Минея. Июль

2-й день

Положе́ние честны́я ри́зы Пресвяты́я Влады́чицы на́шея Богоро́дицы во Влахе́рне

ВЕ́ЧЕР

Обы́чная кафи́зма. На Господи, воззва́х: стихи́ры на 6, глас 4.

Подо́бен: Дал еси́ зна́мение:

Дал еси́, Человеколю́бче, Твою́ Ма́терь,/ по́мощь рабо́м Твои́м,/ я́ко Благоутро́бен,/ Е́юже неизрече́нное и стра́шное соде́лал еси́ смотре́ние Твое́/ и первозда́нное на́ше испра́вил еси́ Боже́ственное досто́инство./ Те́мже, всечестно́е Тоя́ чту́ще торжество́,/ воспева́ем держа́ву Твою́,/ Иису́се Всеси́льне, Спа́се душ на́ших.

Град, почита́ющий Тя и по до́лгу сла́вящий,/ огражда́еши, Всепе́тая,/ ри́зою Твое́ю честно́ю/ от безбо́жных, Чи́стая, иноплеме́нник,/ от гла́да же, и тру́са,/ и междоусо́бныя бра́ни всегда́,/ Де́во Неискусобра́чная,/ и сего́ ра́ди сла́вит Тя, Пресвята́я Богоневе́сто,/ челове́ков Помо́щнице.

Ри́зу честну́ю Твою́, Богоблагода́тная Влады́чице,/ дарова́ла еси́ гра́ду Твоему́,/ бога́тство неотъе́млемо;/ покро́в же, и сла́ву,/ и необори́му сте́ну,/ и исцеле́ний сокро́вище,/ и чуде́с исто́чник приснотеку́щий,/ приста́нище же спаси́тельное обурева́емым всегда́./ Сего́ ра́ди пое́м Тя, Препе́тая Чи́стая.

Почерпи́те, челове́цы, здра́вие души́ и те́ла:/ ра́ка бо всем предлежи́т,/ в не́йже положи́ся честна́я ри́за Присноде́вы,/ источа́ющая нам чуде́с струи́,/ и омыва́ющая серде́ц омраче́ния/ и страсте́й оскверне́ния,/ и ду́ши освяща́ющая ве́рных/ Боже́ственною благода́тию.

Сла́ва, и ны́не, глас 2:

Смысл очи́стивше и ум,/ со А́нгелы и мы торжеству́ем,/ све́тло начина́юще дави́дскую песнь Отрокови́це,/ Неве́сте всех Царя́, Христа́ Бо́га на́шего,/ воскресни́, Го́споди, глаго́люще, в поко́й Твой,/ Ты и киво́т святы́ни Твоея́,/ я́ко бо пала́ту красну́, Сию́ украси́в,/ и причте́ Ю гра́ду Твоему́, Влады́ко,/ стро́ити и покрыва́ти от супоста́тных пога́н/ держа́вною си́лою Твое́ю, моли́твами Ея́.

На стихо́вне стихи́ры, глас 1.

Подо́бен: Всехва́льнии му́ченицы:

Пала́та одушевле́нная Бо́жия/ еди́на была́ еси́/ и честну́ю ри́зу Твою́,/ в дому́ святе́м Твое́м сокрове́ну,/ ве́рным освяще́ние/ и сте́ну дарова́ла еси́ необори́му,/ ея́же ра́ди град Твой,/ Богома́ти, спаса́ется,/ воспева́я Боже́ственную держа́ву Твою́.

Стих: Воскресни́, Го́споди, в поко́й Твой,/ Ты и киво́т святы́ни Твоея́.

Ри́зу честну́ю Твою́,/ Твое́ честно́е и свято́е те́ло, Чи́стая, покры́вшую,/ оде́жду сла́вы дарова́ла еси́ всем/ и исто́чник, источа́ющ благода́ти присноживо́тныя во́ды./ Ея́же пра́зднуем положе́ние,/ почита́юще Тя, Богоро́дице, всех Честне́йшую.

Стих: Лицу́ Твоему́ помо́лятся/ бога́тии лю́дстии.

Храм Твой, Влады́чице,/ Твою́ свяще́нную ри́зу,/ я́ко сокро́вище свяще́ния нося́,/ всегда́ освяща́ет вся, ве́рою притека́ющия/ и Тя по до́лгу блажа́щия в сем вы́ну,/ упова́ние душ на́ших,/ и тве́рдый покро́в, и держа́ву.

Сла́ва, и ны́не, глас 2:

Я́ко венце́м пресве́тлым, Всечи́стая Богоро́дице,/ ри́зою Твое́ю честно́ю Це́рковь Бо́жия приоде́яся,/ и све́тится, ра́дующися днесь,/ и та́йно ликовству́ет, Влады́чице, вопию́щи Тебе́:/ ра́дуйся, диади́ма честна́я/ и ве́нче Боже́ственныя сла́вы./ Ра́дуйся, еди́на сла́вы соверше́ние/ и ве́чное весе́лие./ Ра́дуйся, к Тебе́ притека́ющим приста́нище, и избавле́ние,/ и спасе́ние на́ше.

Тропа́рь, глас 8:

Богоро́дице Присноде́во, челове́ков покро́ве,/ ри́зу и по́яс пречи́стаго Твоего́ телесе́,/ держа́вное гра́ду Твоему́ обложе́ние дарова́ла еси́,/ безсе́менным рождество́м Твои́м нетле́нна пребыва́ющи,/ о Тебе́ бо и естество́ обновла́ется и вре́мя./ Те́мже мо́лим Тя мир гра́ду Твоему́ дарова́ти/ и душа́м на́шим ве́лию ми́лость.

НА У́ТРЕНИ

На Бог Госпо́дь: тропа́рь Богоро́дицы, три́жды. По 1-м стихосло́вии седа́лен, глас 3.

Подо́бен: Красоте́ де́вства:

Красото́ю де́вства Твоего́ прекра́сное Сло́во ро́ждши,/ и Сего́ ри́зою Твое́ю, Чи́стая, а́ко Младе́нца обвила́ еси́./ Сию́ у́бо дарова́ла еси́ рабо́м Твои́м, Влады́чице,/ покро́в, по́мощь и исто́чник свяще́ния;/ ея́же честно́е положе́ние, Пресвята́я Де́во, вси ве́рно пра́зднуем.

Сла́ва, и ны́не, то́йже.

По 2-м стихосло́вии седа́лен, глас 3.

Подо́бен: Красоте́ де́вства:

Рождество́ нетле́нно и де́вство еди́на име́ла еси́, Благослове́нная,/ одеая́ние же челове́ком спаси́тельно, Твою́ святу́ю ри́зу дарова́ла еси́,/ да́же до ны́не нетле́нно пребыва́ющую, Богоневе́сто./ Ея́же ра́ди от Бо́га прие́млем, раби́ Твой, Чи́стая, ве́лию ми́лость.

Сла́ва, и ны́не, то́йже.

Аще пра́зднуем, велича́ние сие́:

Велича́ем Тя,/ Пресвята́я Де́во,/ Богоизбра́нная Отрокови́це,/ и чтим святы́я ри́зы Твоеа́/ честно́е положе́ние.

Кано́на два: пе́рвый со ирмосо́м на 8, его́же краегране́сие: Ри́зу почита́ю Пречи́стыя Де́вы. Творе́ние Ио́сифово, глас 4.

Песнь 1

Ирмо́с: Триста́ты кре́пкия,/ Рожде́йся от Де́вы,/ безстра́стия во глубине́/ души́ трича́стное потопи́, молю́ся,/ да Тебе́, я́ков тимпа́не,/ во умерщвле́нии телесе́/ побе́дное воспою́ пе́ние.

Ри́зу Твою́ честну́ю, Богоро́дице Де́во,/ чту́щим Тя лю́дем дарова́ла еси́ при́сно, свяще́нное огражде́ние,/ вся́кое сопроти́вных обстоя́ние всегда́ побежда́ющи си́лою духо́вною.

Пло́тию нас ра́ди от чи́стых Твои́х крове́й я́вльшагося на земли́/ ри́зу свяще́нную осяза́нием освяти́ла еси́ и телесе́ Твоего́ прикоснове́нием,/ ея́же ра́ди вся рабы́ Твоя́ освяща́еши, Де́во, пою́щия Тя.

Сокро́вище честно́е ве́рно Тя чту́щим дарова́ла еси́, Блага́я Де́во,/ вои́стинну честну́ю ри́зу Твою́,/ вся обогаща́ющи да́ры Боже́ственнаго Ду́ха и чуде́с мно́гими дея́нии.

Нескве́рная А́гнице, А́гнца ро́ждшая Бо́жия па́че естества́,/ дарова́ла еси́ нам честну́ю ри́зу Твою́,/ скве́рны и́стинно и вра́ски10 очища́ющую всегда́ покланя́ющихся ей, Всенепоро́чная.

Други́й кано́н на 4. Творе́ние того́же, глас то́йже.

Песнь 1

Ирмо́с: Мо́ря чермну́ю пучи́ну/ невла́жными стопа́ми/ дре́внии́ пешеше́ствовав, Изра́иль,/ крестообра́зныма Моисе́овыма рука́ма/ Амали́кову си́лу в пусты́ни победи́л есть.

Свеща́ светоявле́нная и незаходи́мая,/ Пречи́стыя храм, я́коже не́бо све́тлое, обре́т честну́ю ри́зу Ея́,/ вселе́нную днесь благода́тей просвеща́ет заря́ми.

Кре́пость и утвержде́ния сою́з, Твою́, Пречи́стая, ри́зу Боже́ственную/ вои́стинну стяжа́в, град Твой держа́ву непобеди́мую и́мать,/ тем и хва́лится о Тебе́.

Дре́вняго я́ко вои́стинну киво́та честне́йшая Твоя́ ра́ка, Богороди́тельнице, яви́ся на земли́,/ его́же зна́мения нося́щи, но и ве́рных во и́стине позна́ния сохраня́ющи.

Катава́сия: Отве́рзу уста́ моя́:

Песнь 3

Ирмо́с: Я́ко нелло́ды роди́ от язы́к Це́рковь,/ и мно́гое в ча́дех изнемо́же со́нмище,/ чу́дному Бо́гу на́шему возопии́м:/ Свят еси́, Го́споди.

Кра́сное освяще́ние, Небе́сную дверь, Бо́жию Ма́терь воспое́м/ и Тоя́ ри́зу, Боже́ственная точа́щу дарова́ния, ю́же любо́вию целу́ем.

Нетле́ния оде́ждею тле́нием обна́жшияся,/ Твои́м нетле́нным рождество́м всех оде́яла еси́, Чи́стая,/ и́мже честну́ю ри́зу Твою́ дарова́ла еси́, бога́тство неотъе́млемо.

И́же о́блаки, Чи́стая, одева́ющаго все не́бо/ ри́зою Твое́ю обвила́ еси́, Пречи́стая,/ е́йже покланя́ющеся, ве́рно Тя сла́вим, покро́ве душ на́ших.

Врачева́ние безме́здно боля́щим есть Боже́ственный сей храм:/ ри́зу бо Твою́, Чи́стая, исто́чник, непреста́нно точа́щий исцеле́ния, стяжа́, Пренепоро́чная.

Ин

Ирмо́с: Весели́тся о Тебе́ Це́рковь Твоя́, Христе́, зову́щи:/ Тя моя́ кре́пость, Го́споди,/ и прибе́жище, и утвержде́ние.

Почита́ем, ве́рнии, я́ко совокупле́ния к Бо́гу сою́з,/ Чи́стыя днесь ри́зы, ве́рно гове́юще.

Исцеле́ния ве́рным многочестна́я нам днесь/ прече́стно Чи́стыя ри́за источа́ет благода́тию.

Я́ко роса́ у́тренняя, ра́дость Твоя́ приснотеку́щая/ пещь страсте́й Тя воспева́ющих уставля́ет при́сно.

Седа́лен, глас 4.

Подо́бен: Вознесы́йся:

Чуде́с ре́ки, Богоро́дице, от всечестны́я Твоея́ ра́ки происходя́щия,/ я́ко из Еде́ма, напая́ют лице́ земли́,/ благода́ти пролива́ющия ве́рно Тя чту́щим,/ те́мже Тя воспева́ем, и ве́рно восхваля́ем, и благода́рно всегда́ взыва́ем:/ ра́дуйся, еди́на Паде́жде пою́щих Тя.

Сла́ва, и ны́не, то́йже.

Песнь 4

Ирмо́с: Любве́ ра́ди, Ще́дре, Твоего́ о́браза/ на Кресте́ Твое́м стал еси́,/ и раста́яшася язы́цы:/ Ты бо еси́, Человеколю́бче,/ кре́пость моя́ и хвале́ние.

Возвели́чим еди́ну Благослове́нную/ и Тоя́ ри́зе прико́снемся ве́рою,/ я́ко да почерпе́м благода́ть духо́вную.

Я́ко многоце́нное сокро́вище, стяжа́в Тебе́ чту́щий град/ ри́зу Твою́, Отрокови́це,/ ве́рою облобыза́ет и благода́ть прие́млет.

Ри́зу Твою́, я́ко точа́щую нетле́ние,/ оде́жду же сла́вы бы́вшую, всем песносло́вящим Тя,/ почита́ем, Всенепоро́чная.

Всенепоро́чная и еди́на благослове́нная,/ Херуви́м святе́й я́вльшися,/ ду́ши нас спаси́ от вся́каго обстоя́ния, ве́рою чту́щих Тя.

Ин

Ирмо́с: Вознесе́на Тя ви́девши Це́рковь на Кресте́,/ Со́лнце Пра́ведное,/ ста в чи́не свое́м,/ досто́йно взыва́ющи:/ сла́ва си́ле Твое́й, Го́споди.

Я́ко пречестну́ю твердь, Богоро́дице, Творе́ц и Зижди́тель Тя водрузи́вый,/ я́коже звезда́ми, украси́ Тя Боже́ственными сия́нии,/ и́миже украша́еши концы́.

От земли́ нас возвлачи́т к Небеси́, Богороди́тельнице,/ Боже́ственная Твоя́ ри́за, Чи́стая, любо́вию сея́ распале́нных те́пле,/ те́мже Тя сла́вим, я́ко лу́чшаго вину́.

Се благода́ть неисчерпа́емая, прииди́те вси сокруше́нным се́рдцем,/ почерпи́те Боже́ственныя то́ки, источа́ющия незави́стно, о празднолю́бцы,/ от честны́я ра́ки Твоея́, Всепе́тая.

Песнь 5

Ирмо́с: Ты, Го́споди, мой Свет,/ в мир прише́л еси́,/ Свет Святы́й, обраща́яй из мра́чна неве́дения/ ве́рою воспева́ющия Тя.

Ты, Влады́чице Чи́стая,/ нам, Твои́м рабо́м, дарова́ла еси́ утвержде́ние ри́зу,/ и честны́й Твой по́яс, и Боже́ственное огражде́ние.

Рай красе́н, благово́ние Ду́ха, Пречи́стая, испуща́яй,/ храм, держа́щий Твою́ ри́зу, показа́ся.

Освяти́ на́ша ду́ши и телеса́,/ ве́рою святу́ю Твою́, Пресвята́я, ри́зу почита́ющих, я́ко прече́стну.

Хра́мы ны Бо́жия в Тя Все́льшагося покажи́, Богоро́дице,/ в Боже́ственнем хра́ме Твое́м ве́рно Тя блажа́щия.

Ин, ирмо́с то́йже

Ты, Го́споди, Твою́ Ма́терь возвели́чил еси́,/ Ты возне́сл еси́ над вся вла́сти мы́сленныя без сравне́ния сла́ву Ея́.

Благода́ть Бо́жию незави́стно точа́щая Ты еси́, Пречи́стая Богоро́дице,/ от честны́я ра́ки Твоея́ любо́вию покланя́ющимся.

Твое́ю си́лою ве́рнии лю́дие опоясу́ются,/ Тя сою́з, Богоро́дице, Твой име́яй град/ ри́зою Твое́ю почита́ется.

Песнь 6

Ирмо́с: Возопи́, прообразу́я погребе́ние тридне́вное,/ проро́к Ио́на, в ки́те моля́ся:/ от тли изба́ви мя, Иису́се, Царю́ сил.

Показа́ла еси́ все́ми Ца́рствующему гра́ду, ро́ждшая Царя́ всех и Го́спода,/ я́ко неруши́мую сте́ну, честну́ю и святу́ю ри́зу Твою́.

Ра́дующеся, Де́вы благода́ть просла́вим, и Сея́ пресвяту́ю ри́зу почти́м:/ из нея́же вся́ко здра́вие немощны́м непреста́нно происхо́дит.

Вод Тя животеку́щий исто́чник ве́мы, Богоро́дице,/ и почита́ем Боже́ственную ри́зу Твою́,/ от нея́же исцеле́ние всегда́, ве́рнии, почерпа́ем.

Госпо́дь, с Тобо́ю, Богоро́дице, бы́вый,/ челове́ческое Себе́ присво́ил существо́/ и всяк вред чужда́го от него́ изгна́л есть.

