Минея. Апрель

Ме́сяца апреля в 3-й де́нь

Преподо́бнаго отца́ на́шего Ники́ты Испове́дника, игу́мена оби́тели Мидики́йския

НА ВЕЧЕ́РНИ:

На Го́споди, воззва́х: стихи́ры, глас 2.

Подо́бен: Егда́ от Дре́ва:

Сло́вом управля́я ду́ши,/ Боже́ственный строи́тель показа́лся еси́,/ тайново́ждь же ве́рен,/ се́мена спаси́тельная влага́я/ и жня многого́бзенный плод, Богоно́се,/ сей Влады́це твоему́ прино́сиши, ра́дуяся,/ Ему́же ны́не предстоя́, блаже́нне,/ помяни́ ста́до твое́ сие́,/ при́сно чту́щее тя, Богодухнове́нне.

Кро́ток быв и прост,/ правосла́вия ре́вностию яви́лся еси́, ра́туя,/ ве́рою бо, я́ко броня́ми, обложе́н/ и, я́ко копие́м, воздержа́нием, Ники́то Богому́дре,/ вся́кую ху́льную е́ресь обличи́л еси́,/ Боже́ственный Спа́са о́браз почита́я/ и служа́, Богоно́се,/ уста́вом оте́ческим я́ве после́дуя.

Егда́ во изгна́ниих тя го́рьких/ и в темне́йших ме́стех/ темне́йший мучи́тель заключи́ зве́рским суровство́м,/ ра́йское селе́ние во уме́ обнося́,/ ра́дуяся же ду́хом, о́тче, претерпе́л еси́,/ Его́же ны́не благоле́пие ви́дети/ вои́стинну сподо́бился еси́, блаже́нне,/ боле́зней воздая́ния прие́мля.

Сла́ва, и ны́не, Богоро́дичен:

Еди́на Невмести́маго Бо́га/ нетесноме́стно во чре́ве носи́ла еси́,/ Челове́ка бы́вша за бла́гость, Пресвята́я Богоневе́сто./ Те́мже молю́ Тя:/ утесня́ющих мя страсте́й измени́,/ я́ко да, те́сную и пра́вую стезю́, ше́ствовав,/ дости́гну, я́же к жи́зни, Де́во, водя́щую.

Крестобогоро́дичен:

Егда́ нескве́рная А́гница ви́де Своего́ А́гнца,/ на заколе́ние я́ко Челове́ка во́лею влеко́ма,/ пла́чущи, глаго́лаше:/ безча́дствовати Мя ны́не тщи́шися, Христе́, ро́ждшую Тя,/ что сие́ сотвори́л еси́, Изба́вителю вся́ческих?/ Оба́че воспева́ю и сла́влю Твою́,/ ю́же па́че ума́ и сло́ва,/ кра́йнюю бла́гость, Человеколю́бче.

Кано́н, его́же краегране́сие, кроме́ Богоро́дичнов: Твое́ честву́ю всесве́тлое житие́, о́тче. Глас 2.

Пе́снь 1

Ирмо́с: Во глубине́ постла́ иногда́/ фараони́тское всево́инство преоруже́нная си́ла,/ вопло́щшееся же Сло́во всезло́бный грех потреби́ло е́сть,/ препросла́вленным Госпо́дь, сла́вно бо просла́вися.

Све́том Боже́ственнаго блиста́ния, о́тче, озаря́емь,/ твою́ жи́знь Бо́гу освяти́л еси́,/ изде́тска избра́в де́вства светоно́сную све́тлость,/ е́юже уподо́бился еси́ безпло́тных чистоте́.

Наста́вником Боже́ственным и Честны́м Ду́хом пома́зан Богови́дным,/ мона́шествующих о́бразом чи́сто бесе́довал еси́/ и пребы́л еси́ многосве́тлою осия́емь заре́ю, Богоно́се,/ житие́ чисте́йшо стяжа́в.

Укрепи́вся си́лою Креста́, стра́сти увяди́л еси́ плотски́я/ и ум просвети́л еси́, о Ники́то всему́дре, прилежа́нием уче́ний духо́вных,/ Боже́ственнаго зре́ния бога́тство неиждива́емо пло́дствовав.

Целому́дрием, блаже́нне, просве́щся и чистото́ю,/ ко свяще́нному возведе́н был еси́ нача́льству:/ свяще́нства бо светле́йшею украси́лся еси́ оде́ждею,/ Боже́ственных та́инств, преподо́бне, хода́тай познава́емь.

