Иван Георгиевич Айвазов

Песнопения на двунадесятые праздники

Рождество Пресвятой Богородицы

Стихиры на Господи воззвах, гл. 6. Днесь иже на разумных престолех почиваяй Бог, | престол свят на земли Себе предуготова, утвердивый мудростию небеса, | небо одушевленное человеколюбием содела: | от неплоднаго бо корене | сад живоносен израсти нам Матерь Свою, | Иже чудес Бог, и ненадеюшихся надежда, | Господи, слава Тебе.

Днесь неплодная врата отверзаются, | и дверь девическая Божественная предгрядет. | Днесь плод раждати благодать начинает, | являющи миру Божию Матерь; | Ею же земная с небесными совокупляются, | во спасение душ наших.

Слава, и ныне. гл. 6. Днесь иже на разумных... (См. 1-ю стихиру).

Стихира на литии, гл. 8. В благознаменитый день праздника нашего, | вострубим духовною цевницею: | яже бо от семене Давидова днесь раждается Мати живота, | тьму разрешающи, | Адамово обновление, и Евино воззвание, | и нетления источник, тли пременение: | Ея же ради мы обожихомся, | и от смерти избавлени быхом, | и возопиим Той с Гавриилом, вернии: | радуйся Благодатная, Господь с Тобою, | Тебе ради даруя нам велию милость!

Стихира на стиховне, гл. 4. Ангеловым проречением, | плод пречист от Иоакима и Анны праведников | днесь произыде Дева, | небо и престол Божий и приятелище чистоты, | радость провозвещающи всему миру, | живота нашего Ходатаица, | клятвы отнятие, благословения подание. | Тем в рождестве Твоем. Дево Богозванная, | миру мир испроси, | и душам нашим велию милость.

Тропарь, гл. 4. Рождество Твое Богородице Дево, | радость возвести всей вселенней; | из Тебе бо возсия Солнце правды – Христос Бог наш, | и разрушив клятву, даде благословение, | и упразднив смерть, дарова нам живот вечный.

Величание. Величаем Тя, | Пресвятая Дево, | и чтем святых Твоих родителей, | и всеславное славим рождество Твое.

Стихира по 50-м псалме, гл. 6. Сей день Господень, радуйтеся людие: | се бо света чертог, | и книга Слова животнаго из утробы произыде, | и яже к востоком дверь рождшися, | ожидает входа Святителя великаго, | Едина и Единаго вводящи Христа во вселенную, | во спасение душ наших.

Ирмосы канонов

Ирмосы перваго канона, гл. 2, песнь 1-я. Грядите людие, | поим песнь Христу Богу, | раздельшему море, и наставльшему люди, | яже изведе из работы Египетския, | яко прославися.

–      Втораго канона, гл. 8, песнь 1-я. Сокрушившему брани мышцею Своею, | и проведшему Израиля сквозе Чермное море, | поим Ему, | яко Избавителю нашему Богу: | яко прославися.

–      3. Утверди нас в Тебе, Господи, | древом умерщвлей грех, | и страх Твой всади | в сердца нас поющих Тя.

–      Утвердися сердце мое во Господе, | вознесеся рог мой в Бозе моем, | разширишася на враги моя уста моя, | возвееслихся о спасении Твоем.

–      4. Услышах, Господи, | слух Твоего смотрения, | и прославих Тя, | Едине Человеколюбче.

–      Пророк Аввакум, умныма очима, | провиде, Господи, пришествие Твое, | тем и вопияще: | от юга приидет Бог; | слава силе Твоей, | слава снизхождению Твоему.

–      5. Сеннописанный мрак гаданий разорив, | и верных прибытием истины, | Богоотроковицею озарив сердца, | и нас светом Твоим, Христе, настави.

–      Господи Боже наш, | мир даждь нам, | Господи Боже наш, | стяжи ны, Господи, | разве Тебе иного не вемы, | имя Твое именуем.

–      6. Ко Господу от кита Иона возопи: | Ты мя возведи из глубины ада, молюся, | да яко Избавителю во гласе хваления, | истины же духом пожру Тебе.

–      Яко воды морския, Человеколюбче, | волнами житейскими обуреваюся; | тем же яко Иона, тако вопию Ти: | возведи от тли живот мой, | благоутробне Господи.

Кондак, гл, 4. Иоаким и Анна поношения безчадства, | и Адам и Ева от тли смертныя свободистася, | Пречистая, во святем рождестве Твоем. | То празднуют и людие Твои, | вины прегрешений избавльшеся, | внегда звати Ти: | неплоды раждает Богородицу, | и питательницу жизни нашея.

–      7. Купина в горе огнеопальная, | и росоносная пещь халдейская, | яве предписа Тя, Богоневесто, | Божественный бо невещественный в вещественнем чреве, | огнь неопально прияла еси. | Тем же из Тебе Рождшемуся поем: | благословен еси, Боже отец наших.

–      Халдейская пещь огнем распалаемая, | орошашеся Духом, | Божиим предстоянием; | отроцы пояху: | благословен еси, Боже отец наших.

–      8. В пещи отрочестей | прообразил еси иногда Твою Матерь, Господи, | образ же сия из огня изимаше, | неопально входящия. | Юже поем явльшуюся Тобою концом днесь, | и превозносим во вся веки.

–      Покрываяй водами превыспренняя Своя, | полагаяй морю предел песок, | и содержай вся, | Тя поет солнце, Тя славит луна, | Тебе приносит песнь вся тварь, | яко Содетелю всех во веки.

Припев: Величай, душе моя, | преславное рождество Божия Матере.

–      9. Яже прежде солнца, | светильника Бога возсиявшаго, | плотски к нам пришедшаго из боку девичу | неизреченно воплотившая, | благословенная всечистая | Тя, Богородице, величаем.

–      Величай, душе моя, | от неплодове рождшуюся . Деву Марию.

–      Чужде матерем девство, | и странно девам деторождение: | на Тебе, Богородице, | обоя устроишася. | Тем Тя вся племена земная непрестанно величаем.

Стихира иа хвалитех, гл. 1. О дивнаго чудссе! | Источник жизни от неплодныя раждается; | и благодать плодородити светло начинается. Веселися Иоакиме, | Богородицы быв родитель: несть ин яко же ты, | земнородных родитель, Богоприятне: | Боговместимая бо Отроковица, | Божие селение, Пресвятая гора, | тобою нам даровася.

Прокимен и Причастен, Богородице...

Воздвижение честного и животворящего Креста Господня

Стихиры на Господи воззвах: гл. 6. Крест воздвизаем, | на нем Вознесеннаго страсть пречистую | пети повелевает твари всей: | на том бо убив нас убившаго, | умерщвленныя оживил есть, | и удобри, и на небесех жити сподоби, | яко Милосерд, премножеством благости. | Тем радующеся, вознесем Имя Его, | и Того возвеличим крайнее снизхождение.

Слава, и ныне, гл. 2. Приидите вси язы́цы, | благословенному древу поклонимся, | им же бысть вечная правда. | Праотца бо Адама прельстивый древом, | крестом прельщается, | и падает низвержен падением странным, | мучительством одержавый царское здание: | кровию Божиею яд змиев отмывается, | и клятва разрушися осуждения праведнаго, | неправедным судом Праведнику осуждену бывшу. | Древом бо подобаше древо исцелити, | и страстию Безстрастнаго, | яже на древе, разрешити страсти осужденнаго. | Но слава, Христе Царю, | еже о | нас Твоему мудрому смотрению, | им же спасл еси всех, | яко благ и человеколюбец.