Ин

Ирмо́с: Пожру́ Ти со гла́сом хвале́ния, Го́споди,/ Це́рковь вопие́т Ти,/ от бесо́вския кро́ве очи́щшися/ ра́ди ми́лости от ребр Твои́х/ исте́кшею Кро́вию.

Всю Тя па́че естества́ просла́ви Госпо́дь, всю украси́в, Отрокови́це,/ всю Тя почте́ па́че сло́ва, Богоро́дице,/ с по́ясом, ри́зою и Боже́ственною ра́кою.

Кре́пость Тя ве́рнии стяжа́вше и похвалу́,/ одева́ются сла́вою, честно́ю Твое́ю ри́зою, Богороди́тельнице,/ я́коже пресве́тлое украше́ние и честно́е Тя стяжа́вше.

Ви́дети Твою́, Богоро́дице, сла́ву неизрече́нную/ дре́вле боле́зноваху боже́ственне проро́цы вси,/ но в после́дняя дни нам яви́ся и́же лет Превы́шший.

Конда́к, глас 4.

Подо́бен: Вознесы́йся:

Одея́ние всем ве́рным нетле́ния, Богоблагода́тная Чи́стая, дарова́ла еси́,/ свяще́нную ри́зу Твою́,/ е́юже свяще́нное те́ло Твое́ покрыва́ла еси́,/ покро́ве всех челове́ков,/ ея́же положе́ние пра́зднуем любо́вию/ и вопие́м со стра́хом Ти, Чи́стая:/ ра́дуйся, Де́во, христиа́н похвало́.

И́кос:

Чи́стое одея́ние и ски́нию Бо́жия Сло́ва,/ одушевле́нный о́блак и ста́мну ма́нны, Богоро́дицу Мари́ю/ вси, спа́сшиися Рождество́м Ея́, ве́рою ублажи́м/ и честне́й ри́зе прико́снемся,/ е́юже Влады́ку объе́мши, я́ко Отроча́ носи́ла есть, в плоть обо́лкшагося,/ Его́же ра́ди челове́ческое естество́ взя́тся к превысоча́йшей жи́зни и Ца́рствию./ Те́мже с ра́достию вопие́м велегла́сно:/ ра́дуйся, Де́во, христиа́н похвало́.

Песнь 7

Ирмо́с: Авраа́мстии иногда́ в Вавило́не о́троцы/ пе́щный пла́мень попра́ша,/ пе́сньми взыва́юще:/ оте́ц на́ших Бо́же, благослове́н еси́.

Высо́ким ра́зумом и смире́нным се́рдцем Царе́в превысо́кий престо́л просла́вим,/ Всесвяту́ю Отрокови́цу обра́дованную.

Черто́г Бо́жий избра́нный,/ в честне́м Твое́м сем черто́зе лежа́щую ри́зу Твою́ ве́рою почита́ем,/ я́ко киво́т свят и благочести́вых покро́в.

Обновля́ется всяк, приступа́яй ве́рою и святы́й облобыза́яй ковче́г,/ держа́щий Твою́, Чи́стая Де́во, светови́дную ри́зу.

Богороди́тельнице Чи́стая,/ чту́щий Тя град от гла́да, тру́са же и озлобле́ния вся́каго спаса́й,/ и язы́ческаго нахожде́ния, и сопроти́внаго вре́да.

Ин

Ирмо́с: В пещи́ авраа́мстии о́троцы перси́дстей,/ любо́вию благоче́стия па́че,/ не́жели пла́менем, опаля́еми, взыва́ху:/ благослове́н еси́ в хра́ме сла́вы Твоея́, Го́споди.

Ты, я́коже со́нце пра́вды еди́н сый, Бла́же,/ Боже́ственно украси́л еси́ храм Чи́стыя разли́чными Твои́ми дарова́нии,/ в не́мже возсия́вшая лучи́ испуща́ет от Своея́ ри́зы.

Излива́ют чудеса́, Пречи́стая, Боже́ственныя ча́ши Твоя́ благода́ть вои́стинну ве́рным,/ и незави́стно чту́щим Тя от Твоея́ ра́ки пролива́ются,/ я́ко из друга́го Еде́ма, мы́сленныя ре́ки.

От скве́рны вся́кия душе́вныя,/ чисти́тельна есть Твоя́, Всенепоро́чная Де́во, ра́ка,/ покрыва́ющая честно́е Твое́ те́ло покры́вшую ри́зу.

Ны́не приступи́те с весе́лием вси, и́же на земли́,/ прииди́те, ра́ка призыва́ет та́йне,/ объя́ти Госпожи́ пресла́вную во мне сокро́виществованную ри́зу Ея́.

Песнь 8

Ирмо́с: Изба́вителю всех, Всеси́льне,/ посреде́ пла́мене благоче́ствовавшия,/ снизше́д, ороси́л еси́/ и научи́л еси́ пе́ти:/ вся дела́, благослови́те, по́йте Го́спода.

Благода́рными гла́сы воспева́ем Тя, всех до́брых нам Хода́таицу,/ и честну́ю ри́зу Твою́ облобыза́юще, Отрокови́це, взыва́ем:/ благослови́те, вся дела́ Госпо́дня, Го́спода.

Я́ко мы́сленную свещу́ иму́ще, на све́щнице трапе́зы предлежа́щую,/ свяще́нную оде́жду Пречи́стыя Де́вы, серде́чныя просвеща́ем зе́ницы всегда́.

Ника́коже безча́стны оста́вила еси́/ свяще́ннаго Твоего́, Де́во, прикоснове́ния недосто́йныя рабы́ Твоя́:/ вме́сто бо те́ла Твоего́ живоно́снаго ри́зу Твою́ всем дарова́ла еси́.

Пе́сньми Боже́ственными почти́м Бо́жие селе́ние простра́нное,/ в ма́терех Пречи́стую, Небе́сную дверь,/ е́юже заключи́ся к сме́рти дверь веду́щая.

Ин

Ирмо́с: Ру́це распросте́р, Дании́л/ львов зия́ния в ро́ве затче́;/ о́гненную же си́лу угаси́ша,/ доброде́телию препоя́савшеся,/ благоче́стия рачи́тели о́троцы, взыва́юще:/ благослови́те, вся дела́ Госпо́дня, Го́спода.

А́нгели, Пречи́стая, ны́не сликовству́ют в честне́м хра́ме Твое́м, Чи́стая,/ и окружа́ют, Влады́чице, честну́ю и святу́ю Твою́ ри́зу любо́вию и ра́достию,/ мы же весе́лием мно́гим покланя́емся,/ воспева́юще Тя, сла́ву ро́да на́шего.

Жезл, я́же цвет жи́зни прозя́бшая,/ Ты еси́ всех ра́дость многочестна́я, Пречи́стая,/ мирополо́жница Ду́ха, сокро́вище благи́х, арома́т исто́чник,/ из него́же ми́ра исцеле́ний источа́ет Боже́ственная ра́ка.

Воспева́ют, Пречи́стая, вели́чия Твоя́, Чи́стая, мы́сленная во́инства,/ пропове́дают вси патриа́рси и проро́цы я́сно,/ и апо́столи сия́, и му́чеников лик, и преподо́бных все исполне́ние,/ с ни́миже покланя́ем Ти ся.

Песнь 9

Ирмо́с: Е́ва у́бо неду́гом преслуша́ния/ кля́тву всели́ла есть;/ Ты же, Де́во Богоро́дице,/ прозябе́нием чрев оноше́ния ми́рови Благослове́ние процвела́ еси́./ Тем Тя вси велича́ем.

Се Тя, одр Соломо́нов, почита́ем ра́достными пе́сньми,/ и честну́ю Твою́ ри́зу, я́ко други́й киво́т свяще́ния, окружи́вше,/ исцеле́ния прие́млем спаси́тельная, Присноде́во.

Яви́ся ны́не Боже́ственная Твоя́ ра́ка, содержа́щая ри́зу Твою́ честну́ю,/ я́коже исто́чник све́та, Де́во,/ лучи́ исцеле́ний испуща́ющи и тьму неду́гов отгоня́щи,/ ю́же с любо́вию целу́ем.

Днесь сра́дуются нам, Всенепоро́чная, покланя́нием ри́зы Твоея́ вся Небе́сныя си́лы,/ апо́столи, проро́цы и му́ченицы, преподо́бнии и пра́веднии вси,/ Влады́чице еди́на Присноде́во.

Освяти́ся вся земля́, всесвято́е Влады́чне поко́ище, положе́нием ри́зы Твоея́,/ и Дави́д ра́дуется дре́вле положе́нием киво́та, прообразу́ющаго Тя, Присноде́во.

Све́тло одея́ние Твою́ ри́зу дарова́ла еси́ и огражде́ние/ Тя чту́щему Ца́рствующему гра́ду всех градо́в,/ я́ко Цари́ца всех тва́рей су́щи, Богороди́тельнице Ма́ти Де́во.

Ин

Ирмо́с: Ка́мень нерукосе́чный/ от несеко́мыя горы, Тебе́, Де́во,/ краеуго́льный отсече́ся,/ Христо́с, совокупи́вый разстоя́щаяся естества́./ Тем, веселя́щеся, Тя, Богоро́дице, велича́ем.

Черто́г пречестны́й сей, Богороди́тельнице, яви́ся ра́ка Твоя́,/ честну́ю Твою́ ри́зу, де́вственное же одея́ние и неве́стническое я́ко иму́щи/ и я́ко жи́зни сокро́вище соблюда́ющи.

Храм, изобража́ющий вся́ко Небе́сное благоукраше́ние Де́вы, днесь, ве́рнии, дости́гше,/ чуде́с заря́ми, я́коже звезда́ми, сия́ем, и озаря́емся благода́тию.

И́мать святы́й Твой по́яс/ и честну́ю Твою́ ри́зу, Богороди́тельнице, Твой град, я́ко сте́ну,/ и уче́ний Боже́ственных соедине́ние, и правосла́вных похвалу́,/ и во́инству победи́тельная.

Пое́м неизрече́нную сла́ву и безчи́сленную Твою́ благода́ты/ Ты бо еси́ исто́чник прему́дрости, из него́же Сло́во всем происхо́дит,/ чту́щим Тя, Пречи́стая, и велича́ющим рождество́ Твое́.

Свети́лен.

Подо́бен: Све́те неизме́нне:

Окрили́вшую Христа́/ ри́зу Богоотрокови́цы и Богоро́дицы Мари́и,/ днесь прииди́те, земноро́днии, почти́м пе́сньми,/ я́ко да благода́тию Сея́ при́сно ублажа́емся.

Сла́ва, и ны́не:

Еди́на и естество́ и вре́мя обнови́ла еси́, Богома́ти:/ нетле́нно бо Твое́ рождество́, нетле́нная и ри́за,/ е́юже град Твой покрыва́еши/ и е́юже ски́петры благоче́стия содержи́ши.

На хвали́тех стихи́ры на 4, глас 4.

Подо́бен: Я́ко до́бля:

Ра́ка, содержа́щая ри́зу Твою́, Пречи́стая,/ киво́т освяще́ния рабо́м Твои́м,/ и свяще́нное огражде́ние, и сла́ва, и похвала́,/ и исцеле́ний исто́чник на всяк день познава́ется./ Иде́же днесь свяще́нно собра́вшеся,/ воспева́ем мно́гая Твоя́ вели́чия/ и чуде́с пучи́ну.

Се ме́сто пресла́вно,/ се дом присносве́тел,/ в не́мже сокро́вище положи́ся –/ честна́я ри́за Богоотрокови́цы – благода́тию,/ приступи́те, челове́цы,/ просвеще́ние и очище́ние из нея́ проявле́нне почерпи́те/ и возопи́ите благода́рным се́рдцем:/ Пресвята́я Де́во, благослови́м Тя,/ спаса́еми рождество́м Твои́м.

Свято́е положе́ние ри́зы Твоея́, Влады́чице,/ пра́здник стяжа́хом, веселя́щеся,/ я́ко гра́ду Твоему́ днесь да́тися сподо́била еси́/ свяще́нное одея́ние,/ храни́лище некра́домо,/ дар че́стен, неотъе́млемо бога́тство,/ исцеле́ний река́, испо́лнена дарова́ний духо́вных.

Сла́ва, и ны́не, глас 2:

Смысл очи́стивше и ум,/ со А́нгелы и мы торжеству́ем,/ све́тло начина́юще дави́дскую песнь Отрокови́це,/ Неве́сте всех Царя́, Христа́ Бо́га на́шего,/ воскресни́, Го́споди, глаго́люще, в поко́й Твой,/ Ты и киво́т святы́ни Твоея́,/ я́ко бо пала́ту кра́сну, сию́ украси́в,/ и причте́ ю гра́ду Твоему́, Влады́ко,/ стро́ити и покрыва́ти от супоста́тных пога́н/ держа́вною си́лою Твое́ю, моли́твами Ея́.

Славосло́вие вели́кое. И отпу́ст.

НА ЛИТУРГИ́И

Блаже́нны, пе́сни 3-я н 6-я. Проки́мен, глас 3, песнь Богоро́дицы: Вели́чит душа́ моя́ Господа: Стих: Я́ко призре́ на смире́ние Рабы́ Своея́: Апо́стол ко Евре́ем, зача́ло 320. Аллилу́ия, глас 8: Воскресни, Го́споди, в поко́й Твой: Ева́нгелие от Луки́, зача́ло 54. Прича́стен: Ча́шу спасе́ния прииму́:

Положение честной ризы Пресвятой Богородицы во Влахерне.

Божия Матерь перед блаженным успением подарила одну из Своих одежд (ризу) благочестивой девице еврейке и завещала ей перед кончиной передать также девице. С того времени честная Риза Пресвятой Богородицы хранилась в роду этой девицы, передаваясь из поколения в поколение.

Во времена византийского императора Льва I Великого (457–474) и святого Геннадия, Патриарха Константинопольского (†471; память 3 августа), приближенные императора братья Галвин и Кандид обнаружили честную Ризу в доме престарелой еврейки. Братья, совершая паломничество в Святую Землю, посетили Назарет и остановились на ночлег в небольшом селении рядом с городом. В доме, где они ночевали, паломники обратили внимание на зажженные свечи и исходивший фимиам. Хозяйка объяснила им, что хранит великую святыню, от которой происходят многие чудеса и исцеления. Вскоре ковчег со святыней был перевезен в Константинополь. Во Влахерне (предместье Константинополя на берегу моря, у корабельной пристани) был воздвигнут новый храм в честь Божией Матери. 2 июля 458 года святитель Геннадий торжественно перенес честную Ризу во Влахернский храм и положил ее в новом ковчеге на престоле.

18 июня 860 года русский флот Киевского князя Аскольда осадил Константинополь с моря. Святой Патриарх Фотий (†891; память 6 февраля) призвал паству слезами покаяния омыть грехи и в усердной молитве прибегнуть к заступничеству Божией Матери. Опасаясь поругания святынь, хранившихся в прибрежном Влахернском храме, все их, в том числе и Ризу Богоматери, перенесли в Константинополь. Честная Риза была с крестным ходом обнесена вокруг города. С упованием на заступничество Божией Матери край Ризы погрузили в воды Босфора, а затем святую Ризу положили в храме Святой Софии. Божия Матерь Своей благодатью усмирила воинственность русских воинов. 25 июня был заключен мирный договор. 2 июля чудотворную Ризу Божией Матери вновь положили во Влахернском храме.

Предстательством Божией Матери не только совершилось спасение Константинополя от грозной осады язычников, но и началось просвещение русских светом Христовой веры. Сам Аскольд и многие из его дружины, вступив в союз с Византией, вскоре приняли Крещение. В Киеве были построены первые христианские храмы, на юге Киевской Руси основана Православная митрополия, подчинявшаяся Константинопольскому Патриарху.

С чудом от Ризы Пресвятой Богородицы связано несколько выдающихся творений византийской церковной гимнографии и гомилетики. Святителю Фотию принадлежат две проповеди, одна из которых сказана в дни осады Константинополя, а другая вскоре после ухода русских войск. Церковный писатель Георгий, хартофилакс Софийского собора в Константинополе, составил «Слово на положение Ризы Богородицы во Влахернах». В то же время был написан Акафист Пресвятой Богородице, который составляет основную часть Богослужения в день Похвалы Божией Матери. Автором его некоторые историки считают святителя Фотия.

Преподобный Нестор Летописец, говоря о походе Аскольда на Константинополь, отмечает, что с того времени «начала прозываться Русская Земля». Праздник Положения Ризы Пресвятой Богородицы во Влахерне издревле почитается в Русской Церкви. Святой князь Андрей Боголюбский (†1174; память 4 июля) воздвиг на Золотых воротах во Владимире храм в честь этого праздника. В XIV веке часть Ризы Богоматери была принесена на Русь святителем Дионисием Суздальским (†1385; память 26 июня). Матерь Божия, как в древности Константинополь, в 1451 году спасла Москву от полчищ татар под предводительством царевича Мазовши. В ночь на 2 июля в татарском стане произошло смятение, враги бросили свои повозки и в панике поспешно отошли от стен Москвы. В память о чудесном избавлении святой Митрополит Иона (†1461; память 31 марта и 27 мая) построил в Кремле церковь Ризоположения, ставшую его крестовым храмом. В 1484–1486 годах на месте сгоревшей прежней была построена новая церковь, освященная также в честь Положения Ризы Богоматери и сохранившаяся до настоящего времени.

