В 13-й день

Святы́я му́ченицы Акили́ны и свята́го Трифи́ллия, епи́скопа Левкуси́и Ки́прския

Святая мученица Акилина

Святитель Трифиллий, епископ Левкуссийский

Преподо́бных Андрони́ка, Са́ввы, Алекса́ндра, Дании́ла и Андре́я Моско́вских

Преподобные Андроник, Савва и Александр Московские, Даниил Черный и Андрей Рублев

Стихи́ры, глас 4.

Подо́бен: Дал еси́ зна́мение:

Неве́сту нетле́нну,/ укра́шену тя Ду́хом Святы́м, ве́дяще,/ соверша́ем па́мять твою́ святу́ю,/ му́ченице страстоте́рпице,/ и, покланя́ющеся благоче́стно/ моще́м и святе́й ра́це,/ здра́вие почерпа́ем страсте́м на́шим всегда́,/ Акили́но всехва́льная,/ ве́рою тя почита́юще.

Дар принесла́ еси́,/ твои́х удо́в терза́ния,/ Жениху́ твоему́, всечестна́я./ Те́мже, черто́гов тя пресве́тлых сподо́бив,/ просвеща́ет све́том Боже́ственныя сла́вы Пресу́щный,/ Ему́же предстои́ши, ра́дующися,/ о нас приле́жно моли́,/ ве́рно сла́вящих/ твое́, Акили́но, страда́ние.

Жела́нием, прехва́льная,/ одержи́ма Зижди́теля твоего́,/ Того́ страда́ния пло́тию изобрази́ла еси́,/ вся́ко треволне́ние боле́зней претерпе́вши./ И ны́не живе́ши на Небесе́х,/ неболе́зненную сла́ву/ и вене́ц нося́щи неувяда́емый/ и ви́дящи, е́же зрят а́нгельстии чи́ны,/ Акили́но Богодохнове́нная.

И́ны стихи́ры, глас 8.

Подо́бен: О, пресла́внаго чудесе́:

О́тче Трифи́ллие сла́вне,/ слеза́ми мно́гими/ освеща́емь изря́дно,/ к пе́рвому Вино́внику до́брых возлете́л еси́/ и столп светови́ден яви́лся еси́,/ просвеща́я всех словесы́ и чудесы́,/ приступа́ющих к тебе́/ мы́слию всегда́ благопоко́рною./ Тем тя чтим и ублажа́ем.

О́тче свяще́нне Трифи́ллие,/ ты воскри́лием риз че́стно,/ я́ко Ааро́н вторы́й укра́шен,/ святы́х свята́я ны́не зри́ши,/ внутрь быв вторы́я катапета́смы./ О, чи́стаго твоего́ па́че ума́ сия́ния,/ святи́телей Боже́ственное удобре́ние,/ ему́же приобщи́лся еси́.

Име́яй ду́шу ми́лостиву,/ и чист по́мысл,/ и се́рдце нестро́потно,/ и ве́ру нескве́рную,/ и любо́вь нелицеме́рную,/ святи́тельства, о́тче, досто́инство,/ лико́м оте́ческим вчиня́емь че́стно./ Те́мже почита́ем тя свяще́нными пе́сньми/ и благоче́стно вси ублажа́ем и восхваля́ем.

Сла́ва, и ны́не, Богоро́дичен:

Ра́дуйся, душ просвеще́ние,/ согреша́ющих проще́ние,/ неради́вых исправле́ние./ Ра́дуйся, утеше́ние и ра́дость,/ скорбя́щих Помо́щнице./ Ра́дуйся, Блага́я, немощны́х душ исцеле́ние./ Ра́дуйся, примире́ние к Бо́гу и Хода́таице,/ Серафи́м всех я́ко су́щи святе́йши, Чи́стая.

Крестобогоро́дичен:

Тя ви́дящи, пригвожда́ема/ на Кресте́, Иису́се,/ и стра́сти прие́млюща во́лею,/ Де́ва и Ма́ти Твоя́, Влады́ко,/ увы́ Мне,– вопия́ше,– Ча́до сла́дкое,/ ра́ны непра́ведно ка́ко терпи́ши,/ Врачу́, исцели́вый челове́ческое неможе́ние/ и от тли всех изба́вивый милосе́рдием Твои́м?

Тропа́рь, глас 4:

А́гница Твоя́, Иису́се, Акили́на/ зове́т ве́лиим гла́сом:/ Тебе́, Женише́ мой, люблю́/ и, Тебе́ и́щущи, страда́льчествую,/ и сраспина́юся, и спогреба́юся креще́нию Твоему́,/ и стра́жду Тебе́ ра́ди,/ я́ко да ца́рствую в Тебе́,/ и умира́ю за Тя, да и живу́ с Тобо́ю;/ но, я́ко же́ртву непоро́чную, приими́ мя, с любо́вию поже́ршуюся Тебе́./ Тоя́ моли́твами,/ я́ко Ми́лостив, спаси́ ду́ши на́ша.

Тропа́рь святи́теля, глас то́йже:

Пра́вило ве́ры и о́браз кро́тости,/ воздержа́ния учи́теля/ яви́ тя ста́ду твоему́/ Я́же веще́й И́стина./ Сего́ ра́ди стяжа́л еси́ смире́нием высо́кая,/ нището́ю бога́тая,/ о́тче Трифи́ллие,/ моли́ Христа́ Бо́га/ спасти́ся душа́м на́шим.

Кано́н Окто́иха еди́н и святы́х два, на 8. Кано́н святы́я, творе́ние Ио́сифово, его́же краегране́сие: Приими́ пе́ние, добротвори́вая Акили́но. Глас 8.

Песнь 1

Ирмо́с: Посе́ченый несеко́маго пресече́,/ и ви́де со́лнце зе́млю, ю́же не ви́де,/ лю́таго врага́ вода́ потопи́,/ и непроходи́мое про́йде Изра́иль,/ песнь же вспева́шеся:/ Го́сподеви пои́м, сла́вно бо просла́вися.

Препросла́влена, Христу́, Жениху́ твоему́,/ на Небесе́х вои́стинну, ра́дующися, предстои́ши./ Те́мже тя на земли́ благоче́стно сла́вящия моли́твами твои́ми воспросла́ви, честна́я,/ и себе́ прича́стники сотвори́, Го́сподеви пою́щия:/ сла́вно бо просла́вися.

В тя все́льшися, благода́ть Ду́ха твою́ ду́шу чи́сту, сла́вная, соверши́,/ и ра́нами те́ла красне́йши была́ еси́./ Те́мже тя Жени́х душ, чи́сту до конца́ нетле́нну су́щу,/ Себе́ обручи́, прехва́льная.

Зиме́ ле́стней, земны́я концы́ испо́лншей дре́вле лю́те,/ испо́лнена су́щи Ду́ха, я́ко му́ченица неле́стная Го́спода Вседержи́теля,/ дости́гла еси́ весну́ жи́зненную и побе́ду взяла́ еси́ победи́тельную,/ Акили́но сла́вная, Богому́драя, досточу́дная.

Богоро́дичен: И́же Безнача́льному Отцу́ ссу́щный вни́де во утробу́ Твою́, Челове́к быв,/ и спасе́ ны, зло́бою прекло́ншияся/ и ле́стию врага́ порабоще́нныя, Мари́е Богоневе́сто./ Сего́ ра́ди ве́рою Тя и любо́вию ублажа́ем.

Ин кано́н свята́го Трифи́ллия, глас 2.

Песнь 1

Ирмо́с: Гряди́те, лю́дие,/ пои́м песнь Христу́ Бо́гу,/ разде́льшему мо́ре и наста́вльшему лю́ди,/ я́же изведе́ из рабо́ты еги́петския,/ я́ко просла́вися.

Хвалу́ Бо́гу ве́рою принесе́м вси,/ Своего́ уго́дника украси́вшему доброде́тельми многообра́зными/ и втора́го Моисе́я воздви́гшему.

Ты, возше́д на го́ру доброде́телей, Боже́ственный зако́н прия́л еси́, о́тче Трифи́ллие,/ и скрижа́лию по́мысла добро́ту души́ твоея́ уясни́л еси́.

Ты, разу́мно, преподо́бне, благоуха́я, яви́лся еси́,/ душе́вное бо исцеле́ние всем прозя́бл еси́,/ я́коже теле́сным, о́тче, богодохнове́нно бы́лие я́влься ве́рным.

Богоро́дичен: Жи́зни исто́чник была́ еси́, Де́во Чи́стая Ма́ти,/ Нача́льника и Го́спода ро́ждши, Жизнь вся́ческих,/ ороша́ющи ве́рою славосло́вящих тя.

Песнь 3

Ирмо́с: Ты еси́ утвержде́ние/ притека́ющих к Тебе́, Го́споди,/ Ты еси́ свет омраче́нных,/ и пое́т Тя дух мой.

Истка́ла еси́ ри́зу све́та благода́тию, сла́вная,/ кро́вию твое́ю, Акили́но му́ченице, свяще́нно обагри́вши.

Уязви́лася еси́ любо́вию Боже́ственною я́ве, всечестна́я,/ те́мже тве́рдо я́звы же и боле́зни лю́тыя претерпе́ла еси́.

Всю тя освяти́ Изба́витель, честна́я, Госпо́дь,/ все́ю кре́постию Сего́, Акили́но, от души́ возлюби́вшу.

Богоро́дичен: Неве́сту Тя безневе́стну и чи́сто, Чи́стая, селе́ние Иису́сово,/ святе́йшу Херуви́м ве́мы.

Ин

Ирмо́с: Утверди́ нас в Тебе́, Го́споди,/ Дре́вом умерщвле́й грех,/ и страх Твой всади́/ в сердца́ нас, пою́щих Тя.

