18-й день

И́же во святы́х оте́ц на́ших и архиепи́скопов Александри́йских Афана́сия и Кири́лла

Святитель Афанасий Великий, архиепископ Александрийский

Святитель Кирилл, архиепископ Александрийский

Святи́теля Макси́ма Но́ваго, бы́вшаго де́спота Сербскаго

Святитель Максим Новый, архиепископ Влахозапланинский

Пра́ведного Афана́сия На́волоцкаго

Преподобный Афанасий Наволоцкий

На Го́споди, воззва́х: стихи́ры на 6, глас 4.

Подо́бен: Я́ко добля:

Гоне́ния претерпе́л еси́/ и беды́ подъя́л еси́,/ Богоглаго́ливе преподо́бне Афана́сие,/ до́ндеже лесть прогна́л еси́ А́риеву безбо́жную/ и ста́до твое́ от нече́стия спасл еси́,/ Единосу́щнаго Отцу́ догма́тствуя/ Сы́на же и Ду́ха правосла́вно,/ священноде́йственне, всеблаже́нне.

Блиста́ньми пропове́дания/ су́щия во тьме просвети́л еси́/ и лесть всю отгна́л еси́,/ предбе́дствуя о ве́ре тве́рдо, Афана́сие,/ я́ко па́стырь и́стинен,/ я́ко водруже́ние непоколеби́мо,/ пресла́вне, Христо́вы Це́ркве./ Сего́ ра́ди, соше́дшеся, тя почита́ем,/ пе́сненно ра́дующеся.

Доброде́тели вся́цей обучи́лся еси́,/ терпели́вно, Богодухнове́нне,/ и, пома́зався Ду́ха пома́занием Святы́м,/ священноде́тель свяще́ннейший я́ве был еси́/ и па́стырь и́стинен и ве́ры побо́рник,/ те́мже вся Це́рковь сла́вит твою́ па́мять,/ свяще́нно соверша́ющи и Спа́са прославля́ющи.

И́ны стихи́ры свята́го Кири́лла, глас и подо́бен то́йже:

От Христо́вы Це́ркве/ мы́сленныи во́лки, Кири́лле, отгна́л еси́/ жезло́м уче́ний твои́х,/ и сию́ о́крест огради́л еси́ слове́с утвержде́нии,/ и предста́вил еси́ Христу́, недви́жиму и непоколеби́му./ Его́же моли́ от тли и бед изба́вити/ ве́рою соверша́ющия всечестну́ю па́мять твою́.

Сия́нии Ду́ха просвети́в твой ум,/ светолу́чное со́лнце был еси́,/ я́коже лучи́, повеле́ния во вся концы́ простира́я,/ и ве́рных озаряя́ исполне́ние, всеблаже́нне,/ и отгоня́ тьму, Богоно́се, ересе́й/ си́лою от Де́вы Возсия́вшаго.

Благосказа́нием слове́с твои́х, свяще́ннейше Кири́лле,/ Це́рковь вся украша́ется,/ и благоче́стно удобря́ется кра́сными добро́тами,/ и почита́ет свяще́нно/ твою́ святу́ю и благознамени́тую па́мять, сла́вне,/ правосла́вных похвало́,/ отце́в верхо́вне, и́же на Собо́ре,/ Всесвяты́я побо́рниче.

Сла́ва, глас 6. Ге́рманово:

Христо́ва иера́рха воспои́м вси, Афана́сия,/ я́ко А́риева мне́ния вся упраздни́/ и Святы́я Тро́ицы держа́ву во все́м ми́ре я́сно возвеща́ет,/ Еди́наго Бо́га в Тре́х Ли́цех неразде́льна,/ Его́же и мо́лит о нас,/ ве́рою соверша́ющих па́мять его́.

И ны́не, Богоро́дичен или́ Крестобогоро́дичен.

Подо́бен: Тридне́вен:

На Дре́ве Живо́т наш/ зря́щи Всенепоро́чная Богоро́дица ви́сящ,/ ма́терски рыда́ющи, вопия́ше:/ Сы́не Мой и Бо́же Мой,/ спаси́ любо́вию пою́щия Тя.

На стихо́вне Окто́иха.

Сла́ва, глас 3. Ге́рманово:

Па́ки нам златоте́чный Нил и безсме́ртия тезоимени́т,/ ле́тною па́мятию прише́д,/ до́брыми восхожде́ньми наводня́ет златостру́йная безсме́ртия лия́ния,/ и, пи́щу сла́дкую плододая́ высо́ким Боговеща́нием,/ Тро́ицы Неразде́льней держа́ве учи́т покланя́тися,/ и источа́ет Боже́ственная уче́ния,/ ве́рных напая́ет помышле́ния/ и мо́лится о душа́х на́ших.

И ны́не, Богоро́дичен или́ Крестобогоро́дичен:

Ору́жие се́рдце Твое́ про́йде, Пречи́стая,/ егда́ Сы́на Твоего́ на Кресте́ ви́дела еси́/ и вопия́ла еси́:/ не безча́дну Мя покажи́, Сы́не Мой и Бо́же Мой,/ соблюды́й Мя по рождестве́ Де́ву.

Тропа́рь, глас 4:

Бо́же оте́ц на́ших,/ творя́й при́сно с на́ми по Твое́й кро́тости,/ не отста́ви ми́лость Твою́ от нас,/ но моли́твами их/ в ми́ре упра́ви живо́т наш.

Или́ сей тропа́рь, глас 3:

Де́лы возсия́вше правосла́вия,/ все погаси́вше злосла́вие,/ победи́телие, победоно́сцы бы́сте,/ благоче́стием вся обогати́вше,/ Це́рковь вельми́ украси́вше,/ досто́йно обрето́сте Христа́ Бо́га,/ да́рующаго нам ве́лию ми́лость.

И ны́не, Богоро́дичен.

НА У́ТРЕНИ

Еди́н кано́н Окто́иха и святы́х два. Кано́н свята́го Афана́сия, его́же краегране́сие: Афана́сий хвала́ правосла́вия бысть. Творе́ние Феофа́ново, глас 8.

Песнь 1

Ирмо́с: Колесницегони́теля фарао́ня погрузи́/ чудотворя́й иногда́/ Моисе́йский жезл, крестообра́зно порази́в/ и раздели́в мо́ре,/ Изра́иля же беглеца́, пешехо́дца спасе́,/ песнь Бо́гови воспева́юща.

Афана́сию принося́ похвалу́,/ я́ко доброде́тель благохваля́,/ к Бо́гу приношу́ па́че похвале́ние,/ от Него́же челове́ком даде́ся достохва́льно дарова́ние доброде́тели,/ ея́же бысть одушевле́н о́браз и печа́ть.

Богому́дрия был еси́ испо́лнен/ и, па́че со́лнца А́нгельским, блаже́нне, житие́м облиста́в ны́не, преподо́бне,/ превозше́л еси́ похва́л зако́ны, я́же от нас,/ но приими́, о́тче, а́ще и не по досто́инству похваля́емый.

Достодо́лжно у́бо песнь плете́м в сла́вней твое́й па́мяти,/ но, лиша́ющеся велича́йших, Афана́сие, по досто́инству пе́сней твои́х,/ про́сим проще́ние нам да́ти и оби́льную благода́ть тобо́ю Ду́ха.

Ю́ношски плотски́х страсте́й игра́ние умертви́л еси́,/ в ю́ности твое́й стяжа́в му́дрость ста́рческую и благостоя́нную, Афана́сие блаже́нне:/ прему́дрости бо жела́нием вся чу́вства упра́вил еси́.

Богоро́дичен: Пресла́вная возглаго́лашася о Тебе́ в ро́дех родо́в,/ Бо́га Сло́ва во чре́ве вмести́вшая, чи́ста же пребы́вши, Богоро́дице Мари́е./ Те́мже Тя вси почита́ем, по Бо́зе предста́тельство на́ше.

Ин кано́н свята́го Кири́лла, его́же краегране́сие: Зре́ний Кири́лл Боже́ственных цевни́ца. Иоа́нново, глас 4.

Песнь 1

Ирмо́с: Мо́ря чермну́ю пучи́ну/ невла́жными стопа́ми/ дре́вний пешеше́ствовав Изра́иль,/ крестообра́зныма Моисе́овыма рука́ма/ Амали́кову си́лу в пусты́ни победи́л есть.

От Бо́га светода́тельную благода́ть, Кири́лле, прие́м/ и све́тел свети́льник яви́вся,/ слове́сныя облиста́л еси́ нам лучи́ па́мятию твое́ю,/ я́ко да досто́йно тя воспои́м.

Испо́лнился еси́ светоявле́ния, Кири́лле му́дре, Ду́ха,/ я́ко за́поведей Христо́вых храни́тель, страсте́й очище́н,/ Пребоже́ственныя был еси́ вои́стинну Тро́ицы жили́ще.

Я́ко ре́вности и дерзнове́ния испо́лнен, Кири́лле сла́вне,/ богобо́рцы вся нелжи́во языкобо́лия обличи́л еси́ злочести́вых ересе́й,/ Правосла́вие защища́я.

Богоро́дичен: Тро́ицы Пребоже́ственныя, Всечи́стая, Еди́наго родила́ еси́,/ из Тебе́ пло́тию я́вльшася по нам благоволе́нием Роди́теля/ и соде́йствием Ду́ха Всесвята́го, Богоневе́сто.

Песнь 3

Ирмо́с: Утвержде́й в нача́ле небеса́ ра́зумом/ и зе́млю на вода́х основа́вый,/ на ка́мени мя, Христе́, за́поведей Твои́х утверди́,/ я́ко несть свят, па́че Тебе́, Еди́не Человеколю́бче.

Очи́стив от вся́кия скве́рны ду́шу же и те́ло, Афана́сие,/ храм показа́лся еси́ досто́йно Боже́ствен./ Те́мже Тро́ицы исполне́ние почи́ в тебе́,/ священнотаи́нниче всеблаже́нне.

Твою́ ду́шу, я́коже жела́ше,/ Уте́шителева благода́ть, от страсте́й очище́ну, обре́тши,/ я́ве в ней де́йствия показу́ет/ и пресве́тло свети́ло, о́тче, ми́ру тя полага́ет.

Святи́тельства у́бо пра́вило святи́телем показа́лся еси́,/ де́тельнаго же подписа́ние жития́,/ сло́во же твое́ я́сно, виде́ния о́браз, прему́дре,/ Богосло́вия же твоего́ преде́л уче́ние яви́ся.

Богоро́дичен: Херуви́мов и Серафи́мов превы́шши показа́лася еси́, Богоро́дице,/ Ты бо еди́на прия́ла еси́ Невмести́маго Бо́га во Твое́м чре́ве, Нескве́рная./ Те́мже, ве́рнии, Тя вси пе́сньми, Чи́стая, ублажа́ем.

Ин

Ирмо́с: Весели́тся о Тебе́ Це́рковь Твоя́, Христе́, зову́щи:/ Ты моя́ кре́пость, Го́споди,/ и прибе́жище, и утвержде́ние.

