Воздвижение Честного и Животворящего Креста

Содержание

Великая вечерня Утреня На литургии  

 

Всемирное воздвижение Честного и Животворящего Креста Господня – единственный из чреды двунадесятых (т.е. 12-ти наиболее значимых) праздников церковного года, который посвящен не новозаветному событию, но переломному моменту церковной истории – окончанию эпохи гонений и началу эпохи христианской империи. Он установлен в память событий, связанных с чудесным явлением Креста святому равноапостольному императору Константину Великому в 306 г. (после чего Крест Христов становится защитным оружием и символом победы христианского государства) и с последующим обретением животворящего древа Креста Господня в 326 г. в Иерусалиме по инициативе святой равноапостольной царицы Елены, матери Константина. В основе праздника лежит исторический факт – «всемирное воздвижение» (т.е. возвышение при великом стечении народа) Честного и Животворящего древа Креста свт. Макарием Иерусалимским на все стороны света, предпринятое для того, чтобы все собравшиеся могли увидеть святыню. В воспоминание об этом в кафедральных и других соборных храмах в сей день совершается особый чин воздвижения образа Креста Господня. Поскольку в связи с Крестом Господним воспоминаются также и спасительные страдания Христовы, в день праздника положен пост (но с дозволением вина и масла). Последняя тема праздника – Крест Христов, стоящий на защите христианской государственности, поэтому праздничные тексты изобилуют молитвословиями за христианских царей, за христианское государство как совокупность граждан – христиан (греч. «политевма», слав. пер. «жительство») и за всю империю (греч. «экумена», слав.пер. «вселенная»).

Празднование совершается 14 (27) сентября, на следующий день после ежегодного литургического воспоминания об освящении («обновлении») храма Воскресения Христова над Гробом Господним и Голгофой в Иерусалиме (335 г.). Своего рода предвосхищением праздника является богослужение 1 (14) августа – день изнесения («происхождения») частицы древа Креста Господня из царского дворца во Влахерне в Константинополь для поклонения верующих: с этого дня (за исключением периода празднования Успения Богоматери) на катавасиях утрени поются ирмосы канона Воздвижению Крест начертав Моисей. Предваряющие праздник суббота и воскресенье (т. н. суббота и неделя пред Воздвижением) имеют особые апостольские и евангельские чтения. Самому дню Воздвижения предшествует один день предпраздства, когда воспоминается и освящение иерусалимского храма Воскресения). Вечером в день праздника на великой вечерне поется прокимен великий Бог наш на небеси и на земли. За Воздвижением следуют 7 дней попразднства с отданием праздника в конце. Суббота и воскресенье по Воздвижении также имеют особые чтения, связанные с темой Креста Господня.

Все гимнографические произведения в честь праздника помещены в Минее. Службы святым, воспоминаемым в этот день месяца, согласно Богослужебному Уставу, отменяются или переносятся на другой день.

Вечером, накануне празднования воздвижения Честного и Животворящего Креста, совершаются 9 час и малая вечерня. Затем следует всенощное бдение – соединение великой вечерни и утрени. В самый день праздника положена Литургия свт. Иоанна Златоуста.

Далее звездочкой (*) отмечены те песнопения или отделы службы, которые в приходской практике обычно сокращаются; а квадратными скобками [ ] – те, что опускаются вовсе.

Великая вечерня

Возглас: Слава Святей, и Единосущной, и Животворящей,

и Нераздельней Троице:

Приидите поклонимся: (трижды). Предначинательный псалом* (Благослови душе моя Господа: Пс.103).

Ектения великая.

Затем Псалмы вечерние* (Господи воззвах, Да исправится молитва моя: Пс.140, 141, 129 и 116): к последним 8-ми стихам припеваются стихиры праздника, глас 6:

Из глубины воззвах к Тебе, Господи, Господи, услыши глас мой.

Кре́ст воздвиза́емь на нем Вознесе́ннаго стра́сть пречи́стую пе́ти повелева́ет1 тва́ри всей: на том бо уби́в нас уби́вшаго, умерщвле́нныя оживи́л есть и удобри́, и на Небесе́х жи́ти2 сподо́би, я́ко Милосе́рд, премно́жеством бла́гости. Тем ра́дующеся, вознесе́м и́мя Его́ и Того́ возвели́чим кра́йнее снизхожде́ние.

Да будут уши Твои внемлюще гласу моления моего.

[Снова та же стихира.]

Аще беззакония назриши, Господи, Господи, кто постоит? Яко у Тебе очищение есть.

[Снова та же стихира ]

Имене ради Твоего потерпех Тя, Господи, потерпе душа моя в слово Твое, упова душа моя на Господа.

Моисе́й предобрази́ тя, ру́ки просте́р на высоту́, и побежда́ше Амали́ка мучи́теля3, Кре́сте Честны́й – ве́рных похвало́, страда́льцев утвержде́ние, апо́столов удобре́ние, пра́ведных побо́рниче, всех препо́добных спаси́телю. Тем тя воздвиза́ема зря́щи, тварь весели́тся и торжеству́ет, сла́вящи Христа́, тобо́ю разстоя́щая собра́вшаго кра́йнею бла́гостию.

От стражи утренния до нощи, от стражи утренния, да уповает Израиль на Господа.

[Снова та же стихира.]

Яко у Господа милость, и многое у Него избавление: и Той избавит Израиля от всех беззаконий его.

[Снова та же стихира.]

Хвалите Господа вси язы́цы, похвалите Его вси людие.

Кре́сте Пречестны́й, его́же обстоя́т чи́ни Ангельстии веселя́щеся, днесь воздвиза́емь, Боже́ственным манове́нием возно́сиши вся, окраде́нием сне́ди отгна́нныя и в смерть попо́лзшияся4. Те́мже тя, сердцы́ и устна́ми ве́рнии лобыза́юще, свяще́ние5 почерпа́ем: «возноси́те, – вопию́ще, – Христа́ Преблага́го Бо́га, и Того́ покланя́йтеся Боже́ственному подно́жию».

Яко утвердися милость Его на нас, и истина Господня пребывает во век.

[Снова та же стихира.]

Слава: И ныне: глас 2:

Прииди́те вси язы́цы, благослове́нному Дре́ву поклони́мся, и́мже бысть ве́чная правда6: пра́отца бо Ада́ма прельсти́вый дре́вом Кресто́м прельща́ется, и па́дает, низве́ржен паде́нием стра́нным, мучи́тельством одержа́вый ца́рское зда́ние7; Кро́вию Бо́жиею яд зми́ев отмыва́ется; и кля́тва разруши́ся осужде́ния пра́веднаго, непра́ведным судо́м Пра́веднику осужде́ну бы́вшу: Дре́вом бо подоба́ше дре́во исцели́ти и стра́стию Безстра́стнаго, я́же на Дре́ве, разреши́ти стра́сти осужде́ннаго. Но сла́ва, Христе́ Царю́, е́же о нас Твоему́ му́дрому смотре́нию, и́мже спасл еси́ всех, я́ко Благ и Человеколю́бец.

Вход малый. Свете тихий:

Прокимен дня8.

Три паримии (чтения из Св. Писания Ветхого Завета)

1-е чтение из книги Исхода

(Исх. 15:22–16:1)

Поя́т Моисе́й сы́ны Изра́илевы от мо́ря Чермна́го и веде́ ты́я в пусты́ню Сур; и идя́ху три дни в пусты́ни, и не обрета́ху воды́, да бы́ша пи́ли. Приидо́ша же в Ме́рру и не можа́ху пи́ти воды́ из Ме́рры – горька́ бо бе: сего́ ра́ди нарече́ся и́мя ме́сту тому́ – го́ресть9. И ропта́ху лю́дие на Моисе́я, глаго́люще: что́ пие́м? Возопи́ же Моисе́й ко Го́споду, и показа́ ему́ Госпо́дь дре́во, и вложи́ то́е в во́ду, и сладка́ бысть вода́. Та́мо положи́ ему́ Бог оправда́ния и суды́, и та́мо искуша́ше его́10 и рече́: а́ще слу́хом услы́шиши глас Го́спода Бо́га твоего́ и уго́дная пред Ним сотвори́ши, и внуши́ши за́поведи Его́, и сохрани́ши вся оправда́ния Его́, вся́ку боле́знь, ю́же наведо́х еги́птяном, не наведу́ на тя: Аз бо есмь Госпо́дь исцеля́яй тя. И приидо́ша во Ели́м, и бя́ху та́мо двана́десять исто́чников вод и се́дмьдесят сте́блий фи́никовых; и ополчи́шася11 та́мо при вода́х.

И воздвиго́шася от Ели́ма и прии́де весь сонм сыно́в Изра́илевых в пусты́ню Син, я́же есть ме́жду Ели́мом и ме́жду Си́ною12.