Стихиры на литии, гл. 1. Днесь яко воистинну | святовещанный глагол Давидов конец прият: | се бо яве пречистых ног Твоих покланяемся подножию, | и на сень крилу Твоею надеющеся, | Всещедрый, вопием Ти: | да знаменается на нас свет лица Твоего. | Православных людей Твоих рог вознеси, | честнаго креста Твоего воздвижением, | Христе многомилостиве.

– Ты мой покров державен еси, | Тричастный кресте Христов; | освяти мя силою твоею, | да верою и любовию покланяюся и славлю тя.

Слава, и ныне, гл. 4. Честнаго креста, Христе, | действо преобразив Моисей, | победи противнаго Амалика в пустыни Синайстей: | егда бо простираше руце, | креста образ творя, | укрепляхуся людие. | Ныне же вещей сбытие в нас исполнися: | днесь крест воздвизается, | и демони бегают: | днесь тварь вся от тли свободней; | вся бе креста ради возсияша нам дарования. | Тем же радующеся вси, припадаем Тебе, глаголюще: | яко возвеличишася дела Твоя, Господи, слава Тебе!

Стихиры на стиховне, гл. 5. Радуйся, живоносный Кресте, | благочестия непобедимая победа; | дверь райская, верных утверждение, | церкве ограждение, | им же тля разорися и упразднися, | и попрася смертная держава, | и вознесохомся от земли к небесным. | Оружие непобедимое, | бесов сопротивоборче; | славо мучеников, | преподобных яко воистинну удобрение, | пристанище спасения, | даруяй миру велию милость.

Слава, и ныне, гл. 8. Его же древле Моисей прообразовав собою, | Амалика низложив победи; | и Давид песнопевец, | подножию Твоему, вопия, кланятися повелеваше, | честному Кресту Твоему, Христе Боже, | днесь грешнии, кланяемся. | Устнами недостойными Тя, изволившаго пригвоздитися на нем, | воспеваюше, молимся: | Господи, с разбойником царствия Твоего сподоби нас!

Тропарь, гл. 1. Спаси, Господи, люди Твоя, | и благослови достояние Твое, | победы Благоверному ИМПЕРАТОРУ нашему НИКОЛАЮ АЛЕКСАНДРОВИЧУ | на сопротивныя даруя, | и Твое сохраняя | крестом Твоим жительство.

Величание. Величаем Тя, | Живодавче Христе, | и чтем крест Твой святый, | им же нас спасл еси | от работы вражия.

Прокимен, гл. 4. Видеша вси концы земли | спасенио Бога нашего.

Стихира по 50-м псалме, гл. 6. Кресте Христов, христиан упование, | заблуждших наставниче, | обуреваемых пристанище, | в бранех победа, | вселенныя утверждение, | недужных врачу, мертвых воскресение помилуй нас.

Ирмосы канона, гл. 8, песнь 1-я. Крест начертав Моисей, | впрямо жезлом Чормное пресече, | Израилю пешеходящу, тоже обратно Фараоновым колесницам ударив совокупи, | вопреки написав непобедимое оружие. | Тем Христу поим Богу нашему, яко прославися.

–      3. Жезл во образ тайны приемлется, | прозябением бо предрассуждает священника; | неплодящей же прежде церкви, | ныне процвете древо креста, | в державу и утверждение.

–      4. Услышах Господи, | смотрения Твоего таинство, | разумех дела Твоя. | и прославих Твое Божество.

–      5. О, треблаженное древо, | на нем же распяся Христос, | Царь и Господь, | им же паде древом прельстивый | Тобою прельстився, | Богу пригвоздившуся плотию, | подающему мир душам нашим.

–      6. Воднаго зверя во утробе, длани Иона крестовидно распростер, | спасительную страсть проображаше яве. | Тем тридневен изшед, | премирное воскресение прописашо, | плотию пригвожденнаго Христа Бога, | и тридневным воскресением мир просвещшаго.

Кондак, гл. 4. Вознесыйся на крест волею, | тезоименитому Твоему новому жительству, | щедроты Твоя даруй Христе Боже, | возвесели силою Твоею Благовернаго ИМПЕРАТОРА нашего, НИКОЛАЯ АЛЕКСАНДРОВИЧА, | победы дая ему на супостаты, | пособие имущу Твое, оружие мира, | непобедимую победу.

–      7. Безумное веление | мучителя злочестиваго люди поколеба, | дышущее прещение и злохуление богомерзское: | обаче три отроки не устраши ярость зверская, | ни огнь снедаяй, | но противодышущу росоносному духу, | со огнем сушу пояху: | препетый отцев и нас Боже благословен еси.

–      8. Благословите отроцы, | Троицы равночисленнии, | Содетеля Отца Бога, | пойте снизшедшее Слово, | и огнь в росу претворшее, | и превозносите всем жизнь подавающаго, | Духа Всесвятаго, во веки.

Припев: Величай, душе моя | пречестный крест Господень.

–      9. Таин еси Богородице рай, | невозделанно возрастивший Христа, | Им же крестное, живоносное | на земли насадися древо. | Тем ныне возносиму, | покланяющеся Ему, Тя величаем.

–      Величай, душе моя, | животворящаго креста Господня воздвижение.

–      Снедию древа, | роду пребывшая смерть, | крестом упразднись днесь: | ибо праматерняя всеродная клятва разрушися, | прозябением чистыя Богоматере, | Юже вся силы небесныя величают.

Стихира на хвалитех, гл. 8. О, преславнаго чудесе, | живоносный сад крест пресвятый, | на высоту возносим является днесь: | славословят вси концы земнии, | устрашаются демонския полки. | О, каковый дар земным даровася, | им же Христе спаси души наша, | яко един благоутробен.

Тропарь, гл. 6. Кресту Твоему покланяемся, Владыко, | и святое воскресение Твое славим.

Стихиры на поклонение честному Кресту, гл. 2. Приидите вернии...

–      Гл. 8. Глас пророка Твоего Моисея, Боже, | исполнись глаголяй: | узрите живот ваш висящ пред очесы вашими. | Днесь Крест воздвизается, | и мир от лести свобождается, | днесь Христово воскресение обновляется, | и концы земли радуются, | в кимвалех Давидски песнь Тебе приносяще, и глаголюще: | соделал еси спасение посреде земли Боже, | крест и воскресение, | их же ради нас спасл еси Блаже и Человеколюбче. | Всесильне Господи, слава Тебе.

–      Гл. 8. Днесь Владыка твари...

Слава, и ныне, гл. той-же. Днесь неприкосновенный существом...

На литургии: Антифоны

Прокимен, гл. 7. Возносите Господа Бога...

Причастен. Знаменася на нас свет Лица Твоего, Господи.

Введение во храм Пресвятой Богородицы

Стихиры на Господи воззвах, гл. 1. Днесь, вернии, ликовствуим, | во псалмех и песнех Господеви поюще | и чтуще Того священную сень, | одушевленный кивот – невместимое Слово вместившую; | приводится бо Господеви, | паче естества плотию младенствующи. | И святитель великий Захария | приемлет с веселием Сию, | яко Божие жилище.

– Гл. 4. Во святая святых Святая и Непорочная | Святым Духом вводится, | и святыми Ангелом питается, | сущи святейший храм Святаго Бога нашего, | всяческая освятившаго входом Ея, | и обожившаго естество земных поползшееся.

Слава, и ныне, гл. 8. По рождестве Твоем, Богоневесто Владычице, | пришла еси в храм Господень | воспитатися во святая святых, яко освященна. | Тогда и Гавриил послан бысть к Тебе Всенепорочней, | пищу Тебе принося. | Небесная вся удивишася, | зряще Духа Святаго в Тя всельшася. | Тем же Пречистая и нескверная, | яже на небеси и на земли славима, | Мати Божия, спаси род наш.

