Источник

2/15 Сретение* Господа нашего Иисуса Христа.

Тропарь празднику, глас 1

Ра́дуйся, Благода́тная Богоро́дице Де́во,/ из Тебе́ бо возсия́ Со́лнце Пра́вды, Христо́с Бог наш,/ просвеща́яй су́щия во тьме./ Весели́ся и ты, ста́рче пра́ведный,/ прие́мый во объя́тия Свободи́теля душ на́ших,/ да́рующаго нам воскресе́ние.

Кондак, глас тойже

Утро́бу Деви́чу освяти́вый Рождество́м Твои́м/ и ру́це Симео́не благослови́вый,/ я́коже подоба́ше, предвари́в,/ и ны́не спасл еси́ нас, Христе́ Бо́же,/ но умири́ во бране́х жи́тельство/ и укрепи́ лю́ди, и́хже возлюби́л еси́, еди́не Человеколю́бче42.

Величание празднику

Велича́ем тя,/ Живода́вче Христе́,/ и чтим Пречи́стую Ма́терь Твою́,/ Е́юже по зако́ну ны́не/ прене́слся еси́ в храм Госпо́день.

* * *

42

В кондаке на Сретение Господне Церковь воспоминает избавление от бед, постигших Восточную Церковь и по милости Божией прекратившихся при императоре Юстиниане.


Источник: Полный тропарион : Тропари, кондаки и величания на праздники Господни, Богородичны, святых угодников Божиих и икон Божией Матери на каждый день года / [Сост.: Т. С. Олейникова]. - М. : Ставрос (Тип. АО Мол. гвардия), 2003-. / Кн. 1. 2003. – 429 с.

Комментарии для сайта Cackle