2-е чтение из книги притчей Соломоновых

(Притч. 3:11–18)

Сы́не, не пренебрега́й наказа́ния Госпо́дня, ниже́ ослабева́й от Него́ облича́емый.

Его́же бо лю́бит Госпо́дь, наказу́ет; бие́т же вся́каго сы́на, его́же прие́млет. Блаже́н челове́к, и́же обре́те прему́дрость, и сме́ртен, и́же уве́де ра́зум. Лу́чше бо сию́ купова́ти, не́жели зла́та и сребра́ сокро́вища. Честне́йшая же есть ка́мений многоце́нных, не сопротивля́ется ей ничто́же лука́вое; благоразу́мна есть всем лю́бящим ю, вся́кое же честно́е недосто́йно ея́ есть. Долгота́ бо жития́ и ле́та жи́зни в десни́це ея́, в шу́йце же ея́ – бога́тство и сла́ва; из уст ея́ исхо́дит пра́вда, зако́н же и ми́лость на язы́це но́сит. Путие́ ея́ – путие́ добры́, и вся́ стези́ ея́ – с ми́ром. Дре́во живота́ есть всем держа́щимся ея́, и воскланя́ющимся на ню, я́ко на Го́спода, – тверда́13.

3-е чтение из книги пророка Исаии (Ис. 60:11–16):

Сия́ глаголе́т Госпо́дь: отве́рзутся врата́ твоя́, Иерусали́ме, вы́ну день и нощь, и не затворя́тся, е́же ввести́ к тебе́ си́лу язы́ков и цари́ их ведо́мыя. Язы́цы бо и ца́рие, и́же тебе́ не порабо́тают, поги́бнут; и язы́цы запусте́нием запусте́ют. И сла́ва Лива́нова к тебе́ прии́дет в кипари́се и пе́вке14 и ке́дре вку́пе, просла́вите ме́сто свято́е Мое́, и ме́сто ног Мои́х просла́влю. И по́йдут к тебе́ боя́щеся сы́нове смири́вших тя и прогне́вавших тя, и покло́нятся следо́м ног твои́х вси прогне́вавшии тя, и нарече́шися град Госпо́день, Сио́н Свята́го Изра́илева, за е́же бы́ти тебе́ оста́влену и возненави́дену, и не бе помога́яй тебе́. И положу́ тя в ра́дость ве́чную, весе́лие родо́м родо́в. И иссе́ши млеко́ язы́ков и бога́тство царе́й сне́си, и разуме́еши, я́ко Аз Госпо́дь, спаса́яй тя и избавля́яй тя, – Бог Изра́илев.

Ектения сугубая. Сподоби Господи:

Ектения просительная.

На литии стихиры*, глас 1:

Днесь я́ко вои́стинну святовеща́нный глаго́л Дави́дов коне́ц прия́т: се бо я́ве пречи́стых ног Твои́х покланя́емся подно́жию, и на сень крилу́ Твое́ю наде́ющеся, Всеще́дрый, вопие́м Ти: да зна́менается на нас свет лица́ Твоего́. Правосла́вных люде́й Твои́х рог вознеси́ Честна́го Креста́ Твоего́ воздви́жением, Христе́ Многоми́лостиве.

Насажде́нное в кра́ниеве ме́сте Дре́во су́щаго живота́, на не́мже соде́ла спасе́ние Преве́чный Царь15 посреде́ земли́, возноси́мо днесь, освяща́ет ми́ра концы́, и обновля́ется Воскресе́ния дом16. Ра́дуются Ангели на Небеси́, и веселя́тся челове́цы на земли́, Дави́дски вопию́ще и глаго́люще: возноси́те Го́спода Бо́га на́шего, и покланя́йтеся подно́жию ног Его́, я́ко свя́то есть, подая́й17 ми́ру ве́лию ми́лость.

Преобразу́я Крест Твой, Христе́, патриа́рх Иа́ков, внуко́м благослове́ние да́руя, на глава́х премене́ны ру́ки сотвори́. Его́же, Спа́се, мы днесь вознося́ще взыва́ем: да́руй христолюби́вому царю́ побе́ды, я́ко Константи́ну – одоле́ние.

Глас 2:

Боже́ственное сокро́вище в земли́ скрыва́емо – Жизнода́вца Кре́ст – на небесе́х показа́ся царю́ благочести́вому18, и побе́ды на враги́ подписа́ние явля́ет разу́мно19. Его́же20 ра́дуяся, ве́рою и любо́вию, боже́ственно восте́к к высоте́ зре́ния21, тща́нием же того́22 от земны́х недр изнесе́ во избавле́ние ми́ра и спасе́ние душ на́ших.

Рук премене́ние патриа́рха Иа́кова на благослове́ние чад держа́вное Креста́ Твоего́ предъявля́ше23 зна́мение: его́же мы держа́ще тве́рда храни́теля24, де́монския всемо́щно отго́ним полки́, и Велиа́рову горды́ню в нем низлага́ем25, вражде́бнейшаго Амали́ка побежда́ем всегуби́тельную си́лу. Того́ и ны́не возноси́ма благочестивому́дренно ве́рнии во очище́ние грехо́в Твое́й бла́гости, во многомно́жайшем гла́се вопию́ще, прино́сим: «Го́споди, поми́луй!»26 Из Де́вы воплоти́выйся, уще́дри рук Твои́х, Бла́же, му́дрое созда́ние.

Ты мой покро́в держа́вен еси́, трича́стный Кре́сте Христо́в: освяти́ мя си́лою твое́ю, да ве́рою и любо́вию покланя́юся и сла́влю тя.

Глас 4:

Воспле́щем днесь пе́сненное торжество́ и све́тлым лице́м и язы́ком я́сно возопии́м: нас ра́ди, Христе́, суд прие́мый, и оплева́ния, и ра́ны, и червлени́цею оде́явыйся, и на Крест возше́д, Его́же ви́девше со́лнце и луна́ свет скры́ша, и стра́хом земля́ колеба́шеся, и заве́са церко́вная раздра́ся на дво́е. Ты и ны́не да́руй Крест Твой Честны́й нам блюсти́теля и храни́теля, и прогони́теля де́монов, я́ко да вси облобыза́юще вопие́м ему́: спаси́ ны, Кре́сте, си́лою твое́ю, освяти́ ны све́тлостию твое́ю, Честны́й Кре́сте, и укрепи́ ны воздви́жением твои́м: я́ко свет нам дарова́н еси́ и спасе́ние душ на́ших.

Светосия́нен звезда́ми о́браз предпоказа́, Кре́сте, побе́ду одоле́ния благочести́вому царю́ вели́кому, его́же ма́ти Еле́на, изобре́тши27, мироявле́нна сотвори́, и тя днесь воздви́жуще, ве́рных ли́цы зове́м: просвети́ ны све́тлостию твое́ю, Кре́сте Живоно́сный, освяти́ ны кре́постию твое́ю, Всечестны́й Кре́сте, и утверди́ ны воздви́жением твои́м, воздвиза́емый ко ополче́нию враго́в.

Слава: И ныне: глас тот же:

Честна́го Креста́, Христе́, де́йство прообрази́в Моисе́й, победи́ проти́внаго Амали́ка в пусты́ни Сина́йстей: егда́ бо простира́ше ру́це, Креста́ о́браз творя́, укрепля́хуся лю́дие; ны́не же веще́й сбытие́ в нас испо́лнися, днесь Крест воздвиза́ется, и де́мони бе́гают, днесь тварь вся от тли свободи́ся: вся бо Креста́ ра́ди возсия́ша нам дарова́ния. Те́мже ра́дующеся вси припа́даем Тебе́, глаго́люще: я́ко28 возвели́чишася дела́ Твоя́, Го́споди, сла́ва Тебе́.

Молитвы литии.

На стиховне стихиры, глас 5:

Ра́дуйся, Живоно́сный Кре́сте, благоче́стия непобеди́мая побе́да, дверь ра́йская, ве́рных утвержде́ние, Це́ркве огражде́ние; и́мже тля разори́ся и упраздни́ся, и попра́ся сме́ртная держа́ва, и вознесо́хомся от земли к Небе́сным; ору́жие непобеди́мое, бесо́в сопротивобо́рче, сла́во му́чеников, препо́добных я́ко вои́стинну удобре́ние, приста́нище спасе́ния, да́руяй ми́ру ве́лию ми́лость.

Возносите Господа Бога нашего, и покланяйтеся подножию ногу Его, яко свято есть.

Ра́дуйся, Госпо́день Кре́сте, и́мже разреши́ся от кля́твы челове́чество, су́щия ра́дости зна́мение, прогоня́яй враги́ во твое́м воздви́жении, Всече́стне. Нам помо́щниче, царе́й держа́во, кре́пость пра́ведных, свяще́нников благоле́пие, вообража́емый и лю́тых избавля́яй29; же́зле си́лы, и́мже пасе́мся; ору́жие ми́ра, его́же со стра́хом обстоя́т Ангели, Христа́ Боже́ственная сла́ва, подаю́щаго ми́ру ве́лию ми́лость.

