Начало Великого поста

Стихира на стиховне, гл. 5. Прииде пост, мати целомудрия, | обличитель грехов. | проповедник покаяния, | жительство Ангелов, и спасение человеков, | вернии возопиим: | Боже, помилуй нас!

Тропарь на 1-м часе гл. 6. Заутра услыши глас мой, | Царю мой и Боже мой.

–      гл. 6. Стопы моя паправи по словеси Твоему, | и да не обладает много всякое беззаконие. | Избави мя от клеветы человеческия, | и сохраню заповеди Твоя. | Лице Твое просвети на раба Твоего, | и научи мя оправданием Твоим.

–      Да исполнятся уста моя хваления Твоего, Господи, | яко да воспою славу Твою, весь день великолепие Твое.

Тропарь на 3-м часе, гл. 6. Господи, Иже Пресвятаго Твоего Духа | в третий час Апостолом Твоим низпославый: | Того, Благий, не отъими от нас, | но обнови нас, молящих Ти ся.

Тропарь на 6-м часе, гл. 2. Иже в шестый день же и час, | на кресте пригвождей в рай дерзновенный Адамов грех, | и согрешений наших рукописание раздери, | Христе Боже, и спаси нас.

Тропарь на 9-м часе, гл. 8. Иже в девятый час нас ради плотию смерть вкусивый, | умертви плоти нашея мудрование, | Христе Боже, и спаси нас.

Стихира на Господи воззвах, гл. 2. Всякий грех содеях, | всех пройдох блудом; | аще восхощу покаятися, | не имам слез токи; | аще леностно и ныне поживу, | муце повинен есмь. | Но даждь ми исправление, | едино благий Боже, и помилуй мя.

Стихира на стиховне, гл. 3. Постимся постом приятным, | благоугодным Господеви; | истинами пост есть, злых отчуждение, | воздержание языка, | ярости отлолжение, | похотей отлучение, | оглаголания, лжи и клятвопреступления. | Сих оскудение, | пост истинный есть, и благоприятный.

Ирмосы великого канона, гл. 6, песнь 1-я. Помощник и Покровитель | бысть мне во спасение: | Сей мой Бог, и прославлю Его, | Бог отца моего, | и вознесу Его, | славно бо прославися.

Припев: Помилуй мя. Боже, помилуй мя.

–      2. Вонми небо, и возглавлю, | и воспою Христа, | от Девы плотию пришедшаго.

–      Видите, видите, | яко Аз есмь Бог, | манну одождивый, | и воду из камене источивый | древле в пустыни людем Моим, | десницею единою | и крепостию Моею.

–      3. На недвижимом, Христе, камени | заповедей Твоих | утверди мое помышление.

–      Утверди, Господи, | на камени заповедей Твоих, | подвившееся сердце мое, | яко Един Свят еси и Господь.

–      4. Услыша пророк | пришествие Твое, Господи, и убояхся, | яко хощеши от Девы родится | и человеком явится, | и глаголаше: | услышах слух Твой | и убояхся: | слава силе Твоей, Господи.

–      5. От нощи утренююша, | Человеколюбче, | просвети, молюся: | и настави и мене | на повеления Твоя, | и научи мя, Спасе, | творити волю Твою.

–      6. Возопих всем сердцем моим | к щедрому Богу, | и услыша мя | от ада преисподняго, | и возведе от тли живот мой.

Кондак, гл. 6. Душе моя, душе моя, | востани, что спиши? | конец приближается, | и имаши смутится; | воспряни убо, | да пощадитъ тя Христос Бог, | везде сый и вся исполняяй.

–      7. Согрешихом, беззаконновахом, | неправдовахом пред Тобою, | ниже соблюдохом, ниже сотворихом, | яко же заповедал еси нам: | но не предаждь нас до конца, | отце в Боже.