Стихира на литии, гл. 4. Днесь Брговместимый храм Богородица, | в храм Господень приводится, | и Захария Сию приемлет; | днесь святая святых радуются, | и лик Ангельский таинственно торжествует | С ними же и мы празднующе днесь, | с Гавриилом возопиим: | радуйся Благодатная, Господь с Тобою, | имеяй велию милость.

Стихира на стиховне, гл. 5. Радуется небо и земля, | небо умное грядущее зряще, | в Божественный дом воспитатися честно, | Деву едину и непорочную, | к Ней же дивяся Захария вопияше: | двере Господня, храма отверзаю Тебе двери, | радующися в нем ликовствуй. | Познах бо и веровах, | яко уже избавление приидет проявлению Израилево, | и родится из Тебе Бог Слово, | даруяй мирови велию милость.

Тропарь, гл. 4. Днесь благоволения Божия предображение, | и человеков спасения проиоведание, | в храме Божии ясно Дева является, | и Христа всем предвозвещает. | Той и мы велегласно возопиим: | радуйся смотрения | Зиждителева исполнение.

Величание. Величаем Тя, Пресвятая Дево, | Богоизбранная Отроковице, | и чтем еже в храм Господень | вхождение Твое.

Прокимен, гл. 4. Слыши Дщи и виждь, | и приклони ухо Твое.

По Евангелии: Слава, и ныне, гл. 2. Днесь храм одушевленный и великаго Царя в храм входит, | Тому уготоватися в Божественное жилище, | людие веселятеся.

Стихира по 50-м псалме, гл. 4. Днесь Боговместимый храм...

Ирмосы перваго канона, гл. 4, песнь 1-я. Отверзу уста моя, | и наполнятся Духа, | и слово отрыгну Царице Матери, | и явлюся светло торжествуя, | и воспою радуяся Тоя вхождение.

– Втораго канона, гл. 1, песнь 1-я. Песнь победною поим вси Богу, | сотворшему дивная чудеса | мышцею высокою, и спасшему Израиля, | яко прославися.

–      3. Твоя песнословцы Богородице, | живый и независтный источниче, | лик себе совокупльшия духовно утверди, | в честнем вхождении Твоем, | венцев славы сподоби.

–      Да утвердится сердце мое в воли Твоей Христе Боже, | Иже над водами небо утверждей второе, | и основавый на водах землю Всесильне.

–      4. Неизследный Божий совет, | еже от Девы воплощения Тебе Вышняго, | пророк Аввакум, усмотряя зовяше: | слава силе Твоей, Господи!

–      Духом провидя, | пророче Аввакуме, | Словесе воплощение, | проповедал еси, вопия: | внегда приближитися летом, познаешися; | внегда прийти времени покажешися. | Слава силе Твоей, Господи.

–      5. Ужасошася всяческая | в честнем вхождении Твоем; | Ты бо неискусобрачная Дево, | внутрь вошла еси в храм Божий, | яко же чистейший храм, | всем воспевающим Тя | мир подававшая.

–      Светлый нам возсияй свет присносущиый, | утренюющим о судьбах заповедей Твоих, | Владыко Человеколюбче, Христе Боже наш.

–      6. Божественное сие и всечестное | совершаюше празднество, | богомудрии, Богоматере, | приидите руками восплещим, | от Нея рождшагося Бога славим.

–      Пророка Иону подражая, вопию: | живот мой, Блаже, свободи из тли, | и спаси мя, Спасе мира, | зовуща: слава Тебе.

Кондак, гл. 4. Пречистый храм Спасов, | многоценный чертог и Дева, | священное сокровище славы Божия, днесь вводится в дом Господень, | благодать совводящи, | яже в Дусе Божественном, | Юже воспевают Ангели Божии: | Сия есть селение небесное.

–      7. Не послужиша твари | богомудрии паче Создавшаго, | но, огненное прощение мужески исправше, | радовахуся поюще: | препетый отцов Господь и Бог благословен еси!

–      Пещь, Спасе, орошашеся, | отроцы же, ликующе, пояху: | отцев Боже благословен еси.

–      8. Слыши. Отроковице Дево чистая, | да речет убо Гавриил совет Вышняго древний истинный: | буди к приятию готова Божию, | Тобою бо Невместимый с человеки поживе. | Тем и радуяся вопию: | благословите вся дела Господня Господа.

–      Его же ужасаются Ангели и вся воинства, | яко Творца и Господа, | пойте священницы, прославите отроцы, | благословите, людие, | и превозносите во вся веки.

Припев: Ангели вхождение Пречистыя, | зряще удивишася: | како Дева вниде | во святая святых.

–      9. Яко одушевленному Божию кивоту, | да никако же коснется рука скверных; | устне же верных, Богородице немолчно | глас Ангела воспевающе, | с радостию да вопиют: | истинно вышний всех еси, Дево чистая!

Величай, душе моя, | честнейшую и славнейшую горних воинств, | Деву пречистую, | Богородицу.

Светоносный облак, в он же всех Владыка, | яко дождь с небесе на руно сниде | и воплотися нас ради, | быв человек, Безначальный, | – величаем вси яко Матерь Бога нашего чистую.

Стихира на хвалитех, гл. 1. Свещеносицы девы Приснодеву светло провождающе, | пророчествуют истннио Духом будущее: | храм бо Божий Богородица сущи, | в храм со славою девственною, | младенствующи, вводится.

Прокимен (Величит дупта Моя...) и Причастен (Чашу спасения...)

Рождество Христово

Стихиры на Господи воззвах, гл. 2. Приидите возрадуемся Господеви, | настоящую тайну сказующе: | средостение градежа разрушися, | пламенное оружие плещи дает, | и Херувим отступает от древа жизни, | и аз райския пищи причащаюся, | от него же произгнан бых преслушания ради. | Неизменный бо Образ Отеч, | Образ присносущия Его, | зрак раба приемлет, | от неискусобрачныя Матере прошед, | не преложение претерпев; | еже бо бе, пребысть, Бог Сый истинен; | и еже не бе прият, | человек быв человеколюбия ради. | Тому возопим: | рождейся от Девы, Боже, помилуй нас.

– Царство Твое, Христе Боже, царство всех веков, | и владычество Твое во всяком роде и роде, | воплотивыйся от Духа Святаго, и от Приснодевы Марии вочеловечивыйея, | свет нам возсия Христе Боже Твое пришествие, | свет от света, Отчее сияние, | всю тварь просветил еси. | Всякое дыхание хвалит Тя, | Образ славы Отчия: | сый и прежде сый, | и возсиявый от Девы Боже, помилуй нас.

Слава, и ныне, гл. той-же. Августу единоначальствующу на земли, | многоначалие человеков ареста; | и Тебе вочеловечшуся от Чистыя, | многобожие идолов упразднися. | Под единем царством мирским гради быша, | и во едино владычество Божества язы́цы вероваша. | Написашася людие повелением кесаревым; | написахомся вернии именем Божества, | Тебе вочеловечшагося Бога нашего. | Велия Твоя милость, Господи, слава Тебе!

Стихиры на литии. Слава, гл. 5. Волеви Персидстии царие, | познавше яве на земли рождшагося Царя небеснаго, | от светлыя звезды водими, | достигоша в Вифлеем, | дары посяще избранныя, | злато, и Ливан, и смирну, | и падши поклонишася; | видеша бо в вертепе Младенца лежаща безлетнаго.

И ныне, гл. 6. Ликуют Ангели вси на небеси, | и радуются чело веды днесь: | играет же вся тварь | рождшагося ради в Вифлееме Спаса Господа; | яко всякая лесть идольская проста, | и царствует Христос во веки.

Стихиры на стиховне, гл. 2. Велие и преславное чудо совершися днесь: | Дева раждает и утроба не истлевает: | Слово воплощается, и Отца не отлучается. | Ангели с пастырьми славят, | и мы с ними вопием: | слава в вышних Богу, и на земли мир.