Укрепля́емь о Христе́, ко́зни лука́ваго зми́я тве́рдым умо́м, Кири́лле,/ я́ко тка́ние паучи́нное, расто́ргнул еси́.

Ти́ну страсте́й от души́ оттря́сл еси́, Кири́лле,/ низложи́в вся́кое помысло́в возноше́ние, на Христа́ превознося́щееся.

Я́ко благополу́чен страда́лец, о́тче,/ уклони́лся еси́ тве́рдо вся́каго плотска́го сладостра́стия,/ я́ко тще́тнаго и наве́тнаго.

Богоро́дичен: Сло́во О́тчее, предочи́стившися, о Чи́стая, Ду́хом,/ слове́снаго естества́ на благодея́ния родила́ еси́.

Конда́к, глас 4.

Подо́бен: Яви́лся еси́:

Священнонача́льницы велича́йшии благоче́стия/ и до́блии побо́рницы Це́ркве Христо́вы,/ вся соблюди́те, пою́щия:/ спаси́, Ще́дре,/ ве́рою чту́щия Тя.

Седа́лен, глас 3.

Подо́бен: Красоте́ де́вства:

Я́коже предопредели́ Предвоззва́вый тя,/ безсме́ртия ты предображе́ние был еси́,/ я́ко умертви́в благоче́стно А́риева мудрова́ния,/ невреди́м бо был еси́, И́стины побо́рник,/ о́тче Афана́сие, правосла́вных похвало́./ Те́мже тя по до́лгу пою́ще,/ соверша́ем Боже́ственную па́мять твою́.

Сла́ва, Кири́лла. Подо́бен то́йже:

Ересе́й лесть обличи́л еси́ и Правосла́вную ве́ру уясни́л еси́,/ я́ко Богоглаго́лив и благочести́в,/ пропове́дал еси́ в ми́ре Еди́но Божество́ в Тро́ице сла́вити,/ естество́м Единосу́щное и Ли́цы неслия́нное./ Те́мже и, соше́дшеся, всесла́вне Кири́лле, почита́ем па́мять твою́.

И ны́не, Богоро́дичен:

Недомы́сленно и непостижи́мо есть, Влады́чице Богора́дованная,/ е́же соде́ланное о Тебе́ стра́шное Бо́жие та́инство,/ и́бо Необыме́ннаго, заче́нши, родила́ еси́,/ пло́тию обложе́нна от пречи́стых крове́й Твои́х,/ Его́же всегда́, Чи́стая, я́ко Сы́на Твоего́, моли́/ спасти́ся душа́м на́шим.

Крестобогоро́дичен:

Неискусобра́чная Чи́стая и Ма́ти Твоя́, Христе́,/ ви́дящи Тя ме́ртва ви́сяща на Кресте́, ма́терски пла́чущи, глаго́лаше:/ что Тебе́ воздаде́ евре́йский беззако́нный собо́р и неблагода́рный,/ и́же мно́гих и вели́ких Твои́х, Сы́не Мой, даро́в наслади́выйся?/ Пою́ Твое́ Боже́ственное снизхожде́ние.

Песнь 4

Ирмо́с: Ты моя́ кре́пость, Го́споди,/ Ты моя́ и си́ла,/ Ты мой Бог, Ты мое́ ра́дование,/ не оста́вль не́дра О́тча/ и на́шу нищету́ посети́в./ Тем с проро́ком Авваку́мом зову́ Ти:/ Си́ле Твое́й сла́ва, Человеколю́бче.

Все тебе́ вдохну́ живоно́сное дыха́ние с высоты́,/ пе́рвее прише́дшее боголе́пно Ду́ха Христо́ва в го́рнице и ученики́ насы́щшее,/ апо́стола тя показа́ тринадеся́таго, о́тче,/ Правосла́вную ве́ру пропове́дающаго.

Ты, Боже́ственною ре́вностию зело́ распаля́емь,/ в Собо́ре спосо́бствуя, и пре́жде, е́же соверши́тися тебе́ председа́телю,/ в Нике́и пропове́дуеши Единосу́щное,/ те́мже Це́ркве Христо́с пастыренача́льника и учи́теля тя поставля́ет.

Вруче́на име́я церко́вная корми́ла от промышле́ния Боже́ственнаго, Афана́сие,/ еретико́в душевре́дная вся языкобо́лия,/ я́коже не́кая секи́ра, посе́кл еси́, искореня́я, я́коже те́рние,/ и се́мя сло́ва напая́я, му́дре возде́лал еси́.

От твоего́ язы́ка о́гненнаго сожже́ся А́риево сро́дное разделе́ние, и слия́ние Саве́ллиево,/ я́же от безме́рия зла и к нече́стию единоче́стна,/ и вся́кое с ни́ми хуле́ние ерети́ческое, о Афана́сие!

Богоро́дичен: Ты ве́рных похвала́ еси́, Безневе́стная,/ Ты Предста́тельница, Ты и прибе́жище христиа́н, стена́ и приста́нище:/ к Сы́ну бо Твоему́ мольбы́ но́сиши, Всенепоро́чная,/ и спаса́еши от бед ве́рою и любо́вию Богоро́дицу Чи́стую Тя зна́ющия.

Ин

Ирмо́с: Вознесе́на Тя ви́девши Це́рковь на Кресте́,/ Со́лнце пра́ведное,/ ста в чи́не свое́м,/ досто́йно взыва́ющи:/ сла́ва си́ле Твое́й, Го́споди.

Победи́вша стра́сти душетле́нныя/ и по́мыслом удержа́вша пло́ти, Богоно́сне Кири́лле, ви́дев,/ Христо́с Боже́ственныя тя Це́ркве председа́теля, о́тче, поста́вил есть.

Насле́довав, я́ко сын возлю́блен, оте́ческую Ма́ркову доброде́тель,/ и престо́ла был еси́ прее́мник,/ Боже́ственнаго стопа́м Евангели́ста после́дуя.

От Христа́ убо, я́ко овча́, упа́слся еси́,/ я́коже па́стырь упа́сл еси́ ста́до, о́тче,/ словесы́ душепита́тельными твои́ми, я́ко трава́ми и цветы́,/ оби́льно напитава́я благода́ти.

Богоро́дичен: Из не су́щих вся Боже́ственною си́лою Соде́лавый/ ражда́ется из Тебе́, Богома́ти,/ мир озаря́я све́тлыми заря́ми Божества́ и Богозна́ния све́тлостию.

Песнь 5

Ирмо́с: Вску́ю мя отри́нул еси́/ от лица́ Твоего́, Све́те Незаходи́мый,/ и покры́ла мя есть чужда́я тьма, окая́ннаго?/ Но обрати́ мя и к све́ту за́поведей Твои́х/ пути́ моя́ напра́ви, молю́ся.

Христа́ име́я, глаго́люща, о́тче,/ во орга́не доброгла́снем язы́ка твоего́,/ посрами́л еси́ убо и́долов напи́санно е́ресь,/ заблужде́нныя наставля́я и обраща́я ко и́стинному Бо́гу, Афана́сие.

Губи́тельныя е́реси вся, о́тче, изобличи́л еси́ словесы́ и писа́ньми,/ разли́чную лесть изгоня́я му́дрыми показа́ньми из вселе́нныя,/ уясня́я невоспротивосло́вне Правосла́вную ве́ру, блаже́нне.

Тя, учи́теля вои́стинну вели́ка учи́телей му́дрых, Афана́сие,/ неле́стно сказу́ет и со апо́столы причте́ Це́рковь Христо́ва, о́тче,/ изъявля́юща непоро́чное сло́во ве́ры.

Богоро́дичен: Ма́тернее дерзнове́ние к Сы́ну Твоему́ стяжа́вши, Всечи́стая,/ сро́днаго промышле́ния на́шего не пре́зри, мо́лимся,/ я́ко Тя и еди́но, христиа́не, ко Влады́це очище́ние ми́лостивно предлага́ем.

Ин

Ирмо́с: Ты, Го́споди, мой свет,/ в мир прише́л еси́,/ Свет Святы́й, обраща́яй из мра́чна неве́дения/ ве́рою воспева́ющия Тя.

Ны́не лице́ Христо́во созерца́яй, ты лице́м к лицу́, о Кири́лле!/ Зерца́лом, вои́стинну разре́шшимся, соедини́лся еси́ твои́м жела́нием.

Тече́нию, вои́стинну зе́льному, наводня́ющему ре́ки,/ твое́, о Кири́лле! уподо́бися сло́во,/ злосла́вных отвраща́я ухищре́ния.

Ра́вне ме́рзское А́риево разделе́ние, о Кири́лле!/ скве́рное же Саве́ллиево слия́ние/ из глубины́ изве́ргл еси́.

Словеса́ богатотво́рная, я́ко зла́то, оста́вил еси́, о Кири́лле!/ сокро́вища же, я́коже ка́мения честна́я, твоя́ Це́ркви Христо́ве.

Богоро́дичен: Тя ору́жие непобеди́мое на враги́ предлага́ем:/ Тя утвержде́ние и наде́жду на́шего спасе́ния, Богоневе́сто, стяжа́хом.

Песнь 6

Ирмо́с: Очи́сти мя, Спа́се,/ мно́га бо беззако́ния моя́,/ и из глубины́ зол возведи́, молю́ся:/ к Тебе́ бо возопи́х, и услы́ши мя,/ Бо́же спасе́ния моего́.

Чужда́го се́мене се́ятель яви́вся Аполлина́рий,/ земна́го словесе́ и ума́ Христо́во вочелове́чение,/ кре́пко изобличи́ся от Тебе́, всеблаже́нне,/ я́коже несмы́слен и умовре́ден.

Тече́ний слове́сных, излия́нных из усте́н твои́х,/ я́ко из исто́чника приснотеку́щаго благода́ти, преподо́бне, сладча́йшия ме́да,/ я́ко от окри́на⁵⁵, во́ды, ве́рнии, почерпа́ем.

Диви́тся всяк твои́м, о́тче, вле́поту списа́нием му́дрым,/ любезновмеща́я, хотя́щия прозяба́ти е́реси прови́дя,/ отвраща́емыя от Тебе́ проро́чески.

Богоро́дичен: Да изба́вимся от лю́тых прегреше́ний мольба́ми Твои́ми, Богороди́тельнице Чи́стая,/ и да получи́м, Всечи́стая, Боже́ственное осия́ние/ из Тебе́ неизрече́нно воплоще́ннаго Сы́на Бо́жия.

Ин

Ирмо́с: Пожру́ Ти со гла́сом хвале́ния, Го́споди,/ Це́рковь вопие́т Ти,/ от бесо́вския кро́ве очи́щшися/ ра́ди ми́лости от ребр Твои́х/ исте́кшею кро́вию.

Клеща́ми Серафи́м проро́ку угль,/ Це́ркви же Христо́ве твои́ми рука́ми подае́ши, священнотаи́нниче,/ е́же Боже́ственнаго огня́ у́глие очище́ния.

Единопреде́льныя, я́ко Сампсо́н, иноплеме́нники не потреби́л еси́,/ иноро́дныя же вся иносла́вных уче́ния низложи́л еси́/ и держа́ву правосла́вным дал еси́, Кири́лле.