Богоро́дичен: Превы́шши яви́лася еси́, Чи́стая,/ вся́кия ви́димыя и неви́димыя, Присноде́во, тва́ри,/ Зижди́теля бо родила́ еси́, я́ко благоволи́ воплоти́тися во утро́бе Твое́й,/ Его́же со дерзнове́нием моли́ спасти́ пою́щия Тя.

Пе́снь 3

Ирмо́с: Процвела́ е́сть пусты́ня, я́ко крин, Го́споди,/ язы́ческая неплодя́щая, Це́рковь/ прише́ствием Твои́м,/ в не́йже утверди́ся мое́ се́рдце.

Небе́сное стяжа́в жи́тельство, преподо́бне,/ светови́ден и све́тел, благоче́стия, о Ники́то, был еси́ свети́льник,/ мно́гими укра́шен дарова́ньми.

Умертви́в мудрова́ния пло́ти твое́й, преподо́бне,/ доброде́телию оживи́л еси́ богому́дренно души́ Боже́ственное/ и жи́зни нетле́нныя сподо́бился еси́.

Ра́дуяся, препроводи́л еси́ твое́ житие́, сла́вне,/ преиспещре́н добро́тами и кра́сными богате́я дарова́ньми,/ в ни́хже утверди́ся се́рдце твое́.

Возсия́л еси́, я́ко со́лнце, мона́шествующих чино́м,/ доброде́тельми украша́емь, о Ники́то Богому́дре преподо́бне!/ Тем тя, ра́дующеся, ублажа́ем.

Богоро́дичен: Просвеща́ющаго концы́, Пресвята́я, родила́ еси́, пло́тию несозда́ннаго/ и пре́жде всех Отцу́ Собезнача́льнаго,/ те́мже Тя, Богоро́дицу, ве́рою чтим.

Седа́лен, глас 4.

Подо́бен: Ско́ро предвари́:

Водвори́лся еси́ в гора́х безмо́лвия, му́дре,/ воспита́лся еси́ во граде́х воздержа́ния я́ве,/ возвы́сився обою́ду, оста́вил еси́ долере́тныя 1 сла́сти,/ жи́знь дости́гл еси́ Небе́сную, во оби́тель всели́вся,/ в ней же мо́лиши о нас Бо́га.

Сла́ва, и ны́не, Богоро́дичен:

Де́во Всенепоро́чная, я́же Пресу́щнаго Бо́га ро́ждшая,/ со безпло́тными Того́ непреста́нно моли́/ оставле́ние прегреше́ний и исправле́ния жития́ да́ти нам пре́жде конца́,/ ве́рою и любо́вию пою́щим Тя по до́лгу,/ еди́на Всепе́тая.

Крестобогоро́дичен:

Де́во Пренепоро́чная, Ма́ти Христа́ Бо́га,/ ору́жие про́йде Твою́ пресвяту́ю ду́шу,/ егда́ распина́ема ви́дела еси́ во́лею Сы́на и Бо́га Твоего́,/ Его́же, Благослове́нная, моля́щи не преста́й/ проще́ние прегреше́ний нам дарова́ти.

Пе́снь 4

Ирмо́с: Прише́л еси́ от Де́вы не хода́тай, ни А́нгел,/ но Сам, Го́споди, вопло́щся,/ и спасл еси́ всего́ мя, челове́ка./ Тем зову́ Ти: сла́ва си́ле Твое́й, Го́споди.

Кореносе́чец страсте́й, Богоно́се, показу́емь,/ души́ чистото́ю богобо́рных исто́ргнул еси́ вся́кую душегу́бную пре́лесть,/ священнотаи́нниче прече́стне.

Взем побе́ды, пребога́те, вене́ц,/ в се́лех Небе́сных ны́не почива́еши, блаже́нне,/ стра́сти оттря́с и в безстра́стие, о́тче, оде́явся.

Же́ртву я́ко непоро́чну, о́тче, житие́ твое́ Христу́ прине́сл еси́,/ Боже́ственныя любве́ испо́лнен/ и по́стничества украша́емь добро́тою, преблаже́нне.

Вити́йства душетле́нныя, Богому́дре, е́реси я́сно изобличи́л еси́,/ Христо́ву чтущ Боже́ственную ико́ну, и Богома́тере, и святы́х всех,/ свяще́ннейший.

Богоро́дичен: Я́ко похвалу́, я́ко держа́ву ми́ра и утвержде́ние,/ я́ко приста́нище благоути́шно, я́ко весе́лию вино́вну,/ Тя, Пречи́стая, сла́вим,/ крася́щиися вси в сла́ве Твое́й.