– 8. Его же воинства небесная славят, | и трепещут Херувими и Серафими, | всяко дыхание и тварь, | пойте, благосливите | и превозносите во вся веки.

–      9. Бессеменнаго зачатия | рождество несказанное, | Матере безмужныя | нетленен плод; | Божие бо рождение | обновляет естества. | Тем же Тя вси роди, | яко Богоневестную Матерь, | православно величаем.

Из пророч. песни прор. Исаии: С нами Бог! | Разумейте язы́цы, | и покаряйтеся: | яко с нами Бог.

По прочтении Символа веры: Пресвятая Владычице Богородице, | моли о нас грешных. || Вся небесныя силы Святых Ангел и Архангел, молите о нас грешных. || Святыя Иоанне пророча, и предтече, и крестителю Господа нашего Иисуса Христа, моли о нас грешных. || Святии славнии Апостоли, пророцы и мученицы, и вси святии, молите о нас грешных. || Преподобнии и Богоноснии отцы наши, пастырие и учителие вссленныя, молите о нас грешных. || Непобедимая, и непостижимая, и Божественная сило честнаго и животворящаго Креста, не остави нас грешных. || Боже, очисти нас грешных. || Боже, очисти нас грешных, и помилуй нас.

Тропари, гл. 6. Помилуй нас, Господи, помилуй нас; | всякаго бо ответа недоумеюше, | сию Ти молитву, яко Владыце, | грешнии приносим: | помилуй нас.

Слава: Господи, помилуй нас, | на Тя бо уповахом, | не прогневайся на ны зело, | ниже помяни беззаконий наших; | но призри и ныне яко благоутробен, | и избави ны от враг наших: | Ты бо еси Бог наш, | и мы, людие Твои, | вси дела руку Твоею, | и Имя твое призываем.

И ныне: Милосердия двери отверзи нам, | благословенная Богородице, | надеющийся на Тя да не погибнем, | но да избавимся Тобою от бед: | Ты бо еси спасение рада христианскаго.

Глас 6. Господи сил, с нами буди, | иного бо разве Тебе | помошника в скорбех не имамы, | Господи сил, помилуй нас. (Песнопение сие припеваем к каждому стиху).

–      Хвалите Бога во святых Его, | хвалите Его во утверждении силы Его.

–      Хвалите Его на силах Его, | хвалите Его по множеству величествия Его.

–      Хвалите Его во гласе трубнем, хвалите Его во псалтири и гуслех.

–      Хвалите Его в тимпане и лице, | хвалите Его во струнах и органе.

–      Хвалите Его в кимвалех доброгласных, | хвалите Его в кимвалех восклицания. | Всякое дыхание да хвалит Господа.

–      Хвалите Бога во святых Его, | хвалите Его во утверждении силы Его.

Слава: Господи, аще не быхом Святыя Твоя имели молитвенники, | и благостыню Твою милующую нас, | како смели быхом, Спасе, пети Тя, | Его же славословят непрестанно Ангели? | Сердцеведче, пощади души наша.

И ныне: Многая множества моих, Богородице, прегрешений! | к Тебе прибегох, Чистая, | спасения требуя: | посети немотствующую мою душу | и моли Сына Твоего и Бога нашего, | дати ми оставление, | яже содеях лютых, | Едина благословенная.

–      Всесвятая Богородице, | во время живота моего не остави мене, | человеческому предстательству не ввери мя, | но Сама заступи и помилуй мя!

–      Все упование мое на Тя возлагаю, | Мати Божия: | сохрани мя под кровом Твоим.

Стихира на стиховне, гл. 3. Начнем, людие, непорочный пост, | иже есть душам спасение, | поработаим Господеви со страхом, | елеем благотворения главы помажем, | и водою чистоты лица умыем, | не многоглаголем в молитвах, | но яко научихомся, тако возопишим: | Отче наш, Иже на небесех, | остави нам прегрешения наша, | яко Человеколюбец.