Слава, и ныне, гл. 4. В вертеп вселился еси, Христе Боже, | ясли Тя восприяша, | пастырие же и волсви поклонишася. | Тогда убо пророческая исполнися проповедь, | и Ангельския силы дивляхуся, вопиюще и глаголюще: | слава схождению Твоему, едине Человеколюбче.

Тропарь, гл. 4. Рождество Твое, | Христе Боже наш, | возсия мирови свет разума; | в нем бе звездам служащий, | звездою учахуся, | Тебе кланятися Солнцу правды, | и Тебе ведети с высоты востока. | Господи, слава Тебе!

Величание. Величаем Тя, | Живодавче Христе, | нас ради ныне плотию рождшагося | от Безневестныя | и Пречистыя Девы Марии.

Прокимен, гл. 4. Из чрева прежде денницы родих Тя, | клятся Господь и не раскается.

По Евангелии, гл. 2. Слава. Всяческая днесь радости исполняются, | Христос родися от Девы.

И ныне. Всяческая днесь радости исполняются, | Христос родися в Вифлееме.

Стихира по 50-м псалме, гл. 6. Слава в вышних Богу, | и на земли мир, | днесь восприемлет Вифлеем | Седящаго присно со Отцем, | днесь Ангели Младенца рожденнаго боголепно славословят: | слава в вышних Богу, | и на земли мир, | в человецех благоволение.

Ирмосы канонов

Ирмосы перваго канона, гл. 1, песнь 1-я. Христос раждается, славите. | Христос с небес, срящите. | Христос на земли, возноситеся. | Пойте Господеви вся земля, | и веселием воспойте людие, | яко прославися.

– Втораго канона, гл. 1, песнь 1-я. Спасе люди чудодействуяй Владыка, | мокрую моря волну оземленив древле: | волею же рождься от Девы, | стезю проходну небесе полагает нам, | Его же по существу, | равна же Отцу и человеком славим.

–      3. Прежде век | от Отца рожденному нетленно Сыну, | и в последняя от Девы | воплощенному бессеменно | Христу Богу возопиим: | вознесый рог наш, | Свят еси, Господи.

–      Призри на пения рабов, Благодетелю, | врага смиряя вознесенную гордыню: | носяй же, Всевидче, греха превыше непоколеблемо, | утвержденныя, Блаже, певцы, | основанием веры.

–      4. Жезл из корене Иессеова, | и цвет от него, Христе, | от Девы прозябл еси, | из горы хвальный | приосененныя чащи, | пришел еси воплощься | от Неискусомужныя Невещественный и Боже, | слава силе Твоей, Господи!

–      Рода человеча обновление, | древле поя пророк Аввакум предвозвещает, | видети неизреченно сподобився образ: | младый Младенец бо из горы Девы изыде, | людей во обновление Слово.

–      5. Бог Сый мира, Отец щедрот, | великаго совета Твоего Ангела, | мир подавающа послал еси нам: | тем богоразумия к свету наставльшеся, | от нощи утренююще, | славословим Тя, Человеколюбче.

–      Из нощи дел омраченныя прелести, | очищение нам, Христе, | бодренно ныне совершающим песнь, яко благодетелю, | прииди, подаваяй удобну стезю, | по ней же востекающе, обрящем славу.

–      6. Из утробы Иону | младенца изблева морский зверь, | якова прият: | в Деву же всельшееся Слово, | и плоть приемшее, пройде сохраншее нетленну. | Его же бо не пострада истления, | Рождшую сохрани неврежденну.

–      Обитая Иона в преисподних морских, | приити моляшеся и бурю утолити: | унзен же аз мучащаго стрелою, | Христу воспеваю, зол губителю, | скоро прийти Тебе к моея лености.

Кондак, гл. 3. Дева днесь Пресущественнаго раждает, | и земля вертеп Неприступному приносит; | Ангели с пастырьми славословят, | волсви же со звездою путешествуют: | нас бо ради родися Отроча младо, превечный Бог.

–      7. Отроцы благочестию совоспитани, | злочестиваго веления небрегше, | огненнаго прещения не убояшася, | но, посреди пламена стояще, пояху: | отцев Боже, | благословен еси!

–      Всецаря любовию уловленнии отроцы, | укориша безчисленно ярящася мучителя злобожное языковредие: | им же повинуся огнь многий Владыце глаголющим: | во веки благословен еси.

–      8. Чуда преестественнаго | росодательная изобрази пещь образ: | не бо яже прият налит юныя, | яко ниже огнь Божества Девы, | в нюже вниде утробу. | Тем воспевающе воспоем: | да благословит тварь вся Господа, | и превозносит во вся веки.

–      Утробу неопально образуют Отроковицы, | иже в ветсем опаляемии юноши, | преестественно раждающую, запечатленну; | обоя же содевающи чудодейство едино, | люди к пению возставляет благодать.

Припев: Величай, душе моя, | честнейшую и славнейшую горних воинств, | Деву Пречистую, Богородицу.

–      9. Таинство странное вижу и преславное: | небо, вертеп; | престол Херувимский, Деву: | ясли, вместилище, | в них же возлеже невместимый Христос Бог, | Его же воспевающе величаем.

–      Днесь Дева раждает Владыку, | внутрь вертепа.

–      Любити убо нам, | яко безбедное страхом удобее молчание, | любовию же, Дево, | песни ткати спротяженно сложенныя, | неудобно есть: | но и Мати силу, | елико есть произволение, даждь.

Стихира на хвалитех, гл. 2. Днесь Христос в Вифлееме раждается от Девы: | днесь Безначальный начинается, | и Слово воплощается; | силы небесныя радуются, | и земля с человеки веселится; | волсви Владыце дары приносят; | пастырие Рожденному дивятся. | Мы же непрестанно вопием: | слава в вышних Богу, и на земли мир, | в человецех благоволение.

На литургии: Антифоны.

Прокимен, гл. 8. Вся земля да поклонится Тебе, и поет Тебе, да поет же имени Твоему, Вышний.

Причастен. Избавление посла Господь людем своим.

Крещение Господне

Стихиры на Господи воззвах, гл. 2. Просветителя нашего, | просвещающаго всякаго человека, | видев Предтеча креститися пришедша, | радуется душею, и трепешет, | рукою показует Его, и глаголет людем: | Сей избавляяй Израиля, | свобождаяй нас от истления. | О безгрешный Христе Боже наш, слава Тебе.

–      Спасти хотя заблуждшаго человека, | не несподобился еси в рабий зрак облещися, | подобаше бо Тебе Владыце и Богу восприяти наша за ны; | Тебе бо крещшуся плотию Избавителю, | оставления сподобил еси нас, | тем же вопием Ти: | Христе Боже наш, слава Тебе.

Слава, и ныне, гл. той-же. Приклонил еси главу Предтечи, | сокрушил еси главы змиев; | пришед в струи, просветил еси всяческая, | еже славити Тя, Спасе, | Просветителя душ наших.

Стихиры на водоосвящении, гл. 8. Глас Господень на водах вопиет, глаголя: | приидите, приимите вси | Духа премудрости, Духа разума, | Духа страха Божия, | явльшагося Христа.

–      Днесь вод освящается естество, | и разделяется Иордан, | и своих вод возвращает струи, | Владыку зря крещаема.

–      Яко человек на реку пришел еси, Христе Царю, | и рабское крещение прияти тщишися, Блаже, | от Предтечеву руку, | грех ради наших, Человеколюбче.

Слава, и ныне, гл. 8. Ко гласу вопиющаго в пустыни: | уготовайте путь Господень, | – пришел еси Господи, | зрак рабий приим, | крещения прося, не ведый греха; | видеша Тя воды и убояшася. | Трепетен бысть Предтеча, и возопи глаголя: | како просветит светильник Света? | како руку положит раб на Владыку? | Освяти мене и воды, Спасе, | взомляй мира грех.