Пе́снь 5

Ирмо́с: Хода́тай Бо́гу и челове́ком был еси́, Христе́ Бо́же:/ Тобо́ю бо, Влады́ко, к Светонача́льнику Отцу́ Твоему́/ от но́щи неве́дения/ приведе́ние и́мамы.

Я́ко кро́ток, в земли́ кро́тких всели́лся еси́, Ники́то му́дре,/ побо́рник быв по и́стине, всеприснопа́мятне,/ и испове́дания венце́м све́тло украша́емь.

К Боже́ственному Све́ту ны́не преста́вился еси́, преподо́бне,/ Све́та быв сын возлю́блен,/ в ра́дости и красоте́ с ли́ки А́нгельскими ра́достно веселя́ся.

Неизрече́нныя сла́дости ра́йския был еси́ ны́не прича́стник,/ приста́нище бо всеблагоути́шное обурева́емым показа́лся еси́/ и а́лчущих, блаже́нне, препита́тель был еси́.

Богоро́дичен: Глаго́лы Твои́ помина́юще, ны́не Тя ублажа́ем:/ Тобо́ю, Пренепоро́чная, блаже́нство несказа́нное/ и жи́знь нестаре́емую и́стинно восприя́хом.

Пе́снь 6

Ирмо́с: В бе́здне грехо́вней валя́яся,/ неизсле́дную милосе́рдия Твоего́ призыва́ю бе́здну:/ от тли, Бо́же, мя возведи́.

Блаже́нных наде́жд получи́л еси́, о́тче всеблаже́нне,/ блаже́нства Влады́чня быв насле́дник и Боже́ственнаго осия́ния.

Светоно́сныя свещи́ име́я сугу́бы испове́дания твоего́ и по́стничества,/ в Небеса́ вмести́лся еси́,/ Богоно́се Ники́то пребога́те.

Наслажда́яся безконе́чныя и Боже́ственныя сла́дости/ в Небе́сных ны́не, о́тче, ски́ниих,/ о нас моли́ всех Влады́ку и Го́спода.

Богоро́дичен: Ны́не к Тебе́ прибега́ю, Пречи́стая,/ спаси́ мя мольба́ми Твои́ми и соблюди́,/ ели́ка бо хо́щеши, мо́жеши, я́ко Ма́ти Всемогу́щаго.

Конда́к, глас 2.

Подо́бен: Вы́шних ища́:

Небе́сный ум и житие́ стяжа́в,/ сия́еши я́сно, я́коже со́лнце, све́тлостию дел,/ просвеща́еши су́щия во тьме́ жите́йстей, о́тче Ники́то,/ и, приводя́ всех к Бо́гу,/ моли́ непреста́нно о всех нас.

Пе́снь 7

Ирмо́с: Богопроти́вное веле́ние/ беззако́ннующаго мучи́теля, высо́к пла́мень вознесло́ е́сть:/ Христо́с же простре́ Богочести́вым отроко́м ро́су духо́вную,/ Сый благослове́н и препросла́влен.

Твоя́ кро́тость вельми́ в пе́рсть смири́ мучи́теля суровство́,/ ча́стыми мольба́ми сего́ умори́вши,/ ве́сть бо во́лю твори́ти боя́щихся Его́ Госпо́дь.

Гром догма́тов твои́х/ и светоно́сная мо́лния жития́ твоего́ мир уясни́,/ ве́рныя озаря́ющи Боговеща́нными сия́ньми, словесы́ же и дея́нии све́тло,/ священнотаи́нниче Богоблаже́нне.

Кре́постию вжиля́емь Уте́шителя,/ де́монских полко́в и се́тей ерети́ческих, Богому́дре, избежа́л еси́/ и к Небе́сней высоте́ возше́л еси́,/ с ли́ки безпло́тных ны́не водворя́йся.

Богоро́дичен: Храм была́ еси́ свяще́н вся хоте́нием, Де́во, Созда́вшего,/ Того́ бо вмести́ла еси́, все́ми Невмести́маго, мир обновля́юща./ Те́мже Тя, Богоро́дицу, пропове́дуем.

Пе́снь 8

Ирмо́с: Пе́щь иногда́ о́гненная в Вавило́не де́йства разделя́ше,/ Бо́жиим веле́нием халде́и опаля́ющая,/ ве́рныя же ороша́ющая, пою́щия:/ благослови́те, вся дела́ Госпо́дня, Го́спода.

Вся́ко превзоше́д чу́вство, треблаже́нне,/ мы́сленному ны́не прибли́жился еси́ Све́ту, всече́стне,/ Боговиде́ния сподобля́емь и просвеще́ния исполня́емь, зовы́й:/ благослови́те, вся дела́ Госпо́дня, Го́спода.

