9-й день

Святителя Иннокентия, епископа Иркутскаго

Святитель Иннокентий, епископ Иркутский († 1731)

Свята́го му́ченика Ники́фора

Святой мученик Никифор († ок. 257)

Преподо́бнаго Панкра́тия, затво́рника, в Да́льних пеще́рах почива́ющаго

Преподобный Панкратий Печерский

Службу зри 26 ноября

Тропа́рь, глас 3:

Свети́льниче Це́ркве пресве́тлый,/ озари́вый луча́ми добро́т твои́х страну́ сию́,/ и исцеле́ньми мно́гими притека́ющих к тебе́ с ве́рою/ Бо́га просла́вивый,/ мо́лим тя, святи́телю Инноке́нтие,/ огражда́й моли́твами твои́ми град сей/ от всех бед и печа́ли.

Конда́к, глас 4:

Непоро́чности соиме́ннаго па́стыря,/ проповедни́ка ве́ры в язы́цех Монго́льских,/ сла́ву и украше́ние Ирку́тския па́ствы/ любо́вию восхва́лим, вси ве́рнии:/ той бо есть храни́тель страны́ Сиби́рския/ и моли́твенник о душа́х на́ших.

Святитель Иннокентий, епископ Иркутский († 1731) в миру Иоанн, происходил из древнего и во многих отношениях замечательного дворянского рода Кульчицких. Родители его в середине XVII века переселились с Волыни в Черниговские пределы. Святитель Иннокентий родился около 1680 года. В возрасте 12–13 лет он был отдан в Киево-Могилянскую духовную коллегию (вскоре преобразованную в Академию). За время обучения будущий Святитель основательно изучил Богословие, философские и другие предметы и получил самое высокое образование, какое только можно было получить в то время.

После окончания Академии в 1706 году святой Иоанн вступил в братство Киево-Печерской Лавры и принял монашеский постриг с именем Иннокентий. Вскоре его посвятили в сан иеродиакона, а потом – иеромонаха. В 1710 году иеромонах Иннокентий Кульчицкий был назначен преподавателем в Московскую Славяно-греко-латинскую академию, где преподавал догматическое, обличительное и нравственное Богословие, метафизику и словесность. Затем он был префектом Академии и профессором Богословия до 1719 года, когда его перевели в братство Александро-Невской Лавры со званием соборного иеромонаха. Но вскоре он был назначен обер-иеромонахом флота (т. е. старшим иеромонахом) с пребыванием в г. Або, в Финляндии.

14 февраля 1721 г. в соответствии с определением Святейшего Правительствующего Синода иеромонаха Иннокентия хиротонисали во епископа Переяславского с назначением в русскую духовную миссию в Китае.

По прибытии на границу с Китаем выяснилось, что китайское правительство отказало в визе святителю Иннокентию, и он около шести лет вынужден был жить в Забайкалье, не имея ни крова, ни средств к пропитанию.

Только в 1727 году указом Святейшего Синода святитель Иннокентий был назначен епископом Иркутским и Нерчинским, в связи с образованием Иркутской епархии. Обширность и малонаселенность епархии, близость китайской границы, большое количество разных народностей, не просвещенных Христовой верой, бездорожье – все это делало пастырский труд святителя Иннокентия тяжелым, а жизнь его – полной лишений. Из-за недосмотра Синода он не получал жалованья до самой своей смерти и терпел крайнюю нужду.

Святителю Иннокентию приходилось решать и административные вопросы, связанные с определением границ новой епархии.

Очень важным (и именно для заброшенной Иркутской епархии, занимавшей почти всю Восточную Сибирь) было разрешение вопросов духовно-нравственного воспитания паствы. В этих трудных условиях, на скудные средства Иркутского Вознесенского монастыря, содержались две открытые при нем школы – монгольская и русская. Неустанные заботы святителя Иннокентия были направлены на подбор учителей, обеспечение учеников нужными книгами, одеждой и продовольствием.

В Иркутской епархии проживало большое количество бурят, которые еще не были крещены. Предстояла большая и трудная задача обращения их в Православие. Язычники, желавшие принять Крещение, приходили к Вознесенскому монастырю г. Иркутска, и святитель Иннокентий сам обращался к ним со словами назидания. Из основанной им при Вознесенском монастыре монгольской школы, где новообращенные обучались закону Божию и русскому языку, выходили проповедники Православной веры между монголами. Эта школа положила начало духовной семинарии. Святитель, не обеспеченный ни жалованием, ни доходами, целые 10 лет содержал эту школу своими трудами. При этом сам зарабатывал себе пропитание трудом иконописца, сам шил для себя одежду и обувь.

За время управления святителем Иннокентием епархией было построено и возобновлено около десяти церквей, то есть пятая часть всех церквей епархии. Большой заботой святителя Иннокентия были монастыри, где преимущественно и можно было встретить образцы святой подвижнической жизни.

Святитель Иннокентий был строг к тем клирикам, которые нарушали нравственные устои жизни, прибегал временами к крайней мере – лишению сана. Чтобы поднять духовный уровень пастырей, он требовал от них серьезного и внимательного отношения к своим обязанностям. Им были разработаны строгие инструкции как относительно поведения духовенства, так и относительно порядка в приходах.

Духовно-нравственный уровень паствы был также чрезвычайно низким. Святитель Иннокентий всеми силами искоренял пьянство и разврат, распространенные в Иркутской епархии. Спившиеся или умиравшие от невоздержания лишались по распоряжению святителя Иннокентия христианского погребения и хоронились за городом, как самоубийцы.

Когда приходили к святителю Иннокентию за помощью обиженные несправедливостью местных властей, он всех выслушивал и старался помочь. Жертвуя своим здоровьем и отдыхом, он был для своей паствы и отцом, и судьей, и утешителем, и миротворцем. Святитель Иннокентий хорошо знал нужды народа и в своих частых проповедях говорил просто, жизненно, пробуждая в своих слушателях стремление к духовному возрастанию.

