52. 1423 г. Чин избрания и поставления в епископы

Памятник этот отнесен к 1423 году на следующих положительных основаниях: а) указанная дата встречается в одном из старших списков его, в самом тексте (именно – в форме избирательного свитка; см. ниже, стр. 447, примеч. 7); б) содержащееся в III-м отделе чинопоследования («о малем знамении») Исповедание веры или клятвенное обещание поставляемого в епископы есть то самое, какое в 1424 г. произносил новгородский архиепископ Евфимий пред своим рукоположением (Акт. Археогр. Экспед. т. Ι, № 370). То же «Чинопоследование» издано было под 1456 г. в I т. Акт. Археогр. Экспед. № 375. Настоящее издание сделано по списку, находящемуся в «Мериле Праведном» Моск. Дух. Акад. XV в. № ¹⁸⁷ / ₅₇₈ , 312–325, – с той только отменой против подлинника, что чин избрания, стоящий в рукописи после чина поставления, перенесен на свое место, т.е. поставлен впереди. Основной список сравнен: 1) с текстом, изданным в Акт. Археогр. Экспед. (А); 2) с двумя списками, находящимися в волоколамском сборнике Моск. Дух. Акад. № ¹⁸⁴ / ₅₇₁ , л. 145 и сл. (с Исповеданием времен м-та Симона) и л. 170 сл. (Л); 3) со списком, помещенным в августов. книге Макариевских Миней-Четьих, стр. 1497 (М), и 4) в сборнике синод. библиотеки № 558, л. 166 и сл. (С).

Избрание епископское сице бывает: созывает ²¹⁵³ митрополит ²¹⁵⁴ всех епископов, елици то ²¹⁵⁵ суть под ним во всем пределе; аще ли же не мощно будет некоторому от них прийти к тому избранию на уреченный рок и день, или немощи великой ради, или паки некоей великой нужи належащи, юже имут все люди ведать, тот ²¹⁵⁶ посылает грамоту своей руки, да еже аще что створит собор ²¹⁵⁷ , или кого изберут собравшиеся боголюбивые епископы на поставление, то ²¹⁵⁸ и того же избрания держаться и неразлучну ²¹⁵⁹ быть своей братия, еже ²¹⁶⁰ аще что они здеют по преданию святых Апостолов и богоносных Отцов. Аще ли же кто ни болезни деля ²¹⁶¹ великие, или иные некоторые нужи великие, якоже рехом, останется и не приидет к таковому избранию, а ²¹⁶² своего святителя большего ослушается и братии своей отделится ²¹⁶³ , и дьявольскою гордостью объят будет и в непослушания ²¹⁶⁴ ров впадет ²¹⁶⁵ , с ²¹⁶⁶ князьями или некими властелями сплетется, отнимается, и обетов своих, ихже на ставлении ²¹⁶⁷ своем, порушает, такового божественного правила и закона Божьей церкви тужда и обнажена святительской чести и сана створяют, от ²¹⁶⁸ святительского числа и причта изгнан будет, занеже ²¹⁶⁹ сам отлучится от них. И ²¹⁷⁰ сия убо тако. Повсегда же собраться епископом в месте, идеже будет митрополит призывает ²¹⁷¹ к себе, и сед с ними наедине, лучшим его клирошано ту сущим токмо, и поведает им о вдовствующей епископии, яко потребно есть избрать такова, иже достоин, и приличен ²¹⁷² таковому делу; и указав, им и поучив я ²¹⁷³ , и благословив, и отпустит их. Онем же восставшим и поклоншемся ему, и исходят, и отходят в уреченное ²¹⁷⁴ место, в некий притвор или придел ²¹⁷⁵ церковный, и с ними книгохранитель или некий от больших клириков, и писатель митрополич с ними же; и тамо ставше пред иконой Христовой, возлагает епископ, иже есть большим степенем, епитрахиль ²¹⁷⁶ на себе, имея