Возсия́ све́тло, я́коже со́лнце ми́ру, па́мять твоя́, святи́телю,/ и просвеща́ет сердца́ на́ша, ве́рно соверша́ющих сию́ благода́тию.

Сад быв Боже́ственнаго Ду́ха, грозд Боже́ственный прозя́бший,/ и ве́ры вино́ нам, ве́рным, мы́сленно раствори́л еси́.

Меч взем Боже́ственныя благода́ти, на́глость посе́кл еси́ велиа́ра/ и добль показа́лся еси́ нам победоно́сец Христо́в, свяще́нне.

Богоро́дичен: Ни язы́к земноро́дных, ни ум безпло́тен возмо́жет рождество́ Твое́ сказа́ти:/ па́че естества́ бо и ума́, Богоро́дице, Зижди́теля породи́ла еси́.

Конда́к святи́теля, глас 8.

Подо́бен: Взбра́нной:

Изря́дством жити́я чистоту́ де́вства прие́м, Трифи́ллие,/ первопресто́льник показа́лся еси́ Левкуси́и/ и яви́лся еси́ тем провозвести́тель и Богоразу́мия наста́вник./ Сего́ ра́ди ра́достно взыва́ем ти:/ ра́дуйся, святи́телей украше́ние.

Седа́лен святы́я, глас 8.

Подо́бен: Прему́дрости:

Доброде́телей осия́вшися Боже́ственным све́том,/ страда́льческим украси́лася еси́, пресла́вная, честна́я, венце́м/ и, красна́ добро́тами бы́вши, ве́рою всех Влады́це уневе́стилася еси́/ вои́стинну, нескве́рная, нетле́нная./ Те́мже Небе́сным сподо́билася еси́ черто́гом, до́бре пострада́вши/ и льсти́ваго победи́вши, Акили́но Богому́драя,/ моли́ Христа́ Бо́га согреше́ний оставле́ние дарова́ти/ чту́щим любо́вию святу́ю па́мять твою́.

Сла́ва свята́го, глас 3.

Подо́бен: Боже́ственный ве́ры:

Ре́вность ве́ры име́я, преблаже́нне, прозя́бл еси́ плоды́ зре́лы:/ враго́в бо посрами́л еси́ полки́ и диа́вола, Трифи́ллие, уби́л еси́./ О́тче преподо́бне, Христа́ Бо́га моли́ дарова́ти нам ве́лию ми́лость.

И ны́не, пра́здника или́ Богоро́дичен:

Боже́ственная ски́ния была́ еси́ Сло́ва,/ еди́на Пречи́стая Ма́ти Де́во, чистото́ю А́нгелы превозше́дшая,/ па́че всех мене́, персть бы́вша, оскверне́на плотски́ми прегреше́ньми,/ очи́сти моли́тв Твои́х Боже́ственными вода́ми,/ подаю́щи, Чи́стая, ве́лию ми́лость.

Крестобогоро́дичен:

Нескве́рная А́гница Сло́ва, нетле́нная Де́ва Ма́ти,/ на Кресте́ зря́щи пове́шена из Нея́ без боле́зни прозя́бшаго,/ ма́терски подо́бно рыда́ющи, вопия́ше:/ увы́ Мне, Ча́до Мое́, ка́ко стра́ждеши во́лею,/ хотя́ изба́вити от страсте́й безче́стия челове́ка?

Песнь 4

Ирмо́с: Услы́шах, Го́споди,/ смотре́ния Твоего́ та́инство,/ разуме́х дела́ Твоя́/ и просла́вих Твое́ Божество́.

Го́рдаго зми́я ты не́мощию те́ла низложи́ла еси́,/ воева́вши све́тло и томи́телей на́глость потреби́вши.

Муче́ния све́тлостию и де́вства Боже́ственными добро́тами, Акили́но,/ была́ еси́ Влады́це неве́ста изря́дная.

Тече́ния крове́й твои́х многобо́жия огнь погаси́ша,/ чуде́с же струи́ челове́ков омыва́ют неду́ги.

Богоро́дичен: Дрема́нием уны́ния мя сон грехо́вный, Отрокови́це, пости́же,/ бо́дренною моли́твою Твое́ю возста́ви мя к покая́нию.

Ин

Ирмо́с: Услы́шах, Го́споди,/ слух Твоего́ смотре́ния/ и просла́вих Тя,/ Еди́не Человеколю́бче.

Сосу́д вои́стинну пречи́ст показа́лся еси́, преблаже́нне святи́телю,/ и Боже́ственный Дух в тя всели́ся.

Просве́щся Боже́ственным Ду́хом, ум преста́вил еси́ к Вы́шним/ и на пре́лесть, о́тче, подвиза́лся еси́ кре́пко.

Я́коже а́гнцы, упа́сл еси́ слове́сныя твоя́ о́вцы, преблаже́нне,/ и Христу́ приве́л еси́ словесы́ твои́ми.

Богоро́дичен: Необори́мую сте́ну Тя и держа́вную наде́жду, Богоро́дице,/ ве́рнии, стяжа́хом в напа́стех при́сно.

Песнь 5

Ирмо́с: От но́щи неве́дения,/ Богове́дением просвети́вый концы́,/ просвети́ мя у́тром человеколю́бия Твоего́, Го́споди.

Волну́емей, я́коже свирепе́ющуся мо́рю, ле́сти иногда́,/ яви́лася еси́ окормля́ема, Акили́но му́ченице, Христо́вою благода́тию.

Смотря́ющи, муче́нице, к венце́м,/ подъя́ла еси́ тве́рдо растерза́ния удо́в твои́х и ну́ждную смерть.

Светоявле́нно украси́лася еси́, сопоста́ты са́мыя уди́вльши,/ кра́сною твое́ю добро́тою и душе́вным воста́нием.

Богоро́дичен: Изба́вленнии вси прароди́тельнаго осужде́ния рождество́м Твои́м,/ ра́дуйся, Тебе́ приглаша́ем, Обра́дованная Препе́тая.

Ин

Ирмо́с: Све́та Пода́телю и веко́в Тво́рче, Го́споди,/ во све́те Твои́х повеле́ний наста́ви нас:/ ра́зве бо Тебе́, ино́го бо́га не зна́ем.

Боже́ственною благода́тию, му́дре, оде́явся держа́вно, сла́вне,/ врага́ низложи́л еси́ си́лу/ и вене́ц от Бо́га прия́л еси́ досто́йно, я́ко таи́нник, Трифи́ллие.

На Небо́ возве́д души́ твоея́ о́чи, сла́вне,/ Боже́ственных позна́л еси́ уче́ний бе́здну, о́тче,/ челове́ком открыва́я Тро́ическое сия́ние.

Все ору́жие взем, священноявле́нне, Бо́жие,/ посрами́л еси́ собо́рно вра́жие му́жество/ и, уче́нии Боже́ственными главу́ сокруши́в, ве́чно ра́дуешися.

Богоро́дичен: Воплоще́нна из Тебе́, Богороди́тельнице, ве́рнии, позна́хом,/ без се́мене Сы́на рожде́нна, Бо́га и́стинна и Челове́ка естество́м./ Те́мже Тя сла́вим.

Песнь 6

Ирмо́с: Ио́ну в ки́те, Го́споди,/ еди́наго всели́л еси́,/ мене́ же, свя́заннаго мре́жами вра́жиими,/ я́ко от тли о́наго, спаси́.

После́довати Христо́вым сла́вным вожделе́ла еси́ страда́нием, де́во,/ и мужему́дренно претерпе́ла еси́ бие́ния/ и расторга́ния свята́го твоего́ телесе́.

Многови́дныя боле́зни претерпе́ла еси́,/ огня́ же небрегла́ еси́ боле́зни./ Те́мже, Акили́но, и боле́зни на́ша вся облегча́еши моли́твами твои́ми.

Смотря́я свы́ше, чудя́шеся лик А́нгельский, сла́вная де́во, терпе́нию твоему́,/ ка́ко безпло́тныя враги́ с пло́тию побежда́ла еси́ благода́тию.

Богоро́дичен: Да бог челове́к бу́дет, Бог ви́ден бысть Челове́к, Де́во,/ из Твои́х ложе́сн несказа́нно ро́ждся,/ и е́же бе, пребы́в неизме́нен.

Ин

Ирмо́с: В бе́здне грехо́вней валя́яся,/ неизсле́дную милосе́рдия Твоего́ призыва́ю бе́здну:/ от тли, Бо́же, мя возведи́.

Я́коже Ено́х, преста́вился еси́ ду́хом от земны́х ты к Небе́сным/ и нетле́ния прия́л еси́ по достоя́нию, блаже́нне, вене́ц.

Левкуси́я тя име́ утвержде́ние, о́тче,/ и па́стыря, и таи́нника благода́ти,/ я́ко светоно́сно со́лнце, просвеща́юща мир чудесы́.

Непоколеби́мое Це́ркве основа́ние,/ все́ми мя кова́рствы врага́ коле́блема,/ души́ моея́ хра́мину моли́твами твои́ми, о́тче, ны́не утверди́.

Богоро́дичен: Вы́шши Го́рних сил и святе́йши еси́, Всенепоро́чная,/ па́че естества́ вме́щши Невмести́маго Сло́ва во утро́бе Твое́й.

Конда́к, глас 2.

Подо́бен: Вы́шних ища́:

Де́вства твоего́ добро́тами предочи́стивши ду́шу твою́,/ на высоту́ муче́нием востекла́ еси́, Акили́но всечестна́я,/ любо́вию Жениха́ твоего́ Христа́ уязви́вшися,/ Ему́же со А́нгелы предстои́ши, веселя́щися,/ с ни́миже не преста́й моля́ся о всех нас.

