Источник

Во 2-й де́нь

И́же во святы́х отца́ на́шего Афана́сия Вели́каго, Патриа́рха Александри́йскаго

Святитель Афанасий Великий, архиепископ Александрийский

И́же во святы́х отца́ на́шего Афана́сия, Патриа́рха Константинопо́льскаго, Лубе́нскаго чудотво́рца

Святитель Афанасий III Пателарий, Патриарх Константинопольский, Лубенский чудотворец

Свята́го благове́рнаго и равноапо́стольнаго царя́ Бори́са, во свято́м Креще́нии Михаи́ла

Святой благоверный и равноапостольный царь Борис, во святом Крещении Михаил

Пренесе́ние моще́й святы́х му́чеников Бо́риса и Гле́ба, нарече́нных во свято́м Креще́нии Рома́на и Дави́да

Перенесение мощей святых благоверных князей Российских Бориса и Глеба (в святом Крещении Романа и Давида)

 

 

И́же во святы́х отца́ на́шего Афана́сия Вели́каго, Патриа́рха Александри́йскаго

На Го́споди, воззва́х:стихи́ры на 6, глас 4.

Подо́бен: Зва́нный свы́ше:

Иже безсме́ртныя жи́зни сподо́блен,/ егда́ Единосу́щнаго и Соприсносу́щнаго/ Отцу́ Безнача́льному Роди́телю/ Сы́на и Сло́ва, Животода́вца Христа́ пропове́дал еси́,/ тогда́ о́гненным твои́м язы́ком попали́л еси́ вещь ересе́й, сла́вне,/ отгна́в от це́ркве Христо́вы А́рия,/ и Боже́ственными словесы́ просвети́л еси́/ благочести́вых сердца́ му́дре,/ покланя́тися Тро́ице во Еди́ном Существе́.

Я́ко река́ Бо́жия, напо́лнена вод духо́вных,/ яви́лся еси́, пречу́дне,/ наводне́на Боже́ственными уче́нии,/ и напая́я церко́вное все исполне́ние,/ погружа́я же собо́р еретико́в/ пучи́ною Боже́ственных твои́х слове́с, о́тче,/ и во глубине́ твои́х разуме́ний./ Ты бо, прему́дре, Единосу́щнаго ро́ждшему Отцу́/ Влады́ку Христа́ пропове́дал еси́,/ Боже́ственный Афана́сие пребога́те.

Я́ко тайносказа́тель и Боже́ственный святи́тель/ беды́ претерпе́л еси́, и гоне́ния терпели́вно,/ и наве́ты, блаже́нне, и изгна́ния многовре́менна/ ве́ры ра́ди Христо́вы,/ я́сно Единосу́щнаго, и Соприсносу́щнаго,/ и Равноде́теля, и Собезнача́льна Христа́ пропове́дая/ Первонача́льному и Собезнача́льному Отцу́./ Те́мже тя Сам украси́ пресве́тлыми я́ве науче́нии/ и пресве́тла всей вселе́нней показа́.

И́ны стихи́ры, глас 5.

Подо́бен: Преподо́бне о́тче:

Преподо́бне о́тче, Богоявле́нне Афана́сие,/ от младе́нства позна́лся еси́ Це́ркви свети́льник,/ сия́я виде́нии пресве́тлыми/ и вся́цем же о́бразом богате́яся доброде́телей,/ словесы́ огнедухнове́нными попаля́я е́реси,/ ве́рныя же вся наставля́я,/ Тро́ицы сия́нием пребоже́ственным,/ в Божестве́ Еди́ном разумева́емыя/ и соприсносу́щную сла́ву иму́щия./ Ту моли́ и Той моли́ся всегда́/ дарова́ти вселе́нней единомышле́ние,/ мир и ве́лию ми́лость.

Преподо́бне о́тче, Богоглаго́ливе Афана́сие,/ тезоимени́т вле́поту безсме́ртия нарече́н быв,/ сего́ хода́тайствующею ше́ствовал еси́ стезе́ю,/ жития́ све́тлостию обога́щся я́ве,/ ум чист, Богому́дре, стяжа́в,/ Сло́ву побо́рник обре́лся еси́ и по Ду́се дыха́я Пресвяте́м,/ И́мже просвеща́емь, побежда́л еси́ враги́ твоя́,/ И́мже огражда́емь, неутоли́м яви́лся еси́,/ И́мже и обожа́емь,/ Ему́же и прича́стник, свя́те,/ всем испроси́дарова́ти единомышле́ние,/ мир и ве́лию ми́лость.

Преподо́бне о́тче, Богопропове́дниче Афа́насие,/ беды́ претерпе́в и ча́стыя напа́сти,/ пи́щи ра́йския ны́не сподо́бился еси́,/ внутрь быв Боже́ственных оби́телей,/ к дре́ву прибли́жился еси́ жи́зни нетле́нныя,/ я́ко победи́тель, пра́ведным венце́м укра́шен, блаже́нне,/ и диади́мою Вы́шняго Ца́рствия испещре́н,/ и добро́тою сия́я./ Христо́ви помоли́ся, у Христа́, Богому́дре, проси́/ дарова́ти Це́ркви единомышле́ние,/ мир и ве́лию ми́лость.

Сла́ва, глас 6:

Христо́ва святи́теля воспое́м еси́, Афана́сия,/ я́ко А́риева уче́ния вся упраздни́в,/ и Святы́я Тро́ицы держа́ву во всем ми́ре я́сно возвеща́ет,/ Еди́наго Бо́га, в Трех Ли́цех Неразде́льна,/ Его́же и мо́лит о нас,/ ве́рою соверша́ющих па́мять его́.

И ныне, праздника.

На стихо́вне Трио́ди, Сла́ва, свята́го. Глас 3. Ге́рманово:

Па́ки нам златоте́чный Нил/ и безсме́ртия тезоимени́т, ле́тною па́мятию прише́д,/ до́брыми восхожде́ньми наводня́ет/ златостру́йная безсме́ртия лия́ния/ и пи́щу нетле́ния плододая́ высо́ким благовеща́нием:/ Тро́ицы неразде́льней держа́ве учи́т покланя́тися/ и источа́ет Боже́ственная уче́ния,/ ве́рных напоя́ет помышле́ния/ и мо́лится о душа́х на́ших.

И ны́не, пра́здника.

Тропа́рь, глас 3:

Столп был еси́ правосла́вия,/ Боже́ственными догма́ты подтвержда́я Це́рковь,/ священнонача́льниче Афана́сие:/ Отцу́ бо Сы́на Единосу́щна пропове́дав,/ посрами́л еси́ А́рия./ Отче преподо́бне,/ Христа́ Бо́га мо́ли/ дарова́ти нам ве́лию ми́лость.

Кано́н пра́здника со ирмосо́м на 6 и свята́го на 6, его́же краегране́сие: Афана́сий похвала́ правосла́вия бысть. Творе́ние Феофа́ново, глас 8.

Песнь 1

Ирмо́с: Колесницегони́теля фарао́ня погрузи́/ чудотворя́й иногда́/ Моисе́йский жезл, крестообра́зно порази́в/ и раздели́в мо́ре,/ Изра́иля же беглеца́, пешехо́дца спасе́,/ песнь Бо́гови воспева́юща.

Афана́сию приноша́ю похвалу́,/ я́ко доброде́тель восхваля́я, к Бо́гу приноша́ю па́че похвале́ние,/ от Него́же челове́ком дае́тся достохва́льно дарова́ние доброде́тели,/ е́йже бысть одушевле́н о́браз и печа́ть.

Богому́дрия был еси́ испо́лнен/ и, па́че со́лнца а́нгельским, блаже́нне, житие́м облиста́в ны́не, преподо́бне,/ превозше́л еси́ похва́л зако́ны, и́же от нас,/ но приими́, о́тче, а́ще и не по достоя́нию похвале́ние.

Достодо́лжно у́бо песнь плете́м, во сла́вней твое́й па́мяти,/ но лиша́емся бо́льших, Афана́сие, по достоя́нию пе́сней твои́х,/ про́сим проще́ние нам да́ти и незави́стную благода́ть тобо́ю Ду́ха.

Ю́ношески плотски́х страсте́й игра́ние умертви́л еси́,/ в ю́ности твое́й стяжа́в му́дрость ста́рческую и благоуста́вно, Афана́сие блаже́нне,/ жела́нием бо прему́дрости вся чу́вства испра́вил еси́.

Богоро́дичен: Вопло́щшагося нас ра́ди, Всенепоро́чная,/ И́же пре́жде Безпло́тнаго, Богонача́льнаго Сло́ва О́тча родила́ еси́,/ о де́вственная похвало́, и прия́телище чистоты́, и храм очище́ния,/ Влады́чице ми́ра, Богоневе́сто.

Песнь 3

Ирмо́с: Утвержде́й в нача́ле Небеса́ ра́зумом/ и зе́млю на вода́х основа́вый,/ на ка́мени мя, Христе́, за́поведей Твои́х утверди́,/ я́ко несть свят, па́че Тебе́,/ еди́не Человеколю́бче.

Очи́стив от вся́кия скве́рны ду́шу же и те́ло, Афана́сие,/ храм яви́лся еси́, досто́ин Бо́гу,/ те́мже Тро́ицы исполне́ние почи́ в тебе́, священнотаи́нниче пребога́те.

Твою́ ду́шу, я́коже жела́ше, Уте́шителева благода́ть от страсте́й очище́ну обре́тши,/ я́ве в ней де́йственная показу́ет/ и пресве́тло свети́ло, о́тче, ми́ру тя полага́ет.

Святи́тельства у́бо пра́вило святи́телем показа́лся еси́,/ де́тельнаго же подписа́ние жития́;/ сло́во же твое́ я́сно, виде́ния о́браз, прему́дре,/ Богосло́вия же твоего́ преде́л уче́ние яви́ся.

Богоро́дичен: Херуви́м и Серафи́м превы́шши яви́лася еси́, Богоро́дице:/ Ты бо еди́на прия́ла еси́ Невмести́маго Бо́га во Твое́м чре́ве, Нескве́рная./ Те́мже, ве́рнии, Тя вси пе́сньми, Чи́стая, ублажа́ем.

По 3-й пе́сни конда́к и и́кос пра́здника. Та́же седа́лен свята́го, глас 8.

Подо́бен: Прему́дрости:

Прему́дрости сло́ва навы́к,/ А́риеву лесть низложи́в, ми́рови пропове́дал еси́ правосла́вную ве́ру:/ Отца́ бо Сло́во, Христа́, жизнь на́шу,/ вои́стинну бы́ти уясни́л еси́ сопресто́льна./ Те́мже единому́дренно Це́рковь сла́вит Тро́ицу Единосу́щную,/ во Еди́нице Божества́, Богоно́се Афана́сие./ Моли́ Христа́ Бо́га согреше́ний оставле́ние дарова́ти/ чту́щим любо́вию святу́ю па́мять твою́.

Сла́ва, и ны́не, пра́здника.

Песнь 4

Ирмо́с: Ты моя́ кре́пость, Го́споди,/ Ты моя́ и си́ла,/ Ты мой Бог, Ты мое́ ра́дование,/ не оста́вль не́дра О́тча/ и на́шу нищету́ посети́в./ Тем с проро́ком Авваку́мом зову́ Ти:/ си́ле Твое́й сла́ва, Человеколю́бче.

Все тебе́ вдохну́ живоно́сное дыха́ние свы́ше,/ пе́рвее прише́дшее боголе́пно, Дух Христов в го́рнице, и ученики́ насы́щшее,/ апо́стола тя показа́ тринадеся́таго, о́тче, правосла́вную ве́ру пропове́дающаго.

Ты, Боже́ственною ре́вностию зело́ распаля́емь, собо́ру споспе́шествовал еси́/ и пре́жде, е́же соверши́ти тя председа́теля, в Нике́и пропове́дал еси́ Единосу́щное./ Те́мже Це́ркве Христо́с пастыренача́льника и учи́теля тя поставля́ет.

Вруче́на име́я церко́вная корми́ла от промышле́ния Боже́ственнаго, Афана́сие,/ еретико́в душевре́дная вся языкобо́лия, я́коже не́кая секи́ра, посе́кл еси́,/ искореня́я, я́коже те́рние, и се́мя слове́сное напая́я, му́дре воздела́л еси́.

От твоего́ язы́ка о́гненнаго сожже́ся А́риево сро́дное разделе́ние и слия́ние Саве́ллиево,/ я́же от безме́рия зла, и к нече́стию единоче́стна,/ и вся с ни́ми хуле́ния ерети́ческая, о Афана́сие!

Богородичен: Нов Ада́м за пе́рваго Ты был еси́ от Де́вы,/ за прама́терь – Изба́витель всех и Спас,/ за смерть – и́стинная Жизнь безсме́ртная./ Те́мже Тя ро́ждшую Богоро́дицу ве́дуще, по достоя́нию, Чи́стая, ублажа́ем.

Песнь 5

Ирмос: Вску́ю мя отри́нул еси́/ от лица́ Твоего́, Све́те незаходи́мый,/ и покры́ла мя есть чужда́я тьма, окая́ннаго?/ Но обрати́ мя и к све́ту за́поведей Твои́х/ пути́ моя́ напра́ви, молю́ся.

Христа́ име́я, глаго́люща, о́тче, во орга́не доброгла́снем язы́ка твоего́,/ посрами́л еси́ у́бо и́долов напи́сание е́ресь,/ заблужде́нныя наставля́я и обраща́я ко и́стинному Бо́гу, Афана́сие.

Губи́тельныя е́реси вся, о́тче, изобличи́л еси́ словесы́ и писа́ньми,/ разли́чную лесть изгоня́я му́дрыми показа́ньми из вселе́нныя,/ уясня́я невоспротивосло́вне правосла́вную ве́ру, блаже́нне.

Тя учи́теля вои́стинну вели́ка учи́телей му́дрых, Афана́сие, нело́жно сказу́ет/ и со апо́столы причте́ Це́рковь Христо́ва, о́тче,/ изъявля́юща сло́во ве́ры непоро́чное.

Богородичен: Ма́тернее дерзнове́ние к Сы́ну Твоему́ стяжа́вши, Всечи́стая,/ сро́днаго промышле́ния, е́же о нас не пре́зри, мо́лимся:/ я́ко Тя и еди́ну христиа́не ко Влады́це очище́ние ми́лостивно предлага́ем.

Песнь 6

Ирмос: Очи́сти мя, Спа́се,/ мно́га бо беззако́ния моя́,/ и из глубины́ зол возведи́, молю́ся,/ к Тебе́ бо возопи́х, и услы́ши мя,/ Бо́же спасе́ния моего́.

Чужда́го се́мене се́ятель яви́вся Аполлина́рий,/ земна́го словесе́ и ума́ Христо́во вочелове́чение,/ кре́пко изобличи́ся от Тебе́, преблаже́нне, я́коже несмы́слен и умовре́ден.

Глаго́л твои́х, блаже́нне, Богодухнове́нных си́ла, я́ко глас гро́ма,/ во у́ши, Богоприя́тне, я́ве возгреме́ ерети́чествующих/ и ли́ца их очерни́.

Диви́тся всяк твои́м, о́тче, вле́поту списа́ниям му́дрым,/ любе́зно вмеща́я, хотя́щая бы́ти прозябе́ния ересе́й/ прови́дя, отвраща́емая от Тебе́ проро́чески.

Богородичен: Сын Единоро́дный и пре́жде век неви́димый,/ в после́дния дни Пе́рвенец бысть, зрим в телеси́ из Тебе́, Богома́ти,/ Бог спасе́ния моего́.

Кондак, глас 2.

Подобен: Крове́й Твои́х:

Правосла́вия насади́в уче́ния,/ злосла́вия те́рния изсе́кл еси́,/ умно́жив се́мя ве́ры одожде́нием Ду́ха, преподо́бне,/ те́мже тя пое́м, Афана́сие.

Икос:

Быстрины́ слове́с твои́х источи́в Боже́ственнаго уче́ния ми́рови,/ ду́ши ве́рных напои́л еси́, Афана́сие,/ и ерети́ческия предста́тели потопи́л еси́, я́ко други́я еги́птяны,/ зако́н нам богоначерта́нный дав правосла́вия,/ покланя́ние3 Тро́ицы во Еди́ном Божестве́ чти́ти,/ Е́юже нас соблюди́, от враг неви́димых избавля́я,/ те́мже тя пое́м, Афана́сие.

Песнь 7

Ирмос: Бо́жия снизхожде́ния/ огнь устыде́ся в Вавило́не иногда́,/ сего́ ра́ди о́троцы в пещи́, ра́дованною ного́ю,/ я́ко во цве́тнице, лику́юще, поя́ху:/ благослове́н еси́, Бо́же оте́ц на́ших.

Единоче́стное, Сопресто́льное Отцу́ Сло́во,/ Единоро́дна же Сы́на правосла́вно пропове́дав,/ безсме́ртия, о́тче тезоимени́те, а́бие науча́еши, Ду́ху Сопресто́льна,/ и Единосу́щна, и Соприсносу́щна.

Учи́теля тя и пропове́дника священноявле́нна Трисо́лнечнаго Све́та,/ возвеща́юща ве́ру правосла́вия да́же до коне́ц земли́,/ нече́стия зря роди́тель, изгна́ния на тя воздвиза́ет.

Беды́ безме́рныя я́же подъя́л еси́, блаже́нне, подвиза́яся по благоче́стию,/ венцы́ же, та́кожде све́тлии,/ и́бо адама́нт был еси́ бию́щим,/ к себе́ же, я́ко магни́т, привлача́л еси́ вся.

Стра́нныя догма́ты, чу́ждия же Це́ркве Христо́вы, изгна́л еси́,/ Тро́ицу богосло́вив Ипоста́сьми, Божество́м же Еди́ницу, Ю́же пел еси́:/ благослове́н Бог оте́ц на́ших.

Богородичен: В ле́то Безле́тнаго, Неискусобра́чна еди́на бы́вши,/ Я́же пе́рвее Безпло́тное Сло́во, пло́ти прия́тием, Де́во, родила́ еси́,/ Ему́же пое́м, согла́сно зову́ще:/ благослове́н Бог оте́ц на́ших.

Песнь 8

Ирмос: Седмери́цею пещь/ халде́йский мучи́тель/ Богочести́вым неи́стовно разжже, ́/ си́лою же луч́шею спасе́ны, сия́ ви́дев,/ Творцу́ и Изба́вителю вопия́ше:/ о́троцы, благослови́те,/ свяще́нницы, воспо́йте,/ лю́дие, превозноси́те во вся ве́ки.

Святи́телей украше́ние благосла́вное, Афана́сие,/ сто́лпе све́та и Це́ркве утвержде́ние,/ Тро́ицы побо́рниче, Богосло́вия трубо́ злата́я,/ жития́ же мона́шескаго изве́стный законописа́телю, с на́ми пра́зднуеши,/ иере́и соверша́я, лю́ди ве́рныя приводя́ Христу́ во ве́ки.

Безсме́ртия был еси́ вои́стинну тезоимени́т, де́тельныя бо сло́вом превозше́л еси́,/ иску́сных же в сло́ве изве́стием жития́ побежда́я,/ во обои́х преше́л еси́ край./ Те́мже, непрело́жною доброде́телию просия́в,/ безсме́ртную стяжа́л еси́ па́мять во ве́ки.

Ты све́тлейшее показа́л еси́, тайнонебе́сниче Богоприя́тне, святи́тельство/ до́блими страда́ньми твои́ми,/ пре́лесть изгна́л еси́ твои́ми изгна́нии ча́стыми по Тро́ице, Ю́же пропове́дуя, вопие́ши:/ Отцу́ поклони́теся, Сы́на богосло́вите, Ду́ха воспо́йте во вся ве́ки.

Богородичен: Све́та незаходи́маго была́ еси́ прия́телище, Пречи́стая,/ Свет бо су́щим во тьме и се́ни бысть,/ просвеща́я вся́ческая Богоразу́мия благода́тию,/ Его́же непреста́нно, ве́рнии, во вся ве́ки пое́м.

Песнь 9

Ирмос: Ужасе́ся о сем не́бо,/ и земли́ удиви́шася концы́,/ я́ко Бог яви́ся челове́ком пло́тски/ и чре́во Твое́ бысть простра́ннейшее небе́с./ Тем Тя, Богоро́дицу,/ А́нгелов и челове́к чинонача́лия велича́ют.

Просия́ жити́ем, я́ко мо́лния,/ излия́ся же, о́тче, всем веща́ние твое́, я́коже гром,/ и́хже со́лнце назира́ет,/ с Небесе́ бо име́л еси́ свы́ше вдохнове́ние и́стинно./ Те́мже не угаси́ твоея́ па́мяти хода́тай забве́ния гроб, Афана́сие.

Све́том трисо́лнечным и трисия́нным яснейше ны́не осия́емь,/ певце́м твои́м осия́ние зареви́дное явля́еши,/ я́ко зерца́лом, свы́ше испуща́я со́лнечне,/ и ты соста́ви, блаже́нне, а́ще вели́ко и ма́ло па́че досто́инства проси́мое.

Пою́ще, мо́лим тя приле́жно: о Це́ркви помоли́ся,/ кресто́м побе́ды дарова́ти во́инству,/ правосла́вней же ве́ре кре́пость на е́реси враго́в,/ нам же спасе́ние, мир же ми́ру в твое́й па́мяти, Афана́сие.

Богородичен: Всех Предста́тельнице христиа́н, Богома́ти Де́во Пренепоро́чная,/ я́ко Ми́лостива, изба́ви от бед и напа́стей оскорбле́нныя рабы́ Твоя́,/ и неду́гующия лю́тых струп я́звами, и боле́зньми ран боля́щия изврачу́й.