Стихира на литии, гл. 8. Днесь тварь просвещается, | днесь всяческая веселятся, | небесная вкупе и земная, | Ангели и человецы смешаются: | идеже бо Царево пришествие, и чин приходит. | Тецем убо на Иордан, | и видим вси Иоанна, | како крещает верх нерукотворенный; | тем же Апостольский глас припевающе, согласно возопиим: | явися благодать Божия, | спасительная всем человеком, | озаряющи и подающи верным велию милость.

Стихиры на стиховне, гл. 2. На Иорданстей реце, | видев Тя Иоанн к себе грядуща, глаголаше: | Христе Боже, что к рабу пришел еси, скверны не имый Господи? | Во имя же чие Тя крещу? | Отца? но Того носиши в Себе. | Сына? но Сам еси воплотивыйся. | Духа Святаго? и Сего веси даяти верным усты; | явлейся Боже, помилуй нас.

Слава, и ныне, гл. 6. Еже от Девы Солнце, | видя иже от неплодове светильник светлый, | во Иордане просяща крещения, | ужасом и радостию вопияшо к Нему: | Ты мя освяти, Владыко, | Божественным явлением Твоим.

Тропарь, гл. 1. Во Иордане крещающуся Тебе Господи, | Тройческое явися поклонение: | Родителев бо глас свидетельствовавшо Тебе, | возлюбленнаго Тя Сына именуя; | и Дух в виде голубине, | извествоваше словесе утверждение; | явлейся Христе Боже, | и мир просвещей, слава Тебе.

Величание. Величаем Тя, | Живодавче Христе, | нас ради ныне плотию крестившагося | от Иоанна | в водах Иорданских.

Прокимен, гл. 4. Море виде и побеже, | Иордан возвратися вспять.

По Евангелии. Слава, и ныне, гл. 2. Всяческая днесь да возрадуются, | Христу явльшуся во Иордане.

Стихира по 50-м псалме, гл. 2. Бог Слово явися плотию роду человеческому, | стояние креститися во Иордане, | и глаголашс к Нему Предтеча: | како простру руку, | и прикоснуся верху Держащаго всяческая? | Аще и от Марии еси Младенец, | но вем Тя Бога превечнаго; | по земли ходиши певаемый от Серафим, | и раб Владыку крещати не научихся. | Непостижимо Господи, слава Тебе!

Ирмосы канонов

Ирмосы перваго канона, гл. 2, песнь 1-я. Глубины открыл есть дно, | и сушею Своя влечет, | в ней покрыв противныя, | крепкий во бранех Господь, | яко прославися.

–      Второго канона, гл. 2, песнь 1-я. Шествует морскую волнящуюся бурю, | сушу абие Израиль явльшуюся; | Чермный же понт тристаты Египетския покры купно, | водостланен гроб, | силою крепкою десницы Владычни.

–      3. Крепость даяй царем вашим Господь, и рог помазанных Своих возносив, | от Девы раздается, | грядет же ко крещению. | Тому, вернии, возопиим: | несть свят, яко Бог наш.

–      Елицы древних изрешихомся сетей, | брашен львов сотренных членовными, | радуимся и разширим уста, | слово плетуще от словес сладкопения, | им же к нам наслаждаетея дарований.

–      4. Услышах. Господи глас Твой, его же рекл еси: | глас вопиющаго в пустыни; яко возгремел еси над водами многими, | Твоему свидетельствуяй Сыну, | весь быв сошедшаго Духа, возопи: | Ты еси Христос, Божия мудрость и сила!

–      Огнем очищься тайнаго зрения, | поя пророк человеков новодейство, | возглашает глас, Духом плещущь, | воплощение являющь неизреченна Слова, | Им же сильных державы сотрошася.

–      5. Иисус живота Начальник, | разрешиси осуждение грядет Адама первозданнаго, | очищений же, яко Бог, не требуя, | падшаго очищает во Иордане; | в нем же вражду убив, | преимущ всяк ум мир дарует.

–      Врага темнаго и оскверненнаго яда, | очищением Духа измовени, | к новой пристахом неблазненной стези, | вводящей в неприступную радость, единем приступну, | имже Бог примирися.

–      6. Глас Словесе, светильник Света, | денница Солнца, Предтеча, | в пустыни «покайтеся» всем вопиет людем, | и предочиститеся: | се бо предстоит Христос, | от тли мир избавляяй.

–      Вожделеннаго явствова со всеблаженным гласом Отец, | Его же из чрева отрыгну: | ей, глаголет, Сей соестествен Сын сый светозарен, | произниче из человека рода; | Слово же Мое живо и человек промышлением.

Кондак, гл. 4. Явился еси днесь вселенней, | и свет Твой, Господи, знаменася на нас, | в разуме поющих Тя: | пришел еси, и явился еси, | Свет неприступный.

–      7. Юноши благочестивыя, в пещи огненней приобщившияся, | шумящ дух росный невредимы сохрани, | и Божия Ангела снизхождение; | тем же в пламени орошаеми, благодарственно воспеваху: | препетый отцев Господи и Боже, благословен еси.

–      Опали струею змиевы главы, | пещный высокий пламень, | юноши носящ благочестивыя, | утишивый неудободержимую мглу из греха, | всю же омывает росою Духа.

–      8. Тайну преславную Вавилонская показа пешь, | источившая росу, яко струями имяше невещественный огнь восприяти Иордан, | и объяти плотию крещаема Зиждителя: | Его же благословят людие, | и превозносят во вся веки.

–      Свободна убо тварь познавается, | и сынове света прежде омраченнии, един станет тьмы предстатель. | Ныне да благословит усердно Виновнаго, | прежде окаянное языков всенаследие.

Припев. Величай, душе моя, | Честнейшую горних воинств, | Деву пречистую, Богородицу.

–      9. Недоумест всяк язык благохвалити по достоянию, | изумевает же ум и премирный пети Тя, Богородице: | обаче благая сущи, веру приими, | ибо любовь веси божественную нашу: | Ты бо христиан еси предстательница, Тя величаем.

–      Днесь Владыка преклоняет выю | под руку Предтечеву.

–      О паче ума рождества Твоего чудес, | Невесто всечистая, Мати благословенная. | Ею же получивше всесовершенное спасание, | достойно хвалим, яко благодетеля, | дар носяще песнь благодарения.

Стихира на хвалитех, гл. 6. Водами Иорданскими одеялся сси, Спасе, | одеяйся светом яко ризою | и приклонил еси главу Предтечи, | иже небо измеривый пядию, | да обратиши мир от лести, | и спасении яко Человеколюбец.

На литургии: Антифоны.

Прокимен, гл. 4. Благословен грядый во имя Господне, Бог Господь и явися нам.

Причастен. Явися благодать Божия спасительная всем человеком.

Сретение Господне

Стихиры на Господи воззвах, гл. 1. Глаголи, Симеоно, | Кого нося на руку в церкви радуешися? | Кому зовеши и вопиеши: | ныне свободихся, видех бо Спаса моего? | Сей есть от Девы рождейся; | Сей есть от Бога Бог Слово, | воплотивыйея нас ради, и спасый человека. | Тому поклонимся.

Слава, и ныне, гл. 6. Да отверзется дверь небесная днесь: | безначальное бо Слово Отчее, | начало приим под леты, | не отступль Своего Божества, | и Девы яко Младенец четыредесятодневен, | Материю вольне приносятся в церковь законную: | и Сего на руки приемлет старец, | отпусти, зовый, раба, Владыко: | ибо очи мои видеста спасение Твое: | пришедый в мир спасти род человечь, | Господи, слава Тебе.