Песнь 7

Ирмо́с: О́троцы евре́йстии в пещи́/ попра́ша пла́мень дерзнове́нно/ и на ро́су огнь преложи́ша, вопию́ще:/ благослове́н еси́, Го́споди Бо́же, во ве́ки.

Телеси́ стра́ждущу, Богому́драя, неради́ла еси́,/ смотря́ющи су́щая та́мо воздая́ния, и свет, и сла́ву, Акили́но,/ и Бо́жию красоту́, и Боже́ственное весе́лие.

Нескве́рно нося́щи те́ло и се́рдце, Го́сподеви соедине́но,/ пред суди́щем, чи́стая, мучи́телей предста́ла еси́,/ неразуме́юща мучи́теля облича́ющи, Богому́драя.

Ми́ра измени́ла еси́ тле́ннаго преми́рныя ра́ди жи́зни нетле́нныя,/ и вре́менныя пи́щи пребыва́ющею, де́во,/ и теле́сным обру́чником безсме́ртнаго Жениха́.

Тро́ичен: Пе́сньми Боже́ственное Единонача́лие, Тричи́сленное у́бо Ли́цы пресла́вно,/ естество́м же про́сто су́ще, почита́ем, вопию́ще:/ Го́споди Бо́же, благослове́н еси́ во ве́ки.

Ин

Ирмо́с: Те́лу злато́му прему́дрыя де́ти не послужи́ша,/ и в пла́мень са́ми поидо́ша,/ и бо́ги их обруга́ша,/ среди́ пла́мене возопи́ша, и ороси́ я А́нгел:/ услы́шася уже́ уст ва́ших моли́тва.

О́бразу страсте́й воздержа́нием разу́мно не поклони́лся еси́/ и не опали́ теле́сная пещь, о́тче, ро́су твою́./ Ду́ха же испо́лнився Свята́го, де́рзостне взыва́л еси́:/ благослове́н еси́, Го́споди, Бо́же оте́ц на́ших.

Па́стырь перводе́телен показа́лся еси́ кре́пок Левкуси́и, му́дре,/ и приве́л еси́ Влады́це твоему́ мно́жество люде́й, всепло́дне./ Те́мже ве́рно про́сим:/ предстоя́, моли́ся о ста́де твое́м Бо́гу, изба́витися вся́кия тли.

Живы́й исто́чник слез твои́х, му́дре и пресла́вне, всех удивля́ет:/ исцеле́ний бо струя́ми при́сно богатя́щеся, Трифи́ллие,/ и твои́х моще́й благода́ть пое́м и глаго́лем:/ благослове́н еси́, Го́споди, Бо́же оте́ц на́ших.

Богоро́дичен: Приста́нище тве́рдо, Предста́тельнице стра́шная и стена́ необори́мая/ в ну́ждах бе́дствующим, обурева́емым в ско́рбех,/ Я́же к Сы́ну Твоему́ мольбы́, Богоро́дице, иму́щи,/ от многообра́зных искуше́ний спаса́й рабы́ Твоя́.

Песнь 8

Ирмо́с: Богоглаго́ливии о́троцы в пещи́/ со огне́м пла́мень попира́юще, поя́ху:/ благослови́те, дела́ Госпо́дня, Го́спода.

Просвеще́на сия́нием чистоты́ и обагре́нии кро́вными испещре́нна,/ предстои́ши, Акили́но деви́це, Христу́ Бо́гу на́шему.

Чи́ста же́ртва принесла́ся еси́, и приноше́ние пресве́тло,/ и я́ко благово́нный фимиа́м, Акили́но Богому́драя, Христу́ Бо́гу на́шему.

Неду́ги разли́чныя челове́ком цели́т и отгоня́ет де́монский вред/ свято́е те́ло твое́, Акили́но, во гро́бе, пресла́вная, лежа́щее.

Богоро́дичен: Нетле́нное Сло́во, па́че сло́ва тле́ния нас вся́каго избавля́юща, родила́ еси́,/ сего́ ра́ди Тя вси, Де́во, сла́вим.

Ин

Ирмо́с: В пещь о́гненную ко отроко́м евре́йским снизше́дшаго/ и пла́мень в ро́су прело́жшаго Бо́га/ по́йте, дела́, я́ко Го́спода/ и превозноси́те во вся ве́ки.

Спасе́ния путь всем отве́рзл еси́, му́дре, су́щим в Левкуси́и,/ пе́рвое сед на престо́ле церко́внем ве́рно,/ от Боже́ственнаго сия́ния, сла́вне, сий, святи́телю, прии́м досто́йно.

Прибега́ющия ве́рно к ра́це твое́й, священноявле́нне,/ от бед изба́вити и искуше́ний врага́/ моли́ Благоде́теля Христа́ неоску́дно.

Удиви́шася, му́дре, а́нгельстии ли́цы твоему́ поще́нию,/ и де́монская мно́жества тре́пет прия́ша вели́к, и вся́ко зда́ние ужасе́ся,/ челове́ческий же род почита́ет тя досто́йно.

Богоро́дичен: Не забу́ди гла́са, Предста́тельнице стра́шная, моли́твенник Твои́х,/ но от вся́кия боле́зни моли́твами Твои́ми и вся́каго преще́ния исхи́ти,/ преклони́т бо Твое́ Ма́тернее Бо́га моле́ние.

Песнь 9

Ирмо́с: Вои́стинну Богоро́дицу/ Тя испове́дуем,/ спасе́ннии Тобо́ю, Де́во Чи́стая,/ с Безпло́тными ли́ки Тя велича́юще.

На Кресте́ пригво́ждшемуся Спа́су де́ва сраспя́тся нра́вом пра́вым/ и зми́еву главу́ попра́вши. Красна́ добро́та твоя́ и вели́ко твое́й души́ благоро́дие, пребога́тая,/ богови́дно, Акили́но, ны́не явле́нно бысть.

Совоку́пльшися с ли́ки Безпло́тных и с му́ченическими собо́ры, прехва́льная,/ о нас всех Бо́га моли́.

Пресла́вная твоя́ па́мять всех созыва́ет ра́достно, Акили́но,/ пе́ти твоя́ сла́вныя, му́ченице, боле́зни и страда́ния.

Богоро́дичен: Глас Тебе́ а́нгелов, Пречи́стая, вопие́м:/ ра́дуйся, спасе́ние всех челове́ков/ и сла́вных му́ченик Боже́ственное венча́ние.

Ин

Ирмо́с: От Бо́га Бо́га Сло́ва,/ неизрече́нною му́дростию прише́дшаго обнови́ти Ада́ма,/ я́дию в тле́ние па́дшаго лю́те,/ от Святы́я Де́вы неизрече́нно воплоти́вшагося нас ра́ди,/ ве́рнии, единому́дренно пе́сньми велича́ем.

Мы́сленное о́ко на высоту́ взем, позна́л еси́ Тро́ическую зарю́/ и, земны́я осия́в, му́дре,/ обогати́л еси́ всех Боже́ственным просвеще́нием боголе́пно./ Тем тя по достоя́нию в пе́снех велича́ем.

Свети́льник показа́лся еси́, всеблаже́нне, мы́сленный левкуси́ем,/ обходя́ окре́стныя страны́, му́дре,/ и Христо́вым позна́нием, я́ко луча́ми одушевле́нными, украси́в свяще́нными боголе́пно,/ и ле́сти ми́ра а́бие избавля́я.

Ны́не, ве́рнии, собра́вшеся, мо́лим тя, о́тче, при́сно моли́ти Христа́:/ я́ко да гла́да, и иноплеме́нников па́губы,/ и вся́кия беды́ изба́вит нас, я́ко си́лен,/ да тя по достоя́нию в пе́снех велича́ем.

Богоро́дичен: Несказа́ннаго чревоноше́ния неизрече́нное рождество́ ко́е сло́во ска́жет земноро́дных?/ Младе́нец бо бе и Бог рожде́йся;/ ро́ждшая же Раба́ и Ма́ти рожде́ннаго Сы́на, Богоро́дице./ Тем Тя пое́м и рождество́ Твое́.

Святая мученица Акилина пострадала в правление императора Диоклитиана (284–305). Она родилась в 281 году в финикийском городе Библосе. Родители Акилины были христианами. Через четыре месяца после рождения мать принесла ребенка епископу Евфалию, который совершил над нею последование оглашения, а когда Акилине исполнилось шесть месяцев, епископ Евфалий крестил ее. В 283 году скончался отец святой Акилины Евтолмий. С юных лет святая Акилина усвоила правила христианского благочестия, которые ей внушала мать. Святая Акилина горячо любила Христа Спасителя и постоянно Ему молилась. Ее вера была настолько глубокой и горячей, что она не могла долго скрывать ее от язычников. В двенадцатилетнем возрасте святая Акилина стала проповедовать христианское учение среди своих сверстниц. Она убеждала их отречься от веры в бесчувственных идолов и уверовать во Христа. Святая Акилина рассказывала отроковицам о крестной смерти Господа Иисуса Христа, о Его воскресении, о спасении Им падшего человека.

Однажды проповедь святой Акилины услышал некий Никодим, бывший слугой правителя той области Волусиана. Он сообщил об этом Волусиану, и тот приказал привести отроковицу к нему. Напрасны были уговоры и угрозы: святая Акилина не принесла жертву идолам. Тогда святую отроковицу стали бить по лицу, а затем, обнажив, бичевали. После пыток Волусиан предложил святой Акилине несколько дней для размышлений, но она отказалась. Тогда раскаленными прутьями ей пронзили голову через уши. Когда святая Акилина потеряла сознание, ее приняли за мертвую и бросили за город на съедение псам. Ночью святой мученице явился Ангел и исцелил ее. Он повелел ей идти к Волусиану и обличить ничтожность перед Богом его намерений. Святая Акилина благодарила Бога за свое исцеление и просила Его не лишить ее мученического венца. Она услышала голос свыше: «Иди, исполнится то, о чем ты просишь».

