Иван Ловягин

Источник

Глас шестый

На малой вечерне

Стихиры.


Досто́йно е́сть я́ко вои́стинну блажи́ти Тя́, Богоро́дицу: в Твое́ бо пречи́стое вше́д чре́во все́х Соде́тель, пло́ть бы́сть, не преложи́вся естество́м, ниже́ мечта́вся о смотре́нии: но восприя́тей из Тебе́ слове́сно одушевле́нней пло́ти соедини́вся, по Ипоста́си. Отню́дуже благоче́стно, во обои́х естества́х явля́ющихся, ра́знство твори́м. Того́ моли́, Честна́я Пресвята́я, низпосла́ти на́м ми́р и ве́лию ми́лость. По истине достойно ублажать Тебя, Богородицу; ибо Создатель всех, вселившись в Твою пречистую утробу, сделался плотию, не преложившись естеством и не мнимо вочеловечившись,50 но ипостасно соединившись с воспринятою от Тебя одушевленною и разумною плотию, и посему (в Нем) два являющиеся естества мы благоговейно различаем. Молись Ему, Честная и Пресвятая, ниспослать нам мир и великую милость.
Кля́твою я́ко обеща́ Твоему́ пра́отцу дре́вле Бо́г преле́тный, в после́дняя ле́та соверши́, произше́д, Пречи́стая, от чре́ва Твоего́ Боже́ственнаго: и́бо вои́стинну возсия́ из Тебе́ Госпо́дь, дла́нию содержа́й концы́, Его́же и мне́ благоуве́тлива сотвори́ в ча́с су́дный, Де́во Мари́е, Того́ Ца́рствия мя́ получи́ти, доброде́телей возвыше́нием, и страсте́й умерщвле́нием. Предвечный Бог в последнее время исполнил клятву, которою некогда клялся Твоему праотцу, происшед из Твоего Божественного чрева, Пречистая; ибо от Тебя по истине родился Господь, Своею рукою держащий пределы (вселенной). Соделай Его милостивым и ко мне в час суда, Дева Мария, чтобы преуспеянием в добродетели и умерщвлением страстей наследовать Его Царство.
Ума́ чистото́ю Иса́иа, Де́во, издале́ча прорече́, роди́ти иму́щую Созда́теля всея́ тва́ри, Тя́, Честна́я Пречи́стая: Ты́ бо яви́лася еси́ еди́на во ве́ки, Всенепоро́чная. Те́мже Тя́ молю́: оскверне́ную мою́ ду́шу очи́сти, и све́тлости Боже́ственныя о́бщника мя́ покажи́, и Боже́ственнаго Сы́на Твоего́ стоя́ния десна́го, егда́ ся́дет, я́коже пи́сано е́сть, суди́ти ми́ру всему́. Исаия, по чистоте ума, задолго предсказал о Тебе, святая и пречистая Дева, как имеющей родить Создателя всех тварей; ибо Ты, в течение веков, одна явилась всенепорочной. Посему молюсь Тебе: очисти мою оскверненную душу и соделай меня причастным Божественному свету и (достойным) созерцания Сына Твоего и стояния одесную Его,51 когда Он, согласно Писанию, воссядет судить весь мир.
Сме́рти разруше́ние Рождество́м Твои́м яви́ся, Ты́ бо, Отрокови́ца, еси́ живота́ нетле́ннаго пребыва́ние. Те́мже Тя́ молю́: во гробе́х а́довых страсте́й мои́х слежа́ща Ты́ воскреси́, и к весе́лию и оживле́нию, Де́во, руководи́, ко блаже́нному воздая́нию, и неги́блемыя и Боже́ственныя сподо́би ра́дости, иде́же сла́дость присносу́щная, иде́же све́т невече́рний. Чрез Твое рождение явилось уничтожение смерти; ибо Ты, Отроковица, соделалась жилищем бессмертной жизни. Посему молюсь Тебе: восстанови меня, лежащего во множестве адских страстей, направь меня, Дева, к оживлению, веселию и блаженному воздаянию, и удостой нескончаемой и Божественной радости (там), где – вечное блаженство, где – незаходимый свет.
Прииди́те, вси́ язы́цы, во гла́се ра́дования Пресвяту́ю Де́ву и Богоро́дицу восхва́лим, челове́ческаго существа́ горни́ло, неизрече́нных чуде́с де́лателище, о То́й бо бы́ша но́вая: Безнача́льный начина́ется, Сло́во одебелева́ет, Бо́г Челове́к быва́ет, да бо́га челове́ка соде́лает, не премене́нием есте́ств, но соедине́нием по Ипоста́си: происхо́дит бо еди́н от двою́ сопроти́вных, во двои́х соверше́нных естества́х неразде́льне познава́емый, хоте́тельне же и де́тельне по обою́ существу́: То́йже по исто́тному ве́руемь быва́я, ра́ди спаси́тельнаго смотре́ния Христо́с Бо́г на́ш, ми́ру подая́ очище́ние, ми́р и ве́лию ми́лость. Приидите, все народы, радостными песнями восхвалим пресвятую Деву и Богородицу, горнило человеческого естества, вместилище непостижимых чудес; ибо в Ней совершилось необычайное: Безначальный получает начало; (Бог) Слово воплощается; Бог делается человеком, чтобы сделать человека богом, не чрез изменение естеств, но чрез ипостасное соединение. Ибо из двух различных (естеств) является Один, нераздельно в двух совершенных естествах познаваемый, с (двумя) волями и действованиями, соответственно тому и другому естеству. Сей – по истине совершитель спасительного домостроительства, Христос Бог наш, дарующий миру очищение, мир и великую милость.

На великой вечерне

А) Стихиры на «Господи воззвах».


Побе́ду име́я, Христе́, ю́же на а́да, на Кре́ст возше́л еси́: да во тьме́ сме́рти седя́щыя воскреси́ши с Собо́ю, И́же в ме́ртвых свобо́дь, источа́яй живо́т от Своего́ све́та, всеси́льне Спа́се, поми́луй на́с. Ты, Христе, свободный между мертвыми, одерживая победу над адом, вошел на крест, чтобы вместе с Собою воскресить сидевших в смертной тьме. Источающий жизнь от Своего света, всемогущий Спаситель, помилуй нас!
Дне́сь Христо́с сме́рть попра́в, я́коже рече́, воскре́се, и ра́дование ми́рови дарова́, да вси́ взыва́юще, пе́снь та́ко рце́м: исто́чниче жи́зни, непристу́пный све́те, всеси́льне Спа́се, поми́луй на́с. Ныне Христос, поправ смерть, по Своему слову воскрес и даровал миру радость, чтобы все мы воспевали Ему песнь, так восклицая: источник жизни, неприступный свет, всемогущий , Спаситель, помилуй нас!
Тебе́, Го́споди, су́щаго по все́й тва́ри, гре́шнии ка́мо бежи́м? На небеси́ Са́м живе́ши, во а́де попра́л еси́ сме́рть, во глубины́ морски́я? Та́мо рука́ Твоя́, Влады́ко. К Тебе́ прибега́ем, Тебе́ припа́дающе мо́лимся: Воскресы́й из ме́ртвых, поми́луй на́с. От Тебя, Господи, во всем мире сущего, куда мы, грешники, можем убежать? На небо? Но Ты Сам обитаешь (здесь). В ад? Но Ты попрал смерть. В морские глубины? Но там рука Твоя, Владыко. К Тебе прибегаем, к Тебе припадая, молимся: Воскресший из мертвых, помилуй нас!
Кресто́м Твои́м, Христе́, хва́лимся, и Воскре́сение Твое́ пое́м и сла́вим: Ты́ бо еси́ Бо́г на́ш. Ра́зве Тебе́ ина́го не ве́мы. Твоим крестом, Христе, мы хвалимся и воспеваем и прославляем Твое воскресение; ибо Ты – Бог наш, и кроме Тебя иного (Бога) не знаем.
Вы́ну благословя́ще Го́спода, пое́м Воскре́сение Его́: Кре́ст бо претерпе́в, сме́ртию сме́рть погуби́. Непрестанно благословляем Господа и воспеваем Его воскресение; ибо Он, претерпев крест, смертию уничтожил смерть. (Евр. 12:2.)
Сла́ва си́ле Твое́й, Го́споди, я́ко упраздни́л еси́ держа́ву иму́щаго сме́рти: обнови́л еси́ на́с Кресто́м Твои́м, да́руя на́м живо́т и нетле́ние. Слава всемогуществу Твоему, Господи! Ибо Ты лишил силы имеющего державу смерти (диавола) и Своим крестом обновил мир, даруя нам жизнь и нетление. (Евр. 2:14.)
Погребе́ние Твое́, Го́споди, у́зы а́довы сокруши́вшее растерза́: е́же из ме́ртвых воскре́сением ми́р просвети́, Го́споди, сла́ва Тебе́. Твое погребение, Господи, сокрушило и расторгло оковы ада; Твое воскресение из мертвых просветило мир. Господи, слава Тебе!

Богородичен.


Кто́ Тебе́ не ублажи́т, Пресвята́я Де́во? Кто́ ли не воспое́т Твоего́ Пречи́стаго Рождества́? Безле́тно бо от Отца́ Возсия́вый Сы́н Единоро́дный, То́йже от Тебе́, Чи́стыя, про́йде, неизрече́нно вопло́щься, естество́м Бо́г сы́й, и естество́м бы́в Челове́к на́с ра́ди, не во двою́ лицу́ Разделя́емый, но во Двою́ Естеству́ несли́тно Познава́емый. Того́ моли́, Чи́стая, Всеблаже́нная, поми́ловатися душа́м на́шым. Кто не ублажит Тебя, пресвятая Дева? кто не прославит Твоего пречистого рождества? Сам единородный Сын, Который вне времени (от вечности) воссиял от Отца, произошел от Тебя, Чистая, непостижимо воплотившись. Он, будучи Богом по естеству и по естеству же ради нас сделавшись человеком, не разделяется на два лица, но познается в двух, не слитно соединенных, естествах. Молись Ему, Чистая, Всеблаженная, о помиловании душ наших.

Б) Стихиры на стиховне.


