В 15-й день

Свята́го проро́ка Амо́са

Святой пророк Амос

И́же во святы́х отца́ на́шего Ио́ны, Митрополи́та Моско́вскаго и всея́ Росси́и

Святитель Иона, Митрополит Московский и всея Руси

Преподо́бнаго Иерони́ма блаже́ннаго, Стридо́нскаго

Преподобный Иероним Стридонский

Явле́ние моще́й преподо́бных оте́ц на́ших Григо́рия и Кассиа́на, и́же на Авне́зе

Преподобные Григорий и Кассиан Авнежские

Святи́теля Ефре́ма, Патриа́рха Се́рбскаго

Святитель Ефрем, Патриарх Сербский

Свята́го и блаже́ннаго великому́ченика, и́же во царе́х, кня́зя Ла́заря, бы́вшаго Самоде́ржца Се́рбския земли́

Святой благоверный князь Лазарь Сербский

Святи́теля Михаи́ла, пе́рваго Митрополи́та Ки́евскаго и всея́ Руси́

Святитель Михаил, первый митрополит Киевский

Пренесе́ние моще́й преподо́бнаго Фео́дора Сикео́та

Преподобный Феодор Сикеот, епископ Анастасиупольский

 

 

Свята́го проро́ка Амо́са

Аллилу́ия или́ тропа́рь.

Стихи́ры, глас 2.

Подо́бен: Егда́ от Дре́ва:

Обре́те духо́вная заря́ твоего́ ума́, проро́че,/ чистоту́, сия́ющую, я́коже зерца́ло, я́вственно,/ и мир озари́ Богоразу́мия сия́нием блиста́ющую/ и прообразу́ющую Боже́ственных та́ин о́бразы,/ благода́ть же, всем челове́ком хотя́щую пода́тися, пречу́дне.

Уста́ быв Бо́жия,/ нече́стия де́латели я́ве обличи́л еси́,/ судо́м неизбе́жным ты́я осуди́в, пребога́те,/ пра́ведным уче́нием после́дуя/ и Боже́ственным судо́м./ Те́мже прему́дрым твои́м глаго́лом/ ви́дяще возведе́ние, блаже́нне,/ пе́сньми досто́йно восхваля́ем тя.

Престо́лу Влады́чню предстоя́/ и неизрече́нныя и Боже́ственныя сла́вы насыща́емь,/ добро́ты же зря преми́рныя/ и све́та наполня́емь,/ Амо́се Богоглаго́ливе,/ вся, чту́щия тя, ве́рою помина́й,/ сим душе́вное спасе́ние,/ разреше́ния же согреше́ний/ всем прося́, Богоприя́тне.

И́ны стихи́ры Богоро́дицы, глас и подо́бен то́йже:

Ра́дуйся, солнцезра́чная звездо́./ Ра́дуйся, вино́вная всех до́брых, Пренепоро́чная./ Ра́дуйся, вмести́вшая Бо́га Невмести́маго,/ Я́же клас прозя́бшая безсме́ртия./ Ра́дуйся, Боже́ственное носи́ло и две́ре всесве́тлая./ Ра́дуйся, кля́твы убие́ние прароди́тельныя на́шея, Отрокови́це,/ благи́х Хода́таица су́щи.

Всех скорбя́щих ра́досте,/ и оби́димых Предста́тельнице,/ и убо́гих Пита́тельнице,/ стра́нных же утеше́ние/ и же́зле слепы́х,/ немощны́х посеще́ние,/ тружда́ющихся покро́ве и Засту́пнице/ и си́рых Помо́щнице,/ Ма́ти Бо́га Вы́шняго/ Ты еси́, Пречи́стая,/ потщи́ся, мо́лимся, спасти́ся рабо́м Твои́м.

Покро́в и заступле́ние нам, христиа́ном, Ты еси́/ и прибе́жище держа́вно, Ма́ти Бо́га Вы́шняго./ Но и ны́не, я́ко при́сно,/ бо́дренною Твое́ю моли́твою не преста́й моля́щи/ спасти́ рабы́ Твоя́ от обстоя́ний всех,/ я́ко Тя с Бо́гом и́мамы заступле́ние,/ вси христиа́не, и прибе́жище.

Сла́ва, и ны́не, Богоро́дичен:

Ина́го держа́внаго прибе́жища,/ и кре́пости столпа́, и стены́ необори́мыя/ вои́стинну не стяжа́хом,/ ра́зве Тебе́, Пречи́стая./ К Тебе́ прибега́ем и Тебе́ вопие́м:/ Влады́чице, помози́, да не поги́бнем,/ покажи́ Твою́ благода́ть на ны, и кре́пости сла́ву,/ и милосе́рдия Твоего́ вели́чество.

Крестобогоро́дичен:

Егда́ нескве́рная А́гница ви́де Своего́ А́гнца,/ на заколе́ние я́ко Челове́ка во́лею влеко́ма,/ пла́чущи, глаго́лаше:/ безча́дствовати Мя ны́не тщи́шися, Христе́, ро́ждшую Тя./ Что сие́ сотвори́л еси́, Изба́вителю вся́ческих?/ Оба́че воспева́ю и славлю́ Твою́,/ ю́же па́че ума́ и сло́ва,/ кра́йнюю бла́гость, Человеколю́бче.

Кано́н, глас 7.

Песнь 1

Ирмо́с: Потря́сшему Бо́гу/ фарао́на в мо́ри Чермне́м/ песнь побе́дную пои́м,/ я́ко просла́вися.

Очи́стив мой ум от страсте́й мра́чнаго по́мысла,/ проро́ка Твоего́, Влады́ко, Амо́са пе́ти озари́.

Таи́нник я́влься и́же па́че ума́ та́ин Бо́жиих,/ сподо́бился еси́ прозре́ти, сла́вне, быва́емая.

Я́ко нескве́рное Бо́жие и чи́стое поко́ище я́влься,/ я́же Ду́ха, Амо́се, прия́л еси́ Боже́ственную де́тель.

Богоро́дичен: Ты па́дшую Ада́мову проро́чески возста́вила еси́ ски́нию,/ Спа́са и Бо́га, Пречи́стая, во чре́ве носи́вши.

Песнь 3

Ирмо́с: Утверди́ся ве́рою Христо́ва Це́рковь,/ и́бо непреста́нно пе́сньми вопие́т, пою́ще:/ Свят еси́, Го́споди,/ и Тя пое́т дух мой.

Ты, беззако́нныя облича́я, Амо́се,/ Госпо́дню пра́вду пока́зовал еси́, вопия́, Богоявле́нне:/ Свят еси́, Го́споди, спаса́яй ду́ши на́ша.

Показа́лся еси́ столп, проро́че, но́ваго заве́та,/ отъе́мля сего́ покро́в и ве́рою зовы́й:/ Свят еси́, Го́споди, спаса́яй ду́ши на́ша.

Навы́к Боже́ственная, проро́че Богоглаго́льниче, Амо́се Боже́ственне,/ просвеща́я лю́ди, вопия́л еси́:/ Свят еси́, Го́споди, спаса́яй ду́ши на́ша.

Богоро́дичен: Утверди́хся, испове́дав Боже́ственное Твое́ рождество́,/ и Предста́тельницу Тя, Де́во, богате́я, зову́:/ ра́дуйся, Богоневе́стная, наде́ждо моя́ и по́моще.

Седа́лен, глас 3.

Подо́бен: Боже́ственныя ве́ры:

Боже́ственный орга́н Уте́шителев,/ подглаша́емь Сего́, блаже́нне, благода́тию всегда́ я́сно,/ проро́к был еси́:/ возглаша́еши бо безве́стных явле́ние/ и озаря́еши ве́рою притека́ющия, Амо́се сла́вне,/ Христа́ Бо́га моли́ дарова́ти нам ве́лию ми́лость.

Сла́ва, и ны́не, пра́здника или́ Богоро́дичен:

Боже́ственнаго естества́ не отлу́чся, плоть быв во чре́ве Твое́м,/ но Бог вочелове́чся и пребы́сть, И́же по рождестве́ Ма́терь Тя Де́ву,/ я́ко пре́жде рождества́, сохрани́в Всенепоро́чну, еди́н Госпо́дь,/ Того́ приле́жно моли́ дарова́ти нам ве́лию ми́лость.

Крестобогоро́дичен:

Нескве́рная А́гница Сло́ва, нетле́нная Де́ва Ма́ти,/ на Кресте́ зря́щи пове́шена из Нея́ без боле́зни прозя́бшаго,/ ма́терски подо́бно рыда́ющи, вопия́ше:/ увы́ Мне, Ча́до Мое́, ка́ко стра́ждеши во́лею,/ хотя́ изба́вити от страсте́й безче́стия челове́ка?

Песнь 4

Ирмо́с: Услы́шах слух Твой, Го́споди,/ я́ко яви́лся еси́ на земли́,/ за е́же спасти́ ны./ Тем вопие́м: сла́ва си́ле Твое́й, Го́споди.

Служа́щия глухи́м и́долом обличи́л еси́ лю́ди Изра́илевы,/ тем плене́нным бы́ти сим рекл еси́, досточу́дне.

Проро́ка тя, и́же пе́рвее па́стыря показа́ Бог,/ восприе́м, священноявле́нне Амо́се./ Тем тя вси ве́рою ублажа́ем.

Я́ко зерца́ло, Свята́го Ду́ха прие́м,/ блиста́нием светолу́чная, Амо́се, всем проявля́еши, ра́дуяся, благоче́стие.

Богоро́дичен: Сло́во в Тя всели́ся, Чи́стая, существо́ мое́ возобрази́/ па́дшее пре́жде преступле́нием.

Песнь 5

Ирмо́с: К Тебе́ у́тренюю/ и Тебе́ вопию́, Благоутро́бне Го́споди:/ омраче́нную грехми́ ду́шу мою́,/ све́том озари́в за́поведей Твои́х, наста́ви.

Умерщвле́нныя сне́дною стрело́ю, блаже́нне, укори́л еси́,/ я́ко непщу́ющим испа́днути 41 вну́тренним, и прело́жно бы́ти,/ и тле́нно наслажде́ние 42 .

Бога́тыми светоли́тии осия́емь, яви́лся еси́ Богоглаго́лив и собесе́дник Бо́жий,/ возвеща́я всем благоче́стия и́стинный путь.

Изба́вити вся, тя пою́щия, блаже́нне, моли́ от льще́ний и се́тей вра́жиих/ и све́том осия́ти Небе́сным Ца́рства Христо́ва.

Богоро́дичен: Богоро́дицу испове́дающии Тя, Ма́ти Де́во,/ непрее́мнаго Ца́рствия и пи́щи Тобо́ю, Богома́ти,/ получи́ти да сподо́бимся.

Песнь 6

Ирмо́с: Ио́на из чре́ва а́дова вопия́ше:/ возведи́ от тли живо́т мой./ Мы же Тебе́ вопие́м:/ Всеси́льне Спа́се, поми́луй нас.

Све́тлыми и́стины заря́ми сия́я,/ зауши́л еси́ лжи проро́ка, кре́пко облича́я/ и предглаго́ля того́ потребле́ние.

Омрачи́л еси́ пре́лести пла́мень, проро́че,/ я́ко со́лнце, благоче́стия зарю́ всем возсия́я,/ я́ко Ду́ха сия́ние восприи́м.

Богоро́дичен: Пречи́стаго Твоего́ де́вства пою́, Де́во, несказа́нное и честно́е рождество́/ и сла́влю, Пречи́стая, и́мже спаса́юся тли и сме́рти.

Конда́к, глас 4.

Подо́бен: Яви́лся еси́ днесь:

Очи́стив ду́хом, проро́че,/ твое́ светоза́рное се́рдце, сла́вный Амо́се,/ проро́чествия дар свы́ше прие́мь,/ возопи́л еси́ велегла́сно во страна́х:/ се Бог наш, и не приложи́тся ин к Нему́.

Песнь 7

Ирмо́с: В пещь о́гненную вве́ржени, преподо́бнии о́троцы/ огнь в ро́су преложи́ша,/ воспева́нием си́це вопию́ще:/ благослове́н еси́, Го́споди, Бо́же оте́ц на́ших.

Е́же предглаго́лал еси́, Боже́ственное спасе́ние яви́ся,/ Амо́се, проро́че чу́дне,/ просвеще́нии благоче́стия осия́я мир, вопия́л еси́:/ благослове́н еси́, Го́споди, Бо́же оте́ц на́ших.

Вжиля́емь Боже́ственною си́лою, богопроти́вными враги́ неврежде́н был еси́,/ терпели́вно, я́коже адама́нт, пребы́л еси́, зовы́й:/ благослове́н еси́, Го́споди, Бо́же оте́ц на́ших.

Богоро́дичен: Непостижи́мое рождество́ Де́вы славосло́вим, и́мже сме́рти изба́вихомся./ Его́же ра́ди ро́ждшеся в нетле́ние, зове́м:/ благослове́н еси́, Го́споди, Бо́же оте́ц на́ших.

Песнь 8

Ирмо́с: Еди́наго Безнача́льнаго Царя́ сла́вы,/ Его́же благословя́т Небе́сныя си́лы/ и трепе́щут чи́ни А́нгельстии,/ по́йте, свяще́нницы,/ лю́дие, превозноси́те Его́ во ве́ки.

Весь восте́кл еси́ на Го́рнюю высоту́, и навы́кл еси́ неизрече́нных ра́зума,/ и был еси́ сказа́тель Сло́ва воплоще́ния, Амо́се./ Те́мже тя воспева́ем во вся ве́ки.

Ума́ острото́ю всех Влады́ку разуме́ти, я́коже есть мо́щно, сподо́бился еси́,/ науча́юща тя неизрече́нных ра́зуму, зовы́й:/ свяще́нницы, по́йте, лю́дие, превозноси́те во вся ве́ки.

Блаже́нство, и ра́дость несказа́нную, и Ца́рство Небе́сное, я́ко проро́к, получи́л еси́,/ Небе́сных ви́дче, зовы́й благоче́стно:/ лю́дие, превозноси́те Его́ во вся ве́ки.

Богоро́дичен: Во двою́ естеству́ от Тро́ицы Еди́наго боголе́пно без се́мене, Богома́ти, родила́ еси́ Спа́са ми́ра./ Тем Тя, ве́рнии, любо́вию превозно́сим во ве́ки.

Песнь 9

Ирмо́с: Всепе́тая, Небе́с превы́шшая,/ Безнача́льное Сло́во безсе́менно заче́ншая/ и воплоще́ннаго Бо́га ро́ждшая челове́ком,/ тем Тя вси велича́ем.

Быв проро́ческим явле́нием богодви́жим язы́к, Боже́ственная веща́ющ,/ всем возвести́л еси́, Амо́се, Боже́ственное милосе́рдие./ Те́мже вси тя при́сно ублажа́ем.

Несказа́нно проро́ческое благосла́вие:/ и́бо Святы́й Дух, в сих все́лься, светоли́тия Своего́ показа́ прича́стники,/ от ни́хже, вси ве́рнии, просвеща́емся.

Богоро́дичен: Ме́ртвости и тли мою́ ри́зу отъя́ла еси́, Де́во,/ спаси́тельную ри́зу –воплоще́ннаго Бо́га – ро́ждши челове́ком./ Тем Тя вси при́сно велича́ем.

Святой пророк Амос

Святой пророк Амос жил в VIII веке до Рождества Христова. Он родился в Иудее, недалеко от Вифлеема, в бедной семье и сам был простым пастухом. В то время Палестина была разделена на два царства: Израильское и Иудейское, причем в Израильском царстве процветало идолопоклонство. Господь послал Амоса на пророческое служение в Израиль, чтобы обличать нечестие развратившихся потомков Авраама. Несмотря на отсутствие образования, святой пророк Амос смело проповедовал, предсказывая бедствия за непослушание Богу не только израильтянам, но и соседним с Израилем народам. Пророк Амос предупреждал, что на Израиль должен излиться особенно сильный гнев Божий, ибо Господь гораздо сильнее прогневляется и наказывает за грехи тех, которые уже познали истину и имели возможность на опыте познать благость Божию.

За свои обличения святому пророку приходилось терпеть много неприятностей. Особенно сильно с ним враждовал некто Амасия, жрец идольского капища в Вефиле. Он клеветал на святого Амоса царю Иеровоаму, избивал его, пытался льстивыми речами уговорить пророка уйти из Израиля и перестать обличать идолопоклонство. Но святой Амос не переставал пророчествовать и даже предсказал самому Амасии, что, когда в Израиль придут иноземные завоеватели, его собственную семью постигнут тяжкие бедствия. За это пророчество Амасия стал беспощадно бить Амоса, а сын жреца Озия нанес пророку смертельную рану. Едва живого, святого пророка Амоса отвезли на родину, в Иудею, где он скончался.

И́же во святы́х отца́ на́шего Ио́ны, Митрополи́та Моско́вскаго и всея́ Росси́и

Стихи́ры на 8, глас 4.

Подо́бен: Зва́нный свы́ше:

Егда́ Боже́ственное на́йде на тя зва́ние,/ Ио́но Богому́дре,/ тогда́ мир и я́же в ми́ре оста́вил еси́/ и Христу́ после́довал еси́ невозвра́тным по́мыслом./ Отону́дуже Всеви́дящее О́ко,/ ви́дев твое́ до́брое произволе́ние,/ святи́тельством тебе́ украша́ет./ Сего́ моли́ и Тому́ помоли́ся/ спасти́ и просвети́ти ду́ши на́ша.

Егда́ Боже́ственное сия́ние в се́рдцы твое́м,/ Ио́но святи́телю, всели́ся,/ тогда́ ра́дость пресве́тлую/ и пречестну́ю сла́ву восприи́м,/ отсю́ду вся су́щая, я́ко преходя́щая, име́л еси́,/ еди́ному же Бо́гу от се́рдца прилепи́лся еси́./ Того́ моли́ и Тому́ помоли́ся, вели́кий во архиере́ех,/ спасти́ и просвети́ти ду́ши на́ша.

Егда́ Боже́ственное раче́ние на́йде на тя, святи́телю,/ тогда́, весь от ю́ности себе́ Влады́це Христу́ возложи́в,/ Сего́ возжеле́л еси́/ и, вся́ких страсте́й, до́лу влеку́щих, очи́щся,/ отсю́ду дом и жили́ще Пресвята́го Ду́ха яви́лся еси́,/ пресла́вная содева́я чудоде́йства./ Христа́ моли́ спасти́ и просвети́ти ду́ши на́ша.

И́ны стихи́ры, глас то́йже.

Подо́бен: Я́ко до́бля:

На земли́, я́ко А́нгел, пожи́в,/ всеблаже́нне святи́телю Ио́но,/ над страстьми́ воцари́лся еси́,/ ху́ждшее покори́л еси́ лу́чшему./ Те́мже, преше́д к непреходя́щему Ца́рствию,/ моли́ся при́сно низпосла́ти ве́рно чту́щим тя/ грехо́в очище́ние и ве́лию ми́лость.

Богодарова́нную ти па́ству,/ святи́телю Ио́но,/ твои́ми уче́нии до́бре упа́сл еси́/ на зла́цех живо́тных,/ ны́не же преше́д к незаходи́мому сия́нию/ и присносу́щному весе́лию,/ помина́й, преблаже́нне, лю́ди,/ чту́щия честно́е успе́ние твое́,/ и моли́ спасти́ся душа́м на́шим.

Вели́каго архиере́я, Ио́ны блаже́ннаго,/ свяще́нную па́мять днесь соверша́юще,/ Боже́ственными пе́сньми, прииди́те вси, почти́м/ о нас всегда́ моля́щася,/ низпосла́ти мно́жество щедро́т/ и спасе́ние душа́м на́шим.

Сла́ва, глас 6. Самогла́сен:

Благоуха́ет Боже́ственная ра́ка моще́й твои́х,/ Ио́но святи́телю,/ всем ве́рным исцеле́ние душа́м и телесе́м да́рующи./ Те́мже тя мо́лим/ Богодарова́нное твое́ ста́до в ми́ре соблюсти́,/ оте́чество же и все правосла́вие,/ да вси тебе́, я́ко и́стиннаго па́стыря/ и моли́твенника к Бо́гу,/ непреста́нно велича́ем.

И ны́не, Богоро́дичен: Кто Тебе́ не ублажи́т:

Та́же вход. Проки́мен дне. Паремии́.

При́тчей чте́ние (гла́вы 3 и 8):

Па́мять пра́веднаго с похвала́ми,/ и благослове́ние Госпо́дне на главе́ его́./ Блаже́н челове́к, и́же обрете́ прему́дрость,/ и сме́ртен, и́же уве́де ра́зум./ Лу́чше бо сию́ купова́ти, не́жели зла́та и сребра́ сокро́вища./ Честне́йша же есть ка́мений многоце́нных,/ все же честно́е недосто́йно ея́ есть./ Долгота́ бо дний и ле́та живота́ в десни́це ея́,/ в шу́йце же ея́ бога́тство и сла́ва./ От уст ея́ исхо́дит пра́вда,/ зако́н же и ми́лость на язы́це но́сит./ Послу́шайте у́бо мене́, о ча́да, честна́я бо реку́,/ и блаже́н челове́к, и́же пути́ моя́ сохрани́т:/ исхо́ди бо мои́ – исхо́ди живота́,/ и уготовля́ется хоте́ние от Го́спода./ Сего́ ра́ди молю́ вас и предлага́ю мой глас сыново́м челове́ческим:/ я́ко аз, прему́дрость, устро́их сове́т/ и ра́зум и смысл аз призва́х:/ мой сове́т и утвержде́ние,/ мой ра́зум, моя́ же кре́пость./ Аз мене́ лю́бящия люблю́,/ и́щущии же мене́ обря́щут благода́ть./ Разуме́йте у́бо, незло́бивии, кова́рство,/ ненака́заннии же, прилага́йте сердца́./ Послу́шайте мене́ и па́ки, честна́я бо реку́,/ и отве́рзу от усте́н пра́вая,/ я́ко и́стине поучи́тся горта́нь мой,/ ме́рзки же пре́до мно́ю устны́ лжи́выя./ С пра́вдою вси глаго́лы уст мои́х,/ ничто́же в них стро́потно, ниже́ развраще́нно./ Вся пра́ва суть разумева́ющим и про́ста обрета́ющим разум./ Науча́ю бо вас и́стине,/ да бу́дет о Го́споде наде́жда ва́ша,/ и испо́лнитеся Ду́ха.

Прему́дрости Соломо́новы чте́ние (гла́вы 10, 6 и 8):

Уста́ пра́веднаго ка́плют прему́дрость,/ устне́ же муже́й му́дрых ве́дят благода́ть./ Уста́ му́дрых поуча́тся прему́дрости,/ пра́вда же избавля́ет их от сме́рти./ Сконча́вшуся му́жу пра́ведну, не поги́бнет наде́жда./ Сын бо пра́веден ражда́ется в живо́т/ и во благи́х свои́х плод пра́вды обы́мет./ Свет пра́ведным всегда́,/ и от Го́спода обря́щут благода́ть и сла́ву./ Язы́к му́дрых до́брая свесть,/ и в се́рдце их почи́ет му́дрость./ Лю́бит Госпо́дь преподо́бная сердца́,/ прия́тни же Ему́ вси непоро́чнии в пути́./ Му́дрость Госпо́дня просвеща́ет лице́ разу́мнаго./ Постига́ет бо жела́ющия ю, пре́жде да́же разуме́ти ю,/ и удо́бь у́зрится от лю́бящих ю./ У́треневавый к ней не утруди́тся,/ и бдяй ея́ ра́ди вско́ре без печа́ли бу́дет./ Я́ко досто́йных ея́ сама́ обхо́дит, и́щущи,/ и во стезя́х ея́ явля́ется им благоприе́мне./ Му́дрости никогда́же одоле́ет зло́ба./ Сих ра́ди и рачи́тель бых добро́ты ея́,/ и возлюби́х ю, и поиска́х от ю́ности моея́./ И взыска́х неве́сту привести́ себе́, я́ко всех Влады́ка возлюби́ ю./ Таи́бница бо есть Бо́жия хи́трости и обрета́тельница дел Его́./ Труды́ ея́ суть доброде́тели,/ целому́дрию же и ра́зуму та учи́т, пра́вде и му́жеству,/ и́хже потре́бнее ничто́же есть в житии́ челове́ком./ А́ще же и мно́гаго иску́сства жела́ет кто,/ весть дре́вняя и бы́ти хотя́щая разсмо́трит./ Свесть изви́тия слове́с и разреше́ния гада́ний:/ зна́мения и чудеса́ проразуме́ет и сбы́тия време́н и лет/ и всем сове́тник есть благ,/ я́ко безсме́ртие есть в ней и благосла́вие во обще́нии слове́с ея́./ Сего́ ра́ди бесе́довах ко Го́споду, и помоли́хся Ему́,/ и рех от всего́ се́рдца моего́:/ Бо́же отце́в и Го́споди ми́лости,/ сотвори́вый вся сло́вом Твои́м/ и му́дростию Твое́ю устро́ивый челове́ка,/ да владе́ет бы́вшими от Тебе́ тварьми́/ и да управля́ет мир в преподо́бии и пра́вде./ Даждь ми Твои́х престо́лов приседя́щую прему́дрость/ и не отлучи́ мене́ от о́трок Твои́х,/ я́ко аз раб Твой и сын рабы́ни Твоея́./ Посли́ ю с Небе́с от свята́го жили́ща Твоего́/ и от престо́ла сла́вы Твоея́,/ да, су́щи со мно́ю, научи́т мя, что благоуго́дно есть пред Тобо́ю./ И наста́вит мя в ра́зум,/ и сохрани́т мя в сла́ве свое́й./ Помышле́ния бо сме́ртных вся боязли́ва/ и погреши́тельна умышле́ния их.

Прему́дрости Соломо́новы чте́ние (гла́вы 4, 6, 7, и 2):

Похваля́ему пра́веднику, возвеселя́тся лю́дие./ Безсме́ртие бо есть па́мять его́,/ я́ко от Го́спода познава́ется и от челове́к,/ и уго́дна Го́сподеви – душа́ его́./ Возлюби́те у́бо, о му́жие, му́дрость, и поживе́те,/ восхощи́те ея́, и нака́зани бу́дете./ Нача́ло бо ея́ – любы́ и соблюде́ние зако́на./ Почти́те прему́дрость, да во ве́ки ца́рствуете./ Возвещу́ вам и не скры́ю от вас та́ин Бо́жиих,/ я́ко Той му́дрости наста́вник есть, и му́дрых испра́витель,/ и вся́кому смы́слу и де́лу Хитре́ц./ И всем смы́слом научи́т му́дрость,/ есть бо в ней Дух разу́мен и Свят,/ и сия́ние Све́та присносу́щнаго, и о́браз бла́гости Бо́жия./ Та дру́ги Бо́жия и проро́ки устроя́ет,/ благоле́пнейши же есть со́лнца и па́че вся́каго сотворе́ния звезд,/ све́ту сосужда́ема, обрета́ется пе́рвейши./ Та угождаю́щих ей от боле́зней изба́ви/ и наста́ви на стези́ пра́выя./ Даде́ им ра́зум име́ти свят, и сохрани́ я от ловя́щих,/ и по́двиг кре́пок подаде́ им./ Да разуме́ют вси, я́ко сильне́йши всего́ есть благоче́стие./ И никогда́же премо́жет зло́ба му́дрости,/ ниже́ пре́йдет, злы́я облича́ющи, суд./ Реко́ша же в себе́, помы́сливше непра́ведно:/ наси́льствуем пра́ведному, не пощади́м преподо́бства его́,/ не усрами́мся седи́н ста́рости многоле́тны./ Бу́дет бо нам кре́пость зако́н,/ и улови́м пра́веднаго, я́ко неуго́ден нам есть,/ и проти́вится дело́м на́шим, и поно́сит нам отпаде́ние зако́на,/ и облича́ет нам согреше́ния наказа́ния на́шего./ Возвеща́ет нам ра́зум име́ти Бо́жий/ и о́трока Госпо́дня себе́ имену́ет./ Бысть нам на обличе́ние помышле́нием на́шим, и тя́жек нам есть,/ и ви́дим, я́ко неподо́бно ины́м житие́ его́ и измене́ны стези́ его́./ В поруга́ние вмени́хомся ему́,/ и удаля́ется от путе́й на́ших, я́ко от нечисто́т,/ и блажи́т после́дняя пра́ведных./ Ви́дим у́бо, а́ще словеса́ его́ и́стинна суть,/ искуси́м, я́же сбыва́ются ему́./ Руга́нием и му́кою истя́жем его́, да разуме́ем кро́тость его́,/ и искуси́м беззло́бство его́, сме́ртию безобра́зною осу́дим его́,/ бу́дет бо посеще́ние от слове́с его́./ Сия́ помы́слиша и прельсти́шася:/ ослепи́ бо я зло́ба их, и не разуме́ша та́ин Бо́жиих,/ и не разсуди́ша, я́ко Ты еси́ Бог еди́н,/ живота́ име́яй и сме́рти власть,/ и спаса́яй во вре́мя ско́рби,/ и избавля́яй от вся́каго зла./ Щедр и Ми́лостив, и дая́ преподо́бным Свои́м благода́ть,/ и Свое́ю мы́шцею го́рдым противля́яся.

На стихо́вне стихи́ры, глас 1.

Подо́бен: Небе́сных чино́в:

Богому́дре Ио́но святи́телю,/ ты твои́ми моли́твами и посто́м,/ бде́нием же и ми́лостынею Бо́гу соедини́лся еси́,/ те́мже Ду́ха Пресвята́го дом и жили́ще показа́лся еси́,/ отону́дуже и архиере́й Це́ркве Христо́вы был еси́./ Моли́ спасти́ся душа́м на́шим.

Стих: Уста́ моя́ возглаго́лют прему́дрость,/ и поуче́ние се́рдца моего́ ра́зум.

Повину́яся за́поведи Бо́га Вседержи́теля,/ те́мже от ю́ности твоея́ Того́ стопа́м, святи́телю, после́довал еси́,/ сего́ ра́ди от Него́ благода́ть прия́л еси́/ де́йствовати пресла́вная чудеса́ и ду́хи прогони́ти лука́выя от всех,/ любо́вию чту́щих тя.

Стих: Услы́шите сия́, вси язы́цы,/ внуши́те, вси, живу́щии по вселе́нней.