Руководимая Ангелом, святая Акилина пошла во дворец правителя. Городские ворота сами открылись перед ней. Святая беспрепятственно вошла в покои правителя и нашла Волусиана спящим. Когда он проснулся и увидел святую Акилину невредимой, то пришел в ужас и повелел страже стеречь ее до утра. Утром Волусиан, убедившись, что перед ним действительно мученица Акилина, повелел отсечь ей голову как волшебнице, не повинующейся царским указам о почитании языческих богов. Перед казнью святая отроковица молилась Богу и в ответ услышала голос с неба: «Приди, избранная дева, и прими уготованное тебе воздаяние». В тот же миг святая скончалась († 13 июня 293). Палач видел, что она умерла, но, боясь гнева Волусиана, отсек ей голову. Из раны вместо крови истекло молоко.

Христиане с честью погребли тело святой мученицы Акилины в г. Библосе. От гроба святой отроковицы исцелялись многие больные. Позднее святые мощи (или их часть) были перенесены в Константинополь, где память святой мученицы Акилины стала торжественно праздноваться в храме ее имени.

Святитель Трифиллий, епископ Левкуссийский, родился в Константинополе, образование получил в Верите (Бейрут), был известен ученостью и красноречием. Несмотря на это, святитель избрал себе наставника не книжного и не ученого, но мужа высокой святости – святителя Спиридона, епископа Тримифунтского († 348; память 12 декабря).

Однажды император Констанций II (337–340) тяжело заболел и, не получив помощи от врачей, обратился с усердной молитвой к Богу. Во сне он увидел Ангела, показавшего ему собор святителей. Указав на двух из них, Ангел сказал, что только через них он может получить исцеление. Констанций разослал по всем областям империи указ, повелевавший собраться епископам. Это повеление получил и святитель Спиридон. Вместе со своим учеником святым Трифиллием он отправился к императору. Больной сразу узнал в пришедших указанных ему Ангелом целителей, поклонился им и просил помолиться о его исцелении. Святитель Спиридон с молитвой прикоснулся к голове императора, и он стал здоров. Святой Трифиллий восхитился красотой дворца, величественным видом императора, пышностью дворцовой жизни. Святитель Спиридон сказал на это: «Зачем ты удивляешься? Разве этот блеск делает царя более праведным? Все они – цари и вельможи – одинаково с последним нищим умрут и предстанут на суд Божий. Следует искать вечных благ и Небесной славы».

Вскоре святой Трифиллий был поставлен епископом города Левкуссии на Кипре. Он часто навещал святителя Спиридона. Однажды они вместе проходили по отличавшейся красотой и изобилием виноградников и садов местности, называемой Паримна. Святитель Трифиллий, привлеченный красотой природы, стал думать о том, чтобы приобрести эту землю. Святитель Спиридон прозрел мысли Трифиллия и сказал: «Зачем ты непрестанно думаешь о земных и суетных благах? Наше жилище и богатство на Небесах, к ним и нужно стремиться». Так святитель Спиридон постепенно возводил своего ученика к духовному совершенству, которого святой Трифиллий достиг по молитвам своего наставника. Святитель Трифиллий имел милостивую душу, незлобивое сердце, правую веру, любовь ко всем и многие другие добродетели.

Однажды на Кипре проходил Собор епископов. Отцы Собора просили святителя Трифиллия, известного своей ученостью и красноречием, произнести поучение народу. Говоря об исцелении Господом расслабленного (Мк. 2:11), он вместо слова «одр» употребил «ложе». Не терпя неточной передачи Евангельского текста, святитель Спиридон возмутился и сказал святителю Трифиллию: «Неужели ты лучше Сказавшего – «одр», что стыдишься слова Его?» – и немедленно покинул храм. Так святитель Спиридон дал святителю Трифиллию урок смирения, чтобы он не возгордился данным ему талантом красноречия. Святитель Трифиллий мудро пас свое стадо. На средства, доставшиеся ему после матери, он построил в Левкуссии монастырь. Скончался святитель в глубокой старости около 370 года.

В начале XII века мощи святителя Трифиллия видел на Кипре русский паломник игумен Даниил.

НА ВЕЧЕ́РНИ

На Го́споди, воззва́х: стихи́ры на 6, глас 1.

Подо́бен: О, ди́вное чу́до:

О, ди́вное чу́до!/ неве́дущии и́стины просвеща́ются,/ и немощни́и душе́ю укрепля́ются,/ весели́ся, гра́де Москва́,/ возопии́м, ве́рнии, приходя́ще ко хра́му Бо́га и Спа́са на́шего,/ преподо́бнии отцы́, ра́дуйтеся,/ хода́тайством ва́шим Госпо́дь/ подае́т ми́ру ве́лию ми́лость.

О, ди́вное чу́до!/ кора́бль в пучи́не бу́рею не потопля́ется,/ и по обе́ту устрое́ние оби́тели быва́ет,/ весели́ся, гра́де Москва́,/ возопии́м, ве́рнии, преподо́бных Андрони́ка, Са́вву и Алекса́ндра иму́ще предста́телей,/ всеблаже́ннии отцы́, ра́дуйтеся,/ моли́твами ва́шими Госпо́дь/ подае́т ми́ру ве́лию ми́лость.

Ди́вны дела́ Твоя́, Го́споди:/ хотя́й вообрази́тися ико́нным писа́нием/ и от земли́ к Не́бу ум наш возвести́,/ яви́л еси́ святы́я иконопи́сцы,/ богодохнове́нными сия́ющия чудесы́,/ преподо́бнии Дании́ле и Андре́е, ра́дуйтеся,/ ико́нами ва́шими Госпо́дь/ подае́т ми́ру ве́лию ми́лость.

И́ны стихи́ры, глас 4:

Егда́ в пра́здник Све́тлаго Воскресе́ния/ преподо́бнии Дании́л и Андре́й/ боже́ственныя ико́ны созерца́ху,/ тогда́ ра́дости и све́тлости исполня́хуся,/ ум вознося́ще к Боже́ственному све́ту,/ иде́же ны́не ликовству́юще,/ моли́те о душа́х на́ших.

Егда́ хотя́ше Дании́л/ жития́ земна́го разреши́тися,/ узре́ возлю́бленнаго ему́ Андре́я,/ пре́жде преста́вльшагося к Бо́гу,/ призыва́юща его́ в Небе́сное блаже́нство,/ тогда́ в ра́дости дух свой Го́споду предаде́,/ Ему́же ны́не ку́пно, отцы́ преподо́бнии, предстоя́ще,/ моли́те о душа́х на́ших. Прему́дрости тала́нт умно́живше, пребога́тии,/ ра́дости сподо́билися есте́ Го́спода своего́,/ Ему́же ны́не предстоя́ще,/ сою́зом любве́ связу́еми/ и испо́лнены благода́тию Боже́ственнаго све́та,/ моли́те о душа́х на́ших.

Сла́ва, глас 6:

Естество́м неопи́санный Бог/ милосе́рдия ра́ди безме́рнаго/ отце́м, проро́ком, патриа́рхом и царе́м/ в се́нех и о́бразех явля́шеся,/ ны́не же благоизво́ли на всечестны́х ико́нах/ преподо́бными иконопи́сцы изобража́тися,/ поне́же по́честь ико́нная на первообра́зная прехо́дит,/ и ра́ди такова́го изображе́ния/ трисвята́я песнь Пресвяте́й, и Единосу́щней, и Животворя́щей Тро́ице/ на земли́ прино́сится.

И ны́не, Богоро́дичен.

Вход. Проки́мен дне. И чте́ния преподо́бническая.

На стихо́вне стихи́ры, глас 2.

Подо́бен: До́ме Евфра́фов:

От Царьгра́да к Москве́/ со сла́вою прино́сится Спа́сов о́браз,/ в мо́ри чудеса́ творя́,/ моли́твами преподо́бнаго Андрони́ка/ освяща́ется Ру́сская земля́.

Стих: Блаже́н муж, боя́йся Го́спода,/ в за́поведех Его́ восхо́щет зело́.

Дом Спа́са воздви́гл еси́,/ Андрони́че пресла́вне,/ те́мже и всели́ся в тя Спас/ со Отце́м и Святы́м Ду́хом,/ сотворя́я дом в души́ твое́й.

Стих: Честна́ пред Го́сподем/ смерть преподо́бных Его́.

Победи́тель муже́й нарече́ся,/ победи́тель страсте́й яви́ся,/ Андрони́к да восхва́лится днесь,/ той бо мо́лит Спа́са Христа́/ изба́витися нам страсте́й.

Сла́ва, глас и подо́бен то́йже:

От оте́чества и оби́тели свята́го Се́ргия/ бя́ше блаже́нный Андрони́к/ и на Небесе́х обрете́ оби́тель ку́пно с ним,/ иде́же мо́лится ко Пресвяте́й Тро́ице/ спасти́ся душа́м на́шим.

И ны́не, глас и подо́бен то́йже:

О, сла́дкаго Твоего́ гла́са,/ Ма́ти Христа́ моего́!/ О, чу́дныя любве́ и Твоего́ посеще́ния, Влады́чице!/ О, неизрече́ннаго Твоего́ обеща́ния,/ е́же с на́ми пребыва́ния.

Тропа́рь, глас 2:

Плоды́ доброде́телей на земли́ прине́сше,/ преподо́бнии отцы́,/ в Небе́сных черто́зех ны́не благоуха́ете, я́ко ра́йстии цве́ти,/ и лице́м к лицу́ зри́те Пресвяту́ю Тро́ицу,/ Ю́же дерзнове́нно моли́те/ спасти́ся душа́м на́шим.