Воскре́сение Твое́, Христе́ Спа́се, А́нгели пою́т на Небесе́х, и на́с на земли́ сподо́би, чи́стым се́рдцем Тебе́ сла́вити. Твое воскресение, Христос Спаситель, воспевают на небесах Ангелы. Удостой и нас на земле чистым сердцем прославлять Тебя.
Врата́ сокруши́в ме́дная, и вереи́ а́довы сотры́й, я́ко Бо́г всеси́лен, ро́д челове́ческий па́дший воскреси́л еси́. Сего́ ра́ди и мы́ согла́сно вопие́м: Воскресы́й из ме́ртвых, Го́споди, сла́ва Тебе́. Ты, как всемогущий Бог, сокрушив медные врата ада и уничтожив его запоры, воскресил падший род человеческий. Посему и мы единогласно восклицаем: воскресший из мертвых Господи, слава Тебе!
Тле́ния на́с дре́вняго Христо́с испра́вити хотя́, на Кресте́ пригвожда́ется, и во гро́бе полага́ется, Его́же мироно́сицы жены́ со слеза́ми иска́ху, пла́чущя глаго́лаху: увы́ на́м, Спа́се все́х, ка́ко изво́лил еси́ во гро́бе всели́тися? Всели́выйся же хотя́, ка́ко укра́ден бы́л еси́? Ка́ко преложи́лся еси́? Ко́е же ме́сто Твое́ Живоно́сное сокры́ Те́ло? Но, Влады́ко, я́ко обеща́лся еси́ на́м яви́ся, и утоли́ от на́с рыда́ние сле́з. Пла́чущымся же и́м, А́нгел к ни́м возопи́: от пла́ча преста́вшя Апо́столом рцы́те, я́ко воскре́се Госпо́дь, ми́рови да́руя очище́ние, и ве́лию ми́лость. Христос, желая восстановить нас от древнего тления, пригвождается ко кресту и полагается во гробе. Жёны-мироносицы, со слезами ища Его, рыдали и говорили: «увы, Спаситель всех! как Ты благоволил вселиться во гроб? если Ты вселился добровольно, то каким образом украли Тебя? каким образом перенесли Тебя в другое место? какое место скрыло Твое живоносное тело? но явись (нам), Владыко, как обещался, и положи конец нашему слезному рыданию». Когда оне рыдали, Ангел воскликнул им: удержитесь от плача и возвестите Апостолам, что воскрес Господь, даруя миру очищение (от грехов) и великую милость. (Ин. 20 гл., Мф. 28 гл., Мк. 16 гл.)
Распны́йся я́ко восхоте́л еси́, Христе́, и сме́рть погребе́нием Твои́м Плени́вый, тридне́вен воскре́сл еси́, я́ко Бо́г со сла́вою, ми́рови да́руя безконе́чную жи́знь, и ве́лию ми́лость. Ты, Христе, добровольно претерпев распятие и Своим погребением победив смерть, как Бог со славою в третий день воскрес, даруя миру бесконечную жизнь и великую милость.
Творе́ц и Изба́витель мо́й, Пречи́стая, Христо́с Госпо́дь из Твои́х ложе́сн проше́д, в мя́ Оболки́йся, пе́рвыя кля́твы Ада́ма свободи́. Те́мже Ти́, Всечи́стая, я́ко Бо́жии Ма́тери же и Де́ве, вои́стинну вопие́м немо́лчно: ра́дуйся А́нгельски, ра́дуйся, Влады́чице, Предста́тельство и Покро́ве, и Спасе́ние ду́ш на́ших. Из Твоей утробы, Пречистая, произошел Творец и Избавитель мой – Христос Господь, Который, облекшись в меня,52 освободил Адама от древнего проклятия. Посему Тебе, Всечистая, как Матери Бога и истинной Деве, непрестанно восклицаем Ангельское приветствие: «радуйся». Радуйся, Владычица, предстательство, защита и спасение душ наших.

В) Тропарь воскресный.


А́нгельския Си́лы на гро́бе Твое́м, и стрегу́щии омертве́ша: и стоя́ше Мари́а во гро́бе, и́щущи Пречи́стаго Те́ла Твоего́. Плени́л еси́ а́д, не искуси́вся от него́: сре́тил еси́ Де́ву да́руяй живо́т. Воскресы́й из ме́ртвых, Го́споди, сла́ва Тебе́. На гробе Твоем – Ангельские силы; охранявшие (его) воины омертвели; при гробе стояла Мария и искала Твоего пречистого тела. Ты пленил ад, не потерпев от него; Ты, дарующий жизнь, встретил деву53 Воскресший из мертвых Господи, слава Тебе!

Богородичен.


Благослове́нную нареки́й Твою́ Ма́терь, прише́л еси́ на стра́сть во́льным хоте́нием, возсия́в на Кресте́, взыска́ти хотя́ Ада́ма, глаго́ля а́нгелом: сра́дуйтеся Мне́, я́ко обре́теся поги́бшая дра́хма, вся́ му́дре устро́ивый, Бо́же на́ш, сла́ва Тебе́. Нарекши благословенную (Деву) Материю Своею, Ты, желая взыскать Адама, по Своей собственной воле пришел на страдания и, воссияв на кресте, возгласил Ангелам: «радуйтесь со Мною, ибо нашлась потерянная драхма». Премудро устроивший все Боже наш, слава Тебе! (Лк. 15:8; 19:10.)

Канон полунощницы

Песнь 1. Ирмос.


Я́ко по су́ху пешеше́ствовав Изра́иль по бе́здне стопа́ми, гони́теля фарао́на ви́дя потопля́ема, Бо́гу побе́дную пе́снь пои́м, вопия́ше. Израиль, стопами прошел по морской глубине как по суше и увидев гнавшегося фараона утопавшим, восклицал: воспоем Богу победную песнь. (Исх. 14:22–31.)

Тропари.


Три́ ипоста́си пое́м Богонача́льныя, Еди́нственнаго естества́ неизме́нный зра́к, Блага́го Человеколю́бца Бо́га, прегреше́ний очище́ние на́м да́рующа. Прославляем три Божественные ипостаси единого естества нераздельную сущность, благого (и) человеколюбивого Бога, дарующего нам прощение грехов.
Пресу́щный еди́не, и трисия́нный начерта́ньми Го́споди, в Божестве́ еди́ном Сы́й, вразуми́ на́с, и сподо́би Твоего́ Боже́ственнаго сия́ния. Единый пресущественный и при единстве Божества трисиянный по лицам Господь! вразуми нас и удостой Твоего Божественного света.
Невестоукраси́в Па́вел, ю́же от язы́к Це́рковь, Еди́ному Тебе́ Триипоста́сному Бо́гу покланя́тися научи́, от Него́же, и И́мже, и в Не́мже вся́ бы́ша. Павел (Апостол), как невесту украсив Церковь из язычников, научил поклоняться Тебе – единому триипостасному Богу, из Которого, Которым и в Котором – все. (Рим. 11:13. 36.)
Из чре́ва Твоего́ про́йде у́мное, Богоро́дице, Со́лнце, и осия́ на́с Трисве́тлаго Божества́ заря́ми: Его́же пою́ще, благоче́стно Тя́ ублажа́ем. Из Твоего чрева, Богородица, воссияло духовное Солнце и просветило нас лучами трисветлого Божества. Благоговейно прославляя Его, мы ублажаем Тебя.

Песнь 3. Ирмос.


Не́сть свя́т, я́коже Ты́, Го́споди, Бо́же мо́й, вознесы́й ро́г ве́рных Твои́х, Бла́же, и утверди́вый на́с на ка́мени испове́дания Твоего́. Нет (столь) святого, как Ты, Господи Боже мой, возвысивший достоинство верующих в Тебя, Благой, и утвердивший нас на камне исповедания Твоего.

Тропари.


Украси́в Трисве́тлый Бо́же чи́ны небе́сныя, устро́ил еси́ пе́ти Тя́ трисвяты́ми гла́сы: с ни́миже приими́ и на́с воспева́ющих Твою́ бла́гость. Ты, трисветлый Боже, устроив небесные чины, повелел им – трисвятыми песнями прославлять Тебя. Вместе с ними приими и нас, воспевающих Твою благость.
Еди́но непрело́жное Тро́ичное, сообра́зное еди́нственное Богонача́лие пою́ще, мо́лим Тя́ те́пле, грехо́в мно́гих низпосла́ти ны́не на́м проще́ние. Воспевая единое неизменное, Троичное, соестественное и единое Божество, усердно молимся Тебе: даруй нам ныне прощение многих грехов.
У́ме Безнача́льный О́тче, сообра́зный Бо́жий Сло́ве, и Ду́ше Боже́ственный, Благи́й и Пра́вый, воспева́ющыя ве́рно Твою́ держа́ву, соблюди́ я́ко Благоутро́бен. Безначальный Ум – Отче, соестественное Божие Слово и Божественный, благой и правый Дух! сохрани с верою прославляющих Твою державу, как милосердый.
Па́жить потреби́ тли́, челове́к по существу́ бы́в Бо́г мо́й, во утро́бе Твое́й, Чи́стая: и родонача́льники пре́ждняго осужде́ния Еди́н свободи́. Бог мой, в утробе Твоей, Чистая, сделавшись по естеству человеком, положил конец распространению тления и один освободил родоначальников (человеческого рода) от древнего осуждения.

Седален.


Влады́ко Бо́же, при́зри с Небесе́, и ви́ждь на́ше смире́ние я́ко Ще́др, и умилосе́рдися, Человеколю́бче Преблаги́й: ни отку́ду бо наде́емся проще́ние получи́ти злы́х, и́миже согреши́хом. Те́мже бу́ди с на́ми, и никто́же на ны́. Владыко Боже! призри с небес, воззри на наше уничижение, как щедрый, и умилосердись, преблагой Человеколюбец; ибо мы ни откуда не надеемся получить прощения злых грехов, какие мы сделали. Посему будь с нами, и никто – против нас.

Богородичен.


Влады́чице Чи́стая, при́зри, Богоро́дице, ви́ждь на́ших я́зв боле́зни, и умилосе́рдися, Пречи́стая, и исцели́ со́вестное жже́ние, Твое́ю ми́лостию ороша́ющи, и вопию́щи рабо́м Твои́м: Аз е́смь с ва́ми, и никто́же на вы́. Призри (на нас), чистая Владычица Богородица, обрати взор на наши страдания от ран, умилосердись над нами, Пречистая, исцели жжение совести, орошая нас Своею милостью и восклицая к рабам Твоим: Я – с вами, и никто– против вас.

Песнь 4. Ирмос.


Христо́с моя́ си́ла, Бо́г и Го́сподь, честна́я Це́рковь, боголе́пно пое́т взыва́ющи, от смы́сла чи́ста о Го́споде пра́зднующи. «Христос – сила моя, Бог и Господь мой», с благоговением, громогласно поет святая Церковь, от чистого сердца торжествуя о Господе.

Тропари.


Возвыша́яй мы́сль, Еди́нице Трисве́тлая, и ду́шу и се́рдце Твои́х певе́ц ско́ро возведи́, и сия́ния Твоего́ и све́тлости сподо́би. Трисветлая Единица! возвысь мысли, скоро устреми (к небу) души и сердца прославляющих Тебя и удостой их Твоего света и славы.
Претвори́ и преобрази́ от зло́бы мя́ вся́кия к доброде́тели, Еди́на неизображе́нная, и неизме́нная Тро́ице, и Твои́ми заря́ми просвети́. Единая не изображаемая и неизменяемая Троица! преобрази и обрати меня от всякого зла к добродетели и Твоими лучами просвети меня.
Помы́слив пре́жде, му́дре соста́вил еси́ А́нгелов чи́ны, служи́тельныя Твоея́ бла́гости, Триипоста́сная Еди́нице, с ни́миже приими́ мою́ хвалу́. Ты, триипостасная Единица, древне помысливши, премудро устроила чины Ангелов служителями Своей благости. Вместе с ними приими и мою хвалу. (Евр. 1:14.)
И́же естество́м несозда́нный Бо́г Присносу́щный, созда́нное восприе́м челове́ческое естество́, возобрази́ во Святе́й Твое́й утро́бе, Богоро́дице Присноде́во. Несозданный и вечный по существу Бог, восприняв сотворенное человеческое естество, обновил его в Твоей святой утробе, Богородица Приснодева.

Песнь 5. Ирмос.


Бо́жиим све́том Твои́м, Бла́же, у́тренюющих Ти́ ду́шы любо́вию озари́, молю́ся: Тя́ ве́дети, Сло́ве Бо́жий, И́стиннаго Бо́га, от мра́ка грехо́внаго взыва́юща. Своим Божественным светом, Благой, просвети души от ранней зари обращающихся к Тебе, – усердно молюсь я, – чтобы знать Тебя, Божие Слово, истинного Бога, от мрака грехов призывающего (к Себе).

Тропари.