Стихира на литии, гл. 5. Ветхий деньми младенствовав плотию, | Материю Девою в церковь приносится, | Своего закона исполняя обещание, | Его же Симеон приим глаголаше: | ныне отпущаеши с миром, | по глаголу Твоему, раба Твоего: | видевша бо очи мои спасение Твое, Святым.

Стихира на стиховне, гл. 8. Иже на херувимех носимый, | и певаемый от серафим, | днесь в Божественное святилище по закону приносим, | на старческих яко на престоле седит на руках; | и от Иосифа приемлет дары Боголепно, | яко супруг горличишь, нескверную Церковь | и от язык новоизбранныя люди; | голубина же два птенца, | яко начальник ветхаго же и новаго. | Еже к Нему обещания Симеон конец прием, | благословя Деву Марию Богородицу, | страстей образы иже из Нея провозгласи, | и от Него проплате отпущения, вопия: – ныне отпусти мя, Владыко, | яко же прежде возвести ми; | яко видех Тя первовечнаго Света, | и Спаса Господа Христоименитым людем.

Тропарь, гл. 1. Радуйся, Благодатная Богородице Дево, | из Тебе бо возсия Солнце правды Христос Бог наш, | просвещаяй сущия во тьме; | веселися и ты, старче праведный, | приемый во объятия Свободителя душ наших, | дарующаго нам воскресение.

Величание. Величаем Тя, | Живодавче Христе, | и чтем Пречистую Матерь Твою, | Ею же по закону ныне | принеслся еси в храм Господень.

Прокимен, гл. 4. Помяну Имя Твое | во всяком роде и роде.

Стихира по 50-м псалме, гл. 6. Да отверзется дверь...

Ирмосы канона, гл. 3, песнь 1-я. Сушу глубородительную землю | солнце нашествова иногда, | яко стена бо огусте обаполы вода, | людем пешемореходящим, | и богоугодно поющим: | поим Господеви, | славно бо прославися.

–      3. Утверждение на Тя надеющихся, | утверди, Господи. Церковь, | юже стяжал еси | честною Твоею кровию.

–      4. Покрыла есть небеса добродетель Твоя, Христе, | из кивота, бо прошел, | святыни Твоея петленныя Матере, | в храме славы Твоея явился еси, | яко Младенец руконосим: | и исполнишася вся | Твоего хваления.

–      5. Яко виде Исаиа | образно на престоле превознесена Бога, | от Ангел славы дориносима, | о, окаянный, вопияше аз: | провидех бо воплощаема Бога, | света невечерня, | и миром владычествующа.

– 6. Возопи к Тебе. | видев старец очима спасение, | еже людем прииде от Бога: | Христе, | Ты Бог мой.

Кондак, гл. 1. Утробу Девичу освятивый рождеством Твоим, | и руце Симеоне благословвенный, | яко же подобаше, предварив, | и ныне спасл еси нас, Христе Боже; | но умири во бранех жительство, | и укрепи ИМПЕРАТОРА, его же возлюбил еси. | Едине Человеколюбче.

– 7. Тебе во огни оросившаго | отроки богословившия, | и в Деву нетленну всельшагося, | Бога–Слова поим, | благочестию поюще: | благословен Бог отец наших.

–      8. Нестерпимому огню, соединившеся | богочестия предстояще юноши, | пламенем же невреждени, | божественную песнь пояху: | благословите вся дела Господня Господа, | и превозносите во вся веки.

Припевы: Богородице Дево, | упование Христианом, | покрый, соблюди и спаси | на Тя уповающих.

–      Богородице Дево, | миру благая Помощнице, покрый и соблюди | от всякия нужды и печали.

–      Богоносе Симеоне, | прииди, подыми Христа, | Его же роди Дева чистая, Мария.

–      9. В законе сени и писаний | образ видим вернии: | всяк мужеский пол, ложесна разверзая, | свят Богу. | Тем перворожденное Слово | Отца безначальна, | Сына первородящася Материю | неискусомужно, величаем.

Стихира на хвалитех, гл. 4. Закон иже в писании исполняя Человеколюбец, | в церковь ныне приносится, | и Сего приемлет старыми руками Симеон старец, | ныне отпущаеши мя, вопия, | ко оному блаженству: | видех бо Тя днесь плотию мертвенною обложеннаго, | животом господствующа, и смертию владычествующа.

Прокимен и причастен Богородице.

Благовещение Пресвятой Богородицы

Стихира на Господи воззвах, гл. 6. Совет превечный | открывая Тебе, Отроковице, | Гавриил предела, Тебе лобзая и вещая: | радуйся, земле ненасеянная; | радуйся, купино неопалимая; | радуйся, глубино неудобозримая; радуйся, мосте к небесем преводяй, | и лествице высокая, юже Иаков виде; | радуйся, Божественная стамно манны; | радуйся, разрешение клятвы; | радуйся, Адамово воззвание, | с Тобою Господь!

– Являешься Мне яко человек, | глаголет нетленная Отроковица ко Архистратигу, | и како вещавши глаголы паче человека? | Со Мною бо рекл еси Богу быти, | и вселитися во утробу Мою. | И како буду, глаголи Ми, вместилище пространное, | и место священия, Херувимы Превосходящаго? | Да не прельстиши Мене лестию; | не бо познах сласти, | браку есм непричастна; | како убо Отроча рожду?

– Бог идеже хощет, | побеждается естества чин, | глаголет бесплотный, | и яже паче человека содеваются, | моим веруй истинным глаголам, | Всесвятая Пренепорочная. | Она же возопи: | буди Мне ныне по глаголу твоему, | и рожду Безплотнаго, | плоть от Мене заимствовавшаго, | яко да возведет человека, | яко Един силен, | в первое достояние, с растворением.

Слава, и ныне, гл. той-же. Послан бысть с небесе Гавриил Архангел, | благовестити Деве зачатие, | и пришед в Назарет, | помышляше в себе, чудеса удивлялся: | о како в Вышних непостижим Сый от Девы раждается! | Имеяй престол небо, и подножие землю, | во утробу вмешается Девичу; | на Него же шестокрилатии и многоочитии зрети не могут, | словом единым от Сея воплотитися благоизволя; | Божие есть Слово настоящее! | Что убо стою, и не глаголю Деве: | радуйся, Благодатная, Господь с Тобою; | радуйся, чистая Дево, | радуйся, невесто неневестная; | радуйся, Мати Живота; | благословен плод чрева Твоего!

Стихира на литии, гл. 2. Благовествует Гавриил Благодатней днесь: | радуйся, неневестная Мати и неискусобрачная. | Не удивляйся странному моему зраку, | ни ужасайся, Архангел бо есмь. | Змий прельсти Еву иногда; | ныне же благовествую Тебе радость, | и пребудеши нетленна, | и родиши Господа, Пречистая.

Стихира на стиховне, гл. 4. В шестыя месяц послан бысть Архангел к Деве чистей, | и радоватися Ей прирек, | благовести из Нея Избавителю проити. | Тем же приимши целование, | зачат Тя, Превечнаго Бога, | несказанно благоволившаго вочеловечится, | во спасение душ наших.

Тропарь, гл. 4. Днесь спасения нашего главизна, | и еже от века таинства явление: | Сын Божий, Сын Девы бывает, | и Гавриил благодать благовествует. | Тем же и мы с ним Богородице возопиим: | радуйся, Благодатная, | Господь с Тобою!

Величание. Архангельский глас | вопием Ти, Чистая: | радуйся, Благодатная, | Господь с Тобою!

Прокимен, гл. 4. Благовестите день от дне | спасение Бога нашего.

Стихира по 50-м псалме. Благовествует Гавриил.