Два канона к службе в честь праздника Положения Ризы Божией Матери написаны преподобным Иосифом Песнописцем и Григорием Никомидийским.

Литература:

1. Жития святых, на русском языке изложенные по руководству Четьих-Миней святителя Димитрия Ростовского. Кн. 11. М., 1910, с. 28–35.

2. Настольная книга священнослужителя. Т. 3. М., Изд. Московской Патриархии, 1979.

3. Димитрий (Самбикин), архиепископ. Месяцеслов святых, всею Русскою Церковью или местно чтимых, вып. 11, июль. Тверь, 1901.

4. Протопопов Д. И. Жития святых, чтимых Православной Российской Церковью, а также чтимых Греческой Церковью, южнославянских, грузинских и местно чтимых в России. М., 1885.

Пра́зднование Пресвяте́й Влады́чице на́шей Богоро́дице и Присноде́ве Мари́и ра́ди чудотво́рныя ико́ны Ей, имену́емыя «Ахты́рская»

НА ВЕЛИ́ЦЕЙ ВЕЧЕ́РНИ

Блаже́н муж: 1-й антифо́н. На Го́споди, воззва́х: стихи́ры на 8, глас 1:

А́нгельския си́лы/ Твою́ святу́ю ико́ну, Богоро́дице Де́во,/ неви́димо окружа́ют и боголе́пно честву́ют,/ земны́я вся подвиза́ют с любо́вию и ве́рою к ней притека́ти/ и ра́достно вопи́ти Тебе́:/ Благода́тная, ра́дуйся, с Тобо́ю Госпо́дь,/ подая́й Тобо́ю нам ве́лию ми́лость.

О явле́нии светоно́сныя ико́ны Твоея́/ страна́ на́ша зело́ возра́довася,/ Це́рковь же Росси́йская духо́вно обогати́ся,/ сию́ стяжа́вши, я́ко дар многоце́нен/ Твоего́ к челове́ком благоволе́ния,/ Богоро́дице Де́во, христиа́ном Блага́я Помо́щнице/ и скорбя́щим ско́рая Уте́шительнице,/ си́це вопию́щим Тебе́:/ Благода́тная, ра́дуйся, с Тобо́ю Госпо́дь,/ подая́й Тобо́ю нам ве́лию ми́лость.

Се день весе́лия и пра́здник че́стен наста́/ явле́ния чудотво́рныя ико́ны Твоея́, Богоро́дице Де́во,/ я́же неду́жным исто́чник приснотеку́щий показа́ся,/ да́ры исцеле́ния неоску́дно источа́яй,/ те́мже, ве́рнии, духо́вне возвесели́мся/ и пе́сненно возопии́м:/ Благода́тная, ра́дуйся, с Тобо́ю Госпо́дь,/ подая́й Тобо́ю нам ве́лию ми́лость.

Глас 5: Пресла́вное явле́ние о́браза Твоего́, Влады́чице,/ и мно́гая чудеса́, от него́ быва́емая,/ удивля́ют земноро́дных:/ ка́ко иере́ю благогове́йну,/ в бы́лии травно́м ико́на Твоя́ свята́я/ лучеза́рно сия́ющи,/ явле́на бысть благоволе́нием всех Творца́,/ Его́же моли́, Чи́стая,/ в пресла́вном торжестве́ Твое́м/ дарова́ти нам просвеще́ние благода́тное и ве́лию ми́лость.

Сла́ва, и ны́не, глас 6:

Прииди́те, вси концы́ земли́,/ честно́му о́бразу Бо́жия Ма́тере поклони́мся:/ Та бо, у Креста́ Христо́ва предстоя́щи/ и Пострада́вшему нас ра́ди ско́рбию ма́тернею состра́ждущи,/ всыновле́нием Ей возлю́бленнаго ученика́/ весь род христиа́нский в ма́тернее попече́ние восприя́,/ да хода́тайствует пред возлю́бленным Сы́ном и Бо́гом за лю́ди,/ Того́ честно́ю Кро́вию иску́пленныя./ Те́мже к Ней возопии́м:/ о Госпоже́ Всеми́лостивая,/ умоли́ Сы́на Твоего́,/ да спасе́т нас от бед,/ Твой пра́здник всечестны́й све́тло пра́зднующих.

Вход. Проки́мен дне. И чте́ния Богоро́дичная (зри день 8-й).

На лити́и стихи́ры, глас 6:

Го́споди Человеколю́бче,/ естество́ челове́ческое хотя́й взыска́ти/ и ко Отцу́ Твоему́ привести́, я́ко Па́стырь до́брый,/ ду́шу Твою́ на Кресте́ за о́вцы Твоя́ положи́л еси́/ и Матерь Твою́, Всенепоро́чную Де́ву,/ в Ма́терь нам и Всемо́щную Хода́таицу дарова́л еси́,/ Тоя́ моли́твами, Го́споди,/ посети́ лю́ди Твоя́/ и о́вцы па́жити Твоея́ не преда́ждь волко́м всегуби́тельным,/ но спаси́, Всеми́лостиве, достоя́ние Твое́.

Небе́сная Цари́це и Всеми́лостивая Влады́чице,/ Наде́ждо челове́ком и Заступле́ние,/ егда́ у Креста́ Сы́на Твоего́ предстоя́ла еси́,/ ору́жие ско́рби, Симео́ном предрече́нное,/ про́йде святу́ю Твою́ ду́шу,/ но Того́ воскресе́нием утеше́ние прии́мши ве́чное,/ на́ша печа́ли днесь утоли́,/ и боле́зни исцели́, и любо́вию пою́щия Тя не пре́зри,/ но посети́, и от скорбе́й изба́ви,/ и не оста́ви до конца́ поги́бнути рабо́м Твои́м.

Сла́ва, и ны́не, глас 8:

Тя мо́лим, Предста́тельницу на́шу,/ Богороди́тельнице Мари́е,/ и к Тебе́ припа́даем в ско́рбех и печа́лех:/ яви́ нам многомо́щное Твое́ заступле́ние/ и ускори́ изъя́ти от облежа́щих нас бед,/ мно́го бо мо́жет моли́тва Твоя́ ма́терняя ко благосе́рдию Влады́ки./ Сего́ ра́ди зове́м Тебе́ гла́сы немо́лчными:/ ра́дуйся, Ра́досте на́ша и спасе́ние душ на́ших.

На стихо́вне стихи́ры, глас 2:

Пресвята́я Ма́ти Бо́жия,/ ка́ко Тя возблагодари́м досто́йно,/ я́ко пресла́вно ико́ну Твою́ святу́ю/ в покро́в и утеше́ние ве́рным яви́ла еси́/ и тоя́ светоза́рным явле́нием в сердца́х на́ших/ ве́ру Правосла́вную утверди́ла еси́.

Стих: Слы́ши, Дщи, и виждь,/ и приклони́ у́хо Твое́.

Влады́чице Преблага́я,/ не забу́ди нас, смире́нных,/ ве́рою покланя́ющихся Твое́й чудотво́рней ико́не,/ и распя́тие Твоего́ Сы́на и Бо́га на́шего на ней созерца́ющих,/ и о Твое́м при Кресте́ ско́рбном предстоя́нии умиля́ющихся./ Но и нас, Госпоже́, скорбе́й вре́менных и ве́чных изба́ви,/ моли́твы к Ро́ждшемуся из Тебе́ о нас принося́щи.

Стих: Помяну́ и́мя Твое́/ во вся́ком ро́де и ро́де.

О Всепе́тая Ма́ти и Де́во,/ приклони́ся ми́лостивно к моли́твам на́шим,/ днесь пред пречи́стым о́бразом Твои́м смире́нно приноси́мым,/ покры́й нас ма́терним Твои́м покро́вом от вся́каго зла/ и защити́ от стрел вра́жиих,/ да вси непреста́нно Тя велича́ем.

Сла́ва, и ны́не, глас то́йже:

Ны́не наста́ день ра́достен честна́го торжества́ Засту́пницы на́шея,/ день, в о́ньже ико́ну Свою́ святу́ю в покро́в и утеше́ние нам явля́ет./ Сию́ у́бо любо́вию серде́чною целу́юще,/ ко изображе́нней на ней Присноде́ве си́це рцем:/ о Всеблага́я Влады́чице,/ сотвори́ ны досто́йны бы́ги такова́го да́ра ми́лости Твоея́/ и чту́щих Тя всегда́ спаса́й от вся́ких бед.

Тропа́рь, глас 4:

Преблагослове́нная Де́во, Богороди́тельнице и́стая,/ у Креста́ Сы́на Твоего́ и Бо́га на́шего предстоя́щи,/ скорбь ве́лию претерпе́ла еси́/ и благода́ть от Него́ прия́ла еси́ су́щия в ско́рбех утеша́ти./ Те́мже на пречи́стый о́браз Твой благогове́йно взира́юще/ и изображе́нную Тя на нем пред Кресто́м Спа́са на́шего ви́дяще,/ умиле́нно к Тебе́ вопие́м:/ Засту́пнице усе́рдная, блага́я и ми́лостивая!/ Ускори́ изба́вити ны от вся́кия ско́рби, ну́жды и боле́зни/ и спаси́ ду́ши на́ша,/ да Тя со благодаре́нием сла́вим во ве́ки.

НА У́ТРЕНИ

На Бог Госпо́дь: тропа́рь, дважды. Сла́ва, и ны́не, то́йже.

По 1-м стихосло́вии седа́лен, глас 4:

Боже́ственным сия́нием пречи́стый о́браз Твой, Влады́чице, Госпо́дь озари́/ и многоцеле́бное сокро́вище благода́ти Своея́ сей соде́ла:/ слепы́я просвеща́ти, разсла́бленныя укрепля́ти и всяк неду́г исцеля́ти,/ да та́ко о́браз Твой святы́й прославля́я,/ я́ко ско́рую Помо́щницу и Уте́шительницу в ско́рбех на́ших.

Сла́ва, и ны́не, то́йже.

По 2-м стихосло́вии седа́лен, глас 6:

Я́ко звезда́ многосве́тлая, ико́на Твоя́, Богоро́дице Де́во,/ в бы́лии травно́м заре́ю Боже́ственною возсия́вши, иере́ем Дании́лом обре́тена бысть,/ ю́же на ру́це прия́т свои́ и с ве́рою благогове́йною вопия́ше Ти:/ о Пресвята́я Богоро́дице Де́во,/ в житии́ мое́м и в час кончи́ны живота́ моего́ не оста́ви мене́.

Сла́ва, и ны́не, то́йже.

По полиеле́и седа́лен, глас 8:

В Ма́лей Росси́и, в ма́лем и незна́емом гра́де,/ вели́кая и пресла́вная чудеса́ явле́нием чудотво́рнаго о́браза Твоего́ показа́ла еси́, Влады́чице,/ те́мже Твои́ми ми́лостьми, Госпоже́, хва́лимся/ и Твоя́ чудеса́ велегла́сно пропове́дуем,/ я́ко Ты еси́ прибе́жище на́ше и к Бо́гу Всеми́лостивая о нас Хода́таица.

Сла́ва, и ны́не, то́йже.

Степе́нна, 1-й антифо́н, 4-го гла́са. Проки́мен, глас 4: Помяну́ и́мя Твое́ во вся́ком ро́де и ро́де. Стих: Отры́гну се́рдце мое́ сло́во бла́го, глаго́лю аз дела́ моя́ Царе́ви. Вся́кое дыхя́ние: Ева́нгелие от Луки́, зача́ло 4.

По 50-м псалме́ стихи́ра, глас 6:

Прииди́те, ве́рнии,/ просла́вим чу́дное явле́ние ико́ны Бо́жия Ма́тере,/ пресве́тлым бо сия́нием в травно́м зла́це возсия́вши,/ я́ко луч светоза́рный, град и страну́ сию́ просвети́/ и вся ве́рная ча́да Правосля́вныя Це́ркве на́шея духо́вно возвесели́,/ при́сно пою́щая Богома́тери песнь ря́достную:/ ра́дуйся, Обра́дованная, Госпо́дь с Тобо́ю.

Кано́н. глас 4. Ирмосы́ по два́жды, тропари́ на 8.

Песнь 1

Ирмо́с: Отве́рзу уста́ моя́,/ и напо́лнятся Ду́ха,/ и сло́во отры́гну Цари́це Ма́тери,/ и явлю́ся, све́тло торжеству́я,/ и воспою́, ра́дуяся, Тоя́ чудеса́.

Даждь нам сло́во, Сло́ве Бо́жий, Иису́се Всеблаги́й,/ воспе́ти ря́достное явле́ние ико́ны ро́ждшия Тя Богоневе́сты и пресла́вная Тоя́ чудеса́,/ в ни́хже си́ла Твоя́ Боже́ственная сла́вно просла́вися.

О, преди́внаго Твоего́ чудесе́, Влады́чице, и мно́гаго милосе́рдия к лю́дем:/ се бо ико́ну Твою́ честну́ю в бы́лии травно́м солнцеподо́бным сия́нием иере́ю благогове́йну явля́еши днесь/ и исцеле́ний мно́жество от Нея́ источя́еши неду́жным, я́ко Всеми́лостивая.

Ты, о Богома́ти, ро́ждшая Претерпе́вшаго нас ря́ди на дре́ве Кре́стнем распя́тие,/ умоли́ Его́ бла́гость, е́же страда́ние Его́ всегда́ пя́мятовати,/ во́лю же Его́ Боже́ственную твори́ти/ и благ Небе́сных насле́дники бы́ти.

Влады́чице Всеблага́я, умоли́ Сладча́йшаго Сы́на Твоего́ и Го́спода,/ рукописа́ние грех на́ших на Кресте́ пригвозди́вшаго,/ да сподо́бит нас досто́йно одесну́ю Его́ ста́ти/ и глас благи́й Его́ слы́шати, егда́ прии́дет во сла́ве Свое́й.

Песнь 3

Ирмо́с: Твоя́ песносло́вцы, Богоро́дице,/ Живы́й и Незави́стный Исто́чниче,/ лик себе́ совоку́пльшия, духо́вно утверди́,/ в Боже́ственней Твое́й сла́ве/ венце́в сла́вы сподо́би.

Во о́бразе неве́сты яви́лася еси́ во сне, Богоро́дице, обре́тшему ико́ну Твою́ иере́ю Дании́лу,/ лице́ Твое́ на ико́не омы́ти водо́ю повелева́ющи,/ и сия́, я́ко врачевство́ богода́нное, во исцеле́ние неду́жным яви́ся.

В ско́рбех мно́гих и гоне́ниих сконча́ти жизнь вре́менную обре́тшему ико́ну Твою́ иере́ю суди́ла еси́:/ да, я́ко зла́то, в горни́ле скорбе́й очи́стився,/ досто́ин яви́тся блаже́ннаго в ве́чности упокое́ния.

Омраче́нных нас грехи́ мно́гими, о Ма́ти Бо́жия, просвети́/ и на стезю́ спаси́тельную покая́ния напра́ви,/ отве́рзи о́чи на́ша душе́вная,/ я́коже о́чи теле́сная слепо́й жене́ и слепо́му о́троку пред ико́ною Твое́ю отве́рзла еси́,/ да у́зрим свет спасе́ния и и́мя Твое́ просла́вим свято́е во ве́ки.

Страсте́й нечи́стых беснова́ние обурева́ет нас, Госпоже́ Всеми́лостивая,/ и ины́я Помо́щницы, ра́зве Тебе́, Всеблага́я, не и́мамы,/ от сего́ душегуби́тельнаго беснова́ния изба́ви нас,/ я́коже мно́гия бесну́емыя от наси́лия вра́жия пред ико́ною Твое́ю свободи́ла еси́, я́ко Всеси́льная.

Седа́лен, глас 4:

Я́ко вои́стинну Боже́ственное украше́ние Це́ркви/ и зало́г ми́лости Твоея́ к христоимени́тым лю́дем ико́на Твоя́, Богоро́дице Де́во, показа́ся:/ всяк бо, с ве́рою к ней приходя́й,/ в неду́зех исцеле́ние, в ско́рбех утеше́ние, в беда́х вспоможе́ние от Тебе́ ско́ро прие́млет,/ Всеми́лостива бо су́щи, ми́лости Твоея́ исто́чник в чудотво́рнем о́бразе Твое́м нам зде явля́еши,/ да сла́вим и́мя Твое́ преблагослове́нное во ве́ки.

Сла́ва, и ны́не, то́йже.

Песнь 4

Ирмо́с: Седя́й в Сла́ве на Престо́ле Божества́/ во о́блаце ле́гце,/ прии́де Иису́с Пребоже́ственный/ Нетле́нною Дла́нию и спасе́ зову́щия:/ сла́ва, Христе́, си́ле Твое́й.

