В 26-й день

Собо́р Пресвяты́я Богоро́дицы.

Пра́зднование Пресвяте́й Богоро́дице ра́ди ико́ны ея́ «Трех ра́достей»

Па́мять сотворя́ем святы́х пра́ведных Ио́сифа Обру́чника, и Дави́да царя́, и Иа́кова, бра́та Госпо́дня

(И́ну слу́жбу зри

день сей ниже)

И па́мять свята́го священному́ченика Евфи́мия, епи́скопа Сарди́йскаго

Слу́жба его́ поется на пове́черии.

ВЕ́ЧЕР

Стихологии не быва́ет, кроме́ неде́ли. На Го́споди, воззва́х: стихи́ры пра́здника на 6, глас 2:

Прииди́те, возра́дуемся: Го́споду Иису́су: Ца́рство Твое́: Что Тебе́ принесе́м:

(зри день 25-й).

Сла́ва, и ны́не, глас 6:

Слава в Вы́шних Бо́гу,/ и на земли́ мир,/ днесь восприе́млет Вифлее́м Седя́щаго при́сно со Отце́м,/ днесь А́нгели Младе́нца рожде́ннаго боголе́пно славосло́вят:/ сла́ва в Вы́шних Бо́гу,/ и на земли́ мир,/ в челове́цех благоволе́ние.

Вход. Проки́мен, глас 7: Кто Бог ве́лий, я́ко Бог наш?/ Ты еси́ Бог, творя́й чудеса́.

Стих 1:

Сказа́л еси́ в лю́дех си́лу Твою́ и изба́вил еси́ мы́шцею Твое́ю лю́ди Твоя́.

Стих 2:

И рех: ны́не нача́х, сия́ изме́на десни́цы Вы́шняго.

Стих 3:

Помяну́х дела́ Госпо́дня, я́ко помяну от нача́ла чудеса́ Твоя́.

А́ще есть суббо́та, ве́чер поем проки́мен: Госпо́дь воцари́ся, в ле́поту облече́ся:

(со стихи его́). А вели́кий проки́мен:

Кто Бог ве́лий, я́ко Бог наш:

со стихи его́ поется тогда́ в на́вечерии пра́здника; дневный же оставля́ется. Посем ектения́.

На стихо́вне стихи́ры самогла́сны, глас 8.

Иоа́нна мона́ха: Пресла́вное та́инство устроя́ется днесь,/ обновля́ется естество́, и Бог Челове́к быва́ет,/ е́же бе пребы́сть, и е́же не бе прия́т,/ ни смеше́ния претерпе́в, ниже́ разделе́ния.

Стих: Из чре́ва пре́жде денни́цы роди́х Тя,/ кля́тся Госпо́дь и не раскается.

Го́споди, в Вифлее́м прише́д,/ в верте́п всели́лся еси́,/ Не́бо престо́л име́я,/ в я́слех положи́лся еси́,/ его́же во́инства окружа́ют А́нгел,/ па́стырем снизше́л еси́,/ да спасе́ши, я́ко Милосе́рд, род наш, сла́ва Тебе́.

Стих: Рече́ Госпо́дь Го́сподеви моему́:/ седи́ одесну́ю Мене́.

Ка́ко изреку вели́кое та́инство?/ Безпло́тный воплоща́ется,/ Сло́во одебелева́ет,/ Неви́димый ви́дится,/ и Неосяза́емый осяза́ется,/ и Безнача́льный начина́ется./ Сын Бо́жий Сын Челове́чь быва́ет,/ Иису́с Христо́с вчера́ и днесь, То́йже и во ве́ки.

Сла́ва, и ны́не, глас то́йже:

В Вифлее́м стеко́шася па́стырие,/ и́стиннаго возвеща́юще Па́стыря,/ седя́щаго на Херуви́мех/ и возлежа́щаго в я́слех Младе́нца зрак восприи́мша нас ра́ди,/ Го́споди, сла́ва Тебе́.

Тропа́рь пра́здника, глас 4:

Рождество́ Твое́, Христе́ Бо́же наш,/ возсия́ ми́рови свет ра́зума,/ в нем бо звезда́м служа́щии/ звездо́ю уча́хуся/ Тебе́ кла́нятися, Со́лнцу Пра́вды,/ и Тебе́ ве́дети с высоты́ восто́ка./ Го́споди, сла́ва Тебе́.

Тропа́рь Богоро́дицы, глас 4:

Пречи́стая Богома́ти, Богоро́дице,/ Собо́р Твой честны́й украше́н многоразли́чными добро́тами,/ да́ры Ти прино́сят, Госпоже́, мно́ги мирсти́и лю́дие,/ у́зы на́ша гре́шныя раздери́ Свое́ю ми́лостию/ и спаси́ ду́ши на́ша.

Кано́н священному́ченику на пове́черии поется во ин день. Глас 4, его́же краегранесие: Рожде́нный тя Христо́с пелена́ми венча́ет, о́тче.

Феофа́ново.

Песнь 1

Ирмо́с: Мо́ря чермну́ю пучи́ну/ невла́жными стопа́ми/ дре́вний пешеше́ствовав Изра́иль,/ крестообра́зныма Моисе́овыма рука́ма/ Амали́кову си́лу в пусты́ни победи́л есть.

Припев: Священному́чениче Евфи́мие, моли́ Бо́га о нас.

Рожде́нному присносу́щему Го́споду и пелена́ми пови́тому/ спови́вся я́звенными ра́нами, благоче́стно поклони́лся еси́/ и к Нему́, Евфи́мие, со бла́году́шием отше́л еси́.

В я́слех поло́жся, Госпо́дь, дар Рождества́,/ твои́х крове́й, о́тче, ка́пли/ и ран твои́х я́звы па́че зла́та, и лива́на, и па́че сми́рны прия́т.

Зла́то у́бо от волхво́в прие́млет ро́ждся Госпо́дь,/ е́же к Нему́ любо́вь твою́, святи́телю, приле́жную, и тве́рдость,/ и кре́пость при́снаго терпе́ния твоего́.

Сме́ртию сме́рти Влады́чней подо́бяся,/ Влады́чни возгласи́л еси́ гла́сы,/ о убива́ющих тя све́тло моля́ся, священноявле́нне всече́стне.

Богоро́дичен: Из Тебе́, Благослове́нная, днесь всех Творе́ц пло́тию ражда́ется по нам/ и пелена́ми повива́ется,/ пови́вый мо́ре мгло́ю, Ма́ти Присноде́во.

Песнь 3

Ирмо́с: Весели́тся о Тебе́ Це́рковь Твоя́, Христе́, зову́щи:/ Ты моя́ кре́пость, Го́споди,/ и прибе́жище, и утвержде́ние.

Гное́ния му́ченическая вме́сто лива́на, и зла́та, и сми́рны же/ я́ко святи́тель прине́сл еси́ в Вифлее́ме ро́ждшемуся Христу́.

Стефа́на подо́бник, первому́ченика Христо́ва, был еси́,/ о спасе́нии убива́ющих тя моля́ся, Евфи́мие.

Тве́рдостию ума́ и до́блестию души́ обличи́л еси́ злочести́ваго Ле́онта,/ на Спа́са шата́ющагося.

Соблю́л еси́ приле́жно Спа́сову за́поведь, преподо́бне,/ и ду́шу положи́л еси́ по твои́х друзе́х, Евфи́мие.

Богоро́дичен: Село́, вмести́мое Невмести́маго Соде́теля, была́ еси́,/ Сего́ пло́тию вмести́вши, Обра́дованная Всенепоро́чная.

Песнь 4

Ирмо́с: Вознесе́на Тя ви́девши Це́рковь на Кресте́,/ Со́лнце Пра́ведное,/ ста в чи́не свое́м,/ досто́йно взыва́ющи:/ сла́ва си́ле Твое́й, Го́споди.

Зауша́емь по лицу́, от Боже́ственныя благода́ти просвети́ся/ и слове́с му́дростию был еси́ соприча́стник Христу́, всеблаже́нне,/ нас ра́ди зауше́нному пло́тию.

Свяще́нства че́сти не постыде́вшеся,/ и седи́н честны́х не усра́мльшеся,/ и ста́рости твоея́ не почествова́вше, безу́мнии/ неми́лостивно тя ураня́ху.

Пелена́ми пови́тому и в я́слех возлежа́щему Изба́вителю, Евфи́мие,/ многоце́нен дар, о́тче, прине́сл еси́:/ честну́ю кровь твою́, любо́вию за него́ излия́нную.

Богоро́дичен: Невеще́ственная существа́ соде́лавый,/ пло́тию я́ко Челове́к из Тебе́, Богома́ти, днесь ражда́ется./ Тому́ воспое́м:/ сла́ва в Вы́шних Христу́ Бо́гу.

Песнь 5

Ирмо́с: Ты, Го́споди, мой Свет,/ в ми́р прише́л еси́,/ Свет Святы́й, обраща́яи из мра́чна неве́дения/ ве́рою воспева́ющия Тя.

Тебе́ одушевле́н о́браз, Спа́се, прино́сится,/ поче́тший о́браз честна́го те́ла Твоего́ и воображе́ние теле́сное.

Тебе́, Влады́ко, па́стырь благоду́шия тезоимени́т,/ ра́ны телесе́ Твоего́ нося́ на свое́м те́ле, прино́сится.

Огнь погаси́л еси́ я́рости беззако́нных, Евфи́мие,/ излия́нием непра́ведно пролия́нных твои́х крове́й,/ свяще́ннейший преблаже́нне.

Богоро́дичен: Рече́ние ста тле́ния,/ Де́ва бо нетле́нно родила́ есть,/ истле́вшее челове́ческое естество́ от тли Свобо́ждшаго.

Песнь 6

Ирмо́с: Пожру́ Ти со гла́сом хвале́ния, Го́споди,/ Це́рковь вопие́т Ти,/ от бесо́вския кро́ве очи́щшися/ ра́ди ми́лости от ребр Твои́х/ исте́кшею Кро́вию.

Обнаже́нием всех, Спа́сове наготе́ уподо́блься, о́тче, и ра́нам,/ боле́зни претерпе́в, твою́ кровь того́ Кро́ви спроли́ял еси́.

Любо́вь, и наде́жду, и ве́ру Богому́дренну, во ве́ки пребыва́ющую,/ доброде́тельми обогати́вся, Рожде́нному от Де́вы дароно́сиши,/ всеблаже́нне Евфи́мие.

Зако́нно Христу́ служи́в, Боже́ственное священноде́йство Сло́ва,/ мзду́ сего́, о́тче Богоглаго́ливе, прия́л еси́,/ е́же тебе́ сконча́тися кро́вию.

Богоро́дичен: Созда́вый по о́бразу Своему́ челове́ка,/ за мно́гое благоутро́бие обновля́ет сего́,/ из Тебе́, Де́во Богома́ти, соверше́нно в того́ оде́явся.

Седа́лен, глас 1.

Подо́бен: Гроб Твой, Спа́се:

Прине́сл еси́ Христу́, от Де́вы рожде́нному, Евфи́мие му́дре,/ я́ко волсви́ да́ры, пострада́в терпели́внейше, святи́телю, кровь твою́./ Те́мже прия́л еси́ сугу́б вене́ц побе́ды/ и предстои́ши Всесвяте́й Тро́ице, моля́ спасти́ся нам.

Песнь 7

Ирмо́с: В пещи́ Авраа́мстии о́троцы перси́дстей,/ любо́вию благоче́стия па́че,/ не́жели пла́менем, опаля́еми, взыва́ху:/ благослове́н еси́ в хра́ме сла́вы Твоея́, Го́споди.

Свяще́нства, свяще́ннейше, Богода́нное пома́зание,/ смеси́в с кро́вию твое́ю, свяще́ннее показа́л еси́:/ благослове́н еси́, Бо́же мой, зовы́й,/ в хра́ме сла́вы Твоея́, Го́споди.

Поста́вив но́ги на ка́мени ве́ры,/ все́ми прило́ги, всеблаже́нне, искуше́ний непревраще́н пребы́л еси́,/ благослове́н еси́, Бо́же мой, зовы́й,/ в хра́ме сла́вы Твоея́, Го́споди.

Спривле́кл еси́ благода́ть Боже́ственнаго первому́ченика,/ его́же показа́лся еси́ изря́днейший подража́тель,/ благослове́ньми возме́здия дая́ убива́ющим тя неми́лостивно, всеблаже́нне Евфи́мие.

Богоро́дичен: Вы́шняго освяще́нное Боже́ственное селе́ние, ра́дуйся:/ Тобо́ю бо даде́ся ра́дость, Богоро́дице, зову́щим:/ благослове́нна Ты в жена́х еси́, Всенепоро́чная Влады́чице.

Песнь 8

Ирмо́с: Ру́це распросте́р, Дании́л/ львов зия́ния в ро́ве затче́;/ о́гненную же си́лу угаси́ша,/ доброде́телию препоя́савшеся,/ благоче́стия рачи́тели, о́троцы, взыва́юще:/ благослови́те, вся дела́ Госпо́дня, Го́спода.

Стал еси́ на суди́щи, кре́пко подвиза́лся, о́тче Евфи́мие:/ соверше́ннейшему бо преде́лу любве́ поучи́лся еси́,/ я́ко изво́лил еси́ умре́ти за дру́ги твоя́, вопию́щия:/ благослови́те, вся дела́ Госпо́дня, Го́спода.

Све́тел и сло́вом и умо́м,/ све́тлу стяжа́л еси́ ду́шу, све́тло лице́,/ ны́не же светле́е был еси́ да́же до кро́ве, Евфи́мие,/ царе́м богоненави́стным проти́влься и вопия́:/ благослови́те, вся дела́ Госпо́дня, Го́спода.

Нападо́ша, блаже́нне, на тя кре́пции земли́,/ умертви́ти тя беззако́ннейшая де́лающии;/ но ты, простира́яся к ро́ждшемуся Изба́вителю от Де́вы Чи́стыя, взыва́л еси́:/ благослови́те, вся дела́ Госпо́дня, Го́спода.