Светилен.

Подобен: Све́те неизме́нный:

Река́ златото́чная яви́лся еси́,/ уче́ний вода́ми напая́я,/ служи́тель Тро́ицы, святи́телей украше́ние,/ ты бо А́риево уче́ние, Афана́сие, разори́л еси́ уче́нии твои́ми.

Слава, ин.

Подобен: Не́бо звезда́ми:

Архиере́ев сла́ву и Еги́пта воспита́ние, безсме́ртия украше́ние,/ воспои́м во хвале́нии Афана́сия вели́каго,/ я́ко низложи́теля А́риева и ве́рных засту́пника.

И ныне, праздника.

На хвалитех стихиры на 4, глас 4.

Подобен: Я́ко до́бля:

О́гненными твои́ми уче́нии/ ересе́й вся́ка хвра́стная вещь попаля́ется, пресла́вне,/ глубино́ю разуме́ний потопля́ется/ во́инство непокори́вых злочести́вое,/ Афана́сие преподо́бне,/ твои́ми же уче́нии удобря́ется, блаже́нне,/ на ки́йждо день ве́рных Це́рковь,/ велегла́сно почита́ющи тя.

От Христо́вы Це́ркве мы́сленныя во́лки отгна́л еси́, прему́дре,/ жезло́м уче́ний твои́х/ и сию́ о́крест огради́л еси́ слове́с утвержде́ньми/ и предста́вил еси́ Христу́ недви́жиму и непоколеби́му./ Его́же моли́ от тли и бед изба́витися/ ве́рою соверша́ющим всечестну́ю па́мять твою́.

Слове́с твои́х Боже́ственных светлостьми́, преподо́бне,/ Це́рковь вся украша́ется,/ и благоче́стно удобря́ется кра́сными добро́тами,/ и почита́ет достодо́лжно всепра́зднственную па́мять твою́, Афана́сие,/ свяще́нников сла́во,/ благоче́стия све́тлый и вели́кий пропове́дниче,/ Тро́ицы побо́рниче.

Слава, глас тойже. Германа Патриарха:

Вели́кая церко́вная и́стинная трубо́,/ многострада́льный Афана́сий/ к благохвале́нию днесь созыва́ет вселе́нную све́тло./ Ве́рнии вси, к торжеству́ предусря́щим до́браго па́стыря,/ пе́сньми почита́юще свяще́нныя его́ труды́,/ я́ко да моли́твами его́/ прии́мем от Христа́ Бо́га ве́лию ми́лость.

И ныне, праздника.

На стиховне праздника. Слава, глас 3:

Вели́кое украше́ние святи́телей,/ Афана́сия, непобеди́маго предста́теля, священноле́пно да восхва́лим:/ сей бо, ересе́й ссек полки́ си́лою Пресвята́го Ду́ха,/ правосла́вию побе́дная воздви́же по всей вселе́нней,/ сочета́я благоче́стно Тро́йческое та́инство сво́йством Лиц,/ и па́ки совокупля́я несме́сно во Еди́но Существа́ то́ждеством,/ и херуви́мски богосло́вя,/ мо́лит при́сно о душа́х на́ших.

И ныне, праздника.

НА ЛИТУРГИИ

Блаженны праздника, песнь рядовая и святаго песнь 3-я. Прокимен, глас 7: Честна́ пред Го́сподем/ смерть преподо́бных Его́. Стих: Что́ возда́м Го́сподеви о всех, я́же воздаде́ ми?Апостол ко Евреем, зачало 318. Аллилуия, глас 2: Свяще́нницы Твои́ облеку́тся в пра́вду,/ и преподо́бнии Твои́ возра́дуются. Евангелие от Матфея, зачало 11. Причастен: В па́мять ве́чную бу́дет пра́ведник:

Молитва

О всехва́льный и пресла́вный святи́телю Афана́сие Вели́кий, за ве́ру Правосла́вную ты был еси́ в до́лзех труде́х, мно́зех по́двизех, в пятикра́тных изгна́ниих и бе́гствех, претерпе́л еси́ мно́ги клеветы́ и оболга́ния, мно́гажды за ню хоте́ша врази́ твои́ уби́ти тя, и то́кмо Сам Бог чуде́сно сохрани́ тя от сме́рти. И все сие́ ты претерпе́л еси́ от нечести́вых еретико́в – ариа́н, с ни́ми же и боро́лся еси́, и и́хже, в пучи́не слове́с погрузи́в, терпе́нием твои́м препобеди́л еси́, и, злове́рие их от Це́ркве отгна́в и правосла́вное уче́ние насади́в, умно́жил еси́ се́мя ве́ры Христо́вой. Вои́стинну ты еси́ хра́брый во́ин Христо́в, я́ко во́ин бо, до конца́ дний твои́х сла́вно боро́лся еси́ за пра́вую ве́ру со еретики́. Вои́стинну ты еси́ столп ве́ры Правосла́вныя, и́бо ника́коже поколеба́ся ве́ра твоя́ Правосла́вная от сих гоне́ний ерети́ческих, но па́че утверди́ся и укрепи́ся, и не то́кмо у тя и у па́ствы твоея́, но и во всей Це́ркви Христо́вей. К тебе́ мо́лимся, уго́дниче Бо́жий, испроси́ у Христа́ Бо́га на́шего и нам име́ти ве́ру непоколеби́му и не уклони́тися от пра́ваго пути́ ея́, но до конца́ дний свои́х пребы́ти на нем, не боя́щеся ни ле́сти, ни преще́ния, ни да́же гоне́ния, и унасле́довати Ца́рство Небе́сное во сла́ве Бо́га Отца́ и Сы́на и Свя́таго Ду́ха, иде́же ты и вси святи́и пребыва́ют. Ами́нь.

Святитель Афанасий Великий, архиепископ Александрийский

Святитель Афанасий Великий, архиепископ Александрийский, родился около 297 года в Александрии в христианской семье. По всей вероятности, образование он получил в знаменитом Огласительном училище в Александрии, в числе препода вателей которого был святитель Александрийский Петр († 311; память 25 ноября). Святой Афанасий хорошо знал право, философию, литературу, физику, астрономию и другие светские науки. По свидетельству святителя Григория Богослова († 389; память 25 января и 30 января), основное внимание он уделял изучению Священного Писания. Духовное воспитание и образование святой Афанасий завершил в обществе великих подвижников, одним из которых был и преподобный Антоний Великий († 356; память 17 января), возможно, некоторое время был его наставником. Впоследствии святой Афанасий написал житие преподобного Антония, которое святитель Иоанн Златоуст († 407; память 27 января, 30 января и 13 ноября) советовал читать для духовного назидания. Известно, что преподобный Антоний глубоко почитал святого Афанасия и перед своей кончиной он завещал ему одну из своих одежд. Еще в отроческие годы святого Афанасия Господь открыл в нем великого служителя Церкви Христовой. Однажды будущий святитель со сверстниками играл на берегу моря. Во время игры дети-христиане решили крестить своих товарищей язычников. Так как святой Афанасий, особенно любивший посещать храм Божий, лучше других знал церковное Богослужение, то его избрали «епископом». Совершая крещение товарищей, святой Афанасий произносил слова в полном соответствии с церковным уставом.

Затем он сказал «новокрещенным» поучение. Все это с большим удивлением наблюдал находившийся поблизости епископ Александрийский Александр (312–326). Побеседовав с отроками, он признал крещение действительным и дополнил его миропомазанием. Через некоторое время родители святого Афанасия, по благословению епископа Александра, привели сына в храм и посвятили его Богу. С того времени святой Афанасий стал жить в доме епископа «как сын с отцом», был его помощником и секретарем. Таким образом, под благотворным влиянием известного защитника Православия, каким был Александрийский архипастырь, он с юных лет приобщился к служению Церкви, раздираемой в то время еретическими лжеучениями.

Проницательный ум святого Афанасия, дар рассуждения, основательное знание истин христианского вероучения, святая ревность о Господеуже тогда выделяли его в окружении епископа Александра. В 319 году епископ Александр рукоположил святого Афанасия в сан диакона. К тому времени относятся первые творения святого Афанасия –«Против язычников» и «О воплощении Бога Слова». В первом он объясняет возникновение язычества грехопадением человека и показывает нелепость и безнравственность мифологических преданий и суеверий языческого мира, а также указывает пути к познанию истинного Бога. Во втором сочинении святой Афанасий излагает учение об искуплении рода человеческого Господом Иисусом Христом и защищает это учение от нападок иудеев и язычников.

Когда в Александрии возникла так называемая арианская ересь, заключавшаяся в отрицании Божественной сущности Господа Иисуса Христа, святой Афанасий принял деятельное участие в борьбе епископа Александра против еретиков и тем самым возбудил к себе ненависть ариан. В 325 году святой Афанасий сопровождал епископа Александра в Никею на Первый Вселенский Собор, осудивший ересь Ария. На Соборе святой Афанасии произнес обличительную речь против ариан, которая была поддержана отцами Собора. С тех пор и до конца его жизни ариане подвергали святого Афанасия гонениям, клеветали на него императору и даже покушались на его жизнь.

Через пять месяцев после Никейского Собора, в 326 году, епископ Александр скончался. Александрийские клирики и паства единодушно избрали архипастырем святого Афанасия. Знакомясь с состоянием духовной жизни в Александрийской Церкви, он посетил мареотскую область, а также отдаленные пределы своей архиепископии по реке Нилу. Возобновившиеся смуты ариан побудили святителя Афанасия возвратиться в Александрию. Вернувшийся из ссылки лжеучитель Арий и другие еретики не были приняты им в церковное общение. В течение нескольких лет ариане всеми способами старались сместить святителя Афанасия с Александрийской кафедры. Они измышляли одну ложь за другой, всячески пороча святого архипастыря перед императором и епископами других Церквей. Наконец, в 335 году император Константин Великий († 337; память 21 мая) собрал Церковный Собор в Тире для расследования обвинений против святителя Афанасия. Еретики преобладали на Соборе, святому Афанасию не дали возможности защищаться до конца и он, хотя и доказал ложность возводимых на него обвинений, был незаконно осужден и изгнан в Галлию, в г. Трир. Правителем Галлии в то время был старший сын Константина Великого тезоименитый ему Константин (впоследствии император Константин II, 337–340), который вместе с епископом Трирским Максимом принял святого изгнанника с большим почетом. В 338 году Константин II возвратил святителя Афанасия на Александрийскую кафедру. Однако после смерти Константина II ариане возбудили против святого Афанасия императора Констанция (337–361), правителя восточной части Византийской империи. Святитель Афанасий, спасаясь от разъяренных ариан, покушавшихся на его жизнь, скрывался в глубоком безводном колодце, куда ему приносил пищу некий боголюбивый христианин. Там он написал «Окружное послание» (341) к епископам всех Церквей, в котором призвал их оказать помощь Александрийской Церкви в борьбе с еретиками.

Через некоторое время святитель Афанасий отправился в Рим, где был принят святителем Юлием, Папой Римским (337–352). Через некоторое время святитель Афанасий вернулся в Александрию, однако ариане вновь пытались убить его, и он вынужден был возвратиться в Рим, где пробыл еще три года. Своей подвижнической жизнью святитель Афанасий снискал глубокое уважение правителя западной части Византийской империи Константа (337–350), который в письме к своему брату императору Констанцию потребовал пересмотреть дело святителя. Опасаясь разрыва с братом, Констанций в 347 году созвал так называемый Сардикийский Собор. Последствием этого было возвращение святителя на Александрийскую кафедру в 348 году. Как и прежде, святитель Афанасий всеми силами утверждал свою паству в истине. Устно и письменно он учил, что Сын Божий единосущен Отцу. После смерти Константа ариане вновь склонили на свою сторону Констанция, который изгнал святителя. Он удалился в Египетскую пустыню, населенную отшельниками. Там святитель Афанасий вел подвижническую жизнь и писал богословские труды, а также утешительные и назидательные послания к бедствовавшей и гонимой еретиками александрийской пастве.

Когда императором стал Юлиан, прозванный впоследствии Отступником (361–363), он вернул на свои кафедры всех изгнанных епископов, как православных, так и еретиков. Однако вскоре, публично отрекшись от Христа, Юлиан приказал «гнать Афанасия везде, где только можно». В царствование Иовиана (363–364) святитель Афанасий мирно управлял Александрийской Церковью, но это время было недолгим. В 364 году императором стал ариаяин Валент (364–378), который изгнал со своих кафедр православных епископов. Однако волнения в обширной империи и особенно в Александрии, готовой поднять мятеж против нового императора, заставили Валента вернуть святителя Афанасия на его кафедру.

В последние годы жизни святитель Афанасий продолжал ревностно бороться с разными еретическими заблуждениями, искажавшими православное учение о воплощении Сына Божия. Опровержению подобных учений святитель посвятил первую и вторую книги против Аполлинария, который исповедовал Никейский Символ веры, но неверно учил о человеческом естестве Иисуса Христа. Догматические определения святителя Афанасия о Божестве Святого Духа и о человеческом естестве в Иисусе Христе, объясняющие и дополняющие сказанное в Никейском Символе веры, настолько важны для Церкви, что святитель Григорий Богослов писал о них в «Похвальном слове Афанасию»: «Это полезнее продолжительных трудов и речей, предпочтительнее многих бдений; это равняется достославным изгнаниям и неоднократному бегству самого Афанасия»; «... Его жизнь и нравы – правило для епископов; его догматы? законы для Православия». В своих творениях святитель оставил Церкви духовное оружие и против тех ересей, которые возникли в следующем столетии.

Велики заслуги святителя Афанасия и в деле умиротворения Церкви. Важнейшим миротворческим деланием святителя была забота о восстановлении мира между Церквами Сирии и Малой Азии и Церковью Римской, а также об умиротворении Церкви Антиохийской. Письма святителя Василия Великого († 379; память 1 января) к святителю Афанасию показывают, какие надежды восточные епископы возлагали на него как посредника между ними и Западной Церковью.

Следуя в своей жизни правилам, которые усвоил еще в юности от подвижников благочестия, святитель Афанасий заботился о том, чтобы пример иноческой жизни назидал не только удалившихся от мира, но и всех православных христиан. Именно поэтому он призывал на служение Церкви и поставлял в пресвитеры и епископы достойных иноков, возвысившихся своими добродетелями. Примеру Александрийского архипастыря следовали и Предстоятели других Церквей.

Святитель Афанасий, прозванный за свои исключительные заслуги перед Церковью Христовой Великим, мирно отошел ко Господу 2 мая 373 года, после сорокасемилетнего управления Александрийской Церковью. За пять дней до кончины он посвятил в сан епископа Александрийского одного из своих сподвижников? пресвитера Петра (управлял Александрийской Церковью с 373 по 380 год). Впоследствии мощи святителя Афанасия были перенесены в Константинополь.

Литература:

Горский Александр, протоиерей. Жизнь святого Афанасия Великого, архиепископа Александрийского. – В кн.: Творения иже во святых отца нашего Афанасия Великого, Архиепископа Александрийского. Ч. I, 2-е изд. исправл. и дополн. СвятоТроице-Сергиева Лавра, 1902.

И́же во святы́х отца́ на́шего Афана́сия, Патриа́рха Константинопо́льскаго, Лубе́нскаго чудотво́рца

НА МА́ЛОЙ ВЕЧЕ́РНИ

На Го́споди, воззва́х:стихи́ры, глас 1:

Наста́, Богоно́се, со́лнца светле́йший твой пра́здник,/ в не́мже ра́достию озаря́ются приходя́щий к тебе́ с ве́рою/ и благода́тию облагоуха́ются,/ здра́вие душ и теле́с прие́млюще,/ святи́телю Афана́сие,/ моли́твенниче о душа́х на́ших.

В зе́млю кро́тких ты всели́лся еси́, святи́телю,/ кро́ток и незло́бив быв в житии́ твое́м,/ весь укра́шен смиренному́дрием/ и све́том доброде́телей преоде́ян.

Зри́ши Бо́жия и а́нгельския све́тлости,/ со́нмы патриа́рх и му́ченик/ и ли́ки апо́стольския,/ моли́ у́бо с ни́ми Человеколю́бца/ оставле́ние грехо́в и жития́ исправле́ние/ дарова́ти нам, святи́телю, хва́лящим тя.

Све́тлостию твое́ю украси́л еси́ престо́л Царягра́да, святи́телю,/ в не́мже пожи́в, я́ко А́нгел,/ ста́до твое́ му́дре упа́сл еси́,/ во и́стинней ве́ре сие́ утверди́в.

Сла́ва, глас 4:

Изба́ви чту́щия тя, святи́телю Афана́сие,/ от грехо́вныя бу́ри,/ от бед и скорбе́й,/ к ти́хому приста́нищу приводя́/ благоприя́тными твои́ми моли́твами.

И ны́не, пра́здника или́ Богоро́дичен, глас то́йже:

Изба́ви нас от нужд на́ших,/ Ма́ти Христа́ Бо́га,/ ро́ждшая всех Творца́,/ да вси зове́м Ти:/ ра́дуйся, еди́но предста́тельство душ на́ших.

На стихо́вне стихи́ры, глас 2.

Подо́бен: До́ме Евфра́фов:

Бо́жиим смотре́нием произбра́н быв,/ святи́тель показа́лся еси́,/ безкро́вныя же́ртвы Бо́гу принося́,/ поже́ршемуся нас ра́ди,/ о́тче святи́телю Афана́сие.

Стих: Честна́ пред Го́сподем/ смерть преподо́бных Его́.

Воплоще́нно Сло́во благовествова́л еси́/ и лю́ди от ра́бства греху́ спасл еси́,/ отгоня́я ага́рянская нече́стия,/ о́тче святи́телю Афана́сие,/ прему́дре и Богоно́се.

Стих: Что возда́м Го́сподеви о всех,/ я́же воздаде́ ми?

Гроб, иде́же пребыва́ет честно́е те́ло твое́,/ благово́ние источа́ет,/ я́ко рая́ Бо́жия цвет,/ благоуха́я ве́рныя,/ святи́телю пресла́вне и всече́стне Афана́сие.

Сла́ва, глас 8:

Христу́ яви́лся еси́ уго́дник,/ святи́телю Афана́сие,/ не преста́й моля́ся ко Го́споду,/ да изба́вится ста́до твое́/ от искуше́ний, и бед, и скорбе́й.

И ны́не, пра́здника или Богоро́дичен, глас то́йже:

Влады́чице, приими́ моли́твы раб Твои́х/ и изба́ви нас/ от вся́кия ну́жды и печа́ли.

Тропа́рь пи́сан на вели́цей вече́рни.

НА ВЕЛИ́ЦЕЙ ВЕЧЕ́РНИ

На Го́споди, воззва́х:стихи́ры, глас 6:

Освяще́н быв Боже́ственною благода́тию,/ Богоно́сец показа́лся еси́,/ пома́зание Бо́жие свято́е;/ све́тло входя́ вы́ну во Свята́я святы́х,/ богонача́льными светлостьми́ озаря́емь,/ Боже́ственных Та́ин причаща́яся,/ я́ко и́стинный святи́тель пресла́вен яви́лся еси́/ и ны́не со дерзнове́нием мо́лишися о душа́х на́ших.

Просвети́ся житие́ твое́ светлостьми́ доброде́телей твои́х,/ и́миже ве́рныя озари́л еси́/ и тьму злове́рия разгна́л еси́,/ те́мже и́стинное яви́лся еси́ светоза́рное со́лнце,/ святи́телю преблаже́нне Афана́сие,/ и ны́не всели́лся еси́, иде́же сия́ет Свет невече́рний./ Днесь светоно́сную па́мять твою́ че́стно соверша́юще, приснопа́мятне,/ любо́вию тя почита́ем.

Ум твой стремле́нием к Бо́гу просвети́в,/ све́тел яви́лся еси́, всесла́вне:/ в ме́ртвенней и тле́ннем телеси́, я́ко безпло́тен, пожи́в,/ притяжа́л еси́ безпло́тных све́тлости/ и, страсте́й вне быв,/ безстра́стием украси́лся еси́, Афана́сие,/ о́тче святи́телю прему́дре,/ све́тлый свети́льниче/ и моли́твенниче о чту́щих любо́вию па́мять твою́.

Пра́отцу Иа́кову, изше́дшему в Харра́н, подража́я/ изше́л еси́, святи́телю, от восто́ка в Росси́йскую страну́,/ да стя́жеши обнища́вшим святы́м место́м благопотре́бная;/ те́мже, ви́дя любо́вь твою́ ко святы́ни,/ освяти́ тя Госпо́дь нетле́нием телесе́ твоего́/ и да́ром чудотворе́ний обогати́./ Ны́не у́бо прославля́ем тя, с ве́рою вопию́ще:/ ра́дуйся, о́тче, просвеще́ние душ на́ших.

Сла́ва, глас то́йже:

Возсия́ днесь пресве́тлая па́мять твоя́,/ пресла́вне Афана́сие,/ созыва́ющи многочи́сленное по́стник сосло́вие,/ и и́ноков ликостоя́ния,/ и ве́рных люде́й собра́ния/ к похвале́нию в Тро́ице покланя́емаго Еди́наго Бо́га на́шего./ Ны́не, притека́ющее ко свяще́нней ра́це моще́й твои́х,/ исцеле́ния да́ры оби́льно прие́млем/ и тебе́ венча́вшаго Христа́ прославля́ем,/ Спа́са душ на́ших.

