Ве́тхий Заве́т:
Быт.
Исх.
Лев.
Чис.
Втор.
Нав.
Суд.
Руф.
1Цар.
2Цар.
3Цар.
4Цар.
1Пар.
2Пар.
1Езд.
Неем.
2Езд.
Тов.
Иудиф.
Есф.
Иов.
Пс.
Притч.
Еккл.
Песн.
Прем.
Сир.
Ис.
Иер.
Плч.
ПослИер.
Вар.
Иез.
Дан.
Ос.
Иоил.
Ам.
Авд.
Ион.
Мих.
Наум.
Авв.
Соф.
Аг.
Зах.
Мал.
1Мак.
2Мак.
3Мак.
3Ездр.
Но́вый Заве́т: Мф. Мк. Лк. Ин. Деян. Иак. 1Пет. 2Пет. 1Ин. 2Ин. 3Ин. Иуд. Рим. 1Кор. 2Кор. Гал. Еф. Флп. Кол. 1Фес. 2Фес. 1Тим. 2Тим. Тит. Флм. Евр. Откр.
Но́вый Заве́т: Мф. Мк. Лк. Ин. Деян. Иак. 1Пет. 2Пет. 1Ин. 2Ин. 3Ин. Иуд. Рим. 1Кор. 2Кор. Гал. Еф. Флп. Кол. 1Фес. 2Фес. 1Тим. 2Тим. Тит. Флм. Евр. Откр.
Скрыть
3:1
3:2
3:3
3:4
3:6
3:7
3:10
3:12
3:14
3:15
3:18
3:19
3:20
3:21
3:22
3:24
3:25
3:26
3:27
3:28
3:29
3:30
3:31
3:32
3:33
3:34
3:35
3:36
Церковнослав. (рус. дореф.)
Языки
- Добавить язык
- Церковнослав. (цс)
- Рус. (Синодальный)
- Bulgarian
- Georgian
Лѣ́та тридеся́таго от разоре́нiя гра́да, бѣ́хъ въ Вавило́нѣ и смято́хся на одрѣ́ мое́мъ лежа́щь, и помышле́нiя моя́ восхожда́ху на се́рдце мое́,
поне́же ви́дѣхъ опустѣ́нiе Сiо́на и изоби́лiе ве́лiе живу́щихъ въ Вавило́нѣ.
[Того́ ра́ди] смути́ся ду́хъ мо́й зѣло́, и нача́хъ умиле́нными словесы́ глаго́лати къ вы́шнему
и реко́хъ: О, Влады́ко Го́споди! ты́ [са́мъ] ре́клъ еси́ от нача́ла, егда́ созда́лъ еси́ зе́млю, и сiе́ еди́нъ, и повелѣ́лъ еси́ лю́демъ,
и да́лъ еси́ Ада́му пло́ть ме́ртвену, но и сiя́ бя́ше дѣ́ло ру́къ твои́хъ, и вдохну́лъ еси́ въ него́ ду́хъ жи́зни, и бы́сть жи́въ предъ тобо́ю:
и вве́лъ еси́ его́ въ ра́й, его́же насади́ десни́ца твоя́, пре́жде не́же прозябе́ земля́:
и завѣща́лъ еси́ ему́ сохрани́ти за́повѣдь твою́, и преступи́ ю́, и а́бiе пре́далъ еси́ его́ сме́рти и ро́дъ его́, и роди́шася язы́цы и племена́, и лю́дiе и наро́ди, и́мже нѣ́сть числа́:
и хожда́ше кі́йждо наро́дъ по по́хотемъ свои́мъ, и ди́вная дѣ́лаша предъ тобо́ю, и презира́ша за́повѣди твоя́:
па́ки же во вре́мя наве́лъ еси́ на ни́хъ пото́пъ и потреби́лъ еси́ живу́щихъ на земли́,
и бы́сть коему́ждо и́хъ, я́коже Ада́му умре́ти, та́ко си́мъ пото́пъ:
оста́вилъ же еси́ еди́наго от ни́хъ но́я съ до́момъ его́, изъ него́же [роди́шася] вси́ пра́веднiи:
и бы́сть, егда́ нача́ша мно́житися живу́щiи на земли́, и умно́жиша сы́ны и лю́ди и язы́ки мно́ги, и нача́ша па́ки нече́стiе твори́ти мно́жае пре́жнихъ:
и бы́сть, егда́ беззако́нiе творя́ху предъ тобо́ю, избра́лъ еси́ себѣ́ му́жа от си́хъ, ему́же и́мя бѣ́ Авраа́мъ,
и возлюби́лъ еси́ его́, и показа́лъ еси́ ему́ еди́ному хотѣ́нiе твое́,