Ин тропа́рь, глас 8:

От ю́ности свое́й, преподо́бнии отцы́ Андрони́че и Са́вво,/ в пусты́ни всели́стеся Се́ргия вели́каго,/ того́ житию́ после́дующе,/ плоды́ смире́ния и послуша́ния возрасти́ли есте́,/ сего́ ра́ди сподо́бившеся бы́ти строи́тели и первонача́льники/ обе́тныя оби́тели святи́теля Алекси́я,/ с ни́мже испроси́те у Христа́ Бо́га ве́рным лю́дем здра́вие и спасе́ние/ и душа́м на́шим ве́лию ми́лость.

Ин тропа́рь, глас 1:

Безмо́лвие от ю́ности возлюби́в,/ на го́ру Ма́ковец прише́л еси́, Андрони́че блаже́нне,/ оби́тель о́бщаго жития́ устро́ил еси́ в земне́м гра́де Москве́,/ во оби́тели Небе́снаго гра́да ны́не ликовству́еши,/ моли́ся Христу́ Бо́гу/ спасти́ся душа́м на́шим.

И ны́не, Богоро́дичен по гла́су тропаря́.

НА У́ТРЕНИ

На Бог Госпо́дь: тропа́рь, два́жды. Сла́ва, и ны́не, Богоро́дичен.

По 1-м стихосло́вии седа́лен, глас 4:

Свети́льницы пресве́тлии и́стины Христо́вы,/ мир просвети́сте по́двиги и труды́ ва́шими,/ отцы́ преподо́бнии, моли́те Бо́га и Спа́са на́шего/ спасти́ся душа́м на́шим.

Сла́ва, и ны́не, Богоро́дичен:

Де́во Всенепоро́чная, Я́же Пресу́щнаго Бо́га ро́ждшая,/ со преподо́бными Того́ непреста́нно моли́/ оставле́ние прегреше́ний и исправле́ние жития́ да́ти нам пре́жде конца́,/ ве́рою и любо́вию пою́щим Тя по до́лгу, еди́на Всепе́тая.

По 2-м стихосло́вии седа́лен, глас 8:

Услы́шавше сло́во Ева́нгельскаго уче́ния, отреко́стеся плотски́х дел Христа́ ра́ди/ и духо́внии яви́стеся лю́дем води́телие,/ мона́хом же о́браз пра́вости, преподо́бнии отцы́,/ моли́те ми́лостиваго Бо́га и Спа́са на́шего/ грехо́в оставле́ние пода́ти/ чту́щим любо́вию святу́ю па́мять ва́шу.

Сла́ва, и ны́не, Богоро́дичен:

Се Тебе́ ро́ди родо́в сла́вят, я́коже прорекла́ еси́, Отрокови́це,/ Созда́теля бо всех была́ еси́ пала́та и Боже́ственный храм,/ в не́мже всели́ся Вы́шний и пло́тию обложи́ся, да спасе́т нас.

По полиеле́и седа́лен, глас 6:

Егда́, преподо́бнии, к Боже́ственному жела́нию ум свой впери́сте,/ тогда́ оста́вили есте́ вся до́лу влеку́щая мудрова́ния/ и, я́ко до́брии и блази́и раби́, да́нный вам от Го́спода тала́нт/ по́двиги и труды́ свои́ми во сто крат умно́жили есте́./ Сего́ ра́ди бога́тство неотъе́млемое на Небесе́х стяжа́вше, отцы́ преподо́бнии,/ моли́те Спа́са Христа́ пода́ти нам ве́лию ми́лость.

Сла́ва, и ны́не, Богоро́дичен:

Пречи́стая Ма́ти Христа́ моего́,/ Хода́таице, и Засту́пнице, и кре́пкая Помо́щнице ро́ду челове́ческому,/ бу́ди и нам Хода́таица и Моли́твенница к Сы́ну Своему́ и Бо́гу на́шему,/ я́ко да при́зрит на свято́е ме́сто сие́,/ е́же и возложе́но есть в похвалу́ и честь пречи́стаго о́браза Его́.

Степе́нна, 1-й антифо́н 4-го гла́са. Проки́мен, глас 4: Честна́ пред Го́сподем/ смерть преподо́бных Его́. Стих: Что возда́м Го́сподеви о всех, я́же воздаде́ ми? Вся́кое дыха́ние: Ева́нгелие от Матфе́я, зача́ло 105. (Зача́ло же 43-е чти на моле́бне).

По 50-м псалме́ стихи́ра, глас 6:

Преподо́бнии отцы́,/ сою́зом любве́ связу́емии,/ приими́те моле́бных рук на́ших воздея́ние/ и, я́коже до́брии и блази́и раби́ Госпо́дни,/ моли́те Христа́ Спа́са мир просвети́ти/ по́двиги, тру́ды и моли́твами ва́шими.

И́на стихи́ра по 50-м псалме́, глас 6.

Подо́бен: Егда́ преставле́ние:

Егда́ Дании́л разболе́ся/ и в коне́чном дыха́нии бысть,/ ви́де своего́ спо́стника Андре́я во мно́зе сла́ве,/ с ра́достию призыва́юща его́ в ве́чное блаже́нство и реку́ща:/ о Дании́ле, наста́вниче мой!/ Блаже́н путь, в онь же и́деши, бра́те, днесь,/ я́ко угото́вася тебе́ ме́сто поко́я./ Но, о спо́стниче мой!/ моли́ся приле́жно Влады́це Христу́,/ да поми́лует тя и в коне́чный час сме́ртный.

Кано́н, сло́жен от жити́й преподо́бнаго Епифа́ния Прему́драго и священнои́нока Пахо́мия Логофе́та. Глас 8.

Песнь 1

Ирмо́с: Ди́вному Бо́гу вели́чия принесе́м,/ и великоле́пно с на́ми/ да воспое́т земля́ и не́бо/ я́сно сла́ву Его́.

Припев: Преподо́бнии отцы́, моли́те Бо́га о нас. Андрони́че преподо́бне, по́мощь пода́й уму́ моему́/ просла́вити тя сло́вом,/ да и про́чии ви́дят сла́ву, е́юже украси́ тя Бог на земли́.

Возлюби́л еси́ Боже́ственное безмо́лвие па́че молвы́ челове́ческия,/ молча́ние па́че слове́с,/ кро́тость па́че де́рзости, Андрони́че блаже́нне.

От ю́ности, преподо́бне Андрони́че,/ кро́ткаго учи́теля благоразу́мный учени́к яви́ся,/ во вся́цем воздержа́нии, моли́тве и безмо́лвии пребыва́я.

Богоро́дичен: Исцели́, Благода́тная, я́звы души́ мое́й,/ уврачу́й попече́нием те́плым,/ ны́не проше́ния услы́ши и Сама́ заступи́.

Песнь 3

Ирмо́с: Утверди́ мя, Го́споди, си́лою кре́стною/ и да́руй мне се́рдце чи́стое,/ да о Тебе́ хвалю́ся, Бла́же.

Прови́дев преподо́бный Се́ргий твое́ послуша́ние,/ повеле́ ти еди́ному жи́ти в ке́ллии,/ зело́ бо возлюби́л еси́ безмо́лвие, Андрони́че блаже́нне.

В но́щех воздвига́ше ру́це твоя́ во свята́я/ и благословля́ше Го́спода, преподо́бне Андрони́че,/ днем же в послуша́ниих пребыва́л еси́.

Зря святы́й Се́ргий доброде́тель, в тебе́ множа́щуюся, преподо́бне Андрони́че,/ зело́ Бо́га моля́ше,/ да да́рует ти кре́пость до конца́ соверши́ти тече́ние.

Богоро́дичен: Искорени́ бесо́в лука́вства, о Помо́щнице,/ разруши́ по́мыслы страсте́й,/ очи́сти се́рдце и моли́твы дар возгре́й.

Седа́лен, глас 4:

Жите́йское мо́ре мно́гими по́двиги воздержа́ния и труды́ преплы́вше,/ ко приста́нищу Свята́го Ду́ха дости́гли есте́, преподо́бнии отцы́ и богому́дрии,/ моли́те и нам Того́ благода́ть стяжа́ти.

Сла́ва, и ны́не, Богоро́дичен:

Тебе́, Ма́ти сла́дкаго моего́ Христа́, Хода́таицу предлага́ем, раби́ Твои́,/ Ты бо еси́ всем спаси́тельное упокое́ние, и очисти́лище,/ и благоути́шное приста́нище обурева́емым во гресе́х.

Песнь 4

Ирмо́с: Я́ко Петру́, ру́ку простры́й в по́мощь/ и мене́ поми́луй/ и спаси́, я́ко Человеколю́бец.

Се, что добро́ или́ что красно́,/ но е́же жи́ти бра́тии вку́пе,–/ сие́ помышля́я во уме́ свое́м, Андрони́к рече́:/ а́ще бу́дет уго́дно Бо́гу, се мо́жет и на де́ло произвести́.

От запреще́ния Твоего́, Го́споди, побе́гнут во́ды,/ от гла́са гро́ма Твоего́ убоя́тся,–/ си́це моля́шеся святи́тель Алекси́й,/ да изба́вится морска́го волне́ния и належа́щия ско́рби.

Егда́ обеща́ся святи́тель Алекси́й це́рковь созда́ти,/ преста́ мо́ре от волне́ния своего́/ и в тишину́ ве́лию преложи́ся.

Богоро́дичен: Отврати́ нахожде́ния го́рьких бесо́в,/ прожени́ их Твои́ми моли́твами, Де́во,/ ны́не си́лу пода́й на моли́тву/ и кре́пость на по́двиг, о Ма́ти.