Стихира на Господи воззвах, гл. 2. Снедию древле горькою, | изринувшеся из рая, | воздержанием страстей потщимся внити, | взывающе Богу нашему: | на кресте прострый длани Твоя, | оцет пивый и желчь вкусивый, | и болезни претерпевый от гвоздей, | горчайшия сласти вся от душ наших изгвоздивый, ради благоутробия щедрот, | спаси рабы Твоя.

Стихира на стиховне, гл. 8. Пост не ошаяние брашен точию совершим, | но всякия вещественныя страсти отчуждение: | да на нас мучительствуюшую плоть поработивше, | достойни будем причастия, | Агнца за мир закланнаго волею Сына Божия, | и духовно празднуем из мертвых Спасово воскресение: | на высоту вземшеся добродетелей, | во светлости, и наслаждении изрядных дел, | веселяще Человеколюбца.

Стихира на стиховне, гл. 8. Постом помышлений страсти | приидите поработим, | духовными себе крилы покрывше: | да вражию движимую бурю легце пришедше, | достойни будем крестнаго поклонения, | о мире закланнаго волею Сына Божия; | и духовно празднуем из мертвых Спасово воскресение, | на гору вземшсся, со ученики прославим, | власть приимшаго всю Сына от Отца Человеколюбца.

Стихира на Господи воззвах, гл. 8. Постящеся, братие, телесне, | постимся и духовне: | разрешим всякий союз неправды; | расторгнем стропотная нуждных изменений; | всякое списание неправедное раздерем; | дадим алчущим хлеб, | и нищия безкровныя введем в домы; | да приимем от Христа Бога велию милость.

Прокимны: гл. 5. Ты, Господи, сохраниши ны...

–      гл. 6. Призри и услыши мя Господи Боже мой.

Гл. 2. Да исправится молитва моя, | яко кадило пред Тобою; | воздеяние руку моею, | жертва вечерняя.

–      Господи, воззвах к Тебе, услыши мя: | вонми гласу моления моего, | внегда воззвати ми к Тебе.

–      Положи, Господи, | хранение устом моим | и дверь ограждения о устнах моих.

–      Не уклони сердце мое | в словеса лукавствия, | непщевати вины о гресех.

Ныне силы небесныя с нами невидимо служат: се бо входит Царь славы, се жертва тайная совершенна дориносится. | Верою и любовию приступим, да причастницы жизни вечныя будем. Аллилуия (трижды).

Причастен: Вкусите и видите, яко благ Господь. Аллилуия (трижды).

– Гл. 8. Благословлю Господа на всякое время, | хвала Его во устех моих. || Хлеб небесный и чашу жизни вкусите и видите, | яко благ Господь. Аллилуия (трижды).

Стихира на стиховне, гл. 3. Господи мне грешному положил еси покаяние, | мене недостойнаго спасти хотя безмерною милостию Твоею. | К Тебе припадаю моляся: | постом душу мою приклони, | яко к Тебе прибегох, | Единому многомилостивому.

Стихира на Господи воззвах, гл. 2. Омрачена мя прелестьми борца, | Христе мой, просвети, | омрачивый на кресте висяй солнце иногда, | и просветивый верным свет истинный, | оставления яве, | яко да ходяй во свете Твоих повелений, | достигну чисте воскресения Твоего зарю спасительную.

Стихира на стиховне, гл. 4. Желающе Божественныя Пасхи причаститися, | не от Египта, но из Сиона грядущия, | греховный квас отъимем покаянием: | препояшим чресла наша умерщвлением сластей; | украсим ноги сапогми, | возбранительными от всякаго дела лукаваго, | и утвердимся палицею веры; | не ревнуем врагом Владычняго Креста, | боготворяще чрево, | но последуим постом | на диавола победу нам показавшему, | Спасу душ наших.

