Приготовительные песнопения к Великому посту

Стихира на Господи воззвах, гл. 1. Не помолимся фарисейски, братие; | ибо возносяй себе смирится. | Смирим себе пред Богом, | мытарски пошением зовуще: | очисти ны, Боже, грешныя.

Стихира на стиховне, гл. 5. Отягченныма очима пойма от беззаконий моих не могу воззрети | и видети высоту небесную: | но приими мя, яко мытаря кающася, | Спасе, и помилуй мя.

На утрени, по 50-м псалме. Слава, гл. 8. Покаяния отверзи ми двери, Жизнодавче, | утренюет бо дух мой ко храму святому Твоему; | храм носяй телесный весь осквернен: | но яко щедр, очисти | благоутробною Твоею милостию.

И ныне: На спасения стези | настави мя, Богородице, | студными бо окалях душу грехми, | и в лености все житие мое иждих; | но Твоими молитвами | избави мя от всякия нечистоты.

Глас 6. Помилуй мя, Боже, | по велицей милости Твоей, | и по множеству щедрот Твоих, | очисти беззаконие мое.

Глас 6. Множества содеянных мною лютых, | помышляя окаянный, | трепещу страшнаго дне суднаго; | но надеяся на милость благоутробия Твоего, | яко Давид вопию Ти: | помилуй мя, Боже, | по велицей Твоей милости.

Кондак: гл. 4. Фарисеева убежим высокоглаголания, | и мытареве научимся высоте глагол смиренных, | покаянием взывающе: | Спасе мира, очисти рабы Твоя.

Стихира на хвалитех, гл. 3. Фарисеа велехвальный глас, | вернии возненавидевше, | мытаревой же благоумеленной молитве поревновавше, | не высокая мудрствуем, | но себе смиряюще со умилением воззовем: | Боже, очисти грехи наша.

Стихира на Господи воззвах, гл. 1. Познаим, братие, таинства силу, | от греха бо ко отеческому дому востекшаго блуднаго сына | преблагий Отец предусрет лобзает, | и паки Своея славы познание дарует: | и таинственное вышним совершает веселие, | закалая тельца упитаннаго, | да мы достойно сожительствуем, | заклавшему же человеколюбному Отцу, | и славному заколению, | Спасу душ наших.

Стихира на стиховне, гл. 6. Отеческаго дара расточив богатство, | с безсловесными скоты пасохся окаянный, | и тех желая пищи, | гладом таях не насыщался, | но возвратився к благоутробному Отцу, | взываю со слезами: | приими мя яко наемника | припадающа человеколюбию Твоему, | и спаси мя.

По полиелеи, псалом 136. На реках Вавилонских, | тамо седохом и плакахом, | внегда помянути нам Сиона. || Аллилуия. | На вербиих посреде его обесихом органы наша. || Яко тамо вопросиша ны плениши нас о слооесех песней, | и ведший нас о пении: || воспойте нам от песней Сионских. || Како воспоем песнь Господню на земли чуждей ? || Аще забуду тебе, Иерусалиме, забвена буди десница моя; || прильпни язык мой гортани моему, аще не помяну тебе, | аще не предложу Иерусалима, яко в начале веселия моего. || Помяни, Господи, сыны Едомския, | в день Иерусалимль глаголющия: | истощайте, истощайте до оснований его! || Дщи Вавилоня окаянная! | блажен, иже воздаст тсбе воздаяние твое, | еже воздала еси нам. || Блажен, иже имет, и разбиет младенцы твоя о камень. || Аллилуия.

Кондак, гл. 3. Отеческия славы Твоея удалихся безумно, | в злых расточив еже ми предал еси богатство. | Тем же ти блуднаго глас приношу: | согреших пред Тобою, Отче щедрый, | прими мя кающася, | и сотвори мя яко единаго от наемник Твоих.

Стихира на хвалитех, гл. 2. Блуднаго глас приношаю Ти, Господи: | согреших пред очима Твоима, Благий, | расточих богатство Твоих дарований. | Но приими мя кающася, | Спасе, и спаси мя.

Стихира на Господи воззвах, гл. 6. Егда хощеши приити, | суд праведный сотворит, | Судие праведнейший. | на престоле славы Твоея седяй, | река огненная пред Твое судилище | ужасающая влечет всех, | предстоящим Тсбе небесным силам, | человеком же судимым страхом, | яко же кождо содела: | тогда нас пощади, | и части, Христе, сподоби спасаемых, | яко благоутробен, верою молим Тя.