Поучения его к пастве проникнуты отеческой, трогательной любовью. «Бога молю о помощи, а вашу любовь – в прилежное слушание»,– часто говорил святитель Иннокентий (в 1900 году был издан сборник из 35 поучений Святителя).

Святитель Иннокентий, не обладавший крепким здоровьем, рано отошел ко Господу.

В октябре 1731 года святитель Иннокентий слег в постель после тяжелых трудов, понесенных при объезде епархии. Продолжая заботиться о епархиальных делах, он вместе с тем просил молиться за него во всех храмах, а также благодарил всех, служивших ему. Через месяц, утром 27 ноября, святитель мирно отошел ко Господу на 50-м году жизни.

Святитель Иннокентии отличался кротостью, незлобием, простотой и был горячо любим всеми – толпы народа пришли к его гробу. Погребли его в Тихвинской церкви Вознесенского монастыря.

В 1764 году тело святителя Иннокентия было обретено нетленным, а в 1805 году ввиду многочисленных чудес совершилось торжественное прославление его честных мощей.

Память святителя Иннокентия отмечается дважды в год: 26 ноября (преставление, – с 27 ноября память перенесена в связи с празднованием Пресвятой Богородице, ради Ея иконы «Знамение») и 9 февраля (прославление).

В сей день отдае́тся пра́здник Сре́тения Госпо́дня. А́ще же не случи́тся в сей день отда́ние пра́здника, пое́тся си́це:

На Го́споди, воззва́х: стихи́ры, глас 2.

Подо́бен: Егда́ от Дре́ва:

Зако́ном повину́яся нас ра́ди плоть на земли́ прие́мшаго/ и страсть честну́ю, му́чениче, претерпе́вшаго,/ Богоблаже́нне, любо́вь соблю́л еси́ я́же к бли́жнему,/ зако́на глави́зну су́щу и проро́ков./ Те́мже и блаже́нную кончи́ну прия́л еси́,/ Исто́чнику любве́ ны́не, о Ники́форе, предстоя́.

Прекланя́еши вы́ю Бо́гу,/ Ему́же вся прекланя́ются коле́на,/ му́чениче чу́дне, во главу́ посека́емь/ и разлуча́емь от до́бляго твоего́ теле́се,/ Христу́ же, всех Главе́, соединя́емь чисте́йшим умо́м./ Его́же ны́не све́ту приближа́яся,/ испроси́ нам, Ники́форе,/ всем просвеще́ние, хваля́щим тя.

Струя́ми крове́й твои́х, мудре,/ за Христа́ излия́нными,/ зе́млю освяти́л еси́/ ду́хом же ду́хи возвесели́л еси́ Безпло́тных сил/ и му́чеников стада́ вся просвети́л еси́,/ с си́ми соединя́яся, блаже́нне,/ я́ко добль ору́жник,/ я́ко непобеди́мый му́ченик,/ и о нас Бо́гу моля́ся.

Сла́ва, глас 6. Иоа́нна мона́ха:

Показа́л еси́ всем я́ве, страда́льче Ники́форе,/ я́ко бли́жняго не любя́й ни Влады́ку возлюби́ти мо́жет,/ те́мже у́бо самого́ чи́сте возлюби́л еси́ Саприки́я бли́жняго./ Отсю́ду и к Боже́ственному впери́лся еси́ жела́нию/ и ду́шу твою́ положи́л еси́ по Христо́ве испове́дании и ве́ре./ Саприки́й же злоимени́тый, неприми́рну к тебе́ не́нависть стяжа́в,/ отме́тник показа́ся и Влады́ки Христа́,/ Ему́же ны́не ты предстоя́,/ моли́ спасти́ся душа́м на́шим.

И ны́не, Богоро́дичен или́ Крестобогоро́дичен.

Подо́бен: Всю отложи́вше:

Ору́жие, я́коже рече́ Симео́н, се́рдце Твое́ про́йде,/ Пречи́стая Влады́чице,/ егда́ узре́ла еси́ из Тебе́ Возсия́вшаго/ неизрече́нным сло́вом,/ от беззако́нных я́ко осужде́на возноси́ма на Крест,/ о́цтом и же́лчию напоя́емаго,/ ре́бра же пробода́ема,/ и ру́це и но́зе пригвожда́емы/ и, рыда́ющи, восклица́ла еси́, ма́терски вопию́щи:/ что сие́, Ча́до сладча́йшее, но́вое та́инство?

Тропа́рь му́ченика, глас 4:

Му́ченик Твой, Го́споди, Ники́фор,/ во страда́нии свое́м вене́ц прия́т нетле́нный от Тебе́, Бо́га на́шего,/ име́яй бо кре́пость Твою́,/ мучи́телей низложи́,/ сокруши́ и де́монов немощны́я де́рзости./ Того́ моли́твами/ спаси́ ду́ши на́ша.

Кано́н свята́го, его́же краегране́сие: Сла́внаго в страстоте́рпцех Ники́фора пе́сньми пою́. Творе́ние Феофа́ново. Глас 8.

Песнь 1

Ирмо́с: Колесницегони́теля фарао́ня погрузи́/ чудотворя́й иногда́/ Моисе́йский жезл, крестообра́зно порази́в/ и раздели́в мо́ре;/ Изра́иля же, беглеца́, пешехо́дца, спасе́,/ песнь Бо́гови воспева́юща.

Воздвиза́ема жите́йскаго мо́ря волну́ющься лю́те душе́вный кора́бль напа́стьми и страстьми́,/ ми́ра Вино́вниче,/ к тишине́ глубо́цей, я́ко Благоде́тель, преложи́,/ му́ченика, Христе́, мольба́ми.

Разу́мною мы́слию, прему́дре, мы́сленней души́ гне́ва страсть благоче́стно покори́л еси́/ и к бли́жнему прите́кл еси́ Саприки́ю, тща́ся премени́ти, чу́дне,/ зако́ном Спа́совым повину́яся.