Бог же Царь наш прежде века содела спасение посреде земли.

Ра́дуйся, слепы́х наста́вниче, немощны́х врачу́, воскресе́ние всех уме́рших, воздви́гнувый ны во тлю па́дшия, Кре́сте Честны́й; и́мже разруши́ся кля́тва и процвете́ нетле́ние, и земни́и обожи́хомся, и диа́вол всеконе́чно низве́ржеся. Днесь воздвиза́ема тя ви́дяще рука́ми архиере́йскими, возно́сим Вознесе́ннаго посреде́ тебе́, и тебе́ покланя́емся, почерпа́юще бога́тно ве́лию ми́лость.

Слава: И ныне: глас 8:

Его́же дре́вле Моисе́й прообразова́в собо́ю, Амали́ка низложи́в победи́, и Дави́д песнопе́вец подно́жию Твоему́ вопия́, кла́нятися повелева́ше; Честно́му Кресту́ Твоему́, Христе́ Бо́же, днесь гре́шнии кла́няемся, устна́ми недосто́йными Тя, изво́лившаго пригвозди́тися на нем, воспева́юще мо́лимся: Го́споди, с разбо́йником Ца́рствия Твоего́ сподо́би нас.

Ныне отпущаеши: Трисвятое по Отче наш:

Тропарь праздника, трижды, глас 1:

Спаси́, Го́споди, лю́ди Твоя́, и благослови́ достоя́ние Твое́, побе́ды [правосла́вным Христиа́ном] на сопроти́вныя30 да́руя, и Твое́ сохраня́я Кресто́м Твои́м жи́тельство31.

Благословение хлебов.

Буди имя Господне: (трижды).

Благословлю Господа на всякое время:

(пс. 33 до середины).

Священник: Благословение Господне на вас:

Утреня

после Шестопсалмия и ектении великой:

Бог Господь, на глас 1.

Тропарь праздника, глас 1:

Спаси, Господи, люди Твоя: трижды.

Затем две кафизмы* утрени,

положенные для этого дня недели.

[После каждой кафизмы] ектения малая

и седальны праздника.

После 1-й кафизмы седален, глас 6:

То́кмо водрузи́ся Дре́во, Христе́, Креста́ Твоего́, основа́ния поколеба́шася сме́рти, Го́споди: его́же бо пожре́ жела́нием ад, отпусти́ тре́петом. Яви́л еси нам спасе́ние Твое, Святы́й, и славосло́вим Тя, Сы́не Бо́жий, поми́луй нас!

Слава: И ныне: глас 1:

Креста́ Твоего́ дре́ву покланя́емся, Человеколю́бче, я́ко на нем пригвозди́лся еси́, Животе́ всех. Рай отве́рзл еси́, Спа́се, ве́рою прише́дшему Ти разбо́йнику, и сла́дости сподо́бися, испове́даяся Тебе́: «Помяни́ мя, Го́споди!» Приими́ я́коже о́наго и нас зову́щих: «Согреши́хом вси; благоутро́бием Твои́м не пре́зри нас!»

После 2-й кафизмы седален, глас 6:

Днесь проро́ческое испо́лнися сло́во: се бо покланя́емся на ме́сто, иде́же стоя́ша но́ги Твоя́, Го́споди. И Дре́во спасе́ния прие́мше, грехо́вных страсте́й свобо́ду получи́хом моли́твами Богоро́дицы, Еди́не Человеколю́бче.

Слава: И ныне: глас 8:

Прообража́ше та́инственно дре́вле Иису́с Нави́н Креста́ о́браз, егда́ ру́це простре́ крестови́дно, Спа́се мой, и ста со́лнце, до́ндеже враги́ низложи́ противостоя́щия Тебе́ Бо́гу. Ны́не бо за́йде32, на Кресте́ Тя зря, и держа́ву сме́ртную разруши́в, весь мир совоздви́гл еси́.

Полиелей: Пс.134 с припевом Аллилуия

и Пс.135 с припевом Аллилуия, Аллилуия,

яко в век милость Его, Аллилуия.

Величание:

Велича́ем Тя, Живода́вче Христе́, и чтим Крест Твой святы́й, и́мже нас спасл еси́ от рабо́ты вра́жия.

Псалом избранный* (стихи из разных псалмов,

к которым припевается величание):

Суди́, Го́споди, оби́дящия мя, побори́ борю́щия мя.

Приими́ ору́жие и щит и воста́ни в по́мощь мою.

Зна́менася на нас свет лица́ Твоего́, Го́споди.

Яко ору́жием благоволе́ния венча́л еси́ нас.

Дал еси́ зна́мение боя́щимся Тебе́, е́же убежа́ти от лица́ лу́ка.

Позна́ти на земли́ путь Твой, во всех язы́цех спасе́ние Твое́.

Ви́деша вси концы́ земли́ спасе́ние Бо́га на́шего.

Поклони́мся на ме́сто, иде́же стоя́сте но́зе Его́.

Тогда́ возра́дуются вся древа́ дубра́вная.

Бог же Царь наш пре́жде ве́ка соде́ла спасе́ние посреде́ земли́.

Возноси́те Го́спода Бо́га на́шего и покланя́йтеся подно́жию но́гу Его́, я́ко свя́то есть.

Благослови́ ны, Бо́же, Бо́же наш, благослови́ ны, Бо́же.

Спаси́ лю́ди Твоя́ и благослови́ достоя́ние Твое́.

И упаси́ я́, и возми́ я́ до ве́ка.

Слава: И ныне: Аллилуия (трижды). Величание.

Ектения малая.

[Седален, глас 8:

В раи́ мя пре́жде дре́во обнажи́, о вкуше́нии враг принося́ умерщвле́ние33: Креста́ же дре́во, живота́ одея́ние челове́ком нося́, водрузи́ся на земли́, и мир весь испо́лнися вся́кия ра́дости. Его́же зря́ще возвыша́ема, Бо́гу ве́рою, лю́дие, согла́сно возопии́м: испо́лнь сла́вы дом Твой.

Слава: И ныне: снова тот же седален.]

Степенны 4 гласа, первый антифон: От юности моея:

Прокимен праздника, глас 4:

Ви́деша вси концы́ земли́ спасе́ние Бо́га на́шего.

Стих: Воспо́йте Го́сподеви песнь но́ву, я́ко ди́вна сотвори́ Госпо́дь.

Всякое дыхание:

Евангелие от Иоанна,

зач.42 (Ин.1:28–36)

Рече́ Госпо́дь: Отче, просла́ви и́мя Твое́. Прии́де же глас с небесе́: и просла́вих, и па́ки просла́влю. Наро́д же стоя́й слы́шав, глаго́лаху: гром бысть. Ини́и глаго́лаху: Ангел глаго́ла Ему́. Отвеща́ Иису́с и рече́: не Мене́ ра́ди глас сей бысть, но наро́да ра́ди. Ны́не суд есть ми́ру сему́; ны́не князь ми́ра сего́ изгна́н бу́дет вон. И а́ще Аз вознесе́н бу́ду от земли́, вся привлеку́ к Себе́. Сие́ же глаго́лаше, назна́менуя, ко́ею сме́ртию хотя́ше умре́ти. Отвеща́ Ему́ наро́д: мы слы́шахом от зако́на, я́ко Христо́с пребыва́ет во ве́ки. Ка́ко Ты глаго́леши: вознести́ся подоба́ет Сы́ну Челове́ческому? Кто есть сей Сын Челове́ческий? Рече́ же им Иису́с: еще́ ма́ло вре́мя свет в вас есть. Ходи́те, до́ндеже свет и́мате, да тьма вас не и́мет: и ходя́й во тьме, не весть ка́мо и́дет. До́ндеже свет и́мате, ве́руйте во свет, да сы́нове све́та бу́дете.

Воскресение Христово видевше:

Псалом 50.

Слава: Молитвами Апостолов:

И ныне: Молитвами Богородицы:

Помилуй мя, Боже, по велицей милости Твоей и по множеству щедрот Твоих, очисти беззаконие мое.

Стихира праздника, глас 6:

Кре́сте Христо́в, христиа́н упова́ние, заблу́ждших наста́вниче, обурева́емых приста́нище, в бра́нех побе́да, вселе́нныя34 утвержде́ние, неду́жных врачу́, ме́ртвых воскресе́ние: поми́луй нас.

[Затем молитва литийная:

Спаси Боже люди Твоя:

Хор: Господи, помилуй (12 раз).]

Канон

Канон праздника – один, прп. Космы Маюмского, глас 8.

В каждой песни (кроме 9-й) по 14* тропарей, включая ирмос по-дважды*, тропари с необходимыми повторениями*, на катавасии снова ирмос.

