профессор Алексей Степанович Павлов

20. 1378 г. июня 23. Грамота митрополита Киприана к преподобному Сергию радонежскому и Феодору, игумену симоновскому, с жалобами на великого князя Дмитрия Ивановича и с обличением незаконных притязаний архимандрита Митяя на московскую митрополию

Эти и следующая грамота (№ 21) стоят рядом в двух Кормчих XV века: бывшей соловецкой, ныне казан. духов. академии, № 858, л. 525–536, в чудовской № 148, л. 264 об.–269. По первой обе изданы были в Православ. Собеседнике за 1860 г. (ч. II, стр. 85–102 и ч. I, cтр. 448–462). Здесь митрополичья грамота издается частью по соловецкому списку, частью – по чудовскому (к сожалению, сокращенному в начале и конце), патриаршая – по чудовскому с указанием разночтений соловецкого.

Kиприан, милостью Божьей, митрополит всея Руси, честному 1099 старцу Игумену Сергию 1100 и игумену Феодору и аще кто ин единомудрен с вами. Не утаилось от вас и от всего рода христианского, елико створилось над мною, еже не створилось есть ни над единым святителем 1101 , како русская земля стала. Аз, Божьим изволением и избранием великого и святого собора, и благословением и ставлением вселенского патриapxa, поставлен есмь митрополитом на всю русскую землю, а вся вселенная ведает; и нынче поехал есмь был, со всем чистосердием и с доброхотением, к князю великому, и он послы ваша разослал, меня не пропустить, и еще заставил заставы, рати сбив и воеводы поставив, и елика зла надо мной деять, еще же и смерти предать нас немилостивно, тех научи и наказа же. Аз же, его бесчестья и души его больши стрега, иным путем пройдох, на свое чистосердие надеяся и на свою любовь, еже имел есмь к его княгине, и к его детям. Он же пристави 1102 над мною мучителя, проклятого Никифора: и которое зло остави, еже не сдея над мною? Хулы, и на ругания, и насмехания, грабления, голод! Меня в ночи заточил, нагого и голодного, и от той ночи студеной нынче стражу. Слуги же мои, над многим злым, чтό над ними сдеяли, отпуская их на клячах либивых, без седел, во обротех лычных, из города вывели ограбленных и до сорочки, и до ножев, и до ногавиц 1103 , и сапогов и киверев не оставили на них! Тако ли не обретеся никтоже на Москве 1104 , добра похотеть души князя великого 1105 и всей отчине его? Все ли уклонишася вкупе и непотребне быша? Се говорится 1106 великому князю 1107 , что клячи отданы 1108 , а того не ведает, что от 40 и штий коний ни един не остался цел – всех заморили 1109 , похромили, и … 1110 , ганяся на них, куда хотели, и нынче теряются. И аще миряне блюдутся князя, занеже у них жены и дети, стяжания и богатства, и того не хотят погубить (яко и сам Спас, глаголет: «удобь есть вельблуду сквозь иглинеи уши проити, неже богату в царство небесное внити» 1111 ): вы же, иже мира отреклись есте и иже в мире и живете единому Богу, како толику злобу видев, умолчали есте? Аще хощете добра души князя великого и всей отчине его, почто умолчали есте? Растерзали бы есте одежи своя, глаголали бы есте пред царями не стыдяся: аще быша вас послушали, добро бы; аще быша вас убили, и вы святы. Не весте ли, яко грех людской на князей, и княжеский грех на людей нападает? Не весте ли писание, глаголющее, яко аще плотских родитель клятва на чада чадом падает 1112 , колми паче духовных отцов клятва и та сама основания подвиже[т] и пагубе предает? Како же ли молчанием преминуете, видяще место святое поругаемо, по писанию глаголющему: мерзость, запустения, стояще на месте святом 1113 ? Сице ли почли суть князь и бояре митрополию 1114 и гробы святых митрополитов? Тако ли несть кого прочитающего божественные правила? Не весте ли, что