Тро́ичен: Равномо́щную, Единоесте́ственную, и Сопресто́льную, и Единосу́щную,/ Трисия́нную зарю́ Еди́наго Божества́ испове́дающе, чтим в Тре́х Ли́цех,/ неразде́льно пропове́дающе Сло́во со Отце́м и Ду́хом.

Богоро́дичен: Ум Небе́сный Твое́ та́инство непости́жное разуме́ти и́стинно не мо́жет, Всепе́тая:/ Отцу́ бо Сопресто́льный, во чре́во Твое́ всели́вся,/ из Тебе́ роди́тися благоволи́, во двою́ естеству́ познава́емь.

Песнь 3

Ирмо́с: Утвержде́й в нача́ле Небеса́ ра́зумом/ и зе́млю на вода́х основа́вый,/ на ка́мени мя, Христе́, за́поведей Твои́х утверди́,/ я́ко несть свят, па́че Тебе́, Еди́не Человеколю́бче.

Ники́фор прозва́н быв, при де́лех яви́ся победоно́сец,/ пре́лести бо мрак, благода́ти све́том разори́в, отгна́, зовы́й:/ несть свят, па́че Тебе́, Еди́не Человеколю́бче.

Умерщвле́нному тебе́ ра́ди ве́ровав Влады́це,/ самово́льно к сме́рти притека́еши, во́льныя Его́ возжела́в ме́ртвости,/ я́ко победоно́сец му́ченик, Боже́ственною си́лою укрепля́емь.

На земли́ подви́жник, на Небесе́х вене́чник, уго́дник Христо́в Ники́фор показа́ся я́ве,/ с Безпло́тными чи́нми зовы́й:/ несть свят, па́че Тебе́, Еди́не Человеколю́бче.

Тро́ичен: От ума́ вели́каго Отца́ устре́мльшееся Сло́во, исходя́ща же и Свята́го Ду́ха,/ просвеща́еми ве́рно Богодохнове́нными повеле́нии,/ испове́даем вси несозда́нное Еди́но Божество́.

Богоро́дичен: Неискусобра́чно от Отца́ пре́жде век Ро́ждшагося, во чре́ве Твое́м заче́нши, Де́во,/ породила́ еси́ нам Бо́га, вку́пе и Челове́ка,/ в ко́емждо естестве́ соверше́нна, неразде́льна.

Конда́к, глас 1.

Подо́бен: Лик А́нгельский:

Любве́ сою́зом связа́вся, Ники́форе,/ разруши́л еси́ я́ве зло́бу не́нависти/ и мече́м во главу́ твою́ усе́чен был еси́,/ му́ченик Боже́ственный вопло́щшагося Спа́са,/ Его́же о нас моли́, пою́щих сла́вную па́мять твою́.

Седа́лен, глас 1.

Подо́бен: Ка́мени запеча́тану:

Багряни́цу твои́ми кровьми́ омочи́л еси́, и се́ю я́ко во́ин оде́явся непобеди́мь,/ и, я́коже скиптр, крест держа́, восте́кл еси́ от земли́ к Небесе́м,/ Ники́форе блаже́нне,/ Царю́ вся́ческих предстои́ши./ Сла́ва Да́вшему ти кре́пость,/ сла́ва Венча́вшему тя,/ сла́ва Де́йствующему тобо́ю всем исцеле́ния.

Сла́ва, и ны́не, Богоро́дичен:

Ру́це Твои́ Боже́ственнии,/ и́миже Созда́теля понесла́ еси́, Де́во Пречи́стая,/ вопло́щшагося благосты́нею, просте́рши,/ умоли́ Его́ изба́вити нас от искуше́ний, и страсте́й, и бед,/ хва́лящих Тя любо́вию и вопию́щих:/ сла́ва Все́льшемуся в Тя,/ сла́ва Проше́дшему из Тебе́,/ сла́ва Изба́вльшему нас Рождество́м Твои́м.

Крестобогоро́дичен: Зря́щи Тя, Христе́, Всенепоро́чная Ма́ти ме́ртва на Кресте́ просте́рта, вопия́ше:/ Сы́не Мой, Собезнача́льне Отцу́ и Ду́ху,/ что неизрече́нное Твое́ сие́ смотре́ние,/ и́мже спасл еси́ пречи́стых рук Твои́х, Ще́дре, созда́ние?

Песнь 4

Ирмо́с: Ты моя́ кре́пость, Го́споди,/ Ты моя́ и си́ла,/ Ты моя́ Бог, Ты мое́ ра́дование,/ не оста́вль не́дра О́тча,/ и на́шу нищету́ посети́в./ Тем с проро́ком Авваку́мом зову́ Ти:/ Си́ле Твое́й сла́ва, Человеколю́бче.

Боже́ственную жизнь, о Ники́форе, получи́л еси́,/ Боже́ственныя зари́, блаже́нне, сподо́бився,/ Боже́ственным све́том светови́дно ны́не озаря́еши/ творя́щия па́мять твою́, Богому́дре, и ве́рою вопию́щия:/ си́ле Твое́й сла́ва, Человеколю́бче.

Сия́еши, Христо́вым му́чеником совоку́плься,/ разори́л бо еси́ лесть многобо́жную,/ мече́м усе́чен быв во главу́ твою́,/ и кро́вными тече́нии твои́ми всю потопи́л еси́ и́дольскую пре́лесть, Влады́це зовя́:/ си́ле Твое́й сла́ва, Челове́колюбче.

И́же зако́нов Твои́х не сохрани́в Саприки́й,/ Твоея́ обнажа́ется, Спа́се, Боже́ственныя благода́ти/ и, враго́м плещи́ пода́в, Твои́х му́ченик лиша́ется сла́вы окая́нный./ Те́мже, Твоему́ пра́ведному уди́вльшеся промышле́нию, зове́м:/ си́ле Твое́й сла́ва, Человеколю́бче.