И ны́не, пра́здника или Богоро́дичен: Кто Тебе́ не ублажи́т:

Вход. Проки́мен дне. И чте́ния 3 святи́тельская (зри 9 мая).

На лити́и стихи́ры, глас 1:

Безсме́ртию быв тезоимени́т,/ в ве́ре тве́рдей житие́ твое́ проше́д,/ блаже́ннаго безсме́ртия прича́стник яви́лся еси́,/ о́тче святи́телю Афана́сие,/ ны́не Христо́ви предстоя́,/ помина́й нас, почита́ющих тя.

Очи́стив от вся́кия скве́рны ду́шу и те́ло,/ святи́телю Афана́сие,/ храм досто́ин Бо́гу показа́лся еси́/ и Тро́ицы жили́ще яви́лся еси́,/ священнотаи́нниче и моли́твенниче о душа́х на́ших.

С Вы́шними ли́ки я́ко святи́тель/ и я́ко Бо́жий служи́тель предстоя́,/ о нас приле́жно моли́ся,/ спасти́ся душа́м на́шим, свя́те,/ моли́твами твои́ми.

Сла́ва, глас 4:

Сла́ву твою́ воспе́ти по досто́инству невозмо́жно есть:/ чудеса́ бо мно́га соверша́еши/ и исцеле́ния незави́стно источа́еши/ с ве́рою приходя́щим к тебе́, Афана́сие, Росси́йская похвало́./ Те́мже я́ко уго́дника Бо́жия вси тя велича́ем.

И ны́не, пра́здника или́ Богоро́дичен:

При́зри на моле́ния Твои́х раб, Всенепоро́чная,/ утоля́ющи лю́тая на ны воста́ния,/ вся́кия ско́рби нас изменя́ющи:/ Тя бо Еди́ну, тве́рдое и изве́стное утвержде́ние, и́мамы/ и Твое́ предста́тельство стяжа́хом,/ да не постыди́мся, Влады́чице,/ Тя призыва́ющий./ Потщи́ся на умоле́ние Тебе́ ве́рно вопию́щих:/ ра́дуйся, Влады́чице,/ всех по́моще, ра́досте и покро́ве,/ и спасе́ние душ на́ших.

На стихо́вне стихи́ры, глас 8:

Святи́телю Афана́сие,/ разу́мнаго света́ заре́,/ церко́вное свети́ло, святи́тельская похвало́,/ монаше́скаго по́стнаго жития́ честно́е пра́вило,/ ты яви́лся еси́ нам засту́пник пред Го́сподем,/ свобожда́я от бед и скорбе́й ду́ши на́ша.

Стих: Честна́ пред Го́сподем/ смерть преподо́бных Его́.

Святи́телю Афана́сие,/ вели́кую власть от Бо́га прие́м,/ мно́жество лука́вых бесо́в моли́твою твое́ю отгоня́еши/ и в лю́тых обстоя́ниих заступа́еши вся,/ с ве́рою к тебе́ притека́ющия.

Стих: Что возда́м Го́сподеви о всех,/ я́же воздаде́ ми?

Святи́теля вели́каго Афана́сия/ ка́ко досто́йно воспое́м,/ свети́льника всесве́тлаго,/ освеща́ющаго нас и Боже́ственный ра́зум подаю́щаго,/ та́ин Богосло́вия испове́дателя?/ Те́мже согла́сно возопии́м:/ ра́дуйся, о́тче отце́в Афана́сие.

Слава, глас тойже:

Ты еси́ па́стырь до́брый и учи́тель му́дрый,/ святи́телю Афана́сие:/ тобою́ Бог украси ́ Це́рковь Свою́,/ и те́ло твое́, девятоле́тно в земли́ сокрове́нное,/ нетле́нно яви́ лю́дем Свои́м./ Те́мже, всегда́ похваля́юще тя, вопие́м:/ не преста́й моля́ся о чту́щих па́мять твою́,/ дарова́ти оставле́ние грехо́в и спасе́ние душа́м на́шим.

И ныне, праздника илиБогородичен: Безневе́стная Де́во:

На благословении хлебов тропарь, глас 8:

Прему́дростию уче́ний твои́х ца́рствующий град просвети́в,/ тьму неве́дения ерети́ческаго разгна́л еси́, преблаже́нне;/ твое́ благослове́ние земли́ Росси́йстей прине́сл еси́,/ о́тче наш, святи́телю Афана́сие,/ иде́же сконча́в тече́ние твое́,/ на кри́лех чистоты́ возлете́л еси́ в Небе́сное Ца́рство./ Моли́ Христа́ Бо́га непреста́нно о душа́х на́ших.

Слава, и ныне, праздника илиБогородичен.

НА УТРЕНИ

На Бог Госпо́дь:тропарь праздника дважды. Сла́ва,святаго. И ны́не,праздника или Богородичен.

По 1-м стихословии седален, глас 1:

Служи́тель быв Христу́, Влады́це вся́ческих,/ просвети́л еси́ лю́ди све́том Христо́вым/ к разуме́нию Боже́ственных писа́ний наста́вил еси́, святи́телю,/ те́мже пропове́дника тя и́стины в си имену́ем,/ па́стыря и моли́твенника о душа́х на́ших.

Слава, и ныне, Богородичен:

Безневе́стная Чи́стая Бого́родице Де́во,/ Еди́на Предста́тельнице ве́рных и покро́ве,/ от бед, и скорбе́й, и лю́тых обстоя́ний изба́ви всех, на Тя упова́ние иму́щих, Отрокови́це,/ и ду́ши на́ша спаси́ Твои́м заступле́нием.

По 2-м стихословии седален, глас 4:

От ю́ности взем крест твой, неукло́нно Христу́ после́довал еси́,/ вся́кое плотско́е мудрова́ние возненави́дев,/ те́мже благода́ть святи́тельства восприи́м,/ Це́рковь Христо́ву па́стырскими доброде́тельми украси́л еси́,/ о́тче Афана́сие Богому́дре.

Слава, и ныне, Богородичен:

Де́во Всенепоро́чная, Пресу́щнаго Бо́га ро́ждшая,/ со святи́телем Того́ непреста́нно моли́/ оставле́ние прегреше́ний и исправле́ние жития́ да́ти нам,/ ве́рою и любо́вию пою́щим Тя, Еди́на Всепе́тая.

Величание и псалом избранный святителю.

По полиелеи седален, глас 8:

Стра́сти плотски́я победи́в,/ святи́тель яви́лся еси́ Богоно́сен/ и па́ству твою́ пресла́вно упа́сл еси́, Афана́сие,/ Креще́нием же мно́гия лю́ди просвети́в,/ научи́л еси́ их сла́вити Еди́наго Бо́га в Трие́х Ипоста́сех,/ и ны́не, по кончи́не твое́й, источа́еши исцеле́ния с ве́рою приходя́щим к ра́це моще́й твои́х./ Моли́ у́бо Христа́ Бо́га оставле́ние согреше́ний дарова́ти/ чту́щим любо́вию святу́ю па́мять твою́.

Слава, и ныне, праздника илиБогородичен:

Небе́сную дверь и ковче́г,/ всесвяту́ю го́ру, све́тлый о́блак воспои́м,/ неопали́мую купину́, слове́сный рай, Е́вино свобожде́ние,/ вселе́нныя всея́ вели́кое сокро́вище,/ я́ко спасе́ние в нем соде́лася ми́ру и оставле́ние дре́вних согреше́ний./ Те́мже и вопие́м Ей:/ моли́ Христа́ Бо́га прегреше́ний оставле́ние дарова́ти/ благоче́стно покланя́ющимся пресвято́му рождеству́ Твоему́.

Степенна, 1-й антифон 4-го гласа. Прокимен, глас 7: Честна́ пред Го́сподем/ смерть преподо́бных Его́. Стих: Что возда́м Го́сподеви о всех, я́же воздаде́ ми? Вся́кое дыха́ние:Евангелие от Иоанна, зачало 36.

По 50-м псалместихира, глас 6:

Насле́дниче Бо́жий,/ соприча́стниче Христо́в,/ служи́телю Госпо́день, свя́те Афана́сие,/ доброде́тели твоя́ я́вны бы́ша во о́бразе твое́м:/ спросия́ бо седи́не ра́зум,/ свидете́льствоваше све́тлость лица́ твоего́ о душе́внем незло́бии,/ сло́во бла́гостное и ми́рное изве́ствоваше о твое́й кро́тости,/ жизнь твоя́ сла́вна бысть,/ во успе́нии же твое́м со святы́ми всели́лся еси́./ Моли́ Христа́ Бо́га о душа́х на́ших.

Канон праздника со ирмосом на 6 и святителя на 8.

Канон святителя, глас 8.

Песнь 1

Ирмос: Во́ду проше́д, я́ко су́шу,/ и еги́петскаго зла избежа́в,/ изра́ильтянин вопия́ше:/ Изба́вителю и Бо́гу на́шему пои́м.

Безсме́ртию быв тезоимени́т,/ в ве́ре тве́рдей житие́ твое́ проше́д,/ блаже́ннаго безсме́ртия прича́стник яви́лся еси́, о́тче святи́телю Афана́сие,/ ны́не Христо́ви предстоя́, помина́й нас, почита́ющих тя.

Песнь хвале́бную прино́сим ти, святи́телю, в прославле́ние па́мяти твоея́,/ а́ще и не довле́ет ум наш по достоя́нию благохвали́ти тя,/ но ты сам помози́ нам почива́ющею на тебе́ неоску́дною благода́тию.

Очи́стив от вся́кия скве́рны ду́шу и те́ло, святи́телю Афана́сие,/ храм досто́ин Бо́гу показа́лся еси́/ и Тро́ицы жили́ще яви́лся еси́,/ священнотаи́нниче пребога́те.

Богоро́дичен: Храм освяще́н и ле́потою благоукраше́н воздви́же уго́дник Бо́жий Афана́сий/ во сла́ву Твою́ и честь, Пречи́стая Влады́чице,/ те́мже не преста́й моля́щися со святи́телем Христу́ Бо́гу о душа́х на́ших.

Песнь 3

Ирмо́с: Небе́снаго кру́га Верхотво́рче, Го́споди,/ и Це́ркве Зижди́телю,/ Ты мене́ утверди́ в любви́ Твое́й,/ жела́ний кра́ю, ве́рных утвержде́ние,/ Еди́не Человеколю́бче.

Све́том благода́ти вои́стинну просия́л еси́, святи́телю Афана́сие,/ и был еси́ священноде́латель Ева́нгелия Христо́ва.

Благода́тными словесы́ твои́ми напая́ема па́ства твоя́,/ го́рькости ересе́й отрица́ется.

До́бре упа́сл еси́ ста́до Влады́ки твоего́, о́тче Афана́сие,/ те́мже во оби́тели Небе́сныя всели́лся еси.

Богоро́дичен: Даждь нам по́мощь моли́твами Твои́ми,/ прило́ги отгоня́ющи лю́тых обстоя́ний, Де́во Всепе́тая.

Седален, глас 4:

В пра́вей ве́ре Це́рковь Христо́ву упа́сл еси́, святи́телю Афана́сие,/ и ерети́чества исто́ргл еси́ го́рькия пле́велы./ Те́мже в Вы́шних черто́зех водворя́ешися, блаже́нне.

Слава, и ныне, Богородичен:

Сло́во О́тчее, Христа́ Бо́га на́шего,/ от Тебе́ воплоти́вшагося, позна́хом, Богоро́дице Де́во,/ Еди́на Чи́стая, Еди́на Благослове́нная,/ тем, непреста́нно Тя воспева́юще, велича́ем.

Песнь 4

Ирмо́с: Услы́шах, Го́споди,/ смотре́ния Твоего́ та́инство,/ разуме́х дела́ Твоя́/ и просла́вих Твое́ Божество́.

Уста́ богодухно́венная стяжа́в, святи́телю Афана́сие,/ обличи́л еси́ злы́я нра́вы лука́вых челове́к/ и, сконча́вся в непра́ведней изгна́нии, при Фаво́ре Мга́рстем,/ оста́вил еси́ нам, недосто́йным, честно́е те́ло твое́, точа́щее чудеса́.

Блаже́н яви́лся еси́,/ изгна́н пра́вды ра́ди, за́вистию злонра́вных челове́к,/ и нас посети́л еси́ твои́м благослове́нием./ Те́мже ны́не от всех почита́ешися свяще́нными пе́сньми,/ му́дре святи́телю Афана́сие.

Пе́рвее был еси́ архиере́й нача́льнаго гра́да Кри́тскаго,/ та́же, по взя́тии того́ от ага́рян, Патриа́рх Константи́ню гра́ду поста́влен был еси́,/ иде́же богодухнове́нными уче́нии ста́до твое́ напая́л еси́,/ блаже́нне святи́телю Афана́сие.

Богоро́дичен: Тя, Блаже́нную, Еди́ну избра́нную и непоро́чную обре́т,/ воплоща́ется Пребоже́ственное Сло́во, Богора́дованная.

Песнь 5

Ирмо́с: Просвети́ нас повеле́нии Твои́ми, Го́споди,/ и мы́шцею Твое́ю высо́кою/ Твой мир подаждь нам,/ Человеколю́бче.

Безсме́ртен по и́мени досто́йно наре́клся еси́, о́тче наш святи́телю Афана́сие,/ зане́, житие́ твое́ чи́сте соверши́в, во Христа́ обле́клся еси́,/ те́мже Царь Сла́вы и Бог ве́чный избра́ тя в жили́ще Себе́.

Изба́ви чту́щия тя, святи́телю Афана́сие,/ от грехо́вныя бу́ри, от бед и скорбе́й,/ к ти́хому приста́нищу приводя́ богоприя́тными твои́ми моли́твами.

До́брый па́стырь ста́да Христо́ва яви́лся еси́, уго́дниче святи́телю Афана́сие,/ не преста́й моля́ся ко Го́споду,/ да спасе́т ду́ши на́ша.

Богоро́дичен: Досто́йно Тя сла́вят святи́тельстии собо́ри и вси преподо́бных ли́цы:/ Зижди́теля бо всех, Бо́жие Сло́во, на руку́ Твое́ю носи́ла еси́.

Песнь 6

Ирмо́с: Моли́тву пролию́ ко Го́споду/ и Тому́ возвещу́ печа́ли моя́,/ я́ко зол душа́ моя́ испо́лнися/ и живо́т мой а́ду прибли́жися,/ и молю́ся, яко Ио́на:/ от тли, Бо́же, возведи́ мя.

Оби́тель сию́, с ве́рою почита́ющую тя, святи́телю Афана́сие,/ храни́ от находя́щих искуше́ний, лю́тых обстоя́ний и вся́ких скорбе́й,/ непреста́нно моля́ся ко Влады́це Христу́ о ста́де твое́м.

Ты и по сме́рти, я́ко жив сый, чудоде́йствуеши,/ да́руя немощны́м исцеле́ния Боже́ственною благода́тию,/ рече́ бо Госпо́дь:/ прославля́ющия Мя просла́влю.

Напа́стей о́блацы покры́ша ны, и теле́сныя боле́зни умно́жишася./ К тебе́ прибега́ем и тебе́ призыва́ем, святи́телю Афана́сие:/ потщи́ся на по́мощь, ускори́ на моли́твы,/ от бед и ско́рбных обстоя́ний нас избавля́я.

Богоро́дичен: Очи́стив свое́ се́рдце, Авраа́м, пра́отец Твой, Чи́стая Де́во,/ прия́т обеща́ние от Бо́га:/ благослови́тися о се́мени его́ всем язы́ком./ Тобо́ю исполне́ние обетова́ния прие́млем днесь.

Кондак, глас 8:

О всесвяте́йший па́стырю и учи́телю вселе́нныя,/ преблаже́нне о́тче наш святи́телю Афана́сие!/ К ра́це моще́й твои́х припа́дающе, усе́рдно мо́лим тя:/ приими́ от убо́гих душ на́ших любо́вию приноси́мая тебе́ моле́ния/ и, я́ко име́я дерзнове́ние у Престо́ла Влады́чня,/ испроси́ моли́твами твои́ми чту́щим тя/ со А́нгелы и все́ми святы́ми/ непреста́нно Пресвяте́й Тро́ице воспева́ти: аллилу́ия.

Икос:

Ле́ностию окая́нный аз во глубину́ греха́ впадо́х,/ но, я́ко па́стырь добр, воздви́гни мя, святе́йший о́тче,/ и стра́сти угаси́, зле му́чащия мя,/ я́ко да, воста́в, чи́сте воспою́ твое́ светоно́сное торжество́,/ и́мже Влады́ка вселе́нныя просла́ви тя досто́йно, я́ко раба́ верне́йша,/ учи́теля прему́дра, соверши́теля Та́ин Бо́жиих и блюсти́теля за́поведей,/ я́же до́бре сохрани́л еси́,/ пома́зание свято́е, Афана́сие прему́дре./ Того́ при́сно моли́,/ да да́рует чту́щим тя со А́нгелы и все́ми святы́ми/ непреста́нно Пресвяте́й Тро́ице воспева́ти: аллилу́ия.

Песнь 7

Ирмо́с: О́троцы евре́йстии в пещи́/ попра́ша пла́мень дерзнове́нно/ и на ро́су огнь преложи́ша, вопию́ще:/ благослове́н еси́, Го́споди Бо́же, во ве́ки.

Во глубину́ зол впадо́х, страстьми́ погружа́емь,/ и ко врато́м а́да прибли́жихся, грехми́ побежда́емь./ Спаси́ мя моли́твами твои́ми, Богоблаже́нне, и воздви́гни, пою́ща:/ благослове́н Бог отце́в на́ших.

Вся́ких лю́тых неду́гов врач всеизря́ден яви́лся еси́, о́тче Афана́сие./ Исцели́ у́бо не́мощь души́ моея́/ и сподо́би во умиле́нии се́рдца взыва́ти:/ отце́в на́ших Бо́же, благослове́н еси́.

Ди́вный во святы́х Свои́х,/ просла́ви Госпо́дь и в земли́ Росси́йстей уго́дника Своего́, преблаже́ннаго святи́теля Афана́сия,/ па́стыря до́браго и моли́твенника о душа́х на́ших.

Богородичен: Всесла́вная всех Цари́це,/ мольба́ми святи́теля Афана́сия сохрани́ невреди́мы от вся́каго зла́го обстоя́ния лю́ди Твоя́,/ всегда́ Тя моля́щия, я́ко Предста́тельницу ми́рови.

Песнь 8

Ирмо́с: Седмери́цею пещь/ халде́йский мучи́тель/ Богочести́вым неи́стовно разжже́,/ си́лою же лу́чшею спасе́ны, сия́ ви́дев,/ Творцу́ и Изба́вителю вопия́ше:/ о́троцы, благослови́те,/ свяще́нницы, воспо́йте,/ лю́дие, превозноси́те во вся ве́ки.

Бога́тство уче́ний твои́х неску́дно расточа́л еси́, святи́телю Афана́сие,/ и́мже обогати́ся ум а́лчущих словесе́ твоего́./ Изгна́н же быв непра́ведно от престо́ла Царягра́да,/ к ве́рным лю́дем Росси́йския земли́ прише́л еси́/ и в Фаво́ре Мга́рстем блаже́нныя кончи́ны сподобля́ешися./ Те́мже вопие́м:/ благослови́те, дела́ Госпо́дня, Го́спода,/ по́йте и превозноси́те Его́ во ве́ки.

Яко ве́сна, яви́лся еси́, блаже́нне,/ та́инственными цве́ты даро́в Боже́ственных благоуха́я,/ разреша́я от напа́стей и скорбе́й ве́рная ча́да твоя́, к тебе́ притека́ющая и Бо́гу вопию́щая:/ благослови́те, дела́ Госпо́дня, Го́спода,/ по́йте и превозноси́те Его́ во ве́ки.

Я́ко лоза́ многопло́дная, доброде́телей плоды́ израща́ющая,/ яви́шася словеса́ твоя́, благода́ти испо́лненная:/ прише́д бо ко ага́ряном, мольбу́ о лю́дех твои́х прине́сл еси́./ Ти́и же, ви́девше тя, умили́шася/ и, моле́ния ра́ди твоего́, преста́ша убива́ти кри́тския лю́ди, вопию́щий:/ благослови́те, дела́ Госпо́дня, Го́спода,/ по́йте и превозноси́те Его́ во ве́ки.

Богородичен: Вы́шний Престо́ле, Де́во Богоневе́сто,/ до́лу лежа́щее естество́ на́ше к Небеси́ возво́диши,/ те́мже Тя вси по до́лгу сла́вим.

Песнь 9

Ирмос: Ужасе́ся о сем Не́бо,/ и земли́ удиви́шася концы́,/ я́ко Бог яви́ся челове́ком пло́тски/ и чре́во Твое́ бысть простра́ннейшее Небе́с/ Тем Тя, Богоро́дицу,/ А́нгелов и челове́к чинонача́лия велича́ют.

Днесь све́тло красу́ется свята́я па́мять твоя́,/ и ты, святи́телю Афана́сие, я́ко со́лнце, блиста́еши, ве́рных озаря́я,/ во Мга́рстей же оби́тели мно́зи, приходя́щий к тебе́ с ве́рою, прие́млют исцеле́ния./ Те́мже тя велича́ем.

Соше́дшеся днесь, досто́йно хва́лим тя, святи́телю Афана́сие,/ и моще́й твои́х чтим ра́ку,/ прося́ще пода́ти нам моли́твами твои́ми от страсте́й избавле́ние,/ боле́зней исцеле́ние, грехо́в оставле́ние, от напа́стей свобожде́ние,/ и я́ко уго́дника Бо́жия вси тя велича́ем.

