Канон о самовольне живот свой скончавших

В 1925 году на Сергиевском Подворье в Париже – Рю де Крим, 93 – покончил с собой выстрелом один солдат. Он, несомненно, был нездоров умом...

У нас его отпевали...

Но, смущенный смертью его на нашей земле, я обратился через одно лицо к преподобному о. Нектарию Оптинскому с вопросом: что нам делать? Он ответил, чтобы я нашел еще двух человек, которые бы согласились в течение 40 дней читать за него заупокойный канон, а затем предать его в волю Божию.

Разумеется, канон читать нужно было дома, а не за богослужением в храме. Так мы трое тогда и сделали…

После ко мне обращались и другие по этому вопросу; а недавно просили даже отпевать самоубийцу женщину. Я отказывался, – согласно канонам – правило Тимофея Александрийского – и по внутреннему противлению души моей; но помня наставление о. Нектария, а также и указание митрополита Новгородского и Петроградского Григория, что можно молиться о самоубийцах в домашней молитве, но и тогда – с предварительною молитвою о помиловании нас молящихся, да не прогневаем Господа, – я обратился в каноник – «можно и во всякую субботу в октоихе найти заупокойные каноны»; но написанный там канон совершенно непригоден был для молитвы о самоубийцах, ибо там говорилось о скончавшихся «благочестно», «в вере», «в упокоении» и прочее, – все это не подходило к вольным, «не в сумасшествии», самоубийцам. Поэтому нужно было целиком почти переделать все тропари.

Может, кому-либо пригодится...

А меня да помилует Господь за дерзновение такое...

Многогрешный митрополит Вениамин

Самоубийство – лишение себя тем или иным способом жизни. Преступность этого греха состоит в том, что самоубийца возмущается против творческого и промыслительного порядка божественного и своего назначения, произвольно прекращает жизнь, которая принадлежит не ему только, но и Богу (а также и ближним), и которая дарована ему для нравственного преуспеяния, а не для злоупотребления ею, – отрекается от всех лежащих на нем обязанностей и является в загробный мир непризванным.

О принадлежности нашей жизни Богу говорит апостол Павел: «никтоже нас себе живет и никтоже себе умирает... Аще бо живем, аще умираем, Господни есмы» (Рим.14:7–8).

Самоубийца попирает и естественный закон, так как, по этому закону, «никтоже когда свою плоть возненавиде, но питает и греет ю» (Еф.5:23).

Указывают на мужество, проявляемое самоубийцей в своем действии: не каждый, говорят, решится на такой смелый поступок. И на этом основании у язычников самоубийство даже восхвалялось, как героизм. Но с христианской точки зрения самоубийца есть не герой, а трус, так как он не в состоянии снести тех неприятностей и несчастий (например, потерю любимого человека или имущества, неизлечимой болезни, заслуженного или незаслуженного стыда и т.п.), из-за которых обыкновенно решаются на самоубийство. Вообще, самоубийца обнаруживает сильную привязанность к земным благам и земному счастию, коль скоро в несчастии отказывается жить. А еще большее неразумие обнаруживает он, коль скоро во избежание временного бедствия подвергает себя вечному бедствию. В наше время многие склонны объяснять каждое самоубийство временным помешательством. Но это объяснение далеко не верно.

Оптинский старец иеромонах Леонид, в схиме Лев

Взыщи, Господи, погибшую душу (имя рек), аще возможно есть помилуй!

Неизследимы судьбы Твои. Не постави во грех сей молитвы моей. Да будет святая воля Твоя!

ГЛАС 2

Песнь 1

Ирмос: Во глубине постла иногда фараонитское всевоинство преоруженная сила; воплощшееся же Слово всезлобный грех потребило есть: препрославленный Господь, славно бо прославися.

Упокой, Господи, душу усопшаго раба Твоего.

Всемилостивый Господи, помилуй мя по милости Твоей, пети Тебе начинающа и молитися о убившемся дерзко, да не в суд ми сие будет, ни в осуждение, Судие Праведнейший.

Упокой, Господи, душу усопшаго раба Твоего.

Да не будет молитва моя во грех, яко кроткий Давид глаголет: ниже во отягощение души самовольней смерти предавшемуся; но мученик мольбами оставление прегрешений наших даруй нам.

Слава Отцу и Сыну и Святому Духу.

Богатую милость присно всем источая, Всеблагий Христе Боже, и ныне рабу Твоему (имя рек), нами Тебе молящемуся, помилование даруй и с преставльшимися во благочестии причти, аще и нечестиво скончался в неразумии.

И ныне и присно и во веки веков. Аминь.

Утвердивши колеблемый ум мой, Мати Божия, укрепи мя Божественными повеленьми Рождшагося из Твоего освященного чрева и упразднившаго, Владычице, адово мрачное царство, со дерзновением неосужденно молитися об усопшем (имя рек).

