[Глава 36] Отпусти́тельнии всея́ седми́цы

[В неде́лю ве́чера:]

Тропа́рь, гла́с 4:

Небе́сных во́инств архистрати́зи, мо́лим ва́с при́сно мы́ недосто́йнии, да ва́шими моли́твами оградите́ на́с кро́вом кри́л невеще́ственныя ва́шея сла́вы, сохраня́юще на́с припа́дающих приле́жно, и вопию́щих: от бе́д изба́вите на́с, я́ко чинонача́льницы вы́шних си́л.

Богоро́дичен, гла́с то́йже: Воспита́вшейся во хра́ме:

[В понеде́льник ве́чера:]

Тропа́рь, гла́с 2:

Па́мять пра́веднаго с похвала́ми, тебе́ же довле́ет свиде́тельство Госпо́дне Предте́че: показа́л бо ся еси́ вои́стинну и проро́ков честне́йший, я́ко и в струя́х крести́ти сподо́бился еси́ пропове́даннаго. Те́мже за и́стину пострада́в ра́дуяся, благовести́л еси́ и су́щым во а́де Бо́га я́вльшагося пло́тию, взе́млющаго гре́х ми́ра, и подаю́щаго на́м ве́лию ми́лость.

Богоро́дичен, гла́с то́йже:

Боже́ственнаго бы́хом о́бщницы:

[Во вто́рник ве́чера:]

Тропа́рь, гла́с 1: Спаси́ Го́споди лю́ди Твоя́:

Крестобогоро́дичен:

Твое́ предста́тельство иму́ще Пречи́стая, и Твои́ми моли́твами лю́тых избавля́еми, Кресто́м Сы́на Твоего́ везде́ соблюда́еми, по до́лгу Тя́ вси́ благоче́стно велича́ем.

[В сре́ду ве́чера:]

Тропа́рь, гла́с 3:

Апо́столи святи́и, моли́те ми́лостиваго Бо́га, да прегреше́ний оставле́ние пода́ст душа́м на́шым.

И́н, гла́с 4:

Пра́вило ве́ры, и о́браз кро́тости, воздержа́ния учи́теля, яви́ тя ста́ду твоему́, я́же веще́й и́стина: сего́ ра́ди стяжа́л еси́ смире́нием высо́кая, нището́ю бога́тая. О́тче священнонача́льниче Нико́лае моли́ Христа́ Бо́га спасти́ся душа́м на́шым.

Богоро́дичен: Сло́во О́тчее, Христа́ Бо́га на́шего:

[В четверто́к ве́чера:]

Тропа́рь: Спаси́ Го́споди лю́ди Твоя́:

Крестобогоро́дичен: Твое́ предста́тельство иму́ще:

[В пято́к:]

Апо́столи, му́ченицы и проро́цы:

Помяни́ Го́споди, я́ко бла́г рабы́ Твоя́:

Ма́ти Свята́я Неизрече́ннаго Све́та:


Источник: Минея общая – М. : Издательский Совет Русской Православной Церкви, 2002. – 516 с. ISBN 5-94625-045-0

Комментарии для сайта Cackle