21-й день

Преподо́бных оте́ц на́ших Симео́на, Христа́ ра́ди юро́диваго, и Иоа́нна, спо́стника его́, и свята́го проро́ка Иезеки́иля

НА ВЕЧЕ́РНИ

На Го́споди, воззва́х: стихи́ры преподо́бных, глас 4.

Подо́бен: Дал еси́ зна́мение:

Пусты́ню все́льшеся единомы́слием, блаже́ннии,/ плотска́я двиза́ния посто́м, и моли́твами,/ и виде́нии све́тлыми увяди́сте я́ве,/ сердца́ же уясни́сте,/ прия́тно соде́лавше духо́вным преда́нием,/ Симео́не и Иоа́нне,/ мона́шествующих утвержде́ние.

Бу́ими притворе́нии/ мудреца́ зло́бы обезу́мил еси́, блаже́нне,/ соверша́я пресла́вная,/ де́йствуя зна́мения, де́моны отгона́,/ просвеща́я су́щия в нощи́ грехо́вней, о́тче./ И ум несмуще́н посреде́ пли́щей88 соблю́л еси́, Симео́не,/ безстра́стие от Бо́га прие́м.

Смире́н мудрова́нием,/ и ми́лостив, и Боголюби́в, и любве́ испо́лнен/ яви́лся еси́, Богодохнове́нне,/ умиле́н и кро́ток,/ я́коже А́нгел, по земли́ обходя́/ и житие́ име́я Небе́сное,/ те́мже почи́ на тебе́, я́коже на чистоте́, блаже́нне Симео́не,/ Оте́ц, и Сын, и Дух Святы́й.

И́ны стихи́ры проро́ка, глас 8.

Подо́бен: О, пресла́внаго чудесе́:

Иезеки́иле чу́дне,/ ю́же па́че ума́ мо́лнию/ и сла́ву неизрече́нную Госпо́дню, прему́дре,/ Херуви́мы Боже́ственными носи́му и восходя́щу/ и пева́ему тьма́ми уст,/ ума́ чистото́ю у́мно ви́дел еси́,/ предочи́стив ду́шу и те́ло, Богоблаже́нне.

Иезеки́иле Богоприя́тне,/ я́ко Христо́в подо́бник,/ чужда́го до́лга томи́тельство претерпе́л еси́,/ лю́те истяза́емь,/ преднапису́я хотя́щее честна́го ра́ди Креста́/ бы́ти ми́ру спасе́ние, Богоявле́нне, и избавле́ние./ Его́же причасти́тися всем ны́не умоли́,/ воспева́ющим тя.

Иезеки́иле Богодохнове́нне,/ сви́ток прие́м из руки́ Вседержи́теля,/ я́ве ме́да сладча́йши усто́м,/ священноявле́нен, Богови́ден/ и Богосло́в Богозрителев ты был еси́,/ прогне́вающему собо́ру/ от Бо́га, сла́вне, ра́зум пода́в.

Сла́ва, и ны́не, Богоро́дичен:

Ра́дуйся, душа́м просвеще́ние,/ согреша́ющим проще́ние,/ неради́вым исправле́ние./ Ра́дуйся, утеше́ние и ра́дость,/ скорбя́щих Помо́щнице./ Ра́дуйся, Блага́я, немощны́х душ исцеле́ние./ Ра́дуйся, примире́ние к Бо́гу и Хода́таице,/ Серафи́м всех я́ко су́щи святе́йши, Чи́стая.

Крестобогоро́дичен:

Что́ зри́мое виде́ние,/ е́же Мои́ма очи́ма ви́дится, о Влады́ко?/ Содержа́й всю тварь, на Дре́во воздви́жен быв,/ и умира́еши, всем Дая́й жизнь, –/ Богоро́дица, пла́чущися, глаго́лаше,/ егда́ узре́ на Кресте́ возноси́ма/ из Нея́ неизрече́нно возсия́вшаго Бо́га и Челове́ка.

Тропа́рь, глас 4:

Бо́же оте́ц на́ших,/ творя́й при́сно с на́ми по Твое́й кро́тости,/ не отста́ви ми́лость Твою́ от нас,/ но моли́твами их/ в ми́ре упра́ви живо́т наш.

Тропа́рь проро́ка, глас 2:

Проро́че Бо́жий Иезеки́иле,/ предзре́вый затворе́нная Ду́хом врата́/ и Плотоно́сца, во исхо́де сих, Еди́наго сказа́вый Бо́га,/ Того́ моли́, мо́лимся,/ да отве́рзет дверь ми́лости Своея́/ и спасе́т ду́ши благоче́стно пою́щих па́мять твою́.

Ин тропа́рь проро́ка, глас то́йже:

Проро́ка Твоего́ Иезеки́иля па́мять, Го́споди, пра́зднующе,/ тем Тя мо́лим:/ спаси́ ду́ши на́ша.

НА У́ТРЕНИ

Кано́н преподо́бных, глас 4. Творе́ние Феофа́ново.

Песнь 1

Ирмо́с: Мо́ря чермну́ю пучи́ну/ невла́жными стопа́ми/ дре́вний пешеше́ствовав Изра́иль,/ крестообра́зныма Моисе́овыма рука́ма/ Амали́кову си́лу в пусты́ни победи́л есть.

Прича́стием, е́же к Бо́гу, преподо́бне, свет был еси́,/ и к Нему́ отлучи́лся еси́, Симео́не, жела́нием кра́йним,/ благи́м наде́ждам твои́м, о́тче, исполне́ние прия́л еси́.

Жела́нием, е́же к Бо́гу, распала́емь, мир оста́вил еси́,/ спу́тника, о́тче, обре́т, Иоа́нна сла́внаго,/ с ни́мже стезю́ проше́л еси́ спаси́тельную, ра́дуяся.

Обогати́тися ника́коже истоща́емыми вожделе́вше,/ бога́тство и сла́ву вре́менную, му́дрии, и пи́щу мимотеку́щую,/ и мирско́е достоя́ние доблему́дренне отри́нусте.

Богоро́дичен: Красну́, и избра́нну, и всече́стну разуме́в Тя,/ Бо́жий, Пренепоро́чная, Сын, Твой Сын бысть,/ сы́ны сотвори́ благода́тию, Богоро́дицу Тя чту́щия.

Ин кано́н проро́ка, глас 8.

Песнь 1

Ирмо́с: Пои́м Го́сподеви,/ прове́дшему лю́ди Свои́ сквозе́ Чермно́е мо́ре,/ я́ко Еди́н сла́вно просла́вися.

Хотя́щу восхвали́ти Иезеки́иля, проро́ка Твоего́,/ дарова́ние ми пода́ждь, Благоде́телю, и благода́ть духо́вную.

Име́я восхожде́ния, Иезеки́иль свяще́нный,/ неизглаго́ланных самови́дец, Госпо́днею сла́вою озаря́ется.

Упра́вив твое́ житие́ и по́мыслу взыгра́ния плотска́я повину́в,/ проро́к яви́лся еси́ Богоприя́тный.

Богоро́дичен: Весь просвеще́н, к восто́ком многопе́тую обраще́нную дверь,/ проро́чествуеши Де́ву, Богодохнове́нне.

Песнь 3

Ирмо́с: Весели́тся о Тебе́ Це́рковь Твоя́, Христе́, зовущи:/ Ты моя́ кре́пость, Го́споди,/ и прибе́жище, и утвержде́ние.

Усе́рдно к мы́сленным совле́клся еси́ де́ланием, Симео́не,/ побежда́я вра́жия полки́ Боже́ственным посо́бием Ду́ха.

Ра́нами моли́твенными и воздержа́ния бие́нии, преподо́бне,/ страсте́й Еги́пет, о́тче Иоа́нне, уязви́л еси́.

Умори́ша врага́ по́стницы Твои́, Иису́се,/ умерщвле́ние ра́достно, Влады́ко, Твое́ живоно́сное возжела́вше.

Богоро́дичен: Избавля́ющаго челове́ки преслуша́ния лю́таго паде́ния,/ всему́ Вино́внаго, Чи́стая Всенепоро́чная, родила́ еси́.

Ин

Ирмо́с: Ты еси́ утвержде́ние/ притека́ющих к Тебе́, Го́споди,/ Ты еси́ Свет омраче́нных,/ и пое́т Тя дух мой.

