В 12-й де́нь

И́же во святы́х оте́ц на́ших Епифа́ния, епи́скопа Ки́прскаго, и Ге́рмана, Патриа́рха Константинопо́льскаго

Святитель Епифаний, епископ Кипрский

Святитель Герман, Патриарх Константинопольский

Преподо́бнаго Диони́сия, архимандри́та Тро́ице-Се́ргиева монастыря́, Ра́донежскаго чудотво́рца

Преподобный Дионисий Радонежский

Святи́теля Ермоге́на, Патриа́рха Моско́вскаго и всея́ Руси́

Священномученик Ермоген, Патриарх Московский и всея Руси

Преподо́бнаго Анто́ния Ра́донежскаго

Преподо́бный Анто́ний Ра́донежский

 

 

И́же во святы́х оте́ц на́ших Епифа́ния, епи́скопа Ки́прскаго, и Ге́рмана, Патриа́рха Константинопо́льскаго

Стихи́ры Епифа́ния, глас 5.

Подо́бен: Ра́дуйся:

Ра́дуйся, по́стником вои́стинну,/ па́лицею прему́дрых уче́ний твои́х/ упасы́й а́гнца сего́/ на па́житех вои́стинну правосла́вия, Епифа́ние,/ Христа́ Пастыренача́льника/ кро́ткое овча́, е́же на траве́ воспита́ное воздержа́ния/ и все́льшееся ны́не во огра́де Вы́шния жи́зни,/ иде́же со святи́тели лику́я и му́ченики,/ всем, Богому́дре, любо́вию соверша́ющим па́мять твою́,/ всегда́ моли́ся/ мир дарова́ти нам и ве́лию ми́лость.

Ра́дуйся, благоче́стия свети́ло,/ заря́ми о́гненных слове́с твои́х просвети́вый вселе́нную/ и попали́вый враго́в хвра́стная уче́ния, Епифа́ние, огне́м,/ и́же в бу́ри неве́дения су́щия,/ к приста́нищу Богоразу́мия благоути́шному призыва́я:/ орга́н оглаша́емь дыха́ния Ду́ха,/ цве́том чуде́с непреста́нно источа́я пучи́ну/ и сме́рти избавля́я./ Христа́ умоли́/ душа́м на́шим дарова́ти ве́лию ми́лость.

Ра́дуйся, мы́сленная реко́,/ испо́лнена вод духо́вных,/ украше́ние церко́вное,/ священнонача́лия пра́вило,/ мона́шествующих столп, Епифа́ние,/ основа́ние правосла́вных,/ церко́вное водруже́ние,/ столп кре́пости, нече́стию супроти́вниче,/ трубо́ Богогла́сная,/ слави́й многовеща́нный,/ небе́сный у́ме, бо́дрый язы́че,/ и́же зако́ну Боже́ственному поучи́вся благода́тию Христо́вою./ Его́же моли́/ душа́м на́шим да́ти ве́лию ми́лость.

И́ны стихи́ры свята́го Ге́рмана, глас 1.

Подо́бен: Всехва́льнии му́ченицы:

Лео́нтиево мудрова́ние тве́рдо, Ге́рмане, низложи́л еси́,/ и́же, злоче́стия испо́лнь,/ поклоне́ния честны́х ико́н Христо́вых окая́нный/ и всех святы́х отве́ржеся,/ но, словесы́ твои́ми, Богоявле́ние,/ изобличи́вся, я́ко безу́мен/ и несмы́слен пребы́сть.

Лев, безбо́жный зверь,/ и́же Бо́га ненави́дя,/ анти́христов предте́ча,/ поклоне́ние Христо́ва о́браза отве́рг, преподо́бне,/ насле́дия ве́рных изве́ржеся./ Те́мже мо́лим тя:/ я́коже о́наго, моли́твами твои́ми/ настоя́щее отжени́ смуще́ние.

Жела́ние улучи́л еси́,/ е́же тебе́, Богоявле́нне,/ издале́че жела́емое явле́нно,/ и́бо ко Влады́це твоему́ со дерзнове́нием, Ге́рмане блаже́нне,/ ны́не священноле́пно вшел еси́./ Ему́же предстоя́, наслажда́ешися обоже́ния,/ мир ми́рови испроси́.

Сла́ва, и ны́не, пра́здника.

Тропа́рь, глас 4:

Бо́же оте́ц на́ших,/ творя́й при́сно с на́ми по Твое́й кро́тости,/ не отста́ви ми́лость Твою́ от нас,/ но моли́твами их/ в ми́ре упра́ви живо́т наш.

Сла́ва, и ны́не, пра́здника.

Кано́н свята́го Епифа́ния, творе́ние Иоа́нна мона́ха, глас 1.

Песнь 1

Ирмо́с: Твоя́ победительная десни́ца/ боголе́пно в кре́пости просла́вися:/ та бо, Безсме́ртне,/ я́ко всемогу́щая, проти́вныя сотре́,/ изра́ильтяном путь глубины́ новосоде́лавшая.

Во уго́днем ве́рою пожи́в зако́не писа́ний, Влады́чний подъя́л еси́ яре́м,/ украси́вся же, пребога́те, свети́льник показа́лся еси́,/ земны́я просвеща́я концы́.

Жела́нием Боже́ственнаго зако́на объя́т быв/ и непра́веднаго разсуди́в пра́ведное, о́тче Епифа́ние,/ обра́зно прия́л еси́ спаси́тельную ве́ру Тро́йческую,/ я́коже от Боже́ственнаго проразуме́ния.

Цели́тель пло́ти же и души́, богови́ден бысть тебе́ челове́к,/ подъяре́мником твои́м страстно́е уби́л есть стремле́ние,/ и исцели́ души́ неве́рное мудрова́ние.

Богоро́дичен: Весь о́браз мой прие́м, И́же во о́бразе Бо́жий пе́рвее зри́мый,/ весь обнови́л есть, во Твою́ утро́бу боголе́пно все́лься, Чи́стая./ Те́мже Богоро́дицу ве́рою Тя вси сла́вим.

Ин кано́н свята́го Ге́рмана, творе́ние Феофа́на, глас 1.

Песнь 1. Ирмо́с то́йже

Свяще́ния оде́ждою укра́шен, блаже́нне, пожи́л еси́,/ сло́вом же благода́ти ве́рных пречестны́я собо́ры,/ яви́лся еси́, Богоявле́ние, просвеща́я уче́нии.

Колесни́ца был еси́ доброде́телей, на ню́же всед, к Бо́гу отше́л еси́,/ ми́ра красоту́ оста́вль и гнилу́ю сла́ву,/ Небе́сный таи́нник свое́ю прему́дростию быв.

От промышле́ния проуве́ден быв, я́ко свяще́нник богогла́сен сый, о́тче,/ избе́гл еси́ томи́тельнаго скве́рнаго уби́йства, преподо́бне,/ Бо́гу соблюда́ющу тя десни́цею вседержи́тельною.

Богоро́дичен: Ку́ю Ти досто́йную песнь на́ше принесе́т неможе́ние?/ То́кмо обра́довательную, е́йже нас Гаврии́л научи́:/ Ра́дуйся: Богоро́дице Де́во, Ма́ти Неневе́стная.

Песнь 3

Ирмо́с: Еди́не, ве́дый челове́ческаго существа́ не́мощь/ и ми́лостивно в не вообра́жся,/ препоя́ши мя с высоты́ си́лою,/ е́же вопи́ти Тебе́, Святы́й,/ одушевле́нный хра́ме неизрече́нныя славы Твоея́, Человеколю́бче.

Черну́ оде́жду ви́дев пода́вшаго, проси́вшу ми́лости, теле́сныма очи́ма,/ све́тлою же ри́зою оде́яна разу́мно узре́в,/ Боже́ственною благода́тию просвети́лся еси́ к ве́ре непоро́чней.

Слы́шав глаго́лы благочести́выя, ве́щи возгнуша́лся еси́ у́бо/ и, житие́ возжела́в невеще́ственно, я́ко и кро́ви соприча́стну твое́й/ и ра́зума прича́стну прии́м сестру́, яви́стася супру́га блаже́нная.

Ме́ртвых помышле́ний отврати́вся, преблаже́нне Епифа́ние, возжела́л еси́ живо́му служи́ти Бо́гу/ и к Боже́ственному хра́му ве́рно прите́кл еси́,/ прие́м о́браз све́тлый, пребо́гате, ме́ртвых твои́х явля́я отпаде́ние.

Богоро́дичен: Святы́х Свята́го Христа́ свя́то породила́ еси́,/ Святы́ни свято́е селе́ние, во святы́х почива́ющего, Ему́же вопие́м:/ Свята́ Це́рковь одушевле́нная пречи́стыя сла́вы Твоея́, Человеколю́бче.

Ин. Ирмо́с то́йже

И́же Боже́ственным проразуме́нием прове́дый/ твоего́ нра́ва свобо́дное и душе́вное, му́дре, благоро́дие,/ рука́ми беззако́нных убие́ну бы́ти тебе́ Бог возбрани́/ и де́вственных чи́ну скопле́ние прему́дро обличи́.

Ви́дети жела́я я́ве, блаже́нне, све́тлость мы́сленную Боже́ственнаго обоже́ния,/ священнонача́лие твое́ украси́л еси́ житие́м целому́дренным/ и му́дрыми уче́ньми правосла́вно направил еси́ ста́до.

На вели́кое седа́лище вшед,/ вельми́ просвети́л еси́ церко́вное, о́тче, исполне́ние уче́ний пе́сньми,/ Ге́рмане прехва́льне, святи́телю преподо́бне/ и свети́льниче вселе́нныя прече́стне.

Богоро́дичен: Из Тебе́ процвете́, Чи́стая, Цвет неувяда́емый,/ благоуха́я все челове́чество Боже́ственным ми́ром Своего́ естества́,/ Отцу́ Собезнача́льный, и из Тебе́ быв под ле́том, Дево Всенепоро́чная.

Седа́лен, глас 8.

Подо́бен: Прему́дрости:

Ног твои́х обу́щи, я́коже Моисе́й, во святе́м ме́сте отложи́в,/ Боже́ственным та́йнам научи́лся еси́ духо́вным/ и, воздержа́ния боле́зньми умертви́в те́ло твое́,/ пресла́вных чуде́с тварь испо́лнил еси́./ Те́мже и Богодохнове́ннаго Писа́ния неизрече́нная всем благоразсуди́л еси́,/ Богоно́се о́тче наш, святи́телю Епифа́ние,/ моли́ Христа́ Бо́га согреше́ний оставле́ние дарова́ти/ чту́щим любо́вию святу́ю па́мять твою́.

Сла́ва, ин седа́лен, глас то́йже:

Во свяще́нную обле́клся оде́жду, показа́лся еси́ посо́бник Христо́ви,/ не убоя́вся беззако́ннаго царя́, о́тче наш,/ вы́и не преклони́л еси́ безбо́жному веле́нию,/ зауше́ния терпя́, поноше́ния и преще́ния./ Те́мже льстец, я́ростию разгоре́вся,/ в темни́це тя затвори́, да́же до кончи́ны, блаже́нне./ Сего́ ра́ди вопие́м ти:/ моли́ Христа́ Бо́га грехо́в оставле́ние дарова́ти нам,/ чту́щим любо́вию святу́ю па́мять твою́.

И ны́не, пра́здника.

Песнь 4

Ирмо́с: Го́ру Тя, благода́тию Бо́жиею приосене́нную,/ прозорли́выма Авваку́м усмотри́в очи́ма,/ из Тебе́ изы́ти Изра́илеву провозглаша́ше Свято́му/ во спасе́ние на́ше и обновле́ние.

Моли́твенник, я́коже раб, присту́пль ко креще́нию, сыноположи́лся еси́ им/ и насле́дник и́стинен Бо́жий, Епифа́ние, и Христу́ снасле́дник был еси́,/ боголе́пно Тому́ пожи́в.

Зрит твое́ многоукра́шено лице́/ и неизрече́нною Па́стырь сла́вою и венце́м благоле́пным сла́вную главу́ твою́/ па́че естества́ венча́ну, сла́вне, чи́стаго твоего́ се́рдца о́бразы.

Был еси́ прия́телище Боже́ственныя благода́ти, преподо́бне,/ и расточи́л еси́ мудре бога́тство вре́менное Христу́,/ и, име́нием Небе́сным обога́щся, некра́домое сокры́л еси́,/ я́коже разу́мный суди́я, Епифа́ние.

Ю́ных отве́ргл еси́ в ю́ности мудрова́ние,/ укре́пль же ся ста́рческими от му́дрых и разу́мных, стра́хом, блаже́нне, Боже́ственным,/ поуче́нием слове́с духо́вных рачи́тель прему́дрости был еси́.

Богоро́дичен: Святы́х Свята́я Богоро́дице Всепе́тая, ча́яние язы́ков и спасе́ние ве́рных,/ из Тебе́ возсия́ Изба́витель, и Жизнода́вец, и Госпо́дь,/ Его́же моли́ спасти́ся рабо́м Твои́м.

Ин. Ирмо́с то́йже

Умертви́в, прему́дре, пло́ти взыгра́ния, священнотаи́нниче Ге́рмане,/ любому́дрия просвеще́нием ум уясни́л еси́,/ духо́вным та́йно наставле́нием укра́шен, Христу́ зовы́й:/ сла́ва си́ле Твое́й, Го́споди.

Отврещи́ся пречестны́х Христо́вых изображе́ний злочести́вый враг пону́ди тя,/ в неразу́мие бо вве́ргся, твои́ми изобличи́ся я́ве уче́нии, сла́вне,/ но, неисце́льно неду́гуя, нечу́вствен пребы́сть.

Глаго́л обличе́ние твои́х зря, звероимени́тый, му́дре,/ зверообра́зным умо́м с престо́ла низведе́ свяще́ннаго,/ но вме́сто сего́ обогати́лся еси́ священноде́йством, всеблаже́нне, Небе́сным.

Богоро́дичен: Ра́дость Тебе́ я́ве от Небе́с принося́, Архистрати́г, Чи́стая, благовести́, рек:/ Бог прии́дет с пло́тию из Тебе́, Де́во Пречи́стая,/ на спасе́ние любо́вию пою́щим Тя.

Песнь 5

Ирмо́с: Просвети́вый сия́нием прише́ствия Твоего́, Христе́,/ и освети́вый Кресто́м Твои́м ми́ра концы́,/ сердца́ просвети́ све́том Твоего́ Богоразу́мия/ правосла́вно по́ющих Тя.

