Ваш город - Москва?

Для получения календаря в соответствии с Вашей временной зоной - пожалуйста, укажите город.

Не найден город с таким названием. Пожалуйста, укажите другой (например, ближайший региональный центр).

Чтения Священного Писания и Богослужебные указания

Рим. I:7-12 (зач. 79 от полý). Мф. V:42-48 (зач. 15).

Суббота 1-й седмицы по Пятидесятнице

Богослужебные указания

Тропари, кондаки, молитвы и величания

Преподобного Онуфрия Великого

Тропарь преподобного Онуфрия Великого, глас

Желанием духовным пустыни достигл еси, богомудре Онуфрие,/ и яко безплотен в ней многолетне подвизался еси трудолюбне,/ соревнуя пророкам Илии и Крестителю:/ и от руку ангельску таин божественных насладився,/ ныне во свете Святыя Троицы купно с ними веселишеся./ Моли спастися нам, твою память почитающим.

Кондак преподобного Онуфрия, глас 3

Сиянием Духа Пресвятаго,/ Богомудре, просвещся,/ оставил еси яже в житии молвы,/ пустыню же достигл еси, преподобне отче,/ возвеселил еси иже над всеми Бога и Зиждителя,/ сего ради прославляет тя Христос, блаженне,// великий Дародатель.

показать все

Молитва преподобному Онуфрию

О преизящный и превеликий пустынножителю, преподобне отче Онуфрие! Похваляю твоя неизреченная чудотворения и житие пресветлое, еже еси препроводил от юности твоей даже и до старости: никтоже бо изчести возможет терпений и подвигов твоих, пречестне. Удивися преподобный Пафнутий твоему жестокому, еже в пустыни, житию, вкупе же и зело возрадовася, обрет тя единаго толиких подвигов и совершенства суща образ. Сего ради и подлинно испыта о трудех твоих святых и о еже колико имел еси временнаго жития. Темже и написа, яко шестьдесят лет и три в трудолюбии пребывая, в наготе претерпевая мраз и зной, в глубоцей пустыни со зверьми и птицы обитая, молитвы непрестанно творя, пожил еси. Сего ради ныне радость тебе приношу от недостойных устен моих, преподобне отче, преподобному Пафнутию радосте великая: сподобися бо при кончине со львы послужити тебе, погребсти тело твое и с тобою на Небеси жити, Илии Фесвитянину ревнителю, Иоанну Крестителю наследниче, друже Христов и снаследниче истинный, Египту умная красото, фивеом великое светило, Ливии красная доброто, финиксе краснопроцветающий, орле высокопарный, летающий в поднебесная, на Небесех гражданство обретый, идеже и водворися у Престола Владыки славы, с двадесять четырьми старцы жилище обретый, с ними же и пребываеши. И ныне молю тя, пречудный гражданине Небесный, святых ликов Ангельских совсельниче: услыши мя, грешнаго и недостойнаго раба твоего, в час сей и приими сие малое моление мое, великий заступниче, скорый помощниче притекающим к тебе усердно; заглади рукописание дел моих скверных и нечистых, яже держат демонския полки, покрый мя твоим заступлением, причти мя ко уготованному месту молитвами твоими и сподоби мя Вышняго Иерусалима, ибо по Преблагословенней Владычице нашей Богородице и Приснодеве Марии тебе между теплейшими помощниками и заступниками моими почитаю. Присещаеши бо и даеши руку помощи припадающим к тебе в храме твоем повсюду. Темже и аз, недостойный, ныне тебе молюся и призываю: умоли Милостиваго Бога, да отпустит ми вся прегрешения моя вольная и невольная, сотворенная вся злая дела моя и да избавит мя твоим предстательством от вечных мук, научит мя творити добрая дела, наставит мя на путь ко спасению истинному и сподобит мя купно радости вечныя насладитися со всеми святыми ныне, и присно, и во веки веков. Аминь.

Преподобного Петра Афонского

Тропарь преподобного Петра Афонского, глас 4

Мир оставил еси, Петре, Господа ради своего/ и крест восприим на рамо свое,/ на гору достигл еси Афонскую,/ якоже древле фесвитянин Илия./ И в ней пребыв пощением, и молитвами, и бдением,/ Бога милостива творя,/ и Пречистую Богородицу Молебницу предлагая,/ сего ради вопием ти:/ моли Христа Бога, да спасет души наша.

Кондак преподобного Петра, глас 2

Удалив себе человеческаго сожительства,/ в пещерах каменных и разселинах пожил еси,/ желанием Божественным и любовию, Петре, Господа твоего,/ от Негоже венец приял еси.// Моли непрестанно спастися нам.