В 9 песни 16* тропарей, включая оба ирмоса по- дважды*, тропари с необходимыми повторениями*, на катавасии снова оба ирмоса.

Песнь 1

Ирмос: Крест начерта́в Моисе́й впря́мо, жезло́м Чермно́е пресече́ Изра́илю пешеходя́щу, то́же обра́тно фарао́новым колесни́цам уда́рив совокупи́, вопреки́ написа́в непобеди́мое Ору́жие35. Тем Христу́ пои́м, Бо́гу на́шему, я́ко просла́вися.

Припев: Слава, Господи, Кресту Твоему Честному.

Образ дре́вле Моисе́й пречи́стыя стра́сти в себе́ само́м прообрази́, свяще́нных среде́ стоя́: Крест же вообрази́в, просте́ртыми побе́ду дла́ньми воздви́же, держа́ву погуби́в Амали́ка всегуби́теля36. Тем Христу́ пои́м, Бо́гу на́шему, я́ко просла́вися.

Возложи́ Моисе́й на столпе́ врачевство́ – тлетвори́ваго избавле́ние и ядови́таго угрызе́ния; и дре́ву – о́бразом37 Креста́ – по земли́ пресмыка́ющагося зми́я привяза́, лука́вный в сем обличи́в вред. Тем Христу́ пои́м, Бо́гу на́шему, я́ко просла́вися.

Показа́ не́бо Креста́ побе́ду благоче́стия держа́телю и царю́ богому́дру38, враго́в в не́мже злосе́рдых низложи́ся свире́пство, лесть39 же превра́тися и ве́ра распростре́ся земны́м конце́м боже́ственная. Тем Христу́ пои́м, Бо́гу на́шему, я́ко просла́вися.

Катавасия: Крест начертав Моисей:

Песнь 3

Ирмос: Жезл во о́браз та́йны прие́млется, прозябе́нием бо предразсужда́ет свяще́нника40; неплодя́щей же пре́жде це́ркви41 ны́не процвете́ дре́во Креста́ в держа́ву и утвержде́ние.

Яко испусти́ ударя́емь во́ду краесеко́мый42 непокори́вым лю́дем и жестосе́рдым, богозва́нныя проявля́ше Це́ркве та́инство43, ея́же Крест – держа́ва и утвержде́ние.

Ре́бром пречи́стым копие́м прободе́нным, Вода́ с Кро́вию истече́, обновля́ющая Заве́т и омыва́тельная греха́; ве́рных бо Крест – похвала́, и царе́й – держа́ва и утвержде́ние.

Катавасия: Жезл во о́браз та́йны прие́млется:

Ектения малая.

Седален, глас 4:

В тебе́, треблаже́нне и жизнода́вче Кре́сте, лю́дие учрежда́ющеся44 спра́зднуют с Невеще́ственными ли́ки, чи́ни архиере́йстии благогове́йно воспева́ют, мно́жество же мона́шествующих и по́стников покланя́ются, Христа́ же распе́ншагося вси сла́вим.

[Слава: И ныне: снова тот же седален.]

Песнь 4

Ирмос: Услы́шах, Го́споди, смотре́ния45 Твоего́ та́инство, разуме́х дела́ Твоя́ и просла́вих Твое́ Божество́.

Горькоро́дныя преложи́46 дре́вом Моисе́й исто́чники в пусты́ни дре́вле, Кресто́м ко благоче́стию язы́ков проявля́я преложе́ние.

Глубине́ вне́дривый секу́щую, издаде́ Иорда́н дре́ву, Кресто́м и Креще́нием сече́ние ле́сти зна́менуя47.

Свяще́нно ополча́ются четвероча́стнии лю́дие, предходя́ще о́бразом48 свиде́тельства ски́нии, крестообра́зными чи́нми прославля́емии49.

Чу́дно простира́емь, со́лнечный лучи́ испуща́ше Кре́ст, и пове́даша небеса́ сла́ву Бо́га на́шего.

Катавасия: Услы́шах, Го́споди, смотре́ния Твоего́ та́инство:

Песнь 5

Ирмос: О, треблаже́нное Дре́во, на не́мже распя́ся Христо́с, Царь и Госпо́дь! Имже паде́ дре́вом прельсти́вый, тобо́ю прельсти́вся, Бо́гу пригвозди́вшуся пло́тию50, подаю́щему мир душа́м на́шим51.

Тебе́, приснопе́тое Дре́во, на не́мже простре́ся Христо́с, Еде́м храня́щее обраща́ющееся52 ору́жие, Кре́сте, устыде́ся: стра́шный же Херуви́м уступи́ на тебе́ пригвожде́нному Христу́, подаю́щему мир душа́м на́шим.

Подзе́мных си́лы проти́вныя Креста́ страша́тся начерта́ема зна́мения на возду́се, по нему́же хо́дят; небе́сных и земноро́дных ро́ди, коле́на преклоня́юще53 Христу́, подаю́щему мир душа́м на́шим.

Заря́ми нетле́нными я́влься боже́ственный Крест омраче́нным язы́ком, заблужде́нным в пре́лести, боже́ственный свет облиста́в, усвоя́ет54 на нем пригвожде́нному Христу́, подаю́щему мир душа́м на́шим.

Катавасия: О, треблаже́нное Дре́во:

Песнь 6

Ирмос: Во́днаго зве́ря во утро́бе дла́ни Ио́на крестови́дно распросте́р, спаси́тельную страсть прообража́ше я́ве. Тем тридне́вен изше́д, преми́рное55 воскресе́ние прописа́ше56 пло́тию пригвожде́ннаго Христа́ Бо́га, и тридне́вным воскресе́нием мир просве́щшаго.

Ста́ростию преклони́вся и неду́гом отягче́н, испра́вися Иа́ков, ру́це премени́в, де́йствие явля́я жизноно́снаго Креста́57: и́бо ве́тхость зако́ннаго сено́внаго писа́ния новописа́ на сем пло́тию пригвозди́выйся Бог, и душегуби́тельный неду́г ле́сти58 отгна́.

На ю́ныя возложи́в дла́ни боже́ственный Изра́иль крестови́дно главы́, явля́ше, я́ко старе́йшая сла́ва – законослужи́тели лю́дие; те́мже подмне́вся та́ко испрельсти́тися, не измени́ жизноно́снаго о́браза: превзыду́т бо лю́дие Христо́вы Бо́жии новоутвержде́ннии, вопия́ху59, Кресто́м огражда́еми60.

Катавасия: Во́днаго зве́ря во утро́бе:

Ектения малая.

Кондак, глас 4:

Вознесы́йся на Крест во́лею, тезоимени́тому Твоему́ но́вому жи́тельству61 щедро́ты Твоя́ да́руй, Христе́ Бо́же. Возвесели́ нас си́лою Твое́ю, побе́ды дая́ нам62 на сопоста́ты, посо́бие иму́щим Твое63 ору́жие ми́ра, непобеди́мую побе́ду64.

Икос:

Иже до тре́тияго Небесе́ восхище́н бысть в рай и глаго́лы слы́шав неизрече́нныя и боже́ственныя, и́хже не леть язы́ки (челове́ческими)65 глаго́лати, что́ Гала́том пи́шет, я́ко рачи́телие Писа́ний прочто́сте и позна́сте: «Мне, – глаго́лет, – хвали́тися да не бу́дет, то́кмо во еди́ном Кресте́ Госпо́дни, на не́мже страда́в, уби́ стра́сти». Того́ у́бо и мы изве́стно держи́м Крест Госпо́день хвалу́66 вси: есть бо нам спаси́тельное сие́ дре́во, ору́жие ми́ра, непобеди́мая побе́да.

Песнь 7

Ирмос: Безу́мное веле́ние мучи́теля67 злочести́ваго лю́ди поколеба́68, ды́шущее преще́ние и злохуле́ние богоме́рзкое69; оба́че три о́троки не устраши́ я́рость зве́рская, ни огнь снеда́яй, но противоды́шущу70 росоно́сному ду́ху71, со огне́м су́ще поя́ху: препе́тый отце́в и нас Бо́же, благослове́н еси́.

От дре́ва вкуси́в, пе́рвый в челове́цех в тле́ние всели́ся: отверже́нием бо жи́зни безче́стнейшим осуди́вся, всему́ ро́ду, телотле́нен не́кий я́ко вред неду́га преподаде́72. Но обре́тше, земноро́днии, воззва́ние кре́стным Дре́вом, зове́м: препе́тый отце́в и нас, Бо́же, благослове́н еси́.

Разреши́ повеле́ние Бо́жие преслуша́ние73, и дре́во принесе́ смерть челове́ком, е́же неблаговре́менно прича́стно бы́вшее: во утвержде́ние же зело́ честна́го отту́ду жи́зни дре́во возбраня́емо бе, еже разбойнику злоумершу отверзе, благоразумно зову́щу, Препе́тый отце́в и нас: «Бо́же, благослове́н еси́».