Песнь 3

Ирмос: На камени мя веры утвердив, разширил еси уста моя на враги моя: возвесели бо ся дух мой, внегда пети: несть свят, якоже Бог наш, и несть праведен паче Тебе, Господи.

Упокой, Господи, душу усопшаго раба Твоего.

Твоея красоты сиянием озаритися усопшему благоволи, в вере с почившими, богатый в милости; Ты бо еси Бог наш Единый безгрешный и многомилостивый.

Упокой, Господи, душу усопшаго раба Твоего.

На месте прохлаждения в вечнем покоище сподоби прияти и раба Твоего, малодушне жизнь свою пресекшаго: Ты бо еси Един Сильный и немощи наша на Ся восприявый, Господи Боже наш.

Слава Отцу и Сыну и Святому Духу.

В чертозе небеснем водворитися, Владыко, приими раба Твоего (имя рек), да не услышит он праведнаго Твоего гласа: «не вем тя», аще и воистину повинен есть сему.

И ныне и присно и во веки веков. Аминь.

Умерщвленных нас воздвигла еси, Богородице, жизни нетленней Жизнодавца рождши; и раба Твоего (имя рек) возведи из ада преисподнейшаго, Сына Твоего о милости умоляющи.

Песнь 4

Ирмос: Пою Тя, слухом бо, Господи, услышах и ужасохся: до мене бо идеши, мене ища заблуждшаго. Тем многое Твое снизхождение, еже на мя, прославляю, Многомилостиве.

Упокой, Господи, душу усопшаго раба Твоего.

Во уповании на Тя, Боже, изнемогшаго, и насилием вражиим одоленнаго, раба Твоего пощади, Спасе, презирая, яко Благ, прегрешения его вольная и невольная.

Упокой, Господи, душу усопшаго раба Твоего.

Милосердия имый неизследимую бездну, Господи, бездну греховную раба Твоего покрый, Человеколюбче, – омыв Кровию Своею грех неведения и маловерия его.

Слава Отцу и Сыну и Святому Духу.

Живыми господствуя и мертвыми владычествуя, помилуй и раба Твоего (имя рек), власть бо имаши всякую на небеси и на земли, Христе Боже, Отцу соседый и Духом вся очищаяй.

И ныне и присно и во веки веков. Аминь.

Исцелила еси, Богородительнице, Евино поползновение окаянное; Зиждителя бо родила еси, исправити могущаго тварь погибающую: Того моли и сего раба (имя рек) неключимаго, заповедь Божию преступившаго, спасти по единой милости.

Песнь 5

Ирмос: Света подателю и веков Творче, Господи, во свете Твоих повелений настави нас: разве бо Тебе иного Бога не знаем.

Упокой, Господи, душу усопшаго раба Твоего.

Умертвишася и во дно адово поползнувшагося возведи, Боже, преступление того заглаждая; на Кресте бо грехи наша пришел еси омыти честною Кровию Своею, Христе, Искупителю всяческих.

Упокой, Господи, душу усопшаго раба Твоего.

Спасти нас пришедый, Христе Боже, приими ныне и наша недостойная моления о рабе Твоем (имя рек), да муки вечныя избавиши, помилован будет с нами, Спасителю Преблагий.

Слава Отцу и Сыну и Святому Духу.

Молим Тя, Слове Божий, аще и дерзновенно сие, прогнева бо Тя раб Твой (имя рек), обаче благодатию Твоею умоляем, не возгнушайся молитв наших и помилуй нас, вкупе вси бо повинны есмы пред Тобою, Всесвятый Владыко.

И ныне и присно и во веки веков. Аминь.

Под кровом Твоим, Мати Божия, спасаются вси надеющиися на Тя: Твоим заступлением защити и нас, и сподоби со дерзновением неосужденно молити Сына Твоего о живот свой скончавшем безнадежно (имя рек).

Песнь 6

Ирмос: В бездне греховней валяяся, неизследную милосердия Твоего призываю бездну: от тли, Боже, мя возведи.

Упокой, Господи, душу усопшаго раба Твоего.

Из земли создавый человека, Боже, и в землю ныне возвратишася, пощади, Господи, в неразумии сокрушившаго скудельный сосуд свой: можеши бо, Владыко Творче, и паки возставити его от истления.

Упокой, Господи, душу усопшаго раба Твоего.

Неизреченный и непостижимый, Господи, щедротами несказаннаго Человеколюбия Твоего помилуй живот свой скончавшаго, презирая согрешения его, яже в ведении и неведении содеянная.

Слава Отцу и Сыну и Святому Духу.

Озаритися милостию Твоею сподоби, Владыко, вольне оставльшаго (имя рек) житие свое и к свету Твоему возведи, из тьмы несветимыя изымая, милосердия ради.

И ныне и присно и во веки веков. Аминь.

Избавительнице усердно призывающим Тя, Пречистая Владычице, Сына Твоего умоли скончавшагося (имя рек) ущедрити: живота и смерти Владыку родила еси.