Умерщвле́ние стяжа́в страстно́е,/ зри́ши, сла́вне, ме́ртвых пронапи́санное, я́ко проро́к, воста́ние.

Ми́лостив быва́я Своему́ Бог созда́нию,/ Боже́ствен ра́зум тя заблужде́нным, Богоявле́нне, показа́.

Уясни́ тя, сла́вне, Божества́ сия́ние,/ И́же на Херуви́мех седя́щее, Богоглаго́ливе, тебе́ я́вльшееся.

Богоро́дичен: Ни́ву проро́к Твой прозорли́выма чи́стую зрит очи́ма,/ де́вства соблюде́нный, Благоде́телю, Тебе́ вход.

Конда́к проро́ка, глас 4.

Подо́бен: Яви́лся еси́ днесь:

Бо́жий яви́лся еси́ проро́к, Иезеки́иле чу́дне,/ воплоще́ние Госпо́дне всем провозвести́л еси́,/ Сего́ А́гнца и Зижди́теля, Сы́на Бо́жия, я́вльшася во ве́ки.

Ин конда́к преподо́бных, глас 8.

Подо́бен: Взбра́нной:

Христо́вою любо́вию распала́еми, сла́внии,/ вся, я́же в житии́, преподо́бнии, оста́висте/ и, яре́м Его́ прие́мше и свой крест на ра́мо взе́мше,/ подража́тели Того́ житию́ бы́сте/ и Боже́ственныя Его́ сла́вы прича́стницы,/ Иоа́нне Богому́дре с Симео́ном чу́дным,/ непреста́нно моли́теся о всех нас.

Седа́лен преподо́бных, глас 5.

Подо́бен: Собезнача́льное Сло́во:

Согла́сием Боже́ственным озаря́еми,/ в пути́, веду́щия к Боже́ственным сия́нием, ходи́сте ве́рно, отцы́ преподо́бнии,/ и, враго́в отбе́гше прило́гов, сы́нове све́та и дне яви́стеся,/ Иоа́нне и Симео́не Богоблаже́ннии.

Сла́ва, проро́ка, глас 3.

Подо́бен: Красоте́ де́вства:

Сло́ва воплоще́ние предуясни́л еси́, Боже́ственным Ду́хом озаря́емь,/ вели́кий в Боже́ственных проро́цех, Иезеки́иле Богодохнове́нне./ Те́мже я́ко проро́ка тя свяще́нно ублажа́ем/ и торжеству́ем па́мять твою́ днесь, согла́сно вопию́ще ти, му́дре:/ моли́ся Христу́ спасти́ ду́ши на́ша.

И ны́не, Богоро́дичен:

Недомы́сленно и непостижи́мо есть, Влады́чице Богора́дованная,/ е́же соде́ланное о Тебе́ стра́шное Бо́жие та́инство:/ и́бо Необыме́ннаго заче́нши, родила́ еси́, пло́тию обложе́на от пречи́стых крове́й Твои́х,/ Его́же всегда́, Чи́стая, я́ко Сы́на Твоего́, моли́ спасти́ся душа́м на́шим.

Крестобогоро́дичен:

Неискусобра́чная Чи́стая и Ма́ти Твоя́, Христе́,/ ви́дящи Тя, ме́ртва ви́сяща на Кресте́, ма́терски пла́чущи, глаго́лаше:/ что́ Тебе́ воздаде́ евре́йский беззако́нный собо́р и неблагода́рный,/ и́же мно́гих и вели́ких Твои́х, Сы́не Мой, даро́в наслади́выйся?/ Пою́ Твое́ Боже́ственное снизхожде́ние.

Песнь 4

Ирмо́с: Вознесе́на Тя ви́девши Це́рковь на Кресте́,/ Со́лнце Пра́ведное,/ ста в чи́не свое́м,/ досто́йно взыва́ющи:/ сла́ва си́ле Твое́й, Го́споди.

Соедини́вшеся к стезе́ пра́вды,/ Богоно́снаго Ни́кона в Боже́ственныя огра́ды внидо́сте, преподо́бнии,/ спаси́тельным сия́нием сего́ наказа́нии обогати́стеся.

Единообра́зных и преподо́бно смы́слящих Богоно́сный и преподо́бный ви́дев ва́ю,/ Боже́ственными повестьми́ и Боже́ственною оде́ждою мона́шескою украси́.

Се́рдце твое́ скрижа́ль очище́нну Свята́го Ду́ха благода́ть обре́тши, о́тче,/ написа́ соверше́нно безстра́стие, ве́ру и любо́вь нелицеме́рну.

Богоро́дичен: Седя́й на престо́ле превознесе́нне Херуви́мстем, я́ко престо́л Тя име́,/ на объя́тиях Твои́х почи́в, Мари́е Богоневе́сто,/ Препросла́вленный Бог наш.

Ин

Ирмо́с: Услы́шах, Го́споди,/ смотре́ния Твоего́ та́инство,/ разуме́х дела́ Твоя́/ и просла́вих Твое́ Божество́.

На тебе́ рука́ бысть твоего́ Влады́ки и Вседержи́теля,/ неизглаго́ланная уча́щи и просвеща́ющи Тя Боже́ственными веле́ньми.

Ви́дети я́ко сподо́бился еси́ ужа́сно Боже́ственная виде́ния,/ на лицы́ пал еси́ и глас услы́шал еси́ Боже́ственнаго Ду́ха.

Да́нный твои́м усто́м из руки́ Госпо́дни сви́ток, изря́дне,/ се́рдце твое́ услади́ и проро́ка Боже́ственна соверши́.

Богоро́дичен: Сия́ющу ви́де Иезеки́иль дверь Боже́ственну,/ е́юже про́йде Госпо́дь, затворе́ну Сию́ сохрани́.

Песнь 5

Ирмо́с: Ты, Го́споди, мой Свет,/ в мир пришел еси́,/ Свет святы́й, обраща́яй из мра́чна неве́дения/ ве́рою воспева́ющия Тя.

Пресве́тлу зарю́, Иоа́нне, прии́м, я́ко со́лнце, яви́лся еси́,/ де́монскую тьму отгна́в, достосла́вне.

Твои́м жела́нием, Христе́, окрили́вшеся, преподо́бнии/ жела́ния теле́сная, я́коже пе́ну морску́ю, му́дренно оттрясо́ша.

Си́лою Боже́ственною ду́ши укрепи́вше, в пусты́ню всели́стеся,/ опустева́юще стра́сти, отцы́ Богому́дрии.

Богоро́дичен: Тече́ние преста́ тле́нное,/ Де́ва бо нетле́нно породи́ Бо́га Сло́ва,/ вы́ше естества́ и сло́ва, Де́вою пребы́вши.

Ин

Ирмо́с: У́тренююще, вопие́м Ти:/ Го́споди, спаси́ ны,/ Ты бо еси́ Бог наш,/ ра́зве Тебе́, ино́го не ве́мы.

Иезеки́иле блаже́нне Богоприя́тне,/ обраща́тися всех согреща́ющих наста́вил еси́ словесы́ твои́ми.

Во всем подо́бяшеся Го́сподеви проро́к:/ о чужди́х бо согреше́ниих моля́шеся.

Вити́йстии тя язы́цы не мо́гут восхвали́ти:/ пренебе́сною бо украси́лся еси́ све́тлостию.

Богоро́дичен: Боже́ственный зря́ше Тя дверь Иезеки́иль,/ е́юже нам возсия́ Светода́вец и Госпо́дь.

Песнь 6

Ирмо́с: Пожру́ Ти со гла́сом хвале́ния, Го́споди,/ Це́рковь вопие́т Ти,/ от бесо́вския кро́ве очи́щшися/ ра́ди ми́лости от ребр Твои́х/ исте́кшею Кро́вию.

Ум твой весь к Бо́гу простира́я,/ непреста́нными поуче́нии плотски́я любве́ не пощаде́л еси́,/ благи́х тебе́ хода́тайствуя, Симео́не, присвое́ние.

Ни скве́рны, ни вра́ски прия́л еси́, блаже́нне, посреде́ ми́ра живы́й,/ чи́стыми же па́че моли́твами очища́еши душе́вныя скве́рны притека́ющим ти.

