Начало богослужебного дня в 16:00.

Шестеричный праздник
Славословие
Полиелей
Укажите храм в Личном кабинете.
Богослужебные указания

Богослужебные указания за 1 февраля 2025 года


19. Суббота. Прп. Мака́рия Вели́кого, Еги́петского. Свт. Ма́рка, архиеп. Ефе́сского. Обре́тение мощей прп. Са́ввы Стороже́вского, Звенигоро́дского (службу зри 3 декабря).

Блж. Фео́дора, Христа ради юродивого, Новгородского. Прп. Мака́рия Ри́млянина, Новгородского.

Прп. Мака́рия, постника Печерского, в Ближних пещерах. Прп. Мака́рия, диакона Печерского, в Дальних пещерах.

День интронизации Святейшего Патриарха Московского и всея Руси Кирилла[1].

Служба прп. Макария Великого шестеричная, совершается вместе с субботней службой Октоиха (А). Приводим также порядок совершения полиелейной службы свт. Марка, архиеп. Ефесского[2] (Б), и порядок соединения служб прп. Макария Великого и прп. Саввы Сторожевского[3] с субботней службой Октоиха (В).

А. На вечерне кафизма 18-я.

На «Господи, воззвах» стихиры преподобного, глас 4-й – 6 (каждая стихира – дважды). «Слава» – преподобного, глас 8-й: «Весели́ся, Еги́пте...», «И ныне» – догматик, глас 6-й: «Кто Тебе не ублажи́т...».

Входа нет. Прокимен дня.

На стиховне стихиры Октоиха, глас 6-й (мученичны из числа стихир на «Господи, воззвах» – 2-й: «Му́ченицы Твои́, Го́споди...», 3-й – тот же, 4-й: «Страстоте́рпцы му́ченицы...»; припевы обычные со стиховны – см. Часослов)[4]. «Слава» – преподобного, глас тот же: «Преподо́бне о́тче...», «И ныне» – Богородичен по гласу «Славы», от меньших: «Моли́твами Ро́ждшия Тя, Христе́...».

По Трисвятом – тропарь преподобного, глас 1-й[5]. «Слава, и ныне» – Богородичен воскресный, глас 6-й: «Благослове́нную нареки́й...».

На утрене на «Бог Господь» – тропарь преподобного, глас 1-й (дважды). «Слава, и ныне» – Богородичен воскресный, глас тот же: «Гаврии́лу веща́вшу...».

Кафизмы 16-я и 17-я[6]. Малые ектении. Седальны Октоиха. Псалом 50-й.

Каноны:

В храме Воскресения Христова – канон воскресный рядового гласа (с прошедшей Недели) со ирмосом на 4 (ирмосы единожды), преподобного на 6 и Октоиха (мученичный) на 4.

Примечание. О пении канонов в храме Воскресения Христова в субботу см. Октоих, ч. 2, с. 660.

В храме Господском и Богородицы – канон храма со ирмосом на 4 (ирмосы по дважды), преподобного на 6 и Октоиха (мученичный) на 4.

В храме святого – канон преподобного со ирмосом на 6 (ирмосы по дважды), храма на 4 и Октоиха (мученичный) на 4.

Библейские песни «Поем Господеви...».

Катавасия по 3-й, 6-й, 8-й и 9-й песнях – ирмосы мученичного канона Октоиха.

По 3-й песни – ин кондак преподобного, глас 4-й; седален преподобного, глас 1-й (дважды)[7]. «Слава, и ныне» – Богородичен Минеи, глас тот же.

По 6-й песни – кондак и икос преподобного, глас 1-й.

На 9-й песни поем «Честнейшую».

По 9-й песни поется «Достойно есть». Светилен преподобного. «Слава» – ексапостиларий Октоиха, «И ныне» – Богородичен Октоиха.

«Хвалите Господа с Небес...» и хвалитные псалмы.

Читается вседневное славословие.

На стиховне стихиры Октоиха, глас 6-й (мученичны из числа стихир на хвалитех – 1-й: «Го́споди, в па́мять святы́х Твои́х...», 2-й: «Го́споди, а́ще не бы́хом...», 3-й: «Па́мять му́ченик...»; припевы обычные со стиховны – см. Часослов). «Слава» – преподобного, глас 4-й: «Просия́ша до́брая дела́ твоя́...», «И ныне» – Богородичен по гласу «Славы», от меньших: «Еди́на Чи́стая...».

По Трисвятом – тропарь преподобного, глас 1-й. «Слава, и ныне» – Богородичен по гласу тропаря, от меньших: «Безма́терняго на Небеси́...».

На часах – тропарь преподобного. Кондаки преподобного читаются попеременно.

На Литургии блаженны преподобного, песнь 6-я – 4 (со ирмосом) и Октоиха – 4.

По входе – тропари и кондаки:

В храме Господском и Богородицы – тропарь храма, тропарь дня: «Апостоли, мученицы...», тропарь преподобного; кондак храма, кондак преподобного, ин кондак преподобного. «Слава» – «Со святыми упокой...», «И ныне» – «Яко начатки естества...»[8].

В храме святого – тропарь дня: «Апостоли, мученицы...», тропарь преподобного; кондак преподобного, ин кондак преподобного. «Слава» – «Со святыми упокой...», «И ныне» – «Яко начатки естества...».

Примечание. В храме святого в субботу тропарь и кондак храма не поются, потому что все святые именованы в тропаре и кондаке дня.

Прокимен, аллилуиарий и причастен – преподобного и дня.

Апостол и Евангелие – преподобного и дня.

Примечание. При субботней службе с «Бог Господь» заупокойные прокимен, аллилуиарий и причастен не поются, а заупокойные Апостол и Евангелие не читаются (см.: Розанов В. Богослужебный Устав Православной Церкви. С. 372).

В период пения Октоиха на Литургии в субботу рядовые чтения следуют после чтений святых. В воскресные дни рядовые чтения предваряют чтения святого. В седмичные дни рядовые чтения предваряют чтения святого, даже при полиелейном и бденном святом; впрочем, при бденном святом рядовые чтения обычно переносятся на предыдущий или на следующий день.


Б. На великой вечерне «Блажен муж» – 1-й антифон.

На «Господи, воззвах» стихиры святителя, глас 4-й – 8 (первые две стихиры – дважды). «Слава» – святителя, глас 1-й: «Взира́юще на равноа́нгельное житие́...», «И ныне» – догматик, глас 6-й: «Кто Тебе не ублажи́т...».

Вход. Прокимен дня. Паримии святителя – 3.

На стиховне стихиры святителя, глас 5-й (со своими припевами). «Слава» – святителя, глас 6-й: «Дух Всесвяты́й...», «И ныне» – Богородичен воскресный, глас тот же: «Творе́ц и Изба́витель...».

По Трисвятом – тропарь святителя, глас 8-й. «Слава, и ныне» – Богородичен воскресный, глас 6-й: «Благослове́нную нареки́й...».

На утрене на «Бог Господь» – тропарь святителя, глас 8-й (дважды). «Слава, и ныне» – Богородичен воскресный, глас 6-й: «Благослове́нную нареки́й...».

Кафизмы 16-я и 17-я[9]. Малые ектении. По каждой кафизме – седален святителя (дважды), «Слава, и ныне» – Богородичен, глас тот же (см., например, 20 января, в службе прп. Евфимия Великого, в седальнах по полиелее: «Яко Де́ву...»).

Полиелей. Величание святителя и избранный псалом. Седален святителя по полиелее, глас 8-й (дважды; см. в седальнах по кафизмах, по выбору). «Слава, и ныне» – Богородичен, глас тот же (см., например, 20 января, в службе прп. Евфимия Великого, в седальнах по полиелее: «Яко Де́ву...»; или в Минее общей, в «Службе святителю единому», гл. 10, л. 59 об.: «Небе́сную дверь...»). Степенна – 1-й антифон 4-го гласа. Прокимен святителя, глас 4-й: «Уста́ моя́ возглаго́лют прему́дрость и поуче́ние се́рдца моего́ ра́зум»; стих: «Уста́ пра́веднаго поуча́тся прему́дрости, и язы́к его́ возглаго́лет суд». Евангелие – святителя. По 50-м псалме: «Слава» – «Молитвами святителя Марка...». Стихира святителя, глас 6-й: «Излия́ся благода́ть...».

Каноны:

В храме Господском и Богородицы – канон храма со ирмосом на 6 (ирмосы по дважды) и святителя (два канона) на 8.

В храме святого – канон Богородицы (с прошедшей Недели) со ирмосом на 6 (ирмосы по дважды) и святителя (два канона) на 8.

Примечание. При совпадении памяти славословного, полиелейного или бденного святого с субботним днем в храме святого должен петься Богородичный канон Октоиха с воскресной утрени отдаваемого гласа (см. Типикон, гл. 11-я, «зри»; Минея общая, «Изъявление вкратце»). Это является особенностью субботнего богослужения, на котором происходит отдание гласа, действовавшего в течение седмицы.