Ме́ртвостию страсте́й я́ве облече́н,/ к живоно́сному возше́л еси́ ликова́нию, всеблаже́нне,/ благоче́стием разжиза́емь и доброде́тельми осия́емь, зовы́й:/ превозноси́те, вся дела́ Госпо́дня, Го́спода.

Вся́ку доброде́тель, Богому́дре, от младе́нства извы́к,/ при кончи́не по́двиг твои́х венце́м украша́емь благода́тным показа́лся еси́/ и по́честь прия́л еси́, поя́:/ превозноси́те, вся дела́ Госпо́дня, Го́спода.

Свы́ше нас ны́не назира́еши, о́тче, твоему́ Влады́це предстоя́,/ побе́ды, тезоимени́те, дерзнове́ние мно́го име́я/ и душе́внаго прося́, сла́вне, спасе́ния, священноявле́нне, ста́ду твоему́.

Богоро́дичен: Ты Отцу́ неразлу́чнаго, в ложесна́х богому́жно пожи́вша,/ безсе́менно зачала́ еси́ и несказа́нно родила́ еси́, Богороди́тельнице Пречи́стая:/ те́мже Тя, спасе́ние всех нас, познава́ем.

Пе́снь 9

Ирмо́с: Безнача́льна Роди́теля Сын, Бог и Госпо́дь,/ вопло́щся от Де́вы, нам яви́ся,/ омраче́нная просвети́ти, собра́ти расточе́нная./ Тем Всепе́тую Богоро́дицу велича́ем.

Боже́ственныя све́тлости, я́ко чист, сподо́бился еси́,/ доброде́телей ви́ды облиста́яся/ и испове́дания венце́м я́ве украша́емь,/ те́мже всепра́зднственный пра́здник твой ублажа́ем.

Смы́сленно, блаже́нне, твою́ жи́знь соверши́л еси́, повеле́ньми Спа́са управля́емь,/ ны́не же, се́ни преше́дшей,/ прера́достно жи́знь ве́чную досто́йно получи́л еси́,/ богоявле́нно, свяще́ннейше.

Теку́щих бы́стро прете́кл еси́ мяте́ж,/ к ти́хому же, Ники́то, Ца́рства Христо́ва, ра́дуяся, устреми́лся еси́ приста́нищу,/ к нему́же нас наста́ви, о́тче,/ тя блажа́щия и твою́ па́мять почита́ющия.

Богоро́дичен: Тя свиде́ния се́нь прообразова́,/ в не́йже скрижа́ли, и ста́мна, и златы́й ковче́г,/ я́коже бо она́ о́ныя,/ та́ко и Ты Безнача́льнаго Сло́ва во утро́бе вмести́ла еси́,/ Богоро́дице, воплоща́ема.

