Триодь Цветная

На утрени стихира, гл. 6. Воскресение Твое, Христе Спасе, | ангели поют на небесех, | и нас на земли сподоби чистым сердцем | Тебе славити.

Тропарь: гл. 5. Христос воскресе из мертвых, | смертию смерть поправ, | и сущим во гробех живот даровав.

Ирмосы канона, гл. 1. Песнь 1-ая. Воскресения день, | просветимся, людие: | пасха, Господня пасха! | От смерти бо к жизни, | и от земли к небеси, | Христос Бог нас преведе, | победную поющия.

Припев: Христос воскресе из мертвых.

–      Очистим чувствия, и узрим | неприступным светом воскресения, | Христа блистающася, | и радуйтеся, рекуща ясно да услышим, | победную поюще.

Небеса убо достойно да веселятся, | земля же да радуется, | да празднует же мир, | видимый же весь и невидимый: | Христос бо воста, | веселие вечное.

–      3. Приидите пиво пием новое, | не от камене неплодна чудодеемое, | но нетления источник, | из гроба одождивша Христа, | в Нем же утверждаемся.

–      Ныне вся иснолнишася света, | небо же и земля и преисподняя: | да празднует убо вся тварь востание Христово, | в нем же утверждаемся.

–      Вчера спогребохся Тебе, Христе, | совостаю днесь воскресшу Тебе, | сраспинахся Тебе вчера, | Сам мя спрослави Спасе, | во царствии Твоем.

Ипакои. гл. 4. Предварившия утро яже о Марии, | в обретшия камень отвален от гроба, | слышаху от Ангела: | во свете присносущнем Сушаго, | с мертвыми что ищете яко человека? | видите гробныя пелены; | тецыте и миру проповедите, | яко воста Господь, умертвивый смерть, | яко есть Сын Бога, | спасающаго род человеческий.

–      4. На Божественней стражи, | Богоглаголивый Аввакум | да станет с нами, | и покажет светоносна Ангела, | ясно глаголюща: | днесь спасение миру, | яко воскресе Христос, | яко всесилен.

–      Мужеский убо пол, яко разверзый | девственную утробу, | явися Христос, | яко человек же, | агнец наречеся: | непорочен же, | яко невкусен скверны, | наша Пасха, | и яко Бог истинен совершен речеся.

–      Яко единолетный агнец, | благословенный нам венец Христос, | волею за всех заклан бысть, | Пасха чистительная, | и паки из гроба красное | правды нам возсия Солнце.

–      Богоотец убо Давид, | пред сенным ковчегом скакаше играя, | людие же Божии святии, | образов сбытие зряще, | веселимся Божественне, | яко воскресе Христос, | яко всесилен.

–      5. Утренюем утренюю глубоку, | и вместо мира песнь принесем Вдадыце, | и Христа узрим, | правды Солнце, | всем жизнь возсияюща.

–      Безмерное Твое благоутробие | адовыми узами содержимии; зряще, | к свету идяху Христе, | веселыми ногами, | Пасху хваляще вечную.

– Приступим свещеноснии, | исходящу Христу из гроба яко жениху, | и спразднуим любопразднетвенными чинми | Пасху Божию спасительную.

–      6. Снизшел еси в преисподняя земли | и сокрушил еси вереи вечныя, | содержащия связанныя, Христе, | и тридневен яко от кита Иона, | воскресл еси от гроба.

Сохранив цела знамения, Христе, | воскресл еси от гроба, | ключи Девы невредимый в рождестве Твоем | и отверзд еси нам | райския двери.

–      Спасе мой, живое же и нежертвенное заколение, | яко Бог Сам Себе волею привед Отцу, | совоскресил еси всероднаго Адама, | воскрес от гроба.

Кондак, гл. 8. Аще и во гроб снизшел еси, Безсмертне, | но адову разрушил еси силу, | и воскресл еси яко Победитель, Христе Боже, | женам мироносицам вещавый: радуйтеся, | и Твоим Апостолом мире даруяй, | падшим подаяй воскресение.

Икос. Еже прежде солнца Солнце зашедшее иногда во гроб, | предвариша ко утру, | ищущия яко дне мироносицы девы, | и друга ко друзей вопияху: | О, другини! приидите, вонями помажем тело живоносное и погребенное, | плоть Воскресившаго падшаго Адама, | лежащую во гробе. | Идем, потщимся яко же волеви, и поклонимся, | и принесем мира, яко дары: | не в пеленах, но в плащанице обвитому; | и плачем, и возопиим. | О, Владыко, востани! | падшим подаяй воскресение.

Воскресение Христово видевше... и Воскрес Иисус от гроба...

–      7. Отроки от пещи избавивый, | быв человек, | страждет яко смертен, | и страстию смертное | в нетления облачит благолепие, | един благословен, | отцев Бог, и препрославлен.

–      Жены с миры Богомудрыя в след Тебе течаху; | Его же яко мертва со слезами искаху, | поклонишася радующияся живому Богу, | и Пасху тайную | Твоим, Христе, учеником благовестиша.

–      Смерти празднуем умерщвление, | адово разрушение, | иного жития вечнаго начало, | и играюще поем виновнаго, | единаго благословеннаго | отцев Бога, и препрославленнаго.