Кро́ток и незло́бив во всей жи́зни твое́й пребы́л еси́,/ святи́телю Ио́но,/ сего́ ра́ди обре́л еси́,/ я́коже возжеле́л еси́, на Небесе́х со святы́ми поко́й./ Те́мже почита́ем Боже́ственную па́мять твою́,/ ве́рою пра́зднующе,/ Богоблаже́нне и всече́стне.

Сла́ва, глас 4. Самогла́сен:

Егда́ у́бо Бо́гу поспешеству́ющу ти, святи́телю,/ Ца́рствующаго гра́да дости́гл еси́,/ тогда́ от патриа́рха че́стно прия́т был еси́/ и отту́ду па́ки к Росси́йским страна́м посыла́емь быва́еши,/ мир и благослове́ние с собо́ю нося́./ Те́мже и Росси́йская страна́ тебе́ с любо́вию, я́ко отца́, восприе́млет./ И судо́м Бо́жиим, и самоде́ржца хоте́нием/ пресла́вно на архиере́йский престо́л возводи́м быва́еши,/ на не́мже мно́га ле́та жив,/ ко Го́споду отхо́диши./ Того́ моли́ спасти́ любо́вию пою́щия тя.

И ны́не, Богоро́дичен.

Тропа́рь, глас 4:

От ю́ности твоея́ весь сам себе́ Го́сподеви возложи́в,/ в моли́твах, и труде́х, и в посте́х о́браз быв доброде́тели,/ отону́дуже ви́дев Бог твое́ благо́е произволе́ние,/ архиере́я тя и па́стыря Це́ркви Свое́й устроя́ет./ Те́мже и по преставле́нии честно́е те́ло твое́ це́ло и нетле́нно соблюде́ся,/ Ио́но святи́телю,/ моли́ Христа́ Бо́га, да спасе́т ду́ши на́ша.

Ин тропа́рь, глас 3:

Яре́м Госпо́день измла́да восприи́м,/ и Того́ стопа́м невозвра́тным жела́нием после́довал еси́,/ и освяще́ннаго по́двига дости́же/ святи́тельства па́ству прии́м и чуде́с от Бо́га да́ры прия́т,/ с ве́рою приходя́щим к ра́це моще́й твои́х/ подае́ши разли́чным неду́гом исцеле́ние неоску́дно,/ о́тче наш Ио́но, святи́телю Христо́в,/ моли́ Христа́ Бо́га дарова́ти нам ве́лию ми́лость.

Ин тропа́рь, глас то́йже:

Боже́ственною благода́тию просвети́вся/ и по сме́рти показу́я све́тлость жития́ твоего́,/ источа́еши ми́рови благоуха́ния,/ притека́ющим к ра́це моще́й твои́х,/ и наро́ди Моско́встии наста́вляеши ко све́ту богоразу́мия,/ Ио́но, о́тче наш,/ моли́ Христа́ Бо́га/ дарова́ти нам ве́лию ми́лость.

Сла́ва, и ны́не, Богоро́дичен.

НА У́ТРЕНИ

По 1-й стихоло́гии седа́лен, глас 1.

Подо́бен: Ка́мени запеча́тану:

Уче́ньми твои́ми и де́лы Це́рковь Христо́ву украси́л еси́, Ио́но святи́телю./ Отсю́ду же в ми́ре просия́ твое́ доброде́тельное житие́,/ в моли́твах, и поще́ниих, и бде́ниих о́браз Це́ркве был еси́./ Те́мже вопие́м ти:/ сла́ва Да́вшему ти кре́пость, сла́ва Венча́вшему тя,/ сла́ва Даю́щему тобо́ю всем исцеле́ние.

Сла́ва, и ны́не, Богоро́дичен:

Упова́ние христиа́н, Пресвята́я Де́во,/ Его́же родила́ еси́, Бо́га, па́че ума́ же и сло́ва,/ непреста́нно моли́ с Вы́шними си́лами/ пода́ти оставле́ние грехо́в на́ших всех и исправле́ние жития́/ ве́рою и любо́вию при́сно Тя сла́вящим.

По 2-й стихоло́гии седа́лен, глас 4.

Подо́бен: Вознесы́йся:

Смиренному́дрие предпочита́я был еси́, Ио́но святи́телю,/ и отсю́ду просла́вился еси́, я́ко Боже́ственный архиере́й,/ принося́ же́ртву поже́ршемуся во́лею Христу́, Бо́гу на́шему,/ Его́же моли́ спасти́ся душа́м на́шим.

Сла́ва, и ны́не, Богоро́дичен:

Обнови́ла еси́, Чи́стая, Боже́ственным рождество́м Твои́м/ истле́вшее во страсте́х земноро́дных ме́ртвенное существо́/ и воздви́гла еси́ вся от сме́рти к животу́ нетле́ния./ Те́мже Тя по до́лгу блажи́м вси, Де́во Препросла́вленная, я́коже прорекла́ еси́.

По полиеле́и седа́лен, глас 8.

   Подо́бен: Прему́дрости:

Я́ко доброде́телен и кро́ток, Це́рковь Христо́ву уясни́л еси́,/ де́лы соблю́л е́же по о́бразу Бо́жию, архиере́ю вели́кий Ио́но,/ проси́я бо доброде́тельное житие́ твое́ в ми́ре и от всех сла́вится./ Те́мже вси, благодаря́ще, вопие́м ти:/ Богоблаже́нне святи́телю, моли́ Христа́ Бо́га грехо́в оставле́ние дарова́ти/ чту́щим любо́вию Боже́ственную па́мять твою́.

Сла́ва, и ны́не, Богоро́дичен:

Я́ко Де́ву и еди́ну в жена́х, Тя, без се́мене ро́ждшую Бо́га пло́тию,/ вси ублажа́ем, ро́ди челове́честии:/ Огнь бо всели́ся в Тя Божества́,/ и я́ко Младе́нца млеко́м пита́еши Зижди́теля и Го́спода./ Тем, А́нгельский и челове́ческий род, досто́йно сла́вим пресвято́е рождество́ Твое́/ и согла́сно вопие́м Ти:/ моли́ Христа́ Бо́га согреше́ний оставле́ние дарова́ти/ покланя́ющимся ве́рою пресвято́му рождеству́ Твоему́.

Степе́нна, 1-й антифо́н 4-го гла́са. Та́же, проки́мен: Уста́ моя́ возглаго́лют прему́дрость/ и поуче́ние се́рдца моего́ ра́зум. Стих: Услы́шите сия́, вси язы́цы, внуши́те, вси, живу́щии по вселе́нней. Ева́нгелие святи́тельское.

По 50-м псалме́ стихи́ра, глас 6:

Благоуха́ет Боже́ственная ра́ка моще́й твои́х,/ Ио́но святи́телю,/ всем ве́рным исцеле́ние душа́м и телесе́м да́рующи./ Те́мже тя мо́лим/ Богодарова́нное твое́ ста́до в ми́ре соблюсти́,/ оте́чество же и все правосла́вие,/ да вси тебе́, я́ко и́стиннаго па́стыря/ и моли́твенника к Бо́гу,/ непреста́нно велича́ем.

Кано́н Богоро́дицы на 6

и свята́го на 8.

Кано́н Пресвяты́я Богоро́дицы, его́же краегране́сие: Ма́ти Бо́жия, незави́стную ми даждь благода́ть. Глас 6.

Песнь 1

Ирмо́с: Я́ко по су́ху, пешеше́ствовав Изра́иль/ по бе́здне стопа́ми,/ гони́теля фарао́на/ ви́дя потопля́ема,/ Бо́гу побе́дную песнь/ пои́м, вопия́ше.

Прича́щшися Е́ва саду́ преслуша́ннаго бра́шна, кля́тву введе́,/ но сию́ разреши́ла еси́, Чи́стая,/ благослове́ния нача́ток – Христа́ ро́ждши.

Я́же би́сера от Боже́ственныя мо́лнии – Христа́ ро́ждши,/ страсте́й мои́х мглу и прегреше́ний смуще́ние, Чи́стая, разжени́/ све́том Твоея́ све́тлости.

Язы́ков ча́яние, Иа́ков из Тебе́ воплоща́емаго предзря́ше/ та́йно у́мныма очи́ма Бо́га,/ изба́вльшаго нас хода́тайством Твои́м.

Оскуде́вшим князе́м от коле́на Иу́дова, Пречи́стая,/ Сын Твой и Бог, прише́д Вождь,/ над концы́ земны́ми ны́не вои́стинну воцари́ся.

Кано́н свята́го Ио́ны, глас 8.

Песнь 1

Ирмо́с: Во́ду проше́д, я́ко су́шу,/ и еги́петскаго зла избежа́в,/ изра́ильтянин вопия́ше:/ Изба́вителю, и Бо́гу на́шему пои́м.

И́же от Бо́га дарова́ния Боже́ственнаго наслажда́яся,/ ко́еждо проше́ние посеща́я чудесы́,/ отону́дуже, о́тче, и мне пода́ждь си́лу,/ во е́же пе́ти твое́ свяще́нное торжество́.

Благода́ть Боже́ственная излия́ся во устна́х твои́х, святи́телю Ио́но,/ и был еси́ па́стырь Христо́вы Це́ркве:/ украси́ бо тебе́ Бог, Его́же житие́м твои́м просла́вил еси́.

Благоуха́ет честна́я ра́ка моще́й твои́х и источа́ет здра́вие:/ неду́зи же при́сно от ве́рных отгоня́ются,/ тя благоче́стно чту́щих, святи́телю.

Сте́ну тве́рду Христо́ва Це́рковь стяжа́вши тя, святи́телю,/ при́сно пребыва́ет, хваля́щи своего́ Влады́ку, тебе́ просла́вльшаго.

Богоро́дичен: Це́рковь Бо́жия бысть нескве́рная Отрокови́ца/ все́льшемуся па́че ума́ в Тя, Богоро́дице,/ и лесть от душ челове́ческих отгна́вшему.

Песнь 3

Ирмо́с: Несть свят,/ я́коже Ты, Го́споди Бо́же мой,/ вознесы́й рог ве́рных Твои́х, Бла́же,/ и утверди́вый нас на ка́мени/ испове́дания Твоего́.

Тле́нную мою́ плоть и сме́ртную, Всечи́стая Богома́ти,/ из чре́ва Твоего́ несказа́нно прие́м Благи́й/ и, обезтле́нив сию́, ве́чне Себе́ связа́л есть.

Бо́га, воплоща́ема из Тебе́, зря́ще, Де́во,/ ужаса́хуся стра́хом ли́цы А́нгельстии/ и я́ко Ма́терь Бо́жию немо́лчными пе́сньми Тя почита́ют.

Ужасе́ся, го́ру у́мную ви́дев Тя, проро́к Дании́л,/ из нея́же ка́мень отсече́ся кроме́ рук/ и де́монская ка́пища, Богома́ти, кре́пко сокруши́.

Не мо́жет сло́во тя челове́ческое, ниже́ язы́к, Де́во, похвали́ти досто́йно:/ из Тебе́ бо без се́мене Жизнода́вец Христо́с/ воплоти́тися, Пречи́стая, благоволи́.

Ин

Ирмос: Небе́снаго кру́га Верхотво́рче, Го́споди,/ и Це́ркве Зижди́телю,/ Ты мене́ утверди́ в любви́ Твое́й,/ жела́ний кра́ю, ве́рных утвержде́ние,/ еди́не Человеколю́бче.

На высоту́ доброде́телей возше́л еси́, святи́телю/ и, прии́м священнопома́зание высо́каго твоего́ жития́,/ на седа́лищи высо́це послужи́л еси́ Богу, я́ко архиере́й вели́кий.

Це́рковь Христо́ва, свети́льника тя стяжа́вши, святи́телю,/ доброде́тельными твои́ми уче́нии, прему́дре, просвеща́ется, глаго́лющи:/ Ты моя́, Го́споди, кре́пость и утвержде́ние.

Боже́ственным жела́нием все плотско́е жела́ние отри́нув,/ соверше́нным житие́м просия́л еси́./ Те́мже отсю́ду преста́вился еси́ к невече́рнему сия́нию.

Я́ко архиере́ем прее́мник был еси́, святи́телю,/ потща́вся словесы́ и де́лы, и поуче́нием пра́вым подо́бник о́нем бы́ти./ Те́мже почита́ем тя, я́ко Христо́ва святи́теля.

Богоро́дичен: У́гля Боже́ственнаго светоза́рная клеще́,/ купина́, не опали́вшися Божества́,/ сено́вныя моя́ попали́ стра́сти и огня́ исхи́ти ве́чнующаго.

Ин конда́к, глас 8:

Жела́нием духо́вным по́стническое житие́ соверши́в/ и святи́тельства па́ству прии́м,/ чистоты́ ра́ди теле́сныя и те́ло твое́ Влады́ка Христо́с соблюде́ нетле́нно,/ и Петру́ чудотво́рцу насле́дника тя соде́ла,/ и того́ нра́ву после́довал еси́,/ и учи́теля тя Христо́с Своему́ ста́ду дарова́,/ иде́же лежа́т целе́бныя мо́щи твоя́,/ благоуха́ют, я́ко от кади́ла благово́нна,/ и подаю́т исцеле́ния немощны́м, ве́рою приходя́щим,/ святи́телю Ио́но, моли́ Христа́ Бо́га непреста́нно о всех нас.

Седа́лен, глас 4.

Подо́бен: Ско́ро предвари́:

Све́тло житие́ твое́ всем яви́ся, и всепра́зднственная па́мять твоя́,/ чудесы́ облиста́ющи, удивля́ет ве́рныя./ Тебе́ у́бо ны́не ра́достию почита́ем, архиере́ев похвало́,/ моли́ спасти́ся душа́м на́шим.

Сла́ва, и ны́не, Богоро́дичен:

Пое́м Тя, Богоневе́сто, Ма́ти Христа́ Бо́га,/ сла́вяще рождество́ Твое́ непостижи́мое,/ и́мже изба́вихомся от ле́сти диа́воли/ и вся́кия беды́, Богоро́дице Влады́чице, и ве́рно вопие́м:/ поми́луй ста́до Твое́, еди́на Всепе́тая.

Песнь 4

Ирмо́с: Христо́с моя́ си́ла,/ Бог и Госпо́дь, Честна́я Це́рковь/ боголе́пно пое́т, взыва́ющи,/ от смы́сла чи́ста о Госпо́де пра́зднующи.

Пое́м, Пречи́стая, Тебе́, Всенепоро́чную, и́же Тобо́ю спа́сшиися,/ и, благоче́стно пою́ще, взыва́ем:/ благослове́нна, Я́же Бо́га, Присноде́во, ро́ждшая.

Свет незаходи́мый, Де́во, родила́ еси́,/ су́щим во тьме жития́ пло́тию светя́щ, Всеблаже́нная,/ и пою́щим Тя ра́дость, Присноде́во, источи́ла еси́.

Благода́ть процвете́, зако́н преста́ Тобо́ю, Всесвята́я:/ Ты бо, Чи́стая, родила́ еси́ Го́спода,/ подаю́щаго нам, Присноде́во, оставле́ние.

Ме́ртва мя показа́ са́да вкуше́ние,/ жи́зни же Дре́во, из Тебе́ я́вльшееся, Пречи́стая, воскреси́/ и ра́йския сла́дости насле́дника мя устро́и.

Ин

Ирмо́с: Услы́шах, Го́споди,/ смотре́ния Твоего́ та́инство,/ разуме́х дела́ Твоя́/ и просла́вих Твое́ Божество́.

 Вели́кое свети́ло, сия́нии твои́х доброде́телей/ и светлостьми́ чуде́с просвеща́еши ве́рныя,/ и́скренно тебе́ пою́щия, святи́телю.

Я́ко прекра́сная масли́на, о́тче, насажде́н быв, святи́телю, в дому́ Госпо́дни,/ и во дво́рех до́му Бо́га на́шего процве́л еси́,/ подава́я здра́вие душа́м и телесе́м.

Всечестно́е те́ло твое́, святи́телю Ио́но, дом Пресвята́го Ду́ха бысть:/ во гро́бе бо лежа́, ду́хи лука́выя от челове́к прогоня́ет/ си́лою в тебе́ Живу́щаго.

Сло́вом и де́лы и простото́ю се́рдца просия́л еси́, Ио́но святи́телю,/ помина́й нас, чту́щих па́мять твою́, преподо́бне.

Богоро́дичен: И́же все́ми Невмести́мый, Пречи́стая, вмеща́ется во утро́бу Твою́,/ спаса́я мя бла́гостию, погруже́ннаго грехи́.

Песнь 5

Ирмо́с: Бо́жиим све́том Твои́м, Бла́же,/ у́тренюющих Ти ду́ши любо́вию озари́, молю́ся,/ Тя ве́дети, Сло́ве Бо́жий,/ и́стиннаго Бо́га,/ от мра́ка грехо́внаго взыва́юща.

Чистото́ю возсия́вши све́тло,/ Боже́ственное пребыва́ние Влады́ки, Всепе́тая, была́ еси́:/ Ты бо еди́на Ма́ти Бо́жия яви́лася еси́,/ во объя́тиих я́ко Младе́нца Сего́ носи́вши.

Нося́щи добро́ту у́мную красне́йшия Твоея́ души́,/ Неве́ста Бо́жия была́ еси́, запеча́тствованна де́вством, Чи́стая,/ и све́том чистоты́ мир просвеща́ющи.

Да рыдае́т собра́ние злочести́вых, не пропове́дающих Тя, я́ве Чи́стую Богома́терь:/ Ты бо врата́ Бо́жия све́та яви́лася еси́ нам,/ мрак прегреше́ний разгоня́ющи.

Ин

Ирмо́с: Вску́ю мя отри́нул еси́/ от лица́ Твоего́, Све́те незаходи́мый,/ и покры́ла мя есть чужда́я тьма, окая́ннаго?/ Но обрати́ мя и к све́ту за́поведей Твои́х/ пути́ моя́ напра́ви, молю́ся.

Чист ум твой к Бо́гу име́я, святи́телю, всегда́,/ до́бре упра́вил еси́ Христо́во ста́до,/ те́мже у́бо и непреходя́щее селе́ние со А́нгелы и архиере́и насле́дил еси́, преподо́бне,/ отону́дуже сия́еши чудесы́.

Умо́м чисте́йшим разсмотря́л еси́ Ума́ всех вино́внаго,/ сего́ ра́ди прие́мь дарова́ния чуде́с, святи́телю,/ ве́рныя удивля́еши, любо́вию тебе́ почита́ющия, прему́дре.

От ю́наго во́зраста житие́ твое́ просия́,/ доброде́тельми укра́шено, Ио́но святи́телю,/ и чудесы́ высо́кими удобре́но, блаже́нне,/ е́же и по преставле́нии просла́ви тя явле́нна.

Сла́ва святи́телей и ве́рных люде́й засту́пник вои́стинну, о́тче, был еси́,/ красота́ Це́ркве, и основа́ние доброде́телей,/ и благоче́стия утвержде́ние, достохва́льне.

Богоро́дичен: Ви́деша Боже́ственнаго та́инства, Богора́дованная,/ непостижи́мую глубину́ честни́и проро́цы/ чи́стаго рождества́ Твоего́, Пречи́стая,/ разли́чными о́бразы, я́коже вмести́ша.

Песнь 6

Ирмо́с: Жите́йское мо́ре,/ воздвиза́емое зря напа́стей бу́рею,/ к ти́хому приста́нищу Твоему́ прите́к, вопию́ Ти:/ возведи́ от тли живо́т мой,/ Многоми́лостиве.

Вели́кий преднаписа́ во проро́цех Моисе́й Тя/ ковче́г, и трапе́зу, и све́щник, и ру́чку,/ о́бразно назнамену́я воплоще́ние,/ е́же из Тебе́, Вы́шняго, Ма́ти Де́во.

Умерщвля́ется смерть, и тле́ние упраждня́ется Ада́мова осужде́ния, о Влады́чице,/ Плоду́ Твоему́ прирази́вшееся:/ Жизнь бо родила́ еси́, от нетле́ния избавля́ющую пою́щия Тя.

Зако́н изнемо́же, и сень ми́мо и́де,/ па́че ума́ и смы́сла я́вльшейся ми благода́ти,/ е́же от Тебе́, Де́во, рождества́, Бо́га и Спа́са, Многопе́тая.

Ин

Ирмо́с: Моли́тву пролию́ ко Го́споду/ и Тому́ возвещу́ печа́ли моя́,/ я́ко зол душа́ моя́ испо́лнися/ и живо́т мой а́ду прибли́жися,/ и молю́ся, я́ко Ио́на:/ от тли, Бо́же, возведи́ мя.

Благоле́пия венце́м украше́н, сия́еши ны́не, святи́телю,/ я́ко и́стинный архиере́й, пра́вдою вои́стинну оде́явся, преда́ние Спа́сово соблю́д./ Те́мже и зва́нию Боже́ственному сподо́бился еси́, вопию́щу ти:/ вни́ди в ра́дость Го́спода твоего́.

Кро́ток и незло́бив, Влады́чним стопа́м возсле́дуя, преподо́бне,/ и преходя́ от тле́нных к ве́чным,/ отону́дуже и зе́млю кро́тких со святы́ми дости́гл еси́./ Сего́ ра́ди тя собо́ри благочести́вых воспева́ют.

Твоего́ ра́ди жития́ вели́каго и чистоты́ сы́на тя све́та и дне Христо́с показа́/ и архиере́я и па́стыря Це́ркве Своея́ соде́ла,/ иде́же послужи́в я́ко па́стырь изря́ден,/ ко оби́телем Небе́сным восхо́диши.

Разсужде́нием ума́ и жела́нием духо́вным распала́емь,/ жизнь твою́, святи́телю, проходи́л еси́/ и, не су́щая, я́ко преходя́щая, ми́мо теки́й,/ к Боже́ственным селе́нием, о́тче Ио́но, преложи́лся еси́.

Богоро́дичен: Освяти́ ду́шу мою́, Де́во, Я́же Свято́е ро́ждши Сло́во,/ вои́стинну во святы́х, я́ко пречи́сто, почива́ющаго, еди́наго Бо́га на́шего,/ и да́руй ми, я́ко Ми́лостива, умиле́ния ту́чу, Пренепоро́чная.

Конда́к, глас 8.

Подо́бен: Взбра́нной:

Я́ко от младе́нства Го́сподеви поработи́в себе́, му́дре,/ посто́м и бде́нием те́ло твое́ удруча́я,/ те́мже сосу́д чист и дом Ду́ху Пресвято́му яви́лся еси́,/ сего́ ра́ди и Це́ркви Свое́й тебе́ архиере́я и па́стыря устроя́ет,/ ю́же до́бре упа́с, ко Го́споду отхо́диши, Его́же возлюби́л еси́./ Тем мо́лим тя:/ помина́й нас, ве́рою чту́щих святу́ю па́мять твою́, да вси зове́м ти:/ ра́дуйся, о́тче Ио́но, святи́телю всечестны́й.

И́кос:

Челове́к у́бо сый естество́м, о́тче,/ но па́че челове́ка подвиза́лся еси́ в посте́х, и бде́ниих, и моли́твах, и труде́х,/ я́ко о́браз быв доброде́тели мно́гим;/ сего́ ра́ди тя Бог архиере́я и па́стыря Це́ркве Своея́ устроя́ет./ Отону́дуже тя моли́м:/ моли́ся Благода́телю всех Бо́гу,/ во е́же стране́ на́шей, чту́щей тя, дарова́ти побе́ду на враги́/ и нам обрести́ благода́ть и ми́лость в День Су́дный, да вси зове́м ти:/ ра́дуйся, о́тче Ио́но, святи́телю всечестны́й.

Песнь 7

Ирмо́с: Росода́тельну у́бо пещь/ соде́ла А́нгел/ преподо́бным отроко́м,/ халде́и же опаля́ющее/ веле́ние Бо́жие мучи́теля увеща́ вопи́ти:/ благослове́н еси́, Бо́же оте́ц на́ших.

Ю́нош трие́х пещь не опали́, рождество́ прообразу́ющих Твое́:/ Боже́ственный бо Огнь, Тебе́ не опали́в, всели́ся в Тя и вся научи́ вопи́ти:/ благослове́н еси́, Бо́же оте́ц на́ших.

Блажа́т концы́ Тя, Всечи́стая Ма́ти, я́коже прорекла́ еси́,/ просвеща́емы светолу́чными сия́ньми Твои́ми, и, благода́тию пою́ще, вопию́т:/ благослове́н еси́, Бо́же оте́ц на́ших.

Па́губныя у́бо зу́бы в мя вонзе́ змий лука́внейший,/ но Сам Твой, Богома́ти, сокруши́ Сын,/ кре́пость же мне даде́ вопи́ти:/ благослове́н еси́, Бо́же оте́ц на́ших.

Очисти́лище естества́ Ты еси́, еди́на Богоблаже́нная./ на ра́му бо Херуви́мску седя́щаго Бо́га во объя́тиих нося́щи, вопие́ши:/ благослове́н еси́, Бо́же оте́ц на́ших.

Ин

Ирмо́с: От Иуде́и доше́дше, о́троцы/ в Вавило́не иногда́/ ве́рою Тро́йческою пла́мень пе́щный попра́ша, пою́ще:/ отце́в Бо́же, благослове́н еси́.

Ви́дев твое́ благо́е произволе́ние Христо́с Бог,/ я́ко не себе́ живе́ши, но де́йствующему в тебе́ Го́споду,/ тем украша́ет тя чуде́с исцеле́нием.

Чи́стыми де́лы и исправле́ньми твои́ми просия́в, я́ко свети́ло,/ Богода́нную ти Це́рковь до́бре упа́сл еси́, поя́ Христу́:/ оте́ц на́ших Бо́же, благослове́н еси́.

Я́ко в зако́не Госпо́дни поуча́яся день и нощь, святи́телю,/ за́дняя забыва́я, на пре́дняя же простира́яся, Творцу́ и Влады́це вопия́л еси́:/ благослове́н еси́, Го́споди, Бо́же оте́ц на́ших.

Изря́дно житие́ твое́, святи́телю, все́ми позна́но бысть,/ сего́ ра́ди и по преставле́нии прославля́ет тя Христо́с,/ Ему́же усе́рдно послужи́л еси́, Ио́но, о́тче наш, поя́:/ оте́ц на́ших Бо́же, благослове́н еси́.

Богоро́дичен: Огнь ника́коже Тя Божества́ опали́, Де́во:/ Тя бо иногда́ купина́ прообразова́ше,/ в горе́ опаля́ема, Пречи́стая, и ника́коже сгара́ема.

Песнь 8

Ирмо́с: Из пла́мене преподо́бным ро́су источи́л еси́/ и пра́веднаго же́ртву водо́ю попали́л еси́:/ вся бо твори́ши, Христе́, то́кмо е́же хоте́ти,/ Тя превозно́сим во вся ве́ки.

Позлаще́нною ри́зою, я́коже Цари́цу, Сын Твой просвети́в заре́ю Ду́ха,/ Тебе́ одесну́ю Себе́ постави́, Пречи́стая,/ Его́же превозно́сим во вся ве́ки.

И́же хоте́нием еди́ным мир водрузи́вый/ от пречи́стыя Твоея́ утро́бы плоть взе́млет,/ вы́ше сию́ назда́ти хотя́,/ Его́же превозно́сим во вся ве́ки.

Счета́нием Сло́ва ко мне, челове́ку, Боже́ственное жили́ще была́ еси́, Пречи́стая,/ просия́вши я́ве де́вства све́тлостию,/ те́мже Тя пое́м во вся ве́ки.

Златоза́рный Тя све́щник предвообрази́,/ прие́мшую несказа́нно Свет непристу́пный,/ ра́зумом свои́м озаря́ющ вся́ческая,/ те́мже Тя пое́м, Чи́стая, во ве́ки.

Ин

Ирмо́с: Царя́ Небе́снаго,/ Его́же пою́т во́и А́нгельстии,/ хвали́те и превозноси́те во вся ве́ки.

А́нгельское житие́ по́жил еси́ на земли́, святи́телю, смире́н и кро́ток быв,/ отону́дуже и в земли́ кро́тких со святы́ми водворя́ешися, Христу́ поя́:/ хвали́те и превозноси́те Его́ во ве́ки.

Храм освяще́ния всечестна́я ра́ка моще́й твои́х, святи́телю,/ из него́же исцеле́ний благода́ть почерпа́юще, Влады́ку всех, Го́спода пое́м,/ тебе́ целе́бника дарова́вшаго, и превозно́сим Его́ во ве́ки.

Ум твой, святи́телю, манове́нием Боже́ственным обожа́емь,/ до конца́ плотски́х страсте́й удали́ся, Христу́ поя́:/ хвали́те и превозноси́те Его́ во ве́ки.

По досто́инству почита́ем, ве́рнии, моще́й твои́х честну́ю ра́ку, Ио́но святи́телю,/ я́ко ми́ро, почерпа́юще чуде́с благоуха́ние, Влады́це Христу́ вопию́ще:/ вся дела́, хвали́те и превозноси́те Его́ во ве́ки.

Богоро́дичен: Исцели́ стра́сти се́рдца моего́, безстра́стия исто́чник ро́ждшая,/ и к животу́ мя Боже́ственному наста́ви,/ да Тя сла́влю во вся ве́ки.

Песнь 9

Ирмо́с: Бо́га челове́ком невозмо́жно ви́дети,/ на Него́же не сме́ют чи́ни А́нгельстии взира́ти,/ Тобо́ю же, Всечи́стая, яви́ся челове́ком/ Сло́во воплоще́нно,/ Его́же велича́юще,/ с Небе́сными во́и/ Тя ублажа́ем.

Звезда́, сия́ющи заря́ми Божества́, от Иа́кова/ от мра́ка содержи́мым возсия́ Тобо́ю, Всечи́стая,/ Христо́с Бог, Сло́во воплоще́нно,/ И́мже просвеща́еми, с Небе́сными во́и Тя ублажа́ем.

Укре́плься си́лою Твое́ю и благода́тию,/ Тебе́ песнь усе́рдно от се́рдца возложи́х,/ но сию́ приими́, Де́во Чи́стая, благода́ть воздаю́щи Твою́ многосве́тлую/ от нетле́нных сокро́вищ, Богоблаже́нная.

Поста́в43 показа́лася еси́ я́ве Божества́,/ в не́мже ри́зу телесе́ Сло́во истка́, богосоде́лав мой, Де́во, зрак,/ в него́же обо́лкся, всех спасе́, от смы́сла чи́ста Тебе́ велича́ющих.

