Симеон Полоцкий

Мистерия о царе Навуходоносоре

Содержание

Предисловие Эпилог  

 

О Навходоносоре царе, о теле злате и о трех отроках, в пещи не сожженных, Симеона Полоцкого 16281680

Предисловие

Благовернейший, пресветлейший царю,

Многих царств и князств правый государю,

Пречестным венцем благоувенчанный‚

Всем православным яко солнце данный,

Да нам светиши ясне добротами,

Яко же солнце светлыми лучами!

Велий есть свет твой, тьме одолевает,

Мрак безверия весьма отгоняет.

Адамант в злате несть толика красен,

Яко верою дух твой светло ясен.

Бога во Троице ты едина, чтиши,

И должный поклон любезно твориши

Под нозе Его главу ти смиряя,

Со смирением кротость соблюдая.

Что либо сану царску приличествует,

То святая ти Душа державствует,

Доброты гнездо положиша в тебе,

Во сердце твоем живут, яко в небе.

Навходоносор не тако живяше,

Аще и скипетр в деснице держаше:

Тьмою неверства бе он помраченны,

Велиим чудом едва просвященны.

К тому гордости в сердци исполнися,

Всех богов паче сам быти возмнися.

Образ свой людем повелел бе чтити,

Не послушавших во пещи спалити.

Трие отроцы во огнь вовержени,

Но от ангела цело сохранени

Имже царь чюдом к вере приведеся,

Честь же отроком велика дадеся.

То комидийно мы хощем явити

И аки само дело представити

Светлости твоей и всем предстоящим,

Князем‚ боляром, верно ти служащим,

Во утеху сердец. Здрави убо зрите,

А нас в милости своей сохраните.

( Посем да играют).

Изыдет Навходоносор с боляры и слугами шестию человек, а вооруженных вой за ними станет шесть же человек. Царь убо, седе на месте уготованном, начнет глаголати:

Вернии раби, боляре, дворяне

И вси царств наших славнии земляне!

Видите крепость десницы моея:

Вся побежденни суть страны от нея;

Никто противу возможе ми стати,

Весь мир един аз имам одержати

Всяких стран бози с нами не дерзают.

Нас Бога богов отднесь вси да знают!

Тем же умыслих образ сотворити

Лица, нашего и в всем представити

На поле Дейре, да, вси почитают

Образ наш и нас бога нарицают.

Слыши, казночей! Се велим мы тебе:

Даждь чиста злата, елико есть требе,

Абие вели образ наш творити,

На превысоце столпе поставити.

Казначей.

Что бог вещает, страшно есть то слово,

По твоей воли все будет готово.

Отьидет казначей делати образ, а, Навходоносор глаголет

Егда наш образ златый созерцаем,

Тогда, всех верность, яже к нам, познаем.

Любяй нас верно будет предпочтенны,

Не любяй паки будет осуждении.

Сшыли, Зардане! Вели готовати

Пещъ, смолу, нафу и огнь розжизати

Близу образе, да всяк вовержется,

Имже наш обрез честный не почтется.

Зардан.

Веселым сердцем твое веление

Приведу вскоре во исполнение.

И отходит Зардан и начнет глаголати боярин.

Навусар.

Светлый наш царю и пресильный боже!

Никто ти в бранех силен быти може:

Ныне ли убо может кто дерзати

Еже противу воли твоей стати?

И слово твое огню подобится‚

Того и пещи кто не убоится?

Добре велиши огнем сожигати

Образу чести не хотящих дати.

Мы тако хощем, кто дерзнет судити,

В един час велим живота лишити.

Вы днесь печалей нам не поминайте,

О мусикии сладцей промышляйте.

Приидут мусикии, и речет к ним Навусар.

Елика весть утешная быти,

Та потщитеся пред церем творити.

(Зде будут ликовствования).

Приходит Казначей и глаголет:

Царю пресветлый! живи ты во веки,

Вся превозшедый мира человеки!

Се уже слово твое совершися,

Образ твой честный лепо поставися.

(И отложие завесу, покажется образ стояй).

Навходоносор глаголет:

Верни мои раби! блажим труды ваше,

Отсель будет милость на, вас наша.

Приходит Зардан и глаголет:

Царю над цари! царствуй многи лета

Над всеми страны до кончины света!

Се твоя воля мною исполненна,

Велиим зело пещь огнем разженна.

(И покажется пещь).

Навходоносор.

Добре трудился, но не угашайте‚

Изгребий‚ смолы, нафы1 прилагайте,

Да, то видяще‚ вси ся поклоняют

Образу злату, нас с ним почитают.

Зардан.

Рад то творити, еже ты велиши

Сам светлым оком работу узриши!

Навходоносор (ко Амире, болярину).

Амире Верный! в том прилежен буди,

Де всяких санов днесь предстанут люди

Почтити образ; а вели играти

В трубы, органы и свирельствовати

Во еже бы гласом небес доходити,

И в то бы время всем поклон творити;

Аще же чести кто не схощет дати,

В пещь таковаго вели повергати,

Яже в седмеро буди распаленна,

Изгребей‚ смолы, нафы исполненна.

