Источник

Богослужение

I. Часослов

Сей часослов переведен с Арабского языка в святом граде Иерусалиме в 1852 лето господне. Подлинник его куплен был, мною в 1843 году в Сирийском монастыре, что в Нитрийской пустыне, который с давнего времени принадлежит Коптам.

В сем часослове многие молитвы слово в слово сходные нашими. Стало быть они взаимствованы были ранее 451 года, в который Копты отделились от св. православо-кафолической церкви. Эти Христиане твердо верили, что сии молитвы изречены по дару Духа истины, и потому удержали их. Что касается их собственных молитв; то и они, по духу и выражению, весьма хороши. В их замечательны два следующие прошения: 1) в конце утрени: «огради нас силою благословенных младенцев» 2) в молитве полунощной: «помози нам Боже в муках смерти, пред смертию и по смерти». Видно, что Копты признают силу предстательства усопших младенцев пред Богом, и веруют в так называемый частный суд по смерти.

Часослов

Во имя Отца и Сына и Святого духа. Аминь.

Начинаем с Богом святым писати часослов арабский, содержащий всенощное и дневное последование.

Утреня

Начало. Во имя Отца. Слава отцу. Отче наш иже еси на небесех.

Благодарим благодетеля и милостивого.

Песнь утреняя. Сей день благословенный приношу царю и Богу моему Христу, и уповаю, яко простит грехи моя. Аминь.

Псалом 1-й.

Блажен муж, иже не иде на совет нечестивых.

Псалом 2-й.

Вскую шаташеся язы́цы, и людии поучишася тщетным.

Псалом 3-й.

Господи, что ся умножашася стужающии ми.

Псалом 4-й.

Внегда призвати ми, услыша мя Бог.

Псалом 5-й.

Глаголы моя внуши Господи, разумей звание мое.

Псалом 6-й.

Господи, да не яростию Твоею обличиши мене.

Псалом 8-й.

Господи Господь наш, яко чудно имя Твое по всей земли.

Псалом 11-й.

Спаси мя Господи, яко оскуде преподобный.

Псалом 12-й.

Доколе Господи забудеши мя до конца;

Псалом 14-й.

Господи, кто обитает в жилищи Твоем.

Псалом 15-й.

Сохрани мя Господи, яко на Тя уповах.

Псалом 18-й.

Небеса поведают славу Божию, творение же руку его возвышает твердь.

Псалом 24-й.

К тебе Господи воздвигох душу мою.

Псалом 26-й.

Господь просвещение мое и спаситель мой, кого убоюся. Аллилуиа.

Псалом 62-й.

Боже, Боже мой, к тебе утренюю: возжада тебе душа моя. Аллилуиа.

Псалом 66-й.

Боже у щедри ны и благослови ны. Аллилуиа.

Псалом 69-й.

Боже, в помищь мою вонми: Господи, помощи ми потщися.

Псалом 112-й.

Хвалите отроцы Господа, хвалите имя господне. Аллилуиа.

Псалом 142-й.

Господи услыши молитву мою.

Начало Евангеля Иоанна

В начала бе Слово, и Слово бе к Богу, и Бог бе Слово. Сей бе искони к Богу. Вся тем быша. и без него ничто же бысть, еже бысть. В том живот бе, и животъ бе свет человеком. И свет по тме светится, и тма его не объят. Бысть человек послан от Бога, имя ему Иоанн. Сей прииде во свидетельство, да свидетельствует о свете, да вси веру имут ему. Не бе той свет, но да свидетельствует о свете. Бе свет истинный, иже просвещает всякого человека, грядущего в мир. В мире бе, и мир тем бысть, и мир его не позна. Во своя прииде, в свои его не прияша. Елицы же прияша его, даде им область чадом божиим быти, верующим во имя его. Иже не от крове, ни от похоти плотские, ни от похоти мужеские, но от Бога родишася. И Слово плоть бысть, и вселися в ны, и видехом славу его, славу яко едвнородного от Отца, исполнь благодати и истины. Иоанн свидетельствует о нем, и возва глаголя: сей бе, его же рех, иже по мне грядый, предом мною бысть: яко первее мене бе. И от исполнения его мы все прияхом и благодать возблагодать: яко закон Моисеем дан бысть: благодать же и истина Иисус Христом бысть.

Ангельская песнь

Воспоим, со ангелы глаголюще: слава в вышних Богу, н на земли мир, в человецех благоволение. Хвалим Тя, благословим Тя, служим ти, кланяемтися, исповедуем Тя, славословим Тя, благодарим Тя, великой ради славы Твоея. Господи Царю небесный, Боже Отче, Вседержителю, Господи Сыне единородный Иисусе Христе святый душе. Господи Боже, агнче божий, Сыне Отечь, вземляй грех мира, помилуй нас: вземляй грехи мира приими молитву нашу. Седяй одесную Отца, помилуй нас. Яко Ты еси един свят, Ты еси един вышний Господь Иисус Христос, и Святый Дух во славу Бога Отца. Аминь.

На всяк день благословлю Тя, на всяк день благословлю имя Твое святое во веки, и в век века. От нощи утренюет дух мой к тебе, Боже мой, зане свет повеления твоя на земли, яко поучуся путем Твоим, яко ты был еси помощник мой. Вскоре Господи услыши глас мой, заутра предстану ти и узреши мя.

Блажим Тя, мати света истинного, славим Тя, святая Дево Богородице. Яко родила еси нам спаса миру, иже прииде и спасе души наша.

Слава тебе Христе, Господи и Царю наш, апостолов похвало, мучеников венчание, праведных радование, церквей утверждение и грехов оставление.

Проповедуем, благовествуем Святую Троицу, единого Бога, покланяемся ему и славим. Господи помилуй. Господи благослови.

Веруем во единого Бога, Отца, вседержителя, творца небу и земли, видпмым же и невидимым!.. И во единого господа Иисуса Христа Сына Божия, иже от Отца рожденного прежде всех век. Света от света, Бога истинна от Бога истинна рожденна, несотворенна, единосущна отцу, им же вся быша. Нас ради человек и нашего ради спасения сшедшего с небес, и воплотившагося от Духа свята в Марии Девы и вочеловечшася. Распятого же за ны при Понтийстем Пилате, и страдавша и погребенна, и воскресшего из мертвых в третий день по святым писашем. И возшедшаго на небеса и седяща одесную Отца. И паки грядущего со славою судити живым и мертвым, его же царствию не будет конца. И в Духа Святого веруем Господа животворящего, единосущна, иже от Отца исходящего иже со Отцем и Сыном спокланяема и славима, глаголавшего пророки. Во едину святую соборную и апостольскую церковь. Исповедуем едино крещение во оставление грехов. Чаем воскресения мертвых и жизни будущего века. Аминь.

Господи помилуй. Свят, свят, свят Господь Саваоф, исполнь небо и земля славы Твоея. Господи Вседержителю помилуй нас. Святая Троице, помилуй нас. Господи сил с нами буди, иного бо разве тебе помощника в скорбех не имамы. Ослаби, остави, прости, Боже, прегрешения наша, вольная и невольная, яже в ведении и неведении, явная и тайная. Господи очисти нас имене Твоего ради святого, еже призвася на ны, по милости Твоей Господи, а не по грехам нашим. Аминь. – По семь трижды: «По милости Твоей и проч.»

Молитва

Благодарим Тя Господи Боже сил, иже милости в сый от века и до века, подателю и творче всяческих, создавый солнце во освящение дня, и сотворивый нощь во упокоение всякие плоти. Благодарим Тя, Владыко, яко сподобил еси нас прейти нощь сию в мире и достигнути начала дне во благодарении. Сего ради благодарим Тя и молимтися царю веков: возсияй на ны свет истинной правды, и просвети нас светом Твоего Богоразумия, и сподоби ны быти сыны света и сыны дне, да преидем настояний день в правде и чистоте и во благом радении, и да скончает, прочее время живота нашего непорочно, безсоблазненно и непреткновенно: яко ты еси владыка и Бог благословен, и тебе подобает слава, держава, честь и поклонение, ныне и присно и во веки веков. Аминь.

Молитва

Ниспосылай свет истинный, иже и нисходит, сияй солнце на праведные и неправедные, творяй утро и освещаяй всю вселенную, просвети и наш ум, сердца и помышления, Владыко всяческих. Даруй нам в настоящий день бдагоугодити тобе, и соблюди нас от всякого греха, и всякого дела лукавого, и всякой нужды, и всякого диавольского искушения, и настави нас в заповедех единородного Сына Твоего и Господа нашего иисус Христа: яко подобает тебе всякая слава, держава, честь и поклононие, ныне и присно, и вовеки веков. Аминь.

Помилуй нас Боже. Посем: помилуй нас. – На всякое время и на всякий час на небеси и на земли покланяемый, (мы славим, святим и покланяемся Христу Богу нашему) Боже благий, долготерпеливый, многомилостивый и праведный, иже праведныя любяй и грешныя милуяй, от них же первый есмь аз, иже вся зовы к покаянию и спасению, обещания ради будущих благ: Сам Господи приими и наша в час сей и на всякий час моления, и исправи живот наш к деланию заповедей Твоих, души наша освяти, телеса очисти, помышления исправи, мысли очисти, души отшедших от нас упокой, и дивола под ноги наша абие низрни, посты и молитвы наша, возпошения и всесожегаемая, милостыню же и правду Господи приими, и ко спасению душ наших всех побуди, и избави нас, от всякие скорби, зол, и болезни сердечные. Огради нас, силою животворящего креста Твоего, и силою ангел Твоих, воев светлых и чистых: Михаила и Гавриила, Рафаила и Дориила, Седекиила же и Серафиила, и Еиениила, и четырех животных безтелесных, и двадесяти четырех духовных старцев и священников божиих, херувимов и серафимов, и ста тысяч и четыредесяти четырех тысяч мученик, благословенныхмладенцев, и святого предтечи, сродника Еммануилева, священнического сына Иоанна крестителя, и всех отцев, пророков, апостолов, мучеников и святых: да ополчением их соблюдаеми и наставляеми достигнем в соединение веры и в разум Божественныя Твоея славы неизмеримые же и неизглаголанные: яко ты еси владыка Бог благословен, и Тебе подобает слава, держава, честь, величие, великолепие, страх, ублажение, царство, хваление и поклонение, ныне и присно, и во веки веков. Аминь.