Преподо́бно твое́ чре́во хле́бом и водо́ю утесни́л еси́,/ я́ко ва́риво име́в соль,/ и стра́сти удержа́л еси́ пло́ти, во пло́ти житию́ Безпло́тных подо́бяся.

Уще́дрил еси́ та́ющих в жа́жди зно́я и зной премени́л еси́,/ боголе́пно зна́мения начиная́, я́ко служи́тель изря́ден,/ твоему́ подо́бяся Влады́це, ви́но в во́ду преложи́л еси́, блаже́нне.

Избе́гл еси́ тщи́я челове́к сла́вы/ и в пусты́ню, я́коже твой Влады́ка, всели́лся еси́,/ искуше́нии, му́дре, Влады́чними к боре́нию неви́димых неможе́ние твое́ укрепля́я.

Богоро́дичен: Сло́во Боже́ственное сло́вом во утро́бе вмести́ла еси́ па́че сло́ва, Богоро́дице,/ Того́ у́бо моли́ от бесслове́сных дея́ний и сласте́й смертоно́сных/ свободи́ти рабы́ Твоя́.

Ин. Ирмо́с то́йже

До конца́ Христа́ возлю́бль, Богоприя́тне,/ возлю́блен был еси́ от Него́ досто́йно и прия́л еси́ дарова́ний пучи́ну,/ и́бо, му́дре, уче́нии твои́ми Це́рковь просвети́л еси́.

Пе́сньми, Ге́рмане, Богодохнове́нными/ уясни́л еси́ ли́ки ве́рных и Боже́ственная исполне́ния,/ и́бо все подо́бное утвержде́ние, о́тче, твоего́ се́рдца правосла́вныя просвети́.

Ра́дуйся, му́чеников страда́ние,/ и побе́ды обличи́в похвала́ми и словесы́ сложе́нными,/ и а́бие, сла́вне, обра́зными шароде́йствы во еди́но совокупля́я обоя́.

Богоро́дичен: Веселя́тся Небе́сныя си́лы, зря́ще Тя,/ ра́дуются с ни́ми челове́ков собра́ния:/ Рождество́м бо Твои́м соедини́шася, Де́во Богоро́дице,/ Его́же досто́йно сла́вим.

Песнь 6

Ирмо́с: Обы́де нас после́дняя бе́здна,/ несть избавля́яй,/ вмени́хомся, я́ко о́вцы заколе́ния,/ спаси́ лю́ди Твоя́, Бо́же наш,/ Ты бо кре́пость немощству́ющих и исправле́ние.

Бесо́встии тя подо́бницы окружи́вше, ага́рянстии вну́чата,/ Влады́це же подо́бяся твоему́, супроти́вящегося возблагоде́тельствовал еси́/ и све́тло показа́л еси́, о́тче, друго́е о́ко.

Соде́тель твой, в тебе́ почи́вый, Ду́ха тя орга́н/ и Бо́га, я́коже Моисе́я, фарао́ну показа́, ара́вским жили́щем:/ вои́стинну бо яви́лся еси́, о́бразу Сего́ подо́бяся.

Сотрясе́ ассири́йскаго царя́, дух гоня́щего,/ бысть же ве́стник твое́й, о́тче, доброде́тели и Боже́ственныя благода́ти,/ и́бо того́ весть сла́вити Бог сла́вящия.

Богоро́дичен: Веселя́тся о Тебе́, Де́во Пречи́стая, ро́да на́шего пра́отцы,/ Еде́м восприе́мше Тобо́ю, его́же преступле́нием погуби́ша:/ Ты бо Чиста́ и пре́жде рождества́, и по рождестве́ еси́.

Ин. Ирмо́с то́йже

Напоя́ется уче́нии твои́ми, всему́дре, и словесы́ ца́рское свяще́ние,/ лю́дие же Христо́ви возлю́бленнии, богозва́ннии/ и к Бо́гу наставля́ются наказа́нии твои́ми.

Помина́й тя пою́щия, преподо́бне, Бо́гу ны́не предстоя́,/ испо́лнен Боже́ственныя добро́ты и нетле́нныя красоты́,/ и к животу́ наста́ви моли́твами твои́ми.

Восхожде́ние, му́дре, житию́ положи́л еси́ от сла́вы и си́лы/ к Небе́сней сла́ве и кре́пости, сла́вне, премину́я воздержа́нии,/ до́ндеже Христу́ жела́емому, ра́дуяся, бесе́довал еси́.

Богоро́дичен: Ны́не, Пречи́стая, Твоего́ раба́ изба́ви от вся́каго обстоя́ния,/ треволне́ния же и бу́ри страсте́й/ и к Твоему́ приста́нищу наста́ви:/ Ты бо еси́ мне Предста́тельница и исправле́ние.

Конда́к, глас 4.

Подо́бен: Вознесы́йся:

Священнонача́льник чу́дную дво́ицу восхва́лим, ве́рнии, по до́лгу,/ с Ге́рманом Боже́ственнаго Епифа́ния:/ си́и бо попали́ша безбо́жных язы́ки,/ догма́ты прему́дрейшия возло́жше всем,/ правосла́вно пою́щим при́сно благоче́стия вели́кое та́инство.

И́кос:

Я́ко свяще́нных добро́ту и сла́ву правосла́вных,/ дво́ицу святу́ю почти́м досто́йно:/ си́и бо яви́шася нам столпи́ утвержде́ния/ на враги́ неви́димыя и ви́димыя всегда́,/ ве́ры же столпи́ непрекло́ннии и Це́ркве украше́ние красно́./ Его́же нося́щи, пра́во исправля́ет, у́мно вопию́щи:/ возвесели́ся во мне дух мой вои́стинну,/ оде́жду мою́, я́коже пре́жде, восприе́мши, ю́же еретицы́ растерза́ша,/ не пою́ще благоче́стия вели́кое та́инство.

Песнь 7

Ирмо́с: Тебе́, у́мную, Богоро́дице, пещь/ разсмотря́ем, ве́рнии:/ я́коже бо о́троки спасе́ три превозноси́мый,/ мир обнови́, во чре́ве Твое́м всеце́л,/ хва́льный отце́в Бог и препросла́влен.

От Боже́ственныя десни́цы прие́м чуде́с дар,/ прося́щим у тебе́ ту́не, о́тче, исцеле́ния всем разда́л еси́,/ я́коже Влады́ка тебе́ повеле́,/ хва́льный отце́в Бог и препросла́влен.

Па́дает, на ногу́ твое́ю валя́яся, ассири́йский царь,/ стыде́тися бо доброде́тели весть и сопоста́т./ Вся́каго же покаря́ет Еди́ный, во святы́х почива́я, хва́льный отце́в Бог и препросла́влен.

Сло́во молчи́т, исправле́ния твоя́ и чуде́с мно́жество ника́коже возмо́же сказа́ти, всеблаже́нне:/ песка́ бо премину́ет, е́же Христо́с тебе́ дарова́,/ хва́льный отце́в Бог и препросла́влен.

Тро́ичен: Трисве́тлая Еди́нице, неоску́дный безме́рныя бе́здны Све́те,/ назира́еши Твоя́ певцы́:/ превозноси́мый Безнача́льный О́тче, и Сы́не Собезнача́льный, и Ду́ше Соприсносу́щный,/ хва́льный отце́в Бог и препросла́влен.

Богоро́дичен: Ты, Исто́чник жи́зни ро́ждши,/ умерщвле́на мя лю́те бесо́вскими наведе́нии,/ Чи́стая Всенепоро́чная, оживи́ моли́твами Твои́ми,/ Твоему́ Сы́ну воспева́юща:/ хва́льный отце́в Бог и препросла́влен.

Ин. Ирмо́с то́йже

Весь в тебе́ Свята́го Ду́ха излия́ся исто́чник:/ источа́еши бо, я́ко ре́ки, о́тче досточу́дне,/ за́поведи спаси́тельныя и богокра́сная уче́ния,/ прехва́льнаго велича́я Бо́га во вся ве́ки.

Песносло́вя благоче́стно, уясни́л еси́ Влады́чния пра́здники,/ воспева́я пе́сненно, обоже́н быв,/ вся святы́я же твои́ми мусики́ями к доброде́тели помазу́я, му́дре, ве́рою пою́щия:/ хва́льный отце́в Бо́же и препросла́влен.

Тро́ичен: Еди́но нача́ло во Еди́нстве непресеко́мем,/ во Ипоста́сех Трие́х богосло́вным язы́ком вопия́,/ всем пропове́дал еси́ Безнача́льна Роди́теля,/ Единоро́днаго же Собезнача́льна Сы́на/ и Соесте́ственна Боже́ственнаго Ду́ха я́сно и Единосу́щна.

Богоро́дичен: На Тебе́, Чи́стая Богоро́дице, положи́х всю наде́жду и к Тебе́ прибега́ю всегда́:/ спаси́ мя, Всенепоро́чная, и изба́ви моли́твами Твои́ми/ одержа́щия молвы́ и смуще́ния, лю́тых мои́х страсте́й и паде́ний.

Песнь 8

Ирмо́с: В пещи́ о́троцы Изра́илевы,/ я́коже в горни́ле,/ добро́тою благоче́стия чисте́е зла́та блеща́хуся, глаго́люще:/ благослови́те, вся дела́ Госпо́дня, Го́спода,/ по́йте и превозноси́те во вся ве́ки.

Ты сло́вом обличи́л еси́ му́дре ересе́й пре́лесть/ и сия́нием благоче́стия отгна́л еси́ ту́ю, вопия́, Епифа́ние:/ благослови́те, вся дела́ Госпо́дня, Го́спода,/ по́йте и превозноси́те во вся ве́ки.

На престо́л возне́сся высо́к, над страстьми́ бо ца́рствовал еси́, плоть же удержа́в,/ ты упа́сл еси́ Христо́во ста́до, зовы́й:/ благослови́те, вся дела́ Госпо́дня, Го́спода,/ по́йте и превозноси́те во вся ве́ки.

Да лику́ет вся́ко мы́сленное и слове́сное существо́/ в па́мять святи́теля и уго́дника Христо́ва, ве́рно зову́щее:/ благослови́те, вся дела́ Госпо́дня, Го́спода,/ по́йте и превозноси́те во вся ве́ки.

Богоуго́дно ты богосло́вив, я́ко основа́ние учений/ всем богословие оставил еси́ твое, и́мже, о́тче, пое́м:/ благослови́те, вся дела́ Госпо́дня, Го́спода,/ по́йте и превозноси́те во вся ве́ки.

Богоро́дичен: Ра́дуйся, престо́ле сла́вный Бо́жий,/ ра́дуйся, ве́рных стено́,/ е́юже свет су́щим во тьме возсия́, Христо́с./ И, Тя блажа́ще, вопие́м:/ вся дела́, Де́ву благослови́те и славосло́вите пречи́стое Ея́ Рождество́.

Ин. Ирмо́с то́йже

Сия́ний блиста́нии све́та трисо́лнечнаго,/ свеще́ю, священноявле́нне, наслажда́яся,/ ны́не зове́ши, ра́дуяся:/ благослови́те, вся дела́ Госпо́дня, Го́спода,/ по́йте и превозноси́те во вся ве́ки.

Мно́гаго све́та и сия́ния, о́тче, сподо́блен,/ в се́лех Небе́сных и в жили́щах нас, вопию́щих, помяни́:/ благослови́те, вся дела́ Госпо́дня, Го́спода,/ по́йте и превозноси́те во вся ве́ки.

Я́ко соблю́д богови́дно и по о́бразу Бо́жию, ико́ны святы́х воздви́гл еси́,/ ве́дый на первообра́зное преходи́ти, вся́ку честь же, прехва́льне, и сла́ву,/ Го́спода по́йте, вопия́, и превозноси́те Его́ во вся ве́ки.

Богоро́дичен: Новообра́зно па́че естества́, Де́во, заче́нши Сло́во,/ Отцу́ соесте́ственна Сы́на,/ Де́вою пребыла́ еси́./ Тем Тя пое́м, вся дела́, и ра́дуйся Тебе́ вопие́м,/ и превозно́сим, Чи́стая, во вся ве́ки.

Песнь 9

Ирмо́с: О́браз чи́стаго Рождества́ Твоего́/ огнепали́мая купина́ показа́ неопа́льная,/ и ны́не на нас напа́стей свире́пеющую угаси́ти мо́лимся пещь,/ да Тя, Богоро́дице,/ непреста́нно велича́ем.

Преде́л де́тели житие́ твое́ и виде́ния Божественнаго, отче,/ словеса твоя богомудрым вои́стинну лю́дем оста́вися, Епифа́ние блаже́нне сла́вне./ Те́мже тя по достоя́нию, восхваля́юще, велича́ем.

Неве́сте Христо́ве предста́, Це́ркви, сла́вне Епифа́ние,/ и ути́ши я́же на Ню воздви́женую, моли́твами твои́ми, свере́пую бу́рю,/ я́ко име́я дерзнове́ние ко Влады́це и Человеколю́бцу.

Тро́ичен: Царю́ царе́й, Свята́я Единонача́льная Тро́ице, все́ми влады́чествующая,/ пою́щим Тя согреше́ний проще́ние и жити́я всего́ устрое́ние/ неотъе́млемо пода́ждь Епифа́ния моли́твами.

Богоро́дичен: О, па́че ума́ чуде́с Твои́х!/ Бо́жие бо Сло́во, плоть бы́вшее, еди́на родила́ еси́ нам па́че естества́, Ма́ти Де́во,/ вся́ческая Боже́ственною во́лею я́ве содержа́ща,/ Его́же о всех умоли́.

Ин. Ирмо́с то́йже

Реши́ти и вяза́ти согреше́ния власть с Небесе́ прие́м по зако́ну/ я́ко свяще́нник, преблаже́нне, пою́щим тя, о́тче, оставле́ние моли́твами твои́ми пода́ждь,/ да тя вси ублажа́ем.

Обре́л еси́ воздая́ния боле́зней твои́х священноявле́нно, Ге́рмане всеблаже́нне,/ блаже́нную прии́м кончи́ну и жизнь ве́чную восприи́м,/ Боже́ственнаго виде́ния непреста́нно наслажда́ешися.

Весь себе́ возложи́л еси́ Всеви́дцу Сло́ву/ и Вседержи́телю добра́ слу́жба показа́лся еси́ свяще́нная,/ же́ртву прия́тну и благоуго́дну принося́ Го́сподеви,/ твои́х трудо́в пе́ния.

