святитель Кирилл Туровский

Молитвы в Неделю

Молитва в неделю по Утрени, по каноне1 преподобнаго отца нашего Кирила Туровскаго.2

Слава Тебе, Господи Боже мой, яко сподобил мя еси видети день преславнаго воскресения Твоего, в онь же свободил еси сущая во аде связаныя праведных душа! Тоя свободы, Владыко, и аз желаю: разреши3 мя связана суща многыми грехи, да возсияет свет Твоея благодати в омраченней души моей. Веде бо бесчисленыа Твоа щедроты и не изреченное Твое человеколюбие: яко от небытия мя4 в бытие привел еси и своего образа подобием украси мя, словесемь же и разумом превыше скота възнесе мя и твари всей владыку устроил мя еси. Съведый времена и лета живота5 моего, от юности моея и доныне пекыйся много, да бых спасен был, и прекраснаго лика Твоих Ангел соглагольника6 имети хотя, заповедь дал ми еси и духовное дело в чистоте совершити повелел ми еси;7 аз же, окаанный, запят бых умом к своему хотению, люблением плотным8 въвергох себе в срамную тину9 греховную и далече сотворихъся от Твоея благодати. Твой сын быв порождением купели духовныа, ныне же раб греховный. И того ради стеню из глубины сердечныа и слезю болезненною ми душею: 10 судный час помышляю и весь изнемогаю. Како убо обрящуся тамо? Кое ли слово изреку за грехы моя? Каков ли ответ будет ми от Судии? Где ли скрыю безаконий моих множество? Яко несть помогающаго, ни избавляющаго. И что сътворю Господи мой, Господи! Не веде, кому ся приближу, да спасена ми будет душа. Время живота моего мало, и поне11 отныне пригвозди страсе твоем плоть мою; да не наг обрящуся от добрых дел, смех бых демоном. Се бо, яко детище, запят быв от врага моего, в последнюю впадох погыбель. Ин человек не бысть грешен якоже аз: злых бо моих ради дел прогнах12 хранителя души моея Ангела и приях губителя, не подобна възлагающа на мое сердце. Но не остави мене до конца погибнути Iсусе, благое имя! От земля создавый мя и живот даровавый ми, призри на смирение мое: аще бо и без числа съгреших но не въздех рукы моеа к Богу чюжему, ни отчаяхся отъинудь, 13 помышляя образ Твоего человеколюбия, иже 14 показа на согрешивших прежде. Поминаю Давыда, иже по даре пророчестем,15 в ров любодеяния впад и покаявся Тебе Богу и Творцу достоин бысть Твоеа благодати.16 И за Ахава Сам слово Пророку вещаеши глаголя: не имам сътворити прежь реченнаго 17 зла, яко видех его, како сетуя ходит, печалуя18 о своих гресех. Ей, Владыко мой, и еще приложю,19 плачяся пред Тобою великых и неудобь целимых моих язв. Како Манассия беззаконьствова много,20 всего Израиля осквернив и Тя, Бога отец своих,21 прогневав, предан бысть иноплеменнику в казнь, его же в сосуде медяне заключиша и яко скот травою питаху: и видев же свою погибель и помянув преже сотвореныя своа грехы, възопи из среды уз к Тебе Богу Творцу и чрез надежу изят бысть оттуду преславно. Такоже и аз, вся злая в животе моем съдеях и недостойна себе сътворих твоеа милости. И како на высоту к Тебе възъзрю скверныма очима? како явлюся лицу Твоему, раздрав первую боготканную ми одежу и осквернив плоти моея ризу? Но очисти мя, яко Спас, и прости ми, яко Бог. Призри на смирение мое и не помяни злобы грехов, яже сътворих на убогую ми душу. Надею бо ся Твоея милости и въпию к Тебе воплем великым: помяни, Господи, пречистых Твоих уст глаголы, 22 яже рече: ищите, обрящете, просите и дасться 23 вам: не пришел бо еси звати праведных, но грешных на покаяние, от них же пръвый есмь аз. И ныне исповедаю на ся безакония моя: и аще мне молчащу, но Ты, Господи, съвеси сия. Но, о Премилостиве, приими мя, яко разбойника и мытаря и блудницу и блуднаго сына: тии бо беша всеми отчаеми; Ты же прият я и раю сътвори жителя. Приими мое покаяние не достойнаго раба Твоего. Господи Iсусе Христе! Словом очистив прокаженыа, очисти скверну души моея и буди ми помощник: силою 24 креста Твоего огради мя и Духом Святым Твоим утверди мя, и возврати посрамлены, борющаяся со мною. Да исповедают уста моя множество милости Твоея: яко бысть помощник мой во всякой скорби25 и утешитель в день печали моея. И ныне не отверзи моления раба Твоего (имя рек), но спаси острастованную26 ми душу и вся Християны помилуй, молитвами Пречистыя Ти Матери Владычица нашея Госпожи Богородица. Яко Ты еси Бог наш и Тебе мили ся деем:27 Отче и Сыне и Святый Душе, помилуй нас28 в векы. Аминь.