Великой княгини Анны Кашинской

Тропарь великой княгини Анны Кашинской, глас 3

Днесь восхваляем тя, преподобная мати,/ великая княгине инокине Анно:/ яко бо лоза плодовита посреде терния,/ процвела еси во граде Кашине твоими добродетельми,/ всех удивила еси чудным твоим житием,/ темже Христу Богу угодила еси,/ и ныне, радующися и веселящися,/ пребывавши с лики преподобных жен,/ наслаждающися райския красоты и веселия./ Молим убо тя:/ моли о нас Человеколюбца, Христа Бога нашего,/ даровати нам мир и велию милость.

Ин тропарь великой княгини Анны Кашинской, глас 4

Просветившися Божественною благодатию, преподобная,/ и правостию умною душу твою привязавши в любовь Христову,/ тленныя, и красныя, и временный нивочтоже вменила еси./ Крестным знамением на мысленный враги мужески вооружившися,/ постническими подвиги, постом и молитвами/ углие страстей угасила еси, достославная Анно,/ и по смерти источавши благодать притекающим к мощем твоим./ И ныне, в Небеснем чертозе с мудрыми девами предстоящи Христу,/ моли о нас, почитающих святую память твою.

Молитва благоверной княгине Анне Кашинской

О преподобная и преблаженная мати Анно! Смиренно припадающе к честным мощем твоим, молимся со слезами прилежно: не забуди убогих твоих до конца, но поминай нас всегда во святых твоих и благоприятных молитвах к Богу. О преблаженная великая княгине Анно! Не забуди присещати чад твоих, аще бо телом и преставилася еси от нас, но и по смерти жива пребывавши и не отступавши от нас духом, сохраняющи нас от стрел вражиих, всякия прелести бесовския и козней диавольских. Молитвеннице наша усердная! Не престай молящися за ны ко Христу, Богу нашему, аще бо мощей твоих рака пред очима нашима выну видима есть, но святая душа твоя, со Ангельскими воинствы у Престола Вседержителя предстоящи, достойно веселится. К тебе убо припадаем, тебе молимся, тебе мили ся деем: молися, преблаженная Анно, Всемилостивому Богу нашему о спасении душ наших, еже испросити нам время на покаяние и невозбранно прейти от земли на Небо, мытарств горьких и вечныя муки избавитися и Небесному Царствию наследником быти со всеми преподобными, от века угодившими Господу нашему Иисусу Христу, Емуже слава, со Безначальным Его Отцем, и с Пресвятым, и Благим, и Животворящим Его Духом, ныне, и присно, и во веки веков. Аминь.

Преподобнаго Арсения Коневского

Тропарь преподобнаго Арсения Коневского, глас 1

Божественною любовию возгоревся,/ мирская пристрастия от души отвергше,/ тесным путем постничества во след Христа/ невозвратным умом шествовал еси, Арсение всеблаженне,/ от Негоже и мзду трудов твоих на Небесех восприим,/ поминай нас, чтущих святую память твою и вопиющих:/ слава Давшему ти крепость,/ слава Венчавшему тя,/ слава Действующему тобою всем исцеления.

Ин тропарь преподобнаго Арсения Коневского, глас 4

Духом Божиим наставляемый,/ возлюбил еси безмолвие,/ в немже евангельски подвизающуся,/ пречудный Афонский дар -/ Богоматере икона, даровася ти, всеблаженне,/ и, образ добродетелей быв стаду твоему,/ Арсение отче наш,/ к Горнему торжеству возшел еси,/ идеже со Ангелы ликовствуя,/ моли Христа Бога/ спастися душам нашим.

Молитва преподобному Арсению Коневскому

О всеблаженне и Богоносе Арсение, отче наш! Сый во славе Небеснаго Царя Христа Бога, предстоя Престолу Его со всеми Его святыми, не презри нас, долу сущих, грешных и недостойных, со слезами тебе молящихся, но приими сердечное стенание и бренных устен моление сие наше. Тебе бо вси молимся, о преподобне отче, и тебе умиленно просим: буди о нас ходатай и молитвенник теплейший ко Всеблагому Богу Моли благость Его, еже спасти нас от прегрешений наших, имиже весть судьбами. Молися щедротам Его, еже подавати щедро всему миру потребная. Молися Дающему всем мир низпослати мир церквам, собирая расточенныя воедино, сохранити землю Русскую в мире и тишине, и всем верным в доме, и на пути, и на мори, и повсюду дни благи и безмятежны даровати; благословити труды отцев и братии наших и простити всех согрешения вольная и невольная, яко да сподобимся и мы, грешнии, вкупе с тобою славити Отца и Сына и Святаго Духа в безконечныя веки. Аминь.