–      Яко воистинну священная, и всепразднственная | сия спасительная нощ, | и светозарная, | светоноснаго дне, | востания суши провозвестница: | в ней же безлетный Свет | из гроба плотски всем возсия.

–      8. Сей нареченный и святый день, | един суббот царь и господь. | праздников праздник, | и торжество есть торжеств; | в он же благословим | Христа во веки.

–      Приидите новаго винограда рождения, | Божественнаго веселия, | в нарочитом дни воскресения, | царствия Христова приобщимся, | поюще Его | яко Бога во веки.

–      Возведи окрест очи твои Сионе и виждь, | се бо приидоша к тебе | яко Богосветлая светила, | от запада, и севера, и моря, | и востока чада твоя, | в тебе благословящая Христа во веки.

Припев: Пресвятая Троице Боже наш, слава Тебе.

–      Отче Вседержителю, и Слове, и Душе, | треми соединяемое во ипостасех естество, | пресущественне и пребожествение, | в Тя крестихомся, | и Тя благословим во вся веки.

Припевы пред 9-ю песнью: Величит душа моя | воскресшаго тридневно от гроба, | Христа Жизнодавца.

–      Христос новая пасха, | жертва живая, | Агнец Божий | вземляй грехи мира.

–      Ангел вопияше Благодатней: | Чистая Дево, радуйся, | и паки реку: радуйся, | Твой Сын воскресе | тридневен от гроба, | и мертвыя воздвигнувый, | людие веселитеся!

–      9. Светися, светися, | новый Иерусалиме; | слава бо Господня | на тебе возсия. | Ликуй ныне, | и всселися Сионе. | Ты же Чистая, красуйся, Богородице, | о востании рождества Твоего.

–      О Божественнаго, о любезнаго, | о сладчайшаго Твоего гласа! | С нами бо неложно обещался еси быти, | до скончания века, Христе; | Его же вернии, утверждение надежди | имуще, радуемся.

–      О пасха велия и священнейшая, Христе! | О мудросте, и Слове Божий, и сило! | Подавай нам истее Тебе причащатися, | в невечернем дни | царствия Твоего.

Ексапостиларий, гл. 3. Плотию уснув, яко мертв | Дарю и Господи, | тридневен воскресл еси, | Адама воздвигл от тли, | и упразднив смерть: | Пасха нетления, | мира спасение. (3-жды).

Стихира на хвалитех, гл. 1. Поем Твою, Христе, спасительную страсть, | и славим Твое воскресение.

Стихиры Пасхи, гл. 5. Да воскреснет Бог | и расточатся врази Его. |

Пасха | священная нам днесь показася; | Пасха нова святая; | Пасха таинственная; | Пасха всечестная; | Пасха – Христос Избавитель; | Пасха непорочная; | Пасха великая; | Пасха верных; | Пасха двери райския нам отверзающая; | Пасха всех освящающая верных.

Яко исчезает дымь, | да исчезнут.

Приидите | от видения жены благовестницы, | и Сиону рцыте: | приими от нас радости благовещения | воскресения Христова; | красуйся, ликуй, | и радуйся, Иерусалиме, | Царя Христа узрев из гроба, | яко жениха происходяща.

Тако да погибнут грешницы от лица Божия, | а праведницы да возвеселятся.

Мирононосицы жены, | утру глубоку, | представша гробу Живодавца, | обретоша Ангела | на камени седяща, | и той провещав им, | сице глаголаше: | что ищете Живаго с мертвыми? | что плачете Нетленнаго во тли? | Шедше проповедите учеником Его.

Сей день, его же сотвори Господь, | возрадуемся и возвеселимся в он.

Пасха красная, | Пасха, Господня Пасха, | Пасха всечестная нам возсия. | Пасха, | радостию друг друга бымем. | О Пасха! | Избавление скорби, | ибо из гроба днесь | яко от чертога | возсияв Христос, | жены радости исполни, глаголя: | проповедите Апостолом.

Слава и ныне. Воскресения день, | и просветимся торжеством, | и друг друга обымем. | Рцем, братие, | и ненавидящим нас, | простим вся воскресением, | и тако возопиим: | Христос воскресе из мертвых, | смертию смерть поправ, | и сущим во гробех живот даровав. (3-жды).

Тропарь, гл. 8. Уст твоих яко же светлость огня возсиявши благодать, | вселенную просвети; | не сребролюбия мирови сокровища сниска, | высоту нам смиренномудрия показа, | но твоими словесы наказуя, | отче Иоанне Златоусте, | моли Слова Христа Бога, | спастися душам нашим.

– И нам дарова живот вечный, | покланяемся Его тридневному воскресению.

Христос воскресе из мертвых... (3-жды).

Воскресение Христово видевше... (3-жды).

Предварившия утро...

Аще и во гроб снизшел еси...

Во гробе плотски, во аде же с душею яко Бог, | в раи же с разбойником, и на престоле был еси Христе, со Отцем и Духом, | вся исполняяй неописанный.

Слава. Яко живоносец, яко рая краснейший, | воистинну и чертога всякаго царскаго показася светлейший, Христе, гроб Твой, | источник нашего воскресения.