Впрочем, В. Розанов (см. его «Богослужебный Устав Православной Церкви», ч. 1, отд. 3, гл. 28) допускает при полиелее святого в субботу пение Богородичного канона из службы святого или общего канона Богородицы, глас 8-й: «Воду прошед...» (из Часослова) или «Колесницегонителя фараона...» (из приложения Октоиха)[10].

Библейские песни «Поем Господеви...».

Катавасия «Су́шу глубороди́тельную...».

По 3-й песни – ин кондак святителя, глас 4-й; седален святителя, глас 8-й (дважды). «Слава, и ныне» – Богородичен, глас тот же (см., например, 20 января, в службе прп. Евфимия Великого, в седальнах по 3-й песни канона: «Благода́рственное похвале́ние...»).

По 6-й песни – кондак и икос святителя, глас 8-й.

На 9-й песни поем «Честнейшую».

По 9-й песни «Достойно есть» не поется. Светилен святителя (дважды). «Слава, и ныне» – Богородичен Минеи.

«Всякое дыхание...» и хвалитные псалмы.

На хвалитех стихиры святителя, глас 1-й и глас 8-й – 4 (первая стихира – дважды). «Слава» – святителя, глас 1-й: «Яко в златоистка́нную оде́жду...», «И ныне» – Богородичен по гласу «Славы», от меньших: «Ра́дуйся, от нас Свята́я Богоро́дице Де́во...».

Великое славословие. По Трисвятом – тропарь святителя, глас 8-й. «Слава, и ныне» – Богородичен воскресный, глас 6-й: «Благослове́нную нареки́й...».

На часах – тропарь святителя. Кондаки святителя читаются попеременно.

На Литургии блаженны святителя, песнь 3-я – 4 (со ирмосом) и песнь 6-я – 4.

По входе – тропари и кондаки:

В храме Господском и Богородицы – тропарь храма, тропарь святителя; кондак святителя. «Слава» – ин кондак святителя, «И ныне» – кондак храма.

В храме святого – тропарь храма, тропарь святителя; кондак храма, кондак святителя. «Слава» – ин кондак святителя, «И ныне» – «Предстательство христиан...».

Прокимен, аллилуиарий и причастен – святителя и дня[11].

Апостол и Евангелие – святителя и дня.

Примечание. В период пения Октоиха на Литургии в субботу рядовые чтения следуют после чтений святых. В воскресные дни рядовые чтения предваряют чтения святого. В седмичные дни рядовые чтения предваряют чтения святого, даже при полиелейном и бденном святом; впрочем, при бденном святом рядовые чтения обычно переносятся на предыдущий или на следующий день.


В. На вечерне кафизма 18-я.

На «Господи, воззвах» стихиры на 6: прп. Макария, глас 4-й – 3, и прп. Саввы, глас 6-й – 3. «Слава» – прп. Макария, глас 8-й: «Весели́ся, Еги́пте...», «И ныне» – догматик, глас 6-й: «Кто Тебе не ублажи́т...».

Входа нет. Прокимен дня.

На стиховне стихиры Октоиха, глас 6-й (мученичны из числа стихир на «Господи, воззвах» – 2-й: «Му́ченицы Твои́, Го́споди...», 3-й – тот же, 4-й: «Страстоте́рпцы му́ченицы...»; припевы обычные со стиховны – см. Часослов)[12]. «Слава» – прп. Макария, глас тот же: «Преподо́бне о́тче...», «И ныне» – Богородичен по гласу «Славы», от меньших: «Моли́твами Ро́ждшия Тя, Христе́...».

По Трисвятом – тропарь прп. Макария, глас 1-й[13]. «Слава» – тропарь прп. Саввы, глас 8-й, «И ныне» – Богородичен воскресный, глас 6-й: «Благослове́нную нареки́й...».

На утрене на «Бог Господь» – тропарь прп. Макария, глас 1-й (дважды). «Слава» – тропарь прп. Саввы, глас 8-й, «И ныне» – Богородичен воскресный по гласу «Славы»: «Иже нас ра́ди...».

Кафизмы 16-я и 17-я[14]. Малые ектении. Седальны Октоиха. Псалом 50-й.

Каноны:

В храме Господском, Богородицы и святого – канон прп. Макария со ирмосом на 6 (ирмосы по дважды), прп. Саввы на 4 и Октоиха (мученичный) на 4.

Примечание. В книге В. Розанова «Богослужебный Устав Православной Церкви» (с. 176) даны следующие указания для пения канонов в субботу при типе службы двух святых без знака: в храме Господском и Богородицы – канон храма со ирмосом на 4 (ирмосы по дважды), первого святого на 3, второго святого на 3 и Октоиха (мученичный) на 4; в храме Воскресения Христова – канон воскресный рядового гласа (с прошлой Недели) со ирмосом на 4 (ирмосы единожды), первого святого на 3, второго святого на 3 и Октоиха (мученичный) на 4. Однако следует отметить, что данное мнение В. Розанова не находит подтверждения в богослужебных книгах (в т. ч. и в старопечатной традиции)[15].

Библейские песни «Поем Господеви...».

Катавасия по 3-й, 6-й, 8-й и 9-й песнях – ирмосы мученичного канона Октоиха.

По 3-й песни – кондак и икос прп. Саввы; седален прп. Саввы, глас 4-й. «Слава» – седален прп. Макария, глас 1-й, «И ныне» – Богородичен Минеи, глас тот же: «Напра́ви ны на путь покая́ния...».

По 6-й песни – кондак и икос прп. Макария, глас 1-й.

На 9-й песни поем «Честнейшую».

По 9-й песни поется «Достойно есть». Светилен прп. Макария, светилен прп. Саввы. «Слава» – ексапостиларий Октоиха, «И ныне» – Богородичен Октоиха.

«Хвалите Господа с Небес...» и хвалитные псалмы.

Читается вседневное славословие.

На стиховне стихиры Октоиха, глас 6-й (мученичны из числа стихир на хвалитех – 1-й: «Го́споди, в па́мять святы́х Твои́х...», 2-й: «Го́споди, а́ще не бы́хом...», 3-й: «Па́мять му́ченик...»; припевы обычные со стиховны – см. Часослов). «Слава» – прп. Макария, глас 4-й: «Просия́ша до́брая дела́ твоя́...», «И ныне» – Богородичен по гласу «Славы», от меньших: «Еди́на Чи́стая...».

По Трисвятом – тропарь прп. Макария, глас 1-й. «Слава» – тропарь прп. Саввы, глас 8-й, «И ныне» – Богородичен по гласу «Славы», от меньших: «Де́во Пречи́стая...».

На часах – тропарь прп. Макария. «Слава» – тропарь прп. Саввы. Кондаки прп. Саввы и прп. Макария читаются попеременно.

На Литургии блаженны прп. Макария, песнь 6-я – 4 (со ирмосом) и Октоиха – 4.

По входе – тропари и кондаки:

В храме Господском и Богородицы – тропарь храма, тропарь дня: «Апостоли, мученицы...», тропарь прп. Макария, тропарь прп. Саввы; кондак храма, кондак прп. Макария, кондак прп. Саввы. «Слава» – «Со святыми упокой...», «И ныне» – «Яко начатки естества...»[16].

В храме святого – тропарь дня: «Апостоли, мученицы...», тропарь прп. Макария, тропарь прп. Саввы; кондак прп. Макария, кондак прп. Саввы. «Слава» – «Со святыми упокой...», «И ныне» – «Яко начатки естества...».

Примечание. В храме святого в субботу тропарь и кондак храма не поются, потому что все святые именованы в тропаре и кондаке дня.

Прокимен, аллилуиарий и причастен – прп. Макария и дня.

Апостол и Евангелие – прп. Макария и дня.

Примечание. При субботней службе с «Бог Господь» заупокойные прокимен, аллилуиарий и причастен не поются, а заупокойные Апостол и Евангелие не читаются (см.: Розанов В. Богослужебный Устав Православной Церкви. С. 372).

В период пения Октоиха на Литургии в субботу рядовые чтения следуют после чтений святых. В воскресные дни рядовые чтения предваряют чтения святого. В седмичные дни рядовые чтения предваряют чтения святого, даже при полиелейном и бденном святом; впрочем, при бденном святом рядовые чтения обычно переносятся на предыдущий или на следующий день.

1 По случаю дня интронизации Святейшего Патриарха Московского и всея Руси Кирилла совершается благодарственное молебное пение. При его совершении можно руководствоваться находящимся в Требнике чином «Благодарения о получении прошения и о всяком благодеянии Божии».

2 См.: Минея-Январь. М., 2002. Ч. 2. С. 114–130.

3 По Типикону служба прп. Саввы Сторожевского не имеет праздничного знака.