Преподо́бный Ники́та Испове́дник, игу́мен Мидикийский

Преподобный Никита Исповедник, игумен Мидикийский, родился в середине VIII пека в Кесарии Вифинской (область в Малой Азии). Через восемь дней после рождения Никита лишился матери. Отец мальчика Филарет отдал сына на воспитание своей матери, а сам принял монашеский постриг. Бабушка воспитала внука в христианском благочестии, дала ему необходимое образование. С юного возраста Никита посвятил себя служению Богу. Сначала он был пономарем в храме, изучал Священное Писание, а затем стал жить в послушании у благочестивого отшельника Стефана. Получив у него достаточное наставление, преподобный Никита, по совету Стефана, отправился в Мидикийский монастырь, основанный (по другим источникам восстановленный) преподобным Никифором († 814; память 4 мая). Мидикийский монастырь находился недалеко от города Бруссы, близ горы Олимп, на северо-востоке Малой Азии. Святой Никифор постриг преподобного Никиту в монашество. Вскоре преподобный Никита превзошел всех иноков обители смирением и послушанием. Через семь лет он, по благословению настоятеля, принял сан пресвитера. Рукоположение совершил святитель Тарасий, Патриарх Константинопольский (784–806, † 806; память 25 февраля). Когда преподобный Никифор стал очень стар и болен, он поручил преподобному Никите управлять Мидикийским монастырем. Святой Никита с усердием исполнял возложенное на него послушание; заботился о спасении душ вверенных ему духовных чад, примером своей добродетельной жизни умножал число братии в обители. Многие годы он неустанно трудился, благоустраивая монастырь и утверждая в нем правила строгого благочестия. После смерти преподобного Никифора иноки просили святого Никиту быть их игуменом. Патриарх Константинопольский Никифор, преемник святителя Тарасия, преподал на это свое благословение. Господь наделил Своего угодника даром чудотворения: он исцелял бесноватых, больных, немых. Однажды, по молитве преподобного Никиты, исцелился немой от рождения отрок – он получил дар речи. Уже на склоне лет Господь избрал преподобного Никиту быть защитником православного учения о почитании святых икон. В царствование византийского императора Льва Армянина (813–820) возобновилась иконоборческая ересь и вновь началось гонение на святые иконы и их почитателей. Император собрал епископов с целью склонить их к ереси, но они остались верными последователями отцов Седьмого Вселенского Собора (787), которые осудили иконоборчество и утвердили иконопочитание. Тогда, в 815 году, еретики, поддерживаемые императором, на собранном в Константинополе соборе незаконно свергли святого Патриарха Никифора (806–815, † 828; память 13 марта и 2 июня) и на его место избрали из мирян еретика Феодота Касситера. Лев Армянин отправил многих православных епископов в ссылку, а на их место лжепатриарх иконоборец поставил еретиков. Затем император созвал всех игуменов монастырей и пытался вовлечь их в иконоборческую ересь. Но игумены, среди которых был и преподобный Никита, не поддержали императора и были подвергнуты гонениям. Преподобный Никита долгое время находился в темнице, где его кормили испорченным хлебом и водой. Каждый день к нему приходили еретики и всячески оскорбляли святого старца. Наконец император приговорил преподобного к ссылке в г. Масалеон. Много невзгод испытал преподобный Никита на пути к месту ссылки. Одежды его были ветхи, и он страдал от ветра и холода, так как была зима. Стража не давала старцу времени для отдыха, заставляла его спешить. Но не пробыл преподобный Никита в Масалеоне и недели, как император потребовал вернуть его, как и других игуменов, из ссылки. Обратный путь был еще более спешным и утомительным. В Константинополе преподобный Никита вновь был брошен в темницу. Через несколько месяцев ему обещали свободу, если он приобщится Святых Христовых Таин с лжепатриархом Феодотом. Преподобный Никита сначала отказался, но другие узники умоляли его принять Святые Дары от Феодота вместе с ними. Святой Никита уступил их просьбам. Но когда ему была дарована свобода, он глубоко раскаялся в содеянном. Безбоязненно преподобный стал учить людей держаться правых догматов, установленных святыми отцами Седьмого Вселенского Собора. Никакие угрозы не могли остановить святого Никиту. Тогда он вновь был сослан на остров святой мученицы Гликерии. Там преподобный Никита совершал чудеса: по молитвам святого были избавлены от плена два его соотечественника; три человека, попавшие в кораблекрушение, были чудесно спасены от смерти. Шесть лет преподобный Никита томился в ссылке и был освобожден только после смерти Льва Армянина при его преемнике императоре Михаиле II Косноязычном (820–829).

Преподобный Никита не вернулся в свой монастырь, но, желая хранить безмолвие, поселился недалеко от Константинополя в уединении. В скором времени он мирно скончался (13 апреля 824 года, в Неделю 4-ю Великого поста). Накануне смерти преподобный Никита причастился Святых Христовых Таин. Тело его было перевезено на корабле в Мидикийский монастырь епископом Ефесским Феофилом и архиепископом Солунским Иосифом (1830; память 26 января). На пути в монастырь погребальную процессию встретил епископ Плусиадский Павел с множеством иноков и мирян. От гроба преподобного Никиты совершались многие исцеления. Он был погребен в гробнице своего наставника преподобного Никифора. После погребения у гробницы святого также совершались чудеса. Житие преподобного Никиты написано его учеником Феостириктом, иноком Мидикийской обители.

Пра́зднование Пресвяте́й Влады́чице на́шей Богоро́дице ра́ди ико́ны Ея́, имену́емыя «Неувяда́емый Цвет»

Тропа́рь, глас 5:

Ра́дуйся, Богоневе́сто, же́зле та́йный,/ Цвет Неувяда́емый процве́тший,/ ра́дуйся, Влады́чице, Е́юже ра́дости наполня́емся/ и жи́знь насле́дствуем.

Икона Божией Матери, именуемая «Неувядаемый Цвет»

На иконе Пресвятая Богородица держит Своего Божественного Сына на правой руке, а в левой руке у Нее – цветок белой лилии. Этот цветок символически знаменует неувядаемость девства и непорочность Пречистой Девы, к Которой так и обращается Святая Церковь: «Ты еси Корень девства и Неувядаемый Цвет чистоты». Списки этой иконы прославились в Москве, Воронеже и других местах Русской Церкви.

* * *

1

Долере́тныя – земные.


Комментарии для сайта Cackle