Тро́ичен: Свет Оте́ц Безнача́льный и всех вино́вный,/ Свет Сло́во, Свет Дух Святы́й,/ от Отца́, я́коже от исто́чника,/ пре́жде всех век неизрече́нно сия́ющее Трисо́лнечное Божество́/ во Еди́ном Существе́, и си́ле, и сла́ве познава́ется.

Богоро́дичен: Всего́ в Тебе́ обновля́ет челове́ка весь, всему́, Пречи́стая, соединя́емь,/ Оте́ческих недр не оста́вль и в Твою́ утро́бу всели́тися изво́лив,/ И́же бога́тством милосе́рдия во́лею обнища́в и обогати́в мир Божество́м.

Песнь 5

Ирмо́с: Вску́ю мя отри́нул еси́/ от лица́ Твоего́, Све́те Незаходи́мый,/ и покры́ла мя есть чужда́я тьма, окая́ннаго?/ Но обрати́ мя и к све́ту за́поведей Твои́х/ пути́ моя́ направи, молю́ся.

Тече́ньми твои́х крове́й церко́вный рай напои́л еси́,/ разделя́емыми в нача́ла четверочи́сленная, блаже́нне, доброде́телей Боже́ственных,/ от ни́хже душа́м, о Ники́форе, почерпа́ем Боже́ственная дарова́ния.

Се́ятель зло́бы злопомне́нием окая́ннаго восхити́,/ бла́гости же и ми́ра Вино́вник привлече́ вме́сто о́наго/ Боже́ственным световиде́нием укра́шена Ники́фора, Богому́драго му́ченика.

Освяща́ется, Спа́се, Твое́й во́льней стра́сти подо́бяся,/ из ребр бо Твои́х Богому́дрый ка́плями окропле́н,/ свои́х крове́й Тебе́ то́ки приноша́ет, мече́м посека́емь, к Тебе́ гряды́й.

Тро́ичен: Спасе́ния основа́ние правосла́вие ве́дуще,/ Собезнача́льна Отцу́ Сло́ва и Свята́го Ду́ха/ пропове́дуем в Тре́х Ли́цех Еди́но Нача́ло, Еди́но Существо́,/ Еди́ну во́лю, Еди́но де́йство.

Богоро́дичен: Мы́сленно научи́ся проро́ков собо́р Твои́м та́йнам,/ Небесе́ бо дверь на земли́ Влады́ка Тя показа́,/ и из Тебе́, Де́во, вопло́щься, Пра́вды Со́лнце,/ су́щим во тьме возсия́.

Песнь 6

Ирмо́с: Бе́здна грехо́в и прегреше́ний бу́ря мя смуща́ет/ и во глубину́ ну́жднаго ре́ет мя отча́яния,/ но Твою́ кре́пкую ру́ку мне простри́, я́ко Петро́ви,/ о Упра́вителю, и спаси́.

Исцели́ сокруше́ние души́ мое́й, Ники́форе Богому́дре,/ и, страсте́й мрак разори́в,/ отжени́ заря́ми су́щия в тебе́ Боже́ственныя све́тлости,/ моля́ Избави́теля Христа́, блаже́нне.

Бу́рю и́дольскаго треволне́ния, страда́льче Ники́форе, кре́стным ве́трилом/ и дыха́нии духо́вными ти́хо преплы́в, му́чениче непобеди́ме,/ в приста́нище ти́хое Христо́во дости́гл еси́.

Пострада́л еси́ му́ченически и вои́стинну победоно́сец был еси́,/ кова́рствия благомо́щно разори́в зми́ева,/ и, страсте́м я́ко о́бщник, блаже́нне, быв Влады́ки,/ ны́не по достоя́нию спросла́вился еси́.

Богоро́дичен: Ужаса́ются мы́сленнии А́нгельстии чи́ни, дивя́щеся,/ со Отце́м Су́щаго пре́жде век и Ду́хом из чре́ва Твоего́ пло́тски Младе́нца ражда́ема зря́ще,/ Богороди́тельнице Пречи́стая.

Конда́к, глас 3.

Подо́бен: Де́ва днесь:

Впери́вся, сла́вне, Госпо́днею любо́вию/ и Сего́ сла́вный Крест на ра́мо взем, посрами́л еси́ диа́воли ко́зни,/ пострада́л еси́ да́же до сме́рти/ и и́стины яви́лся еси́ победоно́сец,/ ору́жник и таи́нник Бо́жия благода́ти.

И́кос:

Па́влово я́ве уче́ние возлюби́л еси́/ и в пе́рсех твои́х, сла́вне, насади́л еси́, вопия́:/ любо́вь не безсту́дствует,/ сия́ Зижди́теля Челове́ка соверше́нна нам дарова́;/ любве́ ра́ди вся претерпе́:/ гво́здие и Крест, о́цет и оплева́ния,/ копие́м прободе́н бысть в ре́бра свята́я, и́миже источи́ нам кровь и во́ду Богоде́льную./ Его́же возжела́в, яви́лся еси́ победоно́сец,/ и зва́нием ору́жник, и таи́нник Бо́жия благода́ти.

Песнь 7

Ирмо́с: Бо́жия снизхожде́ния/ огнь устыде́ся в Вавило́не иногда́./ Сего́ ра́ди о́троцы в пещи́ ра́дованною ного́ю,/ я́ко во цве́тнице, лику́юще, поя́ху:/ благослове́н еси́, Бо́же оте́ц на́ших.

Смерть бысть тебе́, Ники́форе, отше́ствие от су́щих зде,/ блаже́нне, к Небеси́ же и на Небе́сная возше́л еси́,/ ны́не лику́я, со А́нгелы пое́ши:/ благослове́н еси́, Бо́же оте́ц на́ших.

Укрепля́емь страстьми́ Вседержи́теля,/ не́мощи превозвы́шенное о́ко и превзя́тую бровь низве́ргл еси́ на зе́млю, Богому́дре,/ взыва́я Созда́телю твоему́:/ благослове́н еси́, Бо́же оте́ц на́ших.