Богоро́дичен: Уста́ви плотско́е мудрова́ние и страсте́й, Де́во, утиши́ смуще́ние/ прибега́ющего, Богороди́тельнице, к покро́ву Твоему́,/ и наде́жды основа́ние Тя иму́щего,/ и Боже́ственным предста́тельством обога́щшася и заступле́нием.

Све́тилен.

Подо́бен: Жены́, услы́шите:

Прииди́те, ве́рнии, почти́м Боже́ственное и всесвяще́нное иера́рхов совокупле́ние,/ в пе́ниих пе́сненных Боже́ственнаго Епифа́ния и Ге́рмана,/ разори́вшия ересе́й омраче́ние и благоче́стия заре́ю просве́щшия всю тварь.

Сла́ва, и ны́не, пра́здника.

НА ЛИТУРГИ́И

Проки́мен, глас 1: Уста́ моя́ возглаго́лют прему́дрость/ и поуче́ние се́рдца моего́ ра́зум.Стих: Услы́шите сия́, вси язы́цы, внуши́те, вси, живу́щии по вселе́нней.Апо́стол ко Евре́ем, зача́ло 318. Аллилу́ия,глас 2: Уста́ пра́веднаго поуча́тся прему́дрости:Стих: Зако́н Бо́га его́ в се́рдце его́,/ и не за́пнутся стопы́ его́.Ева́нгелие от Матфе́я, зача́ло 11. Прича́стен: В па́мять ве́чную бу́дет пра́ведник:

Святитель Епифаний, епископ Кипрский

Святитель Епифаний, епископ Кипрский, жил в IV веке в Финикии. Иудей по происхождению, он получил в молодости хорошее образование. Будущий святитель обратился к христианской вере, увидев, как некий монах по имени Лукиан отдал нищему свою одежду. Пораженный милосердием монаха, святой Епифаний просил наставить его в истинах веры Христовой. Он принял святое Крещение с именем Епифаний и удалился в монастырь, устроенный его наставником Лукианом. Там святой Епифаний усердно совершал подвиги монашеской жизни под руководством опытного инока Илариона, занимаясь перепиской греческих рукописных книг. Господь удостоил своего усердного угодника дара чудотворения. Однажды в монастырь пришли странники и попросили воды, чтобы утолить жажду. Но воды в обители не оказалось. У путников был сосуд с вином. Прикоснувшись к нему, святой Епифаний претворил вино в воду. Обрадованные странники не только утолили жажду, но и напоили свой скот, после чего вода снова сделалась вином.

Чтобы избежать людской славы, святитель ушел в пустыню Спанидрион. Там его захватили разбойники и три месяца держали в плену. Своим словом о покаянии святой Епифаний привел одного из разбойников к вере в Истинного Бога. Когда пленника отпустили на свободу, с ним ушел и раскаявшийся разбойник. Святой Епифаний привел его в монастырь и крестил с именем Иоанн. С тех пор он стал верным учеником своего наставника и тщательно записывал его жизнь и чудотворения.

Святой подвижник поселился в пустыне, вместе со своим учеником, где развел небольшой сад, поливая деревья из источника, который открылся по его молитве. В сад нередко приходили дикие звери и наносили ущерб урожаю. Святой Епифаний обратился к ним со словами увещевания, и звери больше не приходили в сад и не причиняли ему вреда. Учеников, которые посещали святого Епифания, он принимал с любовью.

Так образовался новый монастырь. Через некоторое время святой Епифаний и его сподвижник Иоанн предприняли паломничество в Иерусалим. На обратном пути они остановились в одном из египетских монастырей. Там жил монах Иеракс, благочестивый по виду, но еретик. Во время одной из его душевредных проповедей святитель воскликнул: «Да заградятся уста твои!» И тотчас Иеракс онемел и сделался неподвижен. Святой Епифаний преподал слушателям истинное слово о воскресении мертвых, а потом сказал монаху: «Научись истинной вере сам и затем учи ей других!» И немой снова заговорил, каясь в своем грехе.

В Финикии, куда через некоторое время вернулся святой, была сильная засуха. Народ, страдавший от голода, просил святителя помолиться Богу о дожде. По молитве святителя небо покрылось грозовыми тучами и полил дождь, который не прекращался три дня. В тот год земля дала обильный урожай.

Когда в г. Ликии скончался епископ, жители послали к святому Епифанию молодого инока Полувия с просьбой занять епископскую кафедру. Святитель отказался от предложения и тайно отбыл на остров Кипр к великому подвижнику Илариону (память 21 октября), под руководством которого он подвизался в молодые годы. Два месяца провели они в совместных молитвах, а затем Иларион послал святого Епифания в кипрский город Саламин. Там собрались епископы для избрания нового архипастыря. Старейшему из них, Папию, Господь открыл, что епископом следует избрать пришедшего в город инока Епифания. Святого ввели в храм, и он дал свое согласие возглавить Кипрскую кафедру. Это произошло около 367 года. Новопоставленный архипастырь стал пасти вверенное ему словесное стадо Христово не только учительным словом, но и примером своей добродетельной жизни.

Однажды благородный римлянин Евгномон был посажен в темницу из-за того, что не мог заплатить 100 золотых монет богачу Дракону. Узнав об этом святитель Епифаний просил богача сжалиться над чужеземцем и отпустить его, но тот и слушать не хотел. Тогда святой Епифаний отдал богачу церковные деньги и освободил узника. Гордый и злобный диакон Карин начал роптать по поводу происшедшего, восстановив против архипастыря и других клириков. Между тем Евгномон, прибыв на родину, продал все свое имущество и возвратился к святителю, которому передал вырученные деньги. Евгномон жил в монастыре при святом Епифаний до своей кончины. Архипастырь вернул 100 золотых монет в церковь, а остальные деньги раздал нищим. Как-то за обедом, на котором присутствовали все клирики, святитель вел разговор о Священном Писании. На подоконник сел ворон и стал каркать. Диакон Карин, смеясь над святительским поучением, спросил: «Кто из вас скажет, что говорит этот ворон?» Все молчали, кроме епископа, который продолжал свою речь. Диакон во второй и в третий раз произнес свой дерзкий вопрос. «Ворон говорит, – сказал святитель, прервав свое поучение, – что отныне ты не будешь диаконствовать». На другой день Карин умер. За чистоту своей жизни святой Епифаний удостоился от Господа дарования созерцать во время Божественной литургии наитие Святого Духа на Святые Дары. Однажды святитель, совершая Таинство, был лишен этого видения. Тогда он подозвал одного из клириков и тихо сказал ему: «Выйди, сын мой, ибо ты сегодня недостоин присутствовать при Бескровной Жертве». На свидетельстве об этом событии прервались записи ученика Иоанна. Дальнейшее описание жизни святого Епифания продолжил другой его ученик – Полувий, впоследствии епископ Ринокирский (память 12 мая). Святитель Епифаний, заботясь о своей пастве, решил вместо маленькой и ветхой церкви построить большую. Однако средств на постройку у него не было. Тогда он обратился за помощью к Богу и во время молитвы услышал голос, повелевший без колебания начинать задуманное дело. У известного богача Дракона долго и тяжело болел сын. К нему приходило много врачей, но никто из них не мог ему помочь. Заболел и отец. Святой Епифаний, придя в его дом, исцелил молитвой сначала сына, а потом и отца. После этого чуда Дракон принял святое Крещение со всем своим семейством и выделил на постройку церкви пять тысяч золотых монет.

В то время, продолжает Полувий, друзья святителя сообщили ему прискорбную весть о том, что епископ Иерусалимский Иоанн стал сребролюбцем и не оказывает милости нищим. Эта весть особенно опечалила угодника Божия потому, что в свое время он подвизался вместе с Иоанном в монастыре и знал его как благочестивого и добродетельного инока. Святой Епифаний отправился в Иерусалим и был принят епископом Иоанном с подобающими почестями. Гость попросил у хозяина на короткое время серебряные кубки и сосуды. Получив их, святитель Епифаний продал серебряную утварь и раздал вырученные деньги нищим. Через несколько дней епископ Иоанн потребовал свое серебро. Узнав, что кубки и сосуды проданы, он пришел в ярость и стал оскорблять гостя. Святитель Епифаний дунул ему в лицо, и тот ослеп. Устрашенный епископ Иоанн пал перед угодником Божиим на колени и просил об исцелении. Святитель Епифаний долго поучал корыстолюбца о нищелюбии и милостыни, а потом помолился Господу, и у епископа Иоанна открылся левый глаз. «Исцели и другой мой глаз», – просил он. «Не мое это дело, чадо, – ответил святой. – Бог закрыл тебе глаз, Он тебе его и откроет». Божее вразумление помогло епископу Иоанну преодолеть свои тяжкий грех.

В конце жизни святителя Епифания, по проискам императрицы Евдоксии и Патриарха Александрийского Феофила, вызвали в Константинополь на Собор, который был созван для суда над великим угодником Божиим святителем Иоанном Златоустом (память 14 сентября и 13 ноября). Но святой Епифаний, не желая быть участником беззаконного Собора, покинул Константинополь. Во время плавания на корабле святитель почувствовал приближение своего смертного часа. Он преподал ученикам последнее наставление – соблюдать заповеди Божий и хранить ум от нечистых помыслов – и чрез двое суток преставился ко Господу. Жители города Саламина с рыданиями встретили тело своего архипастыря и 12 мая 403 года с честью погребли его в построенном им храме.

Седьмой Вселенский Собор наименовал святителя Епифания отцом и учителем Церкви. В его творениях «Панарий» и «Анкорат» содержится опровержение арианской и других ересей, а в других сочинениях встречается много дрогоценных церковно-исторических преданий и указаний на греческие переводы Библии.

Литература:

Творения святителя Епифания, епископа Кипрского. Ч. 1–4. М., 1880–1881. Ч. 5–6. М., 1882–1886. – Творения святых отцов в русском переводе, изданные при Московской Духовной Академии. Т. 42, 44, 46, 48, 49.

Святитель Герман, Патриарх Константинопольский

Святитель Герман, Патриарх Константинопольский, родился в Константинополе в VII веке. Отец его, один из самых знатных сенаторов, был убит по приказу завистливого императора Константина Погоната (668–685), а мальчика Германа оскопили и отдали на обучение монахам. Еще в отрочестве он глубоко изучил Священное Писание. Когда же достиг совершеннолетия, то за святость жизни был поставлен епископом города Кизик. Вместе с Патриархом Константинопольским Киром он бесстрашно противостоял монофелитской ереси. Император-еретик Филипп Бардин (711–715) изгнал их обоих из страны. Вскоре правитель умер, скончался вдали от родины и Патриарх Кир. На Константинопольский патриарший престол был возведен святой Герман. За свои подвижнические труды и верность Святой Церкви он удостоился от Господа дара провидеть будущее.

Когда святитель Герман входил в храм во Имя Святой Софии Премудрости Божией, чтобы совершить свое первое патриаршее Богослужение, к нему подошла беременная женщина Анна и сказала: «Благослови, отче, зачатое в моем чреве». Патриарх взглянул на нее и ответил: «Да благословит тебя Господь молитвами святого первомученика». Этими словами он предсказал, что у нее родится мальчик, соименный святому первомученику Стефану. Вскоре Анна родила мальчика и назвала его Стефаном. Возмужав, он стал иноком и подвизался на Авксентиевой горе, а позже мученически пострадал за святые иконы (память 28 ноября) в правление нечестивого императора Константина Копронима (741–775).

Дальнейшая жизнь святителя Германа прошла под знаком непримиримой борьбы с ересью иконоборчества. Эта ересь возникла при императоре Льве Исавре, который, будучи ее убежденным сторонником, прилагал большие усилия к ее распространению. Он приказал удалять из храмов иконы и сжигать их. Святитель Герман неоднократно увещевал императора. Во время одной из бесед с ним он сказал: «Вселенские Соборы повелели нам не истреблять, но почитать святые иконы. Я готов пролить кровь за образ Христа моего, Который пролил Свою кровь, чтобы обновить падший образ моей души. Бесчестие, которое ты наносишь образу Христову, прямым образом относится и к Самому Христу...»

Однако ни беседы, ни какие-либо другие попытки вразумить правителя-еретика не приносили результатов. Убедившись в этом, святитель Герман добровольно оставил Первоевятительскую кафедру. Разгневанный император, обличенный накануне Патриархом в ереси, послал в его дом воинов, которые подвергли святителя побоям и изгнали из патриарших покоев. Пробыв на Константинопольской кафедре более 14 лет, святитель Герман удалился в монастырь, где провел в безмолвии остаток своей жизни. Он отошел к Богу в 740 году в возрасте 95 лет и погребен в монастыре Хора в Константинополе. Впоследствии его чудотворные мощи были перенесены во Францию.

На Седьмом Вселенском Соборе в 787 году имя Патриарха Германа было внесено в диптих святых. Он известен как церковный писатель. «Писания его славятся по всей вселенной», – сказано о нем на Седьмом Вселенском Соборе. Святителем Германом написан труд: «Созерцание предметов церковных, или Толкование на литургию», – объяснение трудных мест Священного Писания, а также сочинение о праведном воздаянии после смерти. По насыщенности исторических сведений важны его сочинения о ересях, возникавших с апостольских времен, и о Церковных Соборах, происходивших при императоре Льве-иконоборце. Сохранились также три послания святого Патриарха Германа о почитании икон, читавшиеся на Седьмом Вселенском Соборе. Известны другие его творения: гимны в похвалу святым, слова на Богородичные праздники Введения во храм, Благовещения и Успения, а также на обновление храма в честь Положения честного пояса Пресвятой Богородицы.

Преподо́бнаго Диони́сия, архимандри́та Тро́ице-Се́ргиева монастыря́, Ра́донежскаго чудотво́рца

НА МА́ЛОЙ ВЕЧЕ́РНИ

На Го́споди, воззва́х:стихи́ры на 4, глас 1:

От са́мых пеле́н Бо́га возлюби́в,/ Тому́ Еди́ному прилепи́лся еси́,/ кро́тость стяжа́в и во умиле́нии се́рдца всегда́ моля́ся,/ те́мже проси́ дарова́ти душа́м на́шим/ мир и ве́лию ми́лость.

Стра́хом Бо́жиим огражда́емь,/ мирска́я вся возненави́дел еси́, Богоно́сне Диони́сие,/ Вы́шних всегда́ ища́,/ и́хже получи́ти и нам моли́ся,/ прося́ нам ми́ра и ве́лия ми́лости.