4 Типикон предписывает петь на стиховнах 2-й, 3-й и 4-й мученичен с «Господи, воззвах». Эти мученичны в субботней службе 1–7 гласов располагаются во второй группе стихир. В субботней службе 8-го гласа три мученична даны в Октоихе в первой группе стихир, а 4-я, 5-я и 6-я стихиры не являются мученичнами по содержанию. Поэтому при совершении субботней службы Октоиха 8-го гласа мученичны для пения стихир на стиховне нужно заимствовать из 1-й группы стихир.

5 В Минее-Январь (Ч. 2. М., 1983, 2002. С. 105) опечатка: вместо 1-го гласа указан глас 4-й (ср.: Минея-Январь. Киев, 1893. Л. 233; Типикон, 19 января).

6 На 17-й кафизме иерей совершает полное каждение храма, как на «Господи, воззвах»; царские врата остаются закрытыми (см. Типикон, гл. 12).

7 При совершении седмичного богослужения в соединении со службой шестеричного святого седален святого поется дважды (ср.: Типикон 5 сентября; Розанов В. Богослужебный Устав Православной Церкви. С. 112). При описании субботнего богослужения об этой особенности в Уставе умалчивается (ср.: Типикон, гл. 12; Розанов В. Богослужебный Устав Православной Церкви. С. 162).

8 «Такой именно порядок тропарей и кондаков указан в Октоихе. Между тем, в 52 гл. Тип., л. 385, не упомянуто о кондаке храма Христова или Богородицы, а в 12 гл. даже сказано: “в субботу бо храмовые кондаки Христовы и Богородицы оставляются; точию аще прилучится великий святый, тогда И ныне, кондак храма Христова или храма Богородицы; а идеже несть храма Христова и Богородицы, глаголем: Предстательство христиан”. Но здесь выражается не та мысль, что в субботы нельзя петь кондак храма Христова или Богородицы, а та, что в субботу тропари и кондаки нельзя покрывать кондаком храма Христова или Богородицы; надобно же их покрывать субботним песнопением: Яко начатки естества... Причем, однако, кондак храма Христова или Богородицы совершенно не устраняются: если случится великий святой, когда дневные тропари и кондаки оставляются, то в храме Христа Спасителя и Божией Матери их надобно покрывать кондаком храма Христова или Богородицы, а где храм не Христов и не Богородицы, то – Предстательство христиан...» (Розанов В. Богослужебный Устав Православной Церкви. С. 308).

9 Каждение на 17-й кафизме не совершается, так как переносится на полиелей (ср.: Типикон, гл. 15).

10 У святых, имеющих полиелей, канон Богородицы иногда находится в Минее на ряду (см., например, 17 января и 30 ноября), но иногда на ряду его нет (см., например, 6 октября). В таком случае он заимствуется из дополнительной части Октоиха (глас 8-й: «Колесницегони́теля фарао́на...») или же из Часослова или Следованной Псалтири (глас 8-й: «Воду проше́д...»).

11 См.: Типикон, гл. 15-я; Розанов В. Богослужебный Устав Православной Церкви. С. 372.

12 Типикон предписывает петь на стиховнах 2-й, 3-й и 4-й мученичен с «Господи, воззвах». Эти мученичны в субботней службе 1–7 гласов располагаются во второй группе стихир. В субботней службе 8-го гласа три мученична даны в Октоихе в первой группе стихир, а 4-я, 5-я и 6-я стихиры не являются мученичнами по содержанию. Поэтому при совершении субботней службы Октоиха 8-го гласа мученичны для пения стихир на стиховне нужно заимствовать из 1-й группы стихир.

13 В Минее-Январь (Ч. 2. М., 1983, 2002. С. 105) опечатка: вместо 1-го гласа указан глас 4-й (ср.: Минея-Январь. Киев, 1893. Л. 233; Типикон, 19 января).

14 На 17-й кафизме иерей совершает полное каждение храма, как на «Господи, воззвах»; царские врата остаются закрытыми (см. Типикон, гл. 12).

15 Ср.: Сырников Н. С. Ключ к Церковному Уставу. М., 1910. Л. 31 об.

16 «Такой именно порядок тропарей и кондаков указан в Октоихе. Между тем, в 52 гл. Тип., л. 385, не упомянуто о кондаке храма Христова или Богородицы, а в 12 гл. даже сказано: “в субботу бо храмовые кондаки Христовы и Богородицы оставляются; точию аще прилучится великий святый, тогда И ныне, кондак храма Христова или храма Богородицы; а идеже несть храма Христова и Богородицы, глаголем: Предстательство христиан”. Но здесь выражается не та мысль, что в субботы нельзя петь кондак храма Христова или Богородицы, а та, что в субботу тропари и кондаки нельзя покрывать кондаком храма Христова или Богородицы; надобно же их покрывать субботним песнопением: Яко начатки естества... Причем, однако, кондак храма Христова или Богородицы совершенно не устраняются: если случится великий святой, когда дневные тропари и кондаки оставляются, то в храме Христа Спасителя и Божией Матери их надобно покрывать кондаком храма Христова или Богородицы, а где храм не Христов и не Богородицы, то – Предстательство христиан...» (Розанов В. Богослужебный Устав Православной Церкви. С. 308).

Богослужебные указания с сайта Патриархии на каждый день.

⏶ Закрыть богослужебные указания

Вечерня

По окончании 9-го часа священник произносит начальный возглас:

Благослове́н Бог наш всегда́, ны́не и при́сно, и во ве́ки веко́в.

Чтец: Ами́нь.

Если вечерне не предшествовал девятый час, начальные молитвы читаются полностью. Чтец: Сла́ва Тебе́, Бо́же наш, сла́ва Тебе́.

Царю́ Небе́сный, Уте́шителю, Ду́ше и́стины, Иже везде́ сый и вся исполня́яй, Сокро́вище благи́х и жи́зни Пода́телю, прииди́ и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша.

Святы́й Бо́же, Святы́й Кре́пкий, Святы́й Безсме́ртный, поми́луй нас (трижды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй (трижды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

О́тче наш, И́же еси́ на Небесе́х! Да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́, и на земли́. Хлеб наш насу́щный даждь нам днесь; и оста́ви нам до́лги на́ша, я́коже имы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Священник: Яко Твое́ есть Ца́рство и сила, и слава, Отца, и Сына, и Святаго Духа, ныне и присно, и во веки веков.

Лик: Ами́нь.

Го́споди, поми́луй (12 раз).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Прииди́те, поклони́мся Царе́ви на́шему Бо́гу.

Прииди́те, поклони́мся и припаде́м Христу́ Царе́ви на́шему Бо́гу.

Прииди́те, поклони́мся и припаде́м Самому́ Христу́, Царе́ви и Бо́гу на́шему.

Псалом 103

Благослови́, душе́ моя́, Го́спода. Го́споди, Бо́же мой, возвели́чился еси́ зело́. Во испове́дание и в велеле́поту обле́клся еси́. Одея́йся све́том, я́ко ри́зою, простира́яй не́бо, я́ко ко́жу. Покрыва́яй вода́ми превы́спренняя Своя́, полага́яй о́блаки на восхожде́ние Свое́, ходя́й на крилу́ ве́треню. Творя́й А́нгелы Своя́ ду́хи и слуги́ Своя́ пла́мень о́гненный. Основа́яй зе́млю на тве́рди ея́, не преклони́тся в век ве́ка. Бе́здна, я́ко ри́за, одея́ние ея́, на гора́х ста́нут во́ды, от запреще́ния Твоего́ побе́гнут, от гла́са гро́ма Твоего́ убоя́тся. Восхо́дят го́ры и нисхо́дят поля́ в ме́сто, е́же основа́л еси́ им. Преде́л положи́л еси́, eго́же не пре́йдут, ниже́ обратя́тся покры́ти зе́млю. Посыла́яй исто́чники в де́брех, посреде́ гор про́йдут во́ды. Напая́ют вся зве́ри се́льныя, ждут она́гри в жа́жду свою́. На ты́х пти́цы небе́сныя привита́ют, от среды́ ка́мения дадя́т глас. Напая́яй го́ры от превы́спренних Свои́х, от плода́ дел Твои́х насы́тится земля́. Прозяба́яй траву́ ското́м, и злак на слу́жбу челове́ком, извести́ хлеб от земли́. И вино́ весели́т се́рдце челове́ка, ума́стити лице́ еле́ем, и хлеб се́рдце челове́ка укрепи́т. Насы́тятся древа́ польска́я, ке́дри Лива́нстии, и́хже еси́ насади́л. Та́мо пти́цы вогнездя́тся, ероди́ево жили́ще предводи́тельствует и́ми. Го́ры высо́кия еле́нем, ка́мень прибе́жище за́яцем. Сотвори́л есть луну́ во времена́, со́лнце позна́ за́пад свой. Положи́л еси́ тму, и бысть нощь, в не́йже про́йдут вси зве́рие дубра́внии. Ски́мни рыка́ющии, восхи́тити и взыска́ти от Бо́га пи́щу себе́. Возсия́ со́лнце и собра́шася и в ло́жах свои́х ля́гут. Изы́дет челове́к на де́ло свое́ и на де́лание свое́ до ве́чера. Я́ко возвели́чишася дела́ Твоя́, Го́споди, вся прему́дростию сотвори́л еси́, испо́лнися земля́ тва́ри Твоея́. Сие́ мо́ре вели́кое и простра́нное, та́мо га́ди, и́мже несть числа́, живо́тная ма́лая с вели́кими, та́мо корабли́ препла́вают, змий сей, eго́же созда́л еси руга́тися eму́. Вся к Тебе́ ча́ют, да́ти пи́щу им во бла́го вре́мя. Да́вшу Тебе́ им соберу́т, отве́рзшу Тебе́ ру́ку вся́ческая испо́лнятся бла́гости, отвра́щшу же Тебе́ лице́, возмяту́тся, отъи́меши дух их, и исче́знут, и в персть свою́ возвратя́тся. По́слеши Ду́ха Твоего́, и сози́ждутся, и обнови́ши лице́ земли́. Бу́ди сла́ва Госпо́дня во ве́ки, возвесели́тся Госпо́дь о де́лех Свои́х, призира́яй на зе́млю, и творя́й ю́ трясти́ся, прикаса́яйся гора́м, и дымя́тся. Воспою́ Го́сподеви в животе́ мое́м, пою́ Бо́гу моему́, до́ндеже есмь, да услади́тся Ему́ бесе́да моя́, аз же возвеселю́ся о Го́споде. Да исче́знут гре́шницы от земли́, и беззако́нницы, я́коже не бы́ти им. Благослови́, душе́ моя́, Го́спода. Со́лнце позна́ за́пад свой. Положи́л еси́ тму, и бысть нощь. Я́ко возвели́чишася дела́ Твоя́, Го́споди, вся прему́дростию сотвори́л еси́.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Аллилу́иа, аллилу́иа, аллилу́иа, сла́ва Тебе́ Бо́же (Трижды).