Стихира на стиховне, гл. 8. Постное завещание радостно восприимем: | аще бо бы сие праотец сохранил, | Едемскаго отпадения не прияли быхом. | Красный бе в видение и добрый в снедь, | уморивый мене плод; | да не восхитимся веждами, | ни да усладится наша гортань почитаемыми брашны, по приятии же безчествуемыми. | Бежим невоздержания, | и по насыщении страстен не покоримся; | назнаменаимся кровию, | о нас Веденнаго на смерть волею, | и не коснется нас губитель; | и снемы Пасху Христову священнейшую, | во спасение душ наших.

Стихира на Господи воззвах, гл. 5. Приидите, вернии, | делаим во свете дела Божия, | яко во дни благообразно ходим, | всякое неправедное списание от себе ближняго отъимем, | не полагающе претыкания сему в соблазн. | Оставим плоти сладострастие, | возрастим души дарования, | далим требующим хлеб, | и приступим Христу в покаянии вопиюще: | Боже наш, помилуй нас.

Стихира Святому, гл. 2. Дар Божий превышший показался еси, мучениче Феодоре; | зане и по кончине яко жив притекающим даеши прошения, | тем же сыну восхищенну жены иногда, | плененну иноверными воины, | представши вдовица слезами храм твой мочаше; | ты же яко милостив на коне белом нашед, | сея отрока представил еси невидимо: | и по сем и с сим действуяй чудесы не престал еси; | но моли Христа Бога, | спастися душам нашим.

Прокимны: гл. 5. Услышит тя Господь в день печали.

– Гл. 6. Вознесися, Господи, силою Твоею, | воспоем и поем силы Твоя.

По знамвонной молитве, тропарь, гл. 2. Велия веры исправления, | во источнице пламене, яко на воде упокоения, | святый мученик Феодор радовашеея, | огнем бо все сожжегся, | яко хлеб сладкий Троице принесеся. | Того молитвами, Христе Боже, спаси души наша.

И ныне, Богородичен. гл. 2. Вся паче смысла...

Кондак, гл. 8. Веру Христову яко щит, | внутрь приим в сердцы твоем, | противныя силы попрал еси, многострадальче, | и венцем небесным | венчался еси вечно, Феодоре, | яко непобедимый.

Стихира на Господи воззвах, гл. 6. Тя непостижимаго, | прежде денницы, | безначально из Невещественнаго возсиявшаго, | безплотнаго же чрева Родителева, | пророцы Господи, | Твоим Духом вдохновени, | прорекоша Отроча быти, | из неискусобрачныя воплощаема, | человеком совокупляема, | и сущими на земли зрима; | ими же яко Щедрый просвещения сподоби Твоего, | воспевающих неизреченное и честное Твое воскресение.

Стихира на стиховне, гл. 2. Из нечестия во благочестие прешедше, | и светом разума просветившеся, | псаломски руками восплещим, | благодарственно хвалу Богу приносяще: | и на стенах и досках, и на священных сосудех, | начертанным священным образом Христовым, | и Пречистыя и всех Святых, | честно поклонимся, | отлагающе злочестную злославных веру: | просяще молитвами Причистыя Твоея Матере, | Христе Боже наш, и всех Святых, | даровати нам велию милость.

Тропарь, гл. 2. Пречистому Твоему образу покланяемся, Благий, | просяще прощения прегрешений наших, Христе Боже; | волею бо благоволил еси плотию взыти на крест, | да избавиши, яже создал еси, от работы вражия. | Тем благодарственно вопием Ти: | радости исполнил еси вся, Спасе наш, | пришедый спасти мир.

Богородичен: гл. 2. Вся паче смысла… (См. стр. 19).

Кондак, гл. 2. Неописанное Слово Отчее, | из Тебе, Богородице, описася воплощаем: | и оскверншийся образ в древнее вообразив, | Божественною добротою смеси; | но исповедающе спасение, | делом и словом, сие воображаем.

