См. также: СВЯЩЕННОНАЧАЛИЕ
- Молитва ко Господу
- Первоверховному апостолу Петру
- Святому Апостолу Павлу
- Святителю Николаю Чудотворцу
- Святителю Спиридону Тримифунтскому
- Святителю Иоанну Златоусту
- Святителю Игнатию (Брянчанинову)
- Святителю Тихону, патриарху Московскому
Молитва ко Господу
Архиере́ю ве́чный, Христе́ Бо́же на́ш, приле́жно Ти́ молю́ся: Твои́м вы́шним благослове́нием Святе́йшаго Патриа́рха со архиере́и на́ши правосла́вныя благослови́, утверди́, укрепи́, ми́ром огради́ и святе́й Твое́й Це́ркви це́лых, здра́вых, честны́х, долгоде́нствующих и пра́во пра́вящих сло́во Твоея́ и́стины да́руй; от все́х же сопроти́вных, ви́димых и неви́димых враго́в ми́лостиво изба́ви. Ами́нь.
Владыка вечный, Христос Бог наш, я усердно молюсь Тебе: Твоим высшим благословением Святейшего Патриарха и наших православных архиереев благослови, утверди, укрепи, миром огради и Святой Твоей Церкви [их] целыми, здоровыми, почтенными, долгоденствующими и правильно толкующими слово Твоей истины даруй; от всех же враждебных, видимых и невидимых врагов милостиво избавь. Аминь.
Первоверховному апостолу Петру
О, святы́й Пе́тре, вели́кий апо́столе, самови́дче и сотаи́нниче Бо́жий, всемо́щною десни́цею Учи́теля твоего́ из вод волну́ющихся прия́тый и от коне́чнаго потопле́ния свободи́выйся! Не забу́ди и нас убо́гих (имена), в ти́не грехо́вней погря́зших и волна́ми жите́йскаго мо́ря обурева́емых: пода́ждь нам твою́ ру́ку кре́пкую, помози́ нам и удержи́ нас от потопле́ния во страсте́х, похоте́х, лжах и клевета́х. Сотвори́ и ты с на́ми ми́лость, тебе́ от Го́спода явле́нную, да не в сомне́нии и малове́рии изги́бнем. Научи́ нас, учи́телю наш, пролива́ти сле́зы покая́ния, да пла́чем го́рько о дея́ниих на́ших в ве́це сем. И а́ще твоя́ сле́зы, в покая́ние излия́нныя, ми́лостию Свое́ю покры́ Госпо́дь и Учи́тель твой, испроси́ и нам, со дерзнове́нием апо́стольским, проще́ния во гресе́ ежеча́снаго. Да ти́хое и безмо́лвное житие́ поживе́м в ве́це сем до часа́, в о́ньже и́мать призва́ти нас Влады́ка Госпо́дь, наш Судия́ нелицеприя́тный. Ты же, о всехва́льный апо́столе, не отве́ржи во́пля на́шего и стена́ния к тебе́, но заступи́ нас пред Христо́м, твои́м Учи́телем, да непреста́нно сла́вим Его́ милосе́рдие к нам, со Отце́м и Святы́м Ду́хом, во ве́ки веко́в. Ами́нь.
О святой Пётр, великий апостол, очевидец и сотаинник Божий, всемогущей десницей Учителя твоего из волнующихся вод поднятый и от окончательного потопления освободившийся! Не забудь и нас, убогих (имена), в тине греховной погрязших и волнами житейского моря обуреваемых: подай нам твою руку крепкую, помоги нам и удержи нас от потопления в страстях, похотях, лжи и клеветах. Яви и ты к нам милость, тебе от Господа явленную, чтобы мы не погибли в сомнении и маловерии. Научи нас, учитель наш, проливать слёзы покаяния, да восплачем горько о делах наших в жизни этой. И если твои слёзы, в покаянии излитые, милостью Своей покрыл Господь и Учитель твой, испроси и нам, с дерзновением апостольским, прощения во грехах ежечасных. Да тихую и безмолвную жизнь проживём в веке этом до того часа, в который призовёт нас Владыка Господь, наш Судья беспристрастный. Ты же, о всехвальный апостол, не отвергни вопля нашего и стенания к тебе, но защити нас пред Христом, твоим Учителем, да непрестанно славим Его милосердие к нам, с Отцом и Святым Духом, во веки веков. Аминь.