Конец утрени

Последование часа третьего

Начало и благодарение, якоже и прежде.

Приношу Христу царю моему и Богу моему в третий час сего дне благословенного пение и молю его простити согрешения моя.

Псалом 19-й.

Услышит тя Господь в день печали. Аллилуиа.

Псалом 22-й.

Господь пасет мя и ничто же мя лишит.

Псалом 23-й.

Господня земля, и исполнение её.

Псалом 25-й.

Суди мя Господи, яко аз незлобою моею ходих. Аллилуия.

Псалом 28-й.

Принесите Господеви сынове Божии, принесите Господеви сыне овни.

Псалом 29-й.

Вознесу Тя Господи, яко подъял мя еси.

Псалом 33-й.

Благословлю Господа на всякое время, выну хвала его во устех моих. Аллилуия.

Псалом 40-й.

Блажен разумеваяй на нища и убога. Аллилуия.

Псалом —42—й.

Суди ми Боже, и разсуди прю мою. Аллилуия.

Псалом 44-й.

Отрыгну сердце мое слово благо. Аллилуия.

Псалом 45-й.

Бог нам прибежище и сила. Аллилуия.

Псалом 46-й.

Вси язы́цы восплещите руками. Аллилуия.

Евангелие от Иоанна гл. 14: 26.

Егда приидет утешитель Дух Святый, его же послет Отец во имя мое, той вы научит всему, и воспомянет вам вся, яже рех вам. Мир оставляю вам, мир мой даю вам: не яко же мир дает, аз даю вам. Да не смущается сердце ваше, ни утсрашает. Слышасте, яко аз рех вам: иду, и прииду к вам: аще бысте любили мя, возрадовалися бысте убо, яко рех: иду ко Отцу, яко Отец мой более мене есть. И ныне рех вам, прежде даже не будет: да егда будет, веру имете. К тому не много глаголю с вами. Грядет бо сего мира князь, и во Мне не имать ничесоже. Но да разумет мир, яко люблю Отца, и якоже заповеда мне Отец, тако творю. Востаните идем отсюду. Аз есмь лоза истинная, и Отец Мой делатель есть. Всяку розгу, о Мне не творящую плода, измет ю: и всяку творящую плод, отребит ю, да множайщий плод принесет. Уже вы чисти есте за слово, еже глаголах вам. Будите во Мне, и Аз в вас.

Посем рцы.

Господи, иже пресвятого Твоего духа в третий час апостолом Твоим ниспославый, того, благий, не отыми от нас, но обнови нас молящихтися. Сердце чисто созижди во мне Боже, и дух прав обнови во утробе моей. Не отвергни мене от лица Твоего, и благодати духа Твоего не отъими от мене. Слава отцу.

Господи, иже пресвятого Духа Твоего в третий час апостолом Твоим ниспославый, того Иисусе Сыне и Слове Божий не отыми от нас, но обнови в нас и во утробе нашей дух прав и животворящ, дух целомудрия и пророчества, дух освящения и крепости, всесильно: яко ты еси просвещение душ наших, просвещаяй всякого челокека, грядущего в мир. Посем: помилуй нас п пр.

И ныне

Богородице ты еси лоза истинная, возрастившая нам плод живота. Тебе молимся, молися Владычице со апостолы помиловатися душам нашим. Господь Бог благословен, благословен Господь, день от дне, поспешит нам, Бог спасений наших, Бог еже спасати.

Царю небесный, утешителю душе истины, иже везде сый п пр.

Слава отцу.

Яко по среде ученик Твоих предстал еси спаситель, мир даяй им: прииди и к нам, и спаси нас и спаси души наша.

И ныне.

В. храме стояше славы Твоей, на небеси стояти мнем. Богородице, дверь небесная, отверзи нам двери милосердия и благоутробия Твоего. – Посемь: Верую во единого Бога. Святый Боже и пр. Отче наш.

Молитва

Боже и Господи милости и шедрот и всякие утехи, призываяй на ны во всякое время и час призванием Святого Твоего Духа, благодарим Тя Владыко, яко возставил еси нас молитися в сей третий святый час, в он же излил еси благодать Духа Твоего Святого на блаженные и святые ученики твоя и апостолы, в воде огненных язык. Молим Тя человеколюбче Господи: приими молитву нас всех, и остави нам грехи, и ниспосли на нас благодать Святого Твоего Духа утешителя, и избави нас от всякого прилога телесного же и душевного, и сподоби нас достойно служите Тебе во вся дни живота нашего, даруй нам житие духовное, мирное и благородное, да живем духом и да не исполняем похоти плотские, благодатию и щедротами и человеколюбием единородного Твоего сына, Господа и Бога и Спаса нашего Иисуса Христа, ему же подобаетъ всякая слава, держава, честь и поклонение, ныне и присно, и во вект веков. Аминь.

Конец третьего часа.

Час шестой

Песнь шестого часа. Сей день благословенный приношу Царю и Богу моему Христу, и уповаю, яко да простит грехи моя. Аминь.

Псалом 53-Й.

Боже, во имя Твое спаси мя, и в силе Твоей суди ми. Аллилуия.

.Псалом 56-й.

Помилуй мя Боже, помилуй мя. Аллилуия.

Псалом 60-й.

Услыши Боже моление мое, вонми молитве моей. Аллилуия

Псалом 62-й.

Боже, Боже мой, к тебе утренюю 9

Псалом 66-й.

Боже ущедри ны, и благослови ны.

Псалом 69-й.

Боже в помощь мою вонми.

Псалом 83-й.

Коль возлюбленна селения Твоя Господи сил.

Псалом 84-й.

Благоволил еси Господи землю твою, возвратил еси плен Иаков. Аллилуия.

Псалом 85-й.

Приклони Господи ухо Твое, и услыши мя.

Псалом 86-й.

Основания его на горах святых. Аллилуия

Псалом 90-й.

Живий в помощи вышняго, в крове Бога небесного водворится. Аллилуия

Псалом 92-й.

Господь воцарися, в лепоту облечеся. Аллилуия.

Евангелие от Матвея, гл. 5.

Узрев же народы, взыде на гору: и седшу ему, приступиша к нему ученицы его: И отверз уста своя, учаше их, глаголя: блажени нищии духом: яко тех есть царствие небесное. Блажени плачущии: яко тии утешатся. Блажени кротцыи: яко тии наследят землю. Блажени алчущии и жаждущии правды: яко тии насытятся. Блажени милостивии: яко тии помиловани будут. Блажени чистии сердцем: яко тии Бога узрят. Блажени миротворцы: яко тии сынове божии нарекутся. Блажени изгнани правды ради: яко тех есть царетвие небесное. Блажени есте егда поносят вас, и ижденут, и рекут всяк зол глагол на вы, лжуще мене ради. Радуйтеся и веселитеся, яко мзда ваша многа на небесех: тако бо изгнаны пророки, иже (беша) прежде вас. Вы есте соль земли: аше же соль обуяет, чем осолится; нивочтоже будет ктому, точно да насыпана будет вон, и попираема человеки. Вы есте свет мира. Не может град укрытися, верху горы стоя. Ниже вжигают светильника, и поставляют его под спудом, но на свещнице, и светит всем, иже в храмине (суть). Тако да просветится свет ваш пред человеки, яко да видят ваша добрая дела, и прославят Отца вашего, иже на небеси.

Посем рцы:

Иже в шестый день же и час, на кресте пригвожден в ран дерзновенный адамов грех, и согрешений наших рукописание раздери Христе Боже, и спаси нас.

Аз к Богу возвах, и Господь услыша мя. Внуши Боже молитву мою, и не презри моления моего, призри на мя и помилуй мя. Вечер, утро и полудне повем и возвещу, и услышит Господь моление мое, избавит с миром душу мою.

Слава отцу.

Иисусе Христе Боже наш, иже в шестый день же и час волею пригвождейся на кресте, и умертвивый грех на древе, и Твоею смертию ожививый умертвивый сиречь человека, его же создал еси рукою Твоею, и его же умертви грех: умертви страсти моя животворящими Твоими страстями и гвоздями, яже прободоша пречистое тело Твое, уклони ум мой от страстей и нечистых дел в памятование небесных заповедей Твоих, яко шедрый и человеколюбивый.

И ныне.

Яко не имамы дерзновения за премногие грехи наша, Ты иже от Тебе родшагося моли Богородице Дево: много бо может моление матернее ко благосердию Владыки. Не презри грешных мольбы Всечистая, яко милостив есть и спасти могий, иже и страдати о нас, изволивый.

Скоро да предварят ны щедроты твои Господи, яко обинищахом зело. Помози нам Боже Спасе наш, славы ради имени Твоего Господи. Избави нас и очисти грехи наша ради имени Твоего Святого.

Спасение соделал еси посреди земли Христе Боже, на кресте пречистые руце твои распростерл, собирая вся язы́цы, зовущие: Господи слава Тебе.

Слава.

Пречистому образу Твоему покланяемся бдагий, просяще прощения прегрешений наших, Христе Боже: волею бо благоволил еси плотию взыти на крест, да избавиши, яже создал еси, от работы вражия. Мы же благодарственно вопием ти: радости исполнил еси вся, Спасе наш, пришедый спасти мир.

И ныне.