Еди́наго возлюби́ти Христа́ сподо́би нас, Влады́чице,/ и Ему́ при́сно угожда́ти Сама́ научи́ нас, Всеблага́я,/ я́коже боля́щую Евфи́мию, во сне той я́вльшися, ко хра́му Твоему́ приити́ наста́вила еси́/ и в нем исцеле́ние неду́гом проси́ти.

Житие́ непоро́чное на земли́ соверши́ти помози́ нам, Преблагослове́нная Де́во,/ и от разслабле́ния грехо́внаго руко́ю Твое́ю держа́вною свободи́ нас,/ я́коже зело́ разсла́бленнаго Моисе́я пред ико́ною Твое́ю исцели́ла еси́ пресла́вно.

Ты, о Благода́тная, в ми́лостивом явле́нии чудотво́рнаго Твоего́ о́браза/ страну́ на́шу благода́тно посети́ла еси́/ и ны́не чудотворе́ньми, от него́ быва́емыми, нас посеща́еши,/ и́хже мно́жество исчести́ невозмо́жно,/ но, ели́ко мо́щно, сия́ благода́рне во сла́ву Твою́ испове́дуем.

Благоче́стно отвсю́ду, о Богома́ти,/ к чудотво́рней ико́не Твое́й притека́ющия и усе́рдно покланя́ющияся/ ми́лостей Твои́х и щедро́т не лиша́еши,/ от бед сия́ спаса́ющи, от неду́г избавля́ющи, ду́хи лука́выя от них прогоня́ющи,/ утеше́ние же и здра́вие всем подаю́щи, я́ко Всеблага́я.

Песнь 5

Ирмо́с: Ужасо́шася вся́ческая/ о Боже́ственней сла́ве Твое́й:/ Ты бо, Неискусобра́чная Де́во,/ име́ла еси́ во утро́бе над все́ми Бо́га/ и родила́ еси́ Безле́тнаго Сы́на,/ всем воспева́ющим Тя/ мир подава́ющая.

К Твое́й, Де́во, прибега́ем бла́гости/ и о́чи серде́ц на́ших к Тебе́, Чи́стая, возво́дим:/ не пре́зри воздыха́ний на́ших моли́твенных,/ но бу́ди нам покро́в и Помо́щница в День су́дный.

Еди́на всем еси́ Предста́тельница, Богома́ти Влады́чице:/ услы́ши у́бо на́ша моле́ния, пред чудотво́рным о́бразом Твои́м днесь приноси́мая,/ и сподо́би нас в бу́дущем ве́це узре́ти Тя ку́пно с Сы́ном Твои́м, на о́блацех во сла́ве гряду́щим,/ и глас Боже́ственный Его́ слы́шати, призыва́ющий в Ца́рство Небе́сное.

Земля́ Росси́йская явле́нием чудотво́рнаго Твоего́ о́браза, Влады́чице, освяти́ся,/ и град ма́лый вели́к и зна́емь по благода́ти Твое́й во всех конце́х яви́ся:/ в нем бо драгоце́нное сокро́вище блюде́тся – Твоя́ целе́бная ико́на,/ зало́г сый Твоего́ к нам благоволе́ния.

Лю́тыми помышле́нии от лука́вых враг стужа́емых нас/ не оста́ви поги́бнути до конца́, Богороди́тельнице:/ трепе́щут бо си́лы Твоея́ ду́си тьмы и боя́тся и́мене Твоего́,/ я́коже мно́гажды у ико́ны Твоея́ чудотво́рныя сия́ изъяви́шася./ И́хже злоде́йства и нас изба́ви, упова́ние на Тя возложи́вших.

Песнь 6

Ирмо́с: Боже́ственное сие́ и всечестно́е/ соверша́юще пра́зднество,/ Богому́дрии, Богома́тере,/ прииди́те, рука́ми воспле́щим,/ от Нея́ ро́ждшагося Бо́га сла́вим.

Освяще́ние, здра́вие и спасе́ние душа́м и телесе́м на́шим,/ Ма́ти Бо́жия, от святы́я Твоея́ ико́ны подае́ши,/ е́йже благоче́стно покланя́емся/ и усты́ и се́рдцем благогове́йно сию́ целу́ем,/ Твоя́ чудеса́ и неисче́тную ми́лость к христиа́нскому ро́ду при́сно сла́вяще.

Ко́е благодаре́ние принесе́м Ти, Богоро́дице,/ я́ко в после́дняя ле́та такова́го да́ра сподо́била еси́ нас,/ дарова́вши нам многоцеле́бную Твою́ ико́ну?/ Тем у́бо, о Всеблага́я, о такове́й неизрече́нней ми́лости досто́йно благодари́ти Тя Сама́ нас научи́.

Боголе́пное явле́ние Пречи́стыя ико́ны Твоея́, Влады́чице,/ но́вое явле́ние Бо́жия благода́ти, Правосла́вной Це́ркви прису́щей,/ в посрамле́ние ересе́й и раско́лов показа́ся/ и я́ко но́вое утеше́ние свы́ше всем правосла́вным и ве́рным ея́ сыно́м подае́тся.

Ма́ти Бо́жия милосе́рдая,/ ми́лости Твоея́ две́ри отве́рзи нам,/ озари́ нас све́том Боже́ственныя благода́ти Твоея́/ и от мы́сленных волко́в соблюди́ нас невреди́мых,/ в Правосла́вии неруши́мом сподо́бивши нас благоугожда́ти Сы́ну Твоему́ и Бо́гу/ и прия́ти живота́ коне́ц благи́й.

Конда́к, глас 8:

Притеце́м, ве́рнии, к благода́тному ми́лостей и щедре́т исто́чнику –/ чудотво́рному Пречи́стыя Де́вы о́бразу:/ сей бо нам свы́ше дарова́ся,/ душа́м и телесе́м во спасе́ние,/ ему́же покланя́ющеся с любо́вию, возопие́м к Богоро́дице:/ о Всепе́тая Ма́ти, о Цари́це Всеми́лостивая,/ покры́й и соблюди́ нас от вся́каго зла/ Твои́м к Бо́гу ма́терним предста́тельством.

И́кос:

Пресла́вное явле́ние ико́ны Твоея́, Богоро́дице,/ ра́дости испо́лни сердца́ ве́рных сыно́в Правосла́вныя Це́ркве:/ ца́рие бо и святи́тели о сем возликова́ша/ и вси лю́дие утеше́ния Небе́снаго испо́лнишася,/ я́ко в после́дняя на́ша времена́ таковы́й дар Бо́жия благода́ти/ Росси́и свы́ше дарова́н бысть Твои́м благопромышле́нием, Влады́чице./ Мо́лим у́бо Твою́ бла́гость, уми́льно к чудотво́рному Твоему́ о́бразу припа́дающе:/ спаса́й всех нас от вся́каго зла Твои́м к Бо́гу ма́терним предста́тельством.

Песнь 7

Ирмо́с: Не послужи́ша тва́ри Богому́дрии/ па́че Созда́вшаго,/ но, о́гненное преще́ние му́жески попра́вше,/ ра́довахуся, пою́ще:/ препе́тый отце́в Госпо́дь и Бог, благослове́н еси́.

Вдови́ц заступле́ние и сиро́т Покрови́тельнице, Влады́чице Пречи́стая,/ не́кия умира́ющия ма́тере моли́тву о ча́дех ея́ услы́шала еси́/ и па́че наде́яния сиро́тствующия дще́ри ея́ благоустро́ила еси́,/ я́же сла́вити навыко́ша ми́лость Твою́ по вся дни живота́ своего́.

Извеще́ние от Тебе́, Богоро́дице, благочести́вая императри́ца Елисаве́та прии́мши,/ сиро́тствующия две отрокови́цы под кров своего́ попече́ния восприя́т,/ Твою́ же ико́ну честну́ю зело́ возлюби́/ и но́вый храм вме́сто ве́тхаго от щедрот свои́х ца́рских благоле́пно сооруди́.

Изве́стная ве́рных еси́ Помо́щница и вся́ких благ Пода́тельница, Пречи́стая Де́во,/ ико́ною бо Твое́ю чудотво́рною неисче́тныя ми́лости прося́щим подае́ши/ и вся спаса́еши, и́же Тебе́ ве́рно вопию́т от души́:/ поми́луй и спаси́ нас, Влады́чице.

Ма́ти Бо́жия Всеблага́я,/ милосе́рдых щедро́т Твои́х не лиши́ нас, обнища́вших во гресе́х,/ и от че́люстей мы́сленнаго во́лка исхити́ ду́ши на́ша,/ да не поги́бнем до конца́, но прино́сим при́сно плоды́ покая́ния Бо́гу.

Песнь 8

Ирмо́с: О́троки благочести́выя в пещи́/ Рождество́ Богоро́дичо спасло́ есть;/ тогда́ у́бо образу́емое,/ ны́не же де́йствуемое,/ вселе́нную всю воздвиза́ет пе́ти Тебе́:/ Го́спода по́йте, дела́,/ и превозноси́те Его́ во вся ве́ки.

О, пресла́вных чуде́с Твои́х, Влады́чице, и мно́гаго Твоего́ к челове́ком сострада́ния:/ еди́ным бо прикоснове́нием к ико́не Твое́й немощны́я врачу́еши/ и издале́че, в со́ниих и виде́ниих, к ней тре́бующих Твоего́ заступле́ния призыва́еши.

Вода́ освяще́нная и еле́й от лампа́ды ико́ны Твоея́ святы́я/ неду́ги неисце́льныя, Богоро́дице Де́во, врачу́ют/ и о́ныя с ве́рою прие́млющим во исцеле́ние и спасе́ние быва́ют;/ сего́ ра́ди Тя, Цели́тельницу, ублажа́ем/ и чудеса́ Твоя́, от ико́ны Твоея́ явле́нная и присноявля́емая, сла́вим.

Воспе́ти пречи́стаго о́браза Твоего́ явле́ние сподо́би нас, Влады́чице,/ и пе́ний на́ших хвале́бных, Тебе́ от усе́рдия возноси́мых днесь, не пре́зри,/ но приими́, Всепе́тая, моли́твы раб Твои́х/ и пода́ждь нам в ну́ждах и беда́х по́мощь Твою́ держа́вную/ и Твоего́ заступле́ния благода́ть.

Днесь ра́дости испо́лнила еси́ нас, Богоро́дице,/ яви́вши нам ико́ну Твою́ святу́ю ди́вно,/ на ню́же взира́юще и с любо́вию ей покланя́ющеся, Тебе́ си́це вопие́м:/ Ма́ти Бо́жия, спаси́ град и страну́ явле́нием ико́ны Твоея́ просла́вленныя/ и вся ны поми́луй, я́ко милосе́рдая Предста́тельница.

Песнь 9

Ирмо́с: Всяк земноро́дный/ да взыгра́ется, Ду́хом просвеща́емь,/ да торжеству́ет же Безпло́тных умо́в естество́,/ почита́ющее свяще́нное торжество́ Богома́тере,/ и да вопие́т:/ ра́дуйся, Всеблаже́нная Богоро́дице,/ Чи́стая Присноде́во.

Явле́ние преди́вныя ико́ны Твоея́, Ма́ти Бо́жия, славосло́вим ра́достно:/ сия́ бо, в бы́лии травно́м све́том Боже́ственным сия́ющая, яви́ся/ и чуде́с мно́жество сотвори́,/ я́ко вои́стинну Твоего́ к нам благоволе́ния зало́г Богодарова́нный.

Я́ко звезда́ светоза́рная, ико́на Твоя́, Пресвята́я Богоро́дице Де́во,/ явле́нием свои́м Це́рковь Росси́йскую благода́тно озари́:/ лучи́ бо чуде́с испуща́ет и ве́рныя ду́ши к славосло́вию Бо́га, все́льшагося в Тя, приво́дит,/ я́ко Тобо́ю па́дшему челове́честву благоде́ющаго.

Еди́наго от Тро́ицы нетле́нно ро́ждши, Богороди́тельнице,/ ма́тернее к Нему́ дерзнове́ние и́маши:/ слы́шит бо моли́тву Твою́ Сын Твой и Бог/ и ми́лостивно к проше́нию Твоему́ приклоня́ется,/ Его́же не преста́й моли́ти за род христиа́нский, при́сно в пе́снех Тя сла́вящий.

Приими́ на́ша хвале́бныя гла́сы, Влады́чице, и пе́ние смире́нное не отве́ргни,/ но, я́ко Сын не́когда Твой две ле́пте вдови́цы прия́т,/ та́ко и на́ше славосло́вие благоуго́дно да бу́дет пред Тобо́ю./ Сла́ва Тебе́, Богоро́дице Де́во,/ ико́ною Твое́ю честно́ю пресла́вная чудеса́ творя́щей, сла́ва Тебе́.

Свети́лен, глас 4:

Пречи́стаго о́браза Твоего́ явле́ние, Ма́ти Бо́жия, пра́зднуем све́тло,/ и́бо в нем Твои́х чудотворе́ний вели́чество познае́м/ и Твои́х щедро́т мно́жество прие́млем:/ ми́луеши бо и ще́дриши чту́щия Тя/ и от бед спаса́еши упова́ющия на Тя, Богоро́дице Всепе́тая и Неискусобра́чная.

Сла́ва, и ны́не, то́йже.

На хвали́тех стихи́ры на 4, Глас 8.

Подо́бен: О, пресла́внаго чудесе́:

О, пресла́внаго чудесе́!/ Ве́лия ра́дость днесь Росси́и возсия́,/ благода́тная бо ико́на Твоя́, Богоро́дице,/ а́нгельскима рука́ма неви́димо принесе́ся/ и посреде́ бы́лия травна́го, луча́ми све́та сия́ющи,/ я́ко сокро́вище нетле́нное яви́ся,/ благоче́стию во утвержде́ние и ве́рным во спасе́ние,/ о ея́же явле́нии ра́дующеся, Тебе́, Влады́чице, мо́лим:/ спаси́ ду́ши на́ша, я́ко Милосе́рда.

О, пресла́внаго чудесе́!/ Превы́ше ины́х стран Росси́йская страна́ почте́ся/ явле́нием в ней ико́ны Твоея́, Богоро́дице,/ сия́ бо я́ко Небе́сный дар просла́влена бысть/ и исцеле́ний мно́жество соверши́./ Сего́ ра́ди любо́вию к ней припа́даем/ и моле́бно Тебе́ вопие́м:/ от бед изба́ви нас, Влады́чице,/ и спаси́ ду́ши на́ша, я́ко Милосе́рда.

О, пресла́внаго чудесе́!/ Исто́чник исцеле́ний в Ма́лей Росси́и яви́ся –/ ико́на Твоя́ многочуде́сная, Богоро́дице,/ ю́же в ма́лем гра́де вели́кими чудесы́ Госпо́дь просла́ви,/ в зна́мение прису́щей Це́ркви благода́ти Его́/ и в благослове́ние свы́ше стране́ Росси́йстей./ Сию́ у́бо боголе́пным поклоне́нием честву́ем/ и со умиле́нием Тебе́ вопие́м:/ Правосла́вие утверди́ в Росси́и непоколеби́мо, Влады́чице,/ и спаси́ ду́ши на́ша, я́ко Милосе́рда.

Сла́ва, и ны́не, глас 6:

Блажи́м Тя, вси ро́ди, Богоро́дице,/ я́ко ра́дости вся ны испо́лнила еси́/ явле́нием чудотво́рныя Твоея́ ико́ны/ и мно́гих от Нея́ исцеле́ний дарова́нием:/ ду́ши бо и телеса́ врачу́еши/ и вся́кия ско́рби утоля́еши/ честна́го о́браза Твоего́ осене́нием,/ ему́же днесь покланя́ющеся, усе́рдно мо́лим Тя:/ сподо́би, Влады́чице, Твоя́ рабы́/ в бу́дущем ве́це избра́нных ра́дости.

НА ЛИТУРГИ́И

Блаже́нны от кано́на, пе́сни 3-я и 6-я. Проки́мен, Апо́стол, Ева́нгелие и прича́стен Богоро́дице о́бщии.