Сый плотски́х мудрова́ний вы́шши,/ по́мыслом не уязви́лся еси́, посреде́ жен обнажа́яся:/ безстра́стия бо оде́ждею, Симео́не, обле́клся еси́.

Богоро́дичен: Усты́, и по́мыслом, и се́рдцем, Пречи́стая, Тя, Богоро́дицу, пропове́дуем:/ Тобо́ю бо Бо́гу примири́хомся, отринове́ннии преступле́нием пе́рвее пра́отца.

Ин

Ирмо́с: Ри́зу мне пода́ждь све́тлу,/ одея́йся све́том, я́ко ри́зою,/ Многоми́лостиве Христе́ Бо́же наш.

Ви́дети сподо́бился еси́ Бо́га, проро́че чу́дный,/ вся́каго явле́ния веще́ственна очи́щся, преблаже́нне.

Пло́ти превы́ше быв, взя́тся превысо́кою си́лою Ду́ха/ и све́та чи́стаго яви́лся еси́ испо́лнен.

Прече́стно житие́ имы́й,/ ликова́ние Небе́сное, пе́ния испуща́юще,/ зри́ши Херуви́мскаго Вседержи́теля.

Богоро́дичен: Ма́терь и Де́ву вои́стинну во о́бразе ви́дел еси́,/ дверь многосве́тлую, Богу и челове́ком Хода́таицу.

Конда́к преподо́бных, глас 2.

Подо́бен: Тве́рдыя:

Во пло́ти я́вльшася безпло́тнаго и доброде́тельми преми́рно просия́вшаго,/ Симео́на равноа́нгельнаго и Богоно́снаго восхва́лим,/ с ни́мже Иоа́нна приснопа́мятнаго, ве́рою и любо́вию,/ я́ко моля́щияся Го́споду непреста́нно о всех нас.

Песнь 7

Ирмо́с: В пещи́ авраа́мстии о́троцы перси́дстей,/ любо́вию благоче́стия па́че,/ не́жели пла́менем, опаля́еми, взыва́ху:/ благослове́н еси́ в хра́ме сла́вы Твоея́, Го́споди.

Одержи́м христоподо́бною, о́тче, Боже́ственною любо́вию други́х спасти́,/ ра́достно весь сам, вопия́, изда́лся еси89 :/ благослове́н еси́ в хра́ме сла́вы Твоея́, Го́споди.

От Небесе́ тебе́ по́данную, о́тче, прие́млеши пи́щу,/ се́ю препитава́еши вся, благопоко́рно прие́млющия твоя́ повеле́ния/ и до́лу влеку́щий грех оставля́ющия, блаже́нне.

После́довав оте́ческим преда́нием, о́тче му́дре,/ па́губы Ориге́новы бе́гати злочести́выя запове́дал еси́ зову́щим:/ благослове́н еси́ в хра́ме сла́вы Твоея́, Го́споди.

Богоро́дичен: Вы́шняго освяще́нное Боже́ственное селе́ние, ра́дуйся,/ Тобо́ю бо даде́ся ра́дость, Богоро́дице, зову́щим:/ благослове́нна Ты в жена́х еси́, Всенепоро́чная Влады́чице.

Ин

Ирмо́с: От Иуде́и доше́дше, о́троцы/ в Вавило́не иногда́/ ве́рою Тро́ическою пла́мень пе́щный попра́ша, пою́ще:/ отце́в Бо́же, благослове́н еси́.

Храм одушевле́н яви́лся еси́ Бо́жий, Богоно́се, о всеблаже́нне,/ и церко́вным ме́рилом мы́сленно научи́лся еси́, воспева́я Ду́хом:/ оте́ц на́ших Бо́же, благослове́н еси́.

Весь сый во у́жасе, преложе́н во град святы́й иногда́,/ и Боже́ственных та́ин научи́ся явле́нием, пе́ти поуча́яся:/ оте́ц на́ших Бо́же, благослове́н еси́.

Свяще́нник я́влься Бо́га Вы́шняго, досточу́дне,/ же́ртвы и мольбы́ прино́сиши Влады́це лю́дем предстоя́щим и пою́щим:/ оте́ц на́ших Бо́же, благослове́н еси́.

Богоро́дичен: Спасти́ восхоте́ челове́ческое существо Сло́во Пребоже́ственное,/ де́вственную дверь проше́д, пло́тию из Нея́ оде́явыйся:/ оте́ц на́ших Бо́же, благослове́н еси́.

Песнь 8

Ирмо́с: Ру́це распросте́р, Дании́л/ львов зия́ния в ро́ве затче́;/ о́гненную же си́лу угаси́ша,/ доброде́телию препоя́савшеся,/ благоче́стия рачи́тели о́троцы, взыва́юще:/ благослови́те, вся дела́ Госпо́дня, Го́спода.

Всесве́тлая ты был еси́ звезда́, су́щия в ти́не страсте́й приводя́ к животу́,/ твори́ши бо жены́ нечи́стыя целому́дренно жи́ти и отго́ниши лю́тыя неду́ги, вопия́:/ благослови́те, вся дела́ Госпо́дня, Го́спода.

Сый цел умо́м, в скро́ве90 му́дрых чуде́с, преподо́бне,/ мно́гия улови́л еси́ юро́дствовати Го́спода ра́ди,/ ве́дый наруга́ным бы́ти, вопия́ чисте́йшею душе́ю:/ благослови́те, вся дела́ Госпо́дня, Го́спода.

Соверше́нно еди́ный, и́же Свои́х Си по достоя́нию сла́вя Госпо́дь,/ износи́ма, преподо́бне, и гро́бу посыла́ема, а́нгельскими светлословле́нии почита́ет, вопию́ща:/ благослови́те, вся дела́ Госпо́дня, Го́спода.

Богоро́дичен: Избавля́яй нас, возсия́ из Тебе́ Госпо́дь, Де́во Чи́стая,/ Его́же моли́, Влады́чице, просвети́ти пою́щия Тя и обстоя́ния нас изба́вити, вопию́щих:/ благослови́те, вся дела́ Госпо́дня, Го́спода.

Ин

Ирмо́с: Царя́ Небе́снаго,/ Его́же пою́т во́и А́нгельстии,/ хвали́те и превозноси́те во вся ве́ки.

Свяще́нством проро́ческим проро́чествия свяще́нно украша́емь, сия́еши, проро́че,/ Христа́ Жизнода́вца поя́ во вся ве́ки.

На коле́ну преклоня́ющася, я́ко Благ, о ми́ре,/ зри́теля приими́ Твоея́ сла́вы, Иезеки́иля,/ я́ко да Тя пое́м во вся ве́ки.

Жела́нием Боже́ственным разже́гся,/ научи́лся еси́ па́че ума́ та́йнам, Иезеки́иле, вопия́:/ Тя, Христе́, превозно́сим во ве́ки.

Богоро́дичен: Струю́ оставле́ния, из но́щи у́тренюя, де́вства зря, Иезеки́иль Го́сподеви вопия́ше:/ Тя превозно́сим во ве́ки.

Песнь 9

Ирмо́с: Ка́мень нерукосе́чный/ от несеко́мыя горы́, Тебе́, Де́во,/ краеуго́льный отсече́ся,/ Христо́с, совокупи́вый разстоя́щаяся естества́./ Тем, веселя́щеся, Тя, Богоро́дице, велича́ем.

Всем се́рдцем Тро́ице усе́рдно возложи́вшеся/ и и́же от Нея́ лучи́ благоде́тельно прие́мше,/ светови́дни бы́сте и со А́нгелы лику́ете.

Жела́нием Боже́ственным приедини́вшеся и воздержа́нием просве́щшеся,/ ча́емых благ в прича́стии уже́ бы́сте/ и блаже́нное обрето́сте, Богоблаже́ннии, наслажде́ние.

Ва́ша прия́т боле́зни и по́ты весе́лие, конца́ ника́коже иму́щее,/ в не́мже пита́ющеся, Симео́не преподо́бне и Иоа́нне сла́вне,/ нас непреста́нно помина́йте.