Святому Апостолу Павлу
О, святы́й верхо́вный апо́столе Па́вле, сосу́де и́збранный Христо́в, небе́сных та́ин сказа́телю, всех язы́ков учи́телю, церко́вная трубо́, преслову́щий ви́тие, мно́гия бе́ды за и́мя Христо́во претерпе́вый, мо́ре изме́ривый и зе́млю обше́дый и нас от ле́сти и́дольския обрати́вый! Тя молю́ и к тебе́ вопию́: не гнуша́йся мене́ скве́рнаго (имя), возста́ви па́дшаго грехо́вною ле́ностию, я́коже в Ли́стрех храма́го от чре́ва ма́терня возста́вил еси́; и я́коже Евти́ха ме́ртва бы́вша оживи́л еси́, воскреси́ и мене́ от ме́ртвых дел; и я́коже моли́твою твое́ю основа́ние темни́цы не́когда потря́сл еси́ и у́зники разреши́л еси́, си́це исто́ргни мя твори́ти во́лю Бо́жию. Вся бо мо́жеши да́нною ти вла́стию от Христа́ Бога, Ему́же подоба́ет вся́кая сла́ва, честь и поклоне́ние, со Безнача́льным Его́ Отце́м, и со Пресвяты́м и Благи́м и Животворя́щим Его́ ду́хом, ны́не и при́сно и во ве́ки веко́в. Ами́нь.
О святой верховный апостол Павел, сосуд избранный Христов, провозвестник небесных тайн, учитель всех народов, церковная труба, знаменитый оратор, многие беды за имя Христово претерпевший, море измеривший и землю обошедший и нас от идольского обмана обративший! Тебя молю и к тебе взываю: не гнушайся меня, нечистого (имя), подними упавшего из-за греховной лени, как в Листрах хромого от чрева материнского ты поднял; и как Евтиха умершего ты оживил, воскреси и меня от мёртвых дел; и как молитвою твоею основание темницы некогда потряс ты и узников освободил, так же исторгни меня из уз, мешающих творить волю Божью. Ибо всё можешь ты данной тебе властью от Христа Бога, Которому подобает всякая слава, честь и поклонение, с Безначальным Его Отцом, и со Пресвятым и Благим и Животворящим Его Духом, ныне и всегда и во веки веков. Аминь.
Святителю Николаю Чудотворцу
О, до́брый наш па́стырю и богому́дрый наста́вниче, святи́телю Христо́в Нико́лае! Услы́ши нас гре́шных (имена), моля́щихся тебе́ и призыва́ющих в по́мощь ско́рое предста́тельство твое́; виждь нас не́мощных, отвсю́ду уловля́емых, вся́каго бла́га лише́нных и умо́м от малоду́шия помраче́нных. Потщи́ся, уго́дниче Бо́жий, не оста́вити нас в грехо́внем плену́ бы́ти, да не бу́дем в ра́дость враго́м на́шим и не у́мрем в лука́вых дея́ниих на́ших. Моли́ о нас недосто́йных Соде́теля на́шего и Влады́ку, Ему́ же ты со безпло́тными ли́ки предстои́ши: ми́лостива к нам сотвори́ Бо́га на́шего в ны́нешнем житии́ и в бу́дущем ве́це, да не возда́ст нам по дело́м на́шим и по нечистоте́ серде́ц на́ших, но по свое́й бла́гости возда́ст нам. На твое́ бо хода́тайство упова́юще, твои́м предста́тельством хва́лимся, твое́ заступле́ние на по́мощь призыва́ем, и ко пресвято́му о́бразу твоему́ припа́дающе, по́мощи про́сим: изба́ви нас, уго́дниче Христо́в, от зол находя́щих на нас, да ра́ди святы́х твои́х моли́тв не обы́мет нас напасть и не погря́знем в пучи́не грехо́вней и в ти́не страсте́й на́ших. Моли́, святи́телю Христо́в Нико́лае, Христа́ Бо́га на́шего, да пода́ст нам ми́рное житие́ и оставле́ние грехо́в, душа́м же на́шим спасе́ние и ве́лию ми́лость, ны́не и при́сно и во ве́ки веко́в.