Помышля́юще естество́ Богонача́льное, промысли́тельное и спаси́тельное все́х су́щее, Владыко, Трисве́тлое же еди́но, к Тебе́ у́тренюем, проще́ния прося́ще грехопаде́ний. Помышляя о естестве Божественном, промыслительном, спасительном для всех, трисветлом и едином, от ранней зари обращаемся к Тебе, Владыко, молясь о прощении (наших) грехов.
О́тче Безнача́льный Бо́же, и Соприсносу́щный Сы́не, и Ду́ше Святы́й, утверди́ Единонача́льная Тро́ице Твоя́ певцы́, и от вся́кия напа́сти изба́ви и ско́рби. Безначальный Бог – Отец, совечный Сын и Святой Дух, единоначальная Троица, утверди прославляющих Тебя и избавь от всех бед и скорбей.
Управля́яй сия́ньми Богоде́тельными, и к благоугожде́нию Твоего́ Триипоста́снаго Божества́, Со́лнце Сла́вы, наставля́я мя́ при́сно, и Боже́ственнаго Ца́рствия сотвори́ прича́стника. Солнце славы, Своим Божественным светом наставляющее и постоянно руководящее меня к благоугождению Твоему триипостасному Божеству! соделай меня участником Божественного Царства.
И́же вся́ нося́й и соблюда́яй всеси́льною Твое́ю руко́ю, Сло́ве Бо́жий, неизме́нне, сохрани́ и соблюди́ Тя сла́вящыя, моли́твами Ро́ждшия Тя́ Богома́тере. Своею всемогущею рукою держащее и сохраняющее все, неизменяемое Божие Слово! по молитвам родившей Тебя Богоматери, соблюди и сохрани прославляющих Тебя.

Песнь 6. Ирмос.


Жите́йское мо́ре воздвиза́емое зря́ напа́стей бу́рею, к ти́хому приста́нищу Твоему́ прите́к вопию́ Ти: возведи́ от тли́ живо́т мо́й, Многоми́лостиве. Видя море жизни обуреваемым волнами искушений, я прибег к Твоему тихому пристанищу и взываю к Тебе: избавь жизнь мою от тления, Многомилостивый.

Тропари.


Прему́дрость и ра́зум, Богонача́лие Трисве́тлое певце́м Твои́м да́руй, и добро́ты луча́ми светоде́тельныя Твоея́ бла́гости, осиява́тися все́х сподо́би. Мудрость и разум даруй прославляющим Тебя, трисветлое Божество, и удостой всех озарения вожделенными лучами Твоей светоподательной благости.
Све́те Неразде́льный по существу́, Трисия́нне, Вседержи́тельне, Непристу́пне, сердца́ озари́ ве́рно хва́лящих держа́ву Твою́, и к Боже́ственней любви́ впери́. Свет нераздельный по естеству, трисиянный, всемогущий, неприступный! просвети сердца с верою прославляющих Твою державу и возбуди (их) к Божественной любви.
В Тя́ всели́ся, Присноде́во, я́ве Вседержи́тель и Госпо́дь все́х, и Еди́ному Трисия́нному зра́ку Божества́ челове́ки покланя́тися научи́. В Тебя, Приснодева, по истине вселился Вседержитель и Господь всех и научил людей поклоняться единому трисиянному естеству Божества.

Седален.


О́тче и Сы́не со Ду́хом Святы́м, при́зри на ны́ ве́рою Тебе́ покланя́ющыяся, и сла́вящыя держа́ву Твою́, Благоутро́бне, со о́гненными бре́ннии, ино́го бо ра́зве Тебе́ не ве́мы, и возопи́й пою́щым Тя́: Аз е́смь с ва́ми, и никто́же на вы́. Отец и Сын со Святым Духом! призри на нас, с верою поклоняющихся Тебе и прославляющих Твою державу, Милосердый, – ибо мы бренные с огненными (Ангелами) кроме Тебя иного (Бога) не знаем, – и воскликни к воспевающим Тебя: Я – с вами, и никто – против вас.

Богородичен.


При́зри на ны́, Всепе́тая Богоро́дице, возсия́й просвеще́ние сердца́м омраче́нным, и озари́ ста́до Твое́, Пречи́стая. Ели́ко бо хо́щеши и мо́жеши, я́ко Ма́ти су́щи Зижди́теля Твоего́, и возопи́й моля́щым Тя́: Аз е́смь с ва́ми, и никто́же на вы́. Воззри на нас, всепетая Богородица, пошли свет омраченным сердцам и озари паству Твою, Пречистая, – ибо Ты, как Матерь Создателя Твоего, можешь (сделать), что хочешь, – и воскликни к молящимся Тебе: Я – с вами, и никто против вас.

Песнь 7. Ирмос.


Росода́тельну у́бо пе́щь соде́ла А́нгел преподо́бным отроко́м, халде́и же опаля́ющее веле́ние Бо́жие мучи́теля увеща́ вопи́ти: благослове́н еси́, Бо́же оте́ц на́ших. Росоносною сделал Ангел печь для благочестивых отроков, а воля Божия, попалившая халдеев, заставила властителя восклицать: благословен Ты, Бог отцов наших! (Дан. 3:48–50, 95.)

Тропари.


Кре́пкую мне́ мы́сль устро́й Трисве́тлая начерта́ньми Еди́нице, е́же храни́ти и соблюда́ти Боже́ственныя за́поведи Твоя́, и всегда́ пе́ти Тебе́ ве́рно: благослове́н еси́, Бо́же оте́ц на́ших. Твердый ум даруй мне, трисветлая по (ипостасным) свойствам Единица, чтобы я хранил и соблюдал Твои Божественные заповеди и постоянно с верою воспевал Тебе: благословен Ты, Бог отцов наших!
Я́ко то́ждеством естества́ пое́мый, неизрече́нно Еди́нственный Бо́же, Ли́цы же Тро́ицы нося́ число́, соблюди́ все́х на́с от разли́чных искуше́ний и обстоя́ний. Неизреченно прославляемый как единый Бог по единству естества, но числительно троичный по лицам, сохрани всех нас от разных искушений и бед.
Соесте́ственна и Соприсносу́щна сла́вим, Еди́наго Тя́ по существу́ Бо́га, сво́йствы неслия́нне Ипоста́сными Тро́ице, разли́чное про́сто предлага́юще, во зра́це непреме́ннем я́ве. Прославляем Тебя, соестественного, совечного, единого по существу Бога, только представляющего различие по ипостасным свойствам неслиянно при совершенно сходном естестве.
Бо́г Пресу́щный прия́т, Пречи́стая, от чре́ва Твоего́ чи́стаго на́ше человеколюбе́зне смеше́ние я́ве, и все́х научи́ вопи́ти: благослове́н еси́, Бо́же оте́ц на́ших. От Твоего чистого чрева, Пречистая, пресущественный Бог по человеколюбию явно принял нашу плоть и всех научил восклицать: благословен Ты, Бог отцов наших!

Песнь 8. Ирмос.


Из пла́мене преподо́бным ро́су источи́л еси́, и пра́веднаго же́ртву водо́ю попали́л еси́: вся́ бо твори́ши, Христе́, то́кмо е́же хоте́ти: Тя́ превозно́сим во вся́ ве́ки. Из пламени источил Ты росу для благочестивых (отроков) и водою попалил жертву праведника,54 ибо Ты, Христе, все творишь единою Своею волею. Превозносим Тебя во все веки.

Тропари.


Очище́ние прегреше́ний ско́ро пода́ждь ми́, и страсте́й многообра́зных избавле́ние, сообра́зная Тро́ице, Еди́нице Триипоста́сная: да Тя́ сла́влю во вся́ ве́ки. Даруй мне скоро прощение прегрешений и избавление от многоразличных страстей, соестественная Троица, триипостасная Единица, чтобы я прославлял Тебя во все веки.
Воли́тель ми́лости изве́ствован, я́ко Бо́г ми́лостив, все́х поми́луй, Трисве́тлая Еди́нице и Тро́ице Преблага́я, славосло́вящих Твое́ вели́чествие. Славящийся любовию к милосердию, как милостивый Бог, трисветлая Единица и преблагая Троица, помилуй всех, прославляющих Твое величие.
От Све́та Присносу́щнаго Отца́, Све́та Соприсносу́щна ро́ждшася Сло́ва, со Ду́хом исхо́дным Све́том, ве́рою сла́вим, и превозно́сим во вся́ ве́ки. С верою прославляем от вечного света совечный свет – от Отца родившееся Слово, вместе с Духом – исходящим светом, и превозносим во все веки.
Врача́ челове́ком, Пречи́стая, родила́ еси́ Всеси́льнаго Сло́ва, Христа́ Го́спода, прароди́тельныя я́звы все́х исцеля́юща, превознося́щих Его́ во ве́ки. Врача людям родила Ты, Пречистая, всемогущее Слово – Христа Господа, исцеляющего от прародительской язвы всех, превозносящих Его во веки.

Песнь 9. Ирмос.


Бо́га челове́ком не возмо́жно ви́дети, на Него́же не сме́ют чи́ни А́нгельстии взира́ти: Тобо́ю же, Всечи́стая, яви́ся челове́ком Сло́во Воплоще́нно. Его́же велича́юще, с Небе́сными во́и Тя́ ублажа́ем. Бога, на Которого не смеют взирать чины Ангелов, видеть людям невозможно; но чрез Тебя, Всечистая, Он явился людям воплотившимся Словом. Мы, вместе с небесными воинствами, величая Его, ублажаем Тебя.

Тропари.


Зре́ти чи́нове херуви́мстии, Влады́ко, добро́ты Твоея́ сла́вы не могу́ще, кри́лы покрыва́ющеся, непреста́нно Тро́ичную пе́снь вопию́т, Триипоста́сную Твоего́ Богонача́лия Еди́нственнаго держа́ву сла́вяще. Лики херувимов, не имея возможности созерцать славу красоты Твоей, Владыко, закрываясь крыльями, непрестанно воспевают троичную песнь и прославляют триипостасную державу Твоего единого Божества. (Ис. 6:2–3.)
Твоя́ сия́ния, Со́лнце незаходи́мое, Твои́х рабо́в пода́ждь сердца́м, и просвети́ ду́шы, и изба́ви от мно́гих прегреше́ний, Еди́не Всеми́лостиве, и Триипоста́сне: и нетле́нныя Твоея́ жи́зни на́с сподо́би. Незаходимое Солнце! Своим светом озари сердца рабов Твоих, просвети души, избавь от многих прегрешений, единый всемилостивый и триипостасный, и удостой нас Твоей нескончаемой жизни.
Е́же Све́т Единоче́стный, и Трисо́лнечный, и Светоде́тельный, Божество́ су́щее озари́ ве́рою Тя́ пою́щих, и от мра́чнаго изба́ви злоде́йства, и сподо́би светле́йших Твои́х селе́ний, я́ко Преблаги́й. Ты, Боже, будучи равночестным, трисолнечным и светоподательным светом, как преблагой, озари с верою воспевающих Тебя, избавь их от мрачных грехов и удостой их Твоих светлейших обителей.
Прему́дре челове́ка пре́жде созда́ Сы́н Тво́й, Де́во, и истле́вшаго обнови́ Тобо́ю, Всепе́тая: и Боже́ственнаго Све́та зари́ невече́рния все́х испо́лни, Тя́ Богоро́дицу и́стинну ве́рою сла́вящих. Сын Твой, Дева, в начале премудро сотворил человека, чрез Тебя, Всепетая, обновил его падшего, и исполнил незаходимым сиянием Божественного света всех, с верою прославляющих Тебя истинною Богородицею.

На утрени

А) Воскресные седальны.

По первом стихословии.