Жезла́ объе́млет край Ио́сифова, бу́дущая зря Изра́иль ца́рствия держа́вное, я́ко возыму́ществит пресла́вный Крест, проявля́я74: сей бо царе́й победоно́сная похвала́ и свет ве́рою зову́щим: препе́тый отце́в и нас, Бо́же, благослове́н еси́.

Катавасия: Безу́мное веле́ние мучи́теля:

Песнь 8

Ирмос: Благослови́те, о́троцы, Тро́ицы равночи́сленнии, Соде́теля Отца́ Бо́га, по́йте снизше́дшее Сло́во и огнь в ро́су претво́ршее, и превозноси́те всем жизнь подава́ющаго Ду́ха Всесвя́таго во ве́ки.

Воздвиза́ему Дре́ву, окропле́ну Кро́вию вопло́щшагося Сло́ва Бо́га, по́йте, Небе́сныя си́лы, земны́х воззва́ние пра́зднующе; лю́дие, поклони́теся Христо́ву Кресту́, и́мже ми́ру воста́ние во ве́ки.

Земноро́днии, дла́ньми, строи́телие благода́ти75, Крест, на не́мже стоя́ше Христо́с Бог, возноси́те священноле́пно, и копие́, Бо́жия Сло́ва Те́ло пробо́дшее; да ви́дят язы́цы вси спасе́ние Бо́жие, сла́вяще (Его́)76 во ве́ки.

Боже́ственным судо́м предызбра́ннии, весели́теся, христиа́нстии ве́рнии ца́рие; хвали́теся победоно́сным ору́жием, прие́мше от Бо́га Крест честны́й: в сем бо коле́на77, бра́ней де́рзости и́щуще, разсыпа́ются во ве́ки.

Хвалим, благословим, покланяемся Господеви:

Катавасия: Благослови́те, о́троцы:

Песнь 9

Припев 1: Величай, душе моя, Пречестный Крест Господень.

Ирмос 1: Та́ин еси́, Богоро́дице, рай78, невозде́ланно79 возрасти́вший Христа́, Имже Кре́стное Живоно́сное на земли́ насади́ся Дре́во. Тем ны́не возноси́му80, покланя́ющеся ему́, Тя велича́ем.

Тропари 1 -го ирмоса:

Да возра́дуются древа́ дубра́вная вся, освяти́вшуся естеству́ их от Него́же изнача́ла насади́шася – Христу́, распросте́ршуся на Дре́ве81. Тем ны́не возноси́му, покланя́ющеся ему́, Тя велича́ем82.

Свяще́нный воста́ рог и глава́ всем богому́дрым83 – Крест: и́мже гре́шных мы́сленно стира́ются ро́ги вси. Тем ны́не возноси́му, покланя́ющеся ему́, Тя велича́ем84.

Припев 2: Величай, душе моя, животворящего Креста Господня воздвижение.

Ирмос 2: Сне́дию дре́ва ро́ду прибы́вшая смерть Кресто́м упраздни́ся днесь: и́бо прама́терняя всеро́дная кля́тва разруши́ся Прозябе́нием85 Чи́стыя Богома́тере. Юже вся си́лы Небе́сныя велича́ют.

Тропари 2-го ирмоса:

Го́рести уби́йственныя, я́же от дре́ва86, не оста́вив, Го́споди, Кресто́м (бо)87 сию́ соверше́нно истреби́л еси́. Сего́ ра́ди и дре́вом88 услади́ иногда́ го́ресть вод Ме́рры, прообразу́ющее Креста́ де́йство, е́же вся си́лы Небе́сныя велича́ют.

Непреста́нно гружа́емыя мра́ком пра́отца, Го́споди, Кресто́м возвы́сил еси́ днесь: я́ко бо ле́стию весьма́ неудержа́нно естество́ преднизведе́ся, всеро́дне89 ны па́ки испра́ви свет Креста́ Твоего́90, его́же ве́рнии велича́ем.

Да о́браз пока́жеши ми́ру покланя́емый, Го́споди, Креста во всех я́ко пресла́вный91, на небесе́х изобрази́л еси́ све́том безме́рным озаре́н царю́ всеору́жие непобеди́мое. Тем Тя вся си́лы Небе́сныя велича́ют.

На катавасии припев 1: Величай, душе моя, Пречестный Крест Господень.

И ирмос 1: Та́ин еси́, Богоро́дице, рай, невозде́ланно возрасти́вший Христа́, Имже кре́стное живоно́сное на земли́ насади́ся Дре́во. Тем ны́не возноси́му, покланя́ющеся ему́, Тя велича́ем.

Затем припев 2: Величай, душе моя, Животворящаго Креста Господня воздвижение.

И ирмос 2: Сне́дию дре́ва ро́ду прибы́вшая смерть Кресто́м упраздни́ся днесь: и́бо прама́терняя всеро́дная кля́тва разруши́ся Прозябе́нием Чи́стыя Богома́тере, Юже вся си́лы небе́сныя велича́ют.

Ектения малая.

Светилен, дважды, глас 2:

Кре́ст – храни́тель всея́ вселе́нныя92, Крест – красота́ Це́ркве; Крест – царе́й держа́ва; Крест – ве́рных утвержде́ние; Крест – Ангелов сла́ва и де́монов я́зва.

Слава: И ныне:

Кре́ст воздвиза́ется днесь и мир освяща́ется: Иже бо со Отце́м седя́й и Ду́хом Святы́м, на сем ру́це распростре́, мир весь привлече́93 к Твоему́, Христе́, позна́нию. Иже у́бо на Тя наде́ющияся94 боже́ственныя сподо́би сла́вы.

Затем псалмы хвалитные* (Всякое дыхание да хвалит

Господа: Пс.148–150); к последним 4-м стихам

припеваются 4 стихиры праздника, глас 8:

Хвалите Его на силах Его, хвалите Его по множеству величествия Его.

О пресла́внаго чудесе́!95 Живоно́сный сад96 Крест пресвяты́й, на высоту́ возноси́мь, явля́ется днесь. Славосло́вят вси концы́ земни́и; устраша́ются де́монския полки́. О каковы́й дар земны́м дарова́ся! Имже, Христе́, спаси́ ду́ши на́ша я́ко еди́н Благоутро́бен.

Хвалите Его во гласе трубне, хвалите Его во псалтири и гуслех.

[Снова та же стихира.]

Хвалите Его в тимпане и лице, хвалите Его во струнах и органе.

О пресла́внаго чудесе́! Яко грозд испо́лнен живота́, понесы́й Вы́шняго, от земли́ воздвиза́емь, Крест ви́дится днесь97, и́мже вси к Бо́гу привлеко́хомся и поже́рта бысть до конца́ смерть. О Дре́во Пречестно́е, и́мже восприя́хом во Еде́ме безсме́ртную пи́щу, Христа́ сла́вяще!

Хвалите Его в кимвалех доброгласных, хвалите Его в кимвалех восклицания, всякое дыхание да хвалит Господа.

О пресла́внаго чудесе́! Широта́ Креста́ и долгота́ небеси́ равна́ есть98: я́ко боже́ственною благода́тию освяща́ет вся́ческая. О сем язы́цы ва́рварстии побежда́ются; о сем ски́птры царе́й утвержда́ются. О боже́ственныя ле́ствицы99, е́юже восхо́дим на Небеса́, вознося́ще в пе́снех Христа́ Го́спода!

Слава: И ныне: глас 6:

Днесь происхо́дит100 Крест Госпо́день, и ве́рнии прие́млют того́ жела́нием101, и взе́млют исцеле́ния души́ же и те́ла и вся́кия боле́зни. Сего́ целу́им ра́достию и стра́хом: стра́хом – греха́ ра́ди, яко недосто́йни су́ще; ра́достию же – спасе́ния ра́ди, е́же подае́т ми́ру на том пригвозди́выйся Христо́с Бог, име́яй ве́лию ми́лость.

Славословие великое

Во время пения славословия священник трижды кадит со всех сторон престол и лежащий на нем Честной Крест. Когда хор поет Трисвятое, священник совершает поклонение Кресту, на последнем Святый Боже он возлагает Крест на главу и выносит его северной дверью до Царских врат. После окончания Трисвятого священник, стоя в Царских вратах, произносит: Премудрость, прости. Хор поет тропарь: Спаси, Господи, люди Твоя трижды. Во время пения священник возлагает Крест на аналой и трижды кадит со всех сторон.