Песнь 5

Ирмо́с: У́тренюет дух мой к Тебе́, Бо́же,/ зане́ свет повеле́ния прише́ствия Твоего́,/ и́миже у́бо озари́ ум наш, Влады́ко,/ и наста́ви на стезю́ жи́зни.

Не возбраня́й, его́же ви́диши могу́ща пасти́ ста́до Христо́во, сан прия́ти,–/ рече́ святи́тель Алекси́й преподо́бному Се́ргию,/ си́це прозрева́я Андрони́ка блаже́ннаго.

Обре́тше ме́сто близ Я́узы реки́, иде́же монасты́рь созда́ти,/ преподо́бный Андрони́к с ра́достию помышля́ше в себе́:/ сей поко́й мой во век ве́ка,/ зде вселю́ся, я́ко изво́лих и́ ³³ .

Преподо́бный Се́ргий, благослови́в оби́тель Спа́сову, рече́:/ Го́споди, при́зри с Небесе́, и виждь, и посети́ ме́сто сие́,/ его́же благоизво́ли созда́ти во сла́ву свята́го и́мене Твоего́.

Богоро́дичен: Низпосли́ нам благода́ть Твою́, Влады́чице,/ моли́твами на Не́бо возведи́,/ щедро́т испо́лни, Всеблага́я,/ и к Сы́ну ми́лости проле́й.

Песнь 6

Ирмо́с: Ри́зу мне пода́ждь све́тлу,/ одея́йся Све́том, я́ко ри́зою,/ Многоми́лостиве, Христе́ Бо́же наш.

Созда́л еси́ це́рковь прекра́сну во И́мя Го́спода Бо́га и Спа́са на́шего, преподо́бне Андрони́че,/ да благословя́т Го́спода вси раби́ Госпо́дни,/ стоя́щии во хра́ме Госпо́дни.

До́бре управля́я ста́дом множа́щимся,/ преподо́бный Андрони́к по́двиги вя́щия приима́ше на ся,/ коего́ждо, я́ко о́тец, наказу́я и о́бще соглаше́ние в бра́тии творя́.

Запреща́я и моля́,/ воставля́я на неви́димыя враги́ и тя́готы всех нося́,/ преподо́бный Андрони́к бя́ше о́бразом кро́ток,/ кро́ткаго учи́теля благоразу́мный учени́к.

Богоро́дичен: Ду́шу мою́, Богоро́дице, грехо́м омраче́нную,/ ны́не очи́сти, Пречи́стая,/ све́та испо́лни, Пресве́тлая,/ сле́зы пода́й, Милосе́рдая.

Конда́к, глас 3:

Вас мо́лим, преподо́бнии отцы́ на́ши,/ те́лом почива́ющия на земли́,/ ду́хом же Бо́жию престо́лу предстоя́щия:/ моли́теся о гра́де Москве́/ и о всех, почита́ющих честну́ю па́мять ва́шу.

И́кос:

Ка́ко воспои́м вас, преподо́бнии отцы́,/ Андрони́че, Са́вво и Алекса́ндре, всечестни́и игу́мени,/ Дании́ле и Андре́е, изя́щнии иконопи́сцы,/ или́ ки́я благодаре́ния и хвалы́ принесе́м в па́мять ва́шу?/ Вы бо есте́ при́снии Небе́снии хода́таи, и покрови́телие, и моли́твенницы о гра́де Москве́/ и о всех, почита́ющих честну́ю па́мять ва́шу.

Песнь 7

Ирмо́с: Подража́тели трие́х Твои́х, Го́споди, отроко́в сотвори́ ны,/ сопротивля́ющияся греху́,/ и огнь страсте́й попира́ющия, и пою́щия:/ благослове́н еси́, Бо́же оте́ц на́ших.

Бра́тству умножа́вшуся премно́гу,/ бысть монасты́рь вели́к, сла́вен благода́тию Бо́жиею/ и строе́нием доброде́тельна му́жа Андрони́ка, воспева́вшему:/ благослове́н еси́, Бо́же оте́ц на́ших.

Процве́л еси́, я́ко крин, посреде́ бра́тии, преподо́бне Андрони́че,/ прине́сл еси́ плоды́ доброде́телей,/ сего́ ра́ди да́рует ти Бог благода́ть чуде́с, пою́щему:/ благослове́н еси́, Бо́же оте́ц на́ших.

Разуме́в е́же ко Го́споду свое́ исхожде́ние, преподо́бный Андрони́к/ вручи́ па́ству своему́ ученику́, Са́вве и́менем,/ в доброде́телех зело́ сия́ющу,/ и, наказа́в о по́льзе, ко Го́споду оты́де, поя́:/ благослове́н еси́, Бо́же оте́ц на́ших.

Богоро́дичен: В Го́рняя, Пречи́стая Де́во, се́рдце напра́ви,/ си́лу к мо́литве пода́й,/ ум собери́ и Сама́ в чистоте́ сохрани́.

Песнь 8

Ирмо́с: Царя́ Небе́снаго,/ Его́же пою́т во́и А́нгельстии,/ хвали́те и превозноси́те во вся ве́ки.

Почита́ем бысть преподо́бный Са́вва/ от вели́ких князе́й и все́ми людьми́/ ра́ди вели́ких его́ доброде́телей и чу́днаго и изря́днаго жити́я.

Наипа́че умно́жися ста́до доброде́тельных учени́к преподо́бнаго Са́ввы,/ муже́й вели́ких, че́стных,/ от ни́хже мно́зи произведе́ни бы́ша на игу́менства,/ о́ви же на епи́скопства.

Не́мощь душе́вную на́шу исцели́ ны́не, преподо́бне Са́вво,/ я́коже не́когда по отше́ствии к Бо́гу свободи́л еси́ от блу́дныя стра́сти священнои́нока Ефре́ма.

Богоро́дичен: Свободи́ от теле́сных страсте́й, о Влады́чице,/ в покая́ние дух приведи́,/ обрати́ помышле́ние к Не́бу и грехо́вных дел отврати́.

Песнь 9

Ирмо́с: Неви́димаго зра́ком Боже́ственным прие́мшая,/ Неискусобра́чная Де́во и Ма́ти,/ пе́сньми Рождество́ Твое́ велича́ем.

Ста́рец Андре́й, иконопи́сец преизря́дный,/ всех превосходя́щий в прему́дрости зе́льне и седи́ны честны́ име́я,/ подписа́нием чу́дным свои́ма рука́ма/ украси́ в па́мять оте́ц свои́х це́рковь Спа́са Христа́.

Не оста́вите нас си́ры, преподо́бнии Дании́ле и Андре́е,/ но моли́те Бо́га, Творца́ и Худо́жника ми́ра,/ да просла́вит ико́ны ва́ша чудесы́.

О́тче Алекса́ндре преподо́бне,/ муж доброде́телен, мудр и изря́ден зело́ был еси́,/ по́мощь пода́й, не оста́ви посеща́ти чад твои́х моли́твами свои́ми.

Богоро́дичен: Ра́дуйся, прино́сим Ти, Чи́стая,/ ра́дуйся, преподо́бных оте́ц огражде́ние кре́пкое,/ нас на моли́тву ско́ро возста́ви и в беда́х помози́.

Свети́лен:

По́двиги и труды́ у́бо пе́рвее до́бре искуси́вшеся,/ второ́е умноже́нием тала́нта на Небеса́ возшли́ есте́, преподо́бнии отцы́,/ иде́же, све́тле осиява́еми, предстоя́ще Спа́су Христу́,/ моли́теся те́пле о пою́щих вас.

Сла́ва, и ны́не, Богоро́дичен:

Тя пе́сньми немо́лчными ублажа́ем, Де́во,/ я́ко от Тро́ицы Еди́наго родила́ еси́, Богоро́дице,/ и но́сиши на боже́ственную руку́ Пребога́тое Сло́во, непреста́нно и неизме́нно.

На хвали́тех стихи́ры, глас 4:

Да́нный вам от Го́спода тала́нт умно́живше,/ преподо́бнии отцы́,/ о земны́х бы́ли есте́ ве́рни,/ в Небе́сных ны́не поста́влени,/ моли́те спасти́ся душа́м на́шим.

Да́нный вам тала́нт не скры́вше в зе́млю,/ преподо́бнии отцы́,/ но сотвори́сте еди́ным тала́нтом мно́гия,/ внидо́сте в ра́дость Го́спода своего́,/ моли́те о душа́х на́ших.

Да́нный вам от Го́спода тала́нт обогати́сте,/ преподо́бнии отцы́,/ и мно́гия лю́ди по́двиги и труды́ ва́шими/ ко све́ту Богоразу́мия приведо́сте,/ моли́те спасти́ся нам.

Сла́ва, глас 8:

Преподо́бнии отцы́,/ поучи́вшеся день и нощь в зако́не Госпо́дни,/ сподо́бистеся до́брии и блази́и раби́ бы́ти,/ и ны́не плод ва́ших трудо́в венцы́ вам процвете́,/ дерзнове́ние иму́ще ко Христу́ Спа́су на́шему,/ испроси́те нам очище́ние и ве́лию ми́лость.

И ны́не, глас то́йже:

Ма́терь Бо́жию Тя вси ве́мы,/ ро́ждшую па́че ума́:/ от Тебе́ бо Безле́тный в ле́то воплоща́ется,/ Невмести́мый во чре́ве вмеща́ется./ О, неизрече́ннаго снизхожде́ния!/ О, е́же о нас исполне́ния смотре́ния,/ вознесе́ бо естество́ пе́рстное на Не́бо Человеколю́бец Спас,/ Его́же моли́, Всенепоро́чная,/ поми́ловати и спасти́ нас.

Славосло́вие вели́кое и отпу́ст.