Собо́ру Богоизбра́нному я́ве предводи́тельствовав,/ злоче́стие Несто́риево, христобо́рную де́рзость, о́тче, низложи́л еси́,/ ре́вностию дыха́я по и́стинней Богома́тери.

Богоро́дичен: О, чу́до, всех чуде́с нове́йшее!/ Я́ко Де́ва во утро́бе вся́ческая Содержа́щаго, неискусому́жно заче́нши, не тесновмести́.

Конда́к, глас 2.

Подо́бен: Крове́й Твои́х:

Правосла́вия насади́в уче́ния,/ злосла́вия те́рние изсе́кл еси́, умно́жив се́мя ве́ры одожде́нием Ду́ха, преподо́бне,/ те́мже тя пое́м, Афана́сие.

И́кос:

Афана́сия же и Кири́лла всепра́зднственную па́мять пе́сньми, ве́рнии, восхва́лим днесь:/ сии́ бо А́рия льсти́ваго и Евно́мия вку́пе с Саве́ллием/ во глубину́ тех поги́бели вложи́ша,/ огню́ ве́чному преда́вше ты́я сгоре́ти,/ я́ко поху́лившия непра́ведно на Спа́сово воплоще́ние,/ те́мже тя пое́м, Афана́сие.

Песнь 7

Ирмо́с: Бо́жия снизхожде́ния/ огнь устыде́ся в Вавило́не иногда́,/ сего́ ра́ди о́троцы в пещи́, ра́дованною ного́ю,/ я́ко во цве́тнице, лику́юще, поя́ху:/ благослове́н еси́, Бо́же оте́ц на́ших.

Единоче́стное, сопресто́льное Отцу́ Сло́во,/ Единоро́дна же Сы́на правосла́вно пропове́дав,/ безсме́ртия, О́тче тезоимени́те,/ а́бие науча́еши, Ду́ху Сопресто́льна, и Единосу́щна, и Соприсносу́щна.

Учи́теля тя, пропове́дника священноявле́нна Трисо́лнечнаго Све́та,/ возвеща́юща ве́ру правосла́вия да́же до коне́ц земли́,/ нече́стия зря роди́тель, изгна́ния на тя воздвиза́ет.

Беды́ безме́рныя, я́же подъя́л еси́, блаже́нне, подвиза́яся по благоче́стии,/ венцы́ же, та́коже све́тлии,/ и́бо адама́нт был еси́ бию́щим,/ к себе́ же, я́ко магни́т, привлача́л еси́ вся.

Стра́нныя догма́ты, чу́ждыя же Це́ркве Христо́вы, изгна́л еси́,/ Тро́ицу богосло́вив Ипоста́сьми, Божество́м же Еди́ницу,/ Ю́же пел еси́: благослове́н Бог оте́ц на́ших.

Богоро́дичен: Ны́не вся испо́лнишася Све́та Боже́ственнаго Тобо́ю, Пречи́стая:/ Ты бо дверь яви́лася еси́,/ е́юже ми́ру Бог бесе́дова, просвеща́я ве́рою зову́щия:/ благослове́н Бог оте́ц на́ших.

Ин

Ирмо́с: В пещи́ Авраа́мстии о́троцы перси́дстей,/ любо́вию благоче́стия па́че,/ не́жели пла́менем, опаля́еми, взыва́ху:/ благослове́н еси́ в хра́ме сла́вы Твоея́, Го́споди.

В Сина́йстей горе́ во мрак дре́вле вшед,/ зако́н прия́т, блаже́нне Кири́лле, Моисе́й, убива́ющий пи́сменем,/ ты же разгну́л еси́ сокрове́нную добро́ту Ду́ха.

Законоположе́ния гада́ньми, я́коже младе́нцем пе́рвее, о́тче,/ да́ннаго покрыва́лу покрове́ния, я́коже ши́пки,/ разуме́ния ты откры́л еси́, сказа́в о́бразы я́вственнейше.

Богопропове́дников и Богоприя́тных неудобопости́жныя Кни́ги проро́ков,/благода́тию вдохнове́н, о́ныя насы́щшаго Ду́ха, Кири́лле,/ чи́сте нам изъяви́л еси́.

В несли́тном соедине́нии Боже́ственном/ и несеко́мом я́ве, о́тче, разделе́нии/ Три у́бо Богосло́вствуяй Ипоста́си, рекл еси́, Кири́лле,/ непреме́нныя же в существе́ Еди́ном и Божестве́.

Богоро́дичен: Вы́шняго освяще́нное Боже́ственное селе́ние, ра́дуйся,/ Тобо́ю бо даде́ся ра́дость, Богоро́дице, зову́щим:/ благослове́на Ты в жена́х еси́, Всенепоро́чная Влады́чице.

Песнь 8

Ирмо́с: Седмери́цею пещь/халде́йский мучи́тель/ Богочести́вым неисто́вно разжже́,/ си́лою же лу́чшею спасе́ны, сия́ ви́дев,/ Творцу́ и Изба́вителю вопия́ше:/ о́троцы, благослови́те,/ свяще́нницы, воспо́йте,/ лю́дие, превозноси́те во вся ве́ки.

Святи́телей украше́ние благосла́вное, Афана́сие,/ сто́лпе све́та и Це́ркве утвержде́ние,/ Тро́ицы побо́рниче,/ Богосло́вия трубо́ злата́я,/ жития́ же мона́шескаго изве́стный законописа́телю,/ с на́ми пра́зднуеши, иере́и соверша́я,/ лю́ди ве́рныя приводя́ Христу́ во ве́ки.

Безсме́ртия был еси́ вои́стинну тезоимени́т,/ де́ятельныя бо сло́вом превозше́л еси́,/ иску́сныя же в сло́ве изве́стием жития́ побежда́я,/ во обои́х преше́л еси́ краи́./ Те́мже, преизя́щною доброде́телию просия́в,/ безсме́ртную стяжа́л еси́ па́мять во ве́ки.

Ты светле́йшее показа́л еси́, тайнонебе́сниче Богоприя́тне, святи́тельство/ до́блими страда́ньми твои́ми,/ пре́лесть изгна́л еси́ твои́ми изгна́нии ча́стыми за Тро́ицу,/ Ю́же пропове́дуя, вопия́л еси́:/ Отцу́ поклони́теся,/ Сы́на богосло́вите,/ Ду́ха воспо́йте во вся ве́ки.

Богоро́дичен: Пло́тию Ро́ждшую Еди́наго от Тро́ицы Бо́га/ и по Рождестве́ па́ки це́лу пребы́вшую непреста́нно воспои́м,/ я́ко превы́шшую Херуви́мов/ и Серафи́мов честне́йшую, вопию́ще:/ о́троцы, благослови́те,/ свяще́нницы, воспо́йте,/ лю́дие, превозноси́те во вся ве́ки.

Ин

Ирмо́с: Ру́це распросте́р, Дании́л/ льво́в зия́ния в ро́ве затче́;/ о́гненную же си́лу угаси́ша,/ доброде́телию препоя́савшеся,/ благоче́стия рачи́тели о́троцы, взыва́юще:/ благослови́те, вся дела́ Госпо́дня, Го́спода.

Я́ко волна́ морска́я вои́стинну, в тебе́ истече́ прему́дрости исто́чник,/ и́бо приснотеку́щия потеко́ша ре́ки из чре́ва твоего́, о́тче,/ уче́ний благочести́вых, я́коже прорече́ Христо́с:/ прехо́дят бо песка́ твоя́ словеса́ Богоглаго́ливая.

Па́стырь и учи́тель мудр Це́ркве показа́вся,/ два, Кири́лле, я́ве истолкова́л еси́, преподо́бне, заве́ты,/ я́ко бо анки́ру⁵⁶ и оте́ческое насле́дие твоя́ иму́щи словеса́, вопие́т:/ благослови́те, вся дела́ Госпо́дня, Го́спода.

Сло́ва, Вопло́щшагося нас ра́ди, Всехитреца́,/ ты неизрече́нному науча́еши соедине́нию, Кири́лле,/ неразде́льному, неслия́нному,/ по коему́ждо манове́нию ра́вне уклони́л еси́, вопия́:/ благослови́те, вся дела́ Госпо́дня, Го́спода.

Богоро́дичен: Без ма́тере Сло́во из Отца́ Сый пе́рвее,/ без отца́ бысть из Тебе́ второ́е, Всечи́стая,/ вопло́щся пре́жде Безпло́тный за благоутро́бие,/ восхоте́в спасти́ пою́щия:/ благослови́те, вся дела́ Госпо́дня, Го́спода.

Песнь 9

Ирмо́с: Ужасе́ся о сем Не́бо,/ и земли́ удиви́шася концы́,/ я́ко Бог яви́ся челове́ком пло́тски/ и чре́во Твое́ бысть простра́ннейшее Небе́с,/ Тем Тя, Богоро́дицу,/ А́нгелов и челове́к чинонача́лия велича́ют.

Просия́ житие́, я́ко мо́лния,/ излия́ся же, о́тче, всем веща́ние твое́, я́коже гром, я́же со́лнце назира́ет,/ с Небесе́ бо име́л еси́ свы́ше вдохнове́ние и́стинно./ Те́мже не угаси́ твоея́ па́мяти хода́тай забве́ния – гроб, Афана́сие.

Све́том Трисо́лнечным и Трисия́нным ясне́йше ны́не осия́емь,/ певце́м твои́м осия́ние зареви́дно явля́еши,/ я́ко зерца́лом, свы́ше испуща́я со́лнечне, и тебе́ оставле́ния, блаже́нне,/ а́ще вели́ко и превосхо́дно па́че досто́инства проси́мое.

Пою́ще, мо́лим тя приле́жно:/ о Це́ркви моли́ся,/ Кресто́м побе́ды дарова́ти во́инству,/ правосла́вней же ве́ре кре́пость на е́реси враго́в,/ нам же спасе́ние, мир же ми́ру,/ в твое́й па́мяти, Афана́сие.

Богоро́дичен: Зачала́ еси́, Де́во, без се́мене вся́ческая созда́вшаго Сло́во Бо́жие/ кроме́ хоте́ний пло́ти,/ кроме́ тле́ния же родила́ еси́/ и без боле́зней ма́терских./ Тем Тя, Богоро́дицу, и язы́ком и се́рдцем испове́дающе, велича́ем.

Ин

Ирмо́с: Е́ва у́бо неду́гом преслуша́ния кля́тву всели́ла есть;/ Ты же, Де́во Богоро́дице,/ прозябе́нием чревоноше́ния/ ми́рови благослове́ние процвела́ еси́./ Тем Тя вси велича́ем.

Возноше́ние на Христо́в взе́млющееся ра́зум и Сего́ Богома́терь, Кири́лле,/ вся́кое кре́пце низложи́л еси́ Несто́рия безбо́жное,/ сыно́в дво́ицу, та́кожде и слия́ние безгла́вных есте́ств.