Молитва в неделю по часех святаго Кирила.29

Боже всемогый безначальный Господи, высокый и славный Царю, владея всею тварию видемою и не видемою, седяй на Херувимех, поемый от Серафим,30 молим от Ангел и от всех небесных сил покланяемь! Тебе служать горнии чинове тысящами и нижняя тварь с страхом трепещет: Ты еси Бог един безгрешен! Не презри мене, молящаго Ти ся в годину шестую сего дне, в нюже явися Апостолом Своим, по воскресении, печалным сущем, и премени скорбь их на радость показанием пречистою Ти руку и ребр. Премени и мою скорбь душевную,31 обдержащую мя ныне и печали избави греховныа. Не презри мене, Владыко, 32 в сий час, в онь же рече Закхееви, днесь спасение дому твоему бысть; Ты же ныне, свят еси, 33 дажь спасение душевному ми дому: зане же оскверних душевную34 сию храмину и несть прияти достоин пречистаго Твоего тела. Но, яко благ и человеколюбец, приими беседу молитвы моеа в сий час, в оньже беседовав с женою Самарянынею и тайная сердца еа рек, велеше просити животные воды. Ей Господи Боже мой! Ты съвеси тайная сердца моего: даждь ми каплю милости Твоея, яко у Тебе есть источник животу, угаси изгоревшую ми душю греховным пламенем; устави жажду сердца моего и даждь ми радостно преити день сий, в онь же дасться огнец Аврааму въместо Исаака на жертву, прообразуя за весь мир Твое заколение. Iсусе Благодателю, Агнце Божий! Призри на смирение мое и исправи молитву 35 раба Твоего (имя рек) и приими словесную сию жертву от уст грешен. Аще бо нечист и весь сквернен есмь, но на Твое надеюся милосердие: понеже не отверже двою медницу вдовици оноя, но паче всех похвали ю, и мытаря, с вздыханием молящася, оправда. И мене не уничижи, просяща36 съгрешением прощения, но, яко разбойника и блуднаго, помилуй кающася о своих съгрешениих. Яко благословен еси с Отцем и с Святым Духом и ныне, присно и в веки веком. Аминь.

Молитва в неделю по Вечерни святаго Кирила священноинока. 37

Благословлю38 Тя, Господи Боже мой, и пение не достойно приношю Ти из уст сквенен и от сердца нечиста. Прославляю святое имя Твое, яко о мне грешнем всегда печешися и долготерпиши, ожидаа моего покаания; аз же присно прогневаю Тя, преступаа божественныа39 Твоа заповеди. И что реку пред славою Твоею Господи! Ты бо свеси безумие мое и греси мои от Тебе не утаишася. И ныне не отверзи мене от лица Твоего, не чисте устне имуща и дерзающа на славословие Твоего Божества и вечернюю ныне молитву к Тебе приносяща, Его же40 всяко дыхание и вся тварь с страхом славит: яко от Тебе всяко дыхание благо подаваеться.41 Ей Господи Боже, приимый грехы всего мира, и моя безчисленныа и не сведомыя42 безакония потреби, в последний час43 пришедшаго дне сего, от суеты возбнувша 44 и твоеа помощи и заступления взыскающаго: Твое бо не победимое человеколюбие. Иже во единунадесять годину пришедшаго прият и равна сотворил еси всего дне труды понесших и мене такоже приими не сего токмо единаго дне леностию изнурша, но и все время живота моего празднолюбно пребывающа и дела духовна николиже сътворша. Не осуди мене, Владыко, яко и преже званых на Твою вечерю и отрекшихся своим жестокосердиемь, но взыщи мене на житийстем распутьи блудящаго и Твоеа душекормныа вечеря възискающаго.45 Се бо и день уже преклонился есть, и солнце варяет годину вечернюю, и мудрии своа светильникы готовять, да, в полунощи пришедшу Ти, с собою въведеши я в чертог царства небеснаго, его же и мене причастника сътвори, не поминая множества грехов моих, но обычною си милостию помиловав. Не дай же в смерть уснути ми, но утверди уды телесе моего, яже разслабех грехьми; укрепи душю мою колеблющуся нечаяниемь46 и отжени помыслы скверныя от сердца моего и просвети ум, иже омрачися злым похотением, 47 да и нощныя молитвы въздам Тебе. Господи Iсусе Христе! Приклони ухо Твое к молению моему и отпусти вся грехы моя; конець благ даруй ми и тако отпусти от телесе моего и Ангела мирна подаждь ми, от воздушных князь избавляющаго мя, молитвами и молением Пресвятыа Богородица и святых небесных Сил,48 Михáила и Гавриила, Уриила и Рафаила и всех Святых Твоих, от века угодивших Ти. Яко благословен еси всегда с Отцем, и с святым Духом, в безконечныа векы. Аминь.