Препрославленна еси Богородице Дево, поем Тя крестом бо сына Твоего низложися ад, и смерть у мертвися, умерщвлении востахом, и живота сподобихомся, рай восприяхом, древнее наслаждение. Тем же благодаряще славословим, яко державного Христа Бога нашего, еданого многомилостивого.

Посем: Верую. Святый Боже, и молитва: Благодарим Тя Владыко Господи Боже наш, Вседержителю, Отче Господа и Бога и спаса нашего Иисуса Христа. Благодарим Тя, славословим Тя, яко дал еси временные страсти единородного Сына Твоего в утешение наше, молитву же и моление. Благодарим Тя Господи человеколюбче: приими молитву нас всех, и остави нам долги, и изми от нас рукописание греха, еже написано есть на ны, якоже раздрал еси е во святый шестый час на кресте единородного Сына Твоего, на нем же пригвоздил еси всю силу вражию. Даждь нам житие чисто и живот добродетелен и мирен, ум бодр, и совесть светлу, да благоугодим покланяемому и святому имени Твоему, и да неосужденны станем пред страшным и праведным судищем единородного Твоего Сына, и прославим Тя во веки со всеми святыми Твоими, Тя Отца безначальна с подобным Тебе и единородным Твоим сыном и единосущным Тебе Святым Духом, ныне и присно, и во веки веков. Аминь.

Час девятый

Песнь часа девятого. Сей день благословенный приношу дарю и Богу моему Христу, и молю, да о ставит грехи моя.

Псалом 95-й.

Воспойте Господеви песнь нову, воспойте Господеви вся земля. Аллилуиа.

Псалом 96-й.

Господь воцарися, да радуется земля: да веселятся острови мнози. Аллилуиа.

Псалом 97-й.

Воспойте Господеви песнь нову, яко дивна сотвори Господь. Аллилуиа.

Псалом 98-й.

Господь воцарися да гневаются люди.

Псалом 99-й.

Воскликните Богови вся земля.

Псалом 100-й.

Милость и суд воспою тебе Господи. Аллилуиа.

Псалом 109-й-

Рече Господь Господеви моему. Аллилуиа.

Псалом 110-й.

Исповемся тебе Господи всем сердцем моим

Псалом 111-й.

Блажен муж бояйся Господа.

Псалом 114-й.

Воалюбих, яко услышит Господь глас моления моего.

Псалом 115-й.

Веровах тем, же возглаголах яз же смирихся зело. Аллилуиа.

Евангелие от Луки гл. 9. ст. 10.

И возвращеся апостоли поведаша ему, елика сотвориша: и поим их, отъиде един на место пусто града нарицаемого Вифсаида. Народ же разумевше, по нем идоша: и прием их, глаголаше им о царствии божием, и требующие исцеления целяше. День же начат преклонятися: приступивше же обанадесять рекоша ему: отпусти народ, да шедше во окрестные веси в села витают, и обрящут брашно: яко зде в пусте месте есмы. Рече же к ним: дадите им вы яств. Они же реша: несть у нас вящше, токмо пять хлеб и рыбе две, аще убо не шедше мы кутим во вся люди сия брашна: бех бо мужей яко пять тысячи. Рече же ко учеником своим: посадите их на купы по пятидесятъ. И сотвориша тако, и посадиша их вся. Прием же пять хлеб и обе рыбы, воззрев на небо, благослови их, в преломи, и даяше учеником, предложити народу. И ядоша, и насытишася вси: иаяша избывшии им укрухи коша дванадесяте.

Слава тебе Господи, слава тебе.

Посем рцы:

Иже в девятый час нас ради плотию смерть вкусивый, умертви плоти нашея мудрование Христе Боже, и спаси нас.

Да приблизится молитва моя пред Тя Господи: по словеси Твоему вразуми мя.

Да внидет прошение мое пред Тя Господи: по словеси Твоему избави мя.

Слава Отцу.

Господи, иже предал еси душу твою, вознесен быв на древе, в руце Отца, и ввел еси распятого с тобою разбойника к рай твой, не презри мя благий, и не возгнушайся мене блудного, но освяти душу мою, просвети ум мой, и сподоби мя быти причастника священнодейста безсмертных твоипх тайн, яко да егда вкушу от благ Твоих. Принесу ти песн не молчну, вожделея доброты Твоея паче, Христе Боже и спасе мой.

И ныне.

Иже нас, ради рождейся от Девы, и распятие претерпев благий, испровергий смертию смерть, и воскресени явлей яко Бог, не презри, яже создала, еси рукою Твоею, яви человеколюбие Твое милостиве, приими родшую Тя Богородицу, молящуюся за ны, и спаси, Спасе наш, люди отчаянные.

Не предаждь нас до конца, имени Твоего ради святого, и не разори завета Твоего, и не отстави милости Твоея от нас, Авраама ради возлюбленного тобою и за Исаака раба Твоего, и Израиля святого Твоего.

Видя разбойник начальника жизни на кресте висяща, глаголаше: а те не бы Бог был воплошся, иже с нами распныйся, не бы солнце лучи своя потаило, инже бы земля трепещуши тряслася: но вся теряй помяни мя Господи, егда приидеши во Царствии Твоем.

Слава Отцу.

Приемый исповедание разбойника на кресте, приими нас грешных, достойных осуждения смерти, грех наших ради. Впупе с ним исповедуем ти грехи наша, исповедуем и Божество Твое, и вопием ти вси, яко разбойник: помяни мя Господи, егда приидеши во Царствии Твоем.

И ныне.

Агнца, и пастыря, и спаса мира на кресте зрящи родшая (Тя), глаголаше слезящи: мир убо радуется, приемля избавление, утроба же моя горит, зрящи Твое распятие, еже за всех терпиши Сыне и Боже мой.

Посем: Господи помилуй, и молитва.

Господи и Отче единородного Сына Твоего, Господа и Бога и Спаса нашего Иисуса Христа, иже прииде избавите нас в явлении своем от клятвы законныя. Молимтися о имени его благословенном, великом и святом: уклони ум наш от попечений мирских и похотей житейских в памятование небесного Твоего суда, и соверши в нас благодать Твоего человеколюбия Блаже, в сотвори молитву нашу в час сей благоприятну пред тобою, и утверди нас во еже достойно ходити звания, в неже звани бехом, яко да аще сопричислени будем к истинно покланяющимся страстем единородного Твоего Сына, улучим спасение со всеми святыми Твоими, от века благоугодившими Тебе. Отжени от нас всю силу врага и все воинство его, да поперем им, яко же попра их единородный Твой Сын в час сей девятый и святый животворящею смертию своею, и просвети помраченный ум наш, якоже озари седящих во тьме ада единородный Твой Сын, и настави нас и введи в сладость рая, яко же приведе он в рай деснаго разбойника, егда бе на древе крестнем, силою и щедротами и милостию единородного Твоего Сына Господа нашего Иисуса Христа. Яко подобает Тебе с Ним слава, держава, честь и поклонение. Ныне и присно, и во веки веков. Аминь.

Повечерие

Песнь вечерняя. Сей день благословенный приношу Христу, Царю моему и Богу, и молю его, да простит грехи моя.

Псалом 116-й.

Хвалите господа вси язы́цы. Аллилуиа.

Псалом 117-й.

Исповедайтеся Господеви, яко благ, яко в век милость его. Аллилуиа.

Псалом 119-й.

Ко Господу, внегда скорбети ми, воззвах, и услыша мя.

Псалом 120-й.

Возведох очи мои в горы, отнюду же пройдет помощь моя. Аллилуия.

Псалом 121-й.

Возвеселихся о рекших мне: в дом Господень пойдем.

Псалом 122-й.

К Тебе возведох очи мои, живущему на небеси. Аллилуиа.

Псалом 123-й.

Яко аще не Господь бы был в нас, да речет убо Израиль.

Псалом 124-й.

Надеющиися на Господа, яко гора Сионь.

Псалом 125-й.

Внегда возвратити Господу плен Сионь, быхом яко утешени.

Псалом 126-й.

Аще не Господь созиждет дом, всуе трудишася зиждущие.

Псалом 127-й.

Блажени вси боящиеся Господа.

Псалом 128-й.

Множищею брашася со мною от юности моея, да речет убо Израиль.

Евангелие, от Луки гл. 4– ст. 38.

Востав же из сонмища, вниде в дом симонов: теща же симонова бе одержима огнем велиим: и молиша его о ней. И став над нею, запрете огню: и остави ю. Абие же воставши служаше им. Заходящу же солнцу, вси, елицы имеяху болящия недуги различными, привождаху их к нему. Он же на единого коегождо их руце возложь, исцеляше их. Исхождаху же и беси от многих, вопиюще и глаголюще, яко ты еси Христос сын Божий. И запрещая не даяще им глаголати, яко ведяху Христа самого суща.

Вечерня

Псалом 129-й.

Из глубины воззвах к тебе Господи, Господи услыши глас мой.

Псалом 130-й.

Господи, не вознесеся сердце мое, ниже вознесостеся очи мои. Аллилуиа.

Псалом 131-й.

Помяни Господи Давида, и всю кротость его. Аллилуиа.

Псалом 136-й.

На реках вавилонских, тамо седохом и плакахом. Аллилуиа.

Псалом 137-й.

Исповемся тебе Господи всем сердцем моим. Аллилуиа.

Псалом 140-й.

Господи воззвах к тебе, услыши мя. Аллилуиа.

Псалом 141-й.

Гласом моим ко Господу воззвах. Аллилуиа.

Псалом 145-й.

Хвали душе моя Господа. Аллилуиа.

Псалом 146-й.

Хвалите Господа, яко благ псалом. Аллилуиа.

Псалом 147-Й.

Пхвали Иерусалиме Господа, хвали Бога Твоего Сионе.

Евангелие отъ Луки гл. 2, ст. 25.