Путь свиде́тельства твоего́ Ники́фор теки́й соверши́,/ разшири́в се́рдце де́йством Боже́ственнаго Ду́ха,/ ны́не усе́рдно взыва́ет Ти, Влады́ко:/ благослове́н еси́, Бо́же оте́ц на́ших.

Тро́ичен: Ума́ пе́рваго и безнача́льнаго,/ ро́ждшаго Сло́во Собезнача́льное безстра́стно и безле́тно/ и произве́дша Всесвята́го Ду́ха,/ Тя, Отца́ ве́дуще, взыва́ем:/ благослове́н еси́, Бо́же оте́ц на́ших.

Богоро́дичен: Обо́я была́ еси́, Девома́ти, Богороди́тельнице Чи́стая,/ во чре́ве заче́нши Бо́га несказа́нно,/ из Тебе́ воплоща́ема, во обои́х зра́цех познава́ема,/ Богому́жно на земли́ пожи́вшаго.

Песнь 8

Ирмо́с: Седмери́цею пещь/ халде́йский мучи́тель/ Богочести́вым неи́стовно разжже́,/ си́лою же лу́чшею спасе́ны, сия́ ви́дев,/ Творцу́ и Изба́вителю вопия́ше:/ о́троцы, благослови́те,/ свяще́нницы, воспо́йте,/ лю́дие, превозноси́те во вся ве́ки.

Зна́менався благода́тию Спа́са, самозва́н ты к подвиго́м му́жески отлучи́лся еси́/ и, побе́ду взем на сопроти́вныя, му́чениче Христо́в,/ победи́тельными украси́лся еси́ венцы́,/ Боже́ственне воспева́я:/ о́троцы, благослови́те,/ свяще́нницы, воспо́йте,/ лю́дие, превозноси́те во вся ве́ки.

Освяти́вся водо́ю, Ники́форе, и Ду́хом/ и му́ченическими обагре́н кровьми́/ стяжа́л еси́ я́ко му́ченик и́стинный Христа́ Бо́га светови́дную све́тлость, всеблаже́нне,/ в не́йже ны́не взыва́еши:/ о́троцы, благослови́те, свяще́нницы, воспо́йте,/ лю́дие, превозноси́те во вся ве́ки.

Тро́ичен: Со Безпло́тными чи́нми/ в Трие́х Ипоста́сех Еди́н бла́гости исто́чник приснотеку́щий,/ нерожде́но, безнача́льно и пресоверше́нно Божество́,/ соде́тельное и Царя́ всех, о́троцы, благослови́те, свяще́нницы, воспо́йте,/ лю́дие, превозноси́те во вся ве́ки.

Богоро́дичен: Святе́йши Ты была́ еси́, Богоро́дице Всепе́тая, преми́рнаго А́нгельскаго чи́на,/ сих бо родила́ еси́ Соде́теля и Го́спода от де́вственна неискусобра́чна чре́ва/ во дву существа́х неслия́нно, непревра́тно,/ во Еди́ней же Ипоста́си Бо́га воплоще́нна.

Песнь 9

Ирмо́с: Ужасе́ся о сем Не́бо,/ и земли́ удиви́шася концы́,/ я́ко Бог яви́ся челове́ком пло́тски/ и чре́во Твое́ бысть простра́ннейшее Небе́с:/ тем Тя, Богоро́дицу,/ А́нгелов и челове́к чинонача́лия велича́ют.

Преста́вился еси́, я́ко жени́х, украси́вся оде́ждами, истка́нными от кро́ве муче́ния,/ Боже́ственныя све́тлости ко прича́стию украси́вшаго, сла́вне/ и, удобри́вшаго на Кресте́ стра́стию честно́ю всех Благоде́теля,/ о Ники́форе преблаже́нне.

Привле́клся еси́ Влады́ки добро́тами,/ и́хже ничто́же красне́йше, сла́вне,/ и Того́ тща́ся наслади́тися непреста́нныя и благоле́пныя све́тлости,/ мече́м отсещи́ твою́ главу́ поуща́л еси́ мучи́тели,/ разжига́емь любо́вию, о Ники́форе, Го́спода твоего́.

Све́тло на лесть, му́чениче Христо́в, до́блествовав и сию́ победи́в, я́ко победи́тель,/ вене́ц прия́л еси́ твое́й главе́ дарова́ний, сла́вне,/ и ны́не лику́еши му́ченически с му́ченическими ли́ки, всеблаже́нне Ники́форе,/ у престо́ла всех Царя́.

Тро́ичен: От нерожде́нна Отца́ Боголе́пно Сы́на рожде́нна сла́вяще/ и Ду́ха Пра́ваго, пре́жде век исхо́днаго,/ Три Ипоста́си чтим пресу́щныя и нача́льныя Тро́ицы, соедине́нный еди́нством неслия́нным,/ Богосло́вяще велича́ем.

Богоро́дичен: Яви́лася еси́, о Де́во, Ма́ти Божия,/ па́че естества́ ро́ждши пло́тию Преблаго́е Сло́во,/ Его́же Оте́ц отры́гну от се́рдца Своего́ пре́жде всех век, я́ко Благ./ Его́же ны́не и теле́с превы́шша разумева́ем,/ а́ще и в плоть облече́ся.

Свети́лен.

Подо́бен: Не́бо звезда́ми:

Тезоимени́т показа́лся еси́ побе́ды, о Ники́форе,/ любо́вию и муче́нием победи́в мучи́тели./ Те́мже и побе́ды вене́ц прия́л еси́ от Го́спода.

Богоро́дичен: Держа́вным Твои́м покро́вом от враго́в наве́та/ нас, Чи́стая, Твоя́ рабы́, сохраня́й вся невреди́мы,/ Тя бо стяжа́хом Еди́ну прибе́жище в ну́ждах.

