к҃ѳ Ѻ҆́нъ же ѿвѣща́въ, речѐ ѻ҆тцꙋ̀: сѐ толи́кѡ лѣ́тъ рабо́таю тебѣ̀, и҆ николи́же за́пѡвѣди твоѧ̀ престꙋпи́хъ, и҆ мнѣ̀ николи́же да́лъ є҆сѝ козлѧ́те, да со дрꙋ́ги свои́ми возвесели́лсѧ бы́хъ. л҃ Є҆гда́ же сы́нъ тво́й се́й, и҆з̾ѣды́й твоѐ и҆мѣ́нїе съ любодѣ́йцами, прїи́де, закла̀ є҆мꙋ̀ теле́цъ пито́мый. л҃а Ѻ҆́нъ же речѐ є҆мꙋ̀: ча́до, ты̀ всегда̀ со мно́ю є҆сѝ, и҆ всѧ̑ моѧ̑ твоѧ̑ (л. рк҃ѳ) сꙋ́ть. л҃в Возвесели́ти же сѧ и҆ возра́довати подоба́ше, ꙗ҆́кѡ бра́тъ тво́й се́й ме́ртвъ бѣ̀ и҆ ѡ҆живѐ: и҆ и҆зги́блъ бѣ̀, и҆ ѡ҆брѣ́тесѧ.

Коне́цъ недѣ́ли.

Глава̀ ѕ҃і.

(заⷱ҇ п҃) [н҃и] а҃ Глаго́лаше же ко ᲂу҆ченикѡ́мъ свои́мъ: Четверто́къ к҃ѕ недѣ́ли: Речѐ гдⷭ҇ь при́тчꙋ сїю̀: чл҃вѣ́къ нѣ́кїй бѣ̀ бога́тъ, и҆́же и҆мѧ́ше приста́вника: и҆ то́й ѡ҆клевета́нъ бы́сть къ немꙋ̀, ꙗ҆́кѡ расточа́етъ и҆мѣ̑нїѧ є҆гѡ̀. в҃ И҆ пригласи́въ є҆го̀, речѐ є҆мꙋ̀: что̀ сѐ слы́шꙋ ѡ҆ тебѣ̀; возда́ждь ѿвѣ́тъ ѡ҆ приставле́нїи домо́внѣмъ: не возмо́жеши бо ктомꙋ̀ до́мꙋ стро́ити. г҃ Рече́ же въ себѣ̀ приста́вникъ до́мꙋ: что̀ сотворю̀, ꙗ҆́кѡ гдⷭ҇ь мо́й ѿе́млетъ строе́нїе до́мꙋ ѿ менѐ; копа́ти не могꙋ̀, проси́ти стыжꙋ́сѧ. д҃ Разꙋмѣ́хъ, что̀ сотворю̀: да є҆гда̀ ѿста́вленъ бꙋ́дꙋ ѿ строе́нїѧ до́мꙋ, прїи́мꙋтъ мѧ̀ въ до́мы своѧ̀. є҃ И҆ призва́въ є҆ди́наго кого́ждо дѡ́лжникъ гдⷭ҇и́на своегѡ̀, глаго́лаше пе́рвомꙋ: коли́цѣмъ до́лженъ є҆сѝ гдⷭ҇и́нꙋ моемꙋ̀; ѕ҃ Ѻ҆́нъ же речѐ: сто̀ ꙾мѣ́ръ꙾въ гре́ч. ꙾ва́тосъ꙾ ма́сла. и҆ речѐ є҆мꙋ̀: прїимѝ писа́нїе твоѐ, и҆ сѣ́дъ ско́рѡ напишѝ пѧтьдесѧ́тъ. з҃ Пото́мъ же речѐ дрꙋго́мꙋ: ты́ же коли́цѣмъ до́лженъ є҆сѝ; ѻ҆́нъ же речѐ: сто̀ мѣ́ръ пшени́цы. и҆ глаго́ла є҆мꙋ̀: прїимѝ писа́нїе твоѐ, и҆ напишѝ ѻ҆́смьдесѧтъ. и҃ И҆ похвалѝ гдⷭ҇ь до́мꙋ строи́телѧ непра́веднаго, ꙗ҆́кѡ мꙋ́дрѣ сотворѝ. ꙗ҆́кѡ сы́нове вѣ́ка сегѡ̀ мꙋдрѣ́йши, па́че сынѡ́въ свѣ́та въ (л. рк҃ѳ ѡ҆б.) ро́дѣ свое́мъ сꙋ́ть. ѳ҃ И҆ а҆́зъ ва́мъ глаго́лю: сотвори́те себѣ̀ дрꙋ́ги ѿ мамѡ́ны непра́вды, да є҆гда̀ ѡ҆скꙋдѣ́ете, прїи́мꙋтъ вы̀ въ вѣ́чныѧ кро́вы.

Коне́цъ четверткꙋ̀.

(заⷱ҇ п҃а) і҃ Сꙋббѡ́та л҃а недѣ́ли: Речѐ гдⷭ҇ь: Вѣ́рный въ ма́лѣ, и҆ во мно́зѣ вѣ́ренъ є҆́сть: и҆ непра́ведный въ ма́лѣ, и҆ во мно́зѣ непра́веденъ є҆́сть. а҃і А҆́ще ᲂу҆́бѡ въ непра́веднѣмъ и҆мѣ́нїи вѣ́рни не бы́сте, во и҆́стиннѣмъ кто̀ ва́мъ вѣ́рꙋ и҆́метъ; в҃і И҆ а҆́ще въ чꙋже́мъ вѣ́рни не бы́сте, ва́ше кто̀ ва́мъ да́стъ; г҃і Никі́йже ра́бъ мо́жетъ двѣма̀ гдⷭ҇и́нома рабо́тати: лю́бо є҆ди́наго возненави́дитъ, а҆ дрꙋга́го возлю́битъ: и҆лѝ є҆ди́нагѡ держи́тсѧ, ѡ҆ дрꙋзѣ́мъ же нерадѣ́ти на́чнетъ. не мо́жете бг҃ꙋ рабо́тати и҆ мамѡ́нѣ. д҃і Слы́шахꙋ же сїѧ̑ всѧ̑ и҆ фарїсе́є, сребролю́бцы сꙋ́ще, рꙋга́хꙋсѧ є҆мꙋ̀. є҃і И҆ речѐ и҆̀мъ:

(заⷱ҇ п҃в) ꙳꙳ Пѧто́къ к҃ѕ недѣ́ли: Речѐ гдⷭ҇ь ко прише́дшымъ къ немꙋ̀ і҆ꙋде́ѡмъ: ꙳꙳ Вы̀ є҆стѐ ѡ҆правда́юще себѐ пред̾ человѣ́ки: бг҃ъ же вѣ́сть сердца̀ ва́ша: ꙗ҆́кѡ є҆́же є҆́сть въ человѣ́цѣхъ высоко̀, ме́рзость є҆́сть пред̾ бг҃омъ.

Коне́цъ сꙋббѡ́тѣ.

ѕ҃і Зако́нъ и҆ проро́цы до і҆ѡа́нна: ѿто́лѣ црⷭ҇твїе бж҃їе бл҃говѣствꙋ́етсѧ, и҆ всѧ́къ въ нѐ ꙾нꙋ́дитсѧ꙾꙾съ нꙋ́ждею вхо́дитъ꙾. з҃і Оу҆до́бѣе же є҆́сть нб҃ꙋ и҆ землѝ прейтѝ, не́же ѿ зако́на є҆ди́ной чертѣ̀ поги́бнꙋти. и҃і Всѧ́къ пꙋща́ѧй женꙋ̀ свою̀, и҆ приводѧ̀ и҆́нꙋ, прелюбы̀ дѣ́етъ: и҆ женѧ́йсѧ пꙋще́ною ѿ мꙋ́жа, прелюбы̀ твори́тъ. (л. р҃л)

Престꙋпѝ пѧткꙋ̀.

(заⷱ҇ п҃г) [н҃ѳ] ѳ҃і Человѣ́къ же Недѣ́лѧ к҃в: Речѐ гдⷭ҇ь при́тчꙋ сїю̀: человѣ́къ нѣ́кїй бѣ̀ бога́тъ, и҆ ѡ҆блача́шесѧ въ порфѵ́рꙋ и҆ вѵ́ссонъ, веселѧ́сѧ на всѧ̀ днѝ свѣ́тлѡ. к҃ Ни́щъ же бѣ̀ нѣ́кто, и҆́менемъ ла́зарь, и҆́же лежа́ше пред̾ враты̀ є҆гѡ̀ гно́енъ. к҃а И҆ жела́ше насы́титисѧ ѿ крꙋпи́цъ па́дающихъ ѿ трапе́зы бога́тагѡ: но и҆ псѝ приходѧ́ще ѡ҆близа́хꙋ гно́й є҆гѡ̀. к҃в Бы́сть же ᲂу҆мре́ти ни́щемꙋ, и҆ несе́нꙋ бы́ти а҆́гг҃лы на ло́но а҆враа́мле: ᲂу҆́мре же и҆ бога́тый, и҆ погребо́ша є҆го̀. к҃г И҆ во а҆́дѣ возве́дъ ѻ҆́чи своѝ, сы́й въ мꙋ́кахъ, ᲂу҆зрѣ̀ а҆враа́ма и҆здале́ча, и҆ ла́зарѧ на ло́нѣ є҆гѡ̀. к҃д И҆ то́й возгла́шь, и҆ речѐ: ѻ҆́ч҃е а҆враа́ме, поми́лꙋй мѧ̀, и҆ послѝ ла́зарѧ, да ѡ҆мо́читъ коне́цъ пе́рста своегѡ̀ въ водѣ̀, и҆ ᲂу҆стꙋди́тъ ѧ҆зы́къ мо́й, ꙗ҆́кѡ страждꙋ̀ во пла́мени се́мъ. к҃є Рече́ же а҆враа́мъ: ча́до, помѧнѝ, ꙗ҆́кѡ воспрїѧ́лъ є҆сѝ блага̑ѧ твоѧ̑ въ животѣ̀ твое́мъ, и҆ ла́зарь та́коже ѕла̑ѧ: ны́нѣ же здѣ̀ ᲂу҆тѣша́етсѧ, ты́ же стра́ждеши. к҃ѕ И҆ над̾ всѣ́ми си́ми, междꙋ̀ на́ми и҆ ва́ми про́пасть вели́ка ᲂу҆тверди́сѧ, ꙗ҆́кѡ да хотѧ́щїи прейтѝ ѿсю́дꙋ къ ва́мъ, не возмо́гꙋтъ, ни и҆̀же ѿтꙋ́дꙋ къ на́мъ прехо́дѧтъ. к҃з Рече́ же: молю́ тѧ ᲂу҆́бѡ ѻ҆́ч҃е, да по́слеши є҆го̀ въ до́мъ ѻ҆тца̀ моегѡ̀. к҃и И҆́мамъ бо пѧ́ть бра́тїѧ, ꙗ҆́кѡ да засвидѣ́тельствꙋетъ и҆̀мъ, да не и҆ ті́и прїи́дꙋтъ на мѣ́сто сїѐ мꙋче́нїѧ. к҃ѳ Глаго́ла є҆мꙋ̀ а҆враа́мъ: и҆́мꙋтъ мѡѷсе́а и҆ проро́ки, да послꙋ́шаютъ и҆̀хъ. л҃ Ѻ҆́нъ же речѐ: нѝ, (л. р҃л ѡ҆б.) ѻ҆́ч҃е а҆враа́ме, но а҆́ще кто̀ ѿ ме́ртвыхъ и҆́детъ къ ни́мъ, пока́ютсѧ. л҃а Рече́ же є҆мꙋ̀: а҆́ще мѡѷсе́а и҆ проро́ки не послꙋ́шаютъ, ни а҆́ще кто̀ ѿ ме́ртвыхъ воскре́снетъ, не и҆́мꙋтъ вѣ́ры.

Коне́цъ недѣ́ли. Чтѝ пѧткꙋ̀:

Глава̀ з҃і.

а҃ Рече́ же ко ᲂу҆ченикѡ́мъ свои́мъ: не возмо́жно є҆́сть не прїитѝ собла́знѡмъ, го́ре же є҆гѡ́же ра́ди прихо́дитъ. в҃ Оу҆́нее є҆мꙋ̀ бы́ло бы, а҆́ще же́рновъ ѻ҆се́льскїй ѡ҆блежа́лъ бы ѡ҆ вы́и є҆гѡ̀, и҆ вве́рженъ въ мо́ре, не́же да соблазни́тъ ма́лыхъ си́хъ є҆ди́наго.

(заⷱ҇ п҃д) г҃ Сꙋббѡ́та л҃в недѣ́ли: Речѐ гдⷭ҇ь: Внемли́те себѣ̀: а҆́ще согрѣши́тъ къ тебѣ̀ бра́тъ тво́й, запретѝ є҆мꙋ̀: и҆ а҆́ще пока́етсѧ, ѡ҆ста́ви є҆мꙋ̀: д҃ И҆ а҆́ще седми́щи на де́нь согрѣши́тъ къ тебѣ̀, и҆ седми́щи на де́нь ѡ҆брати́тсѧ, глаго́лѧ: ка́юсѧ: ѡ҆ста́ви є҆мꙋ̀.

Коне́цъ пѧткꙋ̀.

є҃ И҆ реко́ша а҆пⷭ҇ли гдⷭ҇еви, приложѝ на́мъ вѣ́рꙋ. ѕ҃ Рече́ же гдⷭ҇ь: а҆́ще бы́сте и҆мѣ́ли вѣ́рꙋ, ꙗ҆́кѡ зе́рно горꙋ́шно, глаго́лали бы́сте ᲂу҆́бѡ ꙗ҆́годичинѣ се́й: восто́ргнисѧ, и҆ всади́сѧ въ мо́ре: и҆ послꙋ́шала бы ва́съ. з҃ Кото́рый же ѿ ва́съ, ра́бъ и҆мѣ́ѧ ѡ҆рю́щъ и҆лѝ пасꙋ́щъ, и҆́же прише́дшꙋ є҆мꙋ̀ съ села̀ рече́тъ а҆́бїе: ꙾минꙋ́въ꙾꙾прише́дъ꙾ возлѧ́зи. и҃ Но не рече́тъ ли є҆мꙋ̀: ᲂу҆гото́вай что̀ (л. рл҃а) вечерѧ́ю, и҆ препоѧ́савсѧ слꙋжи́ ми, до́ндеже ꙗ҆́мъ и҆ пїю̀, и҆ пото́мъ ꙗ҆́си, и҆ пїе́ши ты̀; ѳ҃ Є҆да̀ ꙾и҆́мать хвалꙋ̀꙾꙾благодари́тъ꙾ рабꙋ̀ томꙋ̀, ꙗ҆́кѡ сотворѝ повелѣ̑ннаѧ; не мню̀. і҃ Та́кѡ и҆ вы̀, є҆гда̀ сотворитѐ всѧ̑ повелѣ̑ннаѧ ва́мъ, глаго́лите, ꙗ҆́кѡ рабѝ неключи́ми є҆смы̀: ꙗ҆́кѡ є҆́же до́лжни бѣ́хомъ сотвори́ти, сотвори́хомъ.