Сла́ву твою́ воспе́ти по досто́инству невозмо́жно есть:/ чудеса́ бо мно́га соверша́вши/ и исцеле́ния незави́стно источа́еши/ с ве́рою приходя́щим к тебе́, Афана́сие, Росси́йская похвало́./ Те́мже я́ко уго́дника Бо́жия вси тя велича́ем.

Богородичен: Ты еси́, Богоро́дице, ору́жие на́ше и стена́,/ Ты еси́ заступле́ние к Тебе́ прибега́ющих,/ Тя ны́не на моли́тву подвиза́ем,/ да изба́вимся от враг на́ших.

Светилен:

Све́тло пра́зднуется днесь церко́вное торжество́,/ в прославле́ние жития́ и чуде́с твои́х, святи́телю о́тче Афана́сие,/ ты же, предстоя́ во све́те сла́вы лицу́ Бо́жию,/ помяни́ нас, чту́щих святу́ю па́мять твою́.

Слава, и ныне, Богородичен:

По Бо́зе на Тя, Пречи́стая, упова́ние возлага́ем:/ не пре́зри нас в лю́тых ско́рбех и напа́стех,/ но Твои́ми мольба́ми ко Христу́, Сы́ну Твоему́,/ невреди́мы да́же до конца́ нас сохрани́.

На хвалитех стихиры, глас 8:

Святи́телю о́тче Афана́сие,/ возше́д на высоту́ безстра́стия,/ Бо́гови приобщи́лся еси́/ и от Того́ дар чудотворе́ний прии́м,/ неду́ги исцеля́вши и от бесо́в свобожда́еши;/ тем в ра́дости се́рдца па́мять твою́ пра́зднуем,/ Христа́ прославля́юще,/ Его́же непреста́нно моли́ о душа́х на́ших.

О́тче чу́дный Афана́сие,/ све́тлостию ума́ твоего́ облиста́емь,/ укроти́л еси́ многобу́рное мо́ре страсте́й/ и, возлете́в на чи́стых кри́лех безстра́стия,/ дости́гл еси́ в Небе́сныя селе́ния,/ иде́же добро́та неизрече́нная и пе́ние А́нгелов непрестаю́щее,/ моли́ся та́мо о всех,/ ве́рою и любо́вию чту́щих тя.

О́тче отце́в Афана́сие,/ в житии́ твое́м ты был еси́ свяще́нства пра́вило,/ целому́дрия о́браз,/ любве́ свети́льник,/ прему́дрости наста́вник,/ Це́ркве утвержде́ние,/ сосу́д Боже́ственнаго Ду́ха,/ те́мже и по преставле́нии твое́м/ исто́чник чуде́с яви́лся еси́, Богоблаже́нне.

Слава, глас 6:

Святи́телю преблаже́нне,/ па́стырю до́брый,/ Началопа́стыря – Христа́ – учениче́,/ положи́вый ду́шу твою́ за о́вцы твоя́,/ ты и ны́не, всехва́льне о́тче Афана́сие,/ моли́твами твои́ми мир ми́рови испроси́/ и душа́м на́шим ве́лию ми́лость.

И ныне, праздника илиБогородичен, глас тойже:

Богоро́дице, Ты еси́ лоза́ и́стинная,/ возрасти́вшая нам Плод живота́,/ Тебе́ мо́лимся:/ моли́ся, Влады́чице, со святы́ми апо́столы/ поми́ловати ду́ши на́ша.

Славословие великое. И отпуст.

НА ЛИТУРГИИ

Блаженны праздника и святаго песнь 6-я. Прокимен, глас 7: Честна́ пред Го́сподем/ смерть преподо́бных Его́. Стих: Что возда́м Го́сподеви о всех, я́же воздаде́ ми? Апостол ко Евреем, зачало 351. Евангелие от Иоанна, зачало 36, или 35 от полу. Причастен: В па́мять ве́чную:

Молитва

О святи́телю Христо́в, уго́дниче Бо́жий Афана́сие! Веле́нием Бо́жиим жре́бий служе́ния святи́тельскаго восприи́м и крест Христо́в на ра́мена своя́ возложи́в, был еси́ па́стырь до́брый, свети́льник всесве́тлый, столп непоколеби́мый, Це́ркве служи́тель ве́рный, иера́рхов нача́льник, Правосла́вия защи́тник, нече́стия искорени́тель, сего́ ра́ди и водвори́лся еси́ в дому́ Го́спода твоего́. Тебе́ у́бо про́сим: моли́ся о нас, с ве́рою и любо́вию притека́ющих к честны́м и многоцеле́бным моще́м твои́м, не отри́ни прося́щих у тебе́ по́мощи в ско́рбех и боле́знех. Моли́твою твое́ю предста́ни ко Всевы́шнему Влады́це, исхода́тайствуй я́же на по́льзу душ и теле́с на́ших и отве́рзи нам две́ри милосе́рдия Бо́жия. Хода́тайством твои́м сохрани́ Це́рковь Святу́ю тве́рду и непоколеби́му от наве́т вра́жиих. Моли́ Го́спода и Влады́ку, да ти́хое и безмо́лвное житие́ поживе́м во вся́ком благоче́стии и чистоте́. Соблюди́ храм сей, в не́мже всели́лся еси́, от вся́ких бед и напа́стей и от всех враг ви́димых и неви́димых, и, я́коже в жи́зни кри́тския лю́ди от непра́веднаго ага́рянскаго убие́ния изба́вил еси́, та́ко и ны́не на Небесе́х непреста́нно моли́ся ко Го́споду изба́витися нам от вся́каго зла́го обстоя́ния. Пода́ждь ру́ку по́мощи и всем правосла́вным христиа́ном, притека́ющим к честны́м и нетле́нным моще́м твои́м и в моли́твах свои́х тя призыва́ющим. Ускори́ на моли́тву и потщи́ся на по́мощь, и́миже ве́си судьба́ми, да вси, безприкла́дное Бо́жие милосе́рдие ви́дяще и ча́емую по́мощь получи́вше, сла́вят пода́вшаго тебе́ си́лу и сла́ву О́тца и Сы́на и Свята́го Ду́ха, во Еди́нем Существе́ сла́вимаго Бо́га, ны́не, и при́сно, и во ве́ки веко́в. Ами́нь.

Ина молитва

О вели́кий и ди́вный святи́телю Христо́в Афана́сие Богому́дре, свети́льниче Це́ркве вселе́нския, Лубе́нский и всея́ Росси́и чудотво́рче и покрови́телю! Ты, от ю́ности вся жите́йская оста́вль, к Бо́гу любо́вию и духо́вным благоразу́мием наставля́емь, увещава́л еси́ вся челове́ки, глаго́ля: что нам бога́тство, что нам зла́то, сла́ва и могу́тство? – ды́мове, расходя́щиися по возду́ху: вся та исче́знут, вся та понесе́т ветр! Многорачи́тельно же в бу́дущем ве́це да бу́дет нам бога́тство. Та́ко поуча́я, сам щедр, благосе́рд, кро́ток, смире́н и всем благопристу́пен был еси́. Те́мже и во успе́нии твое́м Всеблаги́й Госпо́дь тмочи́сленными чудесы́ озари́ и просла́ви нетле́нныя мо́щи твоя́. Име́я у́бо ко Го́споду дерзнове́ние, заступи́ и спаси́ твои́м хода́тайством всю храни́мую тобо́ю зе́млю Росси́йскую и град сей, в не́мже святы́ми моща́ми твои́ми почива́ти благоизво́лил еси́. Моли́ Христа́ Бо́га, да отпу́стятся всем нам согреше́ния на́ша во́льная и нево́льная, да изба́вимся от всех враг ви́димых и неви́димых, от вся́ких бед и скорбе́й и вся́ких неду́гов. Моли́, да ми́лостив бу́дет всем нам Госпо́дь, и зде, и в бу́дущем ве́це, и преста́вльшияся от нас отцы́ и бра́тию, ма́тери и се́стры и ча́да на́ша, в ли́ки святы́х вчини́в, в ме́сте све́тлее упоко́ит, да, предстоя́ще и покланя́ющеся ра́це моще́й твои́х, и́мамы тя неусыпа́ющаго моли́твенника и предста́теля о нас ко Го́споду и благода́рне с любо́вию велича́ем просла́вльшаго и послу́шающаго тя, в Тро́ице сла́вимаго Бо́га, Отца́ и Сы́на и Свята́го Ду́ха, ны́не, и при́сно, и во ве́ки веко́в. Ами́нь.

Святитель Афанасий III Пателарий, Патриарх Константинопольский, Лубенский чудотворец

Святитель Афанасий III Пателарий, Патриарх Константинопольский, Лубенский чудотворец родился в 1597 году в небольшом городе Ревимне (или Ретимне) на острове Крите. Он происходил из знатного греческого рода Пателариев, бывшем в родстве с византийской императорской династией Палеологов. Кроме богатства и знатности происхождения Пателарии отличались незаурядными умственными дарованиями, о чем сохранились свидетельства народных песен. Отец святителя Афанасия Григорий Пателарии был выдающимся ученым, философом и публицистом. Мирское имя святителя Афанасия неизвестно. До 26 лет он жил на Крите. Образование получил в знаменитом Аркадийском монастыре, который давал своим ученикам разносторонние познания и твердое православное воспитание, что было особенно важным, так как Критом владели в то время венецианцы-католики. Святой Афанасий изучил риторику, грамматику и пиитику, математику и астрономию, музыку и литературу, богословские науки. Он превосходно владел древнегреческим, латинским, арабским и италь янским языками. Еще в молодости святой Афанасий удивлял современников своими способностями и обширными знаниями. Светская жизнь с ее суетными удовольствиями, призрачной славой и бесплодной роскошью не соблазнили святого. Он принял монашество в подворье Синайского монастыря на Крите. Вскоре святой Афанасий стал известен как выдающийся проповедник, толкователь Священного Писания и гимнограф, автор духовных песнопений в честь Пресвятой Богородицы и некоторых святых.

В 1626 году святой Афанасий был назначен учителем в Валахию. Ему было поручено перевести с еврейского на новогреческий язык Псалтирь. Псалтирь в его переводе впоследствии хранилась в обители во имя святого апостола Иоанна Богослова на острове Патмосе, а списки с нее – в разных монастырях Святой Горы Афон.

Труды святого Афанасия в славянских землях привлекли к нему благосклонное внимание Патриарха Константинопольского Кирилла I Лукариса (был Патриархом с перерывами с 1621 по 1638 год). Он вызвал святого в Константинополь и назначил проповедником при своей кафедре. В 1631 году святой Афанасий был хиротонисан во епископа и назначен на одну из главных митрополий Константинопольского Патриархата – Фессалоникскую (Солунскую). В марте 1634 года, после изгнания турецкими властями Патриарха Кирилла I, святитель Афанасий был возведен на патриарший престол с именем Афанасий III Пателарий. После возвращения Патриарха Кирилла I из ссылки святитель Афанасий уступил ему управление Церковью и удалился на Афон. Там он устроил себе небольшую келлию (ныне на том месте русский Свято-Андреевский скит). Более года онпрожил на Афоне, совершенствуясь в подвигах поста и молитвы. Святитель Афанасий затем жил один год в Италии, где Папа предложил ему принять католичество, обещая возвести в кардинальское достоинство, но святитель Афанасий остался верен Святому Православию. Он вернулся в Константинополь и с 1638 года вновь управлял Солу некой кафедрой.

В то время Солунская митрополия, как и вся Константинопольская Церковь, терпела притеснения со стороны турок и была крайне разорена. В храмах не хватало богослужебных книг, церковной утвари и облачений. Святитель Афанасий дважды обращался к русскому царю за милостыней: в первый раз он просил помощи на уплату долгов, оставшихся от его предшественника; во второй раз – на выкуп заложенной в долг ризницы его митрополии и церковных сосудов». Позднее святитель Афанасий неоднократно обращался за помощью к русскому государю, а затем и сам совершал поездки в Россию.

Впервые святитель Афанасий отправился в Россию в 1643 году. Его путь лежал через Молдавию, где он неожиданно заболел и прожил до 1651 года. Оттуда он вел переписку с царем Михаилом Феодоровичем (1613–1645) и получал от него помощь. В начале 1651 года святитель Афанасий вернулся в Константинополь и 25 мая был вновь поставлен Патриархом, однако пробыл на кафедре только 40 дней: 5 июля того же года перед Собором архиереев, клириков и мирян он добровольно отрекся от патриаршего престола. В особой грамоте он объяснял свой поступок так: «...Не будучи в силах служить [патриаршего престола города Константинополя] защитою, приять на себя и нести обычные царственные обязанности, разные дела и труды патриаршего служения, удалились мы из Патриархии по собственному желанию и доброй воле и творим отречение от патриаршего сего престола...».

В начале 1653 года святитель Афанасий вернулся в Молдавию, но в связи с возникшими в Молдавии смутами пробыл там недолго. В апреле 1653 года он был уже в Москве. Царь Алексей Михайлович (1645–1676) и Святейший Патриарх Никон (1652–1666) приняли его с честью. Во время пребывания в Москве святитель Афанасий совершал Богослужения в монастырях и храмах столицы. В июне он совершил паломничество в Троице-Сергиеву Лавру.

Святитель Афанасий неоднократно встречался с Патриархом Никоном, который произвел на него очень благоприятное впечатление. Святитель с большим сочувствием отнесся к предложенному Патриархом Никоном делу исправления богослужебных книг по образцу греческих. По просьбе Патриарха Никона, желавшего видеть отличие в чине архиерейского совершения Божественной литургии на Востоке и на Руси, он написал особое сочинение «Чин архиерейского служения литургии на Востоке».

В декабре 1653 года святитель Афанасий отправился в обратный путь – в молдавский монастырь во имя святителя и чудотворца Николая близ г. Галаца. Этот монастырь еще ранее был дан ему в управление Молдаво-Валахским господарем Василием Лукулой (1634–1654). Русские царь и Патриарх щедро одарили святителя милостыней на его монастырь и другие нужды, а также преподнесли ему ценные подарки: ткани для облачения, церковные сосуды, кубки, меха и т. д. По дороге святитель Афанасий заболел. В феврале 1654 года он прибыл в Преображенский Мгарский монастырь в г. Лубны и остановился там, вероятно, в ожидании весны и выздоровления. Однако болезнь обострилась, и 5 апреля, в среду на Фоминой неделе, святитель Афанасий скончался. Он был погребен игуменом Петронием по восточному обычаю: телосвятого в полном облачении было помещено в кресло и опущено в каменную гробницу в монастырском Преображенском храме. В 1662 году Газский митрополит Паисий Лигарид, проезжая через Лубны, просил показать ему гробницу святителя. «А как де гробницу раскрыли, и из гробницы наполнилось благовония, и обрели Святейшего Патриарха тело цело, только лишь де у правой руки, как держал посох, пальцев двух или трех не было». Одежда почти вся и кресло сгнили, палица же и посох были целы. Обретение честных мощей произошло 1 февраля 1662 года. Тело святителя было облачено в новые ризы и открыто для всеобщего поклонения. От святых мощей святителя Афанасия многие болящие получили исцеления. Необычное для России погребение святителя Афанасия в сидячем положении стало причиной именования его Афанасием Сидящим. В шестидесятых годах XIX века было составлено житие святителя Афанасия с описанием чудес, совершившихся при его мощах. В 1901 году, при епископе Полтавском Иоанне, в Синодальной типографии была отпечатана «Служба, иже во святых отцу нашему Афанасию, Патриарху Константинопольскому, Лубенскому чудотворцу».

Ныне святые мощи Патриарха Афанасия покоятся в Благовещенском кафедральном соборе в городе Харькове.

Литература:

Ильминский Я. Святитель Христов Афанасий Сидящий, Патриарх Константинопольский, Лубенский чудотворец. Житие. Полтава, 1913.

Свята́го благове́рнаго и равноапо́стольнаго царя́ Бори́са, во свято́м Креще́нии Михаи́ла

А́ще восхо́щет предстоя́тель сотвори́ти бде́ние, на ма́лой вече́рни да пое́т стихи́ры и́же во святы́х отца́ на́шего Афана́сия Вели́каго.

НА ВЕЛИ́ЦЕЙ ВЕЧЕ́РНИ

Блаже́н муж:1-й антифо́н. На Го́споди, воззва́х:поста́вим стихо́в 8 и пое́м стихи́ры пра́здника пре́жде, та́же стихи́ры свята́го, глас 4.

Подо́бен: Дал еси́ зна́мение:

Стра́шнаго Суда́ преще́нием/ устраши́л еси́, Го́споди,/ вели́каго в царе́х Бори́са,/ и́же у́бо и́долов возгнуша́ся,/ и служе́ние тем оста́ви,/ и к нога́м Твои́м пове́рже себе́ и лю́ди своя́./ Те́мже Твое́ человеколю́бное смотре́ние сла́вим,/ Иису́се Всеси́льне, Спа́се душ на́ших.

Константи́на ма́терию,/ Бори́са же сестро́ю огласи́в, Го́споди,/ дал еси́ ему́ вкуси́ти,/ я́ко Благ еси́ и прему́дрости глубина́,/ па́че не́же и́долов тьма и го́рькая сла́дость греха́./ Те́мже Твое́ человеколю́бное смотре́ние сла́вим,/ Иису́се Всеси́льне, Спа́се душ на́ших.

Я́коже ора́нней земли́ се́итва,/ по Креще́нии свято́м, Го́споди,/ посла́л еси́ царю́ Бори́су/ слове́нския учи́тели ве́ры,/ и́же просвети́ша лю́ди/ и в Правосла́вном благоче́стии утверди́ша./ Те́мже Твое́ человеколю́бное смотре́ние сла́вим,/ Иису́се Всеси́льне, Спа́се душ на́ших.

Сла́ва, глас 6:

Благове́рный царю́ Бори́се,/ пра́вды Бо́жия сниска́в,/ и ни́щия ми́лостию удово́лив,/ и равноапо́стольными дея́ньми просия́в,/ благода́ть обре́л еси́ я́сти от дре́ва живо́тнаго,/ его́же вкуси́в, испо́лнился еси́ Ду́ха/ и прия́л еси́ жизнь ве́чную/ и Небе́сную сла́ву./ Те́мже моли́ся Христу́ Бо́гу на́шему/ утверди́ти род твой Правосла́вием/ и спасти́ ду́ши на́ша.

И ны́не, пра́здника.

Вход. Проки́мен дне и чте́ния три.

Ца́рств тре́тиих чте́ние(глава́ 8):

Ста Соломо́н пред лице́м же́ртвенника Госпо́дня,/ пред всем собо́ром Изра́илевым,/ и, возде́в ру́це свои́ на не́бо, рече́:/ Го́споди Бо́же Изра́илев,/ несть Бог, я́коже Ты, на Небеси́ горе́ и на земли́ до́ле./ А́ще бо не́бо и не́бо небесе́ не довле́ют Тебе́,/ ка́ко дом сей, его́же созда́х И́мени Твоему́?/ Оба́че и при́зриши на моли́тву мою́,/ Го́споди Бо́же Изра́илев,/ услы́шати моле́ния и моли́тву,/ е́юже раб Твой мо́лится пред Тобо́ю к Тебе́ днесь./ Да бу́дут о́чи Твои́ отве́рсты на дом сей день и нощь,/ на ме́сто сие́, о не́мже глаго́лал еси́:/ бу́дет И́мя Мое́ та́мо, е́же услы́шати моли́тву,/ е́юже мо́лится раб Твой на ме́сте сем во дни и нощи́,/ и послу́шати мольбы́ раба́ Твоего́/ и люде́й Твои́х Изра́иля./ И ели́ка а́ще помо́лятся к Тебе́ на ме́сте сем,/ и Ты услы́шиши на ме́сте жили́ща Твоего́ на Небеси́,/ и сотвори́ши и ми́лостив бу́деши им.

Проро́чества Иса́иина чте́ние (главы́ 61, 62):

Да возра́дуется душа́ моя́ о Го́споде,/ облече́ бо мя в ри́зу спасе́ния/ и оде́ждою весе́лия оде́я мя;/ я́ко на жениха́, возложи́ на мя вене́ц/ и, я́ко неве́сту, украси́ мя красото́ю./ И, я́ко земля́, растя́щая цвет свой,/ и я́ко вертогра́д се́мена своя́ прозяба́ет,/ та́ко возрасти́т Госпо́дь пра́вду и весе́лие пред все́ми язы́ки./ Сио́на ра́ди не умолчу́/ и Иерусали́ма ра́ди не попущу́,/ до́ндеже изы́дет, я́ко свет, пра́вда моя́,/ спасе́ние мое́, я́ко свети́ло, разжже́тся./ И у́зрят язы́цы пра́вду твою́,/ и ца́рие сла́ву твою́,/ и прозову́т тя и́менем но́вым/ и́мже Госпо́дь наимену́ет е./ И бу́деши вене́ц добро́ты в руце́ Госпо́дни/ и диади́ма ца́рствия в руце́ Бо́га твоего́./ И не прозове́шися ктому́ оста́влен,/ и земля́ твоя́ ктому́ не нарече́тся пуста́:/ тебе́ бо прозове́тся во́ля моя́/ и земля́ твоя́ вселе́нная,/ я́ко благоволи́ Госпо́дь в тебе́, и земля́ твоя́ вку́пе насели́тся./ И я́коже живя́й ю́ноша с де́вою,/ та́ко поживу́т сы́нове твои́ с тобо́ю./ И бу́дет я́коже ра́дуется жени́х о неве́сте,/ та́ко возра́дуется Госпо́дь о тебе́.