Богоро́дичен: Спаси́ мя, всех ро́ждшая Изба́вителя и Благоде́теля,/ разори́ души́ моея́ о́блаки, Све́та о́блаче, Свята́я Влады́чице,/ и си́льна соде́лай на стра́сти, борю́щия мя.

Ин

Ирмо́с: Проявле́нное на горе́ законополо́жнику во огни́ и купине́/ Рождество́ Присноде́вы/ в на́ше, ве́рных, спасе́ние/ пе́сньми немо́лчными велича́ем.

Заре́ю сия́я, проро́че, благоче́стия, во огни́ и купине́ дре́вле Моисе́ю Я́вльшася,/ и сам ви́дети сподо́бился еси́ Тя, та́йно науча́юща неизглаго́ланным.

Свяще́нник показа́лся еси́, и таи́нник, и законоположи́тель,/ и проро́к прему́др, и подо́бник Влады́це и, страсте́й Его́ прича́стник быв,/ ны́не снасле́дник яви́лся еси́.

О, неизглаго́ланнаго и Боже́ственнаго светоявле́ния,/ Его́же ны́не наслажда́ешися, блаже́нне,/ издале́ча зря во Отце́ Сы́на и Ду́ха, три Ипоста́си Божества́.

Богоро́дичен: Ты еси́, Богоро́дице, ору́жие на́ше и стена́,/ Ты еси́ заступле́ние на Тя наде́ющимся,/ Тебе́ и ны́не на моли́тву подвиза́ем, да изба́вимся от враг на́ших.

Преподобные Симеон Христа ради юродивый и его спостник Иоанн, родом из Сирии, жили в VI веке в Едессе, в период правления византийского императора святого Иустиниана (527–565). Их совместное подвижничество началось после знакомства во время паломничества в Иерусалим на праздник Воздвижения Животворящего Креста Господня. Святому Иоанну было 24 года, он был женат и имел отца, Симеон же был 31 года и имел мать-старушку. Духовные переживания молодых паломников были так значительны, близость Бога ими ощущалась так живо и тепло, что после окончания празднеств святые Симеон и Иоанн решили посвятить свою жизнь Богу и направились в один из монастырей на Иордане. Встретил их мудрый игумен монастыря по имени Никон. Он обрадовался намерению молодых людей и укреплял их словами о том, что в жизни ничего нет выше служения Богу.

Вскоре они приняли иноческий постриг. Не желая утрачивать благодатного дара, полученного в пострижении, святые Симеон и Иоанн по благословению своего духовного отца Никона удалились в пустыню. Сила Божия, руководившая сердцами избранников, вела их тернистым путем.

Святые поселились в заброшенной отшельнической келлии вблизи Мертвого моря. Началась та «невидимая брань», о которой предупреждал игумен. Враг рода человеческого, пытаясь отвратить от богоугодного жития, смущал их воспоминаниями о родных, ужасал привидениями, терзал страстями. Но, помня свои обеты и слова старца, подвижники понуждали себя к служению Господу и поддерживали друг друга в подвигах Богомыслия, поста и молитвы. После того как по милости Божией им была открыта в видении мирная кончина родных, а также их благополучная загробная участь, подвиг их был несколько облегчен. В пустыне преподобные Симеон и Иоанн провели 29 лет.

По воле Божией пути святых затем разошлись: святому Иоанну было уготовано завершить жизнь в отшельничестве, а святой Симеон был призван к подвигу юродства Христа ради. Ощутив это призвание как некий необоримый призыв, преподобный Симеон сообщил о нем своему духовному брату и спостнику, и, несмотря на опечаленность Иоанна, ушел в мир. В Иерусалиме у святынь Креста и Гроба Господня святой Симеон долго молился о ниспослании ему помощи на стезе вразумления мира. Труден подвиг юродства и требует больших духовных усилий. Святость, прозорливость, странничество, великое постничество и «безумствование» Христа ради не всегда понятны внешнему человеческому взору, потому что Промысл Божий водительствует Своего избранника. Внутренний мир Христа ради юродивого глубоко таинственен, люди же то почитают его как святого, то презирают как безумца. Такое чередование было благотворно для преподобного Симеона: он оставался самим собой, не снижая к себе аскетических требований, и одновременно благодаря поношениям был защищен от гордыни.

В душе святого Симеона совершалось Богопознание. Из опыта внутреннего созерцания сущности мира и человека излилось его духовное завещание – наставление единственному близкому другу святому Иоанну, который не смущался, видя редкий подвиг своего собрата. Святой Симеон говорил о том, что существо каждого человека, промыслительная тайна о нем глубоко скрыты от внешнего, даже проницательного человеческого взора, что среди самых простых людей труда много великих святых и потому всякое осуждение ближнего может легко обернуться ошибкой и грехом. Преподобный Симеон предупреждал также о подлинных, невыдуманных опасностях посмертных мытарств души и призывал к милосердию, ибо оно может сильнее всего помочь человеку в этот грозный и неотвратимый час.

О святости жизни блаженного Симеона свидетельствует жизнеописание подвижника Христова. У одного из жителей была служанка, вступившая в незаконную связь с неизвестным человеком. Когда обнаружилась ее беременность, господа принуждали ее назвать соучастника греха. Служанка сказала, будто бы имела тайную связь с праведным Симеоном и подтвердила сказанное клятвой. Узнав об этом, святой Симеон не стал противоречить, но удалился, оставив простор для молвы и бесчестия. Когда наступило время родов, мучения служанки стали чрезмерными и невыносимыми, жизнь ее находилась в явной опасности, а ребенок не рождался. В это время неожиданно пришел святой Симеон и все стали упрашивать его помолиться о страдавшей. В ответ на это праведник сказал, что эта женщина не родит, прежде чем не назовет того человека, от которого стала беременной. Как только служанка назвала действительного отца, имя которого скрыла прежде, младенец тотчас родился.

Святой Симеон предсказал свою кончину, тайна ее была скрыта от глаз людей. Тело преподобного Симеона было найдено в его хижине под хворостом, и погребен он был как нищий. Некоторые очевидцы слышали при его погребении ангельское пение.

После кончины преподобного († ок. 590) у людей, знавших его жизнь в юродстве, словно открылись глаза: будучи завершена, она засияла светом святости. От самого преподобного Симеона составитель его жития узнал о видении ему его друга и спостника преподобного Иоанна тоже в нимбе святости. Духовное единство их, несмотря на внешнюю разлуку, не прерывалось на земле, и Церковь верит в их совместное предстояние Господу в вечности, в той же великой любви, только приумноженной и преображенной.

Литература:

1.Сказание о жизни преподобных отцов наших Симеона Христа ради юродивого и Иоанна спостника его. М., 1860.

2. Ковалевский И., священник. Юродство о Христе и Христа ради юродивые Восточной и Русскол Церкви. М., 1902, с. 120–125.

Святой пророк Божий Иезекииль. VII-VI века до Рождества Христова были ознаменованы для древних евреев вступлением в тяжелый, подлинно трагический период их истории. Это было время гнева Божия на израильский народ. Мгла народных грехов сгустилась настолько, что долготерпение Божие закончилось, и на иудеев были посланы суровые, но единственно спасительные для них кары. Чтобы вразумить избранный, но отпавший народ, Господь попустил халдеям, особенно возвысившимся при царе Навуходоносоре (605–562 гг. до Р. X.), завоевать Израильское царство. Иерусалим был трижды взят Навуходоносором, при царе иудейском Седекии (599–588 гг. до Р. X.) Иерусалим, взятый в третий раз, был полностью разрушен. Во время войн халдеи насильственно переселяли евреев в Вавилон, это пленение продолжалось 70 лет.

Во время Вавилонского плена по особому произволению Божию из среды Израиля стали воздвигаться пророки, которым был открыт истинный смысл происходящего. Во времена вавилонского плена действовали три великих пророка – Иеремия, Иезекииль и Даниил, огненные слова которых запечатлены в Священном Писании Ветхого Завета.