И ныне. Вышняго освященное Божественное селение, радуйся! | Тобою бо дадеся радость, | Богородице, зовушим: | благословенна Ты в женах еси, | всененорочная Владычице.

Господи помилуй – 40 раз.

Слава и ныне. Честнейшую херувим; Именем Господним благослови, отче.

Христос воскресе из мертвых... (3-жды).

Слава и ныне. Господи помилуй. (3-жды). Благослови.

На литургии: антифоны.

Прокимен, гл. 8. Сей день, его же сотвори Господь, | возрадуемся и возвеселимся в он.

Причастен. Тело Христово приимите, | источника безсмертнаго вкусите.

Вместо Достойно есть: «Ангел вопияше» и «Светися светися»...

Стихиры на Господи воззвах, гл. 1. Дверем заключенным, | учеником собранным, | вшел еси внезапу всесильне Ииеусе Боже наш, | и став посреде их мир дав, | исполнил еси Святаго Духа; | ждати же повелел еси, | и никакоже разлучатися от Иерусалима, | дóндеже облекутся еже с высоты силою. | Тем же вопием Ти: | просвещение и воскресение и мире наш, слава Тебе.

– Гл. 2. По востании Твоем Господи, | собранным учеником Твоим, | и дверем заключенным, посреде стал еси, | мир подан им, | веровав же и Фома зрением руку и ребр Твоих, | Господа и Бога Тя исповеда, | спасающаго уповающия на Тя, Человеколюбче.

Слава и ныне, гл. 6. Дверем заключенным, | пришел еси Христе ко учеником, | тогда Фома смотрительно не обретеся с ними. | Глаголаше бо: не иму веры, | аще не увижду и аз Владыки. | Увижду ребро отъенудуже изыде кровь, вода, крещение. | Увижду язву, от неяже исцеле великий струп человеческий. | Увижду како, не бе якоже дух, | но плоть и кости. | Смерть поправый, и Фому уверивый, | Господи, слава Тебе.

Стихиры на литии, гл. 8. Прикоснися Фоме ребру рукою, глаголет Христос, | и образы гвоздей прииди осяжи, верою испытай, | и буди Ми верен, и не буди неверен. | Фома же перстом яко прикоснуся Владыце, вельми возопи: | Ты Бог мой и Господь, | Благоугробно, слава Тебе.

Слава, и ныне, гл. 8. Дверем заключенным, | учеником собранным, | предста Спас, идеже бяху собрании, | и став посреде их, глаголет Фоме: | прииди осяжи, и виждь образы гвоздей, | простри руку твою, и коснися ребру Моему, | и не буди неверен, | но верою проповеждь, | еже из мертвых Мое воскресение.

Стихиры на стиховне, гл. 4. О преславнаго чудесе! | Неверие веру известную роди; | рек бо Фома: | аше не вижду, не иму веры. | Осязав же ребра, богословить Воплотившагося, | тогожде Сына Божия полна, | яко пострадавша плотию, | проповеда воскресшаго Бога, | и возопи светлым гласом: | Господь мой, и Бог мой, слава Тебе.

Слава, и ныне, гл. 5. Человеколюбие, велие и безприкладное, множество щедрот Твоих: | яко долготерпел еси, | от иудей заушаем, | от Апостола осязаем | и от отметающихся Тебе многоиспытуем, | како воплотился еси; | како распялся еси Безгрешне; | но вразуми ны яко Фому вопити Тебе: | Господь мой, слава Тебе.

Тропарь, гл. 7. Запечатану гробу, | Живот от гроба возсиял еси Христе Боже, | и дверем заключенным, | учеником предстал еси, | всех воскресение, | дух правый теми обновляя нам, | по велицей Твоей милости.

Величание. Величаем Тя, | Живодавче Христе, | нас ради во ад сшедшаго, | и с Собою вся воскресившаго.

Кондак, гл. 8. Любопытною десницею, | жизноподательная Твоя ребра Фома испыта, Христе Боже; | созаключенным бо дверем яко вшел еси, | с прочими Апостолы вопияше Тебе: | Господь еси и Бог мой.

Стихира на хвалитех, гл. 6. По днех осмих востания Твоего Иисусе Царю, | Единородный Слове Отчий | явился еси учеником Твоим, | заключенным дверям, мир Твой подая, | и неверующему ученику знамения показал еси: | прииди и осяжи руце и нозе, | и нетленная Моя ребра. | Он же веровав, вопияше Тебе: | Господь мой и Бог мой, слава Тебе.

Прокимен, гл. 3. Велий Господь наш...

Причастен. Похвали. Иерусалиме, Господа, хвали Бога твоего Сионе.

Стихиры на Господи воззвах, гл. 2. Мироносицы рано бывша, | и гроб Твой со тщанием достигша, | искаху Тебе Христе, | во еже помазати пречистое тело Твое: | и ангеловыми глаголы огласившеся, | радостотворныя образы Апостолом проповедаху, | яко воскресе Начальник спасения нашего, | пленивый смерть, | мирови же даруяй живот вечный и велию милость.