И се бе человек во Иерусалиме, ему же имя Симеон: и человек сей праведен благочестив, чая утехи Израилевы: и дух бе свят в нем. И бе ему обещано Духом Святым не видите смерти, прежде даже не видитъ Христа Господня. И прииде духом в церковь. И егда введоста родителя отроча Иисуса, сотворити им по обычаю законному о нем. И той прием его на руку своею, и благослови Бога, и рече: ныне, отпущаеши раба Твоего, Владыко, по глаголу Твоему, с миром; яко видесте очи мои спасение Твое, еже есе уготовал пред лицеем всех людей: свет во откровение языком, и славу людей Твоих израиля.

Посем: Святый Боже. Верую. Отче наш.

Молитва

Благодарим Тя Владыко, милуяй род человечески, яко сподобил еси нас прейти сей день в мире и достигнути со благодарением вечера сего. Приими Господи вечернее наше славословие и избави ны от лести злейшаго лукавого. Отжени от нас уготованные сети его, и подаждь нам Господи и настоящий вечер с грядущею нощию, мирен, легок, безстрастен и безмечтателен, да прейдем их в мире и востанем на трезвение и молитву, и пение и моление. Яко ты еси Бог благословен, и тебе подобает слава, держава, честь и поклонение, ныне и присно, и во веки веков. Аминь.

Иная молитва

Прости Господи, елика ти согрешихом в день сей и во вся дни живота нашего, яже словом или делом, или помышлением, явно и тайно. Понеже ты веси Владыко старость и немощь человеческу и оскудение, яко человек есть жилише преступления и греха. Боже, ослаби, остави, помилуй, имене Твоего ради Святаго. Боже даруй нам сон мирен, легок и безмятежен, и посли нам Ангела мирна, соблюдающа и покрывающа, и избави нас, от великого зла, и от всякого мучения лукавого диавола, благодатию и милостию, и щедротами единородного Твоего Сына, Господа же нашего Иисуса Христа: яко подобает тебе с ним всякая слава, держава, честь и поклонение, ныне и присно, и во веки веков. Аминь.

Начало полуночныцы

Творить начало по преднаписанному до псалмопенния

Посем чти Псалом 3.

Господи, что ся умножиша стужающии ми

Псалом 6-й.

Господи, да не яростию Твоею обличиши мене.

Псалом 69-й

Боже в помощь мою вонми.

Псалом 85-й.

Приклони Господи ухо Твое, и услыши мя

Псалом 116-й.

Хвалите господа вси язы́цы.

Псалом 117-й.

Исповедайтеся Господи, яко благ, яко в век милость его

Псалом 118-й.

Блажени непорични в путь ходящии в законе Господни.

От Матфея Евангелие гл. 25.

Тогда уподобися Царство Небесное десяти девам, яже прияша светильники своя, и изыдоша в сретение жениху. Пять же бе от них мудры, и пять юродивы. Юродивы яже, приемше светильники своя, не взяша с собою елея: мудрыя же прияша елей в сосудех со светильники своими. Коспящу же жениху, воздремашася вси и спяху. Полунищи же вопль бысть: се Жених грядет, исходите в сретение Его. Тогда восташа вся девы тыя, и украсиша светильники своя. Юродивыя же мудрым реша: дадите нам от елея вашего, яко светильницы наши угасают. Отвещаша же мудрыя глаголюще, еда како не достанет нам и вам: идите же паче к продающим, и купите себе. Идущим же им купити, прииде жених: и готовый внидоша с ним на брак, и затворены быша двери. Последи же приидоша и прочия девы, глаголюще: Господи, Господи, отверзи нам. Он же отвещав, рече им: аминь глаголю вам, не вем вас. Бдите убо, яко невесте дне, ни часа, в он же Сын человеческий приидет.

Посем тропари сии:

Се жених грядет в полунощи, и блажен раб, его же обрящет бдяща, не достоин же паки, его же обрящет унывающа. Блюди убо душе моя: не сном отяготися, да не смерти предана будеши, и Царствия вне затворишися, но воспряни зовуща: Свят, Свят, Свят еси Боже, Богородицею помилуй нас.

Слава Отцу.

День он страшный помышляющи душе моя, побди вжигающи свещу твою, елеем просвещающи, не веси бо, когда приидет к тебе глас глаголющий: се Жених грядет, исходите во сретение Его. Блюди убо душе моя, да не воздремлеши, и пребудеши вне толкуща, яко пять дев, но бодренно пожди, да усрящеши Христа елеем маститым, и даст ти чертог Божественный Славы Своея.

И ныне.

Тебе, необоримую стену, спасения утверждение, Богородице Дево молим: сопротивных советы раззори, людей Твоих печаль на радость преложи, мир твой призови, о мире мира моли, яко ты еси Богородице упование наше.

Посем: Святый Боже и проч.

Евангелие от Луки гл. 7. ст. 36.

Моляше же его некий от фарисей, дабы ядь с ним: и вшед в дом фарисеов, возлеже. И се жена во граде, яже бе грешница, и уведевши, яко возлежит во храмине фарисеове, принесши алавастр мира, и ставши при ногу его созади плачущися, начатъ умывати нозе его слезами, и власы главы своея отираше, и облобызаше нозе его и мазаше миром. Видев же фарисей воззвавый его, рече в себе, глаголя: ceй аще бы был пророк, ведал бы, кто и какова жена прикасается ему: яко грешница есть. И отвещав Иисус рече к нему: Симоне, имам ти нечто реши. Он же рече: учителю, рцы. Иисус же рече: два должника беста заимодавцу некоему: един бе должен пятию сот динарий, другий же пятиюдесять. Неимущема же има воздати, обема отда: который убо ею, рцы, паче возлюбит его: Отвешав же Симон рече: много, яко ему же вящше отда. Он же рече ему: право судил еси. И обрашся к жене, Симонове рече: видевши сию жену; внидох в дом твой, воды на нозе мои не дал еси: сия же слезами облия ми нозе, и власы главы своея отре. Лобзания ми не дал еси: сия же, отколи же внидох, непреста облобызающе ми нозе. Его же ради, глаголю ти: отпущаются греси ея мнози, яко возлюби много: а ему же мало оставляется, меньше любит. Рече же ей: отпутаются тебе греси. И начаша возлежащии с ним глаголати в еебе: кто cей есть, иже и грехи отпущает; Рече же к жене: вера твоя спасе тя, иди в мире.

И Богу слава.

Посем чти настоящии тропари.

Покаяние чисто даждь ми Боже, и оставлеение грехов даруй ми Боже, и излей на мя Боже источники вод духовных, да плачу о гресех моих, яко же даровал еси некогда оной жене грешнице, и сподоби мя омочити слезами нозе твои, от пути лести свободившия мя, и миро благовонное принести тебе житие чисто в покаянии, да услышу и аз вожделенный глас Твой: вера твоя спасе тя, иди в мире.

Слава Отцу.

Егда помышляю множество содеянных мною лютых и приходит в ум мой памятование оного истязания, объемлет мя трепет: но к тебе прибегаю человеколюбивому Богу, не презри мя молящегося Тебе, единому безгрешному. Даждь умиление смиренней души моей до конца, и спаси мя.

И ныне.

Небесная блажатъ Тя благодатная Мати безневестная: и мы почитаем и славословим неизследное Твое рождество Богородице, кивоте спасения, сокровище жизни, предстательство грешных. О Мати милосердия и спасения, моли спастися душам нашим.

Посем. рцы: Царю небесный, Святый Боже, Отче наш, и Евангелие от Луки гл. 12, ст. 32.

Не бойся мялое стадо: яко благоизволи Отец ваш, дати вам Царство. Продадите имения ваша, и дадите милостыню. Сотворите себе влагалища не ветшающа, сокровище неоскудеемо на небесех, идеже тать не приближается, ни моль растлевает: иде же бе сокровище ваше, ту и сердце ваше будете. Да будут чресла ваша препоясана, и светильницы горящии: и вы подобии человеком чающим Господа Своего, когда возвратится от брака, да пришедшу и толкнувшу, абие отверзут ему. Блажени раби тии, ихже пришед господь обрящет бдящих. Аминь глаголю вам, яко препояшется и посадит их и минув послужит им.. И аще приидет во вторую стражу, и в третию стражу приидет, и обрящет, их тако, блажени суть раби тии. Се же ведите, яко аще бы ведал Господин храмины, в кий час тать приидет, бдел, убо бы, и не дал, бы подкопати дому своего. И вы убо будите готовы: яко, в он же час немните, сын человеческий приидет. Рече же ему Петр: Господи, к нам ли притчу сию глаголеши, или ко всем. Рече же Господь: кто убо есть верный строитель и мудрый, его же поставит Господь нат, челядию своею, даяти во время житомерия; Блажен раб той, его же, пришед Господь его, обрящет творяща тако. Воистину глаголю вам, яко над всем имением своим поставит его. Аще же речет раб той в сердце своем: коснит Господин мой приити: и начнет бить рабы и рабыни, ясте же и пити и упиватися: приидет Господин раба того в день, в он же не чает, и въ час, в сный же не весть: и растешет его, в часть его с неверными положит.

Слава Богу.

Молитва

Оком милостивым, Боже, виждь смирение мое, странствие и немощь мою, в спаси ма, яко дне мои умаляются, в от дел нестьми спасения. Сего ради молюся и глаголю: милостивым оком, Боже, виждь смирение мое, нишету в немощь, и спаси мя.

Слава.

Яко бы присушу судии, потшися о душе и помышляй час страшного дне: суд бо без милости не творящим милости. Убо пощади мя Спасе: един бо еси человеколюбец.

И ныне.

Умная дверь живота нашего, чистая Богородице, верно прибегающих к Тебе, избави от бед души наша. Мы славим и почитаем всесвятый плод Твой Богородице, кивоте спасения, предстательство грешных. Моли спастися душам нашим.