Ме́ртвым воскресе́ние ны́не дарова́ся Твои́м несказа́нным и неизрече́нным рождество́м, Богоро́дице Всечи́стая:/ Жизнь бо из Тебе́, пло́тию обо́лкшися, всем возсия́/ и сме́ртную дря́хлость я́ве разруши́.

Ин

Ирмо́с: Вои́стинну Богоро́дицу/ Тя испове́дуем,/ спасе́ннии Тобо́ю, Де́во Чи́стая,/ с Безпло́тными ли́ки Тя велича́юще.

Чи́стым се́рдцем и Боже́ственными восхожде́нии ум впери́л еси́,/ еди́наго Бо́га зре́ти добро́ты жела́я,/ и отту́ду светоли́тием просвеща́ешися, Богому́дре святи́телю.

Богопре́данную па́ству твою́, па́стыря тя иму́щую,/ тя́жкия во́лки отгоня́юща от всех ве́рных,/ и ста́до, благода́тию Христо́вою соблюда́емо, сохрани́, Ио́но святи́телю.

Я́коже пе́рвее целому́дреннаго Ио́сифа те́ло Изра́иль прено́сит,/ та́ко и ны́не ра́ку моще́й твои́х, Ио́но святи́телю, ве́рнии прие́млюще,/ почита́ют любе́зне, Христа́ велича́юще.

Днесь све́тлая па́мять твоя́, святи́телю, возсия́вши, ве́рных сердца́ просвеща́ет;/ те́мже и пе́ние сие́ произве́дшему/ моли́ Христа́ Бо́га сохрани́тися от луќаваго ловле́ния/ и получи́ти ми́лость в День Су́дный.

Богоро́дичен: Све́том покая́ния помраче́ннаго мя ле́ностию, Всенепоро́чная, просвети́,/ да пою́, и велича́ю, и сла́влю Тя, Пренепоро́чную Влады́чицу.

Свети́лен.

Подо́бен: Посети́л ны есть:

Тезоимени́те целому́дрия, от ю́наго воспита́ния, святи́телю, быв,/ потща́лся еси́ тле́нными нетле́нная стяжа́ти,/ отону́дуже и архиере́йством почте́н быв,/ при́сно о нас Влады́ку моли́, любо́вию пою́щих тя.

Сла́ва, и ны́не, Богоро́дичен:

Щедро́ты Твоя́, Бо́же, на лю́ди и ста́до Твое́ низпосли́/ моли́твами Пречи́стыя Твоея́ Ма́тере и всех святы́х Твои́х/ и нам да́руй вели́кую Твою́ ми́лость.

На хвали́тех стихи́ры на 4, глас 8.

Подо́бен: О, пресла́внаго чудесе́:

О́тче Богому́дре, Ио́но святи́телю,/ ты, от ю́ности воздержа́нию поуча́яся,/ и во бде́ниих, и в моли́твах, и посте́х/ Го́сподеви приближа́яся,/ и моли́твенницу всегда́ призыва́я Де́ву Богоро́дицу,/ Ея́же ра́ди наде́жди не погреши́л еси́./ Те́мже архиере́я тя и па́стыря/ Це́ркви Свое́й Христо́с устро́и,/ Того́ моли́ при́сно о душа́х на́ших.

О́тче святи́телю Ио́но Богому́дре,/ ты от младе́нства мирски́й мяте́ж оста́вил еси́/ и молвы́ оттря́сл еси́,/ ума́ чистото́ю Бо́гу приближа́яся,/ сего́ ра́ди тя Бог архиере́я Це́ркви/ и лю́дем по достоя́нию Боже́ственнаго благода́теля поставля́ет./ Всегда́ моли́ о нас,/ низпосла́ти душа́м на́шим мир/ и ве́лию ми́лость.

О́тче Богому́дре, святи́телю Ио́но,/ ты, измла́да Христа́ возлюби́в,/ Того́ любви́ прилепи́лся еси́/ и, Пресве́тлаго Ду́ха Боже́ственными заря́ми/ се́рдце твое́ просвети́в,/ светови́ден весь вои́стинну был еси́./ Те́мже ко хра́му твоему́ ве́рою притека́ющия/ проше́ния, я́же ко спасе́нию, сподо́би/ и моли́ Христа́ Бо́га спасти́ся душа́м на́шим.

Сла́ва, глас 6. Самогла́сен:

Небе́снаго Царя́ и Влады́ки преизря́дный служи́тель,/ святи́телю Ио́но, был еси́,/ чистоту́ бо соблю́л еси́,/ без нея́же никто́же у́зрит Бо́га./ Те́мже и возме́здие по достоя́нию прия́л еси́:/ во гро́бе бо лежа́, честно́е те́ло твое́/ це́ло и нетле́нно соблюде́ся,/ душа́ же к Небе́сным ликостоя́нием пре́йде./ Сего́ ра́ди Творцу́ всех моли́ся при́сно/ о всех, чту́щих тя любо́вию,/ низпосла́ти мир и ве́лию ми́лость.

И ны́не, Богоро́дичен.

На литурги́и слу́жба святи́телю.

Святитель Иона, Митрополит Московский и всея Руси

Святитель Иона, Митрополит Московский и всея Руси, родился в последней четверти XIV века в с. Одинцове близ г. Солигалича в Костромской земле. Отца будущего святителя звали Феодором. С ранних лет мальчик стремился к иноческой жизни. В двенадцатилетнем возрасте он принял монашество в одном из галичских монастырей, а затем перешел в московский Симонов монастырь. Юный инок смиренно и усердно исполнял различные послушания, неукоснительно соблюдая заветы первых игуменов обители – святого Феодора, основателя монастыря (впоследствии архиепископа Ростовского; † 1394, память 28 ноября), и преподобного Кирилла, впоследствии игумена Белоезерского († 1427; память 9 июня). Он подвизался в посте, молитве, чтении слова Божия, Святитель Фотий митрополит († 1431; память 2 июля) посетил однажды Симонов монастырь и, увидев инока Иону, пророчески предсказал, что он будет великим святителем Русской Церкви и многих обратит на путь спасения.

В 1431 году святой Иона был поставлен епископом на Рязанскую и Муромскую кафедру. Немало трудов положил он на то, чтобы обратить ко Христу иноверных жителей своей епархии. Вскоре после кончины митрополита Фотия святитель Иона возглавил Русскую Православную Церковь. В 1432 году он именуется «нареченным в Святейшую Митрополию Русскую». Однако междоусобная борьба за великокняжеский престол великого князя Василия II Васильевича и его дяди галицкого князя Юрия Дмитриевича не позволили святителю выехать в Константинополь к Патриарху Иосифу II (1416–1439) для посвящения. В это время литовский князь Свидригайло послал в Константинополь для посвящения в митрополита Литовского Смоленского епископа Герасима (в начале XV века Смоленск был временно присоединен к Литовскому княжеству).

Епископ Герасим был возведен в Константинополе в сан митрополита всея Руси; в 1435 году, заподозренный князем Свидригайло в измене, он был схвачен и сожжен. После кончины митрополита Герасима в Константинополь отправился епископ Иона. По прибытии в столицу Византии он узнал, что Патриарх Иосиф уже поставил на Русскую Митрополию некоего Исидора. В 1439 году Исидор принял унию на Флорентийском Соборе и по возвращении в Москву в 1441 году был заточен в Чудов монастырь. Немедленно был созван Собор русских иерархов, который осудил «Исидорово всё дело». Когда стало окончательно ясно, что Константинопольский Патриарх согласился на унию, Русская Церковь встала на защиту чистоты Православия. В декабре 1448 года в Москве был созван Церковный Собор для избрания Предстоятеля Русской Церкви. Святитель Иона был избран Митрополитом Всероссийским с титулом «Киевский и всея Руси». Местом пребывания он избрал Москву, поэтому именуется также Митрополитом Московским. Так прекратилась зависимость Русской Церкви от Константинополя, она положила начало своей автокефалии.

Возглавляя Всероссийскую кафедру, святитель Иона прежде всего позаботился об улучшении отношений между Москвой и Литовским княжеством. Благодаря этому ему удалось присоединить к Москве юго-западные епархии. Святитель Иона приложил большие усилия на благоустройство возвращенных епархий и на искоренение в них униатства. Он призывал к миру и прекращению междоусобия, объяснял вред ярости и гнева, учил покаянию и послушанию. Особенно заботился святитель Иона о духовно-нравственном совершенствовании своей паствы. В учительных грамотах он назидал помнить о спасении души, быть милосердными, добросовестно относиться к своим гражданским обязанностям. Святитель Иона строго требовал соблюдения христианских заповедей от священнослужителей. Указывая на величие священнического сана, он призывал клириков к достойному прохождению пастырского служения. Особое старание проявлял святитель Иона в выборе достойных кандидатов на архиерейские кафедры.

Большое внимание уделял он монашеским обителям, заботился об их нуждах, о строгом соблюдении иноческих правил. Проявляя попечение о храмах Божиих, святитель обновил и благолепно украсил первопрестольный Успенский собор в московском Кремле. Он придал особую торжественность богослужениям, увеличив число чтецов и певцов. В 1450 году, по благословению святителя Ионы, были воздвигнуты каменные митрополичьи палаты.

Живя по заповедям Божиим и строго соблюдая монашеские обеты, святитель Иона получил от Господа дар чудотворений и прозорливости. По его молитвам исцелялись болящие различными недугами.

Во время осады Москвы ногайскими татарами в 1451 году святитель Иона совершил крестный ход по стенам Кремля, обращаясь с молитвой к Пресвятой Богородице о спасении города. Через несколько дней, 2 июля, в праздник Положения ризы Пресвятой Богородицы, в рядах осаждавших произошло необъяснимое смятение, и они обратились в бегство. Москва была спасена. В память избавления Москвы от нашествия ногайского хана Мазовши святитель Иона в том же году соорудил крестовый храм в честь праздника Положения ризы Пресвятой Богородицы.

Святитель Иона отошел ко Господу в глубокой старости 31 марта 1461 года, в два часа дня во вторник Страстной седмицы. За несколько дней до того он предузнал от Господа время своей блаженной кончины. Святитель был погребен в соборном храме, за левым клиросом.

27 мая 1472 года при перестройке Успенского собора совершилось обретение нетленных мощей святителя Ионы. По молитвам угодника Божия происходили исцеления. Житие святителя и два канона (один – на обретение мощей) написаны иеромонахом Пахомием Сербом (Логофетом; († после 1484). Общецерковное празднование памяти святителя Ионы установлено на Московском Соборе 1547 года, при Митрополите Московском Макарии (1542–1563).

Преподо́бнаго Иерони́ма блаже́ннаго, Стридо́нскаго

НА ВЕЧЕ́РНИ

Блаже́н муж: 1-й антифо́н. На Го́споди, воззва́х: стихи́ры, глас 1.

Подо́бен: Небе́сных чино́в:

Небе́снаго блаже́нства/ небому́дренный сподо́бився,/ о нас мо́лится со дерзнове́нием/ еди́ному всех Царю́/ Иерони́м преподо́бный,/ благоче́стно па́мять того́ соверша́ющих.

О честне́й твое́й па́мяти крася́щеся,/ мона́шествующих ли́цы,/ Иерони́ме о́тче,/ пе́ние прино́сим тебе́,/ прося́ще твоего́ предста́тельства,/ его́же не лиша́й нас,/ любо́вию почита́ющих тя.

Богому́драго уче́ния бога́тство/ и зре́ния высо́каго сокро́вище/ тя ве́дуще, вопие́м ти:/ ра́дуйся, гра́да Бо́жия обита́телю/ и соприча́стниче в по́двизех просия́вших/ прему́дрых пропове́дник же и преподо́бных.

И́ны стихи́ры, глас 4.

Подо́бен: Дал еси́ зна́мение:

Прине́сл еси́ Зижди́телю твоему́/ ума́ пра́вость, преподо́бне,/ чистоту́, воздержа́ние,/ моли́тву неразсе́янную, излия́ние слез,/ и́хже ра́ди сподо́бился еси́ ви́дети сла́ву Бо́жию,/ ю́же зрят Того́ изря́днейшии,/ и пе́ти Трисвяту́ю песнь,/ Богому́дре Иерони́ме,/ на Небеси́ воспева́емую А́нгелы.

Крест на ра́мена восприи́м/ и ско́рби до́бле претерпе́в,/ Бо́гови благоугоди́л еси́,/ де́вствующих же мно́жество Тому́ приве́л еси́,/ я́ко удобре́ние преподо́бных,/ я́ко прия́телище Боже́ственнаго Ду́ха./ Те́мже ле́тную твою́ па́мять соверша́ем, ве́рнии,/ прося́ще твоего́ заступле́ния.

Град, в не́мже роди́ся е́же по пло́ти Госпо́дь,/ Вифлее́м сла́вный,/ той прия́т труды́ твоя́ и по́ты по́стническия,/ и в нем, о́тче Богому́дре, успе́ние твое́ бысть,/ и предста́л еси́ в весе́лии, весь све́тел, Иерони́ме,/ Подвигополо́жнику и Спа́су ми́ра/ о всех Тому́ моля́ся.

Сла́ва, глас 2:

Возжела́в и́стинно му́дрости Бо́жия,/ усе́рдный послу́шатель был еси́ Богому́дрых слове́с Григо́рия вели́каго,/ ри́тора и Богосло́ва,/ отону́дуже навы́к Боже́ственным,/ до́бре подвиза́лся еси́, преподо́бне о́тче,/ и всем че́стен яви́лся еси́ и Христу́ прия́тен,/ я́ко и́скренний Того́ служи́тель./ Ему́же не преста́й моли́тися/ о ве́рою и любо́вию соверша́ющих честну́ю па́мять твою́.

И ны́не, Богоро́дичен.

Вход. Проки́мен дне. Чте́ния три преподо́бническая

На стихо́вне стихи́ры, глас 5.

Подо́бен: Ра́дуйся:

Ра́дуйся, чи́стый у́ме,/ осия́ния Бо́жия прие́млющий/ и сия́ ве́рным подава́яй,/ чту́щим, Иерони́ме му́дре, святу́ю твою́ па́мять,/ всему́дрыми бо твои́ми, преподо́бне, писа́нии,/ смы́сленныя вся на хвалу́ Бо́га поощря́еши,/ я́ко иску́сен учи́тель христоимени́тым лю́дем/ и незы́блемое тех утвержде́ние.

Стих: Честна́ пред Го́сподем/ смерть преподо́бных Его́.

Ра́дуйся, стра́хом утверди́выйся Бо́жиим,/ я́ко тем позна́л еси́ прему́дрость Боже́ственную,/ любо́вию же и милосе́рдием свой был еси́ Созда́телю твоему́, Иерони́ме,/ я́ко богоразу́мен, доброде́телен же и ре́вностен./ Те́мже, преблаже́нне,/ вся́кия ну́жды и ско́рби свобожда́й воспева́ющия тя/ моли́твами твои́ми ко Го́споду.

Стих: Блаже́н муж, боя́йся Го́спода,/ в за́поведех Его́ восхо́щет зело́.

Ра́дуйся, Далмати́и до́брое прозябе́ние/ и воспита́ние свя́то Земли́ Святы́я,/ мно́жайшая ле́та пожи́вый в по́стничестве,/ Бо́га просла́вив во у́дех свои́х и в по́двизех,/ и́хже подъя́л еси́, себе́ удруча́я./ Сего́ ра́ди пра́ведно водворя́ешися ны́не на Небеси́,/ сла́вы исполня́емь, я́ко Боже́ственный таи́нник,/ я́ко Христо́ва Ца́рствия насле́дник.

Сла́ва, глас 6:

Вне́шния прему́дрости рачи́тель быв,/ бо́льшия сия́ сподо́бился еси́ и лу́чшия,/ Иерони́ме благосла́вне./ Тем, обою́ду изря́дну ти су́щу,/ все́ми позна́но бысть богоприя́тное житие́ твое́,/ на супоста́та бо твоя́ побе́ды/ возвеща́ют тя сы́на све́та и уго́дника Христа́ Светода́вца,/ подаю́щаго моли́твами твои́ми душа́м на́шим просвеще́ние,/ мир и ве́лию ми́лость.

И ны́не, Богоро́дичен: Богоро́дице, Ты еси́ лоза́ и́стинная:

Тропа́рь, глас 3:

Вели́ка име́ет тя предста́теля, Богому́дре,/ правосла́вных собра́ние,/ я́коже у́бо преподо́бных еси́ собесе́дник/ и Боже́ственныя прему́дрости соприча́стник,/ та́ко, пречу́дне Иерони́ме,/ Христу́ Бо́гу моли́ся/ дарова́ти нам ве́лию ми́лость.

НА У́ТРЕНИ

По 1-м стихосло́вии седа́лен, глас 1.

Подо́бен: Гроб Твой, Спа́се:

До́бре поучи́вся от Богому́драго Григо́рия,/ преподо́бно устреми́ся от за́пада к восто́ку всеизя́щный Иерони́м,/ подвиза́вся же богоуго́дно, мо́лится ны́не о нас ко Спа́су,/ сла́вную того́ соверша́ющих па́мять,/ его́же ве́рою почита́ем.

Сла́ва, и ны́не, Богоро́дичен:

Ма́терь Тя Бо́жию све́мы вси,/ Де́ву вои́стинну и по рождестве́ я́вльшуюся,/ любо́вию прибега́юще к Твое́й бла́гости:/ Тебе́ бо и́мамы, гре́шнии, Предста́тельницу/ и Тебе́ стяжа́хом в напа́стех спасе́ние, еди́ну Всенепоро́чную.

По 2-м стихосло́вии седа́лен, глас 4.

Подо́бен: Яви́лся еси́:

Яви́ся днесь, преподо́бне о́тче, ве́рным па́мять твоя́ свяще́нная и светоза́рная/ и ду́ши просвеща́ет тебе́ почита́ющих,/ му́дре Иерони́ме.

Сла́ва, и ны́не, Богоро́дичен:

Наше́ствием Ду́ха Всесвята́го/ Отцу́ Сопресто́льнаго и Единосу́щнаго/ гла́сом Арха́нгеловым зачала́ еси́, Благослове́нная, челове́ков воззва́ние.

По полиеле́и седа́лен, глас 4.

Подо́бен: Удиви́ся Ио́сиф:

Испо́лнен удивле́ния был еси́,/ егда́ град Бо́жий сподо́бился еси́ ви́дети, изше́д из те́ла,/ и, Августи́ну, дру́гу твоему́, я́влься, пове́дал еси́ сия́./ Он же, улучи́в жела́ние, ра́дуйся, глаго́лаше тебе́, Богому́дрому,/ предстоя́щему Престо́лу всех Влады́ки/ и моля́щемуся о притека́ющих к тебе́ с ве́рою.

Сла́ва, и ны́не, Богоро́дичен:

Удиви́ся Ио́сиф, е́же па́че естества́ зря и внима́ше мы́слию,/ и́же на руно́ дождь, в безсе́менном зача́тии Твое́м, Богоро́дице,/ купину́, огне́м неопали́мую, жезл Ааро́нов прозя́бший,/ и, свиде́тельствуя, обру́чник Твой и храни́тель свяще́нником взыва́ше:/ Де́ва ражда́ет и по рождестве́ па́ки Де́вою пребыва́ет.

Степе́нна, 1-й антифо́н 4-го гла́са. Проки́мен, глас 4: Честна́ пред Го́сподем/ смерть преподо́бных Его́. Стих: Что возда́м Го́сподеви о всех, я́же воздаде́ ми? Вся́кое дыха́ние: Ева́нгелие преподо́бническое.

По 50-м псалме́ стихи́ра, глас 6:

Преподо́бне о́тче,/ Богоно́се Иерони́ме,/ таи́нниче Христо́в,/ ве́дателю неизрече́нных/ и правосла́вных наста́вниче иску́снейший,/ не преста́й моли́тися о нас,/ любо́вию соверша́ющих па́мять твою́.

Кано́н, глас 8, его́же краегране́сие, без Богоро́дичных: Тебе́, Иерони́ме, песнь пою́.

Песнь 1

Ирмо́с: Колесницегони́теля фарао́ня погрузи́/ чудотворя́й иногда́/ Моисе́йский жезл, крестообра́зно порази́в/ и раздели́в мо́ре,/ Изра́иля же беглеца́, пешехо́дца спасе́,/ песнь Бо́гови воспева́юща.

Тебе́, Богопропове́днику, приношу́ похвалу́/ и молю́ся сло́ву да́тися ми твои́ми к Бо́гу моли́твами,/ я́ко да возглашу́ вели́чия, Богому́дре, честна́го жи́тельства твоего́.

От Далма́тския земли́ бога́тый благода́тию израсте́/ и украси́ся доброде́тельми сла́вный Иерони́м,/ му́дростию же и разуме́нием веща́ний Ду́ха, я́ко преи́скренен Бо́гу бысть.

Глаго́лы Боже́ственнаго Григо́рия носи́л еси́ в храни́лищи свое́м,/ я́ко того́ таи́нник, богатносве́тле,/ и я́ко после́дователь Христа́ и апо́столов Его́,/ я́ко прича́стник Богосло́вия, блаже́нне.

Богоро́дичен: Неудержи́мыми на ны смерть устремле́нии напада́ше,/ но, Твоему́ рождеству́ прибли́жившися, поги́бе/ и, прирази́вшися, упраздни́ся, Богоро́дице Де́во:/ жизнь бо, вои́стинну присносу́щную, воплоще́нну родила́ еси́.

Катава́сия (а́ще пост): Отве́рзу уста́ моя́:

Песнь 3

Ирмо́с: Утвержде́й в нача́ле Небеса́ ра́зумом/ и зе́млю на вода́х основа́вый,/ на ка́мени мя, Христе́, за́поведей Твои́х утверди́:/ я́ко несть Свят, па́че Тебе́, Еди́не Человеколю́бче.

Украша́яся добро́тою нра́ва, многолюбе́зен был еси́ всем,/ и уго́дник Бо́жий преподо́бен,/ и во отце́х сла́вен, преблаже́нне.

Умо́м чи́стым обогати́вся,/ е́ллинскую му́дрость, иуде́йскую и лати́нскую уве́дел еси́, халде́ев же и пе́рсов,/ но преда́л еси́ себе́ Самопрему́дрости Христу́, сла́вне.

За любо́вь Христо́ву посту́ прилежа́л еси́ и вся́ческим воздержа́ния трудо́м,/ и́хже ра́ди был еси́ Богому́др,/ Бо́гови благоуха́ние и челове́ком утеше́ние.

Богоро́дичен: Поро́ка в Тебе́ и скве́рны несть отню́д, Де́во,/ пребыва́лище же па́че яви́лася еси́ Небе́сных доброде́телей:/ в Тебе́ бо всели́ся вся́кая святы́ня, Влады́чице.

Седа́лен, глас 5.

Подо́бен: Собезнача́льное Сло́во:

Иерони́ма пе́сньми, ве́рнии, почти́м,/ поче́тшаго де́лы Христа́ Го́спода/ и научи́вша нас спаси́тельным стезя́м и е́же в Бо́га и́стиннаго ве́ровати благоче́стно:/ те́плый бо сый наш предста́тель мо́лится о ми́ре и спасе́нии душ на́ших.

Сла́ва, и ны́не, Богоро́дичен:

Ра́дуйся, свята́я горо́ и Богопрохо́дная,/ ра́дуйся, одушевле́нная купино́ и неопали́мая,/ ра́дуйся, еди́на к Бо́гу ми́рови мо́сте, преводя́й ме́ртвыя к ве́чному животу́./ Ра́дуйся, нетле́нная Отрокови́це, неискусому́жно ро́ждшая Спа́са душ на́ших.

Песнь 4

Ирмо́с: Ты моя́ кре́пость, Го́споди,/ Ты моя́ и си́ла,/ Ты мой Бог, Ты мое́ ра́дование,/ не оста́вль не́дра О́тча/ и на́шу нищету́ посети́в./ Тем с проро́ком Авваку́мом зову́ Ти:/ си́ле Твое́й сла́ва, Человеколю́бче.

В Вифлее́м прише́л еси́, Богоно́сне,/ и та́мо подвиза́лся еси́ до конца́ ева́нгельски,/ вселе́н быв с преподо́бными, я́ко преподо́бный, на Небеси́,/ иде́же и мо́лишися о ве́рою пою́щих тя.

Я́ко избра́нник, я́ко святы́х оте́ц собесе́дник, в Святе́й Земли́ пожи́л еси́,/ в не́йже Христо́с я́ко челове́к поживе́ и я́ко Бог спасе́ нас/ Тем, достоблаже́нне, почита́ем па́мять твою́.

Бо́жия уго́дника пе́сньми ублажа́ю, Иерони́ма терпеливому́драго,/ у́зкий путь возлю́бльша и изгна́ние прие́мша,/ его́же, Го́споди, моли́твами грехо́в разреше́ние, я́ко Бог ми́лостив, пода́ждь нам.

Богоро́дичен: Неве́сту Бо́жию Тя и Ма́терь ве́мы, Богоро́дице,/ Тебе́ бо, я́ко мирово́нный шипо́к, обре́т Сло́во Бо́жие,/ цвету́щ во удо́лии смире́ннаго челове́чества,/ возжеле́ Твоея́ добро́ты, и, от Тебе́ Плотоно́сец произше́д,/ ве́рныя облагоуха́.

Песнь 5

Ирмо́с: Вску́ю мя отри́нул еси́/ от лица́ Твоего́, Све́те Незаходи́мый,/ и покры́ла мя есть чужда́я тьма, окая́ннаго?/ Но обрати́ мя и к све́ту за́поведей Твои́х/ пути́ моя́ напра́ви, молю́ся.

Новосоставле́нна есть твоя́ всечестна́я па́мять, преподо́бне,/ а́ще и дре́вня сия́ ле́ты./ Те́мже, прехва́льне, я́коже от дре́вних был еси́,/ и от но́вых бу́ди достохва́лен.

Превосхо́диши мно́жайших, всеизря́дне, Богому́дрием,/ и исполня́еши весе́лия и сла́дости ве́рныя,/ и к высоте́ Боже́ственней возво́диши, я́ко благода́ти Бо́жией обита́лище.

Блаже́нства удосто́ился еси́, достоблаже́нне,/ сострада́телен и ми́лостив быв,/ стра́нныя и безпокро́вныя упокоева́я,/ нищи́м помога́я и наги́я одева́я.

Богоро́дичен: Укра́силася еси́, Де́во, я́ко красне́йшее Сло́во ро́ждшая,/ Его́же при́сно моли́ уще́дрити притека́ющия к Тебе́/ и соблюсти́ 44 от вся́каго де́монскаго вре́да на Тя упова́ющия.

Песнь 6

Ирмо́с: Очи́сти мя, Спа́се,/ мно́га бо беззако́ния моя́,/ и из глубины́ зол возведи́, молю́ся,/ к Тебе́ бо возопи́х, и услы́ши мя,/ Бо́же спасе́ния моего́.

На земли́ просла́ви тя Госпо́дь, свя́те,/ богому́дрыми бо писа́нии твои́ми све́тиши конце́м,/ я́ко со́лнце, Иерони́ме светоза́рне.

Умертви́в плотски́я стра́сти воздержа́нием,/ написа́л еси́, благоу́мне, кни́ги же и сви́тки,/ учи́тельныя и изъясня́юща сло́во Бо́жие.

Све́тлый в по́стниках и вели́кий в му́дрости быв,/ ти́тло наста́вника ве́рных прия́л еси́,/ ны́не благохвали́мый на́ми, Богоглаго́ливе.

Богоро́дичен: Зачала́ еси́ вои́стинну Бо́га Сло́ва во утро́бе Твое́й,/ и Сего́ па́че естества́, Пречи́стая, родила́ еси́,/ Его́же ми́лостива сотвори́ нам в День Су́дный.

Конда́к, глас 8.

Подо́бен: Взбра́нной Воево́де:

В преподо́бных преподо́бнейшаго и в блаже́нных блаже́ннейшаго учи́теля,/ пе́сньми восхва́лим Иерони́ма достохва́льнаго,/ ве́рных наста́вника и засту́пника, любо́вию тому́ зову́ще:/ ра́дуйся, о́тче Богому́дре.

И́кос:

Я́коже други́й А́нгел, Иерони́ме о́тче, ви́ден был еси́, на земли́ живя́,/ и неве́рнии у́бо и злосла́внии лю́те вопия́ху на тя,/ правосла́внии же, ра́дующеся, взыва́ху тебе́ такова́я:/ ра́дуйся, отра́сле Далмати́и Боже́ственная;/ ра́дуйся, благи́й плод ея́ и сын./ Ра́дуйся, Земли́ Святы́я воспита́ние свято́е;/ ра́дуйся, благоче́ствующих похвало́./ Ра́дуйся, я́ко списа́ния твоя́ све́тят, я́ко свет;/ ра́дуйся, я́ко по́стничество твое́ похваля́ется, я́коже ле́по./ Ра́дуйся, кра́йний дру́же му́драго Августи́на;/ ра́дуйся, проше́ния испо́лнивый сего́./ Ра́дуйся, ве́рных учи́телю;/ ра́дуйся, враго́в неве́рных сопротивобо́рче./ Ра́дуйся, узре́вый Небе́сный град;/ ра́дуйся, воспева́яй в нем Бо́гу Боже́ственную песнь./ Ра́дуйся, о́тче Богому́дре.

Песнь 7

Ирмо́с: Бо́жия снизхожде́ния/ огнь устыде́ся в Вавило́не иногда́,/ сего́ ра́ди о́троцы в пещи́, ра́дованною ного́ю,/ я́ко во цве́тнице, лику́юще, поя́ху:/ благослове́н еси́, Бо́же оте́ц на́ших.

Ума́ чистото́ю прия́л еси́ благода́ть бога́тную от Бо́га,/ твори́ти же и глаго́лати вся к по́льзе души́, Богопропове́дниче,/ благословля́я Бо́га оте́ц на́ших.

Пчеле́ трудолю́бней поревнова́в,/ пи́сьменныя собра́л еси́ цве́ты,/ я́коже в со́те, се́рдцем и умо́м сие́ состроя́я/ и тем услажда́я ве́рных.

Испо́лненный благода́ти Госпо́дней, я́ко вои́стинну избра́нник,/ бу́ди хода́тай о нас, вопию́щих и пою́щих:/ благослове́н еси́, Бо́же оте́ц на́ших.