Во время чтения 103 псалма священник тайно перед царскими вратами с непокрытой головой читает светильничные молитвы.

Светильничные молитвы

Молитва первая:

Го́споди ще́дрый и ми́лостивый, долготерпели́ве и многоми́лостиве, внуши́ моли́тву на́шу, и вонми́ гла́су моле́ния на́шего, сотвори́ с на́ми зна́мение во бла́го, наста́ви нас на путь Твой, е́же ходи́ти во и́стине Твое́й, возвесели́ сердца́ на́ша, во е́же боя́тися и́мене Твоего́ свята́го. Зане́ ве́лий еси́ Ты и творя́й чудеса́, Ты еси́ Бог еди́н, и несть подо́бен Тебе́ в бозе́х, Го́споди: си́лен в ми́лости и благ в кре́пости, во е́же помога́ти, и утеша́ти, и спаса́ти вся упова́ющия во и́мя свято́е Твое́.

Молитва вторая:

Го́споди, да не я́ростию Твое́ю обличи́ши нас, ниже́ гне́вом Твои́м нака́жеши нас, но сотвори́ с на́ми по ми́лости Твое́й, Врачу́ и Исцели́телю душ на́ших. Наста́ви нас ко Приста́нищу хоте́ния Твоего́, просвети́ о́чи серде́ц на́ших в позна́ние Твоея́ и́стины; и да́руй нам про́чее настоя́щаго дне ми́рное и безгре́шное, и все вре́мя живота́ на́шего, моли́твами святы́я Богоро́дицы и всех святы́х.

Молитва третия:

Го́споди Бо́же наш, помяни́ нас, гре́шных и непотре́бных раб Твои́х, внегда́ призыва́ти нам свято́е и́мя Твое́, и не посрами́ нас от ча́яния ми́лости Твоея́, но да́руй нам, Го́споди, вся я́же ко спасе́нию проше́ния, и сподо́би нас люби́ти, и боя́тися Тебе́ от всего́ се́рдца на́шего, и твори́ти во всех во́лю Твою́.

Молитва четвертая:

Немо́лчными пе́сньми и непреста́нными славословле́ньми от святы́х Си́л воспева́емый, испо́лни уста́ на́ша хвале́ния Твоего́, е́же пода́ти вели́чествие и́мени Твоему́ свято́му. И да́ждь нам уча́стие и насле́дие со все́ми боя́щимися Тебе́ и́стиною, и храня́щими за́поведи Твоя́, моли́твами святы́я Богоро́дицы и всех святы́х Твои́х.

Молитва пятая:

Го́споди, Го́споди, пречи́стою Твое́ю дла́нию содержа́й вся́ческая, долготерпя́й на всех нас, и ка́яйся о зло́бах на́ших, помяни́ щедро́ты Твоя́, и ми́лость Твою́, посети́ ны Твое́ю бла́гостию и да́ждь нам избежа́ти и про́чее настоя́щаго дне Твое́ю благода́тию от разли́чных ко́зней лука́ваго, и ненаве́тну жизнь на́шу соблюди́ благода́тию всесвята́го Твоего́ Ду́ха.

Молитва шестая:

Бо́же вели́кий и ди́вный, неисповеди́мою бла́гостию и бога́тым про́мыслом управля́яй вся́ческая, и мирска́я нам блага́я дарова́вый, и поручи́вый нам обеща́нное Ца́рство, обеща́нными благи́ми; путесотвори́вый нам и дне преше́дшую ча́сть от вся́каго уклони́тися зла: да́руй нам и про́чее непоро́чно соверши́ти, пред свято́ю сла́вою Твое́ю, пе́ти Тя, Еди́наго блага́го и человеколюби́ваго Бо́га на́шего.

Молитва седмая:

Бо́же вели́кий и вы́шний, Еди́н име́яй безсме́ртие, во све́те живы́й непристу́пнем, всю́ тварь прему́дростию созда́вый, раздели́вый между́ све́том и между́ тьмо́ю, и со́лнце положи́вый во о́бласть дне, луну́ же и зве́зды во о́бласть но́щи, сподо́бивый нас, гре́шных, и в настоя́щий ча́с предвари́ти лице́ Твое́ испове́данием, и вече́рнее Тебе́ славосло́вие принести́. Сам,Человеколю́бче, испра́ви моли́тву на́шу я́ко кади́ло пред Тобо́ю, и приими́ ю́ в воню́ благоуха́ния, пода́ждь же нам настоя́щий ве́чер, и приходя́щую но́щь ми́рну, облецы́ ны во ору́жие све́та, изба́ви ны от стра́ха нощна́го и вся́кия ве́щи, во тьме́ преходя́щия, и да́ждь со́н, его́же во упокое́ние не́мощи на́шей дарова́л еси́, вся́каго мечта́ния диа́воля отчужде́нный. Ей Влады́ко, благи́х пода́телю, да и на ло́жах на́ших умиля́ющеся, помина́ем в нощи́ и́мя Твое́, и поуче́нием Твои́х за́поведей просвеща́еми, в ра́дости душе́вней воста́нем ко славосло́вию Твоея́ бла́гости, моле́ния и молитвы Твоему́ благоутро́бию принося́ще, о свои́х согреше́ниих и всех люде́й Твои́х, я́же моли́твами святы́я Богоро́дицы, ми́лостию посети́.

По окончании предначинательного псалма диакон, выйдя северными вратами и став, как обычно на амвоне, произносит великую ектению.

Ектения великая

Диакон: Ми́ром Го́споду помо́лимся.

Лик: Го́споди, поми́луй.

Диакон: О свы́шнем ми́ре и спасе́нии душ на́ших, Го́споду помо́лимся.

Лик: Го́споди, поми́луй.

Диакон: О ми́ре всего́ мiра, благостоя́нии святы́х Бо́жиих церкве́й и соедине́нии всех, Го́споду помо́лимся.

Лик: Го́споди, поми́луй.

Диакон: О святе́м хра́ме сем и с ве́рою, благогове́нием и стра́хом Бо́жиим входя́щих в онь, Го́споду помо́лимся.

Лик: Го́споди, поми́луй.

Диакон: О Вели́ком Господи́не и отце́ на́шем, Святе́йшем Патриа́рхе Кири́лле, и о господи́не на́шем преосвяще́ннейшем митрополи́те (или архиепи́скопе, или епи́скопе) (имяре́к), честне́м пресви́терстве, во Христе́ диа́констве и о всем при́чте и лю́дех, Го́споду помо́лимся.

Лик: Го́споди, поми́луй.

Диакон: О Богохрани́мей стране́ на́шей, власте́х и во́инстве ея́, Го́споду помо́лимся.

Лик: Го́споди, поми́луй.

Диакон: О гра́де сем, вся́ком гра́де, стране́ и ве́рою живу́щих в ни́х, Го́споду помо́лимся.

Лик: Го́споди, поми́луй.