Амир (к царю).

Непобедиме царю! здрав ты буди!

На, поле Дейре вси предстоят люди,

И вся готова: изволь соглядати,

Ккако вси будут обрез почитати.

Навходоносор.

Убо есть время, повели трубити

И златый образ наш поклоном чтити.

Навходоносор.

Добро все, еже бог повелевает,

Аще и весь мир в конец погибает.

Тогда, помаает Амир, глагали:

Слышите, гудци! Гласно вы свиряйте.

Вы же, людие‚ образу честь дайте!

Гудец речет:

Повеления токмо ожидахом,

Ко писканию вся уготовахом.

И начнут трубити и пискати, народы же поклонятся, а трие отроцы не поклонятся, что видя, Амир велить их поимати глоголя сице:

Поймите, поймите людей беззаконных‚

Образу царскому ни мало поклонных!

Тогда их поймут и приведут пред царя. Иречет Амир:

Пречестный царю! се людие злии,

Не преклониша образу ти выи.

Повеление твое укоряют,

На честный образе хулы испущают.

НАВХОДОНОСОР с гневом глаголет к отрокам:

Седрех и Мисах, Авденаго и ты!

Бысте вы у нас зело нарочиты,

Что слышим о вас? Вы ли обругасте

Нас, и образу поклоне не дасте?

Сам хощу зрити, вы правду явите,

Со гласом трубным главы поклоните;

Аще поклоне не хощете дати,

Люте имате в пещи пострадати.

Кто бог есть, могущ вас мук свободити,

От рук пресильных наших исхитити?

Седрах глаголет:

Несть требе, царю, нам ти отвещати.

Бог всемогущий силен нас изяти

Из огня люта силою своею

И свободити от руку твоею.

Мисах.

К тому веждь, царю, яко прещение

Огня не введет нас во прельщение;

Аще же огню Бог хощет ны дати,

Мы за, честь Его готови страдати.

Авденого.

Живого Бога, небесного знаешь,

Бездушный образ смело обругаем.

Не подобает твари почитати:

Творец есть Бог наш, Того хощем знати.

Навходоносор, разярився крикнет:

Оле злых врегов! Како суть прельщени!

Скоро будут во огнь вовержени.

Крепции вои! скоро похитите,

Посреде пещи враги вовержите.

Тогда ВОИ похитят и, вяжуще я, глаголют:

1.

Благо Вам бяше царя послушати,

В сицеву беду себе не вревати.

2.

Зол род еврейский; крепко их вяжите,

Непокорливых ни мало щадите.

3.

Кто врага, царска хощет пощадити,

Сам есть достоин смертно казним быти.

4.

Аз и две кожи готов есм издрати

С единого хребта, а сам не страдати.

5.

Мне Евреина толь сладко убити

Яко же меда сладка чашу пити.

6.

Вержите во пещь, мало глаголите;

Еже велят вам, то скоро творите.

И вергнут в пещь, абие же да снидет к ним Ангел, и тако да глаголет к отроком.

Ангел:

Вернии слузи истиннато Бога!

Да не смущает вес печаль премнога!

Не оставит вас Господь всемогущий,

Не повредит вы пламень, все ядущий.

Яко росою тем ся охлаждайте‚

Богу вашему честь и славу дайте!

Тогда Азария, или Мисах начнет глаголати умиленно:

«Благословен еси Господи Боже отец наших, и хвально и прославленно имя Твое веки, яко праведен еси о всяческих, яже сотворил еси нам» и проч., якоже есть у Даниила в главе 3.

Зде огнь из пещи, Халдей опалит и един от них возопиет:

Увы нам! люте огнь нас пожигает,

Иже из пещи чюдно избегает.

И падут они; ЦАРЬ, увидев, возопиет сице:

Кое то чюдо? Пламень утекает

Из пещи и рабов моих опаляет.

Возьмите трупы, земли предадите‚

Сами ся огня лютого блюдите.

Таже вси трие отроци умилеными гласы да поют:

«Благословен еси Господи Боже отец наших, и хвален и превозносим во веки» и проч., яко таможде у Даниила.

Амир глаголет:

Оле чюдесе! Врази не сгорают,

Некия песни сладце воспевают.

ЦАРЬ глаголет:

Видение паче слуха, уверяет,

Хощу, да око мое соглядает.

И, возстав‚ воззрит в пещь, яко узрети ему четырех в ней сущих речет к боляром:

Что есть, вельможи? Не три ли ввержени

Отроцы во огнь, да будут сожжены?

Амире глаголет:

Ей, трие‚ царю, казнь сию прияша,

Яко образу поклона не даша,

ЦАРЬ.

Что убо вижду, в пламени огненни

Четыре мужи ходят разрешенни?