Молитва в неделю по Вечерни ко Ангелом.49

Яко первыя Светлости пресветло предстоящи, светила огнеобразная, во мрак соблажненый обхожаема, молитвами Вашими озарите мя, яко светила трисолнечна богосияния суще приималища пребогатая. Се бо Вам ныне предстах, тяжкой сон отгнавше: не тще надежа покажите. Ангельския силы небесныя, видящи душа смирение, милостивно молитву приимите. Не имам кътому прилепляющеся добродетели: от нея удалеешися душе по неразумъствию смертнаго существа вещи.50 Плотию же пекыйся, радуюся, хотящею в персть преставитися. Почтен во образ Создавшаго, скотию жизнь возлюбивши, причастихся достоания безсловеснаго, стремлению повинувся. Живота моего конець настал, и злых отвержения не сотворих. Сего ради, припадая, молю Вы, Вашего прося милосердия, Архангел множество безплотных и Ангельстии чины: огня гееньскаго избавите мя, от страстей ми воздерьжатися помолитеся. Власти, чинове святии покорите мя законом Божественным. Силы вышняя, сотворите мя сильна на врага видимаго и невидимаго. Молитвами Вашими уветлива сотворите мене ныне Зиждителеви, яко хощет человеческаго покаяния, им же плотию человек бысть. Со спасшимся ликом причтите, Михáиле и Гаврииле, начальная Ангелом архистратига: не угасающаго пламени избавите мя, яко заступника миру. Безплотныя Начала и Власти и Господьства не отрините мене не достойнаго: к Вам, окаянный, прибегох, яко заступником сущим. Избавите мя от работы: Вы бо стяжахом заступникы к Богу и ходатая Архангелы. Тому подобает слава и хваление Отцу и Сыну и Святому Духу и ныне и присно и в векы веком. Аминь.

Примечания: При издании молитв св. Кирилла, были использованы:

Три рукописи Соловецкой библиотеки

а) сборник под № 802, состоящий из статей разнаго содержания, написанных в XV и XVI в., в 4-ю долю, на 202 стр; здесь помещены 21 молитва св. Кирилла на л. 171–201: все молитвы названы именем Кирилла Туровскаго, или Кирилла преподобнаго, Кирилла священноинока;

б) Большой Требник дачи Новгор. Митроп. Макария под № 1085, написаный в 1505 г., в лист, на 712 листах: молитвы св. Кирилла, в числе 21, занимают здесь 684–712 стр;

в) Следованная Псалтырь, принадлежавшая св. Филиппу Митрополиту, написанная в XVI в. в 4 долю на 547 стр: здесь помещены четыре молитвы св. Кирилла: по одной молитве после каждаго молебнаго канона Святой Троице, св. Крестителю, св. Апостолам и всем Святым;

Две рукописи Волоколамскаго Монастыря

г) Сборник под № 109, состоящий из разных молитв и написанный в конце XV или начале XVI в., в 4 долю, на 258 стр: здесь, на стр. 46–138, находится 50 молитв, которыя названы именем Кирилла грешнаго, мниха недостойнаго, кроме 8 молитв, не означенных ни чьим именем;

д) Сборник под № 413, написанный в XVI в, в 4-ю долю, на 788 стр: здесь помещено 12 молитв с именем преподобнаго Кирилла или Кирилла священноинока, на стр. 648–686. За основание текста молитв мы принимаем список их в сборн. Солов. № 802, как более исправный сравнительно с другими списками и будем указывать на замечательныя разности, заключающияся как в этих списках, так и в печатном издании (см. статью «От издателя»). Молитвы же, не находящияся в этом списке, будут напечатаны по рукописи Волокол. № 109.