На Литурги́и слу́жба преподо́бническая по уста́ву. На моле́бне Ева́нгелие от Матфе́я, зача́ло 43.

Моли́тва

О преподо́бнии и Богоно́снии отцы́, па́стырие и учи́телие и неле́ностнии наста́вницы на́ши! О земны́х небре́гше, в зе́млю кро́тких всели́лися есте́, из нея́же израсти́ли есте́ плоды́ доброде́телей; тле́нныя тала́нты не сокро́виществовавше, нетле́нныя тала́нты преумно́жили есте́ во сто крат и мно́жае; челове́ческия сла́вы теку́щия не иска́вше, возда́ли есте́ сла́ву Бо́гу и Спа́су всех и сего́ ра́ди прославля́етеся ны́не на Небесе́х в Це́ркви перворо́дных. Моли́те Человеколю́бца Спа́са Христа́, да просвети́т ны, помраче́нныя, покая́нием, да освяти́т ны, гре́шныя, си́лою, наи́тием и де́йствием благода́ти Свята́го Ду́ха, чрез достопокланя́емыя ико́ны подае́мою, да поми́лует ны, немощны́я, моли́твами ва́шими и предста́тельством Пренепоро́чныя Его́ Ма́тере и сподо́бит узре́ти сла́ву пречи́стаго ли́ка Своего́ во Ца́рствии Небе́снем. Ами́нь.

Первые сведения о преподобном Андронике находятся в Житии Преподобного Сергия Радонежского, составленном около 1418 года преподобным Епифанием Премудрым.

Некий юноша явился к Преподобному Сергию Радонежскому и стал умолять, чтобы он облек его в святой иноческий образ. Преподобный Сергий не отверг моления юноши: совершил его иноческий постриг и нарек имя Андрони́к. Видя, что преподобный Андроник очень любит безмолвие и молчание, преподобный Сергий благословил ему жить в келлии одному. В воздержании же и трудах преподобный Андроник старался ревновать своему старцу.

Долгое время находился преподобный Андроник в послушании у Преподобного Сергия. Преподобный Андроник воспринял от святого старца такой навык в иноческой жизни, что сам Преподобный Сергий удивлялся его подвигам и умножавшейся добродетели. Великий авва молил Бога, чтобы Он даровал его юному ученику духовную крепость совершить течение жизни до конца без преткновения. Так прошло десять лет.

Однажды преподобному Андронику пришел помысл выйти из Троицкой обители, чтобы основать свой монастырь (как и случилось впоследствии, когда еще был жив святитель Алексий). Преподобный Андроник не скрыл помысла от своего старца. Поэтому, когда святитель Алексий пришел к Преподобному Сергию для духовной беседы, Преподобный Сергий спросил его: «Есть некоторые из братии, которые, когда приходят к святому иноческому образу, тогда всего отрекаются, а потом, прожив десять лет, другие же и более, хотят воспринять священный сан. Ты же как повелишь, Владыко святый, благословить или нет?» Святитель Алексий ответил: «Ты имеешь от Бога дар рассуждения. Если видишь кого, что он сможет пасти стадо Христово – не возбраняй ему, а если видишь кого, что он хочет принять священный сан не ради Бога, а ради человеческой славы – таковым возбраняй». Долго еще продолжалась беседа. Святитель Алексий обратился к Преподобному Сергию: «Возлюбленный отец, хочу тебя об одном просить, если даруешь мне». Преподобный ответил ему: «Что хочешь, Владыко святый, всё твое». Тогда святитель Алексий сказал: «Хочу, чтобы ты благословил мне Андроника». Преподобный Сергий ответил: «Я сказал тебе, что если кого ты требуешь, то волен во мне и в моей братии».

Взяв преподобного Андроника, святитель Алексий вернулся в Москву. Он предоставил много средств для основания нового монастыря, место для которого было выбрано за рекой Яузой.

На вопрос преподобного Андроника во имя кого построить храм в обители, святитель Алексий рассказал: «Когда мы плыли от Константинова града к Русской земле, внезапно поднялся сильный ветер в море, так что корабль начал погружаться. Тогда я дал обещание, что если Господь поможет мне, то создам церковь в честь того святого, праздник которого случится в день, когда приду к пристани. И тотчас же Божиею помощию волнение прекратилось на море, и мы вошли в пристань месяца августа в 16-й день. И завещал я поставить церковь в честь Нерукотворенного образа Спасова, но забываю в делах церковных. Ныне же хочу упраздниться от дел и исполнить обет».

Так вскоре была воздвигнута прекрасная церковь, освященная митрополитом в честь пречистого Нерукотворенного образа Спасителя. Преподобный Андроник был поставлен святителем Алексием игуменом новой обители. В монастыре был принят общежительный устав. Преподобный Андроник со смирением и усердием нес настоятельские труды, пребывая во всяком воздержании и молитве; он был воистину кроток и смирен сердцем, как благоразумный ученик кроткого учителя – Преподобного Сергия. К преподобному Андронику часто приходили люди за духовным советом и благословением. Братия монастыря умножалась в числе и преуспевала в добродетелях (см.: «Житие и жизнь преподобнаго отца нашего игумена Сергиа» – «Богословские труды», сб. 11., М., 1973, с. 226–227).

Некоторые современные исследователи указывают на несоответствие отдельных фактов этого сказания летописным данным и отмечают, что строительство Спасо-Андрониковского монастыря было связано с деятельностью не святителя Алексия, а святителя Киприана, митрополита Московского. Как бы ни решились в дальнейшем спорные вопросы, несомненно, что первоначальная история монастыря тесно связана с именами обоих Московских святителей: Алексия († 1378, память 12 февраля) и Киприана († 1406, память 16 сентября), что позволило в непродолжительное время собрать в монастыре прекрасных зодчих, иконописцев и книжных писцов.

Иеромонах Пахомий Логофет дополнил (около 1440 года) сказание преподобного Епифания Премудрого некоторыми подробностями, которые он, вероятно, знал из преданий Троицкого и Андрониковского монастырей. Так, например, он указывает, что преподобный Андроник «был из города и отечества святого Сергия», то есть из Ростовской земли; отмечает, что святой Сергий очень любил преподобного Андроника за его «доброе произволение и цветущие в нем добродетели». Иеромонах Пахомий Логофет пояснил также, что преподобный Андроник хотел основать новую обитель для того, чтобы учредить в ней общежитие. Возлагая упование на Бога, преподобный Андроник молился в себе: «Если будет угодно Богу, то может и на дело произвести». Рассказ святителя Алексия о буре, постигшей его во время плавания из Константинополя на Русь, иеромонах Пахомий Логофет поместил при описании беседы святителя Алексия с преподобным Сергием. Это, конечно, не противоречит сказанию преподобного Епифания, а лишь указывает, что и преподобный Сергий с самого начала знал, для чего святитель Алексий просит его возлюбленного ученика.

Иеромонах Пахомий сообщает также, что после построения церкви в честь Нерукотворенного образа Спасителя святитель Алексий чудно украсил ее, а икону образа Христова, обложенную золотом, которую он сам принес из Константинополя, поставил в церкви. Икону Нерукотворенного образа Спасителя иеромонах Пахомий сам видел в монастырском соборе. Этот очень важный факт о происхождении храмовой иконы Спасского собора Андроникова монастыря окончательно объясняет, почему монастырь был основан в честь Нерукотворенного образа Спасителя (некоторые исследователи считают, что в день празднования Нерукотворенного образа Спасителя святитель Алексий не мог находиться на море).

Далее иеромонах Пахомий Логофет сообщает, что через некоторое время после основания общежительного монастыря Преподобный Сергий пришел посмотреть строение своего ученика, похвалил его и благословил, освятив молитвой: «Господи, призри с Неба, и виждь, и посети место сие, которое Ты благоизволил создать во славу святого Твоего Имени». После этого, поучив о пользе душевной, Преподобный Сергий отошел в свою обитель. Монастырское предание сохранило память и о другом посещении Преподобного Сергия, когда он после продолжительной беседы с преподобным Андроником пошел в Нижний Новгород (1365 г.). На месте беседы впоследствии была поставлена часовня.

Одно из поздних преданий повествует, что благоверный князь Димитрий Донской († 1389) заезжал в Спасо-Андроников монастырь до Куликовской битвы (1380), а после победы здесь было встречено русское войско. Эти события и предания свидетельствуют, что Андроников монастырь в честь Нерукотворенного образа Спасителя пользовался особым покровительством как великокняжеского дома и Московской митрополичьей кафедры, так и Троице-Сергиева монастыря. О последних годах жизни преподобного Андроника и последующей истории его обители известно уже лишь из редакции жития Преподобного Сергия, составленной иеромонахом Пахомием Логофетом.

Слава об обители и духовных подвигах преподобного Андроника распространялась по Руси, так что многие, взыскующие иноческого жития, стали к нему собираться. Чем более умножалось братство, тем бо́льшие подвиги принимал на себя преподобный Андроник. Он старался преуспеть в усиленном воздержании, ночных бдениях, посте и молитве. И кто может поведать, как он, добрый муж, исправлял других? Каждого он, как отец, поучал, запрещал, умолял и восстанавливал на брань с невидимыми врагами и всех приводил к согласию кротостью. Так благоугодно прожил он много лет, нося на себе тяжесть всех. Когда же преподобный Андроник уразумел свое отшествие к Богу, он вручил паству своему ученику преподобному Савве, который сиял многими добродетелями. А сам, поучив братию о духовной пользе, отошел ко Господу († 13 июня 1395 года).