Диакон: О бла́горастворе́нии возду́хов, о изоби́лии плодо́в земны́х и вре́менех ми́рных, Го́споду помо́лимся.

Лик: Го́споди, поми́луй.

Диакон: О пла́вающих, путеше́ствующих, неду́гующих, стра́ждущих, плене́нных и о спасе́нии их, Го́споду помо́лимся.

Лик: Го́споди, поми́луй.

Диакон: О изба́витися нам от вся́кия ско́рби, гне́ва и ну́жды, Го́споду помо́лимся.

Лик: Го́споди, поми́луй.

Диакон: Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

Диакон: Пресвяту́ю, пречи́стую, преблагослове́нную, сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Лик: Тебе́, Го́споди.

И священник возглашает: Я́ко подоба́ет Тебе́ вся́кая сла́ва, честь и поклоне́ние, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Лик: Ами́нь.

Кафизма 18

Псалом 119

Песнь степе́ней. Ко Го́споду, внегда́ скорбе́ти ми, воззва́х, и услы́ша мя. Го́споди, изба́ви ду́шу мою́ от усте́н непра́ведных и от язы́ка льсти́ва. Что да́стся тебе́, или́ что приложи́тся тебе́ к язы́ку льсти́ву? Стре́лы си́льнаго изощре́ны, со у́гльми пусты́нными. Увы́ мне, я́ко прише́льствие мое́ продолжи́ся, всели́хся с селе́нии Кида́рскими. Мно́го прише́льствова душа́ моя́, с ненави́дящими ми́ра бех ми́рен: егда́ глаго́лах им, боря́ху мя ту́не.

Псалом 120

Песнь степе́ней. Возведо́х о́чи мои́ в го́ры, отню́дуже прии́дет по́мощь моя́. По́мощь моя́ от Го́спода, сотво́ршаго не́бо и зе́млю. Не даждь во смяте́ние ноги́ твоея́, ниже́ воздре́млет храня́й тя, се не воздре́млет, ниже́ у́снет храня́й Изра́иля. Госпо́дь сохрани́т тя, Госпо́дь покро́в твой на руку́ десну́ю твою́. Во дни со́лнце не ожже́т тебе́, ниже́ луна́ но́щию. Госпо́дь сохрани́т тя от вся́каго зла, сохрани́т ду́шу твою́ Госпо́дь. Госпо́дь сохрани́т вхожде́ние твое́ и исхожде́ние твое́, отны́не и до ве́ка.

Псалом 121

Песнь степе́ней. Возвесели́хся о ре́кших мне: в дом Госпо́день по́йдем. Стоя́ще бя́ху но́ги на́ша во дво́рех твои́х, Иерусали́ме. Иерусали́м зи́ждемый я́ко град, eму́же прича́стие eго́ вку́пе. Та́мо бо взыдо́ша коле́на, коле́на Госпо́дня, свиде́ние Изра́илево, испове́датися и́мени Госпо́дню, я́ко та́мо седо́ша престо́ли на суд, престо́ли в дому́ Дави́дове. Вопроси́те же я́же о ми́ре Иерусали́ма: и оби́лие лю́бящым тя. Бу́ди же мир в си́ле твое́й и оби́лие в столпостена́х твои́х. Ра́ди бра́тий мои́х и бли́жних мои́х глаго́лах у́бо мир о тебе́. До́му ра́ди Го́спода Бо́га на́шего взыска́х блага́я тебе́.

Псалом 122

Песнь степе́ней. К Тебе́ возведо́х о́чи мои́, живу́щему на небеси́. Се я́ко о́чи раб в руку́ госпо́дий свои́х, я́ко о́чи рабы́ни в руку́ госпожи́ своея́, та́ко о́чи на́ши ко Го́споду Бо́гу на́шему, до́ндеже уще́дрит ны. Поми́луй нас, Го́споди, поми́луй нас, я́ко по мно́гу испо́лнихомся уничиже́ния, наипа́че напо́лнися душа́ на́ша поноше́ния гобзу́ющих и уничиже́ния го́рдых.

Псалом 123

Песнь степе́ней. Я́ко а́ще не Госпо́дь бы был в нас, да рече́т у́бо Изра́иль, я́ко а́ще не Госпо́дь бы был в нас, внегда́ воста́ти челове́ком на ны, у́бо живы́х поже́рли бы́ша нас, внегда́ прогне́ватися я́рости их на ны, у́бо вода́ потопи́ла бы нас. Пото́к пре́йде душа́ на́ша, у́бо пре́йде душа́ на́ша во́ду непостоя́нную. Благослове́н Госпо́дь, И́же не даде́ нас в лови́тву зубо́м их. Душа́ на́ша, я́ко пти́ца изба́вися от се́ти ловя́щих: сеть сокруши́ся, и мы изба́влени бы́хом. По́мощь на́ша во и́мя Го́спода, сотво́ршаго не́бо и зе́млю.

Чтец: Сла́ва Отцу́ и Сы́ну и Свято́му Ду́ху.

Лик: И ны́не и при́сно, и во ве́ки веко́в. Ами́нь.

Аллилу́иа, аллилу́иа, аллилу́иа, сла́ва Тебе́ Бо́же. (Трижды)

Лик: Го́споди, поми́луй. (Трижды)

Лик: Сла́ва Отцу́ и Сы́ну и Свято́му Ду́ху.

Чтец: И ны́не и при́сно, и во ве́ки веко́в. Ами́нь.

Псалом 124

Песнь степе́ней. Наде́ющиися на Го́спода, я́ко гора́ Сио́н: не подви́жится в век живы́й во Иерусали́ме. Го́ры о́крест eго́, и Госпо́дь о́крест люде́й Свои́х отны́не и до ве́ка. Я́ко не оста́вит Госпо́дь жезла́ гре́шных на жре́бий пра́ведных, я́ко да не про́струт пра́веднии в беззако́ния рук свои́х. Ублажи́, Го́споди, благи́я и пра́выя се́рдцем. Уклоня́ющыяся же в развраще́ния отведе́т Госпо́дь с де́лающими беззако́ние. Мир на Изра́иля.

Псалом 125

Песнь степе́ней. Внегда́ возврати́ти Го́споду плен Сио́нь, бы́хом я́ко уте́шени. Тогда́ испо́лнишася ра́дости уста́ на́ша и язы́к наш весе́лия, тогда́ реку́т во язы́цех: возвели́чил есть Госпо́дь сотвори́ти с ни́ми. Возвели́чил есть Госпо́дь сотвори́ти с на́ми: бы́хом веселя́щеся. Возврати́, Го́споди, плене́ние на́ше, я́ко пото́ки ю́гом. Се́ющии слеза́ми, ра́достию по́жнут. Ходя́щии хожда́ху и пла́кахуся, мета́юще се́мена своя́, гряду́ще же прии́дут ра́достию, взе́млюще рукоя́ти своя́.

Псалом 126

Песнь степе́ней. А́ще не Госпо́дь сози́ждет дом, всу́е труди́шася зи́ждущии. А́ще не Госпо́дь сохрани́т град, всу́е бде стреги́й. Всу́е вам есть у́треневати, воста́нете по седе́нии, яду́щии хлеб боле́зни, егда́ даст возлю́бленным Свои́м сон. Се достоя́ние Госпо́дне сы́нове, мзда плода́ чре́вняго. Я́ко стре́лы в руце́ си́льнаго, та́ко сы́нове оттрясе́нных. Блаже́н, и́же испо́лнит жела́ние свое́ от них. Не постыдя́тся, егда́ глаго́лют враго́м свои́м во врате́х.

Псалом 127

Песнь степе́ней. Блаже́ни вси боя́щиися Го́спода, ходя́щии в путе́х Eгó. Труды́ плодо́в Твои́х сне́си: блаже́н еси́, и добро́ тебе́ бу́дет. Жена́ твоя́, я́ко лоза́, плодови́та в страна́х до́му твоего́, сы́нове твои́, я́ко новосажде́ния ма́сличная, о́крест трапе́зы твоея́. Се та́ко благослови́тся челове́к боя́йся Го́спода. Благослови́т тя Госпо́дь от Сио́на, и у́зриши блага́я Иерусали́ма вся дни живо́та твоего́, и у́зриши сы́ны сыно́в твои́х. Мир на Изра́иля.

Псалом 128

Песнь степе́ней. Мно́жицею бра́шася со мно́ю от ю́ности моея́, да рече́т у́бо Изра́иль: мно́жицею бра́шася со мно́ю от ю́ности моея́, и́бо не премого́ша мя. На хребте́ мое́м де́лаша гре́шницы, продолжи́ша беззако́ние свое́. Госпо́дь пра́веден ссече́ вы́я гре́шников. Да постыдя́тся и возвратя́тся вспять вси ненави́дящии Сио́на. Да бу́дут, я́ко трава́ на здех, я́же пре́жде восторже́ния и́зсше, е́юже не испо́лни руки́ своея́ жня́й, и не́дра своего́ рукоя́ти собира́яй, и не ре́ша мимоходя́щии: благослове́ние Госпо́дне на вы, благослови́хом вы во и́мя Госпо́дне.