Ирмосы канона, гл. 4, песнь 1-я. Отверзу уста моя, | и наполнятся Духа, | и слово отрыгну Царице Матери, | и явлюся светло торжествуя, | и воспою радуяся Тоя чудеса.

–      3. Твоя песнословцы, Богородице, | живый и независтный источниче, лик себе совокупльшия духовно утверди, | в Божественней Твоей славе, | венцев славы сподоби.

–      4. Седяй в славе, | на престоле Божества, | во облаце легце, | прииде Иисус Пребожественный, | нетленною дланию, | и спасе зовущия: | слава, Христе, силе Твоей!

– 5. Ужасошася всяческая | о Божественней славе Твоей; | Ты бо, неискусобрачная Дево, | имела еси во утробе над всеми Бога, | и родила еси бездетнаго Сына, – всем воспевающим Тя | мир подавающая.

–      6. Возопи преобразуя погребение тридневное | пророк Иона, в ките моляся: | от тли избави мя, Иисусе Царю сил!

–      Божественное сие и всечестное | совершающе празднество, | богомудрии, Богоматере, | приидите руками восплещим, | от Нея рождшагося Бога славим.

Кондак, гл. 8. Избранной Воеводе.

–      7. Не послужиша твари богомудрии | паче Создавшаго, | но огненное прошение мужески поправше, | радовахуся поюще: | пропетый отцев Господь и Бог, благословен еси.

–      8. Слыши, Отроковице Дево чистая, | да речет убо Гавриил совет Вышняго древний истинный: | буди к приятию готова Божию; | Тобою бо Невместимый с человеки поживе; | тем и радуйся вопию: | благословите вся дела Господня Господа!

–      Отроки благочестивыя в пещи | рождество Богородичо спасло есть, | тогда убо образуемое, | ныне же действуемое, | вселенную всю воздвигает пети Тебе: | Господа пойте дела, | и превозносите Его во вся веки.

Припев: Благовествуй, земле, радость велию, | хвалите, небеса, Божию славу.

–      9. Яко одушевленному Божию кивоту, | да никакоже коснется рука скверных; | устне же верных, | богородице немолчно, | глас Ангела воспевающе, | с радостию да вопиют: | радуйся, Благодатная, Господь с Тобою!

– Всяк земнородный | да взыграется Духом просвещаем, | да торжествует же безплотных умов естество, | почитающее священное торжество Богоматере, | и да вопиет: | радуйся, всеблаженная, – Богородице, чистая Приснодево!

Стихира на хвалитех, гл. 1. С небесных кругов слетев Гавриил в Назарет, | прииде к Деве Марии вопия Ей: | радуйся, зачнеши Сына, Адама древнейшаго, | Творца веков и Избавителя вопиющих Тебе: | радуйся, Чистая.

Прокимен, гл. 4. Благовестите день...

Причастен: Избра Господь Сиона, | и изволи его в жилище Себе.

Преображение Господне

Стихиры на Господи воззвах, гл. 4. Прежде креста Твоего, Господи, | гора небеси подобяшися, | и облак яко сень протязашеся, | Тебе преобразующуся, | от Отца же свидетельствуему; | тамо бе Петр со Иаковом и Иоанном, | яко хотяху быти с Тобою. | и во время предания Твоего: | да видевше чудеса Твоя, | не устрашатся страданий Твоих, | им же поклонитися нам в мире сподоби, | великия ради Твоея милости.

Слава, и ныне, гл. 6. Преобразуя воскресени Твое, Христе Боже, | тогда поят три Твоя ученики, | Петра Иакова и Иоанна, | на Фавор возшел еси: | Тебе же, Спасе, преобразующуся, | Фаворская гора светом покрывашеся, | ученицы Твои, Слове, повергоша себе долу на земли, | не терпяще зрети невидимаго зрака; | Ангели служаху страхом и трепетом, | небеса убояшася; | земля вострепета, | видяще на земли славы Господа.

Стихира на литии, гл. 2. Иже светом Твоим всю вселенную освятив, | на горе высоце преобразился еси, Блаже, | показав учеником Твоим силу Твою, | яко мир избавляеши от преступления. | Тем же вопием Ти: | милосерде Господи, спаси души наша.

Стихира на стиховне, гл. 6. Петру и Иакову и Иоанну, | лучшим учеником Твоим, Господи, | днесь показал еси на горе Фаворстей | славу Божественнаго Твоего зрака: | видяху бо ризы Твоя обличавшия яко свет, | и лице Твое паче солнца, | не терпяще зрети нестерпимое Твоего сияния, | на землю низпадаху, | никакоже зрети могуще. | Глас же слышаху свидетельствующ свыше: | Сей есть Сын Мой возлюбленный, | пришедый в мир спасти человека.

Тропарь, гл. 7. Преобразился еси на горе, Христе Боже, | показавый учеником Твоим славу Твою, | яко же можаху; | да возсияет и нам грешным | свет Твой присносущный, | молитвами Богородицы, | Светодавче, слава Тебе.

Величание. Величаем Тя, | Живодавче Христе, | и почитаем пречистыя пляоти Твое | преславное преображение.

Прокимен, гл. 4. Фавор и Ермон | о имени Твоем возрадуетася.

По Евангелии. Слава, и ныне, гл. 2. Всяческая днесь радости исполнишася, | Христос преобразися пред ученики.

Стихира по 50-м псалме. Божества Твоего, Спасе, малу зарю обмажив, | совозшедшим с Тобою на гору, | премирныя Твоея славы сотворил еси рачители. | Тем же ужасно зовяху: | добро есть нам зде быти. | С ними же и мы Тебе, | преображшагося Спаса Христа, поем во веки.

Ирмосы канона, гл. 4, песнь 1-я. Лицы Израильтестии, | невлажными стопами | поит Чермный, и влажную глубину прогнавше, | всадники тристаты враги видяще в ней погружены, | с веселием пояху: | поим Богу нашему, | яко прославися.

–      3. Лук сильных изнеможе, | и немощетвующии препоясашася силою: | сего ради утвердися в Господе сердце мое.

–      4. Услышах славное смотрение Твое, Христе Боже, | яко родился еси от Девы, | да от лести избавиши зовущия: слава силе Твоей, Господи!

–      5. От света пресеккий первородный свет, | яко во свете дели поют Тя, Христе, Содетеля: | во свете Твоем пути наша направи.

–      6. Внегда скорбети ми, | возопих ко Господу, | и услыша мя Бог спасения моего.

Кондак, гл. 7. На горе преобразился еси, | и яко же вмещаху ученицы Твоя, | славу Твою, Христе Боже, видеша: | да егда Тя узрят распинаема, | страдание убо уразумеют вольное, | мирови же проповедят, | яко Ты еси воистину Отчее сияние.

–       7. Авраамстии иногда в Вавилоне отроцы | пещный пламень попраша, | песньми взывающе: | отец наших Боже, благословень еси!

– 8. В Вавилоне отроцы, | Божественною распаляеми ревностию, | мучителя и пламене прещение мужески попраша, и посреде огня ввержени, орошаеми пояху: | благословите вси дела Господня Господа.

Припев: Величай, душе моя. | на Фаворе преобразив агося Господа.

– 9. Рождество Твое нетленно явися: | Бог из боку Твоею пройде, | яко плотоносец явися на земли, | и с человеки поживе. | Тя Богородице, тем вси величаем.

Стихира на хвалитех, гл. 4. Прежде честнаго креста Твоего и страдания, | поим их же проразсудил еси, от священных ученик, | на Фаворскую. Владыко, возшел еси гору, | показати восхотев сим славу Твою, | иже и видевше Тя преобразившася, | и паче солнца просиявша, | ницы падше, силе Твоей удивишася, взмваюше: | Ты безлетен свет еси, Христе, и сияние Отчее, | аще и волею плоть явился еси, неизменне.