Гро́бу отве́рсту, а́ду пла́чущуся, Мари́а вопия́ше ко скры́вшымся апо́столом: изыди́те виногра́да де́лателие, пропове́дите Воскре́сения сло́во: воскре́се Госпо́дь, подая́ ми́рови ве́лию ми́лость. Когда гроб был открыт, и ад рыдал, Мария (Магдалина) восклицала к скрывшимся Апостолам: выходите, делатели виноградника, и проповедуйте слово о воскресении: воскрес Господь, даруя миру великую милость.
Го́споди, предстоя́ше гро́бу Твоему́ Мари́а Магдали́на, и пла́каше вопию́щи, вертогра́даря Тя́ мня́щи, глаго́лаше: где́ сокры́л еси́ ве́чный Живо́т? где́ положи́л еси́, и́же на престо́ле Херуви́мстем? стрегу́щии бо сего́, от стра́ха омертве́ша. Или́ Го́спода моего́ дади́те ми́, или́ со мно́ю возопи́йте: и́же в ме́ртвых бы́в, и ме́ртвыя воскреси́в, сла́ва Тебе́. Господи! Мария Магдалина предстала Твоему гробу и, принимая Тебя за садовника, с воплем рыдала и восклицала: где ты скрыл вечную Жизнь? где положил Седящего на херувимском престоле? Охранявшие Его воины омертвели от страха. Или отдайте мне Господа моего, или воскликните вместе со мною: среди мертвых бывший, но воскресивший мертвых, слава Тебе! (Ин. 20:11–15.)
Преднапису́ет Гедео́н зача́тие, и сказу́ет Дави́д рождество́ твое́, Богоро́дице: сни́де бо я́ко до́ждь на руно́, сло́во во чре́во твое́, и прозябла́ еси́ без се́мене, земле́ свята́я, ми́рови спасе́ние, Христа́ Бо́га на́шего, Благода́тная. Гедеон предвозвещает о зачатии и Давид предрекает о Твоем рождестве, Богородица; ибо Слово низошло в Твою утробу, как дождь на руно, и Ты, святая земля, без семени произрастила спасение мира – Христа Бога нашего, Благодатная. (Суд. 6:37–38.)

По втором стихословии.


Живо́т во гро́бе возлежа́ше, и печа́ть на ка́мени надлежа́ше: я́ко Царя́ спя́ща во́ини стрежа́ху Христа́, и враги́ Своя́ неви́димо порази́вый, воскре́се Госпо́дь. Жизнь во гробе лежала, к камню была приложена печать, и воины охраняли Христа, как бы спящего Царя; но Господь, невидимо поразив Своих врагов, воскрес.
Преднапису́ет Ио́на гро́б Тво́й, и сказу́ет Симео́н воста́ние Боже́ственное, безсме́ртне Го́споди: соше́л бо еси́ я́ко ме́ртв во гро́б, разруши́вый а́дова врата́. Воскре́сл же еси́ кроме́ тле́ния я́ко Влады́ка, во спасе́ние ми́ра, Христе́ Бо́же на́ш, просвети́вый су́щыя во тьме́. Иона предвозвещает о Твоем погребении, и Симеон предрекает о Твоем Божественном восстании, бессмертный Господи. Ты, разрушитель врат ада, как мертвый нисшел во гроб, но как Владыка мира Ты, Христе Боже наш, не испытав истления, для (нашего) спасения воскрес, просветив пребывавших во тьме.
Богоро́дице Де́во, моли́ Сы́на Твоего́, во́лею пригвожде́ннаго на Кресте́, и воскре́сшаго из ме́ртвых Христа́ Бо́га на́шего, спасти́ся душа́м на́шым. Богородица Дева! моли Сына Твоего, добровольно пригвожденного ко кресту и воскресшего из мертвых, Христа Бога нашего, о спасении душ наших.

Б) Ипакой.


Во́льною и животворя́щею Твое́ю сме́ртию, Христе́, врата́ а́дова сокруши́в я́ко Бо́г, отве́рзл еси́ на́м дре́вний ра́й, и воскре́с из ме́ртвых, изба́вил еси́ от тле́ния живо́т на́ш. Своею добровольною и животворною смертию Ты, Христе, как Бог, разрушив врата ада, отверз нам древний рай и, воскресши из мертвых, избавил жизнь нашу от тления.

В) Антифоны.


Первый. На не́бо о́чи мои́ возвожу́, к Тебе́, Сло́ве: уще́дри мя́, да живу́ Тебе́. К небесам возвожу очи мои, к Тебе, Слово; умилосердись надо мною, чтобы я жил для Тебя. (Пс. 122:1.)
Поми́луй на́с уничиже́нных, устроя́я благопотре́бныя Твоя́ сосу́ды, Сло́ве. Помилуй нас уничиженных, Слово, и соделай благопотребными Твоими сосудами. (2Тим. 2:21.)
Свято́му Ду́ху, вся́кая всеспаси́тельная вина́, а́ще ко́ему Се́й по достоя́нию дхне́т, ско́ро взе́млет от земны́х: восперя́ет, возраща́ет, устроя́ет горе́. Святой Дух – виновник спасения всех (людей); если кого-нибудь из них Он коснется Своим дуновением сообразно достоинству, того скоро возвышает над земными предметами, окрыляет, укрепляет и возвышает.
А́ще не Госпо́дь бы бы́л в на́с, никто́же от на́с проти́ву возмо́гл бы вра́жиим бра́нем одоле́ти: побежда́ющии бо от зде́ возно́сятся. Если бы не Господь был с нами, то никто из нас не мог бы выдержать борьбы со врагом; ибо побеждающие возносятся отсюда. (Пс. 123:1 и след.)
Вторый. Зубы́ и́х да не я́та бу́дет душа́ моя́ я́ко птене́ц, Сло́ве: увы́ мне́, ка́ко и́мам от врага́ избы́ти грехолюби́в сы́й! Да не овладеют зубы их (врагов) душою моею, как птенцом, Слово. Но, увы мне, как могу я избавиться от врагов, будучи грехолюбивым?
Святы́м Ду́хом обоже́ние все́м, благоволе́ние, ра́зум, ми́р и благослове́ние: равноде́телен бо е́сть Отцу́ и Сло́ву. Дух Святой (дарует) всем обожение, благоволение, разумение, мир и благословение; ибо Он по действиям равен Отцу и Слову.
Третий. Наде́ющиися на Го́спода враго́м стра́шни, и все́м ди́вни: горе́ бо зря́т. Надеющиеся на Господа страшны врагам, и все удивляются им; ибо они взоры свои устремляют к небу. (Пс. 124:1.)
В беззако́ния ру́к свои́х, пра́ведных жре́бий, помо́щника Тя́ име́я Спа́се, не простира́ет. Сонм праведников, имея своим помощником Тебя, Спаситель, не простирает своих рук к беззакониям. (Пс. 124:3.)
Свята́го Ду́ха держа́ва на все́х: Ему́же вы́шняя во́инства покланя́ются, со вся́ким дыха́нием до́льным. Дух Святой господствует над всем, и Ему поклоняются небесные воинства вместе со всеми существами земными.

Г) Каноны.

Песнь 1. Ирмос.


Я́ко по су́ху пешеше́ствовав Изра́иль, по бе́здне стопа́ми, гони́теля фарао́на ви́дя потопля́ема, Бо́гу побе́дную пе́снь пои́м, вопия́ше. Израиль, стопами пройдя по морской глубине, как по суше, и увидев гнавшегося фараона утопавшим, восклицал: воспоем Богу победную песнь.

Тропари.


Перваго канона. Распросте́ртыма дла́ньма на Кресте́, Оте́ческаго испо́лнил еси́ благоволе́ния, Благи́й Иису́се, вся́ческая. Те́мже побе́дную пе́снь Тебе́ вси́ пои́м. Распростертыми на кресте руками Ты, благой Иисусе, исполнил все благоволения Отца. Посему все мы воспоем Тебе победную песнь.
Стра́хом к Тебе́ я́ко рабы́ня, сме́рть повеле́на приступи́ Влады́це живота́, то́ю подаю́щему на́м безконе́чный живо́т и воскре́сение. Смерть вопреки своей воле, как рабыня, со страхом приступила к Тебе, Владыке жизни; но Ты чрез нее (смерть) даровал нам бесконечную жизнь и воскресение.
Своего́ прие́мши Соде́теля, я́ко Са́м восхоте́, от безсе́меннаго Твоего́ чре́ва, па́че ума́ воплоща́ема, Чи́стая, тва́рей вои́стинну яви́лася еси́ Влады́чица. Ты, Чистая, по воле Своего Творца воспринявши Его из Твоего бессеменного чрева непостижимо воплощаемого, соделалась по истине Владычицей тварей.
Втораго канона. Суди́лищу Пила́тову предстои́т хотя́ беззако́нному суду́, я́ко суди́мь Судия́, и от руки́ непра́вды по лицу́ зауша́ется Бо́г, его́же трепе́щут земля́, и небе́сная. По противозаконному обвинению, как подсудимый добровольно стоит пред судилищем Пилата Судия, и от рук беззаконников подвергается заушениям в лицо Бог, пред Которым трепещут земля и существа небесные.
Просте́рл еси́ Боже́ственнеи дла́ни Твои́, Спа́се, на Пречи́стем Твое́м и Живоно́снем Кресте́: и собра́л еси́ язы́ки в позна́ние Твое́, Влады́ко, покланя́ющыяся, Го́споди, сла́вному Твоему́ распя́тию. Ты, Спаситель, распростер Свои Божественные руки на Своем пречистом и живоносном кресте и собрал (к Себе)55 для познания Тебя, Владыко, народы, поклоняющиеся Твоему славному распятию, Господи.
Стоя́ше сле́з исто́чники испуща́ющи, Пренепоро́чная, при Кресте́ Твое́м, Спа́се, я́же от ребра́ Твоего́ ка́пли крове́й зря́щи, Христе́, и Твою́ безприкла́дную ми́лость сла́вящи. При Твоем кресте, Спаситель, стояла пренепорочная (Богоматерь) и изливала струи слез, видя капли крови, истекавшие из Твоих ребер, Христе, и прославляя Твое беспримерное милосердие.
Третьяго канона. Прича́щшися Е́ва саду́, преслуша́ннаго бра́шна, кля́тву введе́: но сию́ разре́шила еси́, Чи́стая, благослове́ния нача́ток Христа́ Ро́ждши. Ева, вкусивши от древа запрещенного плода, привлекла проклятие; но Ты, Чистая, уничтожила это (проклятие), родивши начало благословения – Христа.
Я́же би́сера от Боже́ственныя мо́лнии Христа́ ро́ждши, страсте́й мои́х мглу́, и прегреше́ний смуще́ние, Чи́стая, разжени́ све́том Твоея́ све́тлости. Ты, Чистая, родившая жемчуг Божественного сияния – Христа, светом Своей славы рассей мрак моих страстей и возмущение грехов.
Язы́ков ча́яние, Иа́ков из Тебе́ воплоща́емаго предзря́ше та́йно у́мныма очи́ма Бо́га, изба́вльшаго на́с хода́тайством Твои́м. Иаков духовными очами предвидел чаяние56 народов – из Тебя таинственно воплощаемого Бога, избавившего нас Твоим посредничеством. (Быт. 49:10.)
Оскуде́вшым князе́м от коле́на Иу́дова, Пречи́стая, Сы́н Тво́й и Бо́г, проше́д во́ждь, над концы́ земны́ми ны́не вои́стинну воцари́ся. Когда прекратились правители из колена Иудова, пришел Вождь – Сын Твой и Бог, Чистая, и ныне по истине воцарился над пределами земли.

Песнь 3. Ирмос.