Богоро́дичен: Се ны́не оскуде́ я́ве от Иу́дова коле́на князь и игу́мен:/ Ты бо, Всенепоро́чная, родила́ еси́, я́же тому́ пе́рвее угото́вана,/ ча́яние язы́ков, Христа́, Ему́же пое́м:/ благослови́те, вся дела́ Госпо́дня, Го́спода.

Песнь 9

Ирмо́с: Ка́мень нерукосе́чный/ от несеко́мыя горы́, Тебе́, Де́во,/ краеуго́льный отсече́ся,/ Христо́с, совокупи́вый разстоя́щаяся естества́./ Тем, веселя́щеся, Тя, Богоро́дице, велича́ем.

К тишайшему приста́нищу преста́вился еси́, о́тче, от су́щих зде:/ я́коже бо вра́бий²⁸, изба́вился еси́ от се́ти ловя́щих тя,/ благослови́ Изб́а́вльшаго, священному́чениче бла́году́шнейше.

Све́ту, с высоты́ я́вльшуся восто́ка, просвеще́н/ и светоявле́нием звезды́, от Иу́ды ны́не возсия́вшия,/ преесте́ственно сия́я, ко Влады́це изше́л еси́.

Ра́йския ны́не широты́ ликоходи́ти сподо́бился еси́,/ иде́же блаже́нных све́тлость и святы́х ра́дование,/ я́ко страда́льца, Евфи́мие, тя побе́доносна прия́ша.

Име́я к Бо́гу дерзнове́ние, я́ко святи́тель же и му́ченик,/ ны́не от настоя́щия зимы́ Це́ркви тишину́ испроси́/ и согреше́ний оста́вле́ние тя пою́щим, всеблаже́нне.

Богоро́дичен: Жезл прозябла́ еси́ из ко́рене Иессе́ова, Богороди́тельнице,/ цвет Божества́, Христа́, нам ро́ждши, Пречи́стая, днесь,/ я́ко Бо́га Невмести́маго и ны́не я́ко Младе́нца повива́емаго.

Стихи́ры, глас 8.

Подо́бен: О, пресла́внаго чудесе́:

Еще́ кро́вию капая/ и облия́н те́плою и па́ры испуща́я кро́ви,/ Христу́ предста́л еси́, Богоглаго́ливе Евфи́мие,/ твои́х у́бо ран, о́тче, я́звы/ в моли́твы ме́сто ны́не прости́рая,/ тому́ моли́ся за пою́щия тя/ и приле́жно, блаже́нне, моли́ о па́стве твое́й.

Дар прине́сл еси́, преподо́бне,/ ро́ждшемуся Христу́ и пло́тию младе́нствовавшу:/ седи́ну че́стну, укра́шену дарова́ньми святи́тельства, о́тче,/ и кро́вию очервле́ну твоего́ страда́ния;/ ве́ру Правосла́вну,/ и наде́жду усе́рдну и нерасте́рзну и́стинно,/ и непоколе́бленну любо́вь, преподо́бне.

Язы́к, дви́жимь Ду́хом,/ и веща́ющ я́ве и́стины уче́ния,/ Богода́нною благода́тию боголе́пно иска́пающ,/ благоче́стия цевни́ца Боговеща́нна,/ Правосла́вия основа́ние недви́жимо,/ уста́ медото́чна, сокро́вище прему́дрости,/ Це́рквей труба́ велегла́сна/ показа́лся еси́, преподо́бне.

Сла́ва, и ны́не, Богоро́дичен:

Плоть прие́м от крове́й Твои́х, Преве́чный Бог/ Тя Предста́тельницу показа́ челове́ком, Чи́стая,/ те́мже изба́ви рабы́ Твоя́/ от вся́кия ну́жды и обстоя́ния/ и сете́й вселука́ваго врага́/ и осия́ния причасти́тися сподо́би избра́нных,/ вся сла́вящия и покланя́ющияся Тебе́.

Подоба́ет ве́дати, я́ко в попра́зднство Христо́ва Рождества и Богоявле́ния, пове́черие поется ма́лое, без кано́на Богоро́дична. На пове́черии к 26 числу, по Досто́йне, и по трисвято́м, глаго́лем конда́к Богоро́дицы, Собо́ру: И́же пре́жде денни́цы:

На полунощнице глаго́лем кафизму обы́чную. По 1-м трисвято́м вме́сто:

Се Жени́х:

глаго́лем тропа́рь пра́здника:

Рождество́ Твое, Христе́ Бо́же наш:

По 2-м трисвято́м глаго́лем конда́к Богоро́дицы:

И́же пре́жде денни́цы:

та́же,

Го́споди, поми́луй,

12, и отпу́ст. моли́твы же, Помяни́, Господи:

не глаго́лем.

НА У́ТРЕНИ

На Бог Госпо́дь: тропа́рь пра́здника трижды.

По 1-й стихологии седа́лен, глас 1.

Подо́бен: Ка́мени запеча́тану:

Иису́су ро́ждшуся в Вифлее́ме Иуде́йстем,/ тварь просвети́ся, позна́вши Зижди́теля;/ удиви́шася А́нгельстии ли́цы, зря́ще Влады́ку на земли́, зрак ра́бий прие́мша/ и от Отца́ неразлу́чна су́ща./ Сла́ва вопло́щшемуся Бо́гу;/ сла́ва Рожде́нному на земли́;/ сла́ва Благоволи́вшему спасти́ род наш.

Сла́ва, и ны́не, то́йже.

И чтем сло́во Епифания Ки́прскаго, похвалу́ Пресвяты́я Богоро́дицы, на три части.

По 2-й стихологии седа́лен, глас 4.

Подо́бен: Удиви́ся Ио́сиф:

Что чуди́шися, Мариа́м?/ Что ужаса́ет е́же в Тебе́?/ Я́ко безле́тна Сы́на в ле́та роди́х, рече́:/ рожде́ннаго зача́тия не навы́кши, безму́жна есмь/ и ка́ко рожду́ Сы́на?/ Безсе́менно рожде́ние кто ви́де?/ Иде́же бо Бог хо́щет, побежда́ется естества́ чин, я́коже пи́шет:/ Христо́с роди́ся пре́жде па́дший возста́вити о́браз.

Сла́ва, и ны́не, то́йже.

Кано́ны пра́здника, ирмосы́ обою́ кано́нов по два́жды; тропари же на 12. Катава́сия, ирмосы́ обою́ кано́нов. По 3-й пе́сни, конда́к пра́здника: Де́ва днесь:

и и́кос, и ипакои́.

По 6-й пе́сни Конда́к, глас 6:

И́же пре́жде денни́цы от Отца́ без ма́тере роди́выйся,/ на земли́ без отца́ воплоти́ся днесь из Тебе́./ Те́мже звезда́ благовеству́ет волхво́м,/ А́нгели же с па́стырьми пою́т/ несказа́нное Рождество́ Твое́, Благода́тная.

И́кос:

Невозде́ланный Грозд возрасти́вшая, та́йный Виногра́де,/ я́ко на ве́твиих, на объя́тиих ноша́ше и глаго́лаше:/ Ты еси́ Плод Мой,/ Ты еси́ Жи́знь Моя́./ Отне́леже позна́х, я́ко и е́же бех, есмь./ Ты Мой Бог:/ печа́ть бо де́вства Моего́ зря́щи неразруши́му,/ пропове́дую Тя, непрело́жнаго Сло́ва плоть бы́вша./ Не вем се́мене, вем Тя, Реши́теля тле́ния:/ чи́ста бо есмь, Тебе́ проше́дшу из Мене́,/ я́коже бо обре́т, оста́вил еси́ утро́бу мою́, зря́щи ю це́лу./ Сего́ ра́ди сликовству́ет вся тварь, вопию́щи Мне:/ ра́дуйся, Благода́тная.

И чтем пролог.

На 9-й пе́сни Честне́йшую:

не поем, но поем припевы, я́коже на самый пра́здник.

Свети́лен:

Посети́л ны есть свы́ше Спас наш, Восто́к восто́ков,/ и су́щий во тьме и се́ни обрето́хом и́стину,/ и́бо от Де́вы роди́ся Госпо́дь.

Трижды

На хвали́тех стихи́ры пра́здника на 4, глас 4: Весели́теся, пра́веднии: Богоро́дице Дево: Прииди́те, воспои́м Ма́терь Спа́сову: Оте́ц благоизво́ли:

(зри день 25-й).

Сла́ва, глас 6:

Днесь неви́димое Естество́ челове́ком от Де́вы совокупля́ется./ Днесь безме́рное существо́ в Вифлее́ме пелена́ми обвива́ется./ Днесь Бог звездо́ю волхвы́ в поклоне́ние приво́дит,/ провозвеща́я Свое́ тридне́вное погребе́ние,/ я́ко в зла́те, и сми́рне, и лива́не./ Ему́же пое́м:/ воплоти́выйся от Де́вы, Христе́ Бо́же, спаси́ ду́ши на́ша.

И ны́не, глас 2. Иоа́нна мона́ха:

Днесь Христо́с в Вифлее́ме ражда́ется от Де́вы,/ днесь Безнача́льный начина́ется,/ и Сло́во воплоща́ется./ Си́лы Небе́сныя ра́дуются,/ и земля́ с челове́ки весели́тся,/ волсви́ Влады́це да́ры прино́сят,/ па́стырие рожде́нному дивя́тся./ Мы же непреста́нно вопие́м:/ сла́ва в Вы́шних Бо́гу, и на земли́ мир,/ в челове́цех бла́гово́ление.

Славосло́вие вели́кое. По трисвято́м тропа́рь пра́здника, и ектении́, и отпу́ст. И час 1, и конечный отпу́ст. На часех тропа́рь пра́здника, конда́к Богоро́дицы: И́же пре́жде денни́цы:

НА ЛИТУРГИ́И:

Блаже́нны от кано́нов пра́здника, пе́сни 3-я и 6-я. По входе: Спаси́ ны, Сы́не Бо́жий, рожде́йся от Де́вы, пою́щия Ти: аллилу́ия.

Си́це поем и до отдания пра́здника. Тропа́рь пра́здника:

Рождество́ Твое́, Христе́ Бо́же наш: Сла́ва, и ны́не,

конда́к:

И́же пре́жде денни́цы:

Та́же трисвято́е. Проки́мен, глас 3, песнь Богоро́дицы:

Вели́чит душа́ Моя́ Го́спода: Стих:Я́ко призре́ на смире́ние рабы́ Своей: Апо́стол к Евре́ем, зача́ло 306. Аллилу́ия, глас 8:

Воскресни́, Го́споди, в поко́й Твой: Стих:Кля́тся Госпо́дь Дави́ду и́стиною и не отве́ржется ея́. Ева́нгелие от Матфе́я, зача́ло 4. Прича́стен: Избавле́ние посла́ Госпо́дь лю́дем Свои́м.

Ину слу́жбу на Собо́р Пресвяты́я Богоро́дицы зри ниже́ уста́ва.

Подоба́ет ве́дати, я́ко а́ще случи́тся Рождество́ Христо́во в неде́лю:

Не соверша́ем па́мяти святы́х Богооте́ц во гряду́щую неде́лю, занеже нача́ло прия́ти январю месяцу и пра́здник Христо́ва Рождества́ уже́ отдается; но соверша́ем сию́ неде́лю в 26 декабря́ месяца, наутрие пра́здника, в понеде́льник, поем же си́це. В неде́лю ве́чера, на Го́споди, воззва́х: стихи́ры на 6: пра́здника 3, глас 2:

Прииди́те, возра́дуемся Го́сподеви:

и святы́х 3, глас 1, Подо́бен:

Небе́сных чино́в: Богоотца́ вси: Сла́ва,

святы́х, глас 6:

Па́мять соверша́ем: И ны́не,

пра́здника, глас то́йже:

Сла́ва в Вы́шних:

Вход. Проки́мен вели́кий, глас 7:

Кто Бог велий:

со стихи его́ и ектении. На стихо́вне стихи́ры пра́здника самогла́сны 3, глас 8, с припевы их.

Сла́ва,

глас 6:

Свяще́нных па́мять: И ны́не,

пра́здника. Тропа́рь святы́х, глас 2:

Благовеству́й, Ио́сифе: Сла́ва, и ны́не, пра́здника. На пове́черии по Трисвято́м конда́к Богоотцев:

Сла́ва, и ны́не,

Богоро́дицы:

И́же пре́жде денни́цы:

На у́трени, на Бог Госпо́дь: тропа́рь пра́здника два́жды:

Сла́ва,

святы́х:

И ны́не,

пра́здника. По кафизмах седа́льны пра́здника и чтем во Ева́нгелии толковом, Неде́ля по Рождестве́ Христо́ве. Кано́н пра́здника 1-й со ирмосо́м на 6, ирмосы́ по два́жды, тропари на 4: и други́й кано́н пра́здника на 4: и святы́х на 4. Катава́сия, ирмосы́ обою кано́нов. По 3-й пе́сни, конда́к Богоро́дицы, глас 6:

И́же пре́жде денни́цы

: и и́кос его́, и седа́лен святы́х.

Сла́ва, и ны́не, пра́здника, и чте́ние. По 6-й пе́сни конда́к святы́х:

Весе́лия днесь:

и и́кос. И чтем Пролог. На 9-й пе́сни,

Честне́йшую:

не поем, но поем припевы пра́здника. Свети́лен святы́х, два́жды.

Сла́ва, и ны́не, пра́здника. На хва́литех стихи́ры пра́здника на 4, глас 4, самогла́сны. Сла́ва, святы́х, глас 8:

Кровь и огнь: И ны́не, пра́здника, глас 2:

Днесь Христо́с:

Славосло́вие вели́кое. По трисвято́м тропа́рь святы́х.