Си́лою ра́зума и просвеще́нием благода́ти/ Тро́ицу Единосу́щную, Сы́на же, воплоще́ннаго Бо́га, богосло́вил еси́, блаже́нне,/ яви́вся же Богоро́дицы побо́рник,/ в Вы́шних ны́не прославля́ешися.

Свы́ше нас, певцы́, приснопа́мятне, назира́еши, о́тче, ми́лостивно,/ побе́ды крестоно́сным лю́дем подая́/ и возвыша́я моли́твами твои́ми рог правосла́вных,/ уясня́я же твою́ па́мять велича́ющия.

Богоро́дичен: Непло́дствующее Боже́ственных доброде́телей, Всечи́стая Богоро́дице,/ се́рдце мое́ покажи́, Де́во, плодоно́сно,/ из непло́дове ро́ждшаяся во́лею вся Претворя́ющаго ма́нием,/ да пою́ Тя, Всепе́тую.

Свети́лен Окто́иха.

Сла́ва, святы́х:

Пребоже́ственныя Тро́ицы яви́стеся всему́дрии таи́нницы и побо́рницы,/ Афана́сие блаже́нне и Кири́лле Богоявле́нне,/ А́рия низложи́вше и с ним Саве́ллия, и Несто́рия а́бие злочести́ваго,/ и с ни́ми вся́кую ину́ю пре́лесть злочести́вых ересе́й,/ святи́телие Госпо́дни.

И ны́не, Богоро́дичен:

Со дерзнове́нием глаго́лати Богоро́дицу/ и покланя́тися Сей вои́стинну от ве́рных/ ты науча́еши, Кири́лле всеблаже́нне,/ безбо́жную Несто́рия потребля́я пре́лесть.

На стихо́вне Окто́иха.

Таже припе́в: Свяще́нницы Твои́ облеку́тся в пра́вду,/ и преподо́бнии Твои́ возра́дуются.

Стихи́ра, глас 3:

Ве́лию похвалу́ – свяще́нных Афа́насия и Кири́лла,/ непобеди́мыя предста́тели, священноле́пно да восхва́лим:/ си́и бо, ересе́й по́лчища разсе́кше си́лою Пресвята́го Ду́ха,/ правосла́вию одоле́ния возста́виша во всей вселе́нней,/ чи́сляще благоче́стно Тро́йческую та́йну сво́йством Лиц,/ и па́ки совокупля́юще во еди́но неслия́нне Существа́ то́ждеством,/ и херуви́мски богосло́вяще,/ мо́лятся при́сно о душа́х на́ших.

Сла́ва, глас то́йже. Ге́рманово:

Вели́ка и́стины труба́, многострада́льный Афана́сий/ на трапе́зу днесь созыва́ет Це́рковь,/ све́тло, ве́рнии вси, к торжеству́ усря́щем до́браго па́стыря, пе́сньми почита́юще свяще́нныя его́ труды́,/ я́ко да моли́твами его́/ прии́мем от Христа́ Бо́га ве́лию ми́лость.

И ны́не, Богоро́дичен или́ Крестобогоро́дичен.

Подо́бен: Ве́лия:

Зря́щи из Тебе́ Рожде́ннаго, Всенепоро́чная, ви́сяща на Дре́ве,/ восклица́ла еси́, вопию́щи:/ вожделе́ннейшее Мое́ Ча́до!/ Где Твоя́ за́йде добро́та светоно́сная,/ удобри́вшаго род челове́ческий?

НА ЛИТУРГИ́И

Блаже́нны от кано́на Афана́сия песнь 3-я и Кири́лла песнь 6-я. Проки́мен, глас 8: Восхва́лятся преподо́бнии во сла́ве/ и возра́дуются на ло́жах сво́их. Стих: Воспо́йте Го́сподеви песнь но́ву, хвале́ние Его́ в Це́ркви преподо́бных. Апо́стол ко Евре́ем, зача́ло 334. Аллилу́ия, глас 2: Свяще́нницы Твои́ облеку́тся в пра́вду,/ и преподо́бнии Твои́ возра́дуются. Ева́нгелие от Матфе́я, зача́ло 11. Прича́стен: Ра́дуйтеся, пра́веднии, о Го́споде:

Святитель Афанасий Великий, архиепископ Александрийский, родился около 297 г. в Александрии в добродетельной христианской семье. С детства святой Афанасий так полюбил церковное богослужение, что, подражая увиденному, устраивал со своими сверстниками игру: «назначал» их священниками и диаконами, а сам подобно епископу со всей точностью совершал церковную службу. Когда к мальчикам присоединялись дети из языческих семей, святой Афанасий рассказывал им о Христе Спасителе, а затем в случае их согласия совершал над ними на берегу моря обряд крещения.

Святитель Александр (312–326), епископ Александрийский, обратил внимание на эту игру. Убедившись, что святой Афанасий совершал таинство крещения в соответствии с церковным уставом, он признал его действительным и довершил миропомазанием. Призвав родителей святого Афанасия, святитель Александр просил их воспитать мальчика в книжном научении и, когда он придет в возраст, посвятить его на служение Церкви.

Когда святой Афанасий достиг 21 года, святитель Александр рукоположил его в диакона Александрийской Церкви. В этом сане святой Афанасий сопровождал Патриарха Александра на Никейский Собор (325 г.). На Соборе святой Афанасий выступил с опровержением ереси Ария. После смерти святителя Александра диакон Афанасий был избран его преемником. 8 июля 326 года он был рукоположен во епископа Александрийского. Возглавляя Александрийскую Церковь, он продолжал ревностную борьбу против еретиков, последователей Ария.

Последние, пользуясь поддержкой при дворе, добились осуждения святителя Афанасия, который по навету клеветников в 336 году был отправлен в изгнание в Трир.

После смерти императора Константина святитель Афанасий возвратился из ссылки и продолжал обличать ариан. Но преемник Константина император Констанций (337–361) благоволил арианам. По его приказу архиепископом Александрийским был поставлен арианин Григорий.

Святитель Афанасий отправился в Рим к папе Юлию I (337–352), старанием которого был оправдан на Сардикийском Соборе в 343 году. Сардикийский Собор признал истинным Никейский Символ веры , а учение святителя Афанасия согласным с догматами Церкви.

После этого святитель Афанасий возвратился в Александрию, но по наущению ариан несколько раз изгонялся из города. Несмотря на многолетние (в общей сложности более 20 лет) гонения и преследования еретиков, святитель Афанасий продолжал неотступно отстаивать чистоту Православия и неустанно обличать ариан, против которых написал много посланий и богословских трактатов.

При императоре Юлиане Отступнике (361–363) святой Афанасий оказался в изгнании в Фиваидской пустыне. После бесславной смерти Юлиана Отступника святитель Афанасий управлял Александрийской Церковью семь лет вплоть до своей блаженной кончины 2 мая 373 года.

Он оставил огромное духовное наследие: многочисленные комментарии к Священному Писанию, аскетические наставления, слова и беседы, письма, апологетические и догматические сочинения, в которых отстаивал чистоту православного вероучения. Особое значение в полемике с арианами имели «История ариан для монахов», «Четыре слова против ариан», «Книга о Троице и о Духе Святом». Святителю Афанасию принадлежит также жизнеописание преподобного Антония Великого (память 17 января).

Святитель Кирилл, архиепископ Александрийский, величайший богослов, родился в Александрии во 2 половине IV века в знатной и благочестивой христианской семье. Он получил блестящее воспитание и образование: в совершенстве изучил светские греческие науки, в том числе философию, но более всего преуспел в познании истин христианской веры и в разумении Священного Писания. В юности святой Кирилл поступил в скит святого Макария в Нитрийских горах. Через 6 лет он был посвящен Александрийским Патриархом Феофилом (385–412) в сан диакона, а затем возведен в архидиакона. Патриарх Феофил, видя необычайные способности и зная целомудренный образ жизни молодого клирика, поручил ему произносить проповеди.

В 412 году, после смерти Патриарха Феофила, святой Кирилл был избран первосвятителем Александрийской Церкви. Став Патриархом, он возглавил борьбу с распространившейся в Александрии ересью новацианов, которые утверждали, подобно фарисеям, свою непричастность к греху и не принимали покаяние тех, кто во время гонения принес жертвы идолам, но немилосердно осуждали таковых на вечное отлучение от Церкви. Святитель Кирилл, оберегая свою паству от этого противного духу евангельской любви учения, изгнал еретиков из Александрии.

Но более опасными были те иудеи, которые, покровительствуемые правителем Александрии Орестом, постоянно устраивали мятежи и заговоры против христиан, часто посягали на их жизнь. После устроенного иудеями массового избиения христиан, святитель Кирилл с оставшимися в живых сподвижниками изгнал из города врагов веры Христовой. Через некоторое время он добился у императора Феодосия Младшего (408–450) отстранения от власти Ореста и наказания виновных.

Просвещенный и ревностный пастырь Александрийской Церкви неустанно проповедовал Слово Божие, изъяснял своей пастве Священное Писание. Тогда же им были написаны некоторые догматические сочинения, например, толкование на Евангелие Иоанна, несколько книг о Святой Троице, сочинения о поклонении Богу в духе и истине, «Глафира, или сокровенные мысли пятокнижия».

В 429 году в монастырях египетской пустыни распространилась ересь Нестория (Константинопольский Патриарх с 429 по 431 год). Несторий утверждал, что Пресвятую Деву не следует называть Богородицей, так как она родила не Бога, а Человека, Который через наитие Святого Духа стал Христом, т. е. помазанником Божиим, и Слово Божие пребывало с Ним в особом нравственном или относительном соединении. Он называл Богородицу сначала «Человекородицею», но так как это вызвало всеобщее негодование, то в виде компромисса Несторий предложил новое название «Христородица». Православным христианам было ясно, что речь шла не о терминологии, а об основах христианской догматики, а именно о догмате Боговоплощения.

Когда молва о новой ереси достигла египетских пустынь, монахи стали приходить к святому Патриарху Кириллу, требуя от него защиты Православия. Святитель Кирилл обнародовал послание «К отшельникам», в котором, не называя имени Нестория, осуждал его мнение. Затем он отправил несколько увещевательных посланий к самому Несторию, содержавших обширный трактат о догмате Боговоплощения. В то же время он написал письма к императору Феодосию, поддерживавшему ересь, и к его сестрам. Для просвещения народа святитель написал «Пять книг против Нестория». В Александрии был созван Поместный Собор, обличавший несторианство. Однако Несторий не внял вразумлению святого Кирилла и в свою очередь написал ряд посланий, защищавших свое учение и обвинявших в ереси святого Кирилла. Споры и раздоры между ними приобрели настолько острый характер, что император Феодосий, по просьбе обеих сторон, объявил о созыве Вселенского Собора.

