X. Ектения сугубая

Рцем вси (скажем все) от всея души, и от всего помышления нашего рцем: Господи, помилуй, †.

Господи Вседержителю, Боже отец наших, молимтися, услыши и помилуй. Господи, помилуй. Утверди нас в Bepe и благочестии отцев наших, св. отцев Церкви Xpистовой. †.

Помилуй нас, Боже, по велицей милости Твоей, молимтися, услыши и помилуй. Господи, помилуй. (3). †.

Еще молимся о Благочестивейшем: Спаси, Господи, и помилуй раба Твоего Благочестивейшаго, Самодержавнейшаго Великаго Государя нашего Императора Николая Александровича всея

России, даруя Ему могущество, – победы на враги, пребывание долголетнее на престоле царствия Его, мир душевный, здравие и спасение. Поспеши и пособи Ему во всех многотрудных делах государственных и покори под нозе Его всякаго врага и супостата.

Еще молимся: Спаси, Господи, и помилуй Супругу Его Благочестивейшую Государыню Императрицу Александру Феодоровну, Матерь Его Благочестивейшую Государыню Императрицу Марию Феодоровну, Наследника Его Благовернаго Государя Цесаревича и Великаго Князя Алексия Николаевича и весь Царствующий дом, сохраняя их в мире, здравии, спасении и благопоспешении на многая лета.†.

Еще молимся о Святейшем Правительствующем синоде и Господинe нашем Преосвященнейшем Епископе (имя) и всей во Христе братии нашей. Господи помилуй (3).

Соблюди их во имя Твое, якоже Апостолов Твоих, право правящих Слово Твоея истины. †.

Еще молимся о всем их христолюбивом воинстве. Господи, помилуй (3). Сохрани их в мире, здравии, спасении, – в мужестве, силе, послушании, да будут готовы душу свою положити за други своя, за Веру, Царя и Отечество. †.

Еще молимся о блаженных и приснопа- мятных, создателях Святаго храма сего и о всех преждепочивших отцех и братиях, здесь лежащих и повсюду православных. Господи, помилуй (3). Упокой, Господи, души усопших раб Твоих {имена), прощая им вся согрешения. †.

Еще молимся о милости, жизни, мире, здравии, спасении, посещении, прощении и оставлении грехов рабов Божиих, братий святаго храма сего. Господи, помилуй. (3).

Предстоятеля св. храма сего, иepeя (имя), и весь причет церковный и всех прихожан св. храма сего, Господи, спаси и помилуй. †

Еще молимся о плодоносящих и доброделающих во святом и всечестном храме сем, труждающихся, поющих и предстоящих людех, ожидающих от Тебе великия и богатыя милости. Господи, помилуй.( 3). Спаси, Господи, и помилуй всех, кто жертвует щедрою рукою на храм Божий от трудов своих, – рука дающего да не оскудеет. Воздаждь им, вместо временных вечная, вместо земных небесная. Спаси, Господи, и помилуй всех трудящихся зде, соблюдающих чистоту и благолепие, ктитора, братию св. храма сего, поющих и всех предстоящих, ожидающих от Тебе великия и богатыя милости.†.

Яко милостив, и человеколюбец Бог еси и Тебе славу возсылаем, Отцу и Сыну и Святому Духу, ныне и присно, И во веки веков. †.

Аминь, истинно мы под покровом милости и любви Божией.

XI. Сподоби, Господи. Вечерняя молитва.

Сподоби, Господи, в вечер сей без грexa сохранитися нам. Благословен еси, Господи, Боже отец наших, и хвально и прославлено Имя Твое во веки. Аминь.

Буди, Господи, милость Твоя на нас, якоже уповахом на Тя. Благословен еси, Господи, научи мя оправданием Твоим. Благословен еси, Владыко, вразуми мя оправданием Твоим. Благословен еси, Святый, просвети мя оправдании Твоими.

Господи, милость Твоя во век, дел руку Твоею не презри. Тебе подобает хвала, Тебе подобает пение, Тебе слава подобает Отцу и Сыну и Святому Духу, ныне и присно и во веки веков. Аминь.†.