Сла́ва, и ны́не, пра́здника. Ектении́, и отпу́ст, и час 1-й, и конечный отпу́ст. На часех тропа́рь пра́здника. Сла́ва, святы́х, и ны́не, Богоро́дичен часов. По

О́тче наш:

конда́к Богоро́дицы:

И́же пре́жде денни́цы:

и святы́х конда́к, пременя́юще, глаго́лем.

На Литурги́и: Блаже́нны от кано́на пра́здника песнь 3-я, на 4 и святы́х песнь 6-я, на 4. По входе тропа́рь пра́здника и святы́х.Сла́ва,

конда́к святы́х. И ны́не, Богоро́дицы:

И́же пре́жде денни́цы:

Проки́мен, глас 3, песнь Богоро́дицы:

Вели́чит душа́ Моя́ Го́спода: Стих:я́ко призре́ на смире́ние рабы́ Своея́:

Други́й, святы́х, глас 4:

Ди́вен Бог во святы́х Свои́х, Бог Изра́илев. Апо́стол ко Евре́ем, зача́ло 306. Други́й Апо́стол святы́х, к Гала́том, зача́ло 200. Аллилу́ия,

Богоро́дицы, глас 8:

Воскреснй, Го́споди, в поко́й Твой: Стих: Помяни́, Го́споди, Дави́да

: Ева́нгелие же еди́но Богоро́дицы, и святы́х, от Матфе́я, зача́ло 4. Прича́стен: Избавле́ние посла́ Госпо́дь лю́дем Свои́м:

Други́й:

Ра́дуйтеся.

Суббо́та по Рождестве́ Христо́ве:

На Литурги́и: проки́мен, глас 4: Помяну и́мя Твое́/ во вся́ком ро́де и ро́де. Стих:Слы́ши, Дщи, и виждь: Апо́стол к Тимофею, зача́ло 288. Аллилу́ия, глас 8:

Воскресни́, Го́споди, в поко́й Твой

: Ева́нгелие от Матфе́я, зача́ло 46. Прича́стен: Ча́шу спасе́ния прии́му:

Неде́ля по Рождестве́ Христо́ве.

Па́мять сотворя́ем святы́х пра́ведных Ио́сифа Обру́чника, и Дави́да царя́, и Иа́кова, бра́та Бо́жия.

Подоба́ет ве́дати, а́ще по Рождестве́ Христо́ве неде́ля сия́ случи́тся в 26, и в 27, и в 28, и в 29, и в 30, поем си́це. В суббо́ту на ма́лой вече́рни по обы́чаю.

На вели́цей вече́рни по кафизме, на Го́споди, воззва́х: стихи́ры

воскресны 3, и пра́здника 4, и святы́х 3, глас 1. Подо́бен:

Небе́сных чино́в: Богоотца́ вси восхва́лим: Сла́ва,

глас 6:

Па́мять соверша́ем: И ны́не,

Богоро́дичен гла́са. Вход. Проки́мен дне. На литии́ стихи́ры пра́здника, поемыя на самый пра́здник.

Сла́ва,

и ны́не, пра́здника. На стихо́вне стихи́ры Окто́иха по алфавиту.

Сла́ва,

глас 6:

Свяще́нных па́мять: И ны́не,

пра́здника. На благослове́нии хлебов тропа́рь пра́здника:

Рождество́ Твое́, Христе́ Бо́же наш:

два́жды, и святы́х еди́ножды, глас 2:

Благовеству́й, Ио́сифе:

и чте́ние. А идеже несть всено́щнаго, на пове́черии по Досто́йне и по трисвято́м конда́к Богоотцев.

Сла́ва, и ны́не, пра́здника.

На у́трени, на Бог Госпо́дь: тропа́рь воскресе́н два́жды.

Сла́ва,

святы́х.

И ны́не,

пра́здника. По обы́чных кафизмах седа́льны воскресны, с Богоро́дичны их и чте́ние во Ева́нгелии толковом от Матфе́я, Неде́ля по Рождестве́ Христо́ве. По непоро́чных тропари их. Ипакои́ гла́са. И чте́ние во Ева́нгелии толковом, неде́ля ряд. Степе́нна и проки́мен гла́са.

Вся́кое дыха́ние: Ева́нгелие воскресное, и

Воскресе́ние Христо́во:

По 50-м псалме́ стихи́ра воскресна. Кано́н воскресе́н со ирмосо́м на 4, и Богоро́дицы на 2, и пра́здника на 4, и Богоотцев на 4. (А́ще же в 26 день, и поем кано́н воскресе́н со ирмосо́м на 4, и пра́здника оба кано́на на 6, и Богоотцев на 4.) Катава́сия пра́здника:

Христо́с ражда́ется:

По 3-й пе́сни конда́к и и́кос пра́здника и седа́лен святы́х, глас 3. Подо́бен:

Де́ва днесь: Ио́сифа пра́веднаго: Сла́ва,

глас то́йже:

Де́ва роди́ Творца́: И ны́не: Лик проро́ческий:

и чте́ние. По 6-й пе́сни конда́к святы́х, глас 3. Подо́бен:

Де́ва днесь: Весе́лия днесь Дави́д исполня́ется:

и и́кос, и чтем Пролог. На 9-й пе́сни поем:

Честне́йшую:

Свети́лен воскресе́н. Сла́ва, святы́х, Подо́бен:

Со ученики́: Со Иа́ковом воспое́м:

И ны́не, пра́здника. На хва́литех стихи́ры воскресны 4, и пра́здника самогла́сны 4, глас 4:

Весели́теся, пра́веднии:

с припевы их.

Сла́ва,

святы́х, глас 8:

Кровь и огнь: И ны́не, Преблагослове́нна еси́, Богоро́дице:

Славосло́вие вели́кое. По трисвято́м тропа́рь воскресе́н. Ектении, и отпу́ст, и стихи́ра Ева́нгельская по своему́ чину, и час 1, и конечный отпу́ст. На часех тропа́рь воскресе́н.

Сла́ва,

пра́здника.

И ны́не,

Богоро́дичен часов, святы́х же тропа́рь и пра́здника, пременя́юще, глаго́лем. По

О́тче наш:

конда́к пра́здника, и святы́х, пременя́юще же, глаго́лем.

На Литурги́и: Блаже́нны гла́са на 4, и пра́здника рядовая песнь, на 4, и святы́х песнь 6-я, на 4. По входе тропа́рь воскресе́н, и пра́здника, и святы́х. Сла́ва,

конда́к святы́х.

И ны́не,

пра́здника. Проки́мен гла́са и святы́х, глас 4:

Ди́вен Бог во святы́х Свои́х,/ Бог Изра́илев. Апо́стол к Гала́том, зача́ло 200. Аллилу́ия, глас 4:

Помяни́, Го́споди, Дави́да: Ева́нгелие от Матфе́я, зача́ло 4, и потом ряд неде́ли. Прича́стен: Хвали́те Го́спода:

Други́й:

Ра́дуйтеся, пра́веднии, о Го́споде:

Священномученик Евфимий, епископ Сардийский, подвизался в Мизии (Малая Азия) в царствование императора Константина VI (780–797) и императрицы Ирины (797–802). За свою добродетельную жизнь он из простых иноков был избран и поставлен во епископа Сардийского. Наряду с церковной деятельностью епископ Евфимий участвовал в государственных делах: по поручению императора ездил в некоторые провинции для усмирения народных волнений.

В 787 году в связи с распространением иконоборческой ереси был созван VII Вселенский Собор. Епископ Евфимий участвовал в нем и выступал с обличением этой ереси. Когда же власть в греческом государстве оказалась в руках приверженца ереси императора-иконоборца Никифора (802–811), православные подвергались преследованию. Святитель Евфимий вместе с другими православными иерархами был сослан на остров Паталарею, недалеко от Сицилии. Прожив в ссылке 29 лет, святой Евфимий не прекращал борьбу с еретиками. По свидетельству преподобного Феодора Студита, он и в ссылке оставался «опорой веры, столпом Церкви и славою Православия». Император Лев V (813–820), обеспокоенный его деятельностью, вызвал святителя Евфимия к себе для допроса. Но жестокость императора не испугала святителя: он продолжал обличать ересь и произнес императору-еретику отлучение от Церкви, после чего был сослан в заточение в Город Асс.

Следующий император, Михаил Косноязычный (820–829), тоже принуждал святого отказаться от иконопочитания, но также безуспешно. После слов святителя «Кто не поклоняется образу Господа нашего Иисуса Христа по человечеству, того анафематствуем», его избили, а затем в третий раз сослали, теперь на остров Крит. Там, по приказанию преемника Михаила Косноязычного императора Феофила (829–842),святой Евфимий был подвергнут тяжким мучениям: его растянули между четырьмя столбами и били воловьими жилами так, что тело его покрылось множеством ран. Спустя недолгое время священномученик Евфимий преставился ко Господу, молясь за своих мучителей, испрашивая вразумления всем заблуждающимся и освобождения Православия от ереси.

И́на слу́жба на Собо́р Пресвяты́я Богоро́дицы

ВЕ́ЧЕР

Стихо́логия не быва́ет труда́ ра́ди бде́ннаго. а́ще ли прилучи́тся во и́мя Богоро́дицыно храм, то поем Блаже́н муж: на Го́споди, воззва́х: стихи́ры пра́здника и Богоро́дицы, самогла́сны, глас 4:

Из Тебе́ изы́дет Царь спасти́ ны́не лю́ди Своя́,/ Ио́сифом ди́вным от Бо́га сохраня́емей,/ и́же Чи́стыя Богоотрокови́цы храни́тель бысть,/ в Ней бо яви́ся Бо́жий свет и сла́дость,/ источа́я нему́тный исто́чник в безсе́меннем Рождестве́,/ Де́во Отрокови́це, па́че естества́ безму́жная.

Мари́е Богоро́дице, Защи́тница еси́ ве́рным,/ Храни́тельница бы́вши па́че ума́,/ изми́ нас от напа́сти су́щия/ и глаго́лы Свои́ми от враг изба́ви и сохрани́/ пло́тию с челове́ки Соедини́вшемуся без боле́зни,/ Ада́ма обнови́вшему.

Христо́с роди́ся от Богоро́дицы,/ что чуди́шися, Мари́е?/ Прииди́те, ви́дим разу́мения Христо́ва,/ я́ко Безле́тна Сы́на в ле́то породи́х, – рече́ Мари́я,/ ви́дяще Тя, зача́тию не навы́кшу,/ зна́ху са́ми А́нгели,/ я́ко рожде́нный Младе́нец Сей Бог есть.

Что ужаса́ет Тя, Богоро́дице?/ И ка́ко рожд́ Сы́на, без му́жа бо есмь?/ Безсе́менное рожде́ние кто ви́де?/ а́ще бо хо́щет Бог,/ то и побежда́ет естества́ чин.

Кто не диви́тся, я́ко в ложесна́ всели́ся/ Держа́й вся́ческая во́лею,/ яви́ла еси́ нам, Госпоже́, ве́лию ми́лость Свою́,/ Де́во Ма́ти, спа́саеши всех нас.

Сла́ва, глас то́йже:

Богоро́дице, некрадо́мое сокро́вище жи́зненное,/ Влады́чице, от вся́кия беды́ вра́жия изба́ви нас,/ Пречи́стая, спаси́ нас Свои́м милосе́рдием,/ грехо́в и страсте́й смуще́ния диа́вольскаго изба́ви, Влады́чице.

И ны́не, пра́здника. Вход. Проки́мен вели́кий.

И чте́ния. Бытия́ чте́ние

(глава 28):

Изы́де Иа́ков от студенца́ кля́твеннаго/ и и́де в Харра́нь./ И обре́те ме́сто, и спа та́мо,/ за́йде бо со́лнце,/ и взят от ка́мения ме́ста того́, и положи́ возгла́вие себе́,/ и спа на ме́сте о́ном; и сон ви́де:/ и се ле́ствица утвержде́на на земли́,/ ея́же глава досяза́ше до небе́с,/ и А́нгели Бо́жии восхожда́ху и нисхожда́ху по ней./ Госпо́дь же утвержда́шеся на ней, и рече́:/ Аз Бог Авраа́мов, отца́ твоего́,/ и Бог Исаа́ков, не бо́йся,/ земля́, иде́же ты спи́ши на ней,/ тебе́ дам ю и се́мени твоему́./ И бу́дет се́мя твое́, я́ко песок земны́й,/ и распространи́тся на мо́ре, и ли́ву, и се́вер, и на восто́ки./ И возблагословя́тся о тебе́ вся коле́на земна́я и о се́мени твое́м./ И се Аз с тобо́ю, сохраня́яй тя на вся́ком пути́, а́може а́ще пои́деши./ И возвращу́ тя в зе́млю сию,/ я́ко не и́мам тебе́ оста́вите,/ до́ндеже сотвори́ти Ми вся, ели́ка глаго́лах тебе́./ И воста́ Иа́ков от сна своего́ и рече́:/ я́ко есть Госпо́дь на ме́сте сем, аз же не ве́дех./ И убоя́ся, и рече́:/ я́ко стра́шно ме́сто сие́,/ несть сие́, но дом Бо́жий,/ и сия́ врата́ небе́сная.

Проро́чества Иезекии́лева чте́ние

(главы́ 43 и 44):

Та́ко глаго́лет Госпо́дь:/ бу́дет от дне осма́го и про́чее,/ сотворя́т иере́и на олтари́ всесожже́ния ва́шего и я́же спасе́ния ва́шего,/ и прии́му вы, – глаго́лет Адонаи́ Госпо́дь./ И обрати́ мя на путь врат святы́х вне́шних, зря́щих на восто́ки,/ и сия́ бя́ху затворе́на./ И рече Госпо́дь ко мне:/ врата́ сия́ затворе́на бу́дут и не отве́рзутся,/ и никто́же про́йдет сквозе́ их,/ я́ко Госпо́дь Бог Изра́илев про́йдет ими, и бу́дут затворе́на./ Я́ко игу́мен ся́дет в них сне́сти хлеб,/ по пути́ Ела́мских врат вни́дет и по пути́ его́ изы́дет./ И введе́ мя по пути́ врат святы́х, су́щих к се́веру, пря́мо хра́му,/ и ви́дех, и се испо́лнь сла́вы храм Госпо́день.