* * *

1

Слова: по каноне, в других рукоп. нет.

2

В рук. Вол. № 109: Кирила мниха недостойнаго; № 413: преподобнаго Кирила мниха.

3

В рук. Вол. № 109: да разрешиши.

4

В печатн. издании: вся.

5

В печатн. издании: время живота моего.

6

В друг. рук. и печат. издании: согласника.

7

Слова: и духовное дело в чистоте совершити повелел еси, прибавлены по рук. Волок. № 109 и печатн. изд.

8

В рук. Вол. № 109: плотных.

9

В рук. Вол. № 109: в смрадную тму греховную.

10

В печатн. изд. и рук. Сол. № 1085: болезнию душевною.

11

Поне – по крайней мере.

12

Так в печатн. изд. и друг. рук., кроме Солов. № 802, в которой стоит: прогневах.

13

В печатн. изд.: отнюд.

14

В рук. Вол. № 109: еже показа.

15

В печатн. изд.: по даровании пророчествия.

16

В печатн. изд.: милости.

17

В печатн. изд. прибавлено: нань.

18

В печатн. изд. и друг. рук. слова – печалуя, нет.

19

В рук. Вол. № 413: прилежю.

20

В печатн. изд.: и много всего Израиля оскверних.

21

Так в рук. Вол. № 109 и печатн. издании; в друг. рук.: наших.

22

В рук. Вол.: глагол, иже рече.

23

В рук. Вол. № 413: подасться.

24

В печатн. издании: честнаго ти Креста.

25

В рук. Вол.: беде.

26

В печатн. издании: страстную.

27

В рук. Сол. № 1085: славу возсылаем со Отцем и проч.

28

В печатн. изд.: всегда и ныне и присно и

29

В рук. Вол. № 109: того же грешнаго мниха о исповедании.

30

В печатн. изд. следующия слова: молим от ангел и от всех небесных сил покланяем, поставлены уже после слов: Тобе горнии чинове служат тысящами.

31

В печатн. изд. слова: душевную – нет.

32

В печатн. изд.: молящагося в сий час

33

В печатн. изд.: чист еси.

34

В рук. Вол. № 109 и печатн. изд.: телесную.

35

В печатн. изд. после сего следуют слова: уст моих; слов: раба твоего (имя рек), нет; а после слов: словесную жертву, прибавлено: яко авелевы дары.

36

Слова: просяща съгрешением прощения но… в печатн. изд. опущены; вместо: помилуй, напечатано: помилова, так что вся речь получает несколько другой смысл.

37

В рукоп. Вол. № 109: того же недостойнаго мниха Кирила.

38

В рук. Сол. № 1085: благодарю Тя.

39

В печатн. изд. слова: божественныа, нет.

40

Так во всех рукоп.; в печатн. изд.: тя бо.

41

В печатн. изд. слов: яко от Тебе всяко дыхание благо подаваеться, – нет.

42

В печатн. изд.: не исповедимыя.

43

В печатн. издании слова: в последний час прешедшаго дне сего от суеты възбнувша, – изменены таким образом: пришедша в последний час дне сего, от сует возвратившася

44

Возбнувша – пробудившагося.

45

В печатн. издании: желающа.

46

Нечаяние – значит: сомнение, недоумение.

47

В печатн. изд.: злым унынием.

48

В печатн. издании следующих слов: Михáила и Гавриила, Уриила и Рафаила, – нет.

49

Напечатана по рукоп. Вол. № 109; она не означена именем св. Кирилла.

50

Здесь очевидно ошибка или пропуск; но, по не имению другаго списка, мы не могли поправить.


Источник: Цикл молитв Кирилла Туровского : Тексты и исслед. / Е. Б. Рогачевская; Рос. акад. наук. Ин-т мировой лит. им. А. М. Горького. О-во исслед. Древ. Руси. - М. : «Языки русской культуры», 1999. - 280 с. / Молитвы в Неделю. 193-167 с. ISBN 5-7859-0041-6

Комментарии для сайта Cackle