Богоро́дичен: Неве́стник пречи́ст, е́же па́че сло́ва Сло́ва воплоще́ния,/ и черто́г, и престо́л, правому́дрствующе, Тя Богороди́тельнице, имену́ем,/ сла́вяще рождество́ Твое́.

Песнь 8

Ирмо́с: Седмери́цею пещь/ халде́йский мучи́тель/ Богочести́вым неи́стовно разжже́,/ си́лою же лу́чшею спасе́ны, сия́ ви́дев,/ Творцу́ и Изба́вителю вопия́ше:/ о́троцы, благослови́те,/ свяще́нницы, воспо́йте,/ лю́дие, превозноси́те во вся ве́ки.

Свяще́нно плещи́ днесь, гра́де Дави́дов, пе́сньми Спа́су твоему́,/ и́бо со ины́ми твои́ми Иерони́ма Богому́драго и́маши в гра́жданех свои́х, вопия́:/ лю́дие, превозноси́те Го́спода во вся ве́ки.

В се́рдце положи́в восхожде́ние, Богому́дре,/ и Тво́рцу вы́ну соединя́яся,/ возше́л еси́ от дея́ния в зре́ние духо́вне/ и, кра́ю жела́ний предстоя́, пое́ши:/ лю́дие, превозноси́те Го́спода во вся ве́ки.

Стра́нна, тобою́ соверше́нная, преподо́бне,/ от за́пада бо устремля́ешися к восто́ку, подвиза́яся те́плейше в Вифлее́ме,/ иде́же двум оби́телем вождь быва́еши/ и по кончи́не сказу́еши Небе́сная.

Богоро́дичен: Свет пе́рвый ро́ждшая, А́нгелы, вторы́я све́ты, составле́й/ и свет первонача́льный и свети́ла два произведы́й,/ ко всем же ду́шу, я́ко свет, вдохну́вый,/ просвети́ ума́ моего́ мрак, Богоро́дице.

Песнь 9

Ирмо́с: Ужасе́ся о сем Не́бо/ и земли́ удиви́шася концы́,/ я́ко Бог яви́ся челове́ком пло́тски/ и чре́во Твое́ бысть пространне́йшее Небе́с./ Тем Тя, Богоро́дицу,/ А́нгелов и челове́к чинонача́лия велича́ют.

Весели́тся А́нгелов Боже́ственный лик, прие́м тя, всеизя́щне:/ а́нгельски бо ты пожи́л еси́ на земли́, блаже́нне,/ свяще́нных учи́телей добро́то и по́стников похвало́.

Прославля́ется па́мять твоя́ благоче́стно на земли́,/ и ны́не обита́еши со Августи́ном на Небеси́,/ о нас моля́ся и о соиме́нных тебе́,/ почита́ющих тя, Богоно́се, и о́браз твой лобыза́ющих.

Я́ко у́тро, возсия́л еси́ и, я́ко со́лнце, заше́л еси́ к Небе́сным,/ иде́же возжеле́л еси́ бы́ти, оста́вив писа́ния твоя́, чу́дне, я́ко сокро́вище,/ от ни́хже источа́ются благода́ть и весе́лие Небе́сное.

Богоро́дичен: Сохрани́в Тя Де́ву,/ от Твои́х возсия́вшее ложе́сн Невече́рнее Со́лнце/ ве́рнаго служи́теля Своего́/ прича́стника Своего́ све́та и ра́дости неизрече́нныя сотвори́,/ с ни́мже моли́ся уще́дрити Тя велича́ющия.

Свети́лен:

Плоть покори́в ду́ху,/ подвиза́лся еси́ во пло́ти, а́ки безпло́тен,/ те́мже и вы́шший быв,/ сподо́бился еси́, Иерони́ме, хвали́ти всех Влады́ку со А́нгелы.

Сла́ва: Труда́ми твои́ми и по́ты Вифлее́м умасти́вся, вопие́т ти, Богоно́сному:/ о Иерони́ме Богому́дре,/ ты моя́ похвала́ и мона́шествующих удобре́ние.

И ны́не, Богоро́дичен:

Сла́дость А́нгелов, скорбя́щих ра́дость,/ христиа́н Предста́тельница, Де́во Ма́ти Госпо́дня,/ заступи́ нас и изба́ви ве́чных мук моли́твами Твои́ми.

На хвали́тех стихи́ры, глас 8.

Подо́бен: О, пресла́внаго чудесе́:

О́тче му́дре Иерони́ме!/ Очи́стив ум, пло́ти вне был еси́/ и прему́дрость к себе́ привле́кл еси́,/ е́юже позна́л еси́ прему́дрости Ве́дца и Пода́теля,/ Христа́ Бо́га на́шего./ О, Богому́дрых твои́х подвиго́в,/ и́миже возвели́чил еси́, я́же Бо́жия,/ и посрами́л еси́, я́же вра́жия.

О́тче му́дре Иерони́ме!/ Пятиязы́чныя му́дрости разуме́нием/ и Боже́ственным поще́нием твои́м/ вели́к яви́лся еси́ побо́рник/ святы́я Правосла́вныя ве́ры,/ сего́ ра́ди и ра́дуется воспита́вый тя град святы́й,/ в не́мже просла́вил еси́ словесы́ и де́лы твои́ми/ укре́пльшаго тя Спа́са и Го́спода.

О́тче му́дре Иерони́ме!/ Наста́вниче ве́рных,/ Августи́на и́скренний дру́же/ и Григо́рия послу́шателю усе́рднейший,/ писа́ния твоя́ изблиста́ют/ лучи́ Богому́драго учи́тельства,/ ему́же поуча́ющеся,/ благоче́стно восхваля́ем тя.

О́тче му́дре Иерони́ме!/ Ле́та мно́га на земли́ подвиза́вся,/ восте́кл еси́ к Небе́сному гра́ду Бо́жию,/ о не́мже возвести́л еси́/ во сне дру́гу твоему́,/ но моли́ся сподо́битися/ и нам бы́ти та́мо,/ чту́щим честну́ю па́мять твою́.

Сла́ва, глас то́йже:

Прииди́те, благоче́стия пропове́дника,/ Богому́драго вси Иерони́ма пе́сньми восхва́лим,/ сей бо вне́шней прему́дрости предобучи́вся,/ и богоуго́дными по́двиги предочище́н,/ орга́н бысть Свята́го Ду́ха/ и Пребоже́ственныя Тро́ицы жили́ще,/ того́ у́бо моли́твенника предлага́ем/ Тебе́, Триипоста́сному Бо́гу,/ дарова́ти нам ве́лию ми́лость.

И ны́не, Богоро́дичен: Безневе́стная Де́во:

НА ЛИТУРГИ́И

Слу́жба вся преподо́бническая.

Преподобный Иероним Стридонский

Преподобный Иероним Стридонский принадлежит к числу святых отцов и учителей Древней Церкви, наряду с такими западными святыми отцами, как святители Амвросий, епископ Медиоланский, блаженный Августин, епископ Иппонийский, и Григорий Великий. По обильному стяжанию блаженств, указанных во святом Евангелии, за преподобным Иеронимом утвердилось также именование «блаженного».

Родился блаженный Иероним в Стридоне, городке, находившемся на границе Далмации и Паннонии, в 331 году, в благочестивом христианском семействе. Начальное образование он получил дома, а затем был отправлен родителями в Рим, где изучал риторику, диалектику, философию, грамматику и классическую литературу. Светские науки не удовлетворили пытливого ума юноши и он через некоторое время занялся изучением Священного Писания и творений святых отцов и учителей Церкви.

Когда юноше было около 20 лет, он принял Святое Крещение, и с того времени стал ревностно исполнять заповеди Божии, часто ходил в храм Божий, посещал знаменитые римские катакомбы, а также пещеры подвижников. «Вместе со своими товарищами сверстниками, – вспоминал он, – я имел обычай по воскресным дням посещать гробницы апостолов и мучеников, спускаться часто в пещеры, вырытые в глубине земли». Для пополнения своих знаний блаженный Иероним предпринял путешествие в Галлию, которая славилась в то время своими учебными заведениями.

Когда он вернулся в родной город Стридон, то родителей уже в живых не застал. У святого Иеронима пробудилось желание принять монашество и всецело посвятить себя Богу. Быть монахом в городе, где его хорошо знали, среди родных и знакомых он не хотел. В 371 году блаженный Иероним приехал в Рим, но оставался там недолго: шумная жизнь столицы тяготила его, ему хотелось тишины и уединения. Блаженный Иероним решил отправиться на Восток, где думал найти уединение и встретить истинных подвижников.

В 372 году блаженный Иероним удалился в суровую сирийскую пустыню Халкис. Здесь он вел строгую подвижническую жизнь. Главным занятием его стало изучение Священного Писания. Для этого блаженный Иероним изучил еврейский язык. Из места своих уединенных подвигов он нередко писал письма своим друзьям на Запад, знакомил их с монашеской жизнью Востока, со своими занятиями. В сирийской пустыне его постигла тяжелая болезнь и это обстоятельство заставило блаженного Иеронима покинуть обитель и отправиться в Антиохию. Епископ Антиохийский Павлин (362–388) посвятил его в сан пресвитера.

Слава о необыкновенной учености и редких добродетелях святого Григория, епископа Константинопольского, с которым общая молва соединяла имя Богослова, привлекла внимание блаженного Иеронима. В 380 году он посетил Константинополь, где слушал уроки святого Григория Богослова, а также беседовал со святителем Григорием Нисским. В конце 381 года блаженный Иероним по приглашению Папы Римского Дамаса I (366–384) отправился в Рим, где был им благосклонно встречен.

В Риме он продолжал ученые труды, занимаясь сличением латинского текста Священного Писания с текстами греческих подлинников. Святой Папа Дамас I, также занимавшийся изучением Священного Писания, приблизил его к себе. Но после трехлетнего пребывания в Риме блаженный Иероним вынужден был покинуть этот город, так как его обличения нравов изнеженного римского общества вызвали козни недоброжелателей.

Блаженный Иероним со своими друзьями отправился в Палестину, совершил путешествие по святым местам Сирии и Египта. В 387 году он прибыл в Вифлеем, где поселился в тесной пещере и основал обитель, в которой протекли последние 33 года его жизни. Это был период расцвета его творческой деятельности. Блаженный Иероним совершил здесь перевод Священного Писания на латинский язык и написал толкования на Новый Завет, изучив для этого еврейский и халдейский языки. С глубокой скорбью переживал блаженный Иероним падение любимого им города Рима, завоеванного готами в 410 году. В 411 году его постигло новое испытание – набег диких бедуинов-арабов. Лишь по милости Божией основанный им монастырь был спасен от полного разорения.

Слава об обширной учености и высоком благочестии блаженного Иеронима огласила Римскую империю. К смиренному вифлеемскому отшельнику начали обращаться люди всякого звания с просьбами о духовной помощи. Блаженный старец, умудренный опытом жизни, не затруднялся ответом на просьбы нуждающихся. На 89 году жизни, окруженный общим уважением и почетом, блаженный Иероним мирно преставился ко Господу. Датой его смерти считается 419 или 420 год, 30 сентября. Мощи святого Иеронима были в 642 году перенесены из Вифлеема в Рим и положены в храме Богоматери в Маджиоре. Десница святого поныне хранится в Риме, в храме его имени.

Блаженный Иероним оставил весьма обширное богословское наследие. Его заслуги в области богословия, церковной истории и библиологии громадны. Эпистолярное наследие блаженного Иеронима составляет ценный и плодоносный источник для уяснения принципов христианской нравственности. Главным его творческим подвигом был сделанный заново перевод на латинский язык книг Ветхого и Нового Завета. Этот перевод под названием «Вульгата» вошел во всеобщее употребление в Западной Церкви. Многие отцы и учители Церкви оставили о сочинениях блаженного Иеронима, о его образе жизни и благочестии очень высокие отзывы.

Труды блаженного Иеронима в переводе на русский язык изданы Киевской Духовной Академией.

Служба преподобному Иерониму происходит из Русского Пантелеимонова монастыря на Афоне.

Литература:

1. Творения Блаженного Иеронима Стридонского. Чч. 1–17. Киев, 1893–1903.

2. Полянский Е. Я. Творения Блаженного Иеронима, как источник для библейской археологии. Казань, 1908.

3. Писарев Л. Блаженный Иероним. – Православная богословская энциклопедия. Т. 6. СПб., 1905, с. 327–343.

4. Филарет (Гумилевский), архиепископ. Историческое учение об отцах Церкви. Т. 2. Изд. 2-е. СПб., 1882.

Явле́ние моще́й преподо́бных оте́ц на́ших Григо́рия и Кассиа́на, и́же на Авне́зе

ВЕ́ЧЕР

Блаже́н муж: 1-й антифо́н. На Го́споди, воззва́х: стихи́ры на 6, глас 8.

Подо́бен: Что вас нарече́м:

Стра́сти победи́вше теле́сныя/ воздержа́ния кре́пким ору́жием, преподо́бнии,/ безстра́стием сердца́ своя́ просвети́вше,/ бесо́вская помрачи́сте козноде́йствия,/ чуде́сными заря́ми блиста́юще, пресла́внии,/ разли́чныя неду́ги врачу́ете/ и ду́хи лука́выя отгоня́ете,/ моли́те спасти́ся душа́м на́шим.

Ве́трилом Креста́ направля́еми,/ пучи́ну непостоя́нна – ле́гце преидо́сте, прему́дрии,/ в приста́нище ти́хое безмо́лвия всели́стеся,/ вся, я́же в ми́ре, оста́висте,/ да безце́нный би́сер – Христа́ Бо́га приобрето́сте,/ Его́же сия́нием просвети́стеся,/ моли́те спасти́ся душа́м на́шим.

Боле́зньми и труды́ теле́сными/ измени́вше неболе́зненно наслажде́ние,/ Григо́рие и Кассиа́не всеблаже́ннии,/ те́сный путь по́стничества преидо́сте,/ ра́йскаго простра́нствия достиго́сте, веселя́щеся,/ с ли́ки святы́х в мы́сленных черто́зех всели́стеся,/ моли́те спасти́ся душа́м на́шим.

Сла́ва, глас то́йже:

Пусты́ня, я́же пре́жде непло́дствующи,/ ны́не весели́тся,/ зря́щи в себе́ ста́да и́нок собира́ема/ в па́мять Григо́рия и Кассиа́на всеблаже́нных,/ с ни́ми же, о празднолю́бцы, соше́дшеся/ во обре́тение моще́й преподо́бных оте́ц,/ любе́зно обстоя́ще честны́я гро́бы, глаго́лем си́це:/ ра́дуйтеся, святи́и, исто́чницы чудесе́м неоску́днии;/ ра́дуйтеся, отцы́ Богому́дрии,/ я́ко свои́м терпе́нием многоко́зненнаго диа́вола уязви́ша;/ ра́дуйтеся, преблаже́ннии,/ я́ко венцы́ побе́дными увязо́шася от руки́ всех Царя́ Христа́ Бо́га,/ Ему́же предстоя́ще,/ моли́теся мир ми́рови дарова́ти, и Церква́м единомы́слие,/ и оте́честву на́шему побе́ды на сопроти́вныя,/ и душа́м на́шим ве́лию ми́лость.

И ны́не, Богоро́дичен: Царь Небе́сный:

Вход. Проки́мен дне и чте́ния 3 преподо́бническая

На стихо́вне стихи́ры, глас 5.

Подо́бен: Ра́дуйся:

Ра́дуйтеся, преподо́бнии отцы́ пусты́ннии,/ прекра́снии сосу́ди честни́и,/ Пресвята́го Ду́ха в себе́ нося́щии,/ крест свой на ра́мо взе́мше,/ после́довасте Христу́ невозвра́тным по́мыслом/ и плотска́я мудрова́ния ду́хови повину́сте,/ благи́ми же де́лы украси́вшеся,/ те́мже и Христо́с дарова́нием чуде́с обогати́ вас,/ разли́чныя неду́ги исцеля́ти,/ Григо́рие и Кассиа́не прехва́льнии,/ Боже́ственнаго человеколю́бия про́сим получи́ти ва́шими моли́твами/ и ми́рови дарова́ти ве́лию ми́лость.

Стих: Честна́ пред Го́сподем/ смерть преподо́бных Его́.

Ра́дуйтеся, отцы́ преблаже́ннии,/ сле́зными исто́чники ду́ши своя́ очи́стивше,/ всено́щными бде́нии к Бо́гу присво́истеся,/ от Него́же укрепля́еми,/ земна́я, я́ко тле́юща, оста́висте,/ собра́сте в души́ свое́й Боже́ственное сокро́вище Ду́ха,/ и Вы́шняго достоя́ния насле́дницы показа́стеся,/ и ны́не в Небе́сных селе́ниих водвори́стеся,/ со А́нгелы ликовству́юще./ Сего́ ра́ди Боже́ственнаго человеколю́бия/ про́сим получи́ти моли́твами ва́шими, преподо́бнии,/ и ми́рови дарова́ти ве́лию ми́лость.

Стих: Блаже́н муж, боя́йся Го́спода,/ в за́поведех Его́ восхо́щет зело́.

Ра́дуйтеся, преподо́бнии отцы́ преблаже́ннии,/ прекра́сное ло́зие виногра́да Христо́ва бы́сте,/ источа́юще вино́ нам исцеле́ний незави́стных,/ с ве́рою притека́ющим к свято́му ва́шему хра́му,/ па́че же к чудотво́рней ра́це честны́х моще́й ва́ших./ Слепи́и, приходя́ще, прозира́ют,/ разсла́бленнии укрепля́ются, ска́чуще отхо́дят,/ ду́си лука́вии отгоня́ются призыва́нием вас, святи́и,/ тем и мы Боже́ственнаго человеколю́бия/ про́сим получи́ти ва́шими моли́твами./ Моли́теся о нас Еди́ному Хри́сту Бо́гу на́шему/ дарова́ти ми́рови ве́лию ми́лость.

Сла́ва, глас 6:

По́стничестии ли́цы соше́дшеся днесь,/ многоцеле́бныя мо́щи Григо́рия и Кассиа́на любе́зно целу́юще,/ сии́ бо, хвала́м досто́йнии,/ подви́гшеся, на земли́ неви́димаго врага́ ополче́ния му́жески победи́ша,/ те́мже сла́вно от Бо́га венча́шася,/ по сме́рти прии́мше от Христа́ дарова́ния цельба́м,/ про́сят мир ми́рови/ и душа́м на́шим ве́лию ми́лость.

И ны́не, Богоро́дичен.

Тропа́рь, глас 4:

Бо́же оте́ц на́ших,/ творя́й при́сно с на́ми по Твое́й кро́тости,/ не отста́ви ми́лость Твою́ от нас,/ но моли́твами их/ в ми́ре упра́ви живо́т наш.

Ин тропа́рь, глас 8:

Правосла́вия наста́вницы,/ благоче́стия и чистоты́ учи́телие,/ Це́ркви Волого́дстей богодарова́нное украше́ние,/ преподо́бнии отцы́ на́ши Григо́рие и Кассиа́не,/ моли́те Ми́лостиваго Бо́га,/ да ва́шим предста́тельством пода́ст благода́ть и мир стране́ на́шей/ и душа́м на́шим спасе́ние.

НА У́ТРЕНИ

На Бог Госпо́дь: тропа́рь святы́х, два́жды. Сла́ва, и ны́не, Богоро́дичен.

По 1-м стихосло́вии седа́лен, глас 4.

Подо́бен: Красоте́ де́вства:

Земна́я и мимотеку́щая возненави́десте, Богому́дрии,/ распя́стеся ми́рови и с ми́ром к преми́рному, ра́дующеся, взыдо́сте,/ отню́дуже и Подвигополо́жник Христо́с Бог вели́кими да́ры обогати́ вас,/ те́мже ва́шу па́мять почита́ем, преподо́бнии.

Сла́ва, и ны́не, Богоро́дичен:

Де́во Всенепоро́чная,/ И́же Пресу́щнаго Бо́га ро́ждшая,/ со преподо́бными Того́ непреста́нно моли́/ оставле́ние прегреше́ний и исправле́ние жития́ да́ти нам пре́жде конца́,/ ве́рою и любо́вию пою́щим Тя по до́лгу, Еди́на Всепе́тая.

По 2-м стихосло́вии седа́лен, глас 1.

Подо́бен: Лик А́нгельский:

И́стинные сверши́телие за́поведем Христо́вым яви́стеся/ и Тому́ сою́зом любве́ привяза́стеся,/ нищету́ возлюби́сте и пусты́нное озлобле́ние па́че мирска́го пристра́стия,/ Небе́сной сла́ве с А́нгелы сподо́бистеся,/ тем моли́те Христа́ Бо́га о чту́щих па́мять ва́шу, преподо́бнии.

Сла́ва, и ны́не, Богоро́дичен:

Всех Творца́ и Бо́га и Соде́теля, Всенепоро́чная Чи́стая, Ду́хом Боже́ственным в ложесна́х зача́т/ и без истле́ния родила́ еси́./ Его́же сла́вяще, Тя воспева́ем, Де́во,/ я́ко пала́ту Царя́ всех и христиа́ном всем заступле́ние.

По полиеле́и седа́лен, глас 5.

Подо́бен: Собезнача́льное Сло́во:

Одожде́нием слез ва́ших, преподо́бнии,/ сло́во Бо́жие, все́янное в земли́ серде́ц ва́ших,/ до́бре возрасти́сте и умно́жисте, я́ко прему́дрии,/ те́мже мо́лим вы:/ непло́дствующия ду́ши на́ша доброде́тельми/ моли́твами свои́ми добропло́дны покажи́те/ да благода́рственно почита́ем всечестну́ю па́мять ва́шу.

Сла́ва, и ны́не, Богоро́дичен:

Пречи́стая Де́во, нас поми́луй,/ ве́рою прибега́ющих к Тебе́, Милосе́рдой,/ и прося́щих Твое́ те́плое, Влады́чице, заступле́ние./ Мо́жеши бо, я́ко Блага́я всех спасти́,/ я́ко су́щи Ма́ти Бо́га Вы́шняго,/ ма́терними Свои́ми мольба́ми при́сно объе́мши, Обра́дованная.

Степе́нна 1-й антифо́н 4-го гла́са. Проки́мен, глас 4: Честна́ пред Го́сподем/ смерть преподо́бных Его́. Стих: Что возда́м Го́сподеви о всех, я́же воздаде́ ми? Ева́нгелие от Матфе́я, зача́ло 43.

По 50-м псалме́ стихи́ра, глас 6, зри сла́вник на стихо́вне.

Кано́н Богоро́дицы и святы́м со ирмосо́м на 6, глас 4.

Песнь 1

Ирмо́с: Пое́м песнь побе́дную Еди́ному Бо́гу,/ сотво́ршему пресла́вная:/ дре́вле бо фарао́на/ со всево́инством в мо́ри погрузи́.

Посли́ свы́ше благода́ть Ду́ха Твоего́, Христе́ Спа́се,/ и отве́рзи ми устне́,/ я́ко да возмогу́ по достоя́нию воспе́ти просла́вльшия Тя преподо́бныя.

Просвети́выйся благода́тию Свое́ю, Го́споди,/ просвети́ ми се́рдце и ум,/ да воспою́ Ти, Христе́, хвалу́ в па́мять Григо́рия и Кассиа́на, преподо́бных Твои́х.

Трисия́нным све́том Божества́ просвети́вшеся, преподо́бнии,/ мра́чную тьму грехо́в отгна́сте,/ покая́ния све́тлую зарю́ пода́ти пою́щему вас моли́теся.

Богоро́дичен: Звезда́, я́же от Иа́кова, возсия́ из Тебе́, Чи́стая, я́ко Бог,/ изчита́я мно́жество преподо́бных звезд,/ те́мже Того́ сия́ньми отыми́ мои́х грехо́в тьму.

Песнь 3

Ирмо́с: Не му́дростию, и си́лою, и бога́тством хва́лимся,/ но Тобо́ю, О́тчею Ипоста́сною Му́дростию, Христе́,/ несть бо свят, па́че Тебе́, Человеколю́бче.

И́же над все́ми су́щаго Еди́наго Бо́га возлюби́сте вседу́шно, преподо́бнии,/ сего́ ра́ди ви́димая вся, яќо не су́щая, преоби́десте/ и Того́ Еди́наго Христа́ приобрето́сте.

О земны́х всех, яќо преходя́щих, небрего́сте, отцы́ всему́дрии,/ и сего́ ра́ди Небе́сных благ сподо́бистеся,/ и́же от ве́ка угото́ва Бог лю́бящим Его́.

А́нгельским житие́м на земли́ пожи́вше, Григо́рие и Кассиа́не пресла́внии,/ нестяжа́ние возлюби́сте,/ те́мже Небе́сное бога́тство от Бо́га прия́ли есте́, прему́дрии.

Богоро́дичен: Его́же пло́тию родила́ еси́, всех Бо́га,/ я́ко Сы́на Своего́ моли́,/ разреше́ние зол мои́х да́ти ми от жите́йских обстоя́ний.

Седа́лен, глас 8.

Подо́бен: Прему́дрости:

Слез ва́ших тече́нием, преподо́бнии,/ погаси́ли есте́ пла́мень страсте́м,/ и источи́ли есте́ ре́ки чудесе́м исцеле́ния,/ и прия́сте от Бо́га Небе́сная наслажде́ния и со А́нгелы вселе́ние./ Тем, соше́дшеся по до́лгу,/ почита́ем всечестну́ю и моле́бную па́мять ва́шу, преблаже́ннии Богоно́снии отцы́ Григо́рие и Кассиа́не,/ моли́те Христа́ Бо́га согреше́нием оставле́ние дарова́ти/ чту́щим любо́вию святу́ю па́мять ва́шу.

Сла́ва, и ны́не, Богоро́дичен:

Я́ко Де́ву и еди́ну в жена́х, Тя, без се́мене ро́ждшую, Бо́га пло́тию/ вси ублажа́ем, ро́ди челове́честии,/ Огнь бо всели́ся в Тя Божества́/ и я́ко Младе́нца дои́ши Зижди́теля и Го́спода,/ тем а́нгельский и челове́ческий род досто́йно сла́вим пресвято́е рождество́ Твое́/ и согла́сно вопие́м Ти:/ моли́ Христа́ Бо́га согреше́ний оставле́ние дарова́ти/ покланя́ющимся ве́рою пресвято́му рождеству́ Твоему́.

Песнь 4

Ирмо́с: Неизсле́дный Бо́жий Сове́т,/ е́же от Де́вы воплоще́ния/ Тебе́, Вы́шняго,/ проро́к Авваку́м усмотря́я, зовя́ше:/ сла́ва си́ле Твое́й, Го́споди.

Сокро́вище нетле́нное цельба́м днесь нам от Бо́га дарова́ся/ явле́нием честны́х моще́й ва́ших,/ Григо́рие и Кассиа́не преподо́бнии.

Авраа́му поревнова́сте пра́отцу, преподо́бнии,/ вся своя́ оста́вльше и в пусты́ню всели́стеся,/ я́коже он в зе́млю обетова́ния.

Фарисе́йское киче́ние возненави́девше, преподо́бнии,/ и мытаре́ву смире́нию ревну́юще,/ те́мже и Госпо́дь сла́вою превознесе́ вас.

Богоро́дичен: Оскверне́ннаго мя ка́лом греха́/ моли́тв Твои́х окропи́ иссо́пом/ и омы́й скве́рну страсте́й мои́х, Влады́чице,/ и я́ви Ду́ху Свято́му жили́ще.

Песнь 5

Ирмо́с: Нечести́вии не у́зрят сла́вы Твоея́, Христе́,/ но мы Тя, Единоро́дне,/ Оте́ческия Сла́вы сия́ние Божества́,/ от но́щи у́тренююще,/ воспева́ем Тя, Человеколю́бче.

Ка́менем ве́ры утверди́вшеся, святи́и,/ вра́жеских ветр не убоя́стеся/ и припре́ния мы́сленных рек к душе́вней ва́шей хра́мине.

Сказа́ти кто возмо́жет бы́вшая ва́ша чудеса́, преподо́бнии,/ слепы́я бо просвеща́ете, исцеля́ете неду́жныя,/ к вам притека́ющия.

У́глия стра́стная ту́чею слез свои́х погаси́сте, преподо́бнии,/ пло́ти моея́ мы́сленная распале́ния, молю́ся, погаси́те/ моли́твами свои́ми, пресла́внии.

Богоро́дичен: Рай жи́зни, Богоро́дице, су́щий,/ сме́рти грехо́вныя и страсте́й многообра́зных/ изба́ви мя, раба́ Твоего́, вско́ре.

Песнь 6

Ирмо́с: Возопи́, прообразу́я погребе́ние тридне́вное,/ проро́к Ио́на, в ки́те моля́ся:/ от тли избави́ мя, Иису́се, Царю́ сил.

Ду́ха Свята́го помава́нием, преподо́бнии,/ ле́гце преидо́сте мо́ре жития́ сего́,/ волна́ми вра́жиими не влада́еми,/ соблюдо́сте теле́сныя ва́ши корабли́.

Еги́пта страсте́й избего́сте, прему́дрии,/ и мо́ре мы́сленное жития́ многомяте́жнаго преидо́сте,/ и в зе́млю ра́йскаго обетова́ния, ра́дующеся, всели́стеся.

Сла́вящая Мя просла́влю Са́м,– рече́ Госпо́дь,/ те́мже и просла́ви вас,/ е́же твори́ти на земли́ зна́мения и чудеса́ пресла́вная.

Богоро́дичен: Це́рковь Тя Бо́жию и пала́ту душе́вную преподо́бных лик разуме́в,/ мо́лит Тя, Еди́ну, отъи́мшую на́ше поноше́ние.

Конда́к, глас 4.

Подо́бен: Яви́лся еси́:

И́же плотска́я мудрова́ния Ду́хови повину́вше/ и вся, я́же на земли́, презре́вше,/ Христу́, Еди́ному Бо́гу, прилепи́вшеся, святи́и,/ и Того́ ра́ди в пусты́ню всели́шася,/ источа́ете ны́не исцеле́ния/ с ве́рою притека́ющим к моще́м ва́шим,/ поле́зная нам проси́те от Бо́га/ моли́твами ва́шими богоприя́тными,/ Григо́рие и Кассиа́не преподо́бнии.