При́тчей чте́ние (глава 9):

Прему́дрость созда́ себе́ дом/ и утверди́ столпо́в седмь./ Закла́ своя́ же́ртвенная, и раствори́ в ча́ши свое́й вино́,/ и угото́ва свою́ трапе́зу./ Посла́ своя́ рабы́, созыва́ющи с высо́ким пропове́данием на ча́шу, глаго́лющи:/ и́же есть безу́мен, да уклони́тся ко мне,/ и тре́бующим ума́ рече́:/ прииди́те, яди́те мой хлеб и пи́йте вино́,/ е́же раствори́х вам./ Оста́вите безу́мие, и жи́ви бу́дете,/ и взыщи́те ра́зума, да поживете́,/ и испра́вите ра́зум в ве́дении./ Наказу́яй злы́я, прии́мет себе́ безче́стие,/ облича́яй же нечести́ваго, опоро́чит себе́,/ обличе́ние бо нечести́вому – ра́ны ему́./ Не облича́й злых да не возненави́дят тебе́,/ облича́й прему́дра, и возлю́бит тя./ Даждь прему́дрому вину́, и прему́дрший бу́дет,/ сказуй пра́ведному, и приложи́т приима́ти./ Нача́ло прему́дрости – страх Госпо́день, и сове́т святы́х – ра́зум./ Разуме́ти бо зако́н по́мысла есть блага́го,/ сим бо о́бразом мно́гое поживе́ши вре́мя,/ и прило́жатся тебе́ ле́та живота́.

На стихо́вне стихи́ры пра́здника.

Сла́ва, Богоро́дицы, глас 1:

Богоро́дице Де́во, Бо́жия Ма́ти,/ пала́то одушевле́нная,/ родила́ еси́ Безпло́тнаго, да обогати́т обнища́вшего,/ разу́мным рабо́м долготерпели́вое поклоне́ние подае́ши, Госпоже́,/ свобожде́ние животу́ и уста́в есте́ственный обновля́вши,/ дивлю́ся вели́кому Твоему́ та́инству,/ си́лою Свое́ю спаси́ ду́ши на́ша.

И ны́не, пра́здника.

Тропа́рь Богоро́дицы, глас 4:

Пречи́стая Богома́ти, Богоро́дице,/ Собо́р Твой честны́й укра́шен многора́зличными добро́тами,/ да́ры Ти прино́сят, Госпоже́, мно́ги мирсти́и лю́дие,/ у́зы на́ша гре́шныя раздери́ Свое́ю ми́лостию/ и спаси́ ду́ши на́ша.

Тропа́рь пра́здника, глас 4:

Рождество́ Твое́, Христе́ Бо́же наш,/ возсия́ ми́рови свет ра́зума,/ в нем бо звезда́м служа́щии/ звездо́ю уча́хуся/ Тебе́ кла́нятися, Со́лнцу Пра́вды,/ и Тебе́ ве́дети с высоты́ восто́ка./ Го́споди, сла́ва Тебе́.

НА У́ТРЕНИ

На Бог Госпо́дь: тропа́рь пра́здника, два́жды. Сла́ва, и ны́не, Пречи́стей.

По 1-м и 2-м стихословиях и по полиеле́е седа́льны пра́здника. Велича́ние и степе́нна Богоро́дицы.

По 50-м псалме́ стихи́ра самогла́сна, глас 6:

В нача́ле су́щее Сло́во Бо́жие/ пло́тию ро́ждши, Богоро́дице Де́во,/ во́инства А́нгельская, на земли́ ви́девше, удиви́шася,/ па́стырие Небе́сную весть Ро́ждшемуся вопия́ху./ С ни́ми же и мы Тя,/ я́ко Ма́терь Христа́ Бо́га, велича́ем.

Кано́ны пра́здника два на 8 и Пречи́стей на 6, глас 4.

Песнь 1

Ирмо́с: Отве́рзу уста́ моя́,/ и напо́лнятся ду́ха,/ и сло́во отры́гну Цари́це Ма́тери,/ и я́влю́ся, све́тло торжеству́яу/ и воспою́, ра́дуяся, Тоя́ чудеса́.

Ка́ко ражда́еши, Цари́це, ка́ко. Огнь нося́щи, не опали́ся,/ я́коже купина́ горя́ше, и неопаля́ема, образу́ющи Тя,/ и вои́стинну рождества́ Твоего́ та́йну ка́жет о́браз.

Из Тебе́, Пречи́стая, днесь всех Творе́ц плотски́ ражда́ется по нас,/ пелена́ми повива́ется, пови́вый мо́ре мгло́ю, Ма́ти Присноде́во.

Вифлее́ме, ра́дуйся, и Еде́ме,/ днесь ра́йския пи́щи отверза́ет ми вход дре́во Живо́тное –/ роди́ся Христо́с.

Тя, вмести́лище Сло́ва, Богоро́дице,/ я́ко мы́сленную ле́ствицу, по не́йже сни́де Бог,/ да нас обожи́т, на Не́бо возводя́,/ вси у́бо досто́йно похва́лим Тя.

Песнь 3

Ирмо́с: Твоя́ песносло́вцы, Богоро́дице,/ живы́й и незави́стный Исто́чниче,/ лик себе́ совоку́пльшия, духо́вно утверди́,/ в Боже́ственней Твое́й сла́ве/ венце́в сла́вы сподо́би.

Да ра́дуются Небеса́, и́же всех Творец прихо́дит,/ в Вифлее́ме ро́ждся, ви́дим бысть и повива́ем,/ да грехо́в на́ших ю́зы разреша́ются милосе́рдием Твои́м, Христе́ Бо́же наш.

Село́ вме́стно невмести́му Зижди́телю бысть,/ сего́ пло́тию вме́щши, Обра́дованная Пресвята́я Де́во.

Возвели́чил Тя есть Бог, во чре́ве Твое́м всели́вся, Непоро́чная,/ и на́шу нищету́ прии́м днесь,/ и́же всем челове́ком власть дав ча́дом Бо́жиим бы́ти нам.

Утро́бу нося́щи нам высоту́ и широту́, Богоро́дице,/ в не́йже Бог наш всели́ся,/ Ада́м Сей, Госпо́дь, возведе́ ны на дре́внюю красоту́,/ Ю́же от нас прия́т, и обожи́.

Конда́к и И́кос пра́здника.

Седа́лен Богоро́дицы, глас 4:

Пречи́стая Де́во Богоро́дице,/ не опали́ся, Госпоже́, на правосла́вное христиа́нство, я́ко образу́ющу Тя./ Ты отверза́еши нам путь Живо́тный./ Вси у́бо есмы́, гре́шнии, ра́дуемся и весели́мся Твоему́ честно́му Собо́ру,/ на́шу не́мощь, Госпоже́, посети́ и спаси́ нас всех.

Сла́ва, и ны́не, седа́лен пра́здника.

Песнь 4

Ирмо́с: Седя́й в сла́ве на Престо́ле Божества́/ во о́блаце ле́гце,/ прии́де Иису́с Пребоже́ственный/ Нетле́нною Дла́нию и спасе́ зову́щия:/ сла́ва, Христе́, си́ле Твоей.

Безпло́тный воплоща́ется, и начина́ется Безле́тный,/ от Деви́цы Ин яви́тся,/ Соверше́нный ви́дим есть неви́дением,/ Осяже́нный держи́м есть я́ко Челове́к.

И́же невеще́ственная существа́ соде́лав,/ пло́тски, я́ко Челове́к, из Тебе́, Богома́ти, днесь ражда́ется./ Тому́ воспои́м: сла́ва си́ле Твоей, Го́споди.

Безпло́тных чино́в мно́жества воспе́ша Тя, рожде́ннаго от Отца́,/ волсви́ поклони́шася;/ вся же земля́ с на́ми просла́вится:/ Христо́с от Деви́цы роди́ся.

Безнача́льный Бог Сло́во освяти́л есть утро́бу Ти, Деви́це,/ естество́ обнови́л есть истле́вшее,/ разреши́ в ней сосу́ды дре́вняго Ада́ма и спасе́ род наш.

Песнь 5

Ирмо́с: Ужасо́шася вся́ческая/ о Боже́ственней сла́ве Твое́й:/ Ты бо, Неискусобра́чная Де́во,/ име́ла еси́ во утро́бе над все́ми Бо́га/ и родила́ еси́ Безле́тнаго Сы́на,/ всем воспева́ющим Тя/ ми́р подава́ющая.

Удиви́шася днесь вся тварь,/ я́ко ви́дети Тя, су́щаго во Оте́ческих недрех,/ на ру́ку Ма́тери Твоея́ воплоще́нна носи́ма/ и сосце́м пита́ема, пита́ющаго вся.

Стремле́ние уста́вила еси́ тле́ния, Де́во,/ Бо́га бо без истле́ния родила́ еси́/ истле́вшее естество́ челове́ческое от тли Свобо́ждшаго.

Па́стырие, свиря́йте, воспева́йте, А́нгели,/ и, волсви́, да́ры принеси́те,/ пусты́ня – я́сли, земля́ – верте́п.

Огнь неопа́льный, Пречи́стая, Ты Моисе́ови позна́ся – виде́ние купины́,/ обра́зно Рождество́ Твое́ проявля́я Влады́ка в Сина́и.

Песнь 6

Ирмо́с: Боже́ственное сие́ и всечестно́е/ соверша́юще пра́зднество,/ Богому́дрии, Богома́тере,/ прииди́те, рука́ми воспле́щим,/ от нея́ ро́ждшагося Бо́га сла́вим.

Вифлее́ме, ра́дуйся, гра́де Дави́дов,/ Христо́с бо, прии́м смире́ние, нам дая́ о́браз,/ в верте́пе ражда́ется и ны́не Младе́нец Бо́жий быва́ет.

Созда́вый по о́бразу Своему́ челове́ка/ за мно́гое милосе́рдие обновля́ет сего́ из Тебе́, Де́во Бо́гомати,/ и соверше́нно в того́ обле́кся.

Присноживы́й Све́те, жезл Дави́дов из ко́рене Иессе́ова,/ отню́дь без отца́ из Ма́тере,/ от Тебе́ Христо́с роди́ся, Богоро́дице.

Кио́т Тя нарече́ вели́кий Дави́д,/ руно́ – Гедео́н, на не́же, я́ко дождь, Христо́с сни́де,/ я́ко жезл из ко́рене прозя́бше Иессе́ова, Христо́с от Де́вы.

Конда́к, глас 6:

И́же пре́жде денни́цы от Отца́ без ма́тере роди́выйся,/ на земли́ без отца́ воплоти́ся днесь из Тебе́./ Те́мже звезда́ благовеству́ет волхво́м,/ А́нгели же с па́стырьми пою́т/ несказа́нное Рождество́ Твое́, Благода́тная.

И́кос:

Невозде́ланный Грозд во́зрасти́вшая, та́йный Виногра́де,/ я́ко на ве́твиих, на объя́тиих ноша́ше и глаго́лаше:/ Ты еси́ Плод Мой,/ Ты еси́ Жи́знь Моя́./ Отне́леже позна́х, я́ко и е́же бех, есмь./ Ты Мой Бог:/ печа́ть бо де́вства Моего́ зря́щи неразруши́му,/ пропове́дую Тя, Непрело́жнаго Сло́ва плоть бы́вша./ Не вем се́мене, вем Тя, Реши́теля тле́ния:/ чи́ста бо есмь, Тебе́ проше́дшу из Мене́,/ я́коже бо обре́т, оста́вил еси́ утро́бу мою́, зря́щи ю це́лу./ Сего́ ра́ди сликовству́ет вся тварь, вопию́щи Мне:/ ра́дуйся, Благода́тная.

Песнь 7

Ирмо́с: Не послужи́ша тва́ри Богому́дрии/ па́че Созда́вшаго,/ но, о́гненное преще́ние му́жески попра́вше,/ ра́довахуся, пою́ще:/ препе́тый отце́в Госпо́дь и Бог, благослове́н еси́.

В Вифлее́ме Христо́с ражда́ется, по проро́честву:/ ты, Вифлее́ме, земля́ Иу́дова, До́ме Евфра́фов,/ не́си мал во влады́ках, а́ще и мал в гра́дех,/ из тебе́ издыдет Царь спасти́ лю́ди Своя́.

Ны́не молю́ Тя, Ма́ти Присноде́во, Обра́дованная, Пресвята́я,/ Невеще́ственное существо́ родила́ еси́ – челове́ческое естество́, Де́во Ма́ти,/ и́же созда́вшаго челове́ка,/ уста́вила еси́ нам нетле́ннаго Христа́, Бо́га на́шего.

В Вифлее́м прииди́те,/ вше́дше, вкуси́м разуме́ния Христо́ва,/ ту бо яви́ся Бо́жий свет и сла́дость,/ источа́я нему́тный исто́чник и́стиннаго просвеще́ния,/ па́че ума́ Бо́га ро́ждши, Чи́стая.

Безму́жная Мари́е, Защи́тнице ве́рным,/ изми́ от напа́сти чту́щия Тя,/ изба́ви и сохрани́ без боле́зни,/ вреда́ от врага́, ви́димаго же и неви́димаго.

Песнь 8

Ирмо́с: О́троки благочести́выя в пещи́/ Рождество́ Богоро́дичо спасло́ есть;/ тогда́ у́бо образу́емое,і/ ны́не же де́йствуемое,/ вселе́нную всю воздвиза́ет пе́ти Тебе́:/ Го́спода по́йте, дела́,/ и превозно́сите его́ во вся ве́ки.

В верте́пе повива́емаго и в я́слех Христа́ ви́дяще,/ стяза́хуся А́нгели, глаго́люще:/ что Се Отроча́, Бог Сый,/ я́ко Младе́нец на́ми ви́дим есть, в пелена́х лежа́щ?