О добрый наш пастырь и богомудрый наставник, святитель Христов Николай! Услышь нас, грешных (имена), молящихся тебе и взывающих к твоей скорой помощи; увидь нас немощных, со всех сторон уловляемых (искушениями), всякого блага лишенных и разум от малодушия помраченных. Поспеши, угодник Божий, не оставить нас в греховном плену, чтобы мы не стали радостью врагам нашим и не умерли в злых делах наших. Моли о нас, недостойных, Творца нашего и Владыку, перед Которым ты с бесплотными сонмами предстоишь: будь милостив к нам, умоли Бога нашего в нынешней жизни и в будущем веке, чтобы не воздал Он нам по делам нашим и по нечистоте сердец наших, но по Своей благости воздал нам. Ибо на твое ходатайство уповая, твоим предстательством хвалимся, твое заступничество на помощь призываем, и к пресвятому образу твоему припадая, помощи просим: избавь нас, угодник Христов, от зол, находящих на нас, чтобы ради святых твоих молитв не постигло нас бедствие и не погрязли мы в пучине греховной и в тине страстей наших. Моли, святитель Христов Николай, Христа Бога нашего, да подаст нам мирную жизнь и прощение грехов, душам же нашим спасение и великую милость, ныне и всегда и во веки веков. Аминь.
Святителю Спиридону Тримифунтскому*
О, всеблаже́нный святи́телю Спиридо́не, вели́кий уго́дниче Христо́в и пресла́вный чудотво́рче! Предстоя́й на Небеси́ Престо́лу Бо́жию с ли́ки А́нгел, при́зри ми́лостивым о́ком на предстоя́щия зде лю́ди (имена) и прося́щия си́льныя твоея́ по́мощи. Умоли́ благоутро́бие Человеколю́бца Бо́га, да не осу́дит нас по беззако́ниим на́шим, но да сотвори́т с на́ми по ми́лости Свое́й. Испроси́ нам у Христа́ и Бо́га на́шего ми́рное и безмяте́жное житие́, здра́вие душе́вное и теле́сное, земли́ благопло́дие и во всем вся́кое изоби́лие и благоде́нствие, и да не во зло обрати́м блага́я, да́руемая нам от ще́драго Бо́га, но во сла́ву Его́ и в прославле́ние твоего́ заступле́ния! Изба́ви всех, ве́рою несумне́нною к Бо́гу приходя́щих от вся́ких бед душе́вных и теле́сных, от всех томле́ний и диа́вольских наве́тов! Бу́ди печа́льным уте́шитель, неду́гующим врач, в напа́стех помо́щник, наги́м покрови́тель, вдови́цам засту́пник, си́рым защи́тник, младе́нцем пита́тель, ста́рым укрепи́тель, стра́нствующим путево́ждь, пла́вающим ко́рмчий и исхода́тайствуй всем, кре́пкия по́мощи твоея́ тре́бующим вся, я́же ко спасе́нию, поле́зная! Я́ко да, твои́ми моли́твами наставляеми и соблюда́еми, дости́гнем в ве́чный поко́й и ку́пно с тобо́ю просла́вим Бо́га, в Тро́ице Святе́й сла́вимаго, Отца́ и Сы́на и Свята́го Ду́ха, ны́не и при́сно и во ве́ки веко́в. Ами́нь.