Моли́тва

О Преблагослове́нная и Многоми́лостивая Влады́чице ми́ра! Се мы, гре́шнии, на святы́й о́браз Твой взира́юще и на нем Тя в ско́рби и сострада́нии Распя́тому за нас Христу́ Спаси́телю предстоя́щу ви́дяще, усе́рдно мо́лим Тя, изве́стную о нас к Сы́ну Твоему́ Моли́твенницу: не оста́ви нас в день испыта́ния и ско́рби, но во искуше́ниих и напа́стех, нам быва́емых, огради́ нас всечестны́м покро́вом Твои́м от враг ви́димых и неви́димых и даждь нам си́лу, во е́же всесоверше́нную и благу́ю во́лю Творца́ и ми́ра Влады́ки твори́ти. Зри́ши бо, ми́лостивая Засту́пнице на́ша, коли́ко грехо́м вся́ческим подве́ржени есмы́: не то́кмо бо во́лею согреша́ем, но и нево́лею в многоразли́чныя прегреше́ния впада́ем. Сего́ ра́ди к Тебе́, держа́вней Устрои́тельнице спасе́ния христиа́нскаго, прибега́ем и умиле́нно вопие́м: ум наш позна́нием Боже́ственныя и́стины просвети́, се́рдце на́ше теплото́ю христиа́нския любве́ и спаси́тельных жела́ний согрева́й, во́лю же на́шу в нелицеме́рнем за́поведей Госпо́дних исполне́нии утверди́. Ей, Госпоже́ Преми́лостивая, прини́кни с высоты́ Небе́сныя к воздыха́нием и моли́тве нас, гре́шных: исцели́ боле́зни неду́жных, умири́ сердца́ озло́бленных, даждь терпе́ние стра́ждущим, внуши́ страх Бо́жий оби́дящим, укрепи́ гони́мыя за пра́вду, сиро́ты и вдо́вы защити́, пода́ждь утеше́ние пла́чущим, испроси́ проще́ние ка́ющимся, де́монскую же бу́рю страсте́й во гре́шных душа́х утиши́ и в сердца́х, чту́щих Тя, Христо́ву кро́тость и любо́вь вкорени́ и ду́хом милосе́рдия и сострада́ния сия́ утверди́; отпа́дшия же от ве́ры еретики́ и отсту́пники к позна́нию и́стины напра́ви и уста́ нечести́вых, ху́лящих Святу́ю Це́рковь и ве́ру Правосла́вную понося́щих, загради́. Отше́дшим от жития́ сего́ отце́м, и бра́тиям, и се́страм на́шим, о Ма́ти Бо́жия, проще́ние грехо́в и преднача́тие блаже́нства ве́чнаго испроси́. Егда́ же и на́шея кончи́ны час прибли́жится, тогда́ у́бо, о Влады́чице, приими́ ду́шу на́шу и в со́нме пра́ведных сию́ упоко́й, иде́же ли́цы А́нгел и святы́х уго́дник немо́лчно славосло́вят держа́ву и ми́лость Отца́ и Сы́на и Свята́го Ду́ха и Твое́ ма́тернее о нас предста́тельство и заступле́ние, ны́не, и при́сно, и во ве́ки веко́в. Ами́нь.

Ахтырская икона Божией Матери получила наименование от названия небольшого города Ахтырка в Харьковской губернии. В этом городке был храм в честь Покрова Пресвятой Богородицы, где в первой половине XVIII века жил благочестивый и добродетельный священник Василий Данилов11. Летом 1739 года, по Промыслу Божию, отец Василий обрел чудотворную икону Божией Матери, которая впоследствии и стала называться Ахтырской. Однажды он косил траву около своего дома и внезапно в густой высокой траве увидел светящуюся необыкновенным светом икону, на которой была изображена Божия Матерь, молящаяся перед Распятием. В благоговейном страхе отец Василий опустился на колени и стал молиться Божией Матери, а затем отнес икону в свой дом. Через некоторое время стали замечать, что в комнате, где стояла икона, невозможно находиться одному: на человека нападал таинственный страх. Желая обновить живопись иконы, отец Василий отдал ее иконописцу Иоанну, но Иоанн услышал голос, повелевший отнести икону назад и вернуть ее священнику.

Через три года отец Василий вновь увидел от иконы чудесное сияние, которое впоследствии неоднократно повторялось. Вскоре в сонном видении он получил указание обмыть икону и покрыть покрывалом. Пробудившись, он немедленно исполнил повеление. Воду, которой обмывалась икона, отец Василий перелил в сосуд и хотел утром вылить в реку. В ожидании утра он снова уснул, и ему вторично явилась Божия Матерь и повелела не выливать воду, т. к. она исцеляет от лихорадки. После сна отец Василий напоил этой водой свою дочь, болевшую лихорадкой, и она исцелилась. Многие больные, испив воды, также исцелились. Известие о новой чудотворной иконе быстро распространилось. По благословению Молдавского митрополита Антония (Черновского; 1742–1748), в 1743 году было произведено расследование чудесных исцелений. После получения письменных подтверждений очевидцев было составлено донесение в Синод. По повелению императрицы Елизаветы Петровны от 26 ноября 1744 года было произведено новое расследование, а затем, в 1746 году, – еще одно, которое возглавили архиепископ Черниговский Амвросий (Дубневич; 1742–1750) и архимандрит Киево-Печерской Лавры Тимофей (Щербатский; впоследствии митрополит Киевский).

В 1751 году Святейший Синод постановил почитать новоявленную Ахтырскую икону чудотворной. В Ахтырке был заложен святителем Белгородским Иоасафом (†1754; память 10 декабря) величественный собор по проекту архитектора Растрелли. В 1766 году, по благословению епископа Белгородского Порфирия (Крайского; 1763–1768), было установлено празднование в честь Ахтырской иконы – 2 июля. В 1768 году собор был освящен в честь Покрова Пресвятой Богородицы. С 1844 года ежегодно, в субботу перед Днем Святой Троицы, чудотворная икона переносилась с торжественным ходом из собора в Ахтырский Троицкий монастырь. В Неделю Всех святых Ахтырская икона возвращалась в Покровский собор.

Ныне чудотворный образ Ахтырской Божией Матери находится в кладбищенском храме во имя святых жен-мироносиц в г. Ахтырке.

Литература:

1. Иванов С. Явление Ахтырской иконы Божией Матери. – «Русский паломник», 1914, № 26.

2. Снессорева С. Земная жизнь Пресвятой Богородицы и описание святых чудотворных Ее икон. СПб., 1898, с. 292–294.

3. Димитрий (Самбикин), архиепископ. Месяцеслов святых, всею Русскою Церковью или местно чтимых. Вып. 11, июль. Тверь, 1901, с. 11–16.

Пренесе́ние моще́й святи́теля Арсе́ния, епи́скопа Тверска́го

НА МА́ЛОЙ ВЕЧЕ́РНИ

На Го́споди, воззва́х: стихи́ры, глас 1

Доброде́телию Боже́ственною,/ я́коже ле́ствицею, Арсе́ние преблаже́нне,/ на Небе́сныя круги́ возше́д,/ не во мра́це заше́л еси́ неве́дения,/ но во благода́ти Боже́ственней яви́лся еси́, святи́телю,/ прие́мля неизрече́нная сия́ния.

Умо́м просвеще́нным/ ду́шу свою́, святи́телю, просвети́л еси́,/ от земны́х преста́вився в Ца́рство Христо́во, Арсе́ние всеблаже́нне,/ и во святи́телех ты свети́льник яви́лся еси́ пресве́тел,/ пи́щи приснопребыва́ющия ны́не наслажда́ешися,/ Боже́ственною сла́вою озаря́емь.

Тро́ице Безнача́льней и Единосу́щней/ яви́лся еси́ вселе́ние пресвято́е,/ святи́телю Богоно́се Арсе́ние,/ те́мже и показа́ тя пресве́тла свети́льника,/ от мяте́ж жите́йских бо уклони́лся еси́/ и ны́не со безпло́тными/ житие́ на Небесе́х приобре́л еси́.

Прииди́те, и́ночествующих мно́жество, днесь,/ святи́теля Арсе́ния чудотво́рца пе́сньми и пе́нии восхва́лим/ и честну́ю и многоцеле́бную ра́ку, обстоя́ще, любе́зно облобыза́ем, глаго́люще:/ ра́дуйся, пресла́вный святи́телю Арсе́ние, о́тче наш,/ гра́ду Твери́ пресла́вный свети́льниче;/ ра́дуйся, я́ко чи́сте Чисте́йшему Све́ту присовокупи́выйся;/ ра́дуйся, я́ко Святе́й Тро́ице предстоя́й со Ангелы,/ Ю́же моли́ непреста́нно/ дарова́ти душа́м на́шим ве́лию ми́лость.

Богоро́дице, Ты еси́ лоза́ и́стинная,/ возрасти́вшая нам Плод Живота́,/ Тебе́ мо́лимся:/ моли́ся, Влады́чице, со святы́ми апо́столы/ поми́ловати ду́ши на́ша.

НА МА́ЛОЙ ВЕЧЕ́РНИ

На Го́споди, воззва́х: стихи́ры, глас 1:

Сла́ва, глас 6:

И ны́не, Богоро́дичен:

На стихо́вне стихи́ры, глас 2.

Подо́бен: До́ме Евфра́фов:

Дом и жили́ще/ Ду́ху Пресвято́му,/ прему́дре Арсе́ние, был еси́./ Те́мже и нас до́мы Тому́ соде́лай,/ и́же твое́ свято́е пренесе́ние почита́ющих.

Стих: Уста́ моя́ возглаго́лют прему́дрость/ и поуче́ние се́рдца моего́ ра́зум.

Дом Ду́ха Свята́го сый/ и гра́ду на́шему утвержде́ние,/ святи́телем похвало́,/ соверше́нный ве́рою,/ Арсе́ние, святи́телю му́дре, был еси́.

Стих: Свяще́нницы Твои́ облеку́тся в пра́вду,/ и преподо́бнии Твои́ возра́дуются.

Дом неоску́дныя благода́ти/ и град кре́пкий,/ на враги́ побе́да сый,/ возвы́си рог христиа́н правосла́вных/ моли́твами твои́ми ко Го́споду.

Сла́ва, глас 8:

Всечестна́я и чудотвори́вая ра́ка,/ иде́же лежи́т трудолю́бное и свято́е те́ло твое́, Арсе́ние, святи́телю о́тче наш,/ исцеле́ния неоску́дная подава́ет приходя́щим с ве́рою/ и душетле́нныя стра́сти исцеля́ет,/ бесо́вская же мно́жества отгоня́ет,/ те́мже и ста́до и́нок твоея́ оби́тели/ чудесе́м твои́м удивля́ются,/ ра́достно от души́ вопию́т ти:/ Богоблаже́нне и преподо́бне о́тче наш, святи́телю Арсе́ние,/ моли́ Христа́ Бо́га/ уще́дрити мир и спасти́ ду́ши на́ша.

И ны́не, Богоро́дичен, глас то́йже:

Влады́чице, приими́ моли́твы раб Твои́х/ и изба́ви нас/ от вся́кия ну́жды и печа́ли.

Тропа́рь пи́сан на вели́цей вече́рни.

НА ВЕЛИ́ЦЕЙ ВЕЧЕ́РНИ

Блаже́н муж: 1-й антифо́н. На Го́споди, воззва́х: стихи́ры, глас 2.

Подо́бен: Ки́ими похва́льными:

Ки́ими похва́льными венцы́/ венча́ем святи́теля Арсе́ния?/ Иже плоть свою́ умертви́вша,/ духо́вно ко всем достиза́юща,/ чистоту́ того́ лю́бящим,/ всем и́ноком предста́теля и засту́пника/ и всем скорбя́щим уте́шителя,/ Це́ркви столпа́ неподви́жима,/ ве́рным побо́рника,/ его́же ра́ди шата́ния враго́в Христо́с низложи́,/ име́яй ве́лию ми́лость.

Ки́ими пе́сньми и пе́нии/ похва́лим святи́теля Арсе́ния?/ Преподо́бным лико́м соприча́стника,/ благоче́стию побо́рника,/ храм Пречи́стыя воздви́гша пречу́ден/ и Богодухнове́нное ста́до собра́вша учени́к свои́х/ и общежи́тельство устро́ивша,/ его́же ра́ди шата́ния враго́в Христо́с низложи́,/ име́яй ве́лию ми́лость.

Ки́ими да́ры духо́вными и похвала́ми/ похва́лим град наш Тверь?/ Я́ко такова́ име́ в себе́ святи́теля,/ Богому́драго Арсе́ния,/ в после́дняя ле́та нам возсия́вшаго,/ его́же бога́тство обрето́хом/ из да́вних лет сокрове́нно, те́ло его́ це́ло и неистле́емо,/ не под одро́м светя́, но на све́щнице,/ ра́ка же его́ не от зла́та, ни от ка́мения драга́го облистава́ше,/ но от Свята́го Ду́ха сия́ше благода́тию чуде́с,/ исцеле́ния бо подава́ет приходя́щим с ве́рою,/ его́же ра́ди ко́зни вра́жия Христо́с низложи́,/ име́яй ве́лию ми́лость.

Ины стихи́ры, глас 4.

Подо́бен: Зва́нный свы́ше:

Егда́ Боже́ственное раче́ние на́йде на тя, блаже́нне Арсе́ние,/ тогда́, мирска́я мудрова́ния дале́че отри́нув,/ страх Бо́жий в се́рдце свое́ восприя́л еси́,/ и, во оби́тель Пречи́стыя в Ки́ев прише́д,/ преподо́бным игу́меном Киприа́ном наставля́емь,/ и от него́ а́нгельскому о́бразу сподо́бился еси́,/ и, мно́гим доброде́тельми о́браз быв,/ ду́шу и ум от страсте́й очи́стил еси́,/ те́мже мо́лим тя:/ моли́, святи́телю, спасти́ся душа́м на́шим.

Судо́м Бо́жиим/ умоле́н быв вели́ким кня́зем Михаи́лом Тверски́м/ на архиере́йский престо́л епи́скопства,/ и отце́м твои́м Киприа́ном, митрополи́том всея́ Росси́и,/ поста́влен был еси́ Це́ркви Бо́жии па́стырь и́стинен,/ и без ле́ности кня́зя и лю́ди посту́ и ми́лостыни науча́л еси́,/ еретики́ же, я́ко во́лки, отогна́л еси́,/ си́рым и вдови́цам я́ко оте́ц/ и в напа́стех гото́вейший засту́пник и уте́шитель те́плый был еси́,/ моли́ Спа́са всех, святи́телю Арсе́ние, непреста́нно/ о всех чту́щих тя,/ спасти́ и просвети́ти ду́ши на́ша.

Егда́ Боже́ственное наи́тие на́йде на тя, святи́телю,/ тогда́, мирска́я возненави́дев,/ в Пече́рский монасты́рь прише́л еси́,/ и, та́мо и́го Христо́во на себе́ взем,/ преподо́бным отце́м Анто́нию и Феодо́сию во всем после́довал еси́,/ и подо́бник им во всем был еси́,/ отону́дуже и о́браз мно́гим воздержа́нием и моли́твами бы́ти сподо́бился еси́./ Те́мже мо́лим тя:/ моли́, святи́телю Арсе́ние,/ спасти́ и просвети́ти ду́ши на́ша.

Сла́ва, глас 8:

Всяк град и страна́/ да почуди́тся ны́не о пресла́вных вели́чиих Бо́га на́шего,/ и вся́ка уста́ да подви́жутся на похвале́ние Христа́ Бо́га,/ я́ко в после́дняя времена́ и ро́ды/ такова́ нам произведе́ свети́льника, вели́каго святи́теля,/ присноблаже́ннаго Арсе́ния./ Те́мже вопие́м ему́:/ ра́дуйся, упасы́й Христо́ву Це́рковь и лю́ди своя́,/ и́хже ра́ди ны́не на Небесе́х в весе́лии водворя́ешися;/ ра́дуйся и ты, Богохрани́мый гра́де Тверь,/ я́ко такова́ име́л еси́ в себе́ пожи́вшаго святи́теля;/ весели́теся и вы, лю́дие сего́ гра́да,/ я́ко такова́ святи́теля и учи́теля сподо́бистеся прия́ти;/ ра́дуйся, Бо́жия Ма́тере це́рковь,/ я́ко люби́мый тобо́ю в тебе́ почи́л есть, Богому́дрый Арсе́ний./ Но, о Богоблаже́нный о́тче,/ непреста́нно моли́ся о ста́де свое́м,/ и́же ве́рою чту́щих всечестно́е твое́ пренесе́ние.

И ны́не, Богоро́дичен: Царь Небе́сный:

Вход. Проки́мен дне. И чте́ния 3 святи́тельская (зри день 3-й).

На лити́и стихи́ры, глас 5:

Ра́дуйся, святи́телем пра́вило,/ Це́ркви непоколеби́мое утвержде́ние,/ сла́во правосла́вным, чуде́с исто́чниче,/ любве́ струе́ неистощи́мая,/ свети́льниче многосве́тлый,/ духо́вный орга́не, у́ме Боже́ственный,/ кро́ткий и незло́бивый/ и кро́тостию и́стинною украша́емый,/ челове́че Небе́сный, земны́й а́нгеле,/ виногра́да Христо́ва де́лателю,/ Госпо́день дру́же бли́жний,/ Того́ моли́, Тому́ помоли́ся, святи́телю,/ пода́ти тя чту́щим ве́лию ми́лость.

Кро́ток и насле́дник земли́ кро́тких/ ты вои́стинну яви́лся еси́,/ святи́телю Арсе́ние, отце́м сла́во,/ це́рковь пречу́дну Богома́тери воздви́гл еси́/ и Боже́ственным уче́нием ве́рныя просвети́л еси́,/ и веле́ние Боже́ственное всем уясни́л еси́ и показа́л еси́,/ и спасе́нная возне́с ду́хом,/ вся же правосла́вныя просве́щь ясне́йше,/ еди́но сла́вити Сло́во, я́ко вои́стинну Единосу́щное Отцу́ и Собезнача́льное,/ подаю́ща ми́рови ве́лию ми́лость.