в руке ручную кадильницу и фимиам в ней, и кадит образ Спасов и иных Святых, потом епископы сущая от десной страны, даже – от левой страны, последи же паки образ Спасов. Таже ²¹⁷⁷ начинает сице: «Благословен Бог наш всегда и ныне и присно и во веки». Прочие же глаголют: «Царю небесный», «Святый Боже» трижды «Пресвятая Троице», «Отче наш». Почный же ²¹⁷⁸ святитель глаголет: «яко твое есть царство и сила». ²¹⁷⁹ Прочие же глаголют тропарь глас 8: «Благословен еси, Xристе Боже наш ²¹⁸⁰ иже премудрыя ловца явлей, послав им Дух Святый, и теми вселенную улови, Человеколюбче, слава тебе». «Слава и ныне», кондак глас 2 ²¹⁸¹ :"Егда сшед языки размеси ²¹⁸² , разделяше племена Вышний; егда же ²¹⁸³ огненные языки раздаяше, в совокупление вся призва, единогласно славить Пресвятый ²¹⁸⁴ Дух». Потом первый святитель глаголет: «Помилуй нас, Боже, по велицей милости твоей, молимтися, услыши и помилуй». Еще молимся о благоверных и богохранимых князьях ²¹⁸⁵ наших, державы, победы, пребывания, мира, здравия, спасения их, и Господу Богу нашему наипаче поспешить и направить их во всем, и покорить под нозе их всякого врага и борителя. ²¹⁸⁶ Еще молимся о благоверном и христолюбивом князе нашем, имярек. ²¹⁸⁷ Еще молимся о apxиепископе нашем, имярек. ²¹⁸⁸ Еще молимся о всем ²¹⁸⁹ еже о Христе священного братства нашего. Возглашение: «Яко милостив и человеколюбив Бог еси, и тебе славу воссылаем». Таже ²¹⁹⁰ : «Честнейшу херувим», «Слава и ныне», «Господи помилуй, Господи помилуй, Господи благослови». И aбие отпуст: «Иже в видении огненных языков пославый Пресвятой Дух на Апостолов и учеников своих, Христос истинный Бог наш, молитвами пречистой его Матери, честного и славного Пророка, Предтечи и Крестителя Иоанна, и Святого (егоже есть храм) и всех Святых помилует и спасет нас, яко благ и человеколюбец». Предстоящие же епископы рекут: «Да приимет Господь Бог моления наши и помилует, нас, яко благ и человеколюбец». И по молитве седшем ²¹⁹¹ токмо епископом, якоже предписахом ²¹⁹² , и ²¹⁹³ книгохранителю или некоему от больших и старейших клириков митрополичьих, и верному писарю, иному же никому же не сущу ту, ниже близ где, яко да не услышит глаголемая, и aбиe первый епископ начнет поведовать, аще где ²¹⁹⁴ кого весть достойна на таковое дело, потом паки ин такожде, по тому же и все епископы по ряду, много о том истязание сотворше, и елики ²¹⁹⁵ ту помянувше, от ²¹⁹⁶ всех имен оных три лучших избирают. Тогда книгохранитель повелевает ту сущему писцу ²¹⁹⁷ написать тех ²¹⁹⁸ трех имен ²¹⁹⁹ , ихже епископы избрали суть, когождо священноинока по имени; потом старейший епископ, иже иных председит степенем, тот ²²⁰⁰ запечатлеет таковой свиток, и вдадят его все книгохранителю, а сами вставше идут койждо, идеже почивает. ²²⁰¹ Книгохранитель же принес, даст его ²²⁰² митрополиту, и отступит. Он же вшед в обычное место, идеже молитву деет, и свиток убо запечатлен пред Спасовым образом положит, или пред Богородичным, сам же ²²⁰³ доволно помолится, паче же ²²⁰⁴ и с слезами, затворився сам един ²²⁰⁵ , потом же прия ²²⁰⁶ свиток, распечатав, отверзает ѝ, и тако смотрив написанные имена три, едино от них изберет, еже ²²⁰⁷ аще хочет.