пишет? Святых Апостолов правило 76 глаголет сице 1115 : «яко не подобает святителю брату или сыну, или иному сроднику или другу даровать 1116 , на святительское достояние поставлять егоже хочет; наследники бо своего епископства творить неправедно есть, и Божье даровать пристрастием человеческим. Не подобает бо Божью церковь под наследников подкладать. Аще же кто таково сотворит, разрушено таковое поставление да будет: сам же сотворивый да отлучен будет». Послушайте же и толкования сего правила, что глаголет: «святительское достояниe Святого Духа благодать [и] дар мнети подобает. Како убо дерзнет кто благодать духовную, яко наследие предавать 1117 кому иному 1118 дарованием? Сего ради не прощено есть епископом в себе место ихже хотят во своих церквах поставлять и посажать. Которые бо яже стяжаша имения во своего епископства времени, не имут власти оставлять имже хотят (но токмо яже от наследия сродников прибывша им 1119 , якоже 32 правило иже в Карфагене 1120 собора рече): то как самою 1121 епископию к иным предадят, яко наследникам своим пастырской власти, и строения нищих имения оставляюще 1122 , и пристрастия ради человеческого или дружбы или любви ради сродничной, яже Богови освящена суть подавают, имже хотят? Аще убо от некоего таковое что сотворится, сотворенному [у]бо разрушену быть правила повелевают, сотворивый же отлучен да будет. Епископом бо от соборов поставляться повелено бысть. И 1123 23 правило антиохийского собора тако глаголет: «не подобает епископу, аще и на конец жития своего, иного оставлять наследника в себе место. Се же и Израильтянам отречено бысть; на Moисия бо яко вину воскладаху 1124 , зане Аарона и сыны его на священничество возведе. И аще бы Бог не знамением священство их укрепил, изгнаны быша были святительства». Смотри же и святых Апостолов правила 29, что глаголет: «аще который епископ мзды ради сана святительского приобрящет, или пресвитер, или диакон, да отлучится и сам и поставивый его, и да отсечен будет от святого причастия отнюдь, яко Симон волхв мною Петром». О том же 1125 глаголет и 30-е правило тех же святых Апостолов; глаголет бо сице: «аще который епископ мирских князей помощью святительство приобрящет, да извержен и отлучен будет, и способницы ему все». Назнаменать лепо есть: когда двоицею 1126 казнен бывает в купе священник или паче, по святом Геннадии, патриархи Нового Рима, трижды вкупе? Слышите толкования тому же: «в 25 правиле речено бысть: не подобает двократы мщати о едином. Здеже и во обою правилу сею сугубо наводить казни, злобы ради преумножения 1127 и прегрешений тяжести. Ничтоже есть убо злейшее сего, еже божественное дарование куплением себе приобретает, мздою или силою княжескою, такоже и продаяй то; яко раба бо вменяет Святого Духа дар, якоже во соборном послании Тарасьеве, святейшего патриapxa Константина града, к папе старейшего Рима Андрианови тако писано есть: отраднее будет Македонию и прочим духоборцам, неже сим; они бо тварь и раба Божьего и Отца Святого Духа блядословяху, а cии раба себе творят его. Еже бо аще кто продает, и купяй его, владыка хочет быть купимому, ценой серебренной притяживает то. Тако бо суть не прощена прегрешения такова. Того ради купующей и продающей мздой или силой княжской святительство и обои извержены и от церкви отнюдь отлучены и изгнаны бывают.

Святого же патриapxa Геннадия послание и проклятием таковые осужает. Сице бо глаголет: да будет отречен таковой и всякого священнического достояния и службы лишен, и проклятию и анафеме предан будет и приемляй куплей благодать Святого Духа, и продаваяй, аще клирик; аще простец, да будет проклят».