На литургии: Антифоны.

Прокимен, гл. 4. Яко возвеличишася дела Твоя...

Причастен. Господи, во свете лица Твоего пойдем, | и о Имени Твоем возрадуемся во веки.

Успение Пресвятой Богородицы

Стихиры на Господи воззвах, гл. 1. О дивное чудо! | Источник жизни во гробе полагается, и лествица к небеси гроб бывает; | всселися, Гефсимание, | Богородичен святый доме! | Возопием, вернии, | Гавриила имуще чиноначальника: | Благодатная, радуйся, с Тобою Господь, | подаяй мирови Тобою велию милость.

Слава, и ныне, гл. той-же. Богоначальным мановением, | отвсюду Богоноснии Апостоли облаки высоце взимаеми, | дошедше пречистаго и живоначальнаго Твоего тела, | любезно лобызаху. | Превышния же небесныя силы, с своим Владыкою пришедше, | Богоприятное и пречистое тело предсылающе ужасом одержими: | прекрасно же предъидяху, | и невидимо вопияху превышним чиноначалием: | се Всецарида Богоотроковица прииде, возмите врата и Сию премирно подъимите, | присносушнаго Матерь Света. | Тоя бо ради всеродное человеком спасение бысть: | на Ню же взирати не можем, | и Той достойную честь воздати немощно: | Тоя бо преизящное преходит всяк ум. | Тем же, Пречистая Богородице, | присно с Живоносным Царем, и рождеством живущи, | молися выну сохранити и спасти, | от всякаго прилога противнаго, новыя люди Твоя; | Твое бо предстательство стяжахом, | во веки светоявленно блажаще.

Стихира на литии, гл. 5. Воспойте, людие, Матери Бога нашего, воспойте: | днесь бо всесветлую душу Свою в пречистыя длани, | иже из Нея Воплощшагося без семене предаст: | Его же и молит непрестанно, | даровати вселенней мир, и велию милость.

Стихира на стиховне, гл. 4. Приидите, воспоем, людие, | Пресвятую Деву чистую, | из Нея же неизреченно пройде, воплощься Слово Отчее, | зовуще и глаголю: | благословенна Ты в женах, | блаженное чрево вместившее Христа. | Того святым рукам душу предавши, | молися, Пречистая, спастися душам нашим.

Тропарь, гл. 1. В рождестве девство сохранила еси. | во успении мира не оставила еси, Богородице, | преставилася еси к животу, | Мати сущи Живота: | и молитвами Твоими избавлявши от смерти души наша.

Величание. Величаем Тя, | Пренепорочная | Мати Христа Бога нашего, | и всеславное славим | успение Твое.

Прокимен: Помяну имя Твое...

Стихира по 50-м псалме, гл. 6. Егда преставление пречистаго Твоего тела готовлящеся, | тогда Апостоли, обстояще одр, | с трепетом зряху Тя. | И ови убо взирающе на тело, ужасом одержими бяху, | Петр же со слезами вопияше Ти: | о, Дево, вижду Тя | ясно простерту просту, Живота всех, и удивляюся, | в Ней же вселися будущия жизни наслаждение! | Но о Пречистая, молися прилежно Сыну и Богу Твоему, | спастися стаду Твоему невредиму.

Ирмосы первого канона, гл. 1, песнь 1-я. Преукрашенная божественною славою, | священная и славная, Дево, память Твоя, | вся собра к веселию верныя, | начинающей Мариаме с лики и тимпаны, | Твоему поющия Единородному; | славно яко прославися.

–      3. Содетельная и содержительная всех, | Божия мудросте и сило, | непреклонну, недвижнму Церковь утверди, Христе: | Един бо еси свят во святых почиваяй.

–      4. Речи пророков и гадания, | воплощение проявиша от Девы Твое, Христе; | сияние блистания Твоего, во свет языков изыдет, | и возгласит Тебе бездна с веселием: | силе Твоей слава, Человеколюбче.

–      5. Божию и неизреченную доброту, | добродетелей Твоих, Христе, исповем: | от присносущныя бо славы, | соприсносущное и ипостасное возсиявый сияние, | в девственныя утробы, | сушим во тьме и сени, воплошься, | возсиял еси Солнце.

–      6. Морский пучинородный китов внутренний огнь, | ридневнаго Твоего погребения преображение, | его же она пророк показася, | спасен, бо яко и предпослася, | неврежден вопияше: | пожру Ти со гласом хваления, Господи.

Кондак, гл. 2. В молитвах неусыпающую Богородицу, | и в предстательствах непреложное упование, | гроб и умерщвление не удержаста: | яко же бо Живота Матерь, к животу престави, | во утробу Вселивыйся приснодевственную.

–      7. Безстудней ярости же и огню | Божественное желание сопротивляяся, | огнь убо орошаше, | ярости же смеяшеся, | богодохновенною словесною преподобных тривещанною певницею, | противовещая мусикийским органом посреди пламене: | препрославленный отцов и наш Боже, благословен еси!

– 8. Пламень орошают преподобныя, злочестивыя же попаляющ, | Ангел Божий всемощный, показа отроком, живоначальный же источник содела Богородицу, | тлю смерти, и живот точащу, поющим: | Содетеля Единаго поим, избавленнии, | и превозносим во вся веки.

Припевы: Ангели успение Пречистыя видевше, | удивишася: | како Дева восходит | от земли на небо.

Величай, душе моя, | от земли на небо, | честное преставление Божия Матере.

– 9. Побеждаются естества уставы | в Тебе, Дево чистая: | девствует бо рождество, | и живот предобручает смерть; | по рождестве Дева, | и по смерти жива, | спасаеши присно, | Богородице, наследие Твое.

Стихира на хвалитех. Слава, и ныне, гл. 6. На бессмертное Твое успение, Богородице Мати | Живота, | облацы Апостолы по воздуху восхищаху, | и по миру рассенныя | во едином лице предсташа пресвятому Твоему телу, | еже и погребше честно, | глас Тебе Гавриилов поюще, вопияху: | радуйся благодатная Дево, | Мати безневестная, Господь с Тобй: | С ними же яко Сына Твоего и Бога нашего, | моли спастися душам нашим.

Прокимен и причастен Богородице...



Источник: И.Г. Айвазов. Для клира и народа. – С.-Петербург: Тип. «Колокол», 1914г.

Вам может быть интересно:

1. Простые и краткие поучения. Том 9 протоиерей Василий Бандаков

2. Православная Богословская энциклопедия или Богословский энциклопедический словарь. Том X – Кир, св. мученик александрийский профессор Александр Павлович Лопухин

3. Наша Православная вера и заблуждения иеговистов архимандрит Георгий (Капсанис)

4. Письма – 199. Для духовного наставника наибольшая радость – когда чада живут в послушании преподобный Антоний Оптинский (Путилов)

5. Библейская энциклопедия – Ахира архимандрит Никифор (Бажанов)

6. Послания – Послание 55(243). К Макарию монаху преподобный Феодор Студит

7. Словарь о бывших в России писателях духовного чина Греко-российской церкви – Иосиф, Келейник Иова митрополит Евгений (Болховитинов)

8. The City of God – The City of God (Book I) блаженный Аврелий Августин

9. The Stromata – BOOK IV пресвитер Климент Александрийский

10. Епархиальное управление в праве и практике Константинопольской Церкви настоящего времени – Административно-судебный строй в епархиях Константинопольской Церкви настоящего времени профессор Иван Иванович Соколов

Комментарии для сайта Cackle

Ищем ведущего программиста. Требуется отличное знание php, mysql, фреймворка Symfony, Git и сопутствующих технологий. Работа удаленная. Адрес для резюме: admin@azbyka.ru

Открыта запись на православный интернет-курс