И́кос:

Свяще́нная и Богому́драя дво́ице оте́ц пречу́дная,/ на земли́ до́бре подви́гшеся,/ целому́дренно и пра́ведно пожи́вшая,/ по́стнически испыта́вшеся, любо́вию и наде́ждею вооружи́вшеся и ве́рою огради́вшеся,/ разори́ша хи́трости вра́жия кова́рствия/ и, с ли́ки святы́х всех Царя́ Христа́ Престо́лу предстоя́ще,/ Его́же све́том просвеща́еми, подо́бными венцы́ венча́стеся,/ во всем ми́ре чуде́сными заря́ми блиста́юще,/ поле́зная нам проси́те от Бо́га моли́твами ва́шими богоприя́тными,/ Григо́рие и Кассиа́не преподо́бнии.

Песнь 7

Ирмо́с: Не послужи́ша тва́ри Богому́дрии/ па́че Созда́вшаго,/ но, о́гненное преще́ние му́жески попра́вше,/ ра́довахуся, пою́ще:/ препе́тый отце́в Госпо́дь и Бог, благослове́н еси́.

Сокро́вище бы́ша мне́вшему,/ свеща́ горя́щая яви́стеся, преподо́бнии,/ те́мже отемне́нное грехи́ се́рдце мое́/ све́том моли́тв ва́ших, святи́и, просвети́те,/ да пою́ всегда́:/ препе́тый отце́м Бог, благослове́н еси́.

Разреши́, Григо́рие преподо́бне, моли́твами свои́ми/ ду́шу мою́, свя́занную прило́ги льсти́ваго,/ я́коже разреши́л еси́ свя́заннаго, я́ко да благода́рственно пою́:/ препе́тый отце́м Бог, благослове́н еси́.

Сокро́вища тле́юща иска́вша иногда́/ отри́нусте, от гро́ба ва́шего, святи́и, разсла́бивше,/ и па́ки пока́явшуся здра́вия сокро́вища нетле́ния пода́сте, пою́щу:/ отце́м Бог, благослове́н еси́.

Богоро́дичен: Раздери́, Де́во Чи́стая, Твоего́ Сы́на ору́жием/ мои́х грехо́в рукописа́ние и спаси́ мя, пою́ща:/ препе́тый оте́ц на́ших Бо́же, благослове́н еси́.

Песнь 8

Ирмо́с: Изба́вителю всех, Всеси́льне,/ посреде́ пла́мене благоче́ствовавшия,/ снизше́д, ороси́л еси́/ и научи́л еси́ пе́ти:/ вся дела́, благослови́те, по́йте Го́спода.

Разсла́бленнаго иногда́, моля́щася, святи́и, возста́висте/ и сего́ быстре́е ходи́ти напра́висте./ И мене́, ослабе́вша благи́ми дея́нии, моля́щася,/ укрепи́те ко благодея́нием, да взыва́ю:/ благослови́те, вся дела́ Госпо́дня, Го́спода.

Ослепле́ны зени́цы души́ моея́/ просвети́те све́том моли́тв ва́ших, преподо́бнии,/ и́же слепы́х просвети́сте дре́вле,/ с ни́миже да пою́ всегда́:/ благослови́те, вся дела́ Госпо́дня, Го́спода.

Отрокови́цу, ю́же на земли́ пове́ржену, боле́знующу,/ иногда́ явле́нием ва́шим, святи́и, возста́висте и здра́вие соверше́нно пода́сте,/ не к тому́ такова́я бы́ти, ей реко́сте.

Согни́вша и воземерде́вша, ра́ны души́ моея́ неисце́льныя/ моли́твами ва́шими, святи́и, исцели́те,/ я́коже согни́вша и смердя́ща иногда́ здра́ва показа́сте, да пою́:/ благослови́те, вся дела́ Госпо́дня, Го́спода.

Богоро́дичен: Изба́влься кля́твы пе́рвыя Тобо́ю,/ Пречи́стая Богома́ти Благослове́нная, Влады́чице Благода́тная,/ тем ве́рою пою́:/ благослови́те, вся дела́ Госпо́дня, Го́спода.

Песнь 9

Ирмо́с: Е́ва у́бо неду́гом преслуша́ния/ кля́тву всели́ла есть;/ Ты же, Де́во Богоро́дице,/ прозябе́нием чревоноше́ния ми́рови благослове́ние процвела́ еси́./ Тем Тя вси велича́ем.

Певце́м, и́же пою́щим вас и честно́е обре́тение ва́ше торжеству́ющим,/ моли́твами ва́шими от враг мы́сленных и ви́димых/ изба́вится моли́теся, преподо́бнии.

Я́ко крин, в по́стнических удо́лиих процвето́сте, Григо́рие и Кассиа́не,/ днесь пра́ведным удобре́ние показа́стеся,/ благода́тию Ду́ха сия́юще и озаря́юще ве́рно пою́щих свяще́нное ва́ше торжество́.

Си́лою Бо́жиею укрепля́еми,/ неви́димаго врага́ шата́ния не́мощна показа́сте/ и в чудесе́х сла́вни от Бога́ яви́стеся,/ те́мже ва́ше почита́ем обре́тение.

Богоро́дичен: Спаси́, Богоро́дице, и́же к Тебе́ прибега́ющих/ от бед, и паде́жа греха́45, и бу́ри теле́сных страсте́й,/ и волне́ний ну́ждных печа́ли и жития́, и зло́бы лука́вствия.

Свети́лен:

Я́ко два свети́ла, возсия́сте в пусты́ни,/ зе́млю Ру́сскую просвеща́ете заря́ми чуде́с, преподо́бнии,/ во тьме грехо́вней су́щия ны озари́те све́том/ И́же в вас Су́щаго Бо́жия Ду́ха.

Сла́ва, и ны́не, Богоро́дичен:

И́же от Бо́га ми́рови по́данным благи́м Ты вина́ бысть, Богоро́дице,/ ны́не ми́лостива сотвори́ о о́бщем спасе́нии на́шем благопреме́ннаго Бо́га.

На хвали́тех стихи́ры, глас 1.

Подо́бен: Прехва́льнии му́ченицы:

Преподо́бнии отцы́,/ ва́ши мо́щи земля́ не потаи́ла есть,/ но Не́бо прия́т вы/ и чудеса́ ва́ша я́сно пропове́даша вас./ Свеща́ разу́мная ве́рным яви́шася,/ и ны́не моли́теся дарова́ти душа́м на́шим/ мир и ве́лию ми́лость.

Преподо́бнии отцы́,/ лико́м по́стническим совокупи́стеся,/ безстра́стием украша́еми,/ всели́стеся в селе́ния пра́ведных,/ иде́же свет не заходя́й,/ его́же наслажда́етеся,/ и ны́не моли́теся дарова́ти душа́м на́шим/ мир и ве́лию ми́лость.

Преподо́бнии отцы́,/ душа́ми чи́стыми пресла́вно/ Пречи́стому сподо́бистеся Бо́гу и Творцу́ всех/ же́ртву Тому́ – дух сокруше́н принести́,/ я́ко храни́тели веле́ний Его,/ и ны́не моли́теся дарова́ти душа́м на́шим/ мир и ве́лию ми́лость.

Сла́ва, глас 6:

Возра́дуемся духо́вно днесь,/ честну́ю па́мять оте́ц соверша́юще,/ в не́йже всесвяще́нныя их и целе́бныя обрето́шася мо́щи,/ слове́сныя венцы́ плету́ще,/ венча́ем честны́я их главы́,/ сия́ бо смире́нием и посто́м сотро́ша главу́ неви́димаго врага́,/ я́ко зла́то в горни́ле, терпе́нием искуси́вшеся./ И ны́не све́тлии светле́йшему предстоя́т Престо́лу всех Царя́/ и прие́млют венцы́ побе́ды,/ и́хже, призыва́юще, мо́лим:/ моли́те Христа́ Бо́га/ дарова́ти оте́честву на́шему на проти́вныя побе́ды,/ и ве́ры соедине́ние,/ и душа́м на́шим ве́лию ми́лость.

И ны́не, Богоро́дичен.

Славосло́вие вели́кое и отпу́ст.

НА ЛИТУРГИ́И СЛУ́ЖБА ПРЕПОДО́БНИЧЕСКАЯ

Преподобные Григорий и Кассиан Авнежские

Преподобные Григорий и Кассиан Авнежские подвизались на реке Сухоне в Вологодской земле, 15 июня 1392 года мученически скончались в Авнежской обители при набеге татар. Мощи преподобномучеников обретены в 1524 году. В 1560 году, по благословению Макария, Митрополита Московского и всея Руси († 1563), игумен Махрищского монастыря Варлаам собрал сведения о святости преподобномучеников.

Святи́теля Ефре́ма, Патриа́рха Се́рбскаго

НА ВЕЛИ́ЦЕЙ ВЕЧЕ́РНИ

Блаже́н муж: 1-й антифо́н: На Го́споди воззва́х: стихи́ры, глас 4.

Подо́бен: Зва́нный свы́ше:

И́же Трисия́ннаго Божества́ све́том озаря́емь,/ егда́ твою́ свяще́нную ду́шу Боже́ственное жела́ние распали́,/ тогда́ любо́вию поте́кл еси́ во след своего́ Влады́ки,/ Сего́ любо́вию жела́я наслади́тися./ Те́мже, мирску́ю любо́вь ни во что же вмени́в/ и крест Христо́в на ра́мо взем,/ Того́ взыска́л еси́,/ соединя́яся Ему́ поще́нием и моли́твами./ Его́же моли́, о́тче свяще́нне,/ просвети́ти и спасти́ ду́ши на́ша.

Вы́шняго благоро́дия жела́я/ вре́менное пристра́стие небре́гл еси́,/ стра́нствию Влады́чню подо́бяся и смире́нию,/ го́ру Афо́н дости́гл еси́, о́тче преподо́бне,/ иде́же поще́нием, послуша́нием и смире́нием/ плотско́е мудрова́ние умертви́в,/ сосу́д был еси́ Боже́ственному Ду́ху,/ Сему́ се́рдце свое́ це́рковь сотвори́в,/ Его́же моли́/ просвети́ти и спасти́ ду́ши на́ша.

И́же вся прове́дый Бог,/ прозре́в твоея́ души́, о́тче и святи́телю Ефре́ме,/ чистоту́ и смире́ние,/ я́ко вели́кое свети́ло, на све́щнице Свое́й Це́ркве тя полага́ет/ и вели́ка архиере́я и па́стыря Своему́ ста́ду вруча́ет,/ зане́ подвиза́яся, му́ченик изволе́нием был еси́./ Те́мже и ны́не моли́ своего́ Влады́ку Христа́/ Це́рковь и ча́да ея́/ сохрани́ти безбла́зно от вся́кия е́реси и безмяте́жно,/ вку́пе же просвети́ти и спасти́ ду́ши на́ша.

Глас 5. Самогла́сен: Ра́дуйся и весели́ся о Го́споде, собра́нное ста́до,/ в честь и па́мять преподо́бнаго святи́теля и Патриа́рха Ефре́ма,/ свети́льника же и отца́, его́же нареко́хомся ча́да./ Той бо житие́м свои́м мир озари́,/ его́же и Бог просла́ви знаме́нии, и чудесы́ Свои́ми, и дара́ми исцеле́ния./ Те́мже, обстоя́ще честну́ю ра́ку его́, мо́лимся ему́, глаго́люще:/ о всеблаже́нне святи́телю о́тче Ефре́ме,/ Патриа́рше преосвяще́нне,/ непреста́нно моли́ Всесвяту́ю Тро́ицу/ ста́до твое́ спасти́, чту́щее па́мять твою́/ и труды́ твоя́ любоче́стно име́ющее,/ и́хже подъя́л еси́ за Христа́,/ И́же да спасе́т ду́ши на́ша.

Ра́дуйся, всесвяще́нная главо́,/ уго́дниче Христо́в Ефре́ме,/ присножела́нный святи́телю,/ ревни́телю Вы́шним си́лам и собесе́дниче А́нгелом:/ на земли́ бо во пло́ти сый,/ Безпло́тных житие́ проходи́л еси́,/ подо́бяся тех житию́ же и нра́ву,/ с ни́миже ны́не во присноблаже́ннем све́те пребыва́я/ и зре́ний Боже́ственных наслажда́яся,/ Христу́ Бо́гу моли́ся/ мир вселе́нней дарова́ти/ и душа́м на́шим ве́лию ми́лость.

Прииди́те, се́рбскаго ро́да собо́ри,/ стецы́теся днесь, все христиа́нское мно́жество/ богоимени́тых люде́й Бо́жиих,/ и восхва́лим вку́пе Христо́ва рачи́теля,/ граждани́на пусты́ннаго,/ святи́телем вели́кий степе́нь,/ мона́хом прему́драго наста́вника,/ пусты́нников похвалу́ святоле́пную:/ той бо ре́вность Боже́ственную в се́рдце прие́м/ и мирску́ю пре́лесть всю оста́вив,/ Христу́ после́дова,/ труды́ по́стническими подвиза́яся,/ де́монския па́губы победи́ му́жески/ Ду́ха Свята́го ору́жии непобеди́мыми./ Те́мже возше́д на ле́ствицу доброде́телей,/ дости́же круго́в о́ных Небе́сных,/ иде́же Богонача́льным све́том со А́нгельскими ли́ки просвеща́яся,/ моли́твенник непреста́нен быва́ет за ду́ши на́ша.

Слава, глас 3:

Благода́ть Пресвята́го Ду́ха/ излия́ся во устна́х твои́х,/ преподо́бне о́тче наш, святи́телю Ефре́ме,/ те́мже и был еси́ па́стырь Христо́вы Це́ркве,/ уча́ слове́сныя о́вцы/ ве́ровати в Тро́ицу Единосу́щную во Еди́ном Божестве́,/ Е́йже непреста́нно моли́ся за всех,/ и́же любо́вию чту́щих па́мять твою́.

И ны́не, Богоро́дичен: Кто Тебе́ не ублажи́т:

Вход. Проки́мен дне и чте́ния 3 святи́тельская

На стихо́вне стихи́ры, глас 5.

Подо́бен: Ра́дуйся:

Ра́дуйся, всеосвяще́нная главо́,/ я́же духо́вныя прему́дрости сокро́вище нося́щи,/ до́лу влеку́щее мудрова́ние пло́ти умертви́ла еси́/ и, Ду́ха Свята́го сия́нием ду́шу просвети́вши,/ сию́ отве́рзла еси́/ приступа́ющим к тебе́ ве́рою./ Те́мже моли́ся дарова́ти Це́ркви единомы́шление,/ мир и ве́лию ми́лость.

Стих: Блаже́н муж, боя́йся Го́спода,/ в за́поведех Его́ восхо́щет зело́.

Ра́дуйся, прему́дре святи́телю,/ и́же ве́рою, а́ки жезло́м,/ страсте́й мо́ре и мирска́го смуще́ния преше́л еси́,/ наде́ждею же, а́ки сте́пенем,/ на го́ру безсме́ртия возше́л еси́,/ любо́вию и Боже́ственным жела́нием Бо́гу соединя́яся, отону́дуже, я́ко о́блак дождено́сен,/ правосла́вными уче́ньми лю́ди своя́ напои́л еси́./ Те́мже моли́ся в ми́ре сохрани́тися/ почита́ющим тя любо́вию.

Стих: Свяще́нницы Твои́ облеку́тся в пра́вду,/ и преподо́бнии Твои́ возра́дуются.

Ра́дуйся, святи́телю преподо́бне,/ и́же весе́лия Боже́ственнаго ду́шу испо́лнив/ и сему́ тезоимени́то житие́ и де́ло име́я,/ ре́вностию подвиза́лся еси́ на враги́ Креста́ Христо́ва/ и сих отгоня́л еси́ от Боже́ственныя Це́ркве/ те́плым свои́м предста́тельством./ Те́мже моли́ся дарова́ти Це́ркви единомы́шление,/ мир и ве́лию ми́лость.

Сла́ва, глас 8:

Прииди́те, ве́рных собо́ри,/ ели́цы есте́ служи́телие Триипоста́сному Божеству́,/ и воспои́м пе́сньми духо́вными о́бщаго па́стыря и учи́теля,/ оби́димым засту́́пника, ни́щим пита́теля,/ бога́тых ми́лостынь да́теля,/ свяще́нства пра́вило,/ и́ночествующим изве́стное поуче́ние и о́браз,/ малоду́шным утеше́ние и всему́ ми́ру моли́твенника,/ моля́щася о спасе́нии душ на́ших.

И ны́не, Богоро́дичен.

Тропарь, глас 8:

Патриа́рхов вели́кое удобре́ние,/ святи́телем красото́, мона́хом пра́вило,/ пусты́нником сла́ву, ми́лости пода́теля,/ разсужде́ния свети́льника,/ соше́дшеся, ве́рнии, восхва́лим,/ кро́тости учи́теля, Боже́ственнаго рачи́теля,/ прему́драго архипа́стыря, вели́каго святи́теля и отца́,/ Ефре́ма, Патриа́рха Се́рбскаго,/ звезду́, те́мныя лю́ди просвеща́ющую/ и вся ве́рныя озаря́ющую./ Те́мже, притека́юще к ра́це моще́й его́,/ любо́вию целу́ем я и вопие́м:/ свя́те святы́й, непреста́й моли́ти Христа́ Бо́га/ спасти́ся душа́м на́шим.

НА У́ТРЕНИ

На Бог Госпо́дь: тропа́рь свята́го два́жды. Сла́ва, и ны́не, Богоро́дичен.

По 1-м стихосло́вии седа́лен, глас 4:

В ле́поту стезю́ жи́зни свое́й преше́л еси́, блаже́нне,/ свяще́нными по́двиги и воздержа́нием,/ страстна́я воста́ния укроща́я смиренному́дрием/ и преодолева́я бесо́в стремле́ния./ Те́мже тя почита́ем, преподо́бне.

Сла́ва, и ны́не, Богоро́дичен:

Не премолчи́м, Присноде́во,/ благода́рно воспе́ти от се́рдца Твоя́ ми́лости, Влады́чице,/ раби́ Твои́, зову́ще и глаго́люще:/ Пречи́стая Де́во,/ предвари́ и изба́ви нас от враго́в неви́димых, от бед и вся́каго преще́ния,/ Ты бо еси́ на́ше заступле́ние.

По 2-м стихосло́вии седа́лен, глас 3:

Столп был еси́ и утвержде́ние Правосла́вной ве́ре,/ просвеща́я Це́рковь свяще́нными уче́ньми/ и ду́шу свою́ полага́я за свое́ ста́до, блаже́нне./ Те́мже тя почита́ем я́ко па́стыря и наста́вника,/ и́же сохраня́емии твои́ми моли́твами, преподо́бне.

Сла́ва, и ны́не, Богоро́дичен:

Непостижи́маго и Неопи́саннаго, Единосу́щнаго Неви́димому Отцу́,/ во чре́ве Свое́м та́йно вмести́ла еси́, Богоро́дице,/ еди́но и несли́тно от Тро́ицы Божество́./ Те́мже и благода́рно вопие́м Ти:/ ра́дуйся, Обра́дованная.

По полиеле́и седа́лен, глас 8:

Прему́дрости и́стинный рачи́тель быв, о́тче,/ сию́ от ю́ности возжеле́л еси́,/ вся же ви́димая, я́ко траву́, вмени́л еси́./ Отну́дуже глубину́ Боже́ственнаго разуме́ния всем открыва́я,/ вар страсте́й прохлажда́еши и глубину́ отча́яния изыма́еши./ Те́мже моли́ Христа́ Бо́га грехо́м оставле́ние пода́ти/ чту́щим любо́вию па́мять твою́.

Сла́ва, и ны́не, Богоро́дичен:

В напа́сти многоплете́нныя впад от враг ви́димых и неви́димых,/ бу́рею одержи́мь безчи́сленных согреше́ний мои́х/ и я́ко к те́плому защище́нию и покро́ву моему́, Чи́стая,/ к приста́нищу притека́ю Твоея́ бла́гости./ Те́мже, Пречи́стая, из Тебе́ воплоще́нному безсе́менно моли́ся приле́жно о всех рабе́х Твои́х,/ непреста́нно моля́щихся Тебе́, Богоро́дице Пречи́стая,/ моля́щи Его́ при́сно согреше́ний оставле́ние дарова́ти/ воспева́ющим досто́йно сла́ву Твою́.

Та́же степе́нна, 1-й антифо́н 4-го гла́са. Проки́мен, глас 4: Уста́ моя́ возглаго́лют прему́дрость/ и поуче́ние се́рдца моего́ ра́зум. Стих: Услы́шите сия́, вси язы́цы, внуши́те, вси, живу́щии по вселе́нней. Вся́кое дыха́ние: Ева́нгелие от Луки́, зача́ло 24.

По 50-м псалме́ стихи́ра, глас 5:

Преподо́бне о́тче,/ глас Ева́нгелия своего́ Влады́ки услы́шав/ и Сего́ за́поведи тве́рдо соблю́д,/ всели́лся еси́, иде́же глас пра́зднующих,/ моли́ся о нас, па́стырю свяще́ннейший.

Кано́н свято́му, глас 4. Творе́ние Мари́са, смире́ннаго епи́скопа.

Песнь 1

Ирмо́с: Отве́рзу уста́ моя́,/ и напо́лнятся Ду́ха,/ и сло́во отры́гну Цари́це Ма́тери,/ и явлю́ся, све́тло торжеству́я,/ и воспою́, ра́дуяся, Тоя́ чудеса́.

Боже́ственным за́поведем Христо́вым от ю́ности, о́тче, рачи́тель быв,/ сих зако́н свет стезя́м твои́м положи́л еси́,/ ду́шу свою́ Тро́ицею озари́в./ Те́мже, святи́телю, моли́ся, ум мой просвети́ти,/ усе́рдствующа похвали́ти святу́ю па́мять твою́.

В ю́ности ста́рческую му́дрость дарова́ тебе́ Христо́с,/ усе́рдно Того́ вожделе́вшу,/ и Сего́ оправда́ния и словеса́ соблюда́я па́че вся́каго бога́тства,/ жите́йская пренебре́гл еси́,/ те́мже тебе́ обогаща́ет пребыва́ющим во ве́ки.

Я́ко апо́столом единонра́вный и преподо́бным изве́стное пра́вило,/ архиере́ом же Боже́ственное удобре́ние,/ ни́щим и оби́димым ми́лователь и засту́пник,/ о́тче всеосвяще́нне Ефре́ме, ты был еси́.

Богоро́дичен: Я́ко во утро́бе Свое́й прие́мши Огнь Боже́ственный, Пренепоро́чная Ма́ти Бо́жия,/ росо́ю Твоего́ милосе́рдия попали́ страсте́й мои́х те́рние,/ я́ко да в тишине́ безсме́ртия Твоего́ Сы́на и Бо́га моего́ прославля́ю.

Песнь 3

Ирмо́с: Твоя́ песносло́вцы, Богоро́дице,/ Живы́й и Незави́стный Исто́чниче,/ лик себе́ совоку́пльшия, духо́вно утверди́,/ в Боже́ственней Твое́й сла́ве/ венце́в сла́вы сподо́би.

Жела́нием разжиза́ем к любви́ Боже́ственней,/ в пусты́ню пости́гл еси́, я́ко в приста́нище невла́емо,/ иде́же тве́рдым по́двигом страсте́м те́рние посека́еши/ и, се́мя духо́вно в души́ свое́й, я́ко земля́ плодоно́сна, прие́мь,/ напита́еши благочести́выя ду́ши а́нгельским хле́бом словесе́ Бо́жия.

Незави́стно свои́ми поуче́нии/ единообра́зных мно́жества наста́вил еси́ к Небе́сней стези́/ и, ко гра́ду у́мному сих возводя́,/ сам себе́, о́тче, о́браз сим предлага́еши.

На вели́це престо́ле сел еси́ я́ко досто́ин святи́тель,/ смире́нием Бо́га просла́вил еси́, Ефре́ме,/ и всем откры́л еси́ неги́бнущее бога́тство,/ я́ко благоче́стия пропове́дник прекра́сен и Тро́ицы сосу́д честне́йший.

Богоро́дичен: Тебе́, ро́ждшую вся́ческим Творца́,/ я́ко и́стинную Бо́жию Ма́терь, совоку́пльшу к Себе́ преподо́бных мно́жества, мо́лим:/ моли́ся утверди́тися умо́м на́шим в любви́ Сы́на Твоего́ и Бо́га на́шего.

Седа́лен, глас 1.

Подо́бен: Гроб Твой, Спа́се:

Житие́ свое́ доброде́тельми, о́тче, уясни́в,/ па́че ума́ блаже́нству сприобщи́ся,/ в телеси́, я́ко А́нгел, пребыва́я невеще́ственен/ и безстра́стным соверше́нством осия́емь,/ светови́дною соде́ла свою́ ду́шу,/ те́мже к ре́вности А́нгельскаго жития́ и́ноков мно́жества наста́вил еси́./ Сего́ ра́ди тя, я́ко преподо́бным украше́ние и святи́телем сла́ву, воспева́юще, ублажа́ем.

Сла́ва, и ны́не, Богоро́дичен:

Наста́ви нас на путь покая́ния,/ укло́ншияся к безпу́тию и Преблага́го Бо́га прогне́вавшия, Неискусобра́чная Благослове́нная Мари́е,/ прибе́жище отча́янным челове́ком, Бо́жие вмести́лище.

Песнь 4

Ирмо́с: Седя́й в сла́ве на Престо́ле Божества́/ во о́блаце ле́гце,/ прии́де Иису́с Пребоже́ственный Нетле́нною Дла́нию и спасе́ зову́щия:/ сла́ва, Христе́, си́ле Твое́й.

Доброде́телей Боже́ственное сокро́вище в се́рдце свое́м сниска́л еси́ –/ би́сера, Пресве́тлаго Христа́,/ отню́дуже раздая́л еси́ незави́стно к тебе́ приступа́ющим те́плою ве́рою,/ я́ко учи́тель Правосла́вныя ве́ры и побо́рник тепле́йший.

Я́ко и́стиннаго любому́дрия рачи́тель,/ всему́ своему́ житию́ сожи́тельницу смире́нную па́мять стяжа́л еси́,/ сего́ ра́ди, я́ко водо́ю живо́ю, сле́зными исто́чники пла́мень страсте́й угаси́л еси́,/ к безсме́ртия земли́ приходя́щих к тебе́ предводя́.

Ми́лости сподо́бися, преподо́бне,/ И́же ми́лости ра́ди мно́гих на земли́ стра́нствовавша,/ я́ко Сего́ за́поведей храни́тель, ко всем ми́лость простира́я./ Те́мже и ны́не моли́ся, святи́телю преблаже́нне,/ я́ко да обря́щем ми́лость от Христа́ в День су́дный.

Богоро́дичен: Прама́терний долг разреши́ла еси́, Всепе́тая,/ ро́ждшая Сло́во Пребезнача́льное, Еди́наго от Тро́ицы,/ во две во́ли, еди́ном же соста́ве,/ Сего́ моли́, Отрокови́це Пречи́стая,/ мои́м согреше́нием оставле́ние дарова́ти.

Песнь 5

Ирмо́с: Ужасо́шася вся́ческая/ о Боже́ственней сла́ве Твое́й,/ Ты бо, Неискусобра́чная Де́во,/ име́ла еси́ во утро́бе над все́ми Бо́га/ и родила́ еси́ Безле́тнаго Сы́на,/ всем воспева́ющим Тя/ мир подава́ющая.

Прини́кл еси́ в глубину́ Боже́ственных писа́ний/ и отту́ду благода́ть Ду́ха поче́рпл еси́,/ я́ко к ча́ши прему́дрости, преподо́бне, устне́ свои́ приложи́в,/ ра́зум Боже́ственный всем, о́тче, откры́л еси́,/ я́ко таи́нник ви́дений духо́вных де́йственный.

Не на песце́, Богому́дре,/ но на тве́рдом основа́нии духо́вную свои́х доброде́телей хра́мину поста́вив,/ твои́м кре́пким по́двигом и терпе́нием/ вра́жиих сете́й ловле́ния, я́ко паучи́ну, расто́ргл еси́.

Свяще́нства оде́ждею и чи́стыми богови́дении светле́йшую свою́ ду́шу просвети́в,/ Пребоже́ственней Тро́ице сию́ сотвори́л еси́ оби́телище,/ ста́до свое́ науча́еши, преподо́бне, лихои́мства огреба́тися,/ сребролю́бия же лесть свои́ми словесы́ устрели́л 46 еси́.

Богоро́дичен: Я́ко одушевле́нный Бо́жий киво́т,/ Богоро́дицу вси воспои́м, я́ко на́шу наде́жду и к Бо́гу Хода́таицу,/ моля́щуюся приле́жно спасти́ся от сете́й вра́жиих душа́м на́шим.

Песнь 6

Ирмо́с: Боже́ственное сие́ и всечестно́е/ соверша́юще пра́зднество,/ Богому́дрии, Богома́тере,/ прииди́те, рука́ми воспле́щим,/ от Нея́ ро́ждшагося Бо́га сла́вим.

Трича́стныя си́лы душе́вныя Боже́ственною му́дростию, о́тче, окорми́л еси́:/ слове́сную – пра́вдою и му́дростию,/ я́ростную же – му́жеством кре́пким,/ жела́тельную же – целому́дрием, блаже́нне,/ и́хже в житии́ ничто́же потре́бнее.

Мо́ре страсте́й пресека́еши, я́коже Моисе́й вели́кий,/ и фарао́на мы́сленнаго, и́же есть грех мучи́тель, удави́л еси́;/ христоимени́тыя лю́ди приво́диши, блаже́нне, к земли́ безсме́ртия,/ па́губнаго же Амали́ка, си есть тлетво́рная мне́ния, смире́нием побива́еши./ Те́мже не преста́й моли́тися, святи́телю,/ спасти́ся ста́ду твоему́ от душепа́губных мы́слей и жела́ний.

Я́ко на колесни́цу четвероко́нную возсе́л еси́, свяще́нне,/ Боже́ственными доброде́тельми, прехожда́я к Боже́ственным селе́ниим/ и низлага́я ду́хи лука́вства всегда́шним к Бо́гу зре́нием.

Богоро́дичен: Ра́дуйся, Вы́шняго освяще́нное селе́ние,/ Тобо́ю бо ра́дость даде́ся, Богоро́дице, вопию́щим:/ благослове́нна Ты в жена́х, Пренепоро́чная Влады́чице.