О всеми благословляемый святитель Спиридон, великий угодник Христов и преславный чудотворец! Стоя на Небе у Престола Божия с сонмами ангелов, посмотри милостивым взором на людей (имена), здесь предстоящих и просящих твоей сильной помощи. Умоли благосердие Человеколюбца Бога, да не осудит Он нас по беззакониям нашим, но да поступит с нами по милости Своей. Испроси нам у Христа и Бога нашего мирную и безмятежную жизнь, здоровье душевное и телесное, плодородие земли и во всем всякое изобилие и благоденствие, и да не обратим мы во зло блага, даруемые нам от щедрого Бога, но во славу Его и в прославление твоего заступничества! Избавь всех с верой несомненной к Богу приходящих от всяких бед душевных и телесных, от всех страданий и диавольских нападений! Будь печальным утешитель, болящим — врач, в напастях — помощник, неимущим — покровитель, вдовицам — заступник, сиротам — защитник, младенцам — питатель, старым — укрепитель, странствующим — путеводитель, плавающим — кормчий, и исходатайствуй всем, в крепкой помощи твоей нуждающимся, всё, что для спасения полезно! Чтобы, твоими молитвами наставляемые и охраняемые, мы достигли вечного покоя и вместе с тобой прославили Бога, в Троице Святой славимого, Отца и Сына и Святого Духа, ныне и всегда и во веки веков. Аминь.
Святителю Иоанну Златоусту
О, святи́телю вели́кий Иоа́нне Златоу́сте! Ты́ мно́гая и разли́чная дарова́ния от Го́спода прия́л еси́, и я́ко ра́б благи́й и ве́рный, вся́ да́нныя тебе́ тала́нты до́бре умно́жил еси́: сего́ ра́ди вои́стинну вселе́нский учи́тель бы́л еси́, я́ко вся́к во́зраст и вся́ко зва́ние от тебе́ поуча́ется. Се́ бо отроко́м послуша́ния о́браз яви́лся еси́, ю́ным – целому́дрия свети́ло, муже́м – трудолю́бия наста́вник, ста́рым – незло́бия учи́тель, и́ноком – воздержа́ния пра́вило, моля́щимся – во́ждь от Бо́га вдохнове́нный, му́дрости и́щущим – ума́ просвети́тель, вити́ям доброглаго́ливым – сло́ва жива́го исто́чник неисчерпа́емый, благотворя́щим – милосе́рдия звездо́, нача́льствующим – правле́ния му́драго о́браз, пра́вды ревни́телем – дерзнове́ния вдохнови́тель, пра́вды ра́ди гони́мым – терпе́ния наста́вник: все́м вся́ бы́л еси́, да вся́ко не́кия спасе́ши. Над все́ми же си́ми стяжа́л еси́ любо́вь, я́же е́сть сою́з соверше́нства, и то́ю, я́ко си́лою Боже́ственною, вся́ дарова́ния в души́ твое́й во еди́но совокупи́л еси́, и ту́южде любо́вь разделе́нная примиря́ющую, в толкова́нии слове́с апо́стольских все́м ве́рным пропове́дал еси́. Мы́ же гре́шнии, по еди́ному ки́йждо свое́ дарова́ние иму́ще, едине́ния ду́ха в сою́зе ми́ра не и́мамы, но быва́ем тщесла́вни, дру́г дру́га раздража́юще, дру́г дру́гу зави́дяще: сего́ ра́ди дарова́ния на́ша разделе́нная не в ми́р и спасе́ние, но во вражду́ и осужде́ние на́м преложи́шася. Те́мже к тебе́, святи́телю Бо́жий, припа́даем, раби́ Бо́жии (имена́), раздо́ром обурева́еми, и в сокруше́нии се́рдца про́сим: моли́твами твои́ми отжени́ от серде́ц на́ших вся́ку го́рдость и за́висть, на́с разделяющии, да во мно́зех у́дех еди́но те́ло церко́вное невозбра́нно пребу́дем, да по словеси́ твоему́ моли́твенному возлю́бим дру́г дру́га и единомы́слием испове́мы Отца́ и Сы́на и Свята́го Ду́ха, Тро́ицу Единосу́щную и Неразде́льную, ны́не и при́сно и во ве́ки веко́в. Ами́нь.