В 431 году в г. Ефесе собрался III Вселенский Собор, на который прибыли около 200 епископов от всех христианских Церквей. Сторонник Нестория Патриарх Антиохийский Иоанн и сирские епископы опоздали на Собор. По этой причине Несторий не соглашался на открытие Собора и, когда он все-таки начал свою работу, не явился на заседание. Ефесский Собор, на котором председательствовал святитель Кирилл, осудил учение Нестория как ересь. Несторий не подчинился Собору и не раскаялся, а прибывший Антиохийский Патриарх Иоанн открыл самостоятельный собор, который провозгласил святителя Кирилла еретиком. Враги Православия оклеветали святителя Кирилла, и он, по повелению императора, был заключен под стражу вместе с Ефесским епископом Мемноном. Но вскоре козни еретиков были разоблачены, и святитель получил свободу. Несторий же был лишен сана и сослан в ссылку, где скончался в тяжких муках.

32 года управлял святитель Кирилл Александрийской Церковью. В течение этого времени он очистил Церковь от всех бывших тогда ересей, написал много апологетических, догматических, изъяснительных и нравоучительных сочинений. Личное благочестие подвижника соединялось в нем с мудростью наставника и ревностного защитника Православия.

Большинство полемических сочинений святителя Кирилла написаны против ереси Нестория (самое обширное из них – «Пять книг против Нестория»). В спорах с Несторием святитель Кирилл объяснял не только принятие человеческого естества Божеством в личное единение во Христе Иисусе, но и искупительное значение Иисуса Христа – через выявление порчи человечества в Адаме и утверждение благодатной силы Евхаристии. Святитель обличал и других еретиков. Так, против нечестия Ария и Евномия направлено сочинение «Сокровище», раскрывающее догмат о Пресвятой Троице. На эту же тему им были написаны еще два небольших догматических сочинения, излагавших учение о Святой Троице и о Боговоплощении. Особое значение в учении святителя Кирилла Александрийского о Святой Троице имеет положение об исхождении Святого Духа. Святитель Кирилл доказывает словами Писания, что Дух Святой есть Истинный Бог и Лицо, отдельное от Отца. Он пишет, что Святой Дух «имеет бытие от Отца и одного с Ним естества,– но не по рождению, а как знает Един, ведающий Сына, и Един, знающий Отца, и Он Сам Единый, ведающий Отца и Сына...» Те же мысли относительно исхождения Святого Духа святитель Кирилл излагал и в частных письмах, например, к Иоанну, Патриарху Антиохийскому: «Никак мы не терпим того, чтобы попрана была кем-либо та Вера, или тот Символ веры, который издан святыми отцами Никейскими. Не сами они говорили, но Дух Бога и Отца, Который хотя исходит из Него, но не чужд Сыну по отношению к сущности».

Святитель Кирилл скончался мирно в 444 году. При его кончине предстояла Сама Пречистая Матерь Божия, Которой он верно служил в течение земной жизни.

18 января Церковью установлено совместное празднование двум выдающимся святителям Александрийской Церкви – святителю Афанасию († 373) и святителю Кириллу за их многолетние великие труды и подвиги, понесенные в защиту догматов Вселенской Церкви против еретиков.

Каждому из этих отцов Церкви установлено и отдельное празднование: святителю Афанасию – 2 мая, святителю Кириллу – 9 июня.

НА МА́ЛОЙ ВЕЧЕ́РНИ

На Го́споди, воззва́х: стихи́ры, глас 1.

Подо́бен: Небе́сных чино́в:

Нов сад яви́лся еси́ нам, о́тче,/ насажде́н во дворе́х до́му Бо́га на́шего,/ весе́лящ ча́да твоя́, а́ки новора́сльми ма́слиннаго дре́ва,/ мы же ти прино́сим, о́тче, венцы́ многоплете́нныя/ во и́мя усе́рдия чадолюби́вому отцу́.

Благочести́ваго ко́рене блага́я о́трасль,/ от нея́же прозябе́ цвет благоуха́нный,/ мо́щи бо твоя́ проявля́ют доброде́тели,/ и́миже мы облагоуха́еми,/ восхваля́ем Бо́га, тебе́ просла́вльшаго,/ Макси́ме достоблаже́нне.

В юдо́ли, я́ко крин, процве́л еси́, святи́телю,/ и, я́ко ши́пок, благоуха́еши,/ сердца́ ве́рных облагоуха́я/ и ра́дости исполня́я,/ и́же, в весе́лии воспева́юще, глаго́лют:/ ди́вен Бог во святы́х Свои́х.

Сла́ва, глас 6:

Христо́ва иера́рха воспои́м вси Макси́ма,/ Тро́ицы бо Святы́я держа́ву во свое́м ро́де я́сно возвеща́ет,/ Еди́наго Бо́га в Трие́х Ли́цех неразде́льна./ Его́же и мо́лит о нас,/ ве́рою соверша́ющих па́мять его́.

И ны́не, Богоро́дичен:

Арха́нгельское сло́во прия́ла еси́,/ и Херуви́мский престо́л показа́лася еси́,/ и на объя́тиях Свои́х носи́ла еси́, Богоро́дице,/ Наде́жду душ на́ших.

На стихо́вне стихи́ры, глас 2.

Подо́бен: До́ме Евфра́фов:

Оста́вив дом земна́го ца́рствия,/ преблаже́нне и новоявле́нне Макси́ме,/ дом Святы́я Тро́ицы был еси́.

Стих: Честна́ пред Го́сподем/ смерть преподо́бных Его́.

Вои́стинну, о́тче,/ яви́лся еси́ купе́ц предо́блий,/ и́же стяжа́в Христа́, Би́сер многоце́нный,/ и Того́ положи́в во уме́,/ ду́шу просвети́л еси́.

Стих: Свяще́нницы Твои́ облеку́тся в пра́вду,/ и преподо́бнии Твои́ возра́дуются.

Све́тлаго и свята́го ко́рене/ цвет соверше́ния и све́тлости/ ты был еси́, новоявле́нне Макси́ме преблаже́нне.

Сла́ва, глас и подо́бен то́йже:

Афана́сия восхва́лим и Кири́лла и Макси́ма просла́вим/ я́ко служи́телей Святы́я Тро́ицы.

И ны́не, Богоро́дичен:

Де́во Преблаже́нная,/ ублажа́ем Тя, ро́ди челове́честии,/ я́ко родила́ еси́ Спаси́теля душ на́ших.

Тропа́рь пи́сан на вели́цей вече́рни

НА ВЕЛИ́ЦЕЙ ВЕЧЕ́РНИ

Блаже́н муж: 1-й антифо́н. На Го́споди, воззва́х: стихи́ры на 6, глас 1:

От младе́нства целому́дрие возлюби́в, о́тче,/ возрасте́ Це́ркви светоза́рен цвет,/ Ио́сифу подража́я прекра́сне,/ живы́й же во иноплеме́нных,/ соблю́л еси́ ве́ру це́лу, я́ко го́лубь,/ яви́лся прему́др и Богоуго́ден./ Те́мже и удивля́емь был еси́ от всех,/ Макси́ме достоблаже́нне.

Свет лица́ твоего́, о́тче,/ проявля́ет твою́ духо́вную благода́ть,/ красе́н быв ко виде́нию⁵⁷,/ кра́снейший же душе́ю,/ твоя́ бо мо́щи облагоуха́ют чу́вства, и удивля́ют всяк ра́зум,/ и прославля́ют Бо́га, просла́вльшаго тя,/ о́тче наш Макси́ме.

Боголюби́вое твое́ ста́до и ве́рных собо́ри,/ восхваля́ем тя, святи́телю,/ зане́ прему́дрым свои́м уче́нием/ обоя́ удиви́л еси́,/ по сме́рти же то́чиши исцеле́ния,/ те́мже исцели́ ду́ши и телеса́ на́ша,/ Христо́в служи́телю, Макси́ме преблаже́нне.

Сла́ва, глас 6:

Во исхо́де ди́внаго твоего́ преставле́ния/ и преселе́ния чи́стыя души́ твоея́, честне́йший о́тче,/ узре́л еси́ благоле́пна два му́жа,/ сия́юща красото́ю оде́жд свои́х,/ те́мже лице́м све́тлым и очи́ма ра́достныма/ глаго́лал еси́ ко ма́тери и ученико́м свои́м:/ отку́ду приидо́ша к нам кра́снии сии́ му́жие?/ Они́ же, разуме́вше бы́вшее посеще́ние Бо́жие, возра́довашася,/ я́ко посла́ Бог А́нгелы во о́бразе Афана́сия и Кири́лла/ ти́хо взя́ти ду́шу твою́ от чи́стаго те́ла твоего́,/ свя́те святи́телю треблаже́нне,/ Макси́ме досточу́дне.

И ны́не, Богоро́дичен: Кто Тебе́ не ублажи́т:

Вход. Проки́мен дне. И чте́ния.

Втора́го зако́на чте́ние:

Во днех о́нех рече́ Моисе́й к сыново́м Изра́илевым:/ ви́дите, преда́х пред лице́м ва́шим землю́,/ вше́дше, насле́дуйте ю,/ е́юже кля́тся Госпо́дь отце́м ва́шим:/ Авраа́му, Исаа́ку и Иа́кову,/ да́ти им и се́мени их по них./ И реко́х к вам во вре́мя о́но, глаго́ля:/ не возмогу́ еди́н води́ти вас:/ Госпо́дь Бог ваш умно́жил вы есть,/ и се есте́ днесь, я́ко зве́зды небе́сныя, мно́жеством,/ Госпо́дь, Бог оте́ц на́ших, да приложи́т вам,/ я́ко да бу́дете ты́сящами сугу́бо,/ и да благослови́т вас, я́коже глаго́ла вам./ И взях от вас му́жи му́дры, и худо́жны, и смы́слены,/ и поста́вих их владе́ти над ва́ми,/ ты́сященача́льники, и стонача́льники, и пятьдесятонача́льники, и десятонача́льники,/ и писмовводи́тели судия́м ва́шим во вре́мя о́но, глаго́ля:/ разслу́шайте посреде́ бра́тий ва́ших/ и суди́те пра́ведно посреде́ му́жа,/ и посреде́ бра́та его́,/ и посреде́ прише́льца его́./ Да не позна́ете лица́ в суде́, ма́лому и вели́кому суди́ши,/ и не устыди́шися лица́ челове́ча,/ я́ко суд Бо́жий есть.

Втора́го зако́на чте́ние:

Во днех о́нех рече́ Моисе́й к сыново́м Изра́илевым:/ се Го́спода Бо́га твоего́ не́бо/ и не́бо небесе́,/ земля́ и вся, ели́ка суть на ней./ Оба́че отцы́ ва́ши произво́ли Госпо́дь люби́ти их/ и избра́ се́мя их по них,/ вас па́че всех язы́ков в день сей./ И обре́жите жестокосе́рдие ва́ше/ и вы́и ва́шея не ожесточи́те ктому́./ И́бо Госпо́дь Бог ваш, Сей Бог бого́в и Госпо́дь господе́й./ Бог вели́кий, и кре́пкий, и стра́шный./ И́же не диви́тся лицу́,/ ниже́ взе́млет да́ра./ Творя́й суд прише́льцу, и си́ру, и вдови́це,/ и лю́бит прише́льца да́ти ему́ хлеб и ри́зу./ И возлюби́те прише́льца:/ прише́льцы бо бе́сте в земли́ еги́петстей./ Го́спода Бо́га твоего́ да убои́шися,/ и Тому́ прилепи́шися,/ и И́менем Его́ клене́шися./ Той хвала́ твоя́, и Той Бог твой,/ я́же ви́деста о́чи твои́.