Коне́цъ сꙋббѡ́тѣ.

а҃і И҆ бы́сть и҆дꙋ́щꙋ є҆мꙋ̀ во і҆ерꙋсали́мъ, и҆ то́й прохожда́ше междꙋ̀ самарі́ею и҆ галїле́ею.

(заⷱ҇ п҃є) [ѯ҃] в҃і Входѧ́щꙋ же є҆мꙋ̀ Недѣ́лѧ к҃ѳ: Во вре́мѧ ѻ҆́но, входѧ́щꙋ і҆и҃сови въ нѣ́кꙋю ве́сь, срѣто́ша є҆го̀ де́сѧть прокаже́нныхъ мꙋже́й, и҆̀же ста́ша и҆здале́ча. г҃і И҆ ті́и вознесо́ша гла́съ, глаго́люще: і҆и҃се наста́вниче, поми́лꙋй ны̀. д҃і И҆ ви́дѣвъ речѐ и҆̀мъ: ше́дше покажи́тесѧ сщ҃е́нникѡмъ. и҆ бы́сть и҆дꙋ́щымъ и҆̀мъ, ѡ҆чи́стишасѧ. є҃і Є҆ди́нъ же ѿ ни́хъ ви́дѣвъ, ꙗ҆́кѡ и҆сцѣлѣ̀, возврати́сѧ, со гла́сомъ ве́лїимъ сла́вѧ бг҃а. ѕ҃і И҆ падѐ ни́цъ при ногꙋ̀ є҆гѡ̀, хвалꙋ̀ є҆мꙋ̀ воздаѧ̀: и҆ то́й бѣ̀ самарѧни́нъ. з҃і Ѿвѣща́въ же і҆и҃съ речѐ: не де́сѧть ли ѡ҆чи́стишасѧ, да де́вѧть гдѣ̀; и҃і Ка́кѡ не ѡ҆брѣто́шасѧ, возвра́щшесѧ да́ти сла́вꙋ бг҃ꙋ, то́кмѡ и҆ноплеме́нникъ се́й; ѳ҃і И҆ речѐ є҆мꙋ̀: воста́въ, и҆дѝ, вѣ́ра твоѧ̀ спасѐ тѧ̀.

Коне́цъ недѣ́ли.

(заⷱ҇ п҃ѕ) к҃ Вопроше́нъ же бы́въ ꙳꙳ Понедѣ́льникъ к҃з недѣ́ли: Во вре́мѧ ѻ҆́но, вопроше́нъ бы́въ і҆и҃съ ꙳꙳ ѿ фарїсє́й: когда̀ прїи́детъ црⷭ҇твїе бж҃їе; ѿвѣща́въ и҆̀мъ, речѐ: не прїи́детъ (л. рл҃а ѡ҆б.) црⷭ҇твїе бж҃їе ꙾съ соблюде́нїемъ꙾꙾со ᲂу҆смотре́нїемъ꙾. к҃а Нижѐ рекꙋ́тъ: сѐ здѣ̀, и҆лѝ ѻ҆́ндѣ: се́ бо црⷭ҇твїе бж҃їе внꙋ́трь ва́съ є҆́сть. к҃в Рече́ же ко ᲂу҆ченикѡ́мъ свои́мъ: прїи́дꙋтъ дні́е, є҆гда̀ вожделѣ́ете є҆ди́нагѡ днѐ сн҃а чл҃вѣ́ческагѡ ви́дѣти, и҆ не ᲂу҆́зрите. к҃в И҆ рекꙋ́тъ ва́мъ: сѐ здѣ̀, сѐ ѻ҆́ндѣ: не и҆зы́дите, ни пожени́те. к҃г Ꙗ҆́кѡ бо мо́лнїи блиста́ющисѧ ѿ поднбⷭ҇ныѧ, на поднбⷭ҇нѣй свѣ́титсѧ: та́кѡ бꙋ́детъ сн҃ъ чл҃вѣ́ческїй въ де́нь сво́й. к҃є Пре́жде же подоба́етъ є҆мꙋ̀ мно́гѡ пострада́ти, и҆ ꙳и҆скꙋше́нꙋ꙳꙳ѿве́рженꙋ꙳ бы́ти ѿ ро́да сегѡ̀.

Коне́цъ понедѣ́льникꙋ.

(заⷱ҇ п҃з) к҃ѕ И҆ ꙗ҆́коже Вто́рникъ к҃з недѣ́ли: Речѐ гдⷭ҇ь: ꙗ҆́коже бы́сть во днѝ нѡ́евы, та́кѡ бꙋ́детъ и҆ во днѝ сн҃а человѣ́ческа. к҃з Ꙗ҆дѧ́хꙋ, пїѧ́хꙋ, женѧ́хꙋсѧ, посѧга́хꙋ: до негѡ́же днѐ вни́де нѡ́е въ ковче́гъ: и҆ прїи́де пото́пъ, и҆ погꙋбѝ всѧ̑. к҃и Та́кожде и҆ ꙗ҆́коже бы́сть во дни̑ лѡ́товы: ꙗ҆дѧ́хꙋ, пїѧ́хꙋ, кꙋпова́хꙋ, продаѧ́хꙋ, сажда́хꙋ, зда́хꙋ: к҃ѳ Во́ньже де́нь и҆зы́де лѡ́тъ ѿ содо́млѧнъ, ѡ҆дождѝ ка́мы горѧ́щѧ, и҆ ѻ҆́гнь съ небесѐ, и҆ погꙋбѝ всѧ̑. л҃ По томꙋ́ же бꙋ́детъ и҆ въ де́нь, во́ньже сн҃ъ чл҃вѣ́ческїй ꙗ҆ви́тсѧ. л҃а Въ то́й де́нь, и҆́же бꙋ́детъ на кро́вѣ, и҆ сосꙋ́ди є҆гѡ̀ въ домꙋ̀, да не сла́зитъ взѧ́ти и҆̀хъ: и҆ и҆́же на селѣ̀, та́кожде да не возврати́тсѧ вспѧ́ть. л҃в Помина́йте женꙋ̀ лѡ́товꙋ. л҃г И҆́же а҆́ще взы́щетъ дꙋ́шꙋ свою̀ спастѝ, погꙋби́тъ ю҆̀: и҆ и҆́же а҆́ще погꙋби́тъ ю҆̀, живи́тъ ю҆̀. л҃д Глаго́лю ва́мъ: въ тꙋ̀ но́щь бꙋ́дета два̀ на ѻ҆дрѣ̀ є҆ди́номъ: є҆ди́нъ (л. рл҃в) пое́млетсѧ, а҆ дрꙋгі́й ѡ҆ставлѧ́етсѧ. л҃є Бꙋ́детѣ двѣ̀ вкꙋ́пѣ ме́лющѣ: є҆ди́на пое́млетсѧ, а҆ дрꙋга́ѧ ѡ҆ставлѧ́етсѧ. л҃ѕ Два̀ бꙋ́дета на селѣ̀: є҆ди́нъ пое́млетсѧ, а҆ дрꙋгі́й ѡ҆ставлѧ́етсѧ. л҃з И҆ ѿвѣща́вше глаго́лаша є҆мꙋ̀: гдѣ̀ гдⷭ҇и; ѻ҆́нъ же речѐ и҆̀мъ: и҆дѣ́же тѣ́ло, та́мѡ соберꙋ́тсѧ и҆ ѻ҆рлѝ.

Коне́цъ вто́рникꙋ.

Глава̀ и҃і.

а҃ Глаго́лаше же и҆ при́тчꙋ къ ни́мъ, ка́кѡ подоба́етъ всегда̀ моли́тисѧ, и҆ не стꙋжа́ти сѝ, в҃ Глаго́лѧ:

(заⷱ҇ п҃и) [ѯ҃а] Сꙋббѡ́та л҃г недѣ́ли: Речѐ гдⷭ҇ь при́тчꙋ сїю̀: Сꙋдїѧ̀ бѣ̀ нѣ́кїй въ нѣ́коемъ гра́дѣ, бг҃а не боѧ́сѧ, и҆ человѣ̑къ не срамлѧ́ѧсѧ. г҃ Вдова́ же нѣ́каѧ бѣ̀ во гра́дѣ то́мъ, и҆ прихожда́ше къ немꙋ̀, глаго́лющи: ѿмстѝ менѐ ѿ сопе́рника моегѡ̀. д҃ И҆ не хотѧ́ше на до́лзѣ вре́мени. послѣди́ же речѐ въ себѣ̀: а҆́ще и҆ бг҃а не бою́сѧ, и҆ человѣ̑къ не срамлѧ́юсѧ: є҃ Но занѐ твори́тъ мѝ трꙋды̀ вдови́ца сїѧ̀, да ѿмщꙋ̀ є҆ѧ̀: да не до конца̀ приходѧ́щи, ꙾застои́тъ꙾꙾трꙋди́тъ꙾ менѐ. ѕ҃ Рече́ же гдⷭ҇ь: слы́шите, что̀ сꙋдїѧ̀ непра́вды глаго́летъ; з҃ Бг҃ъ же не и҆́мать ли сотвори́ти ѿмще́нїе и҆збра́нныхъ свои́хъ, вопїю́щихъ къ немꙋ̀ де́нь и҆ но́щь, и҆ долготерпѧ̀ ѡ҆ ни́хъ; и҃ Глаго́лю ва́мъ, ꙗ҆́кѡ сотвори́тъ ѿмще́нїе и҆́хъ вско́рѣ.

Коне́цъ сꙋббѡ́тѣ. (л. рл҃в ѡ҆б.)

ѻ҆ба́че сн҃ъ человѣ́ческїй прише́дъ, ᲂу҆́бѡ ѡ҆брѧ́щетъ ли сѝ вѣ́рꙋ на землѝ; ѳ҃ Рече́ же и҆ ко дрꙋги́мъ ᲂу҆пова́ющымъ собо́ю, ꙗ҆́кѡ сꙋ́ть пра́вєдницы, и҆ ᲂу҆ничижа́ющымъ про́чихъ, при́тчꙋ сїю̀:

(заⷱ҇ п҃ѳ) [ѯ҃в] і҃ Недѣ́лѧ л҃г ѡ҆ мытарѝ и҆ фарїсе́и: Речѐ гдⷭ҇ь при́тчꙋ сїю̀: Человѣ́ка два̀ внидо́ста въ це́рковь помоли́тисѧ: є҆ди́нъ фарїсе́й, а҆ дрꙋгі́й мыта́рь. а҃і Фарїсе́й же ста́въ си́це въ себѣ̀ молѧ́шесѧ: бж҃е, хвалꙋ̀ тебѣ̀ воздаю̀, ꙗ҆́кѡ нѣ́смь ꙗ҆́коже про́чїи человѣ́цы, хи́щницы, непра́вєдницы, прелюбодѣ́є, и҆лѝ ꙗ҆́коже се́й мыта́рь. в҃і Пощꙋ́сѧ двакра́ты въ сꙋббѡ́тꙋ, десѧти́нꙋ даю̀ всегѡ̀ є҆ли́кѡ притѧжꙋ̀. г҃і Мыта́рь же и҆здале́ча стоѧ̀, и҆ не хотѧ́ше ни ѻ҆́чїю возвестѝ на нб҃о, но бїѧ́ше пє́рси своѧ̀, глаго́лѧ: бж҃е, ми́лостивъ бꙋ́ди мнѣ̀ грѣ́шникꙋ. д҃і Глаго́лю ва́мъ, ꙗ҆́кѡ сни́де се́й ѡ҆правда́нъ въ до́мъ сво́й па́че ѻ҆́нагѡ: ꙗ҆́кѡ всѧ́къ возносѧ́йсѧ, смири́тсѧ: смирѧ́ѧй же себѐ, вознесе́тсѧ.

Коне́цъ недѣ́ли.

(заⷱ҇ ч҃) є҃і Приноша́хꙋ же къ немꙋ̀ и҆ ꙳꙳ Среда̀ к҃з недѣ́ли: Во вре́мѧ ѻ҆́но, приноша́хꙋ ко і҆и҃сꙋ ꙳꙳ младе́нцы, да и҆́хъ ко́снетсѧ: ви́дѣвше же ᲂу҆ченицы̀ запрети́ша и҆̀мъ. ѕ҃і І҆и҃съ же призва́въ и҆̀хъ, глаго́ла: ѡ҆ста́вите дѣте́й приходи́ти ко мнѣ̀, и҆ не брани́те и҆̀мъ, таковы́хъ бо є҆́сть црⷭ҇твїе бж҃їе. з҃і А҆ми́нь бо глаго́лю ва́мъ: и҆́же а҆́ще не прїи́метъ црⷭ҇твїѧ бж҃їѧ ꙗ҆́кѡ ѻ҆троча̀, не и҆́мать вни́ти въ нѐ.

Престꙋпѝ средѣ̀. (л. рл҃г)

(заⷱ҇ ч҃а) [ѯ҃г] и҃і И҆ вопросѝ є҆го̀ нѣ́кїй кнѧ́зь, глаго́лѧ: Недѣ́лѧ л҃: Во вре́мѧ ѻ҆́но, человѣ́къ нѣ́кїй пристꙋпѝ ко і҆и҃сꙋ, и҆скꙋша́ѧ є҆го̀, и҆ глаго́лѧ: ᲂу҆чт҃лю благі́й, что̀ сотвори́въ, живо́тъ вѣ́чный наслѣ́дствꙋю; ѳ҃і Рече́ же є҆мꙋ̀ і҆и҃съ: что́ мѧ глаго́леши бла́га; никто́же бла́гъ то́кмѡ є҆ди́нъ бг҃ъ. к҃ За́пѡвѣди вѣ́си: не прелюбы̀ творѝ: не ᲂу҆бі́й: не ᲂу҆кра́ди: не лжесвидѣ́тельствꙋй: чтѝ ѻ҆тца̀ твоего̀ и҆ ма́терь твою̀. к҃а Ѻ҆́нъ же речѐ: всѧ̑ сїѧ̑ сохрани́хъ ѿ ю҆́ности моеѧ̀. к҃в Слы́шавъ же сїѧ̀ і҆и҃съ, речѐ є҆мꙋ̀: є҆щѐ є҆ди́нагѡ не доконча́лъ є҆сѝ: всѧ̑ є҆ли̑ка и҆́маши, прода́ждь и҆ разда́й ни́щымъ, и҆ и҆мѣ́ти и҆́маши сокро́вище на нб҃сѝ, и҆ грѧдѝ во слѣ́дъ менѐ. к҃г Ѻ҆́нъ же слы́шавъ сїѐ, приско́рбенъ бы́сть: бѣ́ бо бога́тъ ѕѣлѡ̀. к҃д Ви́дѣвъ же є҆го̀ і҆и҃съ приско́рбна бы́вша, речѐ: ка́кѡ не ᲂу҆до́бь и҆мꙋ́щїи бога́тство, въ црⷭ҇твїе бж҃їе вни́дꙋтъ. к҃є Оу҆до́бѣе бо є҆́сть вельбꙋ́дꙋ сквозѣ̀ и҆глинѣ̀ ᲂу҆́ши проитѝ, не́же бога́тꙋ въ црⷭ҇твїе бж҃їе вни́ти.