О святитель великий Иоанн Златоуст! Ты многие и различные дарования от Господа получил и, как раб добрый и верный, все данные тебе таланты ты хорошо умножил: потому ты воистину вселенским учителем был, так как люди всех возрастов и званий от тебя поучаются. Так, отрокам ты явился образцом послушания, юным – светильником целомудрия, мужчинам – наставником трудолюбия, старым – учителем незлобия, инокам – образцом воздержания, молящимся – руководителем от Бога вдохновенным, ищущим мудрости – просветителем ума, сладкозвучным проповедникам – неисчерпаемым источником живого слова, благотворящим – звездой милосердия, начальствующим – образцом мудрого правления, ревнителям правды – вдохновителем дерзновения, гонимым за правду – наставником терпения: ты всем для всех стал, чтобы всех спасти.
Но сверх того ты стяжал любовь, которая есть союз совершенства, и ею, как силой Божественной, все дарования в душе твоей воедино совокупил, и эту же любовь, примиряющую разделенных, в толковании слов апостольских всем верным проповедал. Мы же, грешные, каждый по отдельности имея свое дарование, единства духа в союзе мира не имеем, но бываем тщеславны, раздражая друг друга, завидуя друг другу: потому дарования наши разделенные не в мир и спасение, но во вражду и осуждение нам обратились.
Потому к тебе, святитель Божий, припадаем, рабы Божии (имена), раздором обуреваемые, и в сокрушении сердца просим: молитвами твоими отгони от сердец наших всякую гордость и зависть, нас разделяющие, дабы во многих частях единое тело церковное нераздельно пребывало, и да по слову твоему молитвенному возлюбим друг друга и в единомыслии исповедуем Отца и Сына и Святого Духа, Троицу Единосущную и Нераздельную, ныне и всегда и во веки веков. Аминь.
Святителю Игнатию (Брянчанинову)
О, вели́кий и пречу́дный уго́дниче Христо́в, святи́телю о́тче Игна́тие! Ми́лостиво приими́ моли́твы на́ша, с любо́вию и благодаре́нием тебе́ приноси́мыя! Услы́ши нас си́рых и безпо́мощных (имена), к тебе́ с ве́рою и любо́вию припа́дающих и твоего́ те́плаго предста́тельства о нас пред Престо́лом Го́спода Сла́вы прося́щих. Ве́мы, я́ко мно́го мо́жет моли́тва пра́ведника, Влады́ку умилостивля́ющая. Ты от лет младе́нческих Го́спода пла́менно возлюби́л еси́ и Ему́ Еди́ному служи́ти восхоте́в, вся кра́сная ми́ра сего́ ни во что́же вмени́л еси́. Ты отве́ргся себе́ и взем крест твой, Христу́ после́довал еси́. Ты путь у́зкий и приско́рбный жития́ и́ноческаго во́лею себе́ избра́л еси́ и на сем пути́ доброде́тели вели́кия стяжа́л еси́. Ты писа́ньми твои́ми сердца́ челове́ков глубоча́йшаго благогове́ния и поко́рности пред Всемогу́щим Творцо́м исполня́л еси́, гре́шников же па́дших му́дрыми словесы́ твои́ми в созна́нии своего́ ничто́жества и своея́ грехо́вности, в покая́нии и смире́нии прибега́ти к Бо́гу наставля́л еси́, ободря́я их упова́нием на Его́ милосе́рдие. Ты николи́же притека́вших к тебе́ отверга́л еси́, но всем оте́ц чадолюби́вый и па́стырь до́брый был еси́. И ны́не не оста́ви нас, усе́рдно тебе́ моля́щихся и твоея́ по́мощи и предста́тельства прося́щих. Испроси́ нам у человеколюби́ваго Го́спода на́шего здра́вие душе́вное и теле́сное, утверди́ ве́ру на́шу, укрепи́ си́лы на́ша, изнемога́ющия во искуше́ниих и скорбе́х ве́ка сего́, согре́й огне́м моли́твы охладе́вшая сердца́ на́ша, помоги́ нам, покая́нием очи́стившимся, христиа́нскую кончи́ну живота́ сего́ получи́ти и в черто́г Спа́сов преукраше́нный вни́ти со все́ми избра́нными и та́мо ку́пно с тобо́ю покланя́тися Отцу́ и Сы́ну и Свято́му Ду́ху во ве́ки веко́в. Ами́нь.