Чтец: Сла́ва Отцу́ и Сы́ну и Свято́му Ду́ху.

Лик: И ны́не и при́сно, и во ве́ки веко́в. Ами́нь.

Аллилу́иа, аллилу́иа, аллилу́иа, сла́ва Тебе́ Бо́же. (Трижды)

Лик: Го́споди, поми́луй. (Трижды)

Лик: Сла́ва Отцу́ и Сы́ну и Свято́му Ду́ху.

Чтец: И ны́не и при́сно, и во ве́ки веко́в. Ами́нь.

Псалом 129

Песнь степе́ней. Из глубины́ воззва́х к Тебе́, Го́споди, Го́споди, услы́ши глас мой. Да бу́дут у́ши Твои́ вне́млюще гла́су моле́ния моего́. А́ще беззако́ния на́зриши, Го́споди, Го́споди, кто постои́т? Я́ко у Тебе́ очище́ние есть. И́мене ра́ди Твоего́ потерпе́х Тя, Го́споди, потерпе́ душа́ моя́ в сло́во Твое́, упова́ душа́ моя́ на Го́спода. От стра́жи у́тренния до но́щи, от стра́жи у́тренния да упова́ет Изра́иль на Го́спода. Я́ко у Го́спода ми́лость, и мно́гое у Него́ избавле́ние, и Той изба́вит Изра́иля от всех беззако́ний eго́.

Псалом 130

Песнь степе́ней. Го́споди, не вознесе́ся се́рдце мое́, ниже́ вознесо́стеся о́чи мои́, ниже́ ходи́х в вели́ких, ниже́ в ди́вных па́че мене́. А́ще не смиреному́дрствовах, но вознесо́х ду́шу мою́, я́ко отдое́ное на ма́терь свою́, та́ко возда́си на ду́шу мою́. Да упова́ет Изра́иль на Го́спода, отны́не и до ве́ка.

Псалом 131

Песнь степе́ней. Помяни́, Го́споди, Дави́да и всю кро́тость eго́: я́ко кля́тся Го́сподеви, обеща́ся Бо́гу Иа́ковлю: а́ще вни́ду в селе́ние до́му моего́, или́ взы́ду на одр посте́ли моея́, а́ще дам сон очи́ма мои́ма и ве́ждома мои́ма дрема́ние, и поко́й скраниа́ма мои́ма, до́ндеже обря́щу ме́сто Го́сподеви, селе́ние Бо́гу Иа́ковлю. Се слы́шахом я́ во Евфра́фе, обрето́хом я́ в поля́х дубра́вы. Вни́дем в селе́ния Его́, поклони́мся на ме́сто, иде́же стоя́сте но́зе Его́. Воскресни́, Го́споди, в поко́й Твой, Ты и киво́т святы́ни Твоея́. Свяще́нницы Твои́ облеку́тся пра́вдою, и преподо́бнии Твои́ возра́дуются. Дави́да ра́ди раба́ Твоего́ не отврати́ лице́ пома́заннаго Твоего́. Кля́тся Госпо́дь Дави́ду и́стиною и не отве́ржется ея́: от плода́ чре́ва твоего́ посажду́ на престо́ле твое́м. А́ще сохраня́т сы́нове твои́ заве́т Мой, и свиде́ния Моя́ сия́, и́мже научу́ я́, и сы́нове их до ве́ка ся́дут на престо́ле твое́м. Я́ко избра́ Госпо́дь Сио́на, изво́ли и́ в жили́ще Себе́. Сей поко́й Мой во век ве́ка, зде вселю́ся, я́ко изво́лих и́. Лови́тву eго́ благословля́яй благословлю́, ни́щыя eго́ насы́щу хле́бы, свяще́нники eго́ облеку́ во спасе́ние, и преподо́бнии eго́ ра́достию возра́дуются. Та́мо возращу́ рог Дави́дови, угото́вах свети́льник пома́занному Моему́. Враги́ eго́ облеку́ студо́м, на не́мже процвете́т святы́ня Моя́.

Псалом 132

Песнь степе́ней. Се что́ добро́, или́ что́ красно́? Но е́же жи́ти бра́тии вку́пе. Я́ко миро на главе́, сходя́щее на браду́, браду́ Ааро́ню, сходя́щее на оме́ты оде́жды eго́, я́ко роса́ Аермо́нская сходя́щая на го́ры Сио́нския, я́ко та́мо запове́да Госпо́дь благослове́ние и живо́т до ве́ка.

Псалом 133

Песнь степе́ней. Се ны́не благослови́те Го́спода вси раби́ Госпо́дни, стоя́щии в хра́ме Госпо́дни, во дво́рех до́му Бо́га на́шего, В но́щех воздежи́те ру́ки ва́ша во свята́я, и благослови́те Го́спода. Благослови́т тя Госпо́дь от Сио́на, сотвори́вый не́бо и зе́млю.

Чтец: Сла́ва Отцу́ и Сы́ну и Свято́му Ду́ху, и ны́не и при́сно, и во ве́ки веко́в. Ами́нь.

Аллилу́иа, аллилу́иа, аллилу́иа, сла́ва Тебе́ Бо́же. (Трижды)

Ектения малая

Диакон: Па́ки и па́ки, ми́ром Го́споду помо́лимся.

Лик: Го́споди, поми́луй.

Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

Пресвяту́ю, пречи́стую, преблагослове́нную, сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Лик: Тебе́, Го́споди.

Возглашение: Я́ко Твоя́ держа́ва, и Твое́ есть ца́рство, и си́ла, и сла́ва, Отца́ и Сы́на и Свята́го Ду́ха, ныне, и при́сно, и во ве́ки веко́в.

Лик: Ами́нь.

«Господи, воззвах»

Поются псалмы 140, 141, 129, 116 со стихирами на “Господи, воззвах”; в это время диакон совершает полное каждение храма

Первый лик: Го́споди, воззва́х к Тебе́, услы́ши мя. / Услы́ши мя, Го́споди.

Го́споди, воззва́х к Тебе́, услы́ши мя: / вонми́ гла́су моле́ния моего́, / внегда́ воззва́ти ми к Тебе́. / Услы́ши мя, Го́споди.

Второй лик: Да испра́вится моли́тва моя́, / я́ко кади́ло пред Тобо́ю, / воздея́ние руку́ мое́ю / – же́ртва вече́рняя. / Услы́ши мя, Го́споди.
И по чину стихи: Положи́, Го́споди, хране́ние усто́м мои́м, и дверь огражде́ния о устна́х мои́х. Не уклони́ се́рдце мое́ в словеса́ лука́вствия, непщева́ти вины́ о гресе́х, с челове́ки де́лающими беззако́ние, и не сочту́ся со избра́нными их. Нака́жет мя пра́ведник ми́лостию и обличи́т мя, еле́й же гре́шнаго да не нама́стит главы́ моея́, я́ко еще́ и моли́тва моя́ во благоволе́ниих их. Поже́рты бы́ша при ка́мени судии́ их: услы́шатся глаго́ли мои́, я́ко возмого́ша. Я́ко то́лща земли́ просе́деся на земли́, расточи́шася ко́сти их при а́де. Я́ко к Тебе́, Го́споди, Го́споди, о́чи мои́: на Тя упова́х, не отыми́ ду́шу мою́. Сохрани́ мя от се́ти, ю́же соста́виша ми, и от собла́зн де́лающих беззако́ние. Паду́т во мре́жу свою́ гре́шницы: еди́н есмь аз, до́ндеже прейду́.

Гла́сом мои́м ко Го́споду воззва́х, гла́сом мои́м ко Го́споду помоли́хся. Пролию́ пред Ним моле́ние мое́, печа́ль мою́ пред Ним возвещу́. Внегда́ исчеза́ти от мене́ ду́ху моему́: и Ты позна́л еси́ стези́ моя́: на пути́ сем, по нему́же хожда́х, скры́ша сеть мне. Смотря́х одесну́ю и возгля́дах, и не бе зна́яй мене́: поги́бе бе́гство от мене́, и несть взыска́яй ду́шу мою́. Воззва́х к Тебе́, Го́споди, рех: Ты еси́ упова́ние мое́, часть моя́ еси́ на земли́ живы́х. Вонми́ моле́нию моему́, я́ко смири́хся зело́, изба́ви мя от гоня́щих мя, я́ко укрепи́шася па́че мене́.

На 10, стихиры: Изведи́ из темни́цы ду́шу мою́, / испове́датися и́мени Твоему́.

Сти́х: Мене́ ждут пра́ведницы / до́ндеже возда́си Мне.

На 8, cти́х: Из глубины́ воззва́х к Тебе́ Го́споди, / Го́споди, услы́ши глас мой.