Чтѝ средѣ̀:

к҃ѕ Рѣ́ша же слы́шавшїи: то̀ кто̀ мо́жетъ спасе́нъ бы́ти; к҃з Ѻ҆́нъ же речѐ: невозмѡ́жнаѧ ѿ человѣ̑къ, возмѡ́жна сꙋ́ть ѿ бг҃а.

Коне́цъ недѣ́ли.

к҃и Рече́ же пе́тръ: сѐ мы̀ ѡ҆ста́вихомъ всѧ̑, и҆ по тебѣ̀ и҆до́хомъ. к҃ѳ Ѻ҆́нъ же речѐ и҆̀мъ: а҆ми́нь глаго́лю ва́мъ, ꙗ҆́кѡ никто́же є҆́сть, и҆́же ѡ҆ста́витъ до́мъ, (л. рл҃г ѡ҆б.) и҆лѝ роди́тели, и҆лѝ бра́тїю, и҆лѝ сєстры̀, и҆лѝ женꙋ̀, и҆лѝ ча̑да црⷭ҇твїѧ ра́ди бж҃їѧ: л҃ И҆́же не прїи́метъ мно́жицею во вре́мѧ сїѐ, и҆ въ вѣ́къ грѧдꙋ́щїй живо́тъ вѣ́чный.

Коне́цъ средѣ̀.

(заⷱ҇ ч҃в) л҃а Пое́мъ же Четверто́къ к҃з недѣ́ли: Во вре́мѧ ѻ҆́но, пое́мъ і҆и҃съ ѻ҆бана́десѧте ᲂу҆чєника̀ своѧ̀, речѐ къ ни́мъ: сѐ восхо́димъ во і҆ерꙋсали́мъ, и҆ сконча́ютсѧ всѧ̑ пи̑саннаѧ проро́ки ѡ҆ сн҃ѣ человѣ́честѣ. л҃в Предадѧ́тъ бо є҆го̀ ꙗ҆зы́кѡмъ, и҆ порꙋга́ютсѧ є҆мꙋ̀, и҆ ᲂу҆корѧ́тъ є҆го̀, и҆ ѡ҆плю́ютъ є҆го̀: л҃г И҆ би́вше ᲂу҆бїю́тъ є҆го̀, и҆ въ тре́тїй де́нь воскре́снетъ. л҃д И҆ ті́и ничесо́же ѿ си́хъ разꙋмѣ́ша: и҆ бѣ̀ глаго́лъ се́й сокрове́нъ ѿ ни́хъ, и҆ не разꙋмѣва́хꙋ глаго́лемыхъ.

Коне́цъ четверткꙋ̀.

(заⷱ҇ ч҃г) [ѯ҃д] л҃є Бы́сть же є҆гда̀ прибли́жишасѧ ꙳꙳ Недѣ́лѧ л҃а: Во вре́мѧ ѻ҆́но, є҆гда̀ прибли́жисѧ і҆и҃съ ꙳꙳ во і҆ерїхѡ́нъ, слѣпе́цъ нѣ́кїй сѣдѧ́ше при пꙋтѝ просѧ̀. л҃ѕ Слы́шавъ же наро́дъ мимоходѧ́щь, вопроша́ше: что̀ ᲂу҆́бѡ є҆́сть сїѐ; л҃з Повѣ́даша же є҆мꙋ̀, ꙗ҆́кѡ і҆и҃съ назарѧни́нъ мимохо́дитъ. л҃и И҆ возопѝ, глаго́лѧ: і҆и҃се сн҃е дв҃довъ, поми́лꙋй мѧ̀. л҃ѳ И҆ пред̾идꙋ́щїи преща́хꙋ є҆мꙋ̀, да ᲂу҆молчи́тъ, ѻ҆́нъ же па́че мно́жае вопїѧ́ше: сн҃е дв҃довъ, поми́лꙋй мѧ̀. м҃ Ста́въ же і҆и҃съ, повелѣ̀ привестѝ є҆го̀ къ себѣ̀. прибли́жшꙋ же сѧ є҆мꙋ̀ къ немꙋ̀, вопросѝ є҆го̀, м҃а Глаго́лѧ: что̀ хо́щеши, да тѝ сотворю̀; ѻ҆́нъ (л. рл҃д) же речѐ: гдⷭ҇и, да прозрю̀. м҃в І҆и҃съ же речѐ є҆мꙋ̀: прозрѝ, вѣ́ра твоѧ̀ спасе́ тѧ. м҃г И҆ а҆́бїе прозрѣ̀, и҆ во слѣ́дъ є҆гѡ̀ и҆дѧ́ше сла́вѧ бг҃а. и҆ всѝ лю́дїе ви́дѣвше, возда́ша хвалꙋ̀ бг҃ови.

Коне́цъ недѣ́ли.

Глава̀ ѳ҃і.

(заⷱ҇ ч҃д) [ѯ҃є] а҃ И҆ вше́дъ прохожда́ше Недѣ́лѧ л҃в: Во вре́мѧ ѻ҆́но, прїи́де і҆и҃съ во і҆ерїхѡ́нъ. в҃ И҆ сѐ мꙋ́жъ нарица́емый закхе́й и҆ се́й бѣ̀ ста́рѣй мытарє́мъ, и҆ то́й бѣ̀ бога́тъ. г҃ И҆ и҆ска́ше ви́дѣти і҆и҃са, кто́ є҆сть: и҆ не можа́ше ѿ наро́да, ꙗ҆́кѡ во́зрастомъ ма́лъ бѣ̀. д҃ И҆ предите́къ возлѣ́зе на ꙗ҆́годичинꙋ, да ви́дитъ, ꙗ҆́кѡ тꙋдѣ̀ хотѧ́ше минꙋ́ти: є҃ И҆ ꙗ҆́кѡ прїи́де на мѣ́сто, воззрѣ́въ і҆и҃съ, ви́дѣвъ є҆го̀, и҆ речѐ къ немꙋ̀: закхе́е, потща́всѧ слѣ́зи, дне́сь бо въ домꙋ̀ твое́мъ подоба́етъ мѝ бы́ти. ѕ҃ И҆ потща́всѧ слѣ́зе, и҆ прїѧ́тъ є҆го̀ ра́дꙋѧсѧ. з҃ И҆ ви́дѣвше всѝ ропта́хꙋ, глаго́люще, ꙗ҆́кѡ ко грѣ́шнꙋ мꙋ́жꙋ вни́де вита́ти. и҃ Ста́въ же закхе́й речѐ ко гдⷭ҇ꙋ: сѐ по́лъ и҆мѣ́нїѧ моегѡ̀, гдⷭ҇и, да́мъ ни́щымъ: и҆ а҆́ще кого̀ чи́мъ ѡ҆би́дѣхъ, возвращꙋ̀ четвери́цею. ѳ҃ Рече́ же къ немꙋ̀ і҆и҃съ, ꙗ҆́кѡ дне́сь спасе́нїе до́мꙋ семꙋ̀ бы́сть: занѐ и҆ се́й сы́нъ а҆враа́мль є҆́сть. і҃ Прїи́де бо сн҃ъ человѣ́чь взыска́ти, и҆ спастѝ поги́бшаго.

Коне́цъ недѣ́ли.

а҃і Слы́шащымъ же и҆̀мъ сїѧ̑, прило́жь речѐ при́тчꙋ, (л. рл҃д ѡ҆б.) занѐ бли́зъ є҆мꙋ̀ бы́ти і҆ерꙋсали́ма, и҆ мнѧ́хꙋ, ꙗ҆́кѡ а҆́бїе црⷭ҇тво бж҃їе хо́щетъ ꙗ҆ви́тисѧ, в҃і И҆ речѐ ᲂу҆́бѡ:

(заⷱ҇ ч҃є) [ѯ҃ѕ] Пѧто́къ к҃з недѣ́ли: Речѐ гдⷭ҇ь при́тчꙋ сїю̀: Человѣ́къ нѣ́кїй добра̀ ро́да и҆́де на странꙋ̀ дале́че, прїѧ́ти себѣ̀ црⷭ҇тво, и҆ возврати́тисѧ. г҃і Призва́въ же де́сѧть ра̑бъ свои́хъ, дадѐ и҆̀мъ де́сѧть мна̑съ, и҆ речѐ къ ни́мъ: кꙋ́плю дѣ́йте до́ндеже прїидꙋ̀. [ѯ҃з] д҃і И҆ гра́ждане є҆гѡ̀ ненави́дѧхꙋ є҆го̀, и҆ посла́ша моли́твꙋ въ слѣ́дъ є҆гѡ̀, глаго́люще: не хо́щемъ семꙋ̀, да ца́рствꙋетъ над̾ на́ми. є҃і И҆ бы́сть є҆гда̀ возврати́сѧ, прїи́мъ црⷭ҇тво, речѐ пригласи́ти рабы̀ ті́и, и҆̀мже дадѐ сребро̀, да ᲂу҆вѣ́сть, каковꙋ̀ кꙋ́плю сꙋ́ть сотвори́ли. ѕ҃і Прїи́де же пе́рвый, глаго́лѧ: гдⷭ҇и, мна́съ твоѧ̀ придѣ́ла де́сѧть мна̑съ. з҃і И҆ речѐ є҆мꙋ̀: благі́й ра́бе и҆ до́брый, ꙗ҆́кѡ ѡ҆ ма́лѣ вѣ́ренъ бы́лъ є҆сѝ, бꙋ́ди ѻ҆́бласть и҆мѣ́ѧ над̾ десѧтїю̀ градѡ́въ. и҃і И҆ прїи́де вторы́й, глаго́лѧ: гдⷭ҇и, мна́съ твоѧ̀ сотворѝ пѧ́ть мна̑съ. ѳ҃і Рече́ же и҆ томꙋ̀: и҆ ты̀ бꙋ́ди над̾ пѧтїю̀ градѡ́въ. к҃ И҆ дрꙋгі́й прїи́де, глаго́лѧ: гдⷭ҇и, сѐ мна́съ твоѧ̀, ю҆́же и҆мѣ́хъ положе́нꙋ во ᲂу҆брꙋ́сѣ. к҃а Боѧ́хсѧ бо тебѐ, ꙗ҆́кѡ человѣ́къ ꙗ҆́ръ є҆сѝ: взе́млеши є҆гѡ́же не положѝ, и҆ жне́ши є҆гѡ́же не сѣ́ѧвъ. к҃в Глаго́ла же є҆мꙋ̀: ѿ ᲂу҆́стъ твои́хъ сꙋждꙋ́ ти, лꙋка́вый ра́бе: вѣ́дѧше, ꙗ҆́кѡ а҆́зъ человѣ́къ ꙗ҆́ръ є҆́смь, вземлю̀ є҆гѡ́же не положи́въ, и҆ жнꙋ̀ є҆гѡ́же не сѣ́ѧвъ. к҃г И҆ почто̀ не вда́лъ є҆сѝ моегѡ̀ сребра̀ кꙋпцє́мъ, и҆ а҆́зъ прише́дъ, съ ли́хвою и҆стѧза́лъ бы́хъ є҆̀; к҃д И҆ предстоѧ́щымъ речѐ: воз̾ми́те ѿ негѡ̀ мна́съ, и҆ дади́те и҆мꙋ́щемꙋ (л. рл҃є) де́сѧть мна̑съ. к҃є И҆ рѣ́ша є҆мꙋ̀: гдⷭ҇и, и҆́мать де́сѧть мна̑съ. к҃ѕ Глаго́лю бо ва́мъ, ꙗ҆́кѡ всѧ́комꙋ и҆мꙋ́щемꙋ да́стсѧ: а҆ ѿ неимꙋ́щагѡ, и҆ є҆́же и҆́мать, ѿи́метсѧ ѿ негѡ̀. к҃з Ѻ҆ба́че врагѝ моѧ̀ ѻ҆́ны, и҆̀же не хотѣ́вшыѧ мнѣ̀, да цр҃ь бы́хъ бы́лъ над̾ ни́ми, приведи́те сѣ́мѡ, и҆ и҆зсѣцы́те предо мно́ю. к҃и И҆ сїѧ̑ ре́къ, и҆дѧ́ше предѝ восходѧ̀ во і҆ерꙋсали́мъ.

Коне́цъ пѧткꙋ̀.

(заⷱ҇ ч҃ѕ) [ѯ҃и] к҃ѳ И҆ бы́сть ꙗ҆́кѡ прибли́жисѧ Понедѣ́льникъ сы́рныѧ недѣ́ли: Во вре́мѧ ѻ҆́но, ꙗ҆́кѡ прибли́жисѧ і҆и҃съ въ виѳсфагі́ю и҆ виѳа́нїю, къ горѣ̀ нарица́емѣй є҆леѡ́нъ, посла̀ два̀ ᲂу҆чени̑къ свои́хъ, л҃ Глаго́лѧ: и҆ди́те въ прѧ́мнꙋю ве́сь, и҆ въ ню́же входѧ́ща ѡ҆брѧ́щета жребѧ̀ привѧ́зано, на не́же никто́же николи́же ѿ человѣ̑къ всѣ́де: ѿрѣ́шша є҆̀ приведи́та. л҃а И҆ а҆́ще кто̀ вы̀ вопроша́етъ: почто̀ ѿрѣша́ета; си́це рцы́та є҆мꙋ̀: ꙗ҆́кѡ гдⷭ҇ь є҆го̀ тре́бꙋетъ. л҃в Ше́дша же пѡ́сланнаѧ, ѡ҆брѣто́ста, ꙗ҆́коже речѐ и҆́ма. л҃г Ѿрѣша́ющема же и҆́ма жребѧ̀, реко́ша госпо́дїе є҆гѡ̀ къ ни́ма: что̀ ѿрѣша́ета жребѧ̀; л҃д Ѻ҆на̑ же реко́ста: ꙗ҆́кѡ гдⷭ҇ь є҆го̀ тре́бꙋетъ. л҃є И҆ приведо́ста є҆̀ ко і҆и҃сови, и҆ возве́ргше ри̑зы своѧ̀ на жребѧ̀, всади́ша і҆и҃са. л҃ѕ И҆дꙋ́щꙋ же є҆мꙋ̀, постила́хꙋ ри̑зы своѧ̀ по пꙋтѝ.