Слава, гл. 6. Мироносицы жены, | гроба Твоего достигша, | и печати гробныя видевши, | не обретши же пречистаго тела Твоего | рыдающа со тшанием придоша, глаголюща: | кто украде наше упование? | кто взят мертва нага смирною помазана, | Матери едино утешение? | О како мертвыя ежививый умертвися? | ад пленивый, како погребеся? | Но воскресни Спасе самовластию, | яко же рекл еси, тридневен, | спасаяй души наша.

И ныне, гл. 2. Прейде сень законная...

На литии, гл. 1. Мироносицы жены, | ко гробу что приидосте; | что ищете Живаго в мертвых? | Воскресе Господь, | дерзайте, вопиет Ангел.

Слава, гл. 6. Проси Иосиф тело Иисусово, | и положи е в новом своем гробе; | подобаше бо Ему из гроба, | яко от чертога проити. | Сокрушивый державу смерти, | и отверзый врата райская человеком, | Господи, слава Тебе.

И ныне, Богородичен, гл. 6. Творец и Избавитель мой...

Стихира на стиховне, гл. 2. Воскресение Твое, Христе Спасе...

Слава, гл. 5. Тебе одеющагося светом...

Тропарь, гл. 2. Егда снизшел еси... Благообразный Иосиф... и Мироносицам женам...

Кондак, гл. 2. Радоватися мироносицам повелел еси, плач праматере Евы утолил еси | воскресением Твоим Христе Боже, | Апостолом же Твоим проповедати повелел еси: | Спас воскресе от гроба.

Прокимен, гл. 6. Спаси, Господи, люди Твоя...

Стихиры на Господи воззвах, гл. 1. Дланию пречистою создавый человека, | пришел еси Благоутробне недугующия исцелити, Христе, | расслабленнаго во овчей купели, | словом Твоим возставил еси; | кровоточивой же болезнь исцелил еси; | хананеи отроковицу стужаемую помиловал еси, | и прошения сотника не презрел еси. | Сего ради зовем: | Всесильне Господи, слава Тебе.

Слава, гл. 5. Взыде Иисус во Иерусалим на овчую купель, | глаголемую Иудейски Вифесда, | пять притворов имущую: | в тех бо слежаше множество немоществующих, | Ангел бо Божий по вся лета сходя, возмущаше ю, | и здравие подаваше приступающим верою. | И видев Господь многовременна человека, глаголет к нему: | хощеши ли здрав быти? | Немоществуяй отвещаваше: | Господи, человека не имам, | да егда возмутится вода, | ввержет мя в купель: | врачем издах все имение мое, | и милости улучши не сподобихся. | Но Врач душ и телес глаголет к нему: | возми твой одр и ходи, | проповедуя Мою силу, | и велию милость в концех.

И ныне, Богородичен, гл. 3. Како не дивимся...

Кондак, гл. 3. Душу мою, Господи, во гресех всяческих, | и безместными деяньми люте расслаблену, | воздвигни Божественным Твоим предстательством, | яко же и расслабленнаго воздвигл еси древле, | да зову Ти спасаем: | Щедрый, слава Христе державе Твоей.

Прокимен, гл. 1. Буди, Господи, милость Твоя...

Тропарь, гл. 8. Преполовившуся празднику, | жаждущую душу мою благочестия напой водами, | яко всем, Спасе, возопил еси: | жаждай да грядет ко Мне и да пиет. | Источниче жизни нашел, Христе Боже, слава Тебе.

Кондак, гл. 4. Празднику законному преполовляютуся, | всех Творче и Владыко, | к предстоящим глаголал еся, Христе Боже: | приидите и почерпите воду бессмертия | Тем же Тебе припадаем, и верно вопием: | щедроты Твоя даруй нам, | Ты бо еси Источник жизни нашея.

Стихиры на Господи воззвах, гл. 1. На источник пришел еси, Источниче чудес, | в шестый час, Евин уловити плод: | Ева бо в той изыде из рая, | прелестию змиевою. | Приближи бо ся самаряныня почерпсти воду, | юже видев рече Спас: | даждь Ми воду пити, | и Аз (воды текущия насыщу тя. | И во град текши целомудренная, | народом возвести абие: | приидите, видите Христа Господа, | Спаса душ наших.

Слава, гл. 6. При студенце Иаковли | обрет Иисус самаряныню, | просит воду от нея, | облаками покрывали землю. | О чудесе! иже херувимы носимый, | блуднице жене беседоваше, | воды прося, Иже на водах землю повесивый, | воды иский, | иже источники и озера вод изливаяй, | хотя привлещи сию воистинну, | уловляему от сопостата врага, | и напоити ю водою живого, | палимую в безместиих лоте, | яко Един Благоутробный и Человеколюбец.

И ныне, Богородичен, гл. 4. Иже Тебе ради...

Стихира на стиховне, гл. 8. Егда явился еси во плоти, Христе Боже, | за неизреченное смотрение, | слышавшее самаряныня слово Тебе Человеколюбца, | остави почерпало у студеища, | и теле глаголющи сушим во граде: | приидите видите Сердцеведца, | еда Сый есть чаемый Христос, | имеяй велею милость?

Кондак, гл. 8. Верою приведшая на кладяз самаряныня, | виде Тя премудрости воду, | еюже напоившися обильно, | Царствие вышнее наследова вечно, | яко приснославная.

Прокимен, гл. 3. Пойте Богу нашему, пойте...