Се слышите правила и заповеди святых Апостолов и святых Отцов. Кто же христианин и святым именем Христосовым именуяся, смеет дерзнуть инако глаголать? Зале пишет в свято писании, яко «вся, яже чрез церковные предания и учительства и воображения святых и приснопамятных Отцов обновляема и творима, или по сем содеяться хотяща, анафема да будет». И по других глаголет 1128 : «яко иже в небрежении полагающим священные и божественные правила блаженных Отцов наших, иже святую церковь утвержают и все христианскoe жительство украшающе, к божественному наставляют благоговеинству, анафема да будет». 1129 Сим сице имущим, како у вас стоит на митрополите месте чернец 1130 в монатьи святительской и в клобуце, и перемонатка святительская на нем, и посох в руках? И где се бесчиние и злое дело слышалось? ни в которых книгах! Аще брат мой преставился, аз есмь святитель на его месте, моя есть митрополия. Не уметь было ему наследника оставлять по своей смерти. Коли слышалось преже поставления возглагать на кого святительские одежды, ихже не лзе иному никомуже носить, но токмо святителям единым? Како же ли смеет стоять на месте святительском? Не блюдет ли ся казни Божьи? А еще страшно и трепетно и всякие грозы исполнено, еже творит: садиться в святом алтаре на наместном месте! Веруйте, братия, яко лучше бы ему не родиться! И аще долготерпит Бог и не ниспосылает казнь, к вечной муке готовит таковых. И 1131 что клеплют митрополита, брата нашего, что он благословил его на те все дела, то есть ложь. Понеже пишет 34 правило святых Апостолов [и] антиохийского собора правило 9, согласующе сему; глаголет бо: «кроме большего своего, да не творят епископы ничтоже, разве своего предела кождо, ниже большим, не сущим иным, за единство». 1132 Или утаилось есть нам, како учинилось есть на смерти митрополиче? Виде грамоту записал митрополит умирая, а та грамота будет 1133 с нами на великом соборе.