Конда́к, глас 8.

Подо́бен: Взбра́нной:

Я́ко благоче́стия учи́теля прекра́снаго/ и архиере́ом первопресто́льника прему́драго,/ и́ночествующим наста́вника и пра́вило,/ церко́вная ча́да, соше́дшеся, почти́м па́мять его́ пе́сньми, глаго́люще:/ ра́дуйся, о́тче, дея́ний и виде́ний у́ме соверше́нный.

И́кос:

От Небе́сных у́мных сил в Тро́ице пева́емому Всеси́льному Бо́гу моли́ся, о́тче Ефре́ме,/ от твоего́ боготе́чнаго язы́ка вод да́ти моему́ смы́слу струю́/ и просвети́ти мой ум,/ да от твои́х мно́гих исправле́ний вма́ле ти благодаре́ние принесу́/ и, воспомяну́в и́же во пло́ти жития́ твоего́, реку́:/ ра́дуйся, свяще́ннаго ко́рене Богода́нная ветвь;/ ра́дуйся, я́ко Христо́вы ра́ди любве́ роди́тельскую и сро́дников презре́л еси́./ Ра́дуйся, я́ко тле́нная ни во что же вмени́л еси́ ра́ди бу́дущия и́стинныя жи́зни;/ ра́дуйся, чистоте́ у́чителю и целому́дрия преде́ле./ Ра́дуйся, по́стников пра́вило и наста́вниче;/ ра́дуйся, виде́ний духо́вных непоползнове́нное обузда́ние./ Ра́дуйся, Правосла́вию и́стинный пропове́дниче и о́бразе;/ ра́дуйся, я́ко от е́реси к непоро́чней ве́ре мно́гих обрати́л еси́./ Ра́дуйся, я́ко архиере́йский престо́л уче́нии благочести́выми украси́л еси́;/ ра́дуйся, еретико́м сопротивобо́рче непобеди́мый./ Ра́дуйся, ни́щим и си́рым ми́лостыни пода́телю;/ ра́дуйся, всем те́плый предста́телю и моли́твенниче./ Ра́дуйся, о́тче свяще́нне, виде́ний духо́вных у́ме соверше́нный.

Песнь 7

Ирмо́с: Не послужи́ша тва́ри Богому́дрии/ па́че Созда́вшаго,/ но, о́гненное преще́ние му́жески попра́вше,/ ра́довахуся, пою́ще:/ препе́тый отце́в Госпо́дь и Бог, благослове́н еси́.

В ю́ности му́дростию, в ста́рости же ра́зумом, о́тче, богате́в,/ процвете́, я́ко фи́никс, и плоды́ духо́вныя принесе́,/ и́миже напита́в благочести́вых мно́жества, науча́еши их пе́ти:/ благослове́н Бог оте́ц на́ших.

Се́рбское вели́кое седа́лище свои́ми му́дрыми уче́ньми украси́л еси́,/ зане́, я́ко река́ духо́вная, исхожда́ше от твои́х усте́н, напая́ющи благочести́вых,/ вку́пе же сы́ны церко́вныя науча́ющи пе́ти:/ благослове́н Бог оте́ц на́ших.

Священноле́пно свою́ ду́шу, о́тче, от страсте́й свободи́в/ и апо́стольским уче́нием после́дуя,/ иноколе́пных мно́жества от е́ресей отврати́л еси́/ и к ве́ре Правосла́вней приве́л еси́, науча́я их вопи́ти:/ благослове́н Бог оте́ц на́ших.

Богоро́дичен: Утро́бу Твою́ де́вственную, Отрокови́це, преобрази́ша в пещи́ трие́ о́троцы,/ егда́ де́вственным те́лом попра́ша пла́мень;/ Твоя́ же чи́стая ложесна́ не опали́ Огнь Боже́ственный – Иису́с Христо́с, Ему́же пое́м:/ благослове́н Бог оте́ц на́ших.

Песнь 8

Ирмо́с: О́троки благочести́выя в пещи́/ Рождество́ Богоро́дичо спасло́ есть;/ тогда́ у́бо образу́емое,/ ны́не же де́йствуемое,/ вселе́нную всю воздвига́ет пе́ти Тебе́:/ Го́спода по́йте, дела́,/ и превозноси́те Его́ во вся ве́ки.

И до́лга твоя́ боре́ния, и кре́пкии твои́ по́двиги, твердоу́мне,/ и свяще́ннии посты́, Богоно́се, я́же му́жественне понесе́,/ к осмы́м бо равночи́сленную десяти́цу присовокупи́,/ в них же непреста́нно вопие́ши:/ Го́спода воспева́йте, дела́,/ и превозноси́те во вся ве́ки.

Я́ко Христо́вым та́йнам досто́ин служи́тель,/ сим любе́зне причасти́лся еси́ Те́лу и Кро́ви Влады́чней, рек сло́во приснопомина́емое:/ сла́ва о всем Бо́гу в Тро́ице;/ Ему́же в ру́це свою́ ду́шу преда́л еси́, нас науча́я вопи́ти:/ Го́спода воспева́йте, дела́,/ и превозноси́те во вся ве́ки.

Тро́ицу Пребоже́ственную во Еди́нице и Еди́ницу в Тро́ице/ воспои́м, ве́рнии, во ве́ки пребыва́ющее Ца́рство,/ и Сему́ служи́теля му́драго Ефре́ма ублажи́м,/ я́ко да, уча́щеся от него́, вопие́м:/ Го́спода воспева́йте, дела́,/ и превозноси́те во вся ве́ки.

Богоро́дичен: Я́ко И́стиннаго Ма́ти Словесе́,/ мглу мои́х страсте́й разжени́/ и ума́ моего́ омраче́ние просвети́,/ да от чи́ста се́рдца Сы́ну Твоему́ вопию́:/ Го́спода воспева́йте, дела́,/ и превозноси́те во вся ве́ки.

Песнь 9

Ирмо́с: Всяк земноро́дный/ да взыгра́ется, Ду́хом просвеща́емь,/ да торжеству́ет же Безпло́тных умо́в естество́,/ почита́ющее свяще́нное торжество́ Богома́тере,/ и да вопие́т:/ ра́дуйся, Всеблаже́нная Богоро́дице,/ Чи́стая Присноде́во.

Я́ко Боже́ственное сокро́вище, честны́я твоя́ мо́щи, святи́телю блаже́нне,/ объе́мше твоя́ духо́вная ча́да с весе́лием, ку́пно же и слеза́ми,/ с ни́миже отце́в Нача́льник и па́стырем Па́стырь,/ Ему́же Са́вва тезоимени́тство, я́коже Дави́д пред киво́том, ра́достию вопие́т:/ Тебе́ велича́ем, Трисвяты́й.

С весе́лием восприе́мши Се́рбская Це́рковь вели́кая/ святы́я твоя́ мо́щи, преподо́бне, взыва́ет, вопию́щи:/ вели́чит душа́ моя́ Го́спода,/ я́ко даде́ ми жениха́ па́стыря/ и поуче́ний неистощи́мое бога́тство.

Я́ко вели́ко дерзнове́ние к Бо́гу стяжа́в, о́тче,/ моли́ся Ему́ о ча́дех свои́х, почита́ющих тя любо́вию по до́лгу,/ изба́витися нам от вся́ких е́ресей, и обстоя́ний, и паде́ний/ и в День су́дный лю́таго отве́та, и ве́чнаго муче́ния.

Богоро́дичен: Обнища́вшее доброде́тельми се́рдце мое́, Пречи́стая Де́во,/ покажи́ плодоно́сно, Я́же от непло́дове ро́ждшаяся,/ моли́ вся Претворя́ющаго манове́нием просвети́ти ду́шу мою́,/ да пою́ Тя, Всепе́тую.

Свети́лен.

Подо́бен: Ду́хом во святи́лище:

У́тро светоно́сное днесь возсия́ нам,/ му́драго святи́теля па́мять, ве́рных ду́ши веселя́щая./ Тем воспева́ем изве́дшаго всех из тьмы Христа́ Бо́га на́шего,/ Его́же пое́м со Отце́м и Ду́хом.

Сла́ва, и ны́не, Богоро́дичен:

Держа́вным Свои́м покро́вом от враго́в наве́та/ нас, Чи́стая, Твоя́ рабы́, невре́дны сохрани́,/ Тебе́ бо и́мамы Еди́ну прибе́жище в ну́ждах.

На хвали́тех стихи́ры, глас 1.

Подо́бен: Небе́сных чино́в:

Небе́сный круг звезда́ми украша́ется,/ твой же ум, преподо́бне,/ Боже́ственными просвеще́ньми облиста́ем,/ мно́жество доброде́телей собра́ тебе́./ Те́мже богоглаго́ливым язы́ком свои́м,/ я́ко водо́ю животво́рною Ду́ха,/ напая́еши сердца́, иста́явша грехми́,/ от глубины́ отча́яния возведи́, прему́дре,/ Бо́жие милосе́рдие сим возвеща́я.

В су́мрак Богосло́вия вшед, святи́телю,/ ду́шу свою́ богови́дением просвети́л еси́,/ Моисе́й други́й,/ и нас озаря́еши свои́ми богосло́вными веща́нии,/ от тьмы неве́дения и страсте́й изводя́/ и к Богоразу́мию и безсме́ртию приводя́./ Те́мже, о́тче, моли́ своего́ Влады́ку Христа́/ просвети́ти пою́щих тя.

Я́ко презира́тель до́льним, преподо́бне,/ и Вы́шних жела́я,/ А́нгельским лико́м соедини́лся еси́/ и, к Трисия́нному Све́ту прибли́жився,/ ве́рою, наде́ждею и любо́вию/ возше́л еси́ да́же до у́ма Бо́жия,/ иде́же шум пра́зднующих в весе́лии неизрече́ннем./ И нас, о́тче, не забыва́й, моля́ся,/ любо́вию тя почита́ющих.

Сла́ва, глас 3:

Просия́ днесь Боже́ственная па́мять твоя́, святи́телю, я́коже со́лнце,/ светоза́рныя лучи́ испуща́ющи,/ и о́бразы доброде́телей надпи́санныz нам нося́щи,/ и е́ресей мглу отгоня́ющи./ Та́мо же, в невече́рнем Све́те,/ зря чи́сто Святу́ю Тро́ицу,/ моли́ся непреста́нно о нас,/ изба́витися нам в День суда́ муче́ний.

И ны́не, Богоро́дичен: Богоро́дице, Ты еси́ лоза́ и́стинная:

Славосло́вие вели́кое и отпу́ст.

НА ЛИТУРГИ́И СЛУ́ЖБА ВСЯ СВЯТИ́ТЕЛЮ

Святитель Ефрем, Патриарх Сербский

Святитель Ефрем, Патриарх Сербский, родился около 1311 года недалеко от болгарского города Трново в семье священника. С детства стремился он к подвижнической жизни. Когда святому исполнилось 23 года, родители хотели женить его, но Господь в сонном видении повелел Ефрему принять монашество. Ефрем пошел на место, указанное во сне и нашел там старца-пустынника Василия. Юноша остался с ним и предавался подвигу поста и молитвы, а через некоторое время принял монашеский постриг. Родители пытались вернуть домой молодого инока, тогда святой удалился на Святую Гору Афон и стал подвизаться в одном из афонских скитов. После разорения Афона мусульманами святой Ефрем с несколькими учениками вернулся в Сербию и, по благословению Патриарха Иоанникия (1346–1354; память 30 августа и 3 сентября), поселился в монастыре Дечаны.

После смерти царя Стефана Душана († 1355) в Сербии начались междоусобицы, приведшие к беспорядкам в государстве. В то время святой Ефрем пострадал от разбойников, которые, не найдя у него денег, избили праведника до полусмерти. Узнав об этом, Патриарх Савва IV (1354–1375) благословил святого подвизаться в тишине и безопасности в потаенной пещерной келлии. После смерти Патриарха Саввы 3 октября 1375 года в г. Пече был созван Собор сербских архиереев. После усердной молитвы к Богу они при участии святого благоверного князя Лазаря, царя Сербского († 1389: память 15 июня), избрали преподобного пустынника Ефрема. К святому были посланы архиереи и игумены, которые сообщили ему об его избрании на патриарший престол. Преподобный Ефрем слезно отказывался от такой чести, но Собор твердо стоял на принятом решении и он, покорившись воле Божией, стал Предстоятелем Сербской Церкви.

Это были тяжелые времена для сербского народа. Государственные смуты отражались и на церковных делах. Как некоторые князья не желали подчиняться святому царю Лазарю, так некоторые архиереи не желали слушать святого Патриарха Ефрема. Около 1380 года святитель Ефрем, стремясь к безмолвию и пустынножительству, передал престол новоизбранному Патриарху Спиридону († 1389: память 30 августа) и ушел в монастырь святого Архангела Михаила в Призрене, где пребывал в молчании 9 лет. После кончины святителя Спиридона не было возможности созвать новый Собор из-за поражения сербов в битве с турками на Косовском поле. Тогда святитель Ефрем вновь возглавил Сербскую Церковь. Он мудро управлял Церковью в особо тяжелые и опасные времена после косовского поражения до избрания Патриарха Даниила III (1392–1398). Затем святитель Ефрем вновь удалился в пустынное место около Печа, где и упокоился 15 июня 1399 года. Через 7 лет после мирной кончины мощи святителя были обретены нетленными. Они почивают в Печской Патриархии. Житие и службу святителю составил в начале XV века его ученик епископ Печский Марк.

Литература:

1. Иустин (Попович), архимандрит. Жития святых (на сербском языке). Июнь. Белград, 1975.

2. Србльаку. Студjе, Београд, 1970.

3. Арх. Данило. Животи кралева и архиепископа српских. Загреб, 1866, стр. 384–386.

Свята́го и блаже́ннаго великому́ченика, и́же во царе́х, кня́зя Ла́заря, бы́вшаго Самоде́ржца Се́рбския земли́

НА МА́ЛОЙ ВЕЧЕ́РНИ

На Го́споди, воззва́х: стихи́ры на 4, глас 1.

Подо́бен: Небе́сных чино́в:

Небе́сных чино́в ра́дование/ и на земли́ челове́ков но́вое весе́лие,/ ви́дяще тя, на Небе́сныя кру́ги возлете́вша,/ и вше́дша в жела́емая ти ра́достно,/ и сла́вы Боже́ственныя наслажда́ющася, Ла́заре.

Да́нный ти тала́нт держа́вный, Богому́дре,/ возрасти́л еси́ сугу́бо благода́тию,/ о не́мже и кровь свою́ излия́л еси́, Ла́заре./ Те́мже слы́шиши:/ благи́й ра́бе и ве́рный,/ вни́ди в ра́дость Го́спода твоего́.

Ко́рене блага́го блаже́ннейшая о́трасль был еси́,/ при исто́чницех благоче́стия насажде́н,/ дре́во плодови́то,/ всяк вид доброде́телей нося́й, был еси́/ и сего́ во времена́ Соде́телю и Творцу́ твоему́ отда́л еси́.

Сла́ва, глас 2:

Прииди́те, собо́ри ве́рных,/ му́драго почти́м Ла́заря в пе́снех:/ ве́рою бо Бо́гу благоугоди́,/ и муче́ния венцу́ сподо́бися,/ и со А́нгелы селе́ние стяжа́./ Ему́же любо́вию вопие́м:/ прииди́ и ста́ни с на́ми, свя́те,/ и предначина́й торжество́ па́мяти твоея́,/ и моли́ Христа́ Бо́га о душа́х на́ших.

И ны́не, Богоро́дичен:

Все упова́ние мое́/ на Тя возлага́ю, Ма́ти Бо́жия,/ сохрани́ мя под кро́вом Твои́м.

На стихо́вне стихи́ры, глас 2.

Подо́бен: До́ме Евфра́фов:

Прииди́те, лю́дие,/ Триипоста́сное Божество́ сла́вяще,/ торжество́ похва́льне соверши́м но́ваго Ла́заря,/ сла́вяще того́ я́ко Бо́жия уго́дника.

Стих: Пра́ведник, я́ко фи́никс, процвете́т,/ я́ко кедр, и́же в Лива́не, умно́жится.

Добро́тами доброде́телей/ оде́явся пе́рвее,/ муче́ния же венце́м украси́вся по́слежде,/ кра́сен во сла́ве/ предстои́ши Влады́це.

Стих: Насажде́ни в дому́ Госпо́дни,/ во дво́рех Бо́га на́шего процвету́т.

Пра́ведников и му́чеников украше́ние,/ ца́рствующих похвала́/ и своему́ оте́честву,/ приими́ пе́ние/ ве́рою тя сла́вящих.

Сла́ва, и ны́не, Богоро́дичен:

Дом Тя пречи́ст/ Бо́жия Прему́дрость обре́тши,/ от крове́й Твои́х пречи́стых/ воплоща́ется, Де́во,/ и по рождестве́ нетле́нну Тя показа́.

Тропа́рь, глас 3, пи́сан на вели́цей вече́рни.

Сла́ва, и ны́не, Богоро́дичен.

НА ВЕЛИ́ЦЕЙ ВЕЧЕ́РНИ

Блаже́н муж: 1-й антифо́н. На Го́споди, воззва́х: стихи́ры на 8, глас 2.

Подо́бен: Егда́ от Дре́ва:

Егда́ ве́рою и любо́вию и́стинною/ весь присво́ился еси́ да́вшему тя Бо́гу,/ и сокро́вище доброде́телей обре́лся еси́,/ тогда́ и Вы́шний сугу́бою сла́вою прославля́ет тя,/ ски́птры ца́рственныя вруча́ет в земны́х,/ в Небе́сных же Ца́рство Небе́сное тебе́, свя́те, дарова́.

Егда́ промышле́нием Всеви́дящаго Очесе́/ тебе́ держа́ва вручи́ся ста́да христоимени́таго,/ тогда́ недрема́нное о́ко о нем име́л еси́/ и, я́ко бо́дрый па́стырь, труди́лся еси́ до сме́рти./ Сего́ ра́ди слы́шиши:/ до́брый де́лателю и ве́рный,/ о ма́ле я́ко был еси́ ве́рен,/ над мно́гими тя поста́влю.

Егда́ безбо́жное наше́ствие на тя устреми́ся,/ во благоче́стии ви́девше тя, гобзу́юща со ста́дом,/ и хотя́ще то расхи́тити, я́коже зве́рие неми́лостивии,/ тогда́ ты, свя́те, но́вый Дави́д яви́ся сопротивле́нием,/ я́ко ина́го Голиа́фа, со мно́жеством язы́к порази́л еси́/ и я́ко му́ченик до кро́ве побе́дным венце́м увя́злся еси́.

И́ны стихи́ры, глас 8.

Подо́бен: О, пресла́внаго чудесе́:

О, пресла́внаго чудесе́!/ Ликовству́ют днесь А́нгели на Небесе́х/ и челове́цы на земли́, в па́мяти но́ваго Ла́заря./ А́нгели венча́ют того́ я́ко победи́теля,/ челове́цы же пе́ние с похвало́ю прино́сят,/ чудя́щеся и глаго́люще:/ о, ка́ко тече́ние соверши́!/ о, несказа́ннаго твоего́ весе́лия, прему́дре,/ его́же приобщи́тися вои́стинну сподо́бился еси́.

О, ди́внаго чудесе́!/ Что бо нарече́м тя, чу́дне?/ Пра́ведника, я́ко за́поведи Бо́жия на земли́ сохрани́л еси́,/ му́ченика ли, я́ко непра́ведне глава́ твоя́ усече́ся?/ Во обои́х бо благоугоди́л еси́ Бо́гу/ и со А́нгелы селе́ние стяжа́л еси́./ О, неизглаго́ланнаго твоего́ селе́ния, Ла́заре,/ в не́мже тя всели́ Христо́с,/ я́ко му́ченика че́стна.

О, пресла́внаго чудесе́,/ о, ди́внаго премене́ния и прославле́ния десни́цы Вы́шняго,/ е́же на тебе́ соде́я Госпо́дь, пребога́те Ла́заре,/ И́же и по сме́рти просла́ви тя, я́ко Своего́ уго́дника:/ твое́ бо честно́е те́ло, во гро́бе лежа́щее, нерастле́но отню́д,/ но облагоуха́емо явля́ет,/ уверя́я всех, каковы́я по́чести получи́л еси́/ и сла́ву, ю́же стяжа́л еси́ на Небесе́х.

Сла́ва, глас 6:

Кто тебе́ не блажи́т,/ бо́драго де́лателя за́поведей Бо́жиих?/ Или́ кто не похва́лит всекра́сное твое́ житие́?/ Собра́л бо еси́, я́ко пчела́ любоде́льная, многоцве́тныя доброде́тели,/ бу́дущую сла́ву иски́й приобрести́,/ земну́ю измени́в,/ о́ко слепы́х, нога́ хромы́х,/ жезл ста́рости,/ и всем вся был еси́ ми́лостивною руко́ю,/ муче́ния же венце́м главу́ твою́ украси́л еси́,/ Христу́ Бо́гу предстои́ши,/ Того́ сла́вы наслажда́яся./ Ему́же и моли́ся, мо́лим тя, Ла́заре му́дре,/ трудо́м твои́м ве́чновати в тишине́,/ и спасти́ся душа́м на́шим.

И ны́не, Богоро́дичен: Кто Тебе́ не ублажи́т:

Вход. Проки́мен дне и чте́ния 3 му́ченическая

На лити́и стихи́ра хра́ма и свята́го, глас 1:

Собо́ри празднолю́бных вси, прииди́те,/ но́вый бо Ла́зарь нас днесь высо́ким пропове́данием,/ вопия́, созыва́ет на трапе́зу духо́вную,/ со тща́нием, веселя́щеся, теце́м/ и па́мять сконча́ния его́ почти́м,/ сла́вяще того́, я́ко Бо́жия уго́дника.

Глас 2: Вы́шния возжеле́в сла́вы,/ благ, кро́ток и незло́бием укра́шен,/ и́стиною же и пра́вдою оде́ян/ и вся́кия злы́я ве́щи огреба́яся/ показа́лся еси́, блаже́нне,/ в ню́же и вшел еси́, я́ко досто́ин,/ и со дерзнове́нием Христу́ Бо́гу предстои́ши,/ Его́же ны́не нам благопреме́нна твои́ми моли́твами сотвори́.

Благозра́чием доброде́телей украси́вся, пребога́те,/ уясни́лся еси́ боле́зньми добротво́рными от страда́ний,/ и с му́ченики по достоя́нию приче́лся еси́, Ла́заре,/ и к сла́ве несконча́емей от земны́х премину́л еси́,/ и равностоя́тель святы́м показа́лся,/ с ни́миже проси́ нам от Христа́ ве́лию ми́лость.

Сла́ва, глас 5:

Воструби́м трубо́ю благогла́сных пе́сней,/ и́же Боже́ственным Ду́хом со́браннии днесь,/ во всечестны́й пра́здник уго́дника Христо́ва,/ всех любопра́зднственных к похвале́нию созыва́юще,/ воспе́ти с любо́вию па́мять его́./ Ца́рие и кня́зие, стецы́теся,/ дивя́щеся и чудя́щеся новопросия́вшаго житию́ и по́двигу,/ и восхвали́те целому́дрия рачи́теля,/ Правосла́вия столпа́ непоколеби́маго,/ церко́внаго зда́теля,/ ни́щим пода́теля оби́льна,/ побо́рника Правосла́вия тве́рдаго,/ вся́кою доброде́телию и пре́жде страда́ния украше́ннаго,/ по́двигом до́брым подвиза́вшася/ и тече́ние соверши́вша,/ со и́же Бо́гови угоди́вшими селе́ние обре́тша,/ держа́вных похвалу́ и благоле́пие,/ предста́теля и засту́пника на́шего,/ в пе́снех благогла́сных похваля́юще, си́це рцем:/ Тро́ице я́ко при́сно, Ла́заре, предстои́ши,/ моли́ изба́витися нам от вся́каго обстоя́ния/ твои́ми моли́твами.

И ны́не, Богоро́дичен. Ге́рмана Патриа́рха:

Воструби́м трубо́ю пе́сней:/ прекло́ншися бо свы́ше, Всецари́ца Ма́ти Де́ва/ благослове́ньми венчава́ет воспева́ющия Ю./ Ца́ри и кня́зи да стеку́тся/ и Цари́цу да воспле́щут в пе́снех,/ Царя́ ро́ждшую,/ сме́ртию одержи́мыя пе́рвее,/ разреши́ти человеколю́бно благоизво́лившаго./ Па́стырие и учи́телие,/ до́браго Па́стыря Пречи́стую Ма́терь, соше́дшеся, да восхва́лим,/ све́щник златоза́рный, светоно́сный о́блак,/ небе́с простра́ннейшу,/ одушевле́нный же киво́т, огнезра́чный Влады́чень престо́л,/ манноприе́мную злату́ю ста́мну,/ заключе́нную Сло́ва дверь,/ всех христиа́н прибе́жище,/ пе́сньми богоглаго́ливыми похваля́юще, си́це рцем:/ пала́то Сло́ва,/ сподо́би смире́нных нас Небе́снаго Ца́рствия,/ ничто́же бо невозмо́жно хода́тайству Твоему́.

На стихо́вне стихи́ры, глас 2.

Подо́бен: Ки́ими похва́льными:

Ки́ими похва́льными пе́сньми/ воспое́м Ла́заря,/ и́же торжеству́ вино́внаго?/ Сла́вен бо в житии́ на земли́ показа́лся еси́,/ сла́внейший же от до́брых дел яви́вся,/ за́поведем после́дуя Влады́ки твоего́./ Но а́ще и недоуме́ем, хвали́ти досто́йне,/ укрепи́ ны, му́дре, пою́щих тя,/ и проси́ от Христа́ ве́лию ми́лость.

Стих: Пра́ведник, я́ко фи́никс, процвете́т,/ я́ко кедр, и́же в Лива́не, умно́жится.

Ки́ими язы́ки бре́нными/ украси́м Ла́заря му́драго?/ Та́ко просия́вшаго в после́дния на́ша ро́ди,/ и́же от ю́ности Бо́жиим Ду́хом возлю́бленнаго,/ благоче́стия столпа́ непоколеби́маго,/ преиспещре́нна добро́тами доброде́телей,/ о лю́дях свои́х моля́ща Бо́га./ Ему́же моли́ся, Богоприя́тне,/ и испроси́ сла́вящим тя мир и ве́лию ми́лость.

Стих: Насажде́ни в дому́ Госпо́дни,/ во дво́рех Бо́га на́шего процвету́т.

Ко́е по достоя́нию пе́ние принесе́м ти, Ла́заре?/ На земли́ бо пожи́л еси́ во благоче́стии и чистоте́,/ украси́вся доброде́тельми вои́стинну,/ по́двиг же до́брый и тече́ние соверши́в,/ агаря́нскому наше́ствию и горды́ни сопроти́вился еси́, му́дре,/ не терпя́ благоче́стию разоря́ему зре́тися;/ отню́дуже я́ко му́ченик ра́ди боле́зней твои́х мзду прия́л еси́,/ му́ченическая ме́ста насле́довал еси́,/ с ни́миже проси́ нам мир и ве́лию ми́лость.

Сла́ва, глас 4:

Днесь Це́рковь правосла́вная/ та́йно ликовству́ет,/ но́вою оде́явшися оде́ждею,/ я́ко порфи́рою и ви́ссоном, но́ваго Ла́заря,/ и, се́ю оде́яна, крася́щися, взыва́ет:/ вели́чит сла́ва моя́ Го́спода,/ дарова́вшаго ми моего́ краси́теля./ И па́ки со дерзнове́нием зове́м:/ И́же просла́вивый Твоего́ страда́льца, Христе́ Бо́же,/ умири́ мир и спаси́ ду́ши на́ша.

И ны́не, Богоро́дичен:

При́зри на моле́ния Твои́х раб, Всенепоро́чная,/ утоля́ющи лю́тая на ны воста́ния,/ вся́кия ско́рби нас изменя́ющи,/ Тя бо еди́ну, тве́рдое и изве́стное утвержде́ние и́мамы/ и Твое́ предста́тельство стяжа́хом;/ да не постыди́мся, Влады́чице, Тя призыва́ющии,/ потщи́ся на умоле́ние Тебе́ ве́рно вопию́щих:/ ра́дуйся, Влады́чице, всех по́моще,/ ра́досте, и покро́ве, и спасе́ние душ на́ших.

На благослове́нии хлебо́в тропа́рь свята́го два́жды и Богоро́дице Де́во: еди́ножды.

Тропа́рь свята́го, глас 3:

Красоту́ возжеле́в сла́вы Бо́жия,/ в земне́й Тому́ благоугоди́л еси́/ и, поруче́нный ти тала́нт до́бре возде́лав, усугуби́л еси́,/ о не́мже и подвиза́вся до кро́ве./ Отону́дуже и мзду боле́зней твои́х,/ я́ко му́ченик, прия́л еси́ от Христа́ Бо́га:/ Его́же моли́ спасти́ся/ пою́щим тя, Ла́заре.

НА У́ТРЕНИ

На Бог Госпо́дь: тропа́рь свята́го два́жды. Сла́ва, и ны́не, Богоро́дичен.

По 1-м стихосло́вии седа́лен, глас 1.

Подо́бен: Ка́мени запеча́тану:

На ка́мени непоколеби́мыя ве́ры но́зе твои́ утверди́л еси́, Богому́дре,/ ника́коже бу́ря тебе́ треволне́ния поколеба́,/ но немо́кренно сию́ преше́л еси́, к Бо́гу возвы́сився,/ Ему́же и соводворя́яся, ра́достно Тому́ зове́ши:/ сла́ва милосе́рдию Твоему́, Спа́се,/ сла́ва Ца́рствию Твоему́,/ сла́ва смотре́нию Твоему́, Еди́не Человеколю́бче.

Сла́ва, и ны́не, Богоро́дичен:

Ру́це Твои́ Боже́ственнии,/ и́миже Соде́теля носи́ла еси́, Де́во Пресвята́я, воплоще́нна Божество́м,/ просте́рши, умоли́ изба́витися нам от искуше́ний, и страсте́й, и бед,/ восхваля́ющим Тя любо́вию и вопию́щим Тебе́:/ сла́ва Все́льшемуся в Тя, сла́ва Проше́дшему из Тебе́;/ сла́ва Свободи́вшему нас рождество́м Твои́м.