Стихиры на Господи воззвах, гл. 2. Слепый родивыйся, в своем помысле глаголаше: | еда аз грех ради родительных родихся без очию? | еда аз за неверие языков родичея во обличение? | не домышляюся вопрашати, когда нощь, когда день? | не терпита ми нозе каменнаго претыкании, | не видех бо солнца сияюша, | ниже по образе мене Создавшаго | Но молю Ти ся, Христе Боже, | призри на мя и помилуй мя.

Слава, гл. 5. Господи, мимоходя путем, | обрел еси человека слепа от рождения, | и удивлени бывше ученицы, | вопрошаху Тя глаголюше: | Учителю, кто согреши: | сей ли, или родители его, да слеп родися? | Ты же, Спасе мой, возопил еси к ним: | ни сей согреши, ни родители его, | но да явятся дела Божия на нем. | Мне подобает делати дела пославшаго Мя | яже никто же может делати. | И сия рек, плюнув долу, и брение сотворь, | помазал еси очи его, рек к нему: | иди, умыйся в Силоамстей купели. | Он же умывся здрав бысть, и вопияше к Тебе: | верую Господи, и поклонися Тебе. | Тем же вопием и мы, помилуй нас.

И ныне. Богородичен: гл. 5. В Чермнем мори…

Кондак, гл. 4. Душевныма очима ослеплен, | к Тебе Христе прихожду, | яко же слепый от рождения, | покаянием зову Ти: | Ты сущих во тьме Свет просветлый.

Прокимен, гл. 8. Помолитеся и воздадите Господеви...

Стихиры на Господи воззвах, гл. 6. Господь вознесеся на небеса, | да послет Утешителя миру: | небеса уготоваша престол Его, | облацы восхождение Его. | Ангелн дивятся, человека зряще превыше себе. | Отец ждет, Его же в недрах имать соприсносушна: | Дух же Святый велит всем Ангелом Его: | возмите врата князи ваша, | вси язы́цы восплещите руками, | яко взыде Христос, идеже бе первее.

– Гл. той-же. Господи, Твоему вознесению удивишася Херувими, | зряще Тебе Бога на облацех восходяща, | на них седящаго; | и славим Тя, яко блага милость Твоя, слава Тебе.

Слава, и ныне, гл. 6. Недр отеческих не разлучься, Сладчайший Иисусе, | и с земными, яко человек пожив, | днесь от горы Елеонския вознеслся еси во славе, | и падшее естество наше милостивно вознес, | Отцу спосадил еси. | Тем же небеснии безплотпых чинове, | чудеси удивляющеся, | ужасахуся ужасом, | и трепетом содержи ми, | Твое человеколюбие величаху. | С ними же и мы земнии | еже к нам Твое снизхождение, | и еже от нас вознесение славословяше, | молимся глаголюще: | ученики и рождшую Тя Богородицу, | радости безчисленныя исподнивый во Твое вознесение, | и нас сподоби избранных Твоих радости, молитвами их, | великия ради Твоея милости.

Стихира на литии, гл. 4. Господи, таинство еже от веков сокровенное и от родов, | исполнив яко Благ, | пришел еси со ученики Твоими на гору Елеонскую, | имея рождшуго Тя Творца и всех Содетеля: | Той бо в страсти Твоей Матерски паче всех болезновавшей, | подобаше и славою плоти Твоея, | примногия насладитися радости. | Ея же и мы причашающеся, | еже на небеса восходем Твоим Владыко, | великую Твою милость на нас бывшую славим.

Стихиры на стиховне, гл. 2. Родился еси яко сам восхотел еси, | явился еси яко Сам изволил еси; | пострадал еси плотию, Боже наш, | из мертвых воскресл еси, поправ смерть. | Вознеслся еси во славе, всяческая исполняли, | и послал еси нам Духа Божественнаго, | еже воспевати и славши Твое Божество.

Слава, и ныне, гл. 6. Взыде Бог в воскликновении, | Господь во гласе трубне, | еже вознести падший образ Адамов, | и послахи Духа Утешителя, | еже освятити души наша.

Тропарь, гл. 4. Вознеслся еси во славе, Христе Боже наш, | радость сотворивый учеником | обетованием Святаго Духа, | извещенным им бывшим благословением, | яко Ты еси Сын Божий, Избавитель мира.

Величание. Величаем Тя, | Живодавче Христе, | и почитаем еже на небеса, | с пречистою Твоею плотию, | Божественное вознесение.

Прокимен, гл. 4. Взыде Бог в воскликновении, | Господь во гласе трубне.

Стихира, по 50-м псалме, гл. 6. Днесь на небесех горчия силы наше естество зряще, | дивящеся страннаго образа восходу, | недоумевахуся друг ко другу глаголюще: | Кто сей пришедый? | Видяще же своего Владыку, | небесная врата взяти повелеваху; | с ними же непрестанно воспоим с плотию | отъонуду паки Грядущаго, | яко Судию всех и Бога всесильна.

Ирмосы канона, гл. 5, песнь 1. Спасителю Богу | в мори люди | немокрыми ногами наставльшему, | и фараона со всевоинством потопльшему, | Тому Единому поим: яко прославися.