A cиe буде вам ведомо 1134 : полтретья лета мнев святительстве, а как въехал есмь на Киев, две лете и 14 дней до сего дня, иже есть июня месяца 23 день, не вышло из моих уст слово на князя на великого на Димитрия, ни до ставления 1135 , ни по поставлении ни на его княгиню, ни на его бояр 1136 , ни доканчивал есмь с ким – иному добра хотеть боле его: ни делом, ни словом, ни помыслом несть моей вины пред ним; паче молил есмь Бога о нем, и о княгине его и о детях его, и любил есмь от всего сердца, и добра хотел есмь ему и всей отчине его. И аще кого услышал есмь где пригадывающа на его лихо, не ненавидел [ли] есмь его. А коли где пригажаломися соборова(ти), ему большее местo велел есмь многие лета петь, а да потом иным. Аще кого в полону отведена где изнашел есмь из его отчины, колка сила моя была, выимая от погани, отпускал есмь. Кашинцев нашел есмь в Литви, два года в погребе сидящих и, княгини деля великой, вынял есмь их, како мога, клячи подних подал есмь и отпустил их есмь зятю ея, князю кашинскому. Которую вину нашел есть на мне князь великий? Чим аз ему виноват, или отчине его? Аз к нему ехал есмь благословить его, и княгиню его, и детей его, и бояр его, и всю отчину его, и жить ми с ним в своей митрополии, како и моя братия с отцом его и с дедом, с князями великими; а еще и дарами честными хотел есмь дарить. Кладет на меня вины, что был есмь в Литве первое: и которое лихо учинил есмь, быв тамо? Не зазри же ми никтоже, что иму говорить. Аще был есмь в Литве, много христиан горького пленения освободил есмь; мнозе от неведящих 1137 Бога познали нами истинного Бога и к православной вере святым крещением пришли. Церкви святой ставил есмь, христианство утвердил есмь, места церковные, запустошена давними летами, оправил есмь приложить к митрополии всей Руси. Новый-Городок литовский давно отпал, и аз его оправил, и десятину доспел к митрополии же, и села. В волынской 1138 же земли такоже колько лет стояла вол[од]имерская епископия без владыки, запустошала? и аз владыку поставил и места исправил. Такоже отприсная 1139 села софийская, отпала 1140 к князям и к боярам, и аз тых доискиваются и оправдаю, чтобы по моей смерти было, кого Бог оправдает. Будь вам сведомо, что брату нашему Олексееви митрополиту 1141 не вольно было слать 1142 ни в волынскую землю, ни в литовскую владыку которого, или звать, или дозреть которое дело церковное, или поучить, или посварить на кого, или казнить виноватого, или владыку, или архимандрита, или игумена, или князя поучить, или боярина; святительским недозиранием которыйждо владыка, не блюдяся, по своей воли ходил, как хотел, а попове и чернецы и все христиане – как животина без пастуха. Ныне же, Божьей помощью, нашим потружанием оправилось церковное дело, и годилось князю великому нас с радостью приять, занеже в том бόлша ему честь. Аз погружаюсь отпадшая места 1143 приложить к митрополии, и хочу укрепить, чтобы до века так стояло, на честь и на величество митрополии: князь же великий гадает двоить митрополию. Которое величество прибудет ему от гадки 1144 ? Кто же ли се пригадывает ему? Которая есть моя вина пред князем пред великим? Надеяся 1145 на Бога, не найдет во мне вины ниединые. И аще ли бы вина моя дошла которая, ни годится князем казнить святителей: есть у меня патриарх, бόльший над нами, есть великий собор; и он бы тамо послал вины моя, и они бы с исправой меня казнили. 1146 А се ныне без вины меня обесчестил, пограбил, запрев держал голодна и нага, а чернецы мои на другом месте, слуг моих опрочь; меня заточил у ночи, а слуг моих нагих отслать велел, с бесчестными словесами. И кто может изрещи хулы, ихже на мя изрекли? Се ли воздаст мне князь великий за любовь мою и доброхотение? Слышите же, что глаголет собор святой, иже первовторой именуемый 1147 , собравшихся в храме Божьего Слова Премудрости, рекше в святой Софии; глаголет бо того сбора святого правило 3-е сице: «аще кто от мирских, огосподився и преобидив убо божественных и царских повелений, преобидив же и страшных церковных обычаев и законоположений, дерзнет святителя кого бить, или запреть, или виною, или замыслив вину: таковый да будет проклят». Сицево аз ныне пострадал есмь. Сде святой собор проклинает, аще и вину каковую притворять святителю: мне же которую вину изнайдоша, запревши меня в единой 1148 клети за сторожами, и ниже до церкви имел есмь выхода? Потом же, смеркшуся другому дневи, пришедше изведоша меня, не ведящу мне, камо ведут меня – на убиениe ли, или на потопление? А еще бещестнейше: меня ведущий сторожеве и проклятый Никифор воевода, одеждами моих слуг оболчени, и на их копях и седлахехающe.Слиши небо и земля и все христиане, что створиша над мною христиане, что же ли сотвориша патриаршим послом, хуляще на патриapxa, и на царя, и на собор великий: патриарха литвином назвали, царя такоже, и всечестной собор вселенский. И аз, колика сила, хотел есмь, чтобы злоба утишилась. Тъ Бог ведает, что любил есмь от чистого сердца князя великого Дмитрия, и добра ми было хотеть ему и до своего живота. А понеже таковое бещестие возложили на меня и на мое святительство: от благодати, данной ми от пресвятой и живоначальной Троицы, по правилам святых Отцов и божественных Апостолов, елицы причастны суть моему иманию и запиранию, и бещестию и хулению, елицы на том совет 1149 свещали, да будут отлучены 1150 и неблагословенны от меня Киприана, митрополита всея Руси, и прокляты по правилам святых Отцов, и кто покусится cию грамоту сжечь, или затаить, и тот таков. Вы же, честные старцы и игумены, отпишите ми наборзе, чтό мудрствуете, понеже сдесе есмь не благословил. 1151 А ко Царю-городу 1152 еду боронитися Богом и святым патриархом и великим собором; и тии на куны надеются и на фрязы 1153 , аз же на Бога и на свою правду. Писана 1154 же си грамота мною месяца июня в 23 день, в лето 6886, индикта первого. Mнеже их бещестие бόльшу честь приложило по всей земли и в Царигороде.

* * *

1099

В Чудовском списке слова «всея Руси, честному» написаны тарабарскою грамотой: «шлея мули гелкъпору».