Прему́дрости Соломо́новы чте́ние:

Пра́ведных ду́ши в руце́ Бо́жией,/ и не прико́снется их му́ка./ Непще́вани бы́ша во очесе́х безу́мных умре́ти,/ и вмени́ся озлобле́ние исхо́д их./ И е́же от нас ше́ствие – сокруше́ние,/ они́ же суть в ми́ре./ И́бо пред лице́м челове́ческим, а́ще и му́ку прии́мут,/ упова́ние их безсме́ртия испо́лнено./ И вма́ле нака́зами бы́вше,/ вели́кими благоде́тельствовани бу́дут,/ я́ко Бог искуси́ я/ и обре́те их досто́йны Себе́./ Я́ко зла́то в горни́ле, искуси́ их/ и, я́ко всепло́дие же́ртвенное, прия́т я./ И во вре́мя посеще́ния их возсия́ют/ и, я́ко и́скры по сте́блию, потеку́т./ Су́дят язы́ком и облада́ют людьми́,/ и воцари́тся Госпо́дь в них во ве́ки./ Наде́ющиися Нань уразуме́ют и́стину/ и ве́рнии в любви́ пребу́дут Ему́,/ я́ко благода́ть и ми́лость в преподо́бных Его́/ и посеще́ние во избра́нных Его́.

На лити́и стихи́ры самогла́сны, глас 1:

В честне́м преставле́нии твое́м,/ о́тче наш Макси́ме,/ собира́ется мно́жество наро́да,/ стека́ются и́ноцы и вси от церко́внаго ли́ка,/ та́кожде и в мирски́х тебе́ послужи́вшии/ и сво́инствовавшии с тобо́ю,/ о́бщий бо плач громогла́сен/ сотво́ртша о тебе́, преподо́бне.

Твои́ лю́дие, преподо́бне Макси́ме,/ сле́зы точа́ще надгро́бная, тебе́ глаго́лаху:/ о, прему́драго твоего́ ра́зума,/ о́тче наш преблаже́нне!/ помина́я сей час,/ оста́вил еси́ нас, и, ни во что вмени́в сла́ву и красоту́ жития́ сего́,/ прилепи́лся еси́ Христу́ Бо́гу,/ и, Тому́ после́довав,/ от Него́ просла́влен был еси́.

Я́ко луна́, заше́д в подзе́мная, преподо́бне,/ и, я́ко би́сер, кры́ем в земли́ вла́жной,/ яви́лся еси́, святи́телю,/ Све́том благода́ти Ду́ха Свята́го просвеще́н,/ исцеля́я и освяща́я ду́ши и телеса́ на́ша,/ новоявле́нне Макси́ме достосла́вне.

Сла́ва, глас 3:

Коль кра́сное виде́ние ви́дел еси́ пред исхо́дом души́ твоея́, о преблаже́нне Макси́ме,/ предста́ша бо тебе́ пресве́тлии святи́тели и Богому́дрии отцы́ Афана́сий и Кири́лл,/ и́мже виде́нием ужаси́л еси́ ма́терь и ученики́ твоя́,/ лю́дем же твои́м всеконе́чную жа́лость⁵⁸ оста́вил еси́.

И ны́не, Богоро́дичен.

На стихо́вне стихи́ры самогла́сны, глас 1:

Во всем подража́л еси́ прароди́телем твои́м, святи́телю,/ Симео́ну преподо́бному и Са́вве свяще́нному./ Они́ бо, ца́рство оста́вльше,/ бога́тство в ру́це ни́щих да́ша/ и, стра́нствовати изво́ливше,/ ми́лостива Бо́га себе́ обрето́ша,/ те́мже и от Христа́ Бо́га сла́ву и ве́чный поко́й получи́ша,/ тебе́, преподо́бне Макси́ме, совсе́льника иму́ще,/ и́же с ни́ми и соца́рствуеши в Ца́рствии Небе́снем.

Стих: Честна́ пред Го́сподем/ смерть преподо́бных Его́.

Весь освяще́н Бо́гови/ был еси́, о́тче,/ трудо́м и посто́м себе́ украша́я,/ милосты́нями же вжег свещу́/ и, уясни́в, предвари́л еси́ Жениха́ – Христа́,/ с Ни́мже в черто́зе веселя́ся,/ всехва́льне святи́телю Макси́ме,/ моли́ спасти́ся душа́м на́шим.

Стих: Свяще́нницы Твои́ облеку́тся в пра́вду,/ и преподо́бнии Твои́ возра́дуются.

Свя́те святи́телю Макси́ме,/ посеща́й ста́до свое́,/ и соблюда́й е невреди́мо от волко́в напа́дающих,/ загражда́я их злокова́рная уста́,/ я́ко да в ми́ре воспева́ем сла́ву твою́.

Сла́ва, глас 3:

Па́ки нам златоте́чный Нил,/ ле́тною па́мятию прише́д,/ до́брыми восхожде́ньми наводня́ет златостру́нная безсме́ртия лия́ния,/ плододая́ сла́дкую пи́щу высо́ким благовеща́нием,/ Тро́ицы Неразде́льней Держа́ве учи́т покланя́тися,/ источа́ет Боже́ственная уче́ния, ве́рных напая́ет помышле́ния/ и мо́лится о душа́х на́ших.

И ны́не, Богоро́дичен:

Без се́мене от Боже́ственнаго Ду́ха/ во́лею же О́тчею зачала́ еси́ Сы́на Бо́жия./ От Отца́ без ма́тере пре́жде век су́ща,/ нас же ра́ди из Тебе́ без отца́ бы́вша,/ пло́тию родила́ еси́/ и Младе́нца млеко́м пита́ла еси́./ Те́мже не преста́й моли́ти,/ изба́витися от бед душа́м на́шим.

Тропа́рь, глас 3:

Стра́нное рожде́ние и воспита́ние был еси́, о́тче, но па́ки водвори́ся во вла́сти у своего́ наро́да,/ Небе́снаго Ца́рствия жела́я,/ земно́е ца́рствие оста́вил еси́/ и смире́нием Вы́шнее сокро́вище получи́л еси́,/ преблаже́нне Макси́ме,/ моли́, мо́лимся, о душа́х на́ших.

И ны́не, Богоро́дичен по гла́су.

НА У́ТРЕНИ

На Бог Госпо́дь: тропа́рь свято́му Макси́му, два́жды. Сла́ва, и ны́не, Богоро́дичен.

По 1-м стихосло́вии седа́лен, глас 4.

Подо́бен: Удиви́ся Ио́сиф:

Целому́дрие Ио́сифово стяжа́л еси́, святи́телю, и кро́тость Дави́дову./ Ио́сиф, соблю́д де́вства цвет, ца́рства сподо́бися,/ Дави́д же, Голиа́фа уби́в, пома́занник све́тел яви́ся./ Ты же, преподо́бне, во все́м искуше́н быв,/ кре́постию тве́рдаго твоего́ ра́зума неврежде́н пребы́л еси́/ и, потопи́в мы́сленнаго фарао́на,/ себе́ чи́ста Бо́гу предста́вил еси́./ Те́мже и Бог, ви́дев чистоту́ души́ твоея́, преблаже́нне Макси́ме,/ на све́щник святи́тельства возведе́ тя,/ просвеща́ти и освяща́ти ду́ши на́ша.

Сла́ва, и ны́не, Богоро́дичен:

Удиви́ся Ио́сиф, е́же па́че естества́ зря, и внима́ше мы́слию, и́же на руно́ дождь, в безсе́менном зача́тии Твое́м, Богоро́дице,/ купину́, огне́м неопа́льную,/ жезл Ааро́нов прозя́бший,/ и, свиде́тельствуя, обру́чник Твой и храни́тель свяще́нником взыва́ше:/ Де́ва ражда́ет и по рождестве́ па́ки Де́вою пребыва́ет.

По 2-м стихосло́вии, седа́лен, глас 3.

Подо́бен: Красоте́ де́вства:

Я́коже предопредели́ Предвоззва́вый тя,/ безсме́ртия ты предображе́ние был еси́,/ низложи́в благоче́стию проти́вная мудрова́ния,/ о́тче Макси́ме, правосла́вных похвало́./ Те́мже тя по до́лгу пою́ще, соверша́ем Боже́ственную па́мять твою́.

Сла́ва, и ны́не, Богоро́дичен:

Красоте́ де́вства Твоего́ и пресве́тлой чистоте́ Твое́й Гаврии́л удиви́вся,/ вопия́ше Ти, Богоро́дице:/ ку́ю Ти похвалу́ принесу́ досто́йную?/ Что же возымену́ю Тя?/ недоумева́ю и ужаса́юся./ Те́мже, я́ко повеле́н бых, вопию́ Ти:/ ра́дуйся, Благода́тная.

По полиеле́и седа́лен, глас 8.

Подо́бен: Прему́дрости Сло́ва:

Прему́дрости рачи́теля, Макси́ма восхва́лим,/ сла́ву земну́ю отло́жша и Христу́ Царю́ после́довавша,/ Вы́шних возжела́вша, ни́жняя же оста́вивши,/ мно́гия ско́рби и бе́ды подъя́вша изгна́ния же и чужестра́нствия,/ всегда́ любо́вь ко Христу́ соблю́дша и Тому́ уподо́бившася,/ во дво́ры же Его́ все́льшася,/ мо́лимся, о́тче преподо́бне, моли́ Христа́ Бо́га прегреше́ний оставле́ние дарова́ти/ пра́зднующим ве́рою и любо́вию святу́ю па́мять твою́.

Сла́ва, и ны́не, Богоро́дичен:

Помышля́ю Суд и бою́ся истяза́ния,/ трепе́щу му́ки и ужаса́юся о́гненныя боле́зни, тьмы же и та́ртара,/ увы́, что сотворю́,/ студ ка́ко претерплю́,/ егда́ кни́ги отве́рзутся и дея́ния облича́тся?/ Сего́ ра́ди припа́даю Ти, Богоро́дице Пречи́стая,/ тогда́ предста́ни ми, ну́жды о́ныя изыма́ющи,/ Тебе́ бо и́мамы прибе́жище, Влады́чице.

Та́же степе́нна 1-й антифо́н 4-го гла́са. Проки́мен, глас 4: Свяще́нницы Твои́ облеку́тся в пра́вду,/ и преподо́бнии Твои́ возра́дуются. Стих: Уста́ моя́ возглаго́лют прему́дрость, и поуче́ние се́рдца моего́ ра́зум. Вся́кое дыха́ние: Ева́нгелие от Иоа́нна, зача́ло 36.

По 50-м псалме́ стихи́ра, глас 6:

Днесь весели́тся Христо́ва Це́рковь/ в па́мяти треблаже́нных оте́ц,/ я́ко Афана́сий А́рия посрами́/ и Кири́лл Несто́рия низложи́,/ Макси́м же, сла́ву оста́вив и крест взем,/ после́дова Христу́.