Крест Христо́в от ю́ности на ра́мо взем,/ усе́рдно Тому́ после́довал еси́, о́тче Диони́сие,/ те́мже бога́тно прия́л еси́ мзду трудо́в твои́х/ от Подвигополо́жника Хри́ста,/ Его́же мо́ли дарова́ти нам мир и ве́лию ми́лость.

Сла́ва, и ны́не, Богоро́дичен, глас то́йже:

Блажи́м Тя, Пренепоро́чную и Честне́йшую Херуви́м,/ я́ко Тобо́ю соде́яся спасе́ние ми́ру/ и седя́щим во тьме и се́ни сме́ртней/ свет благода́ти возсия́.

На стихо́вне стихи́ры глас 2:

Дом Ду́ха Свята́го/ исполне́нием за́поведей Христо́вых преподо́бне Диони́сие, быв,/ помози́ и нам ше́ствовати путе́м,/ веду́щим к Ве́чным оби́телем,/ иде́же есть всех веселя́щихся жили́ще.

Стих: Честна́ пред Го́сподем/ смерть преподо́бных Его́.

Оби́тель Святы́я Тро́ицы,/ вруче́нную тебе́ от Боже́ственнаго Про́мысла,/ до́бре управля́я о́бразом жития́ твоего́ и кра́йним незло́бием,/ мно́жество и́ночествующих на путь спасе́ния/ наста́вил еси́, преподо́бне Диони́сие;/ и ны́не моли́ся упра́вленным бы́ти и нам на путь покая́ния/ и в день Стра́шнаго суда́ изба́витися муче́ния.

Стих: Блаже́н муж, боя́йся Го́спода,/ в за́поведех Его́ восхо́щет зело́.

Церко́вная установле́ния тща́тельне исправля́я/ и о нестрое́нии оте́чества душе́ю боле́знуя,/ потща́лся еси́ созва́ти до́блестныя сы́ны Росси́и/ на защище́ние Правосла́вныя ве́ры,/ и́хже благослови́в, побе́ду им от Бо́га испроси́л еси́;/ те́мже ны́не по до́лгу тя ублажа́ем, Диони́сие преподо́бне.

Сла́ва, глас 8:

Вельми́ боле́знуя о стра́ждущих лю́дех/ во вре́мя вели́кия напа́сти,/ обыше́дшия страну́ Росси́йскую,/ с пла́чем ве́лиим и со слеза́ми/ призыва́л еси́ всех к помоществова́нию им,/ собо́ю о́браз всем подая́ и́стинныя любве́;/ и ны́не стра́ждущим лю́те от неви́димых враго́в помози́,/ преподо́бне Диони́сие,/ и изба́ви злоде́йствия их,/ я́ко да по до́лгу тя ублажа́ем.

И ны́не, Богоро́дичен:

Влады́чице, приими́ моли́твы раб Твои́х/ и изба́ви нас/ от вся́кия ну́жды и печа́ли.

Тропа́рь пи́сан на вели́цей вече́рни. Сла́ва, и ны́не, пра́здника.

НА ВЕЛИ́ЦЕЙ ВЕЧЕ́РНИ

На Го́споди, воззва́х:стихи́ры на 8, пра́зднику 3 и свято́му 5, глас 8:

Весь от ю́ности себе́ Го́сподеви возложи́в/ и мона́шеское житие́ возлюби́в,/ потща́лся еси́ ше́ствовати те́сным путе́м,/ преподо́бне о́тче Диони́сие,/ смире́нною же му́дростию себе́ уничижа́я,/ от Бо́га возвели́чен был еси́,/ Его́же моли́ спасти́ся душа́м на́шим.

Труды́, поще́нием и бде́нием умерщвля́я те́ло свое́/ и непреста́нными моли́твами к Бо́гу всегда́ приближа́яся,/ дом че́стен Ду́ху Свято́му был еси́,/ И́же, ви́дя твое́ благо́е произволе́ние,/ прави́теля поста́ви тя до́му Живонача́льныя Тро́ицы,/ иде́же ве́рен яви́лся еси́/ о́бразом доброде́тельнаго твоего́ жития́/ мно́гия ча́да приве́д ко спасе́нию.

Да́нный тебе́ от Бо́га тала́нт/ земны́ми попече́нии не закрыва́я,/ во исправле́нии церко́вных после́дований и моли́тв,/ повеле́ние от царя́ и Патриа́рха прии́м,/ трудолю́бне подвиза́лся еси́, Диони́сие,/ а́ще и по́слежде мно́гия беды́ и напа́сти за сие́/ от зави́стных непови́нно прия́л еси́,/ те́мже по достоя́нию венча́лся еси́ от Бо́га,/ Его́же моли́ спасти́ся душа́м на́шим.

Житоме́ритель изря́ден во вре́мя ну́жды,/ я́коже дре́вле Ио́сиф,/ и непоколеби́мый столп терпе́ния в разли́чных напа́стех,/ я́коже И́ов, был еси́, Диони́сие,/ всем дре́вним страда́льцем за и́стину подо́бник,/ с ни́миже и прия́л еси́ на Небесе́х мзду трудо́в твои́х;/ те́мже ны́не по до́лгу тя любо́вию ублажа́ем.

С поруга́нием по то́ржищу води́м,/ во око́вах держи́м, бие́мь, и попира́емь,/ и вся́чески безче́стим,/ к бию́щим тя весе́лым лице́м бесе́довал еси́./ Вопроша́ющим же тя о беде́ сей друго́м твои́м отвеща́л еси́:/ несть се беда́, но то́кмо подо́бие беды́,/ и́стинная же беда́ есть в гее́нне с диа́волом му́чиму бы́ти;/ ея́же изба́вится нам Го́спода умоли́, Диони́сие преподо́бне.

Сла́ва, глас 6:

Прииди́те, мона́шествующих собра́ния,/ свяще́нницы и вси лю́дие,/ любо́вию восхва́лим отца́ на́шего Диони́сия/ в день све́тлой па́мяти его́,/ той бо яви́ся и́стинный ревни́тель по́стническаго жития́,/ после́дуя стопа́м вели́каго Се́ргия, свяще́нства бысть честны́й сосу́д,/ о лю́дех попечи́тель изря́ден,/ я́звенный врачу́я, наги́я одева́я/ и гла́дныя до́бре пита́я,/ отходя́щих же от сего́ вре́меннаго жития́/ по достоя́нию напу́тствия к ве́чному животу́,/ те́мже возопии́м ему́:/ о́тче Диони́сие, не преста́й и ны́не,/ вку́пе с преподо́бным Се́ргием,/ проси́ти у Христа́ Бо́га благо́е устрое́ние оте́честву на́шему,/ всем лю́дем мир/ и душа́м на́шим ве́лию ми́лость.

И ны́не, Богоро́дичен по гла́су или́ пра́здничен.

Вход, проки́мен дне и чте́ния 3 преподо́бническая (зри 21 мая)

На стихо́вне стихи́ры глас 5:

Ра́дуйся, о́тче Диони́сие,/ мона́шествующих пра́вило изве́стнейшее,/ согреша́ющих немедли́тельный обличи́телю,/ ка́ющимся же ско́ро подава́яй проще́ние,/ вражду́ющих ту́не на тя/ врачу́яй свои́м хриетоподража́тельным смире́нием/ и всем поле́зная промышля́яй:/ те́мже и нам, почита́ющим святу́ю па́мять твою́,/ испроси́ у Христа́ Бо́га мир и ве́лию ми́лость.

Стих: Честна́ пред Го́сподем/ смерть преподо́бных Его́.

Ра́дуйся, Богому́дре Диони́сие,/ погреше́ния неразу́мных обличи́вый/ и церко́вныя кни́ги до́бре испра́вивый,/ а́ще и мно́гия беды́ и напа́сти от зави́стных за сие́ претерпе́л еси́,/ но последи́ сла́вный страстоте́рпец за и́стину яви́лся еси́,/ от царя́ и Патриа́рха почте́н,/ наипа́че же от Всеще́драго Бо́га на Небеси́ ве́лию благода́ть прии́м,/ Его́же моли́ низпосла́ти душа́м на́шим/ мир и ве́лию ми́лость.

Стих: Блаже́н муж, боя́йся Го́спода,/ в за́поведех Его́ восхо́щет зело́.

Ра́дуйся, до́брый па́стырю слове́снаго ста́да,/ о́тче наш Диони́сие,/ ты бо су́етное дме́ние38 заблужда́ющих и проти́вящихся тебе́/ о́стрым обличе́ния сло́вом му́дре низложи́л еси́/ и су́етно бы́ти мудрова́ние сих показа́л еси́,/ а́ще и неиспра́влени пребыва́ху/ и мно́гия напа́сти тебе́ последи́ творя́ху,/ но ты прия́л еси́ от Бо́га оби́льную мзду трудо́в твои́х/ и незло́биваго терпе́ния твоего́,/ те́мже моли́ дарова́ти и нам, чту́щим святу́ю па́мять твою́,/ мир и ве́лию ми́лость.

Сла́ва, глас 8:

Мона́хов мно́жества,/ наста́вника тя почита́ем, о́тче наш Диони́сие:/ твое́ю бо стезе́ю вои́стинну пра́во ходи́ти позна́хом./ Блаже́н еси́, Христу́ рабо́тав,/ и вра́жию обличи́л еси́ си́лу,/ А́нгелов собесе́дниче и преподо́бных соприча́стниче и пра́ведных,/ с ни́миже моли́ся Го́сподеви,/ поми́ловатися душа́м на́шим.

И ны́не, пра́зднику или́ Богоро́дичен: Безневе́стная Де́во:

Тропа́рь, глас 3:

Земна́я, прельща́ющая очеса́ миролю́бцев,/ возненави́дел еси́, о́тче Богоно́сне Диони́сие,/ за уме́ты та вмени́в,/ ше́ствуя путе́м ско́рбным,/ и в терпе́нии добр во́ин Христо́в яви́лся еси́,/ победи́в стра́сти ми́ра,/ был еси́ до кончи́ны непоколеби́мый благоче́стия побо́рник./ Те́мже мы днесь, соверша́я свяще́нную па́мять твою́,/ духо́вными тя пе́сньми ублажа́ем и смире́нно мо́лим,/ да, предстоя́ Престо́лу Го́спода Бо́га,/ хода́тайствуеши о спасе́нии душ на́ших.

Ин тропа́рь, глас 4:

Бла́гости научи́вся от Вы́шнего благода́ти,/ измла́да подвиза́вся благо́ю со́вестию,/ Диони́сие преподо́бне,/ терпе́ния столп был еси́/ и сло́ва Бо́жия пропове́дник,/ благоче́стия догма́ты утверди́в и суеу́мных мудрова́ние упраздни́в,/ те́мже и пострада́л еси́ за и́стину, ра́дуяся,/ о́браз страда́льцем собо́ю показа́в,/ но, я́ко име́я дерзнове́ние ко Христу́ Бо́гу,/ не преста́й моля́ся о нас,/ любо́вию чту́щих святу́ю па́мять твою́.

Сла́ва, и ны́не, пра́здника

НА У́ТРЕНИ

По 1-м стихосло́вии седа́лен, глас 4:

Благи́й яре́м Христо́в, ра́дуяся, всегда́ нося́,/ кро́ток и смире́н се́рдцем, по словеси́ Госпо́дню, был еси́, о́тче Диони́сие,/ те́мже и обре́л еси́ ве́чный поко́й,/ е́же и нам улучи́ти моли́твами твои́ми, мо́лимся.

Сла́ва, и ны́не пра́здника.

По 2-м стихосло́вии седа́лен, глас 4:

Блаже́нства о́наго жела́я, е́же Христо́с ни́щим ду́хом обеща́,/ вся́кое до́лу влеку́щее мудрование от себе́, му́дре, отри́нул еси́,/ ничесо́же от вре́менных возжела́в;/ те́мже и обогати́лся еси́ от Бо́га Небе́сными дарова́нии,/ прославля́я с Го́рними си́лами Соде́теля вся́ческих.

Сла́ва, и ны́не пра́здника.

По полиеле́и седа́лен, глас 8:

Егда́ с поруга́нием, зно́ю вельми́ належа́щу,/ чрез весь день, во дворе́ держи́м, был еси́ во око́вах, жа́ждею ве́лиею томи́м,/ тогда наде́ждею прохлажде́ния о́ною живо́ю водо́ю,/ ю́же Христо́с ве́рующим в Него́ обеща́, укрепля́л еси́ себе́,/ и, наде́жди не погреши́в, стяжа́л еси́ внутрь исто́чник воды́, теку́щ в живо́т ве́чный,/ да не вжа́ждешися во ве́ки.

Сла́ва, и ны́не, Богоро́дичен:

О Тебе́ ра́дуется, Благода́тная, вся́кая тварь,/ а́нгельский собо́р и челове́ческий род,/ освяще́нный хра́ме и раю́ слове́сный,/ де́вственная похвало́, из Нея́же Бог воплоти́ся и Младе́нец бысть, пре́жде век Сый Бог наш:/ ложесна́ бо Твоя́ престо́л сотвори́/ и чре́во Твое́ простра́ннее небе́с соде́ла./ О Тебе́ ра́дуется, Благода́тная, вся́кая тварь, сла́ва Тебе́.

Степе́нна, 1-й антифо́н, 4-го гла́са. Проки́мен, глас 4: Честна́ пред Го́сподем/ смерть преподо́бных Его́.Стих: Что возда́м Го́сподеви о всех, я́же воздаде́ ми?Ева́нгелие от Матфе́я, зача́ло 43.

По 50-м псалме́ стихи́ра, глас 6:

Диони́сия преподо́бнаго досто́йно вси ублажи́м,/ оте́чества похвалу́ и Це́ркве Росси́йския утвержде́ние,/ предстоя́ща ны́не Святе́й Тро́ице/ и те́пле моля́щася о душа́х на́ших.

Канон праздника со ирмосом на 6 и святаго канон на 8, глас 6.

Песнь 1

Ирмо́с: Я́ко по су́ху, пешеше́ствовав Изра́иль/ по бе́здне стопа́ми,/ гони́теля фарао́на/ ви́дя потопля́ема,/ Бо́гу побе́дную песнь пои́м, вопия́ше.

От млады́х ногте́й, Богоно́сне Диони́сие, кро́тость ве́лию возъиме́л еси́:/ де́тская глумле́ния презре́в, смиренному́дрие серде́чно яви́л еси́,/ усе́рдно стра́ху Бо́жию внима́я.