Святой пророк Иезекииль родился около 624 г. до Р. X., происходил из иудейского города Сарира, был потомственным священником, сыном Вузия из колена Левиина. Во время второго нашествия халдеев он был переселен в Вавилон, где жил близ реки Ховар и совершал свое пророческое служение. Началось оно, когда пророку было 30 лет – видением славы Господней в отверзшихся Небесах – и продолжалось 22 года. Будучи однажды около реки Ховар, святой внезапно увидел движение с севера великого огненного облака, излучавшего сияние. Внутри облака были видны очертания четырех живых существ, обликом похожих на человека, но каждое с четырьмя лицами и четырьмя крылами. Лица эти были лица человека, льва, тельца и орла, и при каждом существе было по колесу. Колеса представлялись сделанными из топаза и были покрыты бесчисленными глазами. Над головами существ был как бы кристаллический свод, на котором находились престол и образ Человека. Этот Человек тоже был словно из огня, Его окружало радужное сияние. Все это цельное, единое виде́ние жило огненной жизнью, двигалось, звучало, было одушевлено одним духом (Иез.1).

Это было не просто виде́ние – это было начало служения святого Иезекииля Господу. Сидящий на престоле обратился к пророку и объявил ему о его миссии: Иезекииль посылался к непокорным израильским переселенцам для возвещения им воли Божией. Но прежде Иезекииль должен был стать знающим. Святой пророк увидел простертую к себе руку со свитком, на котором стояли слова «плач, и стон, и горе», – этот свиток ему надлежало проглотить. Святой повиновался – и ощутил небывалую сладость, исполнившись пророческого духа. Колесница славы Божией при этом ушла вверх, и чудесное видение окончилось. Отныне святой Иезекииль должен был свидетельствовать о «плаче, стоне, горе» ждущих израильтян. Все его существо преобразилось – «отверзлись вещие зеницы», открылся духовный слух.

Книга пророка Иезекииля разделяется на две неравные части. Первая, бо́льшая, изображает ви́дение им всей глубины народного падения и грядущих грозных бедствий. Это те «плач, стон, горе», которые написаны в свитке, проглоченном пророком. Вторая часть книги Иезекииля исполнена надежды, показывает грядущее обновление и преображение Израиля. Слава Господня не только являлась пророку в главные моменты его жизни, но постоянно незримо руководила им. Сущность подвига пророка Иезекииля в том, что он служил Израилю живым знамением: часто он не говорил, но действовал, и символические действия его предвещали будущее народа. То знание, которое открывалось пророку Иезекиилю Святым Духом, он сообщал через знаменательные образы и притчи. Книга пророка Иезекииля отличается исключительной образностью.

Первая ее часть свидетельствует, что Израиль находится в плачевном состоянии, что он погибает, что если он не обратится, то его ждет полное уничтожение.

Здесь повествуется, что однажды, когда святой Иезекииль сидел со старейшинами народа, он был восхищен Духом и перенесен в Иерусалим. Водимый славой Божией, пророк увидел тайные идолопоклоннические культы, которые совершали отпавшие в язычество евреи, и ему, по милости Божией, открылся их ужасающий духовный смысл, а также их неотвратимо пагубные последствия. Пророк Иезекииль увидел грозных ангелов-карателей, входящих в Иерусалим, огненные угли, сыплющиеся на нечестивый город от славы Божией, трупы на его улицах и, главное, как слава Божия покинула город. Это подлинное пророческое виде́ние, откровение тайн вечности – и здесь пророк Иезекииль по преимуществу свидетель-созерцатель. В других случаях он вразумлял израильских переселенцев иначе. Он построил макет Иерусалима и изобразил его осаду, затем лег подле этого макета и лежал более года, питаясь нечистым хлебом; эти действия знаменовали захват Иерусалима и многолетний иудеев плен, по числу дней, которые лежал пророк. Иногда полученные откровения Иезекииль облекает в форму символических образов. Отношения между Богом и израильским народом он уподобляет браку, при этом идолопоклонничество Израиля сравнивается с многочисленными и безобразными супружескими изменами жены. Святой Иезекииль нередко обращался к притчам: он использовал образы молодого и хищного льва, посаженного в клетку, или виноградной лозы, перенесенной в пустыню, чтобы показать пленение вавилонское. Наконец, важное значение в служении святого пророка занимали пламенные обличительные речи, которыми он предупреждал соотечественников о грозящих им бедах, стараясь обратить их на путь праведный.

Во второй части книги Иезекииля повествуется о будущем восстановлении Израиля. Смысл откровений о восстановлении, которые получал пророк Иезекииль, относился уже не к одному еврейскому народу и не к ближайшему будущему, но ко всему человечеству и к конечным временам. Поэтому если первая часть книги пророка Иезекииля по преимуществу исторична, то вторая насыщена эсхатологическим содержанием и имеет сходство с образами Апокалипсиса.

Уже в самом начале пророчеств о восстановлении святой Иезекииль указывает, что есть это восстановление. Это не обретение государственной независимости и могущества – это преображение, духовное обновление личности человека. «И дам вам сердце новое, и дух новый дам вам; и возьму из плоти вашей сердце каменное, и дам вам сердце плотяное. Вложу внутрь вас дух Мой, и сделаю то, что вы будете ходить в заповедях Моих и уставы Мои будете соблюдать и выполнять» (Иез.36:26–27). В этих словах от Лица Бога утверждается, что восстановление – отнюдь не простое историческое событие, но духовное обновление. Здесь много общего с апокалипсическим «се, творю все новое» (Откр.21:5). Затем война с Гогом, которую созерцает в Духе пророк Иезекииль, также изображена подобно показанной в Апокалипсисе. Наконец, явственные черты вечности присутствуют в образе созерцаемого святым пророком Иезекиилем храма: поток живой воды, льющийся из него, который все оживляет и обновляет на своем пути, видит и новозаветный Тайнозритель (Иез.47:1–12 и Откр.22:1–2). Как книгу, так и жизнь святого пророка Божия Иезекииля можно назвать нисхождением и последующим восхождением: нисхождением – в самую глубину падшего мира, восхождением – к Свету вечности и Царства Божия.

Известно, что святой Иезекииль был также чудотворцем. Однажды при столкновении евреев с Халдеями он совершил чудо, подобное Моисеевому: по его молитве воды реки Ховар расступились и дали путь евреям, – те были спасены, преследующие же их халдеи погибли под водами. Также он наслал на впавших в идолопоклонство еврейских переселенцев различных ядовитых животных, которых впоследствии, сжалившись, удалил молитвой. Он избавил израильтян от голода, умиравших возвращал к жизни.

Кончина его была мученической: святой пророк Иезекииль был разорван конями по приказу одного из израильских старейшин, не выдержавшего его обличений. Евреи, оставшиеся верными Единому Богу, торжественно погребли его останки в усыпальнице Сима и Арфаксада, прародителей праотца Авраама.

Литература:

1. Бухарев А. Святой пророк Иезекииль. Очерк его времени, жизни и пророческой книги. М., 1864.

2. Гладков Б. И. Священная история Ветхого Завета. СПб., 1907.

Обре́тение честны́х моще́й святы́я преподо́бныя благове́рныя вели́кия княги́ни и́нокини А́нны, Ка́шинския чудотво́рицы

(Слу́жбу ея́ зри 12 ию́ня, на пренесе́ние честны́х моще́й)

Тропа́рь, глас 3:

Днесь восхваля́ем тя, препрдо́бная ма́ти,/ вели́кая княги́не и́нокине А́нно:/ я́ко бо лоза́ плодови́та посреде́ те́рния,/ процвела́ еси́ во гра́де Ка́шине твои́ми доброде́тельми,/ всех удиви́ла еси́ чу́дным твои́м житие́м,/ те́мже Христу́ Бо́гу угоди́ла еси́,/ и ны́не, ра́дующися и веселя́щися,/ пребыва́еши с ли́ки преподо́бных жен,/ наслажда́ющися ра́йския красоты́ и весе́лия./ Мо́лим у́бо тя:/ моли́ о нас Человеколю́бца Христа́, Бо́га на́шего,/ дарова́ти нам мир и ве́лию ми́лость.

Ин тропа́рь, глас 4:

Просвети́вшися Боже́ственною благода́тию, преподо́бная,/ и пра́востию у́мною ду́шу твою́ привяза́вши в любо́вь Христо́ву,/ тле́нная, и кра́сная, и вре́менная ни во что́же вмени́ла еси́./ Кре́стным зна́мением на мы́сленныя враги́ му́жески вооружи́вшися,/ по́стническими по́двиги, посто́м и моли́твами/ у́глие страсте́й угаси́ла еси́, достосла́вная А́нно,/ и по сме́рти источа́еши благода́ть притека́ющим к моще́м твои́м./ И ны́не, в Небе́снем черто́зе с му́дрыми де́вами предстоя́щи Христу́,/ моли́ о нас, почита́ющих святу́ю па́мять твою́.