Посем рцы:

Царю небесный. Святый Боже. Отче наш. Верую во единого Бога. Помилуй нас Боже, помилуй нас.

Радуйся Марие, добрая голубице, родшая нам Слово Бога. Ты еси цвет благоуханный, процветший из корени Иессеова, и жезл Ааронов, прозябший без семене, яко родила еси нам Христа, истинного Бога нашего, без семене человеческа, и пребыла еси Дева. Сего ради величаем Тя, наречена праведная Святая Мария, яко ты еси вторая скиния праведных, яже имущи жезл Ааронов и святый цвет благовонный, содержащи чистоту внутреннюю и внешнюю, о! скиния праведных.

Чины ангельстии и лики святых славят блаженство Твое. Тем же и аз седмерицею во дни возвещу и благословлю имя Твое.

Царь веков и Бог Богов, Иисус Христос истинный Бог наш, нашего ради спасения воплотивыйся от Духа Свята и от Святыя и Непорочныя Невесты Марии, приниче в преисподняя, и возрадовася сердце сущих тамо в нужде радостию велиею. Сего ради покланяемся Ему и воспеваем Его, вкупе же и Марию Матерь Его, добрую голубицу, и вопием гласом радования, глаголаше:

Радуйся Марие, Мати Еммануилева. Радуйся Марие, спасение отца нашего Адама. Радуйся Марие, радосте родов в роды. Радуйся Марие, утехо Авеля праведного. Радуйся Марие, воистину Дево. Радуйся Марие, спасение праведного Ноя. Радуйся Марие, непорочная. Радуйся, радосте Авраама. Радуйся Марие венче нетления. Радуйся Мария, спасение священного Исаака. Радуйся Марие, Мати святынь. Радуйся Марие, радование Иаковле. Радуйся Марие, тьмоименная. Радуйся Марие, похвало праотца Иуды. Радуйся Марие, Мати Владыки. Радуйся Марие, проповедание Моисеево. Радуйся Марие, Мати Творца. Радуйся Марие, честь Самуиля. Радуйся Марие, хвало Израилева. Радуйся Марие, утверждение Иова праведного. Радуйся Марие, каменю избранный. Радуйся Марие, Мати возлюбленного. Радуйся Марие, дщере Давида царя. Радуйся Марие, возлюбленная Соломона. Радуйся Марие, возносящая праведных. Радуйся Марие, спасение Исаино. Радуйся Марие, исцеление Иеремиино. Радуйся Марие, видение Иезекиилево. Радуйся Марие, благодать Даниила. Радуйся Марие, сило Илии. Радуйся Марие, благодать Елисея. Радуйся Марие Богородице. Радуйся Марие, Мати Иисуса Христа. Радуйся Марие, добрая голубице. Радуйся Марие, Мати Сына Божия. Радуйся Марие, о ней же свидетельствоваша вси пророцы, иже реша: се Бог Слово приемлет от плоти Твоея в не проточном, единении, сый вознесен на верси жезла Ааронова. Кий жезл? аще не Мария, понеже, ему подобно девство Ея. Без семене заченшее самого Сына и Слово Бога. Ея же молитвами и ходатайством Боже отверзи нам дверь церковную. Моли за ны Богородице, да отверзет нам верным врата райская. Молися ко из Тебе родшемуся и возлюбленному Сыну Твоему, да оставит грехи наша.

Молитва глаголемая в полунощнице

Молимтися, молимтися, молимтися, Владыко Господи Иисусе Христе, Сыне Бога живого, вечне, иже обитаеши на небесех прежде всех век, Свете от Света: озари и просвети ум наш, сердца и помышления наша, во еже уразумети животворящии словеса Твоя, и воззвати ны Господи от сонныя ленности из мрака греха, умерщвляющего тело, душу и дух, и сподоби ны быти готовы на всяко благое дело даже до дне пришествия Твоего второго и страшного, в он же имаши судити мир, да услышим с неизреченною радостию и веселием и утешением и услаждением из Божественных Твоих уст оный глас глаголющий: приидите благословении Отца моего, наследуйте уготованное вам царствие от сложения мира. Благо же! благо! Господи Боже наш сподоби ны в сей день же и час стати без страха и трепета, без опасения и боязни, непреклонно и непреткновенно, и не возгнушайся нас множества ради грехов и скверных дел. Прости нам Боже преступления, прегрешения, долги и вины, и избави нас и весь мир от губительства, глада, язвы, чумы, переселения, огня, потопа, противления злых людей, от молнии и труса, от обиды прелюбодеев; утеснений правителей, и нашествия супостатов наших. Отжени их всемогущий Господи Боже наш. Вонми молитве и молению нашему, и не вверзи нас в пучину погибели, ниже в последние пути, но избавь и соблюди нас от ленности, и не попусти врагу нашему прельщати ны в широту и долготу дний: но отрезви ум наш и возбуди сердца наша от сонные ленности и от продолжительного жития непотребного. Остави безаакония и ослаби вины наша. Не прогневайся на ны, ниже гнев Твой да будет во веки. Помилуй нас яко немощни и нищи есмы, и погрузихомся в пучину грехов. К Тебе взываем и Тебе покланяемся, и Тя исповедуем, Тебе молимся и молися деем: не пресецы надежды нашей, Господи, не заключи двери милосердия Твоего пред очима нашима, но благоволением Твоим помилуй ны, и милостию Твоею потерпи ны, и с веселием услыши глас наш. Боже очисти сердца наша от лукавых и нечистых помышлений, и возстави ны Боже от всякого преткновения и беды. Укрепи в нас терпение, надежду, любовь и веру православную, и сподоби нас быти едины от овец Твоих десных и от возлежащих за трапезою Твоею на небесех. Яко не имамы упования, ниже спасения, разве в милости Твоей: упование бо наше на Тя и вера наша в Тя. – Господи приими наша молитвы в настоящее время, и на всякое время, и всих заповедавших нам поминати их в молитвах, елеопомазаниях, службах, помяни их в нас во Царствии небесном, благодеющим же и злотворящим, и всем верным людем Твоим, отпусти им и нам вся согрешения. Господи спаси люди Твоя, и благослови достояние Твое, исеправи я и вознеси их во веки. Свободе плененные от уз. Утоли жаждущие благами. Утеши малодушные, возстави падшия, утверди возставшия,

обрати заблудшия, отдай долги должником, превитай вдовицы и сирыя, и помози им в нищете, умножи блага сущим в нуждех. Даруй благословение плодам земным, возрастание древам и потребное обилие вод речных. Благослови Господи росы и дожди. Удовли молящихтися. Упокой души усопших. Приими покаяние исповедающихся. Даждь смышление оглашенным. Исполни сердца наша радости и веселия, и благодушия, и сладости, да, бывая довольни во всем, преуспеем, и во благоугодных и благих делех. Благослови Господи прозябения небесными Твоими благословении. Благослови Господи венец лета благостию Твоею. Благослови Господи сеющего и пожинающего, якоже благословил, еси израильтян плоды шестого года. И да будет благословен народ христианский и прищен Божественными усты Твоими от востока солнца до запада, и от шуия страны до десныя16. Благослови Господи настоящее собрание и вся сонмы христианския, и продли лета владыки и отца нашего патриарха аввы (имярек) и сослужителя его, труждающегося вкупе с ним ко священной степени, отца нашего честного епископа аввы (имярек). Спаси его Господи, и спаси люди его от бед, искушений и скорбей, такожде же и отцы наша митрополиты, епископы, икономы, иереи, монахи, диаконы и братию нашу, и вся чада купели, и посылаемыя на послушание во всякое место, и всех пришедших и стоящих зде на молитве и просящих оставления грехов и помилования душам своим. Благослови ны и всех их. Помози нам Боже. Спаси души наша. Прости Боже прегрешения наша, яже содеяхом в ведении и неведении. Утверди Господи собор сей, и вся святыя соборы, и церкви, и служащих в них, и сотвори безстрастие и дерзновение посреди их. Покори врага лукавого под ноги наша, и не предаждь нас и онех в достояние его, ниже в бичевание шуее и десное, но избави и сохрани нас и онех крепкою мышцею Твоею, и избави ны от диавола и сетей его распростертых, видимых же и невидимых. Помяни Господи отцы, и матери, и братия, и сестры, и чада, и сродники, и учители наша, и вся чада купели, духовные и плотские, и усопшие во православии. Упокой Господи души их в лоне святых отец наших Авраама, Исаака и Иакова, в раи сладости. Аминь.

Нам, же сущим живым помози Боже спасти души. Управи живот наш благою волею Твоею. Помяни Господи благотворящих нам и убогим братиям нашим, всяким благотворинием. Помяни Господи труждающихся и снабдевающих церковь сию и вся православные церкви. Даруй им вечная вместо временного и небесная вместо земных. Исполни домы их и сокровищницы всяких благ, ради любви Твоей ичести святого имени Твоего. Благослови их и даруй им в сем веке, здравие и долгоденствие, в будущем же живот вечный. Помяни Господи душу мене смиренного и грешного, стоящего пред тобою. Возвыси Господи рог спасения людей Твоим, знамением Святого Креста Твоего, иже есть утешение от Тебе Господи в бедах, и помощь Твоя во уничижении. Спаси ны Господи от всех бед. Помяни Господи стоящие, и сидящие, и спящие, и немощные, и путешествующие, плавающие, сущие на полех, на нивах и в путех, и всех, яко, суть в пленении, и изгнании, и заключении. Спаси их Господи, и направо ко пристанищу здравы и крепцы телом, душою и духом, да славят святое имя Твое. И сотвори Боже молитву нашу в час сей благоприятну пред Тобою. Помози нам Боже благоугодити Тебе во всякое время. Помози нам Боже в муках смерти, пред смертию и по смерти, и помилуй нас по велицей милости Твоей, молитвами пречистой и преблагословенной Владычицы нашей и похвалы рода нашего, Марии Богородицы, и святого апостола и проповедника египетские страны евангелиста Марка, и всех ангел и архангел, и отец, и пророков, и апостолов, и мучеников, святых, авв, боговидцев, подвижников и страстотерпцев и всех, иже благоугодиша святому и величайшему Богу благими делы своими от Адама и до сего дне: яко Ты еси Владыка, Бог благословен, и Тебе подобает слава, держава, честь, величие, благоговение и поклонение Отцу и Сыну и Святому Духу, ныне и присно, и во веки веков. Аминь.

