Чи́нъ, быва́емый на хїротоні́ю ѵ҆подїа́кона

Аще у́бо во един день и во иподиаконы рукополагается, по облачении во стихарий подносят иподиаконы архиерею стиха́рный пояс. Архиерей же прекрести́в пояс, и рукополагаемый целует пояс, и архиереа руку, и опоясу́ют его. Архиерей же зна́менует его по главе рукою три́щи. Посем глаголет протодиакон: Го́споду помо́лимся. Архиерей же, наложи́в свою руку, глаголет молитву сию:

Гдⷵи бж҃е на́шъ, иже чре́зъ є҆ди́наго и҆ того́жде ст҃а́го дх҃а раздѣлѧ́ѧ коемꙋ́ждо, ихже и҆збра́лъ є҆сѝ дарова̑нїѧ, чи́ны ра̑зныѧ цр҃кви твое́й дарова́вый и҆ степє́ни слꙋже́нїѧ ѹ҆ста́вивый въ не́й къ послꙋже́нїю ст҃ы́хъ твои́хъ и҆ нескве́рныхъ та̑инъ, твои́мъ неизрече́ннымъ предвѣ́дѣнїемъ ѹ҆ста́вивый и҆ сего̀ раба̀ твоего̀ досто́йна бы́ти єже слꙋжи́ти ст҃ѣ́й твое́й цр҃кви, са́мъ влⷣко, ̆без зазо́рнӑ є҆го̀ во всѣ́хъ сохранѝ и҆ да́ждь є҆мꙋ̀ люби́ти бл҃голѣ́пїе до́мꙋ твоегѡ̀, предстоѧ́ти две́ремъ хра́ма ст҃а́гѡ твоегѡ̀, возжига́ти свѣти́льникъ селе́нїѧ сла́вы твоеѧ̀, и҆ насадѝ є҆го̀ во ст҃ѣ́й твое́й цр҃кви, ꙗкѡ ма́слинꙋ плодови́тꙋ, плодоносѧ́ща пло́дъ пра́вды, и҆ соверше́нна покажѝ раба̀ твоего̀, во вре́мѧ прише́ствїѧ твоегѡ̀ бл҃гоꙋгоди́вшихъ тебѣ̀ воспрїѧ́ти воздаѧ́нїе.

Возгла́с:

Ꙗкѡ твоѐ єсть црⷵтво, и҆ си́ла, и҆ сла́ва, ѻ҆ц҃а̀ и҆ сн҃а и҆ ст҃а́гѡ дх҃а, ны́нѣ и҆ при́снѡ и҆ во вѣ́ки вѣкѡ́въ. А҆ми́нь.

И по молитве вдают иподиакони рукополагаемому лаха́нь, и возлагают на плещи́ его убру́с (плат), и архиерей умывает руки. Рукополагаемый же иподиакон возливает архиерею воду на ру́ки. Посем рукополагаемый и ини́и иподиакони целуют архиерею руку и отходят от него на урече́нное место. И рукополагаемый иподиакон стои́т, держа лахань и рукоумывало со убру́сом, до Херувимския песни. И глаголет: Трисвятое. Пресвятая Троице: Отче наш: Го́споди, поми́луй. Ве́рую во Еди́наго Бо́га: Осла́би, оста́ви: и аще что и́но мни́тся ему рещи́, тайно.

В Херувимскую же песнь приводи́мь бывает пред царския двери ко архиерею. Архиерей же умывает руки по чину и глаголет молитву. Таже осеняет рукою воду крестовидно, три́щи. И помазу́ет архиерей тою святою водою о́чи свои, уши, но́здри и устне́. На великом же входс и́дет позади́ всех служа́щих. И егда архиерей прии́мет Святая, и служа́щии вси про́йдут во олтарь, рукополагаемый же иподиакон, поклонився архиерею, несет воду на правый и левый кли́росы, и к народом, и помазу́ются тою водою вси. И отводят его паки во олтарь, и сливают оста́вшую воду в кла́дязь.

И отводи́мь бывает пред царския двери, и стои́т на урече́нном месте по чину. И егда речет архиерей: И҆ да бꙋ́дꙋтъ ми́лости:

И по возгласе вводится во олтарь от иподиаконов по чину и прием от архиереа благословение, станет с иподиаконы.


Вам может быть интересно:

1. Православная Богословская энциклопедия или Богословский энциклопедический словарь. Том V – Епифаний – 16-й епископ и 5-й патриарх константинопольский профессор Александр Павлович Лопухин 145,4K 

2. Вопросы и ответы в изъяснение церковного благочестия и душепопечения архиепископ Аверкий (Таушев) 159,9K 

3. Мои дневники. Выпуск 7 архимандрит Никон (Рождественский) 1,5K 

4. Об устроении человека святитель Григорий Нисский 40,9K 

5. Слова преподобный Симеон Новый Богослов 122,7K 

6. Жития святых святитель Димитрий Ростовский 2898,9K 

7. Простонародные поучения сельским прихожанам на все воскресные и праздничные дни, на молитву Господню и на разные случаи профессор Иван Степанович Якимов 3,3K 

8. Православная Богословская энциклопедия или Богословский энциклопедический словарь. Том IV – Герасим преподобный профессор Александр Павлович Лопухин 102,3K 

9. Письма к монашествующим. Отделение 2. Письма к монахиням. [Часть 3] преподобный Макарий Оптинский (Иванов) 7,6K 

10. Толкование на Апокалипсис св. Иоанна Богослова – Глава 27 святитель Андрей Кесарийский 2,1K 

Комментарии для сайта Cackle