Стра́сти умертви́л еси́ плотски́я,/ ме́ртва му́жа тридне́вна из гро́ба благода́тию Бо́жиею воскреси́л еси́/ и вра́жие стремле́ние моли́твами твои́ми обузда́л еси́, святи́телю,/ бе́сныя и разсла́бленныя исцеля́еши,/ Го́споду тя пресла́вно прославля́ющу,/ те́мже велегла́сно твою́ па́мять прославля́ем/ и пренесе́ние моще́й твои́х,/ свяще́нную ра́ку почита́ем,/ из нея́же истека́ет исцеле́ний Боже́ственная река́,/ подаю́щи ве́лию ми́лость.

Сла́ва, глас 8:

Прииди́те, и́ноческая мно́жества, днесь,/ псало́мская пе́ния, я́ко цве́ты духо́вныя, принесе́м/ вои́стинну и́ноком бы́вшему удобре́ние,/ преподо́бным сожи́телю,/ его́же хва́ляще, си́це рцем:/ ра́дуйся, свети́льниче многосве́тлый,/ возводя́ ко Христу́ и́нок мно́жество;/ ра́дуйся, гра́ду на́шему Твери́ похвало́ и утвержде́ние,/ и всем ве́рным благоути́шное приста́нище,/ и исцеле́ние боля́щим во гресе́х,/ на Боже́ственное тех возвыша́я раче́ние;/ его́же пречестно́е и свято́е днесь пренесе́ние пра́зднующе/ и А́нгелом гове́йную обстоя́ще ра́ку, любе́зно облобыза́ем, глаго́люще:/ святи́телю Арсе́ние, о́тче наш,/ моли́, про́сим тя, получи́ти твои́ми моли́твами ми́рови мир/ и душа́м на́шим дарова́ти ве́лию ми́лость.

И ны́не, Богоро́дичен.

На стихо́вне стихи́ры, глас 4.

Подо́бен Я́ко до́бля:

Я́ко звезда́ многосве́тлая/ Христа́, Со́лнца Незаходи́маго,/ заря́ми твои́х доброде́телей всех просвеща́еши,/ блиста́нием чуде́с вся концы озаря́еши,/ Богоблаже́нне и Богому́дре о́тче Арсе́ние,/ и́же ве́рою чту́щих святу́ю па́мять твою́/ и честно́е обре́тение моще́й твои́х/ в пе́снех све́тло почита́ющих.

Стих: Уста́ моя́ возглаго́лют прему́дрость/ и поуче́ние се́рдца моего́ ра́зум.

Я́ко свети́льник многосве́тлый/ и боля́щим врач преизря́дный,/ и́ноком па́стырь доброразсу́дный показа́лся еси́,/ оте́честву на́шему ору́жие спасе́ния и на враги́ побе́да,/ и всей ру́сстей земли́ удобре́ние,/ и моле́бник ве́рен о всех,/ и́же ве́рою и́мя твое́, Арсе́ние, призыва́ющих/ и любо́вию пра́зднующих пренесе́ние честны́х моще́й твои́х.

Стих: Свяще́нницы Твои́ облеку́тся в пра́вду,/ и преподо́бнии Твои́ возра́дуются.

Я́ко цвет благово́нен и кади́ло благоуха́ния/ и я́ко Боже́ственная мирополо́жница,/ воню́ масте́й твои́х во вся страны́ испуща́еши/ и мо́лниями чуде́с твои́х лю́ди христоимени́тыя просвеща́еши,/ и́же ве́рою соверша́ющих свяще́нную па́мять твою́,/ преподо́бне и всеблаже́нне Арсе́ние.

Сла́ва, глас 2:

Святи́телем Боже́ственный сосу́д, о́тче преподо́бне Арсе́ние му́дре,/ в доброде́телех ты показа́лся еси́,/ це́ркви мно́ги воздви́гл еси́,/ и оби́тель Пречи́стей Богома́тери пречу́дну устро́ил еси́,/ и ересе́м нача́тки изгна́л еси́,/ и, от о́браза твоего́ святу́ю твою́ панаги́ю,/ ю́же ты жив на себе́ носи́л еси́,/ хотя́щу покра́сти и обруга́ти диа́кону,/ Бо́жиею си́лою неви́димою возбрани́л еси́,/ и от ра́ки святы́я твоея́ того́ на зе́млю низве́ргл еси́,/ не́ма и дря́хла устро́ил еси́,/ и́же тобо́ю и исцеле́ние прия́т;/ те́мже, чудоде́йствуяй де́лом и сло́вом,/ Спа́са моли́ о нас, святи́телю,/ всех ви́димых и неви́димых ко́зней вра́жиих изба́витися/ и спасти́ся душа́м на́шим.

И ны́не, Богоро́дичен: О, чудесе́ но́ваго:

По Ны́не отпуща́еши: тропа́рь, глас 1:

Боже́ственною свы́ше просвети́вся благода́тию, святи́телю,/ и мно́гим терпе́нием во вре́менней жи́зни по́двиг соверши́л еси́./ Те́мже источа́еши чуде́с благода́ть/ и́же с ве́рою приходя́щим к честне́й ра́це моще́й твои́х, Арсе́ние преблаже́нне./ Мы же вопие́м ти:/ сла́ва Да́вшему ти кре́пость,/ сла́ва Венча́вшему тя,/ сла́ва Де́йствующему тобо́ю всем исцеле́ния.

НА У́ТРЕНИ

На Бог Госпо́дь: тропа́рь святи́теля, два́жды. Сла́ва, и ны́не, Богоро́дичен.

По 1-м стихосло́вии седа́лен, глас 3.

Подо́бен: Красоте́ де́вства:

Я́ко безпло́тен, святи́телю, на земли́ пожи́л еси́/ и превознося́щагося врага́ смири́л еси́ вы́ю./ Те́мже ны́не с невеще́ственными во́инствы водворя́яся, блаже́нне,/ и Небе́снаго блаже́нства наслажда́яся,/ помина́й и нас, пра́зднующих свято́е твое́ пренесе́ние днесь,/ да вси ра́достными гла́сы возвели́чим Го́спода на́шего Иису́са Христа́,/ И́же тя одарова́вшаго чудесы́ исцеле́ний.

Сла́ва, и ны́не, Богоро́дичен:

Боже́ственная была́ еси́ сень Сло́ва, Еди́на Пречи́стая Де́во,/ чистото́ю А́нгелы превосходя́щая,/ мене́, па́че всех персть бы́вшаго, оскверне́на плотски́ми прегреше́нии,/ очи́сти Твои́ми моли́твами,/ Боже́ственными вода́ми омыва́ющи и подаю́щи, Чи́стая, ве́лию ми́лость.

По 2-м стихосло́вии седа́лен, глас 4.

Подо́бен: Ско́ро предвари́:

Благоче́стно пожи́л еси́ во святи́тельстве/ и, благоче́стно крест свой взем, Христу́ после́довал еси́,/ воздержа́нием плотска́я мудрова́ния умертви́л еси́/ и на ле́ствицу доброде́телей возше́л еси́, и Влады́ку Христа́ возвели́чил еси́,/ и Пречи́стей Его́ Ма́тери храм пречу́ден воздви́гл еси́,/ в не́мже честны́я твоя́ мо́щи источа́ют исцеле́ния безчи́сленная/ с ве́рою притека́ющим, о́тче наш святи́телю Арсе́ние всече́стне.

Сла́ва, и ны́не, Богоро́дичен:

Де́во Всенепоро́чная, Пресу́щественнаго Бо́га ро́ждшая челове́ком,/ со преподо́бным Того́ непреста́нно моли́ о нас,/ согреше́нием оставле́ние и жития́ исправле́ние нам пре́жде конца́ дарова́ти,/ ве́рою пою́щим Тя по до́лгу, Еди́на Всепе́тая.

По полиеле́и седа́лен, глас 8.

Подо́бен: Прему́дрости:

Ца́рствовавый над страстьми́ плотски́ми/ и а́нгелом подо́бно житие́ име́вый,/ и́нок мно́жества просвети́л еси́, преподо́бне, во оби́тели твое́й,/ в Трие́х Ипоста́сех Еди́наго Бо́га сла́вити научи́л еси́/ и с ве́рою притека́ющим к честне́й ра́це моще́й твои́х источа́еши исцеле́ния./ О́тче святи́телю Арсе́ние, Христа́ Бо́га моли́/ согреше́ний оставле́ние дарова́ти/ чту́щим всечестно́е твое́ пренесе́ние.

Сла́ва, и ны́не, Богоро́дичен:

Небе́сную дверь и ковче́г,/ всесвяту́ю го́ру, све́тлый о́блак,/ воспои́м Мари́ю, неопали́мую купину́, слове́сный рай,/ Е́вино воззва́ние, вселе́нней всей вели́кий сосу́д,/ я́ко спасе́ние в нем соде́лася ми́рови и оставле́ние дре́вних согреше́ний./ Е́йже усе́рдно возопии́м:/ моли́ Христа́ Бо́га согреше́нием оставле́ние дарова́ти/ благоче́стно покланя́ющимся пресвято́му рождеству́ Твоему́.

Та́же степе́нна, 1-й антифо́н 4-го гла́са. Проки́мен, глас 4: Свяще́нницы Твои́ облеку́тся в пра́вду,/ и преподо́бнии Твои́ возра́дуются. Стих: Помяни́, Го́споди, Дави́да и всю кро́тость его́. Вся́кое дыха́ние: Ева́нгелие от Иоа́нна, зача́ло 36.

По 50-м псалме́ стихи́ра, глас 8:

Егда́, блаже́нне, к Боже́ственному жела́нию ум впери́л еси́,/ тогда́ оста́вил еси́ до́лу влеку́щая мудрова́ния,/ и равноа́нгельно во оби́тели Пече́рстей пожи́л еси́,/ и преподо́бных оте́ц Анто́ния и Феодо́сия житию́ после́довал еси́;/ и егда́ сподо́би тя Бог святи́тельский престо́л прия́ти,/ тогда́ та́мо и хра́мы пречу́дны Пречи́стыя и преподо́бных оте́ц воздви́гл еси́,/ и оби́тель, я́ко град, сотвори́л еси́,/ в не́йже и ста́до и́нок собра́л еси́;/ и ны́не, святи́телю Арсе́ние, предстоя́ Престо́лу Влады́ки всех,/ испроси́ мир ми́рови,/ стране́ на́шей утвержде́ние/ и спасе́ние душа́м на́шим.

Кано́н Богоро́дице со ирмосо́м на 6 и святи́телю Арсе́нию на 8, глас 2, его́же краегране́сие си́це есть: Арсе́ния похвали́ти ра́зума да́руй ми, Бо́же мой.

Песнь 1

Ирмо́с: Во глубине́ постла́ иногда́/ фараони́тское всево́инство преоруже́нная си́ла,/ вопло́щшееся же Сло́во всезло́бный грех потреби́ло есть:/ препросла́вленный Госпо́дь сла́вно бо просла́вися.

Кро́тких зе́млю дости́гл еси́, о́тче,/ я́ко кро́ток, и ми́лостив, и чист быв,/ настоя́щую се́рдцу моему́ укроти́ бу́рю,/ я́ко да в тишине́ Боже́ственней быв, песносло́влю тя.

Де́лании Боже́ственными ду́шу, о́тче, очи́стив,/ богови́ден, Арсе́ние, был еси́,/ Боже́ственнаго Ду́ха пресве́тлым обогати́лся еси́ сия́нием./ Тем озаря́еши че́стно блажа́щия тя.

От ста́да, я́коже Дави́да, тя прие́м, Соде́тель/ слове́сному тя поста́ви ста́ду па́стыря преизря́дна,/ чуде́с све́тлостию облиста́юща и беззло́бием, преподо́бне па́стырю, украша́ема.

Богоро́дичен: Пресвята́я Де́во Чи́стая,/ просвети́ и освяти́ помышле́ние и ду́шу мою́, молю́ся,/ о́блак разоря́ющи безу́мия моего́/ и тьму отъе́млющи грехо́вную,/ я́ко да по до́лгу ублажа́ю Тя.

Песнь 3

Ирмо́с: На ка́мени мя ве́ры утверди́в,/ разшири́л еси́ уста́ моя́ на враги́ моя́,/ возвесели́ бо ся дух мой, внегда́ пе́ти:/ несть свят, я́коже Бог наш,/ и несть пра́веден, па́че Тебе́, Го́сподн.

Ум свой безстра́стием просве́щь,/ Боже́ственным смире́нием украша́емь,/ дарова́ния духо́вная прия́л еси́/ отгоня́ти ду́хи и разреша́ти неду́ги ве́рою чту́щим тя, святи́телю Арсе́ние.

Сокруши́ супоста́ты безбо́жныя,/ отжени́ прише́дших во оби́тель твою́, преподо́бне Арсе́ние, моле́нием твои́м Спа́су на́шему/ и си́лу их, вооруже́нную на ны, пога́нскую/ наше́ствию покори́ ве́рнаго во́инства на́шего.

Воспоим вси вели́каго святи́теля Арсе́ния,/ почти́м засту́пника и утвержде́ние земли́ Росси́йстей и гра́ду Твери́ храни́теля необори́ма, вопию́ще:/ несть свят, я́коже Бог наш,/ и несть пра́веден, па́че Тебе́, Го́споди.

Богоро́дичен: Уврачу́й стру́пы души́ моея́,/ ум мой, омраче́нный уны́нием, Богоневе́стная, озари́, да пою́:/ несть непоро́чны, па́че Тебе́, Влады́чице.

Седа́лен, глас 4.

Подо́бен: Ско́ро предвари́:

Свети́льник присносия́нен яви́лся еси́ ми́рови,/ просвеща́я мо́лниями, Боже́ственными твои́ми словесы́, святи́телю Арсе́ние./ Те́мже, ублажа́юще, свято́е твое́ пренесе́ние днесь ра́достно соверша́ем.

Сла́ва, и ны́не, Богоро́дичен:

Я́ко Де́ву и Еди́ну в жена́х, Тя, без се́мене ро́ждшую Бо́га пло́тию,/ вси ублажа́ем, ро́ди челове́честии,/ О́гнь бо всели́ся в Тя Божества́,/ и, я́ко Младе́нца, дои́ши Зижди́теля и Го́спода./ Тем, а́нгельский и челове́ческий род, досто́йно сла́вим пресвято́е рождество́ Твое́ и согла́сно вопие́м Ти:/ моли́ Христа́ Бо́га согреше́ний оставле́ние дарова́ти/ покланя́ющимся ве́рою пресвято́му рождеству́ Твоему́.

Песнь 4

Ирмо́с: Прише́л еси́ от Де́вы не хода́тай, ни А́нгел,/ но Сам, Го́споди, вопло́щся,/ и спасл еси́ всего́ мя, челове́ка./ Тем зову́ Ти: сла́ва си́ле Твое́й, Го́споди.

Умертви́в своя́ плотска́я движе́ния, Богодухнове́нне,/ ме́ртваго из гро́ба воскреси́л еси́ к Бо́гу моли́твами твои́ми./ Те́мже молю́ тя:/ умерщвле́нную мою́ ду́шу, о́тче, оживи́.

Повину́вся ме́ртвый тебе́, о́тче Арсе́ние,/ и сле́зы пролия́ от о́чию, а́ки реку́, у гро́ба твоего́ свята́го,/ прося́ согреше́нием оставле́ние, сего́ ра́ди проще́ние получи́./ Прости́ у́бо и моя́ мно́гая согреше́ния, о́тче.

Сна твои́ма очи́ма и дрема́ния ве́кома не дал еси́,/ до́ндеже обре́л еси́ ме́сто, досто́йно всех Го́спода,/ е́же очи́стив, досто́йне показа́ то тебе́ жили́ще/ сла́вы Царь и Бог преве́чный.

Богоро́дичен: Проро́цы Твоего́ та́инства глубину́ провозвести́ша недомы́слимую,/ Еди́на бо родила́ еси́, Чи́стая, Недоразумева́емаго,/ воплоще́нна за милосе́рдие неисповеди́мое.

Песнь 5

Ирмо́с: Просвеще́ние во тьме лежа́щих,/ спасе́ние отча́янных, Христе́, Спа́се мой,/ к Тебе́ у́тренюю, Царю́ ми́ра,/ просвети́ мя сия́нием Твои́м,/ ино́го бо, ра́зве Тебе́, бо́га не зна́ю.

Река́ и́же в тебе́ дарова́ний/ вся́ко напоя́ет се́рдце,/ всем да́рует бога́тно исцеле́ние,/ всех Бо́гу в сла́ву составля́ет,/ И́же тебе́ просла́вльшаго и чудоде́йствы вся́кими поче́тшаго.

Авраа́мову страннолю́бному о́бразу ты уподо́бився,/ всем хра́ма своего́ вхо́ды отве́рзл еси́,/ всем всяк был еси́,/ утеша́я су́щих в печа́ли, Арсе́ние блаже́нне.