Вси суть без вреде, четвертый блистает,

Яко Сын Божий. О! чюдо бывает.

Увы мне, увы! Аз грешный прельстихся‚

На рабы Бога живого ярихся.

Они суть святе, аз же грешен зело;

Невинных и огнь сохранил есть цело.

Что убо имам аз‚ бедный, творити?

О прощение хощу их молити.

И приступль ЦАРЬ к пещи, глаголет:

Седрах и Мисах, Авденего честный!

О раби Бога,иже есть не лестный!

Тощно из пещи сея изыдите,

К нам согрешившим в пользу приидите.

Прощение ми извольте дарити,

Богу вашему аз хощу служити.

Ту изыдут отроцы неврежденни, их же зряще вельможи воскликнут:

1.

Оле чудесе! како не сгореша

Отроцы сии огнь одолеша?

2.

И то есть дивно, что власы суть целы,

Аще великим пламенем горелы.

з.

Зрите одежды, како нерастленны

Бывше великим племенем паленны.

4.

Ей, чюдо есть се, но кто оно деет

Ум неискусный мой недоумеет.

ЦАРЬ.

Вижу, боларе, кая чюдо сила

В очесех наших ныне сотворила.

Блогословен Бог‚ сотворивый тако,

Егоже Седрах‚ Мисах‚ Авденого

Нам просвещают! Он царь и владыка

Его есть крепость всех паче велика.

Его ангелом сии избавлени,

Из люты пещи здрави сохранени,

Иже на, муки плоти си предаша

Чуждему богу почести не даша,

Царское наше слово преслушаша,

Яко на Бога жива уповаше.

О блаженнии раби Бога, права

Емуже поклон дает моя глава!

Пред лицем Вашим того отднесь знаю,

Его истинна, Бога всем вещаю.

Аще же дерзнет его кто хулити,

Убиен буди, а дом расхитити

Повелеваем; весть бо тако силен

Бог, яко Бог ваш, иже зело дивен.

Вы же, честнии слузи жива Бога,

Примите от нас владычества многа,

Паче всех князей будите почтени,

За други наша отселе вменени.

Седрах.

Богу честь, слава сие чюдо явльшу‚

Нас сохранившу, а тебе взыскавшу!

Тебе за, почесть главы преклоняем,

Должную Верность тебе обещаем.

Мисах.

Не сия токмо Бог наш совершать,

Но ина много дела содевает‚

Яже временно твоей благодати,

Да веруеши, имамы сказати.

Авденаго.

Точию веруй ‚ царю превеликий!

Верный раб буди небесна Владыки.

Смирен явися: Он будет с тобою,

И укрепит тя своею рукою.

Царь.

Блегодарю вы, любимии друзи,

Бога, живаго истиннии слузи,

Яко обиду хощете забыти,

А нем божию славу изявити.

Любезне слух мой на ту преклоняю.

И сокровище сердца предлагаю.

Но днесь в полату вы с нами грядите,

Вашим приходом дом возвеселите.

(И отидут за завесы).

По сих эпилог.

Эпилог

Пресветлый царю и благочестивый,

Богом венчанный и христолюбивый!

Благодарим тя о сей благодати,

Яко изволи действа послушати.

Светлое око твое созерцаше

Комидийное сие действо наше,

Имже ти негли не угодити быхом,

Яко искуства, должна, не явихом.

Разума скудость выну погрешает,

А ум богатый радостно прощает,

Теме же смиренно к ногам припадаем:

Еже простити нам, сие желаешь.

Мы же имамы Господа, молити,

Да, во всем тебе изволит простити,

К тому да подаст мирно царствовати,

А противники вскоре побеждати,

И приложить ти многа, лета, жити,

Потом небесный венец наследити.

Многа лета!

(Играние).

* * *

1

Изгребий – кострика, хлопья от пеньки. – Нафа – нефть.


Источник: Мистерия о царе Навуходоносоре. Русская классная библиотека, издаваемая под редакцией А.Н. Чудинова. Пособие при изучении русской литературы. Выпуск XXVI-й. Издание И. Глазунова

Вам может быть интересно:

1. Священная история Ветхого Завета протоиерей Аполлоний Темномеров

2. Обозрение растений, упоминаемых в Священном Писании протоиерей Димитрий Разумовский

3. Комментарий на книгу Песни Песней Соломона священномученик Александр Глаголев

4. Дикости и жестокости Ветхого Завета Сергей Львович Худиев

5. Толкование на книгу святого пророка Осии епископ Палладий (Пьянков)

6. Книга Иова Николай Иванович Троицкий

7. Книга Екклесиаста профессор Маркеллин Алексеевич Олесницкий

8. Гомилии на книгу Бытия Ориген

9. Рассуждение о книге Соломоновой, нарицаемой Песни песней архиепископ Феофан (Прокопович)

10. Миссионерский щит веры в ограждение от сектантских заблуждений протоиерей Иоанн Смолин

Комментарии для сайта Cackle