Стихира на хвалитех, гл. 4. В Тебе ныне радуется церковь, Человеколюбче, | Женисе и Создателе своем, | сию волею Боголепною от идольския лести избавльшем, | и Себе обручившем Честною Кровию, | светло приемлющи священное возставление икон, | и радующися Тя поет, и славит верно.

Прокимен, на Литургии, гл. 4. Благословен еси Господи...

Стихира на Господи воззвах, гл. 2. Киими благопохвалений песньми воспоим иерарха, | Богословия трубу, | огнедохновенная уста благодати, | честное Духа приятелище, | столпа церкве непоколебимаго, | великое вселенныя украшение, | реку премудрости, света светильника, | звезду ясную, тварь просвещающую.

Стихира стиховне, гл. 8. Бодрый язык твой ко учительству, | во ушесех сердечных возглашая, | ленивых души возставляет, | и Боговещанными словесы твоими лествица обретается, | от земли к Богу возносящая. | Тем же Григорие, Фессалии чудо, | не престай моляся Христу, | просветити Божественным светом чтущия тя.

Тропарь, гл. 8. Свят. Григорию Паламе. Православия светильниче, | Церкве утверждение и учителю, | монахов доброто, | Богословов поборниче непреоборимый, | Григорие чудотворче, | Фессалонитская похвало, | проповеданиче благодати, | молися выну спастися душам нашим.

Богородичен, гл. 4. Иже нас ради рождейся…

Кондак, гл. 4. Ныне время делательное явися, | при дверех суд, | востанем убо постящеся, | принесем слезы умиления, | милостынями зовуще; | согрешихом паче песка морскаго, | но ослаби Содетелю всех, | яко да приимем нетленныя венцы.

Стихира на хвалитех, гл. 1. Блаженную в мире жизнь совершив, | и ныне блаженных срадуешися собором, | и на земли кротких, | яко кроткий живеши, иерарше Григорие: | благодатию же чудес богатееши от Бога, | юже подавши чтущим тя.

Стихира на Господи воззвах, гл. 5. Возсияй Господень Кресте, | светолучныя молния твоея благодати, | в сердца чтущих тя, | и Богоприятною любовию приемлющих, | мировожделение, | имже слезное потребися сетование, | и смертных сетей избавихомся, и к присному веселию приидохом; | покажи красоты твоея благолепие, | воздаяние подаждь воздержания рабом твоим, | верно просящим твое богатное заступление, и велию милость.

Стихира на стиховне, гл. 4. Пособивый, Господи, кроткому Давиду победити иноплеменника, | верному ИМПЕРАТОРУ нашему споборствуй, | и оружием Креста низложи враги наша: | покажи Благоутробне на нас древния милости Твоя, | и да разумеют воистинну, | яко Ты еси Бог | и на Тя надеющшея побеждаем, | молящиися обычно Пречистей Твоей Матери | дароватися нам велицией милости.

Тропарь, гл. 1. Спаси, Господи, люди Твоя, | и благослови достояние Твое, | победы Благоверному ИМПЕРАТОРУ нашему, НИКОЛАЮ АЛЕКСАНДРОВИЧУ, | на сопротивныя даруя, | и Твое сохраняя | Крестом Твоим жительство.

И ныне, Богородичен. гл. 1. Гавриилу вещавшу...

Кондак, гл. 7. Не к тому пламенное оружие | хранит врат Едемских; | на тыя бо найде прсславный соуз древо Крестное, | смертное жало, и адова победа прогнася, | предстал бо еси Спасе мой, | вопия сущим во аде: | внидите паки в рай.

Стихира на хвалитех, гл. 4. Во гласех воскликнем, | в песнех возвеличим, | Крест честный облобызающе, | и к нему возопиим: | Кресте всечестне, | освяти наша души и телеса силою твоею, | и от всякаго вреда сопротивных соблюди невреждены, | благочестно покланяюшияся тебе.