–      3. Силою креста Твоего, Христе, | утверди мое помышление, | во еже пети и славити | спасительное Твое вознесение.

–      4. Услышах слух силы креста, | яко рай отверзеся им, | и возопих: | слава силе Твоей, Господи.

–      5. Утреннюще вопием Ти, | Господи, спаси ны; | Ты бо еси Бог наш, | разве бо Тебе иного не знаем.

–      6. Обыде мя бездна, | гроб мне кит бысть: | аз же возопих к Тебе, Человеколюбцу, | и спасе мя десница Твоя, Господи.

Кондак, гл. 6. Еже о нас исполнив смотрение, | и яже на земли соединив небесным, | вознеслся еси во славе Христе Боже наш, | никакоже отлучался, | но пребывая неотступный, | и вопия любящим Тя: | Аз есмь с вами, и никтоже на вы.

–      7. В пещи огненней | песнословцы спасый отроки, | благословен Бог отец наших.

–      8. Из Отца прежде век рожденнаго Сына и Бога, | и в последняя лета воплощеннаго от Девы Матере, | священницы пойте, | людие превозносите во вся веки.

Припевы: Величай, душе моя, | вознесшагося от земли на небо, | Христа Жизнодавца.

–      Ангели восхождение Владыки зряще ужасахуся, | како со славою взятся от земли на горняя.

–      9. Тя паче ума и словеса Матерь Божию, | в лето Безлетнаго | неизреченно рождшую | вернии единомудренно величаем.

Стихиры на хвалитех, гл. 1. Ангельски иже в мире торжествуем, | на престоле славы Богу носимому, | взывающе пение: | Свят еси Отче Небесный, | соприсносущный Слове, | Свят еси и Душе Всесвятый.

Слава, и ныне, гл. 2. Родился еси яко Сам восхотел...

Прокимен, гл. 7. Вознесися на небеса, Боже, | и по всей земли слава Твоя.

Причастен. Взыде Бог в воскликновении...

Стихиры на Господи воззвах, гл. 6. Из чрева родился еси прежде денницы, | от Отца безматерен прежде век, | аще и Арий тварь Тя, а не Бога славит; | дерзостию смешая Тя Зиждителя тварем безумно, | вещество огня вечнаго себе сокровищетвуяй. | Но собор иже в Никеи, | Сына Божия Тя проповеда Господи, | Отцу и Духу сопрестольна.

Слава, гл. 6. Тайныя днесь Духа трубы, | Богоносныя отцы восхвалим, | песнопевшия посреде церкви | песнь сличную Богословия, | Тройцу Едину непременную, | существо же и Божество, | низложители Ариевы, | и православных поборники, | молящиеся всегда Господу, | помиловатися душам нашим.

И ныне, Богородичен, гл. 6. Кто Тебе не ублажит...

Стихиры на стиховне, гл. 6. Воскресение Твое Христе Спасе...

Слава, гл. 4. Молебную память днесь Богоносных отцев, | от всея вселенныя собравшихся, | в светлем граде Никейстем, | православных собрания, | благочествующе верно празднуим. | Сии бо лютаго Ария безбожное веление благочестномудренне низложиша, | и от кафолическия церкве соборне того изгнаша: | и яко Сына Божия Единосущна и Соприсносущна, | прежде век суща, | всех научиша исповедати во изображении веры, | известно и благочестию сие изложивше. | Темже и мы Божественным их повелением последствующе, | известно верующе служим, | со Отцем Сыну, и Духу Всесвятому, | во Едином Божестве, Троице Единосущней.

И ныне, гл. 4. Господи таинство еже от веков...

Тропарь, гл. 8. Препрославлен еси Христе Боже наш, | светила на земли отцы наши основаный, | и теми ко истинней вере вся ны наставивый; | Многоблагоутробне, слава Тебе.

Кондак, гл. 8. Апостол проповедание, и отец догматы, | церкви едину веру запечатлеша, | яже и ризуносящи истины, | исткану от еже свыше Богословия, | исправляет и славит благочестия великое таинство.

Прокимен, гл. 4. Благословен еси Господи, Боже...

Причастен. Радуйтеся праведнии о Господе...

Стихиры на Господи воззвах, гл. 1. Пятдесятницу празднуим, | и Духа пришествие, | и предложение обещания, | и надежди исполнение, | и таинство елико, | яко велико же и честно. | Тем же вопием Ти: Содетелю всех, Господи, слава Тебе!

– Троицу Единосущную песнословим, | Отца и Сына со Святым Духом: | тако бо проповедаша вси пророцы, | и апостоли с мученики.

Слава, и ныне, гл. 8. Приидите, людие, | Триипостасному Божеству поклонимся, | Сыну во Отце со Святым Духом; | Отец бо безлетно роди Сына | соприсносущна и сопрестольна, | и Дух Святый бе во Отце, с Сыном прославляем. | Едина сила, едино существо, едино Божество. | Ему же покланяющеся вси глаголем: | Святый Боже, вся содеявый Сыном, | содейством Святаго Духа; | Святый Крепкий, Им же Отца познахом, | и Дух Святый прииде в мир; | Святый Бессмертный утешительный Душе, | от Отца исходяй, и в Сыне почиваяй. | Троице Святая, слава Тебе.