Се ны́не оскуде́ я́ве от Иу́дова коле́на князь и влады́ка,/ Ты бо, Пренепоро́чная, родила́ еси́,/ его́же дре́вле чу́дно есть ча́яти язы́ком, Христа́,/ ему́же пое́м: благослови́те, вся дела́ Госпо́дня, Го́спода.

Кто, слы́шав, не диви́тся, я́ко в ложесна́ все́лься Бог,/ я́ко Младе́нца без стра́сти и тле́ния Де́ва родила́ есть?/ О́ле бога́тства Твоего́ милосе́рдия,/ о́ле глубины́ та́йны!/ Содержа́й вся во́лею яви́лся есть.

Богопечатле́нное некрадо́мое сокро́вище жи́зни. Влады́чице, Де́во Ма́ти,/ без отца́ из Тебе́ воплоти́ся./ Ста́до су́щее того́ Твои́ми Ма́терними моли́твами от вся́кия беды вра́жия избавля́й.

Песнь 9

Ирмо́с: Всяк земноро́дный/ да взыгра́ется, Ду́хом просвеща́емь,/ да торжеству́ет же Безпло́тных умов естество́,/ почита́ющее свяще́нное торжество́ Богома́тере,/ и да вопие́т:/ ра́дуйся, Всеблаже́нная Богоро́дице,/ Чи́стая Присноде́во.

На Тебе́, осени́в, Неразлу́чен, Сопресто́лен Отцу́ и Сы́ну,/ Дух Пресвяты́й почи́л есть,/ Пречи́стую Богома́терь всем показа́ Тя.

Жезл прозябла́ еси́ из ко́рене Иессе́ова, Богороди́тельнице,/ Цвет Божества́, Христа́, нам ро́ждши, Пречи́стая, днесь,/ я́ко Бо́га невмести́маго, ны́не же я́ко Младе́нца повива́ема.

Восто́к свы́ше посети́л есть Христо́с,/ су́щих во тьме и се́ни сме́ртней,/ спаси́ ны Свои́м милосе́рдием, я́ко Благ.

Град и чту́щия Тя,/ А́гница, ро́ждшая Пе́рваго Па́стыря,/ от бед, и тли, и грехо́в, и страсте́й изба́ви, Влады́чице.

Свети́лен Богоро́дицы:

О Госпоже́ Цари́це, Ма́ти Бо́жия,/ Собо́р Твой бысть со святы́ми,/ я́ко Невеще́ственное существо́ родила́ еси́,/ ны́не же изба́ви нас от грехопаде́ний на́ших,/ моли́, Ма́ти, всегда́ непреста́нно и спаси́ ду́ши на́ша.

Сла́ва и ны́не, пра́здника.

На хвали́тех стихи́ры пра́здника и Богоро́дицы, глас 7:

Де́во Пресвята́я, Бо́жия одушевле́нная пала́то,/ в Небе́сных Невмести́маго в Себе́ вмести́вшая,/ его́же в верте́пе родила́ еси́,/ па́че ума́ обнища́вша, плоть бы́вша/ неодержа́но го́рькою зло́бою/ вкуше́ния попо́лзшагося.

Написа́ся в рабе́х ке́сарева повеле́ния ра́ди,/ гряде́ши пода́ти обоже́ние, живо́т и избавле́ние/ благоразу́мным рабо́м, Долготерпели́ве,/ покланя́емся рождеству́ спасе́нному/ и нищете всех Обо́гащающаго.

Рождество́ непостижи́мое:/ уста́вы есте́ственныя обновля́вши, Сы́ну глаго́люще:/ Ча́до Любе́зное,/ дивлю́ся вели́кому Твоему́ та́инству,/ ка́ко, в верте́пе роди́вся от Де́вы Чи́стыя,/ си́лою твори́ши вся́ческая хоте́нием?

О блаже́нное Отрокови́цы чре́во!/ я́же мы́сленне Небесе́ бо́льши показа́ся,/ его́же бо не вмести́т Не́бо,/ того́ ты обде́ржиши, нося́щи./ О блаже́нная сосца́ Твоя́, Деви́це!/ Цвет пита́ла еси́, Пита́ющаго вся́ко дыха́ние,/ Христо́с в Твоей утро́бе быв,/ Безму́жная Отрокови́це.

Сла́ва, глас 6:

Днесь Неви́димое Естество́/ челове́ком от Де́вы совокупля́ется./ Днесь Безме́рное существо́ в Вифлее́ме пелена́ми обвива́ется./ Днесь Бог звездо́ю волхвы́ в поклоне́ние приво́дит,/ провозвеща́я Свое́ тридне́вное погребе́ние,/ я́ко в зла́те, и сми́рне, и лива́не./ Ему́же пое́м:/ воплоти́выйся от Де́вы, Христе́ Бо́же, спаси́ ду́ши на́ша.

И ны́не, глас 2:

Иоа́нна мона́ха: Днесь Христо́с в Вифлее́ме ражда́ется от Де́вы,/ днесь Безнача́льный начина́ется, и Сло́во воплоща́ется./ Си́лы Небе́сныя ра́дуются,/ и земля́ с челове́ки весели́тся,/ волсви́ Влады́це да́ры прино́сят,/ па́стырие Рожде́нному дивя́тся./ Мы же непреста́нно вопие́м:/ сла́ва в Вы́шних Бо́гу, и на земли́ мир,/ в челове́цех бла́гово́ление.

Славосло́вие вели́кое.

На Литурги́и слу́жба вся Пречи́стей.

Беседа на Рождество Христо во святого Василия Великого, архиепископа Кесарии Каппадокийской. Рождество Христово, как Рождество Божества, да почитается молчанием. Посему не будем исследовать этого нашими мыслями, – не станем излишне любопытствовать о том, образ чего не может быть представлен, где не было зрителя. Что может представить ум, и как послужит мыслям язык? Нет Отца, и родился Сын. Не говори: «когда?», но обходи молчанием такой вопрос. Не спрашивай: «как?», потому что невозможен ответ. На вопрос: «когда» можно сказать разве только: «во времени»; а на вопрос: «как» – ответить: «родился для телесных людей плотским образом». Могу сказать от Писания: «как озарение от славы и как образ от первообразного»; тем не менее да не будет у тебя излишнего стремления размышлять об этих словах: я исповедую недоступность для мысли и невыразимость для человеческого слова образа Божественного рождества... Не восхищай добра злодейством неискусной мысли, здешними образами разрушая истину и затемняя учение о Боге. Я сказал: «Он родился», чтобы показать начало и цель этого, а не с тем, чтобы исследовать довременное происхождение Единородного. Но ты напрасно не исследуй Сына. Оставим речь о присносущем и неизреченном Рождестве, потому что ум не в силах постигнуть непостижимое естество: естество Слова, как ни важно для разума понять это, не может быть ни с чем сравниваемо. Бог – на земле, Бог – среди людей, Бог – во плоти: не по временам только Он действует, как во пророках, но соединил Себя с человечеством и сродною нам плотию возвел к Себе человечество. Спросишь: каким образом Божество – во плоти? – Огонь не поглощается железом, но пребывает вместе и дает ему свою силу, железо не уменьшается от растопления, огонь наполняет собою все, соприкасающееся ему. Так и Бог Слово не вышел из Себя, хотя и

вселился в нас

– не претерпел превращения, хотя

Слово плоть бысть

(Ин.1:14); и небо не стало пусто без Содержащего, хотя земля приняла в свои недра Небесного. Не думай о ниспадении Божества (так как Оно не переходит с места на место, как тела); не воображай, что Божество изменилось, преложившись в плоть, ибо бессмертное непревращаемо. Как, скажешь, Бог Слово не исполнился телесной немощи? Ответствуем. Железо темно и холодно, но, быв разжжено, оно принимает огненный вид; однако огонь светится, а не темнеет, – и пламя распаляется, а не охлаждается. Так и человеческая плоть Господа: она причастилась Божества, но не передала ему своих немощей. О бесстрастном ты думаешь по человеческой немощи и недоумеваешь, как можно, чтобы тленное естество, причастившись Божества, прияло нетление; но научись таинству. Бог – во плоти для того, чтобы убить гнездящуюся в нас смерть: причастивши Себя плоти, Он как бы целебным питием удовлетворяет тленных. И как пребывающая в храмине темнота прогоняется с наступлением света, так владычествующая над человеческим естеством смерть стала безвестна с пришествием Божества. И как лед в воде, пока стоит ночь и тень, сохраняет свой вид, – когда же воссияет солнце, тает от лучей его, так до пришествия Христова царствовала смерть.

Но явися благодать Божия спасительная

(Тит.2:11),

воссияло солнце правды

(Мал.4:2), и

пожерта бысть смерть победою

(1Кор.15:54). не стерпевши истинного живота. О, глубина благости и Человеколюбия Божия! Премножеством Человеколюбия Ты избавляешь всех от рабства. Бог – среди людей, да взыщут люди Слово. Что же творишь ему ты, человече? Бога, снисходящего к тебе и приявшего плоть, не приемлешь; но отыскиваешь причину того, как ты соделался родственным Богу. Уразумей, что Бог – во плоти для того, чтобы плоть, бывшую под проклятием, освятить, изнемогающую – укрепить, отчуждившуюся от Бога – приблизить к Нему, лишенную рая – вознести на небо. И кто виновники этого таинства? Тело Девы, Которая родила, Дух Святый и осеняющая сила Вышнего. Но самое лучшее, послушай Евангельское слово.

Обрученей бо бывши, сказано, Матери его Марии Иосифови, прежде даже не снитися има, обретеся имущи во чреве от духа Свята(Мф.1:18). Она была Дева и обручена мужу, была признана и достойною послужить тайне, дабы и девство было почтено и брак не был унижен. Девство было избрано, как целесообразное средство к освящению, обручением же были положены брачные начала, а вместе с тем чрез это Иосиф стал ближайшим свидетелем Марииной чистоты. Наступило надлежащее, древле предуставленное и предреченное от сложения мира, время вочеловечения Господа, и Духу Святому и силе Вышнего подобало составить сию Богоносную плоть. И поскольку в роде человеческом не было чистоты, по достоинству равной Марииной, дабы приять действие духа, то обручением была предызбрана эта блаженная Дева, Дева, нисколько не повредившая Себя обручением. Обручение Иосифу было умышлено и для того, чтобы сокрыть тайну от князя века сего, который древле назирал за девством, поскольку слышал слова Пророка:

Се Дева во чреве приимет и родит Сына

(Ис.7:14); но был прельщен лукавый обручением, ибо знал об имеющем быть разрушении своего господства плотским явлением Господа.

Прежде даже не снитися има, обретеся имущи во чреве от Духа Свята

(Мф.1:18). Иосиф обрел то и другое – и зачатие, и вину сего от духа Святого. Убоявшись именоваться мужем такой жены, он

восхоте тай пустити, не осмелившись разглашать о случившемся с Ней; но как праведник он получил объяснение таинства.

Сия же ему помыслившу, се

ангел Господень во сне явися ему, глаголя: «Не убойся прияти Мариам жены твоея

(Мф.1:19, 20); и совсем не помышляй об этом, дабы не согрешить неуместными мыслями». Иосиф назван праведным, но не дело праведного прикрывать молчанием беззакония.

Не убойся прияти Мариам жены твоея; этим показано, чтобы он не гнушался Ее, а боялся, как исполненной духа Святого, ибо рожденное от Нее есть от духа Святаго. Отсюда понятно, что плоть Господа составлена была не по общему естеству плоти, хотя и зачата была она совершенно плотски; нельзя представлять, что она создавалась по частям. Не сказано также, что она создана, но:

рождшееся: из святыни была составлена плоть, достойная соединиться с Божеством Единородного.

Родит же Сына, и наречеши имя ему Иисус

(Мф.1:21). Наречение имени обыкновенно предуказывало на последующую судьбу, как, например, имена Авраама, Исаака и Израиля: наименование каждого из них указывало не столько на телесное естество, сколько на свойство добродетелей их, имеющих совершиться. Так и теперь: называется Иисус, что значит «Спаситель людей». И вот, ныне сбывается прежде век установленное и древле предвозвещенное пророками таинство.

Се Дева во чреве приимет, и родит Сына, и нарекут имя ему Еммануил, еже есть сказаемо: с нами Бог

(Мф.1:23). Уже в древности такое наименование открывало собою все таинство, так как говорится, что Бог – в людях:

Еммануил, с нами Бог.

И никто пусть не соблазняется иудейскими мудрованиями, ибо у Пророка сказано:

И приложи Господь глаголати ко Ахазу, рекий: проси себе знамения во глубину или в высоту. И рече Ахаз: не имам просити, ниже искушу Господа,

и немного далее говорится:

сего ради даст Господь Сам вам знамение: се Дева во чреве зачнет

(Ис.7:10–14). Поскольку Ахаз не просил знамения ни в глубину, ни в высоту, дабы научиться, что

сшедый в дольнейшия страны земли, Той есть и возшедый превыше всех небес

(Еф.4:9, 10), то Сам Господь дает знамение, знамение преславное и чудесное: Она – жена, дева и мать; и в святыне девства пребывает, и благословение чадородия наследует. Хотя некоторые вместо «дева» читают: «юная», однако это нисколько не повреждает смысла слова: в Писании обычно и весьма часто вместо «дева» поставляется: «юная», так, например, во Второзаконии (Втор.22:28, 29), где говорится о деве, подвергшейся насилию.

Востав же и прият Иосиф жену свою (Мф.1:24). И жил в любви, в мире и всяком попечении о Ней, имея жену, но чуждаясь брачного сожития, ибо сказано:

Не знаяше Ея, дóндеже роди Сына Своего первенца.