Я́коже Симео́н, Ду́хом прови́дя,/ прия́в на ру́ки Предве́чнаго Младе́нца, предрече́ спасе́ние челове́ков,/ та́кожде вну́треннима очи́ма прозре́в оте́ц твой духо́вный/ бы́ти име́ющее твое́ житие́, глаго́лаше:/ сей сын наш бу́дет нам оте́ц.

Не козлогласова́нием39 и ины́м язы́ком поуча́шеся,/ я́коже обы́чай есть де́тем имени́тых, мирска́я внима́ющих,/ но страх Бо́жий всади́л еси́ в се́рдце твое́м, ве́дяй,/ я́ко теле́сное обуче́ние вма́ле поле́зно,/ а благоче́стие на все поле́зно есть.

Я́ко от чре́ва ма́тери твоея́ утверди́ся се́рдце твое́ во Го́споде,/ и измла́да приме́р доброде́тели показа́л еси́./ Тем тя благоче́стно восхваля́юще,/ велича́ем дарова́вшаго ти душе́вный ра́зум/ и просвети́вшаго тя све́том И́стины Христа́ Жизнода́вца.

Богоро́дичен: Досто́йно есть блажи́ти Тя, Пренепоро́чную и Честне́йшую Херуви́м,/ я́ко чрез Тя соде́лася спасе́ние ми́ру/ и свет благода́ти облиста́ седя́щих во тьме сме́ртней.

Ин кано́н моле́бный на 8, глас 4. Его́же краегране́сие: Мольбу́ ти приношу́, Диони́сие преподо́бне.Творе́ние гре́шнаго и́нока Си́мона.

Песнь 1

Ирмо́с: Триста́ты кре́пкия,/ Рожде́йся от Де́вы,/ безстрастия во глубине́/ души́ трича́стное потопи́, молю́ся,/ да Тебе́, я́ко в тимпа́не,/ во умерщвле́нии телесе́/ побе́дное воспою́ пе́ние.

Мо́ря жите́йскаго волна́ми потопля́емь/ и напа́стьми лю́тыми помраче́нный умо́м, молю́ся:/ при́зри, Го́споди Бо́же мой, на смире́ние души́ моея́/ и просвети́ смысл помраче́нный,/ да восхвалю́ до́блестнаго страда́льца, преподо́бнаго Диони́сия.

О́чи души́ и се́рдца к тебе́, преподо́бне Диони́сие, возложи́х, суеты́ мирски́я бе́гая,/ и ны́не припа́даю ти и вопию́:/ спаси́ мя, па́дшаго мно́гими гре́хи,/ и испра́ви путь мой ко спасе́нию.

Ле́ностию содержи́м есмь лю́те/ и во глубину́ прегреше́ния впадо́х,/ простри́ ми ру́ку по́мощи, преподо́бне Диони́сие,/ и исхити́ мя от сих зол хода́тайством твои́м,/ я́ко да спасе́н быв тобо́ю, ублажа́ю тя при́сно.

Богоро́дичен: Благоутро́бным и ти́хим Свои́м о́ком воззри́ на мя, раба́ Твоего́,/ и услы́шати потщи́ся, Блага́я Помо́щнице,/ исполня́ющи мольбу́ Своего́ раба́, Пречи́стая Богоро́дице,/ разоря́ющи сове́ты лука́выя.

Песнь 3

Ирмо́с: Несть свят,/ я́коже Ты, Го́споди Бо́же мой,/ вознесы́й рог ве́рных Твои́х, Бла́же,/ и утверди́вый нас на ка́мени/ испове́дания Твоего́.

Прича́стен соде́лавшися бра́ку,/ искуше́ние прия́л еси́ от Бо́га/ лише́нием други́ни твоея́, я́коже И́ов,/ но сласте́м ми́ра сего́ не поработи́л еси́ себе́/ и, плотска́я жела́ния победи́в, яви́лся еси́ дово́лен бы́ти к несе́нию бре́мени Ева́нгельскаго,/ е́же тебе́ бысть легко́ и бла́го.

Вои́стинну ти бла́го бысть,/ я́ко да не преткне́ши но́гу твою́ о ка́мень собла́знов ми́ра сего́:/ прия́в щит ве́ры, обле́клся еси́ в шлем спасе́ния/ и, возложи́в на ся броню́ пра́вды,/ соприче́л еси́ себе́ ли́ку подви́жников духо́вных.

Да красу́ется град Ста́рица/ не ди́вными и восхища́ющими зре́ние оче́с вещми́,/ но зрев ю́наго ста́рца Диони́сия.

Не быва́ет свети́льник под спу́дом,/ но на све́щнице поставля́ют его́, да все́ми ви́дим бу́дет;/ та́кожде и ты, о́тче Диони́сие, благоуго́ден быв Бо́гови,/ получи́л еси́ посеще́ние во избра́нных Его́,/ соде́лавшися наста́вником и назида́телем ста́да духо́внаго.

Неистощи́ма есть си́ла Бо́жия чудоде́йствующая:/ прославля́ет Бог святы́х Свои́х,/ да по́здний пото́мцы, не прилепля́яся к тле́нным и скороги́бнущим веще́м,/ па́че всего́ пеку́тся о свое́м преселе́нии на Не́бо./ Те́мже и дарова́ на сем пути́ свети́льники, уже́ возне́сшияся,/ в ни́хже све́тит нам и Диони́сий святы́й.

Ин

Ирмо́с: Утвержда́яй гром и созида́яй дух,/ утверди́ мене́, Го́спода,/ да тя пою́ и́стинно/ и творю́ во́лю Твою́:/ я́ко несть свят, я́ко Ты, Бо́же наш.

Утесня́емь есмь грехи мно́гими, преподо́бне Диони́сие,/ и напастьми лю́тыми содержи́м, к тебе́ прибега́ю:/ спаси́ мя, тре́бующего твоея́ по́мощи.

Ты иногда́ в разли́чных ско́рбех и напа́стех су́щим помо́щник обре́лся еси́./ И ны́не вопи́ю, я́ко к те́плому своему́ ходатаю:/ спаси́ мя от находя́щих ми зол, преподо́бне Диони́сие.

Изба́ви мя от язы́ка льстивоглаго́ливаго, я́ко благи́й предста́тель,/ и спасе́на мя покажи́ ны́не и в день Суда́,/ моли́твами твои́ми, преподо́бне Диони́сие.

Богоро́дичен: Потопля́ет мя волна́ грехо́вная и бу́ря безме́стных помышле́ний./ Умилосе́рдися, Всенепоро́чная, и ру́ку по́мощи, я́ко Ми́лостива, простри́,/ да, спаса́емь, ублажа́ю Тя.

Ин конда́к, глас 4:

Пра́вило ве́ры, столп благоче́стия/ был еси́, Богоно́сне Диони́сие,/ яви́в в себе́ о́браз и приме́р/ преуспе́яния доброде́тели и по́двигов:/ се́ю Ева́нгельскою мре́жею/ мно́гих улови́л еси́ подража́телей,/ подая́ блестя́щею на Небеси́ сла́вою свое́ю/ ре́вность к соде́йствованию на по́льзу правове́рных./ Те́мже мы, ны́не воспева́юще сия́, мо́лим тя,/ да хода́тайствуеши о стране́ на́шей/ и о всем Це́ркви исполне́нии.

Седа́лен, глас 3:

Все житие́ мое́ в ле́ности мно́зей преидо́х,/ и ны́не прибли́жихся к вре́мени исхо́да моего́,/ и от враг мои́х устраша́юся,/ да не исто́ргнут ду́шу мою́ и во глубину́ поги́бели сведу́т./ Но к тебе́ прибега́ю, па́стырю своему́, преподо́бне Диони́сие:/ уще́дри мя, раба́ твоего́,/ и изба́ви мя от озлобле́ния сих моли́твами твои́ми.

Сла́ва Отцу́, и Сы́ну, и Свято́му Ду́ху:

Прииди́те к сему́ гро́бу, глаго́лющийся бы́ти мудры́ и объюроде́вши,/ ослепи́вшися помышле́нии ве́ка сего́,/ зри́те чу́до Ева́нгелия,/ я́ко мы с ме́ртвым глаго́лем, и той нам отвещава́ет:/ о́тче Диони́сие, рцы нам сло́во утеше́ния./ Не услы́шите, краснозлоглаго́льствующии мудрецы́ ве́ка сего́, слове́с пра́веднаго,/ но правове́рнии, прини́кнув к его́ гро́бу, к святы́м его́ оста́нкам, я́вственно слы́шат,/ я́ко смерть ве́рных суть Па́сха/ и тле́нное их соде́лывается нетле́нными.

И ны́не, Богоро́дичен:

Мно́гими прегреше́нии аз, блу́дный, ум помрачи́в,/ вопию́ к Твоему́ кре́пкому заступле́нию, Богоро́дице:/ просвети́ души́ моея́ зе́ницы,/ и возсия́й ми покая́ния све́тлую зарю́,/ и облецы́ мя во ору́жие све́та, Богороди́тельнице Чи́стая.

Песнь 4

Ирмо́с: Христо́с моя́ си́ла,/ Бог и Госпо́дь,/ честна́я Це́рковь/ боголе́пно пое́т, взыва́ющи,/ от смы́сла чи́ста о Го́споде пра́зднующи.

Удиви́л еси́, Го́споди, пути́ Твоя́ в путе́х пра́ведных,/ просвеща́я нас чрез возлю́бленных Твои́х/ и соде́ловая нам в них спасе́ние,/ е́же яви́л еси и во уго́днице Твое́м Диони́сии.

Вну́тренними смяте́нии егда́ напа́ствуема бе Росси́я, та́кожде и вне́шними,/ воздви́гл еси́, Го́споди, подвигополо́жников духо́вных,/ и́же без меча́ и стрел и не кова́рством укроти́ша де́рзость враго́в,/ но си́лою смире́ния и свя́тости,/ в ли́ке ко́их воспева́ем и тя, о́тче Диони́сие.

Ни я́рость зве́рская,/ ни муче́ния злоны́рливых враго́в не устраши́ша тебе́,/ но, испове́дник быв Бо́жия сло́ва, увеща́я наро́д,/ и царю́, и Патриа́рху, бди́тельному оте́чества па́стырю,/ мно́гу сотвори́л еси́ по́льзу.

Удивля́яся, ве́рнии росси́яне, всеблаже́нному Патриа́рху Гермоге́ну,/ почти́те днесь па́мять воспева́емаго на́ми Диони́сия,/ и́же, с ним вку́пе побо́рствуя о ве́ре,/ я́ко наде́жде спасе́ния оте́чества, мно́гая подъя́т озлобле́ния.

Богоро́дичен:А́ще зря́ще то́кмо о́браз царя́, на земли́ су́ща благоде́тельна и благочести́ва,/ на пе́рси своя́ восхити́тельне его́ взима́ют,/ я́ко изобразу́юща Христа́ Го́спода;/ возвели́чим у́бо, правосла́внии,/ носи́вшую во утро́бе Свое́й Царя́ царе́й, Благоде́теля всему́ ми́ру,/ Ея́же моли́твами, при и́скреннем взыва́нии на́шем,/ Бог, ми́ра Оте́ц, вознесе́т рог правосла́вных люде́й.

Ин

Ирмо́с: Сей Бог наш, от Де́вы вопло́щся/ и естество́ обожи́в,/ Его́же воспева́юще, вопие́м:/ сла́ва си́ле Твое́й, Го́споди.

Ру́це возде́ти не сме́ю ко Спаси́телю своему́ Бо́гу,/ весь оскверне́н нечи́стыми де́лы:/ испроси́, преподо́бне, отпуще́ние грехо́в мои́х.

Испра́ви, преподо́бне Диони́сие, моли́тву раба́ твоего́,/ я́ко кади́ло благово́нно, ко Го́споду Иису́су Христу́,/ да твои́м заступле́нием получу́ ми́лость.

Нечи́стыми по́мыслы оскверни́х ду́шу мою́/ и в ле́ности все житие́ ижди́х;/ к тебе́ прибега́ю, преподо́бне,/ очище́ние ми пода́ждь моли́твами твои́ми.

Богоро́дичен: Ору́жием уя́звлена мя грехо́вным и лежа́ща,/ исцели́ мя де́йственными Свои́ми мольба́ми, Пренепоро́чная Влады́чице,/ и уны́ния тьму разжени́.

Песнь 5

Ирмо́с: Бо́жиим све́том Твои́м, Бла́же,/ у́тренюющих Ти ду́ши любо́вию озари́, молю́ся,/ Тя ве́дети, Сло́ве Бо́жий,/ и́стиннаго Бо́га,/ от мра́ка грехо́внаго взыва́юща.

И́стинным сло́ва Бо́жия разуме́нием одаре́н был еси́ свы́ше, Богому́дре Диони́сие,/ и сего́ ра́ди па́че други́х поручено́ тебе́ испра́вити погре́шности,/ в церко́вныя кни́ги по неве́дению вше́дшия.

Подража́я блаже́нному Макси́му Гре́ку,/ и́же быв истре́бован испра́вити преведе́нныя кни́ги,/ но от неве́жествующих пострада́ за и́стину,/ и ты, святы́й Диони́сие, быв ему́ после́дователь,/ сей же жре́бий име́в, и́стину отщепи́вшимся показу́еши.

А́ще бы́хом име́ли дар такова́го ве́дения,/ я́коже сла́вимый ны́не Диони́сий,/ согла́сие водвори́лося бы в нас;/ но, о Пресвяты́й Бо́же,/ ве́руем, я́ко и сих, неве́дущих Писа́ния,/ приведе́ши во двор Твой моли́твами и приме́ром Богому́драго Диони́сия.

Богоро́дичен: Твоя́ песносло́вцы, Богоро́дице,/ духо́вно утверди́шася и испо́лнишася Ду́ха,/ не усты́, но се́рдцем испове́дающе Тя, Честне́йшую Херуви́м/ и Благослове́ннейшую в челове́цех.

Ин

Ирмо́с: Часть моя́ еси́, Го́споди,/ и сла́ва лица́ моего́,/ Ты бо мя из тьмы неве́дения/ еди́н изба́вил еси́ Богоразу́мием,/ и Тебе́ молю́ся, Христе́:/ да́руй рабу́ Твоему́ мир, я́ко Человеколю́бец.

Шата́ние ю́ности и лицеме́рие ста́рости –/ обоя́ безу́мие стяжа́х и весь студа́ напо́лнен бых./ Но со слеза́ми к тебе́ вопию́:/ помо́щник ми бу́ди ко спасе́нию.