Тропарь, гл. 6. Кресту Твоему покланяемся, Владыко, | и Святое Воскресение Твое славим.

Стихиры на поклонение кресту, гл. 2. Приидите, вернии, | животворящему древу поклонимся, | на нем же Христом Царь славы | волею руце распростер, | вознесе нас на первое блаженство, | их же прежде сластию украд враг, | изгнаны от Бога сотвори. | Приидите, вернии, древу поклонимся, | им же подобихомся невидимых враг сокрушит главы. | Приидите вся отечествия язык, | Крест Господень песньми почтим. | Радуйся, Кресте, падшаго Адама совершенное избавление! | 0 тебе бо вернейший Царие наши хвалятся, | яко твоею силою Исмаильтеския люди державно покаряюшии. | Тебе ныне со страхом христиане целуем, | на тебе пригвоздившагося Бога славим, глаголюще: | Господи, на том пригвоздивыйся, помилуй нас, | яко Благ и Человеколюбец.

– Гл. 8. Днесь Владыка твари, | и Господь славы, | на кресте пригвождается, | и в ребра прободается; | желчи и оцта вкушает, | сладость церковная: | венцем от терния облагается; | покрывала небо облаки, | одеждою облачится поругания; | и заушается бренною рукою, | рукою создавый человека; | по плещема биен бывает, | одеваяй небо облаки, | заплевания и раны приемлет, | поношения и заушения; | и вся терпит мене ради осужденнаго, | Избавитель мой и Бог. | Да спасет мир от прелести, яко благоутробен.

Слава, гл. 8. Днесь неприкосновенный существом, | прикосновен мне бывает, | и страждет страсти, свобождаяй мя от страстей. | Свет подаваяй слепым, | от беззаконных устен оплевается, | и дает плещи за плененныя на раны. | Сего чистая Дева и Мати на кресте зрящи, | болезненно вещаше: | увы Мне, Чадо Мое! | Что сие сотворил еси? | Красный добротою паче всех человек, | бездыханный, беззрачный являешися, | не имея вида, ниже доброты. | Увы Мне, Мой Свете! | Не могу спяща зрети Тя, | утробою уязвляюся, | и лютое оружие сердце Мое проходит. | Воспеваю Твоя страсти, | покланяюся благоутробию Твоему, | долготерпеливе Господи, слава Тебе.

И ныне, гл. 8. Днесь пророческое исполнися слово: | се бо покланяемся на место, | идеже стоясте нозе Твои, Господи: | и древа спасения вкусивше, | греховных страстей свободу улучихом, | молитвами Богородице, едине Человеколюбче.

Стихиры на Господи воззвах, гл. 8. Отче Иоанне преподобне, | выну воистинну Божия в гортани возношения носил еси, | поучаяся детельнейшим, | Богодухновенним словесем всемудре, | и оттуду истекаемою благодатию обогатился еси, | быв блажен, | нечестивых всех советования низвращая.

Стихира на стиховне, гл. 2. На земли Ангела, и на небесех человека Божия, | мира благоукрашение, наслаждение благих, | добродетелей постнических похвалу, | Иоанна почтим: | насажден бо в дому Божии, процвете праведно, | и яко кедр в пустыни | умножи стада Христова словесных овец, | в преподобии и правде.

Тропарь, гл. 1. Пустынный житель и в телеси Ангел, | и чудотворец явился еси Богоносе отче наш Иоанне: | постом, бдением и молитвою, | небесная дарования приим, | исцелявши недужныя, | и души верою притекающих тя. | Слава давшему ти крепость: | слава венчавшему тя: | слава действующему тобою всем исцеления.

Кондак, гл. 4. На высоте Господь воздержания истинна Тя положи, | яко же звезду нелестную, | световодящую концы, | наставниче Иоанне отче наш.