Сла́ва, и ны́не, Богоро́дичен:Е́же от ве́ка утае́нное:

Кано́н преподо́бней на обре́тение честны́х ея́ моще́й, глас 5.

Песнь 1

Ирмо́с: Спаси́телю Бо́гу,/ в мо́ри лю́ди немо́крыми нога́ми наста́вльшему/ и фарао́на со всево́инством пото́пльшему,/ Тому́ Еди́ному пои́м, я́ко просла́вися.

Припе́в: Преподо́бная ма́ти, благове́рная княги́не Анно,/ моли́ Бо́га о нас.

А́гнче Бо́жий, Сло́ве,/ даждь ми сло́во, недосто́йному рабу́ Твоему́,/ да возмогу́ воспе́ти торжество́ в па́мять обре́тения моще́й преподо́бныя благове́рныя княги́ни Анны, взыва́я:/ Тому́ Еди́ному пои́м, я́ко просла́вися.

Безве́стная и та́йная, после́днему ро́ду явле́ны бы́ша честны́я мо́щи твоя́, блаже́нная А́нно,/ к ни́мже прикаса́ющеся, освяще́ние прие́млем, Го́сподеви пою́ще:/ Тому́ Еди́ному пои́м, я́ко просла́вися.

Всесвята́я твоя́ па́мять возсия́ ми́рови, я́ко со́лнце,/ просвеща́ет ду́ши благоче́стно пою́щих тя,/ в не́йже моли́ся, преподо́бная А́нно, пода́ти очище́ние грехо́в Го́сподеви зову́щим:/ Тому́ Еди́ному пои́м, я́ко просла́вися.

Богоро́дичен: Господороди́тельнице Чи́стая, Небе́сный вхо́де, горо́ несеко́мая, дверь непроходи́мая,/ апо́столом сла́во, му́чеником весе́лие, преподо́бным красото́,/ приими́ моле́ние на́ше, е́же Ти прино́сим в па́мять Богому́дрыя А́нны, Го́сподеви пою́ще:/ Тому́ Еди́ному пои́м, я́ко просла́вися.

Песнь 3

Ирмо́с: Водрузи́вый на ничесо́мже зе́млю повеле́нием Твои́м/ и пове́сивый неодержи́мо тяготе́ющую/ на недви́жущем, Христе́, ка́мени за́поведей Твои́х,/ Це́рковь Твою́ утверди́, Еди́не Бла́же и Человеколю́бче.

Днесь пра́зднственный день пра́зднуют наро́ди гра́да Ка́шина,/ обрето́ша бо мо́щи преподо́бныя вели́кия княги́ни А́нны це́лы и нетле́нны,/ я́ко не́кое сокро́вище бога́тно, непреста́нно Христу́ зову́ще:/ Це́рковь Твою́ утверди́, Еди́не Бла́же и Человеколю́бче.

Еди́ну добро́ту Христо́ву Боже́ственну возлюби́вши/ и Того́ распа́льшися невеще́ственными красота́ми,/ добро́ты теле́сныя не щади́ла еси́, сла́вная,/ виде́нии Боже́ственными пребыва́ющи и непреста́нно Христу́ зову́щи:/ Це́рковь Твою́ утверди́, Еди́не Бла́же и Человеколю́бче.

Житие́ твое́, я́ко со́лнце, в сердца́ ве́рных возсия́, зари́ чуде́с испуща́юще./ Те́мже и нас невече́рним све́том озари́, всечестно́е твое́ обре́тение почита́ющих,/ да непреста́нно Христу́ зове́м:/ Це́рковь Твою́ утверди́, Еди́не Бла́же и Человеколю́бче.

Богоро́дичен: Зело́ лю́те погружа́емую ду́шу мою́ в пучи́не жите́йских страсте́й/ и бу́рею одержи́мую безме́рных согреше́ний изведи́ из глубины́ зол мои́х,/ спасе́ния ми простри́ ру́ку, Пречи́стая.

Седа́лен, глас 5:

Пресве́тлая и светоно́сная приспе́ твоя́ па́мять, преподо́бная ма́ти, Богому́драя А́нно,/ созыва́ющи ве́рных мно́жество просла́вити и пе́ти твое́ честно́е обре́тение./ Проси́ нам от Христа́ прия́ти ве́лию ми́лость.

Сла́ва, и ны́не, Богоро́дичен:

Яви́лася еси́ вы́шши Небе́сных сил,/ Влады́ку и Христа́ ро́ждши, Богоро́дице,/ земны́х естество́ возвела́ еси́, Богоневе́стная./ Те́мже Тя вои́стинну, Богороди́тельнице, се́рдцем и душе́ю ве́рно сла́вим.

Песнь 4

Ирмо́с: Дела́ смотре́ния Твоего́, Го́споди,/ ужаси́ша проро́ка Авваку́ма,/ изше́л бо еси́ на спасе́ние люде́й Твои́х,/ спасти́ пома́занныя Твоя́ прише́л еси́.

Землени́и бо есмы́ и пе́рстнии челове́цы,/ ве́рно припа́даем и пречестны́м моще́м твои́м, преподо́бная ма́ти Анно, прося́ще отпуще́ния грехо́в./ Моли́ся о ве́рно пря́зднующих твое́ честно́е обре́тение.

И́же крест взе́мши, блаже́нная,/ жела́емаго оте́чества, го́рняго Иерусали́ма, дости́же/ и в нем со А́нгелы лику́еши, Богому́драя А́нно./ Моли́ о чту́щих честны́х моще́й твои́х обре́тение.

Ны́не на Небесе́х с пра́ведными весели́шися, преподо́бная ма́ти А́нно./ С ни́ми же моли́ся, Христо́ви предстоя́щи,/ мир ми́рови дарова́ти и всем скорбя́щим утеше́ние.

Богоро́дичен: Кто не удиви́тся, или́ кто не почу́дится человеколю́бию Бо́жию?/ Сшед бо с Небесе́ и воплоти́ся нас ра́ди из Тебе́ без отца́, Еди́на Всепе́тая,/ Его́же моли́ изба́витися рабо́м Твои́м от вся́кия ско́рби.

Песнь 5

Ирмо́с: Окая́нную ду́шу мою́, нощеборю́щуюся со тьмо́ю страсте́й,/ предвари́в, уще́дри/ и возсия́й мы́сленное со́лнце днесве́тлыя звезды́ во мне,/ во е́же раздели́ти нощь от све́та.

О любо́вию чту́щих твои́х честны́х моще́й обре́тение, Богому́драя А́нно,/ не преста́й моля́щися Христу́ Бо́гу,/ да прии́мем грехо́в просты́ню91  и да озари́т нас в нощи́ свет.

Мно́жество наро́да христоимени́тых люде́й, соше́дшеся днесь в твое́ обре́тение, преподо́бная А́нно,/ прикаса́ющеся ра́це моще́й твои́х, от них исцеле́ние почерпа́ем, непреста́нно Христу́ зову́ще:/ да озари́т нас в нощи́ свет.

Не то́кмо в житии́ твое́м, но и по сме́рти/ мно́гая чудеса́ от честны́я твоея́ ра́ки содева́ются приходя́щим с ве́рою, всеблаже́нная А́нно,/ неду́ги бо прогоня́еши и от бед избавля́еши си́лою Христо́вою,/ к Нему́ же непреста́нно зове́м:/ да озари́т нас в нощи́ свет.

Богоро́дичен: Враг вселука́вый по вся дни к го́ршим влече́т мя,/ и в ров поги́бели влага́ет, и во отча́яние мя влече́т./ Но того́ мя ловле́ния, Чи́стая, исхити́,/ и твори́ти во́лю Боже́ственную Сы́на Твоего́ и Бо́га на́шего наста́ви,/ и в час стра́шнаго прише́ствия Его́ изба́ви мя вся́каго осужде́ния.

