№ 23. 1660 г., мая 14. Перевод с греческой грамоты Хиосскаго архиепископа Кирилла царю Алексею Михайловичу о высокомерных поступках Никона и о данных ему царём жалованных и других грамотах, которые по церковным винам получателя лишились законной силы; с благословением на избрание нового патриарха

Тишайший, самодержавнейший царю господин господи Алексею Михайлович, всея Великой и Малой и Белой Росии самодержче, живот и победу от Бога в долготу дней.

Господь всех и Бог наш создал человека по образу и по подобию Своему и почтил его от всех созданий и украшая его многими дарами, враг же истиной дьявол, не терпя толикой чести, юже дал Бог человеку, преобразился во образ змиин, и прельстил человека, и сотворил его и преступил заповедь Божию, ядый от плода разума, и абие пребысть наг от благодатей и даров Божиих, и изгнан бысть из рая и повелен от Бога по́том ясти хлеб свой: по́том лица твоего яси хлеб твой. Оттоле, державнейший царь, изнеможе человеческое естество, и бысть тленное и удобопреложное, человеком бо оттоле дадеся еже согрешати. Сия помышляли, и пророк царь Давид писал, глаголя: всяк человек ложь. И премудрый Соломон: несть праведен на земли, иже сотворит благо и не согрешит, сиречь, иже человек есть тленный в мире сем и удобпреложный намерениям, и праведнейшему на земле невозможно есть в добротах, яже творит, не прельститься и не погрешить. Является в ветхом писании и в новом, яко близ царствах случалось между добрыми человеками и злой и злого намерения и гордый, иже прельщал многажды царей лестью и иногда убо наущал их на убийства и пребеззакония, иногда ж на нелепую честь их, и дерзаю сказать, на бесчестие царское, якоже является и во время Артаксеркса царя: един его первый князь, Аман именуем, яко прельстил царя и дал повеление, яко да погубит тогдашних благочестивых Божьих всех. Но Бог, не терпя неправду тую и гордость оного Амана, явил царю чрез царицу его Есфирь неправду тую и гордость оного, и абие царь не сохрани оно повеление и вместо его сотвори иного, да погубит Амана оного гордого. От сея гордости является, державнейший царь, яко побеждашься зело и господин Никон, и просяще грамоты от царствия твоего пребеззаконный на возвышение нелепое своё; и великое твоё царствие яко верен и прав в вере сущу оному началу веры простым и чистым сердцем дал еси ему что-либо просимое. Обаче великое твоё самодержавие не вредися никакоже, но наипаче возрастает и венчается венцом смирения; той же, высокосердый сый, начало закона бысть преступник и отрицатель закона, и еже лютейшее, яко, уча иных, себя не учит и не подражает Владыке Христу и первому патриарху и Богу, чему учил, не слушал его, глаголюща: больший вас да будет вам слуга; и иже аще хочет первым быть в вас, да будет вам раб. Не слушал его, глаголющего: вознёсший себя смирится, и аще не смиритесь и будете яко отрочата, не внидете в царство Божье. Не слушал Павла, глаголющего: да не будем тщеславии и паки смиренномудрием друг друга предводяще; ниже премудрого Соломона: не чист у Господа всякий высокосердый; не слуша того паки Владыки Христа, глаголюща: возмите иго Мое на вас и научитеся от Мене, яко кроток есмь и смирен сердцем; не слуша Соломона, глаголющего: сердце царево в руце Божьи; и Богослова Григория: сердце царево в руке Божьей, и речеся и веруется; но хотяше прельстить царя, не помышляяй, яко иже прельщает царя, Богу противляется. Не устраши его страх того же Соломона, глаголюща: не гордися пред царем, ниже у царя не умудрися, ниже прещение царево подобно рыканию львову; не слуша Златоуста, глаголюща; иже не слушает царя, Богу борется. И еще тому глаголющу, ничтоже бо сице прогневает Бога, якоже еже паче чести почитатися, но ослепи его гордость, возлюби бо паче славу человеческую, нежели славу Божию, вся бо дела своя творяше воеже видетися от человеков. Любяше бо первоседание в вечерах и перволегание и зватися от человеков равви. Владыка Христос учаше ученики своя смирению, и той величанием; Христос непамятозлобию, и той памятозлобию; Христос излия кровь свою нас ради, и той не претерпе ниже слово студное; Христос учаше: да покарятся царем, и той противляшася цареви, ослепи бо его злоба его; сего ради прият по делом своим, обратися бо, глаголет, болезнь его на него и на главу его. Той бо сия. Грамоты же оныя, яже даде великое твое царствие, во ничтоже вменяются и в меру не приходят. Яже бо кроме закона, испытания прилежнаго и рассмотрения утверженныя вины, и совершенным, ниже закон, ниже время, ниже обычай утвердить может. Бессловесно бо судимся и бываемая словом разрешаются, и во ничтоже бывают; и великое твое царствие радуется и красуется во благочестии своем и укрепляется и поставляет иного патриарха законного и соборного, которого аще хощет страхом Божиим благословить и освятить тебе и вся Христови люди, и прославится Бог за вы, яко Тому подобает слава во веки. Аминь. 7168, Мая 14 число.

Кирил, архиепископ от святой и царской обители Новой, что в Xии, богомолец и раб великого твоего царствия.