Кано́н свято́му Макси́му, его́же краегране́сие: Восхва́лим святи́теля, хору́гву Це́ркве. Глас 4.

Песнь 1

Ирмо́с: Мо́ря чермну́ю пучи́ну/ невла́жными стопа́ми/ дре́вний пешеше́ствовав Изра́иль,/ крестообра́зныма Моисе́овыма рука́ма/ Амали́кову си́лу в пусты́ни победи́л есть.

Воспою́ Тебе́, Го́споди Бо́же мой,/ я́ко просла́вил еси́ Тебе́ просла́вльшаго, Макси́ма, все́ми хва́лимаго,/ сам бо себе́ от младе́нства, я́ко ма́слинную ветвь, Тебе́, Христе́, принесе́,/ и Тебе́, я́ко Бо́гу, оса́нна вопие́т.

Воспою́ тя, блаже́нне Макси́ме,/ я́ко еле́ем ми́лостыни и по́тами трудо́в свои́х ума́стил еси́ себе́, о́тче,/ и, свети́льник вжег с му́дрыми де́вами/ в сре́тение Христу́ – Жениху́, в весе́лие ве́чное восте́кл еси́.

Симео́на преподо́бнаго и святи́теля Са́ввы ты яви́лся еси́, о́тче, лоза́ и́стинная,/ источа́я вино́ спасе́ния, всех ве́рных ду́ши веселя́щее,/ святи́телю, о́тче наш преблаже́нне, Макси́ме досточу́дне.

Богоро́дичен: Сове́та Преве́чнаго храм воздви́гл еси́, святи́телю,/ архистрати́га Гаврии́ла ра́достное провеща́ние Богоро́дице вседне́вно воспева́я:/ ра́дуйся, Неве́сто Неневе́стная.

Катава́сия: Су́шу глубороди́тельную зе́млю:

Песнь 3

Ирмо́с: Весели́тся о Тебе́ Це́рковь Твоя́, Христе́, зову́щи:/ Ты моя́ кре́пость, Го́споди,/ и прибе́жище, и утвержде́ние.

Хвала́ми да почти́м треблаже́ннаго отца́,/ и́же, Небе́сная жела́я, оста́ви земна́я,/ и, я́коже еле́нь, поте́к, жела́я водна́го исто́чника./ Си́це усе́рдно после́довал еси́, о́тче, стопа́м прароди́телей свои́х.

Весь ум впери́в к высоте́,/ земна́я ни во что же вмени́л еси́/ и смире́нием, достоблаже́нне Макси́ме, высо́кая восприя́л еси́.

А́ще и изгна́н был еси́, Макси́ме преподо́бне, оби́тели твоего́ оте́чества,/ но пресла́вный у́бо Ра́дул воево́да любе́зно тебе́, о́тче, прие́млет,/ ра́дуяся душе́ю и крася́ся вели́чием,/ я́ко даде́ ему́ Бог отца́ и учи́теля и спаси́теля душе́внаго.

Богоро́дичен: Ка́я сия́, яже вои́стинну близ Бо́га,/ я́ко превозше́дши вся А́нгельския чи́ны,/ еди́на, добро́тою де́вства сия́ющи,/ я́ко Ма́ти Вседержи́теля?

Седа́лен глас 8.

Подо́бен: Прему́дрости:

Роди́телей и сро́дники,/ сла́ву же и и́же в сла́ве тебе́ служа́щих оста́вил еси́,/ же́ртву жи́ву Бо́гови себе́ предста́вил еси́ и мно́гих вразуми́л еси́, путь покая́ния показа́вый./ Макси́ме всеблаже́нне, моли́ Христа́ Бо́га согреше́ний оставле́ние дарова́ти/ чту́щим любо́вию святу́ю па́мять твою́.

Сла́ва, и ны́не, Богоро́дичен:

Недомы́сленно и непостижи́мо есть, Влады́чице Богора́дованная,/ е́же соде́ланное о Тебе́ стра́шное Бо́жие та́инство,/ и́бо Необыме́ннаго, заче́нши, родила́ еси́, пло́тию обложе́нна от пречи́стых крове́й Твои́х./ Его́же всегда́, Чи́стая, я́ко Сы́на Своего́, моли́/ спасти́ся душа́м на́шим.

Песнь 4

Ирмо́с: Вознесе́нна Тя ви́девши Це́рковь на Кресте́,/ Со́лнце Пра́ведное/ ста в чи́не свое́м,/ досто́йно взыва́ющи:/ сла́ва си́ле Твое́й, Го́споди.

Лю́ди Бо́жия возмуща́ет ненави́дяй добро́,/ и обою́ стратила́ту, Ра́дула и Бо́гдана, близ бы́вшу сраже́нию,/ ты, преподо́бне о́тче Макси́ме, я́ко крила́т предста́в, обои́м полко́м мир дал еси́./ Они́ же возвраща́ются во своя́ си, сла́вяща Бо́га и уго́дника Его́.

Иде́же бо Дух хо́щет – ды́шет, я́коже рече́ Христо́с во Ева́нгелии,/ и апо́стол: иде́же любо́вь – та́мо побежда́ется мно́жество грехо́в./ Ду́хом, о́тче, провозвести́л еси́ Боже́ственная твоя́ словеса́.

Макси́ме всехва́льне, кто по достоя́нию возмо́жет восхвали́ти/ кро́ткий твой взор и медото́чныя твоя́ глаго́лы?/ Язы́к твой бысть трость кни́жника, Ду́хом Святы́м подвиза́емь/ Мно́гих бо привлече́ к ве́ре, мно́жайших же к покая́нию.

Богоро́дичен: И́же от не су́щих вся́ческая Божество́м содева́я, роди́ся из Тебе́, Богома́ти,/ мир просвеща́я све́тлыми заря́ми Боже́ственными и Богоразу́мия светлостьми́.

Песнь 5

Ирмо́с: Ты, Го́споди, мой Свет,/ в мир прише́л еси́,/ Свет Святы́й, обраща́яй из мра́чна неве́дения/ ве́рою воспева́ющия Тя.

Самово́льне оста́вив, о́тче наш Макси́ме,/ вся сла́вная, и сро́дная, и подру́жная, по глаго́лу Ева́нгельскому/ Христу́ Бо́гу после́довал еси́/ и стра́нствовати изво́лил еси́.

Тле́нная оста́вль, треблаже́нне, нетле́нная восприя́л еси́,/ насыща́яся све́том Боже́ственныя све́тлости/ в дво́рех Го́спода своего́, Макси́ме прему́дре.

Лю́дие твои́, о о́тче, и ча́да, Ду́хом Святы́м порожде́нна,/ плаче́вная отве́ргше, ра́достная тебе́ воспева́ют пе́ния, вопию́ще:/ не оста́ви нас, свя́те, в ра́дости Го́спода твоего́,/ моля́ Его́ о душа́х на́ших.

Богоро́дичен: Вы́ше Тебе́ глас ра́достен возопи́ А́нгел, Богоро́дице,/ неизрече́нное Влады́ки возвеща́я Тебе́ зача́тие.

Песнь 6

Ирмо́с: Пожру́ Ти со гла́сом хвале́ния, Го́споди,/ Це́рковь вопие́т Ти,/ от бесо́вския кро́ве очи́щшися/ ра́ди ми́лости от ребр Твои́х/ исте́кшею Кро́вию.

Я́ко ши́пок в те́рнии, преподо́бне Макси́ме, во иноплеме́нных возра́сл еси́,/ ве́ру же и чистоту́ тве́рдо соблю́л еси́,/ и по ве́ре чи́стаго се́рдца твоего́ вседомо́вно преселя́ет тебе́ Бог в зе́млю люде́й твои́х,/ я́коже иногда́ Авраа́ма в зе́млю обетова́ния.

Хору́гвь Христо́ва, христиа́ном похвала́, о́тче наш Макси́ме, взыва́я,/ ю́же нося́, ничи́мже, по апо́столу, хвали́лся еси́,/ то́чию кресто́м Го́спода на́шего Иису́са Христа́.

О, прему́драго твоего́ ра́зума, всехва́льне святи́телю,/ ка́ко утаи́вся всех свои́х си,/ и посреде́ мяте́жа и молвы́, крест взем, после́довал еси́ Христу́.

Богоро́дичен: Тя Еди́ну посреде́ те́рния обре́т,/ я́ко пречестны́й крин и удо́лия цвет, о Богома́ти,/ Жени́х – Сло́во,– из утро́бы Твоея́ про́йде.

Конда́к, глас 2.

Подо́бен: В Вы́шних ища́:

Крест взем, мно́гия ско́рби и изгна́ния подъя́л еси́,/ святи́телю Макси́ме всеосвяще́нне,/ оте́чества твоего́ и Бо́гом вруче́ннаго ста́да лиша́емь,/ вся бо до́блественне терпе́л еси́,/ душе́внаго ра́ди твоего́ просвеще́ния.

И́кос:

Кто от земны́х похвали́ти возмо́жет Бо́гом просла́вленнаго,/ мы же ра́достными гла́сы, а́ки ве́твьми, сия́ тебе́, о́тче, сыно́вне глаго́лем:/ ра́дуйся, благочести́ваго ко́рене о́трасль;/ ра́дуйся, благоуха́нный цве́те, прозя́бший на ни́ве чи́стаго жития́ твоего́./ Ра́дуйся, до́блественнаго воздержа́ния сокро́вище;/ ра́дуйся, я́ко ца́рство земно́е оста́вив, воево́да Царя́ Христа́ был еси́./ Ра́дуйся, я́ко мно́гия труды́ и беды́ подъя́л еси́;/ ра́дуйся, я́ко слеза́ми твои́ми мно́гих удиви́л еси́, путь покая́ния показа́вый./ Ра́дуйся, я́ко мно́гая ча́да Ду́хом Святы́м породи́л еси́;/ ра́дуйся, я́ко крин, во юдо́ли процве́л еси́./ Ра́дуйся, Макси́ме преблаже́нне, душе́вное просвеще́ние.

Песнь 7

Ирмо́с: В пе́щи Авраа́мстии о́троцы перси́дстей,/ любо́вию благоче́стия па́че,/ не́жели пла́менем, опаля́еми, взыва́ху:/ благослове́н еси́ в хра́ме сла́вы Твоея́, Го́споди.

Ра́дул воево́да, благоче́стия испо́лнь, ра́достно Бо́га похваля́ше,/ я́ко прия́т о́трасль благочести́ваго ко́рене,/ па́че же Бо́жие оби́телище и цвет чистоты́./ Те́мже и вопия́ше:/ благослове́н Бог оте́ц на́ших.

Госпо́дь даде́, Госпо́дь отъя́т,-/ по Ио́ву, Бо́га благодаря́, глаго́лал еси́, свяще́нне Макси́ме,/ хва́льнаго воспева́я Бо́га и препросла́вленнаго.

Возду́х у́бо освяти́ся благово́нием моще́й твои́х, Макси́ме, Христо́в святи́телю,/ Це́рковь же, веселя́щися, вопие́т:/ благослове́н Бог оте́ц на́ших.