Благовесте же бывает сице: приуготовлеют ²²⁰⁸ его в некоей церкви, опричь ²²⁰⁹ соборноя, идеже не ²²¹⁰ аще повелить святитель, и одевается тамо хотяй ставиться во все ризы священнические, и стоит в алтаре у царских дверей ²²¹¹ , лицом к востоку. Посланный же от святителя ²²¹² благовестить ему, вшед в церкви стоит, и аще кто ин с ним попов или диаконов. ²²¹³ А ²²¹⁴ он же стоя в алтаре, глаголет: «Благословен Бог наш всегда и… ». Стоящие же в церкви глаголют Трисвятое, «Пресвятая Троице», «Отце наш». Он же паки: «Яко твое есть царство». Они же тропарь егоже есть храм Святого ²²¹⁵ и дневный и ²²¹⁶ Богородичен. Он же стоя тамо в алтаре, творит ²²¹⁷ обычную молитву ²²¹⁸ : «Помилуй нас, Боже, по велицей милости твоей. Еще молимся о благоверном и ²²¹⁹ христолюбивом ²²²⁰ … Еще молимся ²²²¹ o apxиепископе нашем». Возглас ²²²² : «Яко милостив и человеколюбец Бог». Посем ²²²³ , обратився к царским дверям, творит ²²²⁴ отпуст по обычаю. Онем же поющим «многа лета» князю и митрополиту, и скончавшим, и тако мало из царских дверей выступит ставиться хотяй, и станет ²²²⁵ руки к персем приложив крестообразно под фелонем, главу мало преклонь; посланный же благовестить ему, пришед тамо ²²²⁶ на том месте, идеже коли Апостол чтец чтет ²²²⁷ , смотря к нему глаголет сице: «Пресвященный наш господин и владыка, митрополит киевский и всея Руси, имярек, и еже о нем божественный и священный сбор призывают твои святыни на епископство богоспасенного града», имярек. Хотяй же поставиться отвещавает сице: «Понеже пресвященный наш господин и владыка, митрополит киевский и всея Руси, имярек, и еже о нем божественный и священный собор судиша и мне достойно быть в таковую службу, благодарю и приимаю и нимала вопреки глаголю». И тако мало ниже поклонь главу, и возвращается в алтарь, и снимает с себя ризы, и исходит.

Егда же будет время, или того дни, или наутрие ²²²⁸ , или когда повелит митрополит, собираются епископы к митрополиту, елико их случится ту к тому ставлению приехать ²²²⁹ , и седе ²²³⁰ митрополит в ²²³¹ месте нареченом, ли в притворе церковном, ли на катехуменах ²²³² , еже есть полати, на своем столе; епископы же такожде сядут каждый на своих местах, по своему степени ²²³³ , в своих мантиях с источниками, якоже и ²²³⁴ митрополит. Потом приводит книгохранитель или архидиакон ставиться хотящего, и поставит ѝ на концы седалищ епископских, насреди: и ту ²²³⁵ стоя, преклониться до полу ²²³⁶ к митрополиту, и ²²³⁷ мало поступив, паки поклонится такожде, и ²²³⁸ пришед близ, третий поклон створяет. Митрополиту же седящу и посох в левой руке держащу, десную же руку простерту ниц на правом колене имущу, он же приступив и ²²³⁹ преклонься, целует правое колено святителя, таже ²²⁴⁰ руку на нем лежащую, потом десную страну лица; потом обратится к десной стране к епископам и целует в уста ²²⁴¹ , приступив от большого и до конца; потом же и к левой стране приступив ²²⁴² к епископам, такожде творит ²²⁴³ ; и мало отступив, паки поклонится, якоже преже. И тогда посадят его ниже епископов, на особном столце. И сим же деемом, приготовляется кациа, еже есть ручная кадильница ²²⁴⁴ , и фимиам, единым от диаконов, и внегда токмо святитель благословит абие, и фимиам такожде, и диакон убо кадит образ святой иконы, яже ту будет, потом, митрополита и десную страну епископов, потом, же левую страну. Певца ²²⁴⁵ же поют: «Преосвященному, имярек, митрополиту киевскому и всея Руси, многа лета». Потом вставше отходят койждо в свое.

