Псалом 16
Пс.16:1. Молитва Давиду. Услыши, Господи, правду мою, вонми молению моему, внуши молитву мою не во устнах льстивых.
НАДПИСАНИЕ, СОДЕРЖАНИЕ
Сей псалом, как и самое надписание показывает, содержит молитву праведнаго Давида, неправедно гонение претерпевающаго, еюже молится к Богу о избавлении своем от врагов, паче же от Саула. Ругается временному их счастию и суетным забавам: себя же в несчастии своем утешает надеждою будущия жизни. В молитве употребляет четыре довода для испрошения помощи против врагов, из коих первый берет от невинности своея, вторый от правосудия Божия, третий от милости Божией, четвертый от лютости врагов.
В начале просит, дабы Господь услышал правду, то есть, справедливость дела его: ибо пред лицем праведнаго Судии больше вопиет правда, нежели лице просящаго. Потом присовокупляет, дабы Господь внял прошению и молитве его: понеже Бог не точию правду, но и праведных любит, и якоже святый Апостол Иаков глаголет: много может молитва праведнаго (Иак. 5:16). Наконец совокупляя обоя, сиречь, и правду и моление, глаголет: внуши молитву мою не во устнах льстивых, сиречь, не на льсти, но на правде основанную. Вкратце же глаголет: да подвижит тебе, Господи, правда, да подвижит прошение, да подвижит молитва праведнаго.
Пс.16:2. От лица твоего судьба моя изыдет: очи мои да видита правоты.
То есть: Тебе призываю, Господи, от Тебе судитися хощу, понеже Ты еси Судия праведнейший; от лица убо Твоего, сиречь, от уст Твоих, решение судьбы моея да изыдет. Очи мои да видят правоты, сиречь, праведныя судьбы твоя, яже Ты твориши.
Пс.16:3. Искусил еси сердце мое, посетил еси нощию: искусил мя еси, и не обретеся во мне неправда.
Приводит причину, чего ради хощет судитися от Бога. Понеже, глаголет: Ты един испытуеши сердца: убо Ты совершенно веси, каков я внутрь, куда никто кроме Тебя не проникает. Сим извещает, что многократно имев Саула в руках своих, умертвить его не хотел, но благодеянием за обиду воздал. Сего ради и о нощи воспоминает, в которую сие сотворил, и спящему безопасно в нощи врагу никому из своих нанести смертельнаго удара не попустил. Искусил мя еси, и не обретеся во мне неправда. То есть: испытал мя еси, и яко злато чистое, огнем искушенное, обрел мя еси Господи. Сие же глаголет в разсуждении невинности своея пред Саулом и пред другими врагами, которых он ничем не обидел, а не в разсуждении праведных дел, которыми никто пред Богом похвалиться не может.
Пс.16:4. Яко да не возглаголют уста моя дел человеческих, за словеса устен твоих аз сохраних пути жестоки.
Давид свидетельствует, что хотя многие убеждали его убить Саула, но он от того удерживался словом Божиим, запрещающим силу силою отражать, или зло за зло воздавать. Не точию, глаголет, врага моего ничем я не оскорбил, хотя и многие к тому убеждали меня, представляя свои услуги; но и язык сохранил свободен от поносных слов против особы его, и чего он и прочие враги мои делать не стыдилися, того я ниже говорить хотел. Сие же, толь трудное и по естеству своему жестокое дело, исполнил я единственно для того, дабы оказать повиновение к Твоим заповедям. За словеса уст Твоих сохраних пути жестоки.
Пс.16:5. Соверши стопы моя во стезях твоих, да не подвижутся стопы моя.
Признавая, что не своими силами, но Божиею помощию пребыл непоколебим на пути правды, просит Бога, дабы продолжил и совершил благодеяние сие. Соверши стопы моя во стезях Твоих: то есть, утверди и укрепи стопы моя на сем спасительном пути, да не како уклонюся от него, аще лишен буду помощи Твоея. В Еврейском тексте то же самое означается подобием, взятым от скользкаго пути; поддержи стопы моя, да не падут. Ибо немощь плоти и прелесть мира сего творят путь жития человеческаго зело поползновенным, и многие падают на нем.
Пс.16:6. Аз воззвах, яко услышал мя еси, Боже: приклони ухо твое мне и услыши глаголы моя.