Это дает повод некоторым размышлять, будто бы, в чистоте послуживши Рождеству Господа, совершившемуся Духом Святым, Мария не отвергла законного брачного жития. Да не будет сего: ничего такого не заподозрит тот, кто верно разумеет Писание. Выражение

дондеже

во многих местах не обозначает оставление лишь на некоторое время, а показывает беспредельное, подобно тому, как слова Господа:

Се Аз с вами есмь во вся дни до скончания века

(Мф.28:20; ср. Пс.71:7). Неужели после века сего Господь не хотел быть со святыми Своими? Обещание настоящего не есть отрицание будущего; также должно понимать и здесь:

дондеже.

Если же сказано:

первенца, то нужно считать не как первенца в отношении к имеющим еще родиться: первородным называется первый, разверзающий ложесна. Что Мария всегда оставалась Девой, это подтверждается и повествованием о Захарии. Существует дошедшее до нас, по преданию, сказание, что Захария, встретивший по рождении Господа Марию, был убит иудеями посреди церкви и жертвенника, как обвиненный людьми, которым указал на преславное и многовоспетое знамение – Деву, родившую и не растлившую девства.

Иисусу же рождшуся в Вифлееме иудейстем, во дни Ирода царя, се волсви от восток приидоша во Иерусалим, глаголюще: где есть рождейся Царь иудейский?

(Мф.2:1). По своему происхождению волхвы были персы: упражняясь в наблюдении воздушных явлений, они научились гаданию, чародействам. Причастником этого волхвования, кажется, был и Валаам (призванный Валаком для проклятия Израиля), который в четвертой своей притче говорит следующее о Господе:

Покажу ему, и не ныне: ублажаю и не приближается. Возсияет звезда от Иакова, и востанет человек от Израиля

(Чис.24:17). Вспомнив это место Иудейского древнего пророчества, волхвы пришли узнать, где есть

рождейся Царь Иудейский, и, обретши Отроча, они поклонились ему с дарами. Волхвы, отчужденные Бога и чуждые завета народного, первыми сподобились поклониться, ибо свидетельство врагов – самое достоверное (если бы первыми поклонились иудеи, то они пренебрегли бы признать свое родство с Ним; ныне же, вменяемые в ничто, они поклонились Богу). Прилежно изучая небесные движения, волхвы не напрасно увидели на небе преславное видение – звезду новую и необычайную, воссиявшую при рождении Господа. И никто пусть не смешивает того звездного сочетания с восходящей звездой: она двинулась с востока к Вифлеему и стала вверху, где находился Отрок. Поэтому и волхвы, следуя указанию звезды, подвигнулись с востока и, пришедши в Иерусалим, своим прибытием смутили весь город и навели страх на царя иудейского; обретши же того, Кого искали, они почтили его дарами – златом, ливаном и смирной. Может быть, и здесь они также последовали пророчеству Валаама, который сказал о Христе:

Возлег, почи, яко лев и яко скимен: кто возбудит его? благословящии тя благословени: и проклинающии тя прокляти

(Чис.24:9). Поскольку лев обозначает царскую силу, возлежание – страх, а сила благословения – Божество, то, последуя пророчеству Валаамову, они принесли: как царю – злато, как имеющему умереть – смирну и как Богу – ливан. Явившаяся же на востоке и побудившая волхвов на соискание Родившегося звезда снова стала не видна, пока вторично не явилась им, недоумевающим, в Иудее:

Пришедши же, ста вверху, идеже бе Отроча

(Мф.2:9). И волхвы, увидев, возрадовались радостию весьма великою. Восприимем и мы сию радость в сердца наши, ибо эту радость благовествуют пастырям ангелы (Лк.2:10). С волхвами поклонимся, с пастырями прославим, с ангелами сликовствуем, ибо родился Спаситель наш, Который есть Иисус Христос.

Бог Господь, и явися нам

(Пс.117:27) не в зраке Бога, дабы не устрашить немощное, но в зраке раба, дабы освободить порабощенных. Кто столь жесток душою, кто столь неблагодарен, чтобы не радоваться и веселиться в настоящий, общий для всех тварей праздник?.. В сей день ангелы приносят Захарии и Марии премирные вести и составляют ангельский лик, глаголющий:

Слава в вышних Богу, и на земли Мир, в человецех благоволение.

Провозвестим и мы глас радования, воспразднуем спасение мира, день рождения человечества, день разрешения от осуждения Адамова. Не ктому

земля еси, и в землю отъидеши

(Быт.3:19), но, совокупившись с небесным, вознесешься к Небесному; не ктому Ева в печали родит чада (Быт.3:16): ибо блаженна зачавшая Еммануила и сосцами воспитавшая его. Сего ради

Отроча родися и дадеся нам, Его же начальство на раме Его

(Ис.9:6). Вочеловечение же Господа разумей богоприлично. Если и в вещественном естестве будет Пречистое и нескверное Божество, однако (чрез это) страстное очищается, а не То (Божество) наполняется страсти. Видишь ли ты солнце, бывающее и в тени и осиявающее скверны? Однако же оно не воспринимает зловония, напротив, продолжительно пребывая над ним, оно даже иссушает гноение. Чего ты боишься за бесстрастное и нетленное естество? Не восприемлет ли Оно скверны от нас? Он родился для того, чтобы ты очистился родственным тебе; Он распят для того, чтобы ты жил вместе с Ним. О, глубина благости и Человеколюбия Божия! За премногие дары мы не веруем Благодетелю; за великое Человеколюбче Владыки к рабам мы отбегаем. О, неуместное и лукавое злонравие! Волхвы поклоняются, христиане искушают, как это Бог – во плоти, и в какой плоти? Совершенным ли человеком Он был или несовершенным? Да смолкнут излишние вопросы в Церкви Божией, да славится вера, да не испытывается она мудрованием. Присоедини себя к тем, которые с радостию прияли Господа с небес; вспомни умудренных пастырей, пророчествующих священников, веселящихся жен, когда радовалась Мария, посещенная Гавриилом, когда имела во чреве играющего Иоанна Елизавета, когда благовествовала Анна и принимал на руки Симеон, поклоняясь малому Младенцу, великому Богу, и славословя величество его Божества. Ибо Господь явился как свет, озаряющий чрез человеческую плоть Божественною силою тех, которые имеют очищенные очи сердца. С ними да обрящемся и мы, созерцая откровенным лицем Славу Господню и преобразуя себя от славы в славу. Тому слава и держава, честь и поклонение ныне и присно и во веки веков. Аминь.

(Церковная проповедь на двунадесятые праздники. Киев, 1904, с. 216–223.)

Тропа́рь, глас 4:

От святы́я ико́ны Твоея́/ ра́дости неизрече́нныя преиспо́лнила еси́ се́рдце благочести́выя жены́./ О Пречи́стая Влады́чице ми́ра,/ Всемо́щная Цари́ца ра́досте, Присноде́во тва́ри,/ егда́ возврати́ла о́ной и му́жа, и сы́на, и достоя́ние ея,/ та́кожде и всем нам милосе́рдствуеши,/ да́руй исполне́ние благи́х жела́ний,/ источа́я приснотеку́щий исто́чник ра́дости моля́щимся Тебе́/ и вседу́шно вопию́щим:/ Ра́дость всему́ ми́ру роди́вшая,/ ра́дости испо́лни неоскудева́ющия чту́щих Тя.

Икона Божией Матери именуемая «Трех радостей» прославилась чудотворением в середине 18-го столетия. В начале 18-го века один благочестивый живописец привез из Италии копию с иконы «Святое Семейство». Перед новым путешествием за границу он передал икону на хранение своему родственнику, который был священником и служил в Москве на Покровке, в церкви Святой Троицы. После кончины владельца священник пожертвовал икону в свою церковь.

Примерно через 40 лет произошло событие, благодаря которому стало известно о помощи Божией Матери от этой Ее иконы. Одну знатную женщину за короткое время постигли три несчастья: ее муж был оклеветан и отправлен в ссылку, имение отобрано в казну, а сын попал в плен. Потрясенная горем женщина все свои надежды возложила на помощь Царицы Небесной. Однажды она услышала во сне голос, повелевавший ей найти икону «Святое Семейство» и помолиться пред ней. Женщина обошла все московские храмы и, найдя святую икону, усердно молилась об избавлении от постигших ее скорбей и несчастий.

Вскоре она получила три радостные вести: муж ее был оправдан и возвращен из ссылки, сын освобожден из плена, и имение возвращено. После этого события чудотворный образ получил название «Трех радостей». На нем изображены Божия Матерь с Младенцем и по сторонам – святой Иосиф Обручник и святой отрок Иоанн Предтеча.

Неде́ля по Рождестве́ Христо́вом

Подоба́ет ве́дати, а́ще по Рождестве́ Христо́ве Неде́ля сия́ случи́тся в 26-й, и в 27-й, и в 28-й, и в 29-й, и в 30-й день: В суббо́ту на ма́лой вече́рни стихи́ры воскресны, и Богоро́дицы по обы́чаю.

НА ВЕЛИЦЕЙ ВЕЧЕРНИ

По обы́чном псалме́ поем кафизму 1-ю всю. На Го́споди, воззва́х: стихи́ры воскресны 3, и пра́здника 4, поемыя на самый пра́здник, и святы́х 3, глас 1.

Подо́бен: Небе́сных чино́в:

Богоотца́ вси восхва́лим, Дави́да царя́,/ из него́ бо про́йде жезл – Де́ва./ И из Нея́ возсия́ цвет – Христо́с,/ и Ада́ма со Евою от тли воззва́,/ я́ко Благоутро́бен.

Проро́ческая прорече́ния ви́де в ста́рости/ я́ве Ио́сиф Обру́чник,/ проявле́нно исполня́емая,/ обру́чение вои́стинну стра́нное,/ открове́ние А́нгелы прие́м,/ Бо́гу сла́ва, – вопию́щих,–/ на зе́млю ми́р низпосла́вшему.

Бра́та Бо́жия вси восхва́лим,/ я́ко святи́теля су́ща,/ муче́нием же па́ки просия́вша до́блественне./ Его́же моли́твами, Иису́се Бо́же наш,/ в верте́пе и в пелена́х пови́выйся,/ спаси́ вся, пою́щия Тя.

Сла́ва, глас 6:

Па́мять соверша́ем Дави́да и Иа́кова благочести́вых,/ царя́ проро́ка и апо́стола, пе́рваго епи́скопа:/ тех бо уче́ньми ле́сти избавльшеся,/ Христа́ славосло́вим, от Де́вы возсия́вшаго и вопло́щшагося,/ е́же спасти́ ду́ши на́ша.

И ны́не, Богоро́дичен гла́са.

Вход. Проки́мен дне.

На литии́ стихи́ры пра́здника, поемыя на самый пра́здник. Сла́ва, и ны́не: Волсви́ перси́дстии:

На стихо́вне стихи́ры воскресны.

Сла́ва, глас 6:

Свяще́нных па́мять, и царе́й держа́ва,/ и весе́лие бысть Рождество́ Твое,/ и в нем, хваля́щеся, глаго́лем:/ О́тче наш, И́же еси́ на Небесе́х,/ да святи́тся и́мя Твое́, Человеколю́бче.

И ны́не, глас то́йже:

Днесь неви́димое Естество́/ челове́ком от Де́вы совокупля́ется;/ днесь безме́рное существо́ в Вифлее́ме пелена́ми обвива́ется;/ днесь Бог звездо́ю волхвы́ в поклоне́ние приво́дит,/ провозвеща́я Свое́ тридне́вное погребе́ние,/ я́ко в зла́те, и сми́рне, и лива́не./ Ему́же пое́м:/ воплоти́выйся от Де́вы, Христе́ Бо́же,/ спаси́ ду́ши на́ша.

На благослове́нии хлебов тропа́рь: Рождество́ Твое́:

Два́жды. И святы́х, глас 2, еди́ножды.

Благовеству́й, Ио́сифе, Дави́ду чудеса́, Богоотцу́:/ Де́ву ви́дел еси́ ро́ждшую,/ с па́стыри славосло́вил еси́,/ с волхвы́ поклони́лся еси́,/ А́нгелом весть прие́м./ Моли́ Христа́ Бо́га спасти́ ду́ши на́ша.

А идеже несть всено́щнаго бде́ния, на пове́черии по Трисвято́м конда́к Богоотцев. Сла́ва, и ны́не, пра́здника.

НА У́ТРЕНИ

На Бог Госпо́дь: тропа́рь воскресе́н, два́жды. Сла́ва, святы́х. И ны́не, пра́здника. По кафизмах, седа́льны воскресны, с Богоро́дичны их. И чте́ние во Ева́нгелии толковом от Матфе́я, Неде́ля по Рождестве́ Христо́ве; или́ сло́во Григо́рия Нисскаго о Свя́тей Тро́ице и о Авраа́ме, на две части. И поем непоро́чны, и тропари их. Ипакои́ гла́са. Степе́нна и проки́мен гла́са. Ева́нгелие воскресное.

Воскресе́ние Христо́во ви́девше:

По 50-м псалме́ стихи́ра воскресна.

Кано́н воскресе́н со ирмосо́м на 4, и Богоро́дице на 2, и пра́здника на 4, и настоя́щий кано́н на 4, глас 4. Творе́ние Космы мона́ха.

Песнь 1

Ирмо́с: Воспою́ Тебе́, Го́споди Бо́же мой,/ я́ко изве́л еси́ лю́ди из рабо́ты еги́петския,/ покры́л же еси́ колесни́цы фарао́новы и си́лу.

Ели́цы рожде́ственная сотворя́ем Вопло́щшагося нас ра́ди,/ ра́достию воспои́м Иа́кова Богобра́та и Дави́да Богоотца́́.

Сла́ва в Вы́шних, ли́цы А́нгельстии в Вифлее́ме Ио́сифу предста́ша, глаго́люще,/ с ни́миже Благоизво́лившаго воплоти́тися воспои́м.

Дави́де Богоо́тче, с гу́сльми,/ от ко́рене Иессе́ова вопло́щшася Го́спода,/ Иа́кова пра́веднаго привле́к, воспо́й.