Песнь 7

Ирмос: Богопротивное веление беззаконнующаго мучителя высок пламень вознесло есть; Христос же простре благочестивым отроком росу духовную: Сый благословен и препрославлен.

Упокой, Господи, душу усопшаго раба Твоего.

Во ад с душею, яко Бог, сошедый, и в рай разбойника с Собою введый, помяни и ныне раба Твоего (имя рек), преступлением многим Тя прогневавша, ныне же Тебе нами молящася бедне.

Упокой, Господи, душу усопшаго раба Твоего.

Един безгрешный, в мертвых волею вменился еси, да умерщвленных силою человекоубийцы воскресивши с Собою, от державы того исхити и раба Твоего, Всесильне.

Слава Отцу и Сыну и Святому Духу.

Радость присносущную даровати нам Воскресением Своим изволивый, от мрачнаго горькаго царства изми раба Твоего (имя рек), да от муки вечныя свободившися, узрит себе одесную Тебе, Судие Многомилостивый.

И ныне и присно и во веки веков. Аминь.

Сияние славы Отчей, плотию от Тебе явившагося умоли, Пресвятая, из адовы мглы свободити непотребнаго раба Твоего (имя рек), той бо яко Матерь, Тебе нами просит.

Песнь 8

Ирмос: Пещь иногда огненная в Вавилоне действа разделяше, Божиим велением халдеи опаляющая, верныя же орошающая, поющия: Благословите, вся дела Господня, Господа.

Упокой, Господи, душу усопшаго раба Твоего.

Смертное царство Своею смертию разоривый, Божественною же силою вход в вечный живот отверзый, не затвори благоутробия Твоего и рабу Твоему, аще и прегрешившему, обаче из ада ныне горце взывающу.

Упокой, Господи, душу усопшаго раба Твоего.

Красоты Твоея насладитися сподоби, студ греха безобразнаго очищая умершаго смертию поносной: Един бо еси, Владыко, греха свободен, крестною смертию за нас умертвился еси.

Слава Отцу и Сыну и Святому Духу.

Исправити хотя падших в персть смертную, Сам смерти причастен явился еси, Безсмертный, от смертных удолий силою Твоею возведи раба Твоего (имя рек), лютою смертию поползнувшагося.

И ныне и присно и во веки веков. Аминь.

Велия воистину есть Рождества Твоего тайна, Богомати: Бога воплотившагося родила еси; Его же моли, яко Сына Твоего, спасти бедне скончавшагося (имя рек): имаши бо дерзновение к Рождшемуся от Тебя Благоутробному Спасу мира.

Песнь 9

Ирмос: Яже прежде солнца Светильника Бога возсиявшаго, плотски к нам пришедшаго, из боку девичу неизреченно воплотившая, Благословенная, Всечистая, Тя, Богородице, величаем.

Упокой, Господи, душу усопшаго раба Твоего.

Имеяй власть живых и мертвых, пощади, Спасе, раба Твоего (имя рек), смертию горькою скончавшагося: Тебе бо от Отца Твоего дадеся живити и миловати, ихже хощеши, Сыне Божий.

Упокой, Господи, душу усопшаго раба Твоего.

Преславное множество святых Твоих, Христе, непрестанно молит Тя за грешныя рабы Твоя, да помилуеши ихже волиши милосердием Твоим и геенны вечныя избавиши.

Слава Отцу и Сыну и Святому Духу.

Благости воистину пучина неизследимая, благодатию Твоею помилуй прогневавшаго Тя раба Твоего (имя рек), и нас молящихся.

И ныне и присно и во веки веков. Аминь.

Достойно Тя, Богородице, ублажающе, к Тебе, яко Матери нашей, притекаем надежно; сами себе и брата нашего (имя рек), малодушне скончавшагося, Тебе Заступнице и с Тобою Христу Богу предаем смиренно.

* * *

Не всем умершим бывают полезны молитвы за них живущих на земле, и не за всех можно молиться. Тот, кто отвергается здесь Святой Церкви, тот лишает себя и в будущей жизни ее ходатайства и молитвы. Другие грешники отсекаются от тела Церкви Христовой невидимым судом Божиим, когда грехи и страсти всецело овладевают или подавляют в них всякое добро. Такие грешники неспособны бывают воспринимать постороннюю добрую помощь или воспользоваться ею для своего блага и спасения.

Очевидно, если в таком ужасном и безнадеждном состоянии грешник умирает внезапно и без покаяния, то и Церковь ничем не может помочь ему и запрещает за него молиться...

Сюда относятся все умершие нераскаянные грешники, умершие без покаяния и отказавшиеся от него. Так же самоубийцы, насильственным образом прекратившие жизнь, совсем отчаявшиеся. Молитва за тех и других была бы напрасна и излишня. Она даже оскорбляет Бога. К ним могут относиться слова, которые некогда сказал Бог пророку Иеремии о евреях, которым определил наказание: «Не молись о людях сих, и не проси, еже помилованым быти им» (Иер.7:16. Читай всю главу о причинах).