Не́сть свя́т, я́коже Ты́, Го́споди, Бо́же мо́й, вознесы́й ро́г ве́рных Твои́х, Бла́же, и утверди́вый на́с на ка́мени испове́дания Твоего́. Нет (столь) святого, как Ты, Господи Боже мой, возвысивший достоинство верующих в Тебя, Благой, и утвердивший нас на камне исповедания Твоего.

Тропари.


Перваго канона. Бо́га распина́ема пло́тию зря́щи тва́рь растаява́шеся стра́хом: но содержи́тельною дла́нию на́с ра́ди Распя́таго, кре́пко держи́ма бе́. Тварь, видя Бога плотию распинаемым, от страха разрушалась; но державною рукою Распятого за нас твердо сохранялась. (Мф. 27:51. Лк. 23:44–45.)
Сме́ртию сме́рть разоре́на лежи́т окая́нная без дыха́ния: Живота́ бо не терпя́щи Боже́ственнаго прираже́ния, умерщвля́ется кре́пкий, и да́руется все́м воскре́сение. Побежденная смертию (Христа) презренная смерть лежит бездыханною; ибо сильный,57 не выдержав Божественного приражения жизни, умерщвляется, и всем даруется воскресение.
Боже́ственнаго рождества́ Твоего́, Чи́стая, вся́кий естества́ чи́н превосхо́дит чу́до: Бо́га бо преесте́ственне зачала́ еси́ во чре́ве, и ро́ждши пребыва́еши при́сно Де́ва. Чудо Твоего Божественного рождения, Чистая, превышает всякий закон природы; ибо Ты сверхъестественно зачала во чреве Бога и по рождении пребываешь Приснодевою.
Втораго канона. Во гро́бе тридне́вствовавый воскреси́л еси́ животворя́щим воста́нием Твои́м пре́жде умерщвле́нныя, и осужде́ния разреши́вшеся ра́достно веселя́хуся, се́ избавле́ние прише́л еси́, Го́споди, взыва́юще. Пребыв во гробе три дня, Ты Своим животворным восстанием воскресил прежде умерших, и они, избавившись от осуждения, радостно торжествовали, восклицая: вот, пришел Ты, Избавитель Господь!
Сла́ва Твоему́ воста́нию, Спа́се на́ш, я́ко на́с от а́да тле́ния, и сме́рти изба́вил еси́ я́ко Всеси́лен, и пою́ще глаго́лем: не́сть свя́т ра́зве Тебе́, Го́споди Человеколю́бче. Слава воскресению Твоему, Спаситель наш; ибо Ты, как всемогущий, избавил нас от пагубного ада и смерти. Посему воспеваем и восклицаем: нет святого, кроме Тебя, человеколюбивый Господи.
Ты́ от Тебе́ ро́ждшагося я́ко ви́дела еси́ уя́звлена копие́м, уязви́лася еси́ се́рдцем, Пресвята́я Всенепоро́чная, и ужаса́ющися глаго́лала еси́: что́ Тебе́ воздаде́, Ча́до, наро́д пребеззако́нный? Ты, Пресвятая и Всенепорочная, увидевши Родившегося от Тебя уязвленным копьем, уязвилась сердцем и с ужасом восклицала: Сын (Мой)! что воздал Тебе народ пребеззаконный?
Третьяго канона. Тле́нную мою́ пло́ть и сме́ртную, Всечи́стая Богома́ти, из чре́ва Твоего́ несказа́нно прие́м Благи́й, и обезтле́нив сию́, ве́чне Себе́ связа́л е́сть. Благой (Бог), непостижимо восприняв мою тленную и смертную плоть от Твоего чрева, всечистая Богоматерь, сделал ее нетленною и на веки соединил ее с Собою.
Бо́га воплоща́ема из Тебе́ зря́ще, Де́во, ужаса́хуся стра́хом ли́цы а́нгельстии, и я́ко Ма́терь Бо́жию немо́лчными пе́сньми Тя́ почита́ют. Лики Ангелов, видя Бога воплощающимся от Тебя, Дева, изумились и устрашились и неумолкаемыми хвалебными песнями прославляют Тебя, как Матерь Бога.
Ужасе́ся, го́ру у́мную ви́дев Тя́ проро́к Дании́л, из нея́же ка́мень отсече́ся кроме́ ру́к: и де́монская ка́пища, Богома́ти, кре́пко сокруши́. Ужаснулся пророк Даниил, увидев Тебя, Богоматерь, духовною горою, от которой без помощи рук был отсечен камень, своим могуществом сокрушивший бесовские жертвенники. (Дан. 2:34.)
Не мо́жет сло́во Тя́ челове́ческое, ниже́ язы́к, Де́во, похвали́ти досто́йно: из Тебе́ бо без се́мене Жизнода́вец Христо́с воплоти́тися, Пречи́стая, благоволи́. Человеческие слово и язык не могут воздать Тебе, Дева, достойную хвалу; ибо из Тебя, Пречистая, благоволил бессеменно воплотиться Жизнеподатель Христос.

Песнь 4. Ирмос.


Христо́с моя́ си́ла, Бо́г и Госпо́дь, честна́я Це́рковь Боголе́пно пое́т взыва́ющи, от смы́сла чи́ста о Го́споде пра́зднующи. «Христос – сила моя, Бог и Господь мой», с благоговением, громогласно поет святая Церковь, от чистого сердца торжествуя о Господе.

Тропари.


Перваго канона. Дре́во процвело́ е́сть, Христе́, и́стинныя жи́зни: кре́ст бо водрузи́ся, и напое́н бы́в кро́вию и водо́ю от нетле́ннаго Твоего́ ребра́, живо́т на́м прозябе́. Древо истинной жизни процвело, Христе; ибо крест Твой, водруженный58 и окропленный истекшею от Твоих пречистых ребер кровию и водою, произрастил нам жизнь. (Ин. 19: 34.)
Не ктому́ зми́й мне́ ло́жне обоже́ние подлага́ет: Христо́с бо богоде́латель челове́ческаго естества́, ны́не невозбра́нно стезю́ живота́ мне́ отве́рзе. Змий более не предлагает мне ложно обожения; ибо Христос, Божественный Создатель человеческого естества, ныне открыл мне свободный путь к жизни.
Я́ко вои́стинну неизвеща́нна и непостижи́ма, я́же Твоего́ боголе́пнаго, Богоро́дице, су́ть рождества́, су́щым на земли́ и на небеси́, Присноде́во, та́инства. Тайны Твоего Божественного зачатия, Богородица Приснодева, как по истине не изреченны и непостижимы для земных и небесных существ!
Втораго канона. Честны́й кре́ст Тво́й почита́ем, и гво́зди, Христе́, и свято́е копие́ с тро́стию, вене́ц и́же от те́рний, и́миже от а́дова истле́ния изба́вихомся. Почитаем честной крест Твой, Христе, гвозди, святое копие с тростью и терновый венец, чрез которые мы избавились от погибельного ада.
Гро́б, Cпа́се, Тя́ подъя́т во́лею ме́ртва о на́с я́вльшагося, но ника́коже возмо́же, Сло́ве, удержа́ти: я́ко Бо́г бо воскре́сл еси́, спаса́я ро́д на́ш. Гроб воспринял Тебя, Спаситель, ради нас добровольно сделавшегося мертвым, но никак не мог удержать Тебя, Слово; ибо Ты, как Бог, воскрес, чтобы спасти род наш.
Богороди́тельнице Присноде́во, Спа́са Христа́ челове́ком ро́ждшая, от бе́д и му́к изба́ви на́с, прибега́ющих ве́рою к Боже́ственному Покро́ву Твоему́. Богородица Приснодева, родившая людям Спасителя Христа! от бед и мучений избавь нас, с верою прибегающих к Твоему Божественному покровительству.
Третьяго канона. Пое́м, Пречи́стая, Тебе́ Всенепоро́чную, и́же Тобо́ю спа́сшиися, и благоче́стно пою́ще взыва́ем: благослове́нна, я́же Бо́га Присноде́во ро́ждшая. Мы, спасенные Тобою, Пречистая, прославляем Тебя всенепорочную и благоговейно поем и восклицаем: благословенна Ты, родившая Бога Приснодева!
Све́т незаходи́мый, Де́во, родила́ еси́, су́щым во тьме́ жития́, пло́тию светя́щ, Всеблаже́нная, и пою́щым Тя́, ра́дость, Присноде́во, источи́ла еси́. Ты, всеблаженная Дева, родила незаходимый Свет, плотию светящий пребывающим во тьме житейской, и источила радость прославляющим Тебя, Приснодева.
Благода́ть процвете́, зако́н преста́, Тобо́ю, Всесвята́я: Ты́ бо, Чи́стая, родила́ еси́ Го́спода, подаю́щаго на́м, Присноде́во, оставле́ние. Чрез Тебя, Всесвятая, процвела благодать, и потерял свое значение закон (Моисеев); ибо Ты, чистая Приснодева, родила Господа, дарующего нам прощение (грехов).
Ме́ртва мя́ показа́ сада́ вкуше́ние, жи́зни же дре́во из Тебе́ я́вльшееся, Пречи́стая, воскреси́, и ра́йския сла́дости насле́дника мя́ устро́и. Вкушение от древа умертвило меня; но от Тебя явившееся древо жизни, Пречистая, воскресило меня и сделало наследником райского блаженства.

Песнь 5. Ирмос.


Бо́жиим све́том Твои́м, Бла́же, у́тренюющих Ти́ ду́шы любо́вию озари́, молю́ся, Тя́ ве́дети, Сло́ве Бо́жий, и́стиннаго Бо́га, от мра́ка грехо́внаго взыва́юща. Своим Божественным светом, Благой, просвети души от ранней зари обращающихся к Тебе, – усердно молюсь я, – чтобы знать Тебя, Божие Слово, истинного Бога, от мрака грехов призывающего к Себе.

Тропари.