Стихира на хвалитех, гл. 1. Приидите делаим в тайном винограде, | плоды покаяния в нем творяще: | не в брашнех и питиих труждаюшеся, | но в молитвах и постех добродетели исправляюще: | сими угождаемый Господь дела, динарь подает, | им же души избавляет долга греховнаго, | един Многомилостивый.

Стихира на Господи воззвах, гл. 6. Тебе убо возбраняше честных взирания, | скверн прежде привлеченное сквернение: | твое же чувство, | и твоя Богомудрая содеянных совесть, | к лучшим тебе обращение содеяша; | на икону бо воззревши благословенныя Богоотроковицы, | всех покаявшися прегрешений своих всехвальная прежних, | в дерзновении Честному Древу поклонилась еси.

Стихира на стиховне, гл. 2. Душевная ловления, и страсти плотския | мечем воздержания посекла еси: | помысла прегрешения молчанием обучения подавала еси, | и струями слез твоих пустыню всю напоила еси, | и прозябла еси нам покаяния плоды. | Тем же твою память, преподобная, празднуем.

Тропарь, гл. 8. В тебе мати известно спасеся еже по образу: | приимши бо крест, последовала еси Христу, | и деющи учила еси презирати убо плоть, преходит бо, | прилежати же о души вещи безсмертней; | тем же и со Ангелы срадуется, преподобная Марие, дух твой.

Кондак, гл. 3. Блудами первее преисполнена всяческими, | Христова невеста днесь покаянием явися, | ангельское жительство подражающя, | демоны креста оружием погубляет. | Сего ради Царствия невеста явилася еси. Марие преславная.

Стихиры на Господи воззвах, гл. 6. Днесь благодать Святаго Духа нас собра, | и вси вземше Крест Твой глаголем: | Благословен грядый во имя Господне, | осанна в вышних.

–      Приидите и мы днесь | весь новый Израиль, | яже от язык церков, | со пророком Захариею возопиим: | радуйся зело дщи Сионова, | проповедуй дщи Иерусалимова: | яко се Царь Твой грядет тебе кроток и спасаяй, | и вседый на жребя осле, сына подъяремнича; | празднуй, яже детей, ветви руками держащие похвали: | осанна в вышних, | благословен грядый Царь Израилев.

–      Прежде шести дней Пасхи | прииде Иисус в Вифанию, | и приступите к Нему ученицы Его, глаголюще Ему: | Господи, где хощеши, уготоваем Ти ясти Пасху? | Он же посла их: | идите в преднюю весь, | и обрящете человека, скудель воды носяща; | последуйте ему, и дому владыце рцыте: | Учитель глаголет, у тебе, сотворю Пасху со ученики Моими.

Слава и ныне, гл. 6. Днесь благодать Святаго Духа...

Стихира на литии, гл. 1. Всесвятый Дух, апостолы научивый глаголати иными странными языки, | Той детем еврейским неискусозлобным повелевает звати: осанна в вышних, | благословен грядый Царь Израилев.

Слава и ныне, гл. 4. Прежде шести дней бытия Пасхи, | прииде Иисус во Вифанию, | воззвати умерша четверодневна Лазаря, | и проповедати воскресение, | сретоша же Его и жены, | Марфа и Мария сестры Лазаревы, вопиюще к Нему: | Господи, аще бы еси был зде, | не бы умерл брат наш. | Тогда глагола к ним: не предрекох ли вам: | веруяй в Мя, аще и умрет, жив будет; | покажите Ми, где положисте его? | И вопияше к нему Зиждитель всех: | Лазаре, гряди вон!

Стихира на стиховне, гл. 8. Радуйся и веселися, граде Сионе, | красуйся и радуйся, церкве Божия: | се бо Царь твой прииде в правде, | на жребяти седя, | от детей воспеваемый: | осанна в вышних, | благословен еси, имеяй множество щедрот, помилуй нас.

Слава и ныне, гл. 6. Днесь благодать Святаго Духа...

