Главная » Алфавитный раздел » Присоединение к Православной Церкви
Распечатать

Чин присоединения римо-католиков

AAA
(1 голос5.0 из 5)

Каноническая справка

Не существует единой для всей Церкви практики чиноприема латинян. На святой горе Афон они принимаются чрез таинство Крещения, как искажающие учение о Святой Троице. В Русской Церкви такая же практика существовала до Московского Собора 1666–1667 гг., постановившего принимать их через Миропомазание. Однако, в XVIII веке решением Синода было постановлено принимать этих еретиков чрез таинство Покаяния. Сейчас в Русской Церкви также не существует единообразия в принятии латинян (учение которых претерпело кардинальные перемены по сравнению с XIX веком в сторону удаления от Евангелия) и для уяснения того, как должно присоединять еретика, следует обращаться к правящему епископу.

 

ЧИНОПОСЛЕДОВАНIЕ

Архiерей или iерей, приходящаго да испытаетъ, како разумеетъ ученiе Римско-Латинскiя церкве: таже покажетъ ему отличiе онаго отъ ученiя Православныя Церкве.

По довольнемъ же испытанiи и наставленiи, повелитъ ему исповедати вся грехи, елики отъ юности своея памятствуетъ. Разрешенiя, по исповеди, не подаетъ ему. Въ часъ же присоединенiя поставляетъ его при входе въ церковь. Архiерей, одеянъ въ мантiю, епiтрахiль, омофоръ и мiтру, или iерей, одеянный въ епiтрахiль и фелонь, станетъ близь церковныхъ дверей, и желающаго быти православнымъ хрiстiаниномъ вопрошаетъ:

Хощеши ли отрещися отъ погрешенiй и неправостей римско-латинскаго исповеданiя ?

Ответъ: Хощу.

Вопрошенiе: Хощеши ли прiити въ соединенiе веры православно-кафолическiя?

Ответъ: Хощу.

Тогда предстоятель благословляетъ его, глаголя:

Во имя Отца, и Сына, и Святаго Духа, Аминь.

И возложивъ руку на приклоненную главу его, дiакону рекшу: Господу помолимся, и клиру: Господи, помилуй, чтет молитву сiю:

Господи Боже истины, призри на раба Твоего (имя рекъ), ищущаго прибегнути ко святей Твоей православней Церкви и подъ кровомъ Ея сохранитися. Обрати его отъ заблужденiя прежняго пути его ко истинней яже въ Тя вере, и подаждь ему благодать, еже ходити въ заповедехъ Твоихъ. Да будутъ очи Твои взирающе на него милостiю выну, и уши твои, еже слышати гласъ моленiя его, и тако да сопричтится ко избранному Твоему стаду. Тя бо поютъ вся силы небесныя, и Твоя есть слава, Отца и Сына и Святаго Духа, во веки вековъ. Аминь.

По молитве сей, вопрошаетъ прiемлимаго:

Отрицаешися ли неправаго ученiя, аки бы для изображенiя догмата о исхожденiи Святаго Духа не довлеетъ Самаго Христа Спасителя изреченiе: Иже отъ Отца исходитъ, и аки бы потребно к сему слову Христову прибавленiе: и отъ Сына?

Ответъ: Отрицаюся.

Вопросъ: Отрицаешися ли неправаго мненiя, аки бы не довлеетъ исповедати Главою Вселенскiя Церкве Господа нашего Iисуса Христа, и аки бы глава всея Церкве есть римскiй епископъ?

Ответъ: Отрицаюся.

Вопросъ: Отрицаешися ли неправаго мненiя, аки бы святiи апостоли не равную власть духовную получиша от Господа нашего Iисуса Христа, но княземъ ихъ бяше святый апостолъ Петръ, и аки бы единъ римскiй епископъ есть преемникъ его, и аки бы не суть равни римскому епископу преемницы апостольстiи , епископи иерусалимскiй, антиохiйскiй, александрiйскiй и друзiи?

Ответъ: Отрицаюсь.

Вопросъ: Отступаеши ли отъ согласiя съ теми, иже римскаго папу мнятъ вышша быти Вселенскихъ Соборовъ и непогрешима?

Ответъ: Отступаю отъ таковаго мненiя.

Вопросъ: Отрицаешися ли прочихъ ученiй латинскаго вероисповеданiя, древнихъ и новыхъ, яже слову Божию, истинному Преданiю Церковному и определенiямъ Седми вселенскихъ Соборов противна суть?

Ответъ: Отрицаюся.

Вопросъ: Желаеши ли убо соединитися Святей, Православней, Кафоличестей, Восточней Церкви?

Ответъ: Желаю отъ всего моего сердца.

Вопросъ: Веруеши ли, и како, во Единаго Бога, въ Троице славимаго, и поклоняешися ли Ему?

Ответъ: Верую во Единаго Бога, въ Троице славимаго, Отца и Сына и Святаго Духа, и покланяюся Ему.

И сотворивъ земной поклонъ, чтетъ символъ веры.

Посемъ предстоятель глаголетъ:

Благословенъ Богъ, просвещаяй всякаго человека, грядущаго въ мiръ.

И присоединяемого вопрошает:

Правила апостольскiя и на седми Вселенскихъ и девяти Поместныхъ Соборехъ утвержденныя, и прочая Православныя Церкве преданiя и уставы прiемлеши ли?

Ответъ: Прiемлю.

Вопросъ: Исповедуеши ли, яко книги Божественнаго Писанiя, по разуменiю, еже содержитъ Православная Церковь, прiимати и толковати подобает?