Проро́чества Иса́иина чте́ние(гла́ва 60):

Свети́ся, свети́ся, Иерусали́ме,/ прии́де бо твой свет/ и сла́ва Госпо́дня на тебе́ возсия́!/ Се тьма покры́ет зе́млю и мрак на язы́ки,/ на тебе́ же яви́тся Госпо́дь и сла́ва Его́ на тебе́ у́зрится./ И по́йдут ца́рие све́том твои́м/ и язы́цы све́тлостию твое́ю./ Возведи́ о́крест о́чи твои́/ и виждь со́бранная ча́да твоя́./ Се приидо́ша вси сы́нове твои́ издале́ча,/ и дще́ри твоя́ на ра́мех во́змутся./ Тогда́ у́зриши, и возра́дуешися,/ и убои́шися, и ужа́снешися се́рдцем,/ я́ко приложи́тся к тебе́ бога́тство морско́е и язы́ков и люде́й./ И прии́дут к тебе́ стада́ вельблю́д,/ и покры́ют тя вельблю́ди, мадиа́мстии и гефа́рстии,/ вси от Савы́ прии́дут, нося́ще зла́то, и лива́н принесу́т,/ и ка́мень че́стен/ и спасе́ние Госпо́дне благовозвестя́т./ И вся о́вцы кида́рския соберу́тся тебе́,/ и о́вни навео́фстии прии́дут к тебе́,/ и вознесу́тся прия́тная на же́ртвенник Мой,/ и дом моли́твы Моея́ просла́вится./ Ки́и суть, и́же я́ко о́блацы летя́т/ и я́ко го́лубисо птенцы́ ко Мне?/ Мене́ о́строви жда́ша и корабли́ фарси́йстии в пе́рвых, привести́ ча́да твоя́ издале́ча и сребро́ и зла́то их с ни́ми,/ и́мени ра́ди Госпо́дня свята́го и за е́же Свято́му Изра́илеву сла́вну бы́ти./ И сози́ждут сы́нове иноро́днии сте́ны твоя́,/ и ца́рие их предстоя́ти бу́дут тебе́:/ за гнев бо Мой порази́х тя и за ми́лость Мою́ возлюби́х тя./ И отве́рзутся врата́ твоя́ при́сно, день и нощь, и не затворя́тся,/ ввести́ к тебе́ си́лу язы́к и ца́ри их ведо́мыя./Язы́цы бо и ца́рие, и́же не порабо́тают ти, поги́бнут,/ и язы́цы запусте́нием запусте́ют./ И сла́ва Лива́нова к тебе́ прии́дет кипари́сом, и пе́вгом, и ке́дром вку́пе,/ просла́вити ме́сто свято́е Мое́, и ме́сто ног Мои́х просла́влю./ И по́йдут к тебе́ боя́щеся,/ сы́нове смири́вших тя и раздражи́вших тя,/ и покло́нятся следо́м ног твои́х вси, прогне́вавшии тя,/ и нарече́шися град Госпо́день, Сио́н свята́го Изра́илева./ За сие́ я́ко был еси́ оста́влен и возненави́ден,/ и не бе помога́ющего ти./ И положу́ тя в ра́дость ве́чную, весе́лие родо́м родо́в./ И изссе́ши млеко́ язы́ков, и бога́тство царе́й сне́си,/ и уразуме́еши, я́ко Аз Госпо́дь, спаса́яй тя/ и избавля́яй тя, Бог Изра́илев.

На лити́и стихи́ры пра́здника и свята́го, глас 2:

Авраа́м – друг Бо́жий/ воздви́же ру́ку на сы́на своего́ единоро́днаго,/ во е́же закла́ти его́ Бо́га ра́ди во всесожже́ние/ благове́рный же Бори́с ве́ры ра́ди Бо́жия/ сы́на своего́ не пощаде́ перворо́днаго,/ на Христа́ безу́мием дерзну́вшаго./ Те́мже во всесожже́ние прине́с благоче́стие правосла́вное всего́ наро́да/ и покая́ние се́рдца своего́ с сокруше́нием,/ прия́т я Госпо́дь, я́ко благово́ние богоприя́тное,/ и вознесе́ его́ я́ко избра́ннаго от люде́й Свои́х.

Глас 4: Вели́кий в царе́х Константи́н/ мучи́теля победи́ си́лою Креста́/ и тем возлюби́ ве́ру Христо́ву./ Ты же, благове́рный царю́ Бори́се,/ утверди́в се́рдце твое́ в любви́ Христо́вой,/ си́лою кре́стною сокруши́л еси́ дерзнове́нную брань пога́ных вельмо́ж/ на пречи́стую ве́ру Бо́жию./ Те́мже тя, ублажа́юще, приле́жно мо́лим:/ моли́твами твои́ми сохраня́й оте́чество твое́/ и лю́ди твоя́ от наве́тов вра́жиих.

Слава, глас 5:

Царю́ царе́й присво́ився Креще́нием,/ благове́рный царю́ Бори́се,/ и лю́ди своя́ к Нему́ приве́д,/ возра́сл еси́ в му́жа соверше́нна благоче́стием/ и в ме́ру во́зраста, апо́столом ра́внаго:/ прии́м бо в страну́ твою́ слове́нских учи́телей сло́ва Бо́жия,/ утверди́л еси́ незы́блемо на земли́ Бо́лгарстей Правосла́вие;/ но и еще́ возжа́ждавшей души́ твое́й к Бо́гу Живо́му,/ оста́вил еси́ жезл ца́рствия,/ всели́лся еси́ в пусты́ню/ и пожи́л еси́ в преподо́бии и пра́вде;/ коне́ц же прии́м жития́ земна́го/ и на ве́чное преше́д блаже́нство,/ не забыва́еши ро́да своего́,/ моля́ся непреста́нно ко Господу/ о спасении душ наших.

И ны́не, пра́здника.

На стихо́вне стихи́ры, глас 2.

Подобен: Егда́ от Дре́ва:

Егда́ Бог восхоте́ род слове́нский извести́/ из тьмы идолобе́сия во свет спаси́тельный,/ тогда́ тя избра́ венцено́сна апо́стола/ и се́рдце твое́ разжже́ огне́м любве́ Своея́,/ во е́же, я́ко еле́нь на исто́чник живы́я воды́,/ тебе́ устреми́тися и, напи́вся благода́ти Креще́ния,/ всем лю́дем твои́м бы́ти просвеще́ния/ вина́ спаси́тельная.

Стих: Вознесо́х избра́ннаго от лю́дей Мои́х,/ обрето́х Дави́да, раба́ Моего́.

Егда́ на тя излия́ся благода́ть Христо́ва/ и ве́ра, я́ко квас, ца́рствия в тебе́ преумно́жися/ и любо́вь Бо́жия всю ду́шу твою́ плени́,/ тогда́, днем дела́ ца́рствия в багряни́це исправля́я,/ нощна́го часа́ в терпе́нии жа́ждал еси́,/ иде́же во вре́тищи пред лице́м Го́спода/ пове́ржен возсыла́ти моли́твы твоя́ в покая́нии/ о себе́ и лю́дех твои́х.

Стих: Сего́ ра́ди пома́за Тя, Бо́же, Бог Твой/ еле́ем ра́дости па́че прича́стник Твои́х.

Егда́ преложе́нием служе́ний Бог восхоте́/ из апо́стола венцено́сна в преподо́бнаго тя соде́яти,/ тогда́ боле́знь лю́тую на тя наведе́/ и стра́хом сме́рти ца́рство оста́вити,/ и́ночество же прия́ти тя наста́ви,/ иде́же посто́м и моли́твою насыща́яся,/ седмочи́сленным же в кни́гах посо́бствуя,/ преста́вился еси́ и от моще́й твои́х чудеса́ источи́л еси́.

Сла́ва, глас 2:

Арха́нгела Михаи́ла и́мя креще́нием восприи́м,/ благове́рный царю́ Бори́се,/ тезоиме́нно в брань вступи́л еси́ на зми́я дре́вняго/ и, победи́в его́ си́лою кре́стною,/ свободи́л еси́ мучи́тельства лю́ди своя́,/ но, и в пусты́ню всели́вся, а́нгельски пожи́л еси́/ и, сконча́в житие́, со А́нгелы всели́лся еси́./ Те́мже, я́ко иму́щаго дерзнове́ние ко Го́споду, мо́лим тя:/ сохраня́й род твой и Це́рковь/ от напа́стей чужда́го моли́твами твои́ми.

И ны́не, пра́здника.

На благослове́нии хле́бов тропа́рь свята́го, два́жды, и пра́здника, еди́ножды.

Тропа́рь, глас 6:

Испо́лнен стра́ха Бо́жия/ и Креще́нием святы́м просвеще́н,/ был еси́ жили́ще Свята́го Ду́ха,/ благове́рный царю́ Бори́се./ Утверди́в же ве́ру Правосла́вную на земли́ Бо́лгарстей/ и жезл ца́рствия оста́вив,/ всели́лся еси́ в пусты́ню,/ процве́л еси́ в по́двизех/ и обре́л еси́ благода́ть пред Го́сподем./ Ны́не же предстоя́ Престо́лу Всевы́шняго,/ моли́ дарова́ти нам, моля́щимся тебе́,/ спасе́ние душ на́ших.

НА У́ТРЕНИ

На Бог Госпо́дь:тропа́рь свята́го, два́жды. Сла́ва, и ны́не,пра́здника.

По 1-м стихосло́вии седа́лен, глас 3.

Подо́бен: Боже́ственныя ве́ры:

Боже́ственныя ве́ры испове́дание прие́м от Фо́тия светле́йшаго/ и наста́вився на ве́дение и дея́ние,/ совоздвиза́еши нас к благоче́стию дерзнове́нными твои́ми моли́твами./ Благове́рный царю́ Бори́се, Христа́ Бо́га моли́/ дарова́тися нам ве́лией ми́лости.

Сла́ва, и ны́не, пра́здника.

По 2-м стихосло́вии седа́лен, глас 6.

Подо́бен: А́нгельския предъиди́те си́лы:

А́нгельское воприи́м и́мя,/ а́нгельски пожи́л еси́ в ца́рстве и в пусты́ни,/ те́мже тя Бог возвы́си в уго́дника Своего́ изря́днаго,/ апо́столом ра́внаго и соприча́стника преподо́бным и пра́ведным,/ и нас подвиза́ет тебе́ ра́ди вопи́ти Ему́:/ Бо́же наш, сла́ва Тебе́.

Сла́ва, и ны́не, пра́здника.

По полиеле́и седа́лен, глас 8.

Подо́бен: Прему́дрость и Сло́во:

Прему́дрости Боже́ственныя взыска́в приле́жно,/ обре́л еси́ ю во врате́х Це́ркве Христо́вы Правосла́вныя./ Те́мже Ри́ма отврати́лся еси́,/ и прия́л еси́ гони́мых учи́телей благоче́стия я́зыка слове́нскаго разу́мнаго,/ и напои́л еси́ жа́ждущую зе́млю душ люде́й твои́х вода́ми жи́зни ве́чныя./ Благове́рный царю́ Бори́се, моли́ Христа́ Бо́га/ утверди́ти нас на незы́блемом сем основа́нии/ и прегреше́ний оставле́ние дарова́ти чту́щим любо́вию честну́ю па́мять твою́.

Сла́ва, и ны́не, пра́здника.

Та́же степе́нна, 1-й антифо́н 4-го гла́са. Проки́мен, глас 4: Вознесо́х избра́ннаго от люде́й Мои́х,/ обрето́х Дави́да, раба́ Моего́. Стих: Сего́ ра́ди пома́за Тя, Бо́же, Бог Твой еле́ем ра́дости па́че прича́стник Твои́х. Вся́кое дыха́ние:Ева́нгелие от Иоа́нна, зача́ло 35.

По 50-м псалме́ стихи́ра, глас 6:

Тобо́ю испо́лнися прорече́ние сро́дника твоего́,/ му́ченика кня́зя Енраво́ты Боя́на,/ я́ко на земли́ Бо́лгарстей умно́житися и́мать ве́ра Христо́ва,/ и зна́мение Креста́ водрузи́тся,/ и хра́ми Бо́гу и́стинному воздви́гнутся,/ в ни́хже иере́и честни́и/ приноси́ти и́мут же́ртвы хвале́ния и испове́дания/ Животворя́щей Тро́ице./ Те́мже ны́не, сосвиде́тельствующе сим и Бо́га благодаря́ще,/ тя ублажа́ем, благове́рный царю́ Бори́се,/ я́ко сосу́да избра́ннаго суде́б Боже́ственных.

Кано́н пра́здника и свята́го, его́же краегране́сие: Ца́рство оста́вив, Бори́с Ца́рство получи́.Глас 8.

Песнь 1

Ирмо́с: Во́ду проше́д, я́ко су́шу,/ и еги́петскаго зла избежа́в,/ изра́ильтянин вопия́ше:/ Изба́вителю и Бо́гу на́шему пои́м.

Припе́в: Святы́й благове́рный царю́ Бори́се, моли́ Бо́га о нас.

Ца́рским путе́м неукло́нно ше́ствуя из Еги́пта идолослуже́ния/ к Чермно́му мо́рю Креще́ния с наро́дом свои́м,/ благода́рственно с ве́рою воспе́л еси́ Изба́вителю и Бо́гу на́шему.

А́ще и фараони́тское противле́ние пога́ных вельмо́ж путь твой хотя́ше препя́ти/ и в ра́бство бесо́в верну́ти вме́сто свобо́ды во Христе́,/ но ты, ше́ствуя побе́дне, воспе́л еси́ Изба́вителю и Бо́гу на́шему.

Ра́зумом непоколе́блемым устреми́лся еси́, святы́й царю́,/ к но́вому зако́ну благоче́стия, Бо́гом да́нному,/ авраа́мски вся непреподо́бная же́ртвуя/ и с умиле́нием воспева́я Изба́вителю и Бо́гу на́шему.

Богоро́дичен: Свобожде́ние на́ше Рождество́м Твои́м/ прови́де в купине́ неопали́мой вели́кий Моисе́й, Чи́стая,/ и нас, изба́вленных, наста́ви непреста́нно пе́ти с ра́достию Изба́вителю и Бо́гу на́шему.

Песнь 3

Ирмо́с: Небе́снаго кру́га Верхотво́рче, Го́споди,/ и Це́ркве Зижди́телю,/ Ты мене́ утверди́ в любви́ Твое́й,/ жела́ний кра́ю, ве́рных утвержде́ние,/ Еди́не Человеколю́бче.

Тве́рдый тя ка́мень ве́ры прия́т на основа́нии,/ те́мже врата́ а́дова воста́нием не поколеба́, утвержде́ннаго в Го́споде се́рдца твоего́,/ и вознесе́ся рог твой на враги́ твоя́.

Высо́кая глаго́лющии на Бо́га падо́шася,/ ты же, со смире́нием богоуго́дным и си́лою Креста́ победи́в,/ вознесе́н был во отца́ всего́ наро́да твоего́ и в сы́на Отца́ Небе́снаго.

Обетова́нных благ лю́бящим Бо́га жела́я,/ вся я́ко уме́ты вмени́л еси́/ и по́двиг вели́кий равноапо́стола подъя́л еси́,/ со все́ми боря́ся, до́ндеже вконе́ц победи́в, Бо́гу угоди́л еси́.

Богородичен: Оби́лие благода́тей Бо́жиих излия́ся на род челове́ческий стра́нным рождество́м Твои́м, Пречи́стая,/ низведе́ бо во ад Рожде́нный Тобо́ю кня́зя ми́ра сего́/ и нас вла́сти его́ свободи́.

Кондак и икос праздника.

Седален святаго, глас 2.

Подобен: Милосе́рдия две́ри:

Милосе́рдие щедро́т Бо́жиих излия́ся на зе́млю Бо́лгарскую Креще́нием,/ я́коже дождь на руно́,/ и́же не возврати́ся тощ, до́ндеже напои́ вся./ Те́мже прозябо́ша се́мена ца́рствия/ и принесо́ша плодоноше́ние в Вы́шнюю жи́тницу,/ водя́щу, я́коже оте́ц, де́ти своя́ благове́рному царю́ Бори́су,/ крести́вшему себе́ и лю́ди своя́.

Слава, и ныне, праздника.

Песнь 4

Ирмос: Услы́шах, Го́споди,/ смотре́ния Твоего́ та́инство,/ разуме́х дела́ Твоя́/ и просла́вих Твое́ Божество́.

Слу́ха Госпо́дня услы́шав, ко спасе́нию всех зову́щаго,/ и́го подъя́л еси́ Христо́во, крести́вся нелицеме́рно,/ и совмести́л еси́ ца́рская с благоче́стием,/ днем в багряни́це, но́щию же во вре́тищи Бо́гу моля́ся.

Твоя́ доброде́тель во всю зе́млю изы́де Бо́лгарскую/ и во о́браз всем лю́дем твои́м тя возвы́си,/ те́мже с любо́вию вла́сти твое́й повинова́хуся не то́кмо за гнев, но и за со́весть.

А́може грех нече́стия умно́жися,/ преизбы́точествова благода́ть по апо́стольскому глаго́лу/ и возсия́ по Креще́нии богобоязли́вая душа́ твоя́ све́том/ от ю́га прише́дшаго Со́лнца пра́вды, Христа́ Бо́га на́шего.

Богородичен: Внегда́ прибли́жися ле́то благоволе́ния Бо́жия,/ прия́ла еси́ от Арха́нгела, Пречи́стая, благове́щение ра́дости,/ я́ко хо́щет Тобо́ю Бог роди́тися во свет язы́ком и сла́ву Изра́иля.

Песнь 5

Ирмос: У́тренююще, вопие́м Ти:/ Го́споди, спаси́ ны,/ Ты бо еси́ Бог наш,/ ра́зве Тебе́, ино́го не ве́мы.

Исполня́я вся до́лжная,/ во е́же све́ту пове́лений Божи́их возсия́ти новокреще́нным лю́дем,/ прия́л еси́ в зе́млю твою́ учи́телей слове́нских и уще́дрил еси́ я,/ в де́ле апо́стольства им посо́бствуя.

Во О́хрид град Кли́мента посла́в с Нау́мом,/ в Пресла́ве же Иоа́нна Екза́рха име́я с Константи́ном, и Фео́дора Ду́кса, и Хра́бра,/ процве́л еси́ в сло́ве, я́ко фи́никс,/ и, я́ко кедр лива́нский, умно́жился еси́.

Бога́тно удобри́в ду́ши люде́й твои́х слове́нскою кни́гою/ и напои́в жа́ждущих благода́тию сло́ва,/ тогда́ пра́вде научи́шася живу́щии на земли́ Бо́лгарстей/ и вконе́ц преста́ нече́стие и́дольское.

Богородичен: О́гнь Тобо́ю супоста́ты пояде́, Пречи́стая,/ родила́ бо еси́ еди́наго Христа́ Спа́са на́шего,/ нас от ра́бства свободи́вшаго и Жизнь нам сме́ртию Свое́ю пода́вшаго.

Песнь 6

Ирмос: Моли́тву пролию́ ко Го́споду/ и Тому́ возвещу́ печа́ли моя́,/ я́ко зол душа́ моя́ испо́лнися/ и живо́т мой а́ду прибли́жися,/ и молю́ся, я́ко Ио́на:/ от тли, Бо́же, возведи́ мя.

Рим затме́нный оста́вив,/ к восто́ку светле́йшаго Правосла́вия обрати́лся еси́/ и, Фо́тия Патриа́рха свята́го оглаше́ние прии́м,/ ка́ко подоба́ет в дому́ Бо́жий жи́ти, уве́дел еси́.

И́стину о Це́ркви Бо́лгарстей утверди́ти жела́я,/ к Собо́ру Константинопо́льскому обрати́лся еси́,/ отону́дуже архиепи́скопа получи́в,/ основа́ние кре́пкое автокефа́лии во времена́ ве́чная положи́л еси́.

Сей день вои́стинну сотвори́ Госпо́дь,/ в о́ньже ты вся твоя́ прекра́сне соде́лал еси́,/ благове́рный царю́ Бори́се,/ те́мже возра́доватися нам подоба́ет Го́сподеви,/ па́мять твою́ пра́зднующе.

Богородичен: Цари́це Небе́сная, Де́во Пресвята́я,/ я́ко иму́щи ве́лие дерзнове́ние к Сы́ну Твоему́,/ свободи́ ны предста́тельством Твои́м от звере́й преиспо́дних/ и, я́ко проро́ка Ио́ну, спаси́ ны.

Кондак, глас 8.

Подобен: Взбра́нной Воево́де:

Взбра́нный воево́до Бо́га Вы́шняго,/ си́лою Креста́ победи́вый воста́ние тьмы/ и насади́вый благоче́стие на земли́ твое́й,/ име́яй же дерзнове́ние ко Го́споду,/ сохраня́й моли́твами твои́ми достоя́ние твое́, да зове́м ти:/ ра́дуйся, равноапо́стольне царю́ Бори́се,/ крести́телю земли́ Бо́лгарския.

Икос:

Возсия́вшу в Вифлее́ме Со́лнцу пра́вды/ и дне́ви светле́йшему наста́вшу на земли́,/ лю́дие бо́лгарстии, я́коже де́лателие о́нии,/ седя́ху во тьме се́ни сме́ртныя и пра́здни де́лания спаси́тельнаго./ Но обре́т я Госпо́дь ми́лостию Про́мысла Своего́ в час девя́тый,/ избра́ царя́ Бори́са в приста́вника Своего́,/ и́мже введе́ я в виногра́д Це́ркве Своея́ две́рию Креще́ния/ и возмезди́ ра́вным с пе́рвыми де́латели воздая́нием./ Те́мже, Его́ благодаря́ще, тому́ вопие́м:/ ра́дуйся, равноапо́стольне царю́ Бори́се, крести́телю земли́ Бо́лгарския.