Предложив довод от невинности своея, и от правосудия Божия, паки повторяет молитву, в начале псалма положенную, которая есть аки заключение, извлеченное из двух оных доводов. Аз воззвах, яко услышал мя еси. То есть: того ради прибегл с молитвою, и к Тебе возопил, понеже и прежде всегда послушал мя еси; сего ради и ныне по обычной милости Твоей приклони ухо Твое мне, и услыши глаголы моя.
Пс.16:7. Удиви милости твоя, спасаяй уповающыя на тя от противящихся деснице твоей:
Пс.16:8. сохрани мя, Господи, яко зеницу ока: в крове крилу твоею покрыеши мя
Пс.16:9. от лица нечестивых острастших мя: врази мои душу мою одержаша
Употребляет третий довод, взимаемый от милости Божией, аки бы тако глаголя: предложил я невинность мою, призвал правду Твою; ныне призываю милость Твою, зане аще и неповинна себя быти мню в преступлении противу Саула, от негоже гонение претерпеваю: но имею многие другие грехи, ихже ради праведно наказан быти могу. Покажи убо яве милости Твоя на мне, да вси удивятся и познают, яко Ты еси помощник и покровитель мой. Избави мя от врагов, противящихся деснице Твоей. То есть: от злых людей, противляющихся власти Твоей и причиняющих вред покровительствуемым от Тебе. Сохрани мя от них со тщанием, якоже мы храним зеницу ока. И якоже кокошь покрывает птенцы своя, да невреждени будут от хищных птиц: тако Ты покрой мя в крове крилу Твоею от лица нечестивых обидящих мя.
Пс.16:10. тук свой затвориша, уста их глаголаша гордыню.
Сей есть четвертый и последний довод, который берет Пророк от лютости врагов. Врази мои, глаголет, не точию обижают меня, но и самую жизнь отнять покушаются; сие бо являют слова: душу мою одержаша. За сим присовокупляет: тук свой затвориша. Тук затворить, по свойству священнаго языка, означает то же, что утробу заключить, то есть, никакой милости не иметь, по оному святаго Апостола Иоанна выражению: иже имать богатство мира сего, и видит брата своего требующа, и затворит утробу свою от сего, како любы Божия пребывает в нем (1Ин. 3:17)? А понеже утроба затворяется тогда, когда тук умножается и возрастает: сего ради Пророк лучше разсудил употребить слово тука, нежели утробы, дабы купно показать и причину, откуду затворяется утроба; причина же есть умножение тука, сиречь, временнаго богатства. Якоже бо тук естественный затворяет утробу телесную: тако умножение имений производит надмение и презрение к ближним, затворяя духовную утробу. Итак, сущность слов состоит в том, что враги его безчеловечны, и притом гордостию надменны, которая видна из самых слов их: уста бо их глаголаша гордыню, аки бы сказал: враги мои не точию безчеловечны и немилосерды, но еще и с гордостию ругаются мне.
Пс.16:11. Изгонящии мя ныне обыдоша мя, очи свои возложиша уклонити на землю.
Продолжает описывать злобу врагов, жалуяся, что ежели Бог с небеси не прострет к нему руку Свою, то уже не останется никакого убежища. Ибо те, которые прежде выгнали его из отечества и удалили от сообщества своего, ныне уже гонятся в след и ищут совсем погубить.
Ибо в Еврейском тексте сия мысль выражена так: в шествиях моих уже обыдоша мя. То есть, что он не только в очевидной находится опасности, но и ежеминутно подвержен страху: ибо куда бы ни обратился, везде усретает врагов, преследующих его. В следующих словах: очи свои возложиша уклонити на землю, Давид сравнивает врагов своих с ловцами, которые, устремя глаза на добычу, в молчании стараются повергнуть оную на землю. Сие самое подтверждает другим подобием, в следующем стихе:
Пс.16:12. Объяша мя яко лев готов на лов и яко скимен обитаяй в тайных.
Аки бы сказал: враги мои, отвергнув естественное употребление разума, подражают зверям, ищущим пищи и устремляющимся на добычу. Они уже не токмо окружили меня, но и с зверскою свирепостию напали яко львы, или яко скимны, выбегающие из сокровенных мест и нападающие на встречающуюся добычу.