Преподобный Савва также содержал преданную ему паству в благочестии, чистоте и святости. Ради его великих иноческих добродетелей его почитали великие князья, иноки и народ. Поэтому и умножилось духовное стадо его учеников, из которых многие были поставлены игуменами в другие монастыри, а некоторые стали епископами. Пожив богоугодно и благочестно много лет, преподобный Савва отошел ко Господу. По смерти он явил чудеса, из которых особенно известным стало следующее. Один из его учеников, священноинок Ефрем (предполагают, что это был дед известного зодчего XV в. В.Д. Ермолина), был борим от беса блудной страстью. Он с верою притек ко гробу преподобного Саввы, и в молитве призвав его на помощь, вскоре получил исцеление. Через некоторое время игуменом обители стал преподобный Александр, ученик преподобного Саввы, муж весьма добродетельный и преуспевший в монашеских подвигах. С ним подвизался в обители и другой его старец, преподобный Андрей, иконописец преизрядный, который имел честные седины и всех превосходил мудростью. С помощью Божией преподобные Александр и Андрей воздвигли в своей обители прекрасную каменную церковь, которую украсили чудной росписью в память своих отцов. Сведения о жизни в Андрониковом монастыре знаменитых иконописцев преподобных Даниила Черного и Андрея Рублева известны также из жития преподобного Никона Радонежского, составленного иеромонахом Пахомием Логофетом около 1440–1450 годов, и из устного предания, записанного преподобным Иосифом Волоцким († 1515, память 9 сентября). В житии преподобного Никона говорится, что когда он в похвалу Преподобному Сергию воздвиг прекрасную церковь во Имя Пресвятой Троицы (после 1422 года), то очень хотел своими очами увидеть ее украшенной. Преподобный Никон спешно созвал иконописцев – преподобного Даниила и спостника его преподобного Андрея, и они чудным писанием украсили церковь. После этого преподобные иконописцы вернулись в Андроников монастырь, где и предали дух свой Богу.

Преподобный Иосиф Волоцкий в «Отвещании любозазорным и кратком сказании о святых отцах, бывших в монастырях, которые в Русской земле» писал со слов старца Спиридона, что святитель Алексий, митрополит Московский, основав Андрониковский и Чудовский монастыри, взял игумена для Андрониковской обители у Преподобного Сергия Радонежского – преподобного Андроника. С ним были его ученики Савва и Александр, и чудные и прославленные иконописцы Даниил и ученик его Андрей, и многие другие такие же. Преподобные Даниил и Андрей были так добродетельны и ревностны в постничестве и иноческой жизни, что сподобились Божественной благодати. Они так были исполнены Божественной любви, что никогда не упражнялись в земном, но всегда ум и мысль возносили к Невещественному и Божественному Свету, чувственное же око всегда возводили к написанным вещественными красками образам Владыки Христа и Пречистой Его Матери и всех святых. И в самый праздник Светлого Воскресения они, сидя на седалищах и имея пред собою всечестные и Божественные иконы, взирали на них неуклонно, исполняясь Божественной радости и светлости. И не только в тот день так творили, но и в прочие дни, когда не занимались иконописанием. Ради этого Владыка Христос прославил их и в конечный час смертный. Прежде преставился преподобный Андрей, а потом разболелся и спостник его преподобный Даниил. И, находясь при последнем дыхании, увидел он почившего Андрея во многой славе и с радостью призывающего его в вечное и бесконечное блаженство.

Из этого свидетельства очевидно, что преподобные Андроник († ок. 1395–1404) и его ученики игумены Савва († ок. 1410) и Александр († после 1427), последовательно настоятельствовавшие в обители, и иконописцы Даниил Черный и Андрей Рублев († до 17 ноября 1426) – равно почитались как святые Спасо-Андроникова монастыря. Все они изображаются в лицевом житии преподобного Сергия XVI века с нимбами (издано в литографии Троице-Сергиевой Лавры в 1853 году). Преподобным Даниилу Черному и Андрею Рублеву принадлежат росписи важнейших храмов Русской Православной Церкви: Московского Благовещенского собора в Кремле (1405), Успенского собора на Городке в Звенигороде (нач. XV в.), Успенского собора во Владимире (1408), Троицкого собора в Троице-Сергиевой Лавре (1422–1426) и Спасского собора Андроникова монастыря. До недавнего времени считалось, что Спасский собор был построен при игумене, преподобном Александре, между 1410 и 1427 годами. Некоторые исследователи относят время построения собора к 90-м годам XIV века (Спасо-Андроников монастырь. М., 1972, с. 12). Источники расходятся в том, какой из соборов, Троицкий или Спасский, был «конечным рукоделием» преподобных Даниила и Андрея. Однако древнее свидетельство о кончине и погребении преподобных иконописцев в родном для них Андрониковом монастыре было подтверждено недавней находкой. В одном из рукописных сборников начала XIX века некий Иона, именующий себя «керженским постриженником», приведя известные ему сведения о преподобных Данииле и Андрее, писал: «Святость обоих их свидетельствует и древле письменныя месяцесловы. Святыя же их мощи погребены и почивают в том Андроникове монастыре под старою колокольнею...» Ныне имя преподобного Андрея Рублева стало символом русского искусства. В Спасо-Андрониковом монастыре распологается музей имени Андрея Рублева. Жития преподобных Сергия и Никона Радонежских, «Сказание о святых иконописцах», входившее в авторитетные «Иконописные подлинники» XVII–XIX вв., и святцы Троице-Сергиева монастыря, составленные в середине XVII в. на основании черновых записей старца Симона Азарьина, обращают особое внимание на духовную связь преподобных Даниила и Андрея с Троицкой обителью, на претворение ими в иконах духовного опыта Преподобного Сергия. «В XIV веке догмат [о Пресвятой Троице] по различным причинам стал предметом особенного внимания Вселенской Церкви и получил чеканную словесную формулировку. Завершителем же этого дела, увенчателем Средневековья стал чтитель Пресвятой Троицы – Преподобный Сергий Радонежский. Он постиг Небесную лазурь, невозмутимый, неотмирный мир, струящийся в недра вечной совершенной Любви, как предмет созерцания и заповедь воплощения во всей жизни, как основу строительства и церковного и личного, и государственного и общественного. Он увидел образ этой Любви вложенным в канонические формы Мамврийского Богоявления. Этот его опыт – новый опыт, новое видение духовного мира – воспринял от него сам преподобный Андрей Рублев, руководимый преподобным Никоном: так написал он «в похвалу отцу Сергию» икону Троицы» (Священник Павел Флоренский. Иконостас.– Богословские труды. Сб. 9. М., 1972, с. 108).

Преподобный Андрей Рублев – духовный внук Преподобного Сергия, это не раз подчеркивалось. Но подобно тому, как Троицкий собор воплотил в себе духовный опыт Преподобного Сергия, духовный опыт преподобного Андроника и его учеников воплощен в соборе в честь Нерукотворного образа Спасителя Андроникова монастыря. Этот монастырь явился выразителем основных идей православного иконописания.

Богодуховность иконописцев, нерукотворность и чудотворность икон – вот что должен был являть по мысли основателей Андроникова монастыря собор в честь Нерукотворного образа Спасителя. Идейный смысл соборного храма Андроникова монастыря раскрывается в восклицании автора «Сказания о перенесении из Едессы в Константинополь Нерукотворенного образа Господа Иисуса Христа»: «О чудо! Простая вода обратилась в краску и на убрусе отпечаталось пресвятое подобие Божественного лица» (Четии Минеи, 16 августа). И как завет иконописцам, звучат слова Спасителя, которыми Он запечатал письмо Авгарю: «Божие видение? Божественное чудо!» (там же). Поэтому принадлежность преподобных иконописцев Даниила Черного и Андрея Рублева к Андроникову монастырю в честь Нерукотворного образа Спасителя и их погребение в нем осознается как свидетельство об исконных, глубинных корнях православного иконописания.

Об иконах преподобных Даниила и Андрея еще в XVI–XVII веках свидетельствовали, что они «все чудотворные». Икона Пресвятой Троицы письма преподобного Андрея Рублева Соборным определением 1551 года приравнивалась к каноническому образцу (Стоглав. М., 1890, с. 1681). В «Степенной книге», составлявшейся под непосредственным руководством митрополита Московского Макария в 1560–1563 годах, преподобные Андрей и Даниил именуются «богодухновенными мастерами». Память преподобного Андроника и его святых учеников совершается в день кончины преподобного Андроника (13 июня) и в Соборе Радонежских святых (6 июля), установленном по благословению Святейшего Патриарха Московского и всея Руси Пимена 10 июля (н. ст.) 1981 года. Память преподобного Андрея Рублева отмечается также в день его тезоименитства – 4 июля, за день до праздника обретения честных мощей Преподобного Сергия. Преподобный Андроник на иконах пишется «стар вельми, сед, брада седа Николина; руце молебны; ризы преподобническия». Облик преподобных Саввы и Александра, Даниила Черного и Андрея Рублева воссоздается на основе многочисленных миниатюр.

Источники и литература:

1. Троицкий патерик, или сказания о святых угодниках Божиих, под благодатным водительством Преподобного Сергия в его Троицкой и других обителях подвигом просиявших. Изд. Свято-Троицкой Сергиевой Лавры, 1896.

2. Историческое описание Московского Спасо-Андроникова монастыря. М., 1865.

3. Андрей Рублев и его эпоха. М., 1971 (приведена библиография работ, касающихся жизни и творчества иконописца).

4. Музей древнерусского искусства имени Андрея Рублева. Автор текста и сост. А.А. Салтыков. Ленинград, 1981.

5. Троица Андрея Рублева. Антология. Сост. Т.И. Вздорнов. М., 1981.

6. «Журнал Московской Патриархии», 1980, №7, с. 69–79 (приведены свидетельства о святости преподобных Даниила Черного и Андрея Рублева и об их почитании в Русской Церкви).

7. Вопросы истории, 1969, №1, с. 35–48; №12, с. 194–197.