Воспою́ Тебе́, Го́споди Бо́же мой,/ я́ко роди́лся еси́ из Ма́тере Де́вы Святы́я/ и Сию́ показа́л еси́ наде́жду душ на́ших.

Катава́сия: Христо́с ражда́ется:

Песнь 3

Ирмо́с: Утвержде́ние на Тя наде́ющихся, Христе́ Бо́же,/ в ве́ре Правосла́вней Твое́й утверди́ нас,/ я́ко Человеколю́бец.

Ро́ждшагося пло́тию от Де́вы без се́мене Христа́ Бо́га со А́нгелы вси воспое́м,/ сла́ва в Вы́шних Бо́гу, взыва́юще.

Всепра́зднственный нас ра́ди Истощи́вшагося, ве́рнии, пра́здник/ с Дави́дом же и Иа́ковом пе́сньми по достоя́нию почти́м.

Я́ко жени́ху́ от черто́га, из ма́терних ложе́сн/ Дави́д рече́ Го́споду изы́ти,/ Его́же ны́не со Иа́ковом воспое́м.

Богоро́дичен: Безневе́стную и Богоро́дицу Мари́ю почти́м:/ Тоя́ бо ра́ди нам возсия́ Пра́вды Со́лнце.

Конда́к пра́здника, глас 3:

Де́ва днесь Пресу́щественнаго ражда́ет,/ и земля́ верте́п Непристу́пному прино́сит./ А́нгели с па́стырьми славосло́вят,/ волсви́ же со звездо́ю путеше́ствуют:/ нас бо ра́ди роди́ся/ Отроча́ мла́до, Преве́чный Бог.

И́кос:

Еде́м Вифлее́м отве́рзе,/ прииди́те, ви́дим, пи́щу в та́йне обрето́хом;/ прииди́те, прии́мем су́щая ра́йская внутрь верте́па:/ та́мо яви́ся ко́рень ненапое́н, прозяба́я отпуще́ние;/ та́мо обре́теся кладязь неиско́пан,/ из него́же Дави́д пи́ти дре́вле возжада́ся;/ та́мо Де́ва, ро́ждши Младе́нца,/ жа́жду уста́ви а́бие Ада́мову и Дави́дову./ Сего́ ра́ди к Нему́ и́дем,/ где роди́ся Отроча́ мла́до, Преве́чный Бог.

Седа́лен, глас 3.

Подо́бен: Де́ва днесь:

Ио́сифа пра́веднаго, Де́вы обру́чника,/ с Дави́дом Иа́кова достодо́лжно воспое́м:/ си́и бо, пра́ведною ходи́вше стезе́ю, достиго́ша Небе́сныя оби́тели,/ досто́йно лику́юще со А́нгелы,/ нам про́сят согреше́ний оставле́ние.

Сла́ва, глас и подо́бен то́йже:

Де́ва роди́ Творца́ вся́ческих,/ и волсви́ гряд́ут сему́ пло́тию поклони́тися;/ челове́цы со А́нгелы славосло́вят;/ верте́п же и я́сли дароно́сят,/ воспева́юще ро́ждшагося Отроча́ мла́до, Преве́чнаго Бо́га.

И ны́не, глас 1.

Подо́бен: Лик А́нгельский:

Лик проро́ческий пра́зднует Боже́ственне чу́до, в Тебе́ бы́вшее, о Де́во!/ Бо́га бо, вопло́щшася на земли́, породила́ еси́./ Те́мже А́нгели с па́стырьми пою́т,/ волсви́ же ве́рою со Ио́сифом вопию́т Дави́ду чудеса́, Богоотцу́.

Песнь 4

Ирмо́с: Твоего́ на земли́ явле́ния, Христе́ Бо́же,/ пропове́дая проро́к прише́ствие,/ с весе́лием вопия́ше:/ сла́ва си́ле Твое́й, Го́споди.

С волхвы́ Ро́ждшемуся поклони́мся/ и со А́нгелы и Ио́сифом лику́им, боголе́пно взыва́юще:/ сла́ва в Вы́шних Христу́ Бо́гу.

Ца́рствуяй все́ми царьми́ Христо́с,/ по пло́ти от се́мене Дави́дова рожде́йся,/ избра́ннаго Иа́кова прия́т, бра́та, я́коже изво́ли.

От Де́вы Госпо́дь яви́выйся во пло́ти, спросла́ви па́мять ва́шу, святи́и,/ апо́столов лу́чший, Иа́кове, и Дави́де всеблаже́нне.

Богоро́дичен: Херуви́мских чино́в преиму́щи/ и Бо́га, на ру́ку носи́ма, с пло́тию поне́сши,/ ра́дуйся, Богоро́дице Безневе́стная.

Песнь 5

Ирмо́с: Возсия́вый Свет,/ и просвети́вый у́тро,/ и показа́вши день,/ сла́ва Тебе́, сла́ва Тебе́,/ Иису́се, Сы́не Бо́жий.

От Де́вы Чи́стыя благоволи́вый роди́тися, Бо́же воплоти́выйся,/ сла́ва Тебе́, сла́ва Тебе́, Ио́сиф вопия́ше.

От Де́вы рожде́йся и па́мять уясни́вый Дави́да и Иа́кова,/ сла́ва Тебе́, сла́ва Тебе́, Иису́се, Сы́не Бо́жий.

Его́же проро́к Дави́д Дождь на Руно́ нарица́ше Богодохнове́нно,/ Иа́ков пропове́да Иису́са, Сы́на Бо́жия.

Богоро́дичен: А́нгела глас немо́лчно тварь прино́сит Тебе́, Де́во:/ ра́дуйся, Ма́ти Чи́стая Иису́са, Сы́на Бо́жия.

Песнь 6

Ирмо́с: Возопи́, прообразу́я погребе́ние тридне́вное,/ проро́к Ио́на, в ки́те моля́ся:/ от тли изба́ви мя, Иису́се, Царю́ сил.

Предстоя́ху, ужаса́ющеся, чи́ни Небе́снии верте́пу/ и Рождество́ Пречи́стое воспе́ша немо́лчно:/ сла́ва в Вы́шних Бо́гу ро́ждшуся.

Сел еси́ на Престо́ле, я́коже клялся еси́, Влады́ко, проро́ку Дави́ду,/ от Плода́ чре́ва его́ проше́д,/ Иа́кову же Це́ркве преда́л еси́ престо́л, Христе́.

Царь у́бо Дави́д, и проро́к чу́ден,/ и пра́отец показа́ся Боже́ственнаго воплоще́ния,/ первоепи́скоп же учени́к Иа́ков Иису́сов.

Богоро́дичен: Мо́лимся, о рабе́х Твои́х, Де́во Богоро́дице,/ из Тебе́ Воплоще́ннаго моли́,/ я́ко Тя и Еди́ну Предста́тельницу на́шу ве́мы.

Конда́к, глас 3.

Подо́бен: Де́ва днесь:

Весе́лия днесь Дави́д исполня́ется Боже́ственный,/ Ио́сиф же хвале́ние со Иа́ковом прино́сит:/ вене́ц бо сро́дством Христо́вым прие́мше, ра́дуются,/ и неизрече́нно на земли́ Ро́ждшагося воспева́ют, и вопию́т:/ Ще́дре, спаса́й Тебе́ чту́щия.

И́кос:

Неизрече́нным сове́том ражда́ется пло́тию,/ Безпло́тный опису́ется ны́не те́лом, неопи́санный,/ и спаса́ет непрело́жно оба существа́;/ нача́ло прие́млет, И́же естество́м Безнача́льный и Еди́н Безле́тен;/ зри́тся Младе́нец, Сый всесоверше́нный;/ но́сится рука́ми, нося́й вся́ческая./ Те́мже Того́ сро́дством почте́нныя/ я́ко Бог венча́ет Свои́м Рождество́м,/ я́же прославля́юще ве́рою, немо́лчно вопие́м:/ Ще́дре, спаса́й Тебе́ чту́щия.

Песнь 7

Ирмо́с: Авраа́мстии иногда́ в Вавило́не о́троцы/ пе́щный пла́мень попра́ша,/ пе́сньми взыва́юще:/ оте́ц на́ших Бо́же, благослове́н еси́.

Па́че сло́ва Рождеству́ Богоро́дицы Мари́и ли́цы А́нгельстии дивя́щеся, Ио́сифу вопия́ху:/ в Вы́шних сла́ва, и на земли́ мир.

Неве́стово́дец у́бо Дави́д,/ черто́жник же Боже́ственныя Це́ркве Иа́ков бы́вше, глаго́лаху:/ воплоще́йся нас ра́ди, Бо́же, благослове́н еси́.

И́же во проро́цех царь и во царе́х проро́к,/ со Иа́ковом Богому́дрым и нам воспи́й:/ вопло́ще́йся нас ра́ди, Христе́, благослове́н еси́.

Богоро́дичен: В неопа́льней купине́ и росода́тельней пещи́ Ты прописа́вшися, Ма́ти Пречи́стая,/ без се́мене родила́ еси́ воплоще́ннаго Бо́га, При́сноблагослове́нная.

Песнь 8

Ирмо́с: Царя́ Христа́,/ его́же испове́даша плене́ннии о́троцы,/ в пещи́ глаго́люще ве́лиим гла́сом:/ вся дела́, по́йте Го́спода.

Вопло́щшагося Христа́, Его́же славосло́виша Небе́сныя си́лы/ и Ио́сиф обру́чник непреста́нно воспева́ет:/ вся дела́, Го́спода по́йте и превозноси́те Его́ во ве́ки.

Вопло́щшагося Христа́, его́же прорече́ Дави́д Богооте́ц/ и лю́дем пропове́да Иа́ков, вопия́:/ вся дела́, Го́спода по́йте и превозноси́те Его́ во ве́ки.

От Де́вы ро́ждшагося Христа́/ и возвели́чившаго Дави́дову и Иа́ковлю свяще́нную па́мять, я́ко друго́в его́,/ вся дела́, Го́спода по́йте и превозноси́те Его́ во ве́ки.

Богоро́дичен: Царя́ Христа́, его́же нам роди́ Богоро́дица Мари́я,/ и по Рождестве́ пребы́сть Де́ва Чи́стая,/ вся дела́, Го́спода по́йте и превозноси́те Его́ во ве́ки.

На 9-й пе́сни поем:Честне́йшую:

Песнь 9

Ирмо́с: Моисе́й на горе́ неопали́мую купину́ ви́де,/ Ио́сиф в верте́пе неизрече́нное Рождество́ слы́ша,/ Нескве́рная Де́во,/ Безму́жная Ма́ти,/ пе́сньми Тя, Богоро́дице, велича́ем.

Ро́ждшемуся от Де́вы вся тварь тре́петом послужи́:/ Небеса́ у́бо – звездо́ю, земля́ же – я́сльми,/ гора́ – верте́пом, волсви́ – дарми́,/ па́стырие – чудесе́м, А́нгели же – сла́ва в Вы́шних Бо́гу.

Царь от па́стырей дре́вле у́бо Дави́д бысть,/ от коле́на же Иу́дова и ца́рскаго ты, Иа́кове, па́стырь па́ствы показа́лся еси́/ Вопло́щшагося, А́гнца Вы́шняго и Сы́на Бо́жия.

Вифлее́ме, ны́не весели́ся, град быв но́ваго Дави́да,/ и Сио́не, возвеща́й Церкве́й старе́йшинство, о́бщее весе́лие, всех Царя́,/ и того́ уго́дники ны́не восприе́мши.

Богоро́дичен: А́нгельстии собо́ри Тя, Богороди́тельнице, сла́вят,/ и челове́ческий род Тя непреста́нно пе́сньми почита́ет,/ Ты бо Боже́ственным Рождество́м земны́я с Небе́сными совокупи́ла еси́./ Те́мже Тя почита́ем.

Свети́лен воскресе́н. Сла́ва, святы́х.

Подо́бен: Со ученики́:

Со Иа́ковом воспои́м, сла́вным Богобра́том, Дави́да Богоотца́,/ Ио́сифа же Боже́ственнаго, Богоро́дицы обру́чника:/ Христо́ву Боже́ственному Рождеству́ послужи́ша во гра́де Вифлее́ме боголе́пно,/ со А́нгелы, волхвы́ же и па́стырьми тому́ песнь пою́ще,/ я́ко Бо́гу и Влады́це.

И ны́не, пра́здника.

На хва́литех стихи́ры воскресны 4 и пра́здника 4, 4-го гла́са, с припевы пра́здника.

Сла́ва, глас 8:

Кровь, и огнь, и куре́ние ды́ма,/ чудеса́ на земли́, я́же прови́де Ио́иль:/ кровь – вопло́щение, огнь – Божество́,/ куре́ние же дыма – Дух Святы́й, наше́дый на Де́ву/ и ми́р облагоуха́вший./ Ве́лие та́инство Твоего́ вочелове́чения,/ Го́споди, сла́ва Тебе́.

И ны́не: Преблагослове́нна еси́, Богоро́дице Де́во:

Славосло́вие вели́кое. Тропа́рь воскресе́н и отпу́ст. Стихи́ра Ева́нгельская, час 1-й, и конечный отпу́ст. На часех тропа́рь воскресе́н. Сла́ва, пра́здника. И ны́не, Богоро́дичен. И святы́х тропа́рь, пременя́юще, глаго́лем. По О́тче наш: конда́к пра́здника и святы́х, пременя́юще, глаго́лем.

На Литурги́и: Блаже́нны гла́са на 4, и пра́здника на 4, и святы́х песнь 6-я на 4. По входе тропа́рь воскресе́н, и пра́здника, и святы́х. Сла́ва, конда́к святы́х. И ны́не, пра́здника. Проки́мен гла́са и святы́х, глас 4: Ди́вен Бог во святы́х Свои́х,/ Бог Изра́илев. Стих: В це́рквах благослови́те Бо́га, Го́спода от исто́чник Изра́илевых. Апо́стол к Гала́том, зача́ло 200. Аллилу́ия, глас 4: Помяни́, Го́споди, Дави́да, и всю кро́тость его́. Ева́нгелие от Матфе́я, зача́ло 4. Прича́стен: Хвали́те Го́спода: Други́й: Ра́дуйтеся:

Указ о Апо́столех и о Ева́нгелиях, я́же быва́ет суббо́та и Неде́ля по Рождестве́ Христо́ве, и дру́гая суббо́та и неде́ля, пред Богоявле́нием.