Перваго канона. Уступа́ют мне́ Херуви́мы ны́не, и пла́менное ору́жие, Влады́ко, плещы́ мне́ дае́т, Тя́ ви́девше, Сло́ве Бо́жий, и́стиннаго Бо́га, разбо́йнику пу́ть сотво́ршаго в ра́й. Ныне херувимы отступают предо мною, и пламенный меч обращается вспять от меня, Владыко, увидев Тебя, Божие Слово, истинного Бога, открывшего путь в рай разбойнику. (Быт. 3:24.)
Не ктому́ бою́ся, е́же в зе́млю, Влады́ко Христе́, возвраще́ния: Ты́ бо от земли́ мя́ возве́л еси́ забве́нна, благоутро́бия ра́ди мно́гаго, к высоте́ нетле́ния воскре́сением Твои́м. Более я не боюсь возвращения в землю, Владыко Христе; ибо Ты, по Своему великому милосердию, Своим воскресением возвел меня забытого от земли на высоту нетления.
И́же Богоро́дицу тя́ от души́, Влады́чице ми́ра Блага́я, испове́дающих спаси́: Тебе́ бо предста́тельство непобори́мое и́мамы, и́стинную Богороди́тельницу. Благая Владычица мира! Спаси искренно исповедующих Тебя Богородицею; ибо мы в Тебе, как истинной Богоматери, имеем непобедимую защитницу.
Втораго канона. Сне́дию дре́ва во Еде́ме прельсти́выйся в тлю́ поползе́ родонача́льник, преслу́шавый, Го́споди, за́поведи Твоя́, Преблаги́й: но сего́ Кресто́м па́ки возве́л еси́ в пе́рвую добро́ту, послушли́в Отцу́ Спа́се бы́вый. Родоначальник (Адам), в раю прельстившись плодом от древа, склонился к тлению, преступив заповедь Твою, преблагой Господи; но Ты, Спаситель, крестом снова возвел его в первобытное совершенство, быв послушным Отцу. (Флп. 2, 8.)
Твое́ю сме́ртию, Бла́же, сме́рти потреби́ся держа́ва, исто́чник жи́зни на́м источи́, и безсме́ртие дарова́ся: сего́ ра́ди погребе́нию Твоему́ и воскре́сению ве́рою покланя́емся, и́мже я́ко Бо́г ми́р ве́сь просвети́л еси́. Твоею смертию, Благой, уничтожена держава смерти, открыт нам источник жизни, и даровано бессмертие. Посему мы с верою поклоняемся Твоему погребению и воскресению, которыми Ты, как Бог, просветил весь мир.
Живы́й на небесе́х и Творе́ц все́х Госпо́дь, во Твою́, Всенепоро́чная, всели́ся неизрече́нно утро́бу, просла́вивый Тя́ превы́шшую небе́с, и святе́йшую чино́в невеще́ственных: те́мже ны́не и́же на земли́ Тя ублажа́ем. В Твою утробу, Всенепорочная, непостижимо вселился живущий на небесах и Творец всех Господь и сделал Тебя превысшею небес и святейшею бесплотных чинов (Ангелов). Посему ныне мы, земнородные, ублажаем Тебя.
Третьяго канона. Чистото́ю возсия́вши све́тло Боже́ственное пребыва́ние Влады́ки, Всепе́тая, была́ еси́. Ты́ бо еди́на Ма́ти Бо́жия яви́лася еси́, во объя́тиих я́ко младе́нца Сего́ носи́вши. Светло воссиявши чистотою, Ты, Всепрославленная, явилась Божественным жилищем Владыки; ибо Ты одна соделалась Материю Бога и на Своих руках носила Его, как младенца.
Нося́щи добро́ту у́мную, красне́йшия Твоея́ души́, Неве́ста Бо́жия была́ еси́, запеча́тствована де́вством, Чи́стая, и све́том чистоты́ ми́р просвеща́ющи. Ты, Чистая, как обладающая духовною красотою Своей прекраснейшей души, соделалась невестою Бога, запечатленною девством, и блеском Своей чистоты украшаешь мир.
Да рыда́ет собра́ние злочести́вых, не пропове́дающих Тя́ я́ве Чи́стую Богома́терь: Ты́ бо врата́ Бо́жия све́та яви́лася еси́ на́м, мра́к прегреше́ний разгоня́ющи. Да рыдает общество нечестивцев, не исповедующих Тебя в истинном смысле чистою Богоматерью; ибо Ты соделалась для нас вратами Божественного света, рассеивая мрак (наших) грехов.

Песнь 6. Ирмос.


Жите́йское мо́ре воздвиза́емое зря́ напа́стей бу́рею, к ти́хому приста́нищу Твоему́ прите́к вопию́ Ти: возведи́ от тли́ живо́т мо́й, Многоми́лостиве. Видя море жизни обуреваемым волнами искушений, я прибегнул к Твоему тихому пристанищу и взываю к Тебе: избавь жизнь мою от тления, Многомилостивый.

Тропари.


Перваго канона. Распина́емь, Влады́ко, гвоздьми́ у́бо кля́тву ю́же на на́с потреби́л еси́: копие́м же пробода́емь в ребро́, Ада́мово рукописа́ние растерза́в, ми́р свободи́л еси́. Распинаемый гвоздями, Ты, Владыко, уничтожил произнесенное на нас проклятие, и пронзаемый копьем в ребра, разорвал рукописание против Адама и освободил мир. (Кол. 2:13–14.)
Ада́м низведе́ся, ле́стию запя́т бы́в, ко а́дове про́пасти: но и́же естество́м, Бо́г же и ми́лостив, сше́л еси́ на взыска́ние, и на ра́му поне́с, совоскреси́л еси́. Адам, обольщенный лестью, низведен был в пропасть ада; но Ты, по естеству Бог и милосердый, нисшел (с небес), чтобы отыскать его, взял на рамена (Свои) и воскресил с Собою.
Пречи́стая Влады́чице, ро́ждшая челове́ком ко́рмчию Го́спода, страсте́й мои́х непостоя́нное и лю́тое утоли́ смуще́ние, и тишину́ пода́ждь се́рдцу моему́. Пречистая Владычица, родившая людям Кормчего – Господа! утиши непостоянное и ужасное возмущение страстей моих и даруй спокойствие сердцу моему.
Втораго канона. Христоуби́йца и пророкоуби́йца бы́сть евре́йское мно́жество: я́ко бо проро́ки дре́вле и́стины су́щыя та́йныя лучи́, уби́ти не убоя́ся: си́це и ны́не Го́спода, его́же пропове́даху они́ тогда́, за́вистию влеко́ми уби́ша, но на́м бы́сть живо́т умерщвле́ние Его́. Христоубийцею и пророкоубийцею оказался еврейский народ; ибо как в древности он не убоялся убивать пророков, которые были таинственными светочами истины, так и ныне, увлеченный завистью, убил Господа, о Котором те в свое время проповедовали. Но смерть Его стала для нас жизнию.
Я́т бы́л еси́, но не удержа́н Спа́се во гро́бе, а́ще бо и во́лею вкуси́л еси́ сме́рти, Сло́ве, но воскре́сл еси́ я́ко Бо́г безсме́ртен, совоздви́гнувый у́зники су́щыя во а́де, и ра́дость жена́м вме́сто печа́ли пре́жния, па́ки премени́вый. Ты, Спаситель, был взят, но не удержан гробом; ибо Ты, Слово, хотя добровольно и вкусил смерть, но, как бессмертный Бог, воскрес, вместе с Собою воскресил заключенных в аде узников и вместо прежней печали даровал женам (мироносицам) радость.(Мф. 28:8.)
Безче́стен Тво́й и ску́ден яви́ся ви́д плотски́й па́че челове́ков, во вре́мя стра́сти: и́бо Божества́ существо́м, красе́н добро́тою Дави́ду показа́ся: но жезло́м Твоего́ Ца́рствия враго́в сотры́й кре́пость, глаго́лаше, Чи́стая: о Сы́не мо́й и Бо́же, от гро́ба воста́ни. Обесчещенным и презренным пред людьми был Твой плотской образ во время страданий; но Давиду Ты являлся в вожделенной красоте по Божественному естеству; и Пречистая (Дева) говорила: скипетром Твоего царства сокруши силу врагов и восстань из гроба, Сыне Мой и Боже!
Третьяго канона. Вели́кий преднаписа́ во проро́цех Моисе́й Тя́, ковче́г, и трапе́зу, и све́щник, и ру́чку, обра́зно назна́менуя воплоще́ние, е́же из Тебе́ Вы́шняго, Ма́ти Де́во. Великий между пророками Моисей предизобразил Тебя, Матерь Дева, ковчегом, трапезою, светильником, и сосудом, в видимых образах представляя воплощение от Тебя Всевышнего. (Евр. 9:2. 4.)
Умерщвля́ется сме́рть, и тле́ние упражня́ется Ада́мова осужде́ния, о Влады́чице! Плоду́ Твоему́ прирази́вшееся: Жи́знь бо родила́ еси́, от истле́ния избавля́ющую пою́щих Тя́. Умерщвляется смерть, приразившееся к плоду Твоему, Владычица и уничтожается тление (и) осуждение Адама; ибо Ты родила жизнь, от тления освобождающую воспевающих Тебя.
Зако́н изнемо́же, и се́нь ми́мо и́де, па́че ума́ и смы́сла я́вльшейся ми́ благода́ти, е́же от Тебе́, Де́во, рождества́, Бо́га и Спа́са, многопе́тая. Закон (Моисеев) лишился своего значения и прошла его тень, когда открылась мне превышающая ум и мысли благодать рождения от Тебя Бога и Спасителя, много прославляемая Дева. (Евр. 10:1.)

Кондак.


Живонача́льною дла́нию, уме́ршыя от мра́чных удо́лий, Жизнода́вец воскреси́в все́х Христо́с Бо́г, воскре́сение подаде́ челове́ческому ро́ду: е́сть бо все́х Спаси́тель, Воскре́сение и Живо́т, и Бо́г все́х. Жизнеподатель Христос Бог, Своею живоначальною рукою возведши всех умерших из мрачных пропастей (ада), даровал воскресение человеческому естеству; ибо Он – Спаситель всех, воскресение, жизнь и Бог всего.

Икос.


Кре́ст и погребе́ние Твое́, Жизнода́вче, воспева́ем ве́рнии, и покланя́емся, я́ко а́д связа́л еси́, Безсме́ртне, я́ко Бо́г Всеси́льный: и ме́ртвыя совоскреси́л еси́, и врата́ сме́ртная сокруши́л еси́, и держа́ву а́дову низложи́л еси́, я́ко Бо́г. Те́мже земноро́днии славосло́вим Тя́ любо́вию, воскре́сшаго, и низложи́вшаго вра́жию держа́ву всепа́губную, и все́х воскреси́вшаго в Тя́ ве́ровавших, и ми́р изба́вльшаго от стре́л змии́ных, и от пре́лести вра́жия, я́ко Бо́г все́х. Мы, верующие, прославляем крест и гроб Твой и поклоняемся, Жизнеподатель; ибо Ты, Бессмертный, связал ад, как всемогущий Бог, воскресил с Собою мертвых, разрушил врата смерти и уничтожил державу ада, как Бог. Посему мы, земнородные, с любовию славословим Тебя – воскресшего, уничтожившего державу всепагубного врага, воскресившего всех уверовавших в Тебя, избавившего мир от стрел змия и от обольщений врага, ибо Ты – Бог всего.

Песнь 7. Ирмос.


Росода́тельну у́бо пе́щь соде́ла А́нгел преподо́бным отроко́м, халде́и же опаля́ющее веле́ние Бо́жие, мучи́теля увеща́ вопи́ти: благослове́н еси́, Бо́же оте́ц на́ших. Росоносною сделал Ангел печь для благочестивых отроков, а воля Божия, попалившая халдеев, заставила властителя восклицать: благословен Ты, Бог отцов наших! (Дан. 3:48–50. 95.)

Тропари.