Ведомо же буди, яко первое последование, бываемое о благовестии, и се паки целования ²²⁴⁶ , обоя преже литургия бывают, в 2-й час дня. ²²⁴⁷

В избрании же епископском написуют трех, ихже изберут, священноинок имена, и пишут в том свитке сице: «В лето… ²²⁴⁸ индикта… месяца имярек, и число дня имярек, повелением пресвященного, имярек, митрополита киевского и всея Руси, седоша боголюбивые епископы (имя реки их), имеюще с собой волю и хотение боголюбивых епископов русских, елицы не суть пришли (имя реки их), в всечестном храме пречистой Богородицы соборные, в богохранимом граде ²²⁴⁹ , имярек, и избраша в святейшую епископию, имярек (трех имена написуют). ²²⁵⁰

Чин и устав малого знамения сице бывает: в который день рассудит и повелит митрополит ²²⁵¹ , собираются епископы в второй час дня к церкви соборной и ждут времени. Уставления же готовить и уряжать, яже на потребу к таковому делу, уряжают сице: внутрь церкви, вшед в церковные врата, прямо амвона, и уготовают усходницу ²²⁵² , яже на се уряжена, и покрывают ее коврами, и верх ²²⁵³ сих поставляют престол митрополич, и сверху возголовие ²²⁵⁴ служебное; и усходница же она тремя степени взыти на ню; с десной же страны престола святительского поставляют княжий столец; пред усходницей же ниже степеней онех ²²⁵⁵ обапол поставляют столцев долгих ²²⁵⁶ , елико вместиться епископом сесть, елико их будет; подале же мало тех столов, насреди, ко амвону, на помосте церковном написует уметель орла единоглавного, крылья имея простерты, права стояща на ²²⁵⁷ ногах, под ногами же его град написать, и с заборолы ²²⁵⁸ и столпы, орлу же крепко ногами наступившу на столпах оных ²²⁵⁹ , и тако стрегут не ступить никомуже на нь. И сие убо тако. ²²⁶⁰ Митрополит же исходит из своей кельи и идет ²²⁶¹ к церкви, предыдущим пред ним чтецом в своих стихарях и свеченосцу с лампадой горящей святителевой, и клириком его всем воследующим ему; и вошед в церковь, восходит на уготованную ему восходницу и седает на своем престоле. И ударяют в колоколы. Священником же с диаконами благословящемся ²²⁶² у него, священники убо отходят в алтарь одеваться, диаконы же точью ²²⁶³ одеваются доле. Епископы же преже входят в алтарь и тамо токмо возлагают верх мантий своих фелони белы, без омофоров, и тамо пожидают. Митрополит же тамо ²²⁶⁴ , у своего престола на восходнице, став на орлеце ²²⁶⁵ своем, одевается в всю свою одежу святительскую, и певцом поющим стих некий; внегда же облечется, седает на своем престоле ²²⁶⁶ , певцом поющим по ²²⁶⁷ трижды: «Исполаете, деспота». Таже ²²⁶⁸ повелевает архидиакону и иному с нимъ, и ²²⁶⁹ вшед ²²⁷⁰ в алтарь, призывает епископов, и сами пред ними предъидут ²²⁷¹ : и пришед близ написанного орла, став два по ряду, преклонятся до половины против митрополита, и тако поидет един по единой стране, а другой по другой ²²⁷² , и пришед койждо станет на своем месте, идеже будет ему сидеть; такожде творят и иные епископы по тому же, елико их будет, и тако седают на уготованных им столах, койждо на своем месте, по своему степени. ²²⁷³ И ²²⁷⁴ сим бывшим, посылает архидиакона митрополит с иными диаконами, и шедше в алтарь, идеже седит поставиться хотяй, одеян во всю одежу поповскую, и поимают его и ведут к уготованному месту, идеже орел написан есть, и поставляют его у орла, и вдают ему Исповедание писано на листах. Он же поклонься мало против митрополита, седящу ему на своем престоле, якоже предписахом ²²⁷⁵ , и князю с десными ему странами, и епископам такожде на своих местах, прочитав свое Исповедание в услышание всем, имущее сице:

«Имярек, священноинок, милостью Божьей нареченный в святейшую ²²⁷⁶ епископью, имярекъ, се пишу рукой своей и разумом своим исповедаюсь пред Богом и избранными его ангелами правую и непорочною христианскую веру, еже есть исповедание во имя Отца и Сына и Святого Духа, едино Божество, еже есть сице: Верую в единого Бога Отца Вседержителя ²²⁷⁷ , Творца небу и земли, видимым же всем и невидимым. И в единого Господа Иисуса Христа, Сына Божия единородного, иже от Отца рожденного прежде всех век, Света от Света, Бога истинна от Бога истинна, рожденна, а не сотворенна, единосущна Отцу и имже вся быша, нас ради человеков и нашею ради спасения сшедшего с небес и воплощьшася от Духа Свята и Мария Девы и вочеловечшася; распятого же нас ради при понтийстем Пилате, страдавша и погребена и воскресша в третий день, по Писании, и возшедша на небеса и седяща одесную Отца, и паки грядуща с славою судить живым и мертвым, егоже царствию несть конца. И в Духа Святого, истинного, животворящего, от Отца исходящего, иже с Отцом и с Сыном спокланяема и славима, глаголавшего Пророки. В едину снятую соборную и апостольскую церковь. Исповедую едино крещение, в оставление грехов. Чаю воскрешения мертвым и жизнь будущего века, аминь. К сим же приимаю святых вселенских семи соборов, иже на сохранение правых велений собрашася: исповедаю яже от них уставленные любить и соблюдать каноны и святые уставы, елики священными нашими Отцами, по различным временам и летам, изобразишася: всех, ихже прияша, и аз приимаю, и ихже отвращаются, и аз отвращаюсь. Еще же и церковный мир исповедаю соблюдать, и ниединым же нравом противна мудрствовать во всем, животе своем, во всем последуя и повинуяся преосвященному господину моему, митрополиту киевскому и всея Руси, имярек. ²²⁷⁸ Обещаюжеся в страх Божьем и боголюбивым нравом порученное ми стадо управлять, от всякого зазора лукавого чисто себе соблюдая, елика ми есть сила. Еще же исповедаюся списанием сим моим ²²⁷⁹ , аже не дал есмь ²²⁸⁰ ничтоже про причет ²²⁸¹ сея епископия, не менил есмь дати никомуже что любо, ни дам; но приимаю яже о сих апостольские и отеческие учения, разве разумов и уставов ²²⁸² еже в священной митрополии исторов. К сим же исповедую, яже имать пошлины митрополический престол во всем пределе моем, соблюдать непреложно, и не створить ми ничесоже по нужи ни от царя, или от князя великого, или от князей многих, или от людей многих, аще и смертью претят, веляще служить или святительское что створить в чужой епископии и в всех властях ²²⁸³ , кроме епископии, данное ми господином моим, пресвященным митрополитом киевским и всея Руси, имярек: или отшедшу ми в которую страну чужую, не петь ми обедни без повеления митрополичьего, во чьем пределе буду, не поставить ми ни попа, ни диакона чужого предела. Еще же и на том обечиваюсь ²²⁸⁴ : внегда позвать мя тебе господину моему, пресвященному митрополиту киевскому и всея Руси, имярек, без слова всякого ми ехать к тебе; и на том обечиваюсь ²²⁸⁵ : хотя мя князи держать, хотя мя бояре держать ²²⁸⁶ , не ослушатимися повеления твоего, господина своего митрополита всея Руси. Еще же и на том обещеваюся: не хотеть ми приимать иного митрополита, разве кого поставят из Царьграда ²²⁸⁷ , как есмы то изначала прияли. ²²⁸⁸ К сим же исповедую, не оставить во всем своем пределе ниединого же от нашей православной веры ко Арменам свадьбы творить, и кумовства и братства, такожде и к Латынам; аще ли же то который поп отай мне створит, мне поведать господину моему митрополиту. Сотворю ли что таково без повеления и без грамоты митрополичьей, или преступлю что, да и едино от сих всех уписанных ²²⁸⁹ зде, лишен буду сана своего без всякого слова. Списана же си вся быша рукой моей и подписана сице: Имярек, священноинок, милостью Божьей нареченный в святейшую епископью, имярек, своей рукой подписах». ²²⁹⁰

И сия свершив, книгохранитель приступив и руку возложив на главу того новопоставляемого и клобук с головы с тылу ²²⁹¹ сняв, возглашает великим гласом сице: «Вонмем». И митрополит же встав и руку протяг, якоже знаменать, глаголет велегласно сице: «Благодать Пресвятого Духа нашим смирением имеет епископом богоспасенного града, имярек». Таже святитель сядет ²²⁹² на своем престоле с епископами, новопоставляемого же приводит книгохранитель к въсходом и даже до митрополита, такоже имея руку правую на главе его, и приведет к митрополиту ²²⁹³ , новопоставляемый же целует десное колено митрополичье, таже руку его десную, лежащу на десном колене, потом десное лицо, и тако отступив, сходит доле с полат ²²⁹⁴ , хартофилаку имеющу десную руку на главе его, и ²²⁹⁵ пришед к десной стране, идеже сидят епископы, и целует их от первого и до последнего, и потом к левой стране, такожде творя. Таже пришед станет промеж обеих стран, идеже епископы сидят, лицом смотря к митрополиту и ²²⁹⁶ мало преклонься. Митрополит же встав и руку простер, знаменает его крестообразно, глаголя сице: «Благодать Пресвятого Духа да будет с тобой». Он же поклонився до полу, и тако отходит в алтарь, предыдущим пред ним двум диаконам ²²⁹⁷ : и вшедшим тамо, поставляют ²²⁹⁸ его где в едином от притвор алтарных с десной страны, и тако ²²⁹⁹ тамо стоит. И внегда начнут литургию, он тамо стоя прочитает молитвы к себе литургийные, даже и до входных молитв. Внегда же малый вход будет, и митрополит с епископами и с прочими святителями ²³⁰⁰ в алтарь внидет ²³⁰¹ , абие шед архидиакон, или ин кто от старейших диаконов с иными двумя, и поемше хотящего ставиться, и исходят с ²³⁰² той же страны, идеже стоял будет, и приводят его пред царскими вратами. ²³⁰³

По скончании Трисвятое песни, отступает мало святитель на степень, сущий пред святой трапезой, и приводим бывает к нему от ту сущих святителей ²³⁰⁵ двоими ставиться хотяй от десной страны, книгохранитель ²³⁰⁶ же от левой страны дает ему лист, в немъже пишет cия (аще ли же не будет книгохранителя ²³⁰⁷ , архидиакон се творит и возглашает: «Вонмем»). Святитель же прочитает писания ²³⁰⁸ в услышание всем предстоящим сице: «Суд и искус боголюбивых епископов. Божественная благодать, яже всегда немощная исцеляющая и недостаточная исполняющи, поставляет, имярек, благоговейного пресвитера епископом ²³⁰⁹ богохранимого града, имярек. Помолимся убо о нем, да приидет убо ²³¹⁰ на нь благодать Пресвятого Духа». И всем возглашающим тружды: «Господи помилуй», отверзает eвангелиe святитель, возлагает на главу и выю поставляемому, и присягшим иным святителем; таже творя ²³¹¹ три кресты на главе его и имея руку на ней лежащу, молится сице: «Вдадыко Господи Боже наш, законоположивый нам всехвальным си ²³¹² Апостолом