[Чин воздвижения Креста

Совершается в кафедральных соборах и, с благословения епархиального архиерея, в некоторых приходских храмах. Совершив три земных поклона, предстоятель берет Крест, украшенный живыми цветами (по греческому обычаю – благовонными веточками базилика) и становится на особо приготовленном возвышенном месте посреди храма лицом к Царским вратам. Затем он совершает пятикратное воздвижение Креста: 1-й раз – на восток, 2-й раз – на запад, 3-й раз – на юг, 4-й раз – на север, 5-й раз – снова на восток, в начале каждого воздвижения трижды крестовидно осеняя Крестом на очередную сторону, затем наклоняясь почти до самой земли и медленно воздвизая Крест до предельно возможной высоты, держа его над головой. Перед каждым воздвижением диакон возглашает по одному из пяти прошений. Во время каждого воздвижения хор поет Господи, помилуй 100 раз.

Диакон: Помилуй нас, Боже, по велицей милости Твоей, молимся Тебе, услыши нас, Господи, и помилуй, рцем вси.

Хор: Господи, помилуй (100 раз).

Диакон: Еще молимся о милости, жизни и оставлении грехов Великаго господина и отца нашего Святейшего Патриарха Кирилла и всего о Христе братства нашего, о здравии и спасении, рцем вси.

Хор: Господи, помилуй (100 раз).

Диакон: Еще молимся о богохранимей державе Российстей, о властех и воинстве ея, да тихое и безмолвное житие поживем во всяком благочестии и чистоте, рцем вси.

Хор: Господи, помилуй (100 раз).

Диакон: Еще молимся о всякой души христианстей, скорбящей же и озлобленней102, здравия, спасения и оставления грехов требующей, рцем вси.

Хор: Господи, помилуй (100 раз).

Диакон: Еще молимся о всех служащих и послуживших во святем храме сем, отцех и братиях наших, о здравии и о спасении, и оставлении грехов их, рцем вси.

Хор: Господи, помилуй (100 раз).

Слава: И ныне: кондак: Вознесыйся на Крест волею:

Затем священник возлагает Честной Крест на аналой.]

Поклонение Кресту

Священнослужители поют тропарь, глас 6, трижды,

с поклонами:

Кресту Твоему покланяемся, Владыко, и святое Воскресение Твое славим.

Хор повторяет тот же тропарь трижды.

Во время поклонения народа Кресту поются стихиры*:

Глас 2:

Прииди́те, ве́рнии, Животворя́щему Дре́ву поклони́мся, на не́мже Христо́с Царь Сла́вы, во́лею ру́це распросте́р, вознесе́ нас на пе́рвое блаже́нство, я́же103 пре́жде враг сла́стию укра́д, изгна́ны от Бо́га сотвори́. Прииди́те, ве́рнии, Дре́ву поклони́мся, и́мже сподо́бихомся неви́димых враг сокруши́ти главы́. Прииди́те, вся оте́чествия язы́ков104, Крест Госпо́день пе́сньми почти́м. Ра́дуйся, Кре́сте, па́дшаго Ада́ма соверше́нное избавле́ние! О тебе́ бо верне́йшии ца́рие на́ши хва́лятся, я́ко твое́ю си́лою исма́ильтеския лю́ди держа́вно покаря́ющии. Тя ны́не со стра́хом христиа́не целу́юще, на тебе́ пригвозди́вшагося Бо́га сла́вим, глаго́люще: Го́споди, на том пригвозди́выйся, поми́луй нас, я́ко Благ и Человеколю́бец!

Глас 5:

Прииди́те, лю́дие, пресла́вное чу́до ви́дяще, Креста́ си́ле поклони́мся: я́ко дре́во в раи́ смерть прозябе́, сие́ же жизнь процвете́, безгрешнаго иму́щее пригвожде́нна Го́спода. От него́же вси язы́цы нетле́ние взе́млюще105 зове́м: Иже Кресто́м смерть упраздни́вый и нас свободи́вый, сла́ва Тебе́!

Глас проро́к Твои́х, Иса́ии и Дави́да, испо́лнися, Бо́же, глаго́лющий: «Прии́дут вси язы́цы, Го́споди, и покло́нятся пред Тобо́ю». Се бо лю́дие, и́же Твоея́, Бла́же, благода́ти напо́лнишася, – во дво́рех Твои́х Иерусали́ма. Крест Претерпе́вый за ны и Воскресе́нием Твои́м Животворя́й, сохрани́ и спаси́ ны!

Глас 6:

Четвероконе́чный мир днесь освяща́ется четвероча́стному воздвиза́ему Твоему́ Кресту́, Христе́ Бо́же наш, и рог ве́рных совозно́сится; тем враго́в сокруша́ем ро́ги106. Ве́лий еси́ Го́споди и ди́вен в де́лех Твои́х, сла́ва Тебе́!

Проро́ков гла́си Дре́во свято́е предвозвести́ша, и́мже дре́вния свободи́ся кля́твы сме́ртныя Ада́м, тварь же, днесь возноси́му тому́, совозвышае́т глас, от Бо́га прося́щи бога́тыя ми́лости. Но еди́ный в благоутро́бии безме́рный Влады́ко, очище́ние бу́ди нам и спаси́ ду́ши на́ша!

Глас 8:

Глас проро́ка Твоего́, Моисе́я, Бо́же, испо́лнися глаго́ляй: «Узрите Живо́т ваш ви́сящь пред очесы́ ва́шими». Днесь Крест воздвиза́ется, и мир от ле́сти107 свобожда́ется; днесь Христо́во Воскресе́ние обновля́ется108 и концы́ земли́ ра́дуются, в кимва́лех дави́дски песнь Тебе́ принося́ще и глаго́люще: «Соде́лал еси спасе́ние посреде́ земли́, Бо́же, – Крест и Воскресе́ние, и́хже ра́ди109 нас спасл еси́, Бла́же и Человеколю́бче». Всеси́льне Го́споди, сла́ва Тебе́!

Днесь Влады́ка тва́ри и Госпо́дь сла́вы на Кресте́ пригвожда́ется и в ре́бра пробода́ется; же́лчи и о́цта вкуша́ет Сла́дость Церко́вная; венце́м от те́рния облага́ется Покрыва́яй не́бо о́блаки; оде́ждею облачи́тся110 поруга́ния и зауша́ется бре́нною руко́ю рукою Созда́вый челове́ка; по плеще́ма бие́н быва́ет Одева́яй не́бо о́блаки; заплева́ния и ра́ны прие́млет, поноше́ния и зауше́ния, и вся терпи́т мене́ ра́ди осужде́ннаго Изба́витель мой и Бог, да спасе́т мир от пре́лести111, я́ко Благоутро́бен.

Слава: И ныне: глас тот же:

Днесь Неприкоснове́нный существо́м прикоснове́н мне быва́ет, и стра́ждет стра́сти Свобожда́яй мя от страсте́й; свет Подава́яй слепы́м от беззако́нных усте́н оплева́ется и дае́т плещи́ за плене́нныя на ра́ны112. Сего́ Чи́стая Де́ва и Ма́ти на Кресте́ зря́щи, боле́зненно веща́ше: «Увы́ Мне, Ча́до Мое, что сие́ сотвори́л еси́? Кра́сный добро́тою па́че всех челове́к, бездыха́нный, беззра́чный явля́ешися, не име́я ви́да, ниже́ добро́ты. Увы́ Мне, Мой Све́те! не могу́ спя́ща зре́ти Тя, утро́бою уязвля́юся, и лю́тое ору́жие се́рдце Мое прохо́дит. Воспева́ю Твоя́ Стра́сти, покланя́юся благоутро́бию Твоему́, Долготерпели́ве Го́споди, сла́ва Тебе́».

Ектении сугубая (если не было Чина воздвижения)

и просительная.

Отпуст. Час первый.

На литургии

Вместо антифонов обычных («изобразительных»)

антифоны праздника.

Антифон 1 -й (избранные стихи из Пс. 21):

Стих 1: Бо́же, Бо́же мой, вонми́ ми, вску́ю113 оста́вил мя еси́?

Припев: Молитвами Богородицы, Спасе, спаси нас.

Стих 2: Дале́че114 от спасе́ния моего́ словеса́115 грехопаде́ний мои́х. Припев.

Стих 3: Бо́же мой, воззову́ во дни и не услы́шиши, и в нощи́ – и не в безу́мие мне116. Припев.

Стих 4: Ты же во святе́м живе́ши, Хвало́ Изра́илева. Припев.

Слава: И ныне: припев.

Антифон 2-й (избранные стихи из Пс. 73), глас 2:

Стих 1: Вску́ю, Бо́же, отри́нул ны еси́ до конца́?

Припев: Спаси́ ны, Сы́не Бо́жий, Пло́тию распны́йся, пою́щия Ти: аллилу́ия.

Стих 2: Помяни́ сонм Твой, его́же стяжа́л еси испе́рва. Припев.

Стих 3: Гора́ Сио́н сия́, в не́йже всели́лся еси. Припев.