Пс.16:13. Воскресни, Господи, предвари я и запни им: избави душу мою от нечестиваго, оружие твое
Описав злобу гонителей, просит Бога, дабы пришел на помощь и спас жизнь Его, яко един могий сие сотворити. Воскресни, Господи: востани яко всесилен, не замедли помощию Твоею. Предвари их: преускори зияющия челюсти врагов, кои на подобие льва ищут меня поглотить. Предвари зубы их, да не угрызнут, или да не растерзают, якоже предварил еси зубы львов, да не повредят Даниилу во рве, и якоже предварил еси силу огня, да не сожжет триех отроков, вверженных в пещь. Запни им: положи препоны на пути, да мене не постигнут. Или: прехитри их, устрояя чудным промыслом Твоим, да мнящеся угрызати плоть праведнаго, угрызнут плоть свою. Избави душу мою от нечестиваго: спаси жизнь мою от главнаго врага моего Саула, ярящагося на подобие льва, не попусти ему убить меня. И да сие сотвориши, всторгни оружие Твое из рук прочих врагов: суть бо врази руки Твоея, не покаряющиеся власти Твоей. Отъими убо власть и могущество у врагов Твоих, которые во зло употребляют оное: ибо не последуют руце Твоей, управляющей и вселенную и их.
Пс.16:14. от враг руки твоея, Господи, от малых от земли: раздели я в животе их, и сокровенных твоих исполнися чрево их: насытишася сынов, и оставиша останки младенцем своим.
Следуя переводу седмидесяти толковников, разум слов сих есть следующий: разлучи множество нечестивых от малаго стада избранных Твоих сущих на земли, да не развращают беззаконным житием своим нравы незлобивых. Твоим бо определением люди препосылаются к смерти. Ты бо рекл еси: земля еси, и в землю отидеши (Быт. 3:19). Впрочем, хотя Тебе удобно предать их смерти, но я прошу живых их разсыпать, и злое их согласие разрушить. Следуя же Еврейскому тексту, Пророк просит Бога, дабы Он рукою Своею, или небесною помощию, избавил его от людей века сего, коих участь состоит в жизни сей: ибо, не имея понятия о духе и будучи пригвождены к тленным благам, мыслей своих превыше мира не простирают, но так прилепляются к миру, как бы он создан был единственно в угодность им. Отсюду наводит, что сие было бы несправедливо, дабы нечестивые всегда веселилися и радовалися, присвояя себе одним, как бы по наследственному праву доставшуюся, спокойную и благополучную жизнь. К тому же относятся и следующия за сим слова, в которых Давид присовокупляет, что Бог сокровенными благими Своими исполняет чрево их, как и в самом деле видим их не токмо общим светом, дыханием и пищею, но и другими лучшими выгодами наслаждающихся так, как бы Господь носил их в недрах Своих, аки любезнейших пред прочими сынов. Ибо сокровенными Божиими благими нарицает редкие и изящнейшие удовольствий виды. Тяжко сие искушение, ежели кто благоволение Божие оценивает, судя по земному благополучию. Почему не удивительно, что сим обстоятельством смущался и Давид, яко человек. Однако заметить должно, что он сею благочестивою жалобою утешения себе просит, и не на Бога ропщет, дабы и мы от примера его научилися воздыхания наши к Нему направлять. Последних слов разум в том состоит, что люди века сего богатства свои безпрерывным преемством препосылают к сынам и внукам. Ибо как не суть из числа сынов Божиих, то и надо им сие токмо благословение. Следовательно, на день заклания утучняются. Итак, намерение жалобы в том состоит, что они во зло употребляют снисхождение Божие, и потому достойны мщения Его.
Пс.16:15. Аз же правдою явлюся лицу твоему, насыщуся, внегда явитимися славе твоей.
Пусть, глаголет, враги мои кичатся, пусть пресыщаются в жизни сей всякими благими: но что касается до меня, то я одной только правды держаться буду, да в будущей жизни вечным наслаждуся блаженством. Правдою явлюся лицу Твоему, то есть: праведно и непорочно пред тобою жить потщуся, и в том все мое насыщение и удовольствие поставлять хощу, да якоже ныне явится Тебе правда моя, тако некогда явится мне слава твоя, тогда бо всесовершенно насыщуся, и ничего больше не востребую.