Ука́з о отда́нии пра́здника Сре́тения Госпо́дня

Подоба́ет ве́дати, а́ще прилучи́тся отда́ние Сре́тения пре́жде неде́ли мытаря́ и фарисе́я в седми́це в ко́йлюбо день, кроме́ неде́ли. Ве́чер по обы́чной кафи́зме, на Го́споди, воззва́х: стихи́ры пра́здника на 6, пое́мыя на са́мый пра́здник. Сла́ва, и ны́не, пра́здника, самогла́сен. А́ще в пято́к ве́чера, Сла́ва, пра́здника: И ны́не, Богоро́дичен настоя́щаго гла́са. Проки́мен дне, вхо́да и чте́ния несть. На стихо́вне стихи́ры пра́здника со стихи́ их. Сла́ва, и ны́не, пра́здника. По трисвято́м тропа́рь пра́здника. Та́же ектения́ и отпу́ст. На повече́рии по трисвято́м конда́к пра́здника. Полу́нощницу пое́м, по обы́чаю, с кафи́змою и с тропари́ обы́чными.

На у́трени, на Бог Госпо́дь: тропа́рь пра́здника три́жды. По обои́х кафи́змах седа́льны пра́здника и чте́ния. Кано́н пра́здника, со ирмосо́м на 14: ирмо́с по два́жды. Катава́сия, то́йже ирмо́с. По 3-й пе́сни седа́лен пра́здника, два́жды. По 6-й пе́сни конда́к и и́кос пра́здника и чте́ние в про́логе. На 9-й пе́сни Честне́йшую: не пое́м, но пое́м припе́вы пра́здника, я́коже и на са́мый пра́здник. Свети́лен пра́здника, два́жды. На хвали́тех стихи́ры пра́здника на 4: Сла́ва, и ны́не, самогла́сен пра́здника, посе́м славосло́вие вели́кое. По трисвято́м тропа́рь пра́здника, еди́ножды. Та́же ектении́, и отпу́ст, и обы́чное исхожде́ние в притво́р, и час 1-й. На часе́х тропа́рь и конда́к пра́здника.

На Литурги́и: Блаже́нны: песнь 9-я со ирмосо́м на 6. По вхо́де тропа́рь пра́здника. Сла́ва, и ны́не, конда́к пра́здника. Проки́мен, аллилу́ия и прича́стен пра́здника. Апо́стол и Ева́нгелие дне.

ЗРИ:Свята́го же прилучи́вшагося пое́м слу́жбу на повече́рии или́ ка́ко настоя́тель изво́лит.

Аще ли прилучи́тся отда́ние пра́здника Сре́тения Госпо́дня в неде́лю, пре́жде неде́ли мытаря́ и фарисе́я.

В суббо́ту ве́чера на ма́лой ве́черни стихи́ры воскре́сны, по обы́чаю. На стихо́вне стихи́ра воскре́сна еди́на и пра́здника стихо́вна с припе́вы вели́кия вече́рни: Сла́ва, и ны́не, пра́здника. Тропа́рь воскре́сен. Сла́ва, и ны́не, пра́здника.

На вели́цей вече́рни по предначина́тельном псалме́ пое́м Блаже́н муж: кафи́зму всю. На Го́споди, воззва́х: стихи́ры воскре́сны 3, и восто́чен, Анато́лиев, еди́н, и пра́здника 6, пое́мыя на са́мый пра́здник. Сла́ва, пра́здника: И ны́не, Богоро́дичен 1-й гла́са. На лити́и стихи́ры пра́здника. Сла́ва, и ны́не, пра́здника. На стихо́вне стихи́ры воскре́сны. Сла́ва, и ны́не, пра́здника. На благослове́нии хле́бов тропа́рь, Богоро́дице Де́во: два́жды, и пра́здника, еди́ножды, и чте́ние в посла́ниих Апо́стольских.

На у́трени, на Бог Госпо́дь: тропа́рь воскре́сен, два́жды: Сла́ва, и ны́не, пра́здника. По обои́х кафи́змах седа́льны воскре́сны с Богоро́дичны их, и чте́ние во Ева́нгелии толково́м, и полиеле́й, и тропари́, А́нгельский собо́р: ипакои́ гла́са и чте́ние. Степе́нна и проки́мен гла́са. Вся́кое дыха́ние: Ева́нгелие воскре́сно, и про́чее воскре́сно, и до кано́на. Кано́н воскре́сен со ирмосо́м на 4, и Богоро́дице на два, и пра́здника на 8. Катава́сия пра́здника: Су́шу глубородительную, зе́млю: По 3-й пе́сни конда́к пра́здника, и и́кос, и седа́лен пра́здника, два́жды. По 6-й пе́сни конда́к воскре́сен и и́кос и чтем проло́г. На 9-й пе́сни пое́м Честне́йшую: Свети́лен воскре́сен. Сла́ва, и ны́не, пра́здника. На хвали́тех стихи́ры воскре́сны 4 и пра́здника со Сла́вным на 4 со стихи́ пра́здничными. Сла́ва, стихи́ра Ева́нгельская: И ны́не, Преблагослове́нна еси́, Богоро́дице Де́во: и Славосло́вие вели́кое. По трисвято́м тропа́рь воскре́сен то́чию. Ектении́, и отпу́ст, и оглаше́ние Студи́тово, и исхожде́ние обы́чное в притво́р, и час 1-й. На часе́х тропа́рь воскре́сен: Сла́ва, пра́здника: И ны́не, Богоро́дичен часо́в. По трисвято́м конда́к пра́здника, и коне́чный отпу́ст: та́кожде и на про́чих часе́х глаго́лем тропари́ и кондаки́.

ЗРИ:На Литурги́и: Блаже́нны гла́са на 6, и пра́здника песнь 9-я на 4. По вхо́де тропа́рь воскре́сен, и пра́здника: Сла́ва, конда́к воскре́сен: И ны́не, конда́к пра́здника. Проки́мен гла́са, и пра́здника. Апо́стол, и Ева́нгелие неде́ли ряд, и пра́здника. Прича́стен: Хвали́те Го́спода с Небе́с, хвали́те Его́ в Вы́шних. Други́й прича́стен пра́здника: Ча́шу спасе́ния прииму́ и И́мя Госпо́дне призову́.