Песнь 7

Ирмос: О́троцы евре́йстии в пещи́/ попра́ша пла́мень дерзнове́нно/ и на ро́су огнь преложи́ша, вопию́ще;/ благослове́н еси́, Го́споди Бо́же, во ве́ки.

Апо́стольски ве́ру насажда́я,/ хра́мы и́стинному Бо́гу воздви́гл еси́ на земли́ твое́й,/ иде́же иере́ом честны́м сло́во пропове́дати и та́инства соверша́ти взыва́ющим:/ благослове́н еси́, Го́споди Бо́же, во ве́ки.

Ра́дость ве́лию даде́ ти Бог,/ внегда́ в Тивериопо́ли мо́щи святы́х пятна́десяти му́чеников из-под спу́да откры́шася,/ и зна́мения сотвори́ша ся, и в Брега́льницу пренесо́ша, всем лю́дем, взыва́ющим:/ благослове́н еси́, Го́споди Бо́же, во ве́ки.

С бытие́ ви́дя твои́х вожделе́ний, я́ко благоче́стие насади́ся труды́ твои́ми,/ Це́рковь украси́ся со́нмом свяще́нства самовла́стнаго,/ сло́во слове́нское освяти́ся Богослуже́нием,/ Бо́га преи́скренне благодари́л еси́, взыва́я:/ благослове́н еси́, Го́споди Бо́же, во ве́ки.

Богородичен: Твоея́ ми́лости не отста́ви от нас, Богоро́дице,/ возлю́бленнаго Ти ра́ди царя́ Бори́са,/ и́же Сы́на Твоего́ и Тя́ в болга́рех просла́ви, зову́щих:/ благослове́н еси́, Го́споди Бо́же, во ве́ки.

Песнь 8

Ирмос: Седмери́цею пещь/ халде́йский мучи́тель/ богочести́вым неи́стовно разжже́,/ си́лою же лу́чшею спасе́ны, сия́ ви́дев,/ Творцу́ и Изба́вителю вопия́ше:/ о́троцы, благослови́те,/ свяще́нницы, воспо́йте,/ лю́дие, превозноси́те во вся ве́ки.

В боле́знь лю́тую впад и се́рдцем горя́ Бо́гу лу́чше угоди́ти,/ ца́рства отре́клся еси́ и, во и́ноческий о́браз оде́явся,/ непреста́нною моли́твою превозноси́л еси́ Христа́ во ве́ки.

Оби́тель воздви́г великому́ченику Пантелеи́мону,/ в ней всели́лся еси́ и, седмочи́слен ным посо́бствуя,/ с про́чиими в кни́гах неуста́но потруди́лся еси́,/ превознося́ Христа́ во ве́ки.

Преспе́яние ду́ха ти дарова́ препросла́вленный Госпо́дь,/ и был еси́ о́браз по́двига Христо́ва,/ наставля́я люде́й твои́х дея́нием па́че, не́жели сло́вом,/ и превознося́ Христа́ во ве́ки.

Богородичен: О́блаче пресве́тлый, ороша́яй огнь и прохлажда́яй пла́мень,/ ороси́ мя благода́тию и прохлади́ разже́ннаго грехо́м,/ во е́же благода́рственно превозноси́ти Сы́на Твоего́ во ве́ки.

Песнь 9

Ирмос: Ужасе́ся о сем Не́бо/ и земли́ удиви́шася концы́,/ я́ко Бог яви́ся челове́ком пло́тски/ и чре́во Твое́ бысть простра́ннейшее Небе́с/ Тем Тя, Богоро́дицу,/ А́нгелов и челове́к чинонача́лия велича́ют.

Люде́й твои́х наста́вив на путь спасе́ния и де́ло твое́ соверши́в,/ кончи́ну блаже́нную прия́л еси́ земна́го жития́/ и, в Ца́рство преше́д Небе́сное,/ мо́лишися непреста́нно о всех нас.

Ублажа́ем тя, равноапо́стола земли́ Бо́лгарския,/ Креще́нием святы́м и пи́смены слове́нскими/ вве́дшаго люде́й твои́х во свет ве́ры Христо́вы/ и моля́щагося непреста́нно о всех нас.

Челове́ческим сло́вом тя просла́вихом, а́нгельских похва́л досто́йнаго,/ но, снизходя́, приими́ любо́вь се́рдца на́шего/ и бу́ди нам хода́тай ко Го́споду,/ моля́ся непреста́нно о всех нас.

Богородичен: Избра́нная от всех родо́в, Богоневе́сто,/ низложи́ си́льныя в го́рдости серде́ц их и вознеси́ смире́нныя,/ а́лчущия испо́лни вся́ческих благ и богатя́щияся отпусти́ тщи,/ вся бо мо́жеши, ели́ка хо́щеши, Всепе́тая.

Светилен, глас 2.

Подобен: Жены́, услы́шите:

Сро́днаго нам апо́стола, благове́рнаго Бори́са,/ пе́сньми почти́м вси, бра́тие,/ нас Креще́нием Бо́гу соедини́вшаго, и в Правосла́вии наста́вльшаго,/ и путь спасе́ния нам соде́лавшаго,/ и́мже сам пе́рвый проше́д, всех ве́рных нас возво́дит в Ца́рствие Небе́сное.

Слава, и ныне, праздника.

На хвалитех стихиры праздника 3 и святаго 3, глас 8.

Подобен: О, пресла́внаго чудесе́:

Благове́рный царю́ Бори́се,/ страну́ твою́ ви́дев Бо́лгарскую,/ я́коже ко́злище среди́ Христо́вых ове́ц,/ вожделе́л еси́ ю возроди́ти./ Те́мже Креще́нием святы́м просвети́в,/ в сонм ввел еси́ окре́стных благочести́вый/ и, сло́вом Ева́нгелия наказа́в,/ к нога́м приве́л еси́ Спа́са Христа́,/ Его́же моли́ спасти́ и просвети́ти ду́ши на́ша.

Благове́рный царю́ Бори́се,/ Па́влову вняв наказа́нию,/ я́ко в Це́ркви хощу́ пять слове́с разу́мных глаго́лати,/ во е́же ины́х послу́шающих по́льзовати,/ усе́рдно поиска́в, обре́л еси́ наро́ду своему́ учи́телей/ и, со вся́кою че́стию к себе́ приве́д,/ вручи́л еси́ им де́ло апо́стольства Спа́са Христа́,/ Его́же моли́ спасти́ и просвети́ти ду́ши на́ша.

Благове́рный царю́ Бори́се,/ я́ко Соломо́н, суету́ мирску́ю испыта́в/ и ски́птры ца́рствия оста́вив,/ и́ноческий о́браз на ся восприя́л еси́/ и, в пусты́ни Пресла́встей подвиза́вся,/ процве́л еси́ преподо́бием и пра́вдою,/ отону́дуже на ве́чное преше́д блаже́нство,/ от моще́й чудесы́ Христа́ просла́вил еси́,/ Его́же моли́ спасти́ и просвети́ти ду́ши на́ша.

Слава, глас 8:

Прииди́те, бо́лгарская мно́жества,/ соше́дшеся днесь, благове́рнаго царя́ Бори́са/ пе́сненными похвала́ми ублажи́м, глаго́люще:/ ра́дуйся, и́же трудо́м апо́стольским наро́ды ко Христу́ приведы́й/ и ца́рство земно́е на сниска́ние Небе́снаго употреби́вый./ Ра́дуйся, и́же сло́ва Бо́жия разу́мной про́поведи посо́бствовавый/ и ца́рству фаво́рское безмо́лвие,/ я́коже первоверхо́вный предпочты́й./ Ра́дуйся, равноапо́стольне царю́ Бори́се,/ от земны́я сла́вы незави́стно к Небе́сней преше́дый,/ о нас моля́ся непреста́нно, спасти́ся душа́м на́шим.

И ныне, праздника.

Великое славословие и отпуст.

НА ЛИТУРГИИ

Блаженны праздника, песнь рядовая и святаго 6-я. Прокимен, глас 8: Во всю зе́млю изы́де веща́ние их/ и в концы́ вселе́нныя глаго́лы их.Стих: Небеса́ пове́дают сла́ву Бо́жию, творе́ние же руку́ Его́ возвеща́ет твердь.Апостол в Деяниих, зачало 49. Аллилу́ия,глас 1: Вознесо́х избра́ннаго от люде́й Мои́х, обрето́х Дави́да, раба́ Моего́.Стих: Го́споди, си́лою Твое́ю возвесели́тся царь.Евангелие от Иоанна, зачало 35. Причастен: Во всю зе́млю изы́де веща́ние их:

Аще Пасха Христова 22-го марта, память благовернаго царяБориса в пяток Недели о слепом. Аще ли же Пасха Христова 25-го апреля, память благовернаго царяБориса в неделю Фомину. Вестно буди: аще случится память святаго царяБориса в неделю Фомину, или Мироносиц, илиРазслабленнаго, или Самаряныни, илиСлепаго, илив среду Преполовения, илив среду пред Вознесением, внегдаотдается Пасха, илив четверток Вознесения, службу егопети подобает по темже главам, якоже апостолу Иоанну Богослову, мая месяца в 8-й день.

Молитва

О вели́кий уго́дниче Христо́в, благове́рный царю́ Бори́се, бо́лгарскаго ро́да крести́телю и всех нас пред Бо́гом предста́телю. И́же, нече́стие отри́нув язы́ческое и, во Еди́наго И́стиннаго Бо́га ве́ровав,Боже́ственное Креще́ние восприя́л еси́ и све́том благоче́стия просвети́л еси́ всю зе́млю бо́лгарскую; по сих же тле́нный вене́ц земна́го ца́рства оста́вив, безмо́лвное житие́ возлюби́л еси́ и подъя́л еси́ труды́ вели́кия, во е́же по́двигом и́ночества Правосла́вие на земли́ твое́й утверди́ти, бде́нными моли́твами благоутро́бие Небе́снаго Царя́ преклоня́я к новокреще́нным лю́дем. К тебе́ у́бо ны́не, я́коже ча́да ко отцу́, усе́рдно прибега́ем, гре́шнии и недосто́йнии, и в сокруше́нии се́рдца уми́льно глаго́лем: при́зри ми́лостивно с Небе́сных высо́т на моле́ние на́ше и твои́ми к Бо́гу моли́твами утверди́ нас незы́блемо в ве́ре Правосла́вней. Соблюди́ оте́чество твое́ и лю́ди от вся́каго зла́го обстоя́ния, прося́ нам у Го́спода Бо́га на́шего всех, я́же ко вре́менней и ве́чней жи́зни, благопотре́бных благи́х, я́ко да благоче́стно пожи́вше в ве́це сем, сподо́бимся и ра́йския жи́зни наслади́тися, иде́же вку́пе с тобо́ю и все́ми святы́ми просла́вим Отца́, и Сы́на, и Свята́го Ду́ха во ве́ки веко́в. Ами́нь.

Святой благоверный и равноапостольный царь Борис, во святом Крещении Михаил

Святой благоверный и равноапостольный царь Борис, во святом Крещении Михаил. Равноапостольный подвиг его был предсказан ему дядей, святым Бонном. Первые годы правления царя Бориса склады вались неудачно. Болгарам приходи лось часто воевать с соседними народами, страну посещали голод и мор, и в 860 году Болгария находилась в бедственном состоянии. Царь Борис видел спасение страны, пребывавшей в язычестве, в просвещении ее верой Христовой. Во время одной из войн болгар с греками был взят в плен именитый византийский придворный Феодор Куфара, ранее принявший иноческий постриг. Он был первым человеком, посеявшим семе на Евангельские в душе болгарского царя. Во время похода греки взяли в плен малолетнюю сестру царя Бориса, Она была воспитана при дворе византийского императора в Православной вере. Когда скончался император Феофил, царь Борис решил воспользоваться благоприятным случаем, чтобы отомстить грекам за предыдущие поражения. Однако вдова императора, Феодора, проявила мужество и послала вестника к болгарскому царю с предупреждением, что она сама будет защищать империю. Царь Борис предпочел мирный союз. В знак примирения состоялся обмен пленными. Феодора Куфару отдали в обмен на болгарскую царевну. Она еще более расположила брата к христианской вере. Несколько позже в Болгарию был послан святитель Мефодий, просветивший вместе со своим братом Кириллом славян светом Христовой веры. Святитель Мефодий совершил Крещение царя Бориса, его семейства и многих бояр. Болгары-язычники, узнав об этом, хотели умертвить царя Бориса, но их за говор был разрушен новокрещенным царем, а болгарский народ, лишенный мятежных вождей, добровольно принял Крещение. Между Византией и Болгарией был заключен мир, основанный на единстве веры, который не нарушался до конца правления благоверного царя. Большое участие в духовном утверждении болгарского народа принял греческий патриарх Фотий. В 867 году в Болгарию были посланы латинские проповедники от римского папы. С тех пор в течение трех лет в Болгарии царил раздор. Состоявшийся в 869 году Собор в Константинополе положил конец распре. 3 марта 870 года Болгария окончательно присоединилась к Восточной Церкви, и Православие в ней еще более утвердилось. В Болгарии прославились святые подвижники: святители Горазд (память 27 июля) и Климент Охридский (память 27 июля). Благоверный царь Борис украшал страну храмами и способствовал распространению благочестия, впоследствии в Болгарии была учреждена патриаршая кафедра. На склоне лет святой царь Борис удалился в монастырь, оставив престол сыновьям Владимиру и Симеону. Находясь в монастыре, благоверный царь узнал о том, что правивший после него Владимир стал на путь отступничества от христианства. Сокрушаясь о происшедшем, святой Борис вновь облачился в царские одежды, наказал непокорного сына и, лишив его зрения, посадил в темницу. Поручив правление младшему сыну Симеону, благоверный царь Борис возвратился в монастырь. Лишь однажды он вышел из него для отражения нашествия венгров. Преставился святой благоверный царь Борис, в святом Крещении Михаил, 2 мая 907 года.

Пренесе́ние моще́й святы́х му́чеников Бо́риса и Гле́ба, нарече́нных во свято́м Креще́нии Рома́на и Дави́да

ВЕ́ЧЕР

Блаже́н муж:1-й антифо́н. На Го́споди, воззва́х: стихи́ры, глас 5.

Подо́бен: Ра́дуйся:

Ра́дуйся и весели́ся, Вышегра́де,/ красу́йся и ра́дуйся, свята́я це́рковь,/ в ню́же пренесе́ни бы́ша/ исцеле́ния святи́и исто́чницы/ и побо́рницы на враги́,/ побе́ды даю́щии ве́рным,/ те́плии засту́пницы душ и теле́с на́ших./ Тем днесь вси почита́ем/ честно́е пренесе́ние теле́с ва́ших, сла́внии./ Христу́ помоли́теся дарова́ти душа́м на́шим/ мир и ве́лию ми́лость.

Ра́дуйтеся и весели́теся, самобра́тнии,/ красу́йся и весели́теся, до́брии врачи́,/ се бо прия́ли есте́ у Христа́ жела́емыя венцы́,/ и́миже стра́сти инеду́зи вси исцеля́ются./ Вы бо сокруши́сте бесо́вския ко́зни и пога́нския полки́,/ ва́шими бо моли́твами и посо́бием ве́рнии лю́ди на́ши держа́вно побежда́ют,/ Тем и мы днесь, па́мять ва́шу сла́вяще, вопие́м:/ Христу́ помоли́теся дарова́ти душа́м на́шим/ мир и ве́лию ми́лость.

Ра́дуйся, свята́я це́рковь,/ ди́вная впра́вду,/ в ню́же пренесе́ни бы́ша святы́я ра́ки,/ я́же и́мут в себе́ да́ры исцеле́ния благода́ти,/ честна́я телеса́ ва́ша, Христо́ви му́ченицы./ Вы бо смире́ние стяжа́сте и целому́дрие,/ служи́теля же неве́рствовавша в страх вложи́сте и уве́рили есте́./ Неду́зи и стра́сти исцеля́ются,/ и бесо́в мно́жество исчеза́ют,/ прогони́ми быва́ют неве́рных полцы́ посо́бием ва́шим./ Христу́ помоли́теся дарова́ти душа́м на́шим/ мир и ве́лию ми́лость.

Слава, глас 6. Самогласен:

Прииди́те, лик соста́вльше,/ возвели́чим чудотво́рцы и му́ченики,/ и́же зако́нно пострада́вшия/ и све́тло со держа́вными му́ченики венча́вшияся,/ и, со безпло́тными Тро́ице предстоя́щия,/ мо́лят умири́ти мир и спасти́ ду́ши на́ша.

И ныне, Богородичен.

Вход. Прокимен дне и чтения му́ченическая (зри чте́ния му́ченическая).

На лити́и стихи́ры, глас 4:

А́ще и земна́го ца́рствия,/ но́вый Ка́ин богоненави́стник и братоненави́стный/ уби́йствене лиши́ вас/ Христо́с же непреходя́щее и безконе́чное ца́рство вам дарова́,/ Ему́же со а́нгельскими во́инствы предстоя́ще,/ моли́теся спасти́ любо́вию пою́щия/ всечестну́ю и многопра́зднетвенную па́мять ва́шу.

Земля́ освяти́ся кро́вию всечестно́ю ва́шею,/ и челове́цы обогати́шася ва́ми,/ исцеле́ние незави́стно прие́млют,/ Богому́дрии уго́дницы Христо́ви,/ сла́вне Рома́не с незло́бивым Дави́дом./ Моли́теся Го́сподеви,/ Ему́же от ю́ности прилепи́стеся,/ спасти́ и́же ве́рою пою́щия вас.

Сла́ва, глас 6:

Днесь, ве́рных собо́ри,/ лик духо́вный соста́вивше,/ в па́мяти святы́х му́ченик/ святоле́пно ликовству́ем и весе́лием Го́спода просла́вим,/ просла́вльшаго святы́я Своя́,/ сим а́бие учуветви́вшеся/ и кла́няющеся чудотво́рному гро́бу, вопие́м:/ ра́дуйтеся, дру́зи Госпо́дни,/ попра́вший главу́ зми́еву;/ ра́дуйтеся, и́же по обы́чаю о́браз невре́дно сохра́нше;/ ра́дуйтеся, Христо́вы ра́ди за́поведи убие́ние прии́мшии;/ ва́ша же телеса́, на ме́стех непрохо́дных и пусты́х пове́ржена,/ столп о́гнен возвести́./ Ра́дуйтеся, цве́тницы благово́ннии,/ кри́ни неувяда́емии росси́йстии,/ непреста́нно моля́щийся Христу́/ поми́ловатися и спасти́ся/ светоно́сную ва́шу па́мять пра́зднующим.

И ны́не, Богоро́дичен.

На стихо́вне стихи́ры, глас 2:

Прииди́те, целому́дрия люби́телие,/ му́ченик дво́ицу восхва́лим,/ чи́стым се́рдцем Христа́ возлю́бльших,/ и́же душа́ми и телесы́ наразлу́чни/ и мо́лятся Го́сподеви спасти́ся душа́м на́шим.

Стих: Пра́ведник, я́ко фи́никс, процвете́т/ и, я́ко кедр, и́же в Лива́не, умно́жится.

От свя́та и че́стна ко́рене изра́стше,/ пресла́вне Рома́не с незло́бивым Дави́дом,/ нетле́емую сла́ву па́че тле́нныя избра́вше/ и Христо́вы любве́ ра́ди пострада́вше,/ Его́же моли́те спасти́ нас,/ любо́вию вас почита́ющих.

Стих: Насажде́ни в дому́ Госпо́дни,/ во дво́рех Бо́га на́шего процвету́т.

За́поведи Христо́вы де́лы исполня́юще/ и о убива́ющих моля́щеся:/ не поста́ви им, Го́споди, греха́ сего́, – глаго́люще,/ моли́твами, Го́споди, Твои́х уго́дник/ посли́ нам бога́тыя Твоя́ ми́лости.

Сла́ва, глас 6:

Прииди́те, восхва́лим чудотво́рцы и му́ченики:/ си́и бо, зако́нно пострада́вше,/ победи́ша супроти́внаго врага́./ И ны́не, све́тло укра́шени,/ предстоя́т Христу́, ра́дующеся./ Тем и мы пе́сньми/ па́мять их ве́село похва́лим, любо́вию вопию́ще:/ ра́дуйтеся, вселе́нней засту́пницы и побо́рницы на враги́;/ ра́дуйтеся, врачи́ боля́щим и бесо́м прогони́телие;/ ра́дуйтеся, о любе́зная версто́,/ бра́тие прекра́снии,/ Рома́не сла́вный и Дави́де чу́дный,/ люби́мицы Христо́ви,/ за ны моли́те Святу́ю Тро́ицу,/ умири́ти мир и спасти́ ду́ши на́ша.

И ны́не, Богоро́дичен.

Тропа́рь, глас 4:

Днесь церко́вная разширя́ются не́дра,/ прие́млющи бога́тство Бо́жия благода́ти,/ веселя́тся ру́сстии собо́ри,/ ви́дяще пресла́вная чудеса́,/ я́же твори́те приходя́щим к вам ве́рою,/ святи́и чудотво́рцы Бори́се и Гле́бе,/ моли́те Христа́ Бо́га, да спасе́т ду́ши на́ша.