По 2-м стихосло́вии седа́лен, глас 3.

Подо́бен: Красоте́ де́вства:

Красото́ю жития́ твоего́ и страда́нием боле́зней твои́х,/ А́нгелы удиви́л еси́/ и челове́ки возвесели́л еси́,/ сего́ ра́ди смерть яви́ся тебе́ поко́й,/ и к непреста́нному весе́лию премину́л еси́, Ла́заре,/ в не́мже я́ко сый, проси́ нам от Христа́ ве́лию ми́лость.

Сла́ва, и ны́не, Богоро́дичен:

Красоте́ де́вства Твоего́ и пресве́тлой чистоте́ Твое́й/ Гаврии́л удиви́вся, вопия́ше Ти, Богоро́дице:/ ку́ю Ти похвалу́ принесу́ досто́йную?/ Что же возымену́ю Тя?/ Недоумева́ю и ужаса́юся./ Те́мже, я́ко повеле́н бых, вопию́ Ти:/ ра́дуйся, Благода́тная.

По полиеле́и седа́лен, глас 8.

Подо́бен: Повеле́нное та́йно:

Повеле́нныя ти за́поведи прие́мь,/ разу́мне страх Бо́жий в себе́ прия́л еси́ пе́рвее,/ и́мже и окормля́емь, стезю́ пра́вую не погреши́л еси́,/ е́юже и ше́ствуя, во две́ри му́ченическия вшел еси́,/ с ни́миже проси́ пою́щим тя смире́ние,/ я́ко да благода́рно пое́м ти, му́дре:/ ра́дуйся, Ла́заре пребога́те.

Сла́ва, и ны́не, Богоро́дичен:

Повеле́нное та́йно прие́м в ра́зуме,/ в кро́ве Ио́сифове тща́нием предста́ Безпло́тный, глаго́ля Неискусобра́чней:/ Приклони́вый схожде́нием небеса́, вмеща́ется неизме́нно весь в Тя./ Его́же и ви́дя в ложесна́х Твои́х, прие́мша ра́бий зрак, ужаса́юся зва́ти Тебе́:/ ра́дуйся, Неве́сто Неневе́стная.

Та́же степе́нна, 1-й антифо́н 4-го гла́са. Проки́мен, глас 4: Мно́ги ско́рби пра́ведным,/ и от всех их изба́вит я Госпо́дь. Стих: Воззва́ша пра́веднии, и Госпо́дь услы́ша их. Вся́кое дыха́ние: Ева́нгелие от Луки́, зача́ло 63.

По 50-м псалме́ стихи́ра, глас 6:

И́же благода́тию Боже́ственнаго Ду́ха/ со́брании днесь празднолю́бцы,/ лик соста́вльше, пое́м песнь но́ву,/ па́мять сотворя́ще треблаже́ннаго Ла́заря,/ в ню́же соше́дшеся, Спа́са велича́ем/ и торжества́ вино́внику моле́бне рцем:/ я́ко имы́й дерзнове́ние у Царя́ Сла́вы,/ моли́ изба́витися вре́да вся́каго/ от души́ сла́вящим тя.

Кано́н Богоро́дицы со ирмосо́м на 6, глас 2 и свята́го два кано́на на 8. Кано́н свята́го, глас 4, его́же краегране́сие: Ла́заря похвали́ти, Бо́же мой, ра́зум да́руй ми.

Песнь 1

Ирмо́с: Отве́рзу уста́ моя́,/ и напо́лнятся Ду́ха,/ и сло́во отры́гну Цари́це Ма́тери,/ и явлю́ся, све́тло торжеству́я,/ и воспою́, ра́дуяся, Тоя́ чудеса́.

Лику́я со а́нгельскими собо́ры при́сно,/ у Престо́ла Боже́ственнаго, светови́дныя зари́ исполня́емь,/ омраче́нную ду́шу мою́ озари́ти моли́ся,/ я́ко да по до́лгу возмогу́ воспе́ти па́мять твою́, Ла́заре.

А́ще и по достоя́нию восхвали́ти тя недоуме́ем, чту́щии тя,/ но, ели́ко по си́ле, песнь плете́м сла́вней твое́й па́мяти,/ пропове́дающе твое́ житие́ и страда́ние:/ любоча́ден, приими́ сие́, а́ще и не по достоя́нию хвале́ние.

Зача́ло доброде́тельнаго твоего́ жития́, страх Госпо́день взял еси́ от ю́ности, Ла́заре,/ и сей име́л еси́, наставля́ющ тя к пути́ пра́вому,/ и́мже ше́ствуя, во дворы́ Госпо́дни вшел еси́.

Богоро́дичен: А́нгельских сил ве́мы Тя превы́шшую, лю́дие ве́рнии,/ Спа́са и Бо́га прославля́ем, Де́во Всепе́тая,/ и, Богоро́дицу Тя от души́ сла́вяще, мо́лимся:/ от супоста́тных наше́ствия пою́щия Тя изба́ви.

Ин кано́н свята́го, глас 8.

Песнь 1

Ирмо́с: Колесницегони́теля фарао́ня погрузи́/ чудотворя́й иногда́/ Моисе́йский жезл, крестообра́зно порази́в/ и раздели́в мо́ре,/ Изра́иля же беглеца́, пешехо́дца спасе́,/ песнь Бо́гови воспева́юща.

И́же на тя разсвирепе́вшии иноплеме́нницы потреби́шася, я́ко Дафа́н и Авиро́н окая́ннии:/ тебе́ бо неви́димо храня́ще Боже́ственная си́ла,/ Бо́гу вся́ко над ни́ми тя устро́ившу,/ мно́гим по́слежде тобо́ю промышля́я заступле́ние.

Ви́дев Созда́вший еди́н сердца́ челове́ков, Богому́дре Ла́заре,/ се́рдца твоего́, е́же к Нему́, нра́ва же кро́ткое и незло́бивое,/ на престо́ле ца́рствующих посади́/ и па́стыря тя христокра́сных люде́й устро́и.

Егда́ на стра́жи твое́й стал еси́ богода́нныя ти вла́сти, Ла́заре,/ тогда́ недрема́нное о́ко стяжа́л еси́, к соблюде́нию богода́ннаго ти ста́да,/ о не́мже труди́вся до сме́рти,/ отню́дуже и мзду прия́л еси́ трудо́в твои́х.

Новопросия́вшая звезда́ яви́лся еси́ на за́паде,/ сия́я све́тлыми луча́ми твои́х моще́й всем ве́рным,/ па́че же твоему́ оте́честву,/ и сих привлача́ к пресве́тлому сия́нию твои́х по́двиг/ и избавля́я тех от тьмы несве́тлыя, Ла́заре,/ и от приходя́щих то́е расхи́тити звере́й.

Богоро́дичен: Вседе́рзостную кре́пость иноплеме́нников, о Влады́чице, потреби́,/ лю́ди же ве́рныя, Тебе́ сла́вящия, спаси́ и укрепи́,/ и́же Сы́ну и Бо́гу Твоему́ песнь воспева́ющих.

Катава́сия по уста́ву.

Песнь 3

Ирмо́с: Твоя́ песносло́вцы, Богоро́дице,/ Живы́й и Незави́стный Исто́чниче,/ лик себе́ совоку́пльшия, духо́вно утверди́;/ в Боже́ственней Твое́й сла́ве/ венце́в сла́вы сподо́би.

Ра́зума от пеле́н испо́лнен ты был еси́ и благода́ти Боже́ственныя,/ вся́ческих доброде́телей оби́лен,/ ни́щим же и убо́гим твое́ бога́тство расточи́л еси́,/ сего́ ра́ди тя Христо́с на Небесе́х мно́гим бога́тством обогати́.

Авраа́му на земли́ страннолю́бием подо́бяся,/ име́л еси́ десни́цу благопода́тну:/ стра́нныя, и больны́я, и мимоходя́щия прие́мля,/ сподо́бился еси́ и Бо́га прия́ти в тебе́, Ла́заре.

Преиспещре́нный и сла́вный дом твой, достоблаже́нне Ла́заре,/ его́же на земли́ доброде́тельными ле́потами украси́л еси́,/ жела́я ве́чных благ получи́ти, му́дре,/ отню́дуже и Ца́рствия Небе́снаго сподо́бился еси́.

Богоро́дичен: О Господоимени́тая Де́во Всенепоро́чная,/ возбране́ние име́я и по́мощь Твое́й моли́твы,/ до́блий во́ин Твоего́ Сы́на и Бо́га первонача́льника безбо́жнаго победи́,/ себе́ же исхода́тай сла́ву му́ченическую.

Ин

Ирмо́с: Утвержде́й в нача́ле Небеса́ ра́зумом/ и зе́млю на вода́х основа́вый,/ на ка́мени мя, Христе́, за́поведей Твои́х утверди́,/ я́ко несть свят, па́че Тебе́, Еди́не Человеколю́бче.

И́же на высоту́ хулу́ глаго́лавый,/ го́рдым о́ком ви́дев твоя́ поле́зная, Ла́заре,/ ле́стными ухищре́ньми укра́сти тя покуси́ся;/ ты же, Му́дрость су́щую – Христа́ Бо́га в дому́ се́рдца твоего́ имы́й,/ того́ под но́зе твои́ покори́л еси́, вопия́:/ несть свят, па́че Тебе́, Го́споди.

 Беся́щася пе́рсянина я́ко ви́дев,/ со мно́жеством язы́к на тя прише́дша,/ дави́дски, Ла́заре, к боре́нию того́ изше́л еси́/ и, я́коже о́наго втора́го победи́л еси́ Голиа́фа, взыва́я:/ несть свят, па́че Тебе́, Го́споди.

Я́ко побо́рнику Правосла́вия и му́ченику неле́стну/ хвалу́ и сла́ву вси тебе́, ве́рнии, прино́сим, Ла́заре:/ богора́тнаго бо зве́ря, я́ко не убоя́вшася рещи́:/ прииди́те, и потреби́м пра́вую ве́ру сла́вящих от земли́,/ и не помяне́тся и́мя Правосла́вия в них,/ – кре́пко низложи́л еси́ .

Богоро́дичен: Благопремене́нна сотвори́, Влады́чице Всепе́тая, бо́дрыми Твои́ми моли́твами/ от Твое́й утро́бы я́вльшагося челове́ком пло́тию,/ я́ко да обря́щем, Тебе́ сла́вящии, грехо́в оставле́ние/ и насле́дницы яви́мся сла́вы Сы́на и Бо́га Твоего́.

Седа́лен, глас 8.

Подо́бен: Прему́дрости сло́во:

Прему́дростию и ра́зумом украше́н,/ му́жеским и тве́рдым сия́я смы́слом,/ благ же, и кро́ток, и ми́лостив был еси́/ и вруче́нную ти па́ству до́бре упа́сл еси́,/ язы́ческих же наше́ствий непра́ведное заколе́ние претерпе́л еси́,/ те́мже и вене́ц боле́зней твои́х прия́л еси́./ Сего́ ра́ди вопие́м ти, Ла́заре:/ моли́ Христа́ Бо́га согреше́ний оставле́ние дарова́ти,/ чту́щим любо́вию святу́ю па́мять твою́.

Сла́ва, и ны́не, Богоро́дичен:

Я́ко Всенепоро́чная Неве́сто Творца́,/ я́ко Неискусому́жная Ма́ти Изба́вителя,/ прия́телище я́ко су́щи Уте́шителя, Всепе́тая,/ беззако́нию мя су́ща скве́рно жили́ще/ и де́монов игра́лище в ра́зуме бы́вша,/ потщи́ся от сих злоде́йствия мя изба́вити/ све́тло жили́ще доброде́тельми соде́лавши,/ Светода́тельная и Нетле́нная,/ разжени́ о́блак страсте́й, и Вы́шняго прича́стия сподо́би,/ и Све́та невече́рняго моли́твами Твои́ми.

Песнь 4

Ирмо́с: Седя́й в сла́ве, на Престо́ле Божества́/ во о́блаце ле́гце,/ прии́де Иису́с Пребоже́ственный/ Нетле́нною Дла́нию и спасе́ зову́щия:/ сла́ва, Христе́, си́ле Твое́й.

Храм Бо́жий яви́лся еси́ по достоя́нию,/ храм бо Тому́ благоле́пен соде́лал еси́,/ всех приводя́щ во удивле́ние, оби́лием кипя́ вся́ким, Ла́заре,/ в не́мже и ли́ки и́ноческия собра́л еси́.

Вве́ренный тебе́ тала́нт держа́вный, Ла́заре,/ не в земли́ скрыл еси́, я́ко раб лени́вый,/ но де́лав, я́ко раб бо́дрый своего́ Влады́ки,/ его́же и многоусугу́бленна Тому́ прине́сл еси́.

Авситиди́йскаго И́ова житию́ всекра́сному подо́бяся му́дростию и ра́зумом,/ просвеще́н яви́лся еси́,/ смире́нием се́рдца укра́шен и высото́ю жития́ сия́я,/ и па́че сих высоча́йшая испра́вил еси́, Ла́заре.

Богоро́дичен: Лю́дие ве́рнии, сла́вящия Тя, Ма́терь Бо́жию,/ припа́дающе, мо́лимся чистоте́ Твое́й:/ моли́ся, Влады́чице, со святы́м му́чеником о чту́щих Тя:/ вся бо мо́жеши, я́ко Христа́ ро́ждши, Богоблаже́нная.

Ин

Ирмо́с: Ты моя́ кре́пость, Го́споди,/ Ты моя́ и си́ла,/ Ты мой Бог, Ты мое́ ра́дование,/ не оста́вль не́дра О́тча/ и на́шу нищету́ посети́в./ Тем с проро́ком Авваку́мом зову́ Ти:/ си́ле Твое́й сла́ва, Человеколю́бче.

Я́ко Гедео́н всекре́пкий, к наше́дшему мно́жеству пе́рсскому дерзну́л еси́,/ хра́мы моли́твенныя и сосу́ды святы́я не терпя́ зре́ти пожига́емы,/ любя́ о сих умре́ти и ду́шу твою́ положи́ти;/ от них же главно́е усече́ние претерпе́л еси́, взыва́я:/ сла́ва си́ле Твое́й, Го́споди.

Всекре́пким твои́м усе́рдием спле́лся еси́ велехва́льному пе́рсянину/ и, того́ победи́в, взыва́л еси́:/ да пролие́тся кровь моя́ о любви́ Христа́ моего́,/ изво́лих бо примета́тися в дому́ Бо́га моего́ па́че,/ не́жели жи́ти ми в тле́нных.

Досточу́ден и му́жествен в бра́нех был еси́, но́вый в му́ченицех Ла́заре,/ ра́ны мно́гия и главно́е отсече́ние любве́ ра́ди Бо́жия от беззако́нных претерпе́л еси́,/ дух же пре́дал еси́ в ру́це Бо́гу, ра́дуяся.

Богоро́дичен: Возсия́л еси́ от Де́вы, я́коже от о́блака звезда́ озаря́ющая,/ показу́я му́чеником красоту́/ и всем, до́бре подвиза́вшимся и страстьми́ распе́ншимся, Ще́дре, си́лу Твою́.

Песнь 5

Ирмо́с: Ужасо́шася вся́ческая/ о Боже́ственней сла́ве Твое́й:/ Ты бо, Неискусобра́чная Де́во,/ име́ла еси́ во утро́бе над все́ми Бо́га/ и родила́ еси́ Безле́тнаго Сы́на,/ всем воспева́ющим Тя/ мир подава́ющая.

Ио́сифа целому́дреннаго чистоте́ и Боже́ственному житию́ подо́бяся,/ пшеницеда́тель и ми́лостив ни́щим был еси́:/ сию́ посе́яв в бразде́х, нището́ю изсо́хших,/ отону́дуже во вре́мя плодо́в весе́лием рукоя́ти пожа́л еси́.

Твоего́ ра́ди ми́лования, е́же на земли́ стяжа́л еси́,/ пра́вды ра́ди твое́й,/ приобре́тение стои́т тебе́ нетле́нно,/ е́же и получи́в, обре́л еси́ трудо́в твои́х возме́здие/ и живе́ши с ли́ки пра́ведник и му́ченик, ра́дуяся.

И́же нището́ю угнета́емии лю́те/ и и́же в плене́ных и вся́ких ну́ждах озлобля́емии/ тру́бят в подсо́лнечней, Ла́заре, твои́х, досточу́дне,/ ми́лований пучи́ну неизсле́диму.

Богоро́дичен: Без се́мене Сло́во Бо́жие, Неискусобра́чная, о Богоро́дице, родила́ еси́,/ я́коже Той благоизво́ли,/ Его́же ра́ди, Бо́га, му́жески сла́вный му́ченик Ла́зарь, пропове́дуя, вожделе́нно пострада́.

Ин

Ирмо́с: Вску́ю мя отри́нул еси́,/ от лица́ Твоего́, Све́те Незаходи́мый,/ и покры́ла мя есть чужда́я тьма, окая́ннаго?/ Но обрати́ мя и к све́ту за́поведей Твои́х/ пути́ моя́ напра́ви, молю́ся.

Да подви́жится к твоему́ похвале́́нию всяк язы́к,/ я́ко хва́лен ста́ду твоему́ был еси́ вождь,/ и я́ко, сих приве́д, упа́сл еси́ на па́житех живо́тных,/ и я́ко засту́пник тем в животе́ и по сме́рти яви́вся,/ и я́ко о нем подвиза́лся еси́ до сме́рти.

Нача́льствующу тебе́ ста́ду христоимени́тому в зве́рских нахожде́ниих,/ не нае́мник, но па́стырь до́брый был еси́,/ за́поведи Пастыренача́льника потща́лся еси́ испо́лнити,/ расхища́ющим ста́до Христо́во возбраня́я, убие́н был еси́.

Светя́щую тя свещу́ во дни и нощи́, Ла́заре,/ твоя́ честны́я светоза́рныя мо́щи стяжа́вши, Це́рковь весели́тся,/ просвеща́ема днесь заре́ю, ю́же свы́ше прия́л еси́ Ду́ха Свята́го осене́нием,/ и́миже вся́кия ле́сти избежа́вши, тя прославля́ет.

Богоро́дичен: Ду́шу мою́ озари́, омраче́нную прегреше́ньми и ослепле́нную лю́тыми похотьми́,/ Я́же Со́лнце ро́ждшая Пра́ведное, Присноде́во:/ ели́ка бо хо́щеши, мо́жеши.

Песнь 6

Ирмо́с: Боже́ственное сие́ и всечестно́е/ соверша́юще пра́зднество,/ Богому́дрии, Богома́тере,/ прииди́те, рука́ми воспле́щим,/ от Нея́ ро́ждшагося Бо́га сла́вим.

О, всекра́сныя ку́пли твоея́, свя́те,/ о, чу́днаго твоего́ измене́ния:/ маловре́менною бо сла́вою ве́чную искупи́л еси́,/ в не́йже ны́не живе́ши, о нас моли́ся.

Житию́ твоему́, Ла́заре, кто не удиви́тся,/ собра́л бо еси́, я́коже пчела́ благоразу́мная, мно́жество цветови́дных доброде́телей:/ в ни́хже, красу́яся, нас облагоуха́еши.

Е́же по достоя́нию чу́днаго твоего́ жития́,/ досто́йно жела́ему сла́ву, ты от Христа́ Бо́га получи́л еси́,/ иде́же ны́не предстои́ши,/ в ри́зу све́тлу от доброде́телей облече́н, ра́дуяся.

Богоро́дичен: Ма́ти Присноде́во,/ я́ко Чи́стую Тя, Сло́во Чи́стое возлюби́,/ из Тебе́ вопло́щся, обнови́ челове́ка/ и Своего́ уго́дника просла́ви чудесы́.

Ин

Ирмо́с: Очисти́ мя, Спа́се,/ мно́га бо беззако́ния моя́,/ и из глубины́ зол возведи́, молю́ся,/ к Тебе́ бо возопи́х, и услы́ши мя,/ Бо́же спасе́ния моего́.

Страны́ вся окре́стныя, Ла́заре, пропове́дуют твое́ житие́ и по́двиги,/ изря́днее же твое́ оте́чество, свя́те;/ труби́т же и Це́рковь Свята́я, па́мять твою́ сла́вящи,/ я́ко о той кровь твою́ излия́л еси́, но́вый в му́ченицех Ла́заре.

Гобзу́юща тя в поле́зных я́ко ви́де пе́рсянин,/ на тя свире́по рыка́я, со мно́жеством язы́к прихо́дит,/ от ни́хже и главно́е отсече́ние претерпе́л еси́, я́ко му́ченик,/ того́же возгнеще́ние 47 ве́чному огню́ мече́м соде́лал еси́.

Бог, И́же во гро́бе забве́ния не оста́ви твое́ те́ло,/ земно́му же естеству́ повеле́ не растли́ти,/ но це́ло и облагоуха́емо явля́ет,/ всех ве́рных чу́вствия и зре́ние во удивле́ние привлача́.

Богоро́дичен: И́же вся приведы́й от небытия́ в бытие́,/ И́же от Де́вы Неискусому́жныя нас ра́ди вопло́щся,/ исмаи́ля врага́ покори́, борю́щаго нас,/ кня́зю на́шему побе́ду да́руя,/ мольба́ми Твоего́ Ла́заря и Ро́ждшия Тя, Сло́ве Бо́жий.

Конда́к, глас 8.

Подо́бен: Взбра́нной Воево́де:

Возбра́нника благоче́стия всеизря́дна/ и му́ченика о и́стине непосты́дна,/ че́стне и по до́лгу восхваля́ет тя ста́до твое́, Богому́дре,/ но я́ко име́я дерзнове́ние ко Христу́ Бо́гу,/ тебе́ сла́вящим смире́ние испроси́, да зове́м ти:/ ра́дуйся, Ла́заре приснопа́мятне.

И́кос:

И́мать тебе́ твое́ оте́чество и па́ства, я́ко жи́ва и по сме́рти:/ дар прече́стен и бога́тство неиждива́емое, засту́пника вели́ка/ и возбра́нника кре́пка, о благолюбе́зне;/ те́мже и в день сконча́ния твоего́ пе́сни достохва́льныя прино́сим ти,/ и, велича́юще тя, взыва́ем тебе́ такова́я:/ ра́дуйся, отца́ благочести́ва прозябе́ние;/ ра́дуйся, ма́тере благогове́йныя прижи́тие./ Ра́дуйся, я́ко от ю́ности после́довал еси́ за́поведем Бо́жиим;/ ра́дуйся, сто́лпе Правосла́вия непоколеби́мый./ Ра́дуйся, зда́телю и краси́телю святы́х церкве́й;/ ра́дуйся, оби́льное ми́лование ни́щих./ Ра́дуйся, па́стырю до́брый, положи́вый ду́шу твою́ о лю́дех Бо́жиих;/ ра́дуйся, я́ко о благоче́стии кровь твою́ излия́л еси́./ Ра́дуйся, я́ко сих ра́ди с му́ченики причте́ся и водворе́ние с ни́ми получи́л еси́;/ ра́дуйся, я́ко тобо́ю украси́шася правосла́внии./ Ра́дуйся, я́ко сла́ва о тебе́ протече́ по вселе́нней;/ ра́дуйся, наш засту́пниче и изба́вителю./ И сия́ тебе́ прино́сим, свя́те, я́ко досто́йну, и мо́лим тя:/ возме́здие сла́вящим тя пода́ждь/ и вся́каго озлобле́ния нас изба́ви, да зове́м ти:/ ра́дуйся, Ла́заре приснопа́мятне.

Песнь 7

Ирмо́с: Не послужи́ша тва́ри Богому́дрии/ па́че Созда́вшаго,/ но, о́гненное преще́ние му́жески попра́вше,/ ра́довахуся, пою́ще:/ препе́тый отце́в Госпо́дь и Бог, благослове́н еси́.

О Бо́зе ве́рою усе́рдною возмога́я,/ мно́жество хра́мов святы́х обнови́л еси́,/ мно́жайшия же от основа́ния воздви́гл еси́ Го́споду в славосло́вие,/ и́хже ра́ди дом Ду́ха Свята́го себе́ соде́лал еси́, вопия́,/ благослове́н Бог оте́ц на́ших.

Испещре́нну ле́ствицу, и до Небе́с досяжу́щу, на земли́, я́ко худо́г 48 , хитре́ц 49 Ла́заре, устро́ил еси́:/ бы́ша во тебе́, я́коже степе́ни ле́ствичныя, блага́я дела́,/ и́миже восте́к, иде́же жела́л еси́, зовы́й:/ благослове́н Бог оте́ц на́ших.

Ра́зума све́тлости в доброде́тели жития́/ и пре́жде страда́ния ты, му́дре, испо́лнь был еси́,/ красне́йший же яви́лся еси́ по по́двизех чуде́сных./ Те́мже тя я́ко Бо́жия уго́дника почита́ем, зову́ще:/ благослове́н Бог оте́ц на́ших.

Богоро́дичен: Ада́м от тли рождество́м Твои́м изба́вися,/ кроме́ бо тле́ния челове́ческаго ро́ждши,/ те́мже тле́ния зла́го мя, Отрокови́це, изба́ви/ мольба́ми Твоего́ Ла́заря, Влады́чице.

Ин

Ирмо́с: Бо́жия снизхожде́ния/ огнь устыде́ся в Вавило́не иногда́./ Сего́ ра́ди о́троцы в пещи́, ра́дованною ного́ю,/ я́ко во цве́тнице, лику́юще, поя́ху:/ благослове́н еси́, Бо́же, оте́ц на́ших.

Не терпя́, Богому́дре, зре́ти хра́мом моли́твенным безбо́жными пожига́емым/ и ста́до христоимени́тое расхища́емо,/ ре́вностию Бо́жия любве́ разже́гся, изше́л еси́,/ и му́ченическое от сих главно́е отсече́ние претерпе́л еси́, зовы́й:/ благослове́н Бог оте́ц на́ших.

С ли́ки а́нгельскими в све́тлем пребыва́нии/ и с му́ченическими собо́ры водворя́яся я́ко му́ченик, Ла́заре,/ у Престо́ла всех Царя́ и Бо́га на́шего, лику́я, зове́ши:/ благослове́н Бог оте́ц на́ших.

Днесь весели́тся вся́ка душа́ ве́рных,/ собра́вшихся на свято́е торжество́,/ во всесвяты́й храм твой,/ и, зря́ще в нем, я́коже со́лнце, святы́я твоя́ мо́щи, ра́дуется, взыва́юще:/ благослове́н Бог оте́ц на́ших.

Богоро́дичен: Восхваляе́м Тя, похвалу́ му́чеников/ и ве́рных спасе́ние, вси ро́ди челове́честии, Пренепоро́чная:/ Бо́га бо родила́ еси́ и пребыва́еши Де́вою нетле́нна, Ему́же зове́м:/ благослове́н Бог оте́ц на́ших.

Песнь 8

Ирмо́с: О́троки благочести́выя в пещи́/ Рождество́ Богоро́дичо спасло́ есть;/ тогда́ у́бо образу́емое,/ ны́не же де́йствуемое,/ вселе́нную всю воздвиза́ет пе́ти Тебе́:/ Го́спода по́йте, дела́,/ и превозноси́те Его́ во вся ве́ки.

Заре́ю солнцеви́дною достоле́пно, Ла́заре, украше́н/ и багряни́цею, ю́же от крове́й твои́х очервлени́л еси́, был еси́ оде́ян,/ держа́ крест твое́ю руко́ю,/ Христу́, просла́вльшему тя, предстои́ши./ Тем мо́лим тя:/ труда́м твои́м ве́чновати Ему́ моли́ся.

Услы́ши мольбы́ и пе́ния глас люде́й твои́х, свя́те,/ вонми́ воздыха́нию ста́да твоего́, я́ко отечестволю́бец,/ и проти́вися гне́вне на нас вою́ющим:/ ве́мы бо многомо́щную моли́тву пра́веднаго.

Ма́лаго и худа́го моле́ния на́шего не пре́зри, мо́лим тя,/ жи́телю Вы́шняго Ца́рствия Ла́заре,/ но призира́й на твое́ ста́до, я́коже при животе́ и по сме́рти,/ и смире́ние испроси́ хва́лящим тя.

Да ра́дуется днесь мно́жество Боже́ственное:/ яви́ся бо на за́паде пресве́тлая звезда́,/ во вре́мя после́днее сия́ющи досточу́дными луча́ми свои́х исправле́ний/ и озаря́ющи ве́рныя, Ла́заре всебога́те./ Те́мже торжеству́им, зову́ще:/ благослови́те, вся дела́ Госпо́дня, Го́спода/ и превозноси́те во вся ве́ки.

Богоро́дичен: А́нгелов Ти глас, Богоневе́сто, приноша́ем:/ ра́дуйся, Помо́щнице ве́рно чту́щих Тя челове́ков,/ проро́ков сбытие́, апо́столов и му́чеников украше́ние боголе́пное.

Ин

Ирмо́с: Седмери́цею пещь/ халде́йский мучи́тель/ Богочести́вым неи́стовно разжже́,/ си́лою же лу́чшею спасе́ны, сия́ ви́дев,/ Творцу́ и Изба́вителю вопия́ше:/ о́троцы, благослови́те,/ свяще́нницы, воспо́йте,/ лю́дие, превозноси́те во вся ве́ки.

Не пожда́в сме́рти есте́ственныя,/ но, я́коже жела́в, получи́л еси́,/ всекра́сное твое́ житие́ муче́нием удобротвори́л еси́,/ и преше́л еси́ к Вы́шним оби́телем,/ иде́же зри́ши добро́ту неизрече́нную,/ и, я́ко му́ченик име́я дерзнове́ние, зове́ши:/ о́троцы, благослови́те,/ свяще́нницы, воспо́йте,/ лю́дие, превозноси́те Христа́ во вся ве́ки.

Полку́ богосо́бранному предсия́я, я́коже звезда́ благозра́чная,/ и сих во све́тлая селе́ния приве́л еси́ путе́м страда́льческим,/ и лико́м му́ченическим приче́т сих с собо́ю,/ кре́пко бо о благоче́стии кровь твою́ пролия́л еси́, свя́те, зовы́й:/ о́троцы, благослови́те,/ свяще́нницы, воспо́йте,/ лю́дие, превозноси́те Христа́ во вся ве́ки.