Во имя Отца и Сына и Святого Духа, единого Бога. Аминь.

Краткое последование седьми ночных и дневных молитв

Начало. Слава Отцу и Сыну и Святому Духу.

Утренняя молитва благодарения

Благодарим милостивого и благотворящего Бога и Отца Господа, и Спаса и Бога нашего Иисуса Христа, яко призрел, и помогл, и сохранил, и приял ны, и умилосердился на ны, и заступил, и защитил ны даже до настоящего часа, К Нему вопием, да сохранит ны во святый день сей и во вся дни живота нашего, во всяком мире. Вседержителю, Владыко, Господи Боже наш, Отче Господа и Бога и Спаса нашего Иисуса Христа, благодарим Тя о всех и за вся, яко покрыл еси, и помогл, и сохранил, и приял еси ны, и умилосердился на ны, и заступил, и привел, еси ны в настоящий час. Сего ради во умилении молим благость Твою, человеколюбие: даруй нам скончати святый день сей, и вся дни живота нашего в мире, со страхом Твоим. Отжени от нас, и от всех людей Твоих, и от святого места сего, всяку зависть, всяко искушение, всякое действие диавола, в советы злых человек, и востания врагов тайных и явных. Добрая же и полезная обрати на ны, яко дал еси нам власть наступати на змию, и на скорпию, и на всяку силу вражью, и не введи нас во искушение, но избави нас от лукавого, благодатью и щедротами и человеколюбием единородного Сына Твоего, Господа и Бога и Спаса нашего Иисуса Христа, им же подобает всякая слава, честь и держава, со святым и животворящим и единосущным Твоим Духом, ныне и присно, и во веки веков.

Посем на полуношнице рцы:

Востаните с нами, чада света, воспети Господа Сил, да дарует нам спасение душ наших. Внегда востати нам с ложа, изми ум наш из сонные лености. Даждь нам бодренность, да в смышлении станем пред тобою во время молитвы, и возпоем Тебе подобающую песнь и получим прощение многих грехов. Слава человеколюбцу.

Се ныне благословите Господа раби Господни, стоящии в дому Господа Бога нашего. В нощех воздежите руки наша во святая, и благословите Господа. Благословит Тя Господь от Сиона, сотворивый небо и землю. Да приближится молитва моя пред Тя Господи: по словеси Твоему вразуми мя. Да внидет прошение мое пред Тя Господи: по словеси Твоему избави мя. Отрыгнут уста моя псалом, егда научил мя еси оправданием Твоим. Провещает язык мой словеса Твоя, яко вся заповеди Твоя – истина. Да будет рука Твоя, во еже спасти ны, яко заповеди Твоя соблюдохом. Вожделех спасения Твоего Господи, и закон Твой поучение мое есть. Жива будет душа моя, и восхвалит Тя, и судьбы Твоя помогут ми. Заблудихся, яко овча погибшее: взыщи раба Твоего, яко заповеди Твоя не забых аз.

Слава Отцу и Сыну, и Святому Духу, ныне и присно … и паки слава Отцу.

Слава Тебе человеколюбче, Блаже. Слава Деве Матери Твоей, и всем святым Твоим. Слава Тебе единородне. – Пресвятая Троице помилуй нас. Да воскреснет Бог, и расточатся врази Его, и да бежат от лица Его вси ненавидящии Имя Святое Его. – И люди Твои да будут во благословении. Тысящи тысящь и тьмы темь творят волю Твою. Господи отверзеши устне мои, и уста моя возвестят хвалу Твою.

Пятидесятый псалом: Помилуй мя Боже по велицей милости Твоей. По сем: Приидите поклонимся, приидите поклонимся Христу Богу нашему. Приидите поклонимся, приидите поклонимся Христу Цареви нашему. Приидите поклонимся, приидите поклонимся Христу Спасителю нашему, Иисусу Христу. Слову Бога и Господу и Богу нашему. Молитвами святыя Марии и всех святых Твоих, сподоби ны положити благое начало, и помилуй нас, по извелении Твоему во веки. Нощь прейде. Благодарим Тя Господи и молимтися: соблюди нас в день сей без греха и избави нас. Аз же юзник о Господе, молю вы, достойно ходити звания, в неже звани бысте, со всяким смиренномудрием и кротостию, долготерпением, терпяще друг друга в любви, тщащеся блюсти единение духа в союзе мира. Едино тело и един дух, яко же и звани бысте в единем уповании звания вашего. Един Господь, едина вера, едино крещение, един Бог и Отец всех. Един есть Сын Его Иисус Христос, Слово воплощенно, иже умре и воста из, мертвых в третий день, и воскреси нас Собою. Един есть Всесвятый Дух утешитель, едина ипостась, от Отца исходяй, очищаяй всяку тварь, и научаяй нас поклонятися Святей Троице во едином Божестве и Естестве. Покланяемся и благословляем их по веки. Аминь.

После утреннего Евангелия глаголется и сие:

Поем со ангелы глаголюще:

Слава в вышних Богу, и на земли мир, в человецех благоволение. Хвалим Тя, славословим Тя, благословим Ти, исповедуем Тя, кланяемтися, благодарим Тя, великия ради славы Твоея, Господи Царю Небесный, Боже Отче Вседержителю, Господи Сыне Единородный Иисусе Христе, и Святый Душе. Господи Боже, Агнче Божий, Сыне Отечь, вземляй грехи мира, помилуй нас. Вземляй грехи мира приими молитву нашу. Седяй одесную Отца, помилуй нас: яко Ты еси Един Свят Ты еси Един вышний Господь Иисус Христос, и Святый дух, в славу Бога Отца, аминь. На всяк день благословлю Тя и восхвалю имя Твое Святое во веки, аминь. От нощи утренюет дух мой к Тебе Боже, зане свет повеления Твоя на земли. Поучихся путем Твоим, яко был еси помощник мой. Заутра услыши глас мой Господи, заутра предстану Ти, и узриши мя.

На вечерни глаголи молитву сию:

Сподоби Господи в день сей без греха сохранитися нам. Благословен еси Господи Боже отец наших: благословенно и препрославлено имя Твое святое во веки, аминь. Буди, Господи, милость Твоя на нас, якоже уповахом на Тя. Яко очи всех на Тя уповают, и Ты даеши им пищу во благовременни. Услыши ны Боже, спасителю наш, упование всех концев земли. И Ты Господи сохраниши ны и соблюдеши ны от рода сего лукавого вовеки, аминь. Благословен еси Господи: научи мя оправданием Твоим. Благословен еси Господи: просвети мя во истине Твоей. Господи милость твоя во век: Дел руку Твоею не презри, яко был еси упование мое от рода в род. Аз рех: Господи, помилуй мя, яко согреших Тебе. Господи к Тебе прибегох научи мя творити волю Твою, яко Ты еси Бог мой, яко у тебе источник живота. Во свете Твоем узрим свет. Пробави милость Твою ведущим Тя, и правду Твою – правым сердцем. Тебе подобает святыня, Тебе подобает пение, Тебе слава подобает, Отцу и Сыну и Святому Духу, ныне и присно, и во веки веков. Аминь.

Благо есть исповедатися Господеви, и пети имени Твоему, вышний, возвещати заутра милость Твою, и истину Твою на всяку нощь. Святый Боже, Святый Крепкий, Святый Безсмертный, распныйся за ны. Святый Боже, Святый крепкий, Святый Безсмертный, воскресый из мертвых, и вознесыйся на небеса, помилуй нас. Слава Отцу и Сыну, и Святому Духу. Пресвятая Троице помилуй нас, трижды. Господи, очисти грехи наша, Господи, очисти беззакония наша, Господи прости прегрешения наша, Господи, посети немощи людей Твоих и исцели я, имени Твоего ради.

Упокой Господи души усопших отец и братий наших. Безгрешне Господи, помилуй нас. Безгрешне Господи, помози нам, и приими моление наше. Яко Тебе подобает слава и держава. Святая Троица, помилуй нас. Господи помилуй нас. Господи благослови нас.

Молимтися Святая, Благодатная Похвале девства, Богородице Мати Христа. Вознеси молитву нашу к возлюбленному Сыну Твоему, да оставит грехи наша. Радуйся родшая нам свет истинный, Христа Бога нашего, Дево чистая. Умоли Господа помиловати души наша и оставити грехи наша. Дево Марие, Богородице Святая, верная предстательнице рода человеческого, моли о нас Христа, Его же родила еси, да дарует нам оставление грехов наших. Радуйся Царице, Дево истинная, похвало рода нашего, родшая Еммаиулла. Молимтися верная предстательнице: помяни нас, пред Господем нашим Иисусом Христом, да оставит грехи наша.

Свят, свят, свят, Господь Саваоф, исполнь небо и земля святыя славы и чести Твоея. Помилуй нас.

Господи Боже Спас с нами буди, иного бо разве Тебе, помощника в скорбех не имамы. – Ослаби, остави, Боже, прегрешения наша, яже в ведении и неведении, вольная и невольная, тайная и явная. Господи прости мя имене Твоего ради святого, еже призвася на ны по милости Твоей, Господи, а не по грехом нашим.

Месяцеслов

всего лета, по чину Коптския церкви.

Во имя Отца и Сына и Святого Духа.