О великий и пречудный угодник Христов, святитель отче Игнатий! Милостиво прими молитвы наши, с любовью и благодарением тебе приносимые! Услышь нас, осиротевших и беспомощных (имена), к тебе с верой и любовью припадающих и твоего горячего предстательства о нас пред Престолом Господа Славы просящих. Знаем мы, что многое может молитва праведника, Владыку умоляющая. Ты от лет младенческих Господа пламенно возлюбил и Ему Единому служить захотев, все утехи этого мира посчитал за ничто. Ты отрекся от себя и, взяв крест твой, Христу последовал. Ты путь узкий и прискорбный иноческого жития добровольно себе избрал и на этом пути добродетели великие стяжал. Ты писаниями твоими сердца людей глубочайшим благоговением и покорностью пред Всемогущим Творцом наполнял, грешников же падших мудрыми словами твоими в сознании своего ничтожества и своей греховности, в покаянии и смирении прибегать к Богу наставлял, ободряя их надеждой на Его милосердие. Ты никогда не отвергал приходящих к тебе, но для всех отцом чадолюбивым и пастырем добрым был. И ныне не оставь нас, усердно тебе молящихся и твоей помощи и предстательства просящих. Испроси нам у человеколюбивого Господа нашего здоровье душевное и телесное, утверди веру нашу, укрепи силы наши, изнемогающие в искушениях и скорбях века сего, согрей огнем молитвы охладевшие сердца наши, помоги нам, покаянием очистившимся, христианскую кончину жизни этой получить и в чертог Спасителя преукрашенный войти со всеми избранными и там вместе с тобою поклоняться Отцу и Сыну и Святому Духу во веки веков. Аминь.
Святителю Тихону, патриарху Московскому
О, па́стыре наш до́брый, святы́й вели́кий патриа́рше Ти́хоне! я́ко град го́рний ты яви́лся еси́ – до́брая дела́ твоя́ и доны́не све́тятся пред челове́ки. Ве́мы, я́ко ты, предстоя́ Престо́лу Пресвяты́я Тро́ицы, ве́лие и́маши дерзнове́ние в моли́твах пред Го́сподем. Воззри́ и ны́не на нас гре́шных и недосто́йных чад твои́х, к тебе́ бо я́ко иму́щему ве́лие дерзнове́ние пред Творце́м вся́ческих, ны́не припа́даем и усе́рдно мо́лимся: умоли́ Го́спода, да пода́ст нам реши́мость стяжа́ти благоче́стие отце́в на́ших, его́же ты стяжа́л еси́ от ю́ности твоея́. Ты в житии́ свое́м ре́вностный защи́титель и храни́тель и́стинныя ве́ры был еси́, помози́ и нам незы́блемо соблюсти́ ве́ру правосла́вную. Ти́хая бо душа́ твоя́ зело́ преуспе́ла в Боже́ственном смиренному́дрии: научи́ и нас ра́зум наш пита́ти не многомяте́жною му́дростию челове́ческою, но смире́нным позна́нием во́ли Бо́жией. Ты пред лице́м лю́тых враго́в Христо́вых и́стиннаго Бо́га дерзнове́нно испове́дал еси́, моли́твою свое́ю укрепи́ нас, малоду́шных, да и мы всегда́ и всю́ду противоста́нем ду́ху безбо́жия и льсти. Ей, уго́дниче Бо́жий, не пре́зри нас, моля́щихся тебе́ (имена), и́бо не то́кмо от бед и скорбе́й избавле́ние про́сим, но си́лы