Сти́х: Да бу́дут у́ши Твои́ / вне́млюще гла́су моле́ния моего́.

На 6, cти́х: А́ще беззако́ния на́зриши, Го́споди, Го́споди, кто постои́т? / Я́ко у Тебе́ очище́ние есть.

Глас 4: Блаже́нства су́щаго па́че ума́ жела́я,/ вмени́л еси́, чу́дне,/ пи́щу воздержа́ние,/ нищету́ – бога́тство,/ нестяжа́ние – име́ние и́стинное/ и благосла́вие – смире́ние./ Те́мже и жела́ния, е́же по ра́зуму, улучи́л еси́,/ в жили́щах водворя́яся святы́х, Мака́рие.

Сти́х: И́мене ра́ди Твоего́ потерпе́х Тя, Го́споди, потерпе́ душа́ моя́ в сло́во Твое́, / упова́ душа́ моя́ на Го́спода.

Глас 4: Блаже́нства су́щаго па́че ума́ жела́я,/ вмени́л еси́, чу́дне,/ пи́щу воздержа́ние,/ нищету́ – бога́тство,/ нестяжа́ние – име́ние и́стинное/ и благосла́вие – смире́ние./ Те́мже и жела́ния, е́же по ра́зуму, улучи́л еси́,/ в жили́щах водворя́яся святы́х, Мака́рие.

На 4, cти́х: От стра́жи у́тренния до но́щи, от стра́жи у́тренния, / да упова́ет Изра́иль на Го́спода.

Глас 4: Тече́ние воздержа́ния непрело́жно соверши́л еси́/ и ве́ру соблю́л еси́,/ отону́дуже и вене́ц прия́л еси́, о́тче, пра́вды,/ его́же тебе́ угото́ва Христо́с,/ по досто́инству дая́й воздая́ния,/ и че́сти да́руяй, и боле́зней возме́здие./ И́хже и ны́не нам, сла́вне, пода́ти моли́ся.

Сти́х: Я́ко у Го́спода ми́лость, и мно́гое у Него́ избавле́ние, и То́й изба́вит Изра́иля от все́х беззако́ний его́.

Глас 4: Тече́ние воздержа́ния непрело́жно соверши́л еси́/ и ве́ру соблю́л еси́,/ отону́дуже и вене́ц прия́л еси́, о́тче, пра́вды,/ его́же тебе́ угото́ва Христо́с,/ по досто́инству дая́й воздая́ния,/ и че́сти да́руяй, и боле́зней возме́здие./ И́хже и ны́не нам, сла́вне, пода́ти моли́ся.

На 2, cти́х: Хвали́те Го́спода вси́ язы́цы, похвали́те Его́ вси́ лю́дие.

Глас 4: Вся́кое сладостра́стие,/ удруча́я те́ло твое́,/ отве́ргл еси́, Богому́дре,/ огорча́я чу́вства воздержа́нии кре́пкими и жестокожи́тием,/ терпе́нием же напа́стей и пожда́нием обстоя́ний./ И́хже ра́ди безконе́чное восприе́млеши наслажде́ние,/ и пи́щу непрее́мную, и ра́дость неизглаго́ланную.

Сти́х: Я́ко утверди́ся ми́лость Его́ на на́с, и и́стина Госпо́дня пребыва́ет во ве́к.

Глас 4: Вся́кое сладостра́стие,/ удруча́я те́ло твое́,/ отве́ргл еси́, Богому́дре,/ огорча́я чу́вства воздержа́нии кре́пкими и жестокожи́тием,/ терпе́нием же напа́стей и пожда́нием обстоя́ний./ И́хже ра́ди безконе́чное восприе́млеши наслажде́ние,/ и пи́щу непрее́мную, и ра́дость неизглаго́ланную.

Сла́ва Отцу́, и Сы́ну, и Свято́му Ду́ху.

Глас 8: Весели́ся, Еги́пте,/ процве́тший такова́го граждани́на, во блаже́нных Мака́рия,/ сей бо,прему́дростию Свята́го Ду́ха украси́вся,/ вся́ко поще́ние в доброде́тельном житии́ свое́м произобрази́./ Того́ и мы хода́тая приводя́ще про́сим умоли́ти Христа́/ спасти́ся душа́м на́шим.

И ны́не, и при́сно, и во ве́ки веко́в. Ами́нь.

Богородичен, глас 6: Кто Тебе́ не ублажи́т, Пресвята́я Де́во? / кто ли не воспое́т Твоего́ Пречи́стаго Рождества́? / безле́тно бо от Отца́ возсия́вый Сын Единоро́дный, / То́йже от Тебе́, Чи́стыя, про́йде, / неизрече́нно вопло́щся: / естество́м Бог Сый / и естество́м быв Челове́к нас ра́ди; / не во двою́ лицу́ разделя́емый, / но во двою́ естеству́ / несли́тно познава́емый. / Того́ моли́, Чи́стая Всеблаже́нная, / поми́ловатися душа́м на́шим.

Вечерняя песнь Сыну Божию

Све́те Ти́хий святы́я сла́вы, / Безсме́ртнаго, Отца́ Небе́снаго, / Свята́го Блаже́ннаго, Иису́се Христе́. / Прише́дше на за́пад со́лнца, / ви́девше свет вече́рний, / пое́м Отца́, Сы́на и Свята́го Ду́ха, Бо́га. / Досто́ин еси́ во вся времена́ / пе́т бы́ти гла́сы преподо́бными, / Сы́не Бо́жий, живо́т дая́й, / те́мже мiр Тя сла́вит.

Диакон: Во́нмем.

Священник: Мир всем.

Лик: И ду́хови твоему́.

Прокимен

В пяток вечера, глас 7:

Диакон: Прему́дрость. Во́нмем. Проки́мен, глас 7.

Бо́же, засту́пник мой еси́ Ты, / и ми́лость Твоя́ предвари́т мя.

Лик: Бо́же, засту́пник мой еси́ Ты, / и ми́лость Твоя́ предвари́т мя.

Диакон: Изми́ мя от враг мои́х, Бо́же, и от востаю́щих на мя изба́ви мя.

Лик: Бо́же, засту́пник мой еси́ Ты, / и ми́лость Твоя́ предвари́т мя.

Диакон: Бо́же, засту́пник мой еси́ Ты

Лик: И ми́лость Твоя́ предвари́т мя.

Молитва при наступлении вечера

Народ: Сподо́би, Го́споди, в ве́чер сей без греха́ сохрани́тися нам. / Благослове́н еси́, Го́споди Бо́же оте́ц на́ших, / и хва́льно и просла́влено и́мя Твое́ во ве́ки, ами́нь. /

Бу́ди, Го́споди, ми́лость Твоя́ на нас, я́коже упова́хом на Тя. / Благослове́н еси́, Го́споди, научи́ мя оправда́нием Твои́м. / Благослове́н еси́, Влады́ко, вразуми́ мя оправда́нием Твои́м. / Благослове́н еси́, Святы́й, просвети́ мя оправда́нии Твои́ми. /

Го́споди, ми́лость Твоя́ во век, дел руку́ Твое́ю не пре́зри. / Тебе́ подоба́ет хвала́. Тебе́ подоба́ет пе́ние, / Тебе́ сла́ва подоба́ет, Отцу́ и Сы́ну и Свято́му Ду́ху, / ны́не и при́сно и во ве́ки веко́в. Ами́нь.

Ектения просительная

Диакон: Испо́лним вече́рнюю моли́тву на́шу Го́сподеви.

Лик: Го́споди, поми́луй.

Диакон: Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

Диакон: Ве́чера всего́ соверше́нна, свя́та, ми́рна и безгре́шна у Го́спода про́сим.

Лик: Пода́й, Го́споди.

Диакон: А́нгела ми́рна, ве́рна наста́вника, храни́теля душ и теле́с на́ших у Го́спода про́сим.

Лик: Пода́й, Го́споди.

Диакон: Проще́ния и оставле́ния грехо́в и прегреше́ний на́ших у Го́спода про́сим.

Лик: Пода́й, Го́споди.

Диакон: До́брых и поле́зных душа́м нашим, и ми́ра мiрови у Го́спода про́сим.

Лик: Пода́й, Го́споди.

Диакон: Про́чее вре́мя живота́ на́шего в ми́ре и покая́нии сконча́ти у Го́спода про́сим.

Лик: Пода́й, Го́споди.

Диакон: Христиа́нския кончи́ны живота́ на́шего, безболе́знены, непосты́дны, ми́рны и до́браго отве́та на стра́шнем суди́щи Христо́ве про́сим.

Лик: Пода́й, Го́споди.

Диакон: Пресвяту́ю, пречи́стую, преблагослове́нную, сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Лик: Тебе́, Го́споди.

И священник возглашает: Я́ко благ и человеколю́бец Бог еси́, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Лик: Ами́нь.

Священник: Ми́р всем.

Лик: И ду́хови твоему́.