Перваго канона. Рыда́ющее во стра́сти Твое́й со́лнце, во мра́к облече́ся, и во дни́ по все́й, Влады́ко, земли́ све́т поме́рче, вопия́: благослове́н еси́, Бо́же оте́ц на́ших. Оплакивая Твои страдания, Владыко, солнце покрылось мраком, и днем по всей земле померк свет, восклицая: благословен Ты, Бог отцов наших! (Мф. 27:45. Мк. 15:33.)
Облеко́шася, Христе́, схожде́нием Твои́м во све́т преиспо́дняя, пра́отец же весе́лия испо́лнь яви́ся ликовству́я, взыгра́ся вопия́: благослове́н еси́, Бо́же оте́ц на́ших. Чрез Твое нисшествие, Христе, озарилась светом преисподняя; исполненный радости прародитель ликовал и веселился, восклицая: благословен Ты, Бог отцов наших!
Тобо́ю, Ма́ти Де́во, све́т возсия́ все́й вселе́нней све́тлый: Зижди́теля бо Ты́ все́х родила́ еси́ Бо́га. Его́же проси́, Всечи́стая, на́м низпосла́ти ве́рным ве́лию ми́лость. Чрез Тебя, Матерь Дева, всей вселенной воссиял яркий свет; ибо Ты родила Создателя всех – Бога. Молись Ему, Всечистая, чтобы Он ниспослал нам – верующим великую милость.
Втораго канона. О стра́ннаго о́браза! Изра́иля Избавле́й от рабо́ты фарао́нския, распина́ется во́лею от него́, и разреша́ет вери́ги согреше́ний. Ему́же ве́рою пое́м: изба́вителю Бо́же, благослове́н еси́. Какое дивное событие! Избавивший Израиля от фараонова рабства добровольно распинается от него (Израиля) и уничтожает узы грехов. Посему с верою воспеваем Ему: Избавитель Боже! благословен Ты.
Тебе́, Спа́са, на ло́бнем распя́ша пребеззако́нных о́троцы нечести́вии, врата́ ме́дная и вереи́ сломи́вшаго, во спасе́ние на́с пою́щих: изба́вителю Бо́же, благослове́н еси́. Нечестивые потомки беззаконников на лобном месте распяли Тебя – Спасителя, разрушившего медные врата и запоры (ада) для спасения нас, воспевающих: Избавитель Боже! благословен Ты.
Е́вы дре́вния свобожде́ние ро́ждшая от кля́твы, разреша́еши Ада́ма, Де́во Чи́стая. Те́мже со а́нгелы Тя́, с Сы́ном Твои́м пое́м и вопие́м: изба́вителю Бо́же, благослове́н еси́. Ты, чистая Дева, родивши освобождение древней Евы, избавляешь Адама от проклятия. Посему вместе с Ангелами прославляем Тебя и Сына Твоего и восклицаем: Избавитель Боже! благословен Ты.
Третьяго канона. Ю́нош трие́х пе́щь не опали́, рождество́ прообразу́ющих Твое́: Боже́ственный бо о́гнь Тебе́ не опали́в, всели́ся в Тя́, и вся́ научи́ вопи́ти: благослове́н еси́, Бо́же оте́ц на́ших. Прообразовавшая Твое рождества (Вавилонская) печь не опалила трех юношей; ибо Божественный пламень, вселившись в Тебя, не опалил Тебя и всех научил восклицать: благословен Ты, Бог отцов наших!
Блажа́т концы́ Тя, Всечи́стая Ма́ти, я́коже прорекла́ еси́, просвеща́еми светолу́чными сия́ньми Твои́ми, и благода́тию пою́ще, вопию́т: благослове́н еси́, Бо́же оте́ц на́ших. Пределы (вселенной), просвещаемые Твоими светоносными лучами и благодатию, согласно Твоему пророчеству (Лк, 1:48), ублажают Тебя, всечистая Матерь, и воспевают, восклицая: благословен Ты, Бог отцов наших!
Па́губныя у́бо зу́бы в мя́ вонзе́ зми́й лука́внейший: но са́м14 Тво́й Богома́ти, сокруши́ Сы́н, кре́пость же мне́ даде́ вопи́ти: благослове́н еси́, Бо́же оте́ц на́ших. Здешний змий вонзил в меня свои пагубные зубы; но Сын Твой, Богоматерь, сокрушил их и даровал мне силу восклицать: благословен Ты, Бог отцов наших!
Очисти́лище естества́ Ты́ еси́ еди́на богоблаже́нная, на ра́му бо херуви́мску седя́щаго Бо́га во объя́тиих нося́щи вопие́ши: благослове́н еси́, Бо́же оте́ц на́ших. Ты, Богоблаженная, одна соделалась очищением (человеческого) естества; ибо Ты в объятиях Своих носила восседающего на раменах херувимов Бога, восклицая: благословен Ты, Бог отцов наших!

Песнь 8. Ирмос.


Из пла́мене преподо́бным ро́су источи́л еси́, и пра́веднаго же́ртву водо́ю попали́л еси́: вся́ бо твори́ши, Христе́, то́кмо е́же хоте́ти, Тя́ превозно́сим во вся́ ве́ки. Из пламени источил Ты росу для благочестивых (отроков) и водою попалил жертву праведника:59 ибо Ты, Христе, все творишь единою Своею волею. Превозносим Тебя во все веки.

Тропари.


Перваго канона. Иуде́йския дре́вле пророкоуби́йцы лю́ди, богоуби́йцы за́висть ны́не соде́ла, Тебе́ на кре́ст возне́сшыя, Сло́ве Бо́жий: Его́же превозно́сим во вся́ ве́ки. Бывший в древности пророкоубийцею народ иудейский зависть сделала ныне богоубийцею, повесившим на крест Тебя, Божие Слово, Которого мы превозносим во все веки.
Небе́снаго кру́га не оста́вил еси́, и во а́д соше́д, всего́ совоздви́гл еси́ лежа́щаго во гно́ищи, Христе́, челове́ка, Тя́ превознося́ща во вся́ ве́ки. Ты, Христе, не оставил небесного свода и, нисшед в ад, вместе с Собою воскресил всецело лежавшее в гноище естество человека, превозносящего Тебя во все веки.
От Све́та Светода́вца Сло́ва зачала́ еси́, и ро́ждши неизрече́нно Сего́, просла́вилася еси́: Ду́х бо в Тя́, Отрокови́це, Бо́жий всели́ся. Те́мже Тя́ пое́м во вся́ ве́ки. Ты, Отроковица, от Света зачала (во чреве) светоподателя – Слово и прославилась неизреченно родивши Его, ибо в Тебя вселился Божественный Дух. Посему прославляем Тебя во все веки.
Втораго канона. Ужасе́ся вся́к слу́х, ка́ко Вы́шний во́лею прии́де на зе́млю, а́дову кре́пость разруши́ти кресто́м и погребе́нием, и вся́ воздви́гнути зва́ти: о́троцы благослови́те, свяще́нницы воспо́йте, лю́дие превозноси́те во вся́ ве́ки. Все слышавшие изумились, как Вышний добровольно пришел на землю, чтобы крестом и погребением уничтожить силу ада и побудить всех восклицать: отроки, благословляйте, священники, воспевайте, люди, превозносите (Его) во все веки.
Преста́ а́дово мучи́тельство, и ца́рство уничижи́ся про́чее, на кресте́ бо на земли́ водру́зився, и́же над все́ми Бо́г, сего́ могу́тство низложи́. Его́же о́троцы благослови́те, свяще́нницы воспо́йте, лю́дие превозноси́те во вся́ ве́ки. Прекратилось мучение ада, и уничтожено на будущее время его царство; ибо сущий над всеми Бог, будучи пригвожден на земле ко кресту, ниспроверг его могущество. Отроки, благословляйте, священники, воспевайте люди, превозносите (Его) во все веки.
О неизрече́ннаго Твоего́, Христе́, человеколю́бия, и неизглаго́ланных бла́г! Мене́ бо ви́дя погиба́юща во а́дове темни́це, стра́сти претерпе́вый изба́вил еси́. Те́мже Тя́ благослови́м все́х Влады́ку, и превозно́сим во вся́ ве́ки. О, как неизреченно Твое человеколюбие и неисчислимы блага Твои, Христе! Видя меня погибающим в темнице ада, Ты претерпел страдания и избавил меня. Посему благословляем Тебя – Владыку всех и превозносим во все веки.
Третьяго канона. Позлаще́ною ри́зою я́коже Цари́цу Сы́н Тво́й просвети́в заре́ю Ду́ха, Тебе́ одесну́ю Себе́ поста́ви, Пречи́стая: Его́же превозно́сим во вся́ ве́ки. Сын Твой, Пречистая, озарив Тебя сиянием Духа, как Царицу – позлащенною одеждою, поставил Тебя одесную Себя. Превозносим Его во все веки.
И́же хоте́нием еди́ным ми́р водрузи́вый, от пречи́стыя Твоея́ утро́бы пло́ть взе́млет, свы́ше сию́ назда́ти хотя́: Его́же превозно́сим во вся́ ве́ки. Единою Своею волею Создавший мир от Твоей пречистой утробы воспринимает плоть, свыше возжелав восстановить ее. Превозносим Его во все веки.
Счета́нием Сло́ва ко мне́ челове́ку, Боже́ственное жили́ще была́ еси́, Пречи́стая, просия́вши я́ве де́вства све́тлостию: те́мже Тя́ пое́м во вся́ ве́ки. Для соединения Слова со мною – человеком Ты, Пречистая, соделалась Божественным жилищем, явно воссиявши красотою девства. Посему воспеваем Тебя во все веки.
Златоза́рный Тя́ све́щник предвообрази́, прие́мшую несказа́нно Све́т Непристу́пный, ра́зумом Свои́м озаря́ющ вся́ческая. Те́мже Тя́ пое́м, Чи́стая, во ве́ки. Сияющий золотом светильник предизобразил Тебя, неизреченно воспринявшую неприступный Свет Своею премудростью просвещающий все. Посему воспеваем Тебя, Чистая, во веки.

Песнь 9. Ирмос.


Бо́га челове́ком не возмо́жно ви́дети, на Него́же не сме́ют чи́ни А́нгельстии взира́ти: Тобо́ю же, Всечи́стая, яви́ся челове́ком Сло́во воплоще́нно, Его́же велича́юще, с Небе́сными во́и Тя́ ублажа́ем. Бога, на Которого не смеют взирать чины Ангелов, видеть людям невозможно; но чрез Тебя, Всечистая, Он явился людям воплотившимся Словом. Мы, вместе с небесными воинствами, величая Его, ублажаем Тебя.

Тропари.


