[глⷡ҇а и҃і] Мл҃тва хотѧ́щемꙋ ѿитѝ въ пꙋ́ть.

Бж҃е бж҃е на́шъ, и҆́стинный и҆ живы́й пꙋ́ть, пꙋтеше́ствовавый со слꙋго́ю свои́мъ і҆ѡ́сифомъ, спꙋтеше́ствꙋй влⷣко и҆ рабꙋ̀ твоемꙋ̀ и҆́мⷬ҇къ, и҆ всѧ́кагѡ ѡ҆бꙋрева́нїѧ и҆ навѣ́та и҆зба́ви, и҆ ми́ръ и҆ бл҃гомо́щїе па́ки ᲂу҆стро́й: всѧ́кїѧ пра́вды про́мыслъ творѧ́ща по за́повѣдемъ твои̑мъ, и҆ и҆спо́лнена жите́йскихъ и҆ нбⷭ҇ныхъ бла̑гъ бы́вша, па́ки возврати́тисѧ бл҃говолѝ.

Ꙗ҆́кѡ твоѐ є҆́сть црⷭ҇тво, и҆ си́ла, и҆ сла́ва, ѻ҆ц҃а̀, и҆ сн҃а, и҆ ст҃а́гѡ дх҃а, ны́нѣ и҆ при́снѡ, и҆ во вѣ́ки вѣкѡ́въ, а҆ми́нь.


Комментарии для сайта Cackle