В начале месяц Тот (Сентябрь).

Первый день. – Нероз, и успение Варфоломея, и исцеление Иова праведного.

2)  Усекновение Иоанна крестителя.

3) Собор в Александрии.

4) Успение аввы Макария патриарха Александрийского.

5) Мученичество Софии.

6) Успение пророка Исаии.

7) Память Диоскора патриарха Александрийского.

8) Мученичество Захарии и успение пророка Моисея.

9) Мученичество аввы Пеора, епископа.

10) Рождество Богородицы по показанию Абу Макария

11) Мученичество Исилида патрикия.

12) Усопших во Ефесе

13) Чудо епископа Василия над земледельцем.

14) Агафа столпника.

15) Успение архидиакона Стефана.

16) Обновление храма Святого Воскресения.

17) Обретение честного Креста.

18) Мученичество Меркурия Финикийского, и Стефана иерея.

19) Память Григория папы вдовца

20) Успение Афанасия и аввы Моисея папы Александрийского.

21) Мученичество Киприана и Косии (Кассии?)

22) Мученичество Котела и сестры его, и Иулия Факхатийского.

23) Мученичество Онана, Андрея и Феклы.

24) Григория монаха.

25) Успение пророка Ионы, его же воскреси Фесвитянин.

26) Благовещение Архангела Захарии и зачатие предтечи.

27) Мученичество Евстафия и чад его

28) Мученичество Ападера и Крины сестры его.

29) Мученичество Арапсимеи девицы.

30) Чудо бывшее десницею Афанасия апостольского.

Месяц Папе (Октябрь)

Первый день. – Мученичество Анастасии.

2) Пришествие Севера патриарха Антиохийского.

3) Успение Григория просветителя Армении.

4) Апостола Анании, и мученичество св. Вакха.

5) Павла патриарха Константинаграда.

6) Анны, матери Самуила пророка.

7) Успение аввы Павла Илтамуха.

8) Мученичество Матара старца и иже с ним.

9) Память Симеона епископа.

10)  Сергия и Вакха.

11) Аввы Иакова патриарха Антиохийского.

12) Мученичество Матфея апостола, и успение Димитрия.

13) Мученичество Захарии монаха.

14) Филиппа единого от седьмидесяти.

15) Святого Пантелеимона.

16) Аввы Агафона папы Александрийского.

17) Память Григория, брата Василиева.

18) Феофана и супруги его; и собор.

19) Феофила патриарха.

20) Априуанна малорослого и иже с ним.

21) Перенесение мощей Лазаря, и пророка Иоиля и аввы Риеса, и память Парфении.

22) Мученичество Луки врача и евангелиста.

23) Успение аввы Иоасафа, и память Дионисия.

24) Память аввы Илариона монаха, иже в Газе.

25) Успение аввы Апла и аввы Епида.

26) Мученичество Тимона апостола единого от седьмидесяти.

27)  Апо-Макара епископа Едкийского.

28) Мученичество Иулии и Меркурия.

29) Мученичество Димитрия Солунского.

30) Рахима монаха.

Месяц Хатор (Ноябрь)

Первый день. Максима, Дометия и Петра.

Петра папы Александрийского, и Афанасия.

Успение Киприана и мученичество Афанасия.

Успение Иакова и Иоанна, и мученичество Фомы епископа.

Память Тимофея, и обретение св. главы Лонгина.

Собор Сотира и учеников его в монастыре, именуемом Мухрек.

Мученичество Георгия Александрийского, и обновление великий церкви его.

Память четырех животных.

Собор трехсот осьмнадесяти отец, иже в Никеи.

Мученичество пятидесяти инокинь матери их Софии.

Анны матери Пресвятыя Девы, и Елисаветы.

Архангела Михаила.

Тимофея и Захарии.

Трех отроков и Мартина епископа.

Мученичество св. Апсамны.

Обновление храма Апо-Макара подвижника.

Успение Иаонна златоустого и перенесете мощей его.

Апостола Филиппа и мученичество святых дщерей его.

Обновление храма Сергия и Вакха, и память Варфоломея.

Обновление храма Феодора, Иоанна, и Феодора патриарха.

Успение Григория Богослова, и Козмы.

Мученичество Козмы и Дамиана и матери их.

Успение Конидия, и память Марины.

Мученичество Меркурия.

Мученичество св. Пеладиака и братии его.

Иакова Персянина, и обновление храма св. Виктора.

Мученичество Сарапамона епископа Некиосийского.

Мученичество патриарха Петра, иже есть печать мучеников.

Успение Акакия папы Александрийского, и память Макария.

Месяц Квхак (Декабрь)

Успение Петра епископа Едесского.

Апахора монаха, и Вениана ерестителя.

Введение пресвятой Богородицы во храм, и мученичество Ставра.

Мученичество апостола Андрея.

Память Иоанна Ираклийского.

Память пророка Наума и Исидора мученика.

Успение Матфея нищего, игумена горы Есван.

Успение Варалана, и аввы Самуила, и аввы Иессея, и Феклы.

Пимена исповедника.

Перенесение мощей Севпра в обитель птичью, и успение Феофания.

Успение аввы Пахомия, мученичество Птоломея.

Собор в Риме, и память Апо-Хедра.

Зачатие св. Анны, и обновление храма подвижника Михаила.

Григория, и Луки столпника.

Успение Гедеона и память Анании мученика.

Перенесение мощей Луки и Моисея, в Константинополь.

Перенесете мощей апостола Тита, и память Филимона.

Успение Иоанна епископа Елперлесского, и память трех отроков.

Пророка Аггея, иже от меньших пророков.

Мученичество апостола Варнавы.

Память ангела Гавриила, и успение Евстафия.

Успение Тимофея подвижника, и пророка Давида.

Мученичество Игнатия ученика апостола и евангелиста Иоанна.

Мученичество Анастасии и Иулиании и иже с ними.

Мученичество аввы Епсада епископа.

Препразднство рождества Христова.

Рождество Христово.

Апо-Иоанна иконома, и мученичество Диоскора.

Месяц Тупе (Январь)

1) Мученичество архидиакона Стефана, и Леонтии.

2) Мученичество епископа Галлика, и патриарха Феоны.

3) Младенцев избиенных от Ирода.

4) Преставление Иоанна Богослова и евангелиста, и царя Константина.

5) Мученичество Арсения, и успение Матфея.

6) Обрезание Господне, с взятие пророка Илии на небо.

7) Успение Сал-Петра, и перенесена мощей Психсрона.

8) Успение Вениамина, и память Андроника.

9) Память пророка Малахии, иже от меньших.

10) Препразднство Богоявления.

11) Богоявления, и мученичество Анатолия.

12) Мученичество Феодора Тирона, и память архангела Михаила.

13) Брак в Кане галилейской, и перенесение мощей аввы Пеора.

14) Успение Архилина, и Максима брата Дометиева.

15) Пророка Авдия, и успение Григория.

16) Мученичество Филофея, и успение Иоанна.

17) Память Максима и Дометия.

18) Успение аввы Иакова епископа Низибийского.

19) Обретение мощей Пахора, и Пеора и Авирона.

20) Успение Прохора, единого от седмидесяти.

21) –

22) Антония великого.

23) Тимофея и Афанасия волхва.

24) Успение Марии подвижницы, и память аввы Псада.

25) Успение Петра Кананейского, и Феклы мученицы.

26) Мученичество сорока седьми в Хэхате, и Анастасии.

27) Память ангела Сориэла, и мученичество Серапиона.

28) Мученичество Климента, и Апако.

29) Ксении и Кориана.

30) Мученичество дев и Софии матери их.

Месяц. Емсор (Февраль)

1) Собор ста пятидесяти отец, иже в Константинополе.

2) Аввы Пула, и Лонгина игумена обители птичьей.

3) Иакова монаха.

4) Агапия единого от седмидесяти.

5) Егрипиана, и Апо-Еппе, и Апанона.

6) –

7) Александра и Феодора.

8) Сретение Господа десницею Симеона священника.

9) Аввы Варсамы Сирина, и аввы Павла Сирина.

10) Мученичество апостола Иакова Алфеева, и Диста.

11) Мученичество Влахлиоаса, и аввы Иоанна патриарха.

12) Пахомия и Геласия.

13) Рождество св. Виктора, и мученичество Феодора сына Василиды.

14) Аввы Севира, и аввы Иакова.

15) Пророка Захарии.

16) Сорока мучеников иже в Севастии, и успение Елисаветы.

17) Монаха Мины.

18) Влатиана папы Антиохийского.

19) Перенесете мощей Мариана монаха.

20) Успение Петра папы Александрийского, и память Василия.

21) Аввы Гавриила папы Александрийского, и Захария епископа.

22)  –

23) Мученичество Оспния сына Осилидова.

24) Мученичество Агалита епископа, и Апо-Мины.

25) Мученичество Арсения, и Филимона и Апофана.

26) Мученичество пророка Осии.

27) Мученичество Евстафия.

28) Мученичество Феодора Римского, и Иоанна монаха.

29) Исолия епископа и аввы Михола.

30) Обретение главы Иоанна крестителя, и успение Мины.

Месяц. Пармехат (Март)

1) Праксима епископа, и мученичество Александра.

2) Мучеников аввы Макрава епископа, и аввы Меркурия.

3) Аввы Козмы патриарха.

4) Собор четыренадесяти мужей на острове Пенемер.

5) Мученичество Порфирия и иже с ним.

6) Успение Серапимона эконома обители Апо-Иоанна.

7) Мученичество Диоскора, и Апаната епископа.

8) Мученичество Ариана, игемона Авды, и Филимона.

9) Мучеников Киприана и Супруги его, и Арсения.

10) Обретение честного креста от св. Елены.

11) Мученика Василия епископа Марды.

12) Открытие девства Димитрия, и память пророка Малахии.