Стихиры на литии, гл. 2. Во пророцех возвестил еси нам путь спасения, | и во Апостолех возсия Спасе наш, благодать Духа Твоего. | Ты еси Бог первый, Ты и по сих, | и во веки Ты еси Бог наш.

Слава, и ныне, гл. 8. Егда Духа Твоего послал еси, Господи, | седящим Апостолом, | тогда еврейския дети зряще ужасахуся ужасом: | слышаху бо я вещающа иными странными языки, | яко же Дух подаваше им. | Невежди бо суще умудришася, | и языки в веру уловивше, Божественная витийствоваху. | Тем же и мы вопием Ти: | Уже на земли явлейся, | и от прелести спасый нас, Господи, слава Тебе.

Стихиры на стиховне, гл. 6. Не разумейте язы́цы, Господи, | Пресвятаго Духа на Апостолы Твоя бывшия силы, | изменение язык пиянство быти мняху. | Мы же утвердившеся от них, | непрестанно сице глаголем: | Духа Твоего Святаго не отъими от нас, | молим Ти ся, Человеколюбче.

– Царю небесный, | Утешителю, Душе истины, | Иже везде сый, | и вся исполняяй, | сокровище благих, | и жизни подателю, | прииди и вселися в ны, | и очисти ны от всякия скверны, | и спаси, Блаже, души наша.

Слава, и ныне, гл. 8. язы́цы иногда размесишася, | дерзости ради столпотворения: | язы́цы же ныне умудришася, | славы ради Боговедения. | Тамо осуди нечестивыя погрешением: | зде просветил есть Христос рыбари Духом. | Тогда упразднися безгласие к мучению: | ныне обновляется согласие ко спасению душ наших.

Тропарь, гл. 8. Благословен еси Христе Боже наш, | Иже премудры ловцы явлей, | низпослав им Духа Святаго, | и теми уловлей вселенную, | Человеколюбче, слава Тебе.

Величание. Величаем Тя, | Живодавче Христе, | и чтем Всесвятаго Духа Твоего, | Его же от Отца послал еси | Божественным учеником Твоим.

Прокимен, гл. 4. Дух Твой благий | наставит мя на землю праву.

Ирмосы перваго канона, гл. 7, песнь 1-я. Понтом покры | Фараона с колесницами, | сокрушаяй брани, | мышцею высокою, | поим Ему, яко прославися.

–      Втораго канона, гл. 4, песнь 1-я. Божественным покровен | медленноязычный мраком, | извитийствова Богописанный закон; | типу бо оттряс очесе умнаго, видит сущаго, | и научается Духа разуму, | хваля Божественными песньми.

–      3. С высоты силою, учеником Христе, | дóндеже облецетеся, рекл еси, | седите во Иерусалиме: | Аз же яко Мене, Утешителя иного, | Духа Моего же и Отча послю, | в Нем же утвердитеся.

–      Разверзе утробы | нечадствовавшия узы, | досаду же неудоботерпиму благочадствующия, | едина молитва пророчицы древле Анны, | носящия дух сокрушен | к сильному и Богу разумев.

–      4. Смотряяи пророк | в последняя Твое, Христе, пришествие, вопияше: | Твою услышах Господи силу, | яко вся спасти помазанныя Твоя пришел еси.

–      Царю царей, | яковый от яковаго един Слове происшедый | от Отца безвииовнаго, | равномощнаго Твоего Духа Апостолом истинно послал еси, | яко благодетеля поющим: | слава державе Твоей, Господи.

–      5. Страха ради Твоего | зачатый, Господи, во чреве пророков, | и рожденный на земли Дух спасения, | Апостольская сердца созидает чиста, | и в верных правый обновляется; | свет бо и мир зане Твоя повеления.

–      Решительное очищение грехов, | огнедохновенную приимите Духа росу, | о чада светообразная церковная: | ныне от Сиона бо изыде закон, | языкоогнеобразная Духа благодать.

–      6. Плавающаго в молве | житейских попечений, | с кораблем потопляема грехи, | и душетленному зверю приметаема, | яко Иона, Христе, вопию Ти: | из смертоносныя глубины возведи мя.

–      Очищение нам, Христе, и спасение, Владыко, | возсиял еси от Девы, | да яко пророка | от зверя морскаго персей | Иону, от тли исхитиши, | всего Адама всеродна падшаго.

Кондак, гл. 8. Егда снизшед языки слия, | разделяше языки Вышний; | егда же огненныя языки раздаяше, | в соединение вся призва, | и согласно славим Всесвятаго Духа.

–      7. В пещь огненную ввержени преподобнии отроцы, | огнь в росу преложиша, | воспеванием сице вопиюще: | благословен еси Господи, Боже отец наших.

–      Согласная возшуме органская песнь, | почитати златосотворенный бездушный истукан; | Утешителева же светоносная благодать почествует, | еже вопити: | Троице единая, | равносильная, безначальная, | благословенна еси.

–      8. Неопальная огню | в Синаи причащшаяся купина Бога яви | медленноязычному и гугнивому Моиссови, | и отроки ревность Божия | три непреоборимыя во огни певцы показа; | вся дела Господня Господа пойте, | и превозносите во вся веки.