Прилучи́вшаго же ся свята́го рядова́го в сию́ неде́лю слу́жбу пое́м на повече́рии, или́ ка́ко настоя́тель изво́лит.

Ука́з о празднице Сре́тения Госпо́дня.

А́ще в кой день Сре́тение бу́дет или́ в кой день прилучи́тся отда́ние его́.

ЗРИ: А́ще ли пра́здник Сре́тения прилучи́тся в неде́лю блу́днаго, или́ в понеде́льник, или́ во вто́рник мясопу́стныя неде́ли, и отдае́тся пра́здник в пято́к тоя́же неде́ли, поне́же в неде́лю мясопу́стную отда́ния не быва́ет. А́ще ли прилучи́тся Сре́тение Госпо́дне в сре́ду, или́ в четверто́к, или́ в пято́к, или́ в суббо́ту мясопу́стныя неде́ли, и отдае́тся во вто́рник сы́рныя неде́ли. А́ще ли случи́тся в неде́лю мясопу́стную или́ в понеде́льник сы́рныя неде́ли, и отдае́тся в четверто́к тоя́же неде́ли. А́ще ли случи́тся во вто́рник или́ в сре́ду сыропу́стныя неде́ли, и отдае́тся в суббо́ту тоя́же неде́ли. А́ще ли случи́тся в четверто́к сы́рный, или́ в пято́к, или́ в суббо́ту, и отдае́тся в неде́лю сыропу́стную. А́ще ли Сре́тение бу́дет в неде́лю сыропу́стную, тогда́ пра́зднуем еди́н день.

ЗРИ: А́ще случи́тся отда́ние Сре́тения Госпо́дня в неде́лю фарисе́еву, или́ блу́днаго, или́ сыропу́стную:

В суббо́ту на ма́лой вече́рни стихи́ры воскре́сны гла́са, по обы́чаю. На стихо́вне стихи́ра воскре́сна и пра́здника стихо́вна вели́кия вече́рни.

На вели́цей вече́рни: на Го́споди, воззва́х: стихи́ры воскре́сны 3, и Трио́ди 3 и пра́здника со Сла́вным 4. Сла́ва, Трио́ди: И ны́не, Богоро́дичен 1-й гла́са. А́ще ли храм Сре́тения: И ны́не, пра́здника. На лити́и стихи́ры пра́здника и Трио́ди хвали́тныя, кроме́ Сла́вна: Сла́ва, Трио́ди: И ны́не, пра́здника. На стихо́вне стихи́ры воскре́сны. Сла́ва, Трио́ди: И ны́не, пра́здника. На благослове́нии хле́бов тропа́рь, Богоро́дице Де́во: два́жды, и пра́здника, еди́ножды. На Бог Госпо́дь: тропа́рь воскре́сен, два́жды. Сла́ва, и ны́не, пра́здника. По кафи́змах седа́льны воскре́сны, и Богоро́дичны их, и чте́ние, и пое́м поли́елей, псало́м: Хвали́те и́мя Госпо́дне: и други́й псало́м: Испове́дайтеся Го́сподеви:

ЗРИ: А́ще ли неде́ля блу́днаго, или́ сыропу́стная: пое́м и 3-й псало́м: На ре́ках Вавило́нских: со аллилу́иею, и про́чее воскре́сно, и до кано́на. Кано́н воскре́сен на 4, и Трио́ди на 4, и пра́здника на 6. Катава́сия пра́здника. По 3-й пе́сни конда́к и седа́лен Трио́ди: Сла́ва, и ны́не, пра́здника. По 6-й пе́сни конда́к пра́здника и и́кос. На 9-й пе́сни пое́м Честне́йшую: Свети́лен воскре́сен, Сла́ва, Трио́ди: И ны́не, пра́здника. На хвали́тех стихи́ры воскре́сны, 4 и пра́здника со Сла́вным 4. Сла́ва, Трио́ди. И ны́не, Преблагослове́нна еси́:

А́ще ли неде́ля сыропу́стная: И по стихи́рах пра́здника глаго́лем припе́вы Воскресни́, Го́споди Бо́же мой: и пое́м самогла́сну стихи́ру Трио́ди дне. Сла́ва, и́ну стихи́ру: И ны́не, Преблагослове́нна еси́: и по отпу́сте, Сла́ва, и ны́не, стихи́ра Ева́нгельская и час пе́рвый.

На часе́х тропа́рь воскре́сен: Сла́ва, пра́здника: И ны́не, Богоро́дичен часо́в. По О́тче наш: конда́к пра́здника, и Трио́ди, пременя́юще, глаго́лем.

На Литурги́и: Блаже́нны гла́са на 4, и Трио́ди песнь 3-я на 4 и пра́здника 9-я на 4. По вхо́де тропа́рь воскре́сен и пра́здника: Сла́ва, конда́к Трио́ди. И ны́не, пра́здника. Проки́мен дне, и пра́здника. В суббо́ту у́бо мясопу́стную отда́ние Сре́тения не быва́ет, та́кожде и в неде́лю мясопу́стную.

ЗРИ: А́ще ли отда́ние Сре́тения Госпо́дня случи́тся во вто́рник или́ в четверто́к сы́рныя неде́ли, и пое́м си́це:

Ве́чер на Го́споди, воззва́х: стихи́ры пра́здника на 6. Сла́ва, и ны́не, пра́здника. На стихо́вне Трио́ди самогла́сен дне, два́жды, и му́ченичен с припе́вы обы́чными. Сла́ва, и ны́не, пра́здника. Тропа́рь пра́здника и отпу́ст. Рядова́го же свята́го слу́жбу пое́м на повече́рии, или́ ка́ко настоя́тель изво́лит.