13) Мученичество сорока четырех мученик иже в Севастии.

14) Аввы Кирилла, и Евгения и Аркадия.

15) Сарры монахины, и память Ахлия.

16) Аввы Халида патриархa Александрийского.

17) Елеазара и Георгия благочестивого, и Иосифа епископа.

18) Мученичество Исидора друга Синавиласия.

19) Аристовула единого от седмидесяти.

20) Аввы Михаила папы Александрийского.

21) Пришествие Христа и учеников его в Вифанию; и Феодора.

22) Успение Кирилла патриархa Иерусалимского, и иных.

23) Пророка Даниилла.

24) Аввы Макара папы Александрийского.

25) Криспа единого от седмидесяти.

26) Евпраксии.

27) Аввы Maкария, и распятие Спасителя.

28) Константина царя.

29) Благовещение пресвятыя Девы.

30) Празднество ангела Гаврила, и память Сампсона исполина.

Месяц Пармуде (Апрель)

1) Память Силуана, и успение Аарона священника.

2) –

3) Аввы Иоанна епископа Иерусалимского, и аввы Михаила.

4) Мученичество Виктора, и Далия и других.

5) Пророка Иезекииля сына священника Озии.

6) Марии Египетской, и осязание Фомы.

7) Иоакима родителя пресвятой Девы, и Гаия, и других.

8) Мученичество святых Агапия и Ирины и иже с ними.

9) Успение Зосимы святого, и воспоминание чудесе, бывшего чрез святого Афанасия.

10) Аввы Исаака ученика аввы Апола, и иже с ними.

11) Феодоры, и Иоанна епископа Газского.

12) Александра епископа Иерусалимского.

13) Мученичество Иисуса и Иосифа, монахов горы Хорасан.

14) Мученичество патриарха Максима.

15) Обновление храма св. Николая, и мученичество Александры.

16)  Мученичество Павла епископа, и возлюбленного ученика и епископа Иоанна.

17) Мученичество Иакова брата Иоаннова.

18) Осения и Сисения.

19) Мученичество Симеона епископа Персов.

20) Мученичество аввы Пипа из Дмириса.

21) Успение Иерофея Афонского.

22) Аввы Исаака, и Александра, и аввы Марка.

23) Мученичество св. великомученика Георгия, и Аввы Хаила.

24) Мученичество Саса, и Саланотия папы Александрийского.

25) Мученичество св. Сарры и аввы Оноды, и Феодора.

26) Мученичество Сисиния сына Сосипатрова.

27) Мученичество Виктора сына Романо.

28) Мученичество Иулия подвижника в горе Хорасанстей.

29) Ареста единого от седмидесяти.

30) Мученичество евангелиста Марка первого патриарха Александрийского.

Месяц Пахсени (Май)

1) Рождество Девы

2) Иова и Феодора ученика Пахомиева.

3) Апостола Иа единого от седмидесяти.

4) 

5) Пророка Иеремия, и мученичество Дионисия.

6) Мученичество Апо-Есхака Диррейского, и Апо- Макара Александрийского.

7) Успение Афанасия апостольского, и рождество аввы Синода.

8) Вознесение Господне, и мученичество Апо-Иоанна.

9) Успение царицы Елены, и аввы Даниила в Сехате.

10) Св. Tpex отроков.

11) Памить Феоклии супруги Иуста, и Пафнутия.

12) Арсения наставника чад царевых.

13) Святого Иоанна златоустого.

14) Аввы Пахомия и Епимаха.

15) Мученичество Симона Зилота, он же и Нафанаил.

16) Память евангелиста Иоанна.

17) Епифана епископа Кипрского.

18) Успение аввы Георгия, и Иосифа единого от седмидесяти.

19) Аввы Исаака иерея Елели, и Исидора.

20) Аввы Амуса от горы Туне, и прочих.

21) Мартиана из Дари.

22) Андроника единого от седмидесяти.

23) Иоиля единого от седмидесяти.

24) Вход Господа вЕгипет, и успение Аввакума.

25) Вход Господа в монастырь Иисуса, и мученичество Котела.

26) Мученичество апостола Фомы.

27) Успение папы Иоанна, и Елеазара.

28) Вход мощей св. Епифания в Кипр.

29) Симеона столпника иже в Антиохии.

30) 

Месяц Павне (Июнь)

1) Обновление храма Леония, и Козмы ижеТахе.

2) Обретение мощей Иоанна предтечи и пророка Елисея.

3) Успение Марфы Египетской, и Леонида епископа.

4) Мученичество Хенусия, и Апамона, и Софии.

5) Успение Иакова Тирона, и Иоанна Ираклия.

6) Мученичество Феодора монаха, и успение Апо- Майна.

7) Мученичество Апо-Есхирона иже в Келини.

8) Память храма Девы в Мехме.

9) Памяти Самуила пророка, и мученичество Лулиана.

10) Мученичество Апамона и памятьАпомакси иерея.

11) Мученичество Клавдия.

12) Успение Иуста папы Александрийского, и память ангела.

13) Успение Иоанна епископа, и празднество ангела Гавриила.

14) Мученичество Апо-Кора, и Иоанна, и Птохея и Калта.

15) Обновление храма св. Мины чудотворца.

16) Успение Апоенфера Фиваидского и подвижника.

17) Успение св. аввы Летеона.

18) Успение аввы Дамиана патриархa.

19) Мученичество св. Георгия Ельмерехим. но дни Аравитян.

20) Успение Елисея пророка и других.

21) Празднество Девы, и память Тимофея и прочих.

22) Козмы и Дамиана, и матери и братии их.

23) Успение Аланопа исповедника, и Моисея человека Божия.

24) Мученичество аввы Моисея Мурина, и прочих.

25) Мученичество сына Иосифа единого от седмидесяти.

26) Иисуса Навина, и память ангела Гавриила.

27)  Анании апостола и мученичество Фомы.

28) Феодоия, и память Марка.

29) Мученичество 7-ми подвижников иже в горе Туне.

30) Рождество Иоанна предтечи, и успение Козмы папы Александрийского.

Месяц Апип (Июль)

1) Мученичество Февронии, и двух иереев.

2) Апостола Фаддея единого от двоюнадесяти.

3) УспениеКирилла папы Александрийского, и Кельтина.

4) Перенесение мощей Кира и Иоанна, и собор аввы Пимена.

5) Мученичество Петра и Павла.

6) Мученичество Олима единого от седмидесяти, и Феодосии.

7) Аввы Синота, и Игната папы Римского.

8) Успение аввы Имоя, и мученичество Аверома и Афома.

9) Мученичество апостола Клеопы и Кладиана.

10) Мученичество Феодора епископа Пектапольского.

11) Мученичество Иоанна и Симеона, и память Исаии монаха.

12) 

13) Аввы Пастинса епископа Кофтского и других.

14) Мученичество Прокопия, и обретение мощей Пехнема и Сарры.

15) Аввы Ефрема Сирина, и Кириака и матери его.

16) Иоанна, имущего Евангелие, и Филофея.

17) Мученичество Евфимии, и обновление храма св. Пехнема.

18) Мученичество Иакова епископа Иерусалимского.

19) Мученичество Паталия врача, и прочих.

20) Мученичество Феодора сына Иоаннова.

21) Успение Сосения евнуха, и прочих.

22) Мученичество Макаре сына Василиды.

23) Мученичество Лонгина сотника.

24) Мученичество Апанопа Елвухеси, и других.

25) Мученичество Феклы равноапостольной и иже с нею.

26) Иосифа обручника, и Тимофея.

27) Мученичество Апанопа иже в Мариуте, и ангела Сориила.

28) Марии Магдалины, из нея же изошли семь бесов.

29) Перенесение мощей апостола Фаддея.

30) МученичествоМеркурия и брата его из Ахмима.

Месяц Мееря (Август)

1) Мученичество Аналия сына Иустова.

2) Иакова иерея, и других.

3) Симеона Метафраста столпника.

4) Езекеиля царя иже от семени Давидова.

5) Иоанна стратилата.

6) Мученичество Иулиты.

7) Благовещение архангела Иоакиму о рождении Девы.

8) Мученичество девяти мученик и чад.

9) Мученичество Апари из Хетнофа, и успение Клодия.

10) Матрова отца Иоаннова из Эзмона.

11) Аввы Моисея епископа.

12) Царь Константин воцарися в Риме.

13) Преображение Господне на горе Фаворстей.

14) Чудо Феофила папы Александрийского.

15) Успение Марины.

16) Вознесение телесе Пресвятой в царство небесное.

17) Мученичество Иакова, и успение Песендея.

18) Александра папы Александрийского.

19)  Пришествие мощей Апо-Макария великого в Сехат.

20) Успение седми отроков иже во Ефесе.

21) Успение Ирины.

22) Успение пророка Михея сына Иоллева.

23) Мученичество 30 000 иже в Александрии.

24) Успение Фомы епископа Мараасского.

25) Успение аввы Виссариона великого.

26)  Мученичество Матвея и Сарры сестры его, и Феклы монахинии.

27) Успение Вениамина и Евдокии сестры его.

28) Празднество Авраама, Исаака и Иакова.

29)  Мученичество Афанасия епископа и двух юношей.

30)  Малахии пророчествовавшего о пришествии Предтечи.

Дополнение

1) Апо-Иоанна, и Исоя брата Апо-Хора.

2) Тита ученика Павлова.

3) Ангела Сафаила, и Андриана и супруги его.

4) Аввы Пимена Египетского, и Арсения папы Римского.

5) Аввы Иакова, и Амоса пророка, и Варсомы обнаженного.

* * *

16

То есть от севера до юга.


Источник: Еп. Порфирий. Вероучение, богослужение и правила церковного благочиния египетских христиан (коптов). СПб.: В Тип. Имп. Акад. Наук, 1856. - 311 с.

Комментарии для сайта Cackle