Узре́х скве́рну души́ моея́,/ в зерца́ло дел мои́х прини́кнув,/ и во окри́не40 слез мои́х измы́тися подви́гнухся;/ испроси́ ми, преподо́бне, у Спа́са вре́мя покая́ния,/ да получу́ отпуще́ние грехо́в.

Да́нное ми бога́тство духо́вное пре́жде/ теле́сными сластьми́ зле ижди́х./ Но, я́ко блу́днаго, преподо́бне, уще́дрив, оправда́й,/ ускори́ на по́мощь пре́жде кончи́ны моея́ и спаси́ мя.

Богоро́дичен: Исцели́ душе́вныя моя́ я́звы, Богоро́дице,/ заступи́ мя, Деви́це,/ и изба́ви мя, раба́ Твоего́, от оклевета́ния, и наве́та, и развраще́ния непра́ведна.

Песнь 6

Ирмо́с: Жите́йское мо́ре,/ воздвиза́емое зря напа́стей бу́рею,/ к ти́хому приста́нищу Твоему́ прите́к, вопию́ Ти:/ возведи́ от тли живо́т мой,/ Многоми́лостиве.

Кто испове́сть благонра́вие и ще́дрость твою́, о́тче Диони́сие,/ никто́ бо не исхожда́ше тощ от Тебе́,/ не прия́в ми́лости и слове́с, назида́ющих и́стинное бога́тство.

Я́ко жела́ет еле́нь на исто́чники водны́я,/ си́це но́зе твои́ теча́сте на песносло́вия Бо́жия;/ коле́не твои́ изнемого́сте от бде́ния,/ и плоть твоя́ измени́ся от поще́ния,/ но не́мощь твоя́ пре́йде от си́лы в си́лу.

Искони́ враг челове́ков, узре́в тя, в ми́ре сем не от ми́ра бы́вша,/ поскрежета́ зубы́ свои́ми и рече́: гнав, пости́гну./ Но ты, откры́в путь твой ко Го́споду, глаго́лал еси́:/ а́ще и сонм враго́в обы́дет мя, не убою́ся,/ упова́я на Тя, Бо́же оте́ц на́ших, И́же благослове́н во век.

Я́коже иногда́ три о́троцы сла́вляху среди́ огня́ ве́домаго Бо́га,/ та́кожде и ты, горя́ во огни́ озлобле́ний,/ огне́м Боже́ственныя любве́ попали́л еси́ лука́внующих,/ воспева́я ми́лость в ро́ды родо́в боя́щимся Го́спода.

Богоро́дичен: Змий, уязви́вый пя́ту благослове́ннаго, притупи́л есть свое́ жа́ло,/ те́мже у́бо Тебе́, ро́ждшую Сте́ршаго главу́ его́,/ Уме́ршаго за грехи́ на́ша и Воста́вшаго за оправда́ния на́ша,/ досто́йно велича́ем.

Ин

Ирмо́с: Бу́ря мы помышле́ний, пости́гши,/ во глубину́ низвлачи́т мя безме́рных грехо́в,/ но Ты, Упра́вителю Благи́й,/ предвари́в, упра́ви,/ я́ко проро́ка, и спаси́ мя.

От пеле́н в плен враго́в веде́н бых, беззако́нием кипя́,/ но тебе́ наста́вника стяжа́в и твоея́ по́мощи тре́буя, зову́:/ спаси́ мя, упова́ющего на тя.

На умоле́ние мое́ умилосе́рдися/ и ра́дость в печа́ли ме́сто да́руй,/ да пою́ при́сно, преподо́бне Диони́сие, и вопи́ю ти приле́жно:/ изба́ви мя от наве́та вра́жия.

Изтяза́ния мя в час стра́шный свободи́ моли́твами твои́ми, преподо́бне Диони́сие,/ и бесо́вския пре́лести от мене́ отжени́/ и му́ки ве́чныя изба́ви мя.

Богоро́дичен: Собо́рище на ны лука́вое собра́ся,/ непра́ведно борю́щее нас, Пречи́стая Богоро́дице:/ сих низложи́, и непра́ведное со́нмище разжени́,/ и душа́м на́шим поле́зная сотвори́.

Конда́к, глас 6:

Свет Трисия́нный, всели́выйся в ду́шу твою́,/ сосу́д избра́н показа́ тя,/ веща́юща Боже́ственная лю́дем,/ испове́дник Бо́жия Сло́ва яви́лся еси́,/ и прилага́ющих Божеству́ веще́ственный огнь/ я́вственно обличи́л еси́,/ и злосла́вных смы́слы, я́ко паучи́нное пряде́ние, растерза́л еси́,/ благоче́стия столп и забра́ло тве́рдое ми́ров и показа́лся еси́/ и сего́ ра́ди от Вселе́нскаго Патриа́рха ди́вне похвале́н был еси́./ Мы же благода́рными гла́сы, веселя́щеся, вопие́м ти:/ ра́дуйся, о́тче наш, Диони́сие преподо́бне.

И́кос:

Грехо́в ми разреше́ние пода́ждь/ и е́же пе́ти по достоя́нию по́двиги твоя́, Диони́сие преподо́бне,/ в ров бо глубо́к вве́ржен есмь неразу́мия,/ а́ще не ты ми пода́си, недосто́йному, сло́во и язы́к непосты́ден,/ воспе́ти со дерзнове́нием си́це:/ ра́дуйся, Небе́сный челове́че и земны́й А́нгеле,/ я́ко с пло́тию на земли́ Безпло́тных житие́ показа́л еси́./ Ра́дуйся, па́стырю всеизря́дный,/ я́ко после́довал еси́ стопа́м преподо́бнаго Се́ргия,/ ста́до твое́ упа́сл еси́ и и́нок мно́жество до́бре упра́вил еси́./ Ра́дуйся, терпе́ния сто́лпе и смире́нныя кро́тости высото́./ Ра́дуйся, стра́нным прибе́жище и безнаде́жным неча́емое упова́ние./ Ра́дуйся, скорбя́щих утеше́ние и безпомо́щных помо́щниче./ Ра́дуйся, духодви́жимая уста́ и язы́че богоглаго́ливый,/ я́ко во вре́мя всеми́рных напа́стей наро́ду веща́л еси́/ и царю́ и Патриа́рху мно́гу по́льзу сотвори́л еси́./ Ра́дуйся, врачу́ прему́дрый я́звенным,/ я́ко при́сный оте́ц о них промышля́я,/ о́вых врачу́я, о́вых же с пе́нием подоба́ющим и с напу́таем ве́чнаго живота́ отпуща́я./ Ра́дуйся, пита́телю благи́й си́рым и больны́м промы́шленниче/ и упокое́ние в до́брей пи́щи и пити́и,/ сам же, благодаря́ Бо́га, овся́ным хле́бом и водо́ю дово́льствовавыйся./ Ра́дуйся, свы́ше от Бо́га дар восприи́мый умноже́нием хле́ба,/ я́ко и мал сосу́дец не оскуде́ на пи́щу бра́тии и наро́ду мно́гу./ Ра́дуйся, пропове́дниче Бо́жия Сло́ва,/ Правосла́вия догма́ты утвержда́я,/ злосла́вных же смы́слы из ко́рене исторга́я./ Ра́дуйся, страда́льче предо́брый,/ изгна́ния и ра́ны на телеси́ му́жески претерпе́в, по и́стине побора́я./ Ра́дуйся, церко́вное утвержде́ние и умире́ние ми́ру./ Ра́дуйся, наста́вниче спасе́ния на́шего, Диони́сие преподо́бне.

Песнь 7

Ирмо́с: Росода́тельну у́бо пещь/ соде́ла А́нгел/ преподо́бным отроко́м,/ халде́и же опаля́ющее/ веле́ние Бо́жие мучи́теля увеща́ вопи́ти:/ благослове́н еси́, Боже оте́ц на́ших.

Златолюби́ваго эконо́ма, дерзну́вшаго оболга́ти тя царю́ и Патриа́рху,/ во е́же свято́е оби́тели стяжа́ние непра́ведно отъя́ти,/ претерпе́в темни́цу и ра́ны, де́лы свои́ми низложи́в,/ яви́лся еси́ и́стинный до́лжнаго назида́ния строи́тель.

Хитросплете́нныя ко́зни сокруши́в,/ не убоя́лся еси́ гне́ва царе́ва и Патриа́рхова,/ показа́в озлобле́нии свои́ми обстоя́щую их лесть и кова́рство,/ сказа́л еси́ пути́ пра́вды Ева́нгельския.

Егда́ па́ки бе́здна беззако́ний на́ших призва́ бе́здну гне́ва правосу́дия Бо́жия/ и егда́ не бысть ни гра́да, ни ве́си, ни де́бри, е́же бы укры́тися христиа́ном,/ восхоте́ Бог показа́ти си́лу Свою́ не в си́ле ко́нстей, но в небра́нных во́инех:/ проти́вныя сотре́,/ препоя́сав си́лою Свое́ю подви́жники Ла́вры Се́ргиевы.

Преста́ волне́ний оте́чества на́шего бу́ря,/ егда́ яви́шася ве́рнии по ве́ре ко́рмчии:/ му́дрый Иоаса́ф, ре́вностный Авраа́мий и усе́рдный по Бо́зе Диони́сий,/ его́же ны́не чту́ще па́мять, благословля́ем Тя, Бо́же Росси́и.

Богоро́дичен: Благослове́н Христо́с,/ Плод чре́ва Твоего́, Богоро́дице Де́во,/ я́ко под Его́ зна́менем ополча́ющиися побежда́ют ви́димых враго́в.

Ин

Ирмо́с: Не преда́ждь нас до конца́ И́мене Твоего́ ра́ди,/ и не разори́ Заве́та Твоего́,/ и не отста́ви ми́лости Твоея́ от нас,/ Го́споди Бо́же оте́ц на́ших,/ препе́тый во ве́ки.

Испыта́тель бых чужи́х грехо́в, а своего́ беззако́ния утаи́тель,/ оправда́юся язы́ком, де́лы же в нече́стие схожду́./ Сего́ ра́ди мо́лю тя, преподо́бне,/ да очи́стиши мя от беззако́ния моего́.

Еще́ ми́лости и заступле́ния у тебе́ прошу́, Диони́сие преподо́бне,/ не возгнуша́йся моея́ смра́дности,/ поми́луй мя, милосе́рдовав о мне,/ и изведи́ мя ко исправле́нию моли́твами твои́ми.

Покро́в мой и прибе́жище ты еси́, и заступле́ние,/ и при́сное хвале́ние ми о тебе́, преподо́бне Диони́сие,/ не пре́зри мя, раба́ твоего́, упова́ющаго на тя.

Богоро́дичен: Раболе́пно весь преклоня́юся, окая́нный,/ и от се́рдца моего́ вопию́,/ ру́це распросте́р, коле́на преклоня́ю, и молю́ Тя, Пречи́стую Де́ву,/ изба́витися ско́ро бед, при́сно находя́щих от наве́та чужда́го.

Песнь 8

Ирмо́с: Из пла́мене преподо́бным ро́су источи́л еси́/ и пра́веднаго же́ртву водо́ю попали́л еси́/ вся бо твори́ши, Христе́, то́кмо е́же хоте́ти./ Тя превозно́сим во вся ве́ки.

Па́ки ты в озлобле́ниих и му́ках от враго́в и́стины,/ тебе́, я́ко правдолю́бцу соде́янных,/ быв це́лый год,/ подвиза́яся о сохране́нии Бо́жия сло́ва, в спасе́ние на́ше пре́даннаго,/ показа́л еси́ нам приме́р,/ да и мы, в жите́йстем мо́ре бу́рею, проти́ву нас ды́шущею, напа́ствуеми,/ та́кожде ополчи́вшеся, противоста́нем ко́знем/ и дости́гнем ти́хаго ве́чнаго приста́нища.

Преста́ша иногда́ дыша́ти зло́бою бра́тия на Ио́сифа,/ егда́ бе во спасе́ние им,/ и он, преда́в забве́нию оби́ду,/ прообразова́л есть кро́тость Ева́нгелия;/ се но́вый Ио́сиф,/ быв и́стинно усе́рдный житоме́ритель благослове́нному гра́ду Москве́/ и о́крестным ве́сем, ги́бнущим от гла́да,/ но мудре́йший сы́нове ве́ка сего́ не преета́ша от зло́бы на пра́вду,/ за ню же стоя́л еси́, Диони́сие блаже́нне.

И́стинно рек воспроси́вшим тя,/ ка́ко бысть толи́кое твое́ бе́дствование, глаго́лав:/ беды́ и напа́сти в ве́це сем/ не суть беды́ и напа́сти, но суть иску́с Бо́жий./ Вои́стинну та́ко:/ я́ко бо зла́то, в горни́ле искуша́емое, быва́ет светле́е,/ та́кожде и ты, быв искуше́н,/ избе́гнув и́стинныя беды́ гее́нския,/ яви́лся еси́ светле́е во све́тлостех святы́х./ Те́мже и нас, искуша́емых, убежда́еши ревнова́ти сла́ве твое́й.

Терпя́, потерпе́л еси́, и ти внят Госпо́дь,/ и поста́ви но́зе твои́ на ка́мени Це́ркве Своея́,/ и исчезо́ша врази́ твои́,/ и вложи́ во уста́ твоя́ песнь, во е́же с ве́рными глаго́лати:/ а́ще есть Бог, судя́й на земли́,/ у́бо есть плод пра́веднику, и путие́ его́ пра́ви суть.

Богоро́дичен: Вся на́ша до́брая дела́ была́ бы́ша вменена́ за ничто́,/ а́ще бы не чрез Воплоти́вшагося от Тя/ соде́лася спасе́ние челове́ков.

Ин

Ирмо́с: Земля́, и вся, я́же на ней,/ мо́ре и вен исто́чницы,/ Небеса́ небе́с, свет и тьма, мрак и зной,/ сы́нове челове́честии/ и свяще́нницы, благослови́те Го́спода/ и превозноси́те Его во ве́ки.

Еди́ным спаси́тельным путе́м устро́й мя ше́ствовати, преподо́бне Диони́сие,/ моли́твами твои́ми непреткнове́нно,/ я́ко руководи́тель и наста́вник к ве́чному животу́.

Пла́вая в пучи́не настоя́щего жития́, помышля́ю бе́здну мно́гих мои́х зол/ и не и́мам окорми́теля помышле́нием, преподо́бне./ Спаси́ мя, обурева́емаго при́сно,/ и пода́ждь ру́ку по́мощи.