Диакон: Главы́ на́ша Го́сподеви прикло́ним.

Лик: Тебе́, Го́споди.

В алтаре

Молитва главопреклонения

Священник: Го́споди Бо́же наш, приклони́вый небеса́ и соше́дый на спасе́ние ро́да челове́ческаго, при́зри на рабы́ Твоя́ и на достоя́ние Твое́. Тебе́ бо стра́шному и человеколю́бцу судии́, Твои́ раби́ подклони́ша главы́, своя́ же покори́ша вы́я, не от челове́к ожида́юще по́мощи, но Твоея́ ожида́юще ми́лости и Твоего́ ча́юще спасе́ния, я́же сохрани́ на вся́кое вре́мя и по настоя́щем ве́чере, и в приходя́щую но́щь, от вся́каго врага́, от вся́каго проти́внаго де́йства диа́вольскаго и от помышле́ний су́етных, и воспомина́ний лука́вых.

И возглашает священник: Бу́ди держа́ва Ца́рствия Твоего́ благослове́на и препросла́влена, Отца́, и Сы́на, и Свята́го Ду́ха, ны́не и при́сно, и во ве́ки веко́в.

Лик: Ами́нь.

Стихиры на стиховне

Глас 6: Му́ченицы Твои́, Го́споди, не отверго́шася Тебе́, ни отступи́ша от за́поведей Твои́х. Те́х моли́твами поми́луй на́с.

Стих: К Тебе возведох очи мои, живущему на небеси. Се яко очи раб в руку господий своих, яко очи рабыни в руку госпожи своея, тако очи наши ко Господу Богу нашему, дондеже ущедрит ны.

Глас 6: Му́ченицы Твои́, Го́споди, не отверго́шася Тебе́, ни отступи́ша от за́поведей Твои́х. Те́х моли́твами поми́луй на́с.

Стих: Помилуй нас Господи, помилуй нас, яко по многу исполнихомся уничижения: наипаче наполнися душа наша поношения гобзующих, и уничижения гордых.

Глас 6: Страстоте́рпцы му́ченицы, Небе́снии гра́ждане, на земли́ пострада́вше, мно́гия му́ки терпе́ша. Моли́твами и́х, Го́споди, и моле́нием все́х на́с сохрани́.

Сла́ва Отцу́, и Сы́ну, и Свято́му Ду́ху.

Глас 6: Преподо́бне о́тче,/ во всю зе́млю изы́де веща́ние исправле́ний твои́х./ Тем на Небесе́х обре́л еси́ мзду трудо́в твои́х,/ де́монския погуби́л еси́ полки́/ и А́нгельския дости́гл еси́ чи́ны,/ и́хже житию́ непоро́чно поревнова́л еси́,/ дерзнове́ние име́я ко Христу́ Бо́гу,/ мир испроси́ душа́м на́шим.

И ны́не, и при́сно, и во ве́ки веко́в. Ами́нь.

Богородичен, глас 6: Моли́твами Ро́ждшия Тя, Христе́, / му́ченик Твои́х, и апо́стол, и проро́к, / и святи́телей, преподо́бных, и пра́ведных, и всех святы́х / усо́пшия рабы́ Твоя́ упоко́й.

Молитва святаго Симеона Богоприимца

Ны́не отпуща́еши раба́ Твоего́, Влады́ко, / по глаго́лу Твоему́ с ми́ром: / я́ко ви́деста о́чи мои́ спасе́ние Твое́, / е́же еси́ угото́вал пред лице́м всех люде́й, / свет во открове́ние язы́ков, / и сла́ву люде́й Твои́х Изра́иля.

Святы́й Бо́же, Святы́й Кре́пкий, Святы́й Безсме́ртный, поми́луй нас (трижды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй (трижды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

О́тче наш, И́же еси́ на Небесе́х! Да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́, и на земли́. Хлеб наш насу́щный даждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Священник: Я́ко Твое́ есть Ца́рство, и си́ла, и сла́ва, Отца́, и Сы́на, и Свята́го Ду́ха, ны́не и при́сно, и во ве́ки веко́в.

Лик: Ами́нь.

Тропари

Глас 1: Пусты́нный жи́тель и во пло́ти А́нгел,/ и чудотво́рец яви́лся еси́, Богоно́сне о́тче наш Мака́рие,/ посто́м, бде́нием, моли́твою, Небе́сная дарова́ния прии́м,/ исцеля́еши неду́жныя и ду́ши ве́рою приходя́щих ти́./ Сла́ва Да́вшему тебе́ кре́пость,/ сла́ва Венча́вшему тя,// сла́ва Де́йствующему тобо́ю все́м исцеле́ния.

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Богородичен, глас 6: Благослове́нную нареки́й Твою́ Ма́терь, прише́л еси́ на Стра́сть во́льным хоте́нием, возсия́в на Кресте́, взыска́ти хотя́ Ада́ма, глаго́ля а́нгелом: сра́дуйтеся Мне́, я́ко обре́теся поги́бшая дра́хма. Вся́ му́дре устро́ивый, Бо́же на́ш, сла́ва Тебе́.

Сугубая ектения

Диакон: Поми́луй нас, Бо́же, по вели́цей ми́лости Твое́й, мо́лим Ти ся, услы́ши и поми́луй.

Лик: Го́споди, поми́луй. (Трижды)

Диакон: Еще́ мо́лимся о Вели́ком Го́споди́не и Отце́ на́шем Святе́йшем Патриа́рхе Кири́лле, и о господи́не на́шем преосвяще́ннейшем митрополи́те (или архиепи́скопе, или епи́скопе) (имяре́к), и всей во Христе́ бра́тии на́шей.

Лик: Го́споди, поми́луй. (Трижды)

Диакон: Еще́ мо́лимся о Богохрани́мей стране́ на́шей, власте́х и во́инстве ея́, да ти́хое и безмо́лвное житие́ поживе́м во вся́ком благоче́стии и чистоте́.

Лик: Го́споди, поми́луй. (Трижды)

Диакон: Еще́ мо́лимся о блаже́нных и приснопа́мятных созда́телех свята́го хра́ма сего́, и о всех преждепочи́вших отце́х и бра́тиях, зде лежа́щих и повсю́ду, правосла́вных.

Лик: Го́споди, поми́луй. (Трижды)

Диакон: Еще́ мо́лимся о ми́лости, жи́зни, ми́ре, здра́вии, спасе́нии, посеще́нии, проще́нии и оставле́нии грехо́в рабо́в Бо́жиих, бра́тии свята́го хра́ма сего́.

Лик: Го́споди, поми́луй. (Трижды)

Диакон: Еще́ мо́лимся о плодонося́щих и доброде́ющих во святе́м и всечестне́м хра́ме сем, тружда́ющихся, пою́щих и предстоя́щих лю́дех, ожида́ющих от Тебе́ вели́кия и бога́тыя ми́лости.

Лик: Го́споди, поми́луй. (Трижды)

Священник: Яко Ми́лостив и Человеколю́бец Бог еси́, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.

Лик: Ами́нь.

Диакон: Прему́дрость.

Лик: Благослови́.

Священник: Сый благослове́н Христо́с Бог наш, всегда́, ны́не и при́сно и во ве́ки веко́в.

Лик: Ами́нь.

Лик: Утверди́, Бо́же, / святу́ю правосла́вную ве́ру, правосла́вных христиа́н / во век ве́ка.

Священник: Пресвята́я Богоро́дице, спаси́ нас.

Лик: Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу Тя велича́ем.

Священник: Сла́ва Тебе́, Христе́ Бо́же, упова́ние на́ше, сла́ва Тебе́.

Лик: Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Го́споди, поми́луй (трижды).

Благослови́.

Священник стоя у Царских врат, обращается на запад к народу и произносит отпуст.

Отпуст

Христо́с И́стинный Бог наш, моли́твами Пречи́стыя Своея́ Ма́тере, святы́х сла́вных и всехва́льных Апо́стол, святы́х сла́вных и добропобе́дных му́чеников, преподо́бных и богоно́сных оте́ц на́ших, (и свята́го, имяре́к, его́же есть храм), прп. Макария Великаго, Египетскаго, святы́х пра́ведных Богооте́ц Иоаки́ма и А́нны, и всех святы́х, поми́лует и спасе́т нас, я́ко Благ и Человеколю́бец.

Многолетие

Лик: Вели́каго господи́на и отца́ на́шего Кири́лла, / Святе́йшаго Патриа́рха Моско́вскаго и всея́ Ру́си, и господи́на на́шего преосвяще́ннейшаго (имяре́к), митрополи́та (или архиепи́скопа, или епи́скопа его́же есть о́бласть), / богохрани́мую страну́ на́шу Росси́йскую, / настоя́теля, бра́тию и прихо́жан свята́го хра́ма сего́, / и вся правосла́вныя христиа́ны, / Го́споди, сохрани́ их на мно́гая ле́та.

  • 8.2M 242