профессор Алексей Степанович Павлов

21. 1377–1388 г. Послание константинопольского патриapxa к русскому игумену об иноческой жизни

Соображения о лице патриapxa (Нила), которому принадлежит посланиe, и русского игумена (преп. Сергия радонежского), к которому оно писано, см. в Правосл. Собесед. 1860 г. Ч. I, стр. 448 и след. Ср. легенду предыдущего №.

Послание вселенского патриарха: слово к честному мниху честного монастыря, о Святом Духе возлюбленному сыну нашего Смирения

По долгу еже восприяхом 1155 от Бога судьбами, имиже весть Бог, должно ищется от нас всем повелевать и наказать, и воздвигать всех вкупе, мирян 1156 же и иноких, на Божьи заповеди. Понеже убо честный правохранитель, о Святом Духе возлюбленный сын нашего смирения диакон Георгий вознесе нашему смирению о дружине и о совокуплении Богом, рекше иноческого жития, еже еси составил меж сицевыми мужами, идеже и 1157 самого того образа пременить удобь не может, но равен мирским людям является и образом и вещами, за невегласие земли той и дикое, яко по всему мне мнится, твоей доброй благостыни 1158 се есть исправление. Сего ради пишет и отечески наказает смиpeниe наше ко твоему благочестию и к цернецам, яже о тебе суть. Преже убо како, малые ради сласти, Божьей славы отриновены быхом, яко не сохранихом его заповедей, онамо 1159 убо оземьствованы быхом, преслушания ради ветхого оного Адама; зде же новым Адамом, Христосом и Богом, славы оной и рая получихом. Сего ради велие и благое воздержаниe и терпениe: идеже бо воздержание и пост, удобь свершается послушания великая вещь; идеже отсечение хотения своего, ту сладость места не имать, ни брашен различие; увяне бо послушания ради, се же рекше, «послушание рожает смирение», яко глаголет cия 1160 Иоанн, синайской горы наставник. Сему убо бывшу благому дару души, преже даже не начнет друченного течения и болезни 1161 и трудами иноческого облещися борения, достиже яко воистину безбурное пристанище, еже есть в самого того мира мысли. Сему же свершившуся, о отцы и братия, единение чувств прилагается, повинующеся владеющему духу, души рекше и тела, в нихже и тайно служит Богу, иже о Бозе человек в сердце своем имея цветящуся любви союза, иже человека богом соделает. Темже убо не точию 1162 о послушании и о воздержании, или о посте и неспаньи, яже суть сосуды, рекше снасть, добродетелей, потщаться подобает, но и 1163 отца своего и наставника игумена слушать, яко пастуха и учителя, яко самого то рекше Христа, ейже, и того единения союза и законного исполнения, рекше любви, понеже без той спастись не можем. Пастух бо и учитель поднимает бремяна 1164 послушливых, егда ученицы добре покоряются; яко бо за себя, тако и за ученики слово воздаст; аще ли ни, кождо понесет свой долг. Послушание бо есть, братия, всяко отсечение 1165 своего хотения, укреплену точию в наставников мановение, немятежно творяще, еже от Бога повелены 1166 суть, деяние и xoтениe, якоже и 1167 Господь до распятия и смерти послушал своего Отца, якоже глаголет: «не приидох, да сотворю волю мою, но волю пославшего мя Отца». 1168 Се же творя и уча, да всех привлечет к себе, да тем иже в послушании, дарует живота вечного, да постящихся 1169 венчает, да алчущих правды наполнит, да явствен будет чистый сердцем, да тружающихся и обремененных покоит, да изгнанных и досажаемых и бьеных, любве ради его, царства своего дарует вечного. Аще убо послушание велико есть и мирянам всем и тем, иже во власти 1170 суть, яко то глаголет божественный Петр: покорись человеческой твари Господа ради 1171 : что же вам черноризцам, отлученным, избранным Богу за страшные обеты , еже пред Богом и пред человеками бывший от вас? Сего ради, возлюбленная братия, покоряйтесь и вы, ревнуя владыке Христу. Потщайтежеся о посте и о бдении, ихже несть честнее, и обаче черноризец образ благ всем бывающе, и образом и нравом и вещами, сокрушену и смирену имуще мысль, да добрым вашим пребыванием и добрым житием прославится Бог меж языки вами, и тъ прославит вас и наследники сотворит царствия своего, егоже уготова преже сложения мирудостойно его возлюбившим вседерзостью 1172 душевной, и спасенные 1173 его сохраньше заповеди, егоже и вам обещником быть молюся благодатью Господа и Бога и Спаса нашего Иисуса Христа, егоже благодать да будет с вами, аминь.

* * *

1155

прияхом Сол.

1156

мирян.

1157

и нет.

1158

благостыни.

1159

она бо – неправильно.

1160

сия нет.

1161

болезней.

1162

Прибав. убо.

1163

В нашем списке стоит тут от – лишнее.

1164

бремена Сол.

1165

В нашем списке всякого отсечения.

1166

повелене С.

1167

и из С.

1169

постящийся С.

1170

в сласти.

1172

всей тяжестью С.

1173

спасения.


Источник: Памятники древнерусского канонического права / [Ред. А.С. Павлов]. - 2-е изд. - Санкт-Петербург : Тип. М.А. Александрова, 1908. / Ч. 1. (Памятники XI-XV в.). - 1908. - 1466 с. и стб. разд. паг. (Русская историческая библиотека, изданная Императорской Археографической комиссией Т. 6).

Комментарии для сайта Cackle