и тве́рдости, великоду́шия и любве́ про́сим, да́бы переноси́ть о́ныя напа́сти, возстаю́щия на ны. Испроси́ нам неосла́бное терпе́ние да́же до конца́ жития́ на́шего, мир с Го́сподом и грехо́в отпуще́ние. О́тче святы́й! Укроти́ в стране́ на́шей ве́тры неве́рия и сму́ты, да водвори́т Госпо́дь на земли́ Росси́йстей тишину́ и благоче́стие и любо́вь нелицеме́рную. Моли́твами твои́ми да сохрани́т ю́ от междоусо́бныя бра́ни, да укрепи́т святу́ю Це́рковь на́шу Правосла́вную: да не оскуде́ет она́ и́стинными па́стырьми, до́брыми де́лательми, пра́во пра́вящими сло́во ева́нгельской и́стины; упаси́ и заблу́ждшия о́вцы ста́да Христо́ва. Наипа́че же моли́ Го́спода сил, да возроди́тся Ру́сская земля́ святы́м покая́нием и еди́ным се́рдцем и еди́ными усты́ просла́вит ди́внаго во святы́х Свои́х Бо́га в Тро́ице сла́вимаго Отца́, и Сы́на, и Свята́го Ду́ха, во ве́ки веко́в. Ами́нь.
О добрый наш пастырь, святой великий патриарх Тихон! Ты явился как город на вершине горы – добрые дела твои и поныне светятся перед людьми. Мы знаем, что ты, предстоя Престолу Пресвятой Троицы, имеешь великое дерзновение в молитвах перед Господом. Взгляни и ныне на нас, грешных и недостойных чад твоих, ибо к тебе как имеющему великое дерзновение перед Творцом всего ныне припадаем и усердно молимся: умоли Господа, да подаст нам решимость обретать благочестие отцов наших, которое ты стяжал с юности твоей. Ты в жизни своей ревностный защитник и хранитель истинной веры был, помоги и нам непоколебимо сохранить веру православную. Ибо кроткая душа твоя весьма преуспела в Божественном смиренномудрии: научи и нас разум наш питать не мятежной мудростью человеческой, но смиренным познанием воли Божией. Ты перед лицом лютых врагов Христовых истинного Бога дерзновенно исповедал, молитвою своею укрепи нас, малодушных, чтобы и мы всегда и всюду противостояли духу безбожия и обмана. О угодник Божий, не пренебреги нами, молящимися тебе (имена), ибо не только от бед и скорбей избавления просим, но силы и твердости, великодушия и любви просим, чтобы переносить напасти, восстающие на нас. Испроси нам неослабевающее терпение даже до конца жизни нашей, мир с Господом и прощение грехов. Отец святой! Усмири в стране нашей ветры неверия и смуты, да водворит Господь на земле Российской тишину и благочестие и любовь нелицемерную. Молитвами твоими да сохранит Он ее от междоусобной войны, да укрепит святую Церковь нашу Православную, да не оскудеет она истинными пастырями, добрыми деятелями, правильно толкующими слово евангельской истины; верни на путь истинный и заблудших овец стада Христова. Особенно же моли Господа сил, да возродится Русская земля святым покаянием и единым сердцем и едиными устами прославит дивного во святых Своих Бога, в Троице славимого Отца, и Сына, и Святого Духа, во веки веков. Аминь.
Комментировать