Тропари, гл. 1-й. Общее воскресение, | прежде Твоея страсти уверяя, | из мертвых воздвигл еси Лазаря, Христе Боже. | Тем же и мы яко отроцы победы знамения носяше, | Тебе – Победителю смерти вопием: | осанна в вышних, | благословен грядый во имя Господне.

– гл. 4. Спогребшеся Тебе крещением, Христе Боже наш, | бессмертныя жизни сподобихомся воскресением Твоим, | и воспевающе зовем: | осанна в вышних, | благословен грядый во имя Господне.

Величание: Величаем Тя, | Живодавче Христе, | осанна в вышних, и мы Тебе вопием: | благословен грядый во имя Господне.

Стихира по Евангелии, гл. 2. Днесь Христос входит во град Вифанию, | на жребяти седяй | бессловесие разрешая язык злейшее, | древле свирепеющее.

Ирмосы канона, гл. 4, песнь 1-я. Явишася источницы бездны, | влаги непричастны, | и открышася моря волнующася основания бурею; | манием бо запретил еси ему, | изрядныя же люди спасл еси, | поющия победную песнь Тебе, Господи.

–      3. Точащий краесекомый повелением Твоим, | твердый ссаша камень Израильтестии людие. | Камень же Ты еси, Христе, и жизнь, | на Нем же утвердися церковь, зовущая: | осанна, благословен еси грядый.

–      4. Христос грядый явственно Бог наш, | приидет и не закоснит, от горы приосененныя чащи, | Отроковицы раждающия неискусомужныя, | пророк древле глаголет. | Тем вси вопием: | слава силе Твоей, Господи.

–      5. На гору Сион взыди благовествуяй, | и Иерусалиму проповедуяй, | в крепости вознести глас: | преславная глаголашася о тебе, граде Божий: | мир на Израиля, и спасение языком.

–      6. Возопиша с веселием праведных дуси: | ныне миру завет новый завещается, | и креплением да обновятся людие, | Божия крове.

Кондак, гл. 6. На престоле на нсбеси, | на жребяти на земли носимый, Христе Боже, | Ангелом хваление и детей воспевание приял еси зовущих Ти: | благословен еси грядый Адама воззвати.

–      7. Спасый во огни Авраамския Твоя отроки, | и Халдеи убив, яже правда праведно уловляше, | пропетый Господи Боже отец наших, благословен еси.

–      8. Веселися Иерусалиме, | торжествуйте любящии Сиона: | царствуяй бо во веки Господь сил прииде: | да благоговеет вся земля от лица Его, и да вопиет: | благословите, вся дела Господня, Господа.

–      9. Бог Господь, и явися нам, | составите праздник, | и веселящеся приидите, возвеличим Христа, | с ваиами и ветвьми, песньми зовуще: | благословен грядый во имя Господа Спаса нашего.

Стихира на хвалитех, гл. 4. Множество народа, Господи, | постилаху по пути ризы своя; | друзии же резаху ветви от древес и ношаху. | Предъидущии же и последующии, | зовяху глаголюще: | осанна Сыну Давидову, | благословен еси пришедый, | и паки грядый во имя Господне.

Стихира на Господи воззвах, гл. 8. Радуйся и веселися, граде Сионе; | красуйся и радуйся Церкве Божия: | се бо Царь твой прииде в правде, | на жребяти седя, | от детей воспеваемый, | осанна в вышних, | благословен еси имеяй множество щедрот, помилуй нас.

Стихира на стиховне, гл. 2. От ветвий и ваий, | яко от божественна праздника, | в божественный прешедше праздник, | к честному Христовых страстей, | вернии, стецемся таинству спасительному: | и сего видим за нас страсть терпяща вольную, | тому же пение подобное благодаряще воспоим, | умильно зовуще: | благоутробия источниче, и спасения пристанище, | Господи, слава Тебе.