священномученик Серафим (Чичагов)

Приложение I

Тропарь (Глас 3) преподобному Евфимию, суздальскому чудотворцу

Яко светозарная звезда, пришел еси от востока на запад, оставль отечество твое Нижний Новград, и дошед богоспасаемаго града Суздаля, в нем обитель сотворил еси, и собрал еси монахов множества: и прием дар чудес от Бога, Отче Евфимие, был еси о Христе собеседник, и спостник преподобному Сергию, с нимже у Христа Бога испроси Благоверному Императору нашему Николаю Александровичу здравие и спасение, и душам нашим велию милость.

Кондак (Глас 2)

Волнений множество неблажно преходя, безплотныя враги струями слез твоих погрузил еси, богомудре Евфимие преподобне: тем и чудес дар приял еси: моли непрестанно о всех нас.

Молитва преподобному Евфмию суздальскому чудотворцу

Преподобне, преблаженне Отче наш Евфимие, не забуди нас грешных и недостойных рабов твоих, но поминай нас всегда у Престола Вседержителева во святых своих и благоприятных молитвах, помяни стадо свое еже паставил еси: и непрестай присещати чад своих: аще бо и преставился еси от нас телом, но духом пребываеши с нами. Сохраняй убо и соблюдай нас всегда многомощными твоими молитвами от неприязненных прелестей, от враг видимых и невидимых, от всяких скорбей и напастей. Моли всемилостиваго Бога нашего о Благочестивейшем, Самодержавнейшем Великом Государе нашем Императоре Николае Александровиче всея России, о покровении святыя обители сея, града сего и живущих в них; моли о всех верою и любовию чтущих тя и молящихся тебе. Молися, святый отец угодниче и праведниче Господень, Христу Богу, Спасителю нашему, о прощении и оставлении грехов наших, о избавлена нас от вечнаго осуждения, и да сподобит всех нас препроводити время живота нашего в покаянии, умилении и соблюдении святых его повелений, и сотворит, по велицей милости своей, быти нам небеснаго Своего царствия участниками, со угодившими ему праведниками, во веки веков. Аминь.


Источник: Слова и речи преосвященного Серафима (Чичагова), ныне епископа Кишиневского и Хотинского, произнесенные им в бытность его священником и архимандритом, с приложением составленных им: Летописного очерка Зосимовой пустыни и Жития преподобного Евфимия, Суздальского чудотворца. – Кишинев : Епарх. тип., 1911. – 232 с.; 24.

Комментарии для сайта Cackle