–      Разрешает узы, | и орошает пламень | трисветлый Богоначалия образ, | поют отроцы, | благословит же единаго | Спаса и Вседетеля, яко благодетеля, | сотворенная всяческая тварь.

Припев: Апостоли сошествие Утешителя зряще удивишася: | како в виде огненных язык явися Дух Святый.

–      9. Нетления искушением рождшая, | и всехитрецу Слову плоть взаимодавшая. | Мати неискусомужная, Дево Богородице, | приятелиице нестерпимаго, село невместимаго | Зиждителя Твоего, Тя величаем.

–      Радуйся Царице, | матеродевственная славо! | Всяка бо удобообращательная | благоглаголивая уста | витийствовати не могут, | Тебе пети достойно; | изумевает же ум всяк | Твое рождество разумели. | Тем же Тя согласно славим.

Стихиры на хвалитех, гл. 4. Преславная днесь | видеша вси язы́цы | во граде Давидове, | егда Дух сниде Святый во огненных языцех, | яко же Богоглаголивый Лука повествует, | глаголен бо: | собранным учеником Христовым, | бысть шум, яко же носиму дыханию бурну, | и исполни дом, | идеже бяху седяше: | и вси начата глаголати странными глаголы. | странными учении, | странными поволении Святыя Троицы.

Слава, и ныне, гл. 6. Царю небесный...

На литургии: Антифоны.

Прокимен, гл. 8. Во всю землю изыде вещание...

Причастен. Дух Твой благий...

Стихиры на Господи воззвах, гл. 4. Дух Святый бе убо присно, и есть, и будет: | ниже начинаем, ниже престаяй, | но присно Отцу и Сыну счинен и счисляем; | живот, и животворяй; свет и света податель, | самоблагий, и источник бдагостыни, | Им же Отец познавается, | и Сын прославляется, и от всех познавается, | едина сила, едино счетание, | едино поклонение Святыя Троицы.

Слава, и ныне, гл. 6. Царю небесный...

Прокимен великий, гл. 7. Кто Бог велий яко Бог наш; | Ты еси Бог творяй чудеса.

Стихиры на стиховне, гл. 3. Ныне в знамение всем яве язы́цы быша; | иудеи бо от них же по плоти Христос, | неверием недуговавше, | Божия благодати отпадоша; | и Божественнаго света сущий от языков сподобихомся. | утвердившеся словесы учеников, | вещающих славу Благодетеля всех Бога; | с ними же сердца с коленами приклоньше, | верою поклонимся Святому Духу, | утвердившеся Спасителем душ наших.

Слава, и ныне, гл. 6. Приидите людие Триипостасному Божеству поклонимся, | Сыну во Отце со Святым Духом; | Отец бо безлетно роди Сына | соприсносущна, и сопрестольна. | и Дух Святый бе во Отце, с Сыном прославляем. | Едина сила, едино существо, едино Божество. | Ему же покланяющеся вси глаголем: | Святый Боже, | вся содеявый Сыном, | содейством Святаго Духа; | Святый Крепкий, | Им же Отца познахом, | и Дух Святый прииде в мир; | Святый Бессмертный, утеиштельный Душе, | от Отца исходяй, и в Сыне почиваяй. | Троице Святая, слава Тебе.

Стихиры на Господи воззвах, гл. 6. Духовнии ветии ученицы Спасовы, | Духу органи бывше верою, | рассеяшася в концы земли, | честное проповедание православне сеюще: | от них же прозябóша Божественным земледелием, | и благодатию мученик воинства, | страсть честную образующа, | многообразными раздроблений ранами и огнем, | и со дерзновением молятся о душах наших.

Слава, гл. 6. Мученик Божественный лик, | церкви основание, благовестию скончание, | вы делом Спасова глаголания исполняете: | вами бо врата адова на церковь отверзшаяся заключишася, | крове вашея литие идольския жертвы изсуши, | заклание ваше породи церковное исполнение, | безплотных удивисте, Богу венценосцы предстоите: | Его же непрестанно молите о душах наших.

И ныне, Богородичен, гл. 8. Царь небесный...

Стихира на стиховне, гл. 6. Приидите вернии, днесь лик совокупивше, | благочестно торжествуим, | и всех святых преславную и честную память | славно почтим, глаголюще: | радуйтеся Апостоли славнии, Пророцы, и Мученицы, и Священноначальницы. | Радуйтеся Преподобных соборе и Праведных, | радуйтеся честных жен лице, | и Христа о мире молите, | победы ИМПЕРАТОРУ на варвары даровати, | и душам нашим велию милость.

И ныне, Богородичен. Творец и Избавитель мой Пречистая...

Тропарь, гл. 4. Иже во всем мире мученик Твоих. | яко багряницею и виссом кровьми Церковь Твои украсившися, | теми вопиет Ти Христе Боже: | людем Твоим щедроты Твоя низпосли, | мир жительству Твоему даруй, | и душам нашим велию милость.

Кондак, гл. 8. Яко начатки естества Насадителю твари | вселенная приносит Ти, Господи, Богоносныя мученики; | тех молитвами в мире глубоце церковь Твою, | жительство Твое Богородицею соблюди, | Многомилостиве.