Ин тропа́рь, глас 2:

Пречестни́и, и целому́дреннии, и незло́бивии страстоте́рпцы,/ Рома́не сла́вный и Дави́де чу́дный,/ и́го бо Госпо́дне ева́нгельски на ра́мо взе́мше,/ после́довасте Христу́/ и, крест Его́, я́ко ски́петр, в руку́ иму́ще,/ врага́ бра́та и зла́го властолю́бца соодоле́сте,/ и той ны́не в гее́нне му́чится,/ вы же ра́дуетеся, с ли́ки а́нгельскими предстоя́ще Святе́й Тро́ице,/ моли́теся о держа́ве сро́дник ва́ших, благоуго́дней бы́ти,/ и сыново́м ру́сским спасти́ся.

Ин тропа́рь, глас 4:

Му́ченицы Госпо́дни спа́сшиися,/ пресла́внии блаже́ннии кня́зи Бори́се и Гле́бе,/ тружда́ющимся бы́стрии помо́щницы,/ неду́жным цели́тели,/ вы бо боле́зни врачу́ете/ притека́ющих в це́рковь с ве́рою./ Те́мже и мы мо́лимся:/ от бед изба́вите нас,/ чту́щих с любо́вию пренесе́ние моще́й ва́ших.

Ин тропа́рь, глас 8:

Днесь вся́кая душа́ ве́рных весели́тся,/ в прене́сение честны́х моще́й ва́ших, Бори́се и Гле́бе,/ слепы́я просвеща́ете, немы́м уста́ отверза́ете и печа́льныя утеша́ете,/ прия́ли бо есте́ от Христа́ Бо́га благода́ть исцеле́ний,/ моли́теся о душа́х на́ших.

НА У́ТРЕНИ

По 1-м стихосло́вии седа́лен, глас 1.

Подо́бен: Ка́мени запеча́тану:

Звезды́ незаходи́мыя, пресве́тлая свети́ла яви́лися есте́,/ сла́вный Рома́не с до́блим Дави́дом,/ днесь и по кончи́не то́чите исцеле́ния./ Сла́ва Да́вшему вам кре́пость,/ сла́ва Венча́вшему вас,/ сла́ва Де́йствующему ва́ми исцеле́ние.

Сла́ва, ин седа́лен, глас то́йже:

Днесь земля́ Ру́сская ва́ми, страстоте́рпцы Христо́ви,/ кня́же Бори́се и сла́вный Гле́бе, сы́ны вели́каго кня́зя Влади́мира,/ све́тится, я́ко со́лнце,/ свои́ми бо венцы́ на всю Ру́сскую зе́млю сия́ете,/ моли́те Христа́ Бо́га на́шего за вся ве́рныя христиа́ны,/ да спасе́т ду́ши на́ша.

И ны́не, пра́здника.

Жития́ чте́ние:

Бра́тие, в беда́х посо́биви4 быва́йте./ А́ще ражда́ется муж безу́мен, воспле́щет и ра́дуется о зло́бе,/ та́ко издруча́я5, издруча́ет свою́ бра́тию,/ сей бо во свое́ю устну́ и путе́х огнь собира́ет./ Грехолю́бец ра́дуется ра́ти и кровопроли́тию,/ прикаса́ющийся путе́х его́ взы́щут себе́ па́губу./ Му́жу бо пра́ведну и братолю́бцу се́рдце, веселя́ся, здра́вие твори́т/ и красоту́ лицу́, о́чи све́тле и взор./ Му́жу же лука́ву и братоненави́дцу, па́че же властолю́бцу,/ засо́хнут ко́сти, прие́млющему мзду во не́дра своя́,/ без пра́вды не поспе́ются путие́ пра́вды его́./ Лице́ разу́мнаго му́жа прему́дро, о́чи же безу́мнаго на конце́х земли́,/ непра́ведно бо есть кова́ти ков6 на бра́та./ О, лю́те души́ твое́й!/ Поне́же зол сове́т совеща́ на правди́вую свою́ бра́тию, рек та́ко:/ избию́ бра́тию свою́/ и бу́ду еди́н власть име́я в Руси́, –/ не ве́дая, я́ко меч Бо́жий поостри́тся нань,/ не помяну́ бо Иоа́нна Богосло́ва, облича́ющего:/ возлю́бленнии, а́ще кто рече́т, я́ко люблю́ Бо́га,/ а бра́та своего́ ненави́дит, ложь есть./ Лу́чше муж без че́сти служа́ себе́,/ не́жели честь себе́ облага́ет, и лише́н хле́ба./ Ми́луетпра́ведник ду́ши скот свои́х,/ сей же окая́нный бра́тию свою́ возненави́де,/ утро́ба бо нечести́ваго безми́лостивна./ Егда́ прии́дет безу́мный во глубину́ зла, не роди́т,/ нахо́дит бо ему́ доса́да и поноше́ние,/ бе́здна глубока́ и му́ка ве́чная,/ после́дняя же его́ зрят во дне а́да.

По 2-м стихосло́вии седа́лен, глас 4:

За́висти ра́ди погу́блени от своего́ бра́та,/ и́мже приведе́шася, я́ко а́гнцы, Бо́гу,/ пожро́шася во́лею, за убива́ющия Бо́гу моля́щеся,/ и́хже моли́твами спаси́ ду́ши на́ша.

Сла́ва, ин седа́лен, глас то́йже:

Со святы́ми ны́не всели́лися есте́,/ святу́ю свою́ сконча́сте жизнь,/ тем и ра́ка ва́ша исто́чник исцеле́ний показа́ся,/ Рома́не преблаже́нне с чу́дным Дави́дом,/ моли́твами ва́шими от напа́сти изба́вите нас,/ вас почита́ющих.

Сла́ва, и ны́не, Богоро́дичен:

В кров Твой, Пречи́стая Де́во, прибега́ющих,/ мольбу́ приими́ от нас/ и не преста́й моля́щи Человеколю́бца спасти́ся рабо́м Твои́м.

Жития́ чте́ние:

Слы́ша Яросла́в, я́ко оте́ц его́ у́мре,/ а Святопо́лк, седя́ в Ки́еве, избива́ет бра́тию свою́:/ уже́ бо бе Бори́са уби́л, а на Гле́ба посла́./ Печа́лен же бе о отци́ и о бра́те,/ уби́ бо Святопо́лк Бори́са на А́льте,/ а Гле́ба на Днепре́, ни́же Смоле́нска, на усть Смяды́ни,/ сожа́лися7 Яросла́в вельми́, и созва́ новгоро́дцев, и рече́ им:/ оте́ц мой у́мре, а Святопо́лк седи́т в Ки́еве, избива́я бра́тию мою́./ Бе бо тогда́ Яросла́в брань име́я с новгоро́дцы,/ и не хотя́ху ему́ помога́ти на Святопо́лка,/ но помяну́вше апо́стольское сло́во:/ бра́тие, Бо́га бо́йтеся, а кня́зя чти́те./ Бо́жий бо слуга́ есть, не ту́не бо но́сит меч,/ но во отмще́ние у́бозлоде́ем, в похвалу́ же доброде́ем./ И ре́ша ему́ новгоро́дцы:/ мо́жем, кня́же, по тебе́ в по́мощь ста́ти и главы́ своя́ положи́ти тебе́ ра́ди./ И собра́ Яросла́в варя́г шесть ты́сящ,/ а про́чих вой три́десяте ты́сящ,/ и по́йде на Святопо́лка, восприе́м Авраа́млю до́блесть:/ слы́ша бо Авраа́м, я́ко плене́н бысть Лот, сы́новец его́,/ и собра́ домоча́дец свои́х три ста и осмьна́десяте,/ и гна во след их до Да́на,/ и пости́же я в Хова́ле, и изби́ их,/ отполони́8 вся стада́ содо́мска,/ и Ло́та, сы́на Ара́на, и жену́ его́, и вся име́ния его́./ Та́ко и сей Яросла́в, но́вый Авраа́м, пои́де на Святопо́лка, рек Бо́гу:/ Го́споди, не аз нача́х избива́ти бра́тию, но он,/ да бу́деши ему́ Судия́/ и мсти кровь бра́та моя́,/ зане́ без вины́ пролия́ кровь пра́ведную сею́,/ пра́ведных бо ду́ши в руце́ Бо́жии,/ позна́вшему вас Свято́му,/ и вы свя́ти есте́ о всем житии́ ва́шем, зане́ пи́шет:/ свя́ти бу́дете, я́ко Аз свят есмь./ Во стра́се Бо́жии пожи́сте ле́та своя́ ве́дуще,/ не тле́нным сребро́м и зла́том изба́влены бы́сте от су́етнаго сего́ жития́,/ бра́том свои́м пре́дани на уби́йство,/ но драго́ю кро́вию, я́ко а́гнцы непоро́чны, че́стны,/ приведо́стеся своему́ Влады́це.

По полиеле́и седа́лен, глас 8.

Подо́бен: Прему́дрости:

Бла́женна у́бо земля́, кро́ви ва́ша восприе́мшая,/ излия́нны от непра́веднаго бра́та и врага́,/ пречу́дная и предо́брая версто́,/ и́стине побо́рницы и приста́нище небу́рное су́щим в беда́х,/ тем досто́йно блажи́ми есте́, Рома́не сла́вне с незло́бивым Дави́дом./ Моли́те Христа́ Бо́га согреше́нием оставле́ние дарова́ти/ чту́щим любо́вию святу́ю па́мять ва́шу.

Сла́ва, ин седа́лен, глас то́йже:

К Боже́ственней красоте́ пресве́тло взя́стеся благода́тию,/ земны́я концы́ по́хоти попра́вше свы́ше стра́стию,/ Рома́не и Дави́де, вселе́нней свети́ла./ Тем мо́лимся от тьмы грехо́вныя и от неду́г изба́вити нас, мо́лим вас:/ моли́те Бо́га о всех нас.

И ны́не, Богоро́дичен:

О Пресвята́я Де́во, Ма́ти Христо́ва,/ души́ моея́ стра́сти исцели́, я́же без ума́ соде́ях молю́ся,/ и тишину́ ми пода́ждь:/ аз бо ду́шу оскверни́х и те́ло, окая́нный,/ и не вем, что сотворю́ в День Суда́,/ егда́ А́нгели ду́шу мою́ разлуча́т от убо́гаго моего́ телесе́,/ тогда́ Предста́тельница ми бу́ди, избавля́ющи мя муче́ния,/ при́сно моля́щи Сы́на Своего́ согреше́нием оставле́ние дарова́ти,/ Тебе́ бо име́ю наде́жду, раб Твой.

Жития́ чте́ние:

Стена́м твои́м, Вышегра́де, устро́их стра́жи по вся дни и но́щи,/ и́же не у́снут, ни воздре́млют,/ храня́ще, утвержда́юще о́тчины свою́ Ру́сскую зе́млю/ от супоста́тных пога́н и усо́бныя бра́ни,/ пра́ведник бо и по сме́рти жив есть,/ сих бо кровь и до сконча́ния ве́ка непреста́нно вопие́т ко Бо́гу/ на беззако́ннаго и го́рдаго сего́ Святопо́лка,/ па́че же реку́ – Поганопо́лка, безгла́внаго зве́ря:/ недово́ляше бо е́му то,/ но приложи́ и еще́ уби́ти Святосла́ва во Угорстей земли́,/ зане́ же бежа́щу ему́ тогда́ во Угры./ И нача́ помышля́ти Окая́нный9:/а́ще избию́ бра́тию мою́, то еди́н бу́ду/ и прииму́ власть на Ру́сскую зе́млю еди́н./ И помы́слив высокоу́мием свои́м,/ не ве́дый, я́ко Бог дае́т власть, ему́же хо́щет,/ поставля́ет бо царя́ или кня́зя./ Вы́шний, ему́же хо́щет, дае́т./ А́ще у́бо ка́я земля́ упра́вится пред Бо́гом,/ поставля́ет ей царя́ или́ кня́зя пра́ведна, лю́бяща суд и пра́вду,/ и вла́стеля устроя́ет ей судию́, правосу́дяща суд./ А́ще бо кня́зи правди́ви быва́ют на земли́, то мно́га отдаю́т согреше́ния./ А́ще ли зли́и и лука́вни быва́ют, то бо́ле зло наво́дит Бог на зе́млю ту,/ поне́же то есть глава́ земли́./ Та́ко бо Иса́ия рече́ проро́к:/ согреши́ша лю́дие от главы́ до ног,/ е́же есть от царя́ и до про́стых люде́й./ Лю́те бе гра́ду тому́,/ в не́мже кня́зи лю́бяще вино́ пи́ти со гу́сльми и со млады́ми сове́тники,/ таковы́я бо Бог дае́т за грехи́, а ста́рыя му́дрыя отъе́млет;/ отъя́т бо от нас Влади́мира,/ а Святопо́лка наведе́ на ны грех ра́ди на́ших,/ я́коже наведе́ кре́пкаго на Иерусали́м,/ кре́пка исполи́на, челове́ка хра́бра, и судию́, и проро́ка, и смире́нна ста́рца,/ я́коже и ди́вна сове́тника, и му́дра хитреца́, и ди́внаго послу́шника,/ и поста́влю ю́ношу кня́зя им руга́теля, облада́юща и́ми. Яросла́в же прии́де в си́ле тя́жце,/ и прии́де на А́льту, и встав на ме́сте, иде́же уби́ша Бори́са,/ воздви́г на не́бо ру́це, и рече́:/ се кровь бра́ту мое́ю вопие́т к Тебе́, Влады́ко,/ мсти кровь пра́ведную сию́,/ я́коже мстил еси́ кровь А́велеву,/ положи́л еси́ на Ка́ине стена́ние и трясе́ние, та́ко положи́ на сем./ И, помоли́вся, рече́:/ бра́тие моя́, а́ще есте́ те́лом отсе́ле отошли́,/ но моли́твою свое́ю помози́те ми на проти́внаго сего́ уби́йцу го́рдаго./ И сия́ ему́ ре́кшу, поидо́ша противу́ себе́,/ и покры́ша по́ле Ле́тское обои́ от мно́жества во́и./ Бе же пято́к тогда́, восходя́щу со́лнцу,/ и приспе́ в той час Святопо́лк со печене́ги,/ и соступи́шася обои́, и бысть се́ча зла,/ якова́ же не быва́ше на Руси́./ И, за ру́ки е́млюще, сеча́хуся, и по удо́лием кровь теко́ше,/ и соступи́шася три́жды, и смято́шася, бию́щеся./ И бысть гром вели́к и ту́чен,/ и дождь вели́к, и мо́лниям блиста́ния./ Егда́ же облиста́ху мо́лнии, блища́ху ору́жия в рука́х их./ И мно́зи ве́рнии ви́дяху А́нгелы, помога́ющий Яросла́ву./ Святопо́лк же дав плещи́10, побеже́./ Его́же и по пра́вде непра́ведне суду́ прише́дшу/ и по отше́ствии сего́ све́та прия́ша му́ки Окая́ннаго,/ показа́вши я́ве по́сланная нань па́губная ра́на во смерть неми́лостивно вогна́,/ по сме́рти ве́чно му́чим есть,/ свя́зан во дне а́да,/ поне́же ве́дый братоуби́йство сей сотвори́./ Седмь бо мстий11 прия́т Ка́ин, уби́в бра́та А́веля,/ а Ламе́х – се́дмьдесят,/ поне́же бо Ка́ин не ве́дый мще́ния прия́ти от Бо́га,/ а Ламе́х, ве́дая казнь, бы́вшую на прароди́тели его́, сотвори́ уби́йство,/ и Святопо́лк, ве́дая же, сотвори́./ И обою́ се́ю го́рши бысть му́ка./ Рече́ бо Ламе́х к жена́ма свои́ма:/ му́жа уби́х в я́зву мне, а ю́ношу в ра́ну мне./ Те́мже рече́:/ седмьдесят мстий на мне, поне́же, – рече́, –/ ве́дая сотвори́х се./ Ламе́х уби́ два бра́та Ено́хова и поя́т себе́ жены́ е́ю./ Се же Святопо́лк, но́вый Авимеле́х,/ и́же роди́ся от прелюбодея́ния,/ и́же изби́ бра́тию свою́, сыны́ Гедео́новы,/ последи́ же сама́го жена́ из гра́да уло́мком жерно́вным уби́ под гра́дом,/ та́ко и сей бысть Святопо́лк. Яросла́в же, прише́д, се́де в Ки́еве,/ уте́р пот с дружи́ною свое́ю,/ показа́ побе́ду и труд вели́к по бра́тии свое́й.

Степе́нна, 1-й антифо́н 4-го гла́са. Проки́мен, глас 4: Честна́ пред Го́сподем/ смерть преподо́бных Его́.Стих: Что возда́м Го́сподеви о всех, я́же воздаде́ ми? Вся́кое дыха́ние:Ева́нгелие от Луки́, зача́ло 106.

По 50-м псалме́ стихи́ра, глас 6:

Днесь у́бо соше́дшеся,/ многосостоя́ние церко́вное,/ пе́сньми хва́ляще хва́лим досто́йнаго самоде́ржца Влади́мира,/ повину́вшася багряни́цы Ца́рствия Христо́ва/ и лю́ди своя́ просвети́вша благоче́стием,/ от него́же многосве́тлая два свети́ла произыдо́сте,/ Бори́с со Гле́бом,/ и́хже не терпя́, богоме́рзский братоненави́стник ору́жием тех закала́ет./ Но моли́твами, Бо́же, Твои́х уго́дник/ спаси́ ду́ши на́ша.

Кано́н му́чеником, глас 8.

Песнь 1

Ирмо́с: Сокруши́вшему бра́ни мы́шцею Свое́ю/ и прове́дшему Изра́иля сквозе́ Чермно́е мо́ре,/ пои́м Ему́, я́ко Изба́вителю на́шему Бо́гу,/ я́ко просла́вися.

Похва́лим, ве́рнии, пресла́вную и честну́ю дво́ицу,/ прехва́льных му́ченик Рома́на и Дави́да,/ и́миже Христо́с просвети́ всю страну́ Ру́сскую.

Дарова́вшему сим дар благода́ти исцеле́ния,/ стра́сти и неду́ги исцеля́ти,/ Влады́це Христу́ воспои́м Спа́су и Изба́вителю на́шему,/ я́ко просла́вися.

Якоже рече́ Христо́с:/ ве́руяй в Мя, дела́, я́же Аз творю́, и той сотвори́т, и бо́льша сих./ Сия́ прие́мша, святи́и му́ченицы,/ боля́щия исцеля́ете и ду́хи бесо́вския отго́ните.

Богоро́дичен: Честне́йшую Херуви́м и Сла́внейшую Серафи́м,/ ро́ждшую на земли́ Бо́га Сло́ва,/ чистоты́ храм душе́вный,/ Богоро́дицу Мари́ю ве́рно восхва́лим.

Катава́сия пра́здника.

Песнь 3

Ирмо́с: Утверди́ся се́рдце мое́ во Го́споде,/ вознесе́ся рог мой в Бо́зе мое́м,/ разшири́шася на враги́ моя́ уста́ моя́,/ возвесели́хся о спасе́нии Твое́м.

Честны́м пренесе́нием теле́с ва́ших, сла́внии,/ просла́вися честна́я Це́рковь,/ иму́щая в себе́ благода́ти сокро́вище неоску́дное и пречу́дное.

Святы́я ра́ки ва́ши честны́я иму́щи в себе́ да́ры благода́тныя,/ пресла́вная телеса́ ва́ша,/ святи́и му́ченицы Бори́се и Гле́бе, врачи́ неду́жным.

Све́тел вои́стину и прече́стен Вышегра́д,/ превы́ше бо всех градо́в превознесе́ся,/ имы́й в себе́ честну́ю це́рковь,/ в ню́же пренесе́ни бы́ша би́сери многоце́ннии.

Богоро́дичен: Утверди́, Де́во, помышле́ние мое́/ и ум мой пла́вающий утиши́,/ Ко́рмчию бо родила́ еси́ и Очи́стника собла́зном на́шим.

Конда́к и и́кос пра́здника.

Ин конда́к святы́х, глас 3:

Прииди́те, вси ру́сстии собо́ри,/ чудотво́рцу и му́ченику Бори́са и Гле́ба восхва́лим,/ зако́нно бо пострада́вше,/ победи́сте сопроти́внаго врага́,/ тем святы́м заступле́нием кня́зи ру́сстии враги́ побежда́ют,/ тем па́мять е́ю ве́село и любо́вию похва́лим, вопию́ще:/ за ны моли́те Святу́ю Тро́ицу,/ умири́ти мир и спасти́ ду́ши на́ша.

Ин конда́к святы́х, глас 4:

От гро́ба зна́мения показа́сте во стране́ Ру́сстей,/ яви́ся днесь благода́ть исцеле́ния/ всем, к вам, страстоте́рпцы, притека́ющим с ве́рою,/ Бори́се сла́вный со Гле́бом чу́дным./ Кре́пцы ве́рою, добропобе́днии му́ченицы, за Христа́ подъе́мше разли́чныя му́ки,/ и на мно́га ле́та сокрове́ни бы́ша ва́ши святи́и мо́щи,/ ны́не же явля́етеся от земли́,/ возсия́вше луча́ми, я́ко бога́тство многоце́нно,/ и в це́рковь Бо́жию че́стно носи́ми, архиере́й Бо́жиих дла́ньми./ Те́мже вопие́м вам:/ ра́дуйтеся, кня́зи, ру́сстии засту́пницы.