На у́трени, на Бог Госпо́дь: тропа́рь пра́здника, три́жды. По кафи́змах седа́льны пра́здника. Кано́н пра́здника со ирмосо́м на 14. А иде́же трипе́снец, пое́м пра́здника со ирмосо́м на 6, и Трио́ди на 8. По 3-й пе́сни седа́лен Трио́ди, пи́сан по 2-й кафи́зме. Сла́ва, и ны́не, пра́здника. По 6-й пе́сни конда́к пра́здника и и́кос. На 9-й пе́сни пое́м Честне́йшую: Свети́лен пра́здника, два́жды. На хвали́тех стихи́ры пра́здника на 4. Сла́ва, и ны́не, пра́здника. На стихо́вне Трио́ди самогла́сен дне, два́жды, и му́ченичен. Сла́ва, и ны́не, пра́здника. Тропа́рь пра́здника, ектения́ и отпу́ст.

На Литурги́и: Блаже́нны пра́здника, песнь 9-я на 6. По вхо́де тропа́рь пра́здника. Сла́ва, и ны́не, конда́к пра́здника. Проки́мен, аллилу́ия и прича́стен пра́здника. Апо́стол и Ева́нгелие дне. В сре́ду же и в пято́к отда́ние Сре́тения не быва́ет.

А́ще ли отда́ние Сре́тения в суббо́ту сыропу́стную:

В пято́к сы́рный ве́чера на Го́споди, воззва́х: стихи́ры пра́здника, 3: и отце́в, 3. Сла́ва, отце́в: И ны́не, пра́здника. Проки́мен дне, и паремия, и по ней проки́мен: Да упова́ет Изра́иль на Го́спода: На стихо́вне Трио́ди самогла́сен дне, два́жды, и му́ченичен. Сла́ва, отце́в: И ны́не, пра́здника. Тропа́рь отце́в: Сла́ва, и ны́не, пра́здника.

На у́трени, на Бог Госпо́дь: тропа́рь пра́здника, два́жды. Сла́ва, отце́в: И ны́не, пра́здника. По кафи́змах седа́льны пра́здника. Кано́н пра́здника со ирмосо́м на 8 и отце́в на 6. Катава́сия пра́здника. По 3-й пе́сни конда́к, и и́кос отце́в, и седа́лен их, два́жды: Сла́ва, и ны́не, пра́здника. По 6-й пе́сни конда́к пра́здника и и́кос. На 9-й пе́сни пое́м Честне́йшую: Свети́лен пра́здника: Сла́ва, отце́в: И ны́не, пра́здника. На хвали́тех стихи́ры пра́здника, 3 и отце́в, 3. Сла́ва, отце́в: И ны́не, пра́здника. Славосло́вие вели́кое. Тропа́рь отце́в. Сла́ва, и ны́не, пра́здника, и обы́чное исхожде́ние в притво́р, и час пе́рвый, и коне́чный отпу́ст.

На Литурги́и: Блаже́нны пра́здника, песнь 9-я на 4 и отце́в песнь 6-я на 4. По вхо́де тропа́рь пра́здника и отце́в. Сла́ва, конда́к отце́в. И ны́не, конда́к пра́здника. Проки́мен пра́здника и отце́в. Апо́стол и Ева́нгелие дне и отце́в: Аллилу́ия пра́здника и отце́в. Прича́стен пра́здника и отце́в.

Святой мученик Никифор († ок. 257) жил в городе Антиохии Сирийской. В том городе жил также пресвитер Саприкий, с которым святой Никифор был очень дружен, так что их считали за родных братьев. По наущению вражию они поссорились, и прежнюю любовь заменила вражда и ненависть. Через некоторое время святой Никифор пришел в себя, раскаялся в грехе и не раз просил через своих друзей прощения у Саприкия, но тот не хотел простить его. Тогда Никифор сам пришел к своему бывшему другу и горячо просил прощения. Саприкий был неумолим.

В то время императорами Валерианой (253–259) и Галлиеном (260–268) было воздвигнуто гонение на христиан, и одним из первых предстал пред судом пресвитер Саприкий. Он твердо исповедал себя христианином, претерпел истязания за свою веру и был приговорен к смерти через усечение мечом. Когда его вели на казнь, святой Никифор со слезами умолял пресвитера Саприкия о прощении, называя его святым мучеником, который скоро предстанет перед Господом и восприимет от Него венец.

Но пресвитер Саприкий ожесточился сердцем и даже перед смертью не захотел простить своего собрата. За это Господь отнял от Саприкия Свою благодать, укреплявшую его во время перенесения мучений, и он, почти достигший блаженного конца своего подвига, вдруг устрашился смерти и согласился принести жертву идолам. Напрасно святой Никифор уговаривал со слезами Саприкия, чтобы он не губил себя отречением. При этом святой Никифор сказал палачам: «Я христианин и верую в Господа нашего Иисуса Христа, от Которого отвергся Саприкий. Казните меня вместо Саприкия». Тут же палачи донесли об этом правителю. Последовал приказ: Саприкия отпустить, а вместо него усечь мечом Никифора.

Так восприял за Христа мученический венец святой Никифор (†ок. 257).

Тропа́рь, глас 2:

Панкра́тие Богому́дре,/ свяще́нниче Госпо́день изря́дне,/ и чуде́с мно́гих самоде́телю,/ моли́ся Го́сподеви,/ во е́же спасти́ ду́ши на́ша.

Конда́к, глас 2:

В по́стницех яви́лся еси́ вели́к,/ во иере́ех же нарочи́т/ и в чудотворе́ниях да́ре показа́ся сла́вен,/ свяще́нне о́тче Панкра́тие,/ тем тя чтим и ублажа́ем.

Преподобный Панкратий Печерский жил в XIV веке. Подвизался в Киево-Печерском монастыре, в Дальних пещерах которого и был погребен. Память преподобного Панкратия совершается вместе с собором преподобных Дальних пещер (28 августа), во 2-ю неделю Великого поста и 9 февраля – вместе со святителем Панкратием, епископом Тавроменийским (I в.). Преподобный Панкратий был посвящен в сан иеромонаха, прославился в подвигах поста, а также чудотворениями. Имя его упоминается в каноне преподобным Дальних пещер.