Перваго канона. Страсте́й неприча́стен Ты́ пребы́л еси́, Сло́ве Бо́жий, пло́тию приобщи́вся страсте́м: но реши́ши от страсте́й челове́ка, страсте́м бы́в стра́сть, Спа́се на́ш: еди́н бо еси́ безстра́стен, и всеси́лен. Ты, Божие Слово, остался непричастным страданиям (по Божеству), подвергшись страданиям по плоти; но, претерпев страдания, Ты, Спаситель наш, освобождаешь от страданий человека; ибо Ты один – бесстрастный и всемогущий.
Тлю́ сме́ртную прие́м, тле́ния соблю́л еси́ те́ло Твое́ невку́сно, Твоя́ же животворя́щая и Боже́ственная, Влады́ко, душа́, во а́де не оста́влена бы́сть: но я́коже от сна́ воскре́с, на́с совоздви́гл еси́. Ты, Владыко, приняв разрушительную смерть, сохранил Свое тело непричастным истлению, и Твоя животворящая и Божественная душа не осталась в аде; но, восстав как бы от сна, Ты воскресил нас (с Собою).
Бо́га Отца́, Сы́на собезнача́льна, вси́ челове́цы устна́ми у́бо чи́стыми сла́вим, неизрече́нную же и пресла́вную Ду́ха Всесвята́го си́лу чти́м: еди́на бо еси́ всеси́льная Тро́ица неразлу́чная. Все мы, смертные, чистыми устами прославляем Бога Отца и собезначального Сына и почитаем неизреченную и преславную силу Всесвятого Духа; ибо Ты – единая всемогущая (и) нераздельная Троица.
Втораго канона. А́ще и во гро́б соше́л еси́ я́ко ме́ртв, Жизнода́вче, но а́дову кре́пость разруши́л еси́, Христе́, совоздви́гнув ме́ртвыя, я́же и поглоти́, и воскре́сение все́м по́дал еси́, я́ко Бо́г, ве́рою и любо́вию Тя́ велича́ющым. Ты, Жизнеподатель – Христе, хотя и нисшел во гроб, как мертвый, но уничтожил силу ада, воскресил мертвых, которых он поглотил, и, как Бог, даровал воскресение всем, с верою и любовию величающим Тебя.
Да ра́дуется тва́рь, и да процвете́т я́ко кри́н: Христо́с бо от ме́ртвых воста́ я́ко Бо́г. Где́ Твое́, сме́рте, ны́не жа́ло, воззове́м? Где́ Твоя́, а́де, побе́да? Низложи́ Тя в зе́млю, Возвы́сивый ро́г на́ш, я́ко благоутро́бен. Да радуется тварь и да процветает, как лилия; ибо Христос, как Бог, воскрес из мертвых. Воскликнем: смерть, где ныне твое жало? ад, где твоя победа? Поверг тебя на землю Возвысивший наше достоинство, как милосердный. (1Кор. 15:56.)
Но́сиши Нося́щаго вся́, и держи́ши я́ко Младе́нца в рука́х, из руки́ избавля́ющаго на́с бори́теля врага́, Пречи́стая Влады́чице, и ви́диши на кре́ст дре́ва возвыша́ема, от ро́ва зло́бы на́с возвы́сивша. Ты, пречистая Владычица, носишь Носящего все, держишь на руках, как младенца, Избавляющего нас из рук злого врага, и видишь возносимым на крестное древо Возвысившего нас из глубины зол.
Третьяго канона. Звезда́ сия́ющи заря́ми Божества́ от Иа́кова, от мра́ка содержи́мым возсия́: Тобо́ю бо Всечи́стая, Христо́с Бо́г Сло́во соплоще́нно: И́мже просвеща́еми, с небе́сными во́и Тя́ ублажа́ем. Чрез Тебя, Всечистая, пребывавшим во тьме возсияла ныне, сияющая блеском Божества, звезда от Иакова – Христос Бог, воплотившееся Слово, и Ею просвещаемые, мы вместе с небесными воинствами ублажаем Тебя.
Укре́плься си́лою Твое́ю и благода́тию, Тебе́ пе́снь усе́рдно от се́рдца возложи́х: но сию́ приими́, Де́во Чи́стая, благода́ть воздаю́щи Твою́ многосве́тлую, от нетле́нных сокро́вищ, Богоблаже́нная. Укрепившись силою и благодатию Твоею, с усердием, от сердца, вознес я Тебе песнь; Ты же, чистая Дева, приими ее и от нетленных сокровищниц даруй Свою многосветлую благодать, Богоблаженная.
Поста́в показа́лася еси́ я́ве Божества́, в не́мже ри́зу телесе́ Сло́во истка́, богосоде́лав мо́й, Де́во, зра́к: в него́же обле́кся все́х Спасе́, от смы́сла чи́ста Тебе́ велича́ющих. Ты, Дева, по истине явилась Божественным станком, на котором Слово соткало Себе плотскую одежду, обожив мое естество, и облекшись в нее, спасло всех, от чистого сердца величающих Тебя.
Ме́ртвым воскре́сение ны́не дарова́ся, Твои́м несказа́нным и неизрече́нным рождество́м, Богоро́дице Всечи́стая: жи́знь бо из Тебе́ пло́тию обле́кшися, все́м возсия́, и сме́ртную дря́хлость я́ве разруши́. Чрез Твое непостижимое и неизреченное рождество, всечистая Богородица, мертвым даровано ныне воскресение; ибо из Тебя возсияла всем Жизнь, облекшись в плоть, и по истине уничтожила безотрадность смерти.

Д) Стихиры на хвалитех.


Кре́ст Тво́й, Го́споди, жи́знь и воскре́сение лю́дем Твои́м е́сть, и наде́ющеся на́нь, Тебе́ воскре́сшаго Бо́га на́шего пое́м: поми́луй на́с. Крест Твой, Господи, для людей Твоих – жизнь и воскресение; и мы, надеясь на него, прославляем Тебя – воскресшего Бога нашего. Помилуй нас.
Погребе́ние Твое́, Влады́ко, ра́й отве́рзе ро́ду челове́ческому: и от истле́ния изба́вльшеся, Тебе́ воскре́сшаго Бо́га на́шего пое́м: поми́луй на́с. Гроб Твой, Владыко, отверз рай роду человеческому; и мы, избавившись от тления, прославляем Тебя – воскресшего Бога нашего. Помилуй нас.
Со Отце́м и Ду́хом Христа́ воспои́м, воскре́сшаго из ме́ртвых, и к Нему́ вопии́м: Ты́ Живо́т еси́ на́ш, и Воскре́сение, поми́луй на́с. Вместе с Отцом и Духом прославим Христа, воскресшего из мертвых, и воскликнем к Нему: Ты – жизнь наша и воскресение. Помилуй нас.
Тридне́вен воскре́сл еси́ Христе́ от гро́ба я́коже пи́сано е́сть, совоздви́гнувый пра́отца на́шего. Те́мже Тя́ и сла́вит ро́д челове́ческий, и воспева́ет Твое́ воскре́сение. Ты, Христе, в третий день восстал из гроба, как написано, и воскресил с Собою нашего праотца. Посему род человеческий и прославляет Тебя и воспевает Твое воскресение.
Го́споди, ве́лие и стра́шно е́сть Твоего́ воскре́сения та́инство: та́ко бо произше́л еси́ от гро́ба, я́ко жени́х от черто́га, сме́ртию сме́рть разруши́вый, да Ада́ма свободи́ши. Те́мже на Небесе́х А́нгели ликовству́ют, и на земли́ челове́цы сла́вят, е́же на на́с бы́вшее благоутро́бие Твое́, Человеколю́бче. Велика и изумительна тайна Твоего воскресения, Господи! Ты так вышел из гроба, как жених – из чертога, смертию уничтожив смерть, чтобы освободить Адама. Посему на небесах торжествуют Ангелы, а на земле люди прославляют оказанное нам милосердие Твое, Человеколюбец.
О пребеззако́ннии иуде́е, где́ су́ть печа́ти и сре́бреницы, я́же да́сте во́ином? не укра́дено бы́сть сокро́вище, но воскре́се я́ко си́лен: са́ми же посрами́стеся отве́ргшиися Христа́ Го́спода сла́вы, пострада́вша и погребе́нна, и воскре́сша из ме́ртвых: Тому́ поклони́мся. О, пребеззаконные иудеи! где находятся печати и те сребренники, которые вы дали воинам? Не украдено сокровище, – Он (Христос), как всемогущий, воскрес. Вы сами посрамились, отрекшись от Христа, Господа славы, пострадавшего, погребенного и воскресшего из мертвых. Поклонимся Ему.
Запеча́тану гро́бу, ка́ко окра́дени бы́сте иуде́е, стра́жы поста́вльше, и зна́мения поло́жше, две́рем заключе́нным про́йде Ца́рь? Или́ я́ко ме́ртва предста́вите, или́ я́ко Бо́гу поклони́теся, с на́ми пою́ще: сла́ва, Го́споди, Кресту́ Твоему́, и воскре́сению Твоему́. Иудеи! Когда гроб был запечатан, каким образом обокрали вас, приставивших стражей и приложивших печати? Когда двери были заперты, прошел Царь. Или представьте Его, как мертвого, или поклонитесь Ему, как Богу, с нами воспевая: слава, Господи, кресту Твоему и воскресению Твоему.
Живоприя́тнаго Твоего́ гро́ба, мироно́сицы жены́ рыда́ющя, достиго́ша, Го́споди, и ми́ра нося́щя, те́ло Твое́ пречи́стое пома́зати иска́ху: обрето́ша же светоно́сна А́нгела на ка́мени седя́ща, и к ни́м веща́юща, и глаго́люща: что́ слезите́, из ре́бр источи́вшаго жи́знь ми́рови? Что́ и́щете я́ко ме́ртва во гро́бе Безсме́ртнаго? Те́кшя же па́че возвести́те Того́ ученико́м, сла́внаго Его́ воскре́сения всеми́рное ра́дование, и́мже и на́с Спа́се просвети́вый, да́руй очище́ние и ве́лию ми́лость. Жёны-мироносицы со слезами пришли к Твоему, содержавшему в себе жизнь, гробу и, принесши миро, чтобы помазать Твое пречистое тело, стали искать его. Но нашли сидевшего на камне светоносного Ангела, который обратился к ним с речью и сказал: «зачем оплакиваете из ребер Источившего жизнь миру? Зачем ищете Бессмертного во гробе как бы мертвого? Идите лучше к Его ученикам и возвестите им всемирную радостную весть о Его славном воскресении», которым просвети и нас, Спаситель, и даруй очищение (грехов) и великую милость.

Блаженны на литургии


Помяни́ мя, Бо́же Спа́се мо́й, егда́ прии́деши во Ца́рствии Твое́м, и спаси́ мя я́ко еди́н Человеколю́бец. Помяни меня, Боже Спаситель мой, когда придешь в Царствие Твое, и спаси меня, как единый Человеколюбец.
Дре́вом Ада́ма прельсти́вшагося, Дре́вом кре́стным па́ки спа́сл еси́ и разбо́йника, вопию́ща: помяни́ мя, Го́споди, во Ца́рствии Твое́м. Древом прельстившегося Адама Ты снова спас древом креста, и – разбойника, восклицавшего: помяни меня, Господи, в Царствии Твоем.
А́дова врата́ и вереи́ сокруши́вый, Жизнода́вче, воскреси́л еси́ вся́, Спа́се, вопию́щыя: сла́ва воста́нию Твоему́. Разрушив врата и запоры ада, Ты, Жизнеподатель и Спаситель, воскресил всех восклицавших: слава воскресению Твоему!
Помяни́ мя, И́же сме́рть плени́вый погребе́нием Твои́м, и воскре́сением Твои́м ра́дости вся́ испо́лнивый, я́ко благоутро́бен. Помяни меня, Своим погребением смерть Победивший и Своим воскресением Исполнивший все радости, как милосердный.
Мироно́сицы ко гро́бу прише́дшя, А́нгела зову́ща слы́шаху: Христо́с воскре́се, просвети́вый вся́ческая. Мироносицы, пришедши ко гробу, услышали от Ангела, восклицавшего: воскрес Христос, просветивший все.
На дре́ве кре́стнем пригвозди́вшагося, и ми́р от пре́лести изба́вльшаго, согла́сно вси́ Христа́ воспои́м. Единогласно прославим все Христа, пригвоздившегося к крестному древу и избавившего мир от обольщений.
Отца́, и Сы́на славосло́вим, и Ду́ха Свята́го, глаго́люще: Тро́ице Свята́я, спаси́ ду́шы на́ша. Прославляем Отца, Сына и Духа Святого, восклицая: Троица Святая, спаси души наши.
Неизрече́нно в после́дняя заче́нши, и ро́ждши Созда́теля Твоего́, Де́во, спаса́й Тя́ велича́ющыя. Дева, в последние дни непостижимо зачавшая и родившая Создателя Своего! Спасай величающих Тебя.

* * *

50

Не призрачно воплотившись. Словом,οιϰομια по-славянски «смотрение», часто называется у церковных писателей вочеловечение Иисуса Христа, воспринятие Им человеческого естества.

51

Славянский текст в этом месте не согласен с греческим.

52

В человеческое естество.

53

Марию Магдалину. Ин. 20:11–19.

54

Неем. 2; Мак. 1:18–23.

55

В единую Церковь.

56

Предмет ожиданий.

57

Диавол.

58

На лобном месте.


Источник: Воскресная служба Октоиха всех восьми гласов или напевов на славянском и русском языках, заключающая в себе песнопение малой вечерни, великой вечерни, полунощницы, утрени и литургии / перевел с греческого языка Иван Ловягин. - Изд. 3-е (с изд. 1888 г. без изм.). - Санкт-Петербург : Издание книгопродавца И. Л. Тузова, 1910. - VIII, 296 с.

Комментарии для сайта Cackle