Павлом степенем и чином устав, еже работать и служить честным и пречистым ти тайнам, в святом ти жертвеннике, первее ²³¹³ Апостолы, второе Пророки, третье Учителя, сам Владыко всем, и сего нареченного и сподобльшася подъити евангельскому игу и святительскому достоинству, рукой моей грешного и с сущими святителями ²³¹⁴ , сослужители и соепископы, осиянием и силой и благодатью Святого твоего Духа, укрепи, якоже укрепил еси святые свои Апостолы и Пророки, якоже помазал еси царя, якоже освятил, еси святителя, и непорочное ²³¹⁵ его святительство покажи, и всякой чистотой украсив, свята яви, еже достойну быть просить ²³¹⁶ ему яже на спасение людям, и послушать тебе его». Возглас: «Яко святится имя твое и прославится царство твое, Отца и Сына и Святого Духа, и ныне и присно и в веки веком». И по «аминь» глаголет един от ту сущих святитель малым гласом, елико слышать предстоящим святителем и отвещавать, диаконства сия: «Миром Господу помолимся. О свышнем мире и о спасении душ наших. О мире всего миpa, благостоянии, святых Божьих церквах, и о совокуплении всех Господу помолимся. О apxиепископе нашем, имярек, священства, заступления, пребывания, мира, здравия и спасения, и о делах руки его ²³¹⁷ Господу помолимся. О (имярек) ныне поставляемом ²³¹⁸ епископе и спасения его Господу помолимся. Яко да человеколюбец Бог нескверно и неблазньно святительство ему дарует, Господу помолимся. О благоверных и богохранимых. ²³¹⁹ О граде сем и всяком граде. О избавиться нам от всякой скорби. Заступи, спаси. Пресвятую, чистую, преблагословенную». И сим реченным, святитель, имея на поставляемого ²³²⁰ версе руку лежащу, молится сице: «Господи Боже наш, за еже не мощи человеческому естеству Божества понести существо, твоим смотрением подобострастны нам учителя уставив, твой предрожащих ²³²¹ престол ²³²² , в еже приносить тебе жертву, ты Господи, и сего явленного строителя святительской благодати створи быть подобника тебе, истинному Пастырю, положиша душу свою о овцах твоих, наставника слепым, свет сущим во тьме, наказателя безумным, светильника в мире, яко да устроит душа вверенные ему в настоящем житии, предстанет судищу твоему непосрамлен и великую мзду приимет, юже уготовал ecи пострадавшим о благовестии евангелия твоего». Возглашение: «Твое бо есть миловать и спасать, Боже наш, и тебе славу воссылаем Отцу и Сыну и Святому Духу ныне и присно и во веки веком». И по «аминь» взимает eвангелие и полагает на святую трапезу, и тако возлагает поставляемому омофор [и] возглашает ²³²³ : «Достоин» ²³²⁴ , всем же предстоящим и поющим тожде трижды. Таже поставляемого ²³²⁵ целует сам поставивый его и прочие епископы. И обычному поминанию свершаемому, всходят к седалищу, и седает новопоставленный съ десной страны святителя, выше иных, «мир всем» глаголет на Апостоле и первее иных честного тела и крови Христовых причащается, и тако ²³²⁶ и поставльшему и иным подает. (Се же ²³²⁷ последование бывает и о патриархе и митрополите). ²³²⁸ – Ведомо же буди, яко всяко спасение подобает творить, истязовать и изыскивать достойных ²³²⁹ на поставление; такожде же и о летах истязать: подьякона не менеe 20-и лет ставить, но с истязанием 20-м летом суща: такоже и дьякона cтавить 25-тым летом суща ²³³⁰ ; пресвитера же 30-тым суща, якоже божественные правила указуют: епископа же 40-вым летом суща). ²³³¹ И тако свершается ставление и вся ²³³² божественная служба. Внегда же митрополит снимает с себя священные ризы, и ины такожде епископы, новопоставленный пожидает в ризах; ризничии же митрополичьи поставляют стола митрополичьего от жертвенника, пред дверями жертвенника, и покрывают стола завесой, еже у места, идеже митрополит стоит, и приведше новопоставленного протопоп и иные попы клирошане с ним, и посадивше его на столе, aбиe протопоп с десной страны, другой же поп от старейших с левой страны, поднимают его под пазухи и вставляют, глаголюще: «сполаети, деспота», и паки посаждают его, и в другой вставляют его, тожде глаголюще; и в третий посадивше и паки воздвигше, «исполаети, деспота» глаголющее ²³³³ ; и тако ²³³⁴ мало от стола оного отведше и поюще: «Имярек, священному епископу богоспасенного града, имярек, многа лета!». Се убо певци поют, те же клирошане снимают с него священные одежды, и потом келейник митрополичий возлагает на нь переманатку ²³³⁵ с источниками, таже ²³³⁶ иноку взложит ему, потом и манатию ²³³⁷ с источниками; таже ²³³⁸ приемше его протопоп с иными, и приводят его, идеже есть митрополит с епископами, тако к трапезе пойдут. И внегда сесть им ясть, новопоставленного выше епископ всех поставляют и посажают. И после обеда митрополит первее Богородичного хлеба взимает, по нем же новопоставленный, таже ²³³⁹ все епископы, потом же возвращают понагию к новопоставленному, тот же дает всем Пресвятые хлеба, и потом отходит койждо к своему подворию.

Потом же, в который день рассудит митрополит, собираются к нему епископы по заутрени, в второй час дне, и седает, идеже обычно есть ему сидеть с епископами, и митрополит убо седает на своем месте, епископы же на своих местах каждый, по ряду обапол; новопоставленный же не входит, но пожидает вне: книгохранитель же или архидиакон исходит со иными диаконами, митрополитом повелении, и поемше новопоставленного, приводит внутрь; и вшед в двери, покланяется митрополиту, и мало поступив, паки покланяется второе, и ближе приступив, покланяется в третье, и приступив к митрополиту, целует десное колено митрополичье, таже руку его десную, лежащую на колене, потом десное лице, и отступив мало, паки покланяется ему. И aбиe встают епископы против его, певцы же поют: «Преосвященному митрополиту киевскому, имярек, [многа лета]»; новопоставленный же целует епископы десные страны по ряду, потом левые страны, и абие поимают его епископы и посаждают его промеже себя, идеже есть место ²³⁴⁰ его, и тако поседев, елико повелит митрополит, и вставше, поклонився митрополиту, исходят каждый в свое.

Ведомо же буди, якоже и выше писано есть ²³⁴¹ , яко двадесятимы летами ставлен бывает кто иподиакон, на диаконство же двадесять и пятью летами; в пресвитерство же тридесяти лет суща; чтец же знаменается, внегда токмо мочи иметь чести Апостольские книги и Паремию, аще мал леты и возрастом будет, житием же чист. Достоит же всякому святителю с великим прилежанием и опаством истязать и испытывать приходящих в какой либо ²³⁴² священничества ²³⁴³ сан: первеe убо достоит чисту быть таковому от всякой скверны плотской, якоже от утробы матерней изшед, не ведеть никакую сласть ²³⁴⁴ плотскую отнюдь, но чисту быть, едину токмо жену познать законом – венчанием и благословением священническим, и той такожде деве сущи и всякого зазора ²³⁴⁵ кроме; истязовать же и о сем такового, да не в ратех и в воинствах ²³⁴⁶ будет был. ²³⁴⁷