1100

Имя препод. Сергия в Чуд. опущено.

1101

Начиная со слов «ин единомудрен» и досюда, в Чуд. опять тарабарское письмо в перемежку с обыкновенным; за тем – длинный пропуск до слов: «Святых Апостол правило 70 глаголет сице: «яко не подобает» и проч.

1102

Слова «его детям. Он же пристави» написаны в строку одними только согласными буквами и нераздельно; гласные же поставлены сверху и не всегда правильно.

1103

И здесь, начиная со слов «моя, над многим злым», – та же тайнопись, состоящая в надписании гласных над согласными.

1104

Слова «на Москве» и «князя великого» – той же тайнописью.

1105

Слова «на Москве» и «князя великого» – той же тайнописью.

1106

В подлиннике створится.

1107

«великому князю», «клячи отданы» – тайнописью.

1108

«великому князю», «клячи отданы» – тайнописью.

1109

Тайнопись, которую можно читать зморили.

1110

В подлиннике и҆пⷷрќрѝл̀ (пероварили = загнали?).

1114

В подлиннике митрополии. Отсюда текст по Чудовскому списку, как более исправному.

1115

Отсюда текст по Чудовскому списку, как более исправному.

1116

В Сол. тут прибавлено и – сравнительно с греческим текстом правила лишнее.

1117

предать Сол.

1118

иному нет в Сол.

1119

В греческом подлиннике (толкования Зонары): εί μὴ τὰ ἐκ διαδοχῆς συγγενῶν περιελθόντα.

1120

в Карфагени Сол.

1121

самую Сол.

1122

Сол. оставляющих – неправильно.

1123

И – из Сол.

1124

вскладают Сол.

1125

тожде Сол.

1126

В Сол. вдовицею – ошибочно.

1127

В Чуд. преумножныя – неправильно.

1128

глаголех Сол.

1129

Приводятся анафематствования, которыми оканчивается известный «Том соединения», патриарха Николая Мистика (920 г.). См. Σύνταγμα τῶν κανόνων, V, 10. Срав. Печ. Корм. гл. 70, л. 220 об.

1130

Разумеется Митяй.

1131

А в Солов.

1132

Приводится сокращенный (аристиновский) текст 34 апост. правила, но в переводе, отличном от напечатанного в Кормчей.

1133

будут Чуд.

1134

сведомо Сол.

1135

Слова: «не вышло… до ставления» в Чуд. Списке написаныв виде семи акростихов (отвесно), с сокращениями и разнообразными надстрочными знаками.

1136

Здесь оканчивается текст в Чудов. списке, если не считать следующей приписки писца, сделанной в виде креста и отчасти по-тарабарски: «Слава тебе, Архангел Господень. Зьри. А писал Михаил диак».

1137

В подлиннике: от невидящих.

1138

В подлиннике: волынской.

1139

опричная?

1140

отпала причаст. форма вм. отпалая.

1141

Имя это в подлиннике написано по-тарабарски.

1142

В подлиннике сласти.

1143

В подлиннике место.

1144

Т.е. от такого намерения.

1145

надеюся?

1146

В подлиннике: не казнили.

1147

Разумеется не первовторой, или двукратный собор, а позднейший, бывший в 873 г. в храме Св. Софии.

1148

В подлиннике: в единою.

1149

Т.е. совет; в подлин. свет.

1150

В подлин. тайнописью.

1151

Т.е. я здесь изрек отлучение, и потому должен удалиться отсюда.

1152

В подлиннике: Царюгоруду.

1153

Фрязы = франки = генуезская монета.

1154

В подлиннике: писано.


Источник: Памятники древнерусского канонического права / [Ред. А.С. Павлов]. - 2-е изд. - Санкт-Петербург : Тип. М.А. Александрова, 1908. / Ч. 1. (Памятники XI-XV в.). - 1908. - 1466 с. и стб. разд. паг. (Русская историческая библиотека, изданная Императорской Археографической комиссией Т. 6).

Комментарии для сайта Cackle