Объя́т бых дрема́нием злым, окая́нный,/ и сон отча́яния покры́ мя, беззако́ннаго./ Но ты, наста́вниче мой, при́зри на мя ми́лостивным о́ком,/ виждь смире́ние мое́ и спаси́ мя.

Богоро́дичен: Душе́вных ми слез даждь ка́плю, Пречи́стая Богоро́дице,/ омыва́ющу скве́рну всю мои́х дея́ний и лука́вая помышле́ния,/ всю очища́ющу души́ моея́ нечистоту́ и Це́рковь творя́щу мя Бо́жия Ду́ха.

Песнь 9

Ирмо́с: Бо́га/ челове́ком невозмо́жно ви́дети,/ на Него́же не сме́ют чи́ни а́нгельстии взира́ти;/ Тобо́ю бо, Всечи́стая, яви́ся челове́ком/ Сло́во воплоще́нно,/ Его́же велича́юще,/ с Небе́сными во́и Тя ублажа́ем.

Не умолчи́м и сего́, чтя па́мять преподо́бнаго,/ коль ве́лие име́ он попече́ние, подража́я пра́ведному Тови́и,/ о погребе́нии ме́ртвых, изби́тых от враго́в оте́чества на́шего,/ и како́в бе его по́двиг в лече́нии от ни́хже изму́ченных ра́нами:/ сам исхожда́ше с бра́тиею но́щию/ и врачева́ше я́звы их, ели́ко мо́щно бе.

Тре́тие яви́ся оби́тель ди́внаго Се́ргия щит и огражде́ние ве́рныя Росси́и,/ же́ртвуя пра́ведными свои́ми стяжа́нии./ Сим приме́ром возжего́шася и́стинная ча́да Росси́и,/ и, умили́вшеся ея́ гра́матами, Пожа́рский и Ми́нин ско́ро потеко́ша на избавле́ние оте́чества./ Те́мже и ны́не, блаже́нне Диони́сие, моли́ Бо́га,/ да оте́чество и кинови́я сия́ бу́дут непреодоли́мы.

Глаго́лют нечести́вии, я́ко во вре́мени вся ги́бнут, пра́во глаго́лют:/ поги́бнут бо с помышле́нии свои́ми,/ но в па́мять ве́чную бу́дет пра́ведник,/ и пра́вда его́ пребу́дет во век./ Те́мже и мы ублажа́ем тя, о́тче Диони́сие, и чтим святу́ю па́мять твою́,/ ты бо свои́м приме́ром и нас руково́дствуеши к Небеси́.

За вся сия́ почте́н быв во вре́мени,/ похвале́н и от Вселе́нских Патриа́рх,/ из ни́хже от Иерусали́мскаго получи́л еси́ клобу́к его патриа́ршеский,/ но блаже́ннее яви́лся еси́, егда́ умира́я о Го́споде, воспева́л еси́ Па́сху твою́, глаго́ля:/ умре́ти ми приобрете́ние есть,/ тече́ние соверши́х, ве́ру соблюдо́х./ Те́мже и воспева́ем тя, сподо́бившагося венца́ Небе́снаго.

Богоро́дичен: Упова́ние христиа́н, Пресвята́я Де́во,/ Его́же родила́ еси́, Бо́га,/ непреста́нно моли́ с Вы́шними си́лами исправле́ние жития́ пода́ти и оставле́ние грехо́в/ ве́рою и любо́вию при́сно Тя сла́вящим.

Ин

Ирмо́с: Велича́ем вси/ человеколю́бие Твое́, Христе́ Спа́се наш,/ Сла́во раб Твои́х/ и Ве́нче ве́рных,/ возвели́чивый па́мять Ро́ждшия Тя.

Омраче́нный ум мой просвети́,/ и ду́шу мою́ боле́знующую исцели́, преподо́бне Диони́сие,/ и огня́ неугаси́маго исхити́, и ве́чных мук неизглаго́ланных изба́ви мя.

Безслове́сными страстьми́ прекло́нься,/ во глубину́ поги́бели снидо́х,/ и пла́мени сожже́ние сам ся соде́лах,/ и нико́ея же по́мощи име́ю, ра́зве тебе́, преподо́бне.

На тя наде́жду спасе́ния моего́ возлага́ю, преподо́бне,/ и к тебе́ прибега́ю:/ не пре́зри мя, во гресе́х погиба́ющего,/ спаси́ мя благоутро́бным твои́м заступле́нием.

Богоро́дичен: Еди́на боля́щих посеще́ние,/ Еди́на па́дших исправле́ние, Влады́чице,/ Еди́на к Бо́гу Руководи́тельнице и вход,/ Еди́на Хода́таице ве́чных благ,/ поми́луй мя, еди́наго, и́же па́че всех согреши́вшаго.

Свети́лен:

Све́тлым житие́м твои́м свет ста́ду твоему́ был еси́, преподо́бне Диони́сие,/ те́мже и на́ша омраче́нная грехо́м сердца́ све́том покая́ния просвети́/ и на путь за́поведей Госпо́дних напра́ви.

Сла́ва, и ны́не, Богоро́дичен:

Свет ро́ждшая ми́ру, Пречи́стая Влады́чице,/ просвети́ у́мныя о́чи души́ моея́/ и спаси́тельных слез исто́чники да́руй ми, рабу́ Твоему́,/ я́ко да по до́лгу Тя ублажа́ю.

На хвали́тех стихи́ры на 6, пра́здника 3 и свята́го 3, глас 4:

Егда́ не бысть гра́да, ни ве́си, ни де́бри,/ е́же укры́тися лю́дем росси́йским от мучи́тельства враго́в,/ и́мже грех ра́ди свои́х пре́дани бы́ша,/ тогда́ ты, преподо́бне Диони́сие,/ кре́пкое прибе́жище и наде́жное приста́нище всем стра́ждущим яви́лся еси́./ Те́мже и нас мучи́тельства де́монскаго изба́ви/ и от страсте́й свободи́ моли́твами твои́ми.

Нощь вся́ка день тебе́ бысть,/ преподо́бне Диони́сие,/ егда́ о избавле́нии оте́чества твоего́/ те́пле со слеза́ми и во́плем кре́пким моли́лся еси́;/ те́мже и возра́довался еси́, спасе́ние зря/ и ми́рное люде́й пребыва́ние,/ е́же и нам от Бо́га испроси́ моли́твами твои́ми.

Нападо́ша иногда́ на преподо́бнаго Се́ргия,/ моля́щася в со́зданней им це́ркви,/ бесо́вския по́лчища во о́бразе лито́вских во́инских люде́й,/ хваля́щеся ме́сто сие́ разори́ти,/ но моли́твою его́ прогна́ни бы́ша:/ се промысли́тельное проявле́ние бысть,/ е́же последи́, во твое́ вре́мя, де́лом соверши́ся,/ егда́ оби́тель сия́ до́лгое вре́мя лито́вскими людьми́ вою́ема бе,/ и́же тща́хуся о́ную вконе́ц разори́ти,/ но саме́х богопораже́нною я́звою тру́пия/ досто́йно падо́ша, псало́мски, при а́де./ Те́мже и ны́не не преста́й, преподо́бне Диони́сие,/ спаса́ти оби́тель сию́ и вся гра́ды и страны́ христиа́нския/ от всех наве́т вра́жиих моли́твами твои́ми.

Сла́ва, глас то́йже:

По мно́гих труде́х и страда́ниих,/ и́же подъя́л еси́ о спасе́нии оте́чества/ и исправле́нии церко́внем,/ честь старе́йшинства и пе́рвенства в бра́тиях твои́х/ тебе́ от Вселе́нскаго Патриа́рха даде́ся, преподо́бне Диони́сие,/ от Бо́га же Небе́сное Ца́рство и несконча́емую ра́дость насле́довал еси́,/ е́же и нам испроси́ моли́твами твои́ми.

И ны́не, пра́здника.

Славосло́вие вели́кое. Та́же ектении́ и отпу́ст.

НА ЛИТУРГИ́И

Блаже́нны от кано́на свята́го, пе́сни 3-я и 6-я. Проки́мен, глас 7: Честна́ пред Го́сподем/ смерть преподо́бных Его́. Стих: Что возда́м Го́сподеви о всех, я́же воздаде́ ми?Апо́стол к Гала́том, зача́ло 213. Аллилу́ия,глас 6: Блаже́н муж, боя́йся Го́спода, в за́поведех Его́ восхо́щет зело́.Стих: Си́льно на земли́ бу́дет се́мя его́.Ева́нгелие от Луки́, зача́ло 24. Прича́стен: В па́мять ве́чную:

Моли́тва

От млады́х ногте́й возлюби́вый Христа́, преподо́бне Диони́сие, – сотвори́ моли́твами свои́ми, да и на́ши сердца́ свяще́нным любве́ Бо́жия огне́м пламене́ют, не то́кмо в ю́ности, но и в ста́рости да не погаса́ют, возжига́ема теплото́ю ве́ры. Возложи́вый на ся, подви́жниче, яре́м Ева́нгельский, и о́ный обре́тший благи́м и ле́гким, до конца́ о́ный му́жественно соверши́л еси́, сподо́бившися венца́ торже́ственнаго, я́ко победи́тель, – и нам помози́ тя́гостное бре́мя жития́ сего́ му́жественно понести́ и, соблю́дше ве́ру до конца́, сподо́битися милосе́рдаго от Бо́га воздая́ния. Быв тща́тельный и ре́вностный зва́ния, от Бо́га тебе́ возложе́ннаго, испо́лнитель, – помози́ и нам проходи́ти зва́ния на́ши неосла́бно, подкрепля́я нас упова́нием по́мощи на Всеси́льнаго. Мно́гая ко́зни и страда́ния от злоко́зненных враго́в великоду́шно претерпе́вый, свя́те Диони́сие, – и нам, окруже́нным сетя́ми вра́жиими и разли́чным искуше́нием подлежа́щим, моли́твами твои́ми испроси́ свы́ше по́мощь на побежде́ние и попра́ние о́ных. Всегда́ умерщвля́я посто́м, моли́твами и бде́нием плоть свою́ и о́ную соде́лал еси́ хра́мом Животворя́щего Ду́ха, – и нас святы́й приме́р твой да возбужда́ет подража́ти следа́м твои́м и улучи́ти вре́мя к покая́нию и оставле́нию грехо́в на́ших. Быв горя́щий о сла́ве Це́ркве и оте́чества ревни́тель, – исхода́тайствуй моли́твами твои́ми мир Це́ркви Правосла́вно-Росси́йской, оте́честву на́шему благоде́нствие, оби́тели Се́ргиевой твои́м правле́нием благоустро́енной и защище́нной, всемогу́щее покрови́тельство, нам же всем, к тебе́ с любо́вию притека́ющим, здра́вие и спасе́ние, да прославля́ем просла́вльшаго тя Го́спода ны́не, и при́сно, и во ве́ки веко́в. Ами́нь.

Преподобный Дионисий Радонежский

Преподобный Дионисий Радонежский, в миру Давид Зобниновский, родился около 1570 года в городе Ржеве. Постриженик, а затем настоятель Старицкого Успенского монастыря, во время событий Смутного времени был ближайшим помощником святителя Ермогена, Патриарха Московского. С 1610 года преподобный отец Дионисий? архимандрит Троице-Сергиевой Лавры. При нем в монастырских слободах были открыты дома и больницы для пострадавших, раненых и оставшихся бездомными во время польсколитовского нашествия. Во время голода по его настоянию братия Лавры питались овсяным хлебом и водою, чтобы сберечь пшеничный и ржаной хлеб для больных. В 1611 –1612 годах совместно с келарем Троице-Сергиевой обители иноком Авраамием Палицыным († 1625) он писал окружные послания с призывом присылать ратных людей и денежные средства для освобождения Москвы от поляков, а также к князю Димитрию Пожарскому и ко всем ратным людям с призывом ускорить поход.

Иноческая школа помогла преподобному Дионисию в самых тяжелых обстоятельствах лихолетья сохранить в душе неугасимым внутренний свет заповедей Христовых. Высокая ступень иноческого подвига, достигнутая преподобным через непрестанную молитву, сообщила ему и дар чудотворений. Но он тщательно хранил тайны духовной жизни от людей, которым это знание могло послужить лишь во вред. «Не спрашивайте инока о делах иноческих, – говорил преподобный Дионисий, – потому что для нас, иноков, великая беда – открывать тайны мирянам. Есть писано о том, что делается в тайне, да не у весть шуйца твоя... Нам следует укрываться, чтобы делание наше было неведано, дабы этим диавол не ввел нас во всякое небрежение и в леность». О глубоких внутренних испытаниях и постигнутых им тайнах Богопознания можно судить только по тем делам, которые проявлялись, когда обстоятельства принуждали преподобного Дионисия к активной деятельности.

Одним из таких значительных событий было привлечение его к исправлению Богослужебных книг. С 1616 года преподобный Дионисий возглавил работы по исправлению печатного Требника на основе сличения древних славянских рукописей и различных греческих изданий. Во время работы справщики обнаружили существенные расхождения и в других книгах, изданных в период междупатриаршества (1612–1619). Однако ответственные за эти упущения люди обвинили на Соборе 1618 года преподобного Дионисия в еретичестве. Лишенный права священнослужения и отлученный от Церкви, он был заточен в Новоспасский монастырь, где его хотели умертвить голодом. Вмешательство в 1619 году Иерусалимского Патриарха Феофана IV (1608–1644) и вернувшегося из польского плена Патриарха Филарета (1619–1633) прекратило его заточение, и он был оправдан. Преподобный Дионисий строго соблюдал монастырский устав, лично участвовал вместе с братией в монастырских работах и в устроении обители после осады Лавры поляками. Житие и канон преподобного написаны келарем Троице-Сергиева монастыря Симоном Азарьиным и дополнены священником Иоанном Наседкой, сотрудником преподобного Дионисия в деле исправления Богослужебных книг. Преставился преподобный Дионисий 12 мая 1633 года и погребен в Троице-Сергиевой Лавре.

Литература:

Житие преподобного отца нашего Дионисия, архимандрита Сергиевой Лавры, Радонежского чудотворца. Свято-Троице-Сергиева Лавра, 1908.