Богоро́дичен: И́стинную Богоро́дицу испове́дающе Тя,/ я́ко А́нгел, ра́дуйся, ве́рою вопие́м Ти:/ еди́на бо Ра́дость родила́ еси́, Обра́дованная и при́сно Благослове́нная.

Песнь 8

Ирмо́с: Ру́це распросте́р, Дании́л/ львов зия́ния в ро́ве затче́,/ о́гненную же си́лу угаси́ша,/ доброде́телию препоя́савшеся,/ благоче́стия рачи́тели, о́троцы, взыва́юще:/ благослови́те, вся дела́ Госпо́дня, Го́спода.

Усе́рдно взем крест и Христу́ после́довав, Макси́ме преблаже́нне,/ ско́рби мно́ги и изгна́ния претерпе́л еси́, вопия́:/ благослови́те, вся дела́ Госпо́дня, Го́спода.

Ца́рский цвет цвете́т Це́ркви, Крест и́стинный,/ ты же, сего́ взем, святи́телю Макси́ме досточу́дне,/ ца́рским путе́м поте́кл еси́, вопия́:/ благослови́те, вся дела́ Госпо́дня, Го́спода.

Отре́щся сою́за мирска́го, связа́л еси́ себе́ любо́вию Бо́жиею:/ и́го бо взем, яре́м Христо́в, и, той нося́, взыва́л еси́:/ благослови́те, вся дела́ Госпо́дня, Го́спода.

Богоро́дичен: Неи́стовства злотворя́щих не устраши́лся еси́, Боже́ственный Макси́ме,/ Вы́шняго бо си́ла, из Де́вы возсия́вшаго, всеору́жием кре́стным тя оде́я, вопи́ти:/ благослови́те, вся дела́ Госпо́дня, Го́спода.

Песнь 9

Ирмо́с: Ка́мень нерукосе́чный/ от несеко́мыя Горы́, Тебе́, Де́во,/ краеуго́льный отсече́ся, Христо́с,/ совокупи́вый разстоя́щаяся естества́./ Тем, веселя́щеся, Тя, Богоро́дице, велича́ем.

Кра́сно у́бо Це́рковь весели́тся в па́мяти твое́й, о святи́телю треблаже́нне Макси́ме!/ Се́рбстии же лю́дие стека́ются, пра́зднственная тебе́ принося́ще,/ восхваля́юще Христа́, тебе́ просла́вльшаго.

В печа́ли, о́тче, оста́вил еси́ Боголюбе́зная твоя́ ча́да,/ в ра́дость же душе́вную претвори́л еси́ ве́рных мно́жества явле́нием благово́нных моще́й твои́х./ Те́мже и похва́льная тебе́ прино́сят наро́да твоего́ собра́ния.

И́хже о́ко не ви́де, и у́хо не слы́ша,/ и на се́рдце челове́ку не взыдо́ша,/ такова́я, о́тче, от Бо́га получи́л еси́ блага́я,/ сих наслажда́яся, моли́ о ста́де твое́м, е́же к Бо́гу собра́л еси́,/ и о лю́дех твои́х, восхваля́ющих тя,/ греха́ изба́витися и сподо́битися ра́дости и весе́лия ве́чнаго.

Богоро́дичен: В ра́дость Богоро́дицы водрузи́л еси́ оби́тель кра́сную,/ в не́йже ча́да твоя́ Боголюби́вая, обстоя́ще ра́ку твою́ честну́ю, святи́телю Макси́ме преблаже́нне,/ воспева́ют Го́спода, Де́ву ублажа́юще.

Свети́лен,

Подо́бен: Ду́хом во святи́лищи:

Ду́хом просвеща́еми, святи́телие треблаже́ннии,/ озаря́ете сердца́ и ду́ши на́ша, воспева́ющих ва́шу све́тлую па́мять,/ Афана́сие прему́дре, и Кири́лле преблаже́нне, и Макси́ме досточу́дне.

Сла́ва:

Тро́ицы пропове́дника,/ па́стыря до́блественнаго,/ прему́драго Макси́ма восхва́лим согла́сно.

И ны́не, Богоро́дичен:

Со дерзнове́нием глаго́лати Богоро́дицу и Сей покланя́тися вои́стинну/ ве́рных научи́л еси́, Макси́ме всеблаже́нне.

На хвали́тех стихи́ры самогла́сны, глас 1:

Стефа́н, вене́ц добро́ты и красота́ Це́ркве,/ преподо́бная же Ангели́на, лоза́ честна́я,/ породи́ста ро́ждие виногра́да спасе́ннаго,/ Макси́ма свяще́ннаго,/ от ни́хже источа́ется нам весе́лие душе́вное,/ и́хже моли́твами, Бо́же,/ спаси́ ду́ши на́ша, я́ко Милосе́рд.

Возве́д о́ко душе́вное к Небеси́/ и ум впери́в к Бо́гу,/ пренебре́гл еси́ вся су́етная;/ лице́ же свое́ слеза́ми умыва́я,/ преподо́бне о́тче наш Макси́ме,/ ду́шу свою́ чи́сту предста́вил еси́ Христу́ Бо́гу.

Днесь красу́ется Христо́ва Це́рковь/ в па́мяти треблаже́ннаго отца́ Макси́ма,/ днесь обстоя́ще ра́ку твою́ Боголюби́вая твоя́ ча́да,/ Ду́хом Святы́м порожде́нное твое́ ста́до,/ и хва́ляще тя, вопию́т:/ ди́вен Бог во святы́х Свои́х,/ в Це́рквах благослови́м Тя, Го́споди.

Сла́ва глас 3:

Вели́кия И́стины тру́бы,/ многострада́льных Афана́сия, и Макси́ма,/ и Кири́лла, све́тла пропове́дника,/ восхвали́ти стеце́мся, вси ве́рнии, единоплеме́ннии,/ ти́и бо нас созыва́ют к трапе́зе духо́вней,/ взы́дем у́бо на сие́ све́тлое торжество́ церко́вное/ и почти́м до́брыя па́стыри пе́сньми,/ восхва́лим их свяще́нныя труды́,/ я́ко да моли́твами их прии́мем от Христа́ Бо́га/ проще́ние грехо́в и ве́лию ми́лость.

И ны́не, Богоро́дичен:

Неве́стница светоно́сная и чи́стая,/ Де́во, бы́вши Бо́гу,/ воспева́ем Тя любо́вию и блажи́м,/ я́ко да святи́теля Макси́ма моли́твами/ спасе́ши ду́ши на́ша.

Славосло́вие вели́кое и отпу́ст.

НА ЛИТУРГИ́И

Блаже́нны от кано́на пе́сни 3-я и 6-я. Проки́мен, глас 7: Восхва́лятся преподо́бнии во сла́ве/ и возра́дуются на ло́жах свои́х. Стих: Воспо́йте Го́сподеви песнь но́ву, хвале́ние Его́ в це́ркви преподо́бных. Апо́стол ко Евре́ем, зача́ло 334. Аллилу́ия, глас 2: Свяще́нницы Твои́ облеку́тся в пра́вду, и преподо́бнии Твои́ возра́дуются. Ева́нгелие от Матфе́я, зача́ло 11. Прича́стен: Ра́дуйтеся, пра́веднии:

Святитель Максим Новый, архиепископ Влахозапланинский, в миру Георгий, жил в XV – начале XVI в. Он был старшим сыном сербского деспота (правителя) святого Стефана Бранковича и его супруги блаженной Ангелины (память 10 декабря). С раннего детства Георгий испытал тяжелую судьбу изгнанника: его отец с женой и тремя детьми вынужден был покинуть родину, захваченную турками, в 1457 году. Живя среди иноплеменников, юный Георгий сохранил в чистоте отеческую веру, «явился премудр и богоугоден».

После смерти отца сыновья святого Стефана, Георгий и Иоанн, не получили в наследство никаких владений, а только титулы сербских деспотов. Семья Бранковичей поселилась в Куликово, на реке Саве близ Срема (область в Славонии между Дунаем и Нижней Савой). Когда умер правящий деспот Вулк Бранкович, племянник праведной Ангелины, власть деспота по старшинству перешла к Георгию, но вскоре он отказался от нее в пользу младшего брата блаженного Иоанна (память 10 декабря) и принял монашество с именем Максим.

Инок Максим с любовью предался монашеским подвигам. В то время в Среме не хватало священнослужителей, и святой Максим, заботясь о просвещении сербов, пригласил Софийского митрополита Левита, который рукоположил его и многих других в священнический сан.

Турки часто разоряли сербские города и уводили их жителей в плен. Избегая опасности, святые Максим и Иоанн укрылись в местечке Беркасово. В 1503 году, после смерти блаженного Иоанна, святой Максим отплыл по Дунаю в Угровлахию (румынское княжество), где с любовью был принят румынским воеводой Радулом IV.

Через некоторое время святой Максим был хиротонисан в архиепископа Влахозапланинского. Кроткий, смиренный и милосердный святитель Максим был для своей паствы благим примером слезного покаяния. Исполняя заповеди Божий о любви и миротворчестве, он склонил к братскому союзу враждовавших воевод – влахозапланинского Радула и молдовлахийского Богдана и тем предотвратил кровопролитие.

После смерти Радула (1508 г.) воеводой стал Михна I, человек жестокий и более склонный угождать турецкому султану, чем защищать интересы своего народа. Святитель Максим вынужден был уехать в Срем. Вдали от своей паствы, в дни изгнаний, тяжесть которых он познал с детства, святой Максим никогда не роптал, но все терпел ради пользы душевной и всегда благодарил Господа за посылаемые ему испытания. Святитель Максим поселился в основанном им монастыре Крушедол.

Когда Михна открыто принял ислам, народ сверг его с престола и святитель Максим вернулся к своей пастве. В благодарность за избавление от правителя-мусульманина он построил два монастыря. Много потрудился святитель, устрояя церкви и насаждая благочестие. Он помогал обездоленным, вразумлял заблудших, приводил к покаянию согрешивших, утверждал в вере малодушных и отступивших от Церкви Христовой.

Перед смертью святитель Максим вернулся в Крушедол, где 18 января 1516 года мирно преставился ко Господу. Святитель Максим был погребен вместе со своим отцом, святым Стефаном, и братом, блаженным Иоанном, в Крушедольской церкви в честь Благовещения Пресвятой Богородицы.

Тропарь, глас 1:

Боже́ственною благода́тию просвети́вся,/ и по сме́рти да́руеши исцеле́ния притека́ющим к тебе́, прему́дре Афана́сие,/ те́мже и мы ны́не чтим честны́х моще́й твои́х явле́ние,/ веселя́щее вку́пе ду́ши и телеса́./ Тем вси вопие́м:/ сла́ва Да́вшему ти кре́пость,/ сла́ва Венча́вшему тя,/ сла́ва Де́йствующему тобо́ю всем исцеле́ния.

Преподобный Афанасий Наволоцкий подвизался не позднее начала ХVII века. Он пришел из Каргопольских пределов в Олонецкую землю, где основал монастырь в 78 верстах от возникшего позже Петрозаводска. Скончался святой близ Верхоледской Слободки, близ Шенкурска.