Вели́кий Па́стырь, всех Бог,/ овца́м Свои́м слове́сным тя, блаже́нне, показа́ па́стыря и учи́теля./ Сего́ ра́ди и мя, заблуди́вшеся овча́,/ на гора́х поги́бельных взыщи́.

Богоро́дичен: Ми́ро Тя имену́ем, Пречи́стая,/ я́ко ро́ждши Бо́га пло́тию,/ источа́юща благода́тное ми́ро всем притека́ющим под кров Твой.

Песнь 6

Ирмо́с: В бе́здне грехо́вней валя́яся,/ неизсле́дную милосе́рдия Твоего́ призыва́ю бе́здну:/ от тли, Бо́же, мя возведи́.

Житие́ твое́ целому́дрено, священноявле́нне, соверши́в,/ пра́вдою украси́вся и му́жеством смы́сла,/ доброде́тельным сочета́л еси́ себе́, блаже́нне Арсе́ние.

Храни́ град твой, святи́телю Арсе́ние,/ от безбо́жных и чужеве́рных нахожде́ний, междоусо́бныя ра́ти,/ моля́ся непреста́нно Влады́це Христу́ о ста́де свое́м.

Ты у́бо и по сме́рти, я́ко жив еси́, чудоде́еши немы́м и разсла́бленным/ и бе́сным дае́ши исцеле́ние Боже́ственною благода́тию./ Рече́ бо Госпо́дь:/ прославля́ющаго Мя просла́влю.

Богоро́дичен: Превы́шши была́ еси́ Небе́сных сил, заче́нши Сло́во Бо́жие Неизрече́нное,/ И́же вся́ческая соверши́ и от Отца́ пре́жде век роди́ся,/ Его́же Ты, Чи́стая, родила́ еси́ неизрече́нно.

Конда́к, глас 8:

Я́ко богоявле́нная росси́йская звезда́,/ днесь, сия́я чудесы́,/ яви́лся еси́, святи́телю Арсе́ние./ Тем непреста́нно моли́ся Христу́ Бо́гу о ста́де твое́м/ и сохраня́й оте́чество твое́, град же и лю́ди,/ и́же ве́рою почита́ющих честно́е пренесе́ние твое́/ и к честны́м моще́м твои́м припа́дающих со стра́хом и любо́вию целу́ющих я́./ Да вси велегла́сно зове́м ти:/ ра́дуйся, Богому́дре святи́телю Арсе́ние, о́тче наш.

И́кос:

Яви́лся еси́ свети́льник всесве́тлый и во пло́ти а́нгел/ и, я́ко живо́тное дре́во ра́йское, процве́л еси́ поще́нием, и моли́твами, и ве́рою./ Те́мже ра́достно от души́ вси, вку́пе соше́дшеся к ра́це моще́й твои́х,/ я́ко слышаще же и ви́дяще чуде́с мно́жество и исто́чник исцеле́ний неизпива́емь от нея́,/ чи́стыми се́рдцы и просвеще́нными ра́зумы,/ я́ко благоуха́нно кади́ло, плоды́ доброде́тельны от души́ принося́ще,/ ра́дующеся, взыва́ем ти, глаго́люще:/ ра́дуйся, о́тче, честны́й наш учи́телю,/ я́ко прия́л еси́ трудо́в свои́х воздая́ние;/ ра́дуйся, па́стырю наш до́брый, и́ноком люби́телю, си́рым и ни́щим пода́телю;/ ра́дуйся, бесо́вския разруши́вый ко́зни;/ ра́дуйся, я́ко а́нгельския весели́ши чи́ны;/ ра́дуйся, высото́ боговиде́ния чи́стая;/ ра́дуйся, я́ко узре́л еси́ ли́ки святи́телей;/ ра́дуйся, святи́телем изря́дная похвало́;/ ра́дуйся, его́же ра́ди яви́шася чудеса́ мно́га./ Ра́дуйся, Богому́дре Арсе́ние, о́тче наш.

Песнь 7

Ирмо́с: Богопроти́вное веле́ние беззако́ннующаго мучи́теля/ высо́к пла́мень вознесло́ есть./ Христо́с же простре́ Богочести́вым отроко́м ро́су духо́вную,/ Сый благослове́н и препросла́влен.

Отве́рзи ми две́ри покая́ния, преблаже́нный святи́телю Арсе́ние,/ да омы́ю скве́рну от окая́нныя моея́ души́ и те́ла моего́,/ вся бо чу́вствия приношу́ и со́весть, Бо́гу зовя́:/ оте́ц на́ших Бо́же, благослове́н еси́.

Иму́ще тя те́пла засту́пника, раби́ твой,/ и сте́ну необори́му гра́ду твоему́ Твери́ и утвержде́ние,/ никогда́ же убои́мся супоста́тных враг,/ но побежда́ем сия́ си́лою Креста́ Боже́ственнаго, от души́ пою́ще:/ оте́ц на́ших Бо́же, благослове́н еси́.

Уста́вы оте́ческия утверди́л еси́, му́дре,/ це́рковь Бо́жия Ма́тере, свяще́нства ле́потами украси́в, сохрани́л еси́/ и уче́нии наказа́л еси́ пе́ти:/ оте́ц на́ших Бо́же, благослове́н еси́.

Богоро́дичен: Спасе́ния приста́нище, Богоро́дице Де́во, Тя иму́ще,/ ны́не жите́йских бед и бу́ри избега́ем,/ к приста́нищу тишины́ Твоея́ прибега́юще и Сы́ну Твоему́ зову́ще:/ оте́ц на́ших Бо́же, благослове́н еси́.

Песнь 8

Ирмо́с: Пещь иногда́ о́гненная в Вавило́не де́йства разделя́ше,/ Бо́жиим веле́нием халде́и опаля́ющая,/ ве́рныя же ороша́ющая, пою́щия:/ благослови́те, вся дела́ Госпо́дня, Го́спода.

Дре́вле ты, святи́телю Арсе́ние, ме́ртваго из гро́ба возста́вил еси́;/ о, чудесе́ ужа́сна! о, пресла́вных та́ин! о, благода́ти, ю́же получи́л еси́,/ житие́м украша́емь равноа́нгельным, досточу́дне!

Незло́бив, правди́в, кро́ток же и ми́лостив и непомина́телен злу был еси́,/ любо́вен, страннолю́бец, святи́тель свяще́нен, му́дростию укра́шен, преподо́бне, правосла́вия./ Те́мже тя ве́рою почита́ем.

Паде́ безбо́жный ва́рвар,/ о́браз твой святы́й, наши́тый на плащани́це, хотя́ обруга́ти и достоя́ние твое́ озло́бити,/ но в посме́х у́бо и в поруга́ние бысть,/ паде́ния своего́ пла́чася./ Мы же пренесе́ние моще́й твои́х ра́достно почита́ем.

Богоро́дичен: Всего́ мя отпа́дша, Богоро́дице Де́во, и сокруши́вша е́же по о́бразу, Чи́стая,/ Бог, Иже из Тебе́ рожде́йся, Своего́ созда́ния не отри́ну, но Тобо́ю всего́ мя обнови́./ Его́же ра́ди Тебе́, вину́ спасе́ния на́шего, вся тварь воспева́ет, зову́щи:/ благослове́нна Ты в жена́х, Пренепоро́чная Влады́чице.

Песнь 9

Ирмо́с: Безнача́льна Роди́теля Сын, Бог и Госпо́дь,/ вопло́щся от Де́вы, нам яви́ся,/ омраче́нная просвети́ти, собра́ти расточе́нная./ Тем Всепе́тую Богоро́дицу велича́ем.

Вельми́ ра́дуется о тебе́ це́рковь Ма́тере Бо́жия, святи́телю Арсе́ние,/ и при́сный град твой Тверь,/ помо́щника тя и засту́пника име́я./ я́ко везде́ чудесы́ свои́ми осиява́еши, моли́тву творя́ за ны к Бо́гу,/ да изба́вит от безбо́жных враг нас, Его́ велича́ющих.

Я́ко блудни́ца, и разбо́йник, и мыта́рь вопию́ Ти от се́рдца:/ согреши́х, прости́ мне, Влады́ко, мно́гая моя́ согреше́ния/ и изба́ви мя от вся́каго гне́ва Твоего́ святи́теля Арсе́ния моле́нием./ я́ко да непреста́нно Тя велича́ю.

Сла́ву твою́ воспе́ти по досто́инству невозмо́жно,/ чудеса́ бо мно́га и исцеле́ния безчи́сленна незави́стно подае́ши/ с те́плою ве́рою приходя́щим к тебе́, святи́телю Арсе́ние,/ похвало́ земли́ на́шея.

Богоро́дичен: Мари́е, Пречи́стая Влады́чице,/ оскверне́нное се́рдце мое́ с душе́ю мольба́ми Твои́ми просвети́/ и жи́зни ве́чныя сподо́би мя,/ не помина́й мои́х безчи́сленных зол,/ Сы́на Твоего́ и Бо́га моля́щи за мя, окая́ннаго,/ и певцы Твоя́ сохрани́, Пречи́стая.

Свети́лен:

Слы́шана бысть во всех страна́х превели́кая твоя́ доброде́тель и чудеса́, святи́телю Арсе́ние,/ отвсю́ду бо стека́хуся лю́дие ви́дети твое́ свято́е пренесе́ние,/ жела́юще наслади́тися торжества́ твоего́, а́ки дневна́го.

Сла́ва, и ны́не, Богоро́дичен:

Е́же дре́вле провозвести́ша проро́ческий собо́р,/ ру́чку, и жезл, и скрижа́ль, и несеко́мую го́ру,/ Мари́ю Богоотрокови́цу ве́рно похва́лим днесь, с Гаврии́лом зову́ще:/ ра́дуйся, Обра́дованная.

На хвали́тех стихи́ры, глас 8.

Подо́бен: О, пресла́внаго чудесе́:

О, пресла́внаго чудесе́!/ Сия́нием Ду́ха Пресвята́го просве́щся,/ Арсе́ние Богому́дре,/ по твое́м е́же к Бе́гу отше́ствии,/ во оби́тели твое́й ме́ртваго тридне́внаго/ из гре́ба я́ко от сна воскреси́л еси́/ и моли́твами твои́ми здра́ва сего́ сотвори́л еси́,/ он же припаде́ ко гре́бу твоему́ свято́му,/ со слеза́ми вопия́ше ти:/ моли́ спасти́ся душа́м на́шим.

О, ка́ко возмо́жем похвали́ти тя,/ ви́дяще пресла́вная твоя́ чудеса́,/ святи́телю Арсе́ние?/ Подае́ши бо разли́чная исцеле́ния/ не те́кмо приходя́щим к ра́це моще́й твои́х,/ но и в да́льних страна́х призыва́ющим тя с ве́рою,/ и во оби́тели у́бо твое́й разсла́бленному и немо́му кли́рику/ исцеле́ние вско́ре дарова́л еси́./ Сего́ ра́ди хва́льно и́мя твое́,/ моли́ спасти́ся душа́м на́шим.

О, пресла́вных чуде́с Бо́жия милосе́рдия!/ Озари́ бо нас Свои́м уго́дником, святи́телем Арсе́нием:/ в после́дних сих днех ра́ка его́ подае́т исцеле́ния,/ слепы́м прозре́ние и хромы́м хожде́ние,/ разсла́бленным востягнове́ние,/ и бе́сы от челове́к прогоня́ет,/ и от вся́ких бед избавля́ет с ве́рою приходя́щих,/ но моли́ся Го́сподеви, святи́телю Арсе́ние,/ спасти́ся душа́м на́шим.

Сла́ва, глас 6:

Преподо́бне о́тче, святи́телю прехва́льне Арсе́ние,/ апо́стольскаго уче́ния быв испо́лненный/ и Боже́ственнаго Ду́ха жили́ще/ доброде́тельнаго ра́ди жития́ показа́выйся,/ ты церко́вныя во́лки уче́нии отгна́л еси́/ и правосла́вных ве́ру уясни́л еси́,/ столп яви́лся еси́ благоче́стия и побо́рник и́стины./ Те́мже и, чудоде́йствуяй в конце́х,/ ме́ртваго к вопроше́нию воздви́гл еси́/ и бе́сы от челове́к прогна́л еси́,/ но, отце́м сла́во и преподо́бным похвале́ние,/ моли́ спасти́ся душа́м на́шим.

НА ЛИТУРГИ́И СЛУ́ЖБА ВСЯ СВЯТИ́ТЕЛЮ.

Моли́тва

При́зри от Го́рних высо́т, святи́телю о́тче Арсе́ние, на нас, смире́нных и гре́шных, во умиле́нии душ и серде́ц к тебе́ прибега́ющих, ве́рою кре́пкою на тя упова́ющих, любо́вию нелицеме́рною прося́щих у тебе́ заступле́ния. Тебе́ бо моли́твенника благоприя́тнаго ве́мы ко Всеми́лостивому Бо́гу. Проле́й о нас твоя́ святы́я моли́твы и умоли́ Человеколю́бца Го́спода не погуби́ти нас со беззако́нии на́шими, но обрати́ти нас к покая́нию и исправле́нию, да про́чее вре́мя жития́ на́шего земна́го не в рабо́те греху́ и страсте́м, но в де́лании за́поведей Его́ святы́х и в благоче́стии провожда́ем и со благо́ю наде́ждею дости́гнем кончи́ны на́шея. В час же сме́ртный наипа́че яви́ся нам, о́тче, засту́пник благи́й, ускори́ тогда́ на моли́тву о нас, безпомо́щных, и помози́ нам со прича́стием Та́инств Боже́ственных ми́рную и благу́ю кончи́ну улучи́ти, гро́зная мыта́рства возду́шная безбе́дно прейти́ и унасле́довати Го́рнее Ца́рство. Ей, святи́телю Бо́жий, не пре́зри нас и не посрами́ упова́ния на́шего, но бу́ди о нас предста́тель немо́лчный к Бо́гу. Па́стырю наш до́брый, упаси́ нас бо́дренными твои́ми моли́твами и сохрани́ ненаве́тны от вся́каго зла, да сла́вим неизрече́нное человеколю́бие Бо́га на́шего, Отца́ и Сы́на и Свята́го Ду́ха, и твое́ оте́ческое заступле́ние, во ве́ки веко́в. Ами́нь.

Святитель Арсений, епископ Тверской. Достоверных сведений о времени и месте рождения святителя Арсения и о его родителях не сохранилось. Ни летописи, ни служба и канон 1483 года, ни приписка к церковному Уставу, то есть источники, наиболее близкие ко времени жизни святителя, не упоминают о его происхождении. Однако большинство исследователей, подобно составителю жития 1764 года архимандриту Макарию, следуют тексту Пролога, повествующего о тверском происхождении святителя Арсения, родившегося в семье благочестивых и благородных родителей, заботившихся о христианском воспитании своего сына.

После кончины родителей святитель Арсений роздал доставшееся ему имущество и еще совсем в юном возрасте принял монашеский постриг в Киево-Печерском монастыре. Здесь «он возрадовался духом, нашедши иноков, которые сияли добродетелями, как звезды на тверди небесной...». Будущий святитель отличался строгим исполнением монашеских обетов, прекрасным знанием церковного устава, начитанностью в Священном Писании и трудолюбием, чем и обратил на себя внимание митрополита Киевского Киприана (1380–1382), который рукоположил его в сан диакона.

До приезда в Тверь с митрополитом Киприаном в 1390 году, когда летописные источники сообщают первые сведения о святителе Арсении, по всей вероятности, он исполнял обязанности секретаря, сопровождая святителя Киприана в поездках и, очевидно, управлял делами Митрополии во время отсутствия святителя.

В феврале 1389 года Патриарх Константинопольский Антоний после многолетних нестроений, сопряженных с Русской митрополичьей кафедрой, принял решение, «чтобы митрополитом Киевским и всея Руси был и именовался кир Киприан... как настоящий архиерей всея Руси». Через три месяца скончался благоверный великий князь Димитрий Донской (память 19 мая). Его наследник Василий Димитриевич согласился принять митрополита Киприана в Москву. Святитель Киприан прибыл в Москву на Крестопоклонной неделе Великого поста и был с почестями встречен великим князем. Вместе с ним прибыл и его архидиакон Арсений.

Вскоре митрополит Киприан отбыл в Тверь по приглашению великого князя Михаила Александровича для суда над епископом Евфимием Висленем. Митрополит прибыл в Тверь 3 июля 1390 года в сопровождении апокриссиариев Патриарха Константинопольского митрополитов Андрианопольского Матфея и Ганского Никандра и русских епископов Смоленского Михаила и Пермского Стефана. Несомненно, что с митрополитом Киприаном приехал и архидиакон Арсений.

Летописи подробно сообщают о торжественной встрече, оказанной митрополиту великим князем Тверским Михаилом Александровичем.

Святитель Киприан старался действовать в отношении Тверского епископа беспристрастно, но оказался не в состоянии водворить мир между князем и Преосвященным Евфимием. Он был вынужден сместить Евфимия с епископской кафедры и назначить на освободившееся место архидиакона Арсения. Однако святитель Арсений не хотел оставаться в Твери, «виде бо там вражду и брань многу и смутися и ужасеся». Очевидно, кроме противников Евфимия в Твери были его единомышленники, вносившие в дело еще большие раздоры. Беспокоило святителя Арсения и общее недоверие тверитян к своему архипастырю.