Святи́теля Ермоге́на, Патриа́рха Моско́вскаго и всея́ Руси́

(Службу зри 17 февраля)

Тропа́рь, глас 4:

Приспе́ день све́тлаго торжества́,/ град Москва́ ра́дуется,/ и с ним Русь Правосла́вная ликовству́ет/ пе́сньми и пе́ньми духо́вными:/ днесь бо свяще́нное торжество́/ в явле́нии честны́х и многоцеле́бных моще́й/ святи́теля и чудотво́рца Ермоге́на,/ я́коже со́лнце незаходи́мое возсия́ светоза́рными луча́ми,/ разгоня́я тьму искуше́ний же и бед/ от вопию́щих ве́рно:/ спаса́й нас, я́ко предста́тель наш, вели́кий Ермоге́не.

Конда́к, глас 6:

Темни́цею и гла́дом изнуря́емь,/ да́же до сме́рти ве́рен пребы́л еси́, блаже́нне Ермоге́не,/ малоду́шие от серде́ц люде́й твои́х отгоня́я/ и на о́бщий по́двиг вся призыва́я./ Те́мже и нечести́вых мяте́ж низложи́л еси́ и страну́ на́шу утверди́л еси́,/ да вси зове́м ти:/ ра́дуйся, засту́пниче Росси́йския земли́.

Священномученик Ермоген, Патриарх Московский и всея Руси

Священномученик Ермоген, Патриарх Московский и всея Руси, прославлен в лике святителей 12 мая 1913 года.

В течение трех столетий из поколения в поколение передавалась память о Патриархе Ермогене как святителе-мученике и росла народная вера в него как заступника и молитвенника за землю Русскую у Престола Вседержителя. В тяжкие годы отечественных бедствий молитвенная мысль народа обращалась к памяти Патриарха-героя. Шли русские люди к его гробнице и со своими личными скорбями, недугами и болезнями, благоговейно призывая на помощь святителя Ермогена, веруя в него как теплого молитвенника и предстателя пред Господом. И Всемилостивый Господь вознаградил эту веру.

Прославление священномученика Ермогена в лике святых Русской Церкви последовало в 1913 году. К этому событию были написаны иконы и литургические тексты новому святому. На праздновании торжества прославления священномученика Ермогена присутствовали Блаженнейший Григорий, Патриарх Антиохийский, более двадцати архиереев Русской Церкви, многочисленные верующие. 12 мая 1913 года Божественной литургией в Москве и других городах было ознаменовано это событие – Русская Церковь и наше Отечество получили нового Небесного покровителя. С того дня началось литургическое почитание святителя Ермогена, Патриарха Московского и всея Руси.

Святейшим Синодом Русской Церкви установлены дни празднования священномученику Ермогену, Патриарху Московскому и всея Руси: 17 февраля – преставление (сведения о жизни и подвиге помещены в этот день) и 12 мая – прославление в лике святителей.

Велико общенациональное значение святителя Ермогена, неутомимого борца за чистоту Православия и единство Русской земли. Его церковная и патриотическая деятельность в течение нескольких столетий служит ярким образцом пламенной веры и любви к своему народу для русского человека. Церковная деятельность Первосвятителя характеризуется внимательным и строгим отношением к Богослужению. При нем были изданы: Евангелие, Минеи Месячные: сентябрь (1607 г.), октябрь (1609 г.), ноябрь (1610 г.) и первые двадцать дней декабря, а также напечатан «Большой Церковный Устав» в 1610 году. При этом святитель Ермоген не ограничивался благословением к изданию книг, но тщательно наблюдал за исправностью текстов. По благословению святителя Ермогена с греческого на русский язык была переведена служба святому апостолу Андрею Первозванному (память 30 ноября) и восстановлено празднование его памяти в Успенском соборе. Под наблюдением Первосвятителя были сделаны новые станки для печатания Богослужебных книг и построено новое здание типографии, пострадавшее во время пожара 1611 года, когда Москва была подожжена поляками. Заботясь о соблюдении Богослужебного чина, святитель Ермоген составил «Послание наказательно ко всем людям, паче же священником и диаконом о исправлении церковного пения». «Послание» обличает священнослужителей в неуставном совершении церковных служб – многогласии, а мирян – в неблагоговейности при Богослужении.

Широко известна литературная деятельность Первосвятителя Русской Церкви. Его перу принадлежит: повесть о Казанской иконе Божией Матери и служба этой иконе (1594 г.); послание Патриарху Иову, содержащее сведения о казанских мучениках (1591 г.); сборник, в котором рассматриваются вопросы Богослужения (1598 г.); патриотические грамоты и воззвания, обращенные к русскому народу (1606–1613) и другие произведения.

Отзывы современников свидетельствуют о Патриархе Ермогене как человеке выдающегося ума и начитанности: «Государь велика разума и смысла и мудра ума», «чуден зело и многого рассуждения», «зело премудростию украшен и в книжном учении изящен», «о Божественных словесех присно упражняется и вся книги Ветхого Закона и Новыя Благодати, и уставы церковныя и правила законный до конца извыче». Святитель Ермоген много занимался в монастырских библиотеках, прежде всего в богатейшей библиотеке Московского Чудова монастыря, где выписывал из древних рукописей ценнейшие исторические сведения, положенные в основу летописных записей. В XVII веке «Воскресенскую летопись» называют летописцем Святейшаго Патриарха Ермогена. В сочинениях Предстоятеля Русской Церкви и его архипастырских грамотах постоянно встречаются ссылки на Священное Писание и примеры, взятые из истории, что свидетельствует о глубоком знании Слова Божия и начитанности в церковной письменности того времени.

С этой начитанностью Патриарх Ермоген соединял и выдающиеся способности проповедника и учителя. Отзывы современников характеризуют нравственный облик Первосвятителя как «мужа благочестивого», «известного чистого жития», «истинного пастыря стада Христова», «неложнаго стоятеля по вере христианской».

Эти качества святителя Ермогена с особенной силой проявились в Смутное время, когда Русскую землю постигло несчастие внутреннего нестроения, усугубленное польсколитовским нашествием. В тот мрачный период Первосвятитель Русской Церкви самоотверженно оберегал Русское государство, словом и делом защищая православную веру от латинства и единство нашего Отечества от врагов внутренних и внешних. Свой подвиг спасения Родины святитель Ермоген увенчал мученической кончиной, перешедшей в благодатное молитвенное Небесное заступничество за наше отечество у Престола Святой Троицы.

Литература:

1. Виноградов И., священник. Великий борец и страдалец за Русскую землю. Сергиев Посад, 1915.

2. Кедров С. Жизнеописание Святейшаго Гермогена, Патриарха Московского и всея Руси. М., 1912.

Преподо́бнаго Анто́ния Ра́донежскаго

Тропа́рь, глас 3:

Во́лю Бо́жию в жи́тий твое́м взыску́я,/ предрече́ние преподо́бнаго Серафи́ма/ и Небе́сное призва́ние чрез святи́теля Филаре́та/ на служе́ние в Ла́вру вели́кую прия́л еси́./ И́стинный храни́тель заве́тов а́ввы Се́ргия быв,/ и́ноков наста́вник богому́дрый/ и Ла́вры благоукраси́тель иску́сный яви́лся еси́./ Ны́не же, предстоя́ Престо́лу Святы́я Тро́ицы,/ преподо́бне о́тче Анто́ние,/ моли́ спасти́ся душа́м на́шим.

Конда́к, глас 2:

Вы́шних жела́я улучи́ти, блаже́нне,/ от ю́ности Христу́ после́довал еси́,/ по́двигом и нра́вом святы́х оте́ц ревну́я,/ благода́ть ду́ха ми́рна стяжа́л еси́./ Сего́ ра́ди мно́жеству и́ноков/ и всем притека́ющим к тебе́/ ми́лостивый оте́ц яви́лся еси́./ Те́мже с любо́вию вопие́м ти:/ ра́дуйся, Анто́ние,/ Ла́вры Се́ргиевы похвале́ и Це́ркве Росси́йския украше́ние.

Моли́тва

О преподо́бне о́тче Анто́ние, вели́каго а́ввы Се́ргия досто́йный прее́мниче, наставле́ний преподо́бнаго Серафи́ма исполни́телю, святи́теля Филаре́та дру́же и сотаи́нниче, и́ноков и всех ревни́телей благоче́стия учи́телю!

Моли́ всеми́лостиваго Христа́ Бо́га на́шего и Его́ Пречи́стую Ма́терь Це́ркви и Оте́честву на́шему в ми́ре и тишине́ пребыва́ти, оби́тели Се́ргиевой, иде́же прославля́ется вели́кое и́мя Пресвяты́я Тро́ицы, непоколебимой сохрани́тися, учи́лищу духо́вному, в ней пребыва́ющему, в правосла́вней ве́ре утверди́тися.

Испроси́ нам моли́твами твои́ми у Пресвяты́я Тро́ицы благода́ть во́лю Бо́жию взыска́ти и исполня́ти, житие́ в по́двизех покая́ния провожда́ти, ско́рби, боле́зни и искуше́ния с благодаре́нием терпе́ти, дух ми́рен стяжа́ти и иска́ти пре́жде Ца́рствия Бо́жия, в не́мже ты прославля́еши со все́ми святы́ми Отца́ и Сы́на и Свята́го Ду́ха. Ами́нь.

Преподо́бный Анто́ний Ра́донежский

Преподобный Антоний Радонежский (в миру – Андрей Гаврилович Медведев) родился 6 октября 1792 года в селе Лысково Макарьевского уезда Нижегородского наместничества в семье вольноотпущенного крестьянина. Отец умер, когда Андрею было 4 года, в семье осталось четверо детей. Мать дала мальчику христианское воспитание, он обучился грамоте и стал учеником аптекаря, а впоследствии заведовал больницей. Обладая прекрасным голосом, Андрей пел в церковном хоре. В 1812 году, прикомандированный к Нижегородскому ополчению, Андрей Гаврилович Медведев получил официальное разрешение на врачебную практику. По указанию явившегося ему во сне преподобного Андрея Критского, его Небесного покровителя, 27 июля 1818 года Медведев стал послушником в Саровской пустыни. Пробыв полтора года в Сарове, Андрей перешел в Высокогорскую пустынь в Арзамасе. 27 июня 1822 года он принял монашество с именем в честь преподобного Антония Киево-Печерского. 20 июля 1822 года его рукоположили во иеродиакона, а 22 июля – во иеромонаха. 9 июля 1826 года иеромонах Антоний был определен строителем Высокогорской пустыни. Благодаря усердным трудам нового строителя пустынь стала процветающей. Личность настоятеля, его служение и дар слова привлекали из Арзамаса и окрестностей многих богомольцев, которые обращались к нему с просьбой быть их духовным отцом. Отец Антоний неоднократно ездил в Саров для беседы со старцами, особенно с преподобным Серафимом Саровским. Преподобный Серафим предсказал отцу Антонию назначение наместником Троице-Сергиевой Лавры, и, действительно, 26 февраля 1831 года митрополит Московский святитель Филарет (Дроздов) предложил отцу Антонию стать наместником монастыря. 15 марта он был возведен в санархимандрита и 19 марта приехал в Троице-Сергиеву Лавру.

При отце Антонии был основан лаврский Гефсиманский скит, стали отапливаемыми Троицкий собор, Никоновская, Духовская, Смоленская церкви, была построена Варваринская церковь и отремонтирована крепостная стена, устроена странноприимная мужская больница, за стенами Лавры – женская больница и богадельня. Странники получали питание. В Угловой (Пятницкой) башне был организован приют и училище для 100 сирот, которые жили и учились на полном содержании монастыря, еще 100 учеников приходили учиться и обедать; дети осваивали ремесла, из способных к пению был составлен хор. Отец Антоний устроил в Лавре школу иконописания, иконописную и литографическую мастерские. Исключительное внимание наместник уделял заключенным в сергиево-посадской пересыльной тюрьме. На пожертвования духовных детей отца Антония было построено новое тюремное здание с храмом в честь иконы Божией Матери Утоли моя печали», богослужения в которой совершали монахи Лавры; обитель помогала в обеспечении заключенных продовольствием. Отец Антоний покровительствовал также частным лицам, назначая из денег, вверенных ему благотворителями, пособия нуждающимся.

Наместник проявлял большую заботу о духовной жизни иноков. Помня заповедь преподобного Серафима: «Будь не отцом, а матерью братии», – он следовал наставлению Саровского чудотворца: не бранить за порок, но исправлять его. Архимандрит Антоний был духовником многих мирян; торжественностью совершаемых им богослужений и даром слова он снискал любовь и уважение богомольцев. Он собирал переводы аскетических сочинений преподобного Паисия Величковского, помогал оптинским монахам в издании книг, с большим вниманием относился к лаврским старцам. Своими трудами на благо Лавры и духовной мудростью архимандрит Антоний расположил к себе митрополита Филарета, который избрал его своим духовным отцом и посылал к нему людей, нуждавшихся в назидании или утешении. С одобрения митрополита Филарета были напечатаны «Монастырские письма», в которых архимандрит Антоний описал разные случаи особого проявления благодати Божией и явлений из мира духовного. После кончины преподобного Серафима отец Антоний взял на себя заботы о Дивеевской общине. Благодаря совместным трудам архимандрита Антония и митрополита Филарета в 1841 году было напечатано первое «Житие преподобного Серафима».

За неустанные труды на благо обители Святейший Синод наградил архимандрита Антония правом ношения панагии.

С 1873 года отец Антоний был прикован к постели и лишь изредка совершал Литургию в домовой церкви. Управление Лаврой было передано духовному собору, к отцу Антонию обращались за советом лишь в наиболее важных делах. В 1876 году, после начала войны с Турцией, архимандрит Антоний при мощах преподобного Сергия Радонежского благословил великого князя Николая Николаевича, командовавшего русскими войсками, а в январе 1877 года, собрав последние силы, приветствовал императора Александра II и августейшую семью.

Архимандрит Антоний скончался 12 мая 1877 года, попрощавшись с братией, напутствованный таинствами Елеосвящения и Причащения. В отпевании участвовали более 60 священнослужителей. Прославлен архимандрит Антоний (Медведев) как местночтимый святой 16 октября 1998 года. Мощи преподобного Антония пребывают в Духовском соборе Троице-Сергиевой Лавры. Память его празднуется в день кончины, а также 6 июля – в Соборе Радонежских святых.

* * *

38

Дмение – надмение, гордость.

39

Козлогласова́нием – неприятным пением.

40

Окри́не – чаше.


Источник: Минея - М. : Издательский Совет Русской Православной Церкви, 2002-. 12 том. / Минея май. - 2002. / Ч. 1. – 456 с.; Ч. 2. – 536 с.; Ч. 3. - 400 с.

Комментарии для сайта Cackle