Преподобных Вассиана и Ионы

Тропарь преподобных Вассиана и Ионы, глас 8

Прежде отвержением мира,/ яко морскаго треволнения, избегосте, отцы преподобнии,/ послежде же, изволением Божиим,/ в водах морских кончину блаженную приясте/ и к неболезненному покою преставистеся от земли, радующеся./ Тем и по кончине от Христа Бога прославистеся чудесы обильно,/ теплии в бедах верным помощницы показастеся,/ и ныне на Небесех предстояще Престолу Христову,/ Вассиане преблаженне и Ионо преславне,/ молитеся присно о душах наших.

Кондак преподобных Вассиана и Ионы, глас 2

Яко сокровище богатно,/ верным Божественная благодать/ из морских недр издаде мощи ваша, отцы преблаженнии,/ и в месте пусте целы и невредимы обретошася преславно,/ и тако вас ради ныне славится Бог,/ Емуже со дерзновением предстояще ныне на Небесех,/ Вассиане и Ионо досточуднии,/ молитеся непрестанно о всех нас.

Молитва преподобным Вассиану и Ионе

О преподобнии и всечестнии отцы Вассиане и Ионо, угодницы Христовы блаженнии и чудотворцы преславнии! Постничеством Богу первее угодивше и делы благочестно на земли подвизавшеся, яко светила светлая, по смерти в мире возсиявше, просвещающе верных чудес светлостию, вы заступницы теплии показастеся. Многих, в скорбех и бедах страждущих и погибнути имущих, здравы сохраняете, непослушавших же завещания вашего и маловерующих отмстительне наказасте, и прежде заблуждшей жене путевожди бысте, и ослепшему паки прозрение даровасте. Дерзостне же коснувшагося целебных мощей ваших напрасно отринусте и, разелаблением наказавше, помиловасте. К сим же и иная преславная соделасте, и бывшее оскудение во обители вашей сугубо исполнисте, соблюдающе ю. Молимся убо ныне вам, о преблаженнии отцы, услышите моление наше, не презрите нас в бедах и скорбех, призывающих вас верою, будите помощницы нам скории и покровители, сохраните же во благоденствии, мире и тишине отечество наше. К сим же и духовнаго о вас собрания не оставите до конца, посещающе я всегда, о преподобнии, изобилованием всяцем, и молитеся присно о нас ко Господу, да молитвами вашими грехов прощение получим, и Царствия Небеснаго сподобимся благодатию Его, яко Тому подобает всякая слава, честь и поклонение, ныне, и присно, и во веки веков. Аминь.

Мысли свт. Феофана Затворника

(Рим.1:7–12; Мф.5:42–48)

«Любите врагов ваших, благословляйте проклинающих вас, благотворите ненавидящим вас и молитесь за обижающих вас и гонящих вас» (Мф.5:44). Без любви никого нет на свете: любят родителей и родных, любят благодетелей и покровителей. Но чувство любви к родителям, родным, покровителям и благодетелям естественно и строится само собой в сердце; оттого и цены ей не дает Господь. 

Настоящая же христианская любовь опробуется отношением к недругам. Не только какая-нибудь легкая и случайная неприятность не должна погашать нашей любви к другим, но даже напасть и гонение, бедствия и лишения, намеренно вражески причиняемые. Мы должны не только благословлять этих людей, но еще благотворить им и молиться за них. Присмотрись, есть ли в тебе такое расположение к недругам твоим, и по тому суди, есть ли в тебе христианская любовь, без которой нет спасения?

Притча дня

Встретились как-то материалист с верующим и разговорились. Когда речь зашла о Боге, материалист сказал, что не верит ни в какого Бога, что всё это сказки и пережитки прошлого. А верующий говорил, что Бог есть.
– А ты его когда-нибудь видел?
– Нет.
– А, может, слышал?
– Нет.
– Тогда с чего ты взял, что он есть? – спросил материалист.
– Позволь и я тебя спрошу. Скажи-ка, любовь существует?
– Конечно же.
– А ты её видел?
– Нет.
– А, может, слышал?
– Нет.
– Но ведь из этого ты не заключаешь, что её нет?
– Она есть, потому что я чувствую её.
– Вот и с Богом так же. Его нельзя увидеть, а можно только почувствовать Его влияние на нас. Как проявлением солнца является свет и тепло, так проявлением Бога является любовь. Если ты слеп, то можешь не видеть солнца, но обязательно почувствуешь на себе его тепло, когда его лучи коснутся тебя. И если ты «слеп» и не «видишь» Бога, то обязательно почувствуешь Его воздействие на тебя, когда твоё сердце согреет любовь.

Проповедь дня

Случайный тест