Во сла́ву и све́тлость Боже́ственную преше́д ду́хом, я́ко любоча́ден,/ нас, си́рых, не оста́вил еси́,/ но, я́коже Илия́ Елиссе́ю ми́лоть во утеше́ние,/ си́це честно́е те́ло твое́ це́ло и благоуха́нно нам оста́вил еси́,/ любя́ и по сме́рти пито́мцы твоя́, пою́щия:/ о́троцы, благослови́те,/ свяще́нницы, воспо́йте,/ лю́дие, превозноси́те Христа́ во вся ве́ки.

Богоро́дичен: Сын Единоро́дный, И́же пре́жде век неви́димый,/ напосле́док же веко́в Пе́рвенец бысть,/ ви́дим пло́тию из Тебе́, Ма́ти Де́во, нас ра́ди вочелове́чися,/ да земны́я обожи́т, Бог спасе́ния моего́, Ему́же зове́м:/ благослови́те, вся дела́ Госпо́дня, Го́спода/ и превозноси́те во вся ве́ки.

Песнь 9

Ирмо́с: Всяк земноро́дный/ да взыгра́ется, Ду́хом просвеща́емь,/ да торжеству́ет же Безпло́тных умо́в естество́,/ почита́ющее свяще́нное торжество́ Богома́тере,/ и да вопие́т:/ ра́дуйся, Всеблаже́нная Богоро́дице,/ Чи́стая Присноде́во.

Ра́дующися во всепра́зднственный день твоего́ сконча́ния,/ Це́рковь ве́рных днесь, со все́ми окре́стными совоку́пльшися, пра́зднует,/ храни́теля и засту́пника бо́дра стяжа́вши:/ ю́же огражда́й твои́м предста́тельством, я́ко да тя велича́ем.

Украси́в ду́шу твою́ Боже́ственными ле́потами,/ кра́сному Сло́ву сла́вен предстои́ши во дерзнове́нии мно́зе./ Сего́ ра́ди мо́лим тя:/ свы́ше нас, певцы́ твоя́, назира́й ми́лостивно,/ стране́ на́шей победи́тельная на супоста́ты испроси́,/ я́ко да тя ублажа́ем.

И́же празднолю́бных собо́ри,/ и́же в торжество́ ны́не хвали́маго Ла́заря собра́вшеся,/ наслади́мся торжества́ спасе́ннаго,/ зря́ще проро́ческих днесь сбы́вшихся слове́с:/ е́же пра́ведницы во ве́ки живу́т и от Го́спода сим прославле́ние,/ Его́же велича́ем.

Многоце́нное бога́тство и неиждива́емое – те́ло твое́ стяжа́в,/ храм твой, свя́те, крася́щеся тобо́ю, и взыва́ет, веселя́ся:/ вели́чит сла́ва моя́ Го́спода,/ дарова́вшаго мое́ украше́ние, покро́в и заступле́ние от супоста́тов.

Богоро́дичен: И́стинную Богоро́дицу ве́дый му́ченик Ла́зарь,/ и из Тебе́ рожде́ннаго Бо́га пропове́дуя,/ к безбо́жному мно́жеству от Того́ любве́ ополчи́ся,/ и му́жески проти́вися да́же и до сме́рти, Богоро́дице, Тя велича́ем.

Ин

Ирмо́с: Ужасе́ся о сем Не́бо,/ и земли́ удиви́шася концы́,/ я́ко Бог яви́ся челове́ком пло́тски/ и чре́во Твое́ бысть простра́ннейшее Небе́с./ Тем Тя, Богоро́дицу,/ А́нгелов и челове́к чинонача́лия велича́ют.

Тебе́ мо́лим, свя́те, приле́жно:/ о Це́ркви ве́рней помоли́ся,/ о ней же и кровь твою́ му́ченически излия́л еси́,/ Правосла́вней же ве́ре кре́пость на е́реси враго́в испроси́,/ смире́ние же – чту́щим тя, Ла́заре.

Я́ко шипо́к багрянови́дный, и я́блоко благово́нно,/ я́ко крин се́льный и я́ко ми́ро благоуха́нно, ра́ка твоя́, Ла́заре, нас облагоуха́ющи, весели́т:/ ю́же и посреде́ иму́ще, я́коже сокро́вище многоце́нное,/ то́ю красу́емся, Спа́са велича́юще.

В пра́здник святы́я твоея́ па́мяти, Ла́заре, соше́дшеся, ли́цы веселя́тся,/ с ни́миже и мы пе́сньми тя почита́ем./ Прииди́ же и ты, свя́те, и предначина́й торже́ственная,/ озлобле́ния же нас вся́каго изба́ви,/ я́ко твое́ есмы́ ста́до.

Богоро́дичен: О Всепе́тая Цари́це,/ Я́же Безнача́льнаго ро́ждши Царя́ Сла́вы,/ пою́щим Тя согреше́ний проще́ние и житию́ устрое́ние благоприбы́тно пода́ждь/ Твоего́ Ла́заря мольба́ми.

Свети́лен.

Подо́бен: Со ученики́ взы́дем:

Оте́чество твое́, израсти́вшее тя,/ твои́ми пелена́ми хва́лится,/ по́двиги же и страда́ньми красу́ется, но́вый в му́ченицех Ла́заре,/ светле́ется же и це́рковь Спа́са и Бо́га,/ сокро́вище бога́тое иму́щи – святы́я твоя́ мо́щи;/ мы же, ве́рнии, па́мять твою́ соверша́юще, моле́бно зове́м:/ изба́ви почита́ющих тя озлобле́ния вся́каго твои́ми моли́твами.

Богоро́дичен: Приими́ моле́ние, Всечи́стая Ма́ти Бо́жия Сло́ва, Твои́х люде́й,/ ве́рно сла́вящих Тя, Богоро́дицу,/ и сохраня́й Твое́ ста́до ненаве́тно от сопроти́вных,/ непреста́нно сла́вящее Тя, Непосты́дную Засту́пницу:/ ины́я бо Помо́щницы не и́мамы, ра́зве Тебе́, Влады́чице.

На хвали́тех стихи́ры на 4, глас 4.

Подо́бен: Я́ко до́бля:

До́бляго исполни́теля за́поведей Бо́жиих,/ соше́дшеся, восхва́лим по достоя́нию но́ваго Ла́заря,/ блага́го ко́рене о́трасль сладча́йшую,/ сла́внаго в житии́ земна́го влады́чествия,/ красне́йшаго же в доброде́телех показа́вшася,/ и́же вся́кою доброде́телию оби́льнаго,/ и со А́нгелы Христу́ предстоя́щаго,/ и о и́же па́мять Его́ с любо́вию пою́щих моля́щагося.

До́бляго и му́жественнаго во бра́нех/ и адама́нта тверде́йшаго,/ побо́рника всеи́стинна о Правосла́вии,/ благоче́стия столпа́ непоколеби́маго,/ чу́днаго Ла́заря ублажи́м,/ ревни́теля и подража́теля Авраа́ма о́наго,/ и́же о и́стине му́ченика я́вльшагося,/ у Христа́ предстоя́щаго,/ о нас моля́щагося.

Кро́вию новоизлия́нною твое́ю/ ве́рных Це́рковь украша́ется,/ па́че же труды́ твои́ми соде́ланная,/ я́ко о той сию́ излия́л еси́,/ и, се́ю обагри́вшися,/ та́йно лику́ет, веселя́щися,/ и почита́ет достопа́мятное твое́ сконча́ние,/ му́чеников удобре́ние/ и держа́вных похвало́, Ла́заре, и мо́лимтися:/ огражда́й сию́ от обстоя́ний.

Сла́ва, глас 8:

В нача́ле доброде́тельнаго твоего́ жития́,/ страх Бо́жий в ду́шу твою́ всели́л еси́,/ и́мже окормля́емь,/ стезю́ десну́ю не погреши́л еси́,/ и, се́ю ше́ствуя,/ Тому́ угоди́л еси́,/ и да́нный ти тала́нт до́бре возде́лал еси́,/ о не́мже главно́е отсече́ние прия́л еси́,/ отону́дуже и мно́жае Христо́ви присво́ился еси́./ Те́мже Боже́ственная селе́ния и град Небе́сный/ всекра́сную твою́ ду́шу прия́,/ иде́же ны́не лику́еши близ Царя́ и Бо́га,/ тем мо́лим тя:/ моли́ о сла́вящих тя любо́вию, Ла́заре.

И ны́не, Богоро́дичен:

Чи́стая Де́во, Сло́ва врата́,/ Бо́га на́шего Ма́ти,/ моли́ спасти́ся нам.

Славосло́вие вели́кое и отпу́ст.

НА ЛИТУРГИ́И

Блаже́нны 1-го кано́на, песнь 3-я, 2-го кано́на, песнь 6-я. Проки́мен, глас 7: Возвесели́тся пра́ведник о Го́споде,/ и упова́ет на Него́. Стих: Услы́ши, Бо́же, глас мой, внегда́ моли́тимися к Тебе́. Апо́стол в Дея́ниях, зача́ло 29. Аллилу́ия, глас 4: Пра́ведник, я́ко фи́никс, процвете́т, я́ко кедр, и́же в Лива́не, умно́жится. Стих: Насажде́ни в дому́ Госпо́дни, во дво́рех Бо́га на́шего процвету́т. Ева́нгелие от Иоа́нна, зача́ло 52. Прича́стен: В па́мять ве́чную:

Святой благоверный князь Лазарь Сербский

Святой благоверный князь Лазарь Сербский (полное имя Стефан Лазарь Хребельянович) родился около 1329 года в городе Прилепце около Нового Брда в семье знатного вельможи Лазаря Прибаца Хребельяновича (или Гребляновича). С детства святой Лазарь отличался благонравием, кротостью и добротой. Он воспитывался при дворе короля Сербии Стефана Душана. Святой Лазарь пользовался всеобщей любовью и уважением за свою начитанность, доблесть и благоверие. Около 1353 года святой Лазарь женился на Милице – дочери великого князя Вратка, из рода Неманичей. Став родственником короля, Лазарь получил титул князя. У святых Лазаря и Милицы (в монашестве Евгения–Ефросиния; † 1405: память 19 июля) было пять дочерей и три сына, из которых старший Стефан, как и его родители, причислен к лику святых († 1427: память 19 июля).

Во время правления Стефана Душана Сербское государство укрепилось и расширило свои границы. Но после его смерти в 1355 году между князьями начались раздоры и междоусобицы. Сын Стефана Душана Стефан Урош безуспешно старался утвердить мир в своей стране. Этим воспользовались турки. 26 сентября 1371 года они разбили малочисленное сербское войско на реке Марице. Мусульмане разоряли сербские земли и многих жителей убивали или уводили в плен. Южная часть Сербского царства потеряла свою независимость. 4 декабря 1371 года благочестивый царь Стефан Урош был предательски убит (память 2 декабря).

Благоверный князь Лазарь, стремясь сохранить независимость Сербии, стал объединять сербские земли. Он объединил области Ужице и Руюника со своими землями, изгнал венгров из Срема и Мачвы, присоединил к Сербии земли по обе стороны реки Тиссы. Противники объединения сербских земель в одно государство пытались помешать делу святого Лазаря. Наместник Герцеговины князь Николай Алтаман пытался убить святого, но, по Божию Промыслу, благоверный князь остался жив: нож убийцы ударил в крест, который святой Лазарь носил на груди. Вскоре к княжеству святого Лазаря были присоединены Герцеговина и Банат. В 1379 году сербские князья избрали благоверного князя Лазаря своим господарем.

Благочестивый господарь заботился об укреплении Церкви Божией в своей стране и за ее пределами. Благодаря ему был улажен конфликт между Сербской Церковью и Константинопольским Патриархом. Греки не признавали самостоятельность Сербской Церкви, которая отделилась от Церкви Константинопольской во времена царя Стефана Душана. Патриарх Каллист отлучил Сербского Патриарха и предал анафеме сербов. В 1375 году состоялся Собор Сербской Церкви, на котором при участии святого царя Лазаря и Патриарха Саввы IV (1354–1375) было решено просить Константинопольского Патриарха о снятии анафемы. В Царьград отправили послов во главе с афонским старцем Исайей. Посольство оказалось успешным. Патриарх Филофей не только снял проклятие со всех живых и умерших сербов, но и соответствующим законодательным актом подтвердил автокефалию Сербской Церкви.

Святой Лазарь основал в Сербии множество храмов и монастырей. Самый большой монастырь – Рованица основан святым Лазарем в 1381 году и посвящен Вознесению Господню. Благоверный князь Лазарь щедро одаривал монастыри не только в Сербии, но и в Иерусалиме, Египте, на Синае. Большую помощь оказывал святой царь и монастырям на Афоне: Хилендару, а также Русскому Пантелеимонову монастырю, которому передал храм Спаса и даровал несколько сел. У благочестивого правителя Сербии находили приют монахи, бежавшие из других земель Балканского полуострова и Святой Горы Афон, завоеванных турками. Он приютил и монахов Синайского монастыря, среди которых был ученик святого Григория Синаита, тоже Григорий. Для так называемых «синаитов» был построен монастырь Горняк, сохранившийся до наших дней.

Святой Лазарь известен милосердием и благотворительностью. Им было открыто множество школ, больниц, сиротских приютов.

В 1387 году произошло первое столкновение между войсками султана Мурата I и святого царя Лазаря: двадцать тысяч турок были разбиты у Плочника. В следующем году турки безуспешно пытались покорить Боснию. Разгневанный султан собрал против сербов большое войско. Святой Лазарь обратился ко всем сербским и некоторым западным князьям с призывом объединиться и дать сражение туркам на Косовом поле. Не все князья откликнулись на призыв своего господаря. Сербское войско было в пять раз меньше турецкого. 15 июня 1389 года произошло знаменитое Косовское сражение. Перед битвой святой Лазарь и всё его войско причастились Святых Христовых Тайн. Святой Лазарь был вдохновителем, примером отваги и мужества для сербов. По свидетельству летописца, он получил 16 ран и сменил трех коней. Но, несмотря на героические усилия сербов, численное преимущество турок принесло им победу. Попущением Божиим сербы были разбиты, а святой Лазарь взят в плен.

По преданию, накануне битвы святому Лазарю явился Ангел Господень и спросил, какого царства он желает, Небесного или земного. Святой избрал Небесное. Свою смерть он встретил как истинный христианин, со смирением и твердостью, так что поразил даже султана Баязета, который разрешил сербским монахам совершить погребение обезглавленного тела своего князя-объединителя.

Через два года сыновья святого Лазаря Стефан и Вук открыли гробницу отца и нашли его тело нетленным, источавшим благоуханное миро. Святые мощи были перенесены в монастырь Рованица и почивали в Вознесенском храме обители до 1690 года, когда перед войной с турками были перенесены в Венгрию, затем в 1697 году – в один из монастырей на Фрушской горе в Среме, названный позднее Новой Рованицей. 14 апреля 1942 года святые мощи были перенесены в соборный храм Белграда, где они находятся и ныне.

Древнейшее житие благоверного князя Лазаря, царя Сербского, было составлено около 1392 года. К началу XV века относится целый цикл житий и сказаний о святом князе Лазаре: «Проложное житие князя Лазаря», «Слово о князе Лазаре», «Похвала князю Лазарю», «Похвальное слово князю Лазарю» и др. Тогда же была составлена служба святому Лазарю. На Руси благоверный князь Лазарь почитается, очевидно, с середины XVI века. В 1550 году его образ и служба ему были подарены Иоанну Грозному Хилендарским игуменом Паисием.

Литература:

1. Иустин (Попович), архимандрит. Жития святых (на сербском языке). Июнь, Белград, 1975.

2. Срблак, т. II, с. 129–200, т. III, с. 397. Белград, 1970 (службы).

3. О Срблаку. Студиjе. Београд, 1970, с. 205–209.

4. Вукмановиħ. О кнезу Лазару – «Гласник друшства српске словесности», XI, 1859, с. 112–113.

5. ħ. Сп. Радоjичиħ. Световна похвала кнезу Лазару и косовским jунацима. – «Jужнословенски филолог», XX, 1953–1954, с. 128–142.

6. Почетак Косовске легенде. – Летопис Матице српске, кн. 320, 1960, св. I, с. 85–88.

7. h. Трифуновиħ. Српски средньовековии списи о кнезу Лазару и косовскому боjу. Крушевац, 1968.

8. Филарет, архиепископ Черниговский. Святые южных славян. Т. 2. Чернигов, 1865, с. 93.

Святи́теля Михаи́ла, пе́рваго Митрополи́та Ки́евскаго и всея́ Руси́

(Слу́жбу зри 30 сентября́)

Тропа́рь глас 4:

Днесь проро́чествие во апо́столех Первозва́ннаго испо́лнися:/ се бо на сих гора́х возсия́ благода́ть и ве́ра умно́жися./ И и́же неве́рием обветша́вшии/ Боже́ственною купе́лию отроди́шася/ и бы́ша лю́дие обновле́ния,/ ца́рское свяще́ние, язы́к свят, Христо́во ста́до,/ ему́же ты пе́рвый па́стырь яви́лся еси́,/ я́ко пе́рвее Креще́нием послужи́вый./ И ны́не, предстоя́ Влады́це Христу́ Бо́гу,/ моли́ всем сыно́м ру́сским спасти́ся:/ и́маши бо дерзнове́ние я́ко иера́рх Бо́жий и священнослужи́тель.

Конда́к, глас 2:

Моисе́й вторы́й Росси́и яви́лся еси́, о́тче,/ пренесы́й мы́сленный виногра́д от египе́тскаго идолослуже́ния/ в зе́млю проро́чествием предуви́дену./ Бу́дет, рече́, утвержде́ние ве́ры на земли́,/ и на ве́рсех гор Ки́евских превознесе́тся па́че Лива́на/ плод пита́ющ ми́ра всего́./ От него́же вкуси́вше,/ ублажа́ем тя, Михаи́ле, Бо́жий иера́рше.

Святитель Михаил, первый митрополит Киевский

Святительское служение Михаила, первого митрополита Киевского, тесно связано с просветительской деятельностью святого равноапостольного князя Владимира († 1015; память 15 июля). В 988 году, вскоре после своего крещения, святой Владимир призвал из Корсуни (ныне Херсонес) греческих священнослужителей для повсеместного учреждения в России православной веры. В их числе прибыл в Киев и святитель Михаил, он привез святые иконы и богослужебные книги, церковную утварь, святые мощи угодников Божиих. За несколько лет служения митрополита Киевского в русских градах и весях было воздвигнуто множество храмов и основано несколько монастырей. Летопись повествует, что в эти годы «вера православная расцвела и засияла, как солнце». Одна из главных забот святого князя Владимира и святителя Михаила состояла в устроении школ. В той же летописи говорится, как они «начали отцов и матерей брать молодых людей и отдавать в училище учиться грамоте».

Евангельское благовестие первого митрополита Киевского простиралось далеко за пределы Киева: Переславль, Чернигов, Белгород, Владимир Волынский, Новгород и Ростов Великий – вот неполный список городов, в которых открывались по благословению святителя Михаила православные храмы. Не без помощи святителя равноапостольный князь Владимир крестил четырех болгарских князей и одного печенежского, отправил монаха Марка проповедовать христианскую веру к волжским булгарам-магометанам.

Из многих воздвигнутых в Киеве храмов самым большим был Десятинный – в честь Пресвятой Богородицы. Он был украшен иконами, крестами и утварью, привезенными святителем Михаилом из Корсуни. В этот храм при святом Владимире был перенесен гроб с мощами святой равноапостольной княгини Ольги († 969; память 11 июля). Здесь же был погребен первый Киевский митрополит, преставившийся ко Господу 15 июня 992 года. Его первосвятительство на Киевской кафедре оставило добрую память: в синодиках Киевского и Новгородского Софийских соборов он навечно записан как «первоначальник» Русской Церкви.

Память святителя Михаила празднуется также 30 сентября, в день перенесения его мощей.

Пренесе́ние моще́й преподо́бнаго Фео́дора Сикео́та

(Слу́жбу зри 22 апре́ля)

Тропа́рь, глас 2:

Позна́н быв от пеле́н освяще́н/ и я́влься благода́тей испо́лнен,/ чудесы́ мир озари́л еси́/ и де́монов мно́жество отгна́л еси́,/ священноде́телю Фео́доре,/ те́мже о нас моли́ся Го́сподеви.

Конда́к, глас 3.

Подо́бен: Де́ва днесь:

Я́ко на о́гненную колесни́цу доброде́тельми, Богоно́се, возше́д,/ восте́кл еси́ на Небе́сная жили́ща,/ я́ко А́нгел, с челове́ки пожи́л еси́/ и я́ко челове́к со А́нгелы о́крест ликовству́еши./ Сего́ ра́ди показа́лся еси́/ чуде́с Боже́ственное прия́телище, Фео́доре преподо́бне.

Преподобный Феодор Сикеот, епископ Анастасиупольский

Преподобный Феодор Сикеот, епископ Анастасиупольский, родился в середине VI века в селе Сикее, недалеко от города Анастасиуполя (Малая Азия), в благочестивой семье. Когда его мать Мария зачала святого, ей было во сне видение, что светлая звезда сошла к ней в утробу. Прозорливый старец, к которому она обратилась, разъяснил, что это благодать Божия сошла на зачатого ею младенца.

Когда мальчик достиг шестилетнего возраста, мать подарила ему золотой пояс, так как хотела, чтобы сын стал воином. Ночью в сонном видении ей явился великомученик Георгий (память 23 апреля) и приказал не помышлять о военной службе сына, потому что младенец был предназначен служить Богу. Отец святого, Косма, служивший скороходом у императора Юстиниана Великого (527–565), скончался рано. Мальчик остался на попечении матери, вместе с которой жили его бабушка Елпидия, тетка Диспения и маленькая сестра Влатта.

В школе святой Феодор обнаружил большие способности к учению, а главное – недетский разум и мудрость: он был спокоен, кроток, умел всегда успокоить товарищей, не допускал ссор и злобы среди них. В доме его матери жил благочестивый старец Стефан. Подражая ему, святой Феодор с 8 лет начал в Великий пост съедать лишь небольшой кусок хлеба по вечерам. Чтобы мать не принуждала его обедать вместе со всеми, мальчик возвращался из школы только к вечеру, после того как он в церкви причащался Святых Тайн вместе со старцем Стефаном. По просьбе матери учитель стал отпускать его на обед во время перерыва в занятиях. Но святой Феодор уходил в церковь великомученика Георгия, где покровитель храма являлся ему в виде юноши и вводил в храм.

Когда святому Феодору исполнилось 10 лет, он смертельно заболел. Его принесли в церковь святого Иоанна Крестителя и положили пред алтарем. Мальчика исцелили две капли росы, упавшие с лика Спасителя, написанного на своде храма. В это время мальчику по ночам стал являться великомученик Георгий, который водил его молиться в свой храм до утра. Мать, боясь опасностей ночной дороги в лесу, уговаривала сына не ходить по ночам. Однажды, когда мальчик всё же ушел, она в гневе пошла за ним в церковь, за волосы вывела оттуда и привязала к постели. Но в ту же ночь ей в сонном видении явился великомученик Георгий и грозно повелел не запрещать отроку ходить в храм. Такое же видение было Елпидии и Диспении. Женщины убедились в особом призвании святого Феодора и больше не препятствовали ему совершать свой подвиг, а маленькая сестра Влатта стала подражать ему.

В двенадцать лет святой удостоился в тонком сне увидеть на Престоле Царя Славы Христа, Который сказал: «Подвизайся, Феодор, чтобы принять в Царствии Небесном совершенную награду».

С того времени святой Феодор начал трудиться еще усерднее. Первую и Крестопоклонную седмицы Великого поста он проводил в совершенном молчании.

Диавол задумал погубить его. Он явился святому мальчику в образе одноклассника Геронтия, стал уговаривать спрыгнуть в пропасть и даже сам показал в этом пример. Но мальчика спас его покровитель – великомученик Георгий.

Однажды мальчик отправился за благословением к пустыннику старцу Гликерию. В это время в стране была страшная засуха, и старец сказал: «Чадо, преклоним колена и помолимся Господу, чтобы Он послал дождь. Таким образом мы узнаем, угодны ли Господу наши молитвы». Старец и отрок, преклонив колена, стали молиться – и тотчас пошел дождь. Тогда старец сказал святому Феодору, что на нем покоится благодать Божия, и благословил его стать иноком, когда придет время.

В четырнадцать лет святой Феодор ушел из дома и жил при церкви великомученика Георгия. Мать приносила ему еду, но святой Феодор всё оставлял на камнях при церкви, а сам съедал в день лишь одну просфору. В таком юном возрасте преподобный Феодор был удостоен дара исцеления: по его молитве выздоровел бесноватый юноша.

Преподобный Феодор избегал людской славы и удалился в полное уединение. Под большим камнем недалеко от церкви великомученика Георгия он выкопал пещеру и уговорил одного диакона засыпать вход землей, оставив лишь небольшое отверстие для воздуха. Диакон приносил ему хлеб с водой и никому не говорил, где скрылся преподобный.

Два года провел преподобный Феодор в затворе и полном молчании. Родные оплакивали святого и думали, что его съели звери.

Но диакон открыл тайну, так как боялся, что преподобный Феодор умрет в тесной пещере, и жалел рыдавшую мать. Преподобного Феодора извлекли из пещеры полуживым.

Мать хотела взять сына домой, чтобы восстановить его здоровье, но святой остался при церкви великомученика Георгия и через несколько дней совершенно исцелился.

Весть о подвигах юноши дошла до местного епископа Феодосия. В церкви великомученика Георгия он посвятил его в сан диакона, а затем – во священника, хотя преподобному было всего 17 лет.

Через некоторое время преподобный Феодор отправился на поклонение святым местам в Иерусалим и там, в Хозевитской Лавре, близ Иордана, принял монашество.

Когда он вернулся на родину, то продолжал жить при церкви великомученика Георгия. Его бабка Елпидия, сестра Влатта и мать по советам преподобного удалились в монастырь, а тетка скончалась в добром исповедании.

Подвижническая жизнь молодого иеромонаха привлекала к нему людей, ищущих спасения. Преподобный постриг в иночество юношу Епифания, затем благочестивая женщина, исцеленная святым от болезни, привела к нему своего сына Филумена. Пришел и добродетельный юноша Иоанн. Так постепенно около преподобного собралась братия.

Преподобный Феодор продолжал нести тяжелые подвиги. По его просьбе кузнец сделал для него железную клетку без крыши, такую узкую, что в ней можно было только стоять. В этой клетке в тяжелых веригах преподобный стоял от Святой Пасхи до Рождества Христова. От Крещения Господня до Святой Пасхи он затворялся в пещере, откуда выходил только для совершения Богослужения в субботу и воскресенье. Во всю святую Четыредесятницу святой вкушал лишь овощи и яровой хлеб по субботам и воскресеньям.

Подвизаясь таким образом, он получил от Господа власть над дикими зверями. Медведи и волки приходили к нему и брали пищу из рук. По молитве преподобного исцелялись прокаженные, из целых областей изгонялись бесы. Когда в соседнем селении Магатии появилась саранча, уничтожавшая посевы, жители обратились с просьбой о помощи к преподобному Феодору. Он отправил их в церковь. После Божественной литургии, которую совершал преподобный Феодор, жители возвратились к себе и узнали, что за это время вся саранча вымерла.

Когда воевода Маврикий возвращался в Константинополь после персидской войны через Галатию, преподобный предсказал ему, что он станет императором. Предсказание исполнилось, и император Маврикий (582–602) исполнил просьбу святого – присылал каждый год в монастырь хлеб для множества людей, кормившихся там.

Маленький храм великомученика Георгия не вмещал всех, кто хотел молиться в нем. Тогда стараниями святого был построен новый прекрасный храм. В то время скончался Анастасиупольский епископ. Жители города упросили Анкирского митрополита Павла поставить им епископом преподобного Федора.

Как ни противился святой, посланцы митрополита и жители Анастасиуполя силой вывели его из кельи и увезли в город.

Став епископом, святитель Феодор много трудился на благо Церкви. Душа же его искала уединенного общения с Богом. Через несколько лет он отправился на поклонение святым местам в Иерусалим. Там, не открывая своего сана, он поселился в Лавре преподобного Саввы, где жил в безмолвии от Рождества Христова до Пасхи. Затем великомученик Георгий велел ему вернуться в Анастасиуполь.

Тайные враги пытались отравить святителя, но Божия Матерь дала ему три зернышка. Святитель съел их и остался невредим. Святой Феодор тяготился бременем епископства и испросил у Константинопольского Патриарха Кириака (595–606) разрешения уйти обратно в свой монастырь и совершать там богослужение.

Святость преподобного была столь явна, что во время совершения им Евхаристии благодать Святого Духа в виде светлой порфиры покрывала Святые Дары. Однажды, когда преподобный приподнял дискос с Божественным Агнцем и провозгласил «Святая святым», Божественный Агнец поднялся на воздух, а затем снова опустился на дискос.

Вся Православная Церковь почитала преподобного Феодора святым еще при его жизни.

Когда в одном из городов Галатии случилось страшное происшествие – во время крестного хода деревянные кресты стали сами собой колебаться и разбиваться, то Константинопольский Патриарх святой Фома (607–610; память 21 марта) призвал к себе преподобного Феодора, чтобы от него узнать тайну этого страшного чуда. Наделенный даром прозрения, преподобный Феодор объяснил, что это является предвестием грядущих бед для Церкви Божией (так он пророчески указал на будущую ересь иконоборчества). Опечаленный святой Патриарх Фома просил преподобного молиться о своей скорейшей кончине, чтобы не видеть ему бедствия.

В 610 году святой Патриарх Фома преставился, испросив благословения у преподобного Феодора. В 613 году скончался и преподобный Феодор.

* * *

41

Испа́днути – пасть, согрешить.

42

Умерщвленных стрелою чревоугодия ты укорил, блаженне, в том, что они перестали заботиться о духовном (не боятся отпасть от внутренних), услаждаются временным и тленным.

43

Поста́в – станок для ткания.

44

Соблюсти́ – сохранить.

45

Паде́жа греха́ – склонности ко греху.

46

Устрели́л – убил.

47

Возгнеще́ние – разжигание.

48

Худо́г – искусный, ученый.

49

Хитре́ц – художник, искусник, премудрый.


Источник: Минея - М. : Издательский Совет Русской Православной Церкви, 2002-. 12 том. / Минея июнь. - 2002. / Ч. 1. – 664 с.; Ч. 2. – 616 с.

Комментарии для сайта Cackle