После суда над Евфимием митрополит Киприан и святой Арсений, возвратились в Москву: «Того же лета Киприан митрополит Киевский и всеа Руси возвратися на Москву, взем с собою изо Твери и Еуфимья владыку Висленя Тверскаго, и повеле ему в своем монастыри митрополиче жити у святаго Чюда внутрь града Москвы», – сообщает летописец. Через два года Евфимий скончался в Чудовом монастыре и был погребен за алтарем монастырской церкви.

Тверская кафедра не могла долго оставаться без епископа. Поэтому «того же лета князь велики Михайло Александрович присла с челобитьем боар своих к Киприану митрополиту всеа Руси, зовя его к себе во Тферь», для поставления во епископы Арсения, которого так полюбили князь и все тверитяне.

В начале августа, «о Спасове дни», святители Киприан и Арсений, сопровождаемые архиереями, уже бывшими в Твери с первой миссией Московского Предстоятеля, а также епископами Рязанским Иеремией и Звенигородским Даниилом, приехали в город. «... И возрадовася князь велики о пришествии митрополиче», а с ним и все жители, и просили Арсения принять пастырский жезл. Святитель Арсений по смирению и любви к уединению долго отрекался от столь высокого сана. Его продолжали огорчать беспорядки последствия конфликта между князем и епископом Евфимием: «И едва умолиша протодьякона Арсениа митрополичя быти епископом в Тфери, боашебося вражды и многих браней». И только под угрозой отлучения от Церкви за неподчинение воле Собора святой Арсений согласился и был возведен на архиерейский престол. Епископскую хиротонию в Спасо-Преображенском соборе города Твери совершили 15 августа 1390 года три митрополита и четыре епископа.

Начало архиерейского служения епископа Арсения – великого молитвенника и миротворца – было посвящено прекращению нестроений и раздоров в Тверском княжестве и утверждению согласия, любви и единомыслия в вверенной ему пастве. Одной из ярких сторон пастырского служения святителя была проповедь Евангелия. Святитель Арсений был неусыпный проповедник слова Божия. В каждое священнодействие предлагал он народу какое-либо поучение, и не только в храме, но и в своем доме. Во время бесед никого не отпускал без наставления или утешения.

Немаловажное значение епископ Тверской оказывал на ход общецерковных дел. В 1396 году святитель Арсений прибыл в Москву на поставление епископа Ростовского Григория. В 1401 году он присутствовал среди девяти архиереев на Московском Соборе, осудившем архиепископа Новгородского Иоанна и епископа Луцкого Савву. В третий раз в 1403 году святитель Арсений посетил Москву в связи с совещанием по делам церковного управления.

Особую заботу проявлял святитель Арсений о построении новых и реставрации старых храмов. В период его епископства каменное зодчество Твери приобрело широкий размах и художественную значительность. Исследования последних десятилетий свидетельствуют о разнообразии архитектурных форм, использовавшихся тверскими зодчими в этот период; применение белокаменной кладки, украшение фасадов созвучны выдающимся владимиро-суздальским памятникам церковного зодчества XII–XIII столетий.

В 1391 году, вскоре после начала архипастырского служения святителя Арсения, в Твери закончилось сооружение надвратной церкви во имя святителя Василия Великого. Тверской князь Михаил Александрович, получив в удел от своего отца город Микулин, окружил его укреплениями и построил на левом берегу реки Шоши каменный собор во имя Архистратига Михаила, который был освящен святителем Арсением в 1398 году.

С 90-х годов XIV века расширилось строительство в Старицевтором после Твери города княжества. По благословению святителя Арсения здесь были сооружены собор во имя Архистратига Михаила и храм во имя святителя Николая Чудотворца.

При святителе Арсении был обновлен кафедральный Спасо-Преображенский собор – место его епископского служения. Как отмечают письменные источники, основательный ремонт Преображенского собора явился немаловажным событием для современников. В 1407 году была сооружена восьмигранная соборная колокольня.

Несомненно, также участие святителя Арсения в основании в 1397–1398 годах Тверского Саввина монастыря – одного из центров русско-афонских связей. Взаимосвязь этой обители с Афоном осуществлялась благодаря близости святителя Арсения с митрополитом Киприаном. Известно, что в Великой Лавре святого Афанасия находилась большая группа тверских книжников из Саввина монастыря, сотрудничавших с афонскими писцами и переводчиками.

Не забывал святитель Арсений и Киево-Печерской Лавры, где было положено начало его иноческим подвигам. В память о киевских святынях епископ Арсений основал в 1394 году на берегу реки Тьмаки, в четырех верстах от Твери, мужской Желтиков монастырь. Через десять лет он заложил в Желтиковой обители каменный собор в честь Успения Пресвятой Богородицы, как напоминание о главном храме Киево-Печерской Лавры.

В 1406 году по благословению святителя Арсения в стенах Желтикова монастыря положено начало созданию древнейшей из известных редакций Киево-Печерского Патерика, получившей название Арсеньевской. Составитель редакции использовал основную редакцию Патерика, дополнив ее новыми статьями – Житием преподобного Феодосия, Похвалой святому Феодосию и Сказанием о начале Печерского монастыря.

По всей видимости, в той же обители был создан летописный свод, задуманный и составленный самим святителем Арсением в последний год его жизни – в 1409 году.

Продолжали сохраняться и близкие отношения святителя Арсения с митрополитом Киприаном. Московский митрополит присылал в Тверь «Лествицу», написанную им самим еще в Константинополе. В 1402 году по желанию епископа Арсения с нее был сделан список. Расцвет духовной культуры Твери в этот период был прямым следствием ревностного архипастырского служения святителя Арсения – одного из образованнейших людей своего времени.

Помня о приближающейся кончине, святой Арсений обтесал себе гроб из большого белого камня, из другого камня он сделал крышку. Гроб этот святитель поставил в своей келлии, чтобы постоянно иметь его пред глазами и видеть предел своей жизни.

Вот что повествует Никоновский летописец о кончине святителя Арсения: в четверг Соборной недели Великого поста, 28 февраля 1409 года, святой Арсений «поболе главою, и в полунощи словесный арган, умолкну и затворися, и слово, и глас». 1 марта святитель пригласил к себе князя Тверского Иоанна Михайловича с семьей, игумена Желтикова монастыря, духовенство и некоторых бояр; святитель Арсений исповедался, приобщился Святых Таин и после совершения над ним таинства Елеосвящения благословил всех к нему пришедших. В субботу, 2 марта, в четвертом часу утра святой архипастырь «дух предаде Господеви, и бысть плач и вопль мног»; погребли его «со псалмы и песньми надгробными» в Желтиковой обители, в притворе правого придела Нерукотворного Образа церкви Успения Пресвятой Богородицы.

Великим молитвенником и заступником тверитян был святитель Арсений во время своей земной жизни. Еще больше возросла слава Тверского епископа после его кончины – у гроба со святыми мощами епископа Арсения стали происходить многие чудеса. В 1483 году при епископе Тверском Вассиане мощи святителя Арсения были обретены нетленными, святителю было установлено местное празднование, тогда же инок Феодосий написал житие святого Арсения и составил ему службу. В 1547 году по инициативе епископа Тверского Акакия на Московском Соборе было подтверждено почитание святителя. В 1655 году Святейший Патриарх Никон по просьбе архиепископа Тверского Лаврентия прислал в Тверь деревянную гробницу святителя Московского Филиппа, в которую из каменного гроба были переложены мощи святителя Арсения.

Литература:

1. Платон, архимандрит. Историческое и статистическое описание Тверского Успенского Желтикова монастыря, с присовокутшением Жития святого основателя оного, святителя Арсения, епископа Тверского. Тверь, 1852.

2. Борзаковский В. С. История Тверского княжества. СПб., 1876.

3. Виноградов И. Святитель Арсений, епископ Тверской. Тверь, 1909.

4. Колосов В. И. Родина святителя Арсения, епископа               Тверского. – Тверские епархиальные ведомости, 1909, № 3–4.

5. Святитель и чудотворец Арсений, епископ Тверской. 4-е изд. М., 1900.

6. Тверской патерик. Казань, 1907.

Святи́теля Ювена́лия, Патриа́рха Иерусали́мскаго

Тропа́рь, глас 4:

Бра́та Бо́жия на престо́ле архиере́йства прее́мниче,/ свята́го гра́да Иерусали́ма иера́рше достохва́льне,/ с богому́дрыми отцы́ в Халкидо́не изъясни́л еси́ воплоще́ние Сы́на Бо́жия,/ прише́дшаго мир обнови́ти и обожи́ти вся челове́ки,/ в Це́ркви Его́ с Ним сочета́вшияся,/ святи́телю о́тче Ювена́лие,/ предстоя́ ны́не во Ца́рствии Отца́ све́тов,/ о почита́ющих тя любо́вию моли́ся,/ да мир и ми́лость Спа́сова бу́дет с на́ми.

Святитель Иувеналий (Ювеналий), Патриарх Иерусалимский, занимал престол Святого Града с 420 по 458 год. В это время мир озаряли великие светильники Церкви: преподобные Евфимий Великий (†473; память 20 января), Симеон Столпник (†459; память 1 сентября), Герасим Иорданский (†475; память 4 марта) и многие другие.

Святитель Ювеналий был другом и собеседником преподобного Евфимия Великого. В период его первосвятительства Восточная Церковь была волнуема опасными лжеучениями, против которых он ополчился с архипастырской ревностью. В 431 году в городе Ефесе был созван III Вселенский Собор, осудивший ересь Нестория и его последователей, восставших против православного исповедания Божественной природы Иисуса Христа. На Соборе председательствовал святитель Кирилл, Патриарх Александрийский (†444; память 9 июня), и в числе его единомышленников был святой Патриарх Ювеналий. В 451 году в городе Халкидоне собрался IV Вселенский Собор для обличения новой ереси – евтихианской (монофизитской), лжеучители которой утверждали, будто человеческая природа во Христе была полностью поглощена Божественной. Святые отцы, среди которых был святитель Ювеналий, осудив ересь Евтихия, утвердили православное исповедание о соединении в Господе Иисусе Христе обоих естеств – Божеского и человеческого – нераздельно и неслиянно. Однако еретики продолжали смущать умы христиан. Во главе лжеучителей стоял Феодосий, который, склонив на свою сторону проживавшую в Иерусалиме вдову императора Феодосия Младшего (†450) Евдокию, требовал, чтобы Патриарх Ювеналий высказал порицание постановлению Халкидонского Собора, то есть отказался от православного догмата о двух естествах во Христе. Святейший Ювеналий не согласился на предательство Истины, но мужественно исповедал Халкидонский догмат перед еретиками. Феодосий и его сторонники низложили святого Ювеналия с патриаршего престола. Святитель удалился в оплот тогдашнего Православия – Константинополь, к святому Патриарху Анатолию (449–458; память 3 июля) и императору Маркиану. Еретик Феодосий, при поддержке императрицы Евдокии, занял патриарший престол в Палестине, но лишь на 20 месяцев. Император Маркиан, уважавший святого Ювеналия, содействовал восстановлению его в патриаршем достоинстве, и Патриарх-исповедник возвратился в Иерусалим.

Много трудов приложил святитель для восстановления церковного мира. По вразумлению преподобного Симеона Столпника, императрица Евдокия покаялась пред святителем и вернулась в церковное общение с православными. Вслед за ней возвратилась и большая часть совращенной еретиками иерусалимской паствы. Устранив мятежные ереси и установив церковное единомыслие и благолепие, святой Патриарх Ювеналий Иерусалимский мирно преставился ко Господу в 458 году.

Литература

1. Святитель Димитрий, митрополит Ростовский. Жития святых. Кн. 11. М., 1908.

2. Настольная книга священнослужителя. Т. 3. М., изд. Московской Патриархии, 1979, с. 504–505.

Свята́го митрополи́та Ки́евскаго и всея́ Руси́ Фо́тия, Моско́вскаго чудотво́рца

Тропа́рь, глас 4:

Слове́с ева́нгельских послу́шателю/ и Боже́ственных уче́ний рачи́телю,/ прему́дрый наказа́телю,/ всегда́ стра́ху Госпо́дню поуча́яйся,/ в моли́твах к Бо́гу простира́яйся,/ загради́телю уст кривоглаго́лющим сло́во пра́выя ве́ры,/ апо́столом соприча́стниче,/ ве́ре Христо́вой утверди́телю,/ проро́чески веща́телю, святи́телю Фо́тие,/ моли́ Христа́ Бо́га/ умири́ти мир и спасти́ ду́ши на́ша.

Конда́к, глас 8:

Тро́ице сосу́д яви́ся честны́й твои́м житие́м, святи́телю Фо́тие,/ всегда́ зряй Святу́ю Тро́ицу,/ Е́йже предстои́ши, моли́ся всегда́ непреста́нно о всех нас.

Святитель Фотий, митрополит Киевский и всея Руси, Был родом грек из пелопоннесского города Монемвасии (Мальвазии). В отроческие годы он поступил в монастырь и принял иноческий постриг от старца Акакия, великого подвижника (впоследствии митрополита Монемвасийского). В 1408 году, когда Фотий находился в Константинополе у Патриарха с поручением от митрополита, обсуждался вопрос о замещении Русской кафедры после кончины святителя Киприана (†1406; память 16 сентября). Выбор Патриарха Матфея (1397–1410) пал на Фотия, известного своей ученостью и благочестием. 1 сентября 1408 года святитель Фотий был возведен в сан митрополита и через год прибыл на Русь.

Полгода он провел в Киеве (сентябрь 1409 – февраль 1410), занимаясь устроением дел юго-западных епархий Русской Церкви, входивших временно в состав великого княжества Литовского. Святитель понимал, что кафедра митрополита – духовное средоточие церковной жизни Русине должна находиться в Киевской земле, все более подпадавшей в зависимость от католической Литвы и Польши. По примеру прежних русских митрополитов, перенесших свое местопребывание сначала во Владимир, а затем в Москву, митрополит Фотий в день Святой Пасхи 1410 года прибыл в Москву.

22 года совершал подвиг святитель Фотий в многотрудном служении Предстоятеля Русской Церкви. В тяжелых условиях войн, междоусобных браней, грабительских набегов татар он сумел высоко поднять духовное значение, материальную обеспеченность и благолепие храмов Московской кафедры. Благосостояние Церкви позволяло святителю Фотию оказывать большую помощь оскудевшему Константинопольскому Патриархату, закреплять международное значение Русской Православной Церкви и Русского государства.

Святитель Фотий оказал великому князю Василию Димитриевичу важную услугу: был посредником в заключении брака его дочери Анны со старшим сыном византийского императора Мануила – Иоанном. Враги Православия не раз пытались воспрепятствовать церковно-патриотическому служению святителя Фотия. Весной 1410 года, когда он прибыл из Москвы во Владимир, хан Едыгей, разоривший за два года до того Русскую землю, предпринял новый поход с целью захвата в плен самого митрополита. Татарские отряды во главе с царевичем Талычой «изгоном», то есть внезапно и быстро, взяли Владимир. Но Бог сохранил праведника: накануне, не подозревая об опасности, святитель выехал в загородный Святоозерский монастырь. Когда татары устремились в погоню, он укрылся в небольшом селении, окруженном непроходимыми болотами, на реке Сеньге. Не сумев захватить митрополита, озлобленные татары предали разграблению Владимир и особенно Успенский кафедральный собор. Ключарь собора иерей Патрикей претерпел страшные пытки и принял мученическую кончину, но не открыл место, где были спрятаны церковные святыни.

Стараниями святого митрополита Фотия было восстановлено молитвенно-каноническое единство Русской Церкви: отдельная Литовская митрополия, учрежденная по настояниям князя Витовта для южных и западных русских православных епархий, в 1420 году была упразднена. Святитель в том же году посетил возвращенные епархии и приветствовал паству обширным учительным посланием.

Мудрый и высокообразованный пастырь оставил много поучений и посланий. Большое богословское значение имели его обличения на возникшую в Пскове еще до его правления ересь стригольников. Усилиями мудрого святителя ересь была пресечена в 1427 году.

Церковно-историческими источниками являются составленный святым Фотием «Чин избрания и поставления епископов» (1423), «Поучение о важности священного сана и обязанностях священнослужителей», а также «Духовное завещание», в котором повествуется о его жизни. Великим делом святителя было также составление под его руководством общерусского летописного свода (около 1423 года).

20 апреля 1430 года святой архипастырь был извещен Ангелом о предстоявшей кончине и мирно почил о Господе в указанный ему срок, в праздник Положения Ризы Пресвятой Богородицы, 2 июля 1431 года. Мощи его были обретены в 1471 году (по другим сведениям, в 1472 году) и ныне почивают в Успенском соборе Кремля под спудом. В Оружейной палате Московского Кремля хранятся два саккоса святого митрополита Фотия.

* * *

10

вра́ски – порока

11

В службе он называется иереем Даниилом.


Комментарии для сайта Cackle