Седа́лен святы́х, глас 8:

Христо́вы уве́девше за́поведи благи́я,/ Того́ возлюби́вше, страстоно́сцы сла́внии,/ о убие́нии телесе́ неради́сте, ду́ши же прекра́сныя в ру́це Христу́ преда́сте:/ ов, копие́й пробода́емь, веселя́щеся,/ други́й же, я́ко а́гня, без ми́лости закала́емь,/ сего́ ра́ди прия́ша дар исце́ления, му́ченицы самобра́тнии,/ моли́те Христа́ Бо́га грехо́в оставле́ние дарова́ти/ чту́щим любо́вию святу́ю па́мять ва́шу.

Сла́ва, и ны́не, пра́здника.

Песнь 4

Ирмо́с: Проро́к Авваку́м у́мныма очи́ма/ прови́де, Го́споди, прише́ствие Твое́,/ тем и вопия́ше:/ от ю́га прии́дет Бог./ Сла́ва си́ле Твое́й, сла́ва снизхожде́нию Твоему́.

Бра́тие прекра́снии, ра́дуйтеся, я́ко венцы́ жела́емыя от Бо́га прие́мше/ и сего́ ра́ди оста́вльше всю сла́ву тле́ющую,/ да Христа́ приобря́щете еди́наго, Би́сера безце́ннаго.

Христо́вы уве́девше за́поведи Боже́ственныя и Тому́ после́дующе,/ воста́нет бо, – рече́, – брат на бра́та,/ сего́ ра́ди прия́сте ну́ждную смерть, я́ко а́гнцы закала́еми.

Прободе́ному на Кресте́ копие́м тебе́ ра́ди после́дуя стопа́м,/ А́гнцу Бо́жию, сла́вный страда́льче,/ уби́йцам не проти́влься, Бори́се чу́дный, во́ине до́блий.

Богоро́дичен: Ра́дуйся, душе́вная Це́рковь и руно́ пречи́стое Богоро́сное,/ воды́ живы́я исто́чниче неистека́ющий, Влады́чице, запечатле́нный де́вством,/ рабы́ Своя́ сохрани́ от всех зол.

Песнь 5

Ирмо́с: Го́споди Бо́же наш, мир даждь нам,/ Го́споди Бо́же наш, стяжи́ ны,/ Го́споди, ра́зве Тебе́, ино́го не ве́мы,/ И́мя Твое́ имену́ем.

Я́ко А́гнец беззло́бив, не рету́я же, ни вопия́, Сын Бо́жий веде́ся на смерть./ Вы же, Сему́ после́дующе,/ не от врага́, но от сро́дника убие́ни бы́сте.

Во́зрастом и ю́ностию о любви́ пре́лестней небрего́сте, святи́и,/ Христо́вы за́поведи исполня́юще,/ ве́чную жизнь приобрето́сте.

Вторы́й Солу́нь ра́дуется – в стране́ Ру́сстей Вышегра́д сла́вный,/ име́я в себе́ благода́ть сла́вну пренесе́нием теле́с ва́ших.

Богоро́дичен: Уврачу́й, Пречи́стая Влады́чице, ду́шу мою́,/ молвы́ же и напа́сти бесо́вския прогоня́щи,/ Врача́ бо страсте́м родила́ еси́ и Творца́ всех.

Песнь 6

Ирмо́с: Я́ко во́ды морски́я, Человеколю́бче,/ волна́ми жите́йскими обурева́юся./ Те́мже, я́ко Ио́на, та́ко вопию́ Ти:/ возведи́ от тли живо́т мой, Благоутро́бне Го́споди.

Вся́ко ме́сто освяти́ся/ и и́же в неду́зех исцелева́ются посеще́нием ва́шим, врачи́ пресла́внии,/ слепи́и прозира́ют, хроми́и хо́дят, слу́цыи простира́ются.

Во всю зе́млю изыдо́ша веща́ния апо́стольская,/ ва́шими же чуде́с исцеле́нии вселе́нная испо́лнися,/ ве́рным бо источа́ете здра́вие оби́льно, сла́внии.

Сло́во Твое́ испо́лнися, Человеколю́бче, е́же рече́ ученико́м Свои́м,/ град бо не укры́ется, верху́ горы́ стоя́./ И се бо Вышегра́д просвеща́ет всю зе́млю Ру́сскую явле́нием святы́х Твои́х, Го́споди.

Богоро́дичен: Всепе́тая Де́во, све́тлый о́блаче,/ прожени́ мрак души́ моея́, Я́же Со́лнце пра́ведное ро́ждшая,/ и наста́ви мя на стезю́ живо́тную мольба́ми Свои́ми, Пренепоро́чная.

Конда́к, глас 4.

Подо́бен: Яви́лся еси́ днесь:

Яви́ся днесь в стране́ Ру́сстей благода́ть исцеле́ния всем,/ к вам, блаже́ннии, приходя́щим и вопию́щим:/ ра́дуйтеся, засту́пницы те́плии.

И́кос:

Новоявле́нных му́ченик пресла́вная па́мять днесь Ру́сстей земли́ све́тло возсия́,/ све́тлы бо яви́стеся зве́зды от Бо́га, чудесы́ облиста́юще,/ и́хже в па́мять Госпо́дь всем ве́рным подае́т исцеле́ние и в темни́це избавле́ние./ Те́мже и мы, немощни́и, прииди́те, воспои́м сия́, да восприи́мем здра́вие,/ просвеща́ете бо слепы́я и неду́жныя исцеля́ете, засту́пницы те́плии.

Песнь 7

Ирмо́с: Халде́йская пещь, огне́м распала́емая,/ ороша́шеся Ду́хом, Бо́жиим предстоя́нием,/ о́троцы поя́ху:/ благослове́н еси́, Бо́же оте́ц на́ших.

Вра́жия исчеза́ют полцы́,/ и пога́нская телеса́ постла́на быва́ют под но́ги во́инов на́ших,/ призыва́ющих имена́ святы́я ва́ша, му́ченицы Христо́ви.

Пресла́вно просла́вися вся́ко ме́сто и страна́,/ в ни́хже созда́ни бы́ша честны́я це́ркви все́ми ве́рными о и́мени ва́шем,/ сла́внии Христо́ви му́ченицы.

Кто не диви́тся зе́млен ва́шему целому́дрию,/ ца́ри и кня́зи, судии́ же и вси ве́рнии,/ ва́ша чудеса́ пресла́вная ви́дяще,/ неисце́льныя бо стра́сти исцеля́ете вопию́щим:/ благослове́н Бог оте́ц на́ших.

Богоро́дичен: Пречи́стая Влады́чице, Влады́ку всех ро́ждшая,/ влады́чества мя зла́го свободи́в, наста́ви на путь живо́тный,/ Благослове́нная Богоро́дице Прера́дованная.

Песнь 8

Ирмо́с: Покрыва́яй вода́ми превы́спренняя Своя́,/ полага́яй мо́рю преде́л песо́к/ и содержа́й вся,/ Тя пое́т со́лнце, Тя сла́вит луна́,/ Тебе́ прино́сит песнь вся тварь,/ я́ко Соде́телю всех во ве́ки.

Помо́щники в ско́рбех, и в напа́стех, и беда́х,/ и в темни́це избавле́ние, и на бра́ни заступле́ние/ ва́шим посеще́нием от Бо́га прие́млем,/ призыва́юще вас, хра́брии, бра́тие прекра́снии.

Исцеля́ете стра́сти, и бе́сы прого́ните, и напа́сти разоря́ете/ всем, сла́вящим пресла́вно свято́е пренесе́ние теле́с ва́ших,/ всехва́льнии му́ченицы Христо́ви, засту́пницы гра́ду на́шему.

О блаже́нная, свята́я вои́стину, дво́ице преди́вная,/ вы кня́зи князе́м, хра́бри же Христо́ви му́ченицы, о нас те́плии моли́твеницы,/ вы бо обрета́етеся вско́ре, от бед избавля́юще.

Богоро́дичен: Омраче́ние души́ моея́ прожени́, Всечи́стая Де́во,/ неразу́мия се́рдце мое́ просвети́ и ум мой озари́,/ ро́ждшая Вели́каго Сове́та А́нгела, Иису́са Человеколю́бца,/ Бо́га же и Челове́ка, во обое́м соверше́на.

Песнь 9

Ирмо́с: Благослове́н Госпо́дь, Бог Изра́илев,/ воздви́гнувый рог спасе́ния нам/ в дому́ Дави́дове, о́трока Своего́,/ в ни́хже посети́ нас Восто́к с высоты́/ и напра́вил ны есть на путь ми́ра.

Благослове́н Госпо́дь Бог всех, страну́ же и вся лю́ди защища́я,/ чту́щих ва́ши ра́ки, сла́внии, в честне́й це́ркви,/ в ню́же принесе́ни бы́сте свята́я телеса́ ва́ша сла́вная, Рома́не и Дави́де.

Боже́ственною ре́вностию распала́еми, о че́сти земне́й и вла́сти небрего́сте,/ Христо́вы за́поведи соблюда́юще Боже́ственныя,/ те́мнаго кня́зя попра́ли есте́, святи́и.

Благослове́н Госпо́дь, Бог Изра́илев, венча́вый дво́ицу пречестну́ю,/ в стра́не Ру́сстей уго́дников Свои́х, и́миже посети́ нас, Светода́вче, свы́ше,/ умоле́н быва́я си́ми о нас, Спа́се наш.

Богоро́дичен: Благослове́н, Госпоже́, Плод Твоего́ чре́ва,/ призва́вый нас из тьмы и се́ни сме́ртныя и освяти́вый Себе́ лю́ди избра́нны./ Сего́ моли́, Пречи́стая Влады́чице, рабо́м Свои́м побе́ды дарова́ти на враги́ проти́вныя.

Свети́лен.

Подо́бен: Не́бо звезда́ми:

Прииди́те, приступи́те, ве́рнии,/ в Боже́ственную це́рковь пресла́вных му́ченик Рома́на и Дави́да,/ и́же оста́виша сла́ву вре́менную и возлюби́ша сла́ву безконе́чную/ и в ней лику́ют с Небе́сными чи́нми./ Моли́те о нас, честну́ю ва́шу па́мять пра́зднующих.

Сла́ва, и ны́не, пра́здника.

На хвали́тех стихи́ры, глас 1.

Подо́бен: Небе́сных чино́в:

Светоза́рная, и свята́я, и благообра́зная/ му́чеников Бори́са и Гле́ба/ всепра́зднественная возсия́ па́мять,/ и́же, всю зе́млю просвеща́юще/ и и́дольский мрак отгоня́юще,/ цельба́м благода́ть источа́ют.

Честны́ми ка́плями крове́й ва́ших/ обагри́сте ри́зы ва́ша,/ блаже́ннии Рома́не и Дави́де,/ тем ве́рою па́мять ва́шу пра́зднующе,/ моли́теся, мо́лим вас,/ умири́ти мир и спасти́ ду́ши на́ша.

Я́ко еди́н свет во двою́ телеси́,/ мир просвеща́ете чуде́сными блиста́нии,/ страстоте́рпцы Госпо́дни,/ мрак неве́дения отгоня́юще,/ тем воспева́ем ра́достно,/ похваля́юще ва́шу па́мять.

Сла́ва, глас 6:

Иже на земли́ А́нгелы/ и на Небеси́ челове́ки Бо́жии,/ святы́х му́ченик почти́м,/ кро́вию бо ва́шею всю зе́млю Росси́йскую освяти́сте/ и от вселе́нныя просла́вистеся,/ сего́ ра́ди и мы, гре́шнии, к вам прибега́ем,/ исцеле́ния да́ры прие́млюще,/ уго́дницы святи́и Рома́не и Дави́де,/ скорбя́щия утеша́ете, печа́льныя заступа́ете,/ моли́теся о душа́х на́ших.

И ны́не, пра́здника.

Славосло́вие вели́кое. И отпу́ст.

НА ЛИТУРГИ́И

Блаже́нны от кано́на, пе́сни 3-я и 6-я. Проки́мен, глас 4: Святы́м, иже суть на земли́ Его́,/ удиви́ Госпо́дь вся хоте́ния Своя́ в них.Стих: Предзре́х Го́спода предо мно́ю вы́ну, я́ко одесну́ю мене́ есть, да не подви́жуся.Апо́стол к Ри́мляном, зача́ло 99. Аллилу́ия,глас 4: Воззва́ша пра́веднии, и Госпо́дь услы́ша их, и от всех скорбе́й их изба́ви их.Стих: Мно́ги ско́рби пра́ведным, и от всех их изба́вит я Госпо́дь.Ева́нгелие от Иоа́нна, зача́ло 52. Прича́стен: Ра́дуйтеся, пра́веднии, о Го́споде:

Моли́тва

О дво́ице свяще́нная, бра́тия прекра́сная, до́блии страстоте́рпцы Бори́се и Гле́бе, от ю́ности Христу́ ве́рою, чистото́ю и любо́вию послужи́вшии, и кровьми́ свои́ми, я́ко багряни́цею, украси́вшиися, и ны́не со Христо́м ца́рствующии! Не забу́дите и нас, су́щих на земли́, но, я́ко те́плии засту́пницы, ва́шим си́льным хода́тайством пред Христо́м Бо́гом сохрани́те ю́ных во святе́й ве́ре и чистоте́ неврежде́нными от вся́каго прило́га неве́рия и нечистоты́, огради́те всех нас от вся́кия ско́рби, озлобле́ний и напра́сныя сме́рти, укроти́те вся́кую вражду́ и зло́бу, де́йством диа́вола воздвига́емую от бли́жних и чужди́х. Мо́лим вас, христолюби́вии страстоте́рпцы, испроси́те у Великодарови́таго Влады́ки всем нам оставле́ние прегреше́ний на́ших, единомы́слие и здра́вие, избавле́ние от наше́ствия иноплеме́нных, междоусо́бныя бра́ни, я́звы и гла́да. Снабдева́йте свои́м заступле́нием страну́ на́шу и всех, чту́щих святу́ю па́мять ва́шу, во ве́ки веко́в. Ами́нь.

Перенесение мощей святых благоверных князей Российских Бориса и Глеба (в святом Крещении Романа и Давида)

Великий князь Киевский Ярослав Мудрый (1019–1054), получив из Киева весть об убийстве своих братьев – благоверных князей страстотерпцев Бориса и Глеба († 1015; память 24 июля) коварным Святополком, воссевшим незаконно на княжеский престол, выступил против убийцы, желая воздать ему за неповинную кровь.

Перед решающим сражением у реки Альты в 1019 году, на том самом месте, где некогда был убит святой Борис, князь Ярослав коленопреклоненно молился Господу о даровании победы. Войско Святополка, прозванного за коварное братоубийство «Окаянным», было полностью разбито, а сам он окончил свои дни в безумии на чужбине.

Благоверный князь Ярослав Мудрый, возвратив себе великокняжеский престол, предпринял розыск тел святых братьев-мучеников. Ему сообщили, что тело благоверного князя Бориса погребено в Выштороде в церкви во имя святителя Василия Великого, построенной еще его отцом-равноапостольным князем Владимиром († 1015; память 15 июля) в честь своего небесного покровителя. О святом Глебе было известно, что он убит и погребен недалеко от Смоленска. Приближенные князя Ярослава рассказали ему о тех чудесных явлениях, которые происходили на предполагаемом месте смерти благоверного князя Глеба: в этой пустыньке проезжие люди замечали сияние, удостаивались слышать ангельское пение и видеть горящие свечи. Как только князь Ярослав узнал об этом, он получил Божественное вразумление о поиске честного тела брата мученика. Посланные люди действительно обнаружили святые останки: тело, зажатое двумя колодами, лежало совершенно нетленным, нетронутым хищными зверями. Светлые, источавшие благоухание мощи, были с почестями перенесены в Вышгород. Когда ископали могилу, чтобы предать земле тело святого мученика Глеба рядом с его старшим братом страстотерпцем Борисом, очевидцы были поражены, что мощи его также оказались не только нетленными, но излучавшими благодатный свет. Вскоре мощи святых братьев страстотерпцев прославились многими чудесными исцелениями, дарованными по милости Божией всем, приходившим к ним с верой и молитвой.

Однажды на то место, где почивали нетленные останки святых мучеников, пришли варяги, и один из них неосторожно ступил ногой на каменную плиту, под которой покоились честные мощи, тотчас же огонь вы шел из гроба и опалил ноги варяга. Известен случай, когда неожиданно загорелся храм во имя святителя Василия Великого, где были захоронены святые страстотерпцы Борис и Глеб: пономарь после утрени, не осмотрев храм, ушел домой, оставив горящую свечу, что и привело к пожару. Прихожанам удалось вынести из огня иконы и сосуды, так что ничего не пострадало, кроме самого церковного здания. Это было воспринято как некий знак Божий, ибо храм давно обветшал и нуждался в обновлении.

По этому случаю Киевский Митрополит Иоанн (1008–1035) и благо верный князь Ярослав пришли на это место с крестным ходом, чтобы с благоговением достать из земли святые мощи мучеников Бориса и Глеба. От них изливалось благоухание. Святые останки были положены в особую гробницу, которую внесли в небольшую часовню, возведенную на месте сгоревшего храма. Во время Богослужения в этой часовне произошли чудесные исцеления слепого и хромого.

Известие о многих чудотворениях благоверных князей-мучеников распространилось по всей Русской земле. Множество народа стекалось к часовне. Князь Киевский Ярослав Мудрый с радостью внимал рассказам о чудесных исцелениях. Митрополит Киевский Иоанн, воздав хвалу Богу, посоветовал князю построить большой храм во имя страстотерпцев Бориса и Глеба. Совет пришелся по сердцу и был принят как благословение: вскоре был воздвигнут прекрасный пятиглавый собор, получивший название Борисоглебского. Князь снабдил его церковной утварью, книгами и повелел написать иконы святых мучеников.

Мощи святых князей Бориса и Глеба были перенесены в новый храм. Во время этого торжества так же произошло несколько исцелений. Этот день – 24 июля и до настоящего времени является днем памяти князей-страстотерпцев. Незадолго до кончины великий князь Ярослав Мудрый разделил Ки евское княжество между четырьмя сыновьями. Киевский престол отошел боголюбивому князю Изяславу. Вскоре он был изгнан из столицы взбунтовавшимися горожанами. Однако по заступничеству святых благоверных князей Бориса и Глеба ему удалось вернуться на Киевское княжение. В благодарность за это князь Изяслав решил построить новый храм во имя святых страстотерпцев вместо обветшавшего Борисоглебского собора и перенести их честные мощи. Он выделил на постройку большие средства из великокняжеской казны. Когда строительство завершилось, князь Изяслав пригласил на освящение храма своих братьев – Всеволода и Святослава и Митрополита Киевского Георгия, а также несколько епископов. Это событие произошло 2 мая 1072 года.

Совместно Ярославичи подняли тело святого Бориса в деревянной гробнице и в окружении черноризцев со свечами внесли в новый храм. Когда открыли гробницу, весь храм наполнился благоуханием. Митрополит Георгий, грек по происхождению, не очень твердо веривший в святость князей, был потрясен этим чудным знамением. Святые мощи князья переложили в новую гробницу. Когда вносили каменную гробницу с мощами благоверного князя Глеба, она остановилась в церковных дверях и не сдвинулась с места до тех пор, пока присутствовавшие не стали молитвенно взывать ко Господу со словами покаяния. Только тогда она переместилась и была расположена с мощами благоверного Бориса. Митрополит Георгий взял руку мученика Глеба и благословил ею русских князей.

После Божественной литургии братья устроили совместную трапезу, свидетельствуя о своей любви, согласии и единомыслии. Этот день памяти перенесения мощей так же стал широко праздноваться на Руси. Лето писец под 1093 годом сообщает, что праздник святых Бориса и Глеба явился новым великим праздником земли Русской. Борисоглебский храм с мощами святых страстотерпцев стал семейным храмом Ярославичей, святилищем их любви и верности, братского согласия и служения Отечеству.

Святые страстотерпцы Борис и Глеб были первыми русскими святы ми, канонизованными Русской и Византийской Церквами. Служба им была написана вскоре после их прославления. Святые мученики издревле почитаются в Русской Церкви, о чем свидетельствуют многочисленные списки их житий, сказаний об их мощах, храмы и монастыри, названные в их честь. Их заступничество простирается на всех, кто с верой обращается к ним в своих молитвах.

Литература:

1. Страдания и чудеса святых мучеников Бориса и Глеба, князей русских. М., 1907.

2. Казанский Л. Жизнь и мученическая кончина святых князей Бориса и Глеба. М., 1899.

3. Богословский С. Д. Святые благоверные князья Борис и Глеб, первомученики Православной Церкви. М., 1916.

4. Макарий (Булгаков), митрополит. История Русской Церкви в 12-ти т. Т. 1. СПб., 1857.

5. Голубинский Е. История Русской Церкви. Т. 1, 1 полутом. М., 1903.

* * *

3

Покланяние – поклонение.

4

Посо́биви – помогате друг другу.

5

Издруча́я – изнуряя.

6

Ков – злой умысел.

7

Сожа́лился – пожалел.

8

Отполони́ – освободил из плена.

9

Окая́нный – прозвище Святополка.

10

Дав плещи́ – показав плечи, то есть обратившись в бегство.

11

Седмь мстий – семь отмщений.


Источник: Минея - М. : Издательский Совет Русской Православной Церкви, 2002-. 12 том. / Минея май. - 2002. / Ч. 1. – 456 с.; Ч. 2. – 536 с.; Ч. 3. - 400 с.

Комментарии для сайта Cackle