Песнь 6

Ирмо́с: Обы́де мя бе́здна,/ гроб мне кит бысть,/ аз же возопи́х к Тебе́, Человеколю́бцу,/ и спасе́ мя десни́ца Твоя́, Го́споди.

Прииди́те, собери́теся, христоимени́тии наро́ди, све́тло пра́зднуим обре́тение честны́х моще́й Богому́дрыя А́нны./ Мо́литбося ко Влады́це и Бо́гу на́шему,/ да изба́вит нас от вся́каго озлобле́ния./ К Нему́ же, воспева́юще, глаго́лем:/ спасе́ нас десни́ца Твоя́, Го́споди.

Ра́ка моще́й твои́х, преподо́бная ма́ти А́нно, дража́йши сапфи́ра показа́ся,/ чудотвори́ва бо бе, исцеле́ния источа́ющи,/ ю́же облобыза́юще, ве́рнии, ра́достно от души́ Христу́ зове́м:/ спасе́ нас десни́ца Твоя́, Го́споди.

Све́тлыми сия́нии обрето́шася честны́я твоя́ мо́щи/ на версе́ земне́м, в ра́це ка́менне, преподо́бная ма́ти, княги́не А́нно./ От мног бо лет сокрове́ны бы́ша, ны́не же нам яви́шася я́ко заря́ пресве́тлая,/ просвеща́ют и освяща́ют чту́щих тя ве́рно и ра́достно от души́ Христу́ зову́щих:/ спасе́ нас десни́ца Твоя́, Го́споди.

Богоро́дичен: Тебе́, Чи́стую Де́ву, Нескве́рную,/ еди́ну и́мам сте́ну непреобори́му, и прибе́жище, и покро́в кре́пок, и ору́жие спасе́ния,/ да мя не пре́зриши, окая́ннаго,/ наде́ждо ненаде́жным, скорбя́щим ра́досте и заступле́ние.

Конда́к, глас 8.

Подо́бен: Взбра́нной:

Скоропослу́шную помо́щницу вси, су́щии в беда́х,/ благоче́стно воспое́м, А́нну святу́ю,/ днесь любо́вию соше́дшеся во обре́тение честны́х моще́й ея́./ Воспое́м песнь Еди́ному в Тро́ице Бо́гу, ра́дующеся,/ сподо́бльшему нас ви́дети пречи́стое сокро́вище честны́х моще́й ея́:/ от мног бо лет сокрове́ны бы́ша,/ напосле́док же нам явле́ны/ и источа́ют мно́га и разли́чна исцеле́ния./ Я́ко да моли́твами ея́ к Бо́гу/ от вся́ких находя́щих зол изба́вимся,/ ра́достною душе́ю и весе́лием се́рдца благода́рная воспое́м, глаго́люще:/ ра́дуйся, утвержде́ние гра́ду на́шему.

И́кос:

А́нгельским на земли́ житие́м показа́ся, А́нгелы удиви́ла еси́/ и челове́ки просвети́ла еси́ заря́ми чуде́с твои́х,/ преподо́бная ма́ти, благове́рная вели́кая княги́не А́нно./ И ны́не нас вразуми́ воспева́ти ти песнь к твоему́ хвале́нию ра́достным гла́сом, си́це глаго́лющих:/ ра́дуйся, я́ко оста́вила еси́ тле́нное мудрова́ние и восприя́ла еси́ нетле́нный вене́ц;/ ра́дуйся, терпели́вая душе́ю, я́же злоко́зненнаго врага́ под нога́ма сте́рла еси́./ Ра́дуйся, я́ко ни́жнее мудрова́ние оста́вила еси́ и Вы́шняго ца́рствия дости́гла еси́;/ ра́дуйся, я́ко па́че естества́ челове́ча честна́я ра́ка моще́й твои́х/ из землены́х недр изда́вшися и ста на версе́ земне́м./ Ра́дуйся, цели́тельнице боле́знем и отгони́тельнице страсте́м;/ ра́дуйся, Богому́драя А́нно, утвержде́ние гра́ду на́шему.

Песнь 7

Ирмо́с: Огня́ гаси́лищеотроко́в моли́твы,/ ороша́ющая пещь, пропове́дница чудесе́,/ не опаля ́ ющи, ниже́ сожига́ющи/ песносло́вцы Бо́га оте́ц на́ших.

Уста́ви ны́нешнюю бу́рю, обдержа́щую нас, преподо́бная,/ и укроти́ моли́твами твои́ми, и ва́рварское нахожде́ние низложи́,/ и нас, раб твои́х, на супоста́ты укрепи́,/ да, ра́дутощеся, пои́м Бо́га оте́ц на́ших.

Фарисе́йски не лицеме́руем,/ но, со смире́нием и ра́достию прикаса́ющеся честне́й ра́це твое́й, Богому́драя А́нно,/ про́сим проще́ния грехо́в,/ песносло́вяще Бо́га оте́ц на́ших.

Храни́тельница бу́ди гра́ду твоему́ и всем христоимени́тым лю́дем, преподо́бная ма́ти А́нно./ Сохраня́й от пога́ных наше́ствия и междоусо́бныя бра́ни, гла́да же и па́губы,/ да моли́твами твои́ми изба́вльшеся, Христу́ зове́м,/ песносло́вяще Бо́га оте́ц на́ших.

Богоро́дичен: Отча́явшимся ве́лие прибе́жище, обурева́емым ти́хое приста́нище еси́, Богоро́дице./ Те́мже и мы, припа́дающии, да не постыди́мся, Ма́ти И́стиннаго Живота́, Тебе́ благодаря́ще и пою́ще:/ благослове́нна Ты в жена́х еси́, Пренепоро́чная Влады́чице.

Песнь 8

Ирмо́с: Ороси́вшаго пещь и о́троки Сохра́ншаго посреде́ горя́щаго пла́мене,/ о́троцы, славосло́вите,/ свяще́нницы, благослови́те,/ лю́дие, превозноси́те во вся ве́ки.

Царю́ Христу́ в Небе́снем черто́зе предстои́ши с му́дрыми де́вами,/ помина́й нас, чту́щих честны́х моще́й твои́х обре́тение,/ и избавля́й нас от вся́кия ну́жды и печа́ли,/ да, ра́дующеся, Христу́ зове́м:/ лю́дие, превозноси́те Его́ во вся ве́ки.

Чудесе́м исто́чник ра́ка твоя́ яви́ся, преподо́бная ма́ти А́нно,/ от нея́же оби́льно вси притека́ющии прие́млют телесе́м здра́вие и душа́м спасе́ние твои́ми моли́твами,/ те́мже, ра́дующеся, Христу́ зове́м:/ лю́дие, превозноси́те Его́ во вся ве́ки.

Ше́ствие твое́ до́бре сконча́ла еси́ и мирски́й мяте́ж, а́ки безбу́рное приста́нище, преплы́ла еси́,/ плоть твою́ ду́хови повину́ла еси́./ И ны́не на Небесе́х предстои́ши всех Царю́ Христу́, Ему́же зове́м:/ лю́дие, превозноси́те Его́ во вся ве́ки.

Богоро́дичен: Ще́драго и человеколюби́ваго Спа́са поро́ждши, Чи́стая,/ Того́ моли́ уще́дрити раба́ Твоего́ и к покая́ния пути́ наста́вити,/ лука́ваго собла́зны от се́рдда моего́ отжени́ и того́ ловле́ния,/ я́ко да непреста́нно пою́ Тя, Чи́стую, во вся ве́ки.

Песнь 9

Ирмо́с: Иса́ие, лику́ий,/ Де́ва име́ во чре́ве и роди́ Сы́на Емману́ила,/ Бо́га же и Челове́ка, Восто́к и́мя Ему́,/ Его́же велича́юще, Де́ву ублажа́ем.

Исто́чник, исцеле́ния испуща́я,/ врачева́ние же безме́здно и ковче́г свяще́ния твои́х моще́й ра́ка яви́ся,/ из нея́же почерпа́ем здра́вие присноживо́тное, притека́ющии ве́рно, преподо́бная А́нно,/ и и́же тебе́ Дарова́вшаго в пе́снех велича́ем.