Стихира на стиховне, гл. 8. Увы мне, мрачная душе, | доколе от злых но отреваешися? | доколе унынием слезиши? | что не помышляеши о страшном часе смерти? | что не трепещеши вся страшнаго судища Спасова? | убо что отвещаеши? | или что отречеши? | Дела твоя предстоят на обличение твое, | деяния обличают клевещуща. | Прочее, о душе, время наста: | тецы, предвари, верою возопий: | согреших, Господи, согреших Тя; | но вем, Человеколюбче, благоутробие Твое, Пастырю добрый, | да не разлучиши мене одесную Тебе предстояния, | великия ради милости Твоея.

Кондак гл. 1. Егда приидеши, Боже, на землю со славою, | и трепещут всяческая: | река же огненная пред судищем влечет, | книги разгибаются, и тайная являются; | тогда избави мя от огня неугасимаго, | и сподоби мя одесную Тебе стати, Судио праведнейший.

Стихира на хвалитех, гл. 8. Даниил пророк, муж желаний быв, | властительное Божие видев, | сице вопияше: | Судия седе, и книги разгнушася. | Блюди душе моя, | постиши ли ся: | ближняго твоего не презри. | От брашен воздержиши ли ся; | брата твоего не осуждай: | да не во огнь отсылаема сгориши яко воск, | но да без поткновения введет тя Христос в Царствие Свое.

Стихира на Господи воззвах, гл. 6. Одежды Боготканныя совлекохся окаинный, | Твое, Божественное повеление преслушав, Господи, | советом врага, и смоковным листвием, | и кожными ризами ныне облекохся: | потом бо осужден бых хлебе трудный снести: | терние же и волчец мне принести, | земля проклята бысть. | Но в последняя лета воплотивыйся от Девы, | воззвав мя введи паки в рай.

Стихира на стиховне, гл. 6. Изгнан бысть Адам из рая снедию, | тем же и седя прямо сего рыдаше, | стеня умилительным гласом, и глаголаше: | увы мне, что пострадал окаянный аз: | едину заповедь преступих Владычию, | и благих всяческих лишихся! | Раю святейший, | мене ради насажденный быв, | и Евы ради затворенный, | моли тебе Сотворшаго, | и мене Создавшаго, | яко да твоих цветов исполнюся. Тем же и к нему Спас: | Моему созданию не хощу погибнутя, | но хощу сему спастися, | и в познание истины приити, | яко грядущаго ко Мне не изгоняю вон.

Кондак, гл. 6. Премудрости Наставниче, | смысла Подателю, | немудрых Наказателю, | и нищих Защитителю, | утверди, вразуми сердце мое, Владыко: | Ты даждь ми слово, Отчее Слово, | се бо устне мои не возбраню, | во еже звати Тебе: | Милостиве, помилуй мя падшаго.

Стихира на хвалитех, гл. 6 Приспе время, духовных подвигов начало, | на демоны победа, | всеоружное воздержание, | Ангельское благолепие, | к Богу дерзновение; | тем бо Моисей бысть Зиждителю собеседник, | и глас невидимо в слухи прият. | Господи, тем сподоби и нас | поклонитися Твоим страстем, | и Святому воскресению, | яко Человеколюбец.

Стихира на Господи воззвах, гл. 2. Воздержанием тело смирити вси потщимся, | Божественное преходяще поприще непорочнаго поста, | и молитвами и слезами Господа спасающаго нас взыщем, | и забвение злобы всеконечное сотворим, вопиюще: | согрешихом Ти, спаси, | яко же древле Ниневитяны, Христе Царю, | и общники ны сотвори небеснаго царствия, Благоутробне.

гл. 8. Не отврати лица Твоего | от отрока Твоего, | яко скорблю, | скоро услыши мя: | вонми души моей, | и избави ю.

гл. 8. Дал еси достояние | боящимся Тебе, Господи.

Стихира на стиховне, гл. 4. Возсия благодать Твоя, Господи, | возсия просвещение душ наших; | се время благоприятное, | се время покаяния, | отложим дела тмы, | и облечемся во оружие света; | яко да преплывше поста великую пучину, | в тридневное воскресение достигнем, | Господа и Спаса нашего Иисуса Христа, | спасающаго души наша.

благодатная Марие, Господь с Тобою: | благословенна Ты в женах, и благословен плод чрева Твоего, | яко Спаса родила еси душ наших.

Слава: Крестителю Христов, всех нас помяни, | да избавимся от беззаконий наших: | Тебе бо дадеся благодать молитися за ны.

И ныне: Молите за ны святии Апостоли, святии вси, | да избавимся от бед и скорбей; | вас бо теплыя предстатели ко Спасу стяжахом.

–      Под Твое благоутробие прибегаем, Богородице, | моления наша не презри во обстоянии; | но от бед избави ны, едина чистая, едина Благословенная.