Стих 4: Бог же, Царь наш, пре́жде ве́ка соде́ла спасе́ние посреде́ земли́. Припев.

Слава: И ныне: Единородный Сыне:

Антифон 3-й (избранные стихи из Пс. 95, 98), глас 1:

Стих 1: Госпо́дь воцари́ся, да гне́ваются лю́дие117.

Тропарь праздника: Спаси́, Го́споди, лю́ди Твоя́, и благослови́ достоя́ние Твое́, побе́ды [правосла́вным христиа́ном] на сопроти́вныя118 да́руя, и Твое́ сохраня́я Кресто́м Твои́м жи́тельство119.

Стих 2: Госпо́дь воцари́ся, да гне́ваются лю́дие: седя́й на Херуви́мех, да подви́жится земля́. Тропарь.

Стих 3: Госпо́дь в Сио́не вели́к и высо́к есть над все́ми людьми́. Тропарь.

Стих 4: Поклони́теся Го́сподеви во дворе́ святе́м Его́. Тропарь.

Входе Евангелием.

Стих 5, входный: Возноси́те Го́спода, Бо́га на́шего, и поклоня́йтеся подно́жию но́гу Его́, яко свя́то есть. Тропарь.

Слава: И ныне: кондак праздника, глас 4:

Вознесы́йся на Крест во́лею, тезоимени́тому Твоему́ но́вому жи́тельству120 щедро́ты Твоя́ да́руй, Христе́ Бо́же. Возвесели́ нас си́лою Твое́ю, побе́ды дая́ нам121 на сопоста́ты, посо́бие иму́щим Твое́122 ору́жие ми́ра, непобеди́мую побе́ду123.

Вместо Трисвятого тропарь Кресту,

глас 6:

Кресту́ Твоему́ покланя́емся, Влады́ко, и свято́е Воскресе́ние Твое́ сла́вим (трижды).

Слава: И ныне: ...и свято́е Воскресе́ние Твое́ сла́вим.

И снова весь тропарь.

Прокимен Апостола, глас 7:

Возноси́те Го́спода Бо́га на́шего и поклоня́йтеся подно́жию но́гу Его́, яко свя́то есть.

Стих: Госпо́дь воцари́ся, да гне́ваются лю́дие.

Апостол к Коринфянам,

зач. 125(1Кор.1:18–24)

Бра́тие, сло́во кре́стное погиба́ющим у́бо юро́дство есть, а спаса́емым нам – си́ла Бо́жия есть. Пи́сано бо есть: погублю́ прему́дрость прему́дрых и ра́зум разу́мных отве́ргу. Где прему́др? где кни́жник? где совопро́сник ве́ка сего́? Не обуи́ ли Бог прему́дрость ми́ра сего́? Поне́же бо в прему́дрости Бо́жией не ра́зуме мир прему́дростию Бо́га, благоизво́лил Бог бу́йством про́поведи спасти́ ве́рующих. Поне́же и иуде́е зна́мения про́сят, и еллини прему́дрости и́щут: мы же пропове́дуем Христа́ ра́спята – иуде́ем у́бо собла́зн, еллином же безу́мие; саме́м же зва́нным – иуде́ем же и еллином – Христа́, Бо́жию Си́лу и Бо́жию Прему́дрость.

Аллилуия, глас 1:

Стих 1: Помяни́ сонм Твой, его́же стяжа́л еси испе́рва.

Стих 2: Бог же, Царь наш пре́жде ве́ка, соде́ла спасе́ние посреде́ земли.

Евангелие от Иоанна, Зач.60

(Ин.19:6–11, 13–20, 25–28, 30–35)

Во вре́мя о́но сове́т сотвори́ша архиере́е и ста́рцы на Иису́са, я́ко да убию́т Его́. И приведо́ша Его́ к Пила́ту, глаго́люще: возми́, возми́, распни Его́. Глаго́ла им Пила́т: поими́те Его́ вы́ и распни́те: а́з бо не обрета́ю в Нем вины́. Отвеща́ша ему́ иуде́е: мы зако́н и́мамы, и по зако́ну на́шему до́лжен есть умре́ти, я́ко Себе́ Сы́на Бо́жия сотвори́. Егда́ же слы́ша Пила́т сие́ сло́во, па́че убоя́ся. И вни́де в прето́р па́ки, и глаго́ла Иису́сови: отку́ду еси́ Ты? Иису́с же отве́та не даде́ ему́. Глаго́ла же Ему́ Пила́т: мне́ ли не глаго́леши? Не ве́си ли, я́ко власть и́мам распя́та Тя и власть и́мам пусти́ти Тя? Отвеща́ Иису́с: не и́маши вла́сти ни еди́ныя на Мне, а́ще не бы ти дано́ свы́ше; Пила́т же слы́шав сие́ сло́во, изведе́ вон Иисус́а и се́де на суди́щи – на ме́сте глаго́лемем Лифострото́н, евре́йски же – Гавва́фа. Бе же пято́к Па́сце, час же я́ко шесты́й. И глаго́ла иуде́ом: се Царь ваш. Они́ же вопия́ху: возми́, возми́, распни́ Его́. Глаго́ла им Пила́т: Царя́ ли ва́шего распну́? Отвеща́ша архиере́е: не и́мамы царя́, то́кмо ке́саря. Тогда́ же предаде́ Его́ им, да ра́спнется. Пое́мше же Иису́са и ведо́ша. И нося́ крест Свой, изы́де в глаго́лемое Ло́бное ме́сто, е́же глаго́лется евре́йски Голго́фа, иде́же пропя́ша Его́; и с Ним и́на два: сю́ду и сю́ду, посреде́ же Иису́са. Написа́ же и ти́тла Пила́т и положи́ на кресте́. Бе же напи́сано: Иису́с Назоряни́н Царь Иуде́йский. Сего́ же ти́тла мно́зи что́ша от иуде́й, я́ко близ бе ме́сто гра́да, иде́же пропя́ша Иису́са. И бе напи́сано евре́йски, гре́чески, ри́мски. Стоя́ху же при кресте́ Иису́сове Ма́ти Его́ и сестра́ Ма́тере Его́, Мари́я Клео́пова, и Мари́я Магдали́на. Иису́с же, ви́дев Ма́терь и ученика́ стоя́ща, его́же любля́ше, глаго́ла Ма́тери Свое́й: Же́но, се – сын Твой. Пото́м же глаго́ла ученику́: се – Ма́ти твоя́. И от того́ часа́ поя́т Ю учени́к во своя́ си124. Посе́м ве́дый Иису́с, я́ко вся уже́ соверши́шася, и прикло́нь главу́, предаде́ дух. Иуде́е же, поне́же пято́к бе, да не оста́нут на кресте́ телеса́ в суббо́ту – бе́ бо вели́к день тоя́ суббо́ты, моли́ша Пила́та, да пребию́т го́лени их и во́змут. Приидо́ша же во́ини и пе́рвому убо преби́ша го́лени, и друго́му распя́тому с Ним. На Иису́са же прише́дше, я́ко ви́деша Его́ уже́ уме́рша, не преби́ша Ему́ го́лений: но еди́н от во́ин копие́м ре́бра Ему́ прободе́, и а́бие изы́де кровь и вода́. И ви́девый125 свиде́тельствова, и и́стинно есть свиде́тельство его́.

Вместо Достойно: поются 1-й припев и 1-й ирмос

9-й песни канона, глас 8:

Припев: Величай, душе моя, Пречестный Крест Господень.

Ирмос: Та́ин еси́, Богоро́дице, рай126, невозде́ланно127 возрасти́вший Христа́, Имже Кре́стное Живоно́сное на земл́и насади́ся Дре́во. Тем ны́не возноси́му128, покланя́ющеся ему́, Тя велича́ем.

Причастен (стих на Причащение):

Зна́менася на нас свет лица́ Твоего́, Го́споди. Аллилуия (трижды).

* * *

1

Побуждает.

2

Быть гражданами Небесного Царства.

3

Букв, тирана (здесь в переносном смысле – захватчика).

4

За хищение снеди изгнанных (из рая) и ниспадших

в смерть.

5

Освящение.

6

Восстановлена извечная справедливость.

7

Попадается на приманку Креста тот, кто обманул с деревом Адама, и низвергается в ужасном падении тот, кто тиранически (т.е. не по праву) завладел царственными созданиями.

8

В пятницу заменяется на прокимен великий: Бог наш на Небеси и на земли.

9

Перевод наименования «Мерра».

10

По синодальному переводу: Там Бог дал народу устав и закон и там испытывал его.

11

Расположились станом.

12

Синаем

13

В синодальном переводе конец стиха другой: и блаженны, которые сохраняют ее.

14

Сосне (здесь перечисляются виды деревьев, из которых, согласно Преданию, впоследствии был составлен Крест Христов).

15

По греч. книгам: веков Царь.