Ответъ: Прiемлю и изъявляю, яко тако надлежитъ быти.

Вопросъ: Веруеши ли, яко душамъ преставльшихся не огнь чистилищный что пользуетъ, иже не существуетъ, но великую ослабу и отраду приносятъ милостыни и молитвы за нихъ, наипаче же Бескровная Жертва?

Ответъ: Верую и прiемлю.

Вопросъ: Исповедуеши ли, яко Церкви Православно-Кафоличестей Глава есть Господь нашъ Iисусъ Христосъ, и поставляемымъ отъ Духа Святаго пастыремъ обещаеши ли нелицемерное послушанiе?

Ответъ: Исповедую, и пастыремъ Церкве Православныя повиноватися обещаю.

Посемъ предстоятель подаетъ присоединяемому конецъ омофора, аще святитель, или конецъ епитрахили, аще иерей, и глаголетъ:

Вниди въ Церковь Православную, и совершенно отринув заблуждениiя, въ нихже былъ еси, чти Отца Вседержителя, Сына Его Iисуса Христа, и Духа Святаго, иже отъ Отца исходитъ, Троицу единосущную и нераздельную.

И тако введъ, поставляетъ его предъ амвономъ, идеже на столе положени суть Крестъ и Евангелiе. Идущимъ же имъ, поется псаломъ 66:

Боже, ущедри ны и благослови ны, просвети лице Твое на ны и помилуй ны: познати на земли путь Твой, во всехъ языцехъ спасенiе Твое. Да исповедятся Тебе людiе, Боже: да исповедятся Тебе людiе вси. Да возвеселятся и да возрадуются языцы: яко судиши людемъ правостiю и языки на земли наставиши. Да исповедятся Тебе людiе, Боже, да исповедятся Тебе людiе вси. Земля даде плодъ свой: благослови ны, Боже Боже нашъ, благослови ны, Боже: и да убоятся Его вси концы земли.

Таже предстоятель повелитъ ему колена преклонити и глаголетъ самъ стихи сiя:

Посли Духъ Твой, и созиждутся, и обновиши лице Земли.

Спаси раба Твоего, Боже мой, уповающаго на Тя.

Буди ему, Господи, столпъ крепости отъ лица вражiя.

Господи, услыши молитву мою, и вопль мой къ Тебе да приидетъ.

По изглаголанiи, дiакону рекшу: Господу помолимся, и клиру:

Господи, помилуй, чтетъ со умиленiем молитву сiю:

Господи Боже Вседержителю, согрешающимъ образы покаянiя предлагаяй и заблуждшимъ путь правый показуяй, во еже бы ни единому погибнути, но всемъ мощно бе спастися. Благодаримъ Тя, яко и сему рабу Твоему (имя рекъ) возсиялъ еси светъ познанiя Твоея истины, и сподобилъ еси его ко святей Твоей Православно-Кафоличестей Церкви прибегнути. Даждь убо ему соединитися оней нелицемерно и невозвратно: сопричти его избранному Твоему стаду: сотвори его сосудъ честенъ и жилище Святаго Твоего Духа, яко да темъ всегда просвещаемъ и наставляемъ, спасительныя заповеди Твоя нерушимо соблюдетъ, и тако небесныхъ Твоихъ благихъ воспрiятiя сподобится. Ты бо еси Богъ милости и щедротъ и человеколюбiя, и Тебе славу возсылаемъ, Отцу и Сыну и Святому Духу, ныне и присно и во веки вековъ. Аминь.

По молитве повелеваетъ ему возстати, глаголя:

Стани добре, стани со страхомъ, и предъ Евангелiемъ и святымъ Крестомъ Спасителя утверди данное тобою обещанiе.

Он же, возставъ, речетъ:

Веру православно-кафолическую, юже ныне добровольне исповедую, целу и ненарушиму даже до конечнаго моего издыханiя, Богу содействующу, твердо содержати, и заповеди ея радетельно и радостно исполняти потщуся, соблюдая въ непорочности, елико мощно сердце мое. Во уверенiе сего моего обещанiя целую словеса и Крестъ Спасителя моего. Аминь.

По лобызанiи, предстоятель глаголетъ:

Благословенъ Богъ, хотяй всемъ человекомъ спастися и въ разумъ истины прiити, сый благословенъ во веки.

Клиръ: Аминь.

Посемъ глаголетъ:

Преклони колена Твоя предъ Господемъ Богомъ, егоже исповедалъ еси, и прiимеши оставленiе греховъ твоихъ.

Преклоншу ему колена и главу, предстоятель разрешаетъ его, глаголя сице:

Господь нашъ Iисусъ Христосъ, ключи царствiя небеснаго апостоломъ вручивый, и давый имъ и ихъ преемникомъ власть вязати и решити грехи человековъ, чрезъ мене, недостойнаго архiерея (iерея), прощаетъ тя, чадо (имя рекъ), и разрешаетъ отъ связанiя клятвеннаго или запрещенiя, и отъ всехъ греховъ Твоихъ. И азъ, данною мне отъ Него властiю, присоединяю тя ко православней Церкви и привожду ко общенiю божественныхъ Таинствъ церковныхъ, и благословляю тя Именемъ Отца и Сына и Святаго Духа. Аминь.

Посемъ присоединенный станетъ, ожидая мvропомазанiя (аще же присоединенъ по третьему чинопрiему, Причащенiя).

Рейтинг@Mail.ru