святитель Кирилл II, митрополит Ростовский

Слово о страхе Божием

Всегда любимии братия и сестры имеем страх Божий пред очима своима. и час смертный воспоминайте. и оны страшныа муки. уготованныа грешником. убоим же ся огненаго родства1. яко вечно есть. и огня яко не гасим есть. боимжеся грозы. яко не прелогается в теплоту. и тмы яко не бывает свет. боимжеся червия. яко не усыпают и безсмертни суть. ангели же над муками зли суть и не милостиви. всем не творящим воля Божия люто будет осужение. о братие. или мук боящеся останите зло деяти. еже на пагубу есть души. или небеснаго царствия желающе потщитеся добродетельно пожити в Худом веце сем. вся бо света сего временна и тленна суть. богатстно и слава. и человеки смерть приемлет. а онамо все нетленно. ни конца не имать. ни летом числа. ни времени пременения. убоимся братие вечных мук. иже дияволу уготованы. не гасим бо есть огнь и ядовиты черви. аще бо зде банныя горющия теплоты укропныя не может плоть наша терпети. то како стерпим он лютый огнь. и кипящия смолы мучения. аще убо комара или мухи страшаща не терпим. то како братие не усыпающих червий лютость стерпим. но потщимся убо вечных избыти мук делы добрыми. чистотою милостынею не лицемерною любовию. се лицемерство наричет. еже богатых стыдетися. аще и неправду деют. а сироты же озлобляти. имейте убо истину ко всем. то Божия любовь есть. всяку же вражду и гнев отверзите. пианства бегайте. в питии бо мнозем всяка злоба бывает. зависть же и клевету и прочия злобы покаянием отрините. да наследницы царствиа небеснаго будете. любимицы. когождо нас век скоро скончевается. друзии бо вечер легше на одре. а утро не восташа. отъидоша бо жития сего. тогда что убо человек может добро сотворити. или исповедатися. или прияти тело и кровь Сына Божия. но в немъже приимет ны смерть. в том Бог осудит ны. или в добре или во зле. тем убо кождо вас внимайте себе. а чюжих грех не осужайте. да не осужени будете. кождо бо о своих делех ответ даст пред Богом. а не поможет тамо никтоже никомуже. ни отець сыну. ни сын отцю. ни брат брату. но дела когождо или осудят. или спасут.

* * *

1

Разумеется геенна огненная.


Источник: Приводится по изданию: Памятники Древле-Русской духовной письменности: Поучения Кирилла, епископа Ростовскаго (XIII века). / Журнал «Православный собеседник", Казань. - 1859 г. - Книга I. - с. 250-251.

Вам может быть интересно:

1. Слово о первозданном святитель Кирилл II, митрополит Ростовский

2. Слово и поучение к попам Кирилл II, митрополит Киевский

3. Слово на Положение и поклонение Всечтимому и Честному Поясу Пресвятой Богородицы и Приснодевы Марии святитель Герман, патриарх Константинопольский

4. Слово на святых отец 318, от Святых книг, указание о Христе, Сыне Божием, и похвала отцем святого Никейского Собора святитель Кирилл Ту́ровский

5. Слово на обретение мощей святителя Алексия Московского священномученик Ермоген, патриарх Московский

6. О бедствиях в Кипрской стране преподобный Неофит, затворник Кипрский

7. Слово обличительное, отчасти, против латинского зловерия; здесь же и против "Альманаха", который возвелеречил, что будет всемирный потоп более гибельный, чем упоминаемый когда-либо преподобный Максим Грек

8. Толкование на книгу пророка Софонии святитель Кирилл Александрийский

9. Слова на Успение Пресвятыя Богородицы Геннадий II Схоларий, патриарх Константинопольский

10. Беседа против корыстолюбия святитель Астерий Амасийский

Комментарии для сайта Cackle