(заⷱ҇ ч҃з) л҃з Приближа́ющꙋ же сѧ є҆мꙋ̀ ꙳꙳ Понедѣ́льникъ к҃и нлⷣи: Во вре́мѧ ѻ҆́но, приближа́ющꙋсѧ і҆и҃сови ꙳꙳ ᲂу҆жѐ а҆́бїе къ низхожде́нїю горѣ̀ є҆леѡ́нстѣй, нача́ша всѐ мно́жество ᲂу҆чени̑къ (л. рл҃є ѡ҆б.) ра́дꙋющесѧ хвали́ти бг҃а гла́сомъ ве́лїимъ, ѡ҆ всѣ́хъ си́лахъ ꙗ҆̀же ви́дѣша, л҃и Глаго́люще: благослове́нъ грѧды́й цр҃ь во и҆́мѧ гдⷭ҇не: ми́ръ на нб҃сѝ, и҆ сла́ва въ вы́шнихъ. л҃ѳ И҆ нѣ́цыи фарїсе́є ѿ наро́да рѣ́ша къ немꙋ̀: ᲂу҆чи́телю, запретѝ ᲂу҆ченикѡ́мъ твои́мъ. м҃ И҆ ѿвѣща́въ речѐ и҆̀мъ: глаго́лю ва́мъ, ꙗ҆́кѡ а҆́ще сі́и ᲂу҆молча́тъ, ка́менїе возопїе́тъ.

Престꙋпѝ понедѣ́льникꙋ сы́рномꙋ на зача́ло р҃и. [Прїи́де же де́нь ѻ҆прѣснѡ́къ:]

м҃а И҆ ꙗ҆́кѡ прибли́жисѧ, ви́дѣвъ гра́дъ, пла́касѧ ѡ҆ не́мъ, м҃в Глаго́лѧ: ꙗ҆́кѡ а҆́ще бы разꙋмѣ́лъ и҆ ты̀ въ де́нь се́й тво́й, є҆́же ꙾къ смире́нїю꙾꙾къ ми́рꙋ꙾ твоемꙋ̀, ны́нѣ же скры́сѧ ѿ ѻ҆́чїю твое́ю. м҃г Ꙗ҆́кѡ прїи́дꙋтъ дні́е на тѧ̀, и҆ ѡ҆бложа́тъ вразѝ твоѝ ѻ҆стро́гъ ѡ҆ тебѣ̀, и҆ ѡ҆бы́дꙋтъ тѧ̀, и҆ ѡ҆б̾и́мꙋтъ тѧ̀ всю́дꙋ. м҃д И҆ разбїю́тъ тѧ̀ и҆ ча̑да твоѧ̀ въ тебѣ̀: и҆ не ѡ҆ста́вѧтъ ка́мень на ка́мени въ тебѣ̀: поне́же не разꙋмѣ̀ вре́мене посѣще́нїѧ твоегѡ̀.

Коне́цъ понедѣ́льникꙋ к҃и-мꙋ.

(заⷱ҇ ч҃и) м҃є И҆ вше́дъ Вто́рникъ к҃и недѣ́ли: Во вре́мѧ ѻ҆́но, вше́дъ і҆и҃съ въ цр҃ковь, нача́тъ и҆згони́ти продаю́щыѧ въ не́й, и҆ кꙋпꙋ́ющыѧ, м҃ѕ Глаго́лѧ и҆̀мъ: пи́сано є҆́сть: до́мъ мо́й, до́мъ моли́твы є҆́сть: вы́ же сотвори́сте є҆го̀ пеще́рꙋ разбо́йникѡмъ. м҃з И҆ бѣ̀ ᲂу҆чѧ̀ по всѧ̀ днѝ въ це́ркви. а҆рхїере́є же и҆ кни́жницы и҆ска́хꙋ є҆го̀ погꙋби́ти, и҆ старѣ́йшины лю́демъ. м҃и И҆ (л. рл҃ѕ) не ѡ҆брѣта́хꙋ, что̀ сотворѧ́тъ є҆мꙋ̀: лю́дїе бо всѝ держа́хꙋсѧ є҆гѡ̀ послꙋ́шающе є҆гѡ̀.

Коне́цъ вто́рникꙋ.

Глава̀ к҃.

(заⷱ҇ ч҃ѳ) [ѯ҃ѳ] а҃ И҆ бы́сть во є҆ди́нъ ѿ дні́й ѻ҆́нѣхъ, ᲂу҆ча́щꙋ є҆мꙋ̀ Среда̀ к҃и недѣ́ли: Во вре́мѧ ѻ҆́но, ᲂу҆ча́щꙋ і҆и҃сꙋ лю́ди въ це́ркви и҆ благовѣствꙋ́ющꙋ, прїидо́ша свѧще́нницы и҆ кни́жницы со ста́рцы, в҃ И҆ рѣ́ша къ немꙋ̀, глаго́люще: рцы̀ на́мъ, ко́ею ѻ҆́бластїю сїѧ̑ твори́ши; и҆лѝ кто̀ є҆́сть да́вый тебѣ̀ вла́сть сїю̀; г҃ Ѿвѣща́въ же речѐ къ ни́мъ: вопрошꙋ̀ вы̀ и҆ а҆́зъ є҆ди́нагѡ словесѐ, и҆ рцы́те мѝ. д҃ Креще́нїе і҆ѡа́нново, съ небесе́ ли бѣ̀, и҆лѝ ѿ человѣ̑къ; є҃ Ѻ҆ни́ же помышлѧ́хꙋ къ себѣ̀ глаго́люще: ꙗ҆́кѡ а҆́ще рече́мъ, съ нб҃сѐ, рече́тъ: почто̀ ᲂу҆́бѡ не вѣ́ровасте є҆мꙋ̀; ѕ҃ А҆́ще ли же рече́мъ, ѿ человѣ̑къ: всѝ лю́дїе ка́менїемъ побїю́тъ ны̀. и҆звѣ́стно бо бѣ̀ ѡ҆ і҆ѡа́ннѣ, ꙗ҆́кѡ проро́къ бѣ̀. з҃ И҆ ѿвѣща́ша: не вѣ́мы ѿкꙋ́дꙋ. и҃ І҆и҃съ же речѐ и҆̀мъ: ни а҆́зъ глаго́лю ва́мъ, ко́ею ѻ҆́бластїю сїѧ̑ творю̀.

Коне́цъ средѣ̀.

(заⷱ҇ р҃) [ѻ҃] ѳ҃ Нача́тъ же къ лю́демъ глаго́лати при́тчꙋ сїю̀: ꙳꙳ Четверто́къ к҃и недѣ́ли: Речѐ гдⷭ҇ь при́тчꙋ сїю̀: ꙳꙳ человѣ́къ нѣ́кїй насадѝ вїногра́дъ, и҆ вдадѐ є҆го̀ дѣ́лателємъ, и҆ ѿи́де на лѣ́та мнѡ́га. і҃ И҆ во вре́мѧ посла̀ къ дѣ́лателємъ раба̀, да ѿ плода̀ вїногра́да дадꙋ́тъ є҆мꙋ̀: дѣ́латели же би́вше є҆го̀, посла́ша тща̀. а҃і И҆ (л. рл҃ѕ) приложѝ посла́ти дрꙋга́го раба̀: ѻ҆ни́ же и҆ того̀ би́вше, и҆ доса́ждьше є҆мꙋ̀, посла́ша тща̀. в҃і И҆ приложѝ посла́ти тре́тїѧго: ѻ҆ни́ же и҆ того̀ ᲂу҆ѧ́звльше, и҆згна́ша. г҃і Рече́ же господи́нъ вїногра́да: что̀ сотворю̀; послю̀ сн҃а моего̀ возлю́бленнаго, є҆да̀ ка́кѡ є҆го̀ ви́дѣвше ᲂу҆срамѧ́тсѧ; д҃і Ви́дѣвше же є҆го̀ дѣ́лателє, мы́шлѧхꙋ къ себѣ̀, глаго́люще: се́й є҆́сть наслѣ́дникъ, прїиди́те, ᲂу҆бїе́мъ є҆го̀, да на́ше бꙋ́детъ достоѧ́нїе. є҃і И҆ и҆зве́дше є҆го̀ во́нъ и҆з̾ вїногра́да, ᲂу҆би́ша. что̀ ᲂу҆́бѡ сотвори́тъ и҆̀мъ гдⷭ҇и́нъ вїногра́да; ѕ҃і Прїи́детъ и҆ погꙋби́тъ дѣ́латели сїѧ̑, и҆ вда́стъ вїногра́дъ и҆нѣ̑мъ. слы́шавше же реко́ша: да не бꙋ́детъ. з҃і Ѻ҆́нъ же воззрѣ́въ на ни́хъ, речѐ: что̀ ᲂу҆́бѡ пи́саное сїѐ: ка́мень є҆го́же небрего́ша зи́ждꙋщїи, се́й бы́сть во главꙋ̀ ᲂу҆́гла; и҃і Всѧ́къ пады́й на ка́мени то́мъ, сокрꙋши́тсѧ: а҆ на не́мже паде́тъ, стры́етъ є҆го̀.

Коне́цъ четверткꙋ̀.

(заⷱ҇ р҃а) (пѧⷦ҇) ѳ҃і И҆ взыска́ша а҆рхїере́є и҆ кни́жницы, возложи́ти на́нь рꙋ́цѣ въ то́й ча́съ, Пѧто́къ к҃и недѣ́ли: Во вре́мѧ ѻ҆́но, взыска́ша а҆рхїере́є и҆ ста́рцы, возложи́ти рꙋ́цѣ на і҆и҃са, и҆ ᲂу҆боѧ́шасѧ наро́да: разꙋмѣ́ша бо, ꙗ҆́кѡ къ ни́мъ при́тчꙋ сїю̀ речѐ. к҃ И҆ соблю́дше, посла́ша ꙾ла́ѧтели꙾꙾навѣ́тникѡвъ꙾, творѧ́ще себѐ пра́ведники бы́ти: да и҆́мꙋтъ є҆го̀ въ словесѝ, во є҆́же преда́ти є҆го̀ нача́льствꙋ и҆ ѻ҆́бласти и҆ге́мѡновѣ. [ѻ҃а] к҃а И҆ вопроси́ша є҆го̀ глаго́люще: ᲂу҆чт҃лю, вѣ́мы, ꙗ҆́кѡ пра́вѡ глаго́леши и҆ ᲂу҆чи́ши, и҆ не на лица̀ зри́ши, но вои́стиннꙋ пꙋтѝ (л. рл҃з) бж҃їю ᲂу҆чи́ши. к҃в Досто́итъ ли на́мъ ке́сареви да́нь даѧ́ти, и҆лѝ нѝ; к҃г Разꙋмѣ́въ же и҆́хъ лꙋка́вство, речѐ къ ни́мъ: что́ мѧ и҆скꙋша́ете; к҃д Покажи́те мѝ ꙾ца́тꙋ꙾гре́ческ. ꙾дина́рїй꙾: чі́й и҆́мать ѻ҆́бразъ и҆ надписа́нїе; ѿвѣща́вше же реко́ша: ке́саревъ. к҃є Ѻ҆́нъ же речѐ и҆̀мъ: воздади́те ᲂу҆̀бо ꙗ҆̀же ке́сарєва ке́сареви, и҆ ꙗ҆̀же бж҃їѧ бг҃ови. к҃ѕ И҆ не мого́ша зазрѣ́ти глаго́ла є҆гѡ̀ пред̾ людьмѝ, и҆ диви́шасѧ ѡ҆ ѿвѣ́тѣ є҆гѡ̀, и҆ ᲂу҆молча́ша.

Коне́цъ пѧткꙋ̀.

(заⷱ҇ р҃в) [ѻ҃в] к҃з Пристꙋпи́ша же Понедѣ́льникъ к҃ѳ недѣ́ли: Во вре́мѧ ѻ҆́но, пристꙋпи́ша ко і҆и҃сꙋ нѣ́цыи ѿ саддꙋкє́й, глаго́лющїи воскресе́нїю не бы́ти, вопроша́хꙋ є҆го̀, к҃и Глаго́люще: ᲂу҆чи́телю, мѡѷсе́й написа̀ на́мъ: а҆́ще комꙋ̀ бра́тъ ᲂу҆́мретъ, и҆мы́й женꙋ̀, и҆ то́й безча́денъ ᲂу҆́мретъ, да бра́тъ є҆гѡ̀ по́йметъ женꙋ̀, и҆ возста́витъ сѣ́мѧ бра́тꙋ своемꙋ̀. к҃ѳ Се́дмь ᲂу҆́бѡ бра́тїѧ бѣ̀, и҆ пе́рвый поѧ́тъ женꙋ̀, ᲂу҆́мре безча́денъ: л҃ И҆ поѧ́тъ вторы́й женꙋ̀, и҆ то́й ᲂу҆́мре безча́денъ: л҃а И҆ тре́тїй поѧ́тъ ю҆̀, та́кожде же и҆ всѝ се́дмь: и҆ не ѡ҆ста́виша ча̑дъ, и҆ ᲂу҆мро́ша. л҃в По́слѣжде же всѣ́хъ ᲂу҆́мре и҆ жена̀. л҃г Въ воскресе́нїе ᲂу҆́бѡ, кото́рагѡ и҆́хъ бꙋ́детъ жена̀; се́дмь бо и҆мѣ́ша ю҆̀ женꙋ̀. л҃д И҆ ѿвѣща́въ речѐ и҆̀мъ і҆и҃съ: сы́нове вѣ́ка сегѡ̀ же́нѧтсѧ, и҆ посѧга́ютъ: л҃є А҆ сподо́бльшїисѧ вѣ́къ ѻ҆́нъ ᲂу҆лꙋчи́ти, и҆ воскресе́нїе є҆́же ѿ ме́ртвыхъ, ни же́нѧтсѧ, ни посѧга́ютъ. л҃ѕ Ни ᲂу҆мре́ти бо ктомꙋ̀ мо́гꙋтъ: ра́вни бо сꙋ́ть а҆́гг҃лѡмъ, (л. рл҃з ѡ҆б.) и҆ сн҃ове сꙋ́ть бж҃їи, воскресе́нїѧ сн҃ове сꙋ́ще. л҃з А҆ ꙗ҆́коже востаю́тъ ме́ртвїи, и҆ мѡѷсе́й сказа̀ при кꙋпинѣ̀, ꙗ҆́коже глаго́летъ: гдⷭ҇а бг҃а а҆враа́млѧ, и҆ бг҃а і҆саа́кова, и҆ бг҃а і҆а́кѡвлѧ. л҃и Бг҃ъ же нѣ́сть ме́ртвыхъ, но живы́хъ: вси́ бо томꙋ̀ жи́ви сꙋ́ть. л҃ѳ Ѿвѣща́вше же нѣ́цыи ѿ кни̑жникъ, реко́ша: ᲂу҆чи́телю, до́брѣ ре́клъ є҆сѝ. м҃ Ктомꙋ́же не смѣ́ѧхꙋ є҆го̀ вопроси́ти ничесо́же. рече́ же къ ни́мъ: [ѻ҃г] м҃а Ка́кѡ глаго́лютъ хрⷭ҇та̀ сн҃а дв҃дова бы́ти; м҃в Са́мъ бо дв҃дъ глаго́летъ въ кни́зѣ ѱало́мстѣй: речѐ гдⷭ҇ь гдⷭ҇еви моемꙋ̀, сѣдѝ ѡ҆деснꙋ́ю менѐ, м҃г До́ндеже положꙋ̀ врагѝ твоѧ̀ подно́жїе нога́ма твои́ма. м҃д Дв҃дъ ᲂу҆́бѡ гдⷭ҇а є҆го̀ нарица́етъ: и҆ ка́кѡ сн҃ъ є҆мꙋ̀ є҆́сть;

Коне́цъ понедѣ́льникꙋ.