Возвели́чила еси́ на земли́ твоего́ Влады́ку,/ тем и во обре́тении честны́х моще́й твои́х глубину́ чуде́с показа́ла еси́/ и струю́ неоскудева́емую ра́ку моще́й твои́х, преподо́бная А́нно./ Слепы́м е́же ви́дети дарова́ся, прокаже́нным очище́ние,/ и одержи́мыя нечи́стыми ду́хи целому́дрены твори́ши./ Те́мже тя велича́ем.

Недосто́йною мое́ю руко́ю принесо́х ти таково́е сло́во изви́тия, Богому́драя А́нно,/ не пре́зри, но приими́ сие́ с любо́вию/ и моли́ за мя Творца́ твоего́, Влады́ку и Го́спода, та́мошняго мя изба́вити муче́ния/ и ми́лость обрести́ ми в день стра́шнаго испыта́ния.

Богоро́дичен: Влады́чице ми́ра, Богоро́дице,/ и́же во глубине́ зол поги́бели мене́ погруже́ннаго злоу́мными сластьми́ плотски́ми и пристра́стием веще́м жития́,/ изведи́, Пречи́стая Де́во, Свои́м милосе́рдием,/ и́о не и́мам наде́жды, весь бо есмь, Чи́стая, во отча́янии,/ да Тя непреста́нно велича́ю.

Свети́лен.

Подо́бен: Жены́, услы́шите:

Я́коже со́лнце облиста́ющи, чудеса́ испуща́еши, просвеща́ющи ве́рных сердца́,/ и́же твое́ сла́вное обре́тение ве́рно творя́щия спаса́й, преподо́бная ма́ти А́нно.

Сла́ва, и ны́не, Богоро́дичен:

Тя Предста́тельницу и́мамы, гре́шнии, о Пресвята́я Де́во./ Ты благопреме́нна сотвори́ Сы́на Твоего́ и Бо́га на́шего/ ма́терними Твои́ми моли́твами.

Моли́тва

О преподо́бная и преблаже́нная ма́ти А́нно! Смире́нно припа́дающе к честны́м моще́м твои́м, мо́лимся со слеза́ми приле́жно: не забу́ди убо́гих твои́х до конца́, но помина́й нас всегда́ во святы́х твои́х и благоприя́тных моли́твах к Бо́гу. О преблаже́нная вели́кая княги́не А́нно! Не забу́ди присеща́ти чад твои́х, а́ще бо те́лом и преста́вилася еси́ от нас, но и по сме́рти жи́ва пребыва́еши и не отступа́еши от нас ду́хом, сохраня́ющи нас от стрел вра́жиих, вся́кия пре́лести бесо́вския и ко́зней диа́вольских. Моли́твеннице на́ша усе́рдная! Не преста́й моля́щися за ны ко Христу́, Бо́гу на́шему, а́ще бо моще́й твои́х ра́ка пред очи́ма на́шима вы́ну ви́дима есть, но свята́я душа́ твоя́, со А́нгельскими во́инствы у Престо́ла Вседержи́теля предстоя́щи, досто́йно весели́тся. К тебе́ у́бо припа́даем, тебе́ мо́лимся, тебе́ ми́ли ся де́ем: моли́ся, преблаже́нная А́нно, Всеми́лостивому Бо́гу на́шему о спасе́нии душ на́ших, е́же испроси́ти нам вре́мя на покая́ние и невозбра́нно прейти́ от земли́ на Не́бо, мыта́рств го́рьких и ве́чныя му́ки изба́витися и Небе́сному Ца́рствию насле́дником бы́ти со все́ми преподо́бными, от ве́ка угоди́вшими Го́споду на́шему Иису́су Христу́, Ему́же сла́ва, со Безнача́льным Его́ Отце́м, и с Пресвяты́м, и Благи́м, и Животворя́щим Его́ Ду́хом, ны́не, и при́сно, и во ве́ки веко́в. Ами́нь.

Святая благоверная княгиня Анна Кашинская мирно преставилась 2 октября 1368 года и была погребена в Успенском соборе в городе Кашине. Собор был храмом женского монастыря, в котором подвизалась благоверная княгиня Анна в последние годы земной жизни; впоследствии он стал приходским храмом. С годами Успенский храм обветшал, сквозь зияющий пол открылась гробница святой княгини Анны, память о которой со временем изгладилась в народе. Не зная, чья гробница находится в храме, прихожане ставили на гробницу вещи, клали одежду. В 1611 году, в смутное время, благоверная княгиня Анна явилась тяжело больному пономарю Успенского храма Герасиму, исцелила его от болезни и велела передать соборному протопопу Василию и жителям города Кашина, что Господь по ее молитвам сохранит город от литовцев, разорявших в то время Северо-Западную Русь. Благоверная Анна повелела чтить ее память и возжечь лампаду пред иконой Спаса Нерукотворенного, которая находилась над местом ее упокоения. С той поры кашинцы стали благоговейно хранить и почитать гробницу святой княгини Анны. При гробе ее неоднократно совершались исцеления больных.

В царствование Алексея Михайловича (1645–1676) и при Патриархе Московском и всея Руси Иосифе (1642–1652) жители Кашина ходатайствовали об открытии нетленных мощей покровительницы своего города. Святейший Патриарх Иосиф благословил архиепископа Тверского Иону свидетельствовать мощи благоверной княгини Анны, что и было исполнено 21 июля 1649 года. Святые мощи благоверной княгини Анны были обретены нетленными. В том же году Собор Русской Православной Церкви причислил благоверную княгиню Анну к лику святых. На обретение мощей была составлена служба.

Память преподобной Анны Кашинской совершается также 12 июня.

Литература:

1. Архангелов С., священник. Святая благоверная княгиня-инокиня Анна Кашинская. СПб., 1909.

2. Архангелов С., священник. Житие и чудеса святой благоверной великой княгини Анны Кашинской. СПб., 1909.

3. Житие и подвиги благоверной великой княгини Анны Кашинской. М., 1909.

4. А. П. Житие и прославление святой преподобной княгини Анны Кашинской. М., 1912.

5. Иоаким, иеромонах. Житие святой благоверной княгини Анны Кашинской. М., 1909.

Преподо́бных Ону́фрия молчали́ваго и Они́сима затво́рника, в Бли́жних пеще́рах почива́ющих

Тропа́рь, глас 3:

Преблаже́ннии и Богоно́снии отцы́ на́ши Ону́фрие и Они́симе,/ я́ко стяжа́вшии дерзнове́ние ко Го́споду/ равноа́нгельным свои́м житие́м,/ его́же ра́ди обогати́ Христо́с нетле́нием и чудесы́ мо́щи ва́ша,/ мо́лим вас приле́жно:/ испроси́те душа́м на́шим очище́ние/ и ве́лию и бога́тую ми́лость.

Конда́к, глас 4:

Бога́тство благода́ти и сыноположе́ния/ стяжа́вше мно́гими по́двиги и доброде́тельми,/ и́хже ра́ди Христо́с всели́ ду́ши ва́ша в Небе́сная селе́ния Своя́,/ дарова́в благода́ть нетле́ния и чуде́с моще́м ва́шим,/ к ни́мже притека́юще, вопие́м:/ ра́дуйтеся, Ону́фрие и Они́симе, отцы́ на́ши,/ лико́в и́ночествующих похвало́ и удобре́ние.

Преподобный Онуфрий молчаливый, Печерский подвизался в ближних Антониевых пещерах в XII веке. Вторично память совершается 28 сентября в Соборе преподобных отцов Киево-Печерских Ближних пещер.

Литература:

Киево-Печерский Патерик. М., 1911.

Преподобный Онисим Печерский (XII–ХIII), подвизаясь в Киево-Печерской лавре, затворился в Ближних пещерах (преподобного Антония). Святые мощи преподобного погребены на месте его подвигов. Память его совершается также 28 сентября в Соборе преподобных отцов Киево-Печерских Ближних пещер.

* * *

88

посреде́ пли́щей – посреди смятения, волнения

89

изда́лся еси́ – отдался, посвятил себя

90

в скро́ве – в тайне

91

просты́ню – прощение



Источник: Минея. Июнь. Ч. 1. - М.: Издательский Совет Русской Православной Церкви, 2002. – 632 с. ISBN 5-94625-010-8

Комментарии для сайта Cackle