Подоба́ет ве́дати, я́ко а́ще случи́тся Рождество́ Христо́во в неде́лю и тогда́ быва́ет между́ Рождество́м Христо́вым и Богоявле́нием еди́на суббо́та и неде́ля, и поем Неде́лю по Рождестве́ Христо́ве наутрие пра́здника Рождества́ Христо́ва в понеде́льник декабря́ в 26-й день, я́коже указася на ряду в понеде́льник наутрие пра́здника.

На Литурги́и: чтем Апо́стол и Ева́нгелие Неде́ли, я́же по Рождестве́ Христо́ве. А суббо́те, я́же по Рождестве́ Христо́ве, чтем Апо́стол и Ева́нгелие в суббо́ту на отдание пра́здника Рождества́ Христо́ва пре́жде, та́же суббо́те пред Богоявле́нием. Проки́мен же, аллилу́ия и прича́стен, пра́здника. А в 1-е января проки́мен, Апо́стол и Ева́нгелие чтем Неде́ли пред Богоявле́нием, я́коже в настоя́щей главе́ в ряду изъяви́тся.

Аще ли Рождество́ Христо́во в понеде́льник:

И тогда́ быва́ет между́ Рождество́м Христо́вым и Богоявле́нием суббо́та и неде́ля еди́на, и суббо́та по Рождестве́ Христо́ве тогда́ быва́ет декабря́ в 30-й день. На Литурги́и: проки́мен, Апо́стол, аллилу́ия, Ева́нгелие и прича́стен, пре́жде чтем суббо́те по Рождестве́ Христо́ве, та́же Апо́стол и Ева́нгелие суббо́те пред Богоявле́нием. А Неде́ли, я́же по Рождестве́ Христо́ве, чтем на Литурги́и во отдание пра́здника Рождества́ Христо́ва, Апо́стол и Ева́нгелие, я́коже указася на ряду. А Неде́ли, я́же пред Богоявле́нием, проки́мен, Апо́стол, аллилу́ия и Ева́нгелие чтем января в 1-й день, я́коже укажется на ряду, егда́ случи́тся Обрезание и па́мять свята́го Василия Вели́каго в неде́лю.

Аще ли Рождество́ Христо́во во вторник:

И тогда́ быва́ет между́ Рождество́м Христо́вым и Богоявле́нием две суббо́ты, а неде́ля еди́на. И суббо́та, я́же по Рождестве́ Христо́ве, тогда́ быва́ет декабря́ в 29-й день.

На Литурги́и: проки́мен, Апо́стол, аллилу́ия, Ева́нгелие и прича́стен, пре́жде суббо́те по Рождестве́ Христо́ве и потом младе́нцем. А Неде́ли, я́же по Рождестве́ Христо́ве, поем слу́жбу декабря́ в 30-й день, я́коже указася на ряду. А Неде́ли, я́же пред Богоявле́нием, Ева́нгелие у́треннее и на Литурги́и проки́мен, Апо́стол, аллилу́ия и Ева́нгелие чтем пре́жде января в 1-й день, и потом Обрезания, и свята́го Василия Вели́каго еди́но. Прича́стен: Хва́лите Го́спода: Други́й: В па́мять ве́чную:

Аще ли Рождество́ Христо́во в среду, или́ в четверто́к, или́ в пяток:

И тогда́ быва́ют между́ Рождество́м Христо́вым и Богоявле́нием две суббо́ты и неде́ли. В 1-ю у́бо неде́лю чтется Апо́стол и Ева́нгелие суббо́те и Неде́ли по Рождестве́ Христо́ве. А во 2-ю суббо́ту и неде́лю чтется Апо́стол и Ева́нгелие суббо́те и Неде́ли, я́же пред Богоявле́нием.

Аще ли Рождество́ Христо́во в суббо́ту:

И тогда́ быва́ют между́ Рождество́м Христо́вым и Богоявле́нием две неде́ли, а суббо́та еди́на. И Неде́ли, я́же по Рождестве́ Христо́ве, поем слу́жбу наутрие Рождества́ Христо́ва в неде́лю, я́коже указася на ряду. А отдание Рождества́ Христо́ва тогда́ быва́ет в пяток. И поем слу́жбу отдания Рождества́ Христо́ва, я́коже указася на ряду. То́чию на Литурги́и проки́мен, аллилу́ия и прича́стен пра́здника. Апо́стол же и Ева́нгелие суббо́те по Рождестве́ Христо́ве. В суббо́ту, я́же пред Богоявле́нием, на Литурги́и Апо́стол и Ева́нгелие чтем января в 1-й день пре́жде Обрезания и потом суббо́те пред Богоявле́нием. А наутрие в настоя́щую неде́лю на у́трени Ева́нгелие чтем воскресное рядовое. А на Литурги́и: проки́мен, Апо́стол, аллилу́ия и Ева́нгелие пре́жде Неде́ли пред Богоявле́нием, та́же свята́го. Ряд же чтем под зача́ло, а́ще не бу́дет отступки. Прича́стен: Хвали́те Го́спода: и свята́го.

Святой Иосиф Обручник происходил из рода царя Давида. В первом браке у него было четыре сына и две дочери. Овдовев, святой Иосиф жил в строгом воздержании. Восьмидесятилетним старцем святой Иосиф был избран первосвященниками хранителем девства Пресвятой Богородицы, давшей обет безбрачия. О воплощении через Нее Сына Божия ему возвестил Ангел. Святой Иосиф присутствовал при поклонении пастырей новорожденному Богомладенцу и при поклонении ему волхвов. По указанию Ангела он бежал с Матерью Божией и Богомладенцем Иисусом в Египет, спасая Их от гнева царя Ирода. В Египте он жил с Девой Марией и Богомладенцем, зарабатывая на Их пропитание трудом плотника. Скончался святой Иосиф в возрасте около ста лет (вторая память его в Неделю праотец).

Святой пророк Давид – младший из восьми сыновей старейшины Города Вифлеема Иессея, потомка Иуды, которому его отец Иаков обещал управление еврейским народом до пришествия Христа Спасителя. Святой Давид – первый царь из колена Иудина и второй царь народа израильского. Он родился и жил в Вифлееме, где до помазания на царство пас овец своего отца. Святой Давид отличался послушанием и кротостью, не любил праздности: в свободное от работы время играл на псалтири, слагая под ее звуки славословия Богу. Впоследствии песнопения, сложенные Богодохновенным Давидом, стали известны под названием псалмов. Наделенный прекрасной внешностью, юноша отличался необычайной физической силой, храбростью, ловкостью, без оружия справлялся с хищными зверями, похищавшими овец.

За недостойное царствование Господь через пророка Самуила возвестил царю Израильскому Саулу, что Бог «отнимет у него царство... и отдаст его ближнему его, лучшему его» (1Цар.15:28).

Господь возлюбил юного Давида за кротость. «Братия моя добри и велицы, и не благоволи в них Господь» (Пс.150). «Мене же за незлобие приял, и утвердил мя еси пред Тобою в век» (Пс.40:13).

По велению Божиему в Вифлеем пришел пророк Самуил, взял рог с елеем и помазал святого Давида. «И почивал Дух Господень на Давиде с того дня и после... А от Саула отступил Дух Господень, и возмущал его злой дух от Господа» (1Цар.16:13, 14).

Слуги Саула пригласили к царю святого Давида, чтобы игрой на гуслях он облегчил ему припадки тоски и раздражительности.

Вскоре началась война с филистимлянами. 40 дней великан Голиаф, облаченный в медные доспехи, вызывал на поединок воина из израильтян; никто не решался сразиться с исполином. Голиаф насмехался над оробевшими израильтянами. Возмущенный высокомерием филистимлянина, святой Давид отказался от воинского снаряжения, взял пастушеский посох, пращу и сумку с пятью камнями и вышел на единоборство. На насмешки Голиафа юноша отвечал: «Ты идешь против меня с мечом, копьем и щитом, а я иду против тебя во имя Господа Саваофа, Бога воинов израильских...» Вера святого Давида в помощь Божию принесла ему победу, решившую исход войны. «Изыдох в сретение иноплеменнику, и проклят мя идолы своими. Аз же, исторгнув меч от него, обезглавих его и отъях поношение от сынов Израилевых» (Пс.150).

Саул приблизил к себе святого Давида и сделал начальником всех войск. Израильские женщины встречали их после победы с песнями и плясками: «Саул победил тысячи, а Давид – десятки тысяч!» Зависть и ненависть овладели Саулом. Слушая музыку, он дважды бросал в святого Давида копье, чтобы пригвоздить его к стене, но тот уклонялся. Чтобы погубить юношу, он посылал святого Давида в самые опасные сражения, обещая выдать за него свою дочь. Нарушив обещание, он вынужден был отдать за него другую дочь – Мелхолу. Но преследования не прекращались. Начались странствования святого Давида по гористым, лишенным растительности пустыням. Наконец, он покинул родину. «И собрались к нему все притесненные, и все должники, и все огорченные душею, и сделался он начальником над ними; и было с ним около четырехсот человек» (1Цар.22:2).

После возвращения святого Давида Саул продолжал преследовать его. Дважды святой Давид мог убить спящего царя, но только взял копье и отрезал край одежды его. «С ненавидящими мира бех мирен» (Пс.119:6). Он старался убедить Саула, что в душе его нет злого умысла и коварства против помазанника Божия. «Изми мя от враг моих, Боже, и от востающих на мя избави мя» (Пс.58:2), – взывал пророк. «Вскую прискорбна еси, душе моя? И Вскую смущаеши мя? Уповай на Бога, яко исповемся ему, спасение лица моего и Бог мой» (Пс.41:12).

«Многи скорби праведным, и от всех их избавит я Господь» (Пс.33:20). Филистимляне обратили в бегство войско израильтян и убили царя и его сыновей.

Колено Иудино провозгласило царем святого Давида. Другие одиннадцать колен избрали царем сына Саула Иевосфея. Через 7 лет военачальники Иевосфея убили спящего царя. Голову его они принесли святому Давиду, но он приказал казнить изменников.

После смерти Иевосфея святой Давид был провозглашен царем над всеми двенадцатью коленами Израильскими. Через 5 лет столицей Израильского государства стал Иерусалим (Город мира). Святой Давид перенес туда Ковчег Завета, установил торжественное Богослужение, в котором участвовали певцы и музыканты, и хотел построить величественный храм. Но Господь через пророка Нафана объявил святому, что это сделает его сын Соломон, так как святой Давид пролил много крови.

Благословляемый Богом, святой царь Давид преуспевал во всех делах. Он счастливо вел войны с врагами. Все добытое у побежденных народов посвящал Богу, заготовляя материал для постройки храма.

Святой Давид не превозносился среди благоденствия, творил суд и правду над своим народом. Но, увлекшись красотой Вирсавии, царь приказал послать ее мужа Урию в самое опасное место сражения. Урия погиб, а царь Давид женился на Вирсавии. Для обличения преступного царя Бог послал пророка Нафана. С глубокой скорбью взывал раскаявшийся: «Помилуй мя, Боже, по велицей милости Твоей...» (Пс.50:1). Господь простил пророка. Но в искупление вины бедствия не отходили от него. Сын Давида Авессалом восстал против отца, и ему пришлось покинуть Иерусалим и скрываться. Все скорби и испытания святой царь Давид принимал со смирением как воздаяния за свои согрешения.

Святой пророк и псалмопевец Давид постоянно находился в молитвенном общении с Творцом. Царь и полководец, обремененный заботами по управлению государством, он возносил свои молитвы даже ночью.

Благодатью Святого духа святой пророк Давид составил Псалтирь. Святой Василий Великий говорит: «Никакие другие книги так Бога не славят, как Псалтирь» – и называет ее общей врачебницей душ. А блаженный Августин пишет, что «пение псалмов души украшает, Ангелы на помощь призывает, демоны прогоняет, отженет тмы, содевает святыню, человеку грешному укрепление ума есть, заглаживает грехи, подобно есть милостыням святым». В древних монастырях был обычай выучивать всю Псалтирь наизусть. Псалмы широко используются в Богослужении и личной молитве верующих.

Как пророк святой царь Давид явлен в третьей части Псалтири, где содержатся подробные предсказания о пришествии на землю Господа Иисуса Христа, Спасителя, о его страданиях, Воскресении из мертвых, Вознесении, а также о Пресвятой деве Марии – Матери Божией.

В старости святой приказал провозгласить и помазать в преемники себе своего сына Соломона, о котором клялся Вирсавии, что он будет царствовать после него. Передав Соломону материалы, приготовленные для строительства храма и самый план, он завещал приближенным содействовать построению храма. Затем, призвав Божие благословение на весь народ Иудейский и прославив Господа за все милости его, святой царь и пророк Давид мирно почил около 1048 года до Рождества Христова и погребен был в Иерусалиме.

Святой апостол Иаков, брат Господень, старший сын Иосифа Обручника от его первого брака с Соломонией. Апостол Иаков вспоминается в святые дни празднования Рождества Христова вместе со своим отцом Иосифом и святым царем и пророком Давидом, потому что, по преданию, сопровождал святое семейство при бегстве в Египет и пребывал там вместе с Богомладенцем Иисусом, Богоматерью и Иосифом, служа им, и с ними же вернулся в Иудею. После Вознесения Господня Иаков был первым Иерусалимским епископом, пользовался великим уважением не только у христиан, но и среди иудеев. Принял мученическую смерть за Христа: его сбросили с крыши Иерусалимского храма за то, что он публично проповедовал народу о Богочеловечестве Господа Иисуса Христа (вторая память апостола 23 октября).