и положи́лъ еси́ ему́ завѣ́тъ вѣ́чный, и ре́клъ еси́ ему́, я́ко никогда́ оста́виши сѣ́мене его́, и да́лъ еси́ ему́ Исаа́ка, Исаа́ку же да́лъ еси́ Иа́кова и Иса́ва:
и избра́лъ еси́ себѣ́ Иа́кова, Иса́ва же отри́нулъ еси́, и размно́жися Иа́ковъ во мно́жество ве́лiе:
и бы́сть, егда́ изве́лъ еси́ изъ Еги́пта сѣ́мя его́, приве́лъ еси́ къ горѣ́ сина́йстѣй,
и преклони́лъ еси́ небеса́, и уста́вилъ еси́ зе́млю, и поколеба́лъ еси́ вселе́нную, и трепета́ти сотвори́лъ еси́ бе́здны, и возмути́лъ еси́ мíръ,
и про́йде сла́ва твоя́ враты́ четы́рьми, огне́мъ и земны́мъ трясе́нiемъ, и вѣ́тромъ и мра́зомъ, да да́си зако́нъ сѣ́мени Иа́ковлю и ро́ду Изра́илеву прилѣжа́нiе:
и не отъя́лъ еси́ от ни́хъ се́рдца лука́ваго, да зако́нъ тво́й сотвори́тъ въ ни́хъ пло́дъ:
се́рдце бо лука́во нося́ пе́рвый Ада́мъ, преступи́ и побѣжде́нъ бы́сть, и та́ко вси́, и́же от него́ роди́шася:
и пребыва́ше не́мощь и зако́нъ съ се́рдцемъ человѣ́ческимъ, съ лука́встомъ ко́рене, и преста́ благо́е, и наста́ зло́е:
и преидо́ша времена́, и сконча́шася лѣ́та, и воздви́глъ еси́ себѣ́ раба́ и́менемъ дави́да,
и повелѣ́лъ еси́ ему́ созда́ти гра́дъ и́мени твоему́ и приноси́ти въ не́мъ тебѣ́ ѳимiа́мъ и же́ртвы:
и бы́сть сiе́ чрезъ мно́га лѣ́та, и согрѣши́ша живу́щiи въ то́мъ гра́дѣ,
во всѣ́хъ творя́ще, я́коже сотвори́ Ада́мъ и вси́ ро́дове его́, поне́же и са́ми бы́ша се́рдцемъ лука́ви,
и того́ ра́ди гра́дъ тво́й пре́далъ еси́ въ ру́ки враго́въ твои́хъ:
еда́ лу́чшая творя́тъ, и́же обита́ютъ въ Вавило́нѣ, и того́ ра́ди владѣ́ютъ Сiо́номъ?
и бы́сть егда́ прiидо́хъ сѣ́мо и ви́дѣхъ нече́стiя, и́мже нѣ́сть числа́, и мно́гихъ согрѣша́ющихъ ви́дѣ душа́ моя́ въ сiе́ тридеся́тое лѣ́то, и ужасе́ся се́рдце мое́,
поне́же ви́дѣхъ, ка́ко терпи́ши согрѣша́ющымъ и пощади́лъ еси́ нече́ствующихъ и погуби́лъ еси́ лю́ди твоя́, сохрани́лъ же еси́ враги́ твоя́ и не возвѣсти́лъ еси́ [ни кому́же]:
вои́стинну не вѣ́мъ, ка́ко сiя́ уразумѣ́ти и́мамъ? еда́ су́ть дѣла́ лу́чшая вавило́нская, не́жели Сiо́нская?
еда́ позна́ша тебе́ и́нiи язы́цы кромѣ́ Изра́иля? или́ ка́я племена́ вѣ́роваша свидѣ́ниемъ твои́мъ, я́коже Иа́ковъ?
и́хже мзда́ не яви́ся, ниже́ тру́дъ и́хъ твори́тъ плода́, поне́же прохожда́я проидо́хъ посредѣ́ язы́къ и ви́дѣхъ я́ процвѣта́ющя и не по́мнящыя повелѣ́нiй твои́хъ:
ны́нѣ у́бо измѣ́ри на мѣ́рилѣхъ непра́вды на́шя и живу́щихъ на земли́, и нигдѣ́ обря́щется и́мя твое́, то́кмо во Изра́или:
и когда́ не согрѣши́ша предъ тобо́ю живу́щiи на земли́? или́ кі́й язы́къ та́ко сохрани́лъ за́повѣди твоя́?
си́хъ у́бо по имено́мъ обря́щеши сохрани́вшихъ повелѣ́нiя твоя́, язы́ковъ же не обря́щеши.