16

И празднует освящение храм Воскресения (Христова в Иерусалиме).

17

Подающее.

18

Константину

19

По греч. книгам: победы на враги очертание являя разумно (т.е. проясняя в его уме план победы над врагами).

20

Правильнее: Емуже.

21

Достигнув по воле Божией высоты созерцания (т.е. христианской веры).

22

По греч. книгам: тщанием великим.

23

Прообразовало.

24

Букв, талисман (в православной гимнографии употребляется в отношении Креста Господня, Ризы Богоматери и Самой Богоматери).

25

По греч. книгам: низложивше.

26

Имеется в виду чин воздвижения Креста, когда Господи, помилуй поется в общей сложности 500 раз.

27

Обретши.

28

Сколь.

29

Одним изображением своим избавляющий от бедствий.

30

По греч. книгам: царем на варвары.

31

И Твоим Крестом сохраняя Твое (т.е. христианское) государство.

32

Зашло (солнце).

33

По греч. книгам: В рай мя первое древо обнажи, егоже вкушением враг приносит умерщвление.

34

Здесь: христианской империи.

35

Изображая Крест по вертикали, Моисей рассек посохом Красное (море) для идущего пешком Израильского народа, и это же (море) он соединил обратно над колесницами Фараона хлопком (ладоней), изображая по горизонтали непобедимое Оружие (ср.: Исх. 14).

36

Моисей некогда явил собою прообраз пречистого страдания (Христова), стоя (как жертвенный агнец) посреди двух священников (Аарона и Ора), а изобразив распростертыми руками Крест, он воздвиг символ победы (греч. «трофей»), уничтожив военные силы непобедимых амаликитян (ср.: Исх. 17).

37

По греч. книгам: образу.

38

Константину.

39

Заблуждение (язычества).

40

Посох берется как прообраз тайны, ибо он, дав ростки, указывает на священника (Аарона) (Числ.17:1–8).

41

А для некогда бесплодного собрания (язычников)

42

Т.е. камень.

43

Т.е. сверхъестественное изведение Моисеем воды из скалы прообразовало таинственное рождение Церкви из языческого мира.

44

Пиршественно.

45

Домостоительства, устроения (нашего спасения)

46

Изменил (на сладкие)

47

Иордан, скрыв во глубине лезвие топора, возвратил его (в ответ на брошенный в воду) деревянный (сук) (ср.: 4 Царств 6:6–7), символизируя отсечение (языческого) заблуждения Крестом и Крещением.

48

Правильнее: образней (т.е. преобразовательной, ветхозаветной).

49

Разделенный на четыре части народ (Израильский) располагается в священном порядке вокруг преобразовательной скинии свидетельства, прославляясь крестообразным построением (12 родов Израилевых, разделенные на четыре группы, должны были стоять станом на четыре стороны света от скинии, образуя собою крест. См.: Числ.2:1–34).

50

Чрез которое (древо Креста) пал тот, кто прельстил (Адама и Еву) посредством древа (познания добра и зла), попавшись на приманку – пригвожденного на тебе плотию Бога. – По мысли святых отцов, диавол был обманут смертью Спасителя, не будучи в силах уразуметь, что Распятый на Кресте воскреснет силою Своего Божества.

51

По греч. книгам: прельстився от Бога на тебе пригвоздившася плотию, подающаго мир душам нашим.

52

Оборачивающееся.

53

По греч. книгам: небесных же земнородных род колена

преклоняет.

54

Имеется в виду: их (т.е. народы).

55

Превышающее законы этого мира.

56

Прообразовал.

57

Согбенный старостью и удрученный болезнью, Иаков выпрямился, как только сменил руки (благословляя сыновей Иосифовых), давая узреть действие животворного Креста (см.: Быт.48:2–14).

58

Заблуждения (язычества).

59

По греч. книгам: вопияше.

60

Божественный Израиль (т.е. Иаков), крестообразно возложив руки на юные головы, дал понять, что тот народ, кто слывет старшим (т.е. иудеи), останется в рабстве у закона; почему, заподозренный (Иосифом) в ошибке, он не стал менять живоносного образа (Креста), «ибо – возопил он, – новоутвержденный народ Христа Бога (т.е. христиане), ограждаясь Крестом, получит превосходство (над первым)».

61

Твоему новому государству, носящему Твое имя (т.е. христианской Византийской империи).

62

По греч. книгам: верныя цари наша, победы дая им.

63

По греч. Книгам: да имут пособие Твое (т.е. в качестве военной помощи от Тебя да имеют).

64

Трофей, памятник победе, победный знак.

65

Нет в греч. книгах.

66

Этот-то Крест Господень да будет и для нас всех в похвалу.

67

Тирана (Навуходоносора).

68

Подавило (целые) народы.

69

Дышащее угрозой и богомерзкою хулою.

70

По греч. книгам: противоглашающу.

71

Но при противоположно (ярости и пожирающему пламени) звучащем влагоносном веянии.

72

Ибо осужденный на бесчестнейшее лишение жизни, он, словно некое растлевающее (все) тело повреждение, сообщил свою болезнь всему (человеческому) роду.

73

Преслушание разрушило Божию заповедь.

74

Иаков (Израиль), провидя будущее, целует верх жезла Иосифова, (этим) предуказуя, что в Кресте (Христовом) будет заключена сила (православного) царства.

75

Т.е. епископы.

76

Нет в греч. книгах.

77

Племена.

78

Богородица, Ты – таинственный (т.е. духовно созерцаемый) сад.

79

Без возделывания земли – образ бессемейного зачатия Христова.

80

По греч. книгам: Тем ныне возносимым (т.е. посредством сего, ныне возносимого).

81

По греч. книгам: Христа, распростершася на Древе (т.е. приняв освящение своей природы от Того, Кто изначально их насадил – от Христа, распростершегося на Древе крестном).

82

По греч. книгам: Тем ныне возносимым, покланяемся Ему и величаем.

83

По греч. книгам: Священен воста рог богомудрым Главы всех (т.е. Христа).

84

По греч. книгам: Тем ныне возносимым, покланяемся Ему и величаем.

85

Отраслью (т.е. Христом).

86

Древа познания

87

Нет в греч. книгах.

88

По греч. Книгам: древо

89

По греч. книгам: всенаследне (т.е. всецело, без остатка).

90

Непрерывно (т.е. из поколения в поколение) погружавшихся во мрак праотца Ты, Господи, поднял (из этого мрака) Крестом в сей день: ибо как наша природа слишком сильно исказилась вследствие самообмана (праотцев), так вновь во всей полноте выпрямил свет Креста Твоего.

91

Как славный во всех (отношениях).

92

Всей (христианской) империи.

93

По греч. книгам: на сем руце распростер (т.е. распростерши), мир весь привлеки еси.

94

Итак, надеющихся на Тебя.

95

О, невероятное чудо!

96

Живоносным насаждением.

97

Словно полная жизни лоза, видится поднимаемый сегодня от земли Крест, понесший на себе Всевышнего (т.е. Христа Бога).

98

Имеется в виду явление Креста на небе, при котором четыре его луча равномерно простирались до горизонта.

99

О, божественная (т.е. богоучрежденная) лестница!

100

Износится, шествует впереди.

101

Встречают его с нетерпением.

102

Претерпевающей зло.

103

(Нас,) которых.

104

Все племена народов.

105

Собирая как плод.

106

По греч. книгам: и рог верных совозносится царей наших, тем (т.е. Крестом) противных сокрушающих роги (рог – здесь: сила).

107

Заблуждения (языческого).

108

Имеется в виду: храм Воскресения Христова в Иерусалиме празднует свое освящение.

109

Посредством которых.

110

Облачается.

111

От заблуждения.

112

И ради пленных подставляет Свою спину для ударов.

113

Зачем.

114

Удаляют.

115

Причины, вины.

116

Хотя это и не безумие у меня.

117

Пусть гневаются народы.

118

По греч. книгам: царем на варвары.

119

И Твоим Крестом сохраняя Твое (т.е. христианское) государство.

120

Твоему новому государству, носящему Твое имя (т.е. христианской Византийской империи).

121

По греч. книгам: верныя цари наша, победы дая им.

122

По греч. книгам: да имут пособие Твое (т.е. в качестве военной помощи от Тебя да имеют).

123

Трофей, памятник победе, победный знак.

124

В свой дом.

125

Евангелист Иоанн.

126

Богородица, Ты – таинственный (т.е. духовно созерцаемый) сад.

127

Без возделывания земли обработки – образ бессемейного зачатия Христова.

128

Правильнее: Тем ныне возносимым (т.е. посредством сего, ныне возносимого).


Источник: Воздвижение Честного и Животворящего Креста. - М.: Православный Свято-Тихоновский гуманитарный университет, 2013. - 64 с. - Серия «Православное богослужение».

Комментарии для сайта Cackle