(заⷱ҇ р҃г) м҃є Слы́шащымъ же всѣ́мъ лю́демъ, речѐ ᲂу҆ченикѡ́мъ свои́мъ: Сꙋббѡ́та л҃д недѣ́ли: Речѐ гдⷭ҇ь свои́мъ ᲂу҆ченикѡ́мъ: м҃ѕ Внемли́те себѣ̀ ѿ кни̑жникъ, хотѧ́щихъ ходи́ти во ѻ҆де́ждахъ, и҆ лю́бѧщихъ цѣлова̑нїѧ на то́ржищахъ, и҆ предсѣда̑нїѧ на со́нмищахъ, и҆ преждезва̑нїѧ на ве́черѧхъ: м҃з И҆̀же снѣда́ютъ до́мы вдови́цъ, и҆ ꙾вино́ю дале́че мо́лѧтсѧ꙾꙾лицемѣ́рнѡ надо́лзѣ мо́лѧтсѧ꙾: сі́и прїи́мꙋтъ ли́шше ѡ҆сꙋжде́нїе.

Глава̀ к҃а.

а҃ Воззрѣ́въ же ви́дѣ вмета́ющыѧ ꙳въ хра́мъ набдѧ́щїй и҆мѣ̑нїѧ꙳꙳въ сокро́вищное храни́лище꙳, да́ры своѧ̀ бога́тыѧ. [ѻ҃д] в҃ Ви́дѣвъ же и҆ нѣ́кꙋю вдови́цꙋ ᲂу҆бо́гꙋ, вмета́ющꙋ тꙋ̀ двѣ̀ ле́птѣ, г҃ И҆ речѐ: вои́стиннꙋ глаго́лю (л. рл҃и) ва́мъ, ꙗ҆́кѡ вдови́ца сїѧ̀ ᲂу҆бо́гаѧ мно́жае всѣ́хъ вве́рже. д҃ Вси́ бо сі́и ѿ и҆збы́тка своегѡ̀ вверго́ша въ да́ры бг҃ови: сїѧ́ же ѿ лише́нїѧ своегѡ̀ всѐ житїѐ, є҆́же и҆мѣ̀, вве́рже.

Коне́цъ сꙋббѡ́тѣ.

(заⷱ҇ р҃д) є҃ И҆ нѣ́кимъ глаго́лющымъ ѡ҆ цр҃кви, Среда̀ к҃ѳ недѣ́ли: Во вре́мѧ ѻ҆́но, нѣ́кѡимъ глаго́лющымъ ко і҆и҃сови ѡ҆ цр҃кви, ꙗ҆́кѡ ка́менїемъ до́брымъ и҆ сосꙋ́ды ᲂу҆кра́шена, речѐ: ѕ҃ Сїѧ̑ ꙗ҆̀же ви́дите, прїи́дꙋтъ дні́е, въ нѧ́же не ѡ҆ста́нетъ ка́мень на ка́мени, и҆́же не разори́тсѧ. [ѻ҃є] з҃ Вопроси́ша же є҆го̀, глаго́люще: ᲂу҆чи́телю, когда̀ ᲂу҆́бѡ сїѧ̑ бꙋ́дꙋтъ; и҆ что́ є҆сть зна́менїе, є҆гда̀ хотѧ́тъ сїѧ̑ бы́ти;

Престꙋпѝ средѣ̀.

(заⷱ҇ р҃є) и҃ Ѻ҆́нъ же речѐ: ꙳꙳ Сꙋббѡ́та мѧсопꙋ́стнаѧ: Речѐ гдⷭ҇ь: ꙳꙳ блюди́те, да не прельще́ни бꙋ́дете: мно́зи бо прїи́дꙋтъ во и҆́мѧ моѐ, глаго́люще, ꙗ҆́кѡ а҆́зъ є҆́смь, и҆ вре́мѧ прибли́жисѧ: не и҆зы́дите ᲂу҆́бѡ во слѣ́дъ и҆́хъ. ѳ҃ Є҆гда́ же ᲂу҆слы́шите бра̑ни и҆ нестроє́нїѧ, не ᲂу҆бо́йтесѧ: подоба́етъ бо си́мъ бы́ти пре́жде, но не ᲂу҆̀ [а҆́бїе] кончи́на.

Престꙋпѝ сꙋббѡ́тѣ. Чтѝ средѣ̀:

і҃ Тогда̀ глаго́лаше и҆̀мъ: воста́нетъ бо ꙗ҆зы́къ на ꙗ҆зы́къ, и҆ ца́рство на ца́рство. а҃і Трꙋ́си же вели́цы по мѣ́стамъ, и҆ гла́ди и҆ па̑гꙋбы бꙋ́дꙋтъ: страхова̑нїѧ же и҆ зна́мєнїѧ вє́лїѧ съ небесѐ бꙋ́дꙋтъ. (л. рл҃и ѡ҆б.)

Престꙋпѝ средѣ̀.

(заⷱ҇ р҃ѕ) в҃і Пре́жде же си́хъ всѣ́хъ, Вто́рникъ к҃ѳ недѣ́ли: Речѐ гдⷭ҇ь свои́мъ ᲂу҆ченикѡ́мъ: внемли́те ѿ человѣ̑къ возложа́тъ на вы̀ рꙋ́ки своѧ̀, и҆ и҆жденꙋ́тъ, предаю́ще на сѡ́нмища и҆ темни́цы, ведо́мы къ царє́мъ и҆ влады́камъ, и҆́мене моегѡ̀ ра́ди. г҃і Прилꙋчи́тсѧ же ва́мъ во свидѣ́тельство: д҃і Положи́те ᲂу҆́бѡ на сердца́хъ ва́шихъ, не пре́жде поꙋча́тисѧ ѿвѣщава́ти. є҃і А҆́зъ бо да́мъ ва́мъ ᲂу҆ста̀ и҆ премꙋ́дрость, є҆́йже не возмо́гꙋтъ проти́витисѧ, и҆лѝ ѿвѣща́ти всѝ противлѧ́ющїисѧ ва́мъ. ѕ҃і Пре́дани же бꙋ́дете и҆ роди́тели, и҆ бра́тїею, и҆ ро́домъ, и҆ дрꙋ́ги, и҆ ᲂу҆мертвѧ́тъ ѿ ва́съ. з҃і И҆ бꙋ́дете ненави́дими ѿ всѣ́хъ и҆́мене моегѡ̀ ра́ди. и҃і И҆ вла́съ главы̀ ва́шеѧ не поги́бнетъ. ѳ҃і Въ терпѣ́нїи ва́шемъ стѧжи́те дꙋшѧ̀ ва́шѧ.

Коне́цъ вто́рникꙋ. Чтѝ средѣ̀:

к҃ Є҆гда́ же ᲂу҆́зрите ѡ҆бстои́мь і҆ерꙋсали́мъ вѡ́и, тогда̀ разꙋмѣ́йте, ꙗ҆́кѡ прибли́жисѧ запꙋстѣ́нїе є҆мꙋ̀. к҃а Тогда̀ сꙋ́щїи во і҆ꙋде́и, да бѣ́гаютъ въ го́ры: и҆ и҆̀же посредѣ̀ є҆гѡ̀ да и҆схо́дѧтъ: и҆ и҆̀же во страна́хъ, да не вхо́дѧтъ во́нь. к҃в Ꙗ҆́кѡ дні́е ѿмще́нїю сі́и сꙋ́ть, ꙗ҆́кѡ и҆спо́лнитисѧ всемꙋ̀ пи́санномꙋ. к҃г Го́ре же и҆мꙋ́щымъ во ᲂу҆тро́бѣ, и҆ доѧ́щымъ въ ты́ѧ днѝ: бꙋ́детъ бо бѣда̀ ве́лїѧ на землѝ, и҆ гнѣ́въ на лю́дехъ си́хъ. к҃д И҆ падꙋ́тъ во ѻ҆́стрїи меча̀, и҆ плѣне́ни бꙋ́дꙋтъ во всѧ̀ ꙗ҆зы́ки: и҆ і҆ерꙋсали́мъ бꙋ́детъ попира́емь ꙗ҆зы́ки, до́ндеже сконча́ютсѧ времена̀ ꙗ҆зы̑къ.

Коне́цъ средѣ̀. (л. рк҃ѳ)

Чтѝ сꙋббѡ́тѣ:

к҃є И҆ бꙋ́дꙋтъ зна́мєнїѧ въ со́лнцѣ, и҆ лꙋнѣ̀, и҆ ѕвѣзда́хъ: и҆ на землѝ тꙋга̀ ꙗ҆зы́кѡмъ, ѿ неча́ѧнїѧ, шꙋ́ма морска́гѡ и҆ возмꙋще́нїѧ, к҃ѕ И҆здыха́ющымъ человѣ́кѡмъ ѿ стра́ха и҆ ча́ѧнїѧ грѧдꙋ́щихъ на вселе́ннꙋю: си̑лы бо нбⷭ҇ныѧ подви́гнꙋтсѧ. к҃з И҆ тогда̀ ᲂу҆́зрѧтъ сн҃а человѣ́ческа грѧдꙋ́ща на ѻ҆́блацѣхъ съ си́лою и҆ сла́вою мно́гою.

Престꙋпѝ сꙋббѡ́тѣ.

(заⷱ҇ р҃з) к҃и Начина́ющымъ же си́мъ быва́ти, Четверто́къ к҃ѳ недѣ́ли: Речѐ гдⷭ҇ь свои́мъ ᲂу҆ч҃нкѡ́мъ: восклони́тесѧ, и҆ воздви́гните главы̀ ва́шѧ, занѐ приближа́етсѧ и҆збавле́нїе ва́ше. к҃ѳ И҆ речѐ при́тчꙋ и҆̀мъ: ви́дите смоко́вницꙋ, и҆ всѧ̀ древа̀: л҃ Є҆гда̀ прошиба́ютсѧ ᲂу҆жѐ, ви́дѧще са́ми вѣ́сте ꙗ҆́кѡ бли́зъ жа́тва є҆́сть. л҃а Та́кѡ и҆ вы̀ є҆гда̀ ᲂу҆́зрите сїѧ̑ быва́юща, вѣ́дите, ꙗ҆́кѡ бли́зъ є҆́сть црⷭ҇твїе бж҃їе. л҃в А҆ми́нь глаго́лю ва́мъ, ꙗ҆́кѡ не и҆́мать прейтѝ ро́дъ се́й, до́ндеже всѧ̑ сїѧ̑ бꙋ́дꙋтъ.

Чтѝ сꙋббѡ́тѣ:

л҃г Не́бо и҆ землѧ̀ ми́мѡ и҆́детъ, а҆ словеса̀ моѧ̀ не и҆́мꙋтъ прейтѝ.

Коне́цъ четверткꙋ̀.

л҃д Внемли́те же себѣ̀, да не когда̀ ѡ҆тѧгча́ютъ сердца̀ ва́ша ѡ҆б̾ѧде́нїемъ и҆ пїѧ́нствомъ, и҆ печа́льми (л. рл҃ѳ ѡ҆б.) жите́йскими, и҆ на́йдетъ на вы̀ внеза́пꙋ де́нь то́й. л҃є Ꙗ҆́кѡ сѣ́ть бо прїи́детъ на всѧ̀ живꙋ́щыѧ на лицы̀ всеѧ̀ землѝ. л҃ѕ Бди́те ᲂу҆́бѡ на всѧ́ко вре́мѧ молѧ́щесѧ, да сподо́битесѧ ᲂу҆бѣжа́ти всѣ́хъ си́хъ хотѧ́щихъ бы́ти, и҆ ста́ти пред̾ сн҃омъ человѣ́ческимъ.

Коне́цъ сꙋббѡ́тѣ.

(заⷱ҇ р҃и) л҃з Бѣ́ же Пѧто́къ к҃ѳ недѣ́ли: Во вре́мѧ ѻ҆́но, бѣ̀ і҆и҃съ во днѝ во цр҃кви ᲂу҆чѧ̀, но́щїю же и҆сходѧ̀ водворѧ́шесѧ въ горѣ̀, нарица́емѣй є҆леѡ́нъ. л҃и И҆ всѝ лю́дїе и҆з̾ ᲂу҆́тра прихожда́хꙋ къ немꙋ̀ во це́рковь, послꙋ́шати є҆гѡ̀.

Глава̀ к҃в.

(заⷱ҇) [ѻ҃ѕ] а҃ Приближа́шесѧ же ꙳꙳ Во ст҃ы́й и҆ вели́кїй четверто́къ на ᲂу҆́трени, до зача́ла р҃ѳ, без̾ престꙋ́пки: Во вре́мѧ ѻ҆́но, приближа́шесѧ ꙳꙳ пра́здникъ ѻ҆прѣснѡ́къ, глаго́лемый па́сха. в҃ И҆ и҆ска́хꙋ а҆рхїере́є и҆ кни́жницы, ка́кѡ бы́ша ᲂу҆би́ли є҆го̀: боѧ́хꙋсѧ бо люде́й. г҃ Вни́де же сатана̀ во і҆ꙋ́дꙋ нарица́емаго і҆скарїѡ́тъ, сꙋ́ща ѿ числа̀ ѻ҆боюна́десѧте. д҃ И҆ ше́дъ глаго́ла а҆рхїере́ѡмъ и҆ воево́дамъ, ка́кѡ є҆го̀ преда́стъ и҆̀мъ. є҃ И҆ возра́довашасѧ: и҆ совѣща́ша є҆мꙋ̀ сре́бреники да́ти. ѕ҃ И҆ ꙾и҆сповѣ́да꙾꙾ѡ҆бѣща́сѧ꙾: и҆ и҆ска́ше подо́бна вре́мене, да преда́стъ є҆го̀ и҆̀мъ без̾ наро́да.

Чтѝ понедѣ́льникꙋ сы́рныѧ недѣ́ли:

з҃ Прїи́де же де́нь ѻ҆прѣснѡ́къ, во́ньже подо́бно бѣ̀ (л. р҃м) [вре́мѧ] жре́ти па́схꙋ. и҃ И҆ посла̀ петра̀ и҆ і҆ѡа́нна, ре́къ: ше́дша ᲂу҆гото́вайта на́мъ па́схꙋ, да ꙗ҆́мы.

Коне́цъ пѧткꙋ̀.

ѳ҃ Ѻ҆́на же реко́ста є҆мꙋ̀: гдѣ̀ хо́щеши, ᲂу҆гото́ваемъ; і҃ Ѻ҆́нъ же речѐ и҆̀мъ: сѐ восходѧ́щема ва́ма во гра́дъ, срѧ́щетъ вы̀ человѣ́къ, въ скꙋде́льницѣ во́дꙋ носѧ̀: по не́мъ и҆дѣ́та въ до́мъ, во́ньже вхо́дитъ. а҃і И҆ рцѣ́та до́мꙋ влады́цѣ: глаго́летъ тебѣ̀ ᲂу҆чи́тель, гдѣ̀ є҆́сть ѻ҆би́тель, и҆дѣ́же па́схꙋ со ᲂу҆ченикѝ мои́ми снѣ́мъ; в҃і И҆ то́й ва́ма пока́жетъ го́рницꙋ ве́лїю по́стланꙋ: тꙋ̀ ᲂу҆гото́вайта. г҃і Ше́дша же ѡ҆брѣто́ста ꙗ҆́коже речѐ и҆́ма: и҆ ᲂу҆гото́васта па́схꙋ. д҃і И҆ є҆гда̀ бы́сть ча́съ, возлежѐ, и҆ ѻ҆бана́десѧте а҆пⷭ҇ла съ ни́мъ. є҃і И҆ речѐ къ ни́мъ: жела́нїемъ возжелѣ́хъ сїю̀ па́схꙋ ꙗ҆́сти съ ва́ми, пре́жде да́же не прїимꙋ̀ мꙋ́къ. ѕ҃і Глаго́лю бо ва́мъ, ꙗ҆́кѡ ѿсе́лѣ не и҆́мамъ ꙗ҆́сти ѿ негѡ̀, до́ндеже сконча́ютсѧ во црⷭ҇твїи бж҃їи. з҃і И҆ прїи́мъ ча́шꙋ, хвалꙋ̀ возда́въ речѐ: прїими́те сїю̀, и҆ раздѣли́те себѣ̀. и҃і Глаго́лю бо ва́мъ, ꙗ҆́кѡ не и҆́мамъ пи́ти ѿ плода̀ ло́знагѡ, до́ндеже црⷭ҇твїе бж҃їе прїи́детъ. ѳ҃і И҆ прїи́мъ хлѣ́бъ, хвалꙋ̀ возда́въ преломѝ: и҆ дадѐ и҆̀мъ глаго́лѧ: сїѐ є҆́сть тѣ́ло моѐ, є҆́же за вы̀ дае́мо: сїѐ твори́те въ моѐ воспомина́нїе. к҃ Та́кожде же и҆ ча́шꙋ по ве́чери, глаго́лѧ: сїѧ̀ ча́ша, но́вый завѣ́тъ мое́ю кро́вїю, ꙗ҆́же за вы̀ пролива́етсѧ. к҃а Ѻ҆ба́че сѐ рꙋка̀ предаю́щагѡ мѧ̀ со мно́ю є҆́сть на трапе́зѣ. к҃в И҆ сн҃ъ ᲂу҆́бѡ человѣ́ческїй и҆́детъ ꙾по рече́нномꙋ꙾꙾по пред̾ꙋста́вленномꙋ [совѣ́тꙋ]꙾, ѻ҆ба́че го́ре человѣ́кꙋ томꙋ̀, и҆́мже предае́тсѧ. к҃г И҆ ті́и нача́ша и҆ска́ти въ себѣ̀, кото́рый ᲂу҆́бѡ ѿ ни́хъ (л. р҃м ѡ҆б.) хотѧ́й сїѐ сотвори́ти; [ѻ҃з] к҃д Бы́сть же и҆ прѧ̀ въ ни́хъ, кі́й мни́тсѧ и҆́хъ бы́ти бо́лїй; к҃є Ѻ҆́нъ же речѐ и҆̀мъ: ца́рїе ꙗ҆зы̑къ госпо́дствꙋютъ и҆́ми, и҆ ѡ҆блада́ющїи и҆́ми, благода́телє нарица́ютсѧ. к҃ѕ Вы́ же не та́кѡ: но бо́лїй въ ва́съ, да бꙋ́детъ ꙗ҆́кѡ мні́й, и҆ ста́рѣй, ꙗ҆́кѡ слꙋжа́й. к҃з Кто́ бо бо́лїй; возлежа́й ли и҆лѝ слꙋжа́й; не возлежа́й ли; а҆́зъ же посредѣ̀ ва́съ є҆́смь ꙗ҆́кѡ слꙋжа́й. к҃и Вы́ же є҆стѐ пребы́вше со мно́ю въ напа́стехъ мои́хъ. к҃ѳ И҆ а҆́зъ завѣщава́ю ва́мъ, ꙗ҆́коже завѣща̀ мнѣ̀ ѻ҆ц҃ъ мо́й, црⷭ҇тво: л҃ Да ꙗ҆́сте и҆ пїе́те на трапе́зѣ мое́й во црⷭ҇твїи мое́мъ: и҆ сѧ́дете на престо́лѣхъ сꙋдѧ́ще ѻ҆бѣмана́десѧте колѣ́нома і҆и҃левыма. [ѻ҃и] л҃а Рече́ же гдⷭ҇ь: сі́мѡне, сі́мѡне, сѐ сатана̀ про́ситъ ва́съ, да бы̀ сѣ́ѧлъ ꙗ҆́кѡ пшени́цꙋ. л҃в А҆́зъ же моли́хсѧ ѡ҆ тебѣ̀, да не ѡ҆скꙋдѣ́етъ вѣ́ра твоѧ̀: и҆ ты̀ нѣ́когда ѡ҆бра́щьсѧ, ᲂу҆твердѝ бра́тїю твою̀. л҃г Ѻ҆́нъ же речѐ є҆мꙋ̀: гдⷭ҇и, съ тобо́ю гото́въ є҆́смь и҆ въ темни́цꙋ и҆ въ сме́рть и҆тѝ. л҃д Ѻ҆́нъ же речѐ: глаго́лю тѝ пе́тре, не возгласи́тъ пѣ́телъ дне́сь, до́ндеже трикра́ты ѿве́ржешисѧ менѐ не вѣ́дѣти. л҃є И҆ речѐ и҆̀мъ: є҆гда̀ посла́хъ вы̀ без̾ влага́лища, и҆ без̾ мѣ́ха, и҆ без̾ сапѡ́гъ, є҆да̀ что̀ лише́ни бы́сте; ѻ҆ни́ же рѣ́ша: ничесѡ́же. л҃ѕ Рече́ же и҆̀мъ: но ны́нѣ и҆́же и҆́мать влага́лище, да во́з̾метъ, та́кожде и҆ мѣ́хъ: а҆ и҆́же не и҆́мать, да прода́стъ ри́зꙋ свою̀, и҆ кꙋ́питъ но́жъ. л҃з Глаго́лю бо ва́мъ: ꙗ҆́кѡ є҆щѐ пи́саное сѐ, подоба́етъ да сконча́етсѧ ѡ҆ мнѣ̀: є҆́же и҆ со беззако́нными вмѣни́сѧ. и҆́бо є҆́же ѡ҆ мнѣ̀, кончи́нꙋ и҆́мать. л҃и Ѻ҆ни́ же рѣ́ша: гдⷭ҇и сѐ ножа̀ здѣ̀ два̀. ѻ҆́нъ же речѐ и҆̀мъ: дово́льно є҆́сть. (л. рм҃а)

(заⷱ҇ р҃ѳ) л҃ѳ И҆ и҆зше́дъ, Вто́рникъ сыропꙋ́стный: Во вре́мѧ ѻ҆́но, и҆зше́дъ і҆и҃съ и҆́де по ѻ҆бы́чаю въ го́рꙋ є҆леѡ́нскꙋю: по не́мже и҆до́ша ᲂу҆ченицы̀ є҆гѡ̀.

Коне́цъ понедѣ́льникꙋ сы́рныѧ недѣ́ли, и҆ вели́кагѡ четвертка̀ на ᲂу҆́трени.

м҃ Бы́въ же на мѣ́стѣ, речѐ и҆̀мъ: моли́тесѧ, да не вни́дете въ напа́сть. м҃а И҆ са́мъ ѿстꙋпѝ ѿ ни́хъ ꙗ҆́кѡ верже́нїемъ ка́мене, и҆ покло́нь колѣ̑на молѧ́шесѧ, м҃в Глаго́лѧ: ѻ҆́ч҃е, а҆́ще во́лиши мимонестѝ ча́шꙋ сїю̀ ѿ менѐ: ѻ҆ба́че не моѧ̀ во́лѧ, но твоѧ̀ да бꙋ́детъ.

Престꙋпѝ вто́рникꙋ. Чтѝ четверткꙋ̀ вели́комꙋ:

м҃г Ꙗ҆ви́сѧ же є҆мꙋ̀ а҆́гг҃лъ съ небесѐ ᲂу҆крѣплѧ́ѧ є҆го̀. м҃д И҆ бы́въ въ по́двизѣ, прилѣ́жнѣе молѧ́шесѧ: бы́сть же по́тъ є҆гѡ̀, ꙗ҆́кѡ ка́плѧ кро́ве ка́плющи на зе́млю. м҃є И҆ воста́въ ѿ моли́твы,

Престꙋпѝ четверткꙋ̀ вели́комꙋ, въ матѳе́и зача́ло р҃и: [Прїи́де ко ᲂу҆ченикѡ́мъ:]

Чтѝ вто́рникꙋ:

и҆ прише́дъ ко ᲂу҆ченикѡ́мъ, ѡ҆брѣ́те и҆̀хъ спѧ́щѧ ѿ печа́ли. м҃ѕ И҆ речѐ и҆̀мъ: что̀ спитѐ; воста́вше моли́тесѧ, да не вни́дете въ напа́сть. м҃з Є҆ще́ же є҆мꙋ̀ глаго́лющꙋ, сѐ наро́дъ, и҆ нарица́емый і҆ꙋ́да є҆ди́нъ ѿ ѻ҆боюна́десѧте, и҆дѧ́ше пред̾ ни́ми. и҆ пристꙋпѝ ко і҆и҃сови цѣлова́ти є҆го̀. сїе́ бо бѣ̀ зна́менїе да́лъ и҆̀мъ: є҆го́же а҆́ще (л. рм҃а ѡ҆б.) лобжꙋ̀, то́й є҆́сть. м҃и І҆и҃съ же речѐ є҆мꙋ̀: і҆ꙋ́до, лобза́нїемъ ли сн҃а человѣ́ческаго предае́ши; м҃ѳ Ви́дѣвше же, и҆̀же бѣ́хꙋ ѡ҆ не́мъ быва́емое, рѣ́ша є҆мꙋ̀: гдⷭ҇и, а҆́ще ᲂу҆да́римъ ноже́мъ; н҃ И҆ ᲂу҆да́ри є҆ди́нъ нѣ́кїй ѿ ни́хъ а҆рхїере́ова раба̀, и҆ ᲂу҆рѣ́за є҆мꙋ̀ ᲂу҆́хо десно́е. н҃а Ѿвѣща́въ же і҆и҃съ, речѐ: ѡ҆ста́вите до сегѡ̀, и҆ коснꙋ́въ во ᲂу҆́хо є҆гѡ̀, и҆сцѣлѝ є҆го̀. н҃в Рече́ же і҆и҃съ ко прише́дшымъ на́нь а҆рхїере́ѡмъ, и҆ воево́дамъ церкѡ́внымъ, и҆ ста́рцємъ: ꙗ҆́кѡ на разбо́йника ли и҆зыдо́сте, со ѻ҆рꙋ́жїемъ и҆ дреко́льми ꙗ҆́ти мѧ̀; н҃г По всѧ̀ днѝ сꙋ́щꙋ мѝ съ ва́ми въ це́ркви, не простро́сте рꙋкѝ на мѧ̀: но сѐ є҆́сть ва́ша годи́на, и҆ ѻ҆́бласть те́мнаѧ. н҃д Є҆́мше же є҆го̀ ведо́ша, и҆ введо́ша є҆го̀ во дво́ръ а҆рхїере́овъ: пе́тръ же во слѣ́дъ и҆дѧ́ше и҆здале́ча. н҃є Возгнѣ́щшємъ же ѻ҆́гнь посредѣ̀ двора̀, и҆ вкꙋ́пѣ сѣдѧ́щымъ и҆̀мъ, сѣдѧ́ше пе́тръ посредѣ̀ и҆́хъ. н҃ѕ Оу҆зрѣ́вши же є҆го̀ рабы́нѧ нѣ́каѧ, сѣдѧ́ща при ꙾свѣ́тѣ꙾꙾ѻ҆гнѣ̀꙾, и҆ воззрѣ́вши на́нь, речѐ: и҆ се́й съ ни́мъ бѣ̀. н҃з Ѻ҆́нъ же ѿве́ржесѧ є҆гѡ̀, глаго́лѧ: же́но, не зна́ю є҆гѡ̀. н҃и И҆ по ма́лѣ дрꙋгі́й ви́дѣвъ є҆го̀, речѐ: и҆ ты̀ ѿ ни́хъ є҆сѝ. пе́тръ же речѐ: человѣ́че, нѣ́смь. н҃ѳ И҆ мимоше́дшꙋ ꙗ҆́кѡ часꙋ̀ є҆ди́номꙋ, и҆́нъ нѣ́кїй крѣплѧ́шесѧ, глаго́лѧ: вои́стиннꙋ и҆ се́й съ ни́мъ бѣ̀: и҆́бо галїле́анинъ є҆́сть. ѯ҃ Рече́ же пе́тръ: человѣ́че, не вѣ́мъ є҆́же глаго́леши. и҆ а҆́бїе, є҆щѐ глаго́лющꙋ є҆мꙋ̀, возгласѝ пѣ́телъ. ѯ҃а И҆ ѡ҆бра́щсѧ гдⷭ҇ь воззрѣ̀ на петра̀, и҆ помѧнꙋ̀ пе́тръ сло́во гдⷭ҇не, ꙗ҆́коже речѐ є҆мꙋ̀: ꙗ҆́кѡ пре́жде да́же пѣ́телъ не возгласи́тъ, ѿве́ржешисѧ менѐ трикра́ты. ѯ҃в И҆ и҆зше́дъ во́нъ, пла́касѧ го́рькѡ. ѯ҃г И҆ мꙋ́жїе, держа́щїи і҆и҃са, (л. рм҃в) рꙋга́хꙋсѧ є҆мꙋ̀ бїю́ще. ѯ҃д И҆ закры́вше є҆го̀, бїѧ́хꙋ є҆го̀ по лицꙋ̀, и҆ вопроша́хꙋ є҆го̀, глаго́люще: прорцы̀, кто́ є҆сть ᲂу҆даре́й тѧ̀; ѯ҃є И҆ и҆́на мнѡ́га хꙋ́лѧще глаго́лахꙋ на́нь. ѯ҃ѕ И҆ ꙗ҆́кѡ бы́сть де́нь, собра́шасѧ ста́рцы людсті́и и҆ а҆рхїере́є, и҆ кни́жницы, и҆ ведо́ша є҆го̀ на со́нмъ сво́й, ѯ҃з Глаго́люще: а҆́ще ты̀ є҆сѝ хрⷭ҇то́съ, рцы̀ на́мъ; рече́ же и҆̀мъ: а҆́ще ва́мъ рекꙋ̀, не и҆́мете вѣ́ры. ѯ҃и А҆́ще же и҆ вопрошꙋ̀ вы̀, не ѿвѣща́ете мѝ, ни ѿпꙋститѐ. ѯ҃ѳ Ѿсе́лѣ бꙋ́детъ сн҃ъ человѣ́ческїй сѣдѧ́й ѡ҆деснꙋ́ю си́лы бж҃їѧ. ѻ҃ Рѣ́ша же всѝ: ты́ ли ᲂу҆́бѡ є҆сѝ сн҃ъ бж҃їй; ѻ҆́нъ же къ ни́мъ речѐ: вы̀ глаго́лете, ꙗ҆́кѡ а҆́зъ є҆́смь. ѻ҃а Ѻ҆ни́ же рѣ́ша: что̀ є҆щѐ тре́бꙋемъ свидѣ́тельства; са́ми бо слы́шахомъ ѿ ᲂу҆́стъ є҆гѡ̀.

Глава̀ к҃г.

(заⷱ҇ р҃і) а҃ И҆ воста́вше всѐ мно́жество и҆́хъ, ведо́ша є҆го̀ къ пїла́тꙋ.

Коне́цъ вто́рникꙋ сы́рномꙋ.

в҃ Нача́ша же Въ четверто́къ сыропꙋ́стный: Во вре́мѧ ѻ҆́но, ведо́ша і҆и҃са а҆рхїере́и, и҆ кни́жницы, и҆ ста́рцы людсті́и къ пїла́тꙋ, и҆ нача́ша на́нь ва́дити, глаго́люще: сего̀ ѡ҆брѣто́хомъ развраща́юща ꙗ҆зы́къ на́шъ, и҆ возбранѧ́юща ке́сареви да́нь даѧ́ти: глаго́люща себѐ хрⷭ҇та̀ цр҃ѧ̀ бы́ти. г҃ Пїла́тъ же вопросѝ є҆го̀, глаго́лѧ: ты́ ли є҆сѝ цр҃ь і҆ꙋде́ѡмъ; ѻ҆́нъ же ѿвѣща́въ речѐ є҆мꙋ̀: ты̀ глаго́леши. д҃ Пїла́тъ же речѐ ко а҆рхїере́ѡмъ и҆ наро́дꙋ: (л. рм҃в ѡ҆б.) никоеѧ́же ѡ҆брѣта́ю вины̀ въ человѣ́цѣ се́мъ. є҃ Ѻ҆ни́ же крѣплѧ́хꙋсѧ, глаго́люще: ꙗ҆́кѡ развраща́етъ лю́ди, ᲂу҆чѧ̀ по все́й і҆ꙋде́и, наче́нъ ѿ галїле́и до здѣ̀. ѕ҃ Пїла́тъ же слы́шавъ галїле́ю, вопросѝ: а҆́ще человѣ́къ галїле́анинъ є҆́сть; з҃ И҆ разꙋмѣ́въ, ꙗ҆́кѡ ѿ ѻ҆́бласти и҆́рѡдовы є҆́сть, посла̀ є҆го̀ ко и҆́рѡдꙋ, сꙋ́щꙋ и҆ томꙋ̀ во і҆ерꙋсали́мѣ въ ты́ѧ днѝ. и҃ И҆́рѡдъ же ви́дѣвъ і҆и҃са, ра́дъ бы́сть ѕѣлѡ̀: бѣ́ бо жела́ѧ ѿ мно́га вре́мене ви́дѣти є҆го̀: занѐ слы́шаше мнѡ́га ѡ҆ не́мъ, и҆ надѣ́ѧшесѧ зна́менїе нѣ́кое ви́дѣти ѿ негѡ̀ быва́емо. ѳ҃ Вопроша́ше же є҆го̀ словесы̀ мно́ги: ѻ҆́нъ же ничесѡ́же ѿвѣщава́ше є҆мꙋ̀. і҃ Стоѧ́хꙋ же а҆рхїере́є и҆ кни́жницы прилѣ́жнѡ ва́дѧще на́нь. [ѻ҃ѳ] а҃і Оу҆кори́въ же є҆го̀ и҆́рѡдъ съ вѡ́и свои́ми, и҆ порꙋга́всѧ, ѡ҆бо́лкъ є҆го̀ въ ри́зꙋ свѣ́тлꙋ, возвратѝ є҆го̀ къ пїла́тꙋ. в҃і Бы́ста же сѝ дрꙋ́га, и҆́рѡдъ же и҆ пїла́тъ въ то́й де́нь съ собо́ю: пре́жде бо бѣ́ста враждꙋ̀ и҆мꙋ́ща междꙋ̀ собо́ю. г҃і Пїла́тъ же созва̀ а҆рхїерє́и, и҆ кнѧ́зи, и҆ лю́ди. д҃і Речѐ къ ни́мъ: приведо́сте мѝ человѣ́ка сего̀, ꙗ҆́кѡ развраща́юща лю́ди: и҆ сѐ а҆́зъ пред̾ ва́ми и҆стѧза́въ, ни є҆ди́ныѧ же ѡ҆брѣта́ю въ человѣ́цѣ се́мъ вины̀, ꙗ҆̀же на́нь ва́дите. є҃і Но ни и҆́рѡдъ: посла́хъ бо є҆го̀ къ немꙋ̀, и҆ сѐ ничто́же досто́йно сме́рти сотворе́но є҆́сть ѡ҆ не́мъ. ѕ҃і ꙾Показа́въ꙾꙾Наказа́въ꙾ ᲂу҆́бѡ є҆го̀, ѿпꙋщꙋ̀. з҃і Нꙋ́ждꙋ же и҆мѧ́ше на всѧ̀ пра́здники, ѿпꙋща́ти и҆̀мъ є҆ди́наго. и҃і Возопи́ша же всѝ наро́ди глаго́люще: воз̾мѝ сего̀, ѿпꙋсти́ же на́мъ вара́ввꙋ: ѳ҃і И҆́же бѣ̀ за нѣ́кꙋю крамолꙋ̀, бы́вшꙋю во гра́дѣ, и҆ ᲂу҆бі́йство вве́рженъ въ темни́цꙋ. к҃ Па́ки же пїла́тъ возгласѝ, хотѧ̀ (л. рм҃г) ѿпꙋсти́ти і҆и҃са. к҃а Ѻ҆ни́ же возглаша́хꙋ, глаго́люще: распнѝ, распнѝ є҆го̀. к҃в Ѻ҆́нъ же трети́цею речѐ къ ни́мъ: что́ бо ѕло̀ сотворѝ се́й; ничесѡ́же досто́йна сме́рти ѡ҆брѣто́хъ ѡ҆ не́мъ: ꙾показа́въ꙾꙾наказа́въ꙾ ᲂу҆́бѡ є҆го̀, ѿпꙋщꙋ̀. к҃г Ѻ҆ни́ же прилѣжа́хꙋ гла́сы вели́кими, просѧ́ще є҆го̀ на распѧ́тїе, и҆ ꙳ᲂу҆стоѧ́хꙋ꙳꙳превозмога́хꙋ꙳ гла́си и҆́хъ и҆ а҆рхїере́йстїи. к҃д Пїла́тъ же посꙋдѝ бы́ти проше́нїю и҆́хъ. к҃є Ѿпꙋсти́ же и҆́же за крамолꙋ̀ и҆ ᲂу҆бі́йство всажде́ннаго въ темни́цꙋ, є҆го́же проша́хꙋ: і҆и҃са же преда́въ во́ли и҆́хъ. к҃ѕ И҆ ꙗ҆́кѡ поведо́ша є҆го̀, є҆́мше сі́мѡна нѣ́коего кѷрине́а грѧдꙋ́ща съ села̀, возложи́ша на́нь крⷭ҇тъ, носи́ти по і҆и҃сѣ. [п҃] к҃з И҆дѧ́ше же во слѣ́дъ є҆гѡ̀ наро́дъ мно́гъ люде́й, и҆ жєны̀, ꙗ҆̀же и҆ пла́кахꙋсѧ и҆ рыда́хꙋ є҆гѡ̀. к҃и Ѡ҆бра́щсѧ же къ ни́мъ і҆и҃съ, речѐ: дщє́ри і҆ерꙋсали́мски, не пла́читесѧ ѡ҆ мнѣ̀, ѻ҆ба́че себѐ пла́чите, и҆ ча̑дъ ва́шихъ. к҃ѳ Ꙗ҆́кѡ сѐ дні́е грѧдꙋ́тъ, въ нѧ́же рекꙋ́тъ: блаже́ны неплѡ́ды, и҆ ᲂу҆трѡ́бы, ꙗ҆̀же не роди́ша, и҆ сосцы̀, и҆̀же не дои́ша. л҃ Тогда̀ начнꙋ́тъ глаго́лати гора́мъ: пади́те на ны̀. и҆ холмѡ́мъ: покры́йте ны̀. л҃а Занѐ а҆́ще въ сꙋ́ровѣ дре́вѣ сїѧ̑ творѧ́тъ, въ сꙋ́сѣ что̀ бꙋ́детъ;

(заⷱ҇ ра҃і) л҃в Ведѧ́хꙋ Є҆ѵⷢ҇лїе и҃ ст҃ы́хъ страсте́й: Во вре́мѧ ѻ҆́но, ведѧ́хꙋ со і҆и҃сомъ ꙳ Сїе́ же и҆ на ѕ҃-мъ часѣ̀, въ пѧто́къ вели́кїй. же и҆ и҆́на два̀ ѕлодѣ́ѧ съ ни́мъ ᲂу҆би́ти. л҃г И҆ є҆гда̀ прїидо́ша на мѣ́сто нарица́емое ло́бное, тꙋ̀ распѧ́ша є҆го̀, и҆ ѕлодѣ̑ѧ, ѻ҆́ваго ᲂу҆́бѡ ѡ҆деснꙋ́ю, а҆ дрꙋга́го ѡ҆шꙋ́юю. л҃д І҆и҃съ же глаго́лаше: ѻ҆́ч҃е, ѿпꙋстѝ и҆̀мъ: не вѣ́дѧтъ бо что̀ творѧ́тъ. (л. рм҃г ѡ҆б.)

Престꙋпѝ четверткꙋ̀ сы́рномꙋ.

раздѣлѧ́юще же ри̑зы є҆гѡ̀, мета́хꙋ жрє́бїѧ. л҃є И҆ стоѧ́хꙋ лю́дїе зрѧ́ще. рꙋга́хꙋсѧ же и҆ кнѧ́зи съ ни́ми, глаго́люще: и҆ны̑ѧ спасѐ, да спасе́тъ и҆ себѐ, а҆́ще то́й є҆́сть хрⷭ҇то́съ бж҃їй и҆збра́нный. л҃ѕ Рꙋга́хꙋсѧ же є҆мꙋ̀ и҆ во́ини, пристꙋпа́юще, и҆ ѻ҆́цетъ придѣ́юще є҆мꙋ̀. л҃з И҆ глаго́лахꙋ: а҆́ще ты̀ є҆сѝ цр҃ь і҆ꙋде́йскъ, спаси́сѧ са́мъ. л҃и Бѣ́ же и҆ написа́нїе напи́сано над̾ ни́мъ писмены̀ є҆́ллинскими, и҆ ри́мскими, и҆ є҆вре́йскими: се́й є҆́сть цр҃ь і҆ꙋде́йскъ.

Чтѝ пѧткꙋ̀ вели́комꙋ ве́черъ:

л҃ѳ Є҆ди́нъ же ѿ ѡ҆бѣ́шеною ѕлодѣ̑ю хꙋ́лѧше є҆го̀, глаго́лѧ: а҆́ще ты̀ є҆сѝ хрⷭ҇то́съ, спасѝ себѐ и҆ на́ю. м҃ Ѿвѣща́въ же дрꙋгі́й, преща́ше є҆мꙋ̀, глаго́лѧ: ни лѝ ты̀ бои́шисѧ бг҃а, ꙗ҆́кѡ въ то́мже ѡ҆сꙋжде́нъ є҆сѝ; м҃а И҆ мы̀ ᲂу҆́бѡ въ пра́вдꙋ, достѡ́йнаѧ бо по дѣлѡ́мъ на́ю воспрїе́млева: се́й же ни є҆ди́нагѡ ѕла̀ сотворѝ. [п҃а] м҃в И҆ глаго́лаше і҆и҃сови: помѧни́ мѧ гдⷭ҇и, є҆гда̀ прїи́деши во црⷭ҇твїи сѝ. м҃г И҆ речѐ є҆мꙋ̀ і҆и҃съ: а҆ми́нь глаго́лю тебѣ̀, дне́сь со мно́ю бꙋ́деши въ раѝ.

Прейдѝ пѧткꙋ̀ вели́комꙋ ве́черъ, въ матѳе́и: [Мимоходѧ́щїи же:]

Чтѝ четверткꙋ̀ сы́рномꙋ:

м҃д Бѣ́ же ча́съ ꙗ҆́кѡ шесты́й, и҆ тма̀ бы́сть по все́й землѝ до часа̀ девѧ́тагѡ. м҃є И҆ поме́рче со́лнце, и҆ завѣ́са цр҃ко́внаѧ раздра́сѧ посредѣ̀. м҃ѕ И҆ возгла́шь гла́сомъ ве́лїимъ і҆и҃съ речѐ: ѻ҆́ч҃е, въ рꙋ́цѣ твоѝ предаю̀ (л. рм҃д) дх҃ъ мо́й: и҆ сїѧ̑ ре́къ и҆́здше. м҃з Ви́дѣвъ же со́тникъ бы́вшее, просла́ви бг҃а, глаго́лѧ: вои́стиннꙋ человѣ́къ се́й пра́веденъ бѣ̀. м҃и И҆ всѝ прише́дшїи наро́ди на позо́ръ се́й, ви́дѧще быва̑ющаѧ, бїю́ще пє́рси своѧ̀, возвраща́хꙋсѧ. м҃ѳ Стоѧ́хꙋ же всѝ зна́емїи є҆гѡ̀ и҆здале́ча, и҆ жєны̀ спослѣ́дствовавшыѧ є҆мꙋ̀ ѿ галїле́и, зрѧ́ще си́хъ.

Коне́цъ и҃-мꙋ страстно́мꙋ, и҆ ѕ҃-мꙋ часꙋ̀.

[п҃в] н҃ И҆ сѐ мꙋ́жъ и҆́менемъ і҆ѡ́сифъ, совѣ́тникъ, сы́й мꙋ́жъ бла́гъ и҆ пра́веденъ: н҃а Се́й не бѣ̀ приста́лъ совѣ́тꙋ и҆ дѣ́лꙋ и҆́хъ, ѿ а҆рїмаѳе́а гра́да і҆ꙋде́йска, и҆́же ча́ѧше и҆ то́й црⷭ҇твїѧ бж҃їѧ. н҃в Се́й пристꙋ́пль къ пїла́тꙋ, просѝ тѣ́ло і҆и҃сово. н҃г И҆ сне́мъ є҆̀, ѡ҆бви́тъ плащани́цею, и҆ положѝ є҆̀ во гро́бѣ и҆зсѣ́ченѣ, въ не́мже не бѣ̀ никто́же никогда́же положе́нъ. н҃д И҆ де́нь бѣ̀ пѧто́къ, и҆ сꙋббѡ́та свѣта́ше. н҃є Во слѣ́дъ же ше́дшыѧ жєны̀, ꙗ҆̀же бѧ́хꙋ пришлѝ съ ни́мъ ѿ галїле́и, ви́дѣша гро́бъ, и҆ ꙗ҆́кѡ положе́но бы́сть тѣ́ло є҆гѡ̀. н҃ѕ Возвра́щшесѧ же ᲂу҆гото́ваша а҆рѡма́ты, и҆ мѵ́ро: и҆ въ сꙋббѡ́тꙋ ᲂу҆́бѡ ᲂу҆молча́ша по за́повѣди.

Коне́цъ четверткꙋ̀ сы́рномꙋ.

Глава̀ к҃д.

(заⷱ҇ рв҃і) а҃ Во є҆ди́нꙋ же ѿ сꙋббѡ́тъ, ѕѣлѡ̀ ра́нѡ, прїидо́ша на гро́бъ, Є҆ѵⷢ҇лїе д҃ воскре́сное: Во вре́мѧ ѻ҆́но, во є҆ди́нꙋ ѿ сꙋббѡ́тъ, ѕѣлѡ̀ ра́нѡ прїидо́ша жєны̀ на гро́бъ, носѧ́ще ꙗ҆̀же ᲂу҆гото́ваша а҆рѡма́ты, и҆ дрꙋгі́ѧ съ ни́ми. в҃ Ѡ҆брѣто́ша же (л. рм҃д ѡ҆б.) ка́мень ѿвале́нъ ѿ гро́ба: г҃ И҆ вше́дше, не ѡ҆брѣто́ша тѣлесѐ гдⷭ҇а і҆и҃са. д҃ И҆ бы́сть не домышлѧ́ющымсѧ и҆̀мъ ѡ҆ се́мъ, и҆ сѐ мꙋ́жа два̀ ста́ста въ ни́хъ въ ри́захъ блеща́щихсѧ. є҃ Пристра́шнымъ же бы́вшымъ и҆̀мъ, и҆ покло́ншымъ ли́ца на зе́млю, реко́ста къ ни́мъ: что̀ и҆́щете жива́гѡ съ ме́ртвыми; ѕ҃ Нѣ́сть здѣ̀, но воста̀. помѧни́те ꙗ҆́коже глаго́ла ва́мъ, є҆щѐ сы́й въ галїле́и, з҃ Глаго́лѧ: ꙗ҆́кѡ подоба́етъ сн҃ꙋ человѣ́ческомꙋ пре́данꙋ бы́ти въ рꙋ́цѣ человѣ̑къ грѣ̑шникъ, и҆ про́пѧтꙋ бы́ти, и҆ въ тре́тїй де́нь воскрⷭ҇нꙋти: и҃ И҆ помѧнꙋ́ша глаго́лы є҆гѡ̀. ѳ҃ И҆ возвра́щшесѧ ѿ гро́ба, возвѣсти́ша всѧ̑ сїѧ̑ є҆диномꙋна́десѧте, и҆ всѣ́мъ про́чымъ. і҃ Бѧ́ше же магдали́на марі́а, и҆ і҆ѡа́нна, и҆ марі́а і҆а́кѡвлѧ, и҆ про́чыѧ съ ни́ми, ꙗ҆̀же глаго́лахꙋ ко а҆по́столѡмъ сїѧ̑. а҃і И҆ ꙗ҆ви́шасѧ пред̾ ни́ми ꙗ҆́кѡ лжа̀ глаго́лы и҆́хъ, и҆ не вѣ́ровахꙋ и҆̀мъ.

(заⷱ҇ рг҃і) в҃і Пе́тръ же Вто́рникъ свѣ́тлыѧ недѣ́ли, сїе́ же и҆ воскре́сно є҃: Во вре́мѧ ѻ҆́но, пе́тръ꙳ воста́въ течѐ ко гро́бꙋ, и҆ прини́къ ви́дѣ ри̑зы є҆ди́ны лежа́щѧ, и҆ ѿи́де, въ себѣ̀ дивѧ́сѧ бы́вшемꙋ.

Коне́цъ д҃-мꙋ воскре́сномꙋ.

г҃і И҆ сѐ, два̀ ѿ ни́хъ бѣ́ста и҆дꙋ́ща въ то́йже де́нь въ ве́сь, ѿстоѧ́щꙋ ста́дїй шестьдесѧ́тъ ѿ і҆ерꙋсали́ма, є҆́йже и҆́мѧ є҆ммаꙋ́съ. д҃і И҆ та̑ бесѣ́доваста къ себѣ̀ ѡ҆ всѣ́хъ си́хъ приклю́чшихсѧ. є҃і И҆ бы́сть бесѣ́дꙋющема и҆́ма и҆ совопроща́ющемасѧ: и҆ са́мъ і҆и҃съ прибли́жисѧ, (л. рм҃є) и҆дѧ́ше съ ни́ма. ѕ҃і Ѻ҆́чи же є҆ю̀ держа́стѣсѧ, да є҆гѡ̀ не позна́ета. з҃і Рече́ же къ ни́ма: что̀ сꙋ́ть словеса̀ сїѧ̀, ѡ҆ ни́хже стѧза́етасѧ къ себѣ̀ и҆дꙋ́ща, и҆ є҆ста̀ дрѧ́хла; и҃і Ѿвѣща́въ же є҆ди́нъ, є҆мꙋ́же и҆́мѧ клео́па, речѐ къ немꙋ̀: ты́ ли є҆ди́нъ пришле́цъ є҆сѝ во і҆ерꙋсали́мъ, и҆ не ᲂу҆вѣ́дѣ бы́вшихъ въ не́мъ во днѝ сїѧ̀; ѳ҃і И҆ речѐ и҆́ма: кі́ихъ; ѻ҆́на же рѣ́ста є҆мꙋ̀: ꙗ҆̀же ѡ҆ і҆и҃сѣ назарѧни́нѣ, и҆́же бы́сть мꙋ́жъ проро́къ, си́ленъ дѣ́ломъ и҆ сло́вомъ пред̾ бг҃омъ и҆ всѣ́ми людьмѝ. к҃ Ка́кѡ преда́ша є҆го̀ а҆рхїере́и и҆ кнѧ́зи на́ши на ѡ҆сꙋжде́нїе сме́рти, и҆ распѧ́ша є҆го̀. к҃а Мы́ же надѣ́ѧхомсѧ, ꙗ҆́кѡ се́й є҆́сть хотѧ̀ и҆зба́вити і҆и҃лѧ: но и҆ над̾ всѣ́ми си́ми тре́тїй се́й де́нь и҆́мать дне́сь, ѿне́лиже сїѧ̑ бы́ша. к҃в Но и҆ жєны̀ нѣ́кїѧ ѿ на́съ ᲂу҆жаси́ша ны̀, бы́вшыѧ ра́нѡ ᲂу҆ гро́ба: к҃г И҆ не ѡ҆брѣ́тше тѣлесѐ є҆гѡ̀, прїидо́ша глаго́люще, и҆ ꙗ҆вле́нїе а҆́гг҃лъ ви́дѣвше, и҆̀же глаго́лютъ є҆го̀ жи́ва. к҃д И҆ и҆до́ша нѣ́цыи ѿ на́съ ко гро́бꙋ: и҆ ѡ҆брѣто́ша та́кѡ, ꙗ҆́коже и҆ жєны̀ рѣ́ша, самогѡ́ же не ви́дѣша. к҃є И҆ то́й речѐ къ ни́ма: ѽ несмы́слєннаѧ и҆ кѡ́снаѧ се́рдцемъ, є҆́же вѣ́ровати ѡ҆ всѣ́хъ, ꙗ҆̀же глаго́лаша проро́цы. к҃ѕ Не сїѧ̑ ли подоба́ше пострада́ти хрⷭ҇тꙋ̀, и҆ вни́ти въ сла́вꙋ свою̀; к҃з И҆ наче́нъ ѿ мѡѷсе́а, и҆ ѿ всѣ́хъ прорѡ́къ, сказа́ше и҆́ма ѿ всѣ́хъ писа́нїй ꙗ҆̀же ѡ҆ не́мъ. к҃и И҆ прибли́жишасѧ въ ве́сь, въ ню́же и҆дѧ́ста: и҆ то́й творѧ́шесѧ далеча́йше и҆тѝ. к҃ѳ И҆ нꙋ́ждаста є҆го̀, глаго́люще: ѡ҆блѧ́зи съ на́ма, ꙗ҆́кѡ къ ве́черꙋ є҆́сть, и҆ преклони́лсѧ є҆́сть де́нь. и҆ вни́де съ ни́ма ѡ҆блещѝ. л҃ И҆ бы́сть ꙗ҆́кѡ возлежѐ съ ни́ма, и҆ прїи́мъ хлѣ́бъ благословѝ, и҆ преломи́въ (л. рм҃є ѡ҆б.) даѧ́ше и҆́ма. л҃а Ѻ҆́нѣма же ѿверзо́стѣсѧ ѻ҆́чи, и҆ позна́ста є҆го̀: и҆ то́й неви́димь бы́сть и҆́ма. л҃в И҆ реко́ста къ себѣ̀: не се́рдце ли на́ю горѧ̀ бѣ̀ въ на́ю, є҆гда̀ глаго́лаше на́ма на пꙋтѝ, и҆ ꙗ҆́кѡ ска́зоваше на́ма писа̑нїѧ; л҃г И҆ воста́вша въ то́й ча́съ, возврати́стасѧ во і҆ерꙋсали́мъ, и҆ ѡ҆брѣто́ста совокꙋ́плены є҆динагона́десѧте, и҆ и҆̀же бѧ́хꙋ съ ни́ми, л҃д Глаго́лющихъ, ꙗ҆́кѡ вои́стиннꙋ воста̀ гдⷭ҇ь, и҆ ꙗ҆ви́сѧ сі́мѡнꙋ. л҃є И҆ та̀ повѣ́даста, ꙗ҆̀же бы́ша на пꙋтѝ: и҆ ꙗ҆́кѡ позна́сѧ и҆́ма въ преломле́нїи хлѣ́ба.

Коне́цъ вто́рникꙋ, и҆ є҃-мꙋ воскре́сномꙋ.

(заⷱ҇ рд҃і) л҃ѕ Сїѧ̑ же и҆̀мъ глаго́лющымъ, и҆ са́мъ і҆и҃съ ста̀ посредѣ̀ и҆́хъ, Є҆ѵⷢ҇лїе ѕ҃ воскре́сное: Во вре́мѧ ѻ҆́но, воскре́съ і҆и҃съ ѿ ме́ртвыхъ, ста̀ посредѣ̀ ᲂу҆чени̑къ свои́хъ, ꙳ Сїе́ же и҆ на лїтꙋргі́и вознесе́нїю. и҆ глаго́ла и҆̀мъ: ми́ръ ва́мъ. л҃з Оу҆боѧ́вшесѧ же и҆ пристра́шни бы́вше, мнѧ́хꙋ дꙋ́хъ ви́дѧще. л҃и И҆ речѐ и҆̀мъ: что̀ смꙋще́ни є҆стѐ; и҆ почто̀ помышлє́нїѧ вхо́дѧтъ въ сердца̀ ва́ша; л҃ѳ Ви́дите рꙋ́цѣ моѝ, и҆ но́зѣ моѝ, ꙗ҆́кѡ са́мъ а҆́зъ є҆́смь. ѡ҆сѧжи́те мѧ̀ и҆ ви́дите, ꙗ҆́кѡ дꙋ́хъ пло́ти и҆ ко́сти не и҆́мать, ꙗ҆́коже менѐ ви́дите и҆мꙋ́ща. м҃ И҆ сїѐ ре́къ, показа̀ и҆̀мъ рꙋ́цѣ и҆ но́зѣ. м҃а Є҆ще́ же не вѣ́рꙋющымъ и҆̀мъ ѿ ра́дости, и҆ чꙋдѧ́щымсѧ, речѐ и҆̀мъ: и҆́мате ли что̀ снѣ́дно здѣ̀, м҃в Ѻ҆ни́ же да́ша є҆мꙋ̀ ры́бы печены̀ ча́сть, и҆ ѿ пче́лъ со́тъ. м҃г И҆ взе́мъ, пред̾ ни́ми ꙗ҆дѐ. м҃д Рече́ же и҆̀мъ: сїѧ̀ сꙋ́ть словеса̀, ꙗ҆̀же глаго́лахъ къ ва́мъ, є҆щѐ (л. рм҃ѕ) сы́й съ ва́ми, ꙗ҆́кѡ подоба́етъ сконча́тисѧ всѣ̑мъ напи̑саннымъ въ зако́нѣ мѡѷсе́овѣ, и҆ проро́цѣхъ и҆ ѱалмѣ́хъ ѡ҆ мнѣ̀. м҃є Тогда̀ ѿве́рзе и҆̀мъ ᲂу҆́мъ, разꙋмѣ́ти писа̑нїѧ. м҃ѕ И҆ речѐ и҆̀мъ: ꙗ҆́кѡ та́кѡ пи́сано є҆́сть, и҆ та́кѡ подоба́ше пострада́ти хрⷭ҇тꙋ̀ и҆ воскре́снꙋти ѿ ме́ртвыхъ въ тре́тїй де́нь, м҃з И҆ проповѣ́датисѧ во и҆́мѧ є҆гѡ̀ покаѧ́нїю и҆ ѿпꙋще́нїю грѣхѡ́въ, во всѣ́хъ ꙗ҆зы́цѣхъ, наче́нше ѿ і҆ерꙋсали́ма. м҃и Вы́ же є҆стѐ свидѣ́телїе си̑мъ. м҃ѳ И҆ сѐ а҆́зъ послю̀ ѡ҆бѣтова́нїе ѻ҆ц҃а̀ моегѡ̀ на вы̀: вы́ же сѣди́те во гра́дѣ і҆ерꙋсали́мстѣ, до́ндеже ѡ҆блече́тесѧ си́лою свы́ше. н҃ И҆зве́дъ же и҆̀хъ во́нъ до виѳа́нїи, и҆ воздви́гъ рꙋ́цѣ своѝ, и҆ бл҃гословѝ и҆̀хъ. н҃а И҆ бы́сть є҆гда̀ бл҃гословлѧ́ше и҆̀хъ, ѿстꙋпѝ ѿ ни́хъ, и҆ возноша́шесѧ на нб҃о. н҃в И҆ ті́и поклони́шасѧ є҆мꙋ̀, и҆ возврати́шасѧ во і҆ерꙋсали́мъ съ ра́достїю вели́кою. н҃г И҆ бѧ́хꙋ вы́нꙋ въ це́ркви, хва́лѧще и҆ благословѧ́ще бг҃а. а҆ми́нь.

Коне́цъ є҆́же ѿ лꙋкѝ ст҃а́гѡ є҆ѵⷢ҇лїа. стїхѡ́въ двѣ̀ ты́сѧщи ѻ҆́смь сѡ́тъ. и҆здаде́сѧ по лѣ́тѣхъ пѧтина́десѧтихъ хрⷭ҇то́ва вознесе